قناه النعي والابوذيات

18 July 2026 08:08

#نعـي

لعند الشام من لاحت علايم
حنت زينب او باجي الفواطم
شافن من بُعد لمة الوادم
او عليها الحزن بغيومه تلملم

ونت زينب و گامت تنادي
علیک اقسم ابجدنه النبي الهادي
عنه الروس طلعها يحادي
او على اضعون الحرم خلها اتجدم

يحادي هاليساره اعطف عليها
او لا تمشي بطريج العام بيها
ترانه الشام بس ما نصل ليها
علينه الناس من كل كتر تلتم

يحادي عاين الهاي الروايه
لفت و تريد تتلگه السبايه
علينه اهون وحگ الله المنايه
او من عدها الشماته اصعب او اعظم

يحادي عاين الحال اليساره
بیش امن الخلگ هاي انتواره
خاف اعلى الضعينه اتصير داره
وارامل عالمهازل تصرخ او يتم


طب للشام ظعن اليسر مصباح
والمبشر لعند ايزيدها راح
صعد فوگ الگصر مطرب او مرتاح
او من شاف الضعن كام ايتبسم

صارت عالضعينه الوادم أصفوف
امحنيه أچفوفها وادگ بلدفوف
او زین اعبادها بالحبل مچتوف
تهل عينه أو يتمنه المحتم

يشوف أهل الشماته اتشوف العيال
وهيه اعلى الهزل مجتوفه بلحبال
گصد يمه سهل و الدمع همال
حب ایده او على السجاد سلم

تفكر له السهل والحيل بايد
يصح عندک یگله ثوب زايد
الحديد الرگبتي يا سهل چايد
جرحها او گام منها ينضح الدم

من طوگ الحديد ايسيل دمي
و عاين للحرم و يزود همي
عسن يا ريت لا ولدتني أمي
او يراني ايزيد بالذله الموسم

عگب ما سكن هضل الناس والويد
او گضت بيهم الوادم فرحة العيد
خذوا كل اليساره المجلس ايزيد
وهو اعلى التخت وبها النصر مغرم

ابراسه التاج و بها النصر فرحان
ويمه جاعد أعلى التخت مروان
لمن عاين الذلة النسوان
گام النغل بأسلافه ايترنم

صاح الرأس وينه أو حين شافه
هتف بالثار و تذکر اسلافه
شال العود و يجلب شفافه
أو يضرب گام من عنده المبسم

الشاعر المرحوم
السيد عبد الحسين الشرع


#اللهم_عجل_لوليك_الفرج

قناه النعي والابوذيات

18 July 2026 08:07

#نعـي

طبيت و الديوان عامر
و مشبوحه بس صوبي النواضر
و أصوات تعله من المناير
طبت سبيت آل هاشم

طبيت وآنه أعظاي ترجف
و مطرور گلبي و جرحه ينزف
و كلمن يمر من يمي يعرف
بت يا شيوخ و يا عمايم

كلمن اله ثارات يگصد
و گبال بتكم حيف يگعد
و صوت الشماته حشاي يمرد
و هايم الشوف لـ أهلي هايم

ديوانهم مابيه خَيير
يهظم الزلمه و الزغير
ديوانهم دلال يكسر
يضربون بمتون الفواطم

بشام صار أعلينه صايح
و گبالي راس حسين طايح
و شوفي يضل للباب شابح
هلبت يمرون الهواشم

علي حسين الخفاجي

قناه النعي والابوذيات

12 July 2026 14:51

#نعـي

لتكول خويه شبيج مابيج
ولتكلي  ياهوه المبجيج
الشام وادمهم يشتمون
محد يكلي الله يجويج

راوني  خويه  اشاكل والوان
يفرون بينه وحنه  نسوان
وكل ما نكول لحكنه يحسين
يگولون خليناه عريان

عطاب  كلبي نترس عطاب
لمن حدوني خويه الاجناب
كالولي مده الجرح ويطيب
وسوك جرحه اخضر وماطاب

