3126
رابط القناةّ 👇 https://t.me/Alfaesale المعرف الخاص 👇 @ALFAESALY
#شيعتك_مولانة
الرادود : حاتم الكربلائي
الشاعر : حسين الفيصلي
تصوير
مصطفى الكردي
محمد الحيدري
جيمي جيب (كرين)
مصطفى المحمداوي
هيئة الامام المنتظر عج
بغداد_التاجي شهر محرم الحرام 1443
https://youtu.be/pLmIKLt5f2s
انا رقية اجيتك بويه حاچينـــــــــي
مشتاگه تدريها حيل الشوفتك عيني
يكثر عذابي برحيلك من تجافينــــي
خليني يمك
..........
تجري دمعاتي أعلى خدي بكل مسيه
صعبة ما احمل غيابك تدري بيـــــــه
بويه يحسين العزيزة انا رقيـــــــــه
انظر وشوف بحبل مشدوده اديـــــه
التراچي خذوها .. من اذاني اسلبوها
من اصيحن يبويه .. يصيحون اضربوها
انا العزيزة رقية شوفني شلونــــي
كلما اناديك يبويه بسوط ضربوني
ضليت احنن تراني وتدمع عيوني
مشتاگه اشمك
.........
مرني لو مرة بحلم خليني انظـــــــرك
تدري مشتاگه واريد اغفى على نحرك
شلون اشم هذا الهوى الما بيه عطرك
يالي راسك منذبح حيرني أمــــــــرك
حزينة بغيابك .. اجرحتني بمصابك
اونن تراني .. ذبحني عذابك
رتك تجيني واشوفك آخر انفاسي
شلون اعيشن بدونك يا اعز ناسي
مثل اليتيمه اريدك تمسح براســـي
محتاجه اكلمك
..........
يريد المفارگ صبر وزغير عمــــــري
ويني وين الدمع يا بويه تــــــــدري
مدللة چنت بوجودك وانت ضخري
هسه خلوني بخرابه ودمعي يجري
وجودك حياتي .. غيابك مماتي
اشوفك واشمك.. يبويه امنياتي
رايح يبويه واعرفك ما الك جيــــــه
مشتاگه اشوفك واخبرك عالجره بيه
بنتك رقيه ترى سموني مسبيـــــــــه
عذبني همك
...........
جابوا الماي بغيابك ما شربتــــــــــه
شلون اتروه واشربه وضامي انتــــه
آه يا ليل الخرابه الچان نمتــــــــــه
شفت راسك بالطشت بس ما عرفته
بحسرتي نضرتك .. يبويه وشبگتك
التراب أعلى وجهك .. بديه مسحته
من الخيزرانه يبويه مطره اشفافــــــــــك
الدم أعلى شيبك واشوف مغيره اوصافك
كعبة انت صاير واشوفن بالرمح طافــــك
ويسيل دمك
............
وين من عيني خذك ظالم زماني
ارجع شتاگيت الك ضليت اتانــي
مو تدري بيه معذبه بعدك واعاني
التراچي تسلبت بويه من اذانـــي
تراني بخرابه .. واصيحن يبابا
الرمل حار چواني .. نمت عالترابه
وياك اخذني غيابك يجرح بروحــــي
لو انت رايح بدونك تكثر جروحـــــي
مو تدري يالغالي ابد ما ينگطع نوحي
صوبني سهمك
...........
حسين الفيصلي
بالكوفة مسلم شاعت أخباره
خله الكفر من سيفه محتاره
شحلات السيف بيده
برز والــــــــد حميده
خله الكفر من سيفه محتاره
..................
سمعت أصوات الحوافر طوعه صاحت يا شهم
گوم ذكرهم بحيدر وصلت الداري الزلــــــــــم
گام والسيف بيمينه و للحرب شد العـــــــــــزم
شافته تلگه العساكر طوعه صاحت والنعــــــم
صاحت يمسلم زلزل الحومه
رجع مراجل حيدر ويومــــه
الشجاع الحرب عيده
برز والد حميـــــــــده
خله الكفر من سيفه محتاره
..................
