🖋️ مقطوعة شعرية رد على "مهرجان الاوسكار"
شنو هالمهزله والناس ملتمـة
النساء ويه الرجال وضاعت الحشمة
عليمن عالجوائز رخصيتوو الدين
يفهمون التعري يصعـد القمـة
شنهي السالفه انسيتوها كلمة عيب
ماضل لا حياء ولا بقت زحمة
العراق ارض الحضاره ويكفي بيها حسين
المفروض المحافل تنكتب باسمه
موش صدورها النسوان مكشوفه
وتتفرج علينه صارت الامة
يستاهل الجيش يصير اله تتويج
الكل جندي شريف مضحي بدمة
ساحتهم عظيمة لا تدنسوها
تراب اقدامهم ننتفاخر نشمه
الما يذكر يتيم ويذكر المسكين
ويركض للرقص كون الگبر ضمه
مو غافل عليكم الله بالمرصاد
اعلنوو التوبه كافي وبروو الذمه
تره بيوم القيامة تشخص الابصار
وعيون التشاهد هل فعل تعمة
غرتكم الدنيا وماكو چن حساب
وصارت ما تميز المره امن الزلمة
چاوين المبادئ والقيم ياناس
الزهره وبضلعها تكفي الكلمة
لاذت وره الباب ولا خيال نشاف
وصارت للشرف عنوان والحكمة
---------------------------------------
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة مربعة لاربعين الحسن عليه السلام
اخـوي الكسـر گلـبي ويـوجع فـراگـة
اربعـين اليـوم زينـب توون مشتـاگــة
اربعيـن مـن اليـــالي والگـبر ظلـمة
تعالـي، وشوفي حـالي يم حسن يمـة
روحـي نـاحـلة ومـا تحـمل الهـظــمة
ماضـل ضيـم گلـبي وحـزن مـاضـاگـة
يضوگ همـوم عگب الغمضت عينـة
گلت حسبت ايـام ويــــــرد واليـــــنة
حسافه يالحسن وجهك مضـــيعينة
وحشـات اليــالــي والـــك مشتـاگـــة
وحشات اليـــــالي وروحـي، مگـضيـة
صــدگ يالمـجــــتبى هـاي الـوداعيـة
تمنـيت الگــــبر يـرخصـــني شـويـــة
وسولفـــله الجــرة وگاضيني فـراگــة
گضاني فراگ وجـهك وهمل الدمعـة
كــل غالـي، وعــزيز الـزينب تـضيـعة
يـوميــة نعـــش، للمـگـبرة تـــودعـــة
نيــران المـــشوو بـالگــلب حـراگــــة
نيــران المشــوو والفـرگـة مـو سهـلة
عفــاني مــن المصـايب ضالـه عـدلـة
جينــة باربعيــــنة اليــوم ونسـالـــــــة
تاخر مـااجـانــه شعـطــــله وعـاگــــــة
تـاخـر ليــــش شنهي الصـار مـاجـانـة
ثــاري بالگبــــر غـاطيــــة تــــربانـــــة
شچـم لـوعـة وهـظـم شافت الحزنانة
بـــــدروب اليسر طاحـت مـن الناگـة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة لاربعين الامام الحسن عليه السلام لسان حال السيدة زينب عليها السلام
يالحسن جيت يغالي يالحسن جيت
موحش البيت يغالي موحش البيت
جيت ازورك للگبر
زينب انة ام الخدر
يالحسن جيت يغالي يالحسن جيت
اربعيـن مـــــن اليــالي جـوة التـراب
جرحك بنص الگلب ياخوية ماطاب
روحي مشتاگة الك يااغـلى الاحـباب
شرد سولـف فرگتـك
شلون صارت چبدتك
دمعـي صبيت الغيـابك دمـعي صبـيت
دمـعي صبيت الغيابـك تعـمة العـيون
عــادت الخــوان يبــن امـي ينشــدون
كون ساعة من الوكت وتـــرد الضعون
ترد گعدتنة سـوة
يـااعـز مـن الهـوة
بهـمي تانيـت تجيـني بهمـي تانيـــــت
بهـمـي تـانيــت وبعـد ماضـنك تعـود
اليوم اجيتك يالحسن والگبر مسدود
طـولك وصوت المحنـة وسفة مفگود
جيت اشوفك ونتحب
يلـــي غاطيـك الترب
ليـش جافيـت ويـه زينب ليش جافيت
ليش ظلـمة الـــــدار ضل البيت وحشة
ااه يـدمـعي الفرگتـك كـل يـوم ارشـــة
مـن خــذوها جنـازتـك مـابيـة ممـــشة
امشي ماگـدر بعـد
يا جـرح گلـي اشـد
حيلي هدميت بمصابك حيلي هدميت
حيـلي هـدميت وبـعد مابيـــة گـومـــة
غـافـي بحضن الـترب طـالت النـومـة
كـون موت الي خـذه الزينب يسومـــة
افـدي لخواني العمر
محــد يـرد القــدر
ابچي ناديـت عليهم ابچي ناديـت
ابچـي ناديت واجـــر الكـم بالـونيــــن
والله مكسور الگلب يالحسن وحسين
بكــل حـرف زينب الي انخـه تسجـليـن
احس نفسي مقصرة
زينب ارجوو المعذرة
بجاهـج نخـيت يحـره بجـاهج نخـيت
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
نهاية عزاء، للامام الحسن العسكري عليه السلام
هاليـوم هالـيوم نعـازي الهـادي
عاالـمـات مسـموم
باالعســكري دووم
شالــوو الجــيدوم
هاليـوم. هاليـوم نعـازي الـهادي
خل ننصب عـزاة
مـددها يمـــــــناة
گطـعوها احشــاة
هاليـوم هاليـوم نعــازي الهـادي
جـابوو التـابـوت
حزنـوها البـيوت
خل نرفـع الصوت
هالـيوم هالـيوم نعــازي الهــــادي
رفعـوها الاصــوات
القـاصي الحاجات
ويــن المعـــزيات
هالـيوم هالـــيوم نعـازي الـــهادي
ويـن اليحبـوة
خلهم يشيعوة
ولمهدي عازوة
هاليـوم هاليـوم نعـازي الهـــادي
بدروب البـعـاد
بجاه ابو السجاد
ينطينـة المـراد
هاليـوم هالـيوم نعـــازي الهــــادي
والهادي بحماه
خل نلطم وياه
سجلها الاسماء
هاليـــوم هاليـوم نعــازي الهــــادي
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
مربعة لوفاة الحسن العسكري ع
