AKRAM SHAMS official

01 Dec 2024 17:23

"Tibbiyot xodimlari kuni"
munosabati bilan
she'riy
bayram tabrigi


Tibbiyot xodimlari
Borki, dillar xotirjam,
Topar shifo yosh-qari,
Har so‘zi jonga malham.
Sog‘liging boyligingdir,
Bunda hayot mujassam.

(naqorat)

Tibbiyot xodimlari,
Sog‘lik posbonlarisiz,
Har yurakning gavhari,
Sara marjonlarisiz.

🎹🎹🎹🎹🎹🎹🎹🎹🎹

Tanangda sog‘lik bo‘lsa,
Kuch-u madorlari bor,
Dard atalmish yovga g‘ov,
Azim chinorlari bor.
Demak, umr yo‘lingni
Yoz-u bahorlari bor.

(naqorat)

Tibbiyot xodimlari,
Sog‘lik posbonlarisiz,
Har yurakning gavhari,
Sara marjonlarisiz.

🎹🎹🎹🎹🎹🎹🎹🎹🎹

Elning shifo ahlidek
Hamrohi, sirdoshi bor,
Sog‘-u omon bo‘ling deb,
Chorlagan yo‘ldoshi bor,
Buyuk ibn Sinoning
Haqiqiy izdoshi bor.

(naqorat)

Tibbiyot xodimlari,
Sog‘lik posbonlarisiz,
Har yurakning gavhari,
Sara marjonlarisiz.

🎹🎹🎹🎹🎹🎹🎹🎹🎹

Bugun bayram, tantana,
Bugun dillarda surur,
Borligingiz bag‘ishlar
Har bir ko‘ngilga g‘urur,
Barchani shu kunlarga
Yetkazganingga shukur.

(naqorat)

Tibbiyot xodimlari,
Sog‘lik posbonlarisiz,
Har yurakning gavhari,
Sara marjonlarisiz.

🎹🎹🎹🎹🎹🎹🎹🎹🎹

Akram Shams

AKRAM SHAMS official

08 Feb 2023 11:17

TEPAQO‘RG‘ON

Otam o‘sgan
ulug‘ qishloq bu,
Onam o‘sgan
ulug‘ qishloq bu,
Har qadami
qutlug‘ qishloq bu,
Buyuk qo‘rg‘on
Tepaqo‘rg‘onim.

Odamlari
dilkash, mehribon,
Bir-biriga
do‘st-u qadrdon,
Arzir, agar
fido qilsang jon,
Buyuk qo‘rg‘on
Tepaqo‘rg‘onim.

Bir yon daryo,
Bir tomoni soy,
Bir yon buloq－
bag‘ishlar chiroy,
Ulug‘ zotlar
qo‘nim topgan joy,
Buyuk qo‘rg‘on
Tepaqo‘rg‘onim.

Yosh-u qari
mehnati go‘zal,
Qo‘li ochiq,
himmati go‘zal,
Qayga borsa,
hurmati go‘zal,
Buyuk qo‘rg‘on
Tepaqo‘rg‘onim.

Har qadamda
aytar salovat,
Tildan tushmas
Qur'on, tilovat,
Shu emasmi
baxt-u saodat?!
Buyuk qo‘rg‘on
Tepaqo‘rg‘onim.

Biri dehqon,
biri savdogar,
Har odamda
turfa xil hunar,
Deyishadi:
''Hunardan unar'',
Buyuk qo‘rg‘on
Tepaqo‘rg‘onim.

Ustalari
uy qilar bunyod,
Ziyolisi
aylar kashfiyot,
Shunday go‘zal
bu yerda hayot!
Buyuk qo‘rg‘on
Tepaqo‘rg‘onim.

Shoirlari
she'r yozsa burro,
Hofizlari
qilganda ijro,
Quloq tutib
lol qolar dunyo,
Buyuk qo‘rg‘on
Tepaqo‘rg‘onim.

Har bir ko‘cha
maftunkor makon,
Birisi ''BOG‘'',
birisi ''BO‘STON''
''ANJIRZOR''dir
dovrug‘i doston,
Buyuk qo‘rg‘on
Tepaqo‘rg‘onim.

Haftasiga
to‘rt marta bozor,
Har qadamda
baraka bisyor
Har hovlisi
misoli gulzor,
Buyuk qo‘rg‘on
Tepaqo‘rg‘onim.

