قصيدة ليوم الاربعين لسان حال السيدة زينب ع
كثري ياروحي على اخواني العتاب
صوت منهم بلـكي اسمع لو جـواب
عتبي يوصـل للغفوو جـوه اللحــوود
كون اخيي يشوفني يـركب الزنــوود
المشة بدرب الموت ماضنة يعــــوود
وسفـة عبـاس البـطل باگـــة التـراب
وسفـة عباس البطل راعي الوفــــــة
جيت اگـلة بحــبل خويـــة مچتفـــة
بحضني راس حسين حالي شوصفـة
اربعيـــن صبـاح يـــاعظــم المصـاب
اربـعيـن اصبــاح شحـــچي ياهـمـوم
ويــن خـوانـــي بعــد مـابيـــة اگـوم
جيت لــرض النايبة يخـــوتي اليـوم
صارت گبالي الطفوف وگلبي ذاب
صـارت گبـالــي المنـــاحر والطفـوف
الشافته عيـوني بعد ياضيم اشـــووف
روحي يم گبــورهم ضلـــت تطـــوف
بين زينــــب والجـسد صار الخـطاب
ااه يراس حسين ويـة زيـنب يــــــرد
توجع الونـات خويـــة علـى اللــــــحد
راسي وي طفل الرضيع البلمـــــهد
وسديـــة ولا تشوفــة امـة الربــــــاب
وسديـــــة وديــري بـالـــچ يلــچــــم
من العطش منحر وليـدي منفـــطم
جايـة مـن اليـسر گلبــــج منهـــــظم
شسوة بيــج النحر دمة من الخضاب
تمت بقلم خادمة اهل البيت ع ام وليــــد الموسوي لا اجيز حذف الاسم شرعا الفاتحة الى روح والدي ووالدتي
/channel/Alalwya
نعي، گرناوي لاربعين الامام الحسين ع لسان حال السيدة زينب غ
عالوليـــان ادور بيـن الگبــــــور
مايدرون گلبي مصوب اصواب
لچفيــــن انوحن لـــو المنحـــور
يوجـوه اخــــوتي غاطيها التـراب
صار گبال عيني خنصرة المشمور
ياعباس خويــة الـــــراس مـاطــاب
شسـولف يـامصيبـة الگــلب مكسور
اجيت اشكي الهظم لوجوة الاحباب
كسر ظهري يخوتي، مصـاب عاشـور
ضيعت الـولد والدمــــع سچـــــاب
افتــرگنة والضـعن مـن راح مجبــــور
رجـعت اليــوم اشرح حال الغيـــــاب
الرمـاح ويـاي تمـــشي ودرب مخطور
يـم گبـورهــم وضــــــحت الاسبــــــاب
چــــاويـن الوجـــوه الچــانت تنــــــور
اجت ام الخدر وگفت على البـــــــاب
يــابـاب الگبــــر شخبــــار البـــــــدور
اربعين اصـباح شوو ماردو. جـــــواب
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحه الى. روح والدي ووالدتي
/channel/Alalwya
ابوذية ونعي لاربعين الحسين ع موساة السيدة زينب ع
عزمــك. يالخدمــة حسين شــــدة
الجرح خزن على اهل البيت شـدة
حبـــل زينـب بديـــة كــون شـــدة
وتضــــل ام الخدر وانــــة سبيـــة
اجت ام الخدر تجذب بونها
مـن الشام مشايـة بضعنــها
محتـارة بالـــروس ودفنــــها
الروس اخوانها المدمع تهلـة
خوية الحبل يبن امي حـلــــة
ضيـــم الخـرابة مـااحمــــلـة
ضيــم الخـرابة وعملة الشــام
وطفلة على ابوها اليل متنـام
شسوت بزينب وسفه الايــــام
وصلت كربلـة وبصوت نـــادت
تســوي اربعيـن حسيــن رادت
وضعونها على الكفـــــل مالت
دلـونــي يـا ناس بكفيـــــلي
من يـوم چفــــة انهــدم. حيلـي
وي زينب يعيني اليوم سيلـــي
ابـچوو ويـــاها گـطـعت دروب
وعافـت ابو السـجاد مگـــلوب
راسـة برمح ويشووغ الگـلوب
راسـة برمــــح وي الضعينـــــة
خل نمشــــي نسوي اربعبنــــة
طبت كربلـــة الـيوم الحـــزينة
تمت بقلم خادنة اهل البيت ع ام وليــــد الموسوي لا اجيز حذف الاسم الفاتحه الى روح والدي ووالدتي
/channel/Alalwya
للعابـد يلـوگ اللطـم
مسموم يـا مـولانــة
ـــــــــــــــــــ
مسموم چبـدة مفطـرة
منهوو اليوسدة للثرة
الحسين گطعوو منحرة
محد حضـر دفـانـة
ـــــــــــــــــــ
للگبر منهـو يوادعـة
يحلون منة الجامعة
احشائة كلها مگطعة
مافصلـولـة اچفانـة
ــــــــــــــــــ
لا چفـن لا حفرو لحد
مطروح بالگاع الجسد
ميفيد لو عاتب بعد
كلمن غفة بـاكـوانـة
ــــــــــــــــــــــــــ
يريـد الـولي يفييلــة
ويشيل نعشـة اليلــة
السجـاد بايـد حيلــة
خل نوسعة ميدانــــة
ــــــــــــــــــــــــ
وين الذي يعازونـة
للچتفـوها متـونــة
بالمحشر تنـدبونـة
يحضر الوحشة ويانة
ـــــــــــــــــــــــــــ
يحضر ابو الباقر ترة
لطمچ ذخر للاخرة
اليذكر العابد يذكرة
من يغفة بتربانة
ـــــــــــــــــــــــ
تمت بقلم خادمة اهل البيت ع ام وليـ✍️ـد الموسوي لا جيز الاسم الفاتحة الى روح والدي ووالدتي
/channel/Alalwya
.