اليــوم ام الـحسن حضـرت بسامـــرة
ويـــاها لمنتــظر مخنـوگ بالعـــبرة
ويـاها المنتظر والــدمـــــعه بعيـونــة
حسافـة العسكـري. بسمـهم يغـدرونة
عــازوها الزچــية تنــوح محـــزونــة
شيعـووة الحسن يا وسفـــة الـگبــرة
شيعـووة بحـــزن خـل نلـــطم وـياها
چبـد العسكــــري الملــــعون سمــاها
وحشـه الــدار تنـعة بحـزن خـــلاها
گلـب الزاچية علـى الحسن شيصـبرة
تصيـح الزاچيــة يوليـدي يالـمســـوم
سامـــــره حزينــــة. مكـدرة هـااليــوم
هــلـوو دموعــكم يا شيـعة من دمـوم
ويـة المهــــدي ننــوح ونلــطم الزهرة
نواسي المـهدي، مـن شالووة جثــمانة
نصبـوها المجـــالس الك مــولانــــة
فاطــمة الزچيـــة تسجـــل عـزانـــــــة
يبـــــو صالح نـريد بهالـــعـزة نضــرة
نضرة نــريد منـــك. سيــدي نـــادي
حزنان ويوون علة الي جره الهـــادي
البيت ال الرســــالة شنـهي الســادي
بسمـوم وقــــتل والمنــگطع نحــــرة
بسمـــوم وقتـــل اهـل الفخر ميتين
يـوم العسكري يشـبة مصاب حسين
كـل الي حـضر بالماتــم تســــجـلين
يالزهـــرة عليـــــج بزينب الحــــــرة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
فزاعية لمـولاتي الزهراء ع
محروگ بيت ام الحسن
والمحسن مسگطيـــنة
اهــل السقيـفة حرگتـــة
ضلــع الـزچية هشمتــــة
بالبــاب صـارت عصـرتـة
يـا حيـــدر الله يــعـينـة
الله يعيــــنة على الخـبر
بسمـار نابـت بــالصــدر
نيـــران گلبــة تستـــــعر
مـن شاهـــد امـة حسينـة
شفاها وگـعت عالــــترب
مصيوب من عنده الگلب
صعبة يشاهـــدها صعب
والـحسن تهـمـل عينـــة
ببچي الحسن لا ما سكت
يا ريت ضلعـچ مـا شـفـت
عيونه على المحسن عمت
زيـنب تـــــوون وحــزينــــة
زيــنب تـــوون مــكـــــدرة
مشبـــوحـة عين الطـاهـرة
نــلـعن الزمـــرة الكـافـــرة
اليـــوم الـحــشر نـادينـــة
اليـوم الحـــشر بالحـاطمـة
تـوگـف تسجــل فــاطـــمـة
ويـاهـا حمـــــاي الحـمـــة
كــــل مجـرم. مسجلـينــة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
فزاعيـــة لسكينة بنت الحسين ع
اليـوم السكينــة هالعـزة
يـا فاطـمة سجليــــها
خلي نعازي ام الصبر
شالـوو سكينـة للگبـر
ماتت نحيلة من اليسر
وراسه برمـح واليــــها
واليها ما يـدري شجـرة
مــاتت حـزينـة مـكـدرة
للموت تبچي، المنحرة
همـوم الـدهر گاضيـها
مفجـوعة دمعتها تهـــل
بيـديـها مطبوع الحبـل
شافت مصاب المو سهل
زيـنب تنــوح عـليـــــها
من عدها مهظوم الگلب
دفنـوها بديـار الغــــرب
ما حضر والــدها صعب
فـراگ الاهــل عاميـــها
شمسوي ويـــاها الوكت
يالــوعة گالت مـا شفت
عيونج. على عمچ عمت
بنــت الحـسين انخـــيها
انخيــها تسمـع شكــوتچ
حاضرة تسجل دمعتـچ
مرضانة تدعـي وندبتـچ
رفـعي ايـدچ وشافيــها
تمت بقلم. خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة وزن الفائزي طور الشده لمولاتي الزهراء، عليها السلام تشرح حال السيدة زينب عليها السلام
زينب زغيىرة. وتنتحب وتنادي فضه
محروگ بيت ام الحسن والضلع رضه
يا فـضة امـي ما تضــل رضوو ضلعها
بسگط الجنين ومكتفه الظالم صفعها
مسطور خد ام الحسن يجـري دمعـها
يصواب عدوان النبي بصدر امي امضه
ماضي الصواب وما حچت تخفيه الونين
يم راسها اصرخت بحزن والدمعه بالعين
ماكو جواب وغمضت وبحضني الحسين
مينام ليلـة ولاطبـگ جفـنه ويغـمضه
مينام ليلـة وللفــجر اسمـع بواچيـــــة
ماضن. بعد ينفع دووة للضلع يشفيــة
من نادتج خفيه بعحل يا فضة سندـية
فاطم. ترة ،رب العرش ، لرضاها يرضه
يغضب على كلمن دفع. باب وبغضها
ماضن تطيب الوالده طوول مرضها
سيدة نساءء على النسة الله فرضها
بنت الرسول الهادي واسمچ يفرضه
مفروض اسمها عالخلگ يرضه الرضاها
بارينة غاضب عالذي سگط ضناها
حزنانة املاك السمة نصبت عزاها
كل اليواسينها وبـچة بالجنة يحضه
يحضة وعظيمة المنزلة كل الذكرها
زغيرة ويخلوها بنعش خلص، عمرها
كلمن بچت لمصيبتچ. تاخذ اجرها
ايـة الكــوثر فاطــــمة بيـــها نتوضه
تمت بقلم خادمة اهل البيت ع ام وليــــد النوسوي لا اجيز حذف الاسم الفاتحة الى روح والدي ووالدتي
/channel/Alalwya
نعي الانتهاء، محرم لسان حال الخدام
صعب عاشور يكتل يوم الـــوداع
نخـتم هـالمـجالس گولو شلـــــون
زينب گـاعـدة تنـــعه بالديــــــار
لا تبـچين كلنــــة ويــاچ يم عــون
خلص، عاشورنة وما يخلص عزاچ
ولا ننـسه الــذي بالــــرمل مدفـون
مـجلس شيعتــــچ للموت منصوب
واحبـابچ على ابن امچ يـعــــزون
حـتى الفـاتحة المــوتانة منــگول
على. حسين اللطم يلي تلـطمـون
يبــعد اهـــلي يزينب كلنة تفداج
كون اهلي الگضوو وهـلچ يضلون
شحال بردتـــچ وي ضـعن الـحسين
بنواعي البيـــــتهم طبـــوو ينوحون
محــرم دووم لا مـو حسبــــت ايـام.