صال وبسيفه المنايه وصاح حي أعلى القتال
يشبه الكرار عمه گباله ما ثبتت رجـــــــــــال
بسم ابو اليمه ينادي و ابتدأ أول نـــــــــــزال
چن علي وگباله خيبر بيمنته سوه المحـــــال
جيش الكفر فنهم يلاگونــــه
مسلم غضب تتجادح عيونه
الطلع منهم يصيده
برز والد حميـــــده
خله الكفر من سيفه محتاره
..................
توزر وكض سيفه بيده وصاح يا خير العمل
من الغمد جرد حسامه مسلم بسيفه الأجل
طوعه من السطح تنظر شافته عليهم نزل
شافت الفرسان منه الزين من عدهم ختل
فارس بدر ذكرهم أيامــه
محد ثبت بالكوفه گدامه
الاجاله يحز وريده
برز والد حميـــــده
خله الكفر من سيفه محتاره
..................
سيفه چن عصات موسى الجيش نصين نجسم
من برز مسلم عليهم منه ما واحد سلـــــــــــم
حشم بصوته الغضنفر بعد ما ينفع نــــــــــدم
اليوم اغرگ الكوفة بالدم هذا موضوع نحســم
ذيچ العساكر من تلگاهـــــــا
روس الزلم خرخاشه سواها
النصر عازم يريده
برز والد حميـــده
خله الكفر من سيفه محتاره
..................
انا مسلم ما اذلن لا وحـــــــــــــــــق القل هوه
صال بيهم والعساكــــــــر يدورون أعلى الهوه
الكوفه صارت ظلمه چنها بيها ما يحصل ضوه
حيــــــــــر الفرسان خلـــــــه عنان بعنان التوه
هل هاشمي مدوخهم بسيفه
الخانوه منهم رد اخذ حيفه
اسم حيدر نشيده
برز والد حميـــده
خله الكفر من سيفه محتاره
..................
حسين الفيصلي
يعباس نولينـــه و نشتكيلك
دخيلك يا ابو فاضل دخيلك
يگضاي الكلافات .. حرايركم غريبات
دخيلك يا ابو فاضل دخيلك
...................
الزمن عباس شفوف بزينب شسوه
من بلوه اگومن و اوگــــــــــع ابلوه
اطلبك يا كفيلي بريحـــــــة الخوه
شفت مروره شنهي مرورة الگهـوه
يبن ذاك القلع باب بيمينه
تعال الحگ يعاس انولينه
يليث الموزميات .. حرايركم غريبات
دخيلك يا ابو فاضل دخيلك
...................
يعباس الشماته ما يرحمـــــــون
صعب درب السبي يرادله متون
يجروني بحچيهم من يگولــون
كفيلچ وين يا زينب يصيحـون
صحت وينك يليث الموزميه
حسافه الشمر ظل يعيل بيه
غرب والناس شمات .. حرايركم غريبات
دخيلك يا ابو فاضل دخيلك
...................
يعباس انســـبت التكفلـــــت بيها
خذوها بدرب ما ساحگته رجليها
على الهزل حسافــــه تروح تاليها
بعد عينك يصير الشمــــر حاديها
تعال اسمع الم گلبي ونحيبه
يراعي الجود زينبكم غريبـه
شوف الهاشميات .. حرايركم غريبات
دخيلك يا ابو فاضل دخيلك
...................
عبره بصدري احس و گلبي مخنوگ
علـــــــى ضيم الجرالي حنت النوگ
مسبيه خذوني وطرو الســــــــــوگ
يا وسفه اسمي صار بكـــل الحلوگ
بعد عينك على الهزل سبايــــه
ضعنه شلون يمشي بلايه رايه
العلاوي بهل معانات .. حرايركم غريبات
دخيلك يا ابو فاضل دخيلك
...................
حيرني الزماني شلـــون حيره
بت الشيخ وسفه تروح اسيره
الوجه لا وين من احتار اديره
صفيت بلا عمام ولا عشيـــره
يبو فاضل ترى بيه الدهـر خان
اعاين بالضعن ما اشوف خوان
ضعني بلايه رايات .. حرايركم غريبات
دخيلك يا ابو فاضل دخيلك
...................
سهرانه وانوحن جفني مــــا نام
لحد هســــه بعباتي ريحة خيام
آه الشام بيـــــــه شسوت الشام
يسوط الشمر ظل ياكل بالعضام
لا ظلت خيــــم لأمن صواوين
يكفال الخدر خويه رحت وين
كلشي بموتتك مات .. حرايركم غريبات
دخيلك يا ابو فاضل دخيلك
...................
