1850
مختصّه بنشر جميع القصائد الحسينيه / احنه غير حسين ماعدنه وسيله للتواصل مع الشاعر @a313l1
كوريت همومي كلهن فوگ متني
صابرت عالصار ودموعي افضحتني
من كثر امناطري الشباك ملني
وين يايوسف زماني ماتمرني
اطشرت مثل الخرز ردتك تلمني
وينه المهدي تره كلشي سألني
#علي_محسن_الفرطوسي
23 صفر 1442 هـ | الذكرىٰ السنوية الاولىٰ
لرحيل خطيب المنبر الحسيني
السَّيِّد جَاسِم الطُّويرجَاويّ «رَحمهُ الله»
ها هم خدمة القمر الهاشمي
يفرشون صعيد كربلاء أباريق عشق
يتوضأ بها القاصدون
لصلاة العشق الحسيني الخالد
شجرة نبوه بكربله مزروعه
زينب اميره ورايتج مرفوعه
.....
سبحانه رب الصورج من نوره
قُل هل أتت مثلج مره مذكوره
سورة شرف بت حيدر اقدس سوره
وجفوف اخوها اعله النهر مبتوره
عاشت هضم عاشت مُصيبه ولوعه
زينب اميره ورايتج مرفوعه
.....
آدم بجالج وعتنه اويه ضعونج
مريم تهز نخله وتحشم عونج
ونزلتلج أملاك السمه يخدمونج
شلتي قضية كربله اعله متونج
آية وفه من النهر مسموعه
زينب اميره ورايتج مرفوعه
.....
براهيم قرر يفدي إسماعيله
تبدل فداه وستقبل التبديله
ونتي أخوج نهدم بالطف حيله
الذباح راسه برمح عالي يشيله
كبشاً عظيم امهشمات ضلوعه
زينب اميره ورايتج مرفوعه
....
انتي السفينه ومايطيح شراعج
نوح اعتناج وگام ينخه ابابج
بطوفانه كاتب دمعي بس لمصابج
لحفظ الرسالات انتي ربج جابج
اشجم نبي لجلج تهل دموعه
زينب اميره ورايتج مرفوعه
.....
ضعنج طلع من كربلاء للكوفه
تسبيحه اسمج ياغلاة احروفه
عباس يفديلج نضر وجفوفه
جنج علي وبالشام حلت خوفه
ذلت زلم بنت حيدر المفجوعه
زينب اميره ورايتج مرفوعه
....
علي محسن الفرطوسي
قصيده بحق مهيج أحزان الطفوف
علي ابن موسى الرضا عليه السلام
...........
عشرة دمع ماينگطع حبل اشتياقي لحضرتك
ناخذ بعد منك مدد خليني اعاشر دمعتك
حبيبي روؤف غرامي اشوف
......
ماخذ عهد وي روحي بس بابك ادگ
باب الله بابك سيدي ومانفترگ
الماعنده غيرك ضايع بعالم وهم
انته الرؤوف وكلبي حِبك من صدگ
بدونك ضعت وتفرهدت ضامن حياتي يالرضا
عالم عشگ عالم صدگ وجفوفك بگد الفضه
حبيبي روؤف غرامي اشوف
..
يمهيج أحزان الطفوف بكل زمن
عيون الي مايبجن عليكم ينعمن
مودعبل اني ولا وصلت لهل المقام
أقبل قليلي بهالعزاء أوهل الشجن
راعي الكرم يقبل نعم اقبلني خادم سيدي
صوت النعي هد مدمعي وبفضلك منين ابتدي
حبيبي روؤف غرامي اشوف
....
هوه انته سلطان وعلى ابوابك اجيت
عطر الحُسين وكربلاء يمك لكيت
كلبك جمر صاير أمامي أمن الحزن
كلي اعله زينب واليسر اشكد بجيت
جمرة خيم سوط وألم ركضت يتيمه اتعِذِبك
عثره بحجر خد نسطر جف الأرض حقه ارتبك
حبيبي روؤف غرامي اشوف
....
عايش على طيوفك طفل نار وعطش
وجسم الحسين بكربله جسمه نفرش
كاعد على صدره الشمر كظ لحيته
بعد الذبح ماشالته الناس بنعش
جبده نفطر صدره نكسر وزينب أجته لمصرعه
رد للخيم طاح العلم دليني وين المشرعه
حبيبي روؤف غرامي اشوف
...
بجفونك دموعك تصب ماتنخبي
خليني اعيش امصيبتك كل مطلبي
عاده الشهاده عدكم انتم يالرؤوف
بس ماكو عاده حره عدكم تنسبي
عايش جزع صوتك طلع ويلي اعله زينب صرختك
تبجي ابألم بجفنك ورم مالحضه ناسي حسرتك
حبيبي روؤف غرامي اشوف
.......
