1850
مختصّه بنشر جميع القصائد الحسينيه / احنه غير حسين ماعدنه وسيله للتواصل مع الشاعر @a313l1
روحي ماتت من زمان
من وگع جف الحنان
فارگتهم فارگتهم
°°°°°°°°°°°°°°°°°°°°°°
ياگلب عيش بعذابك راحو البيهم تدگ
رادتي من ربي جانت أوياه أضل مانفترگ
ياعتب ينفع بعدهم واني بهمومي احترگ
الدنيا مابيها أمان ولاشفت منها الصدگ
خل اموت واستراح
مايعود الغالي راح
فارگتهم فارگتهم
°°°°°°°°°°°°°°°°°°°°°°
العمر كلما تقدم تكبر اوياه الجروح
راحو اهلي وضيعتهم الدنيا تصفن من انوح
أجمل ايامي العشتها غفله من جفي تروح
ياأبوفاضل مالي غيرك للصبر ماعندي روح
روحي متعلگه بهواك
ياگمر عالي بسماك
فارگتهم فارگتهم
°°°°°°°°°°°°°°°°°°°°°°
شعطلك عني يغالي والمحنه من صفاتك
الغربه خلتني انازع او موتتني ذكرياتك
سد أمين انته اعرفك تفدي بروحك خواتك
الشام ماخلتلي حيلي هواي هضموني وغلاتك
مالي غيرك بالحياة
صرت أفكر بالممات
فارگتهم فارگتهم
°°°°°°°°°°°°°°°°°°°°°°
جاري ماشايف خيالي ولابشر لامح عباتي
زينب آيات القداسه ماكو بالدنيا بصفاتي
ياوسف امشي اعله هزله مگيده اني وخواتي
ادخل الديوان صعبه يعني اموت بمستحاتي
أمن اجنبي تنضرني عين
وبالطشت راس الحسين
فارگتهم فارگتهم
°°°°°°°°°°°°°°°°°°°°°°
بالخرايب من نزلنه عيني مانامت ثواني
انتضر راعي المحنه اشأخراه او ماأجاني
يابوفاضل بيك اسولف دهري بعدك عذباني
الشام راوتني العجايب والشتايم ترس اذاني
شراح اشوف أكثر بعد
واني روح ابلا جسد
فارگتهم فارگتهم
°°°°°°°°°°°°°°°°°°°°°°
حلمي تحضرني بمماتي هايه كل الأمنيات
هذا وعد الباري اجاني واقترب يوم الممات
الملك اليقبض حياتي ارسومي شاف مغيرات
هايه زينب لوعبايه وشاف اديه محرگات
اتغيرت من العذاب
واني يوميه بمصاب
فارگتهم فارگتهم
°°°°°°°°°°°°°°°°°°°°°°
بالقبر يحسين اريدك لاتخليني بوحشتي
عمري دمعه لوحسبته وانته لـ تهيج دمعتي
تلجم يوميه روحي واختنگ تدري بعبرتي
عمري غربه موتي غربه بشوفتك انهي غربتي
أشرب الماي وأصيح
سيد جروحي ذبيح
فارگتهم فارگتهم
°°°°°°°°°°°°°°°°°°°°°°
علي محسن الفرطوسي
القصيده للسيده زينب عليها السلام
شجرة نبوه بكربله مزروعه
زينب اميره ورايتج مرفوعه
.....
سبحانه رب الصورج من نوره
قُل هل أتت مثلج مره مذكوره
سورة شرف بت حيدر اقدس سوره
وجفوف اخوها اعله النهر مبتوره
عاشت هضم عاشت مُصيبه ولوعه
زينب اميره ورايتج مرفوعه
.....
آدم بجالج وعتنه اويه ضعونج
مريم تهز نخله وتحشم عونج
ونزلتلج أملاك السمه يخدمونج
شلتي قضية كربله اعله متونج
آية وفه من النهر مسموعه
زينب اميره ورايتج مرفوعه
.....
براهيم قرر يفدي إسماعيله
تبدل فداه وستقبل التبديله
ونتي أخوج نهدم بالطف حيله
الذباح راسه برمح عالي يشيله
كبشاً عظيم امهشمات ضلوعه
زينب اميره ورايتج مرفوعه
....
انتي السفينه ومايطيح شراعج
نوح اعتناج وگام ينخه ابابج
بطوفانه كاتب دمعي بس لمصابج
لحفظ الرسالات انتي ربج جابج
اشجم نبي لجلج تهل دموعه
زينب اميره ورايتج مرفوعه
.....
ضعنج طلع من كربلاء للكوفه
تسبيحه اسمج ياغلاة احروفه
عباس يفديلج نضر وجفوفه
جنج علي وبالشام حلت خوفه
ذلت زلم بنت حيدر المفجوعه
زينب اميره ورايتج مرفوعه
....
علي محسن الفرطوسي
واحسيناه || #الرادود_محمد_السلماني
https://youtube.com/watch?v=5-eHhW2HFlo&feature=share
قصيدة :ياأبوفاضل
الرادود : عمار الكناني
كلمات : علي محسن الفرطوسي
عجيبه هالعلاقه البينك وبيني
ياأول عشگ يمشي بشرايني
نختنگ لوما عزائك
نموت نحيه بكربلائك
ياحسين
....
#علي_محسن_الفرطوسي
🏴💔
🕯 ~ لنتعلم مـن ( #أم_البنين )
• كيف ننصر
• إمام زماننا فلقد
• أوفت لإمام زمانها
• حتى جعل الله سرًا عجيبًا
- في سورة الفاتحة التي تهدى لروحها 💔💔
🏴💔
قصيده لام البنين
...
هايه ام الاربعه باب ربنه الواسعه
للوفه انتي وللعطاء ماتخيبين الدعه
...