لخـوتـچ ماتـــجف دمــوع الـعيـون
بحق عباس، ذاك وگطع الچفوف
وگطع راس الحسين وضرب المتون
يزينـــب اكتــــب ومـليانة حسرات
اريـــد بكـل حـرف النـة تسجـــــلون
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى والدي، ووالدتي
/channel/Alalwya
قصيدة للنبي ص طور محرم ياهلة بشهر الدمع للملا باسم
محمد نصيــح ويــــة فـاطمــة
محمد. نعـازي حمــاي الحمـة
اليوم خنعازي الزچية وحيدرة مولانة
شال عنها النبي الهادي وينتحب قرانة
منبرة تـوشح ســواد ومفتقــد اذانـــــة
بالمجالس تنـعـة فاطــم حاضرة ويانة
محمد. الزهرة تبچي ولا طمــة
محمد نعازي حمــــاي الحمة
الـزهرة هاليــلة بحـزنها تگول شال الهادي
خـذوو نعشة للمقابر ياحسافـة تنادي
بعد شيـردة عليـة مـات جــد اولادي
يا حبيب الله ورسولة غربت للوادي
محمد. حزنت املاك السمة
محمـد نعــازي حماي الحـمة
حزن عرش الله على فگـدة صعب نوصف يومـة
نواسي ام حسين كلنة صيحوو يا مظلومة
دارچ يحرگوها بعده ومحسنج بدمومة
ابد ما ننـسة يزهرة ضلـوعچ المهشومـة
محمد. اضلوع زهرة مهشمة
محمد نعاـزي حماي الحمـة
ضلوعها من يوم شالوو نعشة صوب للمقـبرة
رحل عنها وعاف بتة بين ناس الكافرة
ااه ينار الباب وجت بوية بعدك حايرة
نبت بسمار وعصرها مادريت الطاهرة
محمد. الدنيا صارت مظلمة
محمد نعازي حماي الحمة
الدنـيا ظلمـة النور طافي للحزن خل نستعد
نايم المختار طـة يا وسف وسط اللـحد
طاح سگف البيت تنعة فاطمة وماكو سند
مراد ينطيننة نبينة تنادي الشيعة المدد
محمد تمشي كلها محزمة
محمد تعازي حماي الحمة
تمشي كلها تعازي حيدر ميت اليوم النبي
بحضرتة. تنصب ماتم هالحشود الزينبي
ندعي من الله ورسولة وزينب ودرب السبي
كل موالي، يجري دمعة يصيح حقق مطلبي
محمد نجري المدمع دمة
محمد نعازي حماي الحمة
تمت بقلم خادمة اهل البيت ع السلام ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
ابوذيـــات للخوان يوم الاربعين لسان حال السيدة زينب ع
ارجعت بالضعن دمعي يسيل كلماه
بلـكي مـن الگبـر يحچــون كلـــماه
يضــــربون النحر يحسين كلـــــماه
يديــــر العـــين لعيــــالة ورقيــــــة
ـــــــــــــــــــــــ
على الخوان گلبي ينوح لا چان
انيـاب الــدهر بالـــدلال لا چـان
تمنيت البطل موجـــود لا چــان
يخلي، الگوم كل واحد نويــــة
ـــــــــــــــــــــــــــ
چوتــــني الخيـــم بيــــدية طفــتها
چفــوف ونــحر بالـــحومة طـفتــها
انــــادي يخوتي عيــــوني طفتـــــها
المصــاب الـــي جــــرة بالغاضرية
ـــــــــــــــــــــــــــــــــــــــ
يزينب نـــــــار لمصــابچ ولعنــة
تره احنة من المهد حبكم ولعنــة
الاول نعلنـــــــة وثــــاني ولعنــــة
البنا واسسس ظلم من ال اميــــــة
ـــــــــــــــــــــــــــــــــــ
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
بسم الله الرحمن الرحيم
الدعم الفردي السريع للشاعرات
👇🏻👇🏻👇🏻👇🏻👇🏻👇🏻👇🏻👇🏻
❤️قناة الشاعره ام علي الامارة
/channel/um_ali313
❤️قناة الشاعره الحجيه ام علي البصرة
/channel/ahzan2018
❤️قناة الشاعره ام زهراء الفاطميه
/channel/AAAAAFCTP6mH2egqJ1qA
❤️قناة الشاعره ليلى زغيب
/channel/Doumooalanin
❤️قناة الشاعرة رغد البهادلي
/channel/Ragadalbhadley
❤️قناة الشاعرة ام باقر الشويلي
/channel/lAfiteamoun
❤️قناة الشاعره ام حوراء الأسدي
/channel/omhaoraai2017
❤️قناة الشاعره ام تحسين البصره
/channel/a1230th
❤️الخطيبة الحسينيه ام فاطمه الشويلي
/channel/fatame00
❤️الشاعره ام نادين المحمداوية
/channel/tufdyhryggddg
❤️قناة الشاعره سهام المالكي
/channel/ssrgk
❤️قناة الشاعره ام علي البابلي
/channel/DmoaaAlhwraa
❤️قناة الشاعرة ام علي الحلفي
/channel/Om_Abeha
❤️قناة الشاعرة رسل الأبراهيمي
/channel/jjjzzccbbff
❤️قناة الشاعرة ازهار جبار الجياشي
