نعش ام البنين انشال واليلة الوداعية
رادت يحضر العباس وي، محـروم الميـة
مــــــاتــت ناحــله والعيــن دارتــــها
تــربي الكــربلــــة ضــلت جـنازتـــها
تـــــريد اولادهـــا وتسيـل دمعــتـــها
بساعـــات الـدفـن وعيــــونها اربيـــة
بسـاعـات الدفـن چـاويـن ابو فاضـل
نعشـچ يـاوسف مـتن الغـرب شايــــل
الناس تگول وين اولادها تسـايـــــل
مــاتت فاطـــمة والــــروح مگـــضـية
مــــاتت بالغـرب والـــروح مفجوعــــة
الفـاگدلـــة اربعـة مـا تنشف دمووعـة
حسرة فــوگ حسرة وتنحـني ضلوعــة
علـى حسين الـدمع ما ينشف شويـــــة
علــى حسين الـدمع يالما مشيعينـــچ
الحـد المــــوت. مـا بطــلتي، ونيـــنچ
ليـش، احبــاب گلبـــچ مـا مودعينـــچ
نامــوو. عاالــــــترب ماحــچو بالجــية
شيعــوو الطـاهرة وهلــــولـة المدمـــع
علــــى روس النشـــامة النعش يتشيـع
كـون بصـوت عــالي وگـلب يتــصـدع
تستـاهــل الونـــة ودمعــــه مـجـريــــة
تسـتـاهــل الحــرة اليــوم مفگـــــودة
الــچ وگفــات يــــم عبـــاس مشهودة
بكـل شـده وهظـم نلاگاها موجــودة
بحسـين السبـط بــس جـــيب طارية
تمت بقلم خادمة اهل البيت عليهم السلام ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
شدة وزن الفائزي، لمولاتي ام البنين عليها السلام
بساعات موتي مناطرة يحضرني الحسين
لحظات هـوّن يالاجل انة ام البنين
''''''''''''''''''''''''''''''''''''''''''''''''''''''''''''''''''''''''''''''''''''''''''
لحظات هـوّن يالاجل بعُد المسافـة
بابـي، يدگـة والنــحر مــــن ايتشــــافة
واحـد. وره الثـاني وگع كلـهم حسافة
شحـال اليموت الوحده ويدير بالعـين
''''''''''''''''''''''''''''''''''''''''''''''''''''''''''''''''''''''''''''''''''''''''''
شحـال اليمـوت بحسرتة لهـلة ينـاطر
ماضن يجيني السحگتة بصدرة الحوافر
كافي يروحي من البچي غمضي النواظر
گـربت ساعـات الاجـل المـن تنطرين
''''''''''''''''''''''''''''''''''''''''''''''''''''''''''''''''''''''''''''''''''''''''''
لا تنطـرين امن الـــولد يحضر الدفنه
جثماني اريد ام الخدر هي التچفنـه
صار الغسل بين الغرب يهل المحنه
لا خبـر مـن الحمـــلوو يلـي، تعتبـين
''''''''''''''''''''''''''''''''''''''''''''''''''''''''''''''''''''''''''''''''''''''''''
وكت المـنازع والتـفت ماكـو گــــرابة
نعشي بعد منهو الذي ايـوسده الترابة
الفاگد اعزازة بدفنتة يصعب مصابة
شالوو احبابك ياگلب خلصهم البيـــن
''''''''''''''''''''''''''''''''''''''''''''''''''''''''''''''''''''''''''''''''''''''''''
شالوو وعافوني اوون ماخذهم الموت
لا فاتحة النصبوو الي. لا علوو الصوت
ياريت ابو اليمة يجي برفعت التابوت
ضليت بدمـوع الحـزن ماكو مشيعيـن
''''''''''''''''''''''''''''''''''''''''''''''''''''''''''''''''''''''''''''''''''''''''''
محد حضرها فاطمة ام سبع الطفوف
قدمـنه حاجتنـــه الـچ مدينة الچفوف
هاليوم صحنة بمجلسچ سجلينة اضيوف
ننخاچ هاا يم الوفه وانتي تحضرين
''''''''''''''''''''''''''''''''''''''''''''''''''''''''''''''''''''''''''''''''''''''''''
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
نعي لسان حال مولاتنا ام البنين عليها السلام
هيبـة الولـد مـن يصيـر جنــــاز
وطـول بطـول ويــــاي يتــــمدد
يمـشي وي النعـش ويعلي الصــوت
ويـطيــح عـله الگبـر يمــي يتـوسـد
ونت المـــوت يمـه تــارسة البيـــت
اصـد للبــــاب ودمـوعي على الخـــد
يا چـلمة ييــمـة مـن يجـــي المــوت
يحــچـيها الولـــد ورويحــتي تـــــرد
يــم راسـي يجــــي ويغمــض العيـــن
بســــاعـات المنيــــة الــروح تنــشد
يهـل گلبـــي، تـــريد الـروح زاتـــــوت
حيــرة حيــرتي وعيــوني اتــــصد
انـة بعـازت الراحوو مـــا يحـــضرون
اريد. حسيـن بيده الچـفن ينــــــشد
تتراجف وجع روحي على الاحباب
وصلـت للمنـــــــازع مـــاكو احـــــد
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
ابوذيه ونعي لمولاتنا الزهراء عليها السلام
ثگيلة البـاب ضلـع امي حملها
توون ام الحسن طايح حمـلها
هيبـة الزينب وخيمـة وحملها
طاحت وانكسر ظهر البنية
كـــــون بسلامــه تگــوم النـة
حنيـنة بعبـــــايتـــــها تلــمنة
وگـلج هلـــه يـا كـــل اهلـنـة
ليش الروح كل غالـي تودعه
اريدن جواب من امي اسمعه
بطـرف الجفن بـاتت الـدمعه
اريـد اعاتب المـوت الخـذاها
بشيـل النـعش اركـض وراهـا
زينب ليش ما سمعت بچـاها
هـدمت حيــــلي اخيـر نظـرة
گــالـت بعـد فـــلت العـــشرة
بگـلبـي تـضـل نـايمــة العـبرة