مجبوره اسولفلك البيه
من ياوكت اختك سبيه
والله زمن من عكب عباس
كالو على زينب خطيه

قاسم الغزالي

#اللهم_عجل_لوليك_الفرج

قناه النعي والابوذيات

12 July 2026 14:49

#نعـي

حبست ادموع عيني اعليك للشام
خوف اتشوفني اعيون الشماته

وأخنگ عبرتي وأدفن بالالام
حرام انچان ساعه الليل أباته

عله اظهور الهزل دارتنه الأيام
ومشونه بدرب ما ماشياته

يتفرج علينه الخاص والعام
واحنه إخيالنه ما شايفاته

تدگ اطبولها ويضرب الدمام
وسمعّونه الحچی الما سامعاته

و مرامي اعيونهم امضه من السهام
وأصبح خارجي حسين وخواته

تفز جروح بينه لو جرح نام
كل ليل الخرابه امساهراته

من بلد البلد والروس جدام
وراسك عمه اعيون امدللاته

كل خطوه بجرح ماشيت الأجناب
وكل نظرة ابسهم ترميني العيون

وكل يوم اليسر عديته بمصاب
و ما بيه جرح بمصيبتي ايهون

ريت بدال راسك راسي ينصاب
گد ما بالحجر جانوا يرامون

هلاهلهم طرب واطبول نشاب
علينه وأستحي اشجانوا يگولون

گد ما خوفنه جان اعله لحجاب
ردنه الگوم بينه بليل يمشون

دولبنه الزمان اشلون دولاب
وضعنه بالخلگ مثل اليضيعون

عزيز الفيصلي

#اللهم_عجل_لوليك_الفرج

قناه النعي والابوذيات

12 July 2026 14:48

#أبوذيـة

يعمه شلون اجّمعچن ولمچان
وادري السوط أذّاچن ولمچان
چنت مهيوبه بين اهلي ولمچان
بخرابه مسيت مچتوفات اديه

البعاج #طـريـق_ مشهد

#اللهم_عجل_لوليك_الفرج

قناه النعي والابوذيات

12 July 2026 14:47

يامولاتي يازينب


يعمه الوادم شبيهه  متن صار
اليه وكبرت جروحي  متن صار
متن منه الجلد طايح  متن صار
سد من الضرب لاختك رقيه




جروحي شما اشلهنه  متن شال
اخوي وعلته بكلبي  متن شال
الشمر عباس من زينب  متن شال
والاخر بالشگف مكسور اليه




عبد زينب
فاضل الجهلاوي

قناه النعي والابوذيات

11 July 2026 14:51

#نعـي

علي السجاد ضلت تربي عينه
وكل اهل المحنه مفاركينه
عله افراش المرض محد يعينه
وينه حسين يحضر لبنه وينه

حزنان ويحن كلبه اعله الحنان
شيسوه العمر بله بدون خوان
واحد من هله يتمنه دفان
مثل حسين راد يموت عطشان

علي السجاد ناده بصوت الآلام
ما اناسي الطفوف وحرك الخيام
راحن كل خوات حسين للشام
وبدرب اليسر يا عين التنام


دمع عيناي سال بساع وجره
وبعدهي اكلوبنه اعله حسين وجره
ضيمي ما سده اعله انسان وجره
عليل وبالحبل مجتوفه اديه

يشيعي الباقر اعله النوح. عيناه
انرسم طف كربله والجرح. عيناه
علي السجاد غمضت صحت عيناه
ويم اجنازته تنوح الزجيه

الشاعر
تحسين الخفاجي

#اللهم_عجل_لوليك_الفرج

قناه النعي والابوذيات

10 July 2026 20:34

زينب جيبي عبد الله وجر بيه
اليه وكلبي من بعده وجر بيه
السهم علعل نحر طفلي وجر بيه
لحد ماطاح راسه ابين اديه

فاضل الجهلاوي

قناه النعي والابوذيات

10 July 2026 20:09

#نعـي

وين الگة بين أهل العزايم
اليركب على ظهور النعايم
وأنطيه لأخواني علايم
أخواني أهل زود ومچارم (مكارم )
بيمينهم بيض الصوارم
وبروسهم خضرة العمايم
بس صيح حيهم يا آل هاشم
يا طارش يحيوك لازم
أصرخ ودمع العين ساجم
هضايم يهل زينب هضايم
حسين على حر الرمل نايم
ومطرحه بكتره الضياغم
عباس والأكبر وجاسم
والي يخلي الگلب هايم
نسوانكم ذيج الكرايم
ليزيد يردوهن غنايم

