826
@Xzeih معرفي للتواصل. ما لي سواكُمْ يَا بني الهادي مرامْ ولأجلِـــكمْ كانـــتْ "قناةُ التلگرام
(أمنية خادم)
آنه واثق من تغمض عيني
اول الوادم تجي يحسيني
واتصيح يالخادم هله..يالبيك ريحة كربله
لاتخاف
...
من كثر ماعنك اسمع بالمجالس
الحر قبلته سيدي وجننت عابس
سوله صار الموت بيه وعندي واهس
اندفن بدموعي وبسود الملابس
عجل اللهم اصيح بموتي
حته بالحضره يطب تابوتي
ترتاح روحي بحضرتك.. وتركض وراي احجايتك
لاتخاف
....
مثل مازرتك اكيد اتزور گبري
وانته مولاي بحنانك كلهه تدري
آنه خادم و اللطم ماعاف صدري
كون اموت ابمجلسك وادموعي تجري
هيه هاي اللحضه الاتمناهه
روحي تطلع والدموع وياهه
واتگلي يالكلك عشگ.. واعليه حيلك محترگ
لاتخاف
...
آنه ياما الكربله رحت بحراره
ماعفت ليلة الجمعه والزياره
احترگ مولاي اذا شفت المناره
اذكر الحاجب الطابرته الحجاره
احسين اريدك لمن ايدفنوني
واهلي لو راحو سوه وعافوني
ابهالساعه اريدن جيتك.. اتبشرني كون ابسمتك
لاتخاف
...
احسين وحشه المگبره وآنه انخه بسمك
ابوحشة الموته اضل واحتاج اشمك
الله كلشي انطاك وانته الزهره امك
منكر وعالم البرزخ ذني يمك
يعني تگدر تحييي حته انفاسي
كون گبلك شمر گاطع راسي
امعيشني شوغات الذبح..واتگلي من فوك الرمح
لاتخاف
.....
اهناك اسويلك عزاء امن التريده
الزهره تلطم وآنه اردن بالقصيده
ياهو مثلك كلشي الله امخلي بيده
كلشي يعتگ وانته ايامك جديده
انته بالبرزخ امير وحاكم
بعد من الله شيريد الخادم
الناس من اتلقنه..انته التجي واطمنه
لاتخاف
....
مجلسك ديني يبواليمه وصلاتي
مجلسك انفاسه تمسح سيئاتي
آنه لو بالخدمه واتخلص حياتي
هيه هايه العاقبه البيهه نجاتي
من اموت وانته تتلگاني
اهناك اعيش اوياك عالم ثاني
وحيدر يوقع فايلي.. ياكلبي يالعاشك علي
لاتخاف
.....
اللهم ارزقني شفاعة الحسين يوم الورود
#الشاعر #محمد #الجماسي
@HxzEU1
قناه نشر القصائد المنبريه
👇👇👇
يا خيل اعله كيفج نام حسين توه
اول ميت انشوف هيجي يموت كوه
*
يا خيل اعله كيفج ويه صدره
كافي امن السحك اذيتي ضهره
عاينت الشمر حز بيده نحره
صعبه حسين ميت هيجي انضره
امن الدم ما عرفته وما حسبالي هوه
اول ميت نشوف هيجي ايموت كوه
****
توه حسين بالخيمه وعدل جان
جا مات اشوكت ياليل الاحزان
حرام ايموت اخوي حسين عطشان
ينزف دمه اشوف امنين ما جان
ومن العطش يا ناس جبده اشكد تلوه
اول ميت انشوف هيجي ايموت كوه
****
صحت اشغيرك يا بعد العيون
اكعد كامو بزينب يشتمون
من الصوط صارت زركه المتون
انه اتباوع وهمه يحركون
وخدي من الدموع خويه اشكد تجوه
اول ميت نشوف هيجي ايموت كوه
*
هذا العل رمح ما صدك حسين
اشكد امن الشمس متغير الحنين
يا خيل اعله صدره لا تسحكين
شو كمتي تدوسينه وتردين
ينهض كام ويطيح وما يخطيله خطوه
اول ميت نشوف هيجي ايموت كوه
****
ما متوقعه هيجي ايموت الهواي
صايرله اشكثر ما حاجي وياي
اعتب عالحوافر لو عله الماي
بهداي ويه زينب بله بهداي
كظيت اويالحسين والله ايام حلوه
اول ميت نشوف هيجي ايموت كوه
*
صحت بصوت كوم الحك عليه
اكعد شوف متني وشوف اديه
عكبك شمتت العدوان بيه
وعنك خويه راح امشي سبيه
ما يرحم حجي الناس وبلوت عمري بلوه
اول ميت نشوف هيجي ايموت كوه
***
تمت
تحسين الخفاجي
كلنا....... نبكي على عمتنا الغريبة
كل الائمة اتهل دمع بس عيني مبجاهه بدمه
بالطف سبو مو بس مره انه انسبت مني السمه
متعلمه زينب على الستر عالناكه ما متعلمه
من تنهضم تنخه بعلي وبالليل تنخه بفاطمه
ايها ... الناعي فهل تروي لنا المصيبة
كلنا ...نبكي على عمتنا الغريبة
//////////////////////
هم شفتو علويه انسبت لو هاشميه ابنص غرب
ولأي جهه من تلتفت بالسوط عمداً تنضرب
الليل اذا جلجل تره لبيوتهه الوادم تطب
وعماتي ما عدهن وطن جن واحد امتيّه الدرب
خربة الشام لها مصائبٌ عجيبه
كلنا ..نبكي على عمتنا الغريبه
/////////////////
هم شفتوا يا عالم اخت اخوتهه ماتو بالسره
لمت افراش البلخيم وفرشت فراش المكبره
واحد جفوفه امكطعه واحد ضلوعه امكسره
واحد يحط من المهر واحد سكَط عالكنطره
شيعتي ....فأرتقبوا الطلعة القريبة
كلنا نبكي على عمتنا الغريبة
////////////////////
لو اسمع بطاري السبي خنكة المسجون اختنك
انعي يناعي اعله الخيم خليني وياهه احترك
اتشاركنه آنه وعمتي بالنوح والون والعشك
هذا اني ابو ادموع الحمر وهيه ام الامتون والزرك
جرحنا ..لا ينتهي وكربلاء طبيبة
كلنا نبكي على عمتنا الغريبة
///////////////////////
هم شفتوا طفله من البجي ذبلانه والمدمع يهل
ما ضاحكه من اهد الخيم من جان عبد الله الطفل
ترفات اديهه اتخيلو شيسوي بالترفه الحبل
وحسين ابوهه اعله الرمح بس هيه تتصور عدل
انها رقيةٌ وابنته الحبيبة
كلنا ...نبكي على عمانا الغريبة
ماتت رقيه اعله النحر من شافت الخير ابطشت
وانه ابجي من يوم السبي والهسه لاجن ما متت
للدنيه اجيت ابلا فرح ومن اهلي ليش اتيتمت
ما بين شام وكربله ابهذا الدرب هايم عشت
عجل الله الفرج يا دعوتي المُنية
كلنا نبكي على عمتنا الغريبة
( الشاعر محمد الجماسي )
السيدة رقيه تخاطب الذي اخذ منها ( التراجي ) وتقول له:
زغيرة عمر بس استحي حرك الخيم عذبني
احتركت عباتي وما بقت بس شيلتي التسترني
سلابي لتعت بيه .....من تاخذ الترجيه
...............................................
وين انطي وجهي ابهل مسه ماكو كفيـــــــل الهل نسه
عطشانه بس حد العطش ومني الشفايف يابســـــه
يوم السبي كلشي انفكد
كلشي احترك حته المهد
لا انتظر كـــــــــــافل يجي
لا والد الانطر بعـــــــــد
محتاره دكات الكلب ...**... من تسرع بنبضاتي
حيرة طفل يوم السبي * كلمـــــا اهل دمعاتي
مخنوكة حته الريه ..... من تاخذ الترجيه
...................................................................
وين الهوى مخنوكه احس بدخان اجر كوه النفس
من اعثر بجدمي احترك ويسحكني جم حافر فرس
مرات اطيحن واندفع
كل طيحه تكسرلي ضلع
شحمات أذاني اتشككن
كوه التراجي تنشــــــــلع
من الجمر من السحك ...****. كوه اطلعت بثيابي
تاليها بالسوط انضرب ...***. ويوكف علي سلابي
طفله وصرت مسبيه ... من تاخذالترجيه
.................................................