ثگيـلة خـلاف عين امي اليـالي
ابـچـي علـه بيتـچ ضـال خــالي
رجـعي علــــي رحمـــي بحــالي
حـگ الله يزهرة ويــاچ نمــشي
جـوره سووة نعشــچ ونــــــعشي
العشـرة انتـهت چـفنت كـــلشي
عـمـري ردت يـخـــلص اريـــــدة
المـن ضــاله بـــــدارچ وحيــــدة
كـل يـوم الي مصيبـة جـــــديده
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
مربعة لتشييع مولاتنا الزهراء عليها السلام
اليـوم ام الحسن تـابـوتها نشيعـه
الصوت عله الزچية الزينب نسمعه
صـوت عله الزچيـة نصيـح يايمـة
المواساة العـقيلة الشيـعه ملتــمة
تگول امي مشت بضلوع متهشمة
حرگ الباب واكبر فاجعه الوگـعه
وگعتـها چبيــرة فاطـمة الزهــرة
ويانه ام الـخدر تشيعيـها تحضرة
هدمت حيل گلبي عينـچ الحمرة
تصيــــح اليـوم خلي الناعيه تنعه
على امها الي،مشت بالنعش ممتده
يــــا حال اليتـامة للصبـح گعــــــده
عليـها اجـر بعد وحـده بـاثر وحـــده
حـزن زينب بده من فاطـمة البضعه
حــزن زينب بــده وبالجـــدم تتــعثر
طـگ ضلووع سمعت يفجـع المنـظر
تسكت بالـحسن وحسين مـا يگــــدر
بگلب الفاگـده تضل تـــوجع الوجـعه
يگـلب الفاگــــــده لا محـــد يلومـــة
ابچـن عل الحسين مسلبــــة هدومـة
عـازووها العقيــــلة هواي ملــــچومة
مشت وي راس خوها والجثث صرعه
مشت وي راس، خوها تفجع الحالة
هنيـاله المــشه وي النـعش شـــالة
تجيـه ام الحسن لـــو گربت اجـالة
دمعات الجــــرت بالمـحشر تنفعه
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
فزاعية لمولاتنا الزهراء ع لسان حال السيدة زينب عليها السلام
عازوني عاالزهراء لفـوها بچـفن
شالـوهـا بالتــابوت
ماخذها مني الموت
علوو عليـها الصوت
ضعن الحنينه اليوم غرب للدفن
نشال الضـعن للـــدوم
اعرف يطـول النـــووم
انعه ام ضـلع مهـشوم
لطمن عليها اليوم هاي ام الحسن
لـم الحسن وحسين
هلـوو دمـوع العيـن
ويه النـعش مـاشين
يزهره گولو ليش عفتي ام الحزن
ابچوو بدمـع سچـاب
حـرگـو عليـها البـاب
محسن ابنـها انصاب
والله المصاب الطاهره عيوني بچن
چـاويـــن المعزيات
لا مـاتــــرد هيـهـات
ياالزهره الچ وگفات
تسمـع الحبيبات كلـهن لو نـخـن
حلفيها بـالعـطشان
بالـعـافـت الوليــان
حيـدر يجي دفــــان
اسماێنه تگول الزچية تسجلن
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
نعي لمولاتي الزهراء عليها السلام
لسان حال مولاتي، زينب ع
يالشايله بليل يالشايله بليل گلبي انكسر يالشايله بليل
عندچ مداليل عندچ مداليل. يم الحسن عندچ مداليل
ضعون الخذتها ضعون الخذتها اركض وره ضعون الخذتها
بعيني شفتها بعيني شفتها سدت بابها بعيني شفتها
بابچ المسدود. بابچ المسدود هدم
حيلنه بابچ المسدود
يجري عله الخدود يجري عله الخدود دمع اليتم يجري عله الخدود
مر ياهوى الهاب مر ياهوى الهاب عالوالده مره ياهوى الهاب
وصل للتراب وصل للتراب زينب توون وصل للتراب
حسرات اجرها حسرات اجرها لمي المشت حسرات اجرها
ضايع گبرها. ضايع گبرها ابچوو عله الضايع گبرها
نصبوو الماتم نصبوو الماتم قيموو العزة ونصبوو الماتم
يحضر القائم يحضر القائم الكسر الضلع يحضر القائم
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
ابوذيه ونعي بحق السيد الجليل محمد باقر الفالي، طيب الله ثراه
رايات الـــحزن نرفـــــع علمنـة
بمـــوت السيد الفــالي علــمنة
خـطيب المنبر هــــوايـه علمـنة
دروس بحب اهــل بيت الحمية
الفالي اليوم خطار عله ابو حسين. بكلمة ياهله حيدر تلگاه
بچفوف الشفاعه يضوي. اللحود
والف هنيال كلمن هيچ مثواه
قرير العين مستبشر بالاعمال وكتــابه نطاه اله خـلاه بيمناه
بعد بيمن نعوضه ياعلي شلون والله محمد. الفالي خسرناه
خسارتنه چبيره وشخصه مفگود اليوم اهل اعلم والدين تنعاه
لا تظلم بشر سامح الخطائين شحسب يانصيحه من وصاياه
نضل نسلك طريقه بنهجه ماشين
ونقره الفاتحه وذكره مننساه
مودع بيد ابو فاضل والحسين
اليموت بهيج موته الله وياه
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
نعي، لدورت السنه للشباب نهدي، ثوابه لمولانا القاسم ابن الحسن ع
ثاري السنيـــن بـــسرعــــــه ادور
ظلـمـة يخـــــويه البيــت مهجور
اعتـابــي اوصـــله لهـل الگبـور
دارت سـنـه وللـگـــبر نـمــــشي
گبــــلك يريـت انشــال نعـشي
طايــح عــلى فرگـــاك رمشي
گبالي الصـور بالبـــيت تـذكار
ولــدك.عفتـهم خـــــوية ازغـار
خاليـــــه وحـشه صـايـره الــــدار
نعــــتب عـــله النـايــــم بــتربان
امــك تنــــوح الحــــيل تعــــــبان
تـرد الــروح يـا لـمـت الخـــــــوان
هـدمـني الاسـم عــالگـبر مكـــتوب
وحشه المـگابـر وكـــــت الغـــروب
