405
قناة الشعائر الحسينيه ادارة القناة الشاعر عقيل حسين الگرعاوي https://t.me/akiellal
قصيده الى (مسلم ابن عقيل)
في طريق الأمام الحسين ع الى كربلاء
وصل اليه خبر استشهاد مسلم ...
بدئت تتضارب الأراء هل سوف يأمر الأمام الحسين ع بالرجوع
هنا سوف يوضح حجم المهمه السماويه
والاصرار على الذهاب الى كربلاء
◾◾◾◾◾
بالطريق ولـن خـبر مُسلِم وصـل
وصلـو لحـسين السـلام وللأهـل
لاتـكَـــمـــل بـالـمـــســيـر
الكـوفـه غِـدرت بالسَفِـير
ياحسين ياحسين
🔸🔸🔸🔸🔸🔸🔸🔸🔸🔸
1
خـبر عـاجـل وصـل تواً عـظـم الله الاجُـر
من على قصر الاماره وسفه مسلم ينشُمُر
ولأبـو الـيـمـه كـتـابـه ارجَــــع ولاتـنـغِــدُر
يحجي مضمون الرسـاله بالمشي لاتستمُر
يقره والدمعه حجت قبل الكلام
وسالت الكلمـات وي دمع الامام
تحجـي عن موقف خطير
الكـوفـه غـدرت بـالسـفـير
ياحسين ياحسين
🔸🔸🔸🔸🔸🔸🔸🔸🔸🔸
2
اجـتمـاع اليوم طارئ عن وضـع جداً رهين
موقف الدين وثباته يحدده اليوم الحسين
حتماً انكمـل المـسـيره بـأمـر رب العـالـمـين
لازم ابـدم الهـواشـم هَـدِم عَـرش الضالمين
واني عازم عـالمسيره الراجلـه
لازم ابـدمـنـه نـحَــني كــربـلـه
وخل يصير شما يصير
الكوفه غدرت بالسفير
ياحسين ياحسين
🔸🔸🔸🔸🔸🔸🔸🔸🔸🔸
3
الغموض الصار حتماً لازم يوضحه بخطاب
عـن غـدر مسلـم يبين شـنهـو سـر الانقـلاب
البايعو مسلم الـوف شبالعجل هـالأنسحاب
بينلهم شنهو سرهـا الناس من تبعت سراب
انغـرو ابدينـار باعـو لـجـلــه دين
واشترو ذِلّه وخِزي طول السنين
شتحجي وي بايع ضمير
الكوفه غــدرت بالسـفـير
ياحسين ياحسين
🔸🔸🔸🔸🔸🔸🔸🔸🔸🔸
4
والتسـائل گـام يحجي كيف نسعى للهلاك
تـقـدم العـباس فـوراً سِـر ونـا قـائـد لـواك
كل يقيني وهذا ديني ربي يرضى لـِرضاك
وحَّـد الكلمه بندائه الكل صرخ نحنُ معاك
لثورتك نرخصها يحسين الدماء
يـلـه أئـمـر بالـمـسـير الـكــربـلاء
تـحـت امـرك يـاامــيـر
الكوفه غدرت بالسفير
ياحسين ياحسين
🔸🔸🔸🔸🔸🔸🔸🔸🔸🔸
5
وسولفلهم عن شواهـد بالحلم شاف النبي
كلـفـه بـهـاي المـهـمـه وگـلـه نفـذ مـطـلـبي
مـايـقـم الـديـن الـه بـسـيـل دم الـطــالـبـي
ويبدي توثيق البطوله بمشي زينب للسبي
المـايتبعـك يعـني لـم يبلـغ فتح
انته صـح وغـيرك ابـداً مـايصح
مـاكـوغـيـرك اي نضـير
الكوفه غـدرت بالسفير
ياحسين ياحسين
🔸🔸🔸🔸🔸🔸🔸🔸🔸🔸
6
توحدت كلمت انصـاره نعم هيهات الرجـوع
سـمـعـاً اوطـاعـه لأمـرك سـيدي لاللخـضـوع
مـانسـاوم عـالعـقـيده وماتخـوفنه الجـمـوع
عدنه والله گلوب جمره لأمرك تكَسِرالضلوع
انته يابوالدنيا دربك بي حـياة
لليموت يعيش من بعد الممات
يـامــلاذ لـكــل فـقــيـر
الكوفه غدرت بالسفير
ياحسين ياحسين
🔸🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
فاطمة العليله ع
تتوسل فاطمة العليله بسحابة في السماء
وتقول لها
🔸🔸
ياسحابة. نزلي مني ادموع عيني اخذيها
ياسحابة. روحـي بيـهـا الكـربله مـطـريها
بلكن اتبرد غـليل. حرم واطفال وعليل
ياسحابة. ياسحابة
🔸🔸🔸🔸🔸🔸🔸🔸🔸
1
ياسـحـابـة اعـلـيه نـزلـي واخـذي مـني
دموعي وعتابي وجروحي وصوت وني
گـلـبي حـار ويحمي بضلـوعـي وجوني
لـو وصـلـتي لـكـربلـه ادمـوعـي هـذني
هالمدامع. رايده اتبرد گلب مسه الضمه
هالمدامع. خـبريهـم من نواضـر فاطمة
الكم توزع سبيل. حرم واطفال وعليل
ياسحابة. ياسحابة
🔸🔸🔸▫️▫️▫️🔸🔸🔸
2
كل احـاسيسي وضـنوني وقـلـة الشوف
توحي عطشانين احسكم برض الطفوف
واني مـاعندي وسـيلة معـاشـره الخوف
توسـلتلي بغـيمـه وابجي وگلبي ملهوف
توسلتها. عـندي احـباب وامـانة هـالدمـع
توسلتها. لووصلتي لكربله شرحي الوضع
گولي مدمعها يسيل حرم وايتام وعليل
ياسحابة ياسحابة
🔸🔸🔸▫️▫️▫️🔸🔸🔸
3
اشـعر الغـرگـني عطفه هسه عطشان
الهاجر وخلاني وحدي ابيت الأحزان
بياوسيله البيها اروي گـلوب الأحنان
فـارشـه امصـلايتي وادعـي يرحـمن
ياالهي ياغياث امن العطش سلم لحبيب
ياالهي دعـوت ابنيه وعـلـيلـه استجيب
مالها غيرك دليل حرم وايتام وعليل
ياسحابة ياسحابة
🔸🔸🔸▫️▫️▫️🔸🔸🔸
4
عندي عمات وخوات واخـوه واعمام
اوالدي ابأحضـانه العـب ونغـفه وانام
ليش هسه بكل طيوفي شابگه اسهام
ولـيش من كـربله اكـتب تطـلـع الشام
يادموعي روحي مرسال وارجعيلي بخبر
يادموعي زغـرت الدنيا وجرح حزني كبر
صيري للتايه دليل حرم وايتام وعليل
ياسحابة ياسحابة
🔸🔸🔸▫️▫️▫️🔸🔸🔸
5
راحــت ورجـعـت الـيه ردت اجـواب
هـاج دمعـاتج واحـملي فگد الأحباب
مـاتـرويهـم دمـوعـج كـفـي الأعـتاب
من بعد حضنج شبگهم حضن التراب
اعذريني من رحت شفت لضمه ميبس لشفات
اعذريني مودموعج البخل نهر الفرات
خان عباس الكفيل حرم وايتام وعليل
ياسحابة ياسحابة
🔸🔸🔸▫️▫️▫️🔸🔸🔸
6
خابت اضنوني اوبعد من ينتخيلي
مـابقـالي كـل وسيله اومـات حيلي
نذبح بعيوني الضوه اومانمته ليلي
هـذا مـرسـال السـحـابه مـنه ويلي
وضحتلي كربله من العطش صارت رماد
وضحتلي المصيبه المرت اتبجي الجماد
اومانفع دمعي اليهيل حرم وايتام وعليل
ياسحابة ياسحابة
🔸🔸🔸▫️▫️▫️🔸🔸🔸
تمت بعون الله
عقيل حسين الگرعاوي
(فاطمه العليله)تستقبل بعالم الرئيه ضيفها الغالي
والدها الامام الحسين ع
➖➖➖
وزن القصيده
المستهل/ تجليبه +مقاصير الفجر
النص/ مقاصير الفجر +نصاري
⚫⚫⚫
(ضيف العليله)
➖➖➖➖➖
هـله بضـيف الطـيوف الـهـاجر الـواقِـع
إسـتِريح ابنُص دِليلي گـلبي الك واسِـع
على احـوال العِـيال اسـألك جَـم سُـؤال
🔸🔹🔸🔹🔸🔹🔸🔹🔸
1
هله بريح الابو هله بحضن الدُفو
وحَـگـك روحـي مَّـلـت گـعـدَت الـبـاب
اريد اسـأل علـه الجِـفوني الكربله
شنو الغيبه الطـويله وشنهي الاسـباب