«الحمد لله الذي بنعمته تتم الصالحات»
تم إصدار الجزء الثاني من ديوان "دماء خالدة" لخادمة أهل البيت عليهم السلام الشاعرة "ام علي البابلي"
وفيه أجمل القصائد تخص:-
▪️ ليلة الوحشة الى الرجوع للديار
▪️فصل يخص السيدة خولة "عليها السلام"
▪️وفصل للإمام السجاد "عليه السلام"}
قصيدة للنزول في، كربلاء
زينـــب تنــادي للـنــزول بكــربلــة
لطموو يشيعـة هناة اخواني مچتلـة
لطـموو يشيعـة هناة يگطعون النحر
مــن سحــگت تـرابهــا گلـبـي عثــــر
تشوف عيني بـاچــر يطيــح الــگمــــر
مـن نزلنــــة گبـال عينـــي حـرمــلــة
سدووو المــاي وينظــــرون بغـــضب
خويـــة ردوو تصيح والمدمـع يصـب
بـاچـر خواني تضـل فــوگ االــــترب
وراســـة ابـو السجـاد بيــــدة شايلـــة
يضـل طـــريح هنــاه تفجـع حالتـــة
منيــن اجيـب هنــاه امي الجـــابتـــة
شلـــون بيـة مــن شاهــــد ذبــــحتـة
خولـــــي يمـشي يسيـر وي القافلـــة
خــل تـهــل العيـــن جابــاني الــولـي
فـوگ نهــر العلگـــمي يضـل كافلــي
شلـــي بعـمــري بعـد. عگبك شـلــي
حيل صعبـــة تصـير خويـة المسالــة
هنـاه يصير فــراگ عنكــم نفــــترگ
بــاچــر ايـــديـــة يــــخـويــة تخـترگ
حسيـن .معنـــاها المـحبـة والعشـگ
والمشـــة بدربـــة عظيمــة المنزلـة
منزلـــة وشانــة عظيـــم بهل صفـة
شلون ابو السـجاد حبـة نـوصفـــة
الخادم يقــــدم هويتــــة ويعرفــة
ينفـــع بيـــوم الحشر والــزلـزلـــة
تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحة الى روخ والدي ووالدتي
/channel/Alalwya
نعي گرناوي لبداية محرم
عيـون الشيعـة هلت ويــة الهــلال
يسـووة الدنيـا عدنة شهر الحسين
صوت مـن السمــة نبـرة حزن صاح
اجــة شهــــر المصيبـة يـا مـواليـن
دخيــلك يـا مــحــرم زينـب تصيــح
تـــرة الخـــوان ضلـوو بـالميـاديــــن
يعـاشـور الحزن مات الاخو عطشان
تگــول ام عـون چـاويــــن المعـزيـن
گـرب موعــدة ماننسة ابد المصاب
نصيــح بصــوت ونهـل دمعــة العيـن
بكـل بيـــــت العــــزاء اليـوم منصوب
السواد الهـم شعــار على الحـياطيـن
مظلــوم الـحسين ومــات عطـــشان
نهتــــف يم حسن وانـتي تسجـليــــن
نـحييها اليالي وكـل گـلب مكــــسور
ضل خالـــي النزل واهلـــة مرحليـــن
تعنـوو كربلـة عـافـوو عليلـة تنــــوح
يـروحي اليـاهـظـم والـمـن تـونيــــــن
عزانـــة لـلابـد حــد گـطع الانفــــاس
شمـاا نبـــچي ابد مـا نوفـــي الديــــن
تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
نعي لبـــداية محـــرم لسان حال الشاعر
هــل الشـهر وتهـــل دمعــــتي
يـزينب علــــة اخـوانچ شگلتي
اريــد ام عـون تتقـبل خدمتي
تخجل الروح من اشرب الماي
وخوتچ عطـاشة وماكـو فيـــاي
ابـچـو.تگــول اليـــوم ويـــــاي
ابچـوو علـى الضــلت وحــدها
لا خيمــة لا وليــــان عـــــدهــا
والـجابـــة لا مــــــا يــــردهــــا
على النوگ زينب حالچ شلون
بشـهر الحـزن ويـن اليــــعزون
مچـويــة اديــها وتبچي ام عون
مچـويـة اديـــها بحرگ الخيام
شسـوت يـزينب بيـــچ الايــــام
ذكروو ضعنـــها الراح للشــــام
شبيـدي عـلى ام طـاهر شبيـدي
كـون وياچ انـة مچتوفـة ايــــدي
فـــدوة الولــد للصاحت وليــدي
كــون ويــــاچ زيــنب چــتفـــوني
تگـول ابـچي بضـربهم سكتــــوني
بشهـــر الحــــزن صبن عيــــوني
شهــــر الحــزن گربــت ابــوابـــة
ذكروو الشهــيد عـلى التــرابـــة
ولا تنـسون زيـــنب بالخـرابــــــة
تمت بقلم خادمة اهل البيت ام وليــــد الموسوي، لا اجيز حذف الاسم الفاتحة الى روخ والدي ووالدتي
/channel/Alalwya
قصيدة. لتبديل الرايات طور صارت عشيرة الخدام وحسين شيخ عليها
جينــة نبـــدل الرايــــات
عاشــور هــــل علينــة
اليوم كل واحــد يبلغ الثــــاني
الحمدلله مـن الخـدم خلانـــي
حسين حبك منهجي وعنوانـــي
نلتـم سويـــة ونـــروح والمهدي يواسيتــــة
صيـروو غيمـــة للحسين هنانـة
الحـــجة يلـطم بالحـرم ويانــــة
يصيح يحسين وذبح رضعـانــــة
الثـار مـولاي الثـــار طف كربلــة متانينـــــة
الثـار ياخـــذ شيعـــتة متـانيـتـة
دموعي تجري من اكتبت لطميتة
المشه بـدربة هواي يرفـع صيتـة
دگـووه سـواد العطشان حاضره ويانة سكينـــة
تحضر اليلة الحـشود هوايـة
من ابــو اليمـة تتجـه مشايـــة
نروح يم عباس راعي الرايــة
مگطوعه منه الچفــين خل نلطم الوالينـــة
نلطم وزينب سووة نعازيها
رگضت طويريج خنسويهــا
الكفل حاضر بالشدد يگضيها
باب الحوائج مفتوح بالشدة ميخلينة
كلهـا متعنيــــة وتصيح انصــــارة
حسيـــن جنـــة وينهــــم كفــــارة
كافل اختــة شگد تسر اخبــــارة
بيتناتهم نحرم دووم نسك الحجج لبينة
