1581
قناة مخصصة لنشر القصائد الولائية
حسرة المحب لحرمانه من زيارة الأربعين
يا حبيب .. اسمي ويّا الناس ما سجلّته زاير
يا حبيب .. بالـمجالس سجّل اسمي الليله حاضر
طلبه اسمي اتسجّله • وجنبه (عاشق كربله)
.....******.....
يا حبيب آنه الـموالي ابدمعة الآه
أصرخ ابليلي ونهاري وا حسيناه
واسم أبو اليمّه يبعد الروح أهواه
وقلبي عاشق هالاسم چن عايش اوياه
يهتف ابذكره فؤادي ويجري بدْماه
وهالاسم بالدنيه والله صعبه أنساه
ما يغيب .. اسم أبو اليمّه ولا لحظه نسيته
يا حبيب .. من حليب أمّي أنه اسمه احتسيته
أكتب اسمه بسمَله • وجنبه (عاشق كربله)
.....******.....
انته بوّاب الإمام لذكره مذخور
ودفترك بيه الأماني ويحتوي نور
اليزور احسين عندك اسمه مذكور
ولتسجّله ابدفترك مكتوب اِله ايزور
يا حبيب وآنه قلبي شوفه مفطور
ليش اسمي ابدفترك ما خطّته اسطور
الدموع .. غسّلتني امن الحزن فقدت أملها
والجفون .. بس تجاوب بالدمع كل مَن سألها
وقلبي حاير من اِله • وجنبه (عاشق كربله)
.....******.....
يا حبيب انته لتسجّل اسم لأحباب
ولتسجّله امن البُعد يوصل للاعتاب
يوصل ويقصد قبر بن داحي لأبواب
وآنه عندي اوياك يابن ظاهر اعتاب
يمتى اسمي اتسجّله وَيْ هاي لاصحاب
أقسم اعليك ابإمامك يبن لاطياب
يا حبيب .. أقسم اعليك ابضلع زهره الزچيّه
للحُسين .. سجّل اسمي زايره قبل الـمنيّه
قلبي خلّه يوصله • وجنبه (عاشق كربله)
.....******.....
منهو مثل احسين ظامي بالعطش مات
كل سنه ينعاد ذكره واسمه مرّات
حيّر العالم مزاره والشعارات
والدنيّه سطّرت باسمه الحكايات
من بعد ذبحه اعتلت خفّاقه رايات
انكتب بيها لحسين وآله ثارات
بالطفوف .. جثّة الـمذبوح وانصاره طريحه
يا حبيب .. وكل محب يتمنّى يوصلّه ضريحه
وتحسده كلّ الـملا • وجنبه (عاشق كربله)
.....******.....
مُنيه عندي من وعيت ابدنيه لاكدار
أوصل لطف كربله من ضمن لاسفار
أقصد احسين وعضيده وكلّ لاطهار
وانحسب ويّا الأحبّه الشيعه زوّار
واجري لحسين ومصابه هامي لاعبار
وبالقيامه الدمعه عنّي اتطفّي النار
بالحساب .. دمعتي اعلى احسين أحملها ابچفوفي
ما أخيب .. تستحي النيران ما تقرب حروفي
اسمي بحسبن اعتله • وجنبه (عاشق كربله)
.....******.....