اسـألك عـالكفـل عَـلـَّيه هـم سـأل
مـن اطـبـاعـه يـتِـفَـگــد كـل الاحـبـاب
اشم طيفَه اليمُر واسولفلـه شكثُر
افز من حلمي واصحه بحضن الغـياب
يضل طيف الهَجُر بضلوعي يجويني
بكوابيس الطفـوف من اهلي يلفـيني
وانه اتوَّسـل تعال اسألك جم سُـؤال
🔸🔹🔸🔹🔸🔹🔸🔹🔸
2
غصن عودي لتوه وعلي ضاگ الهوه
وانــه بـذكــراكــم الـهـج لــيـل ونـهــــار
رقـيه من مشـت الگـلب مني خذت
اثــر بـوســــات مـنـهــا بـقــت تـذكـــــار
وينسمات التجي ادزلـهـــا حــجــي
يـاتـوأم روحــي بـيـج اشـصــار مـاصــار
ولايرجـع جـواب يبويه من العتاب
ونـذر يـومــيـه انــذر لـــوتـجـي اخــبــار
يبويه فَـضّـي خـلگـك تدري مجـروحـه
ونه بسـيف الصَـبُر والفَـرگـه مـذبوحـه
عـگـب ذاك الدَلال اسـألك جـم سُـؤال
🔸🔹🔸🔹🔸🔹🔸🔹🔸
3
بوريدي الدَم جِمَد بخيالي جن مهد
اهـز بي وابجـي وحـدي بعـالم الطيـف
يـعـــبـدالله تــــره بقـيت مـنـاطـره
تجـيني وروحـي افـدي اكرام للضـيـف
ولاكِــنـه الـحـلـــم يراويـنـي سـهـم
يـتـشــابـگ وي رگـبـتـك الـف يـاحـيـف
يبويه احجي لجره تـراني مـنـاطـره
مـطـر غـيمـه حـنانك جـاسـني الصـيـف
احـس گـمت امـن اشـبـگـك بويه تتألـم
عـطـر حـرگ المخـيم بالقـمـيص اشـتـم
يمـفـخـرة الـرجـال اسـألك جـم سُـؤال
🔸🔹🔸🔹🔸🔹🔸🔹🔸
4
عـلـيـه لاتـظُـــم الگـلُب شـابِع هظُم
عـن الـي راح اذكـره انـطـيـنـي رُئـيـاي
شفت عَمي الگُمَر اتجه صوب النهَر
والاطـفـال بـخـيـمـهُـم نـاطِــره الـمــاي
شفت نار بخـيَم وصياح من الحرَم
صرَخَـت عـمـتي العـقـيله راحو احمـاي
ولاصاحب بخَت فِـزَع مـن انـتَـخَـت
بـقـى يـبـاوع عـلـيـهــا الــراح والـجــاي
طلَعت روحي واردها بشَـهگَت اليقضـه
گـبـل لامـوت شـوفَـتـكـم ردت لـحـضـه
گـرَب موتي مُحال اسـألك جـم سُـؤال
🔸🔹🔸🔹🔸🔹🔸🔹🔸
5
يضل طيف الهَجُر يراويني شـكـثُر
وابوي بجـسمه اجـاني سهـام وجـروح
شغت من باوعِت بثيابه الدم شفِت
الأشـد من هـالمـصـيـبه راسـه مـذبـوح
وانه بـلايه وعـي تـلـگـيـتـه بـنـعــي
يـبـو روحــي عــفــت بـنـتـك بــلا روح
سمعت گوه كلام ينطقه امن لسهام
يبت روحـي اسـتعـدي المـوسـم النوح
انه بشوگي وحنيني جيت الج عطشان
البگـه ابـراسـج يبـويـه راحـت الولـيـان
عفـتهـا اعلـه الرِمـال اسألك جـم سُـؤال
🔸🔹🔸🔹🔸🔹🔸🔹🔸
6
صحيت امن لحلم وبقى بعيني رسم
ورحـت لأم البـنـين اوضـهـري مـكـسـور
شفـت مـأتم عـزاء وخـبر مـن كـربلاء
وشـفـت قـاروره يـمـهـــا بـالـدِمـه تـفـور
اجـاهـا بالـطـيوف خـبـر من الطفوف
ذخــر بـيـت الـرســـالـه شــافـت انـحـور
صـريعـه ابكـربلـه ودمـاهـم سـايـلـه
كِـسَـر ضَـهـري الـزَمـان ابعَـشره عـاشـور
يـبـويـه وداعـت الله يـالـخـذت كـلـشـي
احــلـفــك بـالــزجــيـه رد اخـــذ نـعـشـي
الـي شِــد الـرِحــال اسـألـك جـم سُـؤال
هـلـه بضـيف الطـيوف الـهـاجـر الـواقـع
🔸🔹🔸🔹🔸🔹🔸🔹🔸
تمت بعون الله تعالى
عقيل حسين الگرعاوي
گرب شهر المضاهـر والتجاره
تشوف الكل دمع عينه تجـاره
يهـنـيالـه اللذي الزهــره تجـره
أيتوفق يلطم الاعـظم رزيه
عقيل حسين الگرعاوي
واحـد محـرم صـار مطـلع عـزائي
اتمـنـه مـودمـعـات افـدي بدمـائي
واحد محـرم صار مفـتاح الاحـزان
خله الدمع لحسين عالوجنه نيشان
واحـد مـحـرم صـار لـوعـة يتامـه
من خادم ازغيرون عـاشگ امامـه
واحد محـرم صـار نوح اومدامـع
ذكـر الحسين هـواي هيج مواجـع
✍ عقيل حسين الگرعاوي
قصيده[لبيعه الامام علي عليه السلام
في يوم (الغدير)
من كنت مولاه فهذا علي مولاه
🔶🔶🔶🔶
ايه من رب البريه النبي حيدر وصيه
حيدر بيوم الغدير نصبه الباري امير
🌹🌹🌹🌹🌹🌹🌹🌹🌹
1
استبشرت ارض وسماء بهل خبر من جاهه
مـن نـزل جـبـريل گـلــه عـلـي بـعــدك طـه
نـاده بـلــغ يـامـحـمـد وضــح ابـمـعــنـاهـه
ايـه مـن رب السـمــاء ولـلـجـمـيع اقـراهـه
وخـل يعرفون المصير نصبه الباري امـير
🌹🌹🌹🌹🌹🌹🌹🌹🌹
2
النـبـي الايـه قـراهـا عـلـى كـل الـمـسـلـمـين
گـلـهـم الخـالـق بعـثـهـا بـيد جـبـريل الامـين
وفسـر الايه العـضـيمـه على كـل الحـاضرين
گـالهـم من بعـدي يصبح علي امير المؤمنين
امـر مـن ربـي القـدير نصـبـه الـبـاري امـير
🌹🌹🌹🌹🌹🌹🌹🌹🌹
3
بايعـوه وبيـعـه حـصـرا نـازله من الله بـوحـي
بـانـت البسـمه اعله وجهه الـيـحـب حيدرعلي
فـرحه سرت كل فقـير البشرى من زفـهـا النبي
لأن يــدرون الـعــدالــه عـنـده لــوصـار الـولـي
علي كـهـف لكل فقـير نـصـبـه البـاري امـير
🌹🌹🌹🌹🌹🌹🌹🌹🌹
4
والله محتاره القوافي بوصفك شتحجي وتگول
ياعـلي الـســر الـئـلاهـي مـاتـدركـه ابـدا عـقـول
اني والخـالـق نـعـرفـه گـالـهـا بخـطـبه الـرسـول
شـنهو من معـنـى بكلامه الاصل حيدر والاصول
يبـقـى هـالـمـعـنى اسـير نـصـبـه البـاري امـيـر
🌹🌹🌹🌹🌹🌹🌹🌹🌹
5
يافـرحــنه الـشـيـعــه حـصــرا ابـنـزول الأيـه
ثـبـتـت انــه الـعـقـــيـده وفـتـهــمـنه الـغـايـه
مـن الله تـنـصـيب الـولايـه لـحـيـدر موصايه
والحسـن وحسـين بـعـده يـسـتـلـمـهـا الرايـه
وكـربلـه گـعـبـه تـصـير نصـبه البـاري امـيـر
🌹🌹🌹🌹🌹🌹🌹🌹🌹
6
حگـنه من نتفاخـر احـنه والله مابين البشـر
اثـنعـش معـصـوم عدنه وبنهـجـهـم نفـتخـر
من الحسين النور يبدي وينخـتم بالمـنتضـر
غـايب وننطـر قدومه صحرى واتاني المطـر
مـاشـفـت مـثلـه نضـير نصـبه حـيدر امـير
🌹🌹🌹🌹🌹🌹🌹🌹🌹
تمت بعون الله تعالى
عقيل حسين الگرعاوي
السيدة زينب ع
حينما عَزم الامام الحسين ع. بالذهاب الى مكة
ومن ثم الى كربلاء ذهبت الى زوجها
عبدالله ابن جعفر. وهيه متلهفة
لتأخذ منه الإذن بالسفر مع اخوتها كأني بها تقول.