ضاكت عَلـّي ارض وسمه وشفافي فطرها الضمه
من امشي اميل بخطوتي واذكر كسر من فاطمه
اركض واصيحن يا هلي
ياهو البقه منكم الي
اتوجه الحامي الحمـــــه
ماعندي غيرك يا علي
مرتني ساعه من العمر ***** جن قامت القيامه
وينك الكه حماي الحمه ****يكشفلي عن الثامه
زغيره وتشمِت بيه ... من تاخذالترجيه
..............................................................
من يا الم ضليت اون ودمي اتجاره من المتن
قطعه صرت من الدمه كد ما جرت دم الاذن
حمره المدامع تنسجب
كل خطوه اخطيها انضرب
سوط ايتلوه اعله الضهر
مثل الجمر من يلتهب
لا تدنه سلابي كلت *** من اذني وأجر بيها
كون اطلبت ترجيتي******اشلعها وانه انطيها
اذني اصبحت مدميه ...من تاخذالترجيه
.......................................................
يا ظالم البيه تعت ميت ضميرك ما شفت
طفله آنه يمك حايره كبل التراجي اتسلبت
متسلِبـــّه سنين العمر
صار الالم بيه اشكثر
مو توه مراني البجي
شفت البجي من الزغر
ترجيه ما ريــــــــدن بعد **** انه افكدت جم غالي
جم نجمه طاحت عالارض****وأجم كمر راحالي
يا دمعتي الجريه ............ من تاخذالترجيه
نسالكم الدعاء
#علي صادق المجراوي
https://t.me/joinchat/AAAAADyvNcFdjoQh-74liA
قناه نشر القصائد المنبريه ثقافه الشعراء
عالغبره نايم ويون اخوي من الألم
عالغبره نايم ويكلي شيطلع السهم
شكد سحكت عليه الخيل ومن صدره اسمعه ايون حيل
****
مرمي اخوي عله الترب والتمت الخيل عليه
ياناس جابنه سحكت وما ظل عظم سالم بيه
عطشان وبحر الشمس وميه محد ينطيه
هذا اليطعنه بالرمح وذاك اليرفسه برجليه
بالحر ينازع وضايع عليه حته الهوه
بالحر ينازع وبخده جم مره انجوه
دمه يصب شبه السيل ومن صدره اسمعه ايون حيل
*
نايم لكيته عله الوجه وشكد يون من صدره
كلبته ولكَيت السهم نابت وكاسر ظهره
وباوعت لن حافر فرس بضلوعه تارك حفره
وحته الأصابع ياخلك بيديه شفت مو عشره
تسعه الأصابع وكوه الهوه يتنفسه
تسعه الأصابع ومن أيده باكَو محبسه
منهم شفت خويه الويل ومن صدره اسمعه ايون حيل
***
اهواي مطعون برمح من كل كتر ينزف جان
مايكدر ايكوم وشفت حط خده فوك التربان
بحر السمومه شو نمت خويه شكثر جا تعبان
باوع لي ودموعه جرن وكلي يزينب عطشان
اميه رايد من العطش ريجي يبس
اميه رايد اجروح دلالي انترس
بعيني السمه صارت ليل ومن صدره اسمعه ايون حيل
***
خويه عليه تأخرت وحيل انشغل بالي عليك
ألكيتك تون عله الثره وما تكدر تمد رجليك
لا عندي شربت ماي إلك ولا عندي وصله تغطيك
كون الله لا ينطي السهم عالهوه اتدور مخليك
من الحوافر ارسومك الحلوه اتغيرن
من الحوافر اضلوعك ادري تكسرن
ايجر النفس مابيه حيل ومن صدره اسمعه ايون حيل
****
اشمالها الخيل بقصد كامن عليه ايسحكَن
ما ظل صدر عنده شفت اضلوعه عله ظهره انطبكَن
ويكلي راسي والجسد ساعه وبعد يفتركَن
وبعدي يخويه تحضري عليج الخيم يحتركَن
ياخويه كومي ساعه ويجي ليه الشمر
ياخويه كومي رايح يعذبني شكثر
عنه كَمت دمعي ايسيل ومن صدره اسمعه ايون حيل
***
من بعيد اباوع والشمر بسيفه اعتناله ورمحه
تربع على صدره وصحت لا يا شمر لتذبحه
خايب درحمه وبالرمح لتخلي راسه تجرحه
ولترفعه بيدك يم طفل ابنيته خاف تلمحه
عنده يتامه من تذبحه تذبح جم طفل
عنده يتامه مو مال تصعد عالهزل
توكع اذا ناكَه تميل ومن صدره اسمعه ايون حيل
*
تمت
ميثم العمري
تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه
مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار
تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني
وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه
عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه
آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك
جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
#ميثم العمري
@HxzEU1
/channel/hxzeu1
قناه نشر القصائد المنبريه
عفتك ولا شيبه ابلحيتك
اومو هاي ابد جانت مشيتك
يابو علي حاجيني / بهل الحيره لتخليني
**
اشوفك كوه تتنفس وفجئه شو كبر عمرك
وكوه جدمك اتشيله مصيبتمن حنت ظهرك
وتسولف خويه وي روحك وجزه حد الصبر صبرك
عزيز امبين الرايح دخيلك ربي اوسترك
شو محني اجيت ودمعك احمر
لتكلي يا خويه راح الاكبر
حالك تره يبجيني / بهل الحيره لتخليني
***
لأول مره اشوفك هيج وترجف خويه شو ايدك
حزين اوجهك امترب اخذ نص حيلك اوليدك
العلي الاكبر تدور ماي كلي الماي شيفيدك
الشريعه اتعاندت وياك تستسلم تره تريدك
للخيمه جيبه ولاتعوفه
فوك الرمل ماريد اشوفه
يم مصرعه وديني / بهل الحيره لتخليني
*
من كثر الطعن زينب ملامح شكله متغيره
ومن كد السحك بالخيل لكيته من خسف صدره
تكتل فركت الغالي خصوصآ عالابو مره
واليشبه محمد مات ورمح متخوصر ابخصره
كلي انه افديك ابركبتي
سلملي يابويه اعله عمتي
ما شوف كمت ابعيني / بهل الحيره لتخليني
****
مالومك يبعد اختك يخويه حكك اتشيب
خل انادي انه وياك فراكك ياعلي يعذب
ماتسوه دنيتي اعتاب عليهه لو ردت اعتب
وماي المشرعه مغرور بروحه هوايه متعجب
طولك كصر جي انته محني
حسين الجرح كلبك جرحني
اشبع بجي خليني / بهل الحيره لتخليني
****
اجت ام العزيز اتنوح شتكول اسمع محاجيهه
الما بيهه علي الخيمه احلف ما اطب ليهه
الشمس مو زينه عالمدلول بعباتي جروحه غطيهه
وابلل شفته ابدمعي وصلات اوداعه اصليهه
ودوني ارد اكعد وشمه
هذا الحنين الجازه امه
خلصن احله سنيني / بهل الحيره لتخليني
****
بشرني علي ابشاره عد راسه محمد جاي
هديه جايب ابئيده من الجنه جايب ماي
ابتسملي وغمض اعيونه وخله يمنته ابيمناي
صحت يابويه تانيني بعد ساعه اوراكم جاي
تستاهل الجنه شبابك
بس تدري مااحمل غيابك
يم فاطمه تانيني / بهل الحيره لتخليني
***
تمت ____ علاء الزيدي
(قالها الهاشمي)
قد قالها الهاشمي والشاهدُالعلقمي
لا ارهبُ الموتَ اذا الموتُرقا ... اني انا العباسُ اغدو بالسِقا
.....................................................
يا نفسُ من بعدِ الحسينِ هوني
وبعدهُ لا كنتِ او تكوني
هذا حسينٌ واردَ المنونِ
وتشربينَ باردَ المعينِ
من كفي او منحري ......اجري له كوثري
ولااخاف الشريوم الملتقى...... اني انا العباسُ اغدو بالسِقا
................................................................
لا تشـُفقي يا نفسُ او تغويني
اهوى حسينا وكفى دعيني
فموثقي من سالفِ التكوينِ
للهِ قد اعطيتهُ من حينِ
يا نفسُ قلتُ لك ِ ........لا ينفعُ اشفاقكِ
بل اضرب الهام وافري المفرقا... اني اناالعباس اغدوبالسقا
.......................................................................
واللهِ ان قطعتمو يميني
اني احامي ابدا عن ديني
وعن امامٍ صادقِ اليقينِ
نجلُ النبيِ الطاهرِ الامينِ
من يتقي ضربتي .... والسيف في عُهدتي
ولا اخاف طارقا ان طرقا ... اني انا العباس اغدو بالسقا
...........................................................
