*قصيده للسيده زينب ع*
*وزن الشبگها*
ــــــــــــــــــــــــــــــــــــــ
ماتت الحره غريبه
وينه عباس شيجيبه
ـــــــــــــــــــــــــــــــــــــــــــ
وين يا كافل خدرها
روح شيعها الگبرها
مات وياها صبرها
من مصيبه جر مصيبه
ـــــــــــــــــــــــــــــــــــــ
مصيبتج لوعة عذابج
محد. يهيله ترابج
من الشمس راگد حجابج
والگلب موجر لهيبه
ـــــــــــــــــــــــــــــــــــــــ
والگلب منهو اليجبره
الكافل براسه الطبره
ريته يشاهد الحره
ضلت دموعج سجيبه
ــــــــــــــــــــــــــــــــــ
ضلت دموعج جريه
كون يحضرها المنيه
يصير جناز الشفيه
شلون موتتها عجيبه
ـــــــــــــــــــــــــــــــــــــــــــــ
شلون موته بلا حبايب
من يوسدها الترايب
والبطل عباس غايب
بكربله الطاهر حليبــــه
ــــــــــــــــــــــــــــــــــــــــــ
بكربله مگطعه اليمنه
وين خل يحضر الدفنه
الزينب اليوم يتعنه
تريد اخوها ابن النجيبــــــه
ـــــــــــــــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*قصيده للامام الهادي ع*
ـــــــــــــــــــــــــــــــــــــــــــــ
بالهادي عازوو الزهره
هلو يشيعه العبره
يالكبتك مهدومه
يالجبدتك مسمومه
المهدي يجر الحسره
ــــــــــــــــــــــــــــــــــــــــــــــ
وي ابو صالح ننتحب كلنه بحزن ونينــــــه
اجرك عظيم وهاالعزه منصوب ياهادينــــــه
مسموم جبدك سيدي صيحت حزن علينه
حاضره ويانه ام الحسن تسمعنه وتنادينه
يافاطمه سجليها
هاذا العزه الهاديها
بجاه الذي بسامره
بالهادي عازوو الزهره
ــــــــــــــــــــــــــــــــــــــــ
بجاهه علي نقسم الج ماينسه يا يومه
والمهدي حاضر مووتته وشاف الجبد مسمومه
تفجع عظيمه مصيبته شاع الخبر وعلومه
للهادي هلينه الدمع ورواحنه مالومه
مسموم جبده الهادي
يالزهره كلنه نادي
خلصو بيت العتره
بالهادي عازوو الزهره
ــــــــــــــــــــــــــــــــــــــــ
خلصو كلهم ياوسف ومصابهم ضل بينه
للزهره ماننسه الضلع راس الوصي مطبرينه
سم الايمه الطاهره
والصار،ماناسينه
وگبور مهدومه.غصب وينه الذي يدلينه
العاده النبي ياويله
مانام ساعه بليله
والحاطمه تنتظره
بالهادي عازوو الزهره
ـــــــــــــــــــــــــــــــــــــــــــــــــ
تنتظره ساعة محشره وهناك الهم وگفه
اي وحق جمرت جبدتك والهادي بيش نوصفه
يشبه ذبيح بكربله والذي گطعو جفه
شما يكتب وجر القلم مقصر ابد ماوفه
مقبوله هاي الخدمه
نسأل شفيع الامه
للعتره دووم مقصره
بالهادي عازوو الزهره
ـــــــــــــــــــــــــــــــــــــــ
مقصرين لهل الغانمه والقلم يعجز الهم
تحضرونه دنيا واخره ندعي بحزن ونگلهم
والهادي يشفع شيعته بدفتر يسجلهم
ياحيف ضلو عالترب ماواحد مغسلهم
نصبو عزه وگلوله
لطمتنه الك مقبوله
بحسين ذاك ونحره
بالهادي عازوو الزهره
ــــــــــــــــــــــــــــــــ
لطمتنه هاي مسجله بجاه النحر وصوابه
السامره رحنه ونندعي للهادي يم اعتابه
بحاجات جينه الحضرته ونبجي بدمع يم بابه
بيوم الحشر يسر الامر باليمنه خل كتابه
باالخاتمه ناديهم
شبحت العين عليهم.
واللطم هاذا يذخره
بالهادي عازوو الزهره
ـــــــــــــــــــــــــــــــــــ
*تمت بقلم خادمة اهل البيت ع ام وليـــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*قصيده لام البنين ع*
ــــــــــــــــــــــــــــــــــــــ
بكربله جادر الج يم البنين
فاتحه نسوي عزائج بالحسين
نروح كلنه الحضرته
ام البنين الربته
فاتحه نسوي عزائج بالحسين
ـــــــــــــــــــــــــــــــــــــــــــ
حسين ويانه بدموع الهامله
نعش فاطم فوگ متنه شايله
اليوم شيعها ابن عقد الوله
يبجي ويه شيعته
ام البنين الربته
فاتحه نسوي عزائج بالحسين
ـــــــــــــــــــــــــــــــــــــــــ
شگد. عظيم مصابه ام الوفه
من بعدها نگول ع الدنيه العفه
عل الحسين شكثر عدها عاطفه
اليوم تطلب وگفته
ام البنين الربته
فاتحه نسوي عزائج بالحسين
ـــــــــــــــــــــــــــــــــــــــــــــ
وگفته تطلب ويرفع رايه
وصيح يم الاربعه الوفايه
اليوم كلنه نعتنيله عنايه
والملائك عازته
ام البنين الربته
فاتحه نسوي عزائج بالحسين
ــــــــــــــــــــــــــــــــــــــــــــــ
عازته املاك السمه العظم المصاب
نذكره من صار دمه من الخضاب
فراگ بين حسينها وطال الغياب
حسين يجذب حسرته
ام البنين الربته
فاتحه نسوي عزائج بالحسين
ــــــــــــــــــــــــــــــــــــــــ
حسره يجذبها السبط دمعه جره
هايه ام عباس سبع الگنطره
دووم تندب بسمي شبل الطاهره
ماحضرت الدفنته
ام البنين الربته
فاتحه نسوي عزائج بالحسين
ـــــــــــــــــــــــــــــــــــــــــــــــــ
ماحضرت الدفنته الحد. الممات
ضلت تصيح ووتون بالنايبات
يله يا شيعة علي المشيعات
حسين شدن لطمته
ام البنين الربته
فاتحه نسوي عزائج بالحسين
ـــــــــــــــــــــــــــــــــــــــــــ
حسين شدن لطمته مذخوره
والخدم كلها تلوذ بنوره
كل سنه نحيي ذكر عاشوره
نعلي كلنه صيحته
ام البنين الربته
فاتحه نسوي عزائج بالحسين
ــــــــــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
موشح للسيده ام البنين ع
ـــــــــــــــــــــــــــــــــــــــــــــــــــــ
اليوم اسود. عالوفيه لابسين
نعازي الزهره وامير المؤمنين
ـــــــــــــــــــــــــــــــــــــــ
عظم الله اجرك يحماي الحمه
تبجي بدموع المصيبه فاطمه
علنت احداد وبجت ارض وسمه
هاي معروفه بكرمها. ام البنين
ــــــــــــــــــــــــــــــــــ
تضل معروفه الندبها مايخيب
علو ياشيعه البواجي والنحيب
تشفي كل وجعان لتراجع طبيب
تحل كل شده وملاذ الحائرين
ـــــــــــــــــــــــــــــــــــــــــــــ
باب للحاجات نعرف وگفتج.
