1850
مختصّه بنشر جميع القصائد الحسينيه / احنه غير حسين ماعدنه وسيله للتواصل مع الشاعر @a313l1
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
عشت عمري بألم أمنهد حرگ الخيم
اموت أمن العذاب على سبيي الحرم
▪️▪️▪️▪️▪️▪️▪️▪️
آني إبن خير العمل صاحب السجده ودمعه
إلدنيه آذتني شكثر راحو هلي بلا رجعه
ماشفت راحه بدنيتي جروحي فزعت فزعه
إني إلي كضاه العمر عالفرگه يبجي وينعه
ياوالدي العمر امضيعه اليسر
كل خطوه انذبح ماينفع الصبر
▪️▪️▪️▪️▪️▪️▪️▪️
مضيعلي أخو جنه الكمر بالطف دفنته وراجع
إليدفن حبيبه بالگبر بدموعه تلگاه ضايع
خلصت عمري منكسر وخدي إرتوه بمدامع
ياهو إلي مثلي إمن الزمن جروح ومواجع شابع
بجرحي نزل ملح بعيني أظلم الصبح
كل راحه ماشفت معذبني الجرح
▪️▪️▪️▪️▪️▪️▪️▪️
عمي كفيل العايله يم النهر دفنيته
الماي يتراجف خجل من گتله مارويته
راعي الشهامه حشّمت ياعمي من ناديته
عماتي للكوفه ادخلن هتز الجسد حسيته
يم جسمك أنتحب عذبنه هالدرب
بعدك ضعت عذاب درب السبي صعب
▪️▪️▪️▪️▪️▪️▪️▪️
ياناس تدرون الأبو أكبر فجيعه اغيابه
شلته بحصيره للدفن عاري وسليبه ثيابه
حاجب صفه ظهري آنه محدب إمنهد مصابه
إلدنيه ماترحم أبد والحزن كشر نابه
هظموني شكثر مشّوني عالجمر
ياگلبي منفجع صبراً على اليمر
▪️▪️▪️▪️▪️▪️▪️▪️
أنفاسي تتصاعد حزن ونبضات گلبي أحزاني
إلمدمع أو طور النعي صار اسمي وعنواني
كـلما يقدمولي الأكل تبلل دمعتي ارداني
عندي ذبـيح بكربله جرحه شكثر بچاني
جارحني العطش علما إله نعش
من شفته منذبح تِگطّع ونفرش
▪️▪️▪️▪️▪️▪️▪️▪️
بيدي الحبل تارك أثر ماشفت راحه بعمري
الشام مابيه كل رحم تارك جروحه بصدري
مالي عشيره إمن أدخلت للّه أسلم أمري
عماتي بالسوگ اوگفن بجفني المدامع تجري
يتشمت العدو يفزع ألك منو
أهلي ذبح گضو راس برمح لِبو
▪️▪️▪️▪️▪️▪️▪️▪️
علي محسن الفرطوسي
علي بويه أغثني الشام عذبتني
الوادم إشجاها كلها شتمتني
صبراً جميلاً ياگلب وتحمل الأذيه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
أصبر اعله الصار ودري بالصبر زين
الماله بالديره عرف ينطي الوجه وين
لو يميل الهودج نحشم يبو حسين
علي يالتحضر الشده احضرني الحين
عالصعب اكلفك بويه من اندبك
ياعلي اتحضرني بالزجيه احلفك
الشام كلها اتجمعت وإني الحبل بديه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
شاء ربي أن يرانه احنه سبايه
وتنذبح إخواني بأرض الطف ضحايه
روس تبقه إبلا عمايمها و عرايه
عالرماح العاليه ترف چنها رايه
دمعه دمعه اعاتب أمن الرمح يجاوب
يختي ماأعوفچ من بعيد اراقب
عالي الرمح بس يلتفت كلما تون رقيه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
وي هلي هيهات مايلتم شملنه
صارت الفرگه طويله ويه اهلنه
عالهزل وبلا هوادج من رگبنه
بسوط شامت ياعلي بويه نضربنه
ناگتي هزيله وسفرتي طويله
تعرج بمشيها تعذب التشيله
لوناخت اضعوني يحن حتى الجمل عليه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
مثل نار بگصب يمشي الحزن بيه
ماشفت من دنيتي غير الأذيه
الشام آه الشام صب حقده عليه
فرجه صرت بسوگهم صاحوا سبيه
الخجل ذبحني جم طفل شتمني
هالبلد عجيبه بالحجر رمتني
چم مره بالشام انهظم وتمنه المنيه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
ذبحوا بروحي حلم لمة عشيره
كتلوا الغبشه ونزل دمع الأميره
بعد عباس أصبح إني اسمي الأسيره
حيره تاخذني وترد بروحي حيره
بيت ابويه معروف بي وحي چان يطوف
هسه بالخرابه بحبل چفي مجتوف
اتحجب إني بالكسه وبسمي الشرف هويه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
ينهد الها إلحيل ياعالم دمعتي
بغربتي امشي وحبل طِوّگ يمنتي
ماجرت عالناس ياحيدر غربتي
بديرة الشام انهظم وسجب عبرتي
موحجل حبل صار يلتف اعله الأصغار
جم طفل تعذب ناده عمه محتار
اني الكفيله بالضعن وكمل القضيه
إني اميرتهم جنت تالي أصبحت سبيه
الشام عذبتني
▪️▪️▪️▪️▪️▪️▪️
علي محسن الفرطوسي
شاء القدر وبقيت وحدي بعذابي
عافوني للدمعات إني ومصابي
زينب تراني ودهري ولاني
▫️▫️▫️▫️▫️▫️▫️
يهدم الحيل الاخو لو مشه يعوضه منو
فارغ مكانه
ريشه يدفعها الهوه شمعه موتها الضوه
بهل الحاله انه.
شمس حاجبها الدمه نجمه طاحت من سمه
ترثي لوانه
طيحتك وكفت جبل الماي من عندك خجل
يشكي ضمانه
بدمك تروي الماي من عاتبيته
لو ماطحت عطشان جا مارويته
حزنك عماني دهري ولاني
▫️▫️▫️▫️▫️▫️
الله لاينطي الدهر محنتي تكسر ظهر
شفت الاذيه
عرشي بالطف انسلب ابقه وحدي للتعب
ومشي سبيه
من بعد كل الأهل الموت اريده وماحصل
ماصح بديه
چنت إلي ريه وهوه جنت لعيوني ضوه .