🔸🔸🔸🔸🔸🔸
ابجي اجيت بحرگة. والـدمـوع ابـعـينـي
حسين راح ايسـافر. رخصة اريد انطيني
الواجـب الشـرعي الأمـر بيدك يصير
فـدوة ياعـبـدالله حـددلـي الـمـصـير
🔸🔸🔸🔸🔸
١
يـاابـن عـمـي اجَـتَـك زينـب ابـلايـه شـعـور
لـواضـل ومااسـافر احسبني من اهـل القبور
حسين حضرهاالمحامل وانته اعرف بالأمور
وانه ابقى بلايه اخـوتي مملكة ومابيها سور
روحي صارت بيدك. والـقـرار انـتـضـره
امنيتي كون اتوافق. گـلبي يلهب جمرة
ويه اخوتي الروح مشتهيه المسير
فـدوةياعـبدالله حـددلي الـمـصـير
🔸🔸🔸🔸🔸🔸🔸🔸🔸
٢
يابنت عمي افِهمج بس صعب هذا القرار
راح اوافق بس تراني بعدج اعلن انكسار
ادري هـالثورة عظيمة ولاغبار بهـالمـسار
بس اليفـارگـله زينب عمره ليل ابلا نهـار
ادري بيها اجروحك. ولجلي گمت اتكابر
شحـالي لمن اسمع. ينادي هل من ناصر
ابريلي ذمتي وخلي يرتاح الضمير
فـدوة ياعبدالله حـددلـي المصـير
🔸🔸🔸🔸🔸🔸🔸🔸🔸
٣
رحت اركض صوب اخوتي ومـامكفيني لهوه
شافني حسين وتفاجئ بضحكة وبدمعة سوه
گـلـه ياعـباس اجـتـنـه الـبـعـدك تشـيل اللـوه
فرحو وصارت بواجي بس احس گلبي ارتوه
شفت كل اخـواني. بـالـهـلـه يـحـيـوني
وابوفاضل جـاني. ومسح دمع اعيوني
من وصلتي الضعن گمت اشعر جبير
فـدوة يـاعـبـدالله حـددلـي المـصـير
🔸🔸🔸🔸🔸🔸🔸🔸🔸
٤
من گـعـدنا وابواليـمـه يسـولـفـنـا المـرتسم
وگـال عـبـاس يتكـفـل اخـته ويشـيل العَلم
صَـدالي بأحلى ابتسامه وگال عدعينج نعم
وصـار تـوديع المـدينة بلـيل وبلـوعـة والـم
زرنــه جـدي وامـي. اودعــيـنـا الــديــرة
حسين جر حسراته. ابوجهه اقره الحيرة
يخفي حزنه بگلبه ابوالگلب الجبير
فـدوة يـاعـبدالله حـددلـي المصـير
🔸🔸🔸🔸🔸🔸🔸🔸🔸
٥
من طلعـنا من المدينة اودعينه ام البنين
العـلـيلة من بجـيها گطعت گلب الحسين
يگلها هالسفـرة طويلة وانتي ماتتحملين
اقـتنعـت وكـلـمـة وداعـاً رددتها بالـونين
في امان الباري. تگول صعب افراگكم
بس تضل امنيتي. كون امشي وياكم
راح ابقى وحالي من حال الضرير
فـدوة يـاعبدالله حـددلي المصـير
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
قصيدة لمولد السيدة معصومة اخت الأمام الرضا عليهم السلام
🌹🌹🌹🌹🌹🌹
من ارض الحسين لأرض معصومه
ابعـثلـج تهـاني وفـرحـه ملجومه
كريمة ال هـاشم مولـدج ميمون
لأن مشتاق ازورج روحي مالومه
يـاكـعـبة الـعـفـه ولـهــفـة الـزوار
اليدخـل ضريحـج زالت اهمومه
من زينب ورثتي الموقف المشهود
رغم انف الطغات الحره محشومه
يااخت الرضا وبنت البطل موسى
اسد بغداد ذاك الشايعه اعلومه
تضل رفـة بيارغكم حجر سجـيل
مـاينزل عـلمكم شـايعه اعلومـه
عقيل حسين الگرعاوي
دارميات. لشهاده الامام علي. ع
لسان حال السيده زينب. ع
▪▪▪▪▪▪▪
1
من انطبر بالمحراب بيد ابن ملجم
گام الانس والجان يبجـيله من دم
▪▪▪▪▪▪▪
2
من دم بجينه اليوم يابويه صحنه
رحـت وخـذت ويـاك كـل المـحـنه
▪▪▪▪▪▪▪
3
كل المحنه وياك راحت يحيدر
ومن انضر الايتام گلبي يتكسر
▪▪▪▪▪▪▪
4
ينكـسر گـلبي وصـار يومـيه اعيده
نوحي اعله ابوي الراح ابدن مهيده
▪▪▪▪▪▪▪
5
مـاهــــود امـن الـنـوح لـيـلي ونـهـاري
اعله اليتماني اوراح ضل دمعي جاري
▪▪▪▪▪▪▪
✍عقيل حسين الگرعاوي
الى سيدي ومولاي علي ابن ابي طالب
عــلــيـــه الـســــــــلام
ـــــــــــــــــــــــــــــــــــــــــــــــ
الّي عـارض عــالـولاء هـذا نـاصـب بـالـعـداء
المارضه الـمولى علي يعنـي موصاحـب نبي
ــــــــــــــــــــــــــــــــــــــــــــــ
1
الباري مـن راد الـختام بلغ الـهـادي السـلام
واعلـن بــيــوم الـغـديـر
انعلن يــوم الـــولاء ونَّـزلـت أيـه الـسـمـاء
بـيـنـت انــه الــمـصــيـر
الـنــبـي وضـح كلام مـن رفـع ايـد الامــام
ونـاده بالصـوت الـجـهـير
شنهو عذره اللي يگول ماسمع حجي الرسول
هــالامـــر جـدا خـطـيــر
مـااطــول بالـحجـي يعـني موصـاحـب نبي
ـــــــــــــــــــــــــــــــــــــــــــــــ
2
المارضه بحيـدر امام خارجي بـمـعنـه الكلام
الـبايـع وبـغـضـه دفـيـن
گـالو نـحاز الرسـول جـي لان زوج الــبـتـول
نـصـبـه عـلـل مـسـلـمـين
ظـلـو بـهـذا الـعـنـاد وظـللو بـعـض الـعبـاد
عـن امـيـر الـمـؤمـنـيـن
ولّي جان مخبي ثار كشف عن وجهه الستار
بـعـد سـيـد المـرسـلـيـن
لأسـلم بـضرب العصي يعني موصاحب نبي
ــــــــــــــــــــــــــــــــــــــــــــــــــــــــ
3
الي منـصف مو اجير خل يـحكم بالضـمـير
ويـنـضـر الـمـعـنـه الكـلام
گـال اسـمـعـو امتـي الـكتـاب وعـتــرتـــي
الـيـرفـض يـعـيش بظـلام
لاسلم منـهـم كـتـاب الـعتره جازوهـابـحراب
وحـرگـــو بـيـت الامـــام
الكسـرظلـع البـتـول بـالحـشر لله شـيگول
الـديـنـه قـتـل وانـتـقـام
والحرگ دار الـوصـي يعني مـوصاحب نبي
ــــــــــــــــــــــــــــــــــــــــــــــــــــ
4
زمـره احقـاد اضـهـرت وبألسقـيفـه اجمـعت
بـغـظـن بـأل الــرســـول
ونـكرو اشـوصه النبي بأنـقلاب اعله الوصي
ونـســفــك دم الـبـتـول
تسايلت منه الدموع بعينه من شاف الظلوع
مكـسـره ودمـهـا سـيـول
عاشـرالغربه سنيـن عله البتول وضل حزين
وفـرگـتـج صـعـبـه يـگـول
العافك وضل ناصبي يعنـي مـوصاحب نـبي
ـــــــــــــــــــــــــــــــــــــــــــــــــــــــــــــــــــ
5
حاربـوك بكـل جـهـود تـفـاجئو مـنـك ردود
تـنـصـح الـي يـعـادي بـيـك
مـانـفــع بـيـهــم كلام اصـفحو عـن الـسلام
والـحـرب عـلـنـو عـلـيـك
دسـو اعليك الطـغات وانته تسجد بالـصلاة
ابـن مـلـجـم يـعـتـنـيـك
يضربـك عالهـامه حيل والـدمه مـنك يسيل
بـالـغـدر يـنـدس عـلـيـك
الحرضه هـذا اجنـبي يعني موصاحب نـبي
ــــــــــــــــــــــــــــــــــــــــــــــــــــــــــــــــــــــــــ
تـمـت بـعـون الله تـعـالـى
عـقـيـل حـســيـن الـگــرعــاوي
قصيده للإمام علي عليه السلام
ناعي المصيبه بشر ابن حذلم حينما نعى
الحسين ع فجعت ام البنين ع
ولاكن هذا الحدث مشابه له مرت به سابقاً
مولاتناام البنين ع حينما طبرابن ملجم
لعنة الله عليه الإمام علي ع
وهيه في المدينه ايضاً جاء مرسال ينقل الحدث
وفجعت ام البنين ع بالخبر
(ناعي المصيبه)
خبر طب المدينه طبرو هامت علينه
صـرَخَـت ام البنين
ياحَبيبي هَسه وين
علي علي
🔸🔸🔸◽◽◽🔸🔸🔸
1
عُـبُـر بـَث الـگـلُب گـامـت تـنـادي
علي ياباالحسن شنهو الّي سادي
عـن احـوالك دطمني يبو حسين
خَبر جـاني اطبرك سيف المُرادي
جاوب ياضُخُر بنت البَدو
جاوب يـاابـو لـيـه واخــو
يبو الگـلـب الحنين
ياحبيبي هسه وين
علي علي
🔸🔸🔸◽◽◽🔸🔸🔸
2
عُـبُـر بـث الـگـلب جاوبها ابوحسين