الشيخ زمان الحسناوي

#اللهم_عجل_لوليك_الفرج

قناه النعي والابوذيات

10 July 2026 20:02

#أبوذيـة

مولاي زين العابدين روحي فداه

خلص عمري بدموع العين ..والون
وشفت من الرزايا أشكال...والوان
بس الحنن مني الظهر .....والون
بنات امي سبية ابصف سبية

قاسم المالكي

#اللهم_عجل_لوليك_الفرج

قناه النعي والابوذيات

10 July 2026 20:01

#أبوذيـات

مولاي زين العابدين روحي فداه

مو بهداي جاب الضعن .. بل سوگ
الحادي . او ضربه خل آثار ... بل سوگ
انا روحي اطلعت يا ناس .... بل سوگ
من نظرت لعمتي اعيون أميه ..

دمه اجروحي ابردن ثوبي ... مشيته
او درب السبي وي عمتي .... مشيته
آخ الحادي بعنادي ...... مشيته
السوگ السوگ يمشي عناد بيه ....


ابو فاطمة الطائي

#اللهم_عجل_لوليك_الفرج

قناه النعي والابوذيات

10 July 2026 20:00

#نعـي


بالخرابه اشما تسلهم عيني
تنلـچـم مدلـوله وتصحيني

هاي تستاحش من الظلمه وتنز
وذيچ تغفه وجرح يلچمـهـا وتـفز
وتگعد ام عبد الله (كـاروكه) تهز
يگـلـهـا مـا در صـدرچ ترضـعـيني ؟!!

ـ اشوه عدنه الليل يسترنه الظلام
حته لا تبرالـنـه عـيـون الـحـرام
وين ذيچ اديارنه وذيـچ العـمام
اهنا يهاشم مـوتـه لـو ناسـيـنـي

ـ اثنين واثمانين يتشكن سوه
والجرح ـ گص الحبل ـ يردن دوه
ذبلن امن الشمس وسموم الهوه
ونه اشما اطوي الدرب يطويني

ـ احنه من صيارنه ابيت الوحي
امن الحچي حته ويَ اهلنه نستحي
سمعت اهل الكوفه صوتي وصايحي
خاف ما تدري العده ميسريني

ـ انه الما چانت خيالي تشوفه
شافـتـه وسمـعتني اهل الكوفه
اعله الهزل وايدي بحبل مچتوفه
بالـطبـل ودفـوفــهـا اتـلاگـيـنـي

علي بويه هنا يكشاف الكرب
شگد بعد للشام كون امشي درب
الموت ريته ولا يعرفوني الغرب
وروس اخوتي يا علي تماشيني

عزيز الفيصلي


#اللهم_عجل_لوليك_الفرج

قناه النعي والابوذيات

09 July 2026 21:46

#نعـي

يحسين زينب انه يحسين
نسوانكم  طبن  دواويين

يحسين وجهي المن اديره
فزعت عشيره الكل اسيره
وظلن  الماعدهن  عشيره
ابراي الذبحكم خويه ماشين

مسبيه  گام  عليه  ينگال
وعليه شانت بيدي الاحبال
الحرم تمشي بكيف الانذال
تمشي النسا ماتندل الوين

من الذبح والدرب المصايب
ومن  الخرايب للخرايب
ومن النواعي الگلب ذايب
وابكل خرابه تنشف العين

ليل الخرايب  هظم  وانياح
ونتصابح بروس على الارماح
وابكل صبح برقيه ينصاح
وذبلت هظم خويه النساوين

ماظن ابد ترضون ترضون
بالظعن خويه بسوگ يمشون
وشافو حرمكم بانذل اعيون
ونسوانكم مچتوفه الايدين

من الحبل  يستحي الزلمه
وشلون والمچتوفه حرمه
واگبال وادم خويه زحمه
اتمنيت يلفي الزينب البين