معجزه أمن المعجزات خصج الله بمكرمات
بيج تگضي الحاجه
فاطمة ام البنين نور رب العالمين
بابه ومنهاجه
مايخيب الي عتناج وبأسم فاطم دعاج
وإلي بسمج ناجه
تنحل الصعبه وتهون خيرج تشوفه العيون
بالكرم سباجه
تلقبت ام البنين بيهه هيبه أمن الحسين
انتي للحب والوفاء ماتخيبين الدعه
....
اوكفاج أمن الفخر علي ايخطبج حضر
وصرتي ام عباسه
بيوت بيها الرب إذن الدينه يصيرن وطن
بخته ونوماسه
منزل يزوره الوحي وجم ملك يحضر علي
يقدس ابنفاسه
يلي حبيتي الحسين إله نذريتي البنين
وتلثمي من راسه
يل حنانج معجزه بالوفاء مطرزه
الج تشهد كربلاء. ماتخيبين الدعه
...
يلي ربيتي الولد اربعه وكلهم مجد
ساعد يشد ساعد
ابوفاضل لوزعل عالخصم يمطر إجل
يدنه ليه ياواحد
من يغير بمهرته الجيش تسمع صرخته
قائد ايطگ قائد
غيره عدهم من علي الصعبه بيهم تنجلي
زود دمهم زايد
الگمر رافع راسج. عاش ويه حساسج
لخته ضحه بالدماء ماتخيبين الدعه
...
بصمه الج ابكربلاء عالنهر نزفت دماء
تضحياتج هايه
بالضعن روحج مشت بالمدينه مابقت
ترفرف اويه الرايه
الفاتحة تقرين إله حسين محفوض وهله
وبسمله وقرايه
خيمة حبج للضعن للهوادج من مشن
اقريتي اشجم ايه
للسفر حين النوه ودعيتي القلهوه
عينج تحامي النساء ماتخيبين الدعه
....
خيمة الحب والوفه غيمه تمطر عاطفه
يالحنانج اية
الكمر يمطر أجل الله يستر لوزعل
وبيده اترف رايه
للخدر ضحه بدمه وجبدته تسعر ضمه
النهر ذله ومايه
ولدج الكلهم ابه مانسو حگ الربه
وهاي موش حجايه
گلبو الطف ونعم. زلم تسحگ عالزلم
النصر بالدم الله شاء ماتخيبين الدعه
.....
انتضارج للضعون بدمعج تفيض العيون
واگفه اعله ابوابه
لن ابن حذلم اجاج بالمصيبه خبراج
حسين ضل بخضابه
وزينب الحره تروح للسبي وكلها جروح
والخيم لهابه
حزنج اشتد والعويل زينب تشد الرحيل
بدمعه السجابه
وانتضريته الضعن من رجع لرض الوطن
خلص عمرج بالعزاء ماتخيبين الدعه
....
علي محسن الفرطوسي
قصيدة للسيده ام البنين عليها السلام
🔸🔸🔸🔸🔸
علي محسن الفرطوسي
**
ذابحني شوكي ومايرد ليه
يوميه اسولف بأسمه يوميه
بعد جم دوب انتضر
الموت خاتمتة العمر
◼◼◼◼◼
كسر عود الدهر بعدك كسرني
زماني بغيبة احبابي هضمني
مشو وطيوفهم مافاركتني
شلت ضيم الوكت كله اعله متني
مابين نوحي أوكفتي ابابي
بدرب الخذاهم انطر احبابي
لعلتي شيفيد الصبر
الموت خاتمتة العمر
◼◼◼◼◼
أنا مضيعه الكمر ويه الكواكب
سهرت الليل ولشمسي اراقب
حرت مابين أتاني وبين اعاتب
يـ موت ارحم گلب بالفرگه ذايب
ايسكت دمعها عيوني بس موتي
ومااغفه أله بحضن تابوتي
راحتي بس بالقبر
الموت خاتمتة العمر
◼◼◼◼◼
جثيره جروحي وياهو اليداوي
عشت بالونه وطور النعاوي
على حسين ومصابه اروي يراوي
وطمني الگمر وافه العلاوي
ارد اسمع اخبار الـتسر بالي
بزود ابوفاضل راسي ضل عالي
بعتمتي هوه البدر
الموت خاتمتة العمر
◼◼◼◼◼
خبر ياهو اليوصله الليله ألهم
يروح الكربله ويخبر كمرهم
تراهو الموت حان وماتت امهم
اريد حسين يتعنه گبلهم
اينزلني بيده لگبري ابو اليمه
من حلگه حلوه كلمة الـيُمه
من بعد ذاك الهجر
الموت خاتمتة العمر
◼◼◼◼◼
تصير الموته حلوه بين العزاز
واريدن ابوفاضل هوه جناز
اليحضره حسين دنيه وآخره فاز
وبموتي لحضور الزهره احتاز
لوغمض عيوني القدر يبني
يحضرني ادري حسين يحضرني
وبحنانك من تمر
الموت خاتمتة العمر
◼◼◼◼◼
الوفه بيوم الحشر من الوفيه
ترد الطيب اضعاف الزجيه
اشوف احبابي من بعد المنيه
ويه حسين راح اگعد سويه
بس صدره سالم كون اشوفنه
اگعد ابفيه وبيده اقبلنه
وماكو آثر رفسة شمر
الموت خاتمتة العمر
◼◼◼◼◼
يضل شوگي وابد مايطفه هالشوگ
حب حسين يجري يضل بالعروگ
وبكل حين گلبي باقي محروگ
خدمته وحبه رافع راسي ليفوگ
الدنيه تگضي وحبه مايگضي
بعالم محبته وشكبر حضي
جروحي بأسمه تنجبر
الموت خاتمتة العمر
◼◼◼◼◼
علي محسن الفرطوسي
قصيدة للامام الرضا عليه السلام
....