خلي نمشي نروح وي جنازتج
نصيح يم عباس هايه شيعتج
شيعت نعشج يبنت الطاهرين
ــــــــــــــــــــــــــــــ
شيعت نعشج تنادي وتنتحب
شلون فاطم هالو اعليها الترب
موقفج يم البنين شگد صعب
دموم بسمج والحوائج نادبين
ــــــــــــــــــــــــــــــــــــــــــــــ
باسمج نادي ونعازيج ونگول
باب للحاجات واليطلب ينول
نقسم عليج بضلع زهره البتول
هل العزه نريدج يحره تسجلين
ـــــــــــــــــــــــــــــــــــــــــــ
تسجلينه بدفترج يم الگمر
بالعزيز حسين وبذاك النحر
كل لطمنه يبقى الج ثابت اثر
ذكرج يضل عامر بمر السنين
ــــــــــــــــــــــــــــــــــــــــــــــــــــــــــــ
تمت بقلم خادمة اهل البيت ع ام وليــ✍️ــــد الموسوي لا اجيز حذف الاسم شرعا والفاتحه الى روح والدي
ـــــــــــــــــــــــــــــ
/channel/Alalwya
*قصيدة للسيدة ام البنين ع ثگيله*
ــــــــــــــــــــــــــــــــــــــ
للمنيه توسدت تهمل عيوني
ردت غياب الطفوف يودعوني
ــــــــــــــــــــــــــــــــــــــ
صحت صوت بحسرتي منهو يحضر دفنتي دمعي هالي
ااه يروحي ولوعتي منهو يسمع ونتي من الغوالي
وحدي انه بغربتي ماجرت يمصيبتي البيت خالي
كون هسه الحفرتي يحضر ابني وهيبتي وراسي عالي
ولدي ساعات المنيه يغسلوني
ردت غياب الطفوف يودعوني
ــــــــــــــــــــــــــــــــــــــــ
يغسلوني بدمع عين والگلب يجهر ونين اعليه يبجون
عل المتون مشيعين كون يحضرني الحسين الگلب مرهون
مايجون الميتين عله الترابه مذبحين مايردون
ضلي روحي بالحنين ،،،،
كافي بسج تسالين عميه العيون
نامو بذاري الترابه وضيعوني
كون غياب الطفوف يودعوني
ــــــــــــــــــــــــــــــــــــــ
نامو وماكو خبر بحرگه ضليت انتظر عاتبتهم
صحت حفرولي الگبر ردو كافي من السفر ناشدتهم
بغربتي وحدي احتضر كون يقرولي القدر الفارگتهم
ردت مگطوع النحر وياه عباس الگمر ضيعتهم
كون ساعات المنيه يحضروني
ردت غياب الطفوف يودعوني
ـــــــــــــــــــــــــــــــــــــــ
ايست ماكو امل گرب ياروحي الأجل نامي ياعين
طشر البين الشمل بگيت وحدي بلا اهل صارلي سنين
ضلت دموعي تهل جمر حسيته نزل عله الخدين
محد عليه سأل العجل ياربي العجل صحت مرتين
هاي تاليتي بهجرهم عذبوني
ردت غياب الطفوف يودعوني
ـــــــــــــــــــــــــــــــــــ
تعذب هواي الگلب فراگ النحبهم صعب ااه يالاحباب
ما يذكروني شعجب بدمعي وديته العتب هاا يغياب
النامو بسافي الترب دمعي عليهم يصب ماكو جواب
مايردون شعجب ناشدت شنهي السبب ياهوه الهاب
بعد ميفيد العتاب وي الجفوني
ردت غياب الطفوف يودعوني
ــــــــــــــــــــــــــــــــــــــــ
اعتب وكلي وجع اشرح الهم كل وضع وهاي هي
عيوني تهمل بس دمع الگبري، من يعلگ شمع بها المسيه
لا خبر منهم رجع منهو العتابي سمع ورد عليه
الموتي راودني الوجع غيابهم گلبي شلع. للمنيه
ريت حضروني المنيه ويدفنوني
ردت غياب الطفوف يودعوني
ـــــــــــــــــــــــــــــــــــــ
تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي
ـــــــــــــــــــــــــــــــــ
/channel/Alalwya
الدهر يحسين هد حيلي..وهدماك
طريح عالثره ومسلوب.. هدمـاك
تسعر بالگلب نيران.. هدمـاك
تطفي النــار يالرحت من اديـه
ام وليـــ✍️ـــد الموسوي
،،،،،،،،،،،،،،،،،،،،،،،،
زينب صفگت الراحات.. بالــراح
وطحنت الروح شبه الطحن.. بالراح
فرحان العدو بحسين.. من راح
يانـار الشماته اووجرت بيــه
ام وليــــ✍️ـــد الموســـــــوي
/channel/Alalwya
*هوسات بحق شهداء، الحشد المقدس،*
ــــــــــــــــــــــــــــ
مضعينه الحشد هاليوم يردونه
خلاها الجثث عالترب مرهونه
ابو مهدي شجاع الكل يهابونــــــه
((ماخذها الهيبه من جدوده))
ــــــــــــــــــــــــــــــــــــــــ
ماخذها الشجاعه من البطل عباس
مقدس هالاسم ينرفع فوگ الراس
الحشد با سمك يخوف زمرت الارجاس
((يرهب لو صال العدوانه))
ـــــــــــــــــــــــــــــــــــ
تضل خالد يبو مهدي والك. منصوب
تمثال الحشد ثابت وسط الگلوب
انته وقاسم الابيض لبستو الثوب
((شهادتكم فخر للدوم نحجيها))
ــــــــــــــــــ
ام وليــــ✍️ــــد الموسوي لا اجيز حذف الاسم شرعا
ــــــــــــــــــــ
/channel/Alalwya
التحق ركب الشهاده وحارب الباطل ابو مهدي المهندس خو تعرفونه
اسمه وي الصحابه اتسجل ومختوم وگله حسين هاي الجنه مضمونه
كل عام يتجدد ذكره جن عاشور يعنوان الشجاعه الكل يهابونه
يارمز الجهاد وفخر كل الناس على الباطل ابد ماغمضت عيونه
هنيئا والشهاده علگتها وسام احفاد يزيد يا وسفه يغدرونه
يبو مهدي عليك الدمع دم نجريه وياشيعة علي هيهات تنسونه
نشاهد صورتك جن عايش وموجود يضل اسمك مخلد ما يدفنونه
ام وليـــ✍️ـــد الموســـوي لا أجيز حذف الأسم شرعاً
/channel/Alalwya
*ابوذيه لمولد الامام علي ع*
ـ🌹🌹🌹🌹
بحب حيدر علي وآله تمســـــــك
طوف بحضرته وعطره تمســـــك
بعد يا نار بس گلي تمســـــــــك
اذا زرت الجنان الحيدريــــــــــه
🌹🌹🌹🌹
يهيـــــم الگلــــب بالكرار ونشـــــاد
بمولودك اقـــدم وروود ونشــــــــــاد
نولد وين الجنين اسالت ونشـــــــاد