تمت بقلم خادمة اهل البيت ع ام وليــــد الموسوي لا اجيز حذف الاسم والفاتحة الى روح والدي ووالدتي
/channel/Alalwya
*قصيده للسيده زينب ع*
ـــــــــــــــــــــــــــــــــــــــــــ
غمضي العين يزينب غمضي العين
ما تحضرين ييمه ما تحضرين
منهو صله وحشتي،،،، شلون موته موتتي
غمضي العين يزينب غمضي العين
ـــــــــــــــــــــــــــــــــــــــــــــــ
تهمل العين وردت امي الزجيــــــــه
تصلي الوحشه الي وتمد اديــــــــه
يمه يازهره تعالي شلون بيــــــــه
يمه روحي معذبه،،،من المرار مصوبه
غمضي العين يزينب غمضي العين
ــــــــــــــــــــــــــــــــــ
يمه روحي معذبه وما كو حبايب
والخوان بكربله حدر الـــــــــترايب
ااه يا گلبي شكثر شفت المصايب
اعتب وماكو جواب،،،، نامت بنص التراب
غمضي العين يزينب غمضي العين
ــــــــــــــــــــــــــــــــــــــــــــ
اعتب وماكو خبر من الجفتني
بالغسل لسه الزراگ بظهر متني
ااه من گالت مريضه المتني
كونج انتي حاضره،،،شصار وانه مـــــــــخدره
غمضي العين يزينب غمضي العين
ــــــــــــــــــــــــــــــــــــــــ
شصار وانه مخدرت حيدر تراني
يمه تدرين شعمل بيه زماني
گمت اعــــــد لحظات والجيتج اتـــــــــاني
دگي عليه الگبر،،، الجيتج انه انتظر
غمضي العين يزينب غمضي العين
ــــــــــــــــــــــــــــــــــــــــــــــ
كونج. تحضرين يم گبري يــــــــزهره
سمعي وناتي الصخر زينب تفــــــــطره
كل عزيز وغالي الگلبي اخـــــــسره
ااه ياطف كربله،،،، ومشي ذيج القافله
غمضي العين يزينب غمضي العين
ـــــــــــــــــــــــــــــــــــــــــــــــ
ااه يا طف المصيبه بالي لســــــه
ذكرت ساعة مماتي وبجي خنســــــه
يومج ويوم الوصي حسيته هســــــــه
الحسن جبده مفطره،،،،حسين گطعو منـــــــحره
غمضي العين يزينب غمضي العين
ـــــــــــــــــــــــــــــــــــــــــ
حسين گطعو منحره وعباس اخيــــــــه
جفه ضل عالنهر واثر عليه
نريد يا زينب تحضرين المنـــــــــيه
سجلي هاذا الرثاء،،،يبت سيد الاوصياء
غمضي العين يزينب غمضي
ــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*قصيده للسيده زينب ع ساعة الاحتضار*
ـــــــــــــــــــــــــــــــــــــــــــــ
ادير العين،،، يحبيبه ييـــــــــمه
متحضرين،،، يحبيبه ييمه
بنفاسي الأخيره،،،،راسي من يديــــــره
يحبيبه ييمه
ــــــــــــــــــــــــــــــــــــــــ
بنفاسي الأخيره وجلجل اليـــــــــل
حيره حيرتي ودموعي تسيل
نعشي خلاف خوتي منهو يشيل
جنج ماسمعتي،،،زينب هاي گلتي
اروحن وين ،،،، يحبيبه ييمه
ــــــــــــــــــــــــــــــــــــــــ
زينب هاي يمه شو نسيــــــتي
لشام عتني حانت منيتـــــــي
لا جيتي وعله نعشي بجيتـــــــــي
يزهره شكثر صعبه،،، اموت بين غـــــــربه
هضمني البين،،، يحبيبه ييمه
ــــــــــــــــــــــــــــــــ
وحيـــده بين غربه وجاني الموت
وين ام المحنه تعلي الصــــــوت
اون ونات الج يحبيبه بسكوت
وناتي خفيه،،، حضري يالزجيه
للتجفيــــن،،،، يحبييه ييمه
ــــــــــــــــــــــــــــــــــــ
للتجفين كون انتي المغسله
ليش دموم دمعي عليج اهــــــله
يطارش، روح گبري امي وگــــــله
وصتني العقيله،،،، ماضلت وسيــــــله
عليج حسين،،،، يحبيبه ييمه
ــــــــــــــــــــــــــــــــــــ
عليج حسين يوم نذبح شفته
مخنوگه بعبرتي وبجي سكته
عساني بيوم عاشر اني ميته
ضليت بهظيمه،،، ياگلبي ويضيمه
ااجر ونين،،،، يحبيبه ييمه
ــــــــــــــــــــــــــــــــــــــــــــــــ
اجر ونات والونه عله ونه
ريت امي تجي تحضر الدفـــــــنه
كون المرتضى ليه يتعنه
مصابي ابد ماصار،،،،وحق حيدر الكرار
اجيبه منين،،، يحبيبه ييمه
ـــــــــــــــــــــــــــــــــــــــــــ
*تمت بقلم خادمة اهل البيت ع ام وليـــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*قصيده للسيده زينب ع الوزن نصاري*
ـــــــــــــــــــــــــــــــــــــ
دمعاتج يزينب ابد متهون
كون بموتتج
اهلج يحضرون
يشيلون الجنازه
الاهل عازتها عازه
ضليتي بغرب وتهل العيون
ـــــــــــــــــــــــــــــــــــ
ضليتي بغرب والدمع همـــــــال
عرفنه الي يموت بساع ينشال
جثيرات النوايب صارن ثگـــــــــال
جاوين الأهل وين
ضلت بالميادين
حسين وجثته ع ترب مرهون
ـــــــــــــــــــــــــــــــــــــ
شفتي منحره الله يعينــــــــج
نحتي وما سكت زينب ونينــــــــــج
ضل بكربله نايم حسينــــــــــج
بعد شيرده هيهات
جاوين المشيعات
نشيع بت علي والگلب مـــــــحزون
ــــــــــــــــــــــــــــــــــــــــــ
نشيع جنازت الما كو بصبرها
خلص بالقهر والهم عمرها
منهو الي حفر زينب گبرها
يبجي زين
العــــــــباد
اهلج عنج ابعاد
بعد. هيهات عمه مايمرون
ـــــــــــــــــــــــــــــــــــــــ
