-
قناة تهتم بنشر القصائد والألحان الحسينيه
قادم ...مهدينه يثئر بيده شايل رايه
قادم ...يبني البقيع يثبتلنه الثايه
بيمينه سل فقاره ...ما يرد الا بثاره
مهدينه يثئر بيده شايل رايه
قادم يجي بلوعه وصبر ...ويزور قبر الزهره
ويقسم على الضلع الزكي ... المكسور من الحره
يتوجه بنضرة حزن ... وبگلبه غصه وحسره
يبني القبور الاربعه ... يشيد مناره وحضره
يگلهه ...ثارج يحره آخذه ويه البيعه
يگلهه... كسر الضلع ثار ابدء بتوقيعه
ما تبقى ابد محتاره ... ما يرد إلا بثاره
مهدينه يثئر بيده شايل رايه ...........١
يتوجه لعمه الحسن ... ونار الفجيعه ابكلبه
ياعم يمهجة ناضري ... ثأرك امربع طلبه
ماكو تهاون عالعدى ... ما نقبل ومنجربه
السمك نسمه ونلعنه ... والضرب سهم نضربه
قبرك ... نبني يعم غصباً على الضدونه
قبرك ... جنه ونزوره وفنهم يمنعونه
للشيعه هاي ابشاره .. ما يرد الا بثاره
مهدينه يثئر بيده شايل رايه ............٢
من بعد ميزور الحسن ... يزور العليل ابلهفه
المظلوم من اهل الرجس ... والقيد ماكل جفه
ناح وبجه يم الگبر ... مسلوب الف يا وسفه
الميدان يشهد ها غداً ... عالعدى نشوف الرجفه
باجر ... سيف الامام ينال من اعدنه
باجر ... يتحاسبون احفاد ابن مرجانه
بينت هاي اثاره ...مايرد الا بثاره
مهدينه يثئر بيده شايل رايه ...........٣
لمحمد الباقر يمر ... يم قبره يشعل شمعه
ويكله قبرك ينبني... وبيه الاذان انرفعه
والشيعه تكصدلك مشي ... بالصحن تذرف دمعه
باب الحوائج للخلك .... واليعتنيك اتسمعه
يرجع ... مبتسم فرحان وينول امراده
يرجع ... ويقهر عدوه وتنقهر حُساده
استمع هاي اخباره ... ما يرد الا بثاره
مهدينه يثر بيده شايل رايه ..................٤
اخر قبر زاره بشغف ... قبر الامام الصادق
يا جدي يا نبع العلم ... وسيف الحقيقه الناطق
دور الظلمكم هل اجه ...ذاك الظلمكم فاسق
تتحاسب اربات الظلم ...وبذو الفقار الباشق
نفرح ...مهدينه يضهر يحكم بمعروفه
نفرح ... وعاصمه دولتنه الشريفه الكوفه
يرهبهم ابتاره ... ما يرد الا بثاره
مهدينه يثئر بيده شايل رايه ...............٥
من هدمو اقبور الاهل...كل ضنهم يرهبونه
أنذال من صلب الشمر...يخسون ميلاكونه
بس نبقى شيعه حيدره ... غصباً على الضدونه
والمهدي ننتضره يجي ... گربت وتشوفونه
يضهر ... والشيعه تحضر عالعهد وفايه
يضهر ... ونتعنه ابو صالح غداً مشايه
وتحضرت أنصاره ... ما يرد الا بثاره
مهدينه يثئر بيده شايل رايه ................٦
عباس العبودي الواسطي
ذكرى هدم قبور البقيع
/channel/Alabbodi
اعمال ليلة القدر جاهزة وكاملة امانه نسالكم الدعاء لقضاء حوائجنا☝️☝️☝️☝️
اخوكم الرادود احمد الزوار
ذكرى استشهاد الإمام موسى الكاظم عليه السلام
/channel/Alabbodi
هاي ام البنين البشدد تحضر
اي والله وحك عباس متقصر
تذكروها ××× وتحلفوها ××× ببو فاضل
والله ××× والله ××× هاي ام الفضل والغيره عدها
للدين××× وحسين××× ضحت بالولد ونطت ولدها
ديوان ××× عنوان ××× صارت للوفه لمن تعدها
لحسين ××× لحسين ××× بس لحسينها كثرت نشدها
كالت اربعتهم فدوه لحسيني
للزهراء اريداً اوفي ابديني
تصد ليهم ××× تحاجيهم ××× شنو الحاصل --‐----١
عباس ××× عباس ××× كبل لا اطلع توصيني عنها
يا ماي ××× رواي ××× يا كافل اخيته الماكو منها
يا جود ××× والجود ××× مو ماي انترس غيره من ابنها
يا حيد ××× ونريد ××× تذل الماي يا كافل ضعنها
أعرفك يا شهم يا غيره يا رايه
فرات العلكمي ردتك تذل مايه
شبل حيدر ××× مثل حيدر ××× من يقاتل--‐----٢
لو صار ××× إنذار ××× بالطف عالحرب هدو ولدها
عباس ××× نوماس ××× لجل الحره روس الكل حصدها
عثمان ××× عنوان ××× وكت الموزمه اعدائه يردها
عيناك ××× يمناك ××× عبد الله الرجال بسيفه صدها
كل هذا وتكول اولادي ما كفوا
لو مية ولد عندي فلا وفوا
يغيرتها ××× وينخوتها ××× فلا تجامل --‐----٣
متريد ××× وبعيد ××× عنها من صدك طولتو الغياب
وليل ××× اطويل ××× عنكم تسال وتنشد هوه الهاب
لحسين ××× تردين ××× سالتي الناعي مو لهلج الغياب
تكولين ×××ياعين ××× البيت ابلايه والي اليوم ينعاب
المهم احسيني سالم والبكه براسي
وخل تنكطع جف الغالي عباسي
ردت هايه ××× وصفت رايه ××× وعلم نازل--‐----٤
الله ××× والله ××× باب من الحوائج فاتحلها
مهموم ××× مهضوم ××× بس اكصدها ودموعك تهلها
متخيب ××× وتصيب ××× مكضيه ومصيباتك تحلها
ومتحير ××× وتصير ××× من تحلفها بخته وبالكفلها
وحك عباس اكول الحاجه مكضيه
وبخدر المشت للشام مسبيه
يحاجتكم ××× تجي لعدكم ××× بلا مقابل --‐----٥
عباس العبودي الواسطي
٢٠٢١ م _ ١٤٤٣
/channel/Alabbodi
عبدالله يالغالي ××× يا نبض دلالي
يا غايه آمالي ××× ليش المهد خالي
ليش المهد خالي
عبدالله يا وردة عشك
بالعطش ذبلوها
أبداً مراعوها
من الماي حرموها
يوليدي ضامي بكربله
اَي والدك رادك
بالجنه ميلادك
للمحسن امرادك
ما تخفى حسراتي ××× وذرفها دمعاتي
يل نحرك يلالي ××× ليش المهد خالي
ليش المهد خالي -------١