Tarovati
jilvasi ham bor,
Bog‘i to‘la
mevasi ham bor,
O‘ziga xos
shevasi ham bor,
Buyuk qo‘rg‘on
Tepaqo‘rg‘onim.

Qizlari bor
misli oyjamol,
Chaq-chaqlashib
to‘qishar ro‘mol,
Mehnat qilar
hamisha halol,
Buyuk qo‘rg‘on
Tepaqo‘rg‘onim.

Yigitlarin
ahdi butundir,
Shijoati
shahdi butundir,
Lafzi butun,
baxti butundir,
Buyuk qo‘rg‘on
Tepaqo‘rg‘onim.

Orzularga
qanot boylagan,
Dilga o‘chmas
olov joylagan,
Mustafoni
shoir aylagan,
Buyuk qo‘rg‘on
Tepaqo‘rg‘onim.

Aytaversam,
tugamaydi so‘z,
Aytmay desam,
unamaydi so‘z,
Tilagim shu:
ko‘z tegmasin, ko‘z,
Buyuk qo‘rg‘on
Tepaqo‘rg‘onim.

Siz ham keling,
Do‘st-u qadrdon,
Mehmon bo‘ling,
ey, ahli iymon,
Dunyoda eng
mustahkam qo‘rg‘on,
Buyuk qo‘rg‘on
Tepaqo‘rg‘onim.

Akram Mustafo Shams
🟢🟢🟢🟢🟢🟢🟢🟢🟢

Kanalimizga a'zo bo‘ling!
👇👇👇👇👇👇👇

👉@AKROM_SHAMS👍👍👍

AKRAM SHAMS official

08 Feb 2023 11:17

Gul qizim, gulgun qizim,
Xushzabon, shirin so'zim,
Baxtingni ko'ray o'zim,
Tilimda duo-oyat.

Alp yigitga yor bo'lding,
Suyukli dildor bo'lding,
Ko'zmunchoq, tumor bo'lding,
Baxting kuldi nihoyat.

Qaynonangni onam de,
Hamdard-u hamxonam de,
O'zingiz bir olam de,
Eshitmayin shikoyat.

Hech zarda qilma, bolam,
Bag'rimni tilma, bolam,
Arazlab kelma, bolam,
Qilma bunday jinoyat.

Oilam deb ol nafas,
Ko'rganlar qilsin havas,
Baxting butun bo'lsa, bas,
Shuning o'zi kifoyat.

Olloh yorug' yuz bersin,
Halol non-u tuz bersin,
Shirin o'g'il-qiz bersin,
O'zi qilsin himoyat.

Shirin qilgin oshingni,
Otma alam toshingni,
Ko'rsatma ko'zyoshingni,
Eng to'g'ri yo'l-- hidoyat.

Yuragingda or bo'lsin,
Yuzingda bahor bo'lsin,
Tangrim madadkor bo'lsin,
Go'zal qizim INOYAT.

Qayg'u ko'rma hech qachon,
Bo'lgin doim sog'-omon,
Senga dildan armug'on,
Bu ajoyib hikoyat.

AKRAM SHAMS official

08 Feb 2023 11:17

KUZ

To‘nim gohi kaltaroq,
Gohida uzun keldi.
Vaqt bunchalar shoshqaloq,
Qirqinchi kuzim keldi.

Subhidam, nahorimmas,
Jonimga madorimmas,
Yashnagan bahorimmas,
Qirqinchi kuzim keldi.

Baxt quyoshim kulguncha,
Orzularim unguncha,
Ko‘zim ochib yumguncha,
Qirqinchi kuzim keldi.

Torayib borar olam,
Keksayib borar onam,
Ma'yus tortdi dilxonam,
Qirqinchi kuzim keldi.

O‘tdi yoshligim olov,
Sochimga qo‘ndi qirov,
Yugurib, yelib darrov,
Qirqinchi kuzim keldi.

Umrim o‘tib ketyapti,
Fursat mag‘lub etyapti,
Yana nelar kutyapti,
Qirqinchi kuzim keldi.

Ko‘nglim, aslo siqilma,
Tur o‘rningdan, yiqilma,
O‘ksima, gina qilma,
Qirqinchi kuzim keldi.