أبو فاطمة الأحسائي
١٤٣٨/٢/٧هـ
نزلة لأم البنين عليها السلام
يا علي انعزيك في أم البنين
*
يا علي انعزيك في خطبن جرى
ماتت الليله الحرّه الطاهره
ومالها ضلعين منها امكسّره
وما هي مثل الزهره هم ملطومه عين
*
ماتت ابحسرتها أم الأربعه
واليحبها اعليها يجري مدمعه
بس يبو الحسنين ماهي امروّعه
مثل ما ماتت قبل أم الحسين
*
من بعد ما قضّت أيام العمر
وسمعت المظلوم مقطوع النحر
والبطل عباس ظل اعله النهر
وقطّعت منّه العدا بالطف يدين
*
هاذي القضّت عمرها بالحزن
ابقلب مفجوع تنعى أم الحسن
وشكثر شافت بلايا وي محن
والقلب مفطور من جور السنين
*
ربّت الأولاد كلْها اعله الوفه
واعله حب اولاد طه المصطفى
والدمع فوق الوجن دم تذرفه
اعله بنتك زينب واعله الحسين
*
ابقلب ناعي ومدامع ساجمه
جينه انعزيك يا حامي الحمى
والعزا هم نرفعه حق فاطمه
وحق أبو اليمّه ومقطوع اليدين
*
فاطمه الليله وحيده ابلا ولد
عالفرش ممدوده ماعدها أحد
منهو يدفنها يحيدر باللحد
وهيّه فقدت من قبل كل البنين
*
نسأل الباري ابجلالك يا علي
الشدد عنّا ومحنّه تنجلي
مالنه غيرك يبو العتره ولي
وفاطمه الزهره وبنيها الطاهرين
*
أبو فاطمة الأحسائي
١٤٤٣/٦/٨هـ
في مصاب أم البنين
عليها السلام
بخدمة علي وي عترته وبنته العقيله
وبحبّي لأم احسين صرت آنه جليله
وقدمت لبنين * لنصرة الدين
……
فاطمه آنه الجليله وأمّ لبنين
الله شرفني ابخدامة حامي الدين
شايله ابقلبي العزيزه أمّ لحسين
وارتفع شاني ابسبب حب الميامين
ابدلالي عاش المرتضى وجملة بنينه
وبروحي أخدم فاطمه مهجة نبينه
وراحوا هلاثنين * لنصرة الدين
…….
حيدر ابروحي أفدّي وقلبي يهواه
ولجرى اعله الزهره فاطم حاشه أنساه
والحسن روحي سكنها وزينب اوياه
وذكري أصبح كل فريضه واحسيناه
للمرتضى آنه انذرت روحي هديّه
وحزت الكرامه ابخدمة أولاد الزچيّه
هالمهجه والعين * لنصرة الدين
……
ساكن ابروحي الوصي وبقلبي نبضات
وعيني من شافت علي شفت الكرامات
اوسفه هالعشت ابحنانه بالغدر مات
وبفؤاده من غدر هالأمه غصّات
شفت الوصي المرتضى مفضوخه هامه
اوسفه أبو الحسنين ما كمّل اصيامه
ذبحو أبو احسين * لنصرة الدين
……
والحسن بعد الوصي عاشرته بالنوح
ظل على الكرار حيدر دمعه مسفوح
وهم ينوح اعله عضيده العقبه مذبوح
ما مثل يومك يقلّه وقلبه مجروح
وسفه الحسن بعد الوصي مفطوره چبده
بالسم يويلي وننتحب ظلّينه بعده
وبقلبه نارين * لنصرة الدين
……
شيعتي شوصف مصابي وفجعة البين
ما شفت بالدنيا راحه امن الملاعين
من بعد شبّر حبيبي وحامي الدين
الدهر روّع فؤادي ابذبحة احسين
ونذبحت اولاد اربعه فدوه لخوها
وبكربله ذيچ الوديعه ضيّعوها
ظلّت بله امعين * لنصرة الدين
……
خلصت ايامي يشيعه والقلب ذاب
وما أظن ظل ابحياتي ودهري احباب
من سمعت احسين جسمه ظل على اتراب
وانظر لراس العقيله امن لجرى شاب
بالدنيا صرت لعترة الهادي مطيعه
وصرت الوجيهه من بعد موتي وشفيعه
آنه ولبنين * لنصرة الدين
……
أبو فاطمة الأحسائي
١٤٤٣/٦/٦هـ
لاستشهاد النبي الأكرم صلى الله عليه وآله
اعله فراش الموت خير البريّه
يوصِي علي وتنعاه بنته الزچيّه
.…..*****…..
يا مرتضى اوصِيك بعدي ابوصايا
بعدي تشوف الضيم ويّا الرزايا
وسهام الدهر ترميك ابلا جنايه
وتلقى من العدوان جور وأذيّه
.…..*****…..
يا حيدره العدوان يظهر حقدها
لا مذهب اولا دين . لا غيره عدها
تهجم عليك اوغاد محّد يردها
وتتروع الأولاد ابهالرزيّه
.…..*****…..