يبني وناشد يا ذنب
وشكم شهر عمرك
من امك يحرمك
ما حَسْب لزغرك
بكماطك الاحمر شفت
مصبوغ من دمك
من راسك لجدمك
ريت السهم ب أمك
ريت السم جاني ××× وبعدك مخلاني
وما شوفك كبالي ××× ليش المهد خالي
ليش المهد خالي -------٢
نحرك رقيق وينلجم
يل عالدفو معلم
والرمح ما يرحم
من عنده ما تسلم
والطفل كطعوا منحره
وين العدل وينه
مذبوح اخو سكينه
ودم يجري من عينه
ابني وخاف يطيح ××× لو حركاه الريح
وهذا الرمح عالي ××× ليش المهد خالي
ليش المهد خالي -------٣
مو هينه عالام الولد
لو رادته يلمها
من يحتضر يمها
ترخصله من دمها
تحلم تعجز والولد
يداريها بمداراه
طول العمر وياه
ما حسبت فركاه
لمن رجع دامي ××× جن خلصت ايامي
والحزن يبرالي ×××× ليش المهد خالي
ليش المهد خالي -------٤
يا يمه وبديره غرب
انحرم من عندك
يا يمه مر فكدك
ياهو الي يردك
وشبيدي لو حان الاجل
وكلمن بكه ابديره
بعدك علي حيره
صعبه وترى جبيره
يا يمه والغربه ××× فعلا صدك صعبه
ما جانت ابالي ××× ليش المهد خالي
ليش المهد خالي -------٥
ارخصها روحي لو ترد
وتكحل اعيوني
عنك يحسدوني
يا سلوه اضنوني
لكن فلا يحصل امل
وبيك الفرح يحله
بس هذا أمر الله
يوليدي عبد الله
شح وكتي وتماده ××× وصار الحزن عاده
وكل هذا يجرالي ××× ليش المهد خالي
ليش المهد خالي -------٦
عباس العبودي الواسطي
٢٠٢١ م _ ١٤٤٣
/channel/Alabbodi
عرفتها ×× وشفتها ×× وحركت باب
يظالم ×× لفاطم ×× بنت الاطياب
وطعنت للباري دين ××× من قتلتلها الجنين
بنت الاطياب ×××××× بنت الاطياب
دينك صفى بس بالاسم ×× ومروه ما موجوده
يل خفت من طفل ومره ×× والله عبرت حدوده
وتجاوزت بيت النبي ×× قرانه وصله وجوده
والضيفك محسن ترى ×× وبجثته الممدوده
ويكلك ×× يكلمك ×× على المحراب
يظالم ×× لفاطم ×× بنت الاطياب
يل كطعتلها الوتين ××× من قتلتلها الجنين
بنت الاطياب ×××××× بنت الاطياب .......1
ليش احركت دار الوحي ××× والغايه ما معروفه
قران ناطق للخلك ××× يل ضيعتها حروفه
بمزبله تاريخك تضل ××× وهو مناره تشوفه
مرتفعه باذان العشك ××× والشيعه كلها اطوفه
بفعالك ×× يهالك ×× حيدره شاب
يظالم ×× لفاطم ×× بنت الاطياب
بحسره بجيت الحسين ××× من قتلتلها الجنين
بنت الاطياب ×××××× بنت الاطياب.........2
صافع وجه بنت النبي ××× وام لابوها البضعه
ومأذي ريحانه علي ××× وام بيت اله والشمعه
ومسمار نابت بالضلع ××× ومطيحلها الدمعه
وشاتم ابوها وحيدره ××× ومحسنها هم اموكعه
وجعها ××× ضلعها ××× لسه ما طاب
يظالم ××× لفاطم ××× بنت الاطياب
ومنها تسمع بس ونين ××× من قتلتلها الجنين
بنت الاطياب ×××××× بنت الاطياب........3
مامش ضمير بهل وكت ×× لا والله ماكو مروه
حرمه اووره الباب ادخلت ×× لا حوله الها وقوه
ليش اعصرتها ابلا ذنب ××× ومن عدها محسن يهوه
ياظالم الله يحاسبك ××× كاسر ظلع بالكوه
اتجسر ××× على الدر ××× يوم من غاب
يظالم ××× لفاطم ××× بنت الاطياب
والوصي مكيد الادين ××× من قتلتلها الجنين
بنت الاطياب ×××××× بنت الاطياب........4
من يسألك رب العرش ××× ليش بضلالك تمضي
من تحضر أملاك السمه ××× وفاطمه لربها تشكي
ما ذنب طفلي يا خلك ××× ينزل دمعها وتبجي
شتجاوب بذاك الوكت ××× كلي شترد وتحجي
شتجاوب ××× يخايب ××× يوم الحساب
يظالم ××× لفاطم ××× بنت الاطياب
بجرمك تقر الادين ××× من قتلتلها الجنين
بنت الاطياب ×××××× بنت الاطياب........5
من قبل حكم الاخره ×××بالدنيا هم تتحاسب
زغير المحسن عالذبح ××× ليش الورد يتعاقب
والمهدي باجر من يجي ××× وبثار عمه يطالب
ومربع الحك ينوخذ ××× حقه ويدوس شوارب
قراره ××× بفقاره ××× المهدي طلاب
يظالم ××× لفاطم ××× بنت الاطياب
باجر تفر كلي وين ××× من قتلتلها الجنين
بنت الاطياب ×××××× بنت الاطياب........6
عباس العبودي الواسطي
استشهاد السيده فاطمه الزهراء
١٤٤٤ هجري ٢٠٢٢ م
/channel/Alabbodi
مــن بعـدك ظـلمونـي ...ربــعـك مــا راعــوني
بشــرهــم حالـي تكدر ...بـويـه وجتفــوا حيدر
يا بــويــه اسود شرهم ...سكطـوا طفلي بغلهم
وظلـــعي بعصرة تكسر...بـويـه وجتفــوا حيدر
بـويـة مــن غفت عينك...رحت وخلصن سنينك
جــوني لبابـي يابــوية وعـلي صـبـو حقـدهـــم
الاول كال اضربـــوهــة...الثانـي كال اشتموهة
لبنت المصطفى مـاضــل وفة وبين حسدهـــم
ما حسبو لبوية احساب...وقتحمـو علـيه الباب
وبغل وحــقـد كســروا ضــلــع مـحــد يردهـــم
اعـليـك اذرف دمـعـاتي...نار تـصـل حـســراتي
مــن الهـم كلـبي تـفطر ...بـويـه وجتفـوا حيـدر
بويــه جانـوا يغشـوك ... بصحبتهم فلا وافوك
لـــو عــدهـم وفـه دار الــصفى مــا خـربوهـــه
مــن اغفيت عالتـربـه...صفينه اني وعلي غربه
يابــويـه وفــدك غـصبـن علـي مـني خـذوهـــه
ليش بـلا ابو ضليت...بعدك بويه وحشه البيت
خـمسه اهـل الكسة دمعه بوفة ليك اذرفوهـــه
شــفنه الــضيم بـلياك ...لاصـعب قصـه فركاك
أبــجي انــي واتـحسر ... بـويــه وجتفوا حيدر
ارد اسولف يالحنين ...بويه عـن طفلي الجنين