Balki zo‘r qadrim bo‘lib,
Iftixor, faxrim bo‘lib,
Eng yaxshi davrim bo‘lib,
Qirqinchi kuzim Keldi.

Hali aytar so‘zim bor,
Ortda qolar izim bor.
Sakson, to‘qson, yuzim bor,
Qirqinchi kuzim keldi.

Akram Shams

DILLAR
TUTASHGAN
MANZIL

Kanalimizga a'zo bo‘ling!
👇👇👇👇👇


@AKROM_SHAMS

AKRAM SHAMS official

08 Feb 2023 11:17

ONAM BILAN SUHBAT

She'rlaringni o‘qidim, bolam,
Qoyil qilib yozibsan juda.
Kuyga solib kuylabdi hofiz,
Ta'sirlanib ketdim avjida.

Bari ma'qul, ayniqsa menga,
Vatanni madh etganing yoqdi.
O‘xshatibsan uni jannatga,
Ko‘zlarimdan yoshlarim oqdi.

Do‘st haqida yozganing bor-ku,
O‘qib yig‘lar har inson ko‘ngli.
Shu she'ringni uch marta
aytsam,
Yodlab oldi ukangning o‘g‘li.

Esingdami bog‘imizdagi
Kattagina ikki tup gilos.
Bir she'ringda ko‘zim tushgandi,
Yor labiga qilibsan qiyos.

Ishq haqida yozibsan yonib,
O‘qib, visol bog‘larin kezdim,
Bevafoning jafolari-yu,
Ayriliqning azobin sezdim.

Uyimizda uzum bor－charos,
Pishadi-yu yumshab ketadi.
O‘sha charos sen aytganingdek,
Yor ko‘ziga o‘xshab ketadi.

Ko‘chamizni tor deb nolibsan,
So‘zlaringdan rosa kulibman.
Ko‘chamizning torligini men,
Shuncha yashab, endi bilibman.

O‘qib-o‘qib zerikmadim hech,
Turfa mavzu, turfa sarlavha.
Tortaverdi e'tiborimni,
She'ringdagi har bitta lavha.

Takror-takror o‘qir ekanman,
Faxrlandim, juda quvondim.
Hali mashhur bo‘lib ketasan,
Yuragimdan shunga ishondim,

Hali seni taniydi olam,
Savlat to‘kib qadam bosasan.
Ey Mustafo, ey shoir bolam,
Men haqimda qachon yozasan?

DILLAR
TUTASHGAN
MANZIL

Kanalimizga obuna bo‘ling!
👇👇👇👇👇

@AKROM_SHAMS

AKRAM SHAMS official

08 Feb 2023 11:17

***
Shafqat kutma, nogohon,
Fursat mag‘lub etgaydir.
Orzusiga begumon,
Xudo degan yetgaydir.

Yiroq ketsa dard-alam,
Quvonch dilda bo‘lib jam,
Omad kulib tursa ham,
Xudo degan yetgaydir.

Qaro ko‘zlar g‘animat,
Nurli yuzlar g‘animat,
Shirin so‘zlar g‘animat,
Xudo degan yetgaydir.

Vafo qilib ahdiga,
Chiqib iymon taxtiga,
Ikki dunyo baxtiga,
Xudo degan yetgaydir.

Akram Shams

Kanalimizga a'zo bo‘ling!
👇👇👇👇👇

@AKROM_SHAMS

AKRAM SHAMS official

08 Feb 2023 11:17

KECHA

Dilni zor etding kecha,
Beqaror etding kecha.
Uch kun o‘tmay sog‘indim,
Arazlab ketding kecha.

Ko‘nglim vayrona aylab,
Zor-u giryona aylab,
Meni devona aylab,
Arazlab ketding kecha.

Ey, qoshlari kamon yor,
Qalbimdasan hamon, yor.
Sensiz holim yomon yor,
Arazlab ketding kecha.

Men oshig‘i bedoring,
Yurak so‘rar diydoring.
Yo‘qmi o‘zga ozoring?
Arazlab ketding kecha.

Ey, jafokash hurliqo,
Nima qilsin Mustafo?
Yoqmadimi she'rim yo?
Arazlab ketding kecha.