بعد. هيهات ميردون الاحباب
كلها مذبحه وغاطيها التراب
ابد ما صار مثلج زينب مصاب
غريبه ودمعج يسيل
منهو ترابج يهيل
ماكو احباب غربه الي يشيعون
ـــــــــــــــــــــــــــــــــ
يشيعونج غرب هاي العـــــــجيبه
وانتي الطاهره بنت النجيبه
بس نعتب ع الراح شيجيــــــبه
صحنه بحزن كلنه
من يحضر الدفنه
لرض الشام ما ضنهم يروحون
ـــــــــــــــــــــــــــ
بارض الشام ننصبها التعزيات
تحضر للعدل نعرفها والمـــــــات
الج يم الخدر مشهوده وگفات
وگفاتج جـــــــبيره
يخت بدر العشيره
بس نندب بسمها تحضر ام عـــــــون
ـــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*قصيده للسيده زينب ع*
ــــــــــــــــــــــــــــــــــ
ااه يصبري،،،هاي تاليته الصـــــــبر
ااه يصبري،،، منهو يحفرلي الگبــــــــر
وحدي بديار الغرب تهمل دمعتي
شلون بيه من يوسدني بحفــــــــرتي
ااه يروحي،، ااه يروحي
ـــــــــــــــــــــــــــــــــــــ
شلون بيــــــه وصلت انفاسي الاخيـــــــــره
كون امي راسي ع القبله تديــــــــــره
هاذا اليفارگ اهل هيجي مصيــــــــره
زينب ومن يوم. عاشر انتي متــــــــي
شلون بيه من يوسدني بحفرتي
ااه يروحي،،، ااه يروحي
ــــــــــــــــــــــــــــــــــــــــــــــــــــــــ
بكربله. من سنين احسب روحي ميــــــــــته
بس تره حق الاخو يوصل لخيتــــــه
يحضر بيوم المنيه يهل دمعته
يگول جينه نشيعــــج يازينب اختي
شلون بيه من يوسدني بحفرتي
ااه يروحي،،،ااه يروحي
ــــــــــــــــــــــــــــــــــــــــــــــــ
يگول اجينه نشيعج يم المصايب
نشيلج نوسدج يخويه عله الترايب
تالي بديار الغرب ماكو حبايب
عفه گلبي شگد قهر زينب حملتي
شلون بيه من يوسدني بحفرتي
ااه يروحي،،، ااه يروحي
ــــــــــــــــــــــــــــــــــــــــــ
عفه گلبي وهيج تاليتج صفيتي
ريت كل. اهلي تجي تحضر منيتي
عاتبت امي الزجيه شو نسيتي،
صوتي عليته وبجيت وما سمعتي
شلون بيه من يوسدني بحفرتي
ااه يروحي،،، ااه يروحي
ـــــــــــــــــــــــــــــــــــــــــ
صوتي عليته ونوايب شفت كثـــــره
كون ينفض يا كفيلي تراب گبره
ليش بديار الغرب ضلت الحره
جبل روحي من الصبر ياما صبرتي
شلون بيه من يوسدني بحفرتي
ااه يروحي،،، ااه يروحي
ــــــــــــــــــــــــــــــــــــــــــــــــــ
جبل روحي وايست من الجفوني
اعتب عليهم بموتي ماا جوني
گلت بلكي اختي وخوي يغسلوني
تالي ما حضرو هلي حتى بدفتني
شلون بيه من يوسدني بحفرتي
ااه يروحي،،، ااه يروحي
ــــــــــــــــــــــــــــــــــــــــــــــــــــــــ
*تمت بقلم خادمة اهل البيت ع ام وليــ✍️ـد. الموسوي لا اجيز حذف الاسم شرعا والفاتحه الى روح والدي*
/channel/Alalwya
*قصيده وزن الموشح للسيده زينب ع*
ــــــــــــــــــــــــــــــــــــــــــــــــــــ
اليوم كلنــــــه الزينب شتاگينـــــــه
نطوف حضرتها وترحب بينــــــــــه
حلم نوصل حضرتج
امنيتنــــه زيارتج
نطوف حضرتها وترحب بينـــــــــــــــــــه
ــــــــــــــــــــــــــــــــــــــ
امنيه گبل الممات نطوفـــــــــج
كون نوصل مرقدج ونشوفــــــج
نروح فدوه لاسمج والحروفج
ترهب انتي گبتج
امنيتنه زيارتـــــــج
نطوف حضرتها وترحب بينـــــــــــه
ـــــــــــــــــــــــــــــــــــــــــــ
لا ابد هيهات ماضن نوصـــــــلج
نقسم عليج باخيج كافـــــــلج
دووم احنه ام الخدر نشتاگ الج
نمد ادينه بدعوتج
امنيتنه ازيارتـــــــــج
نطوف حضرتها وترحب بينــــــــــــه
ـــــــــــــــــــــــــــــــــــــــــــــــــــ
نمد ادينــــــه وما تردنه ام الخــــــــدر
نقسم عليج بگطع ذاك النـــــحر
زيارتج نبقه يحره ننتظر
مانسينه مصيبتج
امنيتنه ازيارتــــــــــج
نطوف حضرتها وترحب بينـــــــــــه
ــــــــــــــــــــــــــــــــــــــــــــ
ما نسينه الصار وياج وجــــــــره
عالمصايب يالعقيـــــــله صابره
ينضرب بيج المثل يمــــــــــخدره
بغربه صارت موتتــــــج
امنيتنه زيارتـــــــج
نطوف حضرتها وترحب بينـــــــــــه
ــــــــــــــــــــــــــــــــــــــــــــــ
موتتج بالشام يالشفتي العــــــذاب
شوكت نوصل مرقدج ردي الجـــــواب
نشم عطر البيج ونقبل التـــــراب
والشفاء بتربتـــــج
امنيتنــــه زيارتج
نطوف حضرتها وترحب بينــــــــــــه
ـــــــــــــــــــــــــــــــــــــــــ
والشفاء باسمج يندبــــــــونج
حتى لو من بعـــــد ويزورونـــــــــج
حاضره الشدات ويعرفــــــــــونج
دووم نعرف وگفتــــــج
امنيتنه زيارتج
نطوف حضرتها وترحب بينه
ــــــــــــــــــــــــــــــــــــــ
دووم نعرف وگفتج ونـــــريدها
بجاه من شاهدت ذبح وليـــــــدها
زيارتج تنقسم دووم نعيــــــــدها
مقصره انه بخدمتج