/channel/azhar979
❤️قناة الشاعرة نورس الحلفي
/channel/nawrasalhalfy
❤️قناة الشاعره ام حيدر الحلفي
/channel/AmHadeerAlhlfi
❤️قناة أكاديمية اطوار
/channel/academy_mahhdawyat_allhawa
❤️قناة القلم الحسيني
/channel/amAli30
❤️قناة الشاعرة زهراء الحربي
/channel/ECYULhLFeQ2NTYy
❤️قناة الشاعره ام وليد الموسوي
/channel/Alalwya
❤️قناة الشاعره فاطمه هاشم الحسيني
/channel/mhdwehuc
❤️قناة الشاعرة زينب المالكي
/channel/moohamd9
♦️♦️♦️♦️♦️♦️♦️
هوسات لوفاة النبي ص
ويـــة ام الحسن خل نحضر التـوديع
شالوو نـعش ابــــوها ومشوو للتشيع
تره خلاف الرسول الزهرة عگبة ضيع
صييحوو يالزهرة المهظومة
صيـحـوو يالـــزچية ويـــــن المعزيات
شايـــــل والــدچ گولي شيـرد المـــات
الـــــف هنيــــالهـــه السوتلـه قـرايات
مذخورة الدمعة النبچيها
مـذخـورة وتسجــل فـاطـمة الـــزهرة
ننــدب يـا نبينــــة بصــوب وبعبــــرة
تحـضـر بالمجــالس تسمـع اليــــقـرة
واليوم الشيعة تعازيـــه
هاليــــوم المصـاب وبيـة فجـــــعوني
صـاحت ويـة ابـوي اخـذوها ضـعـوني
بتــراب الگبــر ويـــــاه وســــدونــــي
ياعمري خلافك ماريدة
تمت بقلم خادمة اهل البيت ع ام وليــــد الموسوي لا اجيز حذف الاسم شرعا الفاتحة الى روح والدي ووالدتي
/channel/Alalwya
فزاعية للمحجوبات ع
يا دار نصبيـة العزة
راس حسين دفنيتة
رديت راسة الجثتــــة
يـادار جــــري ونتـــــة
ماترد ذيجـه گـعدتـــة
جــوه التــــرب خليتـة
جـوة التـراب بكــربلـة
واليوم جيتـچ نا حلـــة
محــد. تلگـــانة بهلــــة
يبـن امـي مـن ناديتـــة
يبن امي. دارك مظلمة
تبـچي البـنات. مالـــمة
ونت سكيـــنة وفاطــمة
بابــــــك ليش سديــــتة
بابــ الـــــديار المـوحشـــة
بس الاحـــزان معشعـــشة
جيــــنة بدمعنـــة نفـــرشة
بــس للـحـــزن خــلـيتــــة
بس للــقهر نبـــقى نـون
يـادار جيتــــچ بالــــحزن
احــاه يضـــربات. الزمـن
اليـــوم العـــزة سويتـــــة
الـيوم العـــزة والنـايبـــة
جينـة الوجــوه متــربــــة
ذيــچ المبـــــاني مخربـة
وانـــــة الدمـــع خاويتـة
تمت بقلم خادمة اهل البيت ع
ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
هوسات ليوم الاربعين عنده وصول مولاتنا زينب ع يوم الاربعين
مـافلــــة الحزن يحسين مافلــــــة
راسك هـدم حيـلي وبيـة شخـلـــــة
جيت اشكي العذاب وضيمي اگلله
ماتگعد يابعد عيوني
مـا تـگعد نسولف روحي مهدومــة
تره التفگد اخـوها تضـل مهظومــة
وجهي من العـذاب مغيرة ارسومـة
وشحال الفگدت واليها
شنهي الحـــال زينب تنتحب سكتــــة
يريت من دفنت راسك ويـــــاه ميتـــة
شعجب گلبك حنين يعوف هيچ اختـة
لحسين توجة بعتابي
لحسين العـتب كـــاقــي تعتبينــــة
مصيــوب النـحر خافـن تلـچمينـــة
تهل دموع عيني اگعد يبـو سكينــة
اگعد يبن امي وحاچيني
تمت بقلم خادمة اهل البيت ع
✍اك وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
نعي، لدورة السنة للشباب نهدي ثوابه الى مولانا القاسم عليه السلام
مشــتاگ يــم گبــري تگـعـديــن
وعـلى شبــابـي جــري الــونيــن
دارت عليـــة اليـــوم الاسـنيـــن
دارت سـنيـــني يـمــة بســـــــاع
وشصـار بيـچ بيــوم الـــــــوداع
مـن شفـــتي نــام ابنـچ عالگــاع
شفتـي الچـــفن شفتي التابوت
طـويلـة ييـمـة فــــرگت المـوت
گلبي نشلـع مـن صحتي بصـوت
تصيـــحين يمـــــة يـالـزغيــرون
عـــلى فرگاك گلي اصبر شلون
الشـالــــوو غـفل لا مــايـــــردون
شــالـوو وضـــل البيـت خــالـي
خـــلاف الشـباب شلــون حــالـي
صارت سنـــــة وجهك. گبــالــــي
صــارت سنــة والـــــولد مفـگــود
ايــس يگلــــبي، بعـــد ميــــــعود
مــــالايـگ الوجـهـك نـوم اللحـود
مــــالايـگ الـوجــهــــــك النـــربان
رسمـــــك گبــالي، فـوگ حيـــطان