Akram Shams

Kanalimizga a'zo bo‘ling!
👇👇👇👇👇

@AKROM_SHAMS

AKRAM SHAMS official

31 May 2022 10:03

Yangi qo‘shig‘imiz
siz uchun!

🎤 Anan Murodov
ijrosida

🗞 So‘z muallifi:
AKRAM SHAMS

👉/channel/AKROM_SHAMS

AKRAM SHAMS official

03 May 2022 08:17

Bayramga bayramona
tuhfa.

"CHAVANDOZ"

🎤 Anan Murodov
ijrosida tinglang!

📝 She'r muallifi:
AKRAM SHAMS

Bayramingiz muborak bo‘lsin!

👇👇👇👇👇👇👇👇
/channel/AKROM_SHAMS

AKRAM SHAMS official

16 Mar 2022 16:34

🎤 MUHAMMADJON MA'RUPOV ijrosida

"BIR KECHADA"

📝 AKRAM SHAMS she'ri

🎹 SHAHBOZ BOTIROV
musiqasi

Kanalinimizga obuna bo‘lishni
unutmang!

👇👇👇👇👇👇👇👇👇
/channel/AKROM_SHAMS

AKRAM SHAMS official

31 Jan 2022 10:21

🎤Aziz Abdulloh

💜"NEGA"💜

🗞 Akram Shams she'ri

🎹 Shahboz Botirov musiqas

Kanalimizga obuna bo‘lishni unutmang! 👇👇👇👇👇i

👉/channel/AKROM_SHAMS

AKRAM SHAMS official

07 Jan 2022 01:38

Barchangizga JUMA muborak!
Robbim o‘zi qo‘llasin. Iymonimizni butun, rizqimizni ulug‘, toleyimizni baland aylasin!

👉/channel/AKROM_SHAMS

AKRAM SHAMS official

31 Dec 2021 03:40

Ассалому алайкум!

Мана 2021 йилнинг хам охирги хафтаси, кунлари, дакикалари, сониялари утиб бормокда....
Бу йилда ушалмаган энг эзгу орзу ниятларимизга келаётган йилда эришиб юрайлик!
Хар доим мартабангиз бунданда улуг булсин, олингу олдирманг, иззатда, хурматда, обруда булинг!
Хамиша оилангизда мехр окибат, севги мухаббат, бахт саодат хукм сурсин!
Фарзандларингиз хар доим сизга факат рахмат, хурмат, обру э'тибор олиб келадиган булишсин!!!
Ота - онангизни умрларига Аллохим умр , согликларига соглик кушсин !!!
Бундан юкори чуккиларни забт этиб , олга кадам ташлаб юринг!!!
Аллохим бераридан колдирмасин.
Келаётган янги йил оилаларимизга бахт, омад, тинчлик, хотиржамлик олиб келсин !!!
ЯНГИ 2022 ЙИЛИНГИЗ.
МУБОРАК БУЛСИН !!!

AKRAM SHAMS official

28 Dec 2021 15:19

Tez kunda kutilgan klip
💜💜PREMYERASI💜💜

🎤Javohir Erkinboyev
❤️ SUYUKLIGIM ❤️

So‘z muallifi:
@AKROM_SHAMS

Klip muallifi: @Bek4518
Sardorbek Baxriddinov

31-dekabr 17:00 da
tomosha qiling!

@nevomusic
@nevomusic
@nevomusic

@AKROM_SHAMS

AKRAM SHAMS official

02 Sep 2021 13:33

Prezident Talabalari

📜 So'z Muallifi: Akrom Shams
🎵 Bastakor: Javohir Erkinboyev
🖥 Musiqa bezakchi: Qodirjon Mahmudov

🎙Ijrochilar:
Javohir Erkinboyev
Gulnoza Valijanova
Shahboz O'rinboyev
Murodjon Abduraimov
Diyorbek Baratov

Obuna bo‘lish uchun
👇👇👇👇👇👇👇👇

👉@AKROM_SHAMS

AKRAM SHAMS official

01 Dec 2024 16:06

G‘ANIMAT

Qo‘llaringda davlat-u dunyo,
Yoningda ko‘p ulfat-u oshno,
Lekin ey do‘st, unutma aslo,
Otang bilan onang g‘animat.

Baxting kulsa, suyungan o‘sha,
Gar yiqilsang, kuyingan o‘sha,
Duosini olgin hamisha,
Otang bilan onang g‘animat.