علي محسن الفرطوسي
سفرة الموت والصوت يعزاز الگلب
بويه حنيت ناديت بديار الغرب
بالخرابه وجابو الراس بطشت
ياهله بجيتك على طيوفك متت
*******
بصغر سني تيتمت وداعت الله يالرحت
هم الك جيه بعد
طفله وسحگ عالجمر ومارحم عمري الشمر
بويه بصدرك گعد
بويه ينفع ياصبر خولي بجفوفي يجر
وللسبي گال الوعد
خلو بجفي حبل بعد شيلم الشمل
ضعني عنك ابتعد
بعينك اشوف والخوف غيرلي الشكل
راسك وياي وفاي ينضر للحبل
تشوبح بعينك علي من التفت
ياهله بجيتك على طيوفك متت
*******
أمشي بدروب الأجل خبر عنك ماوصل
وانه متعوده عليك
الليل اجاني وين ابات واني من دون البنات
جنت اغفه أبين اديك
عودتني اعله الحنان جان إلي حضنك امان
گلي وينك حته اجيك
طفله ماأحمل ضرب فگدك أصعب من صعب
ليش بويه مغيريك
متني مجروح والروح ماتت بالهضم
ياوسفه ماجيت ناديت وينك ياشهم
بروحتك لازم تجيني تيقنت
ياهله بجيتك على طيوفك متت
*******
الكوفه ضعنك من دخل بلا كفيل ولا أهل
لتمت الناس الغرب
جابو الماي وصحت صوب راسك اركضت
وقدمت ماي الشرب
شلون قبلك ارتوي ونته جبدك ينجوي
وماضگت ماي العذب
عجب مارديت الي ولاگلتلي ادللي
جن مطر دمك يصب
هوايه متعوب مضروب راسك بالحجر
اشرب الماي وياي موتني القهر
لاتضن قبلك أمن الماي اشربت
ياهله بجيتك على طيوفك متت
*******
انه طفله بهالضعن والتراجي تسلبن
وخدي بيه جف نطبع
ترفه مو مالت حبل ولاني متعوده بهزل
ضعني من دونك طلع
مدلله بجالك جنت يارُقيه لو گلت
گلبي احس صوبك فزع
خدي مايحمل ضرب مارعوني هالغرب
ثوبي من دمي نگع
تفز بيه الآلام والشام بيه أكبر جرح
مالحضه ارتاح والراح غافي اعله الرمح
جم تعال بروحتك بويه صحت
ياهله بجيتك على طيوفك متت
*******
متعبك هواي الرمح ليلي مضيع صبح
وشمسه نصبغت دمه
حافر بصدره عثر بكربله مطشر وذر
منه سلبو خاتمه
واني ودوني بيسر دمي من إذني يخر
والمتون مورمه
ورده زعلها النده موسم جروحي ابتده
وبالخرابه الخاتمه
جابو الراس والانفاس عثرت بالصدر
بالغالي حييت ناديت هلا بهذا العطر
بحضن امانك بويه يالغالي نمت
ياهله بجيتك على طيوفك متت
*******
بشامهم ناخ الجمل وموتي أصبح مُحتمل
گمت أشعر بالممات
بهالمدينه تعذبت خير منهم ماشفت
بعد شلي بالحيات
الطاغي شفته بخيزران يضرب براس الحنان
أسنان ابوي مكسرات
بطيفي شفتك ليه جاي دگلي يابويه تعاي
الليله بحضنك إبات
بموتي ارتاح ينزاح كل ضيم الگلب
تغفه العيون تدرون المفارگ صعب
بموتي هذا وبلقائك افرحت
ياهله بجيتك على طيوفك متت
*******
علي محسن الفرطوسي
دخلنه بقافلتنه وعين تشبگ عين بالحيره
يتامى وفاكدات أعزاز وكفنه بمدخل الديره
المُنادي يصيح زينب هاي وادم باعت الغيره
شحجيلك على أهل الشام منها جروحي إچبيره
واحد صفر يعني جروح والام
بحبال اليسر جابونه لرض الشام
فوگ الرمح وعيونك اعليه
عفيه اخوي الـكـله حنيه
....
مثلك اخو وين الگه يعباسي
تغار اعليه حته بجرت انفاسي
راسك عالرمح بيه ارتفع راسي
ياغيرة علي تصبرني وتواسي
رايح بضعني واني مسبيه
عفيه اخوي الـكـله حنيه
....
يهتز الرمح تجويه بنفاسك
راسك حار يمطر غيره وحساسك
حته الطير يستأذن نزل باسك
بهاي الدنيه ماكو مثل نوماسك
جروحك هواي وماهن شويه
عفيه اخوي الـكـله حنيه
....
كلشي بهل الوجود يصيحك دخيلك
ومن اتعب اتعنه لراسك اشكيلك
عن ياجرح بيهن رايده احجيلك
كلهن عذبني وخاف اهد حيلك
مهضومه بعدك واني علويه
عفيه اخوي الـكـله حنيه
....
دخلت الشام آه الشام جرحتني
زغار اكبار خويه بحجر رامتني
ادنگ مستحه والدمعه فضحتني
وجلمة خارجيه هوايه لجمتني
عيون الشماته تباوع اعليه
عفيه اخوي الـكـله حنيه
....
وكفنه بمدخل الديره ويشتموني
وعلى باب القصر ساعات خلوني
تبدل اسمي مو زينب يسموني
سبيه وخارجيه الناس نادوني
من كربلاء للشام محنيه
عفيه اخوي الـكـله حنيه
....
علي محسن الفرطوسي
.......