على فراگك تـراني، الگــــلب تعبان
رسـمـك گبــالي وامـــــشي گـــــــوة
شايـل يبــــو ضحـــــــكت الحـلـــووة
رمـــــله بـــــلاهـــــا البــــــين بلــــوة
كـــل الببــــــچي الـرمــــلة وابنــــها
بــــس الـحـــزن تــارس حــضنــها
علــــى القـــاسم تنـــوح وكثر ونـها
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
ابوذية ونعي للاربعين الامام الحسن ع
اربعيــن مـن اليـالي البـيـت مـوحـش
شفــــت چبـدك بسـم انگـطع موحـش
زمـاني، من المـصايب حـاش ماحش
يبــــو محـمد صـفت دارك خلــــــــية
خـذك مـني الزمـان وهـدم الحــيل
على گبرك يخـويـة دموعي تسيـــل
شسولف الوحشه مـن يــجي اليــــل
جــيـت ارد ازور الــگـــبر ومـــــشي
اشـم التــرب مــــــــاردت كــــــلشي
عـگـب المــشوو بـــالضيــــم بلـــشي
شـــال الـــحسن وبــعيـــــد دربــــــه
مـن عـاف اخيـــــتة شگـــــال گـلبــة
يــــــــافـرگـــة الخــــــوان صعبــــــة
عگـبك بعــد شــوصفــلك الـحـــال
يچــبير اخـــوتي همــــومـي ثـگــــال
حسافه الحسن للمـگبــــرة انشـــال
حســافــــة نمــت مـابيـــن الگبـــور
خالــــي المضــيف اليـــعدل الشـور
گـــلبـي ثلــث كســرات مـــكســــور
زينــب تنــــــــوح تـــــــريد اهــلـها
الهـــامة الـدمــــــة صـايــر غسـلـها
امــــي مــــشت عـافـت طفــــلـها
شالــــــوو جنـازة وره جنــــــــازة
بهـــلي الـدهــر كلـــــــهم تــــــوازة
گلبــي، يـــوون فــــاگـد اعـــــــزازة
اكـــتب للــحسن مــــــردوو چبــدة
ولحسيــن مــــــن حــزوو رگبتــــــة
بكــــل وكـــــت احنــة نعـازي اخـتة
تمت بقلم خادمة اهل البيت عليهم
السلام ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
ابوذية ونعي للامام الحسن العسكري عليه السلام
الدمـع للعسـكري هـاليـوم. حــظرة
نحلفك كـل عـزة منصوب حــظرة
هـدمـوو للــحسن والـهادي حــظرة
بهـــدم. گـــبورهم تبـــچي الزچيـة
علـى گبـورهم تبـچي الـزهــــرة
وجـر علـى المســموم حـــــسرة
ننــصب عــزة ونلـطم ونــقـــــرة
ننـصـب عـزة ونجـريها العيــــن
هـاليـوم خـل نجـــر الـــونيـــــن
للعســكري ونــة عـلى حسيـــن
خلـونـة نبـچي ونجــر ونـــــــات
مـابيـــن مسمـوم وذبــح مــــات
ومصـابهــم مـا ننـسة هيـهـــات
ومصـابهـم مـا صـــار بـالكـــون
ريضووو بالحسن يلي. تشيعون
عليـة المنتظر ينتحب محـزون
يبـچي عليــة شـالـوة للگــبور
باللسـم يوسـفه يصـيح مغـدور
مشبـوحـة عينة وچبدة مفطور
شابـح عيـونــة وبچـة المهدي
يـا والــدي غيــرك شعــــندي
يـاريتــهـم. سممــو. چـــــبدي
گضينة ووداع بوية وهاي هية
دارت صـفت وحشـة وخليــة
للعسكــــري هـــاي، العـــزية
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة للامام الحسن العسكري غليه السلام
مهـدينـة مهدينـة ضل باالحزن مهدينـة
خالي وحزين المنبر
وكـت الاذان مكـــدر
ضل بالحزن مهدينة ضل بالحزن مهدينة
ينحب ابوية يصيـح لتشيعـونــة
حـان المـوادع رجـعوها ضعـــونة
للگبـر شــال وراحـــوو يدفـــنونة
يبچي وينادي بحرگة
تصعب يبـوية الفرگة
حادينة حادينة. يمشي سووة حادينة
نرحـل سويـة يالحسن ناده بصوت
وثنيــنة شالــــوو نعـشنــة بتـــابوت
يالعسكري وسفة خذك منه الموت
والحجة ينحب مهموم
وحشة النزل يالمسموم
علگينة علگينة شموع الحزن علگينة
علگينـة شمعـات الحــزن بالعبــرة
هـاليـــوم سوينــة المجـالس نقـــرة
يـالعسكــري تنــادي وتنـوح الزهـرة
گلبي المصايب تگضية
يالووعـة ما مـرت بيـة
خلينة خلينة ننصب عزة خلينة
ننصب عزانـــة ونبچي وية الغـايب
للحسن يبـن الحسن گلبك ذايــب
مسمـوم چبـدة مگـطع ولا طــايب
علــوو يشيعـــه الونــة
اشلون الامـام ندفنـــة
ونيـنة ونيــــنة للعسكري ونينة
للعسكري كل شيعي الك يتالم
هاليـوم ركـــن مـن الديـانه تهـدم.