يانفسُ لا تخشَي من الكفارِ
وابشري برحمةِ الجبارِ
قد قطعو ببغيهم يساري
فاصلهم ياربِ حرَ النارِ
في الحربِ لم اجزعِِ .....كوالدي الانزعِِ
حتى اوارى في المَصاليت لقى ... اني انا العباس اغدوبالسقا
...........................................................
(اليوم يا نفسُ الى الرحمن ِ
تمضينَ بالروحِ وبالريحانِ
اليومَ تجزينَ على الاحسانِ
ماخطَ باللوحِ لدى االديانِ)*
في جنة ٍعاليه .... قطوفها دانيه
اهفو اليها ضامئنا عاشقا ... اني انا العباس اغدو بالسقا
علي صادق المجراوي
زينب ورمله ام القاسم ع
طفـي الشمـع يالـوالـده بدمـه الولـد تحـنه
للحومه جاسم من مشه سيوف العده زفنه
صبرچ يرمله .. فگده شيحمله
راح جاسم
…………………………
الراح ابنـها شلون تـتحمل مغـيبه
يصبرچ الله آه يرملـه لهل مصيبه
شلون گـلبچ راح هسه يكف نحيبه
وجاسم اگبالچ اجـه جثـته خضيبه
الچان الچ خيمه وعمد طاحت عليچ الخيمه
يـالفـاگــده راح الـوالـد هـالـنـايـبه عـظـيـمه
ورد وصله وصله .. فگده شيحمله
راح جاسم
…………………………
تحمل شلون المصيـبه ويـهـده ونـها
الياخذ الموت الضنه من نص حظنها
والـيـرد امگـطـعـيـنه شلـون ابـنـها
تمـوت ويـاه امــه حگـها من حزنـها
ايساعد الله التفگـد بهـذا الوكـت ولـدها
الرادتـه لشيب العـمر يصير الولد سندها
وياخلـته خله .. فگده شيحمله
راح جاسم
…………………………
الچان سلـوى بالحلـگ يارمله اسمه
جاسـم بـيا حالـه هـسه جـابه عـمه
وذر شاله وزحف گـوه جاب جسمه
حسين راح من البچي يارمله يعـمه
رد للخيم محني الظهر حسين وعله نحيبه
ومـدده مابـين اخـوتـه ابن الحسن حبـيـبه
وضل نوحه يعله .. فگده شيحمله
راح جاسم
…………………………
حسين گـلبه علـه الولد يمـكـنـه واگــف
وگمت اشوفه حسين دمه بوجهه ناشف
منـين مـا صدالـه شـافـه جــرح نـازف
وهـاي اول مـره اشـوفـه حسين خـايـف
خايف اشوفه وينظرچ رمله وحزينه عينه
وصاح بهضم راح الولد عريسچ امن ادينه
وبگـلبه عله .. فگده شيحمله
راح جاسم
…………………………
صعبه يارمله المصيبه الفگد يكـتل
الينذبـح بالطـف ابنـها بخـربه تـنزل
وتگطع ادروب وبراري بلاحمه وظل
وتصعد النوگ الهـزيله وكـون تحمل
تصعد على ظهور الهزل الينذبحـه حلمـها
وبحلوگ شماتة حچي يضل ينذكر اسمها
وبسفره ذلـه .. فگده شيحمله
راح جاسم
……………………… ..
يعينها الله الينذبح بالطف ضناها
خـيـمه ماعـدها وتسويله عزاها
تركـض ونـار الخـيم تـلـهب وراها
هذا يشتم بيها ذاك ابسوط اجاها
ماتگدر تسوي عزه وتبچي وتـون لبنـها
خيل وزلم ، نار الخيم ليها ركض يجنها
تلفـيها كلها .. فگده شيحمله
راح جاسم
#الشاعر عقيل الحسناوي..
@HxzEU1
/channel/hxzeu1
قناه نشر القصائد المنبريه
بالحياة وبالممات خدمتك حبل النجاة
فوز دنيا واخره فوز دنيا واخره
ــــــــ
شلون خدمه البيها غفران الذنوب
الف هنياله اليجي بمجلس يتوب
يل عباتك ضامها لستر العيوب
خلها روحي بمجلسك شمعه وتذوب
بغيرها اشتسوه الحياة خدمتك حبل النجاة
فوز دنيا واخره فوز دنيا واخره
ــــــــ
بجامعة عشكك تعلمنا الدروس
وتطمئن بمجلسك كلها النفوس
ملك واكبالك تيجي مدنكه الرؤوس
يا جبل مرمر عمت بيك الفؤوس
شفنه بيك المعجزات خدمتك حبل النجاة
فوز دنيا واخره فوز دنيا واخره
ــــــــ
خدمتك اسهل درب للسالكين
اشهدُ انّكَ منجي الغارقين
اعتقد بيها وثبت عندي اليقين
واليعرفك عرف رب العالمين
بيها خير وبركات خدمتك حبل النجاة
فوز دنيا واخره فوز دنيا واخره
ــــــــ
حيرتني بكربله وسرك عجيب
ساتر الكون بعباتك بس سليب
خيّر وكلمن يخدمك ما يخيب
تروح فدوه خدودي للخد التريب
يل شفاهك ذابلات خدمتك حبل النجاة
فوز دنيا واخره فوز دنيا واخره
ــــــــ
انا انا لو ما خدمتك يحسين اضيع
شرف لو تقبلني اضل خادم مطيع
واليخدمك مطمئن سده منيع
باجر بيوم الحشر انت الشفيع
هناك يوم المعضلات خدمتك حبل النجاة
فوز دنيا واخره فوز دنيا واخره
ــــــــــــــــــ
الف هنيالي ابخدمتك يا الامير
دوم فضلك عالـ يخدمونك جبير
الجنة من نورك خلقها النا القدير
يعني خدامك جذب باجر تحير
انطاك ربك الصفات خدمتك حبل النجاة
فوز دنيا واخره فوز دنيا واخره
ــــــــ
#نعيم ابو باقر الساعدي
@HxzEU1
/channel/hxzeu1
قناه نشر القصائد المنبريه
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
مواكب معتنينك..يغالي بربعينك
ياابا عبدالله..ياابا عبدالله
وصلناكم..مننساكم..واجينه اعله الوعد
يقائدنه..تعاهدنه..فله انخون العهد
يبو اليمه..عله الخدمه..الك من المهد
فلا نتعب..وذا نتعب..نناديكم مدد
وحگ دمع اليتامه..فله انعوف الخدامه
ياابا عبدالله..ياابا عبدالله
يغاليه..يوالينه..فداء الحظرتك
يبن حيدر..منتأخر..نواصل خدمتك
الك جينه..سرت بينه..يغالي امحبتك
موالينك..مجانينك..نضل وداعتك
العواذل ضيعونه..واجو يمك لگونه
ياابا عبدالله..ياابا عبدالله
تحزمنه..وعله الونه..الصدور امحزمه
سهل كلشي..إلك تمشي..حشودك هايمه
تسابگنه..ابمواكبنه..نگر عين السمه
ابمنابرنه..وشعائرنه..نواسي فاطمه
الك يبن الزچيه..نون صبح ومسيه
ياابا عبدالله..ياابا عبدالله
نصل يمكم..وحگ دمكم..تموت العاذله
نون ننحب..ضعن زينب..نجي ونستقبله
منتعذر..يبو الاكبر..دعتنه كربله
دمع سايل..وابو فاضل..ينادي ياهله
ينادي الكله غيره..بسم سيد العشيره
ياابا عبدالله..ياابا عبدالله
يمولانه..يرجوانه..يبن خير العمل
خدم إحنه..إلك صحنه..فلا نعرف ملل
يسيدنه..فلا عدنه..بعد غيرك أمل
إذا عشنه..وذا متنه..حسين المستهل
يدنيه وآخريه..ننادي بالمنيه
ياابا عبدالله..ياابا عبدالله
سيد علي الموسوي
فزاعية ليلة ١١ محرم
طاح الحسين ابكربله خيل ال اميه اتدوسه
.....................
طاح السبط فوك الارض ويلي شكثرهه جروحه
ومنين ميدور الوجه رمح الاعادي ايلوحه
ويشوف جثة الكمر عالمشرعه مطروحه
كومو يشيعة حيدره هوسو المصابه الهوسه
طاح الحسين ابكربله خيل ال اميه اتدوسه
.....................