Mol-u davlat vafosi bo‘lmas,
Yolg‘on dunyo o‘tkinchi havas,
Yolg‘iz qo‘yma bir zum, bir nafas,
Otang bilan onang g‘animat.

Sal kechiksang, hayallasang gar,
Yo‘ling poylab, intizor kutar,
Olamda eng bebaho gavhar,
Otang bilan onang g‘animat.

Do‘st-u yoron topilgay bisyor,
Davr-u davron topilgay bisyor,
Axtarsang ham topilmas zinhor,
Otang bilan onang g‘animat.

Kech bo‘lmasdan ochgin ko‘zingni,
Darig‘ tutma shirin so‘zingni,
Bor, bag‘riga otgin o‘zingni,
Otang bilan onang g‘animat.

Akram Shams

AKRAM SHAMS official

08 Feb 2023 11:17

Qo‘shiq aytib tolmang, xofiz,
ona yurtning bag‘rida,
Ming hayotiy hikmat yashar
qo‘shig‘ingiz barida,
Kuylasangiz, bulbullar ham
jim turishar narida,
Ko‘ngillarni xushnud aylab,
kuylayvering, xofizim.

'FERUZAXON'' kelin bo‘ldi,
tanda jonni kuydirib,
''BEVAFO QIZ'' yig‘lab ketdi,
jonimizdan to‘ydirib,
'GULBADAN''ga oshiq bo‘ldik,
dilga ''ARMON'' to‘ldirib,
Ko‘ngillarni xushnud aylab,
kuylayvering, xofizim.

Ko‘ngil ekan, goh ''ADASHDIM'',
oshiq bo‘lib Layliga,
''SUYGANIM YOR BO‘LDI'' netay,
ko‘nib zamon zayliga,
''BARCHINOY''ning to‘ylarida
''YOMG‘IR'' yog‘sin mayliga,
Ko‘ngillarni xushnud aylab,
kuylayvering, xofizim.

''PULI YO‘QNING QADRI
HAM YO‘Q''
Shundan qalbi vayronman,
Boringda bag‘rini ochgan
do‘stlarga men ''HAYRONMAN'',
''ONAJONIM'' izlarini
ko‘zga surtgan o‘g‘lonman,
Ko‘ngillarni xushnud aylab,
kuylayvering, xofizim.

Akram SHAMS

Kanalimizga a'zo bo‘ling!
👇👇👇

👉@AKROM_SHAMS👍

AKRAM SHAMS official

08 Feb 2023 11:17

UZILMASIN

Qo‘llaringdan omad
tutsa ham,
Havolanma, yashnasa
bog‘ing.
Boshing osmon qadar
yetsa ham,
Uzilmasin yerdan
oyog‘ing.

Kibr-u havo keltirmaydi
naf,
O‘tkinchidir har qanday
chog‘ing.
Bo‘lsa hamki dunyo
sen taraf,
Uzilmasin yerdan
oyog‘ing.

Bir kun ochar asl
yuzingni,
Soxta rang-u, soxta
bo‘yog‘ing.
Kamtarin tut doim
o‘zingni,
Uzilmasin yerdan
oyog‘ing.

Mol-u dunyo qilgaymi
vafo?
Bilki, nafsing－xavfli
yarog‘ing.
O‘z-o‘zingga aylama
jafo
Uzilmasin yerdan
oyog‘ing.

Ezgulikdan bo‘lsin
iborat,
Anglaganing, olgan
sabog‘ing.
Hamroh bo‘lsin vijdon,
diyonat,
Uzilmasin yerdan
oyog‘ing.

She'rim o‘qib, aziz
qadrdon,
Uyilmasin qosh-u
qabog‘ing.
Axir umr－sinov,
imtihon,
Uzilmasin yerdan
oyog‘ing.

Bahra olib ash'or,
so‘zingdan,
Muxlislarga to‘lsa
har yog‘ing,.
Ey, Mustafo, ketma
o‘zingdan,
Uzilmasin yerdan
oyog‘ing.

Akram Shams

DILLAR
TUTASHGAN
MANZIL

Kanalimizga a'zo bo‘ling
👇👇👇👇👇

@AKROM_SHAMS

AKRAM SHAMS official

08 Feb 2023 11:17

MUALLIM

Yurtning tayanch, madori,
Yuksak tarbiya, ta'lim.
Kelajak bunyodkori,
Davring keldi, muallim.