بيت الله الولاده الجعفريـــــــــه
✍🏻العلوية ام وليد الموسوي
🌹🌹🌹🌹/channel/Alalwya
*ابوذيه ونعي للسيدة الزهراء ع*
ـــــــــــــــــــــــــــــــــــــــ
سره نعش الحنينـــــه وشال بليــــــل
زينب تذكر الگعدات بليــــــــل
ثوبي من الدموع عليج بليــــــــل
يتيمــــه وفاگده الزهره الزجيــــــــــه
ــــــــــــــــــــــــــــــــــــ
النعش ناديت بيه ريض وردهه
نهدم حيلي على الزهره وردهه
امي من الزغر ذبلو وردهه
بريعان العمر رحتي من اديــــــــه
ــــــــــــــــــــــــــــــــ
*نعي خطاب ما بين السيده الزهراء ع والسيده زينب ع*
ـــــــــــــــــــــــــــــــــــــــ
زينب تصيح هنا يزهره
رحتي بعجل فلت العشره
گلبي بعد جا بيش اصبره
ــــــــــــــــــــــــــــــــ
يزينب ييمه شبيدي عليج
ادري اليتم كتال ياذيج
عندي وصيه ورد وصيج
ـــــــــــــــــــــــــــــــــــــــــــــ
شنهي الوصيه وعفتي الحسين
مكسور گلبه ويهمل العين
ما حسبت يمه تروحين
ـــــــــــــــــــــــــــــــــــــــ
مو بيدي حانت ساعة الموت
وردت النعش ينشال بسكوت
بظلمة علي شايل التابوت
ـــــــــــــــــــــــــــــــــ
يزهره عندي وياج انه عتاب
عفتي البنيه شنهي الاسباب
خاب الامل يم الحسن خاب
ـــــــــــــــــــــــــــــــ
يزينب اوصيج. بوصيه
لو صار يوم الغاضريه
وحسين ما شارب اميه
ـــــــــــــــــــــــــــــــ
بوسي حسين وشمي صدره
وگليله الوصيه من امي زهره
باجر تره ينگطع نحره
ـــــــــــــــــــــــــــــــــــــــــــــ
ييمه بكربله ريتج تحضرين
الم الاطفال وي النساوين
ومصايب كربله عني تشيلين
ـــــــــــــــــــــــــــ
تمت بقلم خادمة اهل البيت ع ام وليـــ✍️ــــد الموسوي
لا اجيز حذف الاسم شرعا والفاتحه الى روح والدي
/channel/Alalwya
بسم الله الرحمن الرحيم والصلاة والسلام على خاتم الانبياء والمرسلين وعلى اله الطيبين الطاهرين ترقبو اصدار النسخه الاولى من ديوان (( سجدة الوداع )) الخاص بالامام علي والامام الكاظم عليهما السلام بقلم خادمات اهل البيت ع، الشاعره ام علي البابلي والشاعره العلويه ام وليد الموسوي قريبا في الاسواق احجز نسختك من الان فالكميه محدوده
Читать полностью…
*قصيدة ندبـــــــه لمولاي امير المؤمنين ع*
ــــــــــــــــــــــــــــــــــــــــ
سلام الله عله بابه سلام الله عله عتابه
يا باب الوسيع وحامي دخيله عدنه هموم يا ابا الحسن نشكيله
بسرعه ينطي جوابه سلام الله عله بابه
ــــــــــــــــــــــــــــــــــــــ
ينطينه الجواب نحلفه بالزهره
مولاي بضريحك نسجب العبره
يم گبرك اجيت اليوم للحضره
يسجل الزاره بكتابه سلام الله عله بابه
ـــــــــــــــــــــــــــ
نزورك سيدي ونطوف بالجنـــــــه
اسمع صدى صوتك هله بخادمنه
وحق زينب تزيل همومنه العدنــــــه
يرحب دووم بحبابــــــــه سلام الله عله بابــــــــه
ــــــــــــــــــــــــــــــــــــ
يرحب دووم للخادم وهو يرفعــــــــه
لو طاف بضريحه وسگطت الدمعه
يعرف كل سبب ويقدره وضعـــــه
المخلص يعرف اسبابه سلام الله عله بابــــــه
ـــــــــــــــــــــــــــــــــــــــــــ
يعرفنه وقره النيه النجي بيها
الحاجه يا علي يمك نخليها
كفو ونعمين منك وانته راعيها
ويانه دموعه سجابه سلام الله عله بابه
ـــــــــــــــــــــــــــــــــــــــــــــ
ويانه بكل وكت معروف بالشـــــده
كلمن يگصده بالحاجه ميـــــــــرده
يامن بيه كلمن لايــــذ بســـــده
وحق هامته ومحرابه سلام الله عله بابـــــه
ـــــــــــــــــــــــــــــــــــــ
وحق محرابه وهامته المطبوره
يگضي حاجته كلمن مشه يزوره
خيمتنه علينه ودووم معموره
يطيب الجرح وصوابه. سلام الله عله بابه
ـــــــــــــــــــــــــــــــــــــــــــــ
*تمــــــت بقلم خادمة اهل البيت ع ام وليـــ✍️ـــــد الموســـوي لا اجيز حذف الاسم شرعا والفاتحه الى روح*
ـــــــــــــــــــــــــــــــــــــــ
/channel/Alalwya
*اوذيه للسيدة الزهراء ع*
ــــــــــــــــــــــــــــــــــــ
دمع عيني على فرگاج ينسال
وگلبي يالحنينه عليج ينسال
على الزهره شيگول الراد ينسال
حيف وغربت تحت الوطيه
*نعي*
ـــــــــــــــــــــــــــــــــــــــ
نگطع الضنه لو تجينــــــــه
يادارها وحشه وحزينـــــــه
صحت بعجل ردي الضعينـــــه
ــــــــــــــــــــــــــــــــــ
ياالماشيه لا وين منواج
يم الحسين خذيني وياج
وحشه المباني خلاف عينـــــــاج
ــــــــــــــــــــــــــــــــــــــــ
والييت عگبج ما هويتــــــه
وطولج يزهره ضيعيته
والحزن يحبيبه جنيتـــــه
ـــــــــــــــــــــــــــــــــ
جنيت المصايب يالحنينه
ذكرنه ارباج يايمه وبجينه
سيري ولو ليله علينــــــه
ــــــــــــــــــــــــــــــ
بعد. ماترد ايس يگلبي
يدموع عيني دمووم صبي
كله عله الزينات عتبي
ــــــــــــــــــــــــــــــــــــــ
اعتب عليهن ضيعنـــــــه
حنينات يالتسوون الونــــــه
عليهن ما طبگ لحظه جفنـــــــه
ـــــــــــــــــــــــــــــــــ