واكع ومن فيض الدمه سابح وخضب شيبه
عطشان ماظاك العذب حيله خلص شيجيبه
ياوسفه يوكع والعده اتفننو ابتعذيبه
ركضتله خيل اهل الكفر جانت خطط مدروسه
طاح الحسين ابكربله خيل ال اميه اتدوسه
اتدوسه
.....................
ياوسفه اخوته بكربلا واولاده طاحو يَمه
واصحابه جدامه هوو زلمه اعله زلمه وزلمه
لحسين اهله والمشو هاي العده ابلا رحمه
داسو عله امجان النبي الجان اعله نحره يبوسه
طاح الحسين ابكربله خيل ال اميه اتدوسه
...............
ياوسفه طاح بكربلا واولاده كلهم دونه
عالهجر وافراك الزلم هذا الشهم خيعونه
حاربته اهل الغدر من يحجي ايسكتونه
وحسين محروم وبقه نفسه كرم متروسه
طاح الحسين ابكربله خيل ال اميه اتدوسه
َََ...................
عطشان وايذبحه الشمر من الكَفه بالحومه
والشيعه كلهه اصبحت لجل السبط مهضومه
تبجي وتون اعله الجره وتبجيله دم مالومه
هذا الامام ال عالعذب نتعلم احنه ادروسه
طاح الحسين ابكربله خيل ال اميه اتدوسه
الشاعر ياسر العارضي
عبدالله راح وراحت الروح
فوگ الرمح خليته مذبوح
يمه لولد راح....يمه لولد راح
++++++++++
بالي اتنطر شبابك عيني تربي اعله المهد
انته عكازت زماني ليش رايح يلولد
والعطش يبس لهاتك والسهم يمك سجد
عالرمح خلوه راسك وسفه ياعمر الورد
گلب الرباب خلافك ايلوع
موجوع ويحن اعله موجوع
راح الولد راح.... راح الولد راح
+++++++++++++++
يمه لوتدري بغيابك كاسر كليبي كسر
جنت اتنطر شبابك وانته تحمي هل خدر
هسه بس شوغات عمري بعد مايسوه العمر
راح كل تعب التعبته الله لايطي الشمر
ماشفت من عمرك يمدلول
وماضايگ حساس الدللول
راح الولد راح.... راح الولد راح
+++++++++++++
ليل بعدك بس بواجي وحيل ياذيني دمع
كمت اتخيل صورك وحترك مثل شمع
شلونه اقنعنه ابرحيلك گلبي ابد مايقتنع
يالترف نحرك ييمه بسهم كافر ينگطع
بعدك ييمه الكلب ملجوم
وماتدري روحي مترسه هموم
يمه لولد راح.... يمه لولد راح
++++++++++++++++
عالرمح ماكفه راسك يابعد نبض الگلب
ازغير وتبجي يغالي من يشيلوك الغرب
ماشفت حلم الطفوله وينك وين حرب
الطفل من يسمع بواجي تفز دمعته وينرعب
فوگ الرمح وبدمعي اناغيك
اجبير الجرح وشلون اداويك
يمه الولد راح يمه الولد راح
++++++++++++
قبل جنت بحضني اشيلك هسه شالاك الرمح
جن گطن ناعم رگبتك مايلوگ الها الذبح
اليل اضلم بس اشوفك ع رمح جنك صبح
اترف من الورد وجهك بس خذا دم الجرح
عالي الرمح وشلون اغطيك
يمه الولد بيه ولا بيك
يمه الولد راح يمه الولد راح
مصطفى فوزي المالكي
@HxzEU1
#قناه_نشر_القصائد_المنبريه
للسبي
.
.
.
ابــاب الساعات .. وگــفن ساعــات
وعالمستورات
تــنظر شمـات
****
مـــاصــارت ولاتنــعقـــل .. ولامرت ابال انسان
اليحدي ابنات المصطفى .. شمر وخوله وسنان
جـابوهن الشام الحزن .. وبيديهن احبال امتان
نســـوان وعــيون الزلم .. كـلـش تأذي النسوان
للميخــجلـون .. وكحات عيون
وسفه يصدون
عالعـــلويــات
****
مرسال اجه الحادي الضــعن .. هز راسه گلهم جيد
يمـــكن رخـــه حبل اليــسر .. رد مـن جـديد ايگيد
من اجنوده جاب اطول رمح .. ونـبته براس السيد
وللـــشـام گــال الــهـم نطــب .. لــمن اهــلها تــعيد
وگــفن حفاي .. وبلايه افيــاي
الرجلين بهاي
شبعن چويات
****
حلــفو اسالـــيب الخبـــث .. بضعن النبي يسووهن
وصـــلو الـشامات الفجــر .. وماقبـــلو ايـدخــلوهن
السوگ الضحه من يزدحم .. بنص زحمته يمشوهن
غــايـتهم عــــيون الزلـــم .. ابلا كافــل يــشوفوهن
ويـــن العبــاس .. عن هاي الناس
صدن عالراس
چيه خجلانات
****
بالشام انفــاس الـحقد .. اعله ال النبي مشحونه
واحــدهم بــگد الغـضب .. تــجــدح شرار عيونه
اهزيل العليه اخت الگــمر .. حدره الرمح يرمونه
ستـر الله فوگاه منحــفظ .. ماگــدرو ايعـــثرونه
اخ امـــن الـــشام .. شگــد بــيها آلام
واخت الضرغام
اشتحمل شوغات
****
للشام طب واحـد هتف .. مــن عنده موته بصفين
الرايد يرد ثــاره يــجي .. ابــاب المديــنه امــتانين
اليطلب علي ثار اعتنـه .. وحجــار هــمه محمـلين
الضربه برقيه من اجت .. فز عالرمح راس حسين
واكــبار ازغــار .. يشمرون احجار
المايطلب ثـــار
يرمي حچايات
****
البالشام كلها اتجمعت .. وتتعاله صوت الضحكات
اسرنه صـاحو وبفرح .. الماشـــايفتـــهن نجـــمات
من انسبه احجاب السمه .. هلهــــلن الشــامـــيات
الايات مــن فوگ الهـزل .. تبچـــي بحراره الايات
بـــيد العدوان .. وبـــلا وليان
اعليهن ماهان
شبعن لچمات
****
حيدر تركي الكربلائي
لبيكَ ياحُسين .. لبيكَ ياحُسين
لبيكَ ياحُسين .. يانـــورَ اللــه
————-*—————
للحربِ عازمٌ .. في الطفِ قاسمٌ
كالبدرِ قادمٌ .. نحوَ الحُسين
جاءَ مُستبسلا .. ليحظى بالعُــلا
يهتفُ قائلا .. يانــورَ العين
قد قالَ لي أبــي قبلَ الممات
أنُصر أخي الحُسين دعَ الحياة
وها أنا يبنَ النبي
مُلبياً قولَ أبــــي
لبيكَ ياحُسين .. لبيكَ ياحُسين
————-*—————
عمــــاهُ جئتُكَ .. حينَ شاهدتُــــكَ
تشكو غُربتُكَ .. في كربـلاء
جئتُ يافرقدي .. واضحٌ مقصدي
لبيكَ سيـــدي .. روحي فداء
دعني اُحاربُ جيشَ الطُغيان
بالسفِ أضربُ جُندَ الشيطان
ياعم والله ضاقَ صدري
وَقد نَفذ ياعم صبــــري
لبيكَ ياحُسين .. لبيكَ ياحُسين
————-*—————
أيُها المُفتــــدى .. جئتُ مُــــرددا
روحي لكَ الفدى .. يبن الكرام
ما أهابَ العدى .. أنتَ لي مُقتدى
يامُصبـاحَ الهُدى .. خيرُ الانام
مالكَ ناصـــرٌ إني أراك
عماهُ هــذهِ روحي فداك
فالتصدحَ الدُنيا بِنا
مبهـــورةً من حُبِنا
لبيكَ ياحُسين .. لبيكَ ياحُسين
————-*—————
يافخرَ ألأنبياء .. ياخيرَ ألأتقيــاء
ياتاجاً للأبــــــاء .. دعني أصول
لِتنظُرَ ألألوف .. فعلِ في الصفوف
عزمِ في الطفوف .. يبن البتـــول
حينَ رأيتُك دمعي جرى
يامن بصبرهِ فاقَ الورى
قلبي قبلي قد أقبلا
قاصــــد أليك مُرتلا
لبيكَ ياحُسين .. لبيكَ ياحُسين
————-*—————
يانبعَ ألأنهُرا .. مُلكُك الكوثرا
وأنتَ ألأطهرا .. أطهر أنسان
يا أبن النُجبا .. ياأباً للاِبــــــا
والله عَجَبــا .. كيـفَ ظمآن
هؤلاءِ همُ جيشَ الاحــزاب
ولى أجدادهم وَذي ألأذناب