عمري دمعه ولچمه من الغاضريه
تسحگ بصدري الخيول الاعوجيه
روحي ماتت من دفنت اهلي بديه
*******
من هجرهم ... انتظرهم
ماأجوني والهوه تخنگني شمته
اويه الليالي ... هذا حالي
عاشرت نوحي ومُصابي ماتركته
بروحي خيمة ... جفني غيمه
طاحن دموعي على الي بعيني شفته
زين العباد ... انا السجاد
شفت أبويه حسين بعيونه غربته
حالي حال المنذبح ماعنده منحر
گلبي مثل الخيمه يابويه توجر
ميت بطف كربلاء ابلا منيه
عمري دمعه ولچمه من الغاضريه
*******
مانسيتك ... خالي بيتك
ذكرياتك ليلي ماخلتني انامه
اصبر شلون ... عميه العيون
بعدك أقره اعله الفرح بويه السلامه
عله الآهات ... عله الدمعات
الفاگد أهله دمعته تسبق كلامه
اشرب الماي ... بدمع عيناي
اني يوميه انذبح مثل الحمامه
عمري جم دمعه بغيابك لوحسبته
انسه اسمي كبالك وطفك ذكرته
جرحك بروحي بقه أكبر قضيه
عمري دمعه ولچمه من الغاضريه
*******
ضاع صبري ... عيني تجري
شجرة عاشت بالصحاري بحاجت الماي
يافگدكم ... من عفتكم
واني بعيوني عتب ضل عايش وياي
من عذابي ... من مُصابي
حته طير الـطاير ينوح اعله مبجاي
عمري نيران ... بعيني دخان
الخنسه ماوصلت مُصابي ودمع عيناي
ياحمام الدوح ماتوصل ونيني
حته يعگوب النبي حار بحنيني
يوسفي بلحده ولا يرجع اليه
عمري دمعه ولچمه من الغاضريه
*******
انته مذبوح ... واني مجروح
ياجرح عمري وبقيت بجرحي انازع
يا مُحرم ... گلبي مأتم
ياهو مثلي ذبحو أهله وياهو سامع
حگي اجزع ... عيني تدمع
مدري احير بعلتي مدري بهالودايع
يازماني ... الموت اجاني
هوايه متأخر يموت وگلبي شالع
اني ميت من زمان اعله الشريعه
وروحي يم حسين مدفونه ورضيعه
يا محرم جم جرح واضح عليه
عمري دمعه ولچمه من الغاضريه
*******
ضاع عمري ... ختنگ صدري
راح اروح ودمعتي تشبه قنوتي
بيتي خالي ... هذا حالي
بكل رحابت صدري راح اتلگه موتي
جسمي ناحل ... دمعي نازل
واليموت أهله تجيله إوين اخوتي
عمري غربه .... وموتي غربه
آخر ايامي فقط يحسين صوتي
يا حُسين الجمله تخنگني بعبرتي
راح اموتن واني معاشر حسرتي
الملتقى يمك يبويه بهالمسيه
عمري دمعه ولچمه من الغاضريه
*******
علي محسن الفرطوسي
السَّلَامُ عَلَى الشَّيْبِ الْخَضِيبِ، السَّلَامُ عَلَى الْخَدِّ التَّرِيبِ، السَّلَامُ عَلَى الْبَدَنِ السَّلِيبِ، السَّلَامُ عَلَى الثَّغْرِ الْمَقْرُوعِ بِالْقَضِيبِ، السَّلَامُ عَلَى الْوَدَجِ الْمَقْطُوعِ، السَّلَامُ عَلَى الرَّأْسِ الْمَرْفُوعِ، السَّلَامُ عَلَى الْأَجْسَامِ الْعَارِيَةِ فِي الْفَلَوَاتِ، تَنْهَشُهَا الذِّئَابُ الْعَادِيَاتُ، وَتَخْتَلِفُ إِلَيْهَا السِّبَاعُ الضَّارِيَاتُ
Читать полностью…
موشح نجفي
....
يعينك اللَّه ياعلي شلون عتنيت
تدفن إجساد الأهل حين النويت
من دفنته والدك بـ اللَّه شنعيت
كربلاء ينزف دمه امن عيونها
@@@@
شلون حالك ياأبن كَبْش العِرَاق
وتنضر اهلك ماگطع دمهم يُراق
شلون اجيت لكربلاء أعلى البُراق
حته شبول الفله ادفنونها
@@@@
تعينك أملاك السماء أعلى الدفن
وفاطمة تلزم ضلعها لو تون
هذا عامك سيدي عام الحزن
نذبحو اهلك والنساء يسبونها
@@@@
بالحصيره حسينك ترفعه وذر
وتحسب شجم حافر بحافر عِثْر
مابقه بجسمه عظم ماأنكسر
شلون گِلّي سيدي تشيلونها
@@@@
من دفنته توجهت صوب النهر
عالارض اتشوفه مذبوح الگمر
تلگه ماي العلگمي صاير حِمْر
غيره تنزف جثته تشوفونها
@@@@
علي محسن الفرطوسي
اعتذار الناقه للسيده زينب عليها السلام
.....