وگلبك عليه
اتعب وگول اتهون ومسح دمعتي
جمره بهوه ضليت اني وحسرتي
آه يازماني دهري ولاني
▫️▫️▫️▫️▫️▫️▫️
الدنيا تفتر بالعكس چنت اميره بيها أمس
الآن اسيره
عنك امشي بيا وضع خويه محنية ضلع
والله حيره
الأغله من روحي بتعد عفته عالغبره جسد
الكله غيره
خرز سبحه اطشرت عاليتامه اتوزعت
ماجني اميره
طبع الوكت غدار والدنيه غابه
خلتني اجر حسبات ومسي بخرابه
صدرك اماني دهري ولاني
▫️▫️▫️▫️▫️▫️▫️
انعه أخوي بكل زمن الجان الي خيمه اوطن
عايفني المن
نار تركض بالشمع فايض بجفني الدمع .
يعيوني اعمن
طيفك بروحي يشح منين ماباوع جرح
ودموعي نزلن
نار تاكل بالحطب بحيلي شمسوي التعب
عاشرته الون
دجله وفرات اتفيض من دمعي لو صب
من هالحزن والنووح ماألگه مهرب
بهل الفرگه اعاني دهري ولاني
▫️▫️▫️▫️▫️▫️▫️
بين راسك والجرح موت احلامي الرمح
يا خويه دامي
اخذ عافيتي الوجع حزنك بروحي طلع.
وصرخ يضامي
أيس اصرخ ياگلب تحضن الغالي صعب .
لرمحك سلامي
بجفي امسح دمعتي الله يدري بحالتي
ويسمع كلامي
خليت اخوي حسين بشمس الصحاري
(ودمعي على الوجنات يبن أمي جاري)
للملگه أتاني دهري ولاني
▫️▫️▫️▫️▫️▫️▫️
ابقه لطراف الفجر بحسرتي ضاع العمر
من هالمصيبه
امعزتك مثل النفس صرت لضعونك حرس
بديره غريبه
فايض بنحرك ألم بعيني مرسومه الخيم
وشيبه خضيبه
لونتي ليلي ذبل والصبح بمدوعي هل
جايب مغيبه
روحي امنهد فركاك صارت غريبه
الصبح بالدمعات يبن أمي اجيبه
طيفك جزاني دهري ولاني
▫️▫️▫️▫️▫️▫️▫️
علي محسن الفرطوسي
صوت إبن ظاهر يهز صفوفها
العساكر ترتجف من خوفها
( يازلمه اليوصل لحدوده )
*
واحد وتسعين عمره من ظهر
عالسرايه الموت بالطف چن مطر
إبن ظاهر زارع الحومه خطر
ناس سكرانه برعبها اتشوفها
العساكر ترتجف من خوفها
( العسكر شارد وجنوده)
*
شيخ الأنصار ارتجز يم الخيم
صاح حيهم يـ الله ياإهل الشيم
بعون الله مايطيح النه علم
احنه اهلها وخل نهز طفوفها
العساكر ترتجف من خوفها
( من عدهم ياخذ مريوده)
*
ياليوث البر يفرسان الفله
ناده الأنصار هزو كربله
طوفت بالدم والمصايح عله
مثل حنه بجفه صار يدوفها
العساكر ترتجف من خوفها
( الكافل روانه بجوده)
*
لازم الصاحب يوفي لصاحبه
ولازم نرد الجيوش مرعبه
هدت السبعين كلمن ملعبه
الزلم سيف النشامه يطوفها
العساكر ترتجف من خوفها
( كل واحد يتباهه بزوده )
*
دور الدنيا مثلهم مايصح
ياهو اليوافي الصداقه بالذبح
عالخصم خلو جهنم تنفتح
كربلاء اتشرفت بضيوفها
العساكر ترتجف من خوفها
( واحدهم وفاها عهوده)
*
الطف يضيگ امن الزلم وخيوله
نزلو السبعين لعبو جوله
رجعت جنود الشمر مذلوله
وجوه تنطي الوان خوف اتشوفها
العساكر ترتجف من خوفها
( لاگيناهم ساعة سوده )
*
علي محسن الفرطوسي
راحت اضعون المحنه
ضيعيتوني يهلنه
محترك صدر العليله
ونت الفاگد ثگيله
بويه بويه بويه بويه
**
ضيعتوني بجرح ماصح طبيبه
اوكف اعله الباب محتاره أو غريبه
بويه وينك اني يحسين الحبيبه
ماترد گعدتنه ذيجه ياعجيبه
چانت اللمه اويه اخوتي
بهالسفر اتمنه موتي
دمع المعاتب اسيله
ونت الفاگد ثگيله
بويه بويه بويه بويه
**
راح اخوي احزام ضهري وغرباني
چلمه الخويه قبل حلوه بلساني
ياهي مثلي عدها الأكبر يازماني
وراح عبد الله وبعد شو أجاني
وين اخويه الكله غيره
ضيعاني ومالي غيره
حمل فگده مالي حيله
ونت الفاگد ثگيله
بويه بويه بويه بويه
**
ماشفت راحه امنهدكم يالحبايب
شيبت من صغري بويه بهل المصايب
شلون تغمض عيني بعدك وانته غايب
بس صوركم بالگلب والجفن ذايب
عذبتني المغربيه
من يمر ذكرك عليه
انسه هاي المستحيله
ونت الفاگد ثگيله
بويه بويه بويه بويه
**
گمت ادور بالهوه نفحة عطرهم
ياهو لي يروح ويرد ليه بخبرهم
گلبي خايف يرجف بهذا سفرهم
الموت تارس بالي بسلا أهلي مرهم
الله يستر من طفوفه
منذبح والدنه اشوفه
أيست ماكو وسيله
ونت الفاگد ثگيله
بويه بويه بويه بويه
**
امشي يم أم سلمه وبروحي حسره
قصة القارورة من گالتلي حمره
يعني راح حسين ويلي انذبح نحره
ويعثر الحافر يولي فوگ صدره
اه وال آه بعذابي
گلبي مافارگ مصابي
لا ني اندل وعتنيله
ونت الفاگد ثگيله
بويه بويه بويه بويه
**
هاي هيه يعني مايرجع ابونه
وچنها زينب حشمتله سلوبنه
من على التل هاي يخوتي اتلاحگونه
برمح عالي حسين مانامت عيونه
صلت اعليك البواتر
طافت بصدره الحوافر
هالخبر مابيه حيله
ونت الفاگد ثگيله
بويه بويه بويه بويه
**
علي محسن الفرطوسي
السلام على حميده بنت مسلم عليه السلام
.....