ليتَ معاك أبي الحسن
لِتمحـــوا أهـــلَ الفِتن
لبيكَ ياحُسين .. لبيكَ ياحُسين
————-*—————
سلام المشعل
ملاحظة : القصيدة مكتوبة على طور الرادود ميثم مطيعي : لعلي أنتمي
/channel/salamalm
مفجوعات. متعوبات. من الحبل
مسبيات. محنيات. فوك الهزل
****
طلعن لليسر كلهن. وين اهل الوفه ايصيحن
ولو طاحت مره اعله الكاع كلهن بالسره ايطيحن
اشما طكهن شمر بالصوط. لخوهن كلهن ايديرن
بنات الجاه والعفه. حكهن لمن ايحيرن
بس ايتام. ودرب الشام. ما ينحمل
مسبيات. محنيات فوك الهزل
*
هذني الاجن علويات. بس امتربه أعبيهن
بسوك الكوفه ليش الناس. بس تتفرج اعليهن
واحد غيره ما مش بي. ابو فزعه ويحاميهن
كلش تعبن امن الطف. وبعد لجمات ما بيهن
مهظومات ومسلوبات. ومال الحمل
مسبيات. منحيات فوك الهزل
****
زينب تجري دمعه. وكلبه امن البجي تفطر
صحت يا علي ادركني. وتشكي ضلت الحيدر
صاحت ليش جا ما جيت. لمن سلبو الخدر
تدري بصدر اخوي حسين. بويه بحافر اتكسر
بصدره الخيل. داست حيل. ريتك عدل
مسبيات. محنيات فوك الهزل
***
الرباب تنوح عبد الله. وليلى براس ابنها اتهم
ولمن وصلو الكوفه. حميده ركضت المسلم
صاحت بويه حاجيني. وكامت بالتراب اتشم
اكثر بويه من الصوط. صاحت فركتك تلجم
نادت وين. وعالخدين. المدمع يهل
مسبيات. محنيات فوك الهزل
*
بت حيدر خذاها الشيب. وبدت من الحزن تتعب
وبسوك العبيد اشلون. اسأل وكفو زينب
كلب زينب جبل بس حيل. من ضيم الطف اتعذب
دارت عينها اعله حسين. وبحركه بدت تنحب
عالمظلوم. تبجي دموم. والون يسل
مسبيات. محنيات. فوك الهزل
***
العشاير كالو التمت. وأرض الشام ضجوها
والعدها عشيره تكوم وعشيرتها يخلصوها
واهل زينب كظو بالطف. والوليان عافوها
وما عدها عشرة نشوف. يفزعون ويطلعوها
اشبيها الناس. تهبط الراس. من تنسال
مسبيات. محنيات. فوك الهزل
*
تمت
تحسين الخفاجي
ديار الغربة ( ام البنين)
يمة الغالي مسافر وين
هم ترجع يايمة حسين
بالغربة هناك .. محد وياك
هم ترجع يايمة حسين
ــــــــــــــــــــــــــــــــــــ
مـن تسافــر يابعــد امك ـــ ابقى ابلا راي
ومثل الهيمة تصير ايامي ـــ ومعدوم الماي
ياروحي ويارفعة راسي ـــ وياتعب ارباي
بهذا غيابك تبدي اجروحي ـــ يعيشن وياي
يحسين ولو عني تروح
شيصبر گلبي المجروح
يكتل فرگاك .. محد وياك
هم ترجع يايمة حسين
ــــــــــــــــــــــــــــــــــــ
شتسوة اعيوني اخلاف اعيونك ـــ لو عنها تغيب
وياام عباس احسينچ وينة ـــ يسألني الشيب
ظلمة الــدنيا الـمـا بيهــا ـــ انت يااغلــى حـبيب
انا اتغرب وادري بحالك ـــ بالـغـربة غــريب
يمة الفاگد شنهي ادواه
لــو سافـر عـنـه اليهـواه
وانا اترجاك .. محد وياك
هـم ترجـع يايـمـة حسين
ـــــــــــــــــــــــــــــــــــــ
اول ماحــيــدر جـابانـي ـــ وشفتك بالبيت
حسيت ام من اول لحظه ـــ الوجهك صديت
يمة تگلي وانا اوليــدي ـــ وبسمك ناديت
يمة الياحيرة تخلــيني ـــ لو عني امشيت
خاف الحظن امك متعود
من هسة البس يبني السود
شيحملة اجفاك .. محد وياك
هـم ترجع يايـمـة حـسين
ــــــــــــــــــــــــــــــــــــــــ
يل مـبعد عنـي وحـنيتي ـــ كل ساعة تزيد
من اشتاگ أتـهـل اعيوني ـــ تدريك بعيد
ياريحة امن الزهرة اشتمها ـــ والونة تهيد
چنت امصبرني اعلى الدنيا ـــ وغيرك ماريد
ماشــوفك ابـداً هيهـات
وتجرحني اعيون الشمات
اي وين الگاك .. محد وياك
هـم ترجـع يايمة حسين
ـــــــــــــــــــــــــــــــــــــ
شلون اتخيل حالك يبني ـــ بالطف مذبوح
مسلوبة اهدومك ياوسفة ـــ ومسلوبة الروح
هـو الفاگد گلـي شـعنـدة ـــ بـس دمعة ونوح
ولـو مـاتـرجـع يابـواليمـة ـــ مـاريـد الـروح
كون الموت اوياك يصير
مـاهـم بـفـرگه ولا حـير
بلحدي وبحماك .. ومحد وياك
هـم ترجـع يايمة حـسين
ـــــــــــــــــــــــــــــــــــــ
عيونك ماتـرجع لعيوني ـــ يايمة حسين
ودروب الفرگه امتانيتك ـــ ودروب البين
مذبـوح ونايم عالــغبرة ـــ وفجعاك البين
بــ اربع اولاد ومستحية ـــ يبني وچفين
كون الحبك من يموت
هـم تـگدر وياه تـمـوت
لا ماانساك .. محد وياك
هم ترجع يايمه حسين
الشاعر فاروق الغنامي
كلهم غربه
دمعــج زيــنب لــمن ينزل كلش صــعبه
چم سوط تشگفين بچفج وشچم ضربه
تمشين او مـــخنوگه اهواي
عگب احسين مضعيه الراي
ما مــش عـــوان اليفـزعلج كلهــم غــربه
""""""""""""""""""""
كملن مشــاهد الذبــــح تحــــضرتي باجر للسبي
ونوگ و ضرب و محيره بأطفالج ولــــــمة عبي
حالتج ورده و ذبلت مـــن شاف ضلـهه الاجنبي
وبـيا وكـــت تنسب مــــــــره يرجع اصلها للنبي
شيقنعه العقل ~ زينب ع الهزل
وما مش عباس
ومكسور الضهر ~ اليفارگ گمر
بي كل لحساس
يحدب ضهره اليفگد غالي وحگـه يموت
ويتأمل اي شي مـــن اهله لو بس صوت
وصوت امن الطف يناديج
يا زيـــنـًب الــلــه ايكـويج
يمكن صوت الكافل بس ضل يحجي بگلبه
ما مـــش عـــوان الـــيفزعلج كــــلهم غربه
"""""""""""""""""""""
اهلج سنابل خضـــرو بگاع الــــــذبح شنهو النفع
او وين اليداوي اكبر جرح ع الرمح راسه منگطع
خلـــصت احنانج كـــربله وكلهم طفو مثل الشمع
وضلت الحرگه بـــخاطرج جـمره ولا تطفى بدمع
جرحج محترگ ~ وبالگوه يدگ
گلبج تدرين
بي شوغة سهم ~ ويزيد الالم
ع المذبوحين
جروحج تدي ومامش عباس الهه ايروف
وتحــــضنين اطفال احسين الماتو خوف
اطفال او بيج ايشبگون
يا زينب عــمه يصيحون
والماخذ كل اهله الموت ابيش يطلبه
ما مـش عـــوان اليفزعلج كلهم غربه
"""""""""""""""""""""
الـ علرمح يـــقره الكهف باجر بـــــ احضان الطشت
ولو عنده چف چا ماوصل سوط العدو لمتن الاخت
مو درب بي بس الوجع طيـــحج زينب مــــن وكت
والعدهه عباس انـــذبح مو حـــگهه تمـشي وتلتفت
بيج اشگد حجي ... بي لوعه وبچي
ع الفارگ خوان
ايام السفر ... بالـــگوه تمر
بليل التــعبان
محــــد يوميلج يازينب بــــس الناگه
تفتر بين الروس وتعثر چــن مشتاگه
وبگلبج لــــوعة لهفان
مقهور ويذكر عطشان
طشرو كل رسومه وبدو جود الجربه
ما مش عوان الــــيفزعلج كلهم غربه
"""""""""""""""""""
طبــت السوگ وتستحي والخجل يگشط بالجلد