حسين الفيصلي
خويه يا عباس شاهد لونــــي
وداعتك شبعت سياط متوني
وين چانت هاي إليــه
انضرب واشگف بديه
وداعتك شبعت سياط متوني
.................
خويه ما ضلتلي خيمه وداعتك ما ضل ستــر
جدمي ما متعلمه أركض حافيه واسحگ جمر
انا متعوده انت اشوفك ويني وين الشمـــــــر
وسفه سموني السبيه وانا إسمي أم الخـــــدر
انا محد شاف يوم خيالـــي
هسه مسبيه وهزيله جمالي
دهري بعدك خان بيه
انضرب واشگف بديه
وداعتك شبعت سياط متوني
.................
هايه ما چانت ابالي فرگتك خويه الكفيـــــل
بس شسوي تفارگينه وعل هزل صار الرحيل
الحگلي يا عباس أصيح الناگه بيه شما تميل
ودري چفينك الزندك ما يرجعن مستحيـــــل
يا أبو فاضل خويه عنك رايحه
اليوم وين وين چنت البارحـــه
اليوم عالهزل سبيــــه
انضرب واشگف بديه
وداعتك شبعت سياط متوني
.................
خويه شحچيلك عليه شلون أوصف حالي
بالضعن عباس ماكوا ضل مكانك خالـــــي
ذكرى الك عباس ضلت ما تفارگ بالـــــــي
چنت مثل اخيالي اشوفك بالضعن تبرالي
أمس تحرسني وتحامي خيامي
وهسه راسك عالرمح گدامــــي
بغيبتك شفت المنيــه
انضرب واشگف بديه
وداعتك شبعت سياط متوني
.................
وسفــــــــــه يا عباس امشي ورافگت چتالك
راسي دنگ يا هضيمــــــه الچان عالي بجالك
ضعني ما بي بس يتامه واحرس أعلى عيالك
يالتكفلت بيتامـــــــــــه حالي يشبــــــه حالك
رحمة ما عده اليسوگ الناگـــه
انضرب لو اصيح الك مشتاگه
رحمة ما عدهم عليه
انضرب واشگف بديه
وداعتك شبعت سياط متوني
.................
بيه لأرض الشام سارت گوطرت نوگ السبي
وانا ما متعلمه امشي بضعني يحدي الأجنبي
خويه من الشمس والحر حومرت حتى العبي
شتمو حيدر ابونه و شتمو جدي النبـــــــــــي
شما أصد عالرمح راسك عالي
الك بالنظرات اسولف حالـــي
ها يليث الغاضريـــــه
انضرب واشگف بديه
وداعتك شبعت سياط متوني
.................
حسين الفيصلي
رايح علي بعيد .. شنسوي بالعيد
موسم دمعنـــــــه بهاي الأيام
من يمشي حيدر نصبح أيتام
شنسوي بالعيد
.............
راح الچان لو نشتمه نرتـــــــاح
أخذ منه هوانــــــه و للگبر راح
اليفارگ حنين شلون يرتــــــاح
يعيش أيامه بس دمعات ونياح
يا دنيا ويلاه .. حيدر خسرناه
الودعلـــــه غالي شيگدر ينام
من يمشي حيدر نصبح ايتام
شنسوي بالعيد
.............
مشه وضل عطره يا ناس بمچانه
وين اليگدر يعوض حنانــــــــــــه
نموت وياه ردنه وما خذانــــــــه
ضاگت بعده گاع الله و سمانــــه
نتحمل شلون .. غالينه مدفون
ذيچ السوالـــف صارت احلام
من يمشي حيدر نصبح ايتام
شنسوي بالعيد
.............
نصاب بهامته طايح ولينــــــه
شنگل لايتامه من تگول وينه
اليوم الدنيا مفجوعه وحزينه
يا عالم علي راح من ادينــــه
دم ابچي يا عين .. لفراگ ابو حسين
يا دهري گلي لزينب شضـــام
من يمشي حيدر نصبح ايتام
شنسوي بالعيد
.............