عله الشبان حيل الحيـل مصـيوب
شلــــون وجـووه ضمـــتها المـگابـر
لبن امـي خـل نــــــروح بــــاچـــــر
جــووه التــراب شلـــــون صايـــــر
جـــووه التـــرب مفگووده اهـلنــة
العـبراات مخنــــوگــــه بصــدرـنة
مــيرجــع الـرااحــــوو دمـعــــــــنة
نهــل الدمـــع كــــله عـــــله حسين
عافتـه الحـــره بدوون تچــــفيــــــن
تگـله يبـــــــوو السجــــاد ماشــــــين
نخـــتم عــــزانه ونبــــــدي بيـــــهـــم
ضـلـــــووو جــــثث مـــا دافنـــــــيهم
للمـــــــوت انـعه ابقــه عليـــهــــــــم
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
مربعه ونخووه لمولاتي باب الحوائج ام البنين ع
بسم. ام البنين الفاتـحة اقــــريها
تشـاهد دمعـتچ والغـمة تجـــليها
بفــــاتحـة الكـتاب الايـد مـرفـوعه
اندبيـها بهـظـم وبدمـعه وبلــــوعه
الحوافر عاالسبط من داست ضلوعة
على طاري الحسين الحاجه تگضيها
على طاري الحسين الروح مسرورة
بامان الله نضل من نقـره هل السورة
مـــاقصـــرتي يــم عـباس مشكــــورة
بـس اتــوجه الـها البـاقـي اعلـــــــيها
بــس اتــــوجه الها الحاجه خلصـانة
يكفـــــيها الدمــع لا ينطق الســانة
اهـــموم هــواي عدنـه وتسمع بـچانة
ترفـع دعوتــــــچ للبـــاري بيديـــها
باب الله الوسيــــع البـــاري خـلاها
نبــــدي البسمـــله لـو ردنـه ننــخاهـا
كرامــات الجـــليل هـواية انــطاهـا
هــــــاي ام الــــوفه بيــــمن نوافـيها
هــــاي ام الـوفه وللــمرض موصــوفه
يطـيب الـي نخــــاها بمـــدت چفـوفه
الخـادم لو گصـدها بحـــاجه معروفه
القصـــيده للكـتبها اليوم سجـليـــــها
اگصـدت يــم بــاب بخــــتچ لا تـرديني
يحــره الخــدمة المظلــــــوم وفقيني
بجـاه الگــــال نفسي هـــوني لحسيني
الــــــوحشه بالگبـــــر انــتي تنـــــوريها
تمت بقلم خادمة اهل البيت ع ام وليــــد الموسوي لا اجيز حذف الاسم
الفاتحه الى روح والدي ووالدتي
/channel/Alalwya
قصيدة لمولاتنا الزهراء "عليها السلام"لسان حال السيدة زينب "عليها السلام"
ياعلي بوية دحاچيني شحصل
لـيـش ماخـذ فاطـمة للـمغتسل
ازغـار كلنه انريـدها
شلون أسكت وليدها
ياعلي بوية دحاچيني شحصل
---------------------------------
لـوخــــذتـهـا بـويـه خـافـن ماترد
شلون لو هلت التراب أعلى الورد
للحزن خــليها روحـــي تـــستعد
اعليها متعودة صعب حيل الـبُعـد
افگـــدت لمسة إيدها
شلون أسكت اوليدها
ياعلي بوية دحاچيني شحصل
---------------------------------
وانه راح افگد حضنها ام الحسن
جاوب عيـوني يحيدر من بــــچن
بويه المـن ماخـذ، ويـاك الچـفن
رايـح تكـمل مـراسيم الـــــدفـن
الونه حيـل تـزيدهـا
شلون اسكت وليدها
ياعلي بوية دحاچيني شحصل
---------------------------------
الونة حيل تزيدها ودمعك يصب
خاف حافر گبر شوو بيدك ترب
عيني بعينك وملـچوم الگــــلب
نار بيـن ضلوعي عالـزهره تـشب
عله الموت شبيدها
شلون سكت وليدها
ياعلي بويه دحاجيني شحصل
---------------------------------
على الموت وهاذا حـق ونعـرفه
ماكو نور البيت شو چنـه طفـه
حسين يبچي عليها وبحضني غفه
الحزن من تمشي الزچية شوصفه
والبـچي شيفيـدها
شلون سكت وليدها
ياعلي بويه دحاجيني شحصل
---------------------------------
والبچي للمـوت مـاتشفـه الجـروح
اثمنطعش عام امي من ايدي تروح
زينب المفــجوعه تنـعاهــا وتنـوح
اذكر بكسر الضلع دمـــها يفـوح
والسنيـن تعيـــــدها
شلون سكت وليدها
ياعلي بويه دحاجيني شحصل
---------------------------------
والسنيـن تعيـد هـاي الفاجــعه
شبه بين الباب وارض الواقعه
كـل حـرف ينكتب الهـم ينفـعه
بيد زينب السجل اتوقــــعه
وحگ ذبح عضيدها
شلون سكت وليدها
ياعلي بويه دحاجيني شحصل
---------------------------------
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
فزاعية للزهراء عليها السلام
باالبيت شـلك يـاعـلي
لوو مـا تــرد راعيتـــة
بالبــيت شنهـي طبــتة
شالت الزهرة كشخــتة
مـا تنـوصف يا وحشـتة
ووليـــــــدها مخــــــليتة
وحسين يبــــچي بالـنزل
يالـوالده انـطش الشـمل
هيهات حـزنـچ مــــايــفل
بـــاب الــنزل سـديتـــــة
يابـاب باقـي بـس وجــع
مـاطاب يصـواب الضــلع
هلوو على الزهرة الدمـع
حيـدر ينـــوح ابيـــــــــتة
مكســور گلبـة حيــــدرة
شالـت بلــــيل الطاهرة
وسـدها بيــده عالثــــرة
رد يــاعـــلي ناديــــــــتة
يـابـويــة لا تحفر لحــــد
گلبـي علـى امــي منـمرد
طاح السگف طاح العـمد
فـاگـد صفـه عافيــــــتة
ياحيف ضـماها الگـــــبر
فـاگـدها اذان الفـــــــجر
تحضــر الخادم بالحــشر.