ســلامـي يـالـحـبـيـبـه يــم الـبـنـيـن
كـلـف جـرحـي اوداعـي بهـاي الأيام
ويضل شوگي ولهفتي تشوفچ العين
شوگي لمسحة ايدج عالجرِح
شوگي والله الــچ مـاينشــرِح
اعرف امنيتچ تجين
ياحبـيبي هـسه وين
علي علي
🔸🔸🔸◽◽◽🔸🔸🔸
3
علي شـلـون الـعُـمُـر يـرهـم بـلـيـاك
انه اولـدي اربعـتهـم كـلـنـه نـفـداك
يـقـــرأن الـســمــه لــتـيـتـم الأيـات
شحـلات الموته لوصارت انه ويـاك
الناعي مـن نـعــه وبـصــوتـه ون
الناعي ضلوعي من صـاح التون
راح اموت من الونين
ياحبـيبي هـسـه وين
علي علي
🔸🔸🔸◽◽◽🔸🔸🔸
4
الـچ شـوگ ابـدلـيلـي يلـتـهـب نـار
واعرفچ گـلبچ اكثر من دره الصـار
تـمـنـيـت الـجــرح بـيـدچ تـشـديـه
تجـين الـلـيلـه يـمـي اغـلى خـطـار
امنيتي شوفتچ چاجرحي طاب
امنيتي ويـه زيـنـب بـالـمـصـاب
مـحـد لهمـهـا يعـين
ياحبيبي هسه وين
علي علي
🔸🔸🔸◽◽◽🔸🔸🔸
5
يمـن هـنيالي كـون اللـيله اشـوفـك
وحـقــك لـلـصـبـح ابـقـى اطــوفـك
يـقـبـلـة روحـي يالـوجـهـك عـبـاده
يتيمـه ورايـده مـسـحـة چـفـوفـك
مروتك انته كـل ناسي وهلـي
مروتك لاتــســــافـــر يـاعـلـي
التفت يسره ويمين
ياحبيبي هسـه وين
علي علي
🔸🔸🔸◽◽◽🔸🔸🔸
6
السفر محتوم اودعج عُبرالإحساس
اخَـبـرچ عـن وصـيـتي بأخـر انفـاس
جـمـعـت ولـدي واخـتهـم سـلـمـتهـا
خــدر زيـنـب امــــانـه بـيـد عـبـاس
كـافـل والنعـم دگـلـي الصَـدُر
كـافـل بكـربـلـه ضعـن الخـدُر
فدوه كافي ترددين
ياحبيبي هسه وين
علي علي
🔸🔸🔸◽◽◽🔸🔸🔸
تمت بعون الله تعالى
عقيل حسين الگرعاوي
تقول السيدة زينب ع
لأبيها قبل استشهاده
اذا لاسـامـح الله تـروح لـمـنه
وبالطـف مـايضل كفـال لـمـنه
سبايه وبالوكـت موبيك لـمـنه
ننطر فزعتك حامي الحميه
يجاوبهاالإمام علي ع
علي مـودنيا يبـنـيتي علي دين
اجيج ابليلة الوحشـة علي دين
احرسج وانصب المأتم عليدين
الطاحن من كفيلج عالوطيه
عقيل حسين الگرعاوي
قصيده للأمام علي. عليه السلام
زينب ع تنعى والدها وتشرح الم الفراق
ساعد الله قلبكي سيدتي ياام المصائب
▪▪▪▪▪▪▪▪▪▪
(وزن المجرشه)
مذبوحه كـلمه بشـفـتي. بـويه
بالحسره انادي ودمعتي. بـويه
ابجي وانوح ابابك. يابويه كلف امصابك
ويلاه يبويه. ويلاه يبويه
▪▪▪▪▪▪▪▪▪▪▪
1
الـگـلـب بـعــدك يـالأبـو. مـنجـل فراگـك حشه
وكل فرح بعـدك مـاترك. مـاي بصـحـاري رشـه
ابفرگـاك ضهـري منحني. والشـيب راسي غشه
جنازه احس بيه مشـت. عـدل ويعـاين نعـشه
هـيـج اني حالي ابفرگتك. صـاير
مهضـوم گـلبي من الـلذي. صـاير
شلون النذل ماهابك. يابويه كلف امصابك
ويلاه يبويه. ويلاه يبويه
▪▪▪▪▪▪▪▪▪▪▪▪
2
مـن يوم عـني سـافـرت. ابگلبي حسره وضيجـه
مشـتاگـه اشـمن ريحـته. اشلون المنـيه اتعـيجـه
الجـان بحـنـانك مـرتوي. اليــوم نـاشـــف ريـجـه
شمايغفه جفني من الألم. نـوح اليـتـامـه يـهـيجـه
مـعـلوم هـذا يـسـتـمـر. نوحي
بعدك يضل طول العمر. نوحي
شيحمله جرح غيابك. يابويه كـلف مصـابك
ويلاه يبويه. ويلاه يبويه
▪▪▪▪▪▪▪▪▪▪▪▪
3
بانـت مـراسـيم الـحـزن. بـوجـوه كـل احـبـابـك
ومحـرابك ينـوح الفجـر. مسـتاحـش من غـيابك
والكـوفه امست مضلمه. بـيـوم الـمـرادي صـابك
اتـيــتــم الــديـن ويــون. مـن يـتـمـت مـحـرابـك
بالـونه بعـدك والقهـر. حـالي
ينكسر گلبه الي نضر. حـالي
صوبني حين الصابك. يابويه كـلف مصـابك
ويلاه يبويه. ويلاه يبويه
▪▪▪▪▪▪▪▪▪▪▪▪
4
مـابين دمعـات وحـزن. والـگــلـب نـاره تـلـهــب
مـابين ضـلـمـة دنـيتي. حـســيـت نــور تـگــرب
صـديت اعـاين للضـوه. ام عباس اجـتني تنحب
بسـج ييـمـه هـالـبجـي. ابــــروح امـــــج زيـنـب
ولدي اربعـه واني الج. فدوه
بس لااشوفن دمـعتج. فدوه
تبـجـي دم احـبابك. يابويه كلف امصـابك
ويلاه يبويه. ويلاه يبويه
▪▪▪▪▪▪▪▪▪▪▪▪
5
ابجـي ونمت جتني مره. بالـحـلـم كـالـت امـج
كـافـي البواجي والدمـع. هـوني يبـنـتي هـمـج
بـاجـر يـيـمـه بـكــربـلـه. تـسـتـعـر نـار خـيـمـج
لمصـرع اخـوتج عالـنهـر. ضـمــي يـزينـب ونـج
بالسبي حاديج الشمر. باجـر
اوصيج زينب بالصبر. باجـر
فـزيت اشـم بثيابك. يابويه كلف مصـابك
ويلاه يبويه. ويلاه يبويه
▪▪▪▪▪▪▪▪▪▪▪▪
تمت بعون الله تعالى
عقيل حسـين الگـرعـاوي
قصيدة للإمام علي ع
زينب ع تناشد في المحراب
🔸🔸🔸
بگلبي نار مصابك
وأسـأل بمحـرابك
احجـي الجـريمـه الشاهدتها ابابك
إكشف أسرار سولف الصار
🔸🔸🔸◽◽◽🔸🔸🔸
1
زينب صـفـت بس للدمع
جـاوبني راح انـه استمع
شنهو الذنب منه الحصل
حـاجـيني خلـيني اقـتنع
القلـع باب الضلالـه بابه محروگ
شنـوجـرم الجـنايه يهل الحگوگ
دوضحلي القضيه وشنهوالأسباب
يالشـاهد ذبحني لوالدي الشـوگ
تصدلــه طـبـر خـيـر الـعـمـل
بغـيـابـه انذبح خيط الأمـل
ويـتـامـه اصبحت شيعة علي
دجــاوب يشـاهـد عالحـصـل
مــاتـســر اخــبـاري
الليله موحش داري
بدمع المصيبه سافرت افكاري
والگلب نار سولف الصار
🔸🔸🔸◽◽◽🔸🔸🔸
2
تمنيت ابن ملجم يطُب
ويلاگي حيدر بالحـرُب
جـان بـخـزرته يوگـعـه
امثاله مومـالت ضـرُب
لجن شبه الرجال بغدره موصوف
المـايـوم بحـيـاتـه لاگـه السـيوف
طـبــع غــدار عـنـوانـه الـخــيـانـه
اسـياده الخـوارج اصلـه معـروف
يبغـضون وضغـائن بالگـلـُب
بحقدهـم اعلنو ضده الحرُب
يمحـراب انكسر ضهر العدل
ومصايب بده دهـري يصُـب
الدنيا بعـد عـيـونك
ضلمـه بويه بدونك
تذبل بعدهم اعزاز من يجفونك
وتبقى محتار سولف الصار
🔸🔸🔸◽◽◽🔸🔸🔸
3
يالشاهـد بخيط الفجـُر
تـنضـرلـه حيدر ينـطـبُر
مـاهـز كـيانك وفـزعـت
وانته وعلي عشرة عمُر
ابـد ماعـرضـت اگـبـالـك صـلاته
وحصل موقف تدافع عـن حياته
ولـو حيهم صحت ياناس افزعو
ضـمـيرك ماخجـل سـاعـة وفـاته
مواقـف كسـرت ضهـر الزمـَن
اشـاهـد وضلوعي الها انحنَن
اكـــابــر واضــم نـار الـگـلــب
ويجيني سـهـم اهــل الـفــتـَن
ويـنـبـت ابـدلالـي
بفگـد ابوي الغالي
كبرت جروحي وزغَـرَت امـالـي
ودمعي مدرار سولف الصار
🔸🔸🔸◽◽◽🔸🔸🔸
4
بـعـتـابـك ايـطـول الحچي
وانته اعله حـيلـك مرتچي
شـتـتـعــذر الـمــنـبـر عـلـي
مـيـكـفــر اذنــوبــك بـچـي
بـقـت ايـتـام مـن بـعـده تـنـادي
انذبحـنه ياعلي بسيف المـرادي
وصفـت ديرة حـزن كوفة علينه
وعلى اعزاز الگلب لايگ سوادي
اليروحون يـتـركـون الألـــــم
برحـيـلـك ركن صبري انهدم
شيجـبره الـمــفـــارگ وطــن
بالـضـلوع الـك غـافـي سـهـم
وشيطيب اجروحه
البيده دافن روحـه
والله يبـويه بفرگتك مذبوحـه
بسيف الأشرار سولف الصار
🔸🔸🔸◽◽◽🔸🔸🔸
5
الـلـيلـه خـطـار السـمـه
يفطـر علي وي فـاطمه
وانه ابقى عطشانه الك
افـطـر ويـاك مـعـلـمــه
يبـويه العـيد گَّـرَب وانـته غـايب