انتظرتك دمعه دمعه وگلبي مشتاگ
يالعفتني بحيرتي ونيران الافراگ
عنك سؤالي رد يغالي
**
بويه نومني اعله زندك ردلي يمخلي الگلب زايد عذابه
الگِعدتك روحي حنت وصارت الدنيا بعد عينك خرابه
گلي وينك ها يمسلم ردت منك اسمع حچاية يـ بابا
طبع البنيه حنينه والابو لو غاب شيعوض غيابه
وكت الغروب اگعد بدربك وناشد
مانسيتك بويه لحظه والله شاهد
محد بقالي رد يغالي
**
يتمتنه من عفتنه من بعد عينك نسينه العافيه
صارت العشره سوالف راح إلي يلمنه بسوالف دافيه
ماترد لمت اهلنه بيوتنه من غاب ابونه طافيه
حسرة تشمرني اعله حسره وينكم يهل النوايا الصافيه
بويه احتاج الحنانك ماترد
اختنگ من اسمع بطاري الفگد
يادلالي رد يغالي
**
هيه طبع الدنيا تغدر أو باچر توديني لديرة حبل
واليتيمه بلايه خيمه الما يموت أمن الضرب ميت قتل
اعذرني بويه الكوفه اجيها مچتفه ومهظمومه بضهور الهزل
عطشونه ومارعونه الماله بالديره عرف ماينسأل
ركضت الخايف فرق عالمستراح
بظهري اثار السياط اويه الرماح
هذا حالي رد يغالي
**
ياهو النه الحيره گبرت والشمس بوجوهنه خلت أثر
خطوه خطوه احسبتهن يشلع گلوب المداليل السفر
اني مضيعتلي والد لخاطر عيوني قبل يلوي الدهر
هسه من بعده بكسرتي الكوفه اتلگتني تشمرني بحجر
دوريتك ردت اسولفلك مصابي
اني يابويه حميده يا عذابي
دمعي هالي رد يغالي
**
ريت أشوفه اشتكيله الطفله اذا مهظومه يسندها الأبو
وإني وحدي مالي والي بويه أحتاج الحنانك والدفو
جرحي اكبر من عذابي عدمن اشكي الحال لاعم لا أخو
ضاع عمري بدمعه تجري السلبونه بويه مابيهم كفو
ناري ماتطفه مثل نار الخيام
هيه المضيعه أبو صعبه تنام
بسهر الليالي رد يغالي
**
علي محسن الفرطوسي
سيف الگمر من برز يسند عضيده
حسين أو اخوه بالحرب مثل الرعيده
صيحة حرب تعتلي .. نزلت ضياغم علي
▫️▫️▫️▫️▫️▫️▫️
اشبول هاشم بالحرب ... الله يستر لو تطب
زلم تشرد .. قاده تلبد .. والارض ترجف رعب
دخنوها كربله .. بيهم الملعب حله
ليوث وتهد .. سيف يرعد .. گلبوا الحومه گلب
ناس مذهوله وبچت عين الكتايب
دخنت صوبينها وتمطر مصايب
حسين والعباس سوو العجايب
حصدو الروس وغده الدم للرچايب
طحن الرحه هالحرب وحنطه العساكر
تسمع طجيج الرگب والدم يگاطر
اليچهبها رد مبتلي .. نزلت ضياغم علي
▫️▫️▫️▫️▫️▫️▫️
الميمنه الغوث إصرخت .. بگصب نار أو ورثت
أبو فاضل .. طب يقاتل .. صار بالجمله الذبح
الميسره بدم طوفت .. الخيل بالروس أعثرت
حسين قائل .. من ينازل .. بجم گلب عايف جرح
زلم تختل بالزلم ترجف مخافه
الگمر أموت أحمر برز ياهو الي شافه
گام يندف الزلم بالطف ندافه
روس طارت وصلت الروس لجتافه
مخلوس رد اليخزره من طرف عينه
وصلها أبو فاضل طرد صوب المدينه
روس الدرب ممتلي .. نزلت ضياغم علي
▫️▫️▫️▫️▫️▫️▫️
تحزموا وتكاتفوا .. فوگ الكحيله ارتگوا
اليچهب الطف .. رد تحسف .. بيه بركان وحمم
ضاگ عالناس الهوه .. حسين والكافل سووه
ارواح يخطف .. يسطر الچف .. وسيف إله يشلع لحم
گمر هاشم من نزل شايله رايه
لويهب بيها الهوه تمطر منايه
والحسين بيمنته يذل السرايه
بكربلاء تبدي الشجاعه والحكاية
يمخورس حلوگ الزلم يابو الشهامه
سويته الطف بالحرب مثل القيامه
هالغبره بس تنجلي .. نزلت ضياغم علي
▫️▫️▫️▫️▫️▫️▫️
صارمه يفصل رگب .. عطش من دمهم شرب
بالجافل .. صوته نازل .. ياخذ ارواح ورگب
سرفن ردانه وهتف .. إله اوصلها النجف
نزل راجل .. هيبه شايل .. چن علي وسوه العجب
هذه عزرائيل لو راعي الكفاله
النهر من جرفه أبچفينه شاله
ياكفيل اخته الحمل شيمه وبساله
بجفه نجم البل ثريه الگمر ناله
ريشاته ترهب بالزلم لو هزهن الريح
اليبرز يضل بطيحته لو يمه يطيح
هذا الولي إبن الولي .. نزلت ضياغم علي
▫️▫️▫️▫️▫️▫️▫️
حسين نازل بالوسط .. بالزلم سيفه لگط
الغوث صاحت.. زلم حارت .. ضيگ اعليها الهوه
أبو سكينه من هتف .. الجيش كدامه نكشف
الخيل غارت .. شنهو شافت .. الطف من حروره نچوه
أبو الأكبر خله الوادم حياره
بيمنته لمن رعد بالطف فقاره
ولد حيدر بالحرب كلهم غياره
ورثت ناره وبعد ماطفت ناره
يتخير إكبار الزلم يذبح حسامه
اليبرز يرد من الحرب مشطوره هامه
ياكربله زلزلي .. نزلت ضياغم علي
▫️▫️▫️▫️▫️▫️▫️
علي محسن الفرطوسي
https://youtu.be/JDClpzwf5PY?si=6XYzn8NZX10UaD5K
Читать полностью…
شاطي المنيه كاسرلي ضهري
عباس اجيتك وعيوني تجري
خيل ومنيه بالغاضريه
...
خيل وجيوش اعله النهر والموت يهمس بذني
عباس مايرجع بعد و الضهر ليل بجفني
اتوچه گمت اعله الصبر . وحته الصبر جارحني
يتكسر بصدري الهوه صار النفس يلجمني
النضره الأخيره منك ردتها
حيره اعله حيره روحي اتركتها
شفت الاذيه بالغاضريه
...