تتـــــــباها بشخصيـــــــتة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
قصيدة لمولاتنا الزهراء عليها السلام لسان حال السيدة زينب عليها السلام
حايره...وجهـي صـوب الباب اديـرة
حايرة ..مصيبة بيه شگد چبيرة
ويلي يا باب الزچية
اذكرة كل مغربيــة
حايـــرة...واليـــتم شـنهي مصـــيرة
حايرة...وجهي، صوب الباب اديرة
ــــــــــــــــــــــــــــــــــــــــــــ
اذكـرة كـل مغربيـة وابـچي سكتـــة
التفت چن طاحت امي هنانة ميتـة
حسين مايسكت يريدچ شابگ اختة
مغمض عيونة بطـرف عينة دمعتـة
ايـناشغ بســـود اليـالي
من الزغر مشدوه بالـي
حايرة.. صـــارت همـومي چثـيرة
حايرة ..وجهي صوب الباب اديرة
ــــــــــــــــــــــــــــــــــــــــــــ
التمشي امـها دمـوعـها تبـقى تهلها
شلـونها احوالچ اشـوو محــد يگلها
ماكو راحـــة للـــذي مـاتــوو اهلـها
ليش ياباب ارد اگلك موو محـلها
تعصر المحسن توگعة
طفت من البيت شمعة
حايـرة...صـافنـة بـذيــچ الظهيـــرة
حايــرة..وجهي صوب الباب اديرة
ــــــــــــــــــــــــــــــــــــــــــــ
الصفنــة تاخذني عله امي العذبوها
گطعت الضـنه بعـد زينـب وخــــوها
تبچي نص اليل تمشي الحضن ابوها
بيـا ذنب گتـــله الزچيـــــة يضـربـوها
بابها هل عاتبيته
ينحب اعليها لگيته
حايرة ..امـي بنفـــــاس الاخـــيرة
حايرة...وجهي صوب الباب اديرة
ــــــــــــــــــــــــــــــــــــــــــــ
امــي بنفـــاس الاخــــيرة مــن شفـتها
عيـونـــــها بنظره تسولـف شاهـدتــها
طفـــلة وصـرخ مـن اديــها مـددتـــها
ااه يـايـــــــوم العــــــزيزة الفـارگــتها
فراگها ما حسبيته
دمعي عالعتبة جريته
حايــــرة..انتــهت يحبيبــةالمـــسيرة
حايــــرة ..وجهي صوب الباب اديرة
ــــــــــــــــــــــــــــــــــــــــــــ
انتهت يالزهرة المسيرة ودمعي يجري
هيـچ بالعبراات اضـل مخنـوگ صدري
ضايـعة خلافـچ رمــــاد يصـير عمـــري
البيت خالي من اشوفـة شنهي صــبري
لابسة ثوب المصايب
تالي اگعد بالخرايب
حايـــــرة ..بكـرللــــــة امشي اسـيرة
حايـــــرة.. وجهي صوب الباب اديرة
ــــــــــــــــــــــــــــــــــــــــــــ
بكربلة امشي اسيرة وتبقى اخــــوتي
كــــون هسه مااضـــل واتمـــنة موتي
باچـر اعله الــتل انادي بعلـــوو صـوتـي
هنا بدت يمه القصص بانت بلـــوتي
شرد اوصفها بلوتي
عالرمل أترك اخوتي
حايـــرة...حسين ملفوف بحصيرة
حايــرة...وجهي صوب الباب اديرة
ــــــــــــــــــــــــــــــــــــــــــــ
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
/channel/qawdrfyg
قناة الشاعرة ام وليد الموسوي للمواليد 🌺
نعي لمولاتي الزهراء عليها السلام
دمـوعي تـلالي بعيـني اضمــها
الگبــــرچ اجي وتحچي الـمــها
مكسـورة تبـقى الفـاگدة امــها
بوجـهي الكسر وهـمـوم بـانت
حلـوة اليـالي ويـــــاچ چـــانـت
فلـت العـــشرة عليـــچ هـانــت
فلــت العشــــرة ومـاكو احبـاب
وجهــج صدگ غـــاطيـة التراب
درتـي الوجـه چاشنهي الاسبـاب
تديرين الـوجـة مـاحسبت هــاي
احاچي الگبـر ورد اشكي بلــواي
عيـــــوني تـرش مـارشن المـــاي
رشيــت الگـبر بـدمــــوع العيــون
كــــون المــشوو ساعــة يــــردون
راحـت وضـــل الحيـــــل مـرهـون
مرهـون گلبــــــي يضـــــل يمــــچ
خـرب تــــــــراب الحــــــار رسـمـچ
وسفـه الگبــــر يــــــــمه يـضمـــــــچ
وسفــــه عـلى العافــــــــتهم زغـــــار
يبــچي الحــسين بكـل الاكتـــــــار
طــــــافي ضـــــواها عتبــــت الـدار
طــــافي ضــواها وكـــت الـغــــروب
ضلـعي يزهـــــرة كــــــون مصـــيوب
هــاذا العـــزة. لــم حسن منـصــوب
دمـــــعت عيـــونــــــــج سجــــــلتـها
ابچــو. علـــى امــي تگـــــــول بتـــها
المــــا تـــــــذكـر الزهـــــرة عاتبتــها
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة لوفاة مولاتي، باب الحوائج ام البنين عليها السلام
ام البنــين اليـــوم دفنـوها بــتراب
ضلت توون للموت ماهمَّ الاحباب
ـــــــــــــــــــــــــــــــــــــ
ضلـت تـوون للمـوت حسرة ابصـدرها
تبچي اعله ابنها حسين خلص عمرها
لا عـون اجـه وعـباس زتها الگبـــرها
محـد. حضـر دفـــان ياعظم المصاب
ـــــــــــــــــــــــــــــــــــــ
محـد. حضـر دفـــان ويـن اليشيـعون
مــاتت وماكـــو احبـاب يمها ينـوحـون
ننصب. عـزة وننـعاچ يم جعفر وعون
انعازي الزچـية عليـج وي داحي، الباب
ـــــــــــــــــــــــــــــــــــــ
انعـازي الزچيــة عليـج وي. الصميـدة
لــو حــــاضر الكـــــرار چفـنها بيــده