ليث الوغى المعروف انته يحيدر
واعله الذي بيصير بعدي تصبّر
ضلع البتوله ابجور منها ايتكسّر
ومحسن تشوفه ايطيح فوق الوطيّه
.…..*****…..
همّ العدا الأشرار بس يهضمونك
ايهجموا عليك الدار ويقيّدونك
ومن حقك المخصوص هَم يحرمونك
وهم ينغصب ميراث بنتي الزچيّه
.…..*****…..
يا زهره منّ القوم تلقي المآسي
امصابچ يهد يا حيف عظم الرواسي
شيّب من العدوان يا بنتي راسي
وقلبي يا بنتي ذاب من جور الدنيّه
.…..*****…..
بعدي يبنتي القوم دارچ يطبّون
ابحقد وضغينه وجور عينچ يطلمون
وإرثچ من الجبّار منّچ يغصبون
وحيدر أبد ميثور عنده وصيّه
.…..*****…..
يا زهره لا تبچين بطلي ونينچ
من بعدي تنهضمين والله يعينچ
وتجيني بعد اشهور ملطومه عينچ
ومنّچ ضلع مكسور يا هاشميّه
.…..*****…..
شحچي وشقول القوم ما بيها راحم
وحيدر علي أنعاه لو هالهواشم
سمّ وظلم واضغان يا بنتي فاطم
واعظم مصاب ايصير بالغاضريّه
.…..*****…..
أبو فاطمة الأحسائي
١٤٤٣/٠٢/٢٤هـ
في ذكرى وفاة السيدة رقية عليها السلام
بويه خوفي امن الدعيّه .. الدعيّه
لو سمع اسمي رقيّه .. رقيّه
ولو درى إنّي يتيمه * تبتدي القصه الأليمه
......****......
بويه بارض الطف يبعد أهلي عفتني
من بعد عزّي ودلالي فارقتني
بين ظلاّم وأعادي ضيّعتني
واحلم ابطيفي تجيني واعدتني
من بعد عزّي ودلالي .. دلالي
فارقت شخصك يغالي .. يغالي
من بعد فقدك هضيمه .. تبتدي القصه الأليمه
......****......
عايشه چنت ابمهابه في حماكم
ما عرفت الهم ولا الذلّه معاكم
يبتشر قلبي إذا رفرف لواكم
وهسّه ترضاها تذل بنتك عداكم
صرت أنا ابهمّي غريبه .. غريبه
ودورة الدنيه عجيبه .. عجيبه
صارت اللوعه عظيمه .. تبتدي القصه الأليمه
......****......
من بعد هيبة مقامي والجلاله
ركّبوني اعلى الهزيله هالنذاله
والقلب يا بو الأيمّه ظل سؤاله
وين أبويه اللي عشت عزّي ابظلاله
هالعدا بويه اضربوني .. اضربوني
ومن بچي اللوعه امنعوني .. امنعوني
ومن تهل دمعه سقيمه * تبتدي القصه الأليمه
......****......
لوّعتني اسياط أميّه لوّعتني
ومن ضرب زجر وخولّه اسود متني
ومن أصيح أسمع عواسل جاوبتني
وكل هضم هذي الأعادي جرّعتني
انظر امتوني يبويه .. يبويه
أصبحت سوده يبويه .. يبويه
ومن تهل دمعه سجيمه * تبتدي القصه الأليمه
......****......
شفتك ابطيف وتناديني رقيّه
أحضرچ هالليله يا بنت الزچيّه
ومن تشوفيني يبنتي ابهالعشيّه
ونومتچ تصبح على راسي هنيّه
أنظره ابحاله غريبه .. غريبه
منحرك واسمع نحيبه .. نحيبه
والدچ هذا كريمه * تبتدي القصه الأليمه
......****......
نلتقي آنه اويا راسك يا حبيبي
تشرح امصابك وأنه أشرح نصيبي
ويعتلي منّي على راسك نحيبي
وتصعد ابروحي لإله الحق حسيبي
تسمع ابلوعة مصابي .. مصابي
واشتكي لله عذابي .. عذابي
وللحرم تبقى الهضيمه * تبتدي القصه الأليمه
......****......