شگد شايل بصدرك عطف حته السهم تستقبله
عطشانه من شفت الأرض من دمك الوادي امتله
نهرين برض الطف جرن . جودك وعيني الهامله
صوت اللوه لمن يرف يشبه اصوات الزلزله
صوتك أسمعه تنادي لعضيدك
سيف المنيه گاطع وريدك
اصفگ بديه بالغاضريه
....
الليل اجه ومو موعده محزم وشارب صبحه
بطف كربله جروح شكثر كلمن وياخذ جرحه
نتلفت بخوف ورعب والگمر عالي برمحه
أفراگ اخونه شگد صعب طاحنه طحن الرحه
خويه اعله جرحك مزدحمه لرماح
التفكد أخوها بيا لچمه ترتاح
جثه رميه بالغاضريه
....
التمن علي كل المحن وكل ونه بسمك أسمع
من طاحت گبالي الخيم منها اعرفت ماترجع
شفت الرمح شايل جبل. أو جه النهار اتبرگع
جم حره مكسورة ضهر ومن ضلعي ونتي التطلع
راحت سبيه الجانت اميره
وماتطفه ناره شيخ العشيرة
ناري سريه بالغاضريه
....
منحور صبري بغيبتك وهب ريح جايب عطره
مرسوم جرحك بالسمه وبروحي بانت كسره
مقسوم أضل بغربتي والگلب مثل الجمره
من عدها يذوب الحجر كلما اجر الحسره
ياعيني سيلي بعد الحبايب
وياگلبي أنزف عيش المصايب
ننزف سويه بالغاضريه
....
لا عندي قوه واعتني صوب النهر وشكيلك
الخيمه وگلبي الرجف وكلشي يصيح ادخيلك
عباس رد لخيمتك من حيلي گوم انطيلك
جرحي اعله طولي وماهدأ بياعين من ابجيلك
مايهدأ وني حيلي هدمته
المثلك يكافل مايترك أخته
وسكنه ورقيه بالغاضريه
....
علي محسن الفرطوسي
يابو فاضل گوم طاحت اخيامي
ياكفيلي شلون تسكت ايتامي
خويه خويه آه يا خويه
**
اخويه البيه أشد حيلي أريدنه
يرد لخيمته لا يگطع الضنه
زينب إني أريده يعود اشمنه
نكسر گلبي النهر بسلا خذاه منه
خلاني اجر حسرات من ودعاني
اضلم نهاري صار فگده عماني
خويه خويه آه يخويه
**
ها يحزام ظهري رد يخويه وياي
عفتني لوحدي محتاره بين اعداي
الأخت تحتاج اخوها أكثر أمن الماي
اجيب منين مثلك ياگمر وفاي
گمت أركض إبلا راي صوب الشريعه
شگد حشمت عباس اني الوديعه
خويه خويه آه يا خويه
**
ليلي خلصيته أبين نار وخيل
خيم محترگه ودموع الهظيمه اتسيل
صعبه اختك يخوها الناس بيها تعيل
الركض ماخله عد زينب بعد كل حيل
وينك ينور العين فگدك هضمني
هجمت علي صوبين الخيل أوصلتني
خويه خويه آه يا خويه
**
أول مره طولي الوادم اتشوفه
وكفيلي اعله الشريعه مگطعه جفوفه
غصب من كربله اخذوني للكوفه
على نوگ الهزل مشوني مجتوفه
چنت الأميره وياك هسه السليبه
هسه الشمر حداي آه يامصيبه
خويه خويه آه يا خويه
**
شحجيلك يخويه وابدي مدري منين
راسك عالرمح وتصد علينه العين
يضربوني وتصيح اطفال عطشانين
مو من التعب من الخجل ميتين
ماسلهمت عيناي لا شفت راحه
خلني وكتي احتار أمن يطر صباحه
خويه خويه آه يا خويه
**
بدفوف وشتم استقلبتنه الناس
وكلها اصيح زينب هاي اخت عباس
الخلگ تتفرج اعليه يبو الأحساس
من كثر التعب گوه إني أجر لنفاس
ياكوفه شتريدين من الفواطم
شتمونه بيج الناس ونشبع هظيام
خويه خويه آه يا خويه
**
علي محسن الفرطوسي
عطشان وشكيلك يبويه جمرة اضماي
دمك نزف مثل النبع ويعاتب الماي
گوه انگل إجدامي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
نار العطش ماتنطفي لو غمض عيونه
عبد الله من ماي العذب طفلي يحرمونه
شذنبه هذه البل مهد لمن يعطشونه
أمن الماي محروم الولد بس مايشربونه
ياناس جارح جم گلب بالغاضريه
مو سهله طفلي ينذبج مابين اديه
رديته لخيامي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
يل نحرك إترف ورد مو للذبح يبني
شفتك تلوج أمن العطش ضميتك لحضني
چا ليش نبلة حرمله يوليدي تفجعني
ياماي جارح خاطري بعبد الله لاچمني
ثغرك تبسم للذبح شاف السهم جاي
بدموعي رويته الولد يامكثر إبچاي
من أرتخه الثامي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
فل بيده أگماطه وشبح عينه على عيوني
مابيدي حيله ولضمه يبني خطف لوني
هاي إذا مو ميت على عبد الله يلگوني
ابموتتك مية ذبح بالحومه ذبحووني
رديت أعثر والگلب مثل الجمر صار
ياكربله اشسويتي من ذبحيتي الصغار
هاي آخر أيامي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
للخيمه من جبت الولد وبگلبي لچماته
عبالهن غافي إرتوه تلگنه اخياته
يابويه گعدنه الولد نسمع مناغاته
مذبوح اخوچن ماسلم صيحلي عماته
اتوسطتهن بالخيم ذبيت الاعمامه
ماتت دللول الولد لطمن على الهامه
يمكثر الآمي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
امه تشمه أمن النحر . عمته تلوليله
اخته تون مِتحِيره متعوده اتشيله
رمله تگول الهم غفه من حيلي الحيله
حته الدمع بعيوني جف بروحي ابچيله