يكتب ابدمـع العيـــن مـاتت شهـيدة
تبچي بهظم وتنـوح چـا شنهي الاسباب
ـــــــــــــــــــــــــــــــــــــ
تبـچي بگـلب مكسور لحگـوو يـطيبين
ليـش، النعـش مطروح انـه ام البـنين
عطلوو الجنازة تگول يـل بيـها ماشين
ودت عتـب مخصوص ويه الهوة الهاب
ـــــــــــــــــــــــــــــــــــــ
ودت عتـب مخـصوص لـلاربــع ازلام
الچـانت تلــولي اعليك احضر يضرغام
سمعني چلـمة وگـوم خل عيني تـنام
هـاا يـم گــبر مهـدوم جرحـچ ولا طاب
ـــــــــــــــــــــــــــــــــــــ
هـاا يـم گــبر مهـدوم مـاكــو منـــارة
من بعـد حضـرة نشوف نقـرة الـزيارة
كـلـمن تمســــك بيـــچ اكبــر تجـارة
من ننخه يم عباس. تنـطين الجـواب
ـــــــــــــــــــــــــــــــــــــ
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
هوسات لمولاتي ام البنين عليها السلام
تـريد چفـوف ابو فـاضل يشيـلنـها
تهـدم الحيــل ضلت فاطـمة بونها
ماتدري الچفوف الخيـل سحگنـها
(( چفة عالنـهر وتـريد دفانـــــة))
ابنـها مــا درت عالنـــهر چفينـــة
تگول اليـوم نعشي يشيلة بيمينـة
چابيمن يشـووف الصوبـوو عينــة
((نعشچ يالحنينة محد. يشيلة))
بعد منهوو اليشيلة الولد مفگودة
كلـــها مذبـحة والمـات شيعــودة
بالمجلس ترة ام عباس، موجودة
((اتسجل هالعزة وتکضيلچ الحاجة))
تسـجل ام البنــــين اسمائنــة بچـفها
بـس، گلـها عليــــچ ام عــــون حلفها
مـــــراد الـطالبـــــة حتــما تشـوفــها
((بطاري ام الخدر ما تضل محزونة))
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
نعي لاربعين مولاتي، الزهراء عليها السلام
اربعــــين ليـلة
شمحـله الـوالــدة مـن تلاگيـني
وتـمسح بچــــفها دمــــوع عيني
كـون الصـار يايمـــــة اربــعيــني
وجهـج. صـدگ خـربت حلاتـة
شكبـر بخته الگبـل امه ممـاتـة
الخسر امــــه بعد شـله بحياتـة
جنـة الوالــده وبالمگبـــرة تنام
نحسب خميسات ويـه الايـــــام
على الباب ضلت عين الايتـــام
على البـاب بلـكي ترجــع النـــة
التفـگــد تـــرة وجــهه المـــحـنة
مـــن ظلـوعهه تطـــــلع الونـــــة
حســراات الـچ بضلوعي لچـمة
خالـي البيـت مـــن چلـمة اليمـة
عگبـچ اشــــووف الدنـيا ظلـــمة
تبـــــقه التمـــوت امـها بـوجـعـها
عليـها العيـــن ما ينـــشف دمعـها
ابــچن علـــى الكسروو ضلـــعها
ابچــن على الضربــوو متنــــــــها
ذبـحوو اخــــوها وضــــاع ابنـــها
مـا ينــــوصف زيـــــنب حــــزنها
يبـن امــي تبـــــــچي ويـا مصـابة
نهـــــدي العــــــزة هــــــذا بثوابـة
لضــــــل طريــــح عـــله الـــترابـة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
قصيدة لمولاتي الزهراء ع لسان حال السيدة زينب عليها السلام
زينـب تنتــحـب ردي
زغيره بالـنزل وحـدي
طولچ بالگبر مدفون
ضل دمعي عله خدي
تصيح بنيتچ بعبره خاف طوول الغيبه
تونيـن بتوالي اليل ضلعچ مااله طيبه
بيتچ يم حسن حزنان شالت عنه الهيبه
ااه يا ضلـعــچ وكسره
اشوف العين منسطره
ييـمه مــن تـوصـيني
زغار عله اليتم ولدي
توصي عله الحسن وحسين وانه بعيني الدمعه
يجناز الحنينه ارجوك لحظات النعش رجعه
والغالي صعب ياناس لوو للمگبره يودعه
گلبي يودع اعزازه
يومية وره جنــــــازه
تحزم يا گلب للضيم
بامي الحادي ضل يحدي
بتابوتج مشه الجناز واحنه نكسر الخاطر
يبچون الحسن وحسين گلبي ياخلگ حاير
اگللهم مشت خطار بس يوم وتجي باچر
بواچيهم تهد حيلي
گعده وما نمت ليلي
بغرفتچ وجذب الونات
غيرچ بعد ما عندي
اجر ونت يتيم عليچ مبين اليتم بعيونه
مدنگ ما يشيل العين بحضن الحزن يلگونه
شما يكبر يضل مكسور التموت امه شيسمونه
يسمـونه يتيــــم العيد
راحت والبچي شيفيد
من شالت بعد متعود
جـرح فراگـه يــــدي
يزينب المن تنطرين شالت حلوة المعشر
بگبرها المخفي اشم تراب واحس حيدر بده يحفر
صحت يابويه وين تريد خاف ام ضلع المكسر
ماتت والگلب حزنان
راح بفـاطـمة دفــــان
رجع حسيته سد الباب
يروحي ويه الحزن ابدي
ابدي ويه المصايب دووم ترافگ
روحي يومية
المهدي الجدته الزهرة يقره ويانه لطمية
احضر يبو صالح شوف هواي گبور مخفية
لا مو بس گبر واحد
البقيع گبوره تشاهد
مهدومة ومنارة نريد
الگبر الحسن ياالمهدي
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
البقاء لله 😭😭😭انتقلت الى رحمة الله شاعرة اهل البيت عليهم السلام الخادمه والحاجه ام عمار الصايغ وتلقينا الخبر بقلوبا يعتصرها الالم والحزن انا لله وانا اليه راجعون ولاحول ولاقوة إلا بالله العلي العظيم جعلها الله في اعلى عليين مع الشهداء والصديقين والصالحين وخدام الحسين عليه السلام وتغمد روحها بواسع رحمته وغفرانه الفاتحه إلى روح الخادمه والحاجه والشاعره ام عمار مع الصلوات 🥹🥹🥹🥹😭😭😭😭😭