وانه اتلگاه بواچـي اعله الحبايب
صفت عيني اتسامر ويه الطيوف
وحفظت من الزغر طور المصايب
بعدكـم ولاحــــال الـيـســُر
اليتيمه جرحتني من الزغُر
وعليهـا تـعــودت الأســـــم
الغريبه لـقـب تـالـي العـمـُر
اعتابي طال وليلي
نوحي هَـدَم حيلي
باالله يمحراب ليش ماتحچيلي
وعندك اخبار سولف الصار
🔸🔸🔸◽◽◽🔸🔸🔸
تمت بعون الله تعالى
عقيل حسين الگرعاوي
قصيدة لمولد الإمام الحجة عجل الله فرجه
🌹🌹🌹🌹🌹
گـري عـينج نرجـس بهذا الوليد
من انولـد ضـوه الضـلام بـنـوره
نشئ وشـتـد وتـسـلـح بـالـعلـوم
ومـن بعـد عـين الأبـو حـل دوره
گام يقره العسكري الهادي الجواد
تـصـفـح الـتـأريخ كـلــــه مـروره
لمشهد شوده الرضا وللغربه راح
الكاظم اشـلـون انـفـه بطـامـوره
الصادق الباقر گـضو بالسـم غدر
بكـل زمان الطـاغي بيهم جـوره
وصـل للسجـاد والـدمـعـه انزلـت
ويقـره موسـوعة جهاده اسطوره
بس وره السجاد شاف اكبر كتاب
لجـده الحسين ومـصـاب خـدوره
يقـره بالعـنوان(معـركـة الطفـوف)
بـيـهـــا ايـات وســـور مـنـحـوره
كـل اشـارات الضلامه بهـالكتاب
وبي معـانات وعـطش مـذكـوره
بي شجاعة كافل وجود وجفوف
خلـه روس اعله النـهـر مشـموره
وخاتمة هاي الحرب ذبح الحسين
الـبـالـمـديـنـه يـنـاطـر الـقـــاروره
معركه وبيها انتصر دم اعله سيف
ونـســبـت زيـنـب رغـم مـجـبـوره
حسين يدري ام الخدر تلزم گفاه
عنـده تـرسـانـة حـرب مـذخـوره
راحـت وللشـام سـوت ثـوره بي
وخطبه بالمجلس بقت مشهوره
كمله بسن الطفوله وشعره شاب
وراح يـم قـبـر الحـسين يـزوره
گـلـه ياجـدي عهـد اتبع خطـاك
وروحـي الثـارك تضـل منـذوره
🔸🔸🔸🔸
عقيل حسين الگرعاوي
صوت الخدام المخلصين
🔸🔸🔸🔸
هيهات من الذله يصيح صوت الخِدام
بخـدمتك نتعلـه يصيح صوت الخِدام
ياهله بشهر المحـرم والدمـع
🔸🔸🔸🔸🔸🔸🔸🔸
1
الخادم التشوفه وبجفوفه يخسف صدره
يحضر المجـالس جَـَّنه عـابس فَـَّده عمره
ولـوحـضـر عـزيه عـالـرزيه گـلـبـه جـمـره
كـل يقينه وهـذا دينه روحـه لأبن الزهـره
وبـعـهــدنـا بـاقـيـن يصيح صوت الخِدام
موتنا بدرب حسين يصيح صوت الخِدام
صـوتنه بكـل المـنابر ينسمـع
🔸🔸🔸🔸🔸🔸🔸🔸
2
تـايه وجـبـتني وحضـنـتـنـي جـنت ابـلا راي
انـتـه عـلـمـتـنـي وفـهــمـتـنـي طـبـع الـوفـاي
الـغـيره عـنـده مـايـرده الـف فـارس لـوجــاي
البيده جـربه ومايشـربه شمر من ايده المـاي
بهـالرسـاله مـقياس يصيح صوت الخِـدام
من جناب العـباس يصيح صوت الخِـدام
على نهجـه وبمحبته ننجـمـع
🔸🔸🔸🔸🔸🔸🔸🔸
3
الضحه ولده وكلشي عنده شنهومقصوده وليش
رادنـه بخـيـمـة حـنـانـه وبـأمـانه احـنـه انطـيش
الـقَــدَّم الـغــوالـي مــايـبـالـي تـعــداد الـجــيـش
ثـبـت الـعـقـيـده والـيـريـده سـلـطــان ايـعـيـش
خـيرك امغطي الكون يصيح صوت الخِدام
بحـبـك انـه مـجـنـون يصيح صوت الخِدام
نذوب بِمحَبتك مثل طبع الشمع
🔸🔸🔸🔸🔸🔸🔸🔸
4
الخدمه سرها وكل امرها حسن نيه مريود
طـبـع كـافـل مـايجـامـل قـدم بحـبه ازنـود
انطه اِدينَه لجل دِينه وخاطر اعيون الجود
يوفي وعده ويبقى عـهده للأمـام المـوعـود
الينقذ الأمه من الجور يصيح صوت الخِدام
ســر الاهــي مـذخـــور يصيح صوت الخِدام
نـنـتـضر نـوره علـى الأُمـه يـشِـع
🔸🔸🔸🔸🔸🔸🔸🔸
5
التبجي عينه على حسينه هذا فعلا محضوض
البـس مضـاهـر بالشـعـائر هـذا خـادم مرفوض
كـون گـلـبـه ويـه دربـه نـهـج واحــد مـفـروض
للـي فَّـده كلشي عنده لأجلي صـدره مرضوض
انوحد الكلمـه بهـاي يصيح صوت الخدام
احسين للدنيا الماي يصيح صوت الخدام
عـن خـدمـتـك مـاازل وامـتـنـع
ياهـلـه بشـهـر المحـرم والدمـع
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعـاوي
قصيدة لفاطمة العليله روحي فداها
فاطمة العليله تسأل ام البنين ع
🔸🔸🔸
هسه وين. ضعن الأحباب المشو
هسه وين. وبـرُكُــــبـهـم نـوخــو
احجيلي ياام البنين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
العليله
1
اشـتـيـاق الـبـالـگـلـب خـلـف حـراره
روحي وجـت خل يجي يطفيها ناره
امـنـيـتي ياام البـنـيـن اعـرف قـراره
يرجـعـلـنه لـويضـل شـنـهو اخـتـياره
ادري بي. والدي تأخره الضروف
ادري بي. بصحره ورده مايعوف
تعطش اشواگ وحنين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
ام البنين
2
كفـي دمعـج يالعـلـيله شـوگـي يلهَب
بالمـنام بـطيفي شـفـته بكـربلـه طَب
وزينـب اديـر بنضـرهـا والـدمـع صَب
الساتر الله من الحلم شوضهري حدَب
گمت اشوف. سيوف وارماح ونبل
گمت اشوف. عـالخـدر ملتف حبل
والأطفال مگيدين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
العليله
3
ليش تمـشي والمنايه اعـليكـم ادور
وانته نجمات وكواكب ضعنك اينور
قـابض الروح بقدومه شهـر عـاشور
من شفت منضرهلاله ضهره مكسور
گلبي نار. من شفت حمـرة السمه
گلبي نار. من امطرت مو مي دمه
وكلشي بالعالم حزين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
ام البنين
4
كل اشـارات الهجر توحي بسفـرته
من الضلام الخـانگ الروح بعتمـته
من التسـألـه ومايجـاوب لـوسـألته
هـوه اليفـارگ جمالك شنهـو ضلـته
حسرة تبقى. مـنـها دلالـي انـطـعـن
حسرة تبقى. مامشيت ويه الضعـن
وعالهجر الله المعين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
العليله
5
والله ماتكفي السوالف والعـتب فات
بـس رسـالـه لـوتـصـلـك بـيـهـا ابيات
انعى بيهن عالعفـتها تعيش مـأسـات
ولـيـش قـرأنـك عـزلـهــا مـن الأيـات
بلايه روح. مختصر نص الكتاب
بلايه روح. تنتضر مـنك جـواب
مروتك اليوم بسنين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
ام البنين
6
يلّـي حمـلـت الضعـون بليلة ضلمه
بروحي وبروح العليله اتركت ثلمه
فـدوه الك اربع بـنـيـنـي والله يمه
ريتي مشـتاگه النسيمك ولـو شمه
شلون اعيش. وانته لعيوني ضوه
شلون اعيش. وانته نسمات الهوه
لاحياة ابلاحسين. گلبي ذاب من الونين
هسه. وين. هسه وين
🔸🔸🔸◽◽◽🔸🔸🔸
تمت بعون الله تعالى
عقيل حسين الگرعاوي
(دموع العـليله)
الى سيدتي فاطمه (الـعـليلـه)عليها السلام
(وزن الحدي التام )
🔸▪🔸▪🔸
دمعي يظل يجـري نهـر
شوگي الك صحره لمطر
گـد مابجيت بغيبتك. ذبلت عـيوني من السهـر
بـابـه بـابـه بـابـه بـابـه
🔸▪🔸▪🔸▪🔸▪🔸▪🔸
1
اول معاناتي ابتدت. خلت دموعي تصب دمه
من انضر الظعن الاهل. هـالمسـتعد للـمـوزمـه
من والدي جـاني الخبر. تبقى العليله فـاطـمـه
هـنا اول اسهـام الدهـر. اتوجـهـت من كـربلـه
وصحت ابدمع ياوالدي
تتركـني لـيش الوحـدي
وانـي العـزيزه ابـنـيـتك. فراگك صعب ياسيدي
بـابـه بـابـه بـابـه بـابـه
🔸▪🔸▪🔸▪🔸▪🔸▪🔸