صوتك يعبد الله گبل تضحكله خيماتي
ابشوفتك جانت يبويه تهون لچماتي
مذبوح گدامي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
أمك تهز بيك المهد اگعد يعطشان
من تنعه تفلش الگلب وتزيد الأحزان
بجفوفها تكض نحرك المثل الگطن چان
ادريك ماتحمل ذبح گلبي اني حيران
جرحي الچبير بشوفتك متغطي بدمومك
عبد الله اصيح إبلا وعي يومي گبل يومك
الطم ودگ هامي .. نحرك حچه الدامي
ويعاتب الماي
▫️▫️▫️▫️▫️▫️▫️▫️
علي محسن الفرطوسي
متغير لوني لوني لوني
ذبلانه جفوني جفوني جفوني
لوني وشكلي أتغير
رايح مني الأكبر
***
بالخيم صاحت ليلى للأكبر
يبني لغيابك والله ماأگدر
دمع عيني اعليك عالوجن من خر
للحرب رايح تهدي المنحر
عيونك عالرايه الرايه الرايه
ونطيت حجايه حجايه حجايه
عالفرگه ماأكدر
رايح مني الأكبر
***
أمك مفجوع وكفت و بحسره
تتنظر يرجع أمه منتظره
الوداع الصار عذب الحره
دعوت المظطر تدعي منكسره
گلبي لاجمني لاجمني لاجمني
وحدي عايفني عايفني عايفني
حيرني هالمنظر
رايح مني الأكبر
***
العطش والحر غير ارسومه
امن التعب شفته جروحه ملچومه
ابني خل يرجع مو محل نومه
القمر من يغيب تطفه انجومه
ماطفت ناري ناري ناري
ياعمد داري داري داري
اشذنبك تتوذر
رايح مني الأكبر
***
بنحره اشتمه بلا وعي ناديت
يبني حاجيني والدمع خليت
لكربلاء اتمنه من عسن لاجيت
الولد مذبوح وبالغرب ضليت
مومحل نومه نومه نومه
ذبلت ارسومه ارسومه ارسومه
بعدك يبني اتيسر
رايح مني الأكبر
***
العشره بثواني خِلصت بالطف
مدلله وتالي بحبل اجتف
لاولد يفزع والعلم مارف
بالحزن والنوح گلبي يتكلف
راحت زلمنه زلمنه زلمنه
بغربه يسرنه يسرنه يسرنه
تعبانه أو اتعثر
رايح مني الأكبر
***
علي محسن الفرطوسي
دمعي هملته .. گلبي كسرته .. بهذا السفر
عذبوني ... ونتظرهم
ماأجوني .. من سفرهم
**
اني أم ضعن الثكاله وإني أم دمع اليسيل
راحو أولادي ابضعينه والدرب كلش طويل
حرمه خلوني بعذابي ومابقه بداري خليل
ريجي فكيته بدمعتي وعاشرت طور العويل
اربع بنيني .. ماضن تجيني .. من كربله
ياحسرتي .. روحي عدهم
ماأجوني .. من سفرهم
**
أربعه من داري شالو راحو بضعن الحسين
عيني ابدرب الخذاهم وبيتي ترسيته ونين
تفارگينه بهل السهوله والدمع يعميلي عين
اكتب اعلى الدار اخذني يمه يل گلبك حنين
موتي بغيابك .. يلجمني بابك .. أمن اتعنه ليه
ابجي ونعه .. إني امهم
ماأجوني .. من سفرهم
**
إني امهم ونتظر هم كاعده بدرب السفر
حالي مثل السعفه صاير أرجف وكلبي نكسر
كربلاء عني بعيده ومارجع منهم خبر
موديه ثلث نجوم اخبرك والمهم سالم تمر
من هاجروني .. اخذو عيوني .. شكد ناطرت
بروحي جمره .. من أهدهم
ماأجوني .. من سفرهم
**
ياهو ألي يوصل خبرهم ذبح دلالي الحزن
مثل طير وهذا حالي ليلي اخلصنه أون
بيت الأحزان اني اسكنه وماغفه لحضه الجفن
دمعتي إتغرگ وجنتي بفركة أولادي امتحن
خوفي وعذابي .. وحيرة مصابي .. دوم انتظر
من أعاتب .. حيرني امرهم
ماأجوني .. من سفرهم
**
نذر كلهم ولدي راحو والمهم سالم يعود
أدري كفال الضعيفه يفدي لحسين الزنود
اربعه وكلهم نشامه ولدي يوفون العهود
مايرد ساقي العطاشه دمعتي تغرگ الخدود
يفدي اخيته .. حافظ وصيته.. نشمي الگمر
املي جودي.. ياعطشهم
ماأجوني .. من سفرهم
**
علي محسن الفرطوسي
عيني لدروب الأهل مشبوحه
بويه بسيف الهجر مذبوحه
.....
وداعت الله من گلت وحدي ضليت التفت
عالضعن من حشمت واياك اروحن حسبت
بعيني عبدالله شفت بجفه يوميلي ومتت
امشي اهز مهده ردت بليل هجرك مانمت
صحت يختي يارقيه بنوحي
عيني لدورب الأهل مشبوحه
....
أنته أبو گلب الحنين مخلي بنتك بويه وين
ليا عذاب ويا ونين ردلي خل تغمضلي عين
بعالي صوت اصرخ حسين ياهلي يل راحلين
محسبه تگلي تجين بضعن اخوتج تصعدين
بنضرتك يحسين تشفه جروحي
عيني لدورب الأهل مشبوحه
....
عودت گلبي عليك لأني اندل حته اجيك
حسين بس مدلي اديك دوه اجروحي بويه بيك
كون تنباع اشتريك ليش بويه معطشيك
بكربلاء امعذبيك وطن بس امغربيك
بصوت طفله حشمت مذبوحي
عيني لدورب الأهل مشبوحه
....
الريح لو حركلي باب حسبت جيت احباب
جفني من دمعاتي ذاب عشت كل عمري بمصاب
بويه مااحمل غياب بروحتك شفت العذاب
لاتضنه جرحي طاب بالگلب هذا الصواب
علگت رايات فوك صطوحي
عيني لدورب الأهل مشبوحه
....
ماترد لمت هلي. إلها مشتاگه وعلي
اخبار ماوصلت إلي بويه فارغ منزلي
صوت حزني يعتلي بجرح دلالي ابتلي
همومي ماضن تنجلي حسين جرحي الأولي
من هجركم راح تطلع روحي
عيني لدورب الأهل مشبوحه
....
