1850
مختصّه بنشر جميع القصائد الحسينيه / احنه غير حسين ماعدنه وسيله للتواصل مع الشاعر @a313l1
نَظرة الحُسين إلىٰ عَين زينب، بَعد مَصرَع العبّاس.. وَحدَها حِكايَة !
Читать полностью…
گمر گمر بيده رفت رايه
غضب غضب لزينب انطه احچايه
*
هاشمي وگلبه زعل. والغضب بعيونه
أسد الحومه نزل. وكلهم يعرفونه
گمر هاشم ارتجل . حيدري يسمونه
يافحل وبن الفحل . مايرد يدرونه
نزل نزل سبع المسنايه
غضب غضب لزينب انطه احچايه
*
لعب جوله بكربله . بخيلها وخياله
نزل چنه الزلزله . گمر ياهو أمثاله
الوادي بالدم امتله . أبو فاضل جاله
رقم واصعب مسأله . ضربته الچتاله
زعل زعل سيد الوفايه
غضب غضب لزينب انطه احچايه
*
طشر بكيفه أوجمع . ماتهمه جموعها
هاشمي بالطف فزع . طحن سيفه ضلوعها
صوت بالحومه ارتفع . الزلم تجري دموعها
جنه حيدر من طلع . هوه وطفه اشموعها
صگر صگر بيه كل كفايه
غضب غضب لزينب انطه احچايه
*
الناس ترجف بالرعب . من خزرته موته
لازم اعليها الدرب . انا الكافل صوته
غيض صدره يلتهب . ماكو فوته تفوته
شايل بجوده العذب . ومتله أمن مروته
كلف كلف النهر جايب مايه
غضب غضب لزينب انطه احچايه
*
بيده مدربه علي . من صغر صولاته
الغبره لمن تنجلي . ينفذ حجاياته
رايته من تعتلي . الموت بضرباته
اختها گلها ادللي . حارس بخيماته
وفه وفه من وصل للغايه
غضب غضب لزينب انطه احچايه
*
علي محسن الفرطوسي
https://youtu.be/GUileUL1m_0?si=Wg6217qXX6pxWCFJ
Читать полностью…
من الخيمه طالع چن بدر ليلة تمامه
هز رمح الحرب ونفتحت ابواب القيامه
شيخ اعله الزلم بالمعركه بچفه حسامه
......
يتقدم . يتبسم . عينه تحرس للخيم ماهمته المنيه
يتكلم . سيل الدم . ناده بيهم كربله صارت الي هويه
مايهتم . لو دمدم . يشلع عيون الحرب بيه غيره هاشيه
يحلاله الزعل هيبة ملك والحومه عرشه
شايل كربله وحب الخيم كلها اعله رمشه
واكف ياأسد ويخوف العسكر كلامه
......
چن حيدر .. طب خيبر .. رجفت گلوب الزلم جفه خطف هواهم
المنظر .. يتكرر .. يحصد بالرگب برض الحرب زعلان اجاهم
بسوح الكر .. يتبختر .. سجيل الغضب سيفه مطر غيض بسماهم
موت أحمر برز يخطف بالارواح العنيده
يتكلم زعل بس صوته يشبه للرعيده
اليبرز يم علي يقره على روحه السلامه
....
ضرباتي .. صولاتي .. عيدي بالوغه من احصد ارواح بحسامي
بنظراتي .. خطواتي .. اتنفس علي والهيبه من هيبة عمامي
كلماتي .. هوساتي .. اني الامر أو أسمي برز بين الأسامي
رد صوب الخيم والجائزه راس إبن غانم
جبده أمن الضمه وجهد الحرب ماضنه سالم
يشكي لوالده ومجره الدمع تارك علامه
....
لاچمني .. محيرني .. الماي منين اجيبه ياكسرتي أو عذابي
احضني .. ودعني .. دمعاتي يالاكبر جانت ابلغ من جوابي
تودعني .. علي يبني .. يوليدي خذت روحي وعليه اشتد مصابي
يوليدي الدرع والكر إذا تبرز يجهدك
جدك النبي يستقبلك ويروي چبدك
من اخيامي راجع ياعلي مثل الحمامه
.....