بكد المسافه اشتاگ الك واكثر بعد
من مهدي حبك سيدي بي نولد
عايش على طيوف الرضا واني طفل
گلب العشگ يگصد الك مايبتعد
حلم زيارتك مافارگ الروح
المناره عاشت بروحي قضيه
تهل دموعي كلما سولفوا بيك
وبذكرك تمرني الغاضريه
يا أكبر حلم مابارح العين
تمر أبالي كل صبح ومسيه
بهذا الگلب . ناري تشب . يالمارحت عن بالي
بيك الحجي . ماينتهي . يامن ملكت احوالي
&&&&&&&&
ارجف مثل سعفه بهوه لزيارتك
تاخذني صفنه واختنگ الـ حضرتك
ارسم حلم واتخيل بكلبك سهم
من كربلاء سهام العطش هم صابتك
كلما أبرد أمن مصاب الحسين
اسولف بيك وتهيج بكائي
ناذرلك شبابي بمجلس اگضيه
لعزاء حسين صاير انتمائي
على طور النعاوي تفرفح الروح
وعد . للموت مايخلص عزائي
ارزقني الدمع . نار بشمع . ماتنطفي بضلوعي
كون بضمه . وي فاطمه . ابجي وتسيل دموعي
&&&&&&&&
احنه المساكين النعيش اعلى الدمع
وعل الوجنه دمعات شتياق التنرسم
احنه عشگنه محير الوادم يضل
مثل اللغز من ينحجي ماينفهم
گِض البوب عند الخلگ مذموم
وانتم بوبكم بيها المفاخر
بسلاماً ادخلوها الباري قد قال
يل بيبانكم هيبة نواضر
كلما ضيعتنه الدنيا مولاي
حضنكم وطن ألنه نشوفه صاير
حبكم وطن . طول الزمن . شهالنعمه يامولاي
ليك اعتني . ياموطني . وانته التصير فياي
&&&&&&&&
مثل الحمامه روحي وطارت الك
لوما الخدامه والدمع گلبي هِلك
الدنيا صحراء وعطش ماينحمل
ونتروه من جفك اذا نتخيلك
ضلام الدنيا حالك سيدي هواي
ونور الخدمه الساتر علينه
المايبجي دمع لمصاب الحسين
حارم نفسه من لذة حنينه
المامجروح لايحجيلي بجروح
مايفهم عشگنه الضامينه
العنده بجي . المجلس يجي . يشارك عزائه
يحس باالألم . حرورة سهم . ويبدي بعزائه
&&&&&&&&
علي محسن الفرطوسي
قصيدة شور لستشهاد الزهراء عليها السلام
********
وداعت الله اويه المحنه
شكد نحبنه
وعاشرينه الدمعه ابسود الليالي
انهدم عرش الأميره وهذا حالي
يادلالي الله يشهد يمه كل لحظه اعله بالي
فاطمه تروحين وانه ابقه بعذابي
تنزل دموعي وتسولف عن مصابي
انتي رحتي او وگفت همومي اعله بابي
فاطمه كسروا ضلعها
الجاني من ونت سمعها
وداعت الله. اويه المحنه
....
يمه وينج فاكدينج
ولحنينج
شتاگت الروح لسوالف بيها يُمه
الدنيه مثل القبر صارت والله ضلمه
والتهضمه اليتيم بليل يكعد لجمه لجمه
حيره من بعدج اذا انضر مكانج
حيره بردت روحي وتحن لحنانج
حيره محتاجين يالزهره الـ أمانج
شلون راحت أمي مني
حِضرت للسوط متني
وداعت الله. اويه المحنه
....
مانسيتج خالي بيتج
فاركيتج
مدري فاركت الهوه وبريتي جمره
يعثر بصدري النفس تخنكني عبره
ياعذابي امي مسطورة جفن والعين حمره
بابج المحروگ موتني بحسرتي
بابج مخليني اموت بعالي ونتي
فراگج مكثر حزن كلبي وغربتي
بابج الماخذ شبابج
الله لاينطي الي صابج
وداعت الله. اويه المحنه
....
بالمقابر حضني صاير
والنواضر
بيها تعرض صورتج وبصدري خنگه
يمه مثلج يالحبيبه وين الگه
عيني تبگه مشوبحه بدرب الخذاج تريد ملگه
راحت وزينب بقت تحسب نوايب
راحت ودفنوها أمي بالترايب
راحت وكلبي اويه راسي يمه شايب
اليتم ماينحمل ياهو اليحمله
امي وين لحيدر بدمعاتي اسئله
وداعت الله. اويه المحنه
....
ياغربتي ياحسرتي
انتي رحتي
وراحت ايامي السعيده وحل عذابي
وضلت أشباح الحزن تتعنه بابي
شلون حيره اني كل مغرب يحل بيه مصابي
وينج بكل باب اكتبلج تعالي.
وينج وصوت الحزن يالزهره عالي
وينج وبابج طبع حزنه اعله بالي
مثل المضيعه وطن بعيوني دمعه
يموت سكته الينكسر ياناس ضلعه
وداعت الله. اويه المحنه
....
علي محسن الفرطوسي
اعله طولج بت علي نور العرش
انتي إول مولدج ومخدره
بأسم امج طه اعرج للسماء
وبسمج العباس هز الكنطره
من ابوج اهواي متعلمه صفات
بيج نلكاه النشوفه بحيدره
ومن نذكرج كون نتوضه بشرف
ومانحسبج انتي احساب اي مره
صبرج محير الصبر بسمج يدوخ
وهيبة العباس ليج مگدره
متباركين ميلاد السيده زينب عليها السلام
#علي_محسن_الفرطوسي
راحت أمنه وصرنه يابويه يتامه
من بعدها هذا ياليل الأنامه
جانت تلمنه مثل جنح الحمامه
*******************
مانسيتج * خالي بيتج
البيت إذا فارگله أم تكثر وحشته
راحت أمنه * ياهضمنه
الموت ياخذ وين إلي تكتل فرگته
بالمقابر * حضني صاير
يمه من بعدج أموت بدمعي سكته
تفاركينه *. اويه الحنينه
كلشي بيه ذكره الج جيت وحضنته
.....
