11095
Reklam üçün əlaqə: @gurbanovjeyhun Qeyd: Qarşılıqlı reklam edilmir. Statistikalar: https://bit.ly/3UZfGV8
📌 2001-ci ildə 11 sentyabr hadisələrində 2977 sivil şəxs həyatını itirmişdi. Elə həmin il ABŞ-ın liderliyi ilə koalisiya qüvvələri birlikdə Əfqanıstanda 20 il davam edəcək savaşa başladılar.
Koalisiyaya Böyük Britaniya, Almaniya, İtaliya, Fransa, Polşa, Ruminiya, Avstraliya, İspaniya və Türkiyə daxil olmuşdu. NATO qüvvələri 2015-ci ildə, ABŞ ordusu isə 2021-ci ildə tam olaraq Əfqanıstanı tərk edib.
Bu 20 il ərzində Əfqanıstanda ən az 176 min insan ölüb və həmin insanların 46 319-u sivil şəxslər olub. Müharibənin dolayı yolla səbəb olduğu xəstəliklər, qidalanma və su problemlərinə görə həyatını itirən insanları da nəzərə alsaq, bu rəqəm daha çox böyüyər. Bəzi iddialara görə, bu rəqəm 360 mindən çoxdur.
ℹ️ Qeyd: Əfqanıstan müharibəsində 33 min uşağın öldüyü və ya şikəst qaldığı bildirilir...
✅ İstinad: Brown/edu, SaveTheChildren
✅ Hazırladı: Albert Eynişeydi
#abş #11sentyabr #Əfqanıstan #uşaqlar #müharibə #savaş
"Qutu meduzalar" (Yumrumeduzlar) ayaqları ilə birlikdə 3 metrə qədər uzunluqda, 2 kq ağırlıqda olurlar. Dəqiqədə 6 metr məsafə qət edə bilirlər.
Bəzi növlərinin sancması çox ağrılı olur, bəzi növlərin sacması isə ölümlə nəticələnir. İndiyə qədər bu səbəblə 79 ölüm qeyd edilib. Sonuncusu keçən il olmuşdu - 14 yaşlı uşaq. Bəzi ölümlər bir neçə saat sonra, bəzi ölümlər isə hətta sancmadann 10 gün sonra olub.
Bəziləri "Qutu meduzaları" dənizin ən ölümcül canlısı hesab edir.
✅ İstinad: ABC/net/au, The Guardian
✅ Hazırladı: Albert Eynişeydi
#ölüm #zəhər #meduza #dəniz #okean #təhlükə #insan
⚽️ 2004-cü ildən etibarən futbolda oyun zamanı formanı çıxartmaq qadağan edilib və əks halda futbolçular sarı kartla cəzalandırılır.
2013-cü ildə Yuventus - Pescara matçında (2-1) monteneqrolu futbolçu Mirko Vučinić vurduğu qoldan sonra qol sevincini göstərmək üçün forma əvəzinə şortunu çıxarıb havada fırladaraq meydanda qaçdı. Qaydalarda "şortik" ilə bağlı bir ifadə olmamasına baxmayaraq hakim futbolçunu "istehza və təxribata" görə cəzalandırmışdı. Maraqlı troll idi, amma tam işləmədi. 😅
ℹ️ Futbolçu eyni qol sevincini bir dəfə də öz milli komandası ilə həyata keçirmişdi: Monteneqro - İsveçrə (1:0 - 2010-cu il)
✅ İstinad: DailyMail, FIFA, Independent
✅ Hazırladı: Albert Eynişeydi
#Fifa #troll #qadağa #futbol #futbolçu #Vucinic #Monteneqro #idman #qaydalar
☢️ 1951-ci ildən etibarən SSRİ-də radioaktiv tullantıların atıldığı "Karachay" gölü 1992-ci ildə dünyanın ən çirkli yeri seçilmişdi. 1967-ci ildə isə qurumağa başlayan göldən radioaktiv tozlar külək vasitəsilə ətrafa yayılmağa başlamışdı.