علي بشهر الله ما تمم صيامــــه
ابن ملجم غدر صابه أعلى هامه
ما أظن حيدر يگوم بسلامــــــه
لان سيفه عبر حتى العمامــــــه
من دم الاصواب .. متخضب خضاب
يا وسفه رايح ليث الإســــلام
من يمشي حيدر نصبح ايتام
شنسوي بالعيد
.............
بعد يحصــــــل يحيدر مثلك منين
بس واحد علي يسمونه ابو حسين
ابو لكل اليتامــــــــه اليشبهك وين
علي وبطبرتك چن طبرو الديـــــن
يا حامي الجار .. مثلك ولا صار
يگضي العمر بس حسره وآلام
من يمشي حيدر نصبح ايتام
شنسوي بالعيد
.............
حسين الفيصلي
https://youtu.be/F8V9MQ2d6aY
#الاشتراك_بالقناة
الشاعر :حسين الفيصلي
مكساج :سجاد الشباني
مخطوط :علي طالب
البث الشبكي :ابو الفضل اللامي -احمد الاعاجيبي
حسينية الرسول الاعظم ص واله
اليقين للانتاج الفني
يحسين بعزائك فكري أحس هايم
الشكر لله الجعلني بمجلسك خادم
شكبر حظي وعرفتك
يبو اليمه و خدمتك
الشكر لله الجعلني بمجلسك خادم
................
الحمد الله و الشكر .. بخدمتك جبت العمر
بالمجالس خلصيت أيامي
نوحي لا ما ينگطع .. حسين يالتسوه الدمع
عشت بيه بصحوتي وأحلامي
بدونك عمري أشعر كلشي ما يسوه
ياهو اليسوه غيرك دمعي يا هــــوه
من زغري وعشگتك
يبو اليمه و خدمتك
الشكر لله الجعلني بمجلسك خادم
................
راسي عالي بخدمتك .. عايش بضل نعمتك
حسين لا تحرمني من هاي المجالس
ارزقني ابچيلك دمع .. و حيل ادگ أعلى الضلع
بيك خلي انجن واصيرن عابس
يمن قابل الحر يا سيدي اقبلنــــــي
شتريد اسبني انت بكيفك احسبني
يهنيالي و وجتــــك
يبو اليمه و خدمتك
الشكر لله الجعلني بمجلسك خادم
................
حسين من فدوه لديك .. ابتعد وتردني ليك
فدوه لأسمك يبو الرحمة الواسعة
عشگتك خلگ الله هاي .. متت ضامي وتنطي ماي
حسين ناس الما تحبك ضايعه
يبو الخيمه الچبيره الما ترد واحد
أريدك غير شخصك كلشي ما رايد
بوسط گلبي جعلتك
يبو اليمه و خدمتك
الشكر لله الجعلني بمجلسك خادم
................
حسين رايد بس رضاك .. اخدم وضلت وراك
الخدم غيرك يذل ويضل نادم
خيمتك گد السمه .. اقبلني يا بن فاطمه
مو الك لليخدمونك خادم
عفت كلشي و اجيتك خالص النيه
اريدك مني تقبل هاي الشويــــــــه
امسحت كلشي وكتبتك
يبو اليمه و خدمتــــــك
الشكر لله الجعلني بمجلسك خادم
................
احسب أيام واعد .. و المحرم استعد
روحي شگد تحن لأيام عاشورك
من بعدها بكل حنين .. انا أتاني الأربعين
ويا المشايه اجيك الطالعه تزورك
حچايه بگلبي ضلت لازم احچيها
رجل الما مشتلك خير ما بيهــــــا
عفت كلشي وتبعتك
يبو اليمه و خدمتك
الشكر لله الجعلني بمجلسك خادم
................
حسين الفيصلي
وحـــــــق القدم چفوفه ... وعينه
على حبك يبو الأكبـــــر ... وعينه
اليسعى الخدمتك وفقه ... وعينه
اشمله برحمتك يبن الزچيه
................
حسين الفيصلي
خبر عاجل
نزل عباس للطف شايل الرايه
أبو فاضــل
ولا واحد ثبت فوگ المسنايـه
تناقلت أخبارها .. الحومه طب صگارها
أبو فاضل
................
شد سرجها وبيده جر عنانها
صال عالشگره ونزل ميدانها
تلعثمت كل الكفـــــر فرسانها
حين شافوا طب گمر عدنانها
گمر هاشم
الجيش احتار خايف من خزر عينه
ولا لازم
هـــــــــذا الماي أخذه ولا تحاچينه
الحرب دگ انذارها .. الحومه طب صگارها
أبو فاضل
................