امي وحده وماكو بالدنيا مثلها
زينبج تعبانه يايمه ارد أكلها
ماتت وعالدنيه خل نقره السلامه
*******************
الموت غربه * والتحبه
لويروح الدنيه من بعده كئيبه
درب الگبور * ماخذ النور
شمس مدفونه بلحد والله عجيبه
طبعه البين *. ياخذ الزين
أمنه راحت وحنه نعيش المصيبه
يمه حنيت * بصفنة البيت
يعثر بصدري الهوه بعد الحبيبه
..........
عمري حافل بالمصاب وبالفجيعه
واني ليليه بحزن انعه الوديعه
مانسيناها وندور الها علامه
*******************
فاطمه تروح * حلم مذبوح
وثوب الأسود لايگ اعلينه بعدها
عيني اتشوف * ذيج الاجفوف
جف حقود اجاوز اعله أمنه وضهدها
باب الجذوع * كاسر ضلوع
نعصرت الزهره وطفت نجمة سعدها
ياحسافه * اعله الترافه
الزهره من نار الحقد ذابل وردها
.........
والمحنه ندفنت وياج بغيابج
مانسيتج . ماطفة شمعة شبابج
موتج اذاني ولجم گلبي بسهامه
*******************
ضيعيتج * فاركيتج
اني ودموع اليتم عالباب أتاني
يصب دمعنه * للمحنه
والحسن بدموعه يسئلني اجاني
هوايه مشتاگ * نار الفراگ
خويه هم يجمعني ابـ أمي زماني
لو لفه الموت * تصير البيوت
وحشه مثل الغار وتضيع الأماني
........
الهوه المابي عطر منج . نسيمه
يخنگ الريه وشوف البيت هيمه
ينهدم بيتي ولا بيه ابتسامه
*******************
ذكرياتج * وي بناتج
والليالي الحلوه ويه أمنه الزجيه
طبعه الموت * يهدم بيوت
يخيم اعليها الحزن صبح ومسيه
ماشي جناز * تدفن عزاز
يعينك الله ياعلـي بهاي الرزيه
اغله الاحباب * جوه الاتراب
ينخطف لونه ويموت ابلا منيه
.......
يعينك اللَّه ياعلي جرحك عذابك
منحني ودمعاتك تصب اعله بابك
واليفارگ دمعته تسبق كلامه
*******************
يم الحسين * ياضوه العين
صغير عمري ودمعتي بفكدج جبيره
يعاشر النوح * الكلبه مجروح
بروحه تنور وحطب يلهب سعيره
زينب شلون * تغمض العيون
تلقبت ام الحزن ذيج الأميره
الهوه الهاب * يحرك الباب
اليعيش ابلايه ام يجهل مصيره
.......
تورثت بيت الحزن واسمي الحزينه
وكل حمام الدوح اخذ مني ونينه
وحته بابج للحزن لابس لثامه
*******************
علي محسن الفرطوسي
موضلعي . شاغلني العطش
محتاره جن ليل اهدعش .. هاليله احس ابوحشة ضعون
الباب اشوفنه خيم
وصوابي بحرورة سهم.. كون اكعد بحر الشمس كون
لحسين اريد احني الضلع
خليني اواسيه بدمع .. يستاهل ابجي لمذبحه عيون
ينطحنن ضلوعه طحن لوداسته الخياله
ينهدر دمه بكربله وبالبر تضيع اعياله
خليني ياحيدر اون خليني اعيش أحواله
اصدليه ويمرني الضمه
بالعيون جمر لودمه
سمه اتطيح تنوح السمه
واحسيناه واحسيناه
©©©©©©©©©©©©©
جِبلني ياحيدر علي
بس لاتجيب الماي إلي .. الموته حلوه أبين العزاز
حسينك يضل ابلا جفن
بصدره الخيول اتعثرن .. موتت غريب وماله جناز
محله اليموت بديرته
اهله تشيل جنازته .. من هسه احسه اخوان محتاز
مذبوح اشوفه بكربله ومسلبات ثيابه
تفگدلي خنصر يمنته يگطعونه إله السلابه
وليدي يموت أمن العطش آخ العطش وصوابه
للسيوف والارماح بعد
تحتم مصيره الولد
يمذبوح ولاضل جسد
واحسيناه واحسيناه
©©©©©©©©©©©©©
بِثيابي اتغسل تره
وابنك يضل اعله الثره .. ياهو اليغسله ويبقه عريان
يطشر رماد بهوه
محد يحضره بـ نينوى .. تراب الصحاري يصير إله اكفان
ياباالحسن بالمغتسل
لودمعك اعليه هِمل .. اتذكر حسين الماله دفان
جاهوه المگطع وذر اشيتغسل بتغسيله
خليني انوح اعله الولد ومن حيلي كون انطيله
الماعنده بالديره عرف لوطاح ياهو يشيله
يمذبوح تره النوح الك
حبيبي ويامحبوب هِلَّك
بالطفوف تضل وحدك
واحسيناه واحسيناه
©©©©©©©©©©©©©
كل ميت اكرامه الدفن
ماشفنه ميت ينطعن .. وحشه الجنازه المالها صياح
يابو الصبر ياحيدره
ابنك اشفافه مفطره .. من هسه اشوف ابصدره الارماح
اني الزجيه فاطمه
هاليله احس متألمه .. من مهره احس وليدي جن طاح
متبدي حيله أمن العطش ومابي بعد للگومه
وعيونه اتصد للخيم والغربه ترس رسومه
لو وادع إخوانه وهله جروح الكلب ملجومه
بالوداع جرح جن سهم
بالوداع يشوف العلم
ياعباس ينادي ابألم
واحسيناه واحسيناه
©©©©©©©©©©©©©
عطشان ويريد العذب
ذايب مثل شمعه الكلب .. وذباحه كاطع عنه الماي
حته الكبش گبل الذبح
يسگونه ماي وينذبح .. وحسين ماصحاله رواي
بضماك حيرت الدهر
ودمك يصب مثل نهر .. يوليدي انته ونور عيناي
تطلع غريب لكربله والموت يحدي ضعونك
يحسين لو صابك عطش الحرب تشرب لونك
تتغير بحر الشمس واعله الخيام عيونك
سفر موت والضعون حدت
اموت ومصايب بدت
بدمعتي حياتي نتهت
واحسيناه واحسيناه
©©©©©©©©©©©©©
عينك يحيدر عالولد
يمك امانه يضل بعد .. نعشي اطلعه ابتالي الليل
ايتامي مكسورة كلب
دمعاتهم حين التصب .. توجعني ادموع المداليل
ادفني ورجع بالعجل
شنسوي فرگنه الأجل .. الفرگه صعبه وتوجعك حيل
يعينك الله ياعلي جاوين كل ذاك الصبر
بالمغتسل شفتك تون وجفوفك اتمر عالكسر
ياخيرة الله حيدره ياقالع أبواب الكفر
الفراگ صعب ياعلي
الآلام هوت منزلي
والايتام تناظر إلي
واحسيناه واحسيناه
©©©©©©©©©©©©©
علي محسن الفرطوسي
القصيده لستشهاد الزهراء (ع)
قصيدة شور بحق الضامن علي ابن موسى الرضا
........