امنيتنه زيارتج
نطوف حضرتها وترحب بينــــــــــــه
ـــــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي*
ــــــــــــــــــــ
/channel/Alalwya
*فزاعيه للامام الهادي ع*
ـــــــــــــــــــــــــــــــــــــــــ
مسموم يالهادي متت ومصابك ماذينــــــه
ـــــــــــــــــــــــــــــــــــــــــــ
جبد الولي ممروده
وسفه فگدنه وجووده
دار العلم مسدوده
نعازيها وتعازينه
ـــــــــــــــــــــــــــــــــــــــــــ
نعازيها عالصار وجره
الهادي جبده مفطره
نشال النعش للمقبره
يومه صعب هادينـــــــه
ــــــــــــــــــــــــــــــــــــــــ
هادينه سمووه العده
بسامره جثه مدده
باالگبر نعشه نوسده
املاك السمه مشيعينه
ـــــــــــــــــــــــــــــــــــــــــــ
املاك السمه حزنانه
تبجي بدمه ويانه
ننصب عزه المولانه
وي العسكري ونينه
ـــــــــــــــــــــــــــــــــــــــــــــ
وي العسكري نواسيهم
علوو الصيحه عليهم
خلصو قتل ندريهم
شاف العزه مهدينه
ـــــــــــــــــــــــــــــــــــــــــــ
حاضر المهدي بالعزه
من جده نريد الجزه
يحضرونه بيوم الوزه
بجاه الشهيد حسينه
ــــــــــــــــــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
نعي لاربعين الحسين لسان حال مولاتنا زينب ع
اعرفـت عاشـور تاليتـــة من يهيـــــل
ابـد مالـــوم دمعــي الكـم من يهيــــل
بدفن رووس اخوتي چفي من يهيــل
التراب اليــوم حـگ الكـم عليـــة
موقف صعب دفــــن الغوالي
والمنـحر اليمــــشي گبــــالـي
اربغيـــــن صار مـــن اليــــالي
چاليش عفت اختك يالحسين
طـول العــمر دمعـتها بالعـــين
ياحيل ضــل دفنـت جثتـــــين
محـد. سالـني حالـــچ شلــــون
ومنين جيتـچ خويـة يـم عـــون
بشيل. الجثث توجعني المتـون
احضن گبركـم. گلبــــي يرتاح
ومن نزلت رووس من الارمــاح
ننصب فاتحة ونعلي الانيـــــاح
ننصب فاتحة نسـوي اربعيــنـة
مشتـاگـــــة لـصـوبــو عينــــــة
ارد. اشـــتكي حــال الضعيـنة
يم الكفيـــــل تنــوح الايتـــــام
من الجمر مچويـة الاجــــدام
ما نهض لختـة الكــافل وگــام
اعتــب عـلى كفــــال خـدري
جيت بهظم مخنـوگ صـدري
بين العدوو ضليت. تـــــدري
تمت بقلم خادمة اهل البيت ع ام وليــــد الموسوي، لا جيز حذف الاسم الفاتحة الى روح والدي ووالدتي
/channel/Alalwya
*قصيدة مــوشح حسب الطلب لهيئة "نبع الوفاء"*
هيئـة الكافل تـرف اعلامـــــها
وابو اليمه يســـجل بـخدامـــــها
ـــــــــــــــــــــــــــــــ
نخطي خطـــوات الكـفيـل الكــربلـــــة
مختصر ننطي برجوع العايلــــة
كلمـن يـواسيـة اسمـة يسجلة
انريد هالنعـــمة تدوم ايـامـــها
ـــــــــــــــــــــــــــــــ
بجاة زينب تقبل النه هالدعاء
جينـة بالحضرة نجدد هالــــوفاء
بچــفك المگطـــوع سجل هـالــعزاء
عليك نقسم بالعقيلـة وشامـــــها
ــــــــــــــــــــــــــــــ
عليك نقسم بالعقيلة يالگمر
توعية ننـطي بطريقك مختصر
الآل بيت المصطفى نوضح الصور
مسرحية الواقعــــــة وايـامــــها
ـــــــــــــــــــــــــــ
ننطي توضيح بنهج ال الرسول
والرضا نطلبــــة يمـــولاتي البتول
بالتشهد بالزيارة احنة نگـول
هيئـة الخـــدام حقي احلامـها
ــــــــــــــــــــــــــــ
هالخدم. نصبت مجالس للذبيج
كل گلب شيعي المصايبكم جريح
سجلي الاسماء يا فاطــم نصيـح
بجاه ضعن القافلة وايتامها
ــــــــــــــــــــــــ
بجاه ضعن القافلة وننطي عهد
وبخطاهم نمشي ونادي المـدد
اي، وحق عباس نبقى عاالوعد
الچفة ثبت دينها واسلامها
ــــــــــــــــــــــ
*تمت بقلم خادمة اهل البيت ع ام وليــ✍️ـد. الموسوي، لا اجيز حذف الاسم الفاتحة الى روح والدي، ووالدتي*
/channel/Alalwya
نعي لدخول ضعن ال رسول الله الى الشام
بجدامي الجمر طبيت للشام
على عيالك حرس مانامت العين
دولاب الـوكــت يـاخـوية دولاب
وانـــة مخدرت عبــــاس يحسين
راســـــك عالرمح ويـــريدله فيــــــاي
بتالي اليل اسولف عا الــــدواويـــن
اگـول شلون بـاچر طبت الســــوگ
ورقية تصيح عمة والــــــدي ويـــــن
ردت ساعة زمان اهــــلي يعــودون
حلـم يـاروح ترجـــعلي الميــتيــــن
الخرابة يـاهـلي من دوون بيبـــــان
وگـالو بت علـي هنانـه تگــــــعدين
ضعنة بلايــــة والي ووصل للشام
بعد ياروح گولي المـن تنـــوحيـن
بطلـت العـتب كافي من العتـاب
لوعات وهظم روحي تجرعين
✍ام وليــــد الموسوي لا اجيز حذف الاسم شرعا والفاتحة الى والدي ووالدتي
/channel/Alalwya
نعي، لا اولاد مسلم ع لسان حال السيدة زينب ع
ادور عالـولـد والولـد مچتـوف
ضلوو عالنهر ماخذهم الخوف
وعلى ارگابهم حدووهاالسيوف
سيــف الذبحـهم يـاخلـگ حـاد
عـازونـي يشيعــة بفــگد الاولاد
حترگت اخيامي وصارت ارمـاد
كثـرت همـومي وعينـي متنـام