Читать полностью…
ابوذيه ونعي لمولاتنا الزهراء عليها السلام
شفت بســمـار ضلـع امـي ونـابت
بـظــلمة ليــــل عـافـتني ونـابـــت
يبـات حسيــن بفــراشـچ ونـابــت
مـا يغمــــض جـفـن وينــــام اليــة
شـلون تنـام عيــــن الفـارگتـها
اليـــوم الحضـنها تـريـد بتــــها
نشـم الشيـــله ونـــام بختـــــها
بعد. عيـون زينب صدگ ميته
طـولـچ مشــه بتابـــوت شفــته
لخوي اركضت ابـچي وحـضنته
خنـگني البـچي وـيروح صـوتي
تــوصـيني يــمه علــــه اخـوتــي
شنـــهي حيـــاتي، وردت مــوتـي
اگـل الروحي الحگيـها ورتاحـي
ابچـي بابــها ولازمــه صفــــاحي
كــون المشــت تسمــع نيــــــاحي
يــزهره الگـــلب بجفاچ متعــوب
شحـــال اليتامـه بـوكـت الغـروب
انـــــطي الـوجه گليـلي ياصـوب
صـارت الطيـحه وعصرب البـاب
فـراگ وسـبب بـغيـاب الاحـــباب
يـاقـصـة الزهـره وي الحـــــجاب
عله فراش المنية نشوفها شلون
صـواب الضلـع يشبـــهه للمتــون
الـــــزينب الوونـــه يـل تونـــــون
يـالنـــاصبه المجـلس تعــــــزين
اليوم الزچيه ابچي وعله حسين
الزهره التـجازي دمــــــعة العين
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
نعي لوفاة مولا تي باب الحوائج ام البنين ع
تـــدرون بيـــه هـمـي ثــگــيل
اريد اليجيني جنازتي يشـيــل
صوب الطفوف رويحتي تميل
صـوب الطـفوف وانـده المـات
گبـالي اجـت حـرگت الخيمات
ذبـح الرضـيع مـخـلي لچــمات
ابــچــي ووهلي دمـووع ياعيـن
اريدن اموت بحـضن الحسين
ويجيني الذي من دوون چفين
لهــل كربـله وصـيت انـه بـهـاي
بالمـنازع اولادي تنگـــط المــاي
طـالت الغيـبه ويـاهـم هـــــواي
عينـــي علـــه البـاب ووحيـــــده
الوالــــــده شنـــهي التــــــــريده
تـريد اليــــشيل النعش بيـــــــده
تجـي زينب الي وتحـضر اخـوتها
ولـم عبـاس تنـصـب فــاتـحــته
وتصيــــــــح امــــي دافنتـــــــها
وتصيـــــح جـرح الـوالـده حـاد
بذكرهــــم اشـمن ريـحـة ارمـاد
من يومـهم حـيل الگـــــلب بــاد
ابچــوو يشيـعه لـــــــم البــــــنين
عله اوالـدها عميـــــــانه العيــــن
نـندبچ بكــل شـــده تحـــــــضرين
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
قصيده للسيد الجليل محمد. باقر، الفالي طيب الله ثراه
خـلي تشيـعه خـــدام الـحســــــين
بالسـيد الفــــالي اليــوم ماشيـــن
بهـوسات وعـراضه اليــوم شيعووه
مـودع بيـد ابـو اليـــمـة يــــنادووه
حيـدر واالحسين بـدفنـــه حضـروه
مـن يبـچي، ويـريده يغـمض العـين
بـدمــع العيـــن عالمـــنبر وينـــعـاه
تابـووت الشــهاده اليـــــوم شــالاه
يحـشره البـاري مـــن چـان يتـــولاه
يعبـر عاالصــراط اســمه مــوقـعيـن
يعبــــر عـاالصـراط بكـــل كــــرامـه
يشيعه عالنعش حطـووو العـمامـــة
راعيــها انفــگـد تـــــاج الخــــــدامه
توون عليه ضلت رااعي الديــــــــن
بـعـــلييـــن اســـــمه الله يـــرفـــــعه
بليـــالي القــدر ماتـنشف الــــــدمعه
يتنـــادي حسين بالـوحشه يسـمــــعه
يجاوب كل البــــرق ساعـة التــلقين
يــجـاوب لــو اجـــه وكــت الشــهـاده
نصبوو فــاتــــحة. وعازوو الــــــساده
شايـل ويـــــن يـا راعـــي العبـــــــاده
ضلت موحــشه وتبـــچي الـــــدواوين
الــدواوين وعليه تبــــچي الحسينـية
يســـتاهل عليـــه نكـــتب اللطــــــمية
يرشـدنه بصـــلاة ندعيلــــه ليــــلية
نصلـــيله الوحـــــشه ونقـــره ياسيـــن
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
قصيده مربعه لمولاتي الزهراء ع لسان حال السيدة زينب عليها السلام
ييمه شلون عيني عگبچ اتنام
كسرت بـاب گلبي ونت الايتام
صحت يالماشيه بليل عله بختچ
زغيـره ومـــا تعـرف اليتـم بتــچ
يم گـلب الحنين ابچي بغـرفتـچ
يـاوســفه الوكت ويــاچ مـا ادام
خلـف بالـگــلب والــروح حـرگه
اصـد للـباب بلكي ويــاچ مـلــگه
گـولي شلـون يـمه احـــمل الفرگه
ابچي عله الصدر مكسور الاعظام
انــوح عـله الضلع وتـهل دمـــعـتي
شـريد.اوصــفها يحـبيبه هظـــــمتي
يريت ويـه المشت صـــارت دفنـتي
ولفــونه سويــــه ببيــــض الخـــــام
يلفـــوونـه سويــــة بخــــام الاچـفان
يفراگ ام حسن عـل الـروح مـاهـان
نمــتي بالگبر والغـــــطه التـــــربان
عگب عينـچ الزينب دهــــري شضـام
عگب امي بهـظـم. ااه يالفــرح رااح
الزهره من مشت شوو ماكــو اصياح
باچر عگب اخـوتي ارفـگ الــــذباح
وي راس الحــسين وطبــت الشـــام