شايلِك بروحِي عشگ گِد الفضه
وشِيهمني اني الي رضه والمارضه
ياخذني الطوس الهوه صبح ومسه
ودگاته گلبي من يدگ آه يالرضا
يمولاي عينك علينه احنه المساكين
يمولاي يمته نجيك بدمعة العين
يمولاي بروحي دعبل ينعه الحسين
آه يالغريب آه يالرضا آه يالغريب آه يالرضا
....
من لونك هوايه اخذ طف كربله
مرسومه بعيونك خيم لو قافله
من ينعه الناعي تعلمنه الجزع
وتصلي دمعاتك جرح مو نافله
بالدموع ترسم على الوجنات خيمات
بالدموع بطف كربلاء تركض يتيمات
بالدموع كلشي صرخ عباس قد مات
آه يالغريب آه يالرضا آه يالغريب آه يالرضا
.......
مكسور عودي وانته تجبرلي الكسر
بخدمة حسين اضمن لي مولاي العمر
الماخدمكم هوه والمامش سوه
طير اني ضايع وانته إلي العش والشجر
عرفناك غيمه وعلينه تمطر بخير
عرفناك الما عرف دربك تره يحير
عرفناك المايصير . بفضلك يصير
آه يالغريب آه يالرضا آه يالغريب آه يالرضا
.....
بعيوني راسملك صور شوگ وعشگ
إمنيتي اني بحضرتك شمعه احترگ
ياأبن موسى ياأمامي امروتك
خلينه احنه وياك ابد مانفترگ
زياره . والمايزورك ذابحه الشوگ
زياره. تدريني كلبي هواي محروگ
زياره. اسمك نبض ويدگ بالعروگ
آه يالغريب آه يالرضا آه يالغريب آه يالرضا
#علي_محسن_الفرطوسي
القصيده للسيده زينب عليها السلام
........
تعال تعال يالعادتك نشمي وتحن
تعال تعال شمأخرك بوگت الدفن
تعال تعال بيدك تغمضلي الجفن
°°°°°°°°°°°°°°°°
الجنازه اتريد اهلها .. شما ثگل إيخف حملها
واني بديار الغرب
الشام مايرحم غربتي .. احس مسبيه بدفنتي
بعده آثار الضرب
ابابهم طالت وگفتي .. امس جابوني بدمعتي
خوفي مرتين انسلب
ماتت الغيره ابلدهم .. والقدر رجعني الهم
وبالقهر مات الگلب
اموت اموت بس حلمي اشوفن كافلي
اموت اموت اهوايه موتي ارحم إلي
اموت اموت ومعاشر ايامي الحزن
°°°°°°°°°°°°°°°°
بعد احمل يامصيبه .. وطبع اليفارگ حبيبه
بعينه تصغر دنيته
الليل ويه الفاگد اعمه.. ذكرياته إلي تلجمه
الغالي روحي ذكرته
شلونكم يالفارگتكم ... راح اموتن من هجركم
الأخو تكتل فرگته
بعد جم دوب انتظاري .. بحالتي بس الله داري
الفاگد المن ضلته
عتاب عتاب واليعتب ايموته القهر
عتاب عتاب وينك ردت منك خبر
عتاب عتاب اعيوني بعدك ماغفن
°°°°°°°°°°°°°°°°
من جنت انته يغالي .. أنه أميره وراسي عالي
مدلله بجاه اخوتي
جنت مالي البيت انته .. الأخو يحن اعله أخته
انته اخوي وهيبتي
كربلاء منين اجتني .. ضاع كلشي وفرهدتني
طاح عرشي وخيمتي
بغربتي ياما نخيته .. راح اموت أو فزعيته
ردت تحضر موتتي
غريب غريب واني غريبه بهالبلد
غريب غريب ماعندي اخوه ولاسند
غريب غريب كل نايباتي تحزمن
°°°°°°°°°°°°°°°°
بهل السهوله فارگتني .. من غيابك موتتني
واني مااحمل هجر
دفنتي تحضرها اريدك ..عيوني اتغمضها بيدك
وانته تحفر لي القبر
روحي مخنوگه لهواكم .. طيره وتحوم ابسماكم
واني جنحي منكسر
خاتمة كل عِشره فرگه ..وبيه لهفه وشوگ ملگه
بيك روحي تنجبر
عذاب عذاب يل روحتك تحني الضهر
عذاب عذاب جم مره ضهري اني نكسر
عذاب عذاب وشكيلك اسياط المتن
°°°°°°°°°°°°°°°°
يبو راس الحار وينك .. روحي محتاجه لحنينك
بيك خليت الأمل
تحضر بيوم المنيه .. اتخفف جروحي عليه
من اطب للمغتسل
اختك بديره غريبه .. يل تسميني الحبيبه
واني ذابحني الخجل
شفت طفين بحياتي .. كربلاء أو طف مماتي
نعشي جن مسبي ارتحل
وداع وداع وحشه الجنازه اتشيعت
وداع وداع والشام بيه اتشمتت
وداع وداع نسوانهم لـِ تضن بچن
°°°°°°°°°°°°°°°°
علي محسن الفرطوسي
القصيده للامام #علي_الهادي عليه السلام
......