مـحسـن شنهـو ذنبـه وهـيجـي يا بويه تخضب
لــو اسولف عالحسن...وشــقـسـه ويـاه الـزمن
يا بويــه الحسـن جبـده بـطشت وبشنهـو اذنب
من بعدك يبويه حسين..بلطف دامي دون امعين
راســه اعلـه الرمـح يقـره الكهف بويه وتحسب
وزيـنب بــرض الحـومه ....مـتحيـره ومهضومه
تنـده ياجــدي احـضــر ....بويــه وجتفوا حيدر
لا راعـــوا مــلـــح لا زاد ...بـويـه مـزنجل السجاد
رد مــحني الـضهــر ويـه الــضـعـن مـحـد فزعلـة
لــزينب خيمـه حركوهـه...مثل ما بابي وجروهـه
بقــت بيــن الــغــرب مـوقف صـعب مدمع تهلـة
وعــباس ابـلاية جفين ...بوية وسهم وسط العين
ولــو مـــو بالغــدر كــرر بــدر مــن سـيفــه ســلـة
شهـم ومـا طخ الراس ...ينزف غـيــره ونــوماس
ضــل بالطـف امــطبر ...بــويــه وجتفــوا حيـدر
صح صعبه المصايب هاي...وأن جار الزمان وياي
يــم الـــــباري يابـــويـــه الاجــر باجـــر تـحـسبــة
يتحاسب خصـمنه هناك...وندخل جنه بويه وياك
وبـــيـــوم الــقــيامـــــه الآذه عــايــلتك تــطـلبــة
ابحـك الله القصاص نريد...مـن قاتل حُسين ايزيد
والآذه الـــخــدر ذاك الــشـــمــر بــويـــه تـــأدبــة
الـــزار حسين تــزوره ... وتـــقــدرلــة شــعــوره
وتــوافــي الــيتشــكر ... بــويـــه وجتفـوا حيدر
عباس العبودي الواسطي
/channel/Alabbodi
انه علي الكرار 🌸 اقسم بربي الجبار 🌸 ما انسى ظلع الزهره
وموصي أولادي ابهاي 🌸 من الحسن للوفاي 🌸
للمهدي ثار الحره
يطلبهم بــــــهايه 🌸🌸🌸ما ثنى الحجايه
اقسم بايات وسور 🌸 بالعاديات وبالزمر 🌸 وي كطع الانفاس
لا ما ينسيني الزمن🌸رغم المصايب والمحن 🌸
من هجمت ارجاس
لا ابد ما قاصر زخم 🌸بالحومه جندلت الزلم🌸
ومصارع اشواس
بس الفقار ابلا امل 🌸 ووصيه كيدته بحبل 🌸مؤلم هل احساس
الرد الكتايب مجبور🌸يسكت على هذا الجور🌸ورد الفقار لغمده
الموصه وبهل احساس🌸ما دنك وطخ الراس🌸والله ونعم من عنده
مگيدته الـــــوصايه 🌸🌸🌸ما ثنى الحجايه
فاطمه من جاها الأجل🌸كالتله ابو حسين بخجل🌸وضل الحجي يدور
مسطوره وبعيني الدمه🌸ولحالتي تبجي السمه🌸وهل ضلعي مكسور
شلون يتجرء عالنبي 🌸 ويسبني ذاك الناصبي🌸ضَل كلبي مفطور
صدلها ابو حسين وبجى 🌸 وبصدره غصه من حجه 🌸 جن كهف مهجور
لو ادري باليجري وهيج 🌸 كل روحي افصلها اعليج 🌸 وتلكه اني البسمار
ساعتها محسنه يعيش 🌸 يوليدي اكله وبريش 🌸 حتى الجرى هم ما صار
جا ما هــــــوت آيه 🌸🌸🌸 ما ثنى الحجايه
حاجاها حيدر فاطمه🌸 ومن يحجي كلبه يألمه🌸 بعزازه مفجوع
كللها داري ابلا ضوه 🌸 بفراگج مزعل الهوه 🌸ومتضوي الشموع
والسطره جدا مؤلمه 🌸 والعين اشو تنزف دمه🌸 ومكسوره الضلوع
كللها لو بيه الجرى 🌸 والنار بيه موجره🌸 ولا اشوف الدموع
يا وسفه حيدر مجروح 🌸 وباله مشهد ميروح🌸من انحرك باب الدار
هذا الأسد ما ينوصف 🌸 وميهاب لو نازل الف 🌸 يتلقب بحامي الجار
وتعــــــــذب هوايه 🌸🌸🌸 ما ثنى الحجايه
كللها الحسين انقهر 🌸 والحسن كل كلبه انفطر 🌸 وزينب تحاجيج
يمه انتي شمعه ولو طفت 🌸 وختنكت بعبره وبجت 🌸 وين اصبر اعليج
هاي المصيبه اول جرح 🌸 وختمها ويه المنذبح🌸 وتحير بذيج
من انسبي وماكو الاهل 🌸 وعلشاطي واكعلي الكفل 🌸ساعتها اناديج
يا يمه ابنج مذبوح 🌸 ولو بيدي افدي بالروح 🌸ولا شوفه بين الضلام
لا شوف الاكبر مطروح 🌸ولا جاسم امه امن تنوح 🌸 ولا انضر لحرك خيام
ولا شـــوف الضمايه 🌸🌸🌸 ما ثنى الحجايه
اخر كلام لحيدره 🌸 ودموعه تنزل عالثره 🌸 ما انسى والله
ثار الكسر ثار السطر 🌸ثار الضلع ثار العصر 🌸والمحسن وياه
باجر الحجه ابن الحسن 🌸ياخذ بثار ام الحسن 🌸وما ينسى كل آه
يقيم اعلى كل جائر حكم 🌸 ويحاسب اربات الظلم 🌸والعدل مسعاه
باجر يجي يطفي النار 🌸 بثار الضلع والبسمار 🌸وثار اهل بيته يطلبه
ياخذها ضلام بسيف 🌸 ويرد لهل بيته الحيف 🌸من اليضد يگطع رگبه
ثار الظلـــــــــع غايه 🌸🌸🌸 ما ثنى الحجايه
عباس العبودي الواسطي
استشهاد السيده فاطمه الزهراء (ع)
/channel/Alabbodi
كســــروا ظلع مني هناك ×× والبسمار أجـه بصدري
لـــــو ماخذني بويه وياك ×× حركـــوا داري لو تدري
حركوها× وجروها ×× دار المصطفى وعصروني مرتين
لو تعلم× تتألم ×× محسن شنهو ذنبه انهد عزم حيله
بالعصره× جن نحره ×× مصيوب بسهم ظَلم علي ليله
ولأبني×رف جفني××بقيت اذرف دمع من عيني وبجيله
لو ميته ×ولا انته ×× ما جار الزمن بيه وشفت ويله
مـــن جار الــزمان وياي ×× رتــــك تـــــلتفــــت ليه
ظلمــوني يبـــويه هواي ×× ثار الهــــم خــــذوا بيه
ظلموني × وعذبوني ×× من بعدك صرت بين المجرمين
لو تدري × باليجري×× يابويه فدك سلبوهه من عندي
هضموني × واذوني ×× لا رحموا علي ولارحموا ابولدي
بلايه حجاب× خلف الباب×× لذت للستر غير الستر ما عندي
ظلعي أنصاب× بويه انعاب×× بسمار المنيه وهذا هم وعدي
بضعــــه ســــيد الأكوان ×× بــويه بعصــره اذوها
ضماير مــــاكو لا وجدان ×× يعـرفــوها ويحرفوها
عصروني× وروعوني ×× اطلــــبهــــم آنــــــــــه دين
كالوله ×وحجوله ×× ترى بالدار هذي فاطمه الزهره