*تمــــــــــــــت بقلم خادمة اهل البيت ع ام وليــــ✍️ــــد الموســــــوي لا اجيز حذف الاسم شرعا والفاتحه الى روح والدي*
ــــــــــــــــــــــــــــــــــــــــ
/channel/Alalwya
*قصيدة للسيدة الزهراء ع وزن النصاري*
ــــــــــــــــــــــــــــــــ
مسجلته ام حسن هاذا لطمنــــــه
باجر بالحشر تتشفعلنـــــــــه
شديها لطمتــــــــج
مضمومنه خدمتــــج
باجر بالحشر تتشفعلنــــــــــه
ــــــــــــــــــــــــــــــــــــــــ
باجر بالحشر هي الشفعيــــــه
امرها ام الحسن كلنه نطيعه
نسمع صوت اجانه من الوديعـــــــه
ماانسه وگفتـــــج
مضمونه خدمتــج
باجر بالحشر تشفعلنــــــــــه
ــــــــــــــــــــــــــــــــــ
ماانسه المجالس من تنصـــــــبون
وياكم اجي وتهل العيـــــون
اوگف بالعجل لمن تندبــــــــون
مذخوره دمعتـــــــج
مضمونه خدمتــــج
باجر بالحشر هيه تتشفعلنــــــــــه
ــــــــــــــــــــــــــــــ
مذخور اللطم كله وبجيكـــــــم
اذا ماكو عزه اعتب عليكـــــم
وبيوم المنيه احضر وجيكـــــــم
وتنور حفرتــــــج
مضمونه خدمتــــج
باجر بالحشر تتشفعلنـــــــه
ـــــــــــــــــــــــــ
اعلگ شمعه وتنور الحفـــــــره
دفتر بيدي المجلس احضـــــره
سمعتج صحتي ها يم حسن نظــــــره
ودمعج سال شفتــــــج
مضمونه خدمتـــــــــج
باجر بالحشر تتشفعلنـــــــه
ــــــــــــــــــــــــــــــــــــــــ
دمعج سال وي زينب تلطمين
وصحتي ااه يزهره وهلت العين
نريدج هالعمل النه تسجلين
مخنوگه بعبرتج
مضمونه خدمتــج
باجر بالحشر تتشفعلنــــــه
ـــــــــــــــــــــــــــــــــــــــ
مخنوكه بعبرتج على المذبوح
والحسين ومصابه وين ماروح
امني كل حمل مايضل مطروح
زينب سلجلتـــج
مضمونه خدمتــــج
باجر بالحشر تتشفعلنــــــه
ـــــــــــــــــــــــــــــــــــــ
*تمـــــت بقلم خادمة اهل البيت ع ام وليـــ✍️ـــــد الموسوي لا اجيز حذف الاسم شرعا والفاتحه الى روح والدي*
ـــــــــــــــــــــــــــــــــــــــ
/channel/Alalwya
*فزاعيه سريعه للزهراء ع. او لنهاية المجلس*
ـــــــــــــــــــــــــــــــــــــــــــــ
كله عزانه اليوم للمظلومه
ــــــــــــــــــــــــــــــــــ
نبجي ونهل العين
تستاهل ام حسين
وي زينب معزين
مولاتي ما ننسه الضلع ودمومـــــــه
ــــــــــــــــــــــــــــــــــــــ
ضلعج فلا ننساه
والباب من دفعاه
صوت الحزن ننعاه
يازهره رحتي للگبر مهمومه
ــــــــــــــــــــــــــــــــــــ
للگبر من دفناج
حيدر علي ينعاج
صحنه بحزن وياج
يم شبر ولا صار ضلعج يومــــــــه
ــــــــــــــــــــــــــــــــــــــــ
مصابج ابد ماصار
من هجمو عله الدار
ماكو رحم كفار
مابين نار وحايط المحشومه
ــــــــــــــــــــــــــــــــــــــــــــــ
محشومه قدوتنه
للزهره لطمتنــــــه
تقبلها خدمتنــــــــه
بدفتر الخدمه يسجل الجيدومه
ـــــــــــــــــــــــــــــــــــــــ
حيدر علي وزينب
ويانه ضل ينحب
لم ضلع المصوب
ياخبر يومج طش علينه علومه
ــــــــــــــــــــــــــــــــــــــــ
تمـــــــت بقلم خادمة اهل البيـــت ع ام وليـــ✍️ـــــد الموســــــوي
لا اجيز حذف الاسم شرعا والفاتحه الى روح والدي
ــــــــــــــــــــــــــــــــــــ
/channel/Alalwya
*قصيده للسيده زينب ع وزن بحر السريع*
ـــــــــــــــــــــــــــــــــــــــــــ
زينب توون يم الحسن رادتج
بديره غريبه ضلت بنيتج
ـــــــــــــــــــــــــ
بغربه وتمنيتج تجيني بعجل
تحضريني يمه حان مني الاجل
ليش عله زينب تالي محد سأل
تهمل عيوني وردت بس شوفتج
ــــــــــــــــــــــــــــــــــــــــــ
شووفتج تحييني وبقيت انتظر
زينب تتون ااخر نفس تحتضر
خلص نوايب والقهر هالعمر
يم راسي گعدي خل تهل دمعتج
ــــــــــــــــــــــــــــــــــــــــــ
تهل الدمع يم راسي الطاهره
انه الذي شفت الاخو ومنحره
ليش العديله يهلي محد قره
بساعة الموت وردت بس وگفتج
ـــــــــــــــــــــــــــــــــــــــــ
بساعة الموت عيوني الج شابحه
منهو اليسوي بموتي الفاتحه
نشال النعش بسكوت لا نايحه
يم گبر مخفي وما شفت دفنتج
ــــــــــــــــــــــــــــــــــــــــ
يم گبر مخفي وكل اثر ما اله
هاليوم زينب للگبر شايله
كونج تجين ودمعتج هامله
مشتاگه روحي تنطر الجيتج
ــــــــــــــــــــــــــــــــــــــــــــــ
مشتاگه روحي تموت بين الأهل
لم الخدر اكتب ودمعي يهل
تمنيت ازورن مرقدج بالعجل
صارت حلم يازينب زيارتج
ـــــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
ــــــــــــــــــــــــــــــ
/channel/Alalwya
*قصيدة وزن الموشح للبنات الحوزويات لعبروهم المرحله الأولى*
ــــــــــــــــــــــــــــــــــــــــــــــــــــ
احنـــــــه طلاب الحسين بحوزتـــــــــه
وبالاشراف ويانه حاضر حجتــــــــه
ـــــــــــــــــــــــــــــــــــــــــــــــ
نعاهد حسين ونجددله الــــــــولاء
نسير كلنه بمنهجه نلبي النـــــــــداء
هاي مدرسة العلم ثم الوفاء
عالشرف والدين ضحه برگبته
ــــــــــــــــــــــــــــــــــــــــــــ