الحزن موضوعي عشت بالحسره
مسيل ادموعي ابـ أرض سامره
عالمسموم واويلاه عالمسموم واويلاه
......
ياعاشر انوار السمه لجلك حزينه فاطمه
يالهادي جرعيت العذاب حزنك صعوبه انترجمه
عشت غربه بمعاناتك امامي هوايه لجماتك
ولا تنعد جراحتك مسجون أو يعذبونك
عشت ايامك بغربه العايش بالسجن صعبه
علي الهادي وحزن كلبه غريب ومنخطف لونك
النقي إلقابه الوفه عنوانه
الدمع لمصابه ونعيش احزانه
عالمسموم واويلاه عالمسموم واويلاه
....
الدنيا ماترحم إبد ماشفتوا بيها كل سِعد
عشتوا العذاب بكل زمن ومطشرين بكل بلد
سمع من حاقد حجايه امام وللسجن كاصد
إصبح منزله سجنه يعاشر نوحه او ونه
عليه الطاغي يتعنه سجين بمنزله گاعد
ابارض سامره إحبسوه ابداره
بدليله الجمره وحزينه اخباره
عالمسموم واويلاه عالمسموم واويلاه
...
سموه امامي بغربته اتغير ورشحت جبهته
مارحمته جفوف الغدر والسم يگطع جبدته
امامي نخطفت الوانه وسف ذبلانه اغصانه
ولابي رحمه سجانه والموت اعتنه لداره
ركد من التعب حيله الهادي يسوه ابجيله
ونعاوي الفاجده انعيله وكلبي تلتهب ناره
نواسي الليله الأمام الغايب
دمع نبجيله بدليل الذايب
عالمسموم واويلاه عالمسموم واويلاه
...
العسكري ينادي بدمع فگدك كسر بيه ضلع
صرنه يتامه بغيبتك وتدري اليتم ماينجرع
بويه تيتمت دونك ومن السم شبح لونك
بويه الگلب مرهونك عليك دموعي سجابه
من العسكري ونه اوتسمع بالسمه حنه
تنوح الزهره بالجنه ونار الفرگه لهابه
دموع عيوني مطر بغيابه
تغير لوني واجيت لبابه
عالمسموم واويلاه عالمسموم واويلاه
....
يالهادي يوم الي متت بجف ابنك انته تغسلت
بس الحُسين بكربلاء بالغربه وحده ويلتفت
الطف ياعجب يومه حسين مغيره رسومه
ذبيح مسلبه هدومه ومحد غسله وشاله
والماله عرف حيره غريب ونازل بديره
جرح حيرني تفسيره ذبيح ادوسه خياله
العطش ذباحه وحوافر فوگه
نزيف اجراحه يصب بعروگه
عالمسموم واويلاه عالمسموم واويلاه
.....
علي محسن الفرطوسي
.
.
#اللهم_صل_على_حليفة_الورع_والزهد_وتفاحة_الفردوس_والخلد التي شرفت مولودها بنساء الجنة وسللت منها انوار الأئمة وارخيت من دونها حجاب النبوة .
.
.
#متباركين بمولد #أم_أبيها #فاطمة #سيدة_نساء_العالمين وأشرفهم
علي محسن الفرطوسي
..............
عِلمانه هوايه انتضارج ايه
واحنه مثلج ننتضر
....
من صبرها اتعلمينه بكل صعب نلگاها حل
گضت أعوام بعمرها تنتضر ضعن الرحل
واحنه غايب عدنه مثلج ندعي يارب العجل
يمته المهدي يجينه هذا ابن خير العمل
من ترف الرايه انتضارج ايه
واحنه مثلج ننتضر
....
باب للحاجات ربنه انطاها هاي المكرمات
الفاتحه نهديها ألها اتحل جميع المُعضلات
لاهي ساره ولاهي مريم نالت اكثر درجات
التنجب العباس لازم من عضيم السيدات
طاهره او وفايه انتضارج ايه
واحنه مثلج ننتضر
....
ارزقنه ربي من عشگها ولو ذره للحسين
الدنيه محتاره بصبرها ونوحها وذاك الحنين
الينتضر للمهدي لازم يقتدي ابـ أم البنين
كون صبح ومسه نبجي ومانمل من الونين
فعل موش حجايه انتضارج ايه
واحنه مثلج ننتضر
...
ضحت ابكل ماتملكه قدمت اربع شباب
ندبه تقره بالمدامع العجل مو طال الغياب
ياأمام العصر وينك شاب كلبي وراسي شاب
لكربلاء راحت زلمنه وماوصل منهم كتاب
جفني ماجف مايه انتضارج ايه
واحنه مثلج ننتضر
...
يمتى تضهر ياابو صالح بعد جم دوب انتضر
وبـ ليالي ام البنين نريدك اتعجل الأمر
بين ودمعه وندبه راحت سيدي سنين العمر
كربلاء انته شمسها يمتى تشرق يافجر
عيني الك بجايه انتضارج ايه
واحنه مثلج ننتضر
......