مااگدر .. اتصبر .. يوليدي جوادك ياخذك بس مايرجعك
اتحير .. وتكدر .. يانبضة قلب صعبه بدمع عيني اودعك
تتطبر .. تتوذر .. يالولد حيلي انهدم للمعركه اتبعك
عالدنيا العفا بعدك صبح اضلم زماني
سهم امثلث بساعه وگعتك الرماني
يفراگ الولد يوجع هدم حيلي وعمامه
......
علي محسن الفرطوسي
https://youtu.be/gY_6WPyW9WQ?si=d5MalcnQ4SDqymmv
Читать полностью…
احنه انصار الحسين ذلينه الميادين
لاخر نفس وياك
....
عدنه الموت بالميدان چنه ملگه خطار
احنه اوياك لآخر يوم غالي وعيب نندار
هيه الزلم وكت الضيج توفي الحار بالحار
ماعفناك بالميدان صرنه للعدو انذار
روس بروس طگينه لحب حسين ضحينه
هاك جفوف وعيون انصارك يوفون
لاخر نفس وياك
......
نخلي الروس ويه الخيل تل ونصعد اعليه
والميدان يسعر نار ماواحد گرب ليه
غالي حسين عدنه هواي بالارواح نفديه
حچايه انگولها نوفيه هاي الكلمه ننطيه
دمع العين يحجيلك هاي نحور نفديلك
نعوف حسين هيهات. بحبه عايش المات
لآخر نفس وياك
....
العين شلون تعله بيوم عالحاجب يمولاي
للعطشان وكت اضماه نفزع للخيم ماي
صح سبعين من ننشاف بس بالمعركه هواي
للكلفات والصعبات واحدنه احنه شراي
بينه النار ماتطفه بهذا الليل مانغفه
وقعناله بنحور دم العاشك يفور
لآخر نفس وياك
.....
الگوم ادكوم تردم گوم لو طبينه برماح
منخليه خصم حسين بالميدان يرتاح
مثل النخل من نموت مابينه الهوه وطاح
حب حسين مثل الغيم واحنه گلوب فلاح
يابو الخير انحبك نضل للموت ابدربك
وجهك يشبه الماي كلك خير مولاي
لآخر نفس وياك
......
أمن افضل طين خدامه أو وفايه للحسين
نموت نعيش ماننساه احنه اوياه باقين
بالحب هذا يامولاي فوگ الغيم عالين
روح بروح احنه اوياه خلانه سلاطين
مانحتار نتقدم . حبك صار ويه الدم
من العدم جيناك احنه بخيمة احماك
لاخر نفس وياك
......
علي محسن الفرطوسي
يوليدي يوليدي
.....
يل بعدك بعمر الورد .. لاتبتعد .. ضل گلبي ممرود
يوليدي ماشفت الشمع.. حنه الدمع .. بحبال الخدود
للحومه زفيته بدموعي هنيته
حلمي الرسمته امن المهد عريس اشوفنه
بين الهواشم للفرح بيدي اعجن الحنه
بيدي ألبسنه الدرع للحومه اودعنه
آمنين اجتني كربله ومنه اگطع الضنه
عجنت الحنه بدموعي
الزمن طفاهن شموعي
يوليدي يوليدي
*
ماينحمل فگد الولد .. راح الولد .. شيرده جسام
عريس ابني إبلا عرس .. حلم الأمس .. حاجبته السهام
من العرس محروم واني بگلب ملچوم
من خيمتك يبني أطلعت گتلك ترد سالم
مبارك ييمه اعله الذبح مابين ألف صارم
خلوني اشتم الولد مني الگلب هايم
يوم المبارك جنت اضن أسمعها يا جاسم
اخضب شيبتي بدمك
ييمه بنحرك اشتمك
يوليدي يوليدي
*
عماته مابين الخيم .. يهل الشيم .. وين العرس وين
مذبوح عمه بيه رجع.. گلبي نشلع .. بين الصواوين
نايم يمذبوحي يامكثر جروحي
نام برغد بين الخيم واني أحسب جروحك
غافي على راسك جرح منه أطلعت روحك
خليني اكعد يمك واسمع شجن نوحك
اغفه اعله صدري الرمل ماريدن يلوحك
اضمد جرح البراسك
وخلي أنفاسي بنفاسك
يوليدي يوليدي
*
يوليدي ياغيم السمه .. شلون الدمه .. أمن الغيمه جاري
ذاخرتك لو كت الكبر .. تالي العمر .. انته التباري
حلمي العله جفوني بعرسك يهنوني
بلون الفرح يوليدي مفصله ثيابي
حلمي الرسمته زفتك يبني اعله بابي
الموت من جفي خذك تالي بمصابي
روحك صفت بيد الأجل وإني بعذابي
دمع عيني على جفوني
يجاسم خابت ضنوني
يوليدي يوليدي
*
علي محسن الفرطوسي
ياخويه يعباس ياخويه
...