مجروحه بس مكابره وشامتها بس تبجي يصد
اليمسح اثــرهه بالمشي عـــباس يـنضرهه العبد
باجر تطب نص القصر وابـ سبي ثاني اهيه تــرد
شگد قاسي الزمن ~ بت ام الحسن
طبت للسوگ
بأ طفال او حـــرم ~ وعــيون الزلم
بالعفه اتبوگ
بين عيونج شوگ الـفاگد وجه احسين
واتدورين بوجــــه اعياله او ما تلگين
شــگد تمنيني انتي الموت
مشتاگه لـــطوله المبخوت
باجر كلمن لأهله يروح اليخلص دربه
مامش عوان اليـــفزعلج كـــلهم غربه
""""""""""""""
خادم القصيده
عزيز المياحي
((هايمه))
هــــــا يمه عينك على عين حسين
هــــــايمه گلبــك على گلب حسين
ذبهن چـــفوفك
واگلب طفوفك
هوه انته بس واحد وما منه اثنين
"""""""""""""""""""""""""""""""""""''''''''''''
تـــــذكر بالصبه
شگـــتلك بالربه
حچايه محجبه .. زينب مروّتكْ
يبني وياشهم
ياخير الـــزلم
بالخــوه وتلم .. يــا خوه خوتك
حسين ويمـــــر بولايه
انته اركض اعله الرايه
ولتگله اخــــي مـولايه
هاي الوصيه وانه اعرفك نوماس
يحزام ضهر حسين يبني العباس
شكبره معروفك
واگلب طفــوفك
هوه انت بس واحد وما منه اثنين
"""""""""""""""""""""""""""""""""""''''''''''''
اگعد واصطبي
واسمع يـا نبي
واجفوفك عبي .. يبني الصميده
زينب مهجتك
ضمها بدمعتك
وانشــر رايتك .. هـــــذا الاريده
عين الحسين الحره
وبنته رقــيه بصـدره
وازرعله حتى الحره
اترس خلگـــهم مشرعه يــــا وفاي
أي يمه اصعد عالسمه وجيب الماي
عينه وتشوفك
اگلب طفـوفك
هوه انت بس واحد وما منه اثنين
"""""""""""""""""""""""""""""""""""''''''''''''
غطــي القافله
وغمـض كربله
وشيل ام العله .. ها يا گمرنه
بحـــرك لايجف
يابحـــر النجـف
وصف اللاوصف .. عمرك عمرنه
يبــــني رقــيه زغيره
وعيونك انتـه جبيره
افرش عيـونك ديره
يبــــني رقيه لا يمـــر بيـــها الخوف
ازرع الخيمه چفوف والنوبه سيوف
طَشر سيوفك
اگلب طفوفك
هوه انت بس واحد وما منه اثنين
"""""""""""""""""""""""""""""""""""''''''''''''
يبني ويالمُعز
شد بيها حرز
خافــــنها تفز .. وتبچي الاميره
گلـــــي أدللي
يوليدي وهلي
ياشمرت علي .. بعيونك أسيره
آنه امــــــك المعروفه
الغي الـــزلم بــالكوفه
وكون النجم ما شوفه
حط رجلك اعله الجيش واسحگ ياحيد
كون الشـــريده وتــــوصل الحــــد إيزيد
ذنـــي اطيوفك
اگلـــب طفوفك
هوه انت بس واحد وما منه اثنين
"""""""""""""""""""""""""""""""""""''''''''''''
يـاروح النده
بَچيلي العده
ولبسـهم رده .. حيدر كمالك
سمــنعهم حـــچي
واتــــرسهم بــچي
وعالشاطي انتچي .. هيبةّ بدلالك
ها يا اخو العلويه
آنه امــك البدويه
هاي السوالف بيه
تشرد فوارس مـــــن يشوفوك اركاض
عل الحومه ادخل بس اريدك مختاض
مغضب بشوفك
واگلب طفـوفك
هوه انت بس واحد وما منه اثنين
عبد زينب
محمد الابراهيمي
يا حريمه .. وهضيمه .. الخيم حرگوها
والجـريمه .. اليتــيمه .. فلا رحـمـــوها
وآ ويلاه .. وآ يلاه .. يا والدي
****
بوية سوط عدانه .. طكَ المتون
رحمه هاي الوادم .. ما يرحمون
طگاني .. وانه اگله رقية
يا ظالم .. ارحم العلوية
حسبالي .. بي حنان شوية
اصبر شلون
ما رحمني .. وضربني .. بحقد جراني
منه ياويل .. يجر حيل .. يبوية آذآني
وآ ويلاه وآ ويلاه ياوالدي
_____
عـمه زينــــب عمه .. والدي وين
يرضى بنته بحيرة .. تهمل العين
يا بوية .. بتك تخليها
محتارة .. والعده تسبيها
وخيامك .. محد ايطفيها
بوية يحسين
آيـــــوالي .. سؤالي .. سمعت ونيني
لية ماجيت .. تعنيت ..تنشف عيني
وآ ويلاه وآ ويلاه يا والدي
_____
گلــبي تلهـب نارة .. واسمع اعداي
صاحوا اعله العيله .. شربوا الماي
بيديني .. ماي ادور وينك
ياويلي .. ضامي مخلينك
اتلفت .. ما تصدلي بعينك
تايهه الراي
ما شربته .. وجلبته .. اخط بجدامي
كون اصل ليك .. وارويك .. يميت ضامي
وآ ويلاه وآ ويلاه يا والدي
______
وين اروح بــدونك .. گلب محتار
من الخــــيم رجلية .. اتچوت بنار
حاچيني .. يالتهشم صدرك
تحميني .. ارد الوذ بكــــــترك
عالغبرة .. مچفي گطعوا نحرك
والرمل حار
تچوي الابدان .. يعطشان .. رمال طفوفها
بتك اتنوح .. يمذبوح .. اجت من خوفها
وآ ويلاه وآ ويلاه يا والدي
______
طفله انه زغيرة .. والگلب ذاب
شفت ابوي امدد .. فوكَ التراب
هاظمني .. يا نهار العاشر
اشكيلك .. بيه شنهي الصاير
ما ادري .. هيچ سوة الحافر
گلبي انصاب
ماكو خيام .. والايتام .. تون مفجوعة
عنهم بعيد .. يصنديد .. سمعت اللوعة
وآ ويلاه وآ ويلاه يا والدي
*******
أسالكم الدعاء رائد الاسدي
آلآم في كل عام
كلمــــــــــــــــــــا تمر بيه سنه جديده
لازم يخويه اقره هالقصيده
يبو فاضل گوم لينه حرگـو الخيمه علينه
۞۞۞۞
سمعت احسين ناداك انكسر ظهري
وآنه بغيبتك هـــــــــــــــــــــــــــــــــــــــــــــم انكسر خدري
ما گــــــــــــــتلك اريــــــــــــــــــــــــــد الــــــــــماي لـــــــــــــو أدري
واظل عطشـــــــــــــــــــانه ياعباس كل عمري
سابع محـــــــــــــــــــــــــــــــــــرم من يمر عليه
اذكر اچفوفك واصفگ إبإديه
الخيل اجتنه ياولينه حرگو الخيمه علينه
۞۞۞۞
كل عاشور اگلك هاي الاحچايه
طــاحت هيبتي من طاحت الرايه
وين الــــــــــگه بعد خـــــــــــــــــــــــــــــــوّان وفايه
يانــــــــهر الـــــــمحنه الـــــــــــــــمانشف مايه
بعيونك امخــــــــــــــــــــلّيني يابو فاضل
وابطيحتك هم طاحت المحامل
ها يبو روح الحنينه حرگو الخيمه علينه
۞۞۞۞
اجوني وهوّسو بچفوفك الشمات
گالو گطعناهن وابو فـــــــــــاضل مات
من هالســــاعه واتحضرن يعلويات
واحسبن روحچــن للشام مسبيات
صوت العمود الصوبك سمعته
واحسين اجاني ابحيرته ودمعته
گتله چا عباس وينه حرگو الخيمه علينه
۞۞۞۞
شو حتى النهــــــر هم انگلب ضدي
اخذ حنية الخــــــــــــــــــــــــوّان من عندي
بقيت ابلا عشيره ولا اهل وحدي
اتلفت يخـــــــــــــــــــــــويه ودمعتي ابخدي
بس ماطحت يابو الفضل اجونه
بالســـــــــــــــــره ياعــــــــــــــــــــــــــــــــــــــــــــــــــبّاس وگفونه
وبالحبل شدو ادينه حرگو الخيمه علينه
۞۞۞۞