أبو فاطمة الأحسائي
١٤٣٨/١/٢٢هـ
السيدة رقية تخاطب رأس والدها عليهما السلام في خرابة الشام
آنه رقيّه ومن قبل تحسدني الناس
احسين أبويه والحسن عمّي وعباس
وهسّه ابدواوين * يا راسِ لحسين
.....*****.....
يا راس أبويه ابهالوگت لا تجذب الونّه
خلني أسولف محنتي وخل أنشدك عنّه
وصّلني يَمّه بالعجل يا ريحة الجنّه
لا . لا تقول انته بعد هم منحرم منّه
عجّل يراس ابن النبي مشتاقه لحسين
ودّي أشمّه ابمنحره قلّي الأبو وين
مشتاقه هالعين * يا راسِ لحسين
.....*****.....
يا راس أبويه لا تهد ابحچيك اصروحي
ما تدري عنّي فاقده بعد الأبو روحي
زايد عليّه ابفرقته في كل وگت نوحي
ويكفيني كل شهقة نفَس اتنفّس اجروحي
يا راس أبويه اشهالجروح التجري بدموم
وشفافك اشبيها الورد ذابل منِ الصوم
والضربه من وين * يا راسِ لحسين
.....*****.....
يا راس أبويه ما ترد جسم الأبو وينه
ما عوّد ابنيته الهجر تشهد له اسنينه
الهسّه عيني ساهره يا راس أبو اسكينه
وما ظنّتي غمضت بعد من فرقتي عينه
عنّي أبويه سافر وخنقتني لانفاس
ميّت لون حي والدي جاوبني يا راس
زيّدتِ لونين * يا راسِ لحسين
.....*****.....
جاوبني يا راس الأبو من خمّد انفاسه
ومنهو التجرّه امن الخلق يقطع بعد راسه
فارقني بو اليمّه ورحل عن قلبي احساسه
واسمع يقولون الشمر نسل الخنا داسه
من فرقته الوالد ترك بالمهجه اجروح
واسمعهم ابطف كربله ايقولون مذبوح
ومقطوع ليدين * يا راسِ لحسين
.....*****.....
خذني معاك لوالدي يا راس أبو اليمّه
خلني أسولف له الهضم واسمع بعد همّه
يحلى مماتي من أصد ابمهجتي يَمّه
ويا هي سعاده ابهالوگت أتخضّب ابدمّه
ماتت رقيّه والقلب لحسين ولهان
ابذيچ الخرابه وانتهت لوعات واحزان
وينعى لها الدين * يا راسِ لحسين
.....*****.....
أبو فاطمة الأحسائي
١٤٣٩/١/٢٩هـ
👆🏻 قصائد استشهاد الإمام زين العابدين وسيد الساجدين عليه السلام
Читать полностью…
حسرة لزيارة الأربعين
قلبي يمّك سيدي ابكل لحظه حاضر
وتشهد اعليّه المآتم والشعاير
وكل سنه ادعو ابحنين * ازحف اويا الزائرين
سجل اسمي يا حبيب * في زيارة لاربعين
……….
حسره في قلب الموالي ابهاي لسنين
من يشوف ابكل سنه احشود وملايين
تزحف ابلهفه لقبر مولايه لحسين
ويبقى محروم الزياره ابدمعة العين
قلبي يابو اليمّه بالحسره ايتعذّب
من معينك يمته يا مولايه أشرب
وانظر ابعيني الضريح * وآه يبو اليمّه أصيح
قلبي ابقربك يطيب * في زيارة لاربعين
……….
من زيارة سيّدي ليش آنه محروم
ولهفتي الشوفت ضريحه اتزيد كل يوم
وقلبي صاير من كثر هاللوعه مهموم
ودمعتي ابخدي لمصابه تجري ادموم
أدري ذنبي اللي ترك عمري ابخساره
واسمي شاله من سجلات الزياره
يمتى للباري أتوب * أثقلت ظهري الذنوب
وامشي لحسين الغريب * في زيارة لاربعين
……….