اركـض لنـهـر مــــره للــخيـــام
كـون الگـه اثركـم ومشي للشام
نزلت دمــــوعي وصـاح الاوداع
حلـــوة ارسومهم چوتها الگـــاع
هظــمني زمـاني والـولـد ضــاع
چم شوغـة روحي رايحة تضـوگ
دورت ولـدي وجـدمي محــروگ
مات الگـلب من طـرت الســوگ
خــويـــة يبـو فاضــل يالحسيـــن
انـدب باسمهـــم وهمـــل العــين
بيــا كــتر ضاعوو ولـدي الاثنيــن
اريــد الــولــد ويــاي يـــــرحـــون
لـــرقيــــة وضعــــوني يبــــارون
ضلتـــهم عـالشــــاطي شـالــــوون
چـاويـن مسلـم يحـضــر بــــهـــاي
انذبحو. عطاشــة بحسرة المــــاي
اليــــوم زيـنب فــــاگــــدة الـــراي
بكــــل بيــت ماتـم الـــچ موجــود
ونصيــح ابنـــها بـعـــمر الـــــورود
نبـچـي عليهــم لـو عـــل الــــزنود
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة وزن الموشح لاولاد مسلم ع
زينـب على اولادهــا همهـة ثگيــل
ضاعوو عالشاطـي وتـــريد الدليـل
تصيـح ويلادي بالهـمـوم الثـــگــال
اطفال متحمـلون خشنات الحبــال
تنـادي يمــه مـعلمـين علـى الـــدلال
مــاحسـبت الــــدهر ويـــاكم يمــــيل
اليــا مـصيبــــة افـكــــارها مشتــــات
مــــالــگتـهـــم دورت كــل الجـهـــات
بدونهـم ظلمـــة ولا تســوة الـحيـــاة
مـذبحيـــن عـالنهـــر دمهـــم يسيــــل
مــذبحيـــن عـالنــهر ويـــن السفيــــر
بيـن نـاس، المـبغضــة وماكو ضميــر
ااه يـزينب بـعــد ويـــــاچ شيــصيـــــر
نـصيح بيهـــــم مــادرة ابـــنه عقيــــل
تصيـــح وحـدي جيت ادور بالــظـلام
شلـون تغفـة العيــن فــارگت المنــــام
تدعي الكــــــم يمــــة بــردا وســــلام
بجـاه ابـوي المـرتضى حـامـي الدخيــل
بجـــاه اخيـي المنهشـم راســـة بعمـد
تــرد سالـــــم نادت امـــــك يالــــولــد
لـــــوو رجعتـــوو روحــــها الهــا تـــــرد
يـــردون اولاد مسلــــم مستـــحيــــل
اولاد مسلـــم ضاعوو اعظـم. فاجـعـــة
اللطمــــة شديـها وي زيــــنب نافــعـــة
بالحــشر تـحــضر بيـــــوم الــــواقـعـــة
الحرة تشفي امراضكــــم همچ تشيـــل
تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة وزن العگيلي لخدام الحسين غ
يالـزهـرة الخـــادم يتشــكر
من يصعد دووم علـة المنبر
واجب يذكر اســم الزهــــرة
والعظشـان واختــة االحــرة
حبـك يحسين علـة الفطـرة
بالجنـــة ويــاهـــم نتبـــشر
بالـجنـــة وويــاهـــم زيـــنب
هنيالـة اليصعـــد هالمركب
كـل ماتـم الهــــم يتنـــصب
يتسجـل عدهــم بالمــحشر
تســجـل شهگــات انفـاســة
والخـادم ضـل رافـع راســــة
كـل مخلـص بيـن مـن ناسـة
ديــن الـحـق بيهــم يستبـصـر
ديـن الـحـق بيـن مـن يومـــة
بذبح حسين وسلب هـدومـــة
صيحوو ياالزهـرة المظلــومـة
مقصــريــن ومنــچ نتعــــــذر
مقصــــرين ونتعـــــذر منـكـــم
نتشــــرف احنــــة بخـدمتـــكـم
مـن نمــشي نـزور بمـرقـدكـــم
بـــس ننــخاكــــم مـا نتــحــــير
مـا نتحـــير بـــــس ننـــخيـكـــم
چـف عبــاس نمـــشي عـليــكــم
نمـــد چفــوف النــــة وندعيـكـم
سادتـــي انتــوو وحلـوو المعــــشر
تمت بقلم خادمة اهل البيت ع السلام ام وليــــد الموسوي لااجيز حذف الاسم الفاتحة الى روح والدي ووالدتي
/channel/Alalwya
قصيدة نهاية عزاء لبداية محرم
شهـر حزنــك يـاحسين
باالعــــزاء مجـــدديـــن
حــان گــرب موعـــدة
والحسيـن نعـاهـــــدة
خـل عهدنـة نجـــــددة
والمــانـــم ناصبيــــــن
بيـــرغ اســـود نرفعــــة
المـــي ثواب نـوزعــــــة
للشهــــيد بمـصرعــــــة
سمعوو زينب هالـونيــن
اجت غيمـة مـن العبــي
تـعـــازي تـــل الزينـــبي
صعدت بيـــوم السبــــي
تنادي وينـــك يالحنيــن
گلــب كل شيعي نچـوى
بذكـــر عمـلــة نينـــوى
سوط عدوانــــة التــــوى
ماسلـم منــة الجـــــنين
العتــــرة بالهـــم ابتـــلت
صرخت الشيعـــة اعتـلت
عيال ابـو اليمـــة مشـــت
بالحبــــال مچتـــفيــــــن
تعــــاتب الحـــرة الـزمـن
عفت اخـوي بــــلا چـــفن
وحق نحــــــرة والـضـــعن
هالــعزة طــوول السنيــــن
تمت بقلم خادمة الحسين ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة طور الشدة وزن الفائزي لبداية محرم
يحسين زينـب نادتـــة بشهر الرزيـة
ينكسر ضلعك يالولي مثل الزچيــة
يبن امي ضلعك ينهشم وشبع نوايب
من هسة انظر جثتـك فـوگ الـترايب
تدريني خوية من الزغر ماكو حبايب
كلشي ولا شوفك تضل فوگ الوطية
خوية من شوفك منذبح حيلي تهـده
ضعـن الفواطم للنزل يبـن امـي رده
باچـر عليـنة ينگـــطع حبـل المـــودة
ونشاهدك فوگ الترب سكنـة ورقيــة
يصحين يعمة بالهظم يابوية يحسيـن
شتسوي رحت الكربلة وعفت الدواوين
ياروحي بطف الحزن تالـي تطوفيـــن
ودعنـة گبـرچ فـاطمـة هـاي، المسيــة