عالشرف والدين ما ننسه المصاب
بالعزم والقوه نعبرها الصعاب
الزهره قدوتنه وتعلمنه الحجاب
فاطميه مهدويه ثابتــــــــــه
ـــــــــــــــــــــــــــــــــــــ
فاطميات وگضينــه المرحلــــــه
العلم نور وكل ظلم نتجاهله
بحب ابو صالح تسير القافله
ربي بجاهك تعجل ساعته
ـــــــــــــــــــــــــــــــــــــــــــــــــ
ربي بجاهك توفق هالبنات
نريد حسن الخاتمه نريد الثبات
نبقى عشاق الحسين وللمات
ندرس بحب ابو اليمه وسيرته
ــــــــــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي والفاتحه الى روح والدي*
/channel/Alalwya
*قصيدة الذكر مولانا الحسين ع في ليلة الجمعه*
ـــــــــــــــــــــــــــــــــــــــــــــ
*ياليلة الجمعه شكر مشتاگه
ارد اسألج وي المشو نتلاگه
ردت عليه الجمعه
هيهات منهم رجعه
مشتاگ گلبي وخل يفل اشواگه
ياليلة الجمعه شكر مشتاگه
ـــــــــــــــــــــــــــــــــــــــــــــــــــــ
ياليلة الجمعه العتب ماينفع
واليندفن بتراب لا مايرجع
تشتاگ الهم خل نهل المدمع
الفاتحه اقره وانعه
هيهات منهم رجعه
مشتاگ گلبي وخل يفل اشواگه
يالبلة الجمعه شكثر مشتاگه
ــــــــــــــــــــــــــــــــــــــــــــــــــــــــ
يس والفاتحه نرتل بيهم
كل ليلة الجمعه تره بطاريهم
شگد ودعينه اعزاز ومضيعيهم
ع الگبر نعلگ شمعه
هيهات منهم رجعه
مشتاگ گلبي وخل يفل اشواگه
ياليلة الجمعه شكر مشتاگه
ـــــــــــــــــــــــــــــــــــــــــــــــــــــــــــ
نعلگ شموع ولا خبر يلفينه
لاعزازنه بلهفة حزن تانينــــــه
سفرة الموت تطول ندري علينه
يوميه غالي نودعه
هيهات منهم رجعه
مشتاگ گلبي وخل يفل اشواگه
ياليلة الجمعه شكثر مشتاگه
ــــــــــــــــــــــــــــــــــــــــــ
شگد. ودعينه عزاز يا وحشتهم
غفله مشو واحنه بأمل رجعتهم
ماكو رحم غداره يا دنيتهم
بكل زين يعجب طبعه
هيهات منهم رجعه
مشتاگ گلبي وخل يفل اشواگه
ياليلة الجمعه شكثر مشتاگه
ـــــــــــــــــــــــــــــــــــــــــــــــ
بكل واحد من اهل المروه نفگـــــــده
وغيابهم يكتل تطول المـــــده
بحار الترب نام وتوسد خـــــــده
خل نذكر ابن البضعه
هيهات منهم رجعه
مشتاگ گلبي وخل يفل اشواگه
ياليلة الجمعه شكثر مشتاگه
ــــــــــــــــــــــــــــــــــــــــــ
خل نذكر حسين الذي موذرينه
لا غسل لا تجفين الله يعينه
ضل ع ترابه السبط شابح عينه
لا صعب تشرح وضعه
هيهات منهم رجعه
مشتاگ گلبي وخل يفل اشواگه
ياليلة الجمعه شكثر مشتاگه
ـــــــــــــــــــــــــــــــــــــــ
لا صعب. نشرح وضع اخته الحره
خطيت الج مو قلم دمعي يجره
اكتب وگول وياج والله مقصره
بيوم المنيه تنفعه
هيهات منهم رجعه
مشتاگ گلبي وخل يفل اشواگه
ياليلة الجمعه شكثر مشتاگه
ــــــــــــــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموســــــوي لا اجيز حذف الاسم شرعا والفاتحه الى روح والدي*
/channel/Alalwya
هوسات لام البنين ع
ـــــــــــــــــــــــــــــــــ
اذا عندك هموم وبالگلب نيــــــه
باسم ام البنين الحاجه مگضيـــــــه
اقره الفاتحه وبدمعه مجريـــــــه
وگلها بداعت حسين وغواليه
((باب الكل حاجه وتگضيها))
ــــــــــــــــــــــــــــــــــــــــــ
تگضيها الوفيه مجربه بهايــــه
هاي ام البنين وجينه عنايه
بسمج هالندبنه ونعگد الرايه
هموم من الوكت حملينه هوايه
((وكل عله البينه تشافيها))
ـــــــــــــــــــــــــــــــــــــــ
تشافين المريض ونعرف الوصفات
اجينه المجلسج دم نهمل الدمعات
نحلفج بالذبيح الضل على المسنات
انتي مجربه وتشهد الج وگفات
((دكتوره وطبج يشفينــــــه))
ــــــــــــــــــــــــــــــــــــــــــــــ
يدكتوره وعليج الروح ملهوفه
تمنينه الگبر بيه حضره ونطوفه
عليج الدهره نعرف حدهن سيوفه
عليج رواحنه يالحره ملهوفه
((دنيانه هموم وتدريها))
ــــــــــــــــــــــــــــــــــــــــــــــ
تمت بقلم خادمة الحسين ع ام وليــ✍️ــــد الموسوي
لا اجيز حذف الاسم شرعا والفاتحه الى روح والدي
ـــــــــــــــــــــــ
/channel/Alalwya
*قصيدة للسيدة ام البنين ع ثگيله*
ــــــــــــــــــــــــــــــــــــــ
للمنيه توسدت تهمل عيوني
ردت غياب الطفوف يودعوني
ــــــــــــــــــــــــــــــــــــــ
صحت صوت بحسرتي منهو يحضر دفنتي دمعي هالي
ااه يروحي ولوعتي منهو يسمع ونتي من الغوالي
وحدي انه بغربتي ماجرت يمصيبتي البيت خالي
كون هسه الحفرتي يحضر ابني وهيبتي وراسي عالي
ولدي ساعات المنيه يغسلوني
ردت غياب الطفوف يودعوني
ــــــــــــــــــــــــــــــــــــــــ
يغسلون ام البنين والگلب يجهر ونين وتغفه العيون
عله المتون مشيعين كون يحضرني الحسين الگلب مرهون
مايجون الميتين عله الترابه مذبحين مايردون
نامو بذاري الترابه وضيعوني
كون غياب الطفوف يودعوني
ــــــــــــــــــــــــــــــــــــــ
نامو وماكو خبر بحرگه ضليت انتظر عاتبتهم
صحت حفرولي الگبر ردو كافي من السفر ناشدتهم
بغربتي وحدي احتضر كون يقرولي القدر الفارگتهم
ردت مگطوع النحر وياه عباس الگمر ضيعتهم
كون ساعات المنيه يحضروني
ردت غياب الطفوف يودعوني