دگات گلبي تنسمع نوح
عفت العضيد تحيطه الجروح
للخيم راجع واني مذبوح
نوح .. نوح .. جبت الدرب نوح
ياخويه كل حيلي نهدم .. صوب للخيم
لامايرد راعي العلم
بعيني الوجود اصبح عدم .. تنوح الحرم
بوداعه دلالي إنثلم
تمنيته افراگك وهم .. يهل الشيم
حزني على عيوني نرسم
رايح يكاشف كربتي
بعدك اضيع ابغربتي
ياخويه حيره حيرتي
اوگف وطيح بعبرتي
ياخويه يعباس ياخويه
*
ظهري نكسر والدمعه تنشاف
فگدك چبير أيهدل الجتاف
وحدي غريب شلون انعاف
طاف .. طاف بروحي الحزن طاف
مثل الهلال بغيبتك .. يافرگتك
هدتلي حيلي طيحتك
يابعد أخوك وشيمتك .. يم رايتك
چانت دمعتي لنخوتك
بالدنيا ماكو بغيرتك .. ياخوتك
أنته الامان بخيمتك
زينب شگلها لو أرد
يموتها ياخويه الفگد
يم الخيم مات الورد
ضاع الهوه وطاح الزند
ياخويه يعباس ياخويه
*
من الدمع ثگلانه الاردان
بعدك حسين هواي حيران
يم النهر چا ليش ذبلان
إخوان .. إخوان ماضلت اخوان
رايحلي أخو كله بخت .. يمه انتخت
الغيره أو بچت
زينب لخوها حشمت .. وروحي أطلعت
زينب أحسها تحيرت
بالخيمه بختك مالگت .. من نحنت
مثل النجم لمن هوت
الماعدها بالغربه سند
فگدت اخو أو فگدت ولد
كافلها عباس نفگد
عالمشرعه ضل بس جسد
ياخويه يعباس ياخويه
*
منين اجيبه المثلك منين
حامل لواي ودرع الحسين
ضحيت لجلي خويه جفين
وين .. وين يا اخوتي وين
بجروحي حرورة جمر .. ضاع العمر
ومنين اجيبلي صبر
لحدودي ادنه الشمر .. يهل الخدر
زينب گلبها منكسر
يم خيمة الكافل أمر .. بظهري الكسر
ودموعي عالخد تنحدر
لو فزعت خيول العده
موتي وسبي زينب بده
جروح العقيله الصامده
رمل الصحاري اتوسده
ياخويه يعباس ياخويه
*
سهم الطفوف مخلي نيشان
من عده راح تموت رضعان
خويه العطش بچبدي نيران
حان .. حان خويه الذبح حان
من ينسل السيف بذبح .. وجه الصبح
عالمنحر يسير جرح
يل حچيك ينكط ملح .. ماي وتشح
وحچاية اليكره رمح
ياخويه يل گلبك سمح .. يل منطرح
جرحي عليه يتضح
محتاجك اتسند الظهر
رد للخيم عوف النهر
دمعي ترك يمك أثر
حاجيني مو گلبي نكسر
ياخويه يعباس ياخويه
*
علي محسن الفرطوسي
علي يبني علي يبني
علي راح أو اخذ صبري .. وهدم حيلي
يبني گوم اغفه اعله صدري .. وحشه ليلي
روحتك كسرتلي ظهري .. ياخليلي
العمر بيه اهتز يبويه أعثر امن الخيمه أجيت
نجمه طاحت من سمانه هذا لو أنته الهويت
علي بويه نهدم حيلي وغير جرحي مالگيت
حزني بيني بيش استره يم اليذبحك بچيت
انهظ يبويه ورجع عليه
للحومه رايح من بين اديه
للخيمه نرجع يبني سويه .. علي
ضهري كسرته ودمعاتي تجري
أنته عفتني وعايفني صبري
بعدك اسلم للغربه نحري. ... علي
جرحك عني غطيه
مابي حيل اصد ليه
علي يبني علي يبني