ايـودع بگبرچ هالمسة وباچر نــودعـة
وياي يمشي تخيلت مـكسور ضلعــة
ثوب الحزن لايـگ علي هيهات انزعـة
من توگع بحـر الشمس بالغاضريـــــة
كل غالي خويـة نودعة يضل بمچانـة
وعبدالله بنحرة السهم يابس السانــة
يطيح الاخو وابن الاخو وراعي حمانة
وحزام ظهرك عالنـهر يبقـــة رميــــة
يبقـــة رميــة والـدمـع المـن اسيلـــة
هاي الماتـم تنصب لجـــل العقيلــــة
مولاتي اخيـچ بالـحشر هـوه الوسيلـــة
ما ننسة يومة المنحرم شرب الميـــــة
تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
*قصيده للسيده زينب وزن الموشح ع طور شيعووو نعش الطاهره*
ـــــــــــــــــــــــــــــــــ
شيعوو نعش ام الخدر شيلوها
اليوم صرخات الحزن سمعوها
ـــــــــــــــــــــــــــــــ
شيعوو زينب بالدمع للمقبره
ويانه بالتشييع سبع الگنطره
صيحو يا عباس هاي الصابره
اليوم ننصب ماتم وعازوها
ــــــــــــــــــــــــــــــــــ
فاتحه هاليوم باسمج ناصبين
حداد نعلن والنعشها مشيعين
مادره العباس اخوها والحسين
حيف اهلها بالغرب خلوها
ـــــــــــــــــــــــــــــــــــــــ
حيف بالشامات صارت موتتج
يالعقيله دموم تبجي شيعتج
حاضرين اليوم كلنه الدفنتج
هاي بت حيدر علي. واسوها
ـــــــــــــــــــــــــــــــــــــــ
هاي، زينب بالاصل معروفه
وين عباس ويركب جفوفه
صدگ ي. الكافل نعشها تعوفه
العين اخوج البسهم طفوها
ــــــــــــــــــــــــــــــــــــ
العين زينب بالسهم مضروبه
بكربله ونعرف طويله دروبه
اليوم هاي الفاتحه المنصوبه
لبت علي الماتت وما حضروها
ــــــــــــــــــــــــــــــــــــــــــ
البت علي ننصب عزانه ونفتخر
تشيل منه زينب اهوال الگبر
والمنادي ينادي بيوم الحشر
ام خدر خدامه تسجلوها
ـــــــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*فزاعيه للسيده زينب ع*
ـــــــــــــــــــــــــــــــ
شالوو الحـــــــره للگبــــــــر ننصب عزاها اليـــــــله
ـــــــــــــــــــــــــــــ
نسوي الزينب فاتحه
ماكو بنعشها نايحه
خلصت من البارحه
نبجي ودمعنه نسيــــــــله
ــــــــــــــــــــــــــــــــــ
نعازيها هاي ام الخدر
خلص عمرها بالصبر
تاليها راحت للگبر
محد. نعشها يشيــــــــله
ـــــــــــــــــــــــــــــــــــــ
محد. نعشها يغســـــــــله
نبجي بدموع الهامــــــــله
هاليوم زينب شايـــــــــــله
جاوين حامي دخيـــــــله
ــــــــــــــــــــــــــــــ
جاوين ابوها مـــــادره
ضلت توون المخــــــــدره
نعازيج يابت حيــــــــدره
خلص عمرها نحيــــــــله
ــــــــــــــــــــــــــــــــــــ
من الهظم ضلت تون
نبجي، ونعازي ام الحزن
همومج يحره تكاثرن
منهو التراب يهيــــــــله
ـــــــــــــــــــــــــــــــــ
يازينب اكتب بالـــــــدمع
يكلف علينه هالوضــــــــع
بالگبر علگيه الشمع
بالگبر انتي وسيله
ـــــــــــــــــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*مربعه للسيده زينب ع*
ـــــــــــــــــــــــــــــــــــــــــــــ
اليوم ام الخـــــدر تجهر بونتــــــها
شبحت عينها وما حضرو اخوتها
ـــــــــــــــــــــــــــــــــــــ
شبحت عينها وضلت تجر ونه
الحگولي يخوتي حضروو الدفــــنه
ابو الغيره تريده الوالي يتعـــــــنه
وحسين بحزن شايل جنازتها
ـــــــــــــــــــــــــــــــــــــــــــ
وحسين اليجي وعباس واليها
ضلت بالحزن ودموع تجريها
وسفه عالزمان الهيج تاليها
ابد ما تنوصف زينب هظيمتها
ــــــــــــــــــــــــــــــــ
ابد ما تنوصف زينب المهظومه
عافتهم سويه بكربله نومــــــــه
ماتت والگلب ملجوم بهمـــــــومه
اويلي بالغرب تفجع مصيبته
ــــــــــــــــــــــــــــــــــــــ
زينب وين اهلها تصير جنازه
وبموتج يزينب دهرج توازه
يريد اخوان موتج عازته عازه
ارجال الموزمه هااليوم عازتها
ــــــــــــــــــــــــــــــــــ
يشيعونج يزينب هاا يمهظومه
ايسي، من المشو نامو فرد نوومه
غفت عينج بعد يالرحتي مالومه
تهد جبال زينب صعبه قصتها
ـــــــــــــــــــــــــــــــــ
صعبه قصتج بالقلم نكتبها
روايات وقصص لازم نرتبها
زينب بالشدايد دووم ننــــــــدبها
مقبوله الكتابه وهاي، خدمتها
ــــــــــــــــــــــــــــــ
*تمت بقلم خادمة اهل البيت ع ام وليـــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*وابوذيه للسيده زينب ع*
يزينب هلي دموعج ولمــــــــــي
بلكت يوصلن لختي ولمــــــــــي
غريبه وكثر عتابي ولمي
حسافـــــه محضرن يوم المنـــــــــيه
*نعي*
ـــــــــــــــــــــــــــــــــــــــــــــــــ
تمنيت تحضرني الزجيـــــــه
روحي توون وكت المسيه
مري بحلم يمه عليــــه
ـــــــــــــــــــــــــــــــــــــــــــــ
تمنيت حته لو بالاحـــــــلام