ماهمه× بهلكلمه×× وكاللهم وإن ولو جانت الحره
وبعزمه× وكل همه ×× يأذي بضعتك من بعدك بسطره
من شفته× وعرفته ×× تمنيتك تجي وخنكتني العبره
حســـره بكلبي ضــلت هاي ×× واللـــــوعه بقت بيه
مـــــــــــن غمضت يالوفاي ×× مـــــارحموني شويه
اذوني× وضربوني ×× علي صاروا زلم ذوله المجبنين
ياالهادي× أولادي ×× هم بعدك ترى جار الزمن بيهم
مارحموا ×وتعدوا ×× وصبوا كـــل حقد ضامر يأذيهم
والظامي ×والدامي×× سِبْط من ولد بنتك هذا بيديهم
والحره ×متأسره ××وطـفال ويتامى الحادي يحديهم
رادوا شربـــه مـــن الماي ×× والكافــــل اخــذ جربه
مـــعروف انــــــي الرواي ×× وفنـــون الحرب حربه
وتكطع× وتروع ×× غـــــدر گطـــــــعــــــــــوله جفين
شحجيلك× وشرويلك ×× عن الحسن لو عن السبط الحسين
ثار الهم ×من جدهم×× يطلبونه ابدر ولهم ثأر بحنين
والمسموم ×والمهموم×× مرمي إسهام نعشه ودمعتله العين
والمذبوح× ضَل مطروح×× دامي اعله الارض والكافل ابلا عين
ومــــــگيد علــي السجاد ×× زينب بــــــويه مسبيه
اطفــــــــال وحــــرم تنگاد ×× للشــــــــام وضواحيه
اسروهم× وسلبوهم ×× دخلــــــــــــوهـــــــم دواوين
عباس العبودي الواسطي
استشهاد السيده فاطمه الزهراء (ع)
/channel/Alabbodi
استشهاد السيده فاطمه الزهراء (ع)
١٤٤٣ هجري _ ٢٠٢١ م
الليالي الفاطمية
/channel/Alabbodi
يمهدي...للموت نلطم عالحسن
يمهدي...للموت نلطم عالحسن
نلطم ونبجي بحسافه
نـهل دمــع للعـسكري
مــستـمـر هـذا عـزانه
وكــل نهجنــه حيدري
ارض ســامـراء تـزهي
بنـور گبتــه الجعـفـري
يبقى ابـو محمد امام
اهدعش اسمه بدفتري
روافض...نادونه ذوله اهل الفتن
يمهدي...للموت نلطم عالحسن
نقسم بظلع الزجيه
نوافي ابوك الغالي
يا شمع تضوي بدربنه
ودنيه ضلمه تلالي
باجر بطلعه ضهورك
نفرح وللتالي
يالثار الظلع صيحه
نرفع ومنبالي
يمولاي...نادت الشيعه بكل زمن
يمهدي...للموت نلطم عالحسن
عظم الله أجرك يمهدي
مصابك يأذينه
فركه الوالد كلافه
بجيته يداوينه
وحنه نتنطر نشوفك
شوفتك تغنينه
تعالج جروح الوفولك
نضرتك تشفينه
نخيناك... وبشوفتك تجلي المحن
يمهدي... للموت نلطم عالحسن
ننتضر هله هلالك
عجللنه بهل أمر
يبوصالح زاد همنه
وكل صبر ما ضَل صبر
عدل تملي الارض قسطاً
من تجي يطلع فجر
عادت الحبك يمهدي
يدعي ليك وينتضر
دعيناك...بالندبه نقراك بحزن
يمهدي...للموت نلطم عالحسن
ونفجعنه بيوم ثامن
وبربيع اول حزن
وبمصاب الحسن ضلمه
وجن ضلوعي التنسحن
نواسي غايبنه بدمعنه
يبين اعلينه الشجن
ونكصد لسامره حالاً
معتنين من الوطن
نواسيك ...للعسكري نجدد حزن
يمهدي... للموت نلطم عالحسن
عباس العبودي الواسطي
استشهاد الإمام الحسن العسكري (ع)
/channel/Alabbodi
ذكرى استشهاد الإمام الحسن العسكري عليه السلام
/channel/Alabbodi
ليله فاجعه وأحزان 🌸🌸 ظلمه اوحشه هلليله
يرحل سيد الأكـوان 🌸🌸 دم مو دمعــه ابجيله
ابجيلــه 🌸 هلليله 🌸🌸 وهمل دمعة الـعين
يا مولاي * حرت ابهاي شلون ابهل الحياة وتنگظي بدونك
لو حنيت * وشــــتاگيت منهو الي يعوض شوفه اعيونك
وجبيـــره * هـــــــلحيره صعبه أولادي يا خويه يفكدونك
تبجي العين *والحسنين زينب والحسن وحسين يبجونك
حيــدر انه يا مولاي 🌸🌸 اون لمصابك بحسره
وتــون فاطمه وياي 🌸🌸 وتبجي بغصه وبعبره
وتسألني🌸 جاوبني🌸🌸 هـم ننسى يبو حسين
يل أيـــه * وروايه مصلايه يبو القاسم جنت عدنه
والزهره * والحره تكول وبعد ابويه الموت اتمنه
خيمتنه * كعبتنه لو رحت انته توكع عمد خيمتنه
لا نهده * ولا ننسى نار مصابك وما تطفى لوعتنه
ويـــن بيا زمن مكتوب 🌸🌸 مسموم النبي يقتل
والطالب صبح مطلوب 🌸🌸 والاخــر صبح اول
يا ويلــــه 🌸شباقيلــه 🌸🌸 مــــن الله يفر وين
يالصابر * وتكابر من بعدك ترى تبدي مصيبتنه
تبدي النار * والبسمار أول كسر يصبح ضلع زهرتنه
وبني يطيح * وأمه تصيح محسن ياعلي هالراح من عدنه
حرك الباب * والمحراب محراب الصلا مقصود مو احنه
ما يكفيها حرك الدار 🌸🌸 كسرو ضلع للزهره
وبمحسن غـداً تحتار 🌸🌸 بجــو مدمع الحره
بجوها 🌸واذوها 🌸🌸 صفت مكسوره ضلعين
لو احجي * متكفي كلمات القصيده تقصر هوايه
شحجيلك * شرويلك علظيم الاشوفه ويجري ويايه
من الطبره * ما ابره ثلث ايام ينزف راسي ادمايه
ويتيتمون * وينحرمون اطفال التربوا حدر يمنايه
فزتو ابهل عزم ناديت 🌸🌸 ربي يشهد اعليه
فرض النافله اديت 🌸🌸ابگلب ضَل صافي النيه
وبدمعي 🌸 ضَل يهمي 🌸🌸 ومصلي ركعتين
والاعظم * مايسلم جبد الحسن وحسين السبط مظلوم
عالسبطين * تبجي العين احسين انذبح والحسن هل مسموم
والحره * متيسره وعلى الشاطي الكفلها مگطع ومهضوم
ضحه بعين * والجفين غدر غدرو گمرنه السوه بيها اعلوم
ومگيد عليل احسين 🌸🌸 زينب لليسر تطلع
ناصر ماكو لاكو معين🌸لو هضموها من يفزع
والكافل 🌸 ماقابل 🌸🌸 ضَل مكطوع اليدين
عباس العبودي الواسطي
استشهاد الرسول الأعظم (ص)
/channel/Alabbodi
يحســــين اعــيالك يسروها
يحســــين اعــيالك يسروها
زينب صاحت وسط الحومه