علي محسن الفرطوسي
https://youtu.be/u3ltCW08a2c?si=4TtF3rmHz9uftsFW
Читать полностью…
نوم العوافي نايم ابونه اعله الرمح
ماضنه غافي من تعثر الناگه يفز
@@@@@@
السجاد إني ودمعتي تنزل عذابات
صحت اعله حادينه تمهل عالغريبات
السوگ كله اتفرج وصاحوا سبيات
امن أيدي دم بويه نصبغ ظهر الهزيلات
شاهد جتافي من عده ضل دمي يسح
@@@@@@
مابيه حضن ادري الرمح حتى اني احضنه
يابويه گِضيِت الدرب ونه اعله ونه
من بعد عينك هالشمر يحدي بضعنه
مو راس هذه المرتفع شالوا محنه
ياگلبي كافي وي دنيتي مالي صلح
@@@@@@
عماتي عذبها السبي اربات الخدور
المثلي عايش يم هله والسلف منطور
بمعضدي خلوا حبل گلبي إني مكسور
شبه الكواكب عالضعن اتلالي النحور
طبعك توافي غيمه وعلى روس الفلح
@@@@@@
بويه ركض بيه الحزن نار اعله شمعه
الشام جارحني شكثر ضيمه شيجرعه
اليتعب أمن جروحه تشرح حاله دمعه
رايح أبوي امنيدي أو مامنها رجعه
لا ما يجافي ودالي راسه المنذبح
@@@@@@
الشام وادمها ولا غضت بصرها
جانت امضه امن السهم بويه نضرها
وناگتي هزله الركبت إني بظهرها
اه الخرابه شحجي بويه عن خطرها
واليمشي حافي بجروحه تراب وملح
@@@@@@
فوك الضعن شالوا سمه لو راس ابونه
يمطر على ابناته دفوا أمن ايحركونه
يرعد زعل فوگ الرمح لو شِتّمونه
ماغافي من گد التعب فاتح عيونه
كل القوافي ماوصفت هذه الجرح
@@@@@@
علي محسن الفرطوسي
بوداعك الگلب بس انته سالفته
بوداعك الهوه بانفاسي موته
بوداعك ابو ويروح من بنته
بوداعك
▪️▪️▪️▪️▪️▪️▪️
الصعب شفته الهظم عشته
يبويه من رحت ماضل نبض بيه
بيسر امشي انهدم عرشي
تشوف الراحه گلي شلون مسبيه
بخرابه نبات شكثر لوعات
رقيه اني العزيزه ماالك جيه
رحت عني كثر حزني
يخلص هالعمر بالونه تاليه
بعذابي الدهر يابويه خلاني
بعذابي وتكتله الصفنه اليتاني
بعذابي نحت والحجر ذوبته
بوداعك
▪️▪️▪️▪️▪️▪️▪️
انام شلون وغمض عيون
يعيش بحيرته الفارگ ابو بصغره
متت مرتين يراس حسين
تجرحني الليالي واني منتظره
اخذني اوياك صعب فركاك
عيني الماتنام أمن السهر حمره
عذاب الشام جروح أيتام
المثلي يموت كاتم عبرته بصدره
هظمني غيابك والدي عني
هظمني الوكت بعدك يعذبني
هظمني العذاب بروحتك شفته
بوداعك
▪️▪️▪️▪️▪️▪️▪️
العمر شيفيد وابويه بعيد
سند روحي عليمن استند بعده
خذاه الموت واصيح بصوت
زماني هم بعد لدياره شيرده
يعذب الماي جرحته هواي
هداه الله العطش ويانه شعنده
السبايه احنه برعب عشنه
والدنه نفرش فوگ الرمل خده
المنيه ردتها بساعة اوداعه
المنيه وشفتها امكسره اضلاعه
المنيه ابوي حسين فارگته
بوداعك
▪️▪️▪️▪️▪️▪️▪️
بصغر سني اوتفارگني
ثگيله غيبتك منها نكسر ظهري
يهد الحيل ضلام الليل
اذا خيم ضلامه يختنگ صدري
أصيح ابصوت قبل لا موت
يبويه ومن بعد عينك نفذ صبري
اريد اتعود اليه اردود
تمسح دمعتي ياوالدي التجري
دمعتي الفرات اتروه من عدها
دمعتي مثل عشرتنه شيردها
دمعتي الرمح بالدمعه عاتبته
بوداعك
▪️▪️▪️▪️▪️▪️▪️
علي محسن الفرطوسي
ياگلبي الحزين ... شد حيلك بونين
بعازة ولي . راحو هلي . الحگ إلي
بويه علي
***
ياغوث للماعده غوث . يابويه حشمت . صوب الغري التفت
وينك تعال لكربله
گلبي تعب من الجره . ماضل إلي مُعين . بالمذبح الحسين
وطوفه ارماح الفله
ماعندي خيمه ولاستر بالبر تفر اطفالي
من هجمت خيول العده ياريتك اتصد حالي
حرمه ولوذ أمن الزلم تدري ابعازت والي
بخيامي بويه نار .. مذعوره الزغار
بلا كافلي .. بعازة ولي
بويه علي
***
من الخيم للتل ركض. وصرخ يمذبوحي . خويه اطلعت روحي
حاچيني يبن أمي
انجانك عدل ماتعتذر . تفزعلي وتِجِيني . فراكك ياذيني
بعرگي يبس دمي
هيه المره من تنولي تشد الظهر چا بيمن
اتفزع اخوها اتحشمه وإني انتچي اعليمن
شفتك بعيني منذبح ومحتاره احاجيمن
خليني افييلك .. خويه وَتِجيلك
والمبتلي . بعازة ولي
بويه علي
***
يا حيدر حسينك گضه . الخيل اسحگت صدره . بويه اسچب العبره
تراب امتله جرحه
هاليله كشره ابلايه اهل . عدواني حاطتني . بسوط نجرح متني
ليلي نذبح صبحه
وينك يبو اتراب اندهك تحضر بناتك تحضر
من غارت الخيل ودنت اطفالي ضاعت بالبر
جرحين ماطابن تره ضلع امي ويه المنحر
ياجرحي والألم .. ماضلت الخيم
دمعي ايهلي .. بعازة ولي
بويه علي
***
عرش الاميرات انسلب .ثوبي امتله تراب . اتجرع العذاب
اركض أو أعثر بالرمل
بجفوفي مو معضد ذهب . هذا حبل بالايد . گادوني ليزيد
جفوفي جارحهن حبل
إني الي رباني علي ومحد يشوف اخيالي
ياوسفه مجتوفه ابحبل ارحل سبيه تالي
يحسين راسك عالرمح وعينه تصد احبالي
ضاع العمر عذاب .. بحجابي اثر تراب
ياكافلي .. بعازة ولي
بويه علي
***
الكوفه لو باجر اطب . عين الشماته اشوف . استقبلتنه ادفوف
فرحانه كل الناس
مكسورة الخاطر اجي . من ادخل الديوان . حرمه بلا وليان
مايحضر العباس
چا ليش جازوني بجرح وإني الاميره الحره
هاي إني بنت الأصل وامي الزجيه الزهره
عشت العمر بالحزن من الوكت منكسره
عين الدمع تصب ... من امشي هالدرب
بحزني ابتلي .. بعازة ولي
بويه علي
***
علي محسن الفرطوسي
https://youtu.be/KKtKHKQ3Uao?si=fBJqeknYZZ2JLIQ2
Читать полностью…
اليوم حگ الشبان جاسم يريده
......