Göl yaxınlıqdakı "Chelyabinsk" bölgəsində qüsurlu doğulan uşaqların sayını 25%, xərçəng olan xəstələrin sayını isə 21% artırmışdı.
1990-cı ildə burada radioaktivlik o qədər çox idi ki, gölün ətrafında qoryucu geyimlər olmadan 1 saat dayanmaq insan üçün öldürücü idi. Hazırda Rusiya ərazisində yerləşən bu göl artıq quruyub.
✅ İstinad: DailyMail, Grist
✅ Hazırladı: Albert Eynişeydi
#radiasiya #radioaktivlik #tullantılar #göl #təhlükə #xəstəliklər
🎸"Kavak Yelleri" serialından mahnılarını sevdiyimiz Pinhani konserti bu şənbə Elektra Events Hall-da!
📍 - Elektra Events Hall
📅 - 30.09.2023
🕐 - 20:00-22:00
🎫Bilet almaq üçün: https://iticket.az/en/events/concerts/pinhani23/97166
📌 Eramızdan əvvəl 7-ci əsrdə lidiyalılar pulu icad edəndə heç düşünməzdilər ki, 2700 il sonra UCard-da insanlar bir-birinə pul göndərə biləcək. 😅 😎 Özü də ölkədaxili istənilən karta pulsuz, komissiyasız!
Qeyd: Kartın özü də pulsuzdur. İstifadəsi isə çox rahatdır.
▶️ Kart haqqında ətraflı ucard.az saytında tanış ola, ən yaxın Unibank filialında yerindəcə, PULSUZ və dərhal ala bilərsiniz.
📌 Fotonu böyütdükcə adamın ümidləri kiçilir... Qalaktikamız çox nəhəngdir və bizim imkanlarımız çox məhdudur.
Başqa dünyalarda həyat tapmaq ümidi ilə kosmosa radiosiqnallar göndəririk. Göndərdiyimiz ilk radiosiqnal 1895-ci ilə aiddir. 128 ildir indiyə qədər göndərdiyimiz bütün radiosiqnalların yayıldığı məsafə cəmi 200 işıq ilidir (fotoda mavi nöqtə). Bu məsafə qalaktikamız üçün çox kiçik bir hissədir.
Göndərdiyimiz radiosiqnallar müəyyən bir zamanda və məsafədə pozulmağa başlayır. Bu da o deməkdir ki, qalaktikamızın çoooox böyük hissəsi varlığımızdan xəbərsiz olacaq.
ℹ️ Planetimizin və Günəş sistemimizin içərisində olduğu Süd yolu qalaktikasının ölçüləri təxminən - 100 000 - 180 000 işıq ilidir.
İndi siz deyin, "səs"imizin başqa sivilizasiyalara çata bilməsi, onlardan cavab ala bilmək ehtimalları bu dövr üçün nə qədər realdır?
✅ İstinad: The Dark Sky Company, Popular Mechanics
✅ Hazırladı: Albert Eynişeydi
#kosmos #radiosiqnallar #dünya #yadplanetli #yenidünya #reallıq
🔥 Neuralink şirkəti beyin çipini insan üzərində test etmək üçün ilk rəsmi icazəsini aldı.
Sözügedən implant onurğa beyninin zədələnməsi nəticəsində iflic olan xəstələr üzərində sınaqdan keçiriləcək. Sınaqların və tədqiqatların təxminən 6 il davam etməsi planlanır.
"Parker Solar Probe" insanlar tərəfində hazırlanmış ən yüksək sürətli kosmik aparatdır. NASA tərəfindən Günəşin araşdırılması üçün hazırlanıb və 2018-ci ildən fəaliyyətdədir. 7 il işləməsi planlanıb.
Aparat Günəşə 6.9 milyon km məsafəyə qədər yaxınlaşacaq və 2025-ci ildə ən yüksək sürəti ilə 690 000 km/saat Günəşin keçilə biləcək ən yaxın məsafəsindən keçəcək. Bu sürət arzularımızın sürəti olan işıq sürətinin 0,064%-dir.