**
ضماك إلي يفت چبدك .. وجرحي جرحين
[على الدنيا العفا بعدك ] .. ياضوه العين
أمن الذبح بويه شيردك .. للصواوين
انتچي اعلى اركان صبري أو امشي خطواتي بألم
مختنگ ويدي اعلى ضهري رجعتك صارت عدم
راح إلاكبر من اديه شلون ارد بيه للخيم
اسنديني يختي زينب وضجت بونها الحرم
بالخميه عمتك زينب غريبه
رايح يغالي وعشت المصيبه
عايفني وحدي يبني عجيبه ... علي
اوكف وطيح وأمسح دمعتي
بعيوني يبني تبين غربتي
خليني اشمك بويه بحسرتي .. علي
أحسب والدك ضاع
بين سيوف ووداع
علي يبني علي يبني
**
ياخذك مهرك يالأكبر .. مايرجعك
نار مستعره اعله صدرك .. يبني اودعك
للذبح مقسوم نحرك .. واني اتبعك
ضوه مطشر يبني اشوفك جرحك يلچمه الثره
التعب والعطش ماخذ حيلك ودمعي جره
بروحتك روحي خذتها والگلب شيصبره
الموت ياخذ أهل بيتي گبال عيني بالسره
ياعيني سيلي بدمعة حسافه
الأكبر اعوفه بعمر الترافه
شفت المنيه بهاي المسافه .. علي
من خيمة أمك جيتك يغالي
اصفك بديه بويه شبقالي
عالخد دمعتي نزلت تلالي .. علي
بدمك ترتوي الگاع
من تروح شبساع
علي يبني علي يبني
**
[مدداه مابين إخوته] .. وسال دمعه
الهواشم كلها موته .. محني ضلعه
واضحه الفرگه اعله صوته .. حسين ينعه
بصدري چم حسره اعله الأكبر والدمع ماينحبس
يبني شوف شسوه فگدك گوه اجرن بالنفس
تعبوك أو تعبوني بخيلهم شابع رفس
خدي خليه اعله خدك باچر تلمحه الشمس
رايدله حيل افراگك يالأكبر
كل لحضه موتي يتقرب أكثر
راسك أشوفه يبني تطبر .. علي
عشت الهظيمه وتعرف غلاتك
بالخيمه گعدن يبجن خواتك
رايح علي وين الگه بصفاتك .. علي
فگدك رايد عيون
وإني لذبحي يردون
علي يبني علي يبني
**
وحدي عفتوني بغربتي .. وماكو ناصر
ياهو يفزعلي لنصرتي .. گلبي حاير
يغفه السيف برگبتي .. بويه باچر
لوصحت هل من مُناصر ياهو عد عينك يگول
تفزع سيوف وسنابك خيل البصدري تجول
ياعلي اوداعة الله القسمه صارت للخيول
نلتقي روس برماح شموس متعلگه بنصول
راسي اويه راسك فوق الرمح
روحي اويه روحه تلاگن جرح
بدور الهواشم كلهم ذبح .. علي
زينب غريبه تروح بيسر
تدخل أميره بذاك القصر
مربيها حيدر ام الخدر ... علي
موتك يكسر ضهور
حگي أمن ابچي معذور
علي يبني علي يبني
**
علي محسن الفرطوسي
گدها انته وگدود بالطف ضحي بزنود
يوليدي يعباس
**
ابسمه حسين يعباس گمر وديتك
ضحي بزنود بالعهود تره وصيتك
وفه وخلاص ينوماس نه غذيتك
شمر جفوف على الجود أنه ناديتك
يستاهل تره حسين يبني ضحي جفين
يوليدي يعباس
.....
من ترحلون للطفوف حيادر كلكم
اربع ابدور للحسين بنين انذركم
صگر ويحوم على الروس تره واحدكم
ليوم الطفوف يالاولاد علي ذاخركم
هدو بالميادين وحموها النساوين
يوليدي يعباس
....