علي محسن الفرطوسي
السلام على من تورمت قدميها من كثر السؤال على الحسين (ع)
عظم الله اجورنا واجوركم بذكرى استشهاد سيده الوفاء ام البنين (عليها السلام)
علي محسن الفرطوسي
"" "" "" "" "" ""
امك هاي ... ياوفاي ... يا أبوفاضل
* * * * * *
أمك طلع نعشها وينك يبو الرايه
حان الوفه احضرلها من المسنايه
ماينگطع املها وتريدك بهايه
من رحتو من نَزِلَها والعين بجايه
شنو الراي ... ياوفاي ... يا أبوفاضل
* * * * * *
وحشه الجنازه طلعت وين اليشيعوها
أهل المدينه سئلت الأربعه ماجوها
ماتت لجن ماسكنت ونتها سمعوها
عين الدمع لو غِمضت بالدمعه غسلوها
صوت ابجاي ... ياوفاي ... يا أبوفاضل
* * * * * *
من دنيتج نصيبج اوداع وهجر غالي
ماينگطع نحيبج والمدمع الهالي
گلبج بعد حبيبج جمره بهوه العالي
لدرب السفر يجيبج شوگج على الوالي
من دنياي ... ياوفاي ... يا أبوفاضل
* * * * * *
كل هالعمر تطالع ضعن الولف قادم
عاشت على المدامع ومنها الگلب هايم
اخباره ياهو سامع بلكت يرد سالم
تعبي ابد ماضايع وي قمر بني هاشم
جيتك ماي ... ياوفاي ... يا أبوفاضل
* * * * * *
اربع حيادر جبتي لحسين وفيتي
برباج ماقصرتي والعزم شديتي
للطف زلم كبرتي للزهره ضحيتي
لاكن حزينه متي لعباس ناديتي
حگ ارباي ... ياوفاي ... يا أبوفاضل
* * * * * *
القبر ياهو يحفره بطف كربله اولادج
بگلبج لهيب وجمره وبالموت ميعادج
لازم تجيج الزهره تشكرج على امجادج
يل موتتج متنضره يعودون غيابج
الغيبه هواي ... ياوفاي ... يا أبوفاضل
* * * * * *
والملتقى معاهم تحتم بعد موتج
بهيبه يرف لواهم مية هلا صوتج
بدور ويشع ضواهم خمسه اضرحه بيوتج
تفور بوفه دماهم والمجد مـ يفوتج
حسين وياي ... ياوفاي ... يا أبوفاضل
* * * * * *
علي محسن الفرطوسي
قصيدة لام البنين عليها السلام
......
گلب ام اعله الضنه ينزف حنين
وگفت اعله الباب تبجي ام البنين
.....
توكف اعله الباب كل صبح ومسه
نعمه النسيان لاكن مانسه
كلب امهم جمره اعليهم مسه
تنعه ونشغتها يوليدي حسين
...
تنعه ومن تنعه تفسر الصخر
اربعة الشبان راحو بالسفر
لوجبل عدها الكلب جان نفطر
فاكده والفاكد يحب الونين
..
تكعد بدار الولد وتعاتبه
تگله يوليد كسر ضهري الربه
يمه ياعباس جنت امحسبه
من اموت بجفك اتغمضلي عين
..
يمه اخذ بيه الكِبْر ماعدي حيل
ومن اموت لنعشي ﭼـا ياهو اليشيل
الضِْنَه گالو حِمل اهله يشيل
وانتم بطف كربله امبضعين
...
اوكف اعله الباب وانضر عالدرب
لاخبر لاطارش ايسر الكلب
بحسرتي وخيبة امل للبيت اطب
ورگتي يبسة وطحنتها السنين
...
موتي گرب والعمر راح انتضار
ودمعتي بخدي تصب ليل ونهار
اني امكم اعتب ودلالي صار
شمعة وحركتها ﭼـلمة يمه وين
.....
علي محسن الفرطوسي
كل عام وانته اتضل حليف جروحي
اكتب حبيبي وتنكتب مذبوحي
يحسين كل عام واشوفك مذبوح
واني اعله طول السنه لجلك نوحي
روحي حنت للي نامت بالقبر
الزهره راحت بعد ينفع ياصبر
بقت بس ذكراها
والله ماانساها .. بالقبر بالقبر
**********
هاي روحي شلون عاشت ماتموت
ماتت امي وماكو الها ابيتي صوت
أمنه جانت تدعي ألنه بكل قنوت
الهوه بصدري جمر بعدج يفوت
خالي يابيت الأهل من الحنان
المقابر ماخذه الحب والأمان
كون اموت وياها
والله ماانساها .. بالقبر بالقبر
**********
روحي مثل الطير مكسورة جنح
ليل موحش ماشفت بعدج صبح
وبصباحي جرح مايشبه جرح
امي جانت اعله كل ماصخ ملح
روحي صفنت مقبره عشت المُصاب
بثوبي اعثر لو ذكرت امي يـ باب
شكد حلو ملگاها
والله ماانساها .. بالقبر بالقبر
**********
الموت طبعه ياخذ البيهم محنه
نامو بحضن القبر ماعادو إلنه
عذبتنه بغيبت أمنه يازمنه
مثل خيمه فاطمه جانت تلمنه
الله لاينطي العصر امي الحنينه
بيد حاقد نار من شبت علينه
بعجل ضيعناها
والله ماانساها .. بالقبر بالقبر
**********
اعله باب الفاجعه تنزل دمعتي
دارج المحروگ اشوفه . وانتي غبتي
ضلوع مكسوره وجمر يمه حِملتي
طاح محسن . وبتده موعد غربتي
مصابج بعيني رسم خيمه وضحايه
هاي نار الفاجعه وباجر سبايه
كربله وبلواها
والله ماانساها .. بالقبر بالقبر