انا الناگه الهزيله ... إعتذر من العقيله
على طول الدرب .. دمع عيني يصب
اعتذر اعتذر
*******************
انا الناگه الهزيله واعتذرلج
اسولف عن قصوري وجيت أكلج
جنت مجبوره ماخلوني ارحمج
اذا أعثر جرح ضهرج يألمج
مدنگه الراس بكسرتي
يا أميره شگد تعبتي
لذت انا اعله بختج .. دخيلج لوجرحتج
جرح زينب صعب ... دمع عيني يصب
اعتذر اعتذر
*******************
أميرة انتي وشلت اني الأميره
عفيفه وگِمْت أفِْرِج ديره ديره
واخوج اعله الارض شيخ العشيرة
جبرني اعله المسير الماله غْيرِه
الشمر هم مارحمني
اعثر بمشيي جبرني
بلاهودج حملتج ... وجرت عيني لدمعتج
ومشيت آني غِصب ... دمع عيني يصب
اعتذر اعتذر
*******************
اقبليني اعتنيتج بعتذاري
مثل نار المُخيم تبقه ناري
انا ناگه ولابيدي قراري
نضرت حسينج بشمس الضهاري
وِالبواتر گطعنه
خيول إميه طشرنه
شفت جثته الخضيبه ... وخذيت اخته الغريبه
وحمل متنج ضرب ... دمع عيني يصب
اعتذر اعتذر
*******************
انا احمد الاهي مالي حافر
ولآ خِلّتني اهجم هالعساكر
نعم بالطف جنت والكل يناضر
انا ذنبي الوحيد لگلبي كاسر
لليسر انه الخذيتج
ياأميره ومارعيتج
نوخوني اعله الترايب ... حِمْليت ابلا رجايب
ولاشفت الرعب ... دمع عيني يصب
اعتذر اعتذر
*******************
انا الّهِزْلِه وانا الناگه الحزينه
جنت مجبوره يل عينج علينه
دخلنه الكوفه اعذرينه شبدينه
اذا بيدي ولا اطب للمدينه
تنضر الناس العبيجن
الشمر شمسوي بيجن
والله لوبيدي ارجعج ... موسهل شامت يشتمج
سمعت اني اليسب ... دمع عيني يصب
اعتذر اعتذر
*******************
على باب القصر من نوخوني
الـ علي السجاد انا تراقب عِيْوّني
ورقيه تنادي الج عمه ولوني
على ابن ازياد أوديج إجبروني
ميته اتمنه يِـ حِره
ولا دليلج هيج اكسره
سامحيني عن قصوري ... للسبي جان انه دوري
لجن گلبي مُحب ... دمع عيني يصب
اعتذر اعتذر
*******************
علي محسن الفرطوسي
....
غريبه غريبه
گلّولي ابـيا بال زينب غريبه
مُصيبه مُصيبه
بجفوفي تالي حبال هاي المُصيبه
.....
جانت خيمنه اتلمنه كلنه
وحارس ثنيتي كفالي عباس
فنه التدنه بحدود اهلنه
شبول الفله جانولي حراس
راحت زلمنه . وطاحت خيمنه
وهذا الهظمنه يهلي الشمر
طلعوها زينب . والكل ترقب
والّدنه ينسب . تالي العُمر
يهلنه يهلنه
عرش الأميره مال واصرخ يهلنه
مُصيبه مُصيبه
بجفوفي تالي حبال هاي المُصيبه
.....
اني العقيله وحامي دخيله
والدنه حيدر جاما يجينه
الكوفه قريبه واني بمُصيبه
اليحمي دخيله گلولي وينه
يشوف الهزيله ودمعي الأسيله
حبالي طويله وذاك التعب
ماعدنه والي ضايع دلالي
وينك يغالي تسوه العتب
سبوني سبوني
جابولي هزله اجمال بويه سبوني
مُصيبه مُصيبه
بجفوفي تالي حبال هاي المُصيبه
...
الفاگد حبيبه يعيش بمُصيبه
الوادم تصبره تعزي تجيه
بس اني وحدّي دمعه اعله خدي
يركض شمرهم سوطه بديه
وادم عجيبه تحب المصيبه
وتسبي الغريبه وتضرب طفل
تبجي اليتيمه تحرگلي خيمه
ماعدها شيمه تحب القتل
عذابي عذابي
محتاره بالأطفال اه يا عذابي
مُصيبه مُصيبه
بجفوفي تالي حبال هاي المُصيبه
...
محد رحمني سوط اعله متني
فرجه أصبحت للعين الغريبه
بجاني گوه الماعنده نخوه
صار اسمي عدهم هاي السليبه
شكد عذبتني كلمة المتني
مو زينب انتي اسمج سبيه
عرش الأميره طاح بضهيره
صرتي الاسيره والخارجية
يخوتي يخوتي
شاهدتو هذا الحال اصرخ يخوتي
مُصيبه مُصيبه
بجفوفي تالي حبال هاي المُصيبه
...
علي محسن الفرطوسي
ليلةُ عاشرٍ ، بُكاءٌ هي حتى مَطلعِ الفجر
Читать полностью…
الكلمة الخالدة في التاريخ عندما قال السيدة زينب (عليها السلام) : "فكد كيدك، واسع سعيك، وناصب جهدك، فوالله لا تمحو ذكرنا، ولا تميت وحينا".
لبيك ياحسين
ياناس اجيت اليوم لزيارة المضلوم
مهضومه يخواني مهضومه يخواني
..
اجينه بلهفه والمدمع يگاطر
يعذبنه البجي وكسر الخواطر
ونذكرك من نشاهدها المخاطر
نحشمك ياسبع ذيج الگناطر
گلبي تعب مالوم لزيارة المضلوم
مهضومه يخواني مهضومه يخواني
...