Shuncha xo‘rlanding, yetar,
Boshingni mag‘rur ko‘tar,
Xalq sendan najot kutar,
Davring keldi, muallim.

O‘yla, izla, yel, yugur,
Ilming gavhar, so‘zing dur,
Vatanning ertasin qur,
Davring keldi, muallim.

Yengilmas kuch-qudrat bo‘l,
Shijoat bo‘l, shiddat bo‘l,
Yosh avlodga ibrat bo‘l,
Davring keldi, muallim.

To‘lib tosh nur-ziyoga,
Yurtni tanit dunyoga,
Ta'zim sendek fidoga,
Davring keldi, muallim.

Namoyon qil hikmating,
Darig‘ tutma xizmating,
Topding qadr-u qimmating,
Davring keldi, muallim.


Jonni qiyna, chek zahmat,
Tinim bilma, qil mehnat,
Yurtboshimga ming rahmat,
Davring keldi, muallim.

Donolarni yetishtir,
Daholarni yetishtir,
Bu eng sharafli ishdir,
Davring keldi, muallim.

Jim turmoqqa yo‘q ruxsat,
Senikidir bu fursat,
Endi o‘zingni ko‘rsat,
Davring keldi, muallim.

Ey, jonkuyar, pok vijdon,
Ey, fidoiy chin inson,
Mana, senga zo‘r imkon,
Davring keldi, muallim.

Mustafo bilib aytar,
Shodlikka to‘lib aytar,
Hamma jo‘r bo‘lib aytar,
Davring keldi, muallim.

Akram Mustafo Shams

DILLAR
TUTASHGAN
MANZIL

Kanalimizga a'zo bo‘ling!
👇👇👇👇👇

@AKROM_SHAMS

AKRAM SHAMS official

08 Feb 2023 11:17

SHUKUR AYTING

Onasizlik og'ir dard ekan,
Armon ekan shirin diydorlar.
Bag'ringizni tilmasdan tikan,
Shukur ayting, onasi borlar.

Suyunsangiz, suyungan o‘sha,
Yiqilsangiz, kuyingan o‘sha.
Duosini oling hamisha,
Shukur ayting, onasi borlar.

Ozor bermang ko‘ngliga zinhor,
Yo‘lingizga qilmang intizor,
Kecha-kunduz, takror va takror,
Shukur ayting, onasi borlar.

Ona borki, yashnagay olam,
Ona borki, dilni ezmas g‘am,
Shohmi, gado, kim bo‘lsangiz
ham,
Shukur ayting, onasi borlar.

Onalarning poyida jannat,
Har so‘zida yashaydi hikmat,
Ta'zim qiling, ko‘rsating hurmat,
Shukur ayting, onasi borlar.

Sizga mehri yorligi uchun,
Doim madadkorligi uchun,
Yoningizda borligi uchun,
Shukur ayting, onasi borlar.

To‘ylar ko‘rib yursin, deb onam,
Davr-u davron sursin, deb onam,
Mustafoga qo‘shilib siz ham,
Shukur ayting, onasi borlar.

Onasizlik og‘ir dard ekan.
↘↘↘↘↘↘↘↘↘
DILLAR TUTASHGAN MANZIL

Kanalimizga a'zo bo‘ling!
👇👇👇👇👇

@AKROM_SHAMS

AKRAM SHAMS official

08 Feb 2023 11:17

***
Oyyuziga dildorginam,
Ro‘molini parda qilar.
Jamolingni ko‘ray desam ,
Oyyuzligim zarda qilar.

Ibo bilan berkitadi,
Ohudayin ko‘zlarini.
Kelmang deya qo‘rqitadi,
Darig‘ tutib so‘zlarini.

Ko‘chasidan ketolmayin,
Yo‘llarida giryonaman.
Visoliga yetolmayin,
Majnun kabi devonaman.

O‘z holiga qo‘yarmidim,
Aytmasa dil rozini yor.
Bir kun o‘zi chalib berar,
Yoqimli ishq sozini yor.