طالع شباب أمن الخيم مثل البدر جماله
لايگ عليه درع الحرب سيفه بيمينه شاله
سبحانه رب الصوره ياهيبته وكماله
مثل الفراشة بالخيم وعله الخصم زلزاله
العسكر بجف جسام سبحه ويفرهم گام
اليوم حگ الشبان جاسم يريده
.....
ماخذ جماله أمن الورد بس بالحرب حسامه
مثل الكمر وكت الحرب يتحول القيامه
بركان غيضه لويطگ ماتنفع الندامه
فدوه اروح لغيرته ويافزعته لعمامه
بصدره يتلگه الموت ياهلا يصيح بصوت
اليوم حگ الشبان جاسم يريده
.....
عريس ماهمه العرس شاف الحسين بغربه
متربي بمضيف الحسن من صغره شايل جربه
ومدربه عباس الكمر وحسين كافل گلبه
بعيونه يخزر عالزلم خيال ياهو يگربه
كفو منه المهيوب بحب أبو اليمه يذوب
اليوم حگ الشبان جاسم يريده
......
انضر عليه من الخيم عفيه ابني الذلاهم
مايستقر وضع الحرب مثل الغنم سواهم
اسمع جماجم تنكسر سيف الغضب خذاهم
راواهم نجوم الضهر من هجمته بچاهم
صگر ويغط صيدته مثل حيدر صولته
اليوم حگ الشبان جاسم يريده
...
جسام من طب للحرب حنطة بهوه وذراهه
اصغير العمر لمن طلع لاكن زلم كسراهه
متعني يذل الشمر گد چلمته وسواهه
ياأبن ابوه يبرز إله رگاب ولسن كصاهه
گصب وتلوحه النار الجيش كدامه احتار
اليوم حگ الشبان جاسم يريده
....
علي محسن الفرطوسي
https://youtu.be/hDAAk8a6a8k?si=TsJitQ59YTPsMM0N
Читать полностью…
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/DhmT9wpp9m8?si=yu8zq6PazxEMPktl
Читать полностью…
تربات حسين وماضاع اربانه
چن رمش وعين بـاچـر تـلـگـانه
شجعان ورفعة راس تعلمنه أمن العباس
*****
من عالم التكوين تكلفنه بيها
لرض الطف متعنين بالحب نجيها
هاي اجنود العباس الله محيّيها
فجر الحرب لو صار نلوي اديها
نكتب عالكاع من فيض إدمانه
بلحظات وداع الموت تلگانه
نوكف يمك حراس تعلمنه أمن العباس
*****
يفك ريجه بروس الگوم سيف الطلابه
نفزع عالجيش بموت مثل السحابه
صگور ونفتر ونصيد عزه ومهابه
لازم إبن مرجان ياخذ حسابه
نقسم للموت باقين وياكم
ونصيح بصوت ماطاح الواكم
تتفاخر بينه الناس تعلمنه أمن العباس
*****
كل واحد بينه يصير مثل المنايه
بالطف يحسين انصول نطوي السرايه
تترادم خيل وناس ونعلي رايه
نتروه الحب وصرار بجود السقايه
جود الرواي منه تروينه
الحب مو ماي لمن شربينه
يفوح إسمه اعلى الأنفاس تعلمنه أمن العباس
*****
خيبر بالطف تنعاد وفزعات الاشتر
وياكربله اتشهدين بهذا المعسكر
كل واحد ينعد جيش ومدربه حيدر
تشبع من العدوان كل وحوش البر
ناخذها اطراد للكوفه توصل
موقف ينعاد والجيش اتهيكل
توحدنه اعلى الارجاس تعلمنه أمن العباس
*****
قرص الشمس لو غاب انول الشهاده
مانرجع من الموت عدنه اراده
حلوه بجف العباس هاي القيادة
نحور انضحي العطشان ولازم زيادة
خاف مقصرين لنحور اشوايه
شنهو مقدمين. وگالو وفايه
مايوصلك مقياس تعلمنه أمن العباس
*****
علي محسن الفرطوسي
خدمة حسين شرف يكفيني
...
خادم حسين .. ضوه العين .. ودمعتي انطيله
على المذبوح .. حدي ونوح .. وضل ابچيله
بلطم الصدور .. اخذ دور .. الدمع ويسيله
المقتل اقراه .. على الاه .. صبح ترتيله
كون ابجيه بدمه من عيني
..
تحزمو حزام .. يخدام .. يمحله الخدمه
هذه عاشور .. بالصدور .. علامه إسمه
ابچو ياناس .. بالحساس .. على أبو اليمه
الخادم يصير .. مثل طير .. يطير بعزمه
همه أوحيل ردت تنطيني
.....
راية احزان .. بالوطان .. ألك مرفوعه
اسود اللون .. يلبسون .. بدموع ولوعه
شيعتك هاي .. يمولاي .. ألك مفجوعه
محضر العين .. للحسين .. تصب دموعه
موكبك هاذ يبعد سنيني
....
حسين محبوب .. بالگلوب .. ألك هالصوره
الخدمه عنوان .. باالاحزان .. نروح نزوره
شايب وشاب .. ألك جاب .. دمع ونذوره
بگلبه نيران .. الحزن حان .. وكلمن دوره
لمن احتار تره ينجيني
.....
ألك كصديت .. مثل بيت .. هلي حسيتك
جايب وياي .. يمولاي .. حزن ونعيتك
بمهدي ناديت .. تعزيت .. بعزاي الگيتك
دمع الجفون .. دمه كون .. إذا عزيتك
بالقبر دمعتي التحميني
......