علي الحميداوي

#اللهم_عجل_لوليك_الفرج

قناه النعي والابوذيات

09 July 2026 12:36

#أبوذيـات

مشينه وبانت الرجفات بالسوگ
وگادونه بزجر وسياط بالسوگ
صاحوا يلا علويات بالسوگ

شماته هواي حضروا واهليه

المصايب بيه فن الضيم يربن
ونه عيناي بويه عليك يربن
علي بعدك بناتك وين يربن

بخرابه اتنام تالي الهاشميه

#اللهم_عجل_لوليك_الفرج

قناه النعي والابوذيات

08 July 2026 21:24

#ابوذيـة

بمصابك عگلي ياخويه بعد هاي
عميت وچنت اگوللك بعد هاي
الجبتهه امدلله اخلافك بعد هي
غريبه مچتفه وتمشي سبيه

محمد حسن ضيغم

#اللهم_عجل_لوليك_الفرج

قناه النعي والابوذيات

18 July 2026 08:08

#نعـي

مـن بَـلْـدِ لْبَلَـد بيها الـعـدا اطوف
ورووس اخوانها جدّامها تشوف
وصلت شامها ولاگـوهـا بدفوف
وطبل، شي بحجر ترمي عليها

اهل الشام صعدوا فوگ الِسْطوح
للـفـرجة وغـدت باعـلامها تلوح
ولن عجوز صدّت على المذبوح
بحجر صكّت جبتها شصار بيها

يحيف العاشن بعفّة بلحجار
ومن حِجر الوصي لامهن بلحجار
تالي الوكت لاگوهن بلحجار
وسبايا وطبّن المجلس أميه

السيد البعاج

قناه النعي والابوذيات

18 July 2026 08:07

#نعـي

طــــگ الــگلب والــــــهــم ولاها
وتــــريد ابـــــوها الــــــــدلــلاها
يوشل ادمــــوعه وحيـــلي ينهد
كــــلمن بدمــــــعه گـــابـــــــلاها

مـــــــــن باتن بـــذيچ الخــرابه
ونـــت رقــــيه تصـــيح بـــــابـه
جابو طشت بيه راس محطوط
ونشغت عليه شافت صــــــوابه

صاح اعله زينب شــــيلي بتنــه
واگـــــــف گــلبها وفـــارگتـــنــه
عمـــه يزيــــــــنب هــاي محنــه
وعـــملة الـــشام الــــــــدولبتنــه

دفـــنوها بالــــغربـه اليتيـــــمــه
بوسطة عرب ماعــدها شيــــمه
وضاگت الضيم امن الزغر ليش
لا ضــل ابــــــو ولا بقت خــيمه

بچعب الرمح يامه اضـــربوها
وبـــدروب وعـــره لوعـــــوها
طفله وزغيره وســـــــــــلبوها
وحرموها تالي مــــن ابــــوها

مــدللتهم
ماتت بغــــــربه مدللتهم

الكاتلتهم
وهاي المصيبه الكاتلتهم

شتگلهم
زينب اخيوتها شتـگلهم

يناشدوها
عن العزيزه يناشدوها

عمها وابوها
ويريدها عمها وابوها

التعبوها
وين الحنينه التعبوها

ويعين گلبچ
الله يساعدچ ويعين گلبچ

يم عون دربچ
بس نايبــه يم عون دربچ

محد مشربچ
وماي العذب محد مشربچ


          عبد العليلـه
✍حيدر ابو كيان الفاطمي

قناه النعي والابوذيات

12 July 2026 14:51

حسین دگات الگلب بسمك يبو اليمه تدگ
وحبك سره ويه الدمه وهالحب تملك كل عرگ
صدگني يبن المصطفى وحچي الگلب كله صدگ
وجتنه نار امحبتك وذبلنه يحسين العشگ

مرات حبك سيدي چنه فجر لمن يطر
يتناغه وي لون الورد ويا محله نسماته التمر
ومرات حبك بيه ألم وبیه وحشه تنحر كل صبر
ومرات تچوي امحبتك وتصير احر من الجمر