ودي اتعنّى لضريحك يابو لاحرار
وانكتب ويّا الجيك الحضره زوّار
لچن اللوعه ابضميري تستعر نار
والدمع يجري اعله خدّي ابلهفه مدرار
تدري بيّه بو علي مشتاق ازورك
وبالضريح اشتم يبو اليمّه عطورك
عبدك وما بين ايديك * مرجعه منّك اليك
منيتي أبچي بنحيب * في زيارة لاربعين
……….
أحچي بالدمعه واطلبك والقلب ذاب
وادري الينخى إمامه ما أبد خاب
واطلب ابجاه البتوله وداحي الباب
مرّه لو أقصد ضريحك ويّا لاحباب
بربعينك سيّدي سجّلني حاضر
لو ازورك سيّدي في يوم عاشر
راحت ايام الدهور * وآنه أتمنّى أزور
وانعى للجسم السليب * في زيارة لاربعين
……….
عايش ابنعمه أنا ابحب الميامين
وهالمحبّه ابقلبي تسري اشهور وسنين
خدمت العتره الشريفه ابرقبتي دين
والله لا يحرمني هذا الساعت البين
انفطر قلبي على حب الأماجد
ولهم ابقلبي ضرايح ربّي شاهد
مُنيتي ابقلبي الجريح * انعى وامشي لكل ضريح
واوصل لقبر الغريب * في زيارة لاربعين
…..
أبو فاطمة الأحسائي
١٤٤٤/٠٢/١٨هـ
قصائد وفاة أم البنين عليها السلام
Читать полностью…
أسعد الله أيامكم بذكرى ميلاد الصادقين عليهما السلام
Читать полностью…
في ذكرى استشهاد رقية
عليها السلام
( خطاب بين السيدة رقية ووالدها الحسين عليهما السلام عندما رأته في المنام )
قصتي بالدنيه صارت مؤلمه
طفله ومتوني يبويه امورّمه
بغربتي اتخلوني * بويه نور عيوني
…..*****…..
بويه كم ليله انام ابصرخه واهات
وبمنامي بس أجر يالغالي ونّات
ومنّ أسايل عنّك ودمعاتي جمرات
أسمع يقولون بالطف والدچ مات
من يمر طاريك بويه ابمسمعي
عالوجن يجري ابحراره مدمعي
والنحيب افنوني * بويه نور عيوني
…..*****…..
أذكر احضانك يبويه وحزني ايزيد
واسمع ايقولون عنّك سافر ابعيد
من بعد عزّي ودلالي اويا الاماجيد
صرت أنا ويّا الأعادي أقطع البيد
هالدرب يحتاج راحه ياهلي
وما شفت من هالعدا راحم الي
اذكر العافوني * بويه نور عيوني
…..*****…..
بويه يالغالي عفتني وسافرت وين
بعدك جروحي غزيره وتهمل العين
ومن عفتني صرت أناشد هالنساوين
وكل طفل مثلي أسأله عنّ لحسين
اسأل ودمّي مثل دمعي جره
وبضلوعي النار بويه اموجّره
والنِسه ايسلّوني * بويه نور عيوني
…..*****…..
أطلبك بويه ابجراحي وصرخة الآه
لا تعذّبني ابغيابك كافي والله
جرحي ابفرقاك بويه صعبه أنساه
وهالدهر عذبني بويه اشعندي ويّاه
بويه بنتك ما بقى بيها جَلَد
وانته روحي ومن تروح أبقى جسد
يكفي شوف امتوني * بويه نور عيوني
…..*****…..
بويه ليش ابجسمك أنظر هالجراحات
ابكل عضو دمّك يسيل وكلّه طبرات
ومن فصل عنّ الأرض نور السماوات
ونحرك ايكلّمني بويه اشهالكرامات
من قطع راسك يروح المرتضى
وجسمك المرضوض ياهو الرضّضه
ابذبحتك أذُوني * بويه نور عيوني
…..*****…..