فوگ الضعون يعباس ترف الرايه
گبرت اني للطف زلم وفايه
يا ابو الجود يموعود تضل تچايه
للنهر روح تره اضماك يخوف مائه
من الخيمه مرسوم يصدر للنهر گوم
يوليدي يعباس
...
أشمر زنود أوصيك لجل خدر اختك
راحت أوياك يعباس تلوذ ابختك
هودج النور تحاميه گمر من شفتك
أسد معروف بالحروب فخر سالفتك
ترسم بالخيم ماي تكتب اني وفاي
يوليدي يعباس
.....
ها ينوماس يعباس يرافع راسي
من اصد ليك اناديك هلا بعباسي
من ترحلون بالاحزان اجر أنفاسي
دمعتي هاي للحسين يغالي تواسي
اصرخ يلي ماشين ماتغمض تره العين
يوليدي يعباس
....
علي محسن الفرطوسي
هذا موتي لو وداع
سفر هذا لو ضياع
آخر حچايه صحت
بويه بويه
**
بين أوجاع المرض يابويه وبينك حرت
گبال عيني حمليتو وحدي اضل ماحسبت
حضرت روحي وجيتك ويامن اركب فكرت
ضلتي ألمن يغالي بغربت ضنوني التفت
البيت إذا فارگ حبيب
وحشه يصير وغريب
وداعت عيونك متت
بويه بويه
......
جفني خليته بدمعته وغير جرحي مالگيت
نار هجرك عذبتني اسهرت ليلي وماغفيت
ماترد لمتنه بويه ضاع كلشي من مشيت
البيت إذا مابيه وجودك بعد مايتسمه بيت
لگعدت احبابي احن
راحو وخلوني أون
اغلى وادم ضيعت
بويه بويه
...
صارت العشره سوالف واني ماضل بيه حيل
تعبيتوني بجفاكم لاهله بطاري الرحيل
ماترد لمتنه يهلي بدونكم ليلي ثگيل
طالت الصفنه بدربكم ودمعت عيوني تسيل
بريتي جمره الهوه
ضاع من عيني الضوه
وداعت الله من گلت
بويه بويه
....
تاكل بعمري صفنتي وخضر اعله رموشي شيب
خدي يتروه بدمعتي وعاشرت طور النحيب
كربلاء مني خذتهم الضعن صاير غريب
الماي يجرحني أمن اشربه وصار ألي المدمع نصيب
حافر بصدري عثر
موتي من هذا السفر
غير جرحي ماشفت
بويه بويه
.....
بالحلم شفتك وحيد وما إلك ناصر فزع
سهم المثلث يتعبك من خرز ضهرك طلع
العطش چتال اشوفه بوگعتك كلشي وگع
ياغريب الغاضريه بروحي أحس صار الوجع
سير اعليك الضمه
طفك اترويه دمه
عالرمح تالي نمت
بويه بويه
.....
علي محسن الفرطوسي
لبيك لبيك أبا عبدالله
......
اذن حبيب بخيمته
والنيه تشبه شيبته
گلبه ابيض بهذا العشگ
لحسين قدم رگبته
إذن صوت أمن المنحر .. هالحب تربات أبا ذر
من فاضل الطينه انخلق
عالم فقيه أمن انطلق .. صوب الخيم
حب عن درايه وعن فهم
مو من فراغ اتهب زلم .. كلهم شيم
بذرت عشگ من خضرت
من جربة الكافل روت .. وربت زلم
يحسين اجينه لخدمتك
نطلب رضاك ورأفتك
ابختك نلوذ وخيمتك
لبيك لبيك أبا عبدالله
.....
من الخيم يبدي العمر
گصدينه مانطلب أجر
طلگنه كلشي وجينه ألك
وعذرنه شواي النِحِر
مُر الدنيا اتجرعناه بس حبك اتذوقناه
واهبلك انفاسه وهب
وجون بنجيع الدم كتب .. والحب جنون
الحمدُ لله والشكر
جاعلنه نفدي أم الخدر .. نحور وعيون
ياسيد اقبل هالقليل
عيونك فجر والباقي ليل .. بعدك يكون
قد قامت أيام الوفاء
بينه اشهدي ياكربلاء
شما نبذل شواي الدماء
لبيك لبيك أبا عبدالله
....