اجيت وجم حرگ بيها عباتي
احامي عن حجابي وعن بناتي
ويمك انتحب واعرف غلاتي
رجعت مگبعه بكل نايباتي
يمك ننوح نحوم لزيارة المضلوم
مهضومه يخواني مهضومه يخواني
..
يليت تفكه گبرك يابوفاضل
وذا تنهض تناضر للمحامل
عكب عينك رجعنه اعله الهزايل
احشمنك يبو حلو الشمايل
ردتك يخويه ادكوم لزيارة المضلوم
مهضومه يخواني مهضومه يخواني
..
انه زينب يخويه انه الحنونه
اجيناكم يهلنه استقبلونه
انضرو لهل الوضع وشاهدونه
اشجره اعلينه العده لمن خذونه
يوم السبي ميشوم لزيارة المضلوم
مهضومه يخواني مهضومه يخواني
..
رجعنه وعاودينه بهل الضعينه
عله ضهور السُحب لمن اجينه
رجعنه بصوت نصرخ ياولينه
رجع زين العباد مگيدينه
بحبل السبي مهضوم لزيارة المضلوم
مهضومه يخواني مهضومه يخواني
...
علي محسن الفرطوسي
كتبت بتاريخ
201 7/10/11
قال الامام الصادق (عليه السلام)؛
مَنْ سَرَّهُ أَنْ يَكُونَ عَلَى مَوَائِدِ النُّورِ يَوْمَ الْقِيَامَةِ فَلْيَكُنْ مِنْ زُوَّارِ الْحُسَيْنِ بْنِ عَلِيٍّ (عَليهِما السَّلَاْمُ).
📚 بحار الأنوار : ص72 ح19
اه يالحسن ومصيبته
حلمي اشوفن گبته .. وتعنه ازوره
......
روحي حنت والدرب كلش بعيد
ومن تحن الروح مدري شمالها
حلمي اشوف الگبه ابعلو النجوم
وشيعتك بالدمعه تتعنالها
نزور ونخدم اهناك بمواكبنه انتعناك
ندگ الرايه بسماك يبو محمد حلمنه
كل نبضه بكلبي تدگ
يصير الصحن گعبة عشگ .... مايطفه نوره
.....
هاي رايه ندگها بعالي الـ سمه
والمناير ضاويات نشوفها
ياكريم وبالكرم مالك مثيل
حضرتك يمته نشوف ضيوفها
ادلال امضيفك تفور الضيافه بعالم النور
هلا بالگاصد يزور صوت أمن المواكب
ياأول أو أخر حلم
لزيارته نشد العزم .... ومايخفه دوره
....
البقيع يصير يشبه كربلاء
من ذهب الرايه كون حروفها
حلمي مشايه يبو محمد تجيك
ناس ماتنعد جثيره صفوفها
مجرد وقت ونروح تشفه كل الأجروح
بحضرتك يحله النوح عراقيه النواعي
جنه البقيع بحضرته
حلوه المناره بهيبته .... ونعلي سوره
.......
يا جبير الساده يل مالك ضريح
وحشه هاليله القبر بمصابه
مـا ألك زوار تگصدلك تنوح
ولاخدم تسجد جزع بعتابه
عزائك عوزه زوار نجيك كبار وصغار
كريم النفس والدار يالمعزب الجثيرين
امنيتي اشوفلك صحن
وربع مناير يالحسن .... بعيوني صوره
....
البقيع بروحي خله اشجم جرح
نعشك بنبل الحقد يرمونه
انه كلما عاينتلك من بعيد
احس كلبي سيدي يهدمونه
كلما عاينت ليك اشوف الغربه تاذيك
اهيم ابقه اعله طاريك بدمعتي ابني مرقد
ومايبني المهدم دمع
امصيبتك تحني الضلع ... تحيرني اموره
....
علي محسن الفرطوسي
هاي طفلتكم يهالي الموزمه
صفت دنياها عليها محزمه
بالخرابه والجفوف مورمه
تريد ابوها والعده مبجينها
مالحضه ناسيك وبشوگي احاچيك
بصحن الحُسين اشتاق إلك هلبت الاگيك
......
شاغلني وضعك سيدي * ماإدري آمنين ابتدي
ياسيد الروح
عن غيبتك لو دمعتك * لو عالمصيبه الأذتك
لو ذيج الأجروح
بعيوني ارسمنك حلم * جنك سمه تلم النجم
فجرك متى يلوح
أين استقر بيك الوضع * وبيا مُكان تهل دمع
يمعاشر النوح
گالولي متعوب والغربه جم دوب
يمتى تعود أمن السفر ونسير اعليك
........
اكتب رسالة لحضرتك * قصدي إطمئن عن صحتك
شاغلني هواي
اني المُقصر واعتذر * بدموعي إكتب مو حِبْر
يالغالي مولاي
گلبك يطوف بكربله * موكب يمر أو قافله
ويجرحك الماي
خليتك بگلبي حِرز * اغفه وعلى طيوفك افز
وتخيلك جاي
جرحك ولا طاب ياأغله الاحباب
عيني غفت وانته بسهر وشلون اوفيك
.....