ودمعتها اعله الخد مالومه
يبن امي أطفالك مهضومه
اهـــل الشر خويه البجوها
يحســين اعـيالك يسـروها .........١
تــــــــون وتلطـم وبيا حاله
ودمعتها اعله الخد هـماله
مشــدوهه بـــوسط الخياله
ومـا عدها أنصار اليحموها
يحسين أعــــيالك يسروها........٢
مــا بين اجســــــاد التتوذر
تنـــــده وينـك يابــن حـيدر
يحسين انهض شوف الخدر
مــن طحت اعدائك سلبوها
يحســـين اعــيالك يسـروها.......٣
يبن امـي وَيَا مـاي عـيــوني
ياخـــويه اعـــدئك شتموني
وبسـياط البــــاطل عذبوني
وعـيالك بالــــــــبر شردوها
يحسـين اعـــــيالك يسروها.......٤
يحسـين انت التدري بحالي
عـــكبك ضــــــليت بلا والي
ومـــــــن قبلك كتلوا كفالي
شــــــــمر واعــوانه السوها
يحســــين اعــيالك يسروها ........٥
ابـــن زياد وذولــــه الــزمره
احــــــفاد الحقدوا عالزهره
وبـــــغل عصروا أمنه الحره
وبــــــنار اخيامك حــــركوها
يحســــن اعـيالك يســــروها .........٦
عباس العبودي الواسطي
/channel/Alabbodi
امشو يا شيعه نروح أعلى الجسر
نواسي ابن جعفر وكلبه المنكسر
من مضامين الوفاء ××× واجب انقدم عزاء
عزااااااااااء
الشيعه كلها بلا فكر صارت حياره
لموسى راحت عالجسر وبأنتضاره
رادو يشوفونه اصحابه الغياره
مكيد ومسموم اجه وماشع نهاره
جمعه جانت بالأمل متجمعين
جنازه اجاهم ابن خير المتقين
لابن خير الاتقياء ××× واجب انقدم عزاء
عزااااااااااء
موسى بامر الباري ميرد المطالب
والكصدله ما اضن يرده خايب
بامر الله تشوف من عنده العجايب
ولو جنت مغلوب ترجع منه غالب
هو دكتور العلل بمر المبين
لو كصدته ما ترد خالي الادين
ما ترد ابلا شفاء ××× واجب انقدم عزاء
عزااااااااااء
موسى صح مسجون وهمومه عديده
مسمم وقيد السناسل ماكل ايده
لو كصدته بهمك اتنول التريده
باب للمحتاج وهمومه شديده
للحوائج موسى وهموم الثكال
تعنه ليه بهمك ودمعك تعال
هذا باب من العطاء ××× واجب انقدم عزاء
عزااااااااااء
واجب انقدم عزانه ودمعه نهدي
عالحزن واللوعه ياروحي اشهدي
الدمعه نزلت نار وتجوي أعلى خدي
نوسي بيها حضرت الغايب المهدي
دمعه راحت تشتكي لربها المجيب
عالجسر مسموم ابن جعفر غريب
دمعه جانت من دماء ××× واجب انقدم عزاء
عزااااااااااء
الليله املاك السمه تنوح وحزينه
للنجف متعنيه من أرض المدينه
جابت وياها دمع بضعت نبينه
بموسى ابن جعفر اجت واست علينه
واست الوالي علي بحزن وشجون
للمغيب ضلم في قعر السجون
ناحت لهذا البلاء ××× واجب انقدم عزاء
عزااااااااااء
عباس العبودي الواسطي
ذكرى استشهاد راهب ال محمد
/channel/Alabbodi
لخيبر كان هو الأجدر ××× فتاها
لا سيف الا ذو الفقار ××× فتاها
وصيتٌ من الله جائت ××× فتاها
فبلغ يا محمد بالوصيه
عباس العبودي الواسطي
٢٠٢١ م - ١٤٤٣ هجري
/channel/Alabbodi
ذكرى وفاة ام البنين عليها السلام
/channel/Alabbodi
ما يرجع الراح لو شاء القدر
البأمر الله مكتوب ما منه مفر
عاشر بعاشور تبدي امصيبتي
من أرض المدينه اجيت ويا خوتي
مدللله ويا حيف سبيه برجعتي
تحرك هوى الهاب صارت حسرتي
ومن عدها العيون ذبلها السهر
البأمر الله مكتوب ما منه مفر ----- ١
صعبه والأطفال تفر من الذعر
وجيش ال اميه شيمهم بس غدر
غدرو كفيلي اووكع يم النهر
انطر وتانيه واضل هم انتضر
وبقه اني اتانيه وضل طول العمر
البأمر الله مكتوب ما منه مفر ----- ٢
ما ضل الي حيل من هالفاجعه
من كالو الحيد وكع عالمشرعه
راعي الكفالة جفوفه مكطعه
وبجف الحسين اصابع اربعه
والسهم بالعين كالولي استقر
البأمر الله مكتوب ما منه مفر ----- ٣
حرمه اكفلت جيش أطفال وحرم
من وصلت النار لحدود الخيم
وبالشده هيهات تلكالك شهم
وليه اولونه بعد راعي العلم
هذا الخبر صار يكسرلي الضهر
البأمر الله مكتوب ما منه مفر ----- ٤
كادونه للشام ابروس العايله
والتحدي ضلام وانه مدللله
لا مو عله البال عمله كربله
من بعد عباس أصبح ثاكله
شما حاول ايزيد ما يمحيلي اثر
البأمر الله مكتوب ما منه مفر ----- ٥
من بعد اخوتي صفيت ابلايه رآي
زرعه ومن سنين ما واصلها ماي
بس ويا الهموم بعد ضل مبتغاي
ام المصايب يلقبوني اني هاي
صحره واجه الصيف ما شافت مطر
البأمر الله مكتوب ما منه مفر ----- ٦
شيفيد العتاب وعاتب كافلي
لمن اجه وكال ابشري ادللي
من بعده ضليت وحيده ومن الي
وما بيها الوجوه واحد من هلي
بس خويه معذور يا اغلى البشر
البأمر الله مكتوب ما منه مفر ----- ٧
عباس العبودي الواسطي
٢٠٢١ م _ ١٤٤٣
/channel/Alabbodi
يم باب فاطم بالحطب هجمو ××× صار الي صار
من حيدر وطه العدى انتقمو ××× محروكه دار
بكل أحاديثه محمد ××× مني بضعه فاطمه
والي آذاها اذاني ×× × ودين الله يهدمه
فاطمه قديسه كبرى ××× ابرضها وبالسمه
ام ابيها وبنته هيه ××× وفوك كلشي مقدمه
هاي الامانه وبيها ما رحمو ××× مستعره نار
من حيدر وطه العدى انتقمو ××× محروكه دار
الله يلعن هالمسبب ××× والي كاللها وان
والي سكط منها ابنها ××× والي سبها بالعلن
تندفع بالباب حرمه ××× والظلوع التنسحن