فك عينه السيف بزلم
بينه الحرب خل تنصدم
نلبس قلوب اعله الدرع
وبحيدر أنشد العزم
ذول الصفوه مسميهم والعباس ايحيهم
ياابا الفضل منك مدد
وفقنه انقدم بعد .. بحب الحسين
لذنه اعله ناطور الخيم
وتبركينه أمن العلم .. وبسنه إلادين
يامن كفلت اعظم خدر
هواي أنته وشواي العمر .. امقصرين
بيا قطره يتجازه البحر
شواي احنه ونشوفك دهر
من جودك تروه النهر
لبيك لبيك أبا عبدالله
...
اصلب من اطواد الحديد
لحسين الحب بينه يزيد
الدم على السيف انتصر
بهاي الحرب ربك يريد
ايات الحب دمعة عين صل الله اعله الباكين
من خيمة حسين الأمر
هاي المناحر تنتصر .. بطف كربلاء
كل قطره منبر ترتفع
هاي الرؤوس التنگطع .. شيمه وآباء
انخلد اعضم ملحمه
ونكتب على عيون السمه .. يهل العزاء
خضرنه يم التل وفه
مابينه البطف غفه
أنصارك اهل العاطفه
لبيك لبيك أبا عبدالله
.......
علي محسن الفرطوسي
جدمت نوك السفر ويدي اعله خدي
حملو كل أهلي أوخلوني وحدي
ماخذوني بسفرهم ماخذوني
عذبوني من مشو عذبوني
......
شلون بيه وإني بحسابي اروح
ويه ابويه حسين وطيب الجروح
تالي ماتالي أضل وحدي انوح
من مشيتو بعد ماتبقالي روح
ياهلي ومر الصبر .. وأنه عشت أعلى الجمر
أركض إني اعله الضعن ماصعدوني
چني مو بتهم مشو أهلي ونسوني
مارعوني أهل الكرم مارعوني
عذبوني من مشو عذبوني
......
گلبي خايف من حلم شفته وبچيت
يرسم جروحي الهوه من ودعيت
راحو أهلي وغير حزني مالگيت
تفرغ بيوت الأهل ماحسبيت
ماحسبت الدنيتي .. منها تكبر علتي
ساگو اضعون وحدوا من داري الاحباب
ينطي الوان الوجه لو يندگ الباب
حيروني اخوتي حيروني
عذبوني من مشو عذبوني
......
صوت عبد الله اسمعه أمن المهد
راح بالهودج ومايرجع بعد
من كثر نوحي ذبل بويه الجسد
گلبي يرجف ياهلي وراح الولد
والله حيره قصتي . مامثلها بلوتي
جيت الولي للمهد نام الاخو نام
بروحي كاروكك يعبد الله صفه اسهام
عطشوني وسافرو عطشوني
عذبوني من مشو عذبوني
......
الأخو هيبه ويفيي اعله الأخت
وإني من دون اخوتي بحزني متت
كله غيره اعله إخوته ماشفت
وحدي خلاني بحزن روحي التفت
يامصيبة دنيتي . وسط گلبي جمرتي
طفله إني وعليله وهذا قدري
تگضي الدنيا لجن مايگضي صبري
تعبوني يازمن تعبوني
عذبوني من مشو عذبوني
......
نگطعت الضنه وبعد ماضل أمل
ماوصل مكتوب إليه امن الأهل
والجسد من محنتي بويه نحل
لوسمع وني الصبح ذاب الجبل
بصدري مخنوك الهوه . ضاع من عندي الدوه
تعبوني بهل السفر واني شبديه
بيتي خالي ودمعة عيوني جريه
ودعوني إبلا أمل ودعوني
عذبوني من مشو عذبوني
......
علي محسن الفرطوسي
شديتو السفر لبعيد .. شلون أم البنين اتهيد
ترحلون ترحلون .. وعالخد دمعتي اتسيل
...
يهل ماشي تطر بالچول ودروب السفر خطره
يعباس الوصيه اوياك يبني بداعت الزهره
يوليدي الگلب ملچوم اعله زينب خوفي متحيره
ابذل غاية المجهود بجفك وفي الحره
ضحي بزندك وعينك .. لاخر قطره لحسينك
توفون توفون .. وعالخد دمعتي اتسيل
.....