شفتك سمه وشايل گمر * ومرات اشوفنك نهر
تسگي اليعطشون
وشفتك ضماد لكل جرح * وللماصخ تصير الملح
ومحلي هالكون
مالاگي ساعي ولابريد * كل يوم احبك من جديد
بيك ابقه مجنون
يالماترد سائل فقير * دمك عباره عن ضمير
تنساني شلون
ياشيخ الاحساس يارفعة الراس
كلما غدر بينه الزمن كل الأمل بيك
......
بيك الخواطر تنجبر * بدونك بلا قيمه العمر
ريشه بهوه يطير
ماي وعلى قيدك عشت *بيك الحياة انته شفت
يا مصدر الخير
للمختنگ تفزع هوى * كل ضلمة يكسرها الضوه
تحن حته عالطير
حلمك على رموشي يمر * منطيني قيمة هالعمر
شلون امشي للغير
تفز بيك الأجروح تبجي اعله مذبوح
من دم بكائك سيدي الطف يأذيك
.....
بطور العراقي ولهجتي * يالمهدي أقره ندبتي
طال الهجر طال
مو كافي مابسك هجر* من عدنه مل حته الصبر
يالشاغل البال
كل غايب أوياه العذر * لازم يجي يوم ويمر
ويتغير الحال
الانتضار اشكد صعب * خلينه عين بكل الدرب
يهل يمته لهلال
كل جمعه عالباب ياأغله الاحباب
ماترمش العين بدرب وينك نناديك
.....
علي محسن الفرطوسي
وفايه .. منطينك عهد
والرايه.. ماتنزل إبد
**********
جينه نتوافد الك بعهودنه
نغلق البوب وتركنه بيوتنه
بأبِي أنْتَ و اُمِّي ونفسي وأموالي
انته ياأول ذبيح هوايه شاغل بالي
من طحت مو للأرض خلاك ربك عالي
ياأيه .. بالسجده وسِجد
والرايه.. ماتنزل إبد
**********
يا تجاره منين ماجيلك ربح
يامُطر ومفيض بخيره الفِلح
واحد وسبعين بالطف نصرتك
بكد نجوم الليل هسه الگصدتك
جينه مشايه وتنومس رايتك
مشايه .. صرنه أكبر عدد
والرايه.. ماتنزل إبد
**********
هالمواكب چنها بطفوفك خيم
تحترگ بالشوگ يحسين الخدم
عدنه ماي الموكب اغله أمن الذهب
من رحيق الجنه هنياله الشرب
الچاي بيه قُدسية لأسمك انتسب
بفيايه ... هنياله الگعد
والرايه.. ماتنزل إبد
**********
الـ مشالك بيدك تعبره السراط
من سُليمان النبي وارث بساط
انته يا وارث جميع الأنبياء
انته إلي اتخدمك أملاك السماء
الدنيه ضلمه وإنزلك ربك ضياء
ويايه .. اشوفنك مدد
والرايه.. ماتنزل إبد
**********
إذن آذان العشگ حان النشور
الف حجه والف عمره لليزور
اليزورك چنه عارج للسمه
ياخذ امراده وتبشره فاطمه
المايشوف الشمس بعيونه العمه
بدرايه .. هالكلمه وبعد
والرايه.. ماتنزل إبد
**********
علي محسن الفرطوسي
قصيده لستشهاد زين العابدين الامام السجاد عليه السلام
........
ندري جروحك هواي يلـﭼمك طاري الماي
جروحك من محرم موتك في محرم
ندري جروحك هوايه
&&&&&&&&&&&&
روحك نترست هظم من يوم الطفوف
للجره والصار بهلك عينك تشوف
ياعليل وعل الهزايل رحت مجتوف
ذابحك موسيف انته حبل ملفوف
گلبك شايل آلام وتوجر مثل الاخيام
بحالك الله يعلم موتك في محرم
&&&&&&&&&&&&
جروح گلبك كثره ياصاحب السجده
صار الك الشمر منجل ونته ورده
هدوا اعليك إلاعادي شلون هده
ونته ابوك حسين ﭼن ماي وتبده
هوه الماله اخوان عليه تكثر العدوان
الغربه شلون ترحم موتك في محرم
&&&&&&&&&&&&
ياعلي السجاد من الطف حسرتك
وبمحرم سيدي شالوهه جثتك
مثل ابوك الخاتمه مولاي قصتك
ﭼبد الحسين بعطش وبسم ﭼـبتك
بالسم ﭼـبدك يفور مثل ﭼـبدت المنحور
مو بالعطش بالسم موتك في محرم
&&&&&&&&&&&&
ياصور مرت عليك ابآخر انفاس
وهنه كلهن ياعلي ليشيبن الراس
اتذكرت حسين راجع دون عباس
ضل وحيد وحار ابوك بولية الناس
بعينك تنضر الصار ابوك شلون محتار
كل حيلك تهدم موتك في محرم
&&&&&&&&&&&&
مآتم اعله حسين تعقد كل مسيه
وكل حياتك جرح من الغاضريه
يطيح گلبك باليسر وي كل سبيه
يعينك الله شفت ابوك اعله الوطيه
شفت جسوم الاحباب جرحك لسه ماطاب
عاقد لجله مآتم موتك في محرم
&&&&&&&&&&&&
ش/ علي محسن الفرطوسي
قصيده لدفن الاجساد
.....