Aparatın kütləsi 555 kq-dır, dəyəri isə 1.5 milyard dollardır. Aparatın önündən Günəşdən qorunmaq üçün xüsusi qalxan var. Həmin qalxanın qorumadığı iki cihaz var. Bunlardan biri küləyi ölçən cihazdır və TSM (Titan-Sirkonium-Molibden) ilə örtülüdür. TSM 1400 selsi dərəcəyə qədər istilikdə ərimədən qala bilir. Qeyd edim ki, vulkan püskürməsi zamanı çıxan lavanın istiliyi 1200 selsi dərəcədir.
"Parker Solar Probe" möhtəşəm mühəndislik nümunəsidir...
✅ İstinad: NASA, Science Alert, Johns Hopkins Applied Physics Laboratory
✅ Hazırladı: Albert Eynişeydi
#ParkerSolarProbe #TSM #günəş #Günəşəsəyahət #kosmos #mühəndislik.
📌 30 mindən çox fiziki məhdudiyyətli insan üçün sərbəst şəkildə jest dilini öyrənmək imkanı yaradan platforma - Jestdili.az
“Nar”ın nitq və eşitmə məhdudiyyətli insanların cəmiyyətə inteqrasiyasına dəstək olmaq məqsədilə yaratdığı bu platformada 5000-dən çox sözün foto və video təsviri var.
Jestdili.az layihəsinə görə “Nar” Beynəlxalq İctimaiyyətlə Əlaqələr Assosiasiyası tərəfindən “Qızıl Dünya Mükafatı”na layiq görülüb.
✅ Ətraflı: nar.az/news-details/nar-qizil-dunya-mukafati/
📌Dünyada satılan bütün silah-sursatın 40%-i ABŞ-nın payına düşür. Bu bazardan Rusiya 16%, Fransa 7%, Çin 5%, Almaniya isə 4% pay götürür. Digər çox silah satan ölkələr isə İtaliya, İngiltərə, İspaniya, Cənubi Koreya və İsraildir.
Əvvəlki 5 il ilə müqayisədə ABŞ silah satışını 7% artırıb, Rusiya isə 6% azaldıb. Ən böyük silah satıcısı olan ABŞ-nın ən çox silah alan müştəriləri Səudiyyə Ərəbistanı, Yaponiya və Avstraliyadır. Rusiyanın ən böyük müştərisi isə Hindistandır.
✅ İstinad: Axios, Sipri
✅ Hazırladı: Albert Eynişeydi
#silah #hərbi #ölkələr #iqtisadiyyat #silahsursat #dünya #savaş
Çin və alman araşdırmaçılar suya yazı yaza yaza bilən bir qələm icad ediblər.
Niyə? Bəlkə yeni bir sənət...
Qələm 50 mikron ölçülü başlığı ilə sudakı ionları dəyişdirərək daha aşağı pH-lı hissələr yaradır və suda iz qoyur.
📌Daş... Bəli, daş! Daşdan pul çıxartmaq söhbəti real imiş.
Gary Dahl adlı adam 1975-ci ildə "ev daşı" (ev heyvanı kimi) satmaq ideyasını tapdı və hamar daşlar satmağa başladı. Qutulaşdırılmış bu daşlar "ev daşı" sayılırdı və bu daşlara baxmaq çox asan idi. 😂 Yazarkən deyirəm mən nə yazıram, fikir verməyin, oxumağa davam edin. 😅
Nəsə, bu adamın ideyası tutdu və adam 1.3 milyondan çox daş satdı. Daşın birinin qiyməti 3.95 dollar idi. Cəmi bir il həmin daşları almaq trend oldu və elə bir il Garyni milyonçu eləməyə bəs etdi.
Qutuların içində daşı saxlamaq üçün təlimat kitabçası da var idi. 🤣🤣🤣
✅ İstinad: Vintag/es, FOX
✅ Hazırladı: Albert Eynişeydi
#daş #pulqazanmaq #milyonçu #daşdanpul #milyoner
📌 Məlumata görə, şirkət artıq hər həftə təxminən 50 prototip istehsal edir. Bu ilin sonuna kimi kütləvi istehsala başlamaları və gələn ilin əvvəli artıq avtomobillərin satışa çıxarılması gözlənilir.