ـــــــــــــــــــــــــــــــــــــــ
ايست ماكو امل گرب ياروحي الأجل نامي ياعين
طشر البين الشمل بگيت وحدي بلا اهل صارلي سنين
ضلت دموعي تهل جمر حسيته نزل عله الخدين
محد عليه سأل العجل ياربي العجل صحت مرتين
هاي تاليتي بهجرهم عذبوني
ردت غياب الطفوف يودعوني
ـــــــــــــــــــــــــــــــــــ
تعذب هواي الگلب فراگ النحبهم صعب ااه يالاحباب
ما يذكروني شعجب بدمعي وديته العتب هاا يغياب
النامو بسافي الترب دمعي عليهم يصب ماكو جواب
مايردون شعجب ناشدت شنهي السبب ياهوه الهاب
بعد ميفيد العتاب وي الجفوني
ردت غياب الطفوف يودعوني
ــــــــــــــــــــــــــــــــــــــــ
خط العتاب شرجع اشرح الهم كل وضع وهاي هيـــــــــه
عيوني تهمل بس دمع الگبري، من يعلگ شمع الوحشتي بهاي المسيه
لا خبر منهم رجع منهو العتابي سمع ورد عليه
الموتي راودني الوجع غيابهم گلبي شلع. للمنيه
ريت حضروني المنيه ويدفنوني
ردت غياب الطفوف يودعوني
ـــــــــــــــــــــــــــــــــــــ
تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي
ـــــــــــــــــــــــــــــــــ
/channel/Alalwya
*كلمات بحق شهداء،الحشد المقدس، شهداء، الجهاد والتضحيه*
ــــــــــــــــــــــــــــ
نعم. ضد الاحزاب وكل حزب ماريد
بس، حزب المهندس لا ترفضونه
حقيقه ولا تملق نحجي الواقع
يربات الحشد ونفرض قانونه
شريد اوصف صفات البيك محتاره
يالگبرك مناره الكل يطوفونه
العصمه تصير لهل البيت معروفه
بس ابن مظاهر هم يزورونه
وانته تسجلت وي الصحابه هناك
بجنات الخلد اسمك يرفعونه
خسر كلمن يضدك لا تضن ربحان
والضاگ الملح والزاد ويخونه
يشجعان الحشد ثابت اسمكم دووم
مـــخلد للدهر لا ما يدفنونه
يقاسم يبو مهدي ها يرفعت راس
من داعش واهل الظلم حامونـــه
خل تفيدهم دنيانه مفنيه
السليماني والك هالجنه مضمونه
وبيوم الحشر يتقاضى بالخانوه
ونار الحاطمه للخان مرهونه
ياساس الجهاد وعمره عشر سنين
الميعرفه بحجيكم لا تظلمونه.
تاريخ ويضل نحجيه للاجيال
بحسن الخاتمه هناك يتلگونه
ــــــــــــــــــــــــــ
ام وليـــ✍️ــــد الموسوي لا أجيز حذف الاسم شرعاً
/channel/Alalwya
سليماني يقاسم تشهد الوگفات
ضد الباطل ورجعته بحدوده
شخصيه المهندس وي سليماني
بصمه الهم بقت لليوم موجوده
يعرسان الشهاده وجوه مبتسمه
سيماهم بالوجوه وهاي مشهوده
عمت عين التراب الضم سليماني
ويــــاه المهندس حفرو الحوده
المهم هاي الشجاعه يشهد التاريخ قضيتوا عله الشمر وبليس وجنوده
جاوين ذكرهن طمس لا تذكار
نكسرت ونحنت رايتهم السوده
وراية ابو مهدي عاليه بزوده
محروسين من الله واهل البيت
وبيومه القيامه توگف جدوده
وعباس البطل وحسين يتلگاه
ويفرح بالشهاده وترجع زنووده
((مضعينه يافخر الامه))
((نكس رايتهم مهدينه))
((گبرك ينطاف من نزوره))
ام وليــــ✍️ــــد الموسوي لا اجيز حذف الأسم شرعاً
/channel/Alalwya
*كلمات بحق الذين يحتفلون بكرسمس*
ـــــــــــــــــــــــــــــــــــــــــ
كل دورة سنه باالحفل والدمام
تتلـــــــگونها والـــدنيا مگلوبه
شفرقكم عن يزيد شلابسين اليوم
احمر وام حسن بالضلع مصيوبه
كذالك حرمله ويزيد واعوانه
فرحانين بحسين وسلب ثوبه
دموعك يبوصالح هلت امن ادموم
شيعـــيه النماذج هاي محسوبه
المفروض العزاء ينعلن لم حسين
ومجلس فاتحه بكل بيت منصوبه
لكن كل نفس بالعملته مرهون
وبيوم الحشر تنعرض مطلوبه
دنيــــــا واخره باللعنه ملعـــــونين
وفاز اليرضي ربه ويرضي محبوبه
الوسام عله الصدر ينكتب يازهراء
موش كرسمس عله الصدر مكتوبه
العنده فلوس يذكرهم احباب الله
موش عله الغجر فرغهم جيوبه
عاصمة الثقافه النجف سموها
وبحيدر علي الكرار مهيوبه
تاليها الطرب برض السلام يصير
ويــــن المنتظر حالتنه متعوبه
ـــــــــــــــــــــــــــــــــــ
ام وليــ✍️ــــد الموسوي لا اجيز حذف الاسم شرعا
ـــــــــــــــــــــــــــــــــــ
/channel/Alalwya
*قصيده ندبه للسيده شريفه ع
ـــــــــــــــــــــــــــــــــــــــــــــ
شريفه مجربه وباالكرم معروفه
نزور بحضرتج والدمعه مذروفه
ــــــــــــــــــــــــــــــــــ
نطوف بحضرتج ودموعنه نهلها
عدنه هموم مولاتي بحزن گلها
تگضي حاجتك يالمعتني اسالها
كل مهموم گلبه الطاهره تشوفه
ــــــــــــــــــــــــــــــــــــ
كل مهموم گلبه الطاهره تنظــــره
نندبج والگلب مخنوگ بالعبــــــــره
بشباجج يحره الحاجه متيســـــــره
والطالب الحاجه ابد متعوفــــــه
ــــــــــــــــــــــــــــــــــ
متعوفه شريفه الحاجه تگضيها
كريمه وبالكرم معروفه اهاليها
صفي نيتج وتوجهي ليها
بطاريج يأمن مايضل خوفــــــه
ــــــــــــــــــــــــــــــــــــ
طاريج امان وتگضي الكلفه
هواي امراض صعبه ابحضرتج تشفــــــه
عجز منها الطبيب وجبنه الوصفه
وگالو للمرض والحاجه موصوفه
ــــــــــــــــــــــــــــــــــــ
موصوفه وطيببه الكل مرض عدها
والدها الحسن والمرتضى جدها
يرد فرحان كلمن راح گاصدها
وحق الي مشت والطبت الكوفه
ـــــــــــــــــــــــــــــ
بحق زينب نندبج بيج الكفايه
وبالعباس عمج صاحب الرايه