يا سيدي الحب مو سهل والعاشر الحب بهذله
وانه ابتليت ابهالمرض وگالولي كل طب ما أله
بس تربتك يبن النبي تشفي الأمراض المعضله
ومن جربتها تربتك زيدت علتي کربله

تربتك زيدت علتي يا سيدي وما ضل دوه
لو نظره من عينك إلي لو تگطع اعليه الهوه
یا رحمة الله الواسعه ارحم جسم بالهم خوه
وخليني يمك سيدي وخنعيش يا روحي سوه

هنياله کلمن جاورك وينظر الگبتك كل صبح
ويداوي عشگه ابهالنظر ويذب ملح فوگ الجرح
ويخلي ايده اعله النحر ويصيح حاضر للذبح
ابشرع العشگ يبن النبي لازم يصير اعله الرمح

طبع اليحب طبع اليحب یگضي حياته امدولبه
لا عقل يبقاله ولا راحه وحبيبه امغربه
يا سيدي الحبك صدگ چا لیش دوم اتعذبه
يالدولبتني امحبتك يحسين يا سيد الإبه 

الشيخ الحبيب زمان الحسناوي

#اللهم_عجل_لوليك_الفرج

قناه النعي والابوذيات

12 July 2026 14:48

#نعـي

انـحـب واهـل الـدمـع بـسـكـوت
بــيــن الــزلــم وبـنـص ألـبـيـوت
يحسين اخـيـتـك رادت اتـمـوت
تـالـي عمـرهـه المجلس اتـفـوت


زحـمـه وچبيره وعـيـب تـنـگـال
ام الـخـدر مـچـتـوفــه بـحـبــال
وكـلـهــه اتــفــرّج گــوم الانـذال
هـذا الـوضــع بالـشـام والـحــال


عـاده الـمـره بـالـخـدر تـنـصـان
مـوش أتـچـتّــف بــيـن عـدوان
حـگــي لـسـوي بـيـت الاحـزان
وانحب نحيب الـفاگـده اخوان

الشاعر رعد الجريخي

#اللهم_عجل_لوليك_الفرج

قناه النعي والابوذيات

12 July 2026 14:48

شروه اشتريها
شوفة هلي شروه اشتريها
سيرو عليها
حنينه الاخت سيرو عليها
مكطوع بيها
عندك اخت مكطوع بيها
جا ما تجيها
امسة المسه چا ما تجيها

قناه النعي والابوذيات

11 July 2026 14:51

#نعـي

مولاتي العقيلة روحي فداها

مامش لطم يشفي دليلي
خليلي انداس جدامي خليلي
وين ام حسن هسه وتجيلي
واحجيلها اعله الهاد حيلي
ويلي اعله ابو السجاد ويلي

شما سوي ما تبرد جمرتي
وماكو كسر يشبه كسرتي
انوله وعطشان ولوحده زلمتي 😭
حته الموت مايطفي حسرتي

يا مثگل اصواب اللفاني
"صكني على اعيوني وعماني"
حيل اوجر بگلبي زماني

الكاسر گفه حسين بعضيده
وثنه اعله صدره وحز وريده
تاليها رايي ايصير بيده

كل عمري ما مسموع حسي
تاليتي بين الخيل امسي
فحطانه ما ينشهگ نفسي

#اللهم_عجل_لوليك_الفرج

قناه النعي والابوذيات

11 July 2026 14:51

#نعـي

مولاي زين العابدين روحي فداه

منو مثلي فكد خوانه واهله بيوم
ومنو مثلي نسبت كدامه نسوانه

منو مثلي عليل وشهر ممشه يروح
مجتوفات اديه وتكوده عدوانه

هم شايف شهم تنطك خواته بسوك
ومن دم راس ابوه مايابس اردانه

شصيرن للخيم لو للتدوسه الخيل
وتجي تبجي رقيه تكلي عطشانه

اليدفنله عزيز يرد نفس ودموع
يريد ملاكه ناس وياه حزنانه

انه الرديت دافن كل حياتي بكاع
بس لاكتني وادم حيل فرحانه

يبو حمزه شفت مشهد
شفت مصلى ابوي حسين فوكاه الشمر يكعد
شفت عماتي من اطيح ماعدهن جتف يسند
شفت الدمع من ينزل يخضر شيب فوك الخد