جاوب احسين اليتيمه وقلبه مجروح
ابشوقي جيت ابهالمسه يا مهجة الروح
هالمسه موعد تلاقي الروح بالروح
وضمّها لصدره ابحنانه وقامت اتنوح
بويه شوقي لجيّتك ما ينوصف
اطلب من اهلي ابمدامع ما تجف
لوالدي ودّوني * بويه نور عيوني
…..*****…..
أبو فاطمة الأحسائي
١٤٤٣/٢/٣هـ
في ذكرى استشهاد السيدة رقية عليها السلام
سالت عالوجن دمعة رقيّه
ونادت راس أبوها حن عليّه
عفت اقليبي وتروح • وترجع ليّه مذبوح
.....•••••.....
من لفه راسك يبو النفس الأبيّه
لهفه قبّلته وحضنته ابهاي ايديّه
وقلت أبويه اشلون ما يعطف عليّه
وليش راسه المنقطع جاني هديّه
جاني وبالدمه سابح أشوفه
ولجله دمعتي سالت ذروفه
ولجلك قلبي مجروح • وترجع ليّه مذبوح
.....•••••.....
شكوى عندي ليك يا راس الحبايب
خلّني بالحسره بعد أحچي وأعاتب
يوم عاشر وشكثر حلّت مصايب
وقلبي من فرقاك يا بو اليمّه ذايب
من شفتك تودّعنه ابدموعك
وآنه أنتظر لحظة رجوعك
وروحي بعدك اتنوح • وترجع ليّه مذبوح
.....•••••.....
ابحرقة اقليبي يبويه خل أكلمك
وعن جروح البيّه خلّيني أعلّمك
بس لفه راسك يبويه وينه جسمك
ومن خضب راسك يبويه ابفيض دمّك
جسمك وينه يا بويه وجمالك
ما تنظر يبو سكنه لعيالك
عفت العيله وتروح • وترجع ليّه مذبوح
.....•••••.....
چن أبو اليمّه على الوجنه دموعه
سالت اتخاطب رقيّه ابكل خشوعه
بنتي راسي اعلى الرمح يزهي ابطلوعه
ينظر لحالچ يبويه وكل مروعه
ما غابت عن اعيوني أمورچ
حتّى في منامچ جيت أزورچ
وقلتي ابقلبي اجروح • وترجع ليّه مذبوح
.....•••••.....
بويه جيتچ قصدي ابحضني أضمّچ
شوقي مو بس ابحياتي وآنه يمّچ
حتّى في موتي جرحني بويه همّچ
والمنيّه قرّبت منّچ أعلّمچ
جيت ابمهجتي نعشچ أشيله
قصدي آخذچ عنّ العقيله
عتبچ عذّب الروح • وترجع ليّه مذبوح
.....•••••.....
أبو فاطمة الأحسائي
١٤٣٧/١/٢١هـ
في ذكرى وفاة رقية عليها السلام
زينب يعمّه شفت أبويه احسين في النوم
ضمني لصدره والصدر يا وسفه مهشوم
وبلايه چفّين ** أنظر له بالعين
*.....*****
كل ما سألتچ يالحنونه احسين وينه
يا عمّه ما يسأل عن ابنيته الحزينه
اتقولين راح ايجيچ ياللي ترتجينه
باچر يجيچ وتلزم ايمينچ يمينه
ما قلتي يا عمّه أبوچ احسين مذبوح
رايح يمحزونه وبقى عالغبره مطروح
لو ادري في وين ** أنظر له بالعين
*.....*****
عمّه شفت احسين في نومي لفاني
يرهبني حاله وبالدمه في النوم جاني
ابلايه چفّينه يأشّر لي ودعاني
ومقطوع راسه وبالحضن عمّه خذاني
عمّه يزينب شفت أبويه وراسه مقطوع
ابدمّه لفاني والقلب من شافه مفجوع
مقطوع ليدين ** أنظر له بالعين
*.....*****
عمّه چنّي احسين بدمومه أشوفه
ومن نظرته ابحالته ونفسي شغوفه
دمعتي سالت على الوجنه ذروفه
وروحه أخاطبها يبو النفس العطوفه
بويه إذا ليلي يجي أفرش لك اوساد
وافرش إذا هلّت صلاتك روحي سِجّاد
وچنّ الولي احسين ** أنظر له بالعين
*.....*****
عمّه چنّ احسين قبّلني ابجبيني
وقال انتي ابهالمسه ضيفه تجيني
من بعد ما فرّقوا بينچ وبيني
لازم ابهاي العشيّه اتجاوريني
مفزوعه قمت امن الحِلِم ودموعي اتسيل
لنّي نظرت احسين جاني ابدمعة الويل
امترّب الخدّين ** أنظر له بالعين
*.....*****
چاوينه يا عمّه الحضنّي ابهالعشيّه
چنّي يعمّه أسمعه ينده رقيّه
ودّيني يَمّه بالعجل روحي شجيّه
من قبل تلفيني يمحزونه المنيّه
سمعوها تنحب والعِدا جابوا لها الراس
والطفله حضنت راس أبوها وخمدت أنفاس
راسك يلحسين ** أنظر له بالعين
*.....*****
أبو فاطمة الأحسائي
١٤٣٧/١/٢٦هـ
في ذكرى استشهاد الإمام السجاد (ع)
يا باقر العلم القلب لا تلومه مجروح
عمري قضيته وما نسيت احسين مذبوح
اتنفّسه اهموم * من راح لليوم
…….