گصدناها وتدري همونه هوايه
بعونه الله وشريفه الغمه مكشوفه
ــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــد الموســــوي لا اجيز حذف الاسم شرعا والفاتحه الى روح والدي*
/channel/Alalwya
*ابوذيه مع نعي لسان حال سيد الشهداء ع*
ــــــــــــــــــــــــــــــــــ
تبعت ضعن الحنينــــــه وصحت مــــــــــرات
ليالي اليتم عگب المشت مـــــــرات
اروحن مره لمصلاج مـــــــــــرات
واگولن هلبت تمر الزجيــــــــه
،،،،،،،،،،،،،،،،،،،،،،،،،،،،،،
ايس يگلبي ماضن تعــــــود
شيرجع النامت باللحـــــود
امي وعليها الگلب ممـــــــرود
ــــــــــــــــــــــــــــــــــــ
ممرود گلبي ويجهر ونيـــــن
حس باليتم هاليوم الحسين
فرگاج يمـــه يطول سنيــــن
ــــــــــــــــــــــــــــــــــ
يطول سنين اليتم كتال
ضعن الحنينه بليل ينشال
عليج دمعي دموم همــــــال
ــــــــــــــــــــــــــــــــــ
يهمل دموم وكلف وضعي
بسكوت هل عليج دمعي
ريته نكسر وياج ضلعي
ــــــــــــــــــــــــــــــــــــــ
ريت النعش شالوه سويـــــه
مجانج كتلني يالزجيـــــــه
يوحش علي وكت المسيه
ـــــــــــــــــــــــــــــــــــ
يوحش مكان الراحت بعيــــد
ابنج زغير ولمه يريـــــــد
مري علينه بليلة العيــــد
ــــــــــــــــــــــــــــــــــــــــــ
*تمــــــت بقلم خادمة اهل البيت ع ام وليــــ✍️ـد الموســــوي لا اجيز حذف الاسم شرعا والفاتحه الى روح والدي*
ـــــــــــــــــــــــــــــــــــــــ
/channel/Alalwya
*قصيده لسان حال السيده الزهراء. ع وزن الشموس*
ـــــــــــــــــــــــــــــــــــــــــ
ليلي كله ماانامه حالتي صعبــــــــــه
خلي ابديها المصيبه بطيحة العتبــــــــــه
ــــــــــــــــــــــــــــــــــــــــــــ
شعلو النار بحقدهم ضلعي تٌهّشُمً
اعرفت من كسرت ضلوعي جنيني ما يسلم
والعمل هاي الجريمــــــه بدنيته تٌنِدٍمً
شنهي فايدته الندامــــــه ودمعه اليصبــــــه
ــــــــــــــــــــــــــــــــــــــــ
شنهي فايدته الندامــــــــه ناره مستعـــــــره
والسبب کْسِرةّ ضلوعي وحارب العتــــــــــــره
بثاري واليوم القيامـــــــه ابقى منتظره
اخذه منه يشيعه وحقي اليغصبــــــــه
ــــــــــــــــــــــــــــــــــــــــــــــ
حاربو عترة محمد واوجرو بيهــــــم
ذولي اصحاب السقيفه هاذا تاليهــــــــم
حطب صارو للقيامـــــه اتفرج عليـــــــــهم
خلي اكشف عاقبتهم ذوله الصحبـــــــه
ــــــــــــــــــــــــــــــــــــــــ
خل اكشف عاقبتهم واطلب بثاري
بين محسن ويه زينب ضلو زغــــــــــاري
بقت حد. يوم المنيــــــه ماطفت ناري
والعمل هاي الجريمه شگايل الربـــــــه
ـــــــــــــــــــــــــــــــــــــــ
يا جريمه احجيها الكم واشرح القصــــــه
خالفو عهدت نبيهم تالي من وصـــــه
اية الكوثر صفعهه والأمر يعصه
زهره ريحانة الهادي يغضب الغضبه
ــــــــــــــــــــــــــــــــــــــــ
يغضب الوالد محمد لو دره بضلعي
ريته شاف اليوم حالــــــي ياعظم وضعي
بسگطت المحسن يبويه ما نشف دمعــــــي
ريت تحضر يامحمد.. عيني تتربــــــــــــه
ــــــــــــــــــــــــــــــــــــــــــــــ
*تمــــــــــت بقلم خادمة اهل البيت ع ام وليـــــ✍️ــــد الموســــــــــــــــوي لا اجيز حذف الاسم شرعا والفاتحه الى روح والدي*
ــــــــــــــــــــــــــــــــــــــــــــــــ
/channel/Alalwya
*قصيدة ثگيله لوحشة الزهراء ع او للوحشه الرمضانيه*
ــــــــــــــــــــــــــــــــــ
يمه يمه وحشه دارج هالمسيـــــــــه
يمه يمه ضلت دموعي جريـــــــــــــه
شلون عفتي بنيتـــــــــج
صدگ صارت وحشتج
يمـــــــه يمــــــــه
ــــــــــــــــــــــــــــــــــ
صدگ صارت وحشتج وتفارگينـــــــــه
مااجه بالي يزهره تضيعينــــــــــــه
طولج وهيبة مكانج فاگدينــــــــــه
گبالي يمه صورتج
صدگ صارت وحشتـــــج
يمـــــه يمــــــــه
ـــــــــــــــــــــــــــــــــــــ
وسط عيني صورتـــــــج ااه يا مكانـــــــج
يلي مصيوبه ضلع صابج زمانــــــــــــج
ما شبعنه بحضنج الدافي وحنانـــــــج
بليلة ظلمه مشيتـــــــــج
صدگ صارت وحشتــــــــج
يمــــــه يمـــــــــه
ـــــــــــــــــــــــــــــــــــــ
ياالمشيتي وضلت ايتامج حزانـــــــــه
الحزن عگب الوالده هـــــــل رافگانــــــــه
ااه منك يازماني الضيعانــــــــــــه
افجعتي گلبي بطلعتـــــــــج
صدگ صارت وحشتــــــــــــــج
يمـــــــه يمــــــــــه
ـــــــــــــــــــــــــــــــــــــــ
گلبي المفجوع گليلي شيصبـــــــره
شاهدت بسمار والنار المسعـــــــــره
ااه يا كسر الگلب شنهي اليجبــــــــره
شفت ذيج مصيبتــــــــــــج
صدگ صارت وحشتــــــــــــــج
يمـــــــه يمــــــــه
ــــــــــــــــــــــــــــــــــــــــ
شفت ذيج مصيبتج سكطت جنينج
خدج المصفوع والسطره عله عينـــــــــــج
عنه تخفين الالم يمه وونينـــــــــج
گولي شيسد خلتــــــــج
صدگ صارت وحشتــــــــــج
يمـــــه يمـــــــــه
ـــــــــــــــــــــــــــــــــــــــــ