عفتني محيره بعدك وعيني اعله الدرب صدت
ها هلبت ترد للدار زرعت اعله الدرب هلبت
يوليدي الگلب متعوب أو روحي بغيبتك تعبت
اني أربع زلم وديت بيهم كربله ارتجت
كلهم فدوه لعيونك .. يبو اليمه يخدمونك
يفزعون يفزعون .. وعالخد دمعتي اتسيل
.....
حگ ارباي أريدنه يولادي العهد توفون
ضليت أبأمل ملگه بدربك وزعيت عيون
يل اربعه اريدنكم إذا صوب الحرب تمشون
خلوها الزلم ترجف وضحو أرگاب لجل ام عون
من تتلاگه خيل بخيل .. النهار اصير ضلمة ليل
تزعلون تزعلون .. وعالخد دمعتي اتسيل
....
مكسورت گلب ضليت الدار بغيبتك وحشه
افك ريجي بدمع عيناي برساله ياهو انطرشه
يلگد فوگ ضهر الخيل ويهم روحه بالممشه
يوصل للعراق بليل يروي رويحتي العطشه
گلوله الگلب مكسور .. من فارگنه ضعن النور
تبعدون تبعدون .. وعالخد دمعتي اتسيل
...
رمشي ماطبگ باليل بيه اتسله من انعه
هلبت اسمع اخباره دهري لديرته يرجعه
ها ياكربله ابلواج بگلبي نارج امولعه
هد حيلي بسفرته حسين أخذ كل اهله أو ربعه
حشمت شكثر هونك .. شوي ريضلي بضعونك
تحملون تحملون .. وعالخد دمعتي اتسيل
....
إبن حذلم سمعته يگول رد ضعن المجد خالي
من داري أطلعت اركض وحشم حسين يالغالي
صدك مذبوح أبو السجاد وراس اعله الرمح عالي
بعدك شلي ابدنياي ولا هالعيشه تحلالي
مكسورة گلب ضليت .. موحش ضل عليه البيت
تشيلون تشيلون .. وعالخد دمعتي اتسيل
....
علي محسن الفرطوسي
من درت وجهك عليه بنضرتك شفت المنيه
بروحتك گلبي فجعته ياجرح بعدك تركته
▪️▪️▪️▪️▪️▪️▪️▪️
راح أبوي القبل يسندني بوجوده
الدنيا صارت من غيابه كلها سوده
خيمتي چانت يهل الوادم زنوده
لويصح بيدي اتركت كلشي اعله موده
رايح بسفره بعيده وعايف بنيته حميده
مر الموادع جرعته ياجرح بعدك تركته
▪️▪️▪️▪️▪️▪️▪️▪️
دربك اعتاب ونشد عنك مليته
ليل هجرك بويه بالدمعه اسهريته
راح مسلم مني وضل خالي بيته
الحزن والنوح من بعده هويته
من على قصر الاماره يضحي لحسين بقراره
عمري للدمعه نذرته ياجرح بعدك تركته
▪️▪️▪️▪️▪️▪️▪️▪️
غياب وجهك موسهل كاسر خواطر
بدرب الضعون انتظر يرجع مُسافر
يجيب من عندك خبر يحيي المشاعر
بلا وجودك والدي ماريده باجر
عمري گضيته بدمعتي تاكل بعمري صفنتي
گلبي ملچوم بحسرته ياجرح بعدك تركته
▪️▪️▪️▪️▪️▪️▪️▪️
ماشفت من دنيتي غير الاذيه
تختنگ روحي بحزن كل مغربيه
زغير عمري والجرح لايگ عليه
بأغله ناسي ليش صدمتني المنيه
بروحي مايبرد عذابي عشت كل عمري بمصابي
ليل الموادع سهرته ياجرح بعدك تركته
▪️▪️▪️▪️▪️▪️▪️▪️
مسح راسي حسين بيده ومن كلامه
من دمعته افهمت صرنه يتامه
اعرفت كلشي انتهه بلفت لثامه
بويه بعدك أقره عالدنيا السلامه
ارسم همومي بصفنتي بخدي نهران لدمعتي
ثوب الاسود من لبسته ياجرح بعدك تركته
▪️▪️▪️▪️▪️▪️▪️▪️
عميه عين الماتشوفك ياحبيبي