وي، راس الحسـيـن شلـــــون بيـــــة
سجـلي كــــل حرف هاا يالزچيــــــة
بحــق حسيـن وي شهـگت رقيـــــــة
احضـري الموت الي باقيـــــله ايــــام
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
لكل الملايات الحسينيات تعالن وياي لقناة ام باقر الشويلي
شويليه والقلم معروف ابدااع لن ينقطع على مدار السنه يخسر الي ميشترك بقناتها انصحكم بيها قلم ذهبي مخلص لآهل البيت قصائدها رجاليه ونسائيه أهلا وسهلا بكم
الأشتراااك من هنا 👇🏻👇🏻👇🏻👇🏻
/channel/lAfiteamoun
قصيدة لسان حال الشاعر لمولاتي الزهراء "عليها السلام"
وزن عگيلي
ابچـوو عالـزهرة المظلــــومة
وحسـين الطايــــح بالحــومـة
/_/_/_/_/_/_/_/_/_/_/_/_/_/_/
مظلـومـــة ومـاتت بالعـــــصرة
ابچــوو يــا شيعــة عالــزهـرة
لا تنــسون الگطعـوو. نحــــــرة
مسحـوگـة ضلوعـة ومهشومـــة
/_/_/_/_/_/_/_/_/_/_/_/_/_/_/
مكســـورة ضلـوع امـة انهشـمت
هـوه ضـلوعـة بخيـل انسحـگـت
بــاب وخيـــمة بنـــار حتـــــرگت
جــــروح الهـــــم ضلـت مالـومـة
/_/_/_/_/_/_/_/_/_/_/_/_/_/_/
جـروح هـواي ويصـــعب عــــدها
مـــايــدري، وغــايـب والــــــــدها
بـذبـح حسين وسـطرت خـــــدها
ضـــاعت عالـــريحـــانة عـلــومــة
/_/_/_/_/_/_/_/_/_/_/_/_/_/_/
ضــاعـت مــــن شــــالوو واليـــها
زينــــــب هــاليــوم نعــــــازيــــها
ابچـــي ولـطمتـــــــهم شــــديـــها
نــادت يــــا اهـــــلي ومــالـــومــة
/_/_/_/_/_/_/_/_/_/_/_/_/_/_/
نـــــادت ويــــن اهـــــلي الحزنانـة
ااه يبــن امــــــــي وذاك مچـــــانة
بيــــــن ضـلــووع وبيـــــن الزانــــة
فوگ ارمـاح. مغيـــــرة ارســـومــــة
/_/_/_/_/_/_/_/_/_/_/_/_/_/_/
متغـــيرة رســومــــــــچ يالـــــــحــرة
شنـــــــــهي اليتـــــــيتم مـن زغـــرة
نطــــــلب يـــا مــــــولاتـي النـــــظرة
نصـــــرخ صرختـــــنة المكــــتومـــــة
'''''''''''''''''''''''''''''''''''''''''''''''''''''''''''''''''''''''''
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
نعي للزهراء، عليها السلام لسان حال السيدة زينب عليها السلام
سهرت عيوني شمـالها اليـــــوم
واليــــل كـله محـــاربـه النـــــوم
ثـاري الضـــلع بالبــاب مهشــوم
گلبـي احترگ مـو بـاب محروگ
للمـوت جفن الــزهرة مطـبوگ
ما ضـل صـبر والصـدر مخنـوگ
خـلافـچ بعـد ياهــــوو. اشتكيلة
شخـصـچ علــــي گـــرب رحيـلة
ونـَّاتـج اسـمـعهــا ثـــكيـلة
تــــوون الزاچيــة شنــهي مـرضـها
المحسن سگـط وضلــوع رضـــها
وكـــت الفــجـــر غـايــب فـرضــها
يــــا حسـرتـــي مــــن ودعــــــــتهـا
ويـــــاهـــا ردت وتـــــوسـلتــــــــها
شـلـــــون الحنيــنة تعــــوف بتــــها
چنـــــها تـــريـد تــــــشيل منــــــــي
زغيـــــرة وهلـي ماشيـــن عنــــــي
حسـين وحســـــن گعـدوو بحـضني
گعـــدوو بحضـــني. وهـل دمعـــنة
گــرب موتـــــــها وجــــــهه المحـــنة
هيــــــهات ميـــــــردون اهـــــلنـــــة
هـيهــــــــات مافـــــــله حـــــزنهـــــا
زينـب بعـــــــد فگـــــدت وطنـــــها
شـــــاف الضــــــعن وينــوح ابنـــــها
شــاف الضـــعن وينــــــوح اسمــعة
نعــش، امــي خلـونـــــــة نتــــــــبعة
هــــــالسفرة ابـــد مابيــــــها رجـعة
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة إلى روح والدي ووالدتي
/channel/Alalwya
🖋️📃رد على كل من يقدس النساء ويشبهها بقدسية الحوراء زينب "عليها السلام"
مو ياهي التجي نشبهه باخت حسين
بس ام الحسن زينب شبيهتها
هاي ام الخدر من عدها اخذي دروس
مــا نـوصـل ولا ذرة الحشــــــمـــــتها
شنهي، الضجة صارت ونخبص الاعلام
لان شافــــوو مــــره طيـن بعبايتـــــــها
راس حسين زينب جابتـه من الشـــام
خيــــال ومــا تشـوف النــاس مشيتـها
رغـــم كـل الجـرة مرفـوع ضل الـراس
رجف گلب العـدوو من سمع خطبتها
مخبوصين شنهي شصار ياهــــالــناس
بـــس هـاي المـــــره انقبلت زيارتـها
ماكـو فــرق كل هـاي، النسا لم عـون
تواســــــيها اجـت وتسيـــــل دمعتـــها
مانحـكم بعـد يـم الله واهــــل البـيت
يعرفـــــون المشت صادقـة بخطـوتـها
امـن اسمـها الگلب يرجف هيبـة التاريخ
عجيب شلون ناس بوصــف قبـــــلتها
زينـــــب لا مـواكب لا اكــــل لا مـــــاي
بــــس، اتريـــــد. توصـل تـدفن اخوتها
اريـد اختـم كـــلامي للجميع اليـــــوم
منـو البينه اوگـعت مـن ظــهر ناگـتها
وكل هاذا الجرة بس، الجميل تشوف
ضلـت للابــد شــامـــخة حچـايتــــها
...................