كل هذني الي فعلهن ××× اعليها يستاهل لعن
ما ضل ضمير اعليها من ردو ××× انزاح الستار
من حيدر وطه العدى انتقمو ××× محروكه دار
ادري هالموقف يألمه ××× وسمحولي بهل طلب
ليش شو فقاره مارد ××× منهم وحز الركب
يوم هجمو على داره ××× بلسيوف وبلحطب
وهو معروف بنزاله ××× علي قتال العرب
بس الوصيه براسه من طبو ××× ضل كلبه حار
من حيدر وطه العدى انتقمو ××× محروكه دار
هلحقد من السقيفه ××× ودبرو هذا الأمر
علي كرار المعارك ××× والي كدامه يفر
ينهزم لو ضده جيش ××× وابد ما باله بمكر
لكن الصفعه ثكيله ××× والضلع هم منكسر
كلش ثكيله جبالهم خلو ××× حيدرنه حار
من حيدر وطه العدى انتقمو ××× محروكه دار
بالنهايه اكشف حقايق ××× للي كتلوها بضلام
تندفن بالسر عجيبه ××× ووحده شيعها الامام
باجر المهدي بطلعته ××× يكشف السر للعوام
ومنهم المهدي بقصاصه ××× لو تشدد ما يلام
باجر المهدي يحاسب الحركو ××× وبذو الفقار
من حيدر وطه العدى انتقمو ××× محروكه دار
عباس العبودي الواسطي
استشهاد السيدة فاطمه الزهراء (ع)
/channel/Alabbodi
يا حيـــــــدر دارك حــــركوها
يا حيـــــــدر دارك حــــركوها
انـــــه الزهره وحـرت بامري
بيـــن الباب وعفة ســـــتري
انهض يا حيــــــدر مــا تدري
اظلــــــوعي بحقد يكسـروها
يا حيـــــــدر دارك حــــركوها ...............١
يا حيـــــدر يـــا حامي لجاره
ومـــــعزب دوم لـــــــخطاره
ليش بغــل اقــــــتحمـو داره
وبابـــــــــه بنيران يـــوجروها
يا حيـــــــدر دارك حــــركوها ................٢
مـــن دفعو بابي وهضموني
يا غالــي وسطرولي اعيوني
وبــــــالباب بحقد يعصروني
مـــــــا راعوا حرمه وظلموها
يا حيـــــــدر دارك حــــركوها .................٣
بعصـــر الباب وحالي تكدر
انــــده حيــدر وينـك حيـدر
ناديتك يابـــــوحسين احضر
اعــــــــدئك زينـــــب بجوها
يا حيـــــــدر دارك حــــركوها .................٤
يـــــــم بابي واسمع كلمتهم
وحـــــدها الزهره احجايتهم
نــــــور الله يطفـــــوا غايتهم
وبــــــــــت الاخيار يشـتموها
يا حيـــــــدر دارك حــــركوها .................٥
والبســــــمار الشـيب حــالي
وطيحت محسـن ابني الغالي
تمنـــــــيت الـــــــواكع دلالي
ولا شــــوف اعضائه يمزكوها
يا حيـــــــدر دارك حــــركوها .................٦
عباس العبودي الواسطي
استشهاد السيده فاطمه الزهراء (ع)
/channel/Alabbodi
اكتب رسايل لبضعة محمد
هاي الرسايل عليها الله يشهد
تشرح السطره ××× لفاطمه الزهره
لفاطمه اشرح ضلامه ومالها حد
نار البكلبي حرك البابها امتد
من أشاهد تنسطر بضعة محمد
والهضمني محسن بارضه تمدد
والي ضلمها نراجع كلامه
يبدي بضلامه ويخلص بضلامه
وبكلبي حسره ××× لفاطمه الزهره --------١
من كلب شاعر تلضه ومستعر نار
للنبي الهادي اريداً توصل اخبار
يا تره يدري بضلعها غافي بمسار
لو دره بنار الحقد مستعره بالدار
ملعون هذا الضلمها والي قابل
للنبي المختار أولى الرسايل
واللمس شعره ××× لفاطمه الزهره --------- ٢
صرت حاير والقلم مدري شجاله
من صرت اكتب انه بثاني رساله
لبو حسين الما وكف واحد اكباله
طبق وصية النبي شكال وحجاله
ربك سترهم علي موصه الوصيه
جا ما اجو كربه باب الزجيه
غيهم يشطره ××× لفاطمه الزهره -------- ٣
والرساله الثالثه تصب مدمع العين
لو شفت يبجي عليها الحسن وحسين
من عمت عيني عليهم هل ميامين
شيبو لاكن عمرهم عدة سنين
للنار تاليته ذاكَ القهرهم
يروعهم بحقده وينزل دمعهم
والهم شكبره ××× لفاطمه الزهره ---------- ٤
الموقف الآذاني والي زاد الهموم
زينب الحسره التجرها بكلب ملجوم
تكلها يم كلب النقي وبحزنه مالوم
يمه بفراكج اضل احسب بالنجوم
يا يمه ضلعج دكولي شجراله
دم مو دمع تبجي رابع رساله
وهمومي جمره ××× لفاطمه الزهره ------ ه
وكتبت آخر رساله وبيها دمعه
تطلب بثار الضلع والخد يبضعه
بهمي وبدمعي اعلكت للمهدي شمعه
ثار فاطم سيدي امربع ترجعه
يا سيدي يمتى وتسل فقارك
وبكلب اليضدها تطفيها نارك
الواحد بعشره ××× لفاطمه الزهره------- ٦
عباس العبودي الواسطي
استشهاد السيده فاطمه الزهراء (ع)
/channel/Alabbodi
ضلعج ما نسينه ××× بدموع اجينه
وبلهفه نتحسر
ننده ها يمهدي ××× والدمعه تردي
يمتى وصدك تضهر
نصرخ يا الاه الدين ××× نريد الثار لام احسين
ننادي يا إلهي بحق ضلع فاطم وبوها
تقتص من الشرار الوره الباب اعصروها
ولدار الوحي بغل وحقدهم خربوها
من جابو حطبهم عنوه للباب حركوها
ليش بيا ذنب منها الطفل طايح لكوها
لو ليث الكتايب ما توصه ما يجوها
ننده يا بو صالح ××× محسنها طايح
وتكفكف المدمع
خافت لا يجيها ××× حيدر وليها
ويشاهد المصرع
اليوم وباجر وبعدين ××× نريد الثار لام احسين
حقد عدهم على بيت النبي واله الاكارم
وقلوب انمزجت بغل السقيفه وربها عالم
على آل النبي نسلم وان حاجيها ضالم
يضن بهذا جرمه يخفي ويغطي المعالم
ترى المسمار شاهد باجر بهاي الجرايم
ويحاسبكم عليها الباري ويزيل المظالم