بيدي دافن روحي لو دافن حبيبي
بويه بعدك الحزن صاير نصيبي
ابوي/ بيدي دفنيته ابوي / وذر لميته
'''''''''''''''''''' '''''''''''''''''''''''''''''''''''''''''' ''''''''''''''''''''''
الابو لو راح خـالي يـضل مـكـانه
وآلي عاش بحضن ابوه سيد زمانه
وانه مــن دون الـخلق ياعالم انه
شفت ابوي حسين صاير
وذر شايلته الحوافر
وماآله واحد مناصر
مثلو تمثيل بحسين الاعادي
جسمه مطشر على طول البوادي
ابوي / بعيني نضريته ابوي/ وذر لميته
'''''''''''''''''''' '''''''''''''''''''''''''''''''''''''''''' ''''''''''''''''''''''
كربلا لازلتي كرباً عالهواشم
كربلا يالبيج ضيعنه الفواطم
حسين مسلوب الثياب بدمه نايم
خنصره خبريني وينه
ليش ابوي مكطعينه
وبالحوافر دايسينه
حسين بطف كربلا صدره مضيفه
يشلع ضلوعه ويروح الي يضيفه
ابوي / نحره صينيته ابوي / وذر لميته
'''''''''''''''''''' '''''''''''''''''''''''''''''''''''''''''' ''''''''''''''''''''''
معتني ادفن الاجساد الخضيبه
وكلبي عاشر حسرته ومامل نحيبه
قبل اشكم يوم عمتي هنا غريبه
مالها خيمه التلمهه
منهه راحت كل زلمهه
السوط واصل العضمهه
بهالمكان شكثر وكفت عمتي زينب
حايره وخيمها بالنيران تلهب
ابوي / بروحي ناديته ابوي / وذر لميته
'''''''''''''''''''' '''''''''''''''''''''''''''''''''''''''''' ''''''''''''''''''''''
بدمعتي اتوجهت صوب الشريعه
عمي طايح يمها وجفوفه كطيعه
يابوفاظل باليسر هسه الوديعه
ياجسد بخير هيه
راسك يحامي السبيه
جيت آدفننك بديه
ياجسد بس كلمه اكلك بدمعة العين
زينب ام الخدر طبت بالدوايين
ابوي / راسه خليته ابوي / وذر لميته
'''''''''''''''''''' '''''''''''''''''''''''''''''''''''''''''' ''''''''''''''''''''''
ياأخوي شكد صغير وذابحينك
اكبر امن الطف يعبدالله سنينك
من محالب امك انته فاطمينك
سهمك سنينه جبيره
وانته سنيك صغيره
طفل بس متروس غيره
شفت ابوك وكلت لازم انطي نحري
والسمه تكلك تعال اغفه اعله صدري
ابوي / الكوم واليته ابوي / وذر لميته
'''''''''''''''''''' '''''''''''''''''''''''''''''''''''''''''' ''''''''''''''''''''''
علي محسن الفرطوسي
ياهو الگطع راسك يرفعة راسي
يابويه من بعدك تموت انفاسي
اول مره اندهك ماتجيني
رقيه انه وكسر كلبي حنيني .. يبويه
&&&&&&&&&&&&
شفت راسك گاطعينه وعتنيت اركض عليك
بويه تعبانه وأجيتك رايده اغفه أبين اديك
الرمح عالي شلون الوحك والدي بروحي اشتريك
عودتني اعله المحنه تفكلي حضنك من اجيك
شلون إحضنه والرمح مابي حضن
موش طبعك انته ساكت واني اون
ماعدنه خيمه والشمر يبرالي
مهضومة من بعدك أضل يالغالي
من سطراته تنزف بويه عيني
رقيه انه وكسر كلبي حنيني .. يبويه
&&&&&&&&&&&&
حسين تتأخر عليه هايه مو من عادتك
من أمس سهرانه عيني وماغفيت وداعتك
الخيمه طاحت مدري كلبي المُهم اني بعازتك
مثل كل مره امن اجيلك هالجبت سجادتك
خالي صدرك بويه وينه امجاني
الله لاينطيه الحافر اغفه ماخلاني
صدرك مُضّيف لخيلهم شوصاير
امغيرك هواي السحگ والحافر
مافزيت بويه من ونيني
رقيه انه وكسر كلبي حنيني .. يبويه
&&&&&&&&&&&&
يبو ملگه الحار اجيتك ياأبو حجاية هله
ساكت ومارد عليه والگلب مشتاگ إله
اني بنيتك رُقيه بعيني ضاگت كربله
ركضاني هواي بالطف ومارحمني حرمله
عالحجر عثريت شوف جفوفي
جيت الوذ بسدك اني وخوفي
تعبانه اركض جيتك بدمعاتي
اعثر وگوم متربه هديماتي
بويه حسين باجر ماخذيني
رقيه انه وكسر كلبي حنيني .. يبويه
&&&&&&&&&&&&
عالجمر مشوني بويه والتراجي مسلبات
دمي ينزف من اذاني تعذبت دون البنات
إمن الرمح باوع عليه وشوف اديه محرگات
حسين ياخيمة الجبيره بدون حضنك وين ابات
عمتي زينب ركضت لصوب النهر
واني اجيتك ونفرك جفي بحجر
جم دمعة طاحت من جفن بغيابك
مانرجع لنفس الحضن بمصابك
حال الموت مابينك وبيني
رقيه انه وكسر كلبي حنيني .. يبويه
&&&&&&&&&&&&
ياضوه الله بعيني اشوفك والضوه ماينذبح
بويه اني اسمع حجيهم كالو نروح الصبح
هاي موش اولام نمشي ونته مرفوع برمح
مايلوگ ألنه سبايه وحنه للماصخ ملح
موحلو نسمع حجي الماينسمع
گبال راسك عمتي زينب تندفع
يضربني يابويه الشمر بمتوني
بعيني ضربه وشوف حمره عيوني
وبضهري برمحهم دافعيني
رقيه انه وكسر كلبي حنيني ... يبويه
&&&&&&&&&&&&
علي محسن الفرطوسي
قصيدة لدفن الأجساد
........