كون ام البنين اليوم مـــــــــــــــــــــــــــوجوده
وچتالك تشوف اصواب عاموده
واگللهه اخوي امگــــــــــــــــــطعه ازنوده
اتطشــــــــــــر عالنهر واعيونه ممروده
يام البنين امشينه خل نگعده
وجــــــــــــرح الابراسه بالعبي نشده
بلكت ايحن البچينه حرگو الخيمه علينه
۞۞۞۞
مشه الحادي وگلتله ارجوك خنودعه
واشوفنه الحبل واجـــــــــــــــــريله چم دمعه
ماخــــــــــــــلانـــــــــــــــي انزل گــــــــــــــــــــــــــــــــــــــــــــــــــالي ابسرعه
سلمي اعله الكفيل الـــــــــــــــمحّد امشيعه
سمعوني اصيحن راحت المهابه
گــــــلولي گدامـــــــــــــــــــــــــــــــــــــــــــچ بعد خرابه
خويه ظـــلن بس عبينه حــــــــــــــــرگو الخيمه علينه
محمد الجماسي
الله ايساعد قلب زينب //ع
حـــوافـــر خيــل مطبوعــه حــوافــر خيــــل
اعله صدره واطحنت اضلوعه واصيح الويل
حلالي النوح *** على المذبوح
*-----------------------*-------------------------*
اجـن عشره وامـام العين داسنـه
واشوف الخيل فوگ الگاع نثرنه
تغير حيل ابو السجاد ما چنـــــه
اصدگ مره شوفي ومره اچذبنـه
اگول شلون داسنه اگول اشلون
الشاله وقبله بنحره نبي الكــون
الـگـلـب مـجـروح
*------------------------*---------------------*
ثكيله الخيل ويدوسن علــــــى صدره
الترب غطاه والصـالـن علـــــي عـشـره
العزيز حسين كلهه اضلوعه مـتـكـسره
ردت ويــــاي تحضر فاطـمـــه الـزهـره
تشوف حسين بالحومه تشوف حسين
اهل دمعــــي وتشاركني وتهل العـيـــن
حــزن مــيــروح
*------------------------*---------------------*
جسد مطروح للباري اصعدت روحــه
بعد موته وحوافر لچمت اجروحـــــه
جرح گلبي ودمعتي بخدي مسفوحـه
شريك الروح يريت ويــاه مـذبوحـــه
حياتي ادموع اكضيهه حـيـاتي ادمـوع
شفت خيل العده بعيني تدوس اضلوع
تــلــوج الـــروح
*-------------------------*------------------*
اليموت اتوسده الوادم وسط لـحـــده
وگبل دفنه التــــــراب يلامس الخـده
بس دفــن الحسيــــن بحالــه منـفـرده
جسد مـرضوض كله وراس مـا عـنـده
متت يا ريت گدامه متت يا ريـت
عساني موسده الغبره ولا ظـلـيـت
الـدمـع مـسـفـوح
*------------------------*-----------------*
جرح گلبي بمصابه ولوعته ويـومـه
سلب كلشي بحياتي السلب اهدومه
صور صدره بقت بعيوني مـرسـومه
انسه شلون حاله بساحت الـحـومـه
شيرد الراح يا دنيه شيرد الـراح
اتاني الموت ياخذني اريد ارتاح
الـعـيـون تــروح
*--------------------------*-------------------*
المثلي شلون ساعة اتبطل الـدمـعــه
تظل تنوح حقهـــه وتلطم وتنـعــــــه
گبالي وراس اخوي الظالم يـرفـعــــه
يهز رمحه واحسهه يهزهـز الـسـبـعـه
يميل الراس وانظرلـه يميل الراس
اصبر روحي بلگوه واجر انفــــاس
الـيـون مـسـمـوح
*-----------------------*----------------------*
✍بقلم خادم الحسين ع
الشاعر رعد الجريخي
السيده زينب 2
…………
سـيـدةُ الـصـبـرِ
امـيـرةُ الـخــدرِ
عن زينبٍ كلامُنا
إن كنتَ لا تدري
*
هـذه الـحـوراءُ لمّا يعـرفوها
يصفـون حـزنـَها لايـصـفوها
لا تقُل زينبُ كانوا يضربوها
فتعيدوا طفَها بل تجرحوها
............
وريــثــةُ الـحـقِ
والخيرُ والصدقِ
لزيـنـبٍ سـلامـُنا
يا آيـةَ الــســتـرِ
*
زيــنــبٌ امـرٲةٌ لـكـن فـريـده
ضد جيشٍ وقفت وهي وحيده
آيةُ الرحمن في الرٲي سديده
ولها لا تكفي ابياتُ القصيده
............
رقيقةُ القلبِ
ايـدها ربّـي
عاجزةٌ اقلامُنا
في الوصفِ والشعرِ
*
زينبٌ تمشي وكان الرٲسُ عالي
ولـهـذا خـافَـها كـلُّ الـرجـالِ
زينبٌ قد اكملت درب المعالي
وبـصـبرٍ قـاتـلـت ايُّ قـتـالِ
............
في الشام قد حلّت
يــزيــدُ قــد ذلَّــت
في كفّها اعلامُنا
قـائـدةُ النـصـرِ
**
زينبٌ للـخـدرِ اذ كانت سفيره
ليس للحوراء في الكون نظيره
لم تكن زينبُ في الشامِ اسيره
مَن ابـوها حـيـدرٌ تـبـقى اميره
.............
والدُها حيدر
وامُّها الكوثر
قد اصبحت امامُنا
في العزِ والفخرِ
**
زينبٌ في كفِّها نبعُ السلامِ
فوق افواجِ اليتامى كالحمامِ
قولها ابلغُ من ضربِ الحُسامِ
من عليٍ اخذت فنَّ الكلامِ
..............
قويةُ القولِ
رقيقةُ الفعلِ
بزينب هيامُنا
فزينبٌ عمري
*
زينبٌ قد اكملت دربَ الحسينِ
لم يرو ضعفاً ولو طرفةَ عينِ
رايةٌ قـد رفـعـت لـلاخـويـنِ
رايةُ العباسِ مقطوعُ اليدينِ
.............
صاحبةُ البأسِ
مرفوعةُ الرأسِ
يازينبٌ احلامنا
في صاحبِ الامرِ
**
سيد علي المدني
ياشيعي لتضل حاير
باچر إلك چم ناصر
هنياله من واله /محمد وآله
☆☆☆☆☆☆☆☆☆☆☆
باچر بيوم الحشر ملتمه هالناس
كلمن ينادي يروحي بلايه إحساس
واحنه من بين الخلايق نرفع الرأس
ندور اعله حسين ساعه وأعله عباس
حسين أعرفه من عطره
من چنت أطب الحضره
أتفاخر أكباله/محمد وآله
♡♡♡♡
ربي عندي أمنيه وحققها إليه
رايد انظر بالحشر سيد البريه
ورايد أنظر فاطمة وحامي الحمية
والحسن وحسين والعباس أخيه
ياربي لاتحرمني
منهم ولاتمنعني
والحبكم آماله/محمد وآله
♡♡♡♡
من بعد أهل العبه الخمسه الأطايب
من نسل آله النبي تسعة كواكب
كل إمام أتميز بأعلى المراتب
حجة الله عالبشر اليمته غايب
يمته يصيح الثار
ويحارب الفجار
ونشاهد أفعاله /محمد وآله
♡♡♡♡
أنه للمهدي أروحن فدوه لأسمه
هم يجي يوم اليكلمني وأكلمه
بياوصف وبيارسم لو ردت أرسمه
المهدي يمكن يشبه العباس عمه
وجهك فلا ينقاس
ياهيبة العباس
والهيبه تحلاله /محمد وآله
♡♡♡♡
أمتي ينادي النبي سيد البريه
شيعتي ينادي علي حامي الحميه
أدخلوا الجنة بشفاعه من الزجيه
وعلي ماينظر أبد للناصبيه
نتفاخر بملكاهم
ياليتنا معاهم
والشيعي يبراله /محمد وآله
♡♡♡♡
تلتقطنه الزهره باچر من جهنم
ولو نطيح المرتضى بيدينه يلزم
وتحت راية حيدرة كل احنه نلتم
ولو عطشنه نرتوي من ماي زمزم
وشمحله هاللمه
بالجنه ملتمه
صرختنه تتعاله/محمد وآله
♧♧♧♧♧♧♧♧♧♧♧
الشاعر (أسعد الگريعاوي)
السلام عليكم . خدمة الحسين .ع. بالايام القادمة سيتم نشر قصائد محرم الحرام . ونسألكم الدعاء
Читать полностью…
قصيدة في شهادة الإمام زين العابدين عليه السلام ..