باسم ابو المهدي هل نصبنه الماتم
الشيعه اله نصبوها
والـزهـره يعـازوها
حضرينه حضرينة. يم الحسن حضرينة
حضرينة سجلي بچـفچ اللــطامــة
هاليوم ابو صالح يدگ عالـهامــــــة
وحسيـن ابنــــچ ما نسيــنة ايــــامـة
لا والله ابـد يالـزهــــره
اي وحگ گطعت نحرة
تچفينة تچفينة صار الرمل تچفينة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
ابوذيه ونعي للامام الحسن العسكري ع
بچفــة المنتظر عاالنـعش يـومـاي
الچـبد مسمـوم بـويـة بـزاد يـومـاي
گبــل العسـكري يــــاريـت يـومــاي
ينــادي بصــوت يـاعـظـم الــرزيــــة
ابــو صالـح بـچه وهـلت عيـونــة
رجعـــوو الحســـن لا تـدفنـونـــة
مـن شــاف نعـشه نخــــطف لونـة
مخطـوف لــونــة وصـار الفـــراگ
الـوالد وسف كـاس الحـقد ضـاگ
يطـوول الغـيـبة وگـلبـة يشــــتاگ
نــدري طـويلـة فـــرگت المــوت
والعســـكري جـابــولـه تابــــوت
نصـبوو فاتـحة وحـزنوها البيوت
نصبوو فـاتحة وعلنـووه الحــداد
مسمـوم چبــدة ولا دوة الـــــفـاد
بسامـرة وشحـوو اليــوم الســواد
بسـامــرة خـــل ننــصب ماتـــم
مفگــود عـــودة وبـچـة القـــائم
خلصـوو سمــوم اهــل العمايـم
خللصـووو اهـل البـيت تـــدرون
المـهــدي ينــادي يـل تشيــعـون
اليـوم العـرش لمـصـابة محـزون
اارض وسـمـــة كـلـــها حـزانــــة
والزاچـــية تحضـــــر عــزانـــــــة
بجـاه الـحسن شافـي مرضانـــــة
تمت بقلم خادمة اهل البيت ع وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
نعي لوفاة السيدة سكينة بنت الحسين عليها السلام لسان حال مولاتي زينب ع
صحت يحسيـن سكنـة تريد تابوت
جـيب الكافـل ايحـطها عاللمــتون
تـوفت بالـغرب ونخــيت الاخــوان
ما ضن يوصل الصوت ويحضرون
يخـويــة شلــون بيــة ماكـو دفــان
المـات بكـربله يحضـرني شلــــون
مكـتوب ارد اودي يوصـله الـــريح
يعبـاس العـزيزة مغمضـة العيــون
گالـت خـل يــجي وينگــط الــماي
وعلـى جنــازتي خلـهم يلــطمـون
فـرق بيـن التحــضرة عزازة بالموت
ويـم راســة بحزن كلهـم ينــــوحون
يعمـة المـاتـوو اهلـــة هيــچ تاليـــة
تضل وحشة الجنازة وتمشي الضعون
هلـوو دموعــكم ياشيعــة هاليـــوم
ونصبـووه العـــزة ونـواسـي ام عـون
تمت بقلم خادمة اهل البيت ع ام وليــــد الموسوي لا اجيز حذف الاسم
الفاتحة الى روح والدي ووالدتي
/channel/Alalwya
ابوذية ونعي لرجوع ضعن ال بيت رسول الله عليهم السلام الى الديار
وصلنـة الـدار صـار الضـعن لمــاه
تطشر شمل اخوتي وصـعب لمــاه
اريـد اشكـي اهمـوم الگـلب لمـــاه
وگلـها حسيـن عفتـة علـى الوطيـة
عفــت الحسين وجـيت هالـيوم
رديـت ضعنـة محــمـلة هــموم
بطـف كـربـله لاگ الهـم النــــوم
بطــف كـربـله ضلــوو مچـاتيـــل
عليــنـة ييــــمه چلـــچل اليــــــل
ضاعـت يتـامــــة ودمعي يســــيل
ضاعـت اطفــــالــي وحشمتــــهـم
نومـــه علـــى الغبـــره عـــفتـــهم
وصلــت الـدار ونصـب فاتحـــتهم
هـاليـوم خـــل انـصـب عـــزاهـــم
ويــن الـدهــر عنـــي خـذاهـــــم
تبــچي العيــون. ومـــا انســاهــم
مـا نـاسيـة الـگـــعدة ويـه خـــوتي
ونيــت مــحــد سمـــع صـــوتــــــي
گبلــهم ردت يــا نـاس، مـــوتــــــي
شيفـــيد عمـــره الفـــاگــد. اخـوان
رد الضـــعن مــن دوون وليــــــان
مـا شافنـي مگـطـع الـذرعــــــــان
مـــا شـافنــــي متـــحيـره بعـــــيال
حــــــرمـــه ويـماشـــــيني الچــتال
مطـــبوعه يخـــوية بچـفي لاحـبال
حبــال اليـسر عبــــاس، خشنــات
يبـچي، الصـخر، عــا الفاطـميـــات
رجعنــه بهــظم وهمـــوم كلـــفات
تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحه الى روح والدي ووالدتي
/channel/Alalwya
ابوذيه ونعي. لسان حال مولاتي الزهراء، ع عندما هجمو على دارها
بغيابـــك حنضـل ارياگــي يمر چان
ابــوي بكـل وكـت ينـشـد يمر چـان
الظـالـم مـن حـرگ داري يمـر چـان
چوة ضلـوعي. وسگط محسن رميــــة
جمـر يسعر بضلعي خلـت الگــوم
ما ضاگت تراهـا عيوني الـنوم
المـحسن وگع. والضـلع مهـــشوم
مهشـوم ضـلعي وحـرگو الــــدار
مـن غـاب عنـي. النـبي المــــختار
بصـدري نبـت . بـويـــة البسمار
بسـمار ضـل نابــــت ولا طــــــاب
شسوت عگـب عينـك هاالاصـحاب
مغـصـوب حقـي وحـرگو. البــــاب
حرگـو البــاب وخـــدي سطــــروة
مـن غـاب وجـه الهــادي. دفنــــوة
محـسن بعتـبت داري سگـــــطوة
سگــطوه وتهـمل عيني. ادمـــوع
گلبي، بهـجوم الـدار. مفــــــجوع
توجــع بقــــت يا كسر الضــــلوع
تـوجــع بقـت تســـعر النيــــران
يوميـــة. اروح. البيت الا حــــزان
حيـلي رگــد. والگـلب خلــــصان
اخلص العمـر من دونـة شـلــون
ما يدري سطروني على. العـيون
بهجوم الدار. چا ويـن اليـــعزون
تمت بقلم. خادمة اهل البيت ع ام وليــــد الموسوي لا تجيز حذف الاسم الفاتحة الى روح والدي ووالدتي
/channel/Alalwya
قصيدة عندة انتهاء محرم لسان حال الخدام
ووادعا يـا مــحرم ما نگــــول
ووداعا عهد.منطين البــتول
عهد. منطين الزچية خادم بصف خادم
كلـها ايــام الحسين ولا محرم قـــــادم
ابد ما نحچيها هايـة خلي تـدري الوادم
هل عزاء منصوب الهم حد. ظهور القائم
ووداعا نبچي والمدمع سيول
ووداعا يا مـحرم. ما. نگــــول
نبچي ودموع الماتم دووم الچ نحييها
شلون ننساها العقيلة من سره حاديها
تصيح حضري يالزچية من نذبح واليها