الشاعر مصطفى الحسني

#اللهم_عجل_لوليك_الفرج

قناه النعي والابوذيات

10 July 2026 20:33

تغير رسم وجهه مره انه
مره خيام اطفي مره انه
حرت وين اطي وجهي مره انه
وعبيد اهلي غدو يسبون بيه



فاضل الجهلاوي

قناه النعي والابوذيات

10 July 2026 20:03

#نعي

مولاي زين العابدين روحي فداه

منو مثلي فكد خوانه واهله بيوم
ومنو مثلي نسبت كدامه نسوانه

منو مثلي عليل وشهر ممشه يروح
مجتوفات اديه وتكوده عدوانه

هم شايف شهم تنطك خواته بسوك
ومن دم راس ابوه مايابس اردانه

شصيرن للخيم لو للتدوسه الخيل
وتجي تبجي رقيه تكلي عطشانه

اليدفنله عزيز يرد نفس ودموع
يريد ملاكه ناس وياه حزنانه

انه الرديت دافن كل حياتي بكاع
بس لاكتني وادم حيل فرحانه

يبو حمزه شفت مشهد
شفت مصلى ابوي حسين فوكاه الشمر يكعد
شفت عماتي من اطيح ماعدهن جتف يسند
شفت الدمع من ينزل يخضر شيب فوك الخد

الشاعر مصطفى الحسني

#اللهم_عجل_لوليك_الفرج

قناه النعي والابوذيات

10 July 2026 20:01

#نعـي

الـبـاقـر حـين للـتـغـســـيل جـابـه
ابـوه أوجـرد امـن الـولـي اثـيـابـه
شـاف امتونـه سـود وصاح يـابـه
ألف وسفه اعلى سلـطان النجابـه

يـبـويـه الـمـاي خـافـنـه يـلـچـمـك
يـبـويـه مــن يـلــوح آثــار مـتـنـك
أنـا احـتـاريت بويه أمنـين ألـزمك
خـاطــر يـوالــي أگـــــدر اغـســلك

يـامـكــبـر رزيـتـه وعـظـم يــومــه
يـوم الـشـاعـة اعله الـكـل اعلـومـه
وشـالـوه للبـقـيـع اهـلـه او گــومـه
ويـم عمـه الحـسـن وارو ارسـومـه

اشكبر صـبره الباقـر مــن نـزل وياه
أو وسد خده ابـوه وعالـترب خـلاه
وعلـيـه رد الـتـراب وعـالگـبر هـالاه
يكـسـر كـل گلب حين الرجع ممشاه
يكفكف بالدمع وإيده اعلى مـگـفـاه
مــنــــــدوم أويـــــذب آه بـــثـــر آه

لاچن هـم نگول اشوه اويخف حزنه
يـوم الـمـات مـاكـو اخـيـول داســنه
ولاصـدره حـوافـر فـرس سـحـگــنه
آ يـحـســـين يالـيــومــك فـــلا مــنه

نسألكم الدعاء.

السيد حسين الياسري

#اللهم_عجل_لوليك_الفرج

قناه النعي والابوذيات

10 July 2026 20:01

#نعـي

جلست عند قبر الحسين وتخاطبه

طلعنه بليل خويه ندور عليك
وعثرنه بلجثث من جبنه طاريك

طلعنه بليل وحده دالي الاخره
بشفايف ذابله ورياك مره
وتكسر بلصدر يحسين عبره
كلنه حسين من نوصل نخبره

نكله الماي هذا وجينه نرويك

حرنه حسين خويه شلون نلكاك
جثيره الموته بطف ظاله وياك
ويا جثه النگظهه نكول لا ذاك
گبل مانمشي ردنه حصل دواك

عسه دمع الحزن يبن امي يشفيك

اجيناك بدمع والحسره ولاه
وگلنه حسين هسه هنا ونلكاه
نعرفه المحبس وماهو عله يمناه
والخنصر بعد مسلوب وياه