2
اه الوداع شگـد صعب. من ودعت كل اخـوتي
ومنضر اخـياتي رسـم. نهر الهجـر من دمـعتي
ودعت الاطفال واجت. رقـيه تـون وي عـمـتي
گالتلي عمتي اتوادعن. وزادت عـلـيـه عـلـتـي
گــلـبـي عــلـم مــانـنـجـمـع
سكتنه ودمع يحجي لدمع
لمن سره ضعن الاهل. ضلمه ورحل منها الشمع
بـابـه بـابـه بـابـه بـابـه
🔸▪🔸▪🔸▪🔸▪🔸▪🔸
3
من المـعـانات اصـبحت. لاعــايـشــه ولامـيـتـه
مـن والـدي عـندي أمـل. يرجـع خـبـر لـبـنـيـتـه
يطمني عن حال الاهل. شنهو الخبر عن سفرته
بنتك صفت حتى الهوه. هـم تنجـرح لوشـهگته
بويه الهوه المابي عطر
مـنك احـس جـنه جـمر
ادركـنـي بـويـه مـروتك. ماضل بعد عندي صبر
بـابـه بـابـه بـابـه بـابـه
🔸▪🔸▪🔸▪🔸▪🔸▪🔸
4
حتى الحلم بعد الاهل. كـل لـيلـه جـايبلي خبر
لـيلـه يراويني الخـيم. ليله اشـوف ابشـع صور
من الحلم اصحه وافز. تبـدي مـعـانـات السـهـر
خوف ورعب گلبي انمله. وين التفت كلها خطر
راح الـدلال ابـغـيـبـتـك
ادركـني بـويه مـروتـك
كل ساعه بسهام الهجر. مذبوحه بويه ابنيتك
بـابـه بـابـه بـابـه بـابـه
🔸▪🔸▪🔸▪🔸▪🔸▪🔸
5
جن ورده محتاجه المطر. ذابل غصنها وملتوي
ولـواشـرب ابحور الارض. بـعـدك ابـد مـاارتـوي
يالي اكسرت غصن الورد. ماضن بعديرجع قوي
يالطـاوي فكـره رجـعـتك. نار الهجر بيها انجوي
اخـــر ســلامــي لـلأهــــــل
ليش هيجي كل هذاالحصل
محـرومــه اظـل ابـغـربـتي. مثلي بشر محد حمل
بـابـه بـابـه بـابـه بـابـه
🔸▪🔸▪🔸▪🔸▪🔸🔸▪🔸
تمت بعون الله تعالى
عقيل حسين الگـرعـاوي
رفعـوالرايه وبات بگـلـيبي همـه
وللمهدي ضل مذخور ثار الائمـه
رفعـو الرايه وصار للحزن نيشـان
گلب الموالي اليوم غارگ بالحزان
المقصر الخادم عقيل حسين الگرعاوي
قصيده لبيعه الامام علي. ع. في يوم الغدير
(من كنت مولاه فهذا علي مولاه)
(وزن المنسجم)
🌺🌺🌺🌺🌺
حب علي من الله فرض. خارجي اللي يعترض
بـأمـر مـن رب الـسـمــاء. انـعـلـن يـوم الـولاء
🌺🌺🌺🌺🌺🌺🌺🌺🌺
1
ياحـجــه الله الأيــدك. فـي مـحـكـم الايـه
بـعـد النـبـوه تـسـتلـم. حـيـدر علي الـرايـه
واليـوم كـلهـا تبايعـك. سـبحـانه الـه غـايـه
يدريك گـدهـا بالـفـعـل. يالـگـد الـحـجـايـه
يـاوريـث الانـبـيـاء. انـعـلـن يـوم الـولاء
🌺🌺🌺🌺🌺🌺🌺🌺🌺
2
نص اية الله الـمـنزلـه. مـن العـلـي لحـيدر
انته امـيـر اعـلـه الـمـله. ونورك بـده يكـبر
احـبابك الليله اصبحـت. اعله البشر تفخـر
اشمـا نشـم ريح البغض. ريحك يضل عنبر
ونفدي حبك بالدمـاء. انعـلـن يـوم الـولاء
🌺🌺🌺🌺🌺🌺🌺🌺🌺
3
بشرياني تمشي محبتك. ومخالطه ويه الدم
ياورده من جـنـه عـدن. هـنـيـاله من يشـتـم
الــي نـكــرهـــا مـحــبـتـك. بـالاخـره يــنـدم
والـي يوالـيـك ابفـخـر. من كـلـشي مـايهـتـم
لـلـولايـه احـنـه فـداء. انـعـلـن يـوم الـولاء
🌺🌺🌺🌺🌺🌺🌺🌺🌺
4
ياعـلي صارت بـيـعــتك. هيه اكـبـر الاعـيـاد
يوم الغـديـريه صـبـح. عـيدك يـبـو الامـجـاد
ونـجـدد الـبـيـعـه الـك. بـيـك الـفـرح يـنـعـاد
ونتعـايد ونحجـي ابفـخـر. ونــقــــدم الاوراد
ونـصـرخ بهـذا النـداء. انـعـلـن يـوم الـولاء
🌺🌺🌺🌺🌺🌺🌺🌺🌺
5
ياحبك الساكن وسط. گـلبي ويجـس نبضـه
يالـبـيك تمم لـلخـلـگ. سـبحـانه بي فـرضـه
والي نكـرهـا بيعـتك. خل يبقـى في بغـضـه
يالاسمك بساگ العـرش. والحجه في ارضـه
عـلـي يـابـاب الرجـاء. انعـلـن يـوم الـولاء
🌺🌺🌺🌺🌺🌺🌺🌺🌺
6
امحـبتك صـارت وصـل. ويه السـمـه تمتـد
الـبـايـعـك ديـنـه كـمــل. والـيـنـكـرك مـرتـد
هـنيالـه الينول الشـرف. من شـيعـتك ينعـد
وبيـاعلي لـسـانـه لـهـج. والـبـيـعــتـك جـدد
يـاولــــي الاولــيـــاء. انـعـلـن يـوم الـولاء
🌺🌺🌺🌺🌺🌺🌺🌺🌺
تمت بعون الله تعالى
عقـيل حسـين الگـرعـاوي
بعدما انتها المسلمون من حجة الوداع
جاء الأمر الإلهي للنبي الأكرم ص
🔸🔸🔸
انتها حج الوداع وهامت الناس
اتـودع الـنـبـي بـالـحـج الأكــبـر
نـاده بـعالـي صـوتـه ساعة انذار
نـبـي الـرحـمـة عـالحـجـاج اشـر
وگـفـوهـا القـوافـل هسه جبريل
نـزلـي بـأيه مـنـهـا الجـلـد قشعر
???
بسم الله الرحمـن الرحيـم
۞ يَٰٓأَيُّهَا ٱلرَّسُولُ بَلِّغۡ مَآ أُنزِلَ إِلَيۡكَ مِن رَّبِّكَۖ وَإِن لَّمۡ تَفۡعَلۡ فَمَا بَلَّغۡتَ رِسَالَتَهُۥۚ وَٱللَّهُ يَعۡصِمُكَ مِنَ ٱلنَّاسِۗ إِنَّ ٱللَّهَ لَا يَهۡدِي ٱلۡقَوۡمَ ٱلۡكَٰفِرِينَ .
صدق الله العلي العظيم
ناده عله الصحابة بعالي الصوت
من اقـتاب الأبـل شيدولي منبر
رفع يمنة علي وبانت بياضين
ابـطـيـهـم وبالـحـجـاج اجـهـر
مــــن كـنـت انـا مـولاه فـهـذا
علي مولاه ابوالحسنين حيدر
لزمهم سره لخيمة ابوحسين
وگـلـلـهـم الله اختاره الأجدر
المـيوالي علي مـايـعـبـد الله
المـاحط ايده بـيده هـذا ابتر
وگـفـو بـايعـو مـخـتلـف نيات
منهم صافي نيته واكولمضطر
اكــو بـخــن لـك يـاعلي يـهـنـي
وهوه بگلبه غيض وحاشه يطهر
واكـو بـايَـع وبـايِـع كلشي للدين
وحب حيدر علي بأحشائه يفتر
علي لـو مـاعلي مـاقـام الإسـلام
بـسـيـفـه وتـضـحـيـاته الدين نَوَّر
الباري اختصه في هذي الكرامات
وخـلـه بـنـوره هــالأكـوان تـزهــر
مـنـهــا وبـانـت الحـيـدر عـداوات
وحـقـد بـگـلـوبـهـم عـالعـتره يكبر
گالو جي قرابه وصهره ابوحسين
وتـحــايـز نـبـيـنـه بـهــــاي قـصـر
فــتـره مــــن الـزمـن ونـتـقـل لله
هـاديـنـا وحـديث الـبـيـعـه اُنـكـر
وعـقـدو بالسـقـيفه مـؤتـمـر هـام
انتخـابات الخـلافـه هـالجمع قرر
بده التضليل والتحريف والسيف
والـمـاقـابـل اعـلـه البـيـعـه يُجـبَر
اغتصبوهـا الخـلافه وباعو الدين
كـل ضـنـهـم عـلـي الـكـرار يُـدثـر
متـوهـمـين مـنـجـم لـو الـف عام
نـطـلـع والـكـنـوز تـصـيـر جـوهـر
ونـلـتـم بـالـغـديـر انـردد الصـوت
بـايـعـــنـه عـلـي الـكــــرار حـيـدر
عقيل حسين الگرعاوي
قصيده. للأمـام محمد الجـواد. ع
ليلة أحزان ودمـع. المـهـدي بيهـا منفجع
هالمسيه. هالميسه
🔸🔸🔸🔸🔸🔸🔸🔸🔸🔸🔸
1
اليوم أرض الكـاضـمـية عـلـنت الليله الحداد
عالجـواد أمست حزينه ولبست اعليه السواد
وقـامـت الليله عـزيه تبجـي دم اعلـه الجـواد
وجني أشـوف اني الزجـيه گاعده اباب المراد
تبجي وتون عالمصاب. تنادي اه اعله الشباب
هـالمـسـيه. هـالمـسـيه
🔸🔸🔸🔸🔸🔸🔸🔸🔸🔸🔸
2
شي اكيد المهدي حاضر شـارك بهذا العـزاء
ويگـعد يواسي الزجيه ومايكـف من البكـاء
ويذكر حسين وغربته الضل وحـيد بكربلاء
ولو ذكر سبي العـقـيله تنزل ادمـوعـه دمـاء
يمشي مكسور الضهـر. وتجري دمعاته نهر
هـالمـسيه. هـالمـسيه
🔸🔸🔸🔸🔸🔸🔸🔸🔸🔸🔸
3
سـاعـد الله يابوصـالـح گـلبك بهـذا المصـاب
تذكـر القاسم والأكـبر وتجر ونه اعله الشباب