من ضرب سيفـه الكفر بچاها
صال ونجوم الظهـــــر راواها
الحومه ضاگت تيهت منواها
الخيل تردم بالزلـــــــم خلاها
أخو زينب
يخوف الموت من ينجاب طاريه
ولا يتعب
مبچي الزلم غير إبن بدويــــــــه
نحنت روس كبارها .. الحومه طب صگارها
أبو فاضل
................
سوايــــه سوه المحد مسويها
مثل گهوه الروس يطحن بيها
الزلم و الخيل گـــــص رجليها
أظن حالف كــــــربلاء يمحيها
ابن حيدر
بإسم حسين صاح ورتل اللسانه
منو اليگدر
هد أعلى الشريعه وسرفن اردانه
مسح كل آثارها .. الحومه طب صگارها
أبو فاضل
................
رد زلمها الگبل محـــــــــد رادهــــــا
الخيل بالطـــــــــف تيهت مشرادها
شمحله العمامه أعلى راسه الشادها
اليوم خيبر عاد كــــــــــل امجادها
أبو الغيره
سوه الما يصير بطفهم نشوفــــــه
منو غيره
مثل حيدر شجاع وتسطر چفوفه
ما تفيد اعذارها .. الحومه طب صگارها
أبو فاضل
................
ورثت بالطف صفت عطابــــــه
ضهضب وصارت عصف وترابه
گالوا العباس عده اطلابـــــــــه
وي خواله يريد يگضي احسابه
هتف بيها
وين صارت وينها أشباه الزلــم
يبچيهــــا
من نزلها الگاع صاحت و النعم
يدفن بكفارها .. الحومه طب صگارها
أبو فاضل
................
حسين الفيصلي
محنيه من تمشين .. بخطـــــواتچ تعثرين
زينب انشدچ وين .. شيخ العشيرة حسين
............
أنظر بضعنچ يزينب ماكوا رأيـــــــه
وين اخوچ الچان وي ضعنچ حمايه
شفتچ وما صدگت عود انتي هايــه
من الشمس احمر شفت لون العبايه
متعذبه مـــن دنياچ .. حيل الوكــــــت اذاچ
شو ما اشوفه وياچ .. شيخ العشيرة حسين
............
رحتي بأحسن حال ليش شغير الحال
بس حرم وياچ ردت فوگ الاجمـــــال
ليش بضعونچ يزينب ماكوا خيـــــال
من بعد ذاك الخدر بچفوفچ حبـــــــال
فوگ الزهزيله شلون .. بيچ الغرب يحدون
عالغبره ما مـــدفون .. شيخ العشيرة حسين
............
بكربلاء حسين وحده بيوم عاشـــر
باقي عطشان وغريب بلا مناصـــــر
ميته بالطف أصبحت كل الظماير
عينه تنظر للخيم بجروحه حايـــر
اطيح البيارغ كون .. الكل أسـود يلبسون
عالمنذبح يبچون .. شيخ العشيرة حسين
............
ظيم مر بيچ شكثر بالغاضريــه
الله كون يعين گلبچ عالرزيــــه
لكن بصبرچ يبت حامي الحميه
انتي ذليتي بصمودچ آل اميــه
يا بت علي الـــكرار .. بحال اليتامه شصار
راسه برمح يندار .. شيخ العشيرة حسين
............
گلبچ شگــــــــــد بي هظم الله يصبره
من نظرتي حســـــــــين متوسد الغبره
شفتي يا زينب شمر جاثي أعله صدره
كض لحيته وظل يحز بسيفه نحـــــره
بعد الذبــــح يا ويل .. بصدره تسحگ خيــل
دم نحره ظل يسيل .. شيخ العشيرة حسين
............
حسين الفيصلي
يا كل أمنياتي .. يا شمعة حياتي
زفيتك للسهام .. يبني الغالي جسام
يا شمعة حياتي
.................
حظريت الحنه يمه وحظرت يــــــــاس
ردت بيك اتبها يبني وأرفع الــــــــراس
حين شفتك يمه طايح مات الإحساس
بكل كتر مطعون يبني منين تنبـــــاس
اجيتك يمه احنيك .. شفت شچم جرح بيك
شسوت بيه الأيام .. يبني الغالي جســــــام
يا شمعة حياتي
.................