علي محسن الفرطوسي
المأتم هويتي حبك قضيتي
دمعة عاشورك تحييني
***
لو ما خدمتك يحسين العمر ماضل إله قيمه
اخذني لعالم جروحك وفقني يبو الشيمه
جمره وماطفت لجلك بدليلي تستعر خيمه
اعطش ألك مو للماي للضميان بل هيمه
شهر المحرم عيشني مأتم
جرحك يحسين مبچيني
***
ميت واعدل بعاشور والتحييني دمعاتي
ألك يحسين أبو السجاد كل دمعي أوي حسراتي
المحرم احسب الأيام اضيع بدون وناتي
بخيمة خدمتك مهيوب وتشهد عني لطماتي
بهاي المجالس بجنوني عابس
خادم الحسين مسميني
***
مثل الطير ارد يمك تلمني شما ثگل حملي
حنين حسين اعرفنه هواي حسين فازعلي
الوذ بهيبته أو بخته واحد جنه من أهلي
إذا امرض وإذا احتار جفوفه الزاچيه يمدلي
ياناس أحبه شايلني گلبه
مجروح وهوه ايدوايني
***
حلاة الحب جرح ودموع حسين الجرح الي يهمني
بطريقك خطوه خطوه وياك بهاي دموعي كبرني
اللطم تسبيحة العشاگ لعالم جرحي تاخذني
دمعي بي مشاعر حب ارتاح ودمعي يلچمني
يجبر الخواطر دمعي اليگاطر
وتسولف بجروحك عيني
***
حرز لعيوني دمعاتي وغير دموعي ماعندي
عشت قصة غرام وياك يبو السجاد من مهدي
بمحرم انشر الرايات ويفيض أمن الدمع خدي
اصيرن شاعر ورادود وعزي القائم المهدي
جرحك يهمني وحزنك فجعني
حزنك مولاي مغطيني
***
أول كلمه اعرفها اه يحسين ومصابه
جمرة حزنك بگلبي حتى بقبري لهابه
طبع الدنيا دواره وشما دارت ابابه
ماعندي عرف غيرك حبيب ويعشگ احبابه
قصة غرامي لحسين أمامي
لبابك اشواگي توديني
***
علي محسن الفرطوسي
ضوه عيني وجفيني فدوه انطيهن لحسين
حشميني تعرفيني يازينب حان الدين
يختي وتدريني راح اوفي بديني
* * * * * *
جارحني هواي الماي والشاطي هوايه
يازينب هاي اعداي ماتشرب مايه
رايح بجفوفي الواي والجود ويايه
إني الساقي الوفاي وانطيت حچايه
من ازعل وترجل بالماي اتشب نيران
بجفي الطف ماينشف من دم هاي العدوان
الموت بجفيني راح اوفي بديني
* * * * * *
أبو راس الحار اسمي الرواي الكافل
تجري الغيره بدمي إني أبو فاضل
بالطف ماقل عزمي رديت العايل
يختي ولا تهتمي اگبالج نقاتل
يالحره والزهره يرخصلج هذا الماي
بالرايه على مايه تنذل كل هاي اعداي
ياگرة عيني راح اوفي بديني
* * * * * *
على راس الطير اسمج فنه اليدنالج
احنه اخوانج يمچ چلمه انطينالج
محروسات اخيمج درع احنه گبالج
قسمينه بأسم امج بدم ضحينالج
رايتنه بهمتنه اترف اتضل بالعالي.
نضحيلج نفديلج زينب ابكل غالي
بس تحشميني راح اوفي بديني
* * * * * *
رايه وتعرفها الناس وچفي اللزماها
اعداي اتعرف العباس بالطف رعباها
صاحب غيره ونوماس وبالروح افداها
زينب يارفعة راس ماطاح الواها
بغيرتنه تحزمنه جيل تناقلها لجيل
الطف يشهد حين الهد ظهر الطف اصبح ليل
الساقي مسميني راح اوفي بديني
* * * * * *
جارحني سهم العين ولخيامي عيوني
عطشانه اطفال حسين الماي ينادوني
يازينب والچفين طاحن يدروني
عن جودي تناشد وين من يحشموني
عطشانه وحيرانه اطفال حسين يتانون
تحشمني وتندبني الماي الماي ينادون
سكنه اتانيني راح اوفي بديني
* * * * * *
علي محسن الفرطوسي
ارد اروحن للكفلهه اضعوني
وين وين العلگمي دلوني
****
گلبي ملهوف الجفوف سمعت أمگطعه
ياضوه العين الحسين گصد للمشرعه
عيني ألك بچايه وينه راعي الرايه
راح حامي ضعوني للفرات ومايه
ماي ماي الصوت من ضعوني
وين وين العلگمي دلوني
****
جفني همال والعيال تصد صوب النهر
وينه عباس ينوماس وصل لينه الخطر
أخذ روحي بطلعته والعطاشه نادته
سالم ايرد لينه ترف بيده رايته
راح راح ونزل دمع عيوني
وين وين العلگمي دلوني
****
جرحي ماطاب والمصاب مثل جمره استعر
جفني مشبوح الجروح حمل يكسر ظهر .
حشمت ياكافلي الكمر ياهيبة علي
انتظر يلفيني يكلي يختي ادللي
نار نار غيابه خاطف لوني
وين وين العلگمي دلوني
****
شلي بالماي يوفاي اريدنك ترد
وين أبو الجود والزنود جِرح گلبي الفگد
الماي جارح خاطري جروحي مقتل تنقري
الرايه وي راعيها للشريعه ناظري
صاح صاح شجم طفل رووني
وين وين العلگمي دلوني
****
لوني مخطوف والطفوف جرح يچويني
راح عباس والارجاس يخي تاذيني
من بعد ذاك الخدر وصل لحدودي الشمر
النار وسط خيامي وجدمي يسحك عالجمر
خيل خيل وناسهم شتموني
وين وين العلگمي دلوني
****
بعد الخدور يعاشور اعيش املوعه
عفت الاعضيد بلا أيد وگع عالمشرعه
واني امشي لوحدي شمر بضعوني ايحدي
من بعد خواني الشام جرحي او موعدي
ليش ليش اخواني ماحضروني
وين وين العلگمي دلوني
****
علي محسن الفرطوسي
حشمت خلف الضعن
يبني ارجع للوطن
**
وينه عباس اصيحه بدمع عيني اليصب
درب الضعون خذاهم جرحني هالدرب
جفني ذبلان تركته يسباح الگلب
اربع اولاد هجرهم يهل الوادم صعب
عيوني بالدمعه انعمن
يبني ارجع للوطن
**
حادي العيس خذاهم حده بدرب الخطر
مني ماخذ بنيني شمس تضوي وگمر
كسرة العود عليهم أحس گلبي انكسر
مني شيريد حرمني يهل ناس الدهر
شموعي بالدار انطفن
يبني ارجع للوطن
**
رايده أخبار تجيني على الباب اوگفت
گلبي محتار يعباس يبعد أمك صحت
من الطفوف يعودون بحلم ملگه عشت
غير الجروح والنياح بعدكم ماشفت
مارحم بيه الزمن
يبني ارجع للوطن
**
ريحة احباب على الباب اشم وكت العصر
اركض بنوح والجروح مثل لفحة جمر
والصبر زين يگولون لجن ماضل صبر
البيت الي يفارگ اعزاز مثل وحشة قبر
گلبي بالفرگه امتحن
يبني ارجع للوطن
**
عميه العين والدموع اثرها اعلى الوجن
مجره نهران عالخدود أثر من الحزن
بنار الغياب والأحزان يالولاد امتحن
من يجي الليل بالدموع جفن زاعل جفن
زاعل عيوني الوسن
يبني ارجع للوطن
**
علي محسن الفرطوسي