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
قصيدة لمولاتنا الزهراء "عليها السلام "{سولفلي عنها ياگبر} لسان حال مولاتنا زينب "عليها السلام"
سولفـلي عنـــها يا گبر
ما طاب ضلع المنكسر
هاي انه زينب ياگبر اسال على امي
بلكت تفز وترد علي لو سمعت اسمي
گلبي عليها منفطر
سولفلي عنها ياگبر
------------------💔------------------
ملچوم گلبي من مشت امي الزچية
مـاجـازي مـنها الربت وتعبـت عليـه
فارگني ويـاهـا الزمـــن وانـه شبديه
ياوحشة غروب اليتم وكت المسية
ما تنوصف وصل الخبر الها ياالتراب
مابين الگبور أگعدت والدمع سچاب
مانام ليلي للفجر
سولفلي عنها يا گبر
------------------💔------------------
ومنين اجيبنه الصبر احجي اللحـدها
يبچي وينادي فاطـمة اسمـع ولـدها
گللها يتـراب الگــبر زينـــب وحدها
ما كو جواب امن المشت بعد شيردها
ماسمعت امي مناطره اسمع حچيها
والمـاتت امها يا گبـر تصـفگ بديـها
ماتنـعد همــــومي شكثر
سولفلـي عنـــــها ياگبـــر
------------------💔------------------
وعلى الدرب گاعد يوون مهظوم ابنها
لا يسكـت ودمعـه يهــل فاگـد حضنها
راحت بعمر ثمنطعش مـاوصــل سنها
آ ياليــــــالي المظلمة منـــــي خذنها
شالـــت بليـــل وحمـــلت ما ودعتـها
گتـله يبــوية فاطــمة يمتــــه شلتــــها
احچيله ودمعي يخر
سولفلي عنها ياگبر
------------------💔------------------
احچيلك واشـرح وضع زينب والفـراگ
گلها المعاني تغيرت گلبي القهر ضاگ
كل لحظة ماننساها ابد دوم الها نشتاگ
طبع الدهر يغدر غفل اجمل وجه باگ
بدون الحبيبة يالحد شيخلص الاسنين
ايتام خلـت بالنزل انـطي الوجـة ويــن
يچوي الدمع مثل الجمر
سولفلي عنها ياگبر
------------------💔------------------
تچوي الدمـوع وينعرف وجـه اليتـــيمة
لو ضاگت الدنيا الگلب وين اشكي ضيمه
وجهـج يقـــرآن الصبح نايــم بهيـمة
بعدچ اعيش الواقعة وقصتي الاليمة
بعدچ اعيشن بالمحن يافگد الاعزاز
باچر اخوتي عالـترب ماالهـا جــــناز
وانه اروحن لليسر
سولفلي، عنها ياگبر
------------------💔------------------
وانه اختم بطف كربله كل المصايب
وحـدي اموتن بالـغرب ماكو حـبايب
عاد امي وسـدها علي جـوه الترايب
محد. حضرني بموتتي بس الغرايب
غسلني ودموعي تهل وين اهلي ياناس
بشيل الجنازه بالدمع يرفعها عباس
نايم على جرف النهر
سولفلي عنها ياگبر
------------------💔------------------
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
🖋️📃كلمات شعرية تحت عِنوان "دَمْعَة وَطَن نِشكِيهَا لِلمَهدِي"
والله اويه الحكومة ضاعت الچارة
اظـهر يبو صالـح صاحت انصــاره
اظـهر للحكومة والـوطـن باعـووه
بالبـوگ التـهوو صعدوو الجـكسارة
امـوال الشعب لهـل الفـجـور اتـصير
مـا شافـوو يتيــــم ادمـوعـه تتجـــارة
معـانـــاة الشعب انقلـــها يالمـوعـود
ويـاسگــف الفـــقير الطايـــح بــداره
بــس الله المـعين نصيـح للمظلـــوم
بأمــــوال.الـشـعب تتـباها كــــــــفاره
عـن يـا مـهرجـان البيـه تتبــاهــــون
بلبـس العـاريـات النــــــاس محتـــارة
اذكروو الله ورسوله وبسكم امن البوگ
والخـان الـوطن خـل تســـتعر نــــــاره
بنــار الحاطمـــة باچـر يصير ارمـــــــاد
مــايبقـــــاله اثــــــر ويضــيع تذكــــاره
هناك يگول ربي ارجعني اسوي الخير
بعـد ميفيـد حچـيه شفــاده دينــــاره
خلــصت مـابقـت ايــــام معــــدودات
يجــي عـون الفــــقير وياخــذ بثــــاره
يحـكمــها ابو صالح دولـة اهل البيت
وكـل مجـرم يزيـدي ايذبــحه بتــاره
،،،،،،،،،،،،،،،،،،،،،،،،،،،،،،،،،،،،،،
تمت بقلم خادمة اهل البيت ع ام وليــــد الموسوي لا اجيز حذف الاسم الفاتحة الى روح والدي ووالدتي
/channel/Alalwya