Xiaominin ilk avtomobilinin modeli "MS11" olacaq. İddiaya görə, qiyməti təxminən 36 min dollardan başlayacaq. Şirkətin satışlardan cəmi 1% mənfəət əldə edəcəyi bildirilir.
Qeyd: MS11 modelinin batareyasının çəkisi 642 kq olacaq və 800 km-ə qədər məsafə qətt edə biləcək.
✅ İstinad: Yiyouliao, Xchuxing, Car News China
✅ Hazırladı: Albert Eynişeydi
ℹ️ Burada sizin reklamınız ola bilər.
#elektromobil #elektrikliavtomobil #çin #maşın #mənfəət #satış
🫠 50 qəpiyə "Полный бак"
Venesuelada Aİ-95 markalı benzinin 1 litri 0,004 dollardır. Bizim pulla havayı...
Venesuela dünyanın ən böyük neft rezervinə sahib ölkəsidir. Ölkənin qızıl çağı 2013-cü ildə prezident Hüqo Çavezin ölümü ilə bitib və siyasi-iqtsadi böhran başlayıb.
Hazırda ölkədə minumum aylıq əmək haqqı - 3,9 dollardır.
✅ İstinad: Take-Profit, BBC, GlobalPetrolPrices
✅ Hazırladı: Albert Eynişeydi
#50qəpik #ai95 #benzin #qiymət #petrol #Venesuela #ölkələr #iqtisadiyyat #böhran
📌 Kofeşopda baristaların iş səmərəliyini və müştərilərin məkanda nə qədər vaxt keçirtdiyini hesablamaq üçün istifadə olunan süni intellekt
#süniintellekt
📌 Xərçəng - hüceyrələrin ölmədən anormal, sürətli böyüməsidir.
Hüceyrələr bölünüb çoxalarkən onların DNT-sində baş verən xəta mutasiyalara səbəb olur. Bu mutasiyalar bəzən faydalı, bəzən isə zərərli olur. Xətalar çox vaxt "təmir" edilir. Düzəlməyən xətalarda isə hüceyrələr ya ölür, ya da ölməyib böyüməyə davam edir və xərçəngə çevrilir.
Sosial mediada belə bir geniş yayılmış məlumat var: guya ki, köpək balıqları xərçəng xəstəliyinə tutulmurlar. Bu məlumat yanlışdır. Digər canlılar kimi köpək balıqlarının da hüceyrələrində yuxarıdakı proseslər baş verə bilir.
ℹ️ Yayılan həmin məlumatın səbəbi 1992-ci ildə çap olunmuş "Köpək balıqları xərçəng olmaz" adlı kitabın adı ilə bağlı ola bilər. Amma adından fərqli olaraq kitabın içində belə bir iddia yoxdur, kitab köpək balıqlarının qığırdaqlarının xərçəngin müalicəsindəki istifadəsi ilə bağlıdır.
✅ İstinad: Cancer/gov, Washington Post, NBC News
✅ Hazırladı: Albert Eynişeydi
#köpəkbalığı #akula #kopekbaliqlari #xerceng #dnt #huceyre #mutasiya
✅ Epilepsiya zamanı ilkin tibbi yardım:
*Adamı yana çevirin;
*Başının altına yumşaq və kiçik bir şey qoyun (və ya öz qounu);
*Boğazını sıxan düymə, qalstuk və s. varsa onları açın;
*Təcili tibbi yardım çağırın.
İndiyə kimi eşitdiyimiz məlumatları əksinə, bu cür hallarda adamın ağzına qaşıq, qələm, barmaq və s. salmaq olmaz. Həmin şəxsin dişlərini, çənəsini və ya öz əlinizi zədələyə bilərsiniz. Sadəcə yuxarıdakıları edin, 5 dəqiqə ərzində adam özünə gələcək.