**********
گلبي ماشال الجره وهاي الفجيعه
تموت مكسورة ضلع أمنه الوديعه
خبر موتج موسهل فاطم يذيعه
شفته مكسور ويون حيدر يشيعه
دافن الزهره ودمع عينه يصب
علي بعدج باقي مكسور الگلب
دمعته شفناها
والله ماانساها .. بالقبر بالقبر
**********
علي محسن الفرطوسي
السلام علئ المكسور ضلعها
السلام علئ من اسقطو جنينها
السلام علئ مولاتنا فاطمه
السلام علئ فاطمة الزهراء
عظم الله اجورنا واجوركم بذكرى استشهاد سيده نساءالعالمين فاطمه الزهراء( عليها السلام) الروايه الثانيه
محد فزعلك طِفه نيرانك
ياباب اسئلك جاوب احزانك
عالزهره حين التندفع
سولفلي عن كسر الضلع ... ياباب
~~~~~~~~~~~~~~~~~~
مكسور گلبي وخاطري دافن ام بيتي أو رديت
عن المصاب إلي جره سولفلي ياباب البيت
اني الصميده حيدره قالع البوب تسميت
كسرة العود اني انكسر للعتبه كلما صديت
بنص گلبي نابت هذا بسمارك
بضلوعي تلهب ماطفت نارك
يمهيج بعيني الدمع
سولفلي عن كسر الضلع ... ياباب
~~~~~~~~~~~~~~~~~~
يسولف الباب وينحرج بس الجماد اطباعه
مايگدر يدافع تره لوتعتنيه فزاعه
يابل الحسن هذا الجره والضلع مني اوجاعه
اعذرني أشكد حاولت بس كثروا الدفاعه
لمن اجوني هوايه عدوانك
سامحني اني الخاطف الوانك
شكد حاولت كون انشلع
سولفلي عن كسر الضلع ... ياباب
~~~~~~~~~~~~~~~~~~
خيبر قلعته بيمنتك واني اختلف عن بابه
كلبك كسرته وخاطرك بسماري ماضي صوابه
طبكوني عالزهره بغضب ونار الهجم لهابه
مابين ام بيتك صرت أوبين اليدور اطلابه
كلمة وأن اسمعها من حاقد
واني اعترف ياحيدر وشاهد
خاطر أخبرك عالوضع
سولفلي عن كسر الضلع ... ياباب
~~~~~~~~~~~~~~~~~~
ياأبو الغوث شكد صحت افزع يحامي الجيران
الزهره طاحت عالارض ومجويه اديها بنيران
اسود وجه اوني أصبحت من دون كل البيبان
الطم بروحي بعتبتي وخضبت (لوحي) وخجلان
صاير جمر وبلوني جم حيره
طاحت الزهره الناضر اديره
ونتها جانت تنسمع
سولفلي عن كسر الضلع ... ياباب
~~~~~~~~~~~~~~~~~~
ياباب راحت فاطمه وصبري دفنته اوياها
الجانت حبيبه وسلوتي هسه القبر غطاها
فاطمه مضروبه شكثر اسود جفن عيناها
من وسدتها اعله الثره جنت استمع مبجاها
اهمس بذنها او روحي احتارت
ياباب وايدي اعله الضلع صارت
ذوبت حيلي جن شمع
سولفلي عن كسر الضلع ... ياباب
~~~~~~~~~~~~~~~~~~
علي محسن الفرطوسي
تروحين وتضل روحي بهضمها
زغيره إني ودمعتي شلون اضمها
تعالي البيت خالي ... زينب والليالي
************
ياباب أمن اشوفك روحي تحتار
خذيت الزهره منه واحنه ازغار
يانار الـتشب بضلوعي هالنار
بصدر أمنه اثر ضل باقي بسمار
ماتت والجنازه من خذوها
گمت اركض وره إلي شيعوها
ياهو الي بقالي ... زينب والليالي
************
علي مشيع نعشها وضهره مكسور
يروح المقبره زاتوت مجبور
ضلمه البيت يمشيع نعش نور
راحت أمنه والحسره بالصدور
عافت بيتها وسكنت لحدها
العزيزه أمنه اثر سطره اعله خدها
يتامه نصير تالي ... زينب والليالي
************
درب المقبره مغير ألنه الألوان
خل نتوادع اويه أمنه يدفان
تروح بهل السهوله أبالي ماجان
التموت أمه يضل يتمنه الاكفان
الموت أهون ولا افگد حنانج
اطب البيت بس خالي مكانج
شلونج كل سؤالي ... زينب والليالي
************
الحسن وحسين بعدج مالهم حال
ونين الفاكد ايهز حته الاجبال
ركن البيت كله بغيبتج مال
صفناتي بغيابج صارن اثگال
بعمر ثمنطعش منه تروحين
جرحج طاب لوبعدج تونين
وضعج شغل بالي ... زينب والليالي
************
يجيني الليل بهمومه وضلامه
أسِيّر عالمجان البيه علامه
اشم ثوبج وليلي شلون انامه
يم حسين من بعدج يتامه
اگصد للمكان البيه تنامين
وينج يمه اصرخ يم الحسين
لبنيتج تعالي ... زينب والليالي
************
وراي الطف سبي ونيران الاخيام
القدر كاتبلي بس اوداع والآم
باجر ابنج يكسروله الاعضام
ذبيح وعينه تنضرلي والايتام
تعالي يم حسن اصرخ بالطفوف
مذبوح الحسين وحضنته سيوف
وراسه برمح عالي ... زينب والليالي
************
علي محسن الفرطوسي
(القصيدة لليالي الفاطميه)
اللـهمُ صَل علىّ محمدً وعلىّ آل مُحَمَّد ﷺ
🍃🌻