يوليدي يمحمد أنا عمري نذرته
لحسيني جدك يوم عالغبره نظرته
اشلون أنسى والدي من يوم شفته
اولا تنسه بيدي ابحفرته آنه لدفنته
احسين شفته والجسد يوليدي مهشوم
اختلطت اعظامه مع لحمه ولدموم
وقليبي مالوم * من راح لليوم
……
مرّت عليّه اسنين وآنه في عزائي
لا ليلي اقطع لا ولا انهاري بكائي
اصبح حديثي ابكل وقت نوحي ورثائي
وبكل قنوت احسين ضمّنته دعائي
ماتم نصبته اعله الولي ابمجلس ابن زياد
وبمجلس الطاغي نصبته ابمحضر اوغاد
ودمعاتي ادموم * من راح لليوم
……
يوليدي حزني اعله الابو ما توصفه چف
ودمعي على احسيني مدى الأيام ما جف
ما تدري بيّه شالجنت يالباقر الطف
خلّتني عالغبره اون واعضائي ترجف
ما أنسى بويه وذبحته في يوم عاشور
يوليدي جثّه شافته هالعيله منحور
ومسلّب اهدوم * من راح لليوم
……
يوليدي ما چنت اهتني ابزادي وشرابي
واتحسّر اعله اللي جره ابآل الكتابي
بنياحي راحت يالولد زهرة شبابي
من شفت أبو اليمّه وعلى صدره الضبابي
اللي يهز مهده الوحي ويخدمه ميكال
يصعد على صدره الشمر ويدوسه بنعال
ولهذا مغموم * من راح لليوم
……
يوليدي مثلي ابكربله چنت انته حاضر
وحسين جدك تنظره ادّوسه الحوافر
اتمنّيت بعد اللي جرى تعمه النواظر
اولا شافت اعيوني الحصل وآنه ابلا ناصر
احسيني شفته والقلب من شوفته ارتاع
ما خلّت الخيل ابجسد هالوالد اضلاع
وخلاني مهموم * من راح لليوم
……
كلّ المواقف من تمر اعليّه صعبه
اتذكّرني باللي منذبح ما ذاق شربه
واذكر مسيري اويا الأهل بدروب غربه
واللي نظر اهله ابدماها ايعينه ربّه
من انظر اشياه تنذبح اتذكّر احسين
وسهم النزع من مهجته يا ويلي ثلثين
اوما اهتني ابنوم * من راح لليوم
……
حانت وفاتي وآنه يوليدي ابعزيّه
ما زالت ابعيني تمر الغاضريّه
ولو بيدي يحصل من قبل القه المنيّه
خلّوني جثّه ابلا چفن فوق الوطيّه
لو يحصل ابشرع الله ويحصل على اهواي
ماريد أنا مثل السبط تسقوني الماي
أتذكّره دوم * من راح لليوم
……
أبو فاطمة الأحسائي
١٤٤٣/١/١٣هـ