✅ İstinad: Epilepsy/com, CDC/com
✅ Hazırladı: Albert Eynişeydi
#epilepsiya #dilqatlanması #ilkinyardim #tibbiyardim #tibb #təciliyardim #sosialreklam
🔥 Qaraqan illər sonra yenidən qayıdıb:
https://youtu.be/eD4G-YJQhD0?si=i3QJAgZPeL4XBYOB
🇸🇦 Səudiyyə Ərəbistanında 50-ə yaxın video oyunun satılması və oynanılması qadağandır. Bu oyunların siyahısında "GTA V", "God of War", "Mafia", "Witcher", "Assassins Creed", "Resident Evil", "Street Fighter", "Watch Dogs" kimi məşhur oyunlar var.
Sözügedən qadağalar bütün ölkə üzrə 2018-ci ildən tətbiq edilib.
✅ İstinad: AP News, Global News (ca), News Week
✅ Hazırladı: Albert Eynişeydi
#oyunlar #qadağalar #SəudiyyəƏrəbistanı #videooyunlar #videooyun #oyun #qadağa #gta5 #gow
📌 "Volkswagen Group" 675 mindən çox işçisi ilə dünyanın ən böyük şirkətlər qrupundan biri hesab edilir. Bu işçilərin 293 mini Almaniyada işləyir. Şirkətin dünyanın müxtəlif ölkələrində 119 fabriki, 150 ölkədə satış mərkəzi var.
"Volkswagen Group" 1 gündə orta hesabla 24 min avtomobil istehsal edir.
✅ İstinad: Volkswagenag/com, Volkswagen-Group/com
✅ Hazırladı: Albert Eynişeydi
Qeyd: Burada sizin reklamınız ola bilər.
#Volkswagen #VolkswagenGroup #avtomobil #maşın #işçi #işçilər #iqtisadigüc
Avstraliyada indiyə qədər görülmüş ən böyük hörümçək fosili tapılıb. Yaşı ən az 11 milyon ildir. Ayaqları arasındakı məsafə 50 mm-dir.
Monodontium cinsinə bənzəyir, amma ondan 5 dəfə böyükdür. Alimlər bu canlının bədənindəki qıllar vasitəsilə səslər çıxara biləcəyini təxmin edir. Qəribədir.
Əvvəllər dünyada havadakı oksigen miqdarı çox olduğu üçün böcəklər çox böyük olublar.
"Dinner in the Sky" - Dubayda belə bir xidmət var. Şəhər və dəniz mənzərəsində 22 nəfərlik xüsusi böyük bir masa kran ilə 50 metr hündürlüyə qaldırılır. Havada 90 dəqiqə qalırsınız və bu vaxtın bir qismində sizə şefin xüsusi yeməkləri servis edilir.
Qiymətlər adam başına 277 manatdan başlayır və günün saatlarına, həftənin günlərinə görə dəyişir. Oturacaqlardan yıxılmamaq üçün kəmərlər taxılır. Masa, boşqablar və s maqnitlidir.
📌 İzlədiyiniz görüntüdə "Parker Solar Probe" Günəş partlayışı ilə sovurulan plazma dalğasının içindən keçir. Həmin Günəş partlayışlarının küləyi dünyaya çatmaq üçün 149 milyon km məsafə qət edirlər.
Ardı…
Fotoqraf Pio Andrea Peri “Google Map” ilə Siciliya adasına baxarkən insana bənzəyən bir görüntüsü olan qəsəbə kəşf edir və dronu ilə həmin qəsəbəni çəkməyə qərar verir. Ortaya belə möhtəşəm mənzərə çıxır.
Əvvəlcə bəzi insanlar bu görüntülərin kompüter qrafikası olduğunu düşünür, amma özləri də xəritədə baxanda real olduğunu görürlər. Məlumatın doğruluğunu yoxlamaq üçün mən də baxdım, realdır.
Görüntülər sosial mediada populyarlaşdıqdan sonra qəsəbəyə səyahət edən fotoqrafların və turistlərin sayı artıb.