يكبر وليدي گلت واگعد بفيــــــــــــه
وانطر أيام العرس ومحنيه اديـــــــه
حلم متبدي أعلى گاع الغاضريـــــــه
انطشت إسهام أعلى جسمك واهليه
المن هاي الاشموع .. بعرسك تحله الدموع
وسفه حسابي ما دام .. يبني الغالي جسام
يا شمعة حياتي
.................
جفني ما لحظة غمض يبني بغيابك
بليلة العاشر طفت شمعة شبابـــــك
يا چبير جروحي مشغولة بمصابك
العطرك من اشتاگ أرد أشتم ثيابك
چنت ويالهوه تميل .. منك يخجل الهيل
طولك بالگبر نام .. يبني الغالي جسام
يا شمعة حياتي
.................
يالگلت لو شفتي شبان اذكرينـــي
ما نسيت وداعتك يشهد حنينـــي
يا تعب ذاك الربه و ثمرت اسنيني
ذكرياتك ما تفارگ لحظة عينــــي
كلما صار الغروب .. شمعة عيوني وتذوب
ماتت كل الأحلام .. يبني الغالي جســــام
يا شمعة حياتي
.................
يبني بغيابك ترى ظهري حنيتـــــــه
بروحتك يمه نهدم سور البنيتـــــــه
احسابي ما تم وسفه ذاك الحسبيته
الحيل من أمك يالمدلل خذيتـــــــه
بعدك ظهري مكسور .. بيه شسوه عاشور
ابچي والطم الهام .. يبني الغالي جسام
يا شمعة حياتي
.................
حسين الفيصلي
شگد شفت ضيم وقهر بالغاضريــــه
راحت إخواني و بگيت اصفگ بديه
بالطف حالي يا حال .. فراگ الأخوه كتال
راحت إخواني و بگيت اصفگ بديه
.....................
راحت أيام الدلال وراحت أيام الخـــــــــــــدر
حرگو خيامي عليه وحافيه أركض عالجمـــــر
راح وياكم عسنه ريته لا طال العمـــــــــــــــر
شما أريد أنهض يخوتي بسوط يضربني الشمر
وجهي وين ليا كتر يا صوب اديره
حرمه وحدي بلا عمام ولا عشيره
خلو بيدي الحبال .. فراگ الأخوه كتال
راحت إخواني و بگيت اصفگ بديه
.....................
أنظر بعيني الشماته حضروا نوگ الهــــــزل
جهزوا رحلة سبايه وشدو چفوفي بحبــــل
بالطفوف المر عليه ضيم ابد ما ينحمــــــل
ويلي بأرض الغاضريه تفرهد وطش الشمل
بعيني أنظر والأهل كلهم ضحايه
وسفه من بعد الخدر نطلع سبايه
دمعي من الجفن سال .. فراگ الأخوه كتال
راحت إخواني و بگيت اصفگ بديه
.....................
إنتهت عشرتنه بالطف تفارگينه ويالاهــــل
رحت عنكم عالهزيله بيه ما ضل كل امـــل
من مشيت وفارگتكم مدمعي عالخد نـــزل
بكربله وياكم حسافه ما أخذ روحي الأجل
ريت ميته ولا شفت هاي المصيبه
انا زينب هسه سموني الغريبــــــه
شيعدل حملي لو مال .. فراگ الأخوه كتال
راحت إخواني و بگيت اصفگ بديه
.....................
بصحره عالهزل مشينه شطوله يا درب اليسر
كلها شمات بضعنه راح حماي الخـــــــــــــــدر
من بعد كافلنه هسه صار حادينه الشمــــــــــر
من كثر ضيم الجرالي مني مل حتى الصبــــر
يا عذابي ومحنتي بذيچ الخرابه
المن أشرح قصة الليل وعذابـــه
المن قصتي تنگال .. فراگ الأخوه كتال
راحت إخواني و بگيت اصفگ بديه
.....................