Akram Shams

Kanalimizga a'zo bo‘ling!
👇👇👇👇👇

@AKROM_SHAMS

AKRAM SHAMS official

08 Feb 2023 11:17

SHOSHMA

Akram SHAMS

Chiroylisan, ey, zebo-sanam,
Yuzlaring oy, qoshlaring qalam,
O‘zingdirsan yakka-yagonam,
Alvido, deb ketmoqqa shoshma.

Shaydoyingman, devonang
o‘zim,
Yonib kuygan parvonang o‘zim,
Yolg‘izlatib qo‘yma, yolg‘izim,
Alvido, deb ketmoqqa shoshma.

Kulgularing jonimga darmon,
Hijronlarda aylama sarson,
Ketsang, yig‘lar qalbimda
armon,
Alvido, deb ketmoqqa shoshma.

Tirikman, sen borliging uchun,
Yuragimga yorliging uchun,
Hech narsa yo‘q vaslingdan
ustun,
Alvido, deb ketmoqqa shoshma.

AKRAM SHAMS official

31 May 2022 10:01

Yangi taronamiz
siz uchun!!!

"DADAJONIM"

🎤 Muzaffar Hamdamov
ijrosida

🗞 So‘z muallifi:
AKRAM SHAMS

👉/channel/AKROM_SHAMS

AKRAM SHAMS official

16 Mar 2022 16:39

🎤 MUZAFFAR HAMDAMOV
ijrosida tinglang!

"AYLAMA NOZ"

📝 AKRAM SHAMS she'ri

🎹 SHAHBOZ BOTIROV
musiqasi

Kanalinimizga obuna bo‘lishni
unutmang!

👇👇👇👇👇👇👇👇👇
/channel/AKROM_SHAMS

AKRAM SHAMS official

31 Jan 2022 10:29

🎤 Aziz Abdulloh

💜"NEGA"💜

🗞 Akram Shams she'ri

🎹 Shahboz Botirov
musiqasi

Kanalimizga obuna
bo‘lishni unutmang!

👇👇👇👇👇👇👇👇👇

👉/channel/AKROM_SHAMS

AKRAM SHAMS official

12 Jan 2022 04:50

Siz uchun yangi tarona👍

💜 "NEGA" ❤️

🎤Aziz Abdulloh
ijrosida tinglang!

🗞 She'r muallifi:
AKROM_SHAMS

🎹 Musiqiy sayqal:
Shahboz Botirov

👍 Do‘stlaringizga ham ulashing!

👉Kanalimizga obuna
bo‘lishni unutmang!

👇👇👇👇👇👇👇👇
/channel/AKROM_SHAMS

AKRAM SHAMS official

04 Jan 2022 18:04

🎬Yangi klip premyerasi

❤️SUYUKLIGIM💜

🎤Javohir Erkinboyev
ijrosida tinglang!

🗞She'r muallifi:
AKROM_SHAMS

🎬 Klipmaker:
Sardorbek Bahriddinov

Kanalimizga obuna bo‘lishni
unutmang!

👇👇👇👇👇👇👇👇👇
/channel/AKROM_SHAMS

AKRAM SHAMS official

31 Dec 2021 03:38

Мелодий 2021 йил, Жума билан бошланиб Жума билан тугамоқда

✨Кунларнинг султони Саййид-ул айём ҳаджул масокин яна бир Жума кунига насиб қилган "Аллоҳ" таолога ҳамду санолар бўлсин!

2021 йилнинг сўнги ЖУМА си Муборак бўлсин ЯҚИНЛАРИМ❗️

(NAMANGANLIKLAR👇)
➥ https://telegram.me/joinchat/AAAAAD1YJZWk068RypXHMA

AKRAM SHAMS official

27 Nov 2021 05:03

Javohir Erkinboyevda Tez kunda Yangi klip primyerasi Suyukligim

Klipmeykir Sardorbek ukam
@bek4518
https://t.me/joinchat/AAAAAEqQQCTTmoQAIu1lcA

AKRAM SHAMS official

01 Sep 2021 09:19

🎤Javohir Erkinboyev
Barcha yurtdoshlarimizga Mustaqilligimizning 30 yilligi MUBORAK
🎵 Bayraming Muborak O'zbekistonim ⚡️
♻️Admin @Javoguruhi
📌 Kanalga ulanish👇👇
https://t.me/joinchat/AAAAAEqQQCTTmoQAIu1lcA

+998937765656
+998337765655