تشوفين حالي اليل مانــــــام
عمري خلص ونعد بالايـــــــــــــام
ــــــــــــــــــــــــــــــــــــــ
باقي ايام وخلص عمري
اريد اليشيعني الگبــــــــري
شحمل بعد جاشنهي صبـــــــري
ــــــــــــــــــــــــــــــــــــــــ
شحمل ييمه ضيم وهمــــــــوم
عيوني تريدج تبجي دمــــــــوم
تعاي ليه وكافي النـــــــوم
ــــــــــــــــــــــــــــــــــــــــــــــــــ
كافي النوم وگرب مـــــــــوتي
وبكربله تدرين اخــــــــوتي
بس الحزن صاير سلـــــــوتي
ـــــــــــــــــــــــــــــــــــــ
بس الحزن خيم بگلــــــــبي
يدموع عيني اليوم صــــــبي
ااه يالحنينه عليج عتبــــــــي
ـــــــــــــــــــــــــــــــــــــــــــــ
عليج العتب يالما اجيتـــــــي
الزينب يزهره شوو نسيــــــــتي
يحبيبه هل حانت منيتـــــــــــي
ــــــــــــــــــــــــــــــــــــــــ
جتني المنيه وردتج ويـــــــاي
تحضرين يمي تنام عيــــــــناي
ومذبحه تدرين وليـــــــــــاي
ــــــــــــــــــــــــــــــــــــــــــــــــــــــ
ولياي ماهمه نســـــــــوني
بديرة غريبه ضيعــــــــــوني
تمنيت خوتي يدفنـــــــــــوني
ــــــــــــــــــــــــــــــــــــــــــــــــــــــــ
*تمـــــــــــت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
*فزاعيه للامام الهادي ع*
ـــــــــــــــــــــــــــــــــــــــــــــــــ
ااه يا عظيم الشان سموو جبدتــــــــــــه
ــــــــــــــــــــــــــــــــ
ننصب عزانه اليوم
للهادي المظلــــــــوم
مجلسنه للمسمـــــــــوم
تلطم عله الهامات ضلت شيعتــــــــــه
ـــــــــــــــــــــــــــــــــــــــــــــــ
تلطم عــــلى الهامات
للهادي يوم المات
نبجي ونهل دمعــات
والعسكري مفجوع شال جنازتـــــــــه
ـــــــــــــــــــــــــــــــــــ
شيلوو النعش ويــــاه
ننصب عززه وننعـــــــاه
مگطع بســـــم عــــداه
سامره وحشه عليه تبجي وفگدتـــــه
ــــــــــــــــــــــــــــــــــــ
تبجي عله فگد الحيـــــد
حيـــــــل الصــــــواب مجيـــــد
ندعي وگفته نــــــــريد
بيوم المنيه هناك نطلب وگفتــــــه
ــــــــــــــــــــــــــــــــــــ
تنفعنه كلنه هناك
يالسمموك عـــداك
نبجي بحزن ننعاك
ااه يالجواد اليوم يهمل دمعـــــــته
ــــــــــــــــــــــــــــــــــــــــــــ
يهمل دموع العين
عازووه يمحبين
للعدل والميتين
يحضرنه بالشدات نعرف شيمتــــــــه
ـــــــــــــــــــــــــــــــــــــــ
*تمـــــــــــــــــــــت بقلم. خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي*
ــــــــــــــــــــــــــــــ
/channel/Alalwya
*قصيده للامام علي الهادي ع وزن الموشح*
ــــــــــــــــــــــــــــــــــــــ
اليوم للهادي دمعنه نسيــــــــــله
نعازي ابنه العسكري هليلـــــــــه
بحرگه تلطم شيعته
العسكري يهل دمعته
نعش ابوه عله المتون نشيــــــله
ــــــــــــــــــــــــــــــــــــــــــــــــ
نشيله فوگ الراس ونصيح بانين
بعبره يا مظلوم سماك اللعين
خلصوو بيـــــــت الرساله مسممين
ننصب الماتم اله
بدموع الهاملــــــــــه
حضرت املاك السمه وتبجيلـــــــــــــه
ــــــــــــــــــــــــــــــــــــــــ
حضرت الأملاك هاي الفاجعـــــــه
الهادي يا وسفه جبدته مگطعه
كتب العلوم وصلاته توودعــــه
يبجي ضل قرئانه
البيت وحشه اركانــــــه
نعازي الكرار حامي دخيلـــــــه
ــــــــــــــــــــــــــــــــــــــــــــ
نعازي الكرار وي المنتظر
عله المات اليوم جبده منفطر
المهدي زتاه عله متنه للگبر
ينتحب وي والـــــده
يبجي عالصار وســـــده
تراب جـــــده اليوم بيده يهيــــــــله
ـــــــــــــــــــــــــــــــــــــــــــــــــ
تراب جـــــده يهيل راعي الموعظه
الهادي جفنه للمنيه غمضه
احنه شيعه ودووم نبقه رافضـــــه
رافضيه مذهبي
عله عناد الناصبي
فاتحه وماتم عزه نسويله
ـــــــــــــــــــــــــــــــــــــــــــــ
فاتحه نسوي ونشدها لطمته
نروح نتعنه زحوف الحضرته
نطوف بالحضره ونشيل جنازتـــــــه
جنازته يشيعوها
شيعته يشيلوها
السووه هاي الفاجعه وياويلـــــــه
ــــــــــــــــــــــــــــــــــــــــــــــــــــ
السووه هاي الفاجعه اليوم الحساب
يحترگ بالنار ويشوف العذاب
مايضل الهم اثر بس التراب
مايضل الهم ذكر
لا بناء ولا گبر
عاشوو الدنيا وگضوها بحيــــــــــله
ــــــــــــــــــــــــــــــــــــــ
هاي دنيانه يخايب ماتدوم
اثر طيب خلي لاتعبث تگوم
وام وليــــد تصيح يابحر العلوم
اطلب بطيب الاثر
وهالكتابه تنذخر
بحق هادينه وسموم دليــــــــله
ـــــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا والفاتحه الى روح والدي*
/channel/Alalwya