هالشعار نصيح كلنة فاطمة سجليها
ووداعا نريد مولاتي القبول
ووداعا. يا مـحرم ما نگـول
نريد مولاتي. رضاچ بجاه ذيچ المنزلة
حسين عايش، بالضماير مانسينة كربلة
كلها ايامك محرم كل شهر نستقبلــة
الخادم من الله اختيارة شگد. عظيمة المسالة
ووداعا نطلب ومنة ننول
ووداعا. يامحرم مانگـول
نطلب بجاه الحسين وگطع ذيجة رگبتة
شگد. لطمنة ما نوافي مقـصرين بخدمتة
نريد بالدفتر يسجل كل اسامي شيعتة
كل موالي يجري دمعة هناك ذاخر دمعتة
ووداعا هوه اليشيل الحمول
ووداعا. يا محرم ما نگــــول
حسين حاضر بالشدايد ينطي مرادة بعجل
يبـقى عاشور بگلبنه مـن عـزائة ما نمــل
المعذر منج يزهرة والله ماخذنة الخجل
ننـخة وبيـوم المنـية تحضر النة بالعـمل
ووداعا بالگبر يوم النزول
ووداعا يامحرم ما نگــول
بالگبـر صعبة. علـينة لو نزلنة المـقبرة
من يوسدونة الترايب يجي حسين بدفترة
اكتب والطم عليهم واحس روحي مقصرة
الوالـديـني انخة تحضر كون يبن الطاهرة
ووداعا تزورهم بنت الرسول
ووداعا يا محرم مانگــــــول
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
القصيدة لرجوع ضعن ال بيت رسول الله الى الديار
ظلمة الديار يخوتي ظلمة الديار
گلبي محتار يخوتي گلبي محتـار
رجع ضعني بعيلتة البيت تكتل وحشتة
گلبـي محتـار يخـوتي گلبـي محــــتار
ــــــــــــــــــــــــــــــــ
رجعت الـيوم العقيلـة ويـــة الضعيـــنة
يلــــة خــل ننــصب عــــزة للذابحيــنة
مـا يفـيـــد الدمــع الهــــم لـو بـچينـــــة
حــلـــوة الايـام الـــذي بيــــها گضــينة
طش، شملنة بكربلة عيوني ضلت هاملة
ضاعت زغار بعدهم ضاعت زغار
گلبــي محـتار يخـوتي گلبــي محــــتار
ــــــــــــــــــــــــــــــــــ
ضاعت زغار وشسـولف يازمــــــاتي
البيـت مظلـــم مـن دخلـــتة خوفاتي
مصاب الحسين وگطـع راسة عمــاني
ايسي يـاروحي بعـــد المـــن اتـــــاني
چفوف ضلت عالنهر يكتل مصاب النحر
لا حـچ غبـــــار عليهم لا حچ غبــــار
گلـبي محتار يخـــوتي گلبــي محتار
ـــــــــــــــــــــــــــــــــــــــ
لا حچ غبار ارد اسالج وين اهلنـــــة
مشوو بدروب المنــــاية اهـل المحنة
بعـد منهـم ياگـــلب اگطــــع الضنــة
جيت اشكـــيلج عذاب وهظم شفــنة
ياعذابي وبلوتي عفت عالغبرة اخوتي
بالخيــــــم نار شفــتها بالخيــــم نار
گلبي محتار يخـوتي گلبـــي محتار
ــــــــــــــــــــــــــــــــــــــــ
بالخيـم نار وشفت ضاعــت يتـــامــة
والكفـــيل على النهـــر طوول منامـة
ماكـو راس حسـين رديــت العمـامــة
رجعت يا بيت وعفت نوومة النشامة
نوومـة بتراب بالگبر بعد ماريد العمر
والرمـل حـــار يروحي والـــرمل حـــار
گلبي، محتار يخـوتي گليـي، محــــتار
ــــــــــــــــــــــــــــــــــــــــــــ
والرمل حـار وصفوو جووه. الـــترايب
جيــت يـا دار بهظـم مــن الخــــرايب
وجوهنـه تغيـــــرت مــن كثر النـوايب
طافيــــة لگينــاها ما بيـــــها حبــــايب
بس، عليلة مددة يجاوب علية الصده
شملي طشار بعدهم شملي طشار
گلبي محتار يخوتي گلبي محتار
ــــــــــــــــــــــــــــــــــــــــ
طشـت اللــــمة وبعد شيعود الحسين
ايســـي يا زينب تره تـرجع الميـــتين
والعـزة جينـــة ننصــبة للمـرحليــــن
نريد زينب هالدمع النـــــة تسجليــن
كل عزانة تسجلة. وحق جيت القافلة
احنة خطار بحضرتچ احنة خــطار
گلبي، محتار يخوتي گلبي محتار
ــــــــــــــــــــــــــــــــــــــ
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
ابوذية ونعي لوفاة الرسول ص
عالــزهرة ســـهام الـدهـر وجـاه
شال النبي العنده البخت وجاه
تصيح بصوت بيتي العدوو وجاه
بنــار المســـعرة ومـحسن رميـــــة
شخصــك يبوية مـن يعـوضة
يحرگـون بيتي، شلون تـرضة
بعصـرة البــاب الضــلع رضـة
ضــايـع دواه ومـــالة طيبـــــة
شـايـل رســول الله وحـبيبــة
مـــادره. بيـه بيــا. مـصيبـــــة
اصيــحـن يبــويه ومـــا سمعني
الظالـــم علـــى خـدي صفـعني
يا حيــــف منـك خــــاب ضـني
خــاب الامــــل وجــذب العبــرة
مـاطـاب ضلــعي وكبــر كــسرة
نــام الـولـــي وغـافــي بـگبـــــرة
نــام الـولـــي وسـفــــة بتــــربــان
خلافـك سكنـتة بيـت الاحــــــزان
تچــوي دمــوعي وگــــلبي نيــــران
تچــوي دمــــوعي، مـــن غيابــــــك
هجموو علــــي سحــگوو عتابـــــك
مـن، غمـضت عينــــك اصـــحابــك
مـن غبـت حـال الهــــظم حــــالـي
مـفــارگ يگلبـــي وجــة غـــــــالي
ستــوني فگــــدت عـــزي ودلالــــي
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
فزاعية للنبي ص
اشلـوون افـارگ والـدي
اشبع هظــم مــن دونــة
تصعب عليـة فرگتــــة
لا تشيــــلون جنـازتـــة
چـاليش عـاف بنيــــتة
مگطـوعة گلبي ضنونـة
مگطوعه ضنون الگلب
شابـحة عيوني للــدرب
يا والدي فراگك صعب
مـن غمضــاها عيونــــة
غمـض عيونـــة مايـــرد
متـوسد تــراب اللــــحد
يكتـــل غيابـــة والبــعد
يـالرحتــــوو تشيعونـــة
تشيعـونــة هاي الفاجعة
يصعب علـية مـوادعــــة
مــن بعــدة انـة ضايعـــة
ضلـــعي تـرة يكسرونــة
ضلعـي يكسرونـة العــدة
ويصيـر بيـة المـا ســـــدة
انـة الزچيــــة الفـاگــــدة
ويــــن الــذي يعــازونـــة
وعـلى النبـــي المصـطفة
والنور مـن بيــــتي طفــة
حســاب العليـــة نخــففة
كلمــــن يدگ متـونـــــة
.