✅ İstinad: DailyMail, NY Post
✅ Hazırladı: Albert Eynişeydi
#foto #Siciliya #İtaliya #qəsəbə #Centuripe #insa #aerofoto #dron
📌Bu qanun təkcə insanlara su sıçradılması ilə bağlı deyil, binalara və nəqliyyat vasitələrinə də aiddir. Maddə 342.1.5
342-ci maddədə başqa maraqlı məqamlar da var: Hərəkət zamanı sükanı əlindən buraxmaq, mühərriki söndürülmüş nəqliyyat vasitəsini ətalətlə idarə etmək - Cərimə 40 AZN.
Və ya nəqliyyat vasitəsinin təkərində və ya banında yol örtüyünü zibilləyən palçıq varsa 40 AZN cərimələnmək mümkündür.
Bir də belə bir maraqlı qanun var imiş, 2017-ci ildə ləğv edilib: Nəqliyyat vasitəsini idarə etməkdən diqqəti yayındıra biləcək söhbətdə iştirak etməyə görə - Cərimə 40 AZN.
✅ İstinad: DYP
✅ Hazırladı: Albert Eynişeydi
#qanun #maddə #cərimə #yol #su #Azerbaycan #inzibatixetalar
📌UNO araşdırmaçısı Jaime Maussan, ABŞ donanması pilotu Ryan Graves və Harvard Universitetindən astrofizik professor Avi Loeb Meksika konqresi qarşısında millət vəkilləri və jurnalistlərə 2 naməlum cəsədi təqdim ediblər.
Bu cəsədlərin Peruda bir mədəndən çıxarıldığı iddia edilir. Karbon testi cəsədlərin 1000 ildən daha yaşlı olduğunu göstərir.
Maussan andlı ifadəsində həmin cəsədlərin yerüstü təkamülümüzün bir hissəsi olmadığını iddia edib və cəsədlərin genetikasının 30%-nin hələ də qeyri-məlum olduğunu bildirib. Onun ifadəsindən - "Yadplanetli olub-olmadığını bilmirik, amma ağıllı idilər və bizimlə birlikdə yaşadılar. Tarixi yenidən yazılmalıdır."
📌 Qeyd: Bu məlumat ciddi xəbər saytlarında dərc edilib, amma görüntü bir az qəribədir, cəsədlər bir az real görünmür sanki və ya mutasiyaya uğramış hansısa canlının cəsədi də ola bilərlər.
⭕️ Sizin fikriniz nədir? Yazın, oxuyaq.
✅ İstinad: DailyMail, Marca, Reuters
✅ Hazırladı: Albert Eynişeydi
▶️ Görüntülər: https://vt.tiktok.com/ZSLKeNfFM/
@Rabita_bank deyir ki, müştərilərə nağıl danışmayın, real kampaniyalar təqdim edin. Əsl yerinə düşür. 😉
Читать полностью…
🇨🇳 Çində iPhone 15-in satışı olmayacaq. Bu xəbərdən sonra Apple şirkətinin son 2 gündə dəyəri 191 milyard dollar düşüb.
Читать полностью…
📌 Evdə bəzi əşyalar Wi-Fi siqnallarınızı poza bilər. Nəticədə bu da internet əlaqənizi pisləşdirəcəkdir. Mütəxəssislər daha yaxşı internet əlaqəsi üçün modeminizi bu 7 şeydən uzaqda saxlamağınızı tövsiyə edir:
1. Su çəni;
2. Güzgü;
3. Metal əşyalar;
4. Mikrodalğalı soba;
5. Simsiz telefonlar;
6. Bluetooth cihazları;
7. Digər elektron məişət texnikaları.
✅ İstinad: IFLScience
✅ Hazırladı: Albert Eynişeydi
İnternetinizdən razısınız? Razı deyilsinizsə, şərhdə provayder adını təq edib ürək sözlərinizi yaza bilərsiniz.
#modem #internet #sürət #wifi #net #tövsiyə