وعلامتنه صفت هاي العرف بيك

يخويه تعثرت ببني وكلت لا
اعوف حسين زحمه وبقه ويا
اودع حسين وبني بردتي الكا
اذا خاله يظل ماجيب طروا

وكلتله بردتي يوليدي ارد ليك

هواي الموته يمك ظلمه  وندوس
بس طعنات بيها وسلامه الروس
بس جسمك نعرفه سهام متروس
وراس علرمح مبيوع بفلوس

وصلتك بلدمع يبن امي احاجيك


ابو سلام الجابري

#اللهم_عجل_لوليك_الفرج

قناه النعي والابوذيات

10 July 2026 20:00

#فصيـح

▪️لقاء الإمام السجاد (عليه السلام) بالمنهال

مَاذا تُراي أقولُ يا منهالُ؟
ومصابُنا ضَاقَتْ به الأقْوالُ

بالأمْسِ كُنّا فَخْرَ هاشِمَ في الورى
تُطْوى إلى عتَبَاتِنا الأمْيالُ

والْيَوْمَ أصْبَحْنا خَوارِجَ دِينِنا
برُؤُوسِنا تتقرَّبُ الأرْذالُ

أَوَليسَ قَدْ ذُبِحَ الحُسيْنُ بكربلا
وتوذَّرتْ منْ جِسْمِه الأوصالُ؟!

مِنْهالُ لَوْ شَاهدتْهُ في حرِّها
مُلْقىً، تَنَاهَبُ ثوْبَهُ الأنْذالُ

أفْديهِ مَسْلوبَ العِمَامَةِ عافراً
قَدْ جَاءَ يقْطعُ كفَّهُ الجمَّالُ

وأشَدُّ خَطْبٍ حينَ سُيِّرَ ظَعْنُنا
وسَرَى يَميلُ بِرَأسِهِ العسَّالُ

منْهالُ ما أُنْبيكَ عَنْهُ عَلَى القَنَا؟!
وَهُوَ القَتيلُ يقودُهُ القَتَّالُ!

إنْ أنْسَ لَنْ أنْسى العَقيلةَ زينباً
تُومِي إليْهِ ودَمْعُها همَّالُ

أأساقُ ما بينَ العدى وأنا التي
كانت بخِدريَ تُضربُ الأمثالُ؟!

أمْسَيْتُ أُجْلَدُ بالسِّياطِ أَسيرَةً
ما لي حِمىً، وتَحوطُني الأطفالُ!

علي عسيلي العاملي
#محرم_1448هـ

#اللهم_عجل_لوليك_الفرج

قناه النعي والابوذيات

09 July 2026 12:37

#نعـي

يسباع يمخيطين الفتوگ
بضعونكم ولد الخطه تسوگ
گومو يهلنه وسدو الحلوگ
تحجي علينه الحجي الميلوگ

حادي الظعن يحجي برهــاته
على حسيــن ويشتم خـواتـه
سمعنـه الحجي الماسمعــاته
سمعنه العبد يحجي اعلى اغاته

يهلي يهل غيرة وحميـه
ترضونهــا يعيلون بيــه
عدوكم يسميني السبيه
ويسبني ويشيل ايده عليه

رائد الناشي

#اللهم_عجل_لوليك_الفرج

قناه النعي والابوذيات

08 July 2026 21:24

#أبوذيـات

مشينه وبانت الرجفات بالسوگ
وگادونه بزجر وسياط بالسوگ
صاحوا يلا علويات بالسوگ

شماته هواي حضروا واهليه

المصايب بيه فن الضيم يربن
ونه عيناي بويه عليك يربن
علي بعدك بناتك وين يربن

بخرابه اتنام تالي الهاشميه

#اللهم_عجل_لوليك_الفرج

قناه النعي والابوذيات

08 July 2026 21:23

#نعـي

روس العزاز گبال عيناي
وحچي الشماته مرد چلاي
وطبگت عليه هموم دنياي
ومنين أميل تميل وياي
راحوا هلي وتيهت منواي

#اللهم_عجل_لوليك_الفرج