وكتي حيرني بيتامه شلون حيره تحيــــــرت
طفله تبچي تريد أبوها تگلي عمه تحلمــــــت
چان ابوي حسين يمي هسه بعيوني شفـــــت
البل قصر سمعوا بچيها وجابوا الرأس بطشت
حنت وصاحت هلا براسك يغالي
شبگته وماتت رقيه شلون حالي
بخرابه وتچوي الارمال .. فراگ الأخوه كتال
راحت إخواني و بگيت اصفگ بديه
.....................
حسين الفيصلي
يالغبت عن عين البشر
يمته الفرج يالمنتظـــر
يالمهدي ياهو النشتكيلــه
يا صاحب الغيبة الطويلة
يالمنتظر
...........
ندعي بحزن رب السمه
وينك ييوسف فاطمـــه
عيون التحبك باقيه تراقب
بالفاتحـــــــه نقرا شكثر
يالمهدي الك تسهيل أمر
ياربي عجل طلعت الغايب
طال الزمن ... يبن الحسن
يمته نقبل چفوفـــــك
بليل الهجر ... راح العمر
يالمهدي يمته نشوفك
ننتظرك بفارغ صبــر
يا وكت لاحبابك تمر
راح العمر ليلة أعلى ليلة
يا صاحب الغيبة الطويلة
يالمنتظر
..........
للفرج ندعي بكل فرض
جور نملت هاي الأرض
أظهر بعدلك سيدي امليهــا
ناس التحبك تانتك
يا وكت تنشر رايتك
بس انته أهل الظلم تمحيها
دمع الجفن ... يجري بحزن
ساعـــه ظهور تناتي
بضيم وقهر ... يالمنتظر
مر بينه چم سفياني
يا يوم يالمهدي الوعد
مولانا يالغايب مـــــدد
جرحك ولا يوجد مثيلــه
يا صاحب الغيبة الطويلة
يالمنتظر
..........
شچم ظهر كسرت فرگتك
شتاگينه تدري الشوفتــك
للفرج ندعيلك يمهدينه
مر الصبر ما ينحمل
نتنطر اهلالك يهل
ميتين بس شوفتك تحيينه
هجرك صعب ... ذاب الگلب
شتاگينه عطرك سيدي نشمه
وكت الفتن ... هذا الزمن
بنورك نريدك تكشف الظلمه
دنيانه من دونك صفت غابه
ينوخذ حق الماله طلابــــــه
ما عدنه غيرك كل وسيله
يا صاحب الغيبة الطويلة
يالمنتظر
..........
لچمات گلبـــــــك منترس
ياهو الذي بجرحك يحس
يالمهدي كون الله يعينك
راسك صدگ شيب نمله
شسوت بحالك كربلـــــه
للمنذبح دم تبچي عينك
عايش ألم ... نار وخيم
ما تنحسب لچماتك هواي
تبچي وتون ... عايش حزن
دمعك يهل من تشرب الماي
ليلك تخلصه بونه وبحسره
عالمنذبح خانگتك العبـــره
دمعك على حسينك تسيله
يا صاحب الغيبة الطويلــه
يالمنتظر
..........
گلبك يغايب ينشلـــــع
من ينذكر طاري الضلع
لچمات خلـــــــه بگلبك الباب
عايش غريب الوحدك
يالمهدي الله يساعدك
وحدك عشت ما عندك أحباب
سم وذبح ... سيف ورمح
ناسك گضو كلهم يغايـــب
نار وخيم ... عين وسهم
بعمرك عشت كل هالمصايب
بجرك ولا حسينه ابــد
لحظات جمرك ما خمد
ينوح المفارگ خليلـــــــه
يا صاحب الغيبة الطويلة
يالمنتظر
..........
حسين الفيصلي
رزقني الله هذا اليوم زيارة سيدي و مولاي الحسين واخيه ابو الفضل العباس وسيدي مسلم بن عقيل عليهم السلام لم انساكم بالدعاء والزيارة
Читать полностью…
حيدر غـــــاب يا گـلبي علي وين
الحجر من سمع ونأتي علي وين
شگل لأيتامـــك التسال علي وين
اگلهم راح حماي الحميه
..........
على المطبور فوگ الراس والهام
ادگــــــــــن بالصبر شيفيد والهام
بعد عينك لفاني الحـــــزن والهام
وبقيت محيره بهاي المسيه
..........
حسين الفيصلي
عظم الله اجورنا واجوركم بوفاة ام المؤمنين
خديجة الكبرى