دموعي خطت مو قلم لم المصيبـــــــه
شافت انواع المحن ماتت غريبـــــــه
الگبري تحضرين الاهوال العجيبـــــه
اقسم انه بخدمتـــــج
صدگ صارت وحشتــــــــج
يمـــــه يمـــــه
ـــــــــــــــــــــــــــــــــــــــ
*تمـــــت بقلم خادمة اهل البيت ع ام وليـــــ✍️ــــد الموســــــوي لا اجيز حذف الاسم شرعا والفاتحه الى روح والدي*
ــــــــــــــــــــــــــــــــــــ
/channel/Alalwya
*فزاعيه للسيدة الزهراء ع ليلة الوحشه*
ـــــــــــــــــــــــــــــــــــــ
وحشه المباني ومظلمه ماهي ام حسن ويانـــــــــــــه
ــــــــــــــــــــــــــــــــــــ
مااظن ترد الغـــــربت
ولكلبي امي صـــوبت
بيه اللــــــيالي دولبت
بان الدهر نيشانــــــه
ــــــــــــــــــــــــــــــــــ
بان الدهر بالنايبــــــه
يا گلب زينب صوبـــــه
المصلا ضلت متربـــــــــه
يبجي الوحي وقرانه
ـــــــــــــــــــــــــــــــ
ناحت ملائكة السمه
يوم الي شالت فاطمـــــــه
زينب عليج معلمـــــه
ضلت توون نحلانـــــــــه
ـــــــــــــــــــــــــــــــــــ
نحلانــــه روحي للمشــــــت
بيه ابد ما حسبت
دمعات عيني تسابگـــــــت
ضلت تهل جريانـــــه
ــــــــــــــــــــــــــــــــــــ
ضلت تهل ياوحشتج
تبجي عليج بنيتج
طولج فگدته وهيبتـــــــج
والبيت وحشه اركانـــــــه
ـــــــــــــــــــــــــــــــــــ
بيتج فلا يسوه بعـــــد
فگدنــه التجيه والسنــــــد
ناديت يالزهره المــــــــدد
ماردت الوجعانــــــه
ـــــــــــــــــــــــــــــــــــــ
حزنانه كلها شيعتـــــج
تطلب هناكه وگفتـــــــج
فيه وتضلل خيمتــــــــج
كلمن توون ربحانــــــــه
ـــــــــــــــــــــــــــــــ
*تمــــــت بقلم خادمة اهل البيت ع ام وليــ✍️ــــد الموســــــوي لا اجيز حذف الاسم شرعا والفاتحه الى روح والدي*
ـــــــــــــــــــــــــــــــــــ
/channel/Alalwya
*ابوذيه للسيده الزهراء، ع*
ـــــــــــــــــــــــــــــــــــــ
بين الباب عصروها وعتبـــــه
الدهر وياي هالخاين وعتبـــــــــه
البيتج مااطب يمه وعتبـــــــه
اظلم صار من عگب الزجيــــــــــــه
ـــــــــــــــــــــــــــــــــــــــــــــ
*نعي للسسيدة الزهراء ع*
ــــــــــــــــــــــــــــــــــــــــــ
بيتج يم حسن مااطبنـــــــه
مشت وياج يحبيبه المحنـــــــه
بعد هيهات امي ترجعلنــــه
ـــــــــــــــــــــــــــــــــــــــ
ماترجع بعد شيرجع المات
وسدها علي بين المظلمات
مو وحشه الج يالزهره وحشات
ـــــــــــــــــــــــــــــــــــ
وحشه الديار خلاف عينج
اسمع صدى صوت ونينج
صارت صدگ ومضيعينج
ــــــــــــــــــــــــــــــــ
صارت صدگ يمه فگدتـــــــج
ضلت تنوح عليج بتــــــج
كلساع اطب ونظر غرفتـــــــــج
ـــــــــــــــــــــــــــــــــــــــ
ظلمه المباني يالمشيتـــــي
وبليل مظلم حمليتــــــي
وزغار عندج ضيعيتـــــي
ــــــــــــــــــــــــــــــــــــــــ
ضعنه بعد من عگب عينــــــــاج
وبشوگ كلنه العازة اربـــــــاج
يم الحسين اخذيني ويـــــــاج
ــــــــــــــــــــــــــــــــ
كون اندفن وياج يمــــــــه
صار المناحه الگلب سهمـــــــه
جرح الزجيه ضل يلجمـــــــــــــه
ــــــــــــــــــــــــــــــ
جرحج يضل للموت يـــــــدي
ناديت وصحت للمشت ردي
كون نحفر وياج لحدي
ــــــــــــــــــــــــــــــــــــــــــــ
*تمــــــــت بقلم خادمة اهل البيت ع ام وليـــ✍️ـــــد الموســـــــــــوي لا اجيز حذف الاسم شرعا والفاتحه الى روح والدي*
ـــــــــــــــــــــــــــــــــــــ
/channel/Alalwya
*فزاعيه للسيدة الزهراء ع*
ــــــــــــــــــــــــــــــــــــــــــــــــ
*كل الماتم حاضره ام الحسن ويانــــــــه*
ـــــــــــــــــــــــــــــــ
تحضر تسجل لطمتـــــــج
مضمـــــونه هايه خدمتــــــج
ما تنسه هايه وگفتــــــــج
بالضيگ الج عوانــــــــه
ــــــــــــــــــــــــــــ
بكل شده هي حاضــــــــره
ويانه دووم الطاهـــــــره
ضلوعج يزهره مكســــــره
وبابج تشب نيرانــــــه
ـــــــــــــــــــــــــــــــــــــ
بابج يحرگونه وســــــف
مصابج يمولاتي كلـــــــــف
وحسين دمعه ما نشــــــف
ضلت تهل جريانـــــــه
ــــــــــــــــــــــــــــ
ضلت تهل يافاطـــــــــمه
كلها عليج مالمـــــــــه
يحضرنه حماي الحمـــــــــه
ويصيح يالوجعانه
ــــــــــــــــــــــــــــــــــــــ
ويصيح وياها سووه
مافاد وياج الدووه
بيتج طفه منه الضووه
والنزل وحشه اركانـــــــه
ــــــــــــــــــــــــــــــــــــــــــ
وركان بيتج مايلــــــــه
وبليله ظلمه شايلـــــــه
دمعة الحره سايلــــــــه
تبجي عله مبجانـــــــــه
ــــــــــــــــــــــــــــــــــ
تبجي وتهل عيونهه
وتسجل الي يخدمونهه
بالمحشر يندبونهه
تحضرنه ما تنسانه
ـــــــــــــــــــــــــــــــــــ
*تمــــــت بقلم خادمة اهل البيت ع ام وليـــــ✍️ــــد الموســـــوي لا اجيز حذف الاسم والفاتحه الى روح والدي*
ــــــــــــــــــــــــ
/channel/Alalwya