ادري وي عبدالله شـوغـه عـنـدك اويه الـرباب
شلون اجه مذبوج ابنها والحـلم اصبح سراب
مـملي گـلبك بالجـروح. وبالعـزه تون وتنوح
هـالمـسيه. هـالمـسيه
🔸🔸🔸🔸🔸🔸🔸🔸🔸🔸🔸
4
ياجـرح هـدم كـيانك خـلـه دمـعـاتك تسيل
شي اكيد امن العقيله صعدت ابنوگ الهزيل
تصورتها الناكه عرجه بزينب الهـودج يمـيل
وانته تلطـم عـالجواد اتذكـرت قصة العليل
گـام بدمـوع النضـر. يبجـي دم المـنـتضـر
هـالمـسيه. هـالمـسيه
🔸🔸🔸🔸🔸🔸🔸🔸🔸🔸🔸
5
احس نبره تقـره بيـهـا لحـن مـن ارض الطفوف
من جبت طاري لشجاعه سولفت قصة لجفوف
مـن رمن ماي الشـريعـه والنهـر عـاف الجـروف
وتالي تخـتمـهـا ابواجـي تذكـر سـهـام وسيوف
اجـمـعـت صـوب النـهـر. حـتى تـغـدر بالگـمـر
هـالمـسيه. هـالمـسيه
🔸🔸🔸🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگـرعـاوي
ابيات للأمام علي. ع
▪▪▪▪
علي يمـرضـع الـدنـيـه أمـان وحـق
بوكت جانت جنود الخوف منتشره
انـصـفـت الـفـقـير بـدولـتك مـولاي
وخـلـيت الـغـني يتـحـسـد الـفـقـره
تتفـقـد رعـيتك سـيدي ابنـص لـيـل
وتـفـرش لـليتـيم جـفـوفـك السفـره
بدون اعـلام تمـشـي ولاحرس وياك
تجـيهـم بالـترافه ومـهـجه منكسـره
فـريد ابطـبعـك وحكـمك يبو الايتام
مــاهـمـك مـنــاصـب لاردت شـهــره
لـــذالـك حـــاربــوك وقــررو غــدرك
وفـجـعـونه بـغـدرهـم ياابـو الـعـتره
▪▪▪▪▪▪▪
✍ عقيل حسين الگـرعـاوي
(من لليتامى بعدك يااااعلي)
يتيم ابمجلس الأيتام يحجيها
دنيا ابلا علي بالدمعه نگـضيها
اليطعمنه امان وسادعنه الجوع
وبصوته الحنين اجروح يشفيها
املثم صحيح اوماتعـرفه الناس
بـس ايتامه تشـعـر لـوگـرب ليها
احسـاس الأمـان وطمئـنينة روح
يرفـع روس جـان المـاسـح اعليها
هـنياااال اليتيم بوكـت حيدر جـان
مـن عـطفـه وحـنـانه الـروح ساگيها
هسه بدون حيدردنيا وحشه وخوف
يامـسجـد الـكـوفـه شـلـون تـالـيها
علي بذمتك امانه شلون تغدر بي
عطشانين وانته ابختك احـجيها
هوه الجان يتروه من ابو الحسنين
يـااااازمـزم بـعـد يـگــدر يـرويـها
اعظم الله لكم الاجر ياايتام علي ع
وااااعليااااه
عقيل حسين الگرعاوي
قصيده للأمام علي ابن ابي طالب ع
لسان حال السيده زينب ع
➖➖➖
اتسع طَعَش رمضان وبليله قَدُر
الايـادي الاثـِمـه بفَـرض الفَـجُـر
بوَقت تأديت الفَرُض سال دمه اعله الأرُض
والـدي والـدي
🔹🔸🔹🔸🔹🔸🔹🔸🔹🔸
1
استَعـرضَت گِـدام عيني بطَـبرت الهـام
مـن حـرگ باب الزجـيه لطـبـتي لـلشـام
خَـلفي گـمت انضُر سَبايه ورُوس گِـدام
بويه من عُظـم المصيبه كبرت الف عام
ويلي من جاني الحسن يمشي ويطيح
گِـتلـه عـونك گَـلـي ابـو العـتره جَـريح
وگلبي بأحزانه انتفض سال دمه اعله الأرض
والـدي والـدي
🔹🔸🔹🔸🔹🔸🔹🔸🔹🔸
2
شَـهگـه المـوت الفضـتهـا واخـر انفاس
لنـي احس ايد المحَـنه وراسي ينباس
كـافـي يـازيـنـب بـواجـي انـي عـبـاس
رَدَت الـروح وحِـضَـنـته ابـو النـومـاس
گـلـي وضـلـوع الـزجـيـه والخـدُر
اخـطُـف انفـاس الهَـوه الغثج يمُر
الج هـالطاعه فرُض سال دمه اعله الأرُض
والـدي والـدي
🔹🔸🔹🔸🔹🔸🔹🔸🔹🔸
3
استَوطنَت بالروُح حَسره بهذا رُمضـان
ورَثت من فاطمه الزَهره بيت الأحـزان
بويه يالـهـفـه حنـينـي گـلـبي عـطشـان
من ضماه شلون يروه اليعطش انسـان
بويه دمعـاتي الجـرن رسمـن نهـر
على فراگـك ذبّل اعـيوني السهـر
جفني بعدك ماغُمَض سال دَمَه اعله الأرض
والـدي والـدي
🔹🔸🔹🔸🔹🔸🔹🔸🔹🔸
4
كـلشي مـتـغـير بدونـك حـامـي الجـار
گـمـت مـااسـمـع اذانـك وكـت الفـطـار
مـظلـمـه الكوفـه بغـيابك شمـعـة الدار
لـهفـتي بـويه الحنـانك گـلـبي شَـب نار
بويه بطيوفي دمر عندي حجي
عتاب وسوالف حبايب والبجي
سَهمك بعضمي يرُض سال دمّه اعله الارُض
والـدي والـدي
🔹🔸🔹🔸🔹🔸🔹🔸🔹🔸
5
امـشـي وطـيوف المـنايه بيه تمـشـي
والله من بعـدك يبـويه نهِـدم عَـرشـي
ريت مـونَعشـك اشـيله تشـيل نَعشـي
قـبـل يـوم الـغـاضـريه شــاب رمـشي
حـَرگَـت الدار وعظُم هـذا البلاء
ادري تـَمـهـيد لمـصـايب كـربلاء
اسـتـعـدن لـلـركـُض سال دمه اعله الارُض
والـدي والـدي
🔹🔸🔹🔸🔹🔸🔹🔸🔹🔸
6
بـالأفــق لاحــت مـشـاهــد لـلـمـنـايـه
كـافـل وجـوده بـيـمـينه وبـيده رايـه
وخـيـمـه وعـيال النبوه الكـل ضَمايـه
والنـهـر يمـهم اشـوفـه يـجـري مـايـه
مِنعـته اعليهـم عِصابه من يزيد
من ال بيت المصطفى تثأر تِريد
لأن للطاغي رفض سال دمه اعله الأرُض
والـدي والـدي
🔹🔸🔹🔸🔹🔸🔹🔸🔹🔸
تمت بعون الله تعالى
عقيل حسين الگرعاوي
يــاابـــوالايــتـــــام يـابـوالـحـمـلـه عـلـي
عيني ماترضه تنام مـن بعـدعـين الولـي
◾◾◾◾◾◾◾◾◾◾
1
فـطـرت گــلـبتي ايـتـام يــم بـابـك تـون
فـگـــدو الـوالــد الـمـالـگـو غـيـرك يـحـن
والبـجـي ايتامك الـســمـه تـمـطـر حــزن
مــانـصـدگ راح والـد حـسـيـن وحـسـن
ويبـقـه دمعـي سلوه الي مـن بـعدعـيـن الولي
◾◾◾◾◾◾◾◾◾◾
2
واگــفـه ابـابـك تـبـجـي يـمـه وتـنـتـضــر
مـن يـفـطـرهـم مـن نـويـت اعـلـه السفـر
گـتـله قمبرگوم شــوفــلـي مـنـهــم عــذر
هم مثلـهم صار گـلـبـي يـلـهـب بـي جـمـر
غـيـر صـبري مـاالـي مـن بعـد عـين الـولـي
◾◾◾◾◾◾◾◾◾◾
3
صــوبــو راســـك وبـعـدك انـي تـعـتـذبـت
بصبري اشدحيلي ولـلـمـصـيـبـه تـحـزمـت
ظـلـمـه محـرابك الـشـمـس عـنـه مـشــت
يـاابـوالـحـسنين بـشـهـررمـضـان ارحـلـت
يابـعـدروحي وهلـي مـن بـعـدعـيـن الـولـي
◾◾◾◾◾◾◾◾◾◾
4
بـويـه مـن شـالـو نـعـشـك وسـافـر ضـواك
بـصـرخـه ناديتك مــاگـــلـت زيـنـب وراك
ظـلـمـت الـدنـيـه من اجـه المـوت اعـتناك
بـدي ادگ روحـي لــو الـك تـرهـتــم دواك
گـلـبـي بالهـم ممـتـلي مـن بـعـدعين الـولـي
◾◾◾◾◾◾◾◾◾◾
5
عـاشـت بـروحـي حـسـره مـن كـسـر الـظـلع
مـن فـگـدت امي لـهـذا يـومـي اجري الدمع
هــســه جـددتـه بـالابـو گــلـبـي انــفــجــع
وسـفـه الـبـأيـده بــاب خــيــبـر مـنــقــلـــع
بـسـيـف ظـالـم منـدمي مـن بـعـد عـيـن الـولي
◾◾◾◾◾◾◾◾◾◾
6
مـن حـضـر موته بـحـسـره يـبـنـي گـلـه صـد
گــلــه يـاعـبـاس الـخــدر زيـنـب تـســتــعـــد
انـتـه كــافـلـهــا بـكـربـلـه اعـلـيـك اعـتـمـــد
گـلـه عـدعـيناك الــگــــطـــع نــحــري مـــاارد
نـعــم مــنـك كــافــي مـن بـعـد عـيـن الـولـي
◾◾◾◾◾◾◾◾◾◾
تمت بعون الله تعالى
عقيل حسين الگرعاوي
قصيده للامام علي ع
تقول زينب ع في مصاب اميرالمؤمنين
▪▪▪▪▪▪▪▪▪▪▪▪▪▪▪▪▪▪▪▪▪▪▪▪
صـحـت ويـنـك ...وگـام صـوتـي يـنـسـمـع
صـحـت ويـنـك... عـالـوجـن ســال الـدمــع
تـنـشـطـر هـامـت عـلـي
هـمـوم گـلـبـي يـنـمـلـي
صـحـت ويـنـك ... ...صـحـت ويـنـك
➖➖➖➖➖➖➖➖➖➖➖➖➖
1