وعالسطره الشديده ××× وبدفعة ايده
ما يسلم الجاني
والعصره ودمعها ××× وكسرت ضلعها
يتحاسب الثاني
امن النكرو أصول الدين ××× نريد الثار لام حسين
بوصيات النبي ما عملو بهاي الوصيه
النبي وصه بعلي وخير النسا وبنته الزجيه
ما بانت عليهم بس الأفعال الرديه
من عادو علي وفاطم تسمت رافضيه
رغم أنف اليضدوها العصابه الناصبيه
بكل مجلس ترى عدنه الليالي الفاطميه
خسران اليضدها ××× هيه اولدها
ما يوصل الكوثر
ربحان النصرها ××× بالحك ذخرها
وتوقيعه من حيدر
ونصبلها دمع العين ××× نريد الثار لام حسين
طلبت من علي وكت الدفن ما يفشي سرها
بان ما يعلن السر بعجل يخفي امرها
زغيره اعلى المكابر ماتت ابقله عمرها
وعجيبه الوالي ما نفذتله من روحه صبرها
بقى مخفي الكبر عن المحب الي نطرها
اونتنطر الغايب من يجي يكشف كبرها
من يضهر نشوفه ××× وقبرج نطوفه
وان طالت المده
كعبه ومن نشوفج ××× لازم نطوفج
والنزرعه نحصده
ويتمنه يضل عامين ××× نريد الثار لام حسين
بقى الوالي يصبر روحه وبناره يهدي
حزن فوك الوجن يحفر نهر ودموعه تردي
قضاء الله حان وانه صابر هذا وعدي
يكول بحسره راح أغلى بشر بالدنيا عندي
راحت شمعت سنيني وحياتي هذا قصدي
وبقه ثاري يلوح وينتضر رية المهدي
يضهر وبفقاره ××× ويطفي ناره
والتنصره الشيعه
ثار امه وضلعها ××× وطيحة دمعها
ونجدد البيعه
ولمكسوره الضلعين ××× نريد الثار لام حسين
عباس العبودي الواسطي
١٤٤٣ هجري ٢٠٢١ م
استشهاد السيده فاطمه الزهره(ع)
الليالي الفاطميه
/channel/Alabbodi
راية علي بجف الكمر
والدخل بالطف عالنهر
بيمينه سيف المرجله
والجربه شايل عالضهر
طب وخزر جيش العده
وكلها تدور اعلى المفر
عباس يا اشجع رجل
والكابلك كول انشطر
عباس العبودي الواسطي
/channel/Alabbodi
انه المهدي وانادي ××× اعلى ابويه أعلن حدادي
انه راعي الالم ××× اجي وشايل علم
يا شهيد ××× يا شهيد
انه المهدي وأريد أعلن حدادي
اعلى بيويه العسكري ولبس سوادي
انادي بحسره ورجع هم انادي
لون تايه ودور بالبوادي
لون مطبور وبسيف المرادي
ولا مسموم ابويه من الاعادي
ونفجع وكت المسيه ××× بوالدي ويا ريته بيه
مصابك جن سهم ××× اجي وشايل علم
يا شهيد ×××× يا شهيد .........١
جرت احداث وانه بهمي صابر
لبويه وجدي فجروها المناير
بحكم ارهاب هذا اعليها جاير
عقول انمسحت وماتت ضماير
الفعلها شيحجي ويجاوبنه باجر
مصيره في صقر نادم وخاسر
عاودت لينه السقفه ××× وبحكم ذاك الخليفه
واللي عادانه ندم ×××× اجي وشايل علم
يا شهيد ×××× يا شهيد .........٢
قدر مكتوب لجدادي الهواشم
على مر العصرو جرت مظالم
النبي المختار ودوره امي فاطم
وعلي طبرو غدر بس يبقى صائم
وبعد جدي الحسن منهم مَسالم
وحرم جدي الحسين بصحره هائم
ما اساوم عالقضيه ××× وجدي حماي الحميه
أشعر بنار الخيم ××× اجي وشايل علم
يا شهيد ×××× ياشهيد.........٣
اجي بحسره وحزن ونده يشيعه
عليكم اقسم بضلع الوديعه
بزياره عمي وجفوفه الكطيعه
وزياره جدي الحسين ورضيعه
دعاء الندبه اقروا اعلى الشريعه
يرب فرجها وبطلعه السريعه
نادوا يا رب البريه ××× اببضعه الهادي ونبيه
اكتب ويبجي القلم ××× اجي وشايل علم
يا شهيد ×××× يا شهيد .........٤
وبعد للباري اجثوا ودمعي جاري
لان حتى الصبر مل منه داري
يرب عجل نفذ حتى اصطباري
اصبر درعي يتكلم فقاري
اطفي بناري وتشب بيه ناري
لان ثار الله ثاري وهذا ثاري
لهلي ثار الحق اوقعه ××× مربع بسيفي ارجعه
اقسم براعي العلم ×××× اجي وشايل علم
يا شهيد ×××× يا شهيد .........٥
عباس العبودي الواسطي
١٤٤٣ هجري - ٢٠٢١ م
استشهاد الحسن العسكري (ع)
/channel/Alabbodi
سنبكيكَ * يقيناً ما مضى الدهرا
سنبكيكَ* عزيزاً يا ابا الزهرا
ذرفنا الدمعَ من دمٍ ومن جمرا
ونار القلبُ فـــــــيها ربنا ادرى
سنبكيكَ*** سنبكيكَ
حَزنا حُزننا ســــرمد * بـــكيناك ايا احمد
فواللهِ صدَقنا الفعلِ والقولاً
بكينا دمعنا ســاجم * نواسي بالعزا فاطم
نواسي المرتضى والسيده الاولى
كتاب الله قـــد انزل * فما ان مات او يقتل
ارتدو وكان الامر مفعولاً
أتدري بعد ان عادوا * لآل البيت قد عادوا
فبعدَ الضلعِ حيدر سيق مكبولاً
فبغضاً عاودوا آذو لكَ البضعه
وثأراً فيك كانت سيدي الصفعه
كسبطيكَ * دموعاً صبت الليله
كسبطيكَ * دماءٌ دمـــعنا سيله
فمسموماً ندهنا المصطفى جهرا
ونار القلبُ فــــــــــــيها ربنا ادرى
سنبكيكَ*** سنبكيكَ
رســــــول الله يا خاتم * ندهنا بسمك القائم
بلآهاتِ قلبُ الناسِ مهموما
ندهنا والمدى يشــهد * نبي اللهِ اســـــتُشهد
ما مات ولكن راح مسموما
فأملاك الســـما ناحت * بحزنٍ ويلها صاحت
فركنٌ للسماءِ اليومَ مهدوما
ضُلامات العدى تمطر * فـــما والله لا يهجر
أيهجر مَنْ اصطفاه اللهِ معصوما
ضُلامات العدى بالحقدِ مبنيه
لهذا يومنا صبت ســـــــقيفيه
لعينيكَ * جرعنا شدة البأسِ
لعينيكَ * فداء الروحِ والرأسِ
فما زالت ســياطٍ للعدى حَمرا
ونار القلبُ فـــــــيها ربنا ادرى
سنبكيكَ*** سنبكيكَ
للمشكاة اما تدري * عيونٌ دمعها تجري