تمت بقلم خادمة اهل البيت ع ام وليــــد الموسوي لا جيز حذف الاسم الفاتحة الى روح والدي ووالدتي
/channel/Alalwya
نعي للمحجوبات او لرجوع ضعن ال بيت رسول الله الى المدينة
يا دار جيـت بگـلب محتــــــار
لا تساليــــني شصار ما صـار
مـن المشـــــوو. مامنـهم اخبار
اهلج مشـــوو نامـوو باللحود
جيت ولگيت البــاب مسدود
ابچي على مگطـــوع الــزنود
ابچي عــلى العبـاس وحسيــن
وصلت اليوم يم دار المبعدين
يـا روحي بيــــها لا تگـعديــــن
تـرة خلافــــهم ما تحلى گعـدة
بينـة نگطــــع حبـل المــــودة
النـام باللــــحد گولي شيـردة
گـــولي بعــد النـة شــيـردهم
تنســاني روحـــي ولا نسـتهم
يـــــا دار كلــــــــهم فـاگـدتهم
مـن كـربلة لــــرض المــدينـة
وحـدي اجيت بهل الضعيـــنة
دفنـــة حسين يـايـــمة بدينــة
جبـتلة الراس لرض الغاضرية
من الشـام بين چفـوف اديـــة
تعــالي خــل ننصب عـزيــــة
لخــواني ننـــصب فاتـحـتهم
مـادرو شنـهي حـــال اختـهم
محــد. گــــعد مـن ودعتــهم
محـد. گعـدلي وگـالي شبيچ
شنهـــي يزينب گـولي ماذيـچ
البيت الحـزن رديتـي تاليـــچ
البيت الحـزن رديـــتي تـــالي
كون الاخو يشــاهدلي حـــالي
بــس الصـور ضـلت گبـــــالي
تمت بقلم خادمة اهل البيت ع
ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة لزوار الحسين ع واهل المواكب بعد انتهاء الخدمة
نبچي على جـدم المشة
الموكب شلـون انفــلشة
ياالزاير. يالزاير
ابچي واگل الصــاحبي مــانزلـة
وحدها زينب باقية بطف كربلة
يفرغ طريق حسين صعبة المسالة
اية وحق يوم العاشر
ياـــزايـر. يالـــــزايـر
اية وحق راسة الجابتة زينب وجت
منتظرة جيت ام الخــدر وتـحزمت
چي ماكو زاير هالخدم كلـها بچـت
تبچي وتدير الناظر
يالــزاير يالــــزاير
يبچي ويدير العيـن فـــارغ مـــوكبة
من الشام اجتي اخت الحسين متربة
هـاي الجـــموع تـريد حسن العاقبــة
تسجل الخدم وتناطر
يالــزاير يالـــــزاير
تسجل البچــة من خلصت المشاية
لهل المــواكب تـجي وتـرفع رايـــة
تشوفة حزين تگــلة امشي ويايــــة
تجبر الحرة الخاطر
يالــزاير يالــــزاير
تـجبـر الخـاطر نادتـــــك مقبــولة
مسجـل بـــدفتر فاطمـــة گلـولــة
كلشي الطلبت من الزيـارة تنولــــة
بيوم القيامة باچر
يالزايــر يالزايــر
بيـــوم القيــامة تصيـــح يا خدامي
ذوله الخدم ما نسوو نحر الضامي
بطف كربلة يواسوون ذيچ ايامــــي
من حسين ضل لا ناصر
يالــــزاير يالـــــزاير
تمت بقلم خادمة اهل البيت ع
ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
نعي حوار بين مولانا الحسين ع ومولاتنا زينب ع
هلة بزينب يخوية منين اجيتي
مــن اليسر ضيـــم تحمليــــتي
ظـهرج عـلى ابن امچ حنيــــتي
لمــن وصلـــتي شلـــون جيــــــة
چـا وينـــــها بنيــــــتي رقيـــــــة
وحشـــة عليـها بهـــل المسيــــة
لسان حال السيدة زينب ع
يا وحشة خوية التـحچي عنــها
وحشــــة جثثكــــــم لـو دفـنهـا
مگطــــوع چفـــة خـــال ابنـها
البنــات چــتفـــــوهن سـويـــة
خــولــة وسكينـة وي رقيــــــة
يهــــد جبـال يا ضيم العليـــة
لسان حال مولانا الحسين
ادري يزينب شلـــــتي هـــمـوم
والشمس غيرت ذيـج الرســــوم
اسالــج على خيتي ام كلـــــثوم
خــواتي وبنـــاتي اللون مخطوف
صفرة وجوهن ماخـذهم الخـوف
وزيـن الغبـــاد بحبـــل مچتـــوف
لسان حال السيدة زينب ع
الساجد عليــل يهل الدمـــــوع
ويصيـح يانـــحرك المگطـــوع
شسولف على راسك المــرفوع
يمـاشي الضـعن ياخويـــة للشام
يخسين ضاعت منـي الايتــــــام
من اهد يومك يبو السجاد مانام
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