يادفان عينك عليهم بالدفن
يادفان من تسمع نحور التون
گلهم اختكم باليسر تعبانه هاضمهه الشمر
يادفان يادفان
*************
للطف يدفان اعتني حان الدفن ميعاده
هم روحك أگصد بالعجل ادفن شيوخ الساده
لحسين من تحفر لحد بالك تخلي وساده
ماعنده راس اعله الجسد وبقبره خلي اولاده
متگطعين لمّهم لحم من الارض
متگطعين بالمعركة طول بعرض
بهداي حطهم بالگبر يادفان يادفان
*************
لحسين لو يجهز گبر شيله اعله كيفك شيله
لِمّه بحصيره أمن الرمل وگله اختك العقيله
موسهله تحضر دفنتك تبات بخرابه الليله
ولاتگدر تهيل الرمل حبال اليسر طويله
مايدرون نبات بخرايب بالسبي
مايدرون يحرسنه باليل اجنبي
ماينحمل مُر الهجر يادفان يادفان
*************
يالتدفن أجساد الأهل ريت النواضر تعمه
ويه اليتامه تحيرت شو كلها تصرخ عمه
الليل تعبني شكثر احسب حِرت يالچمه
هاي الامانه اوياك اخذ حسين اخويه آتعلمه
خِبّرَه الحال گله العقيله تشتمت
خِبّرَه الحال گله اويه ذباحك مشت
موسهله اختكم تنسطر يادفان يادفان
*************
صوب الشريعه لو رحت لعباس اخوي إدِفْنَه
حشم يابو الغيره الگمر زينب تراهي بمحنه
يضربها ويجرها الشمر والذله مو حلوه ألْنه
ابلا هودج نروح بيسر عيون الزلم تذبحنه
كلها اتصيح شوفو العقيله شلون اجت
كلها اتصيح ماعدها والي تسلبت
والحالي ينفع ياصبر يادفان يادفان
*************
مدفونه اخوتي بكربله لامن چِفن لاكافور
واني بدواوين الكفر طبوني وعيوني ادور
هلبت ابوفاضل يرد ويشوفه خدي المسطور
عدواني انضرها بفرح تضحك وگلبي مكسور
دمع العين لوشافه يفرح عاذلي
دمع العين موبيدي ايصب الـ هلي
المر بيه ايبچي الحجر يادفان يادفان
*************
علي محسن الفرطوسي
ركضت وشافتها عيون الحرام
والمثلها شلون تطلع حافيه
اخت ابو زنود الثجيله والغيور
خيمها متوجره بعد ماطافيه
الليله زينب مالهه واحد كفيل
يامسية الشوم موش العافيه
بده مصاب الأميره نتهئ كُلشي بضهيره
بعد ماعدها عباس
......
آِنَه الدره آِنَه الحره سبيه بيا زمن
ينضروني يشتموني الاعادي بالعلن
يعلويه يمسبيه غريبه بلاوطن
الذبح اهون ولايمشن خواتي ابلا ضعن
على الخِدّر تأمنين ضهرتي بطول ابوحسين
الخدر رافعلج الراس
....
صلاة الطف نحور وﭼـف وركض للمشرعه
قصر صلّن بدمه تحنن زنود مكطعه
النهر يركع الارض تفزع العقيله طالِعِه
تصدقنه بمناحرنه وتراجي مشلعه
اجه الخُنصر مُقاتل بلاخاتم ينازل
ابد ماترحم الناس
...
النضر نضره ابالف طبره بكلبنه ياعلي
على العِجّفْ نجوب الطف بعدكم ياهلي
عزيزتكم اخيتكم مدامعها تهلي
يكفالي الخدر غالي الشمر واصل الي
يضربوني عالجتاف صرت كعبه ؛ اليحج طاف
النداء وينك ينوماس
...
صحت بويه صحت خويه ولا اسمع جواب
عقيلتكم تعنتكم تِسِمْعكُم عتاب
ركض جيتك تنخيتك خطر مر الحجاب
صعب اعثر وآِنِه بالبر نمله حجابي تُراب
تره زينب اسيره بقت بتكم اميره
الخدر بس بيه ينقاس
......
يهضموني يشتموني ركضت لمصرعك
اشتكي واسمع صعب اطلع وصعب اموادعك
على خيامي وعلى ايتامي تناشد اَسْمَعِكْ
ارد وحدي اليسر يبدي اعله رمح نطالعك
تصد عينك علينه بهزل خويه نحدينه
الرمح ضل يهتز احساس
علي محسن الفرطوسي