ـــــــــــــــــــــــــــــــــــــــــــــــــــــــــــــــ
آنه العِليل الما رَحَمني ٱزماني
ذِبحَـوا أبوي بكــربله وخواني
ـــــــــــــــــــــــــــــــــــــــــــــــــــــــــــــــ
شِفتِ المصـــايب يا خَلَـگ بعــيوني
حِرگــوا خِـيَـمنا وبالحَــبِل چتفـوني
شِتمــوهَا عَمْــتي وَانَه هَم شِـتموني
ماعندي حَـيل ٱمنِ المَرَض شافـوني
بهاي اليِتامى والحَرَم حِرت آني
ذِبحَـــــوا أبوي بكربله وخـواني
ـــــــــــــــــــــــــــــــــــــــــــــــــــــــــــــــ
آنه العِــليل وحــــايِر بهالــــعَيلة
مفزوعة الٱطفال ودَمعها ٱتسِيلَه
وَيّ الرباب ورَمـلة ناحَـت لِيـــلة
وزيـنب تِگِلّي جابَـوا الهِــــــزيلَة
مَيّت يَرَيت ولا شِفِت عَساني
ذِبحَـوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
شِفتِ المرار بسَفرتي الأليمة
رِحلَة عذاب ونايبة وهِضيمة
ضِربَوا رُقَيّة وسكِينة اليَتيمة
أحقاد أُمَــيّة مدفونة وقديمة
والجَدّة هِنـدَة والنّهَج سُفياني
ذِبحَـوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
لَرضِ الغُـرُب لَمّن وُصَـل ظعَنّه
شِفنـه النواصِـب كِلها تِنتِظُرنَه
وادِمهه بِحجـارَة حِقِــد رِمَتـنَه
ماكوعَشـيرة النّغـرَت وحِمَـتنَه
كِل هذا وَانَه ٱمحزّم بإيماني
ذِبحَوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
لمَجلِــس يزيد الطاغية وَدّونَه
يِنفي الرسالة والوَحِي بظنونَه
بنَظرَة شِـماتَة اليَمّـه يِنظِرونَـه
سَبّ الزچية الطـاهرة وأُبـونَـه
وَانَه الحديد برُگبتي وأدماني
ذِبحَـوا أبوي بكـربله وخواني
ـــــــــــــــــــــــــــــــــــــــــــــــــــــــــــــــ
بِتنــاهَه ذيــچ الليــلة بالخــرابـة
دَلّالـــي يِــنزف مِن كِـثُـر عـذابَـه
طفلة ويَتيمة ٱتصيح أريدَن بابـه
شــافَت أبـوها ومِــن بَـعَـد غِيابَه
موقِفها فَجّر حَسرِتي وبَچّاني
ذِبحَـوا أبوي بكـربله وخواني
ـــــــــــــــــــــــــــــــــــــــــــــــــــــــــــــــ
گضّيتَه عُمري ما نِسيت الـعاشِر
دمــعي أبـد ما فــارَگ المَحـاجِر
مِن عَملَةِ الطّف گلبي لَسّه شاجِر
بَس هُوّه عاش وماتت الضّـمايِر
زَين العِباد آنه الحِزِن عِنواني
ذِبحَـوا أبوي بكربله وخـواني
ـــــــــــــــــــــــــــــــــــــــــــــــــــــــــــــــ
خِلصَت حَياتي الهَم يِدولِب بِيّة
كِـــل لِيلة أنصُـب بالـحِزِن عَزِيّة
تالـي الســموم بكِل عِرِگ سِـرِيّة
للبــاري أمشـي والنّفِس مَرضِـيّة
يا شيعة ٱذكروا ٱمصيبتي وأحزاني
ذِبحَـــوا أبوي بكـــربله وخـــــواني
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
يا شدة الشام يمخلصه العيون
وينك يعباس انه اختك ام عون
****
راجعه لگاع المصايب هالوصلنه الكربله
ضعن اخوتي اليوم خالي ومحد اليستقبله
ال يا هله محد حچاهه مات ابو چلمة هله
والهزل يثگل مشيهه وانه اجيت امعلعله
چا وين الاخوان ما ظن يگعدون
وينك يعباس انه اختك ام عون
***
وينكم زينب لفتكم وصلت ورادت كفيل
رادت حسين اعله طوله يوگف ايعين العليل
وينكم يهل المحنه تمشي زينكم تميل
ارد أسولف ضيم گلبي وكلشي اگولنه قليل
زار اختك الموت وين اليدفنون
وينك يعباس انه اختك ام عون
**
راده الاهل المحنه وثگلت هواي الجدم
سلمت وگبور اهلنه تريد ونات ولطم
گبر الحسين وكفيلي الكاسر اظهور الزلم
خل اشم تراب اخوتي وخل اموتن مو مهم
خليني وياك يلتسوى العيون
وينك يعباس انه اختك ام عون
**
حالفه ايغطيني دمعي گبال تربة كافلي
وانثر تراب اعله راسي واندب احضر يا علي
زينب اتسمى الاسيره لا اخوتي ولا هلي
وين عباس وچفوفه البيده عدل محملي
يا صاحب الجود ما تگعد شلون
وينك يعباس انه اختك ام عون
***
ما يصح يمك واظلن بلوه خويه شلون أرد
رحنه وياك ورجعنه وحيره خافن ننشد
من نطب لارض المدينه بلا زلمنه ولا ولد
چانت اللمه شكبرهه وگلنه خافن ننحسد
هسه الجمع راح والوالي مدفون
وينك يعباس انه اختك ام عون
كلمات الخادم / رعد الفريجي
مقطع صوتي من يا فرج الله
Читать полностью…
شهادة السجاد
.
.
.
اكيد اعله الحسين خلص عمرك ونين
يزين العابدين
يزين العابدين
***
مابينك وبين الجزع عشرة وحــزن متروسه
والطف ابــد لا ماخلص بعــينك بقـه كابوسه
عاشور نبله بمنحرك طــول الوكت مــغروسه
شحال اليشـاهد والده صدره الخيول ادوسه
حياتك بس بكاء المصيبة كربلاء
الحزن متخذه دين
يزين العابدين
***
تتفايض اعيونك حزن وبحسين دومك تقره
وكلما يمر بيك العــذب تذكــر اليــابس ثـغره
مذبـوح مـن گـد الضـــمه ودلاله صاير جمره
ترويه بس من ياكــتر ومــگطوع ابيك نحره
بحاسيسك تصــيح صعب يروى الذبيح
يمن گلبك حزين
يزين العابدين
***
كلمــا تصــد الخاتــمك سالــوفه توجــع تـذكر
ومن هاي ليـــل الله اليمــر للــنوم حقك تهجر
الجمال بالمحبس طمع ومن ايده سلب خنصر
مـــذبوح ابوك وينســـلب عالـــبال لاماتخــطر
ثلاثه اعله التراب سليب ابلا ثياب
ابو اليمه الحنين
يزين العابدين
***
مايوم نشـــفت دمـــعتـك يا اول حســـينيه
من الصبح حد الصبح تنحب عــلى المسبيه
بذنك صدى مايختفي مناشغ بچــي العلويه
وصايح شمر عالتـنتحب ومـــشامر الشاميه
يمـــوت بهالكلام اليعيش بگلبه شام
الحصل ماله قرين
يزين العابدين
***
ماخذ ضوه عيونك جرح جرح السبي وشماته
الشامت يذبحك كل وكت من تــذكر احچاياته
مايـــنسي درب اليـــسر ومـا تنحــسب لجماته
حــقه يموت من الحـــزن الـشاهد سبي عماته
ابدليلك ذكريات تؤدي للــممات
تبچي العــالمين
يزين العابدين
***
حيدر تركي الكربلائي