بـويـه اذتـنـي الـلـيـالـي مـن عـفــتـنـي
بـأول ســنـيـنـي يـبـويــه فـارگــتـنـي
دنـيـتـي تـمـطـر مـصـايـب غـرگـتـنـي
ورده ويـامــي مـنـاجـل گــطــعــتـنـي
مــاتـجـيـنـي .. بـعــدك يـمــوت الــورد
مــاتـجـيـنـي .. گـمـت اصـيـح ومـاتـرد
يـنـشـطـر راسـك حـرام
بـعــدك الـدنـيـه ظــلام
صـحـت ويـنـك ... صـحـت ويـنـك
➖➖➖➖➖➖➖➖➖➖➖➖➖
2
اربــع ســنـيـن وبــدت قــصــتـي الالـيـمــه
مـن افـگـدت جـدي ويـه امـي يـاهـضـيـمـه
طــابــعــه ابـالــي صــور ذيـج الـجــريــمـه
وگـمـت اتـخـيـل شـمـر يحـرگـلــي خـيـمـه
بـعـد امـي مــن اجــت ام الـبـنـيـن
بـعـد امـي عـوضـتـنـي بـالـحـنـيـن
وانـجــبـت اربــع شــبـاب
لـخـدري فـدوهـا الـرگـاب
صـحـت ويـنـك ... صحـت ويـنـك
➖➖➖➖➖➖➖➖➖➖➖
3
ضـربـتـك بـالـراس كـسـرت ظـهـر الاسـلام
طـيـحـتـك اعـضــم جـريـمـه هــاجـت آلام
يـذبـح الـســيـف الـبـراءه بـعــيـن الايـتـام
مـخـضــبـه بـدمـه لـحــيـتـه عـالارض نـام
دمـك يـسـيـل ...شـيـبـتـك صـارت خـضـاب
دمـك يـسـيـل ...يـاعـظــم هــذا الـمــصــاب
تـرحـل الـلـيـلـه وتـروح
يـنـمـلـي گـلـبـي جـروح
صـحـت ويـنـك ... صـحـت ويـنـك
➖➖➖➖➖➖➖➖➖➖➖➖
4
يـلـي بـگـلـوب الـيـتـامـه انـشـال اسـمـك
لأن طــلـگــت الـحــيـاة وهـــمــه هــمــك
صـعـبـه ايـتـامـك تـشـوف يـسـيـل دمـك
ريـحـه امـي بـيـك بـويـه خــل اشـــمــك
سـمـعـنـي بـويـه هـواي بگـلـيـبـي حـجـي
سـمـعـنـي بـويـه سـالـفـه عـنـدي وبـجــي
الـمــالـــه اب ولالـــه ام
تـذبـحـه اسهـام الـيـتـم
صـحـت ويـنـك ... صـحـت ويـنـك
➖➖➖➖➖➖➖➖➖➖➖➖➖
5
والدمـع يجـري ويسـولـف قـصـةاحـباب
مـااصــدك راح حـيـدر والـضــوه غــاب
عـاتـبـت واسـمـع عـتـابـي آه يـمـحـراب
رايـده تـقـدم اعـتـذار وتـشـرح اسـباب
لـيـش سـاكـت .. مـاتـسـولـف قـصـتـك
لـيـش سـاكـت ..شـلـون تـقـبـل غـيرتك
حـيـدر بـمـحـرابـه طـاح
ونـسـمـع الـلـيـلـه النياح
صـحـت ويـنـك ... صـحـت ويـنـك
➖➖➖➖➖➖➖➖➖➖➖➖➖
6
وسـفـه يالمـحـراب انتـه تـشـوف زيـنـب
مـگـابـلـه بـهـمـهـا ابـوهـا ويـمـه تـنـحـب
وانته شـاهـد عالمصـيبه مـن النـذل طـب
مــاگـــدرت انـتـه تـرده وشــفــتـه گــرب
ابـن مـلـجـم مــن طــبـر خــيـر الـعــمـل
ابـن مـلـجـم وانـتـه شــاهــد عـالـحصل
شـلـون خـلـيـت الاجـيـر
يـذبـح احـلام الـفـقــيـر
صـحـت ويـنـك ... صـحـت ويـنـك
➖➖➖➖➖➖➖➖➖➖➖➖➖
تمت بعون الله تعالى
بتأريخ 2018/5/20
(القصيده مشتركه)
من كلمات خدام اهل البيت
عـقـيـل حـسـيـن الـگـرعـاوي ✒ 6/4/2
عـبـاس فـاضــل الـشــمـــري ✒5/3/1
شـنـهــو يـابـويـه الـعـذر مـن الـيـتـامـــه
واگــفـه ابـابـك تـنـوح اعــلـه الامــامـــه
وتـدعـي يـارب الـسـمـاء عـجـلـنـا بـالـشــفـاء
ــــــــــــــــــــــــــــــــــــــــــــــــــــــــــــــــــــــــــ
1
مـن طـلـعـت اعـلـه الـيتامه ابابك تـبـجـي الـصخـر
مـااگـول الضـربـه كـلـفـه وجــرحه لـلـمـخ اســتـقـر
خـافـن افـجـع هـالـيـتـامـه مـن يـســمـعـون الخـبـر
گـلــت مـجـروج الامـام ويـلـتـمــس مـنـكـــم عــذر
صــرخــه مــن ايـتـامــك الـهــزت حـنـيـنـي
گــعـدت يـمـهـــم بـويــه وتـفـجـــر ونـيـنـي
وصحـنـه كلـنـه بهـل نداء عـجــلـنـا بـالـشــــفـاء
ــــــــــــــــــــــــــــــــــــــــــــــــــــــــــــــــــــــــــ
2
ورجـعـت بويـه الاخـوتـي وعايـنـت دمـع الحسـيـن
ينـزل اعلـه خدوده جمره ويضـرب بـأيـده الجبـيـن
والـحـسـن دمـعـاتـه تـجـري صـد الي وزاد الـونـيـن
يـگـلـي يـازيـنـب اگعـدي جـنـه نـنـتـضـرج تـجـيـن
انـريـد نـگــعــد كــلـنـه ونـزيـد ابـجــيـنـه
بــس بـعـد عــبـاس نـنـتـضــره يـجــيـنـه
ويـكـتـمـل بـيـت الـعـزاء عــجــل انـه بـالـشــفــاء
ــــــــــــــــــــــــــــــــــــــــــــــــــــــــــــــــــــــــــ
3
طـب ابـوفـاظـل عـلـيـهــم بـالـدمــع راعــي الـعـلـم
ونـعـقـد مـجـلـس عــزاء تـحـيـطـه دمـعــات والــم
اسـتـذكرو ظـلـع البـتـول وظـل دمـعهـم يجـري دم
صــاح الـحـسـيـن ابـدمـوعـه هـذا مـكـتوب بـقــلـم
طــه جـدنـه الـنـبـي گــلــه مـايـگــدرون
قـتـلـك امـواجــه ولاكـن بـس يـغـدرون
الـعـتـرتـي يـبـقـى الـعـداء عــجــلــنــه بـالـشـفـاء
ــــــــــــــــــــــــــــــــــــــــــــــــــــــــــــــــــــــــــ
4
ابـوالـيـمـه ذكـر مـوقـف بـالـنـحـر بـاسـه الـرســول
ونـزلـت دمعـاتـه جـدنـه وگـلـهـم اتـدوسـه الخيول
والحسـن من ثـغـره باسـه ونسـمـعـه يبجي ويگول
جـبـده مـــن الـســم تـگــطــع اه يـاولـــد الــبـتـول
مــن وصـل يـم زيـنـب وضـيـم الـعـلـيـهـا
گــال بـس الله يـعـرف عـظـمـه ســبـيـهــا
مـن تـطـب لــكـربـلاء عــجــل انــه بـالــشـــفــاء
ــــــــــــــــــــــــــــــــــــــــــــــــــــــــــــــــــــــــــ
5
رجـعــو ابـدمــعـــه حـزنـهـم يـم امـيـرالـمـؤمـنـيـن
گـلـه عـبـاس الـكـفـالـه انـتـه الـهـا اتـضـحـي عـيـن
لاعـطـش زيـنـب يـمـسـهـا اتـفـدي يـسـراك ويـمـين
ادري جبـدك ضامي يبـقى مـن اجـل اخـت الحسين
گــلــه عــد عــيـنـك يـبـويــه وعـــد كـــلامـي
اختـي اضـحـي جـفـوفي الـهـاوابـقـى ضـامـي
والنـحــر الـهــافـداء عــجــل انــه بـالـشـــفـــاء
ـــــــــــــــــــــــــــــــــــــــــــــــــــــــــــــــ
تمت بعون الله
عقيل حسين الگرعاوي
مشاركتي في مولد الإمام الحجه عج
Читать полностью…
السلام عليك سيدي ومولاي
يااباصالح ياصاحب الزمان
(كلام الحبيب للحبيب)
انه المـنذور الك وقـف ابطن جـامـع
يمـعـشوگ الگـلب بمـحـبـتك طـامـع
انه البجـفـاك من كاس الهجر جـارع
يمهـدي الروح فـدوه بجَّـيتك سـارع
انه ابفرگـاك بس ضيم وصـبر شـابـع
يظـل بجفـاك ثـوبي من الدمـع ناگـع
يبن خـير البـشـر والجـان
يـاأيـه ومـن ضـهَـر قُــرأن
شِبعنه من الحـياة احزان
وشفنه من العَـذاب الوان
وانطـينـه اشـكـثُر شـبـان
تـعـال الـجـيـتـك لـهـفـان
عليل الجـربتك عـطشـان
ذلـيـل ولازم الـريـجــــان
عـزيـز وذلــتـه الـعــربـان
وحـيـد وكـثرت العـدوان
فقير وماكو جف احسـان
مـتَّـيـه ضَّــيـع الـعـــنـوان
هرش عودي صبح ذبلان
مـناطـر عـطـرك الريحـان
اشـمـه بشـهـگـه الغـرگـان
وردد سُـــورَة الــرحـمـــن
(كُــلُّ مَــن عَـلَــيَـهــا فَــانٍ)
بس نـورك يمـهـدينا يضـل سـاطـع
انه المنذور الك وقف ابطن جـامع
🔸🔸🔸🔸🔸🔸
✍️عقيل حسين الگـرعـاوي