بكسر الضلعِ في المسمارِ ما طابا
الا تبت يدا الظالم * أتى بالثأر من فاطم
بنار الحقد حقدٌ يشعل البابا
والمحرابُ قـد كَبر * أغـــدراً حيدرٌ يطبر
فمحراب الصلا قد كان محرابا
فآل البيت قد ذاقو * مــــراراً دمهم راقو
من بعدَ نبي اللهِ ما غابا
فــــهذا نهجهم قد كانَ مؤلوفا
سقيفيا الهوى بالحقدِ معروفا
بجنبيكَ * لفاطم كانت العصره
بجنبيكَ * لهذا أصبحت حـسره
بكسر الظلعِ ملعونٌ عدى جورا
ونار القلبُ فـــــــيها ربنا ادرى
سنبكيكَ*** سنبكيكَ
وهل في النحر لا تعلم * حسين السبط لا يسلم
ضمآنا بسيف الحقد مذبوحا
ففاق الجــرمُ ذي حده * كريم الآل مـــن جعده
مسمومٌ غدى عالارضِ مطروحا
وهــــــذي زينبٌ تنعى * فآل البيت هــم صرعا
بِسْمٌ واحداً والثاني مجروحا
خيامٌ احرقت جــــــورا * وعطشى ذاقت الحرى
وَدمٌ طاهرٌ عالارضِ مسفوحا
كفيل الخدرِ مـقطوعٌ له كفِ
ومحنيٌ حسين الله في الطفِ
لضلعيكَ * بحقدٍ تسحق اضلاعه
لضلعيكَ * ببــدرٌ تأخـــذ الساعه
ألا يا ليت مــن عمري له عمرا
ونار القلبُ فـــــــيها ربنا ادرى
سنبكيكَ*** سنبكيكَ
وبــــــــعدَ الآهِ والرهبه * جثونا نقرء الندبه
للهِ من الكفارِ نجينا
متـى تبعث لنا القائـــم * بقسطٍ عدلهُ قائم
اللهم سهل أمرَ مهدينا
فقد ضاقت ومنكَ الحل * الهي بالفرج عجل
تطبيقاً لحكم الشرعِ والدينا
اللهـــــــــــــــم فاَرحمنا * من الجورِ فخلصنا
فأمرٌ واحدٌ يا ربُ يكفينا
متى يضهر بحقٍ صاحب البيعه
متى يأخــذ بـثار الآلِ والبضـعه
لمهديكَ * شكونا شــدة الهونِ
لمهديكَ * طلبنا سيدي العونِ
لرب الكون رحنا نشتكي الإمرا
ونار القلبُ فـــــــيها ربنا ادرى
سنبكيكَ*** سنبكيكَ
عباس العبودي الواسطي
ذكرى استشهاد الرسول الاعظم (ص)
/channel/Alabbodi
ويــاك اريـد وغيرك شـــــــعندي
تضــل داري وحشـه لو كلت ردي
بتكــم عليلـــه وراح أضـل وحدي
بتكــم عليلـــه وراح أضـل وحدي
يبــــويه لا تخليني اعـــلى بختك
تــــــرى فراكك يزيد مرض بنتك
عـــــليك بداعت سكينه نشدتك
وياكـــم لــــو رحت تاخذني رتك
وحدي أضــل متســـــرك اخباري
وحتى الهــوى لا مـا يطـــب داري
وتضل دموعي اعلى الجفن تردي
بتكــم عليلـــه وراح أضـل وحدي
نشدتك بالله اخذني وياك اداريك
يبويه ويه الضعينه ارد انه اباريك
ولـــو محتاجه شي يمك وحاجيك
مــــن ابقــى لوحيدي وين الاكيك
لعبدالله أخــذني ويــــاك الـوليله
وعــــــن مــوقف العباس احجيله
مـــــن عيــن وجفوف لاخو يهدي
بتكــم عليلـــه وراح أضـل وحدي
مـــــن يسمــع همومي من أكلمه
ومنهو بعد الي لـو ردت احشــمه
عكبك لـو رحت يا بــويه ظلــــمه
وحتـى الهـــوى يجـرح من اشمه
بـــس ابقـــى يمك مطلبي الردته
تدري الابـــــو وشـــيعني لــبنيته
انـــت النبــض كل روحي وجبدي
بتكــم عليلـــه وراح أضـل وحدي
تمنيت ويه عمتي اكعـــد بالخيام
وتلكــه الســــياط بجتفي أوســام
ومشـي لليســر والتحدي ضـــلام
مــــــــن الطف سبيه اتعنه للشام
اعطـــش مثل ما يعطش الظامي
وجمر الخـــــــيام يجوي بجدامي
شمــر ابن جوشن بالضعن يحدي
بتكــم عليلـــه وراح أضـل وحدي
نكعــــــد بالخربه انـــــــون سويه
اونتشارك حــــزنه انــــــــه و رقيه
لــــو جابو طشـــــــــــتهم ال اميه
مــــگطوع النفــــــــس تلكونه بيه
لمــــــن اشوفك بالطشـت دامي
بحسراتي اموت وتـــخلص ايامي
هـــذا امر ربنه وانتـــــضر وعدي
بتكــم عليلـــه وراح أضـل وحدي
عباس العبودي الواسطي
الى فاطمه العليله (ع)
/channel/Alabbodi
ردينه خويه من السبي * للـــعايله تلكــاهه
ردت خليه مــن الــزلم *بس العليل وياهه
خويه بيوم العاشر دارت كل اعدنه تريد الثار
تطلبنه بخيبر والخندق يوم لبسوا ثوب العار
ما ناسين بيوم الفاهه حيدر طشرها ولماهه
للـــعايله تلكــاهه .........١
كفار بچتلك فجعـونه وبـــحقد وخسـه تلكـــونه
نيتهم هم يذلونه وحيدرنه الغالي يشتمونه
اطفالك ندبت ولياهه يحســين ومـحد وياهــــه
للـــعايله تلكــاهه ........٢
يابــو الاكبر زينب آنــــه اختك بت حيدر يالغالي
تذكرني اختك بابعد اختك كوم وشوف شصار ابحالي
ومن بعدك ضَل سوط اعداهه يتگطع خويه بمتناهه
للـــعايله تلكــاهه ..........٣
يحسين انت لتعرف حالي جيت اگصد ياخويه لغالي
أنشد وين البدر العالي چفالي وينه اليبرالي
وسكينة التنطر سگاهه راح وبس مارد ما جاهه
للـــعايله تلكــاهه ...........٤
بعدك ما تعرف سلبوني وبضرب وشتم اتولوني
وتمنيت الكافل حاضر من ضربوني ومن شتموني
وايتامك صارت بحماهه تلوذ بسدهه وتترجاهه
للـــعايله تلكــاهه ...........٥
شذكر من الطف وتذكر ذاك مصابك ما يتفسر
اذكر جاسم لو عبد الله لوعباس الما يتعذر
والقاسم من فيض دماهه تحنه بعرسه وضل يتباهه
للـــعايله تلكــاهه ...........٦
تسـمعني اختك ياوالينه بعدك من يا حال ابقينه
تعاملنه بلا شفقه ورحمه وتسلبت حتى سكينه
وختك ايست من حماهه وتمنت حيدر وياهه
للـــعايله تلكــاهه ..........٧
عباس العبودي الواسطي
/channel/Alabbodi