خلاف وجهك صارت الحسره نصيبي
چانت حچاياتك أمن امرض طبيبي
هسه بس دمعاتي وياي ونحيبي
العمر وياك شحلاته والد يحن لبناته
عمري من دونك كرهته ياجرح بعدك تركته
▪️▪️▪️▪️▪️▪️▪️▪️
علي محسن الفرطوسي
https://youtu.be/uE5m-9p0rNM?si=deB6mUZxgXXb-cjk
Читать полностью…
راحت اضعون المحنه
ضيعيتوني يهلنه
محترك صدر العليله
ونت الفاگد ثگيله
بويه بويه بويه بويه
**
ضيعتوني بجرح ماصح طبيبه
اوكف اعله الباب محتاره أو غريبه
بويه وينك اني يحسين الحبيبه
ماترد گعدتنه ذيجه ياعجيبه
چانت اللمه اويه اخوتي
بهالسفر اتمنه موتي
دمع المعاتب اسيله
ونت الفاگد ثگيله
بويه بويه بويه بويه
**
راح اخوي احزام ضهري وغرباني
چلمه الخويه قبل حلوه بلساني
ياهي مثلي عدها الأكبر يازماني
وراح عبد الله وبعد شو أجاني
وين اخويه الكله غيره
ضيعاني ومالي غيره
حمل فگده مالي حيله
ونت الفاگد ثگيله
بويه بويه بويه بويه
**
ماشفت راحه امنهدكم يالحبايب
شيبت من صغري بويه بهل المصايب
شلون تغمض عيني بعدك وانته غايب
بس صوركم بالگلب والجفن ذايب
عذبتني المغربيه
من يمر ذكرك عليه
انسه هاي المستحيله
ونت الفاگد ثگيله
بويه بويه بويه بويه
**
گمت ادور بالهوه نفحة عطرهم
ياهو لي يروح ويرد ليه بخبرهم
گلبي خايف يرجف بهذا سفرهم
الموت تارس بالي بسلا أهلي مرهم
الله يستر من طفوفه
منذبح والدنه اشوفه
أيست ماكو وسيله
ونت الفاگد ثگيله
بويه بويه بويه بويه
**
امشي يم أم سلمه وبروحي حسره
قصة القارورة من گالتلي حمره
يعني راح حسين ويلي انذبح نحره
ويعثر الحافر يولي فوگ صدره
اه وال آه بعذابي
گلبي مافارگ مصابي
لا ني اندل وعتنيله
ونت الفاگد ثگيله
بويه بويه بويه بويه
**
هاي هيه يعني مايرجع ابونه
وچنها زينب حشمتله سلوبنه
من على التل هاي يخوتي اتلاحگونه
برمح عالي حسين مانامت عيونه
صلت اعليك البواتر
طافت بصدره الحوافر
هالخبر مابيه حيله
ونت الفاگد ثگيله
بويه بويه بويه بويه
**
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
سيف الأجل بيده سوح الحرب عيده
سبحان ربه الصوره ليث ويغط صيده
....
ماداعي ادور العين خنجر غدر بمتونك
الكوفه هدت وتريد مجتوف ويودونك
من الهواشم معروف ماچنهم يعرفونك
تذبح غديت العدوان مسلم بخزر عيونك
والمذبح يريده سوح الحرب عيده
سبحان ربه الصوره ليث ويغط صيده
....
بالروس يحسب أحساب يذبحهم بصمامه
اليبرز يرد إبلا راس منه تطير الهامه
صارو فريسه العدوان لمن زعل گدامه
ياهو اليگضه لو صال مسلم وشد حزامه
زلزلهم ابهيده سوح الحرب عيده
سبحان ربه الصوره ليث ويغط صيده
.....
ينزع بالرواح اليوم مدرع يطب اعليها
الكوفه من العدوان عازم اجه يمحيها
منجل السيف وهالجيش مثل السنابل بيها
يحصد ويذبح بالجيش وللتهلكه تاليها
فعل أهله يعيده سوح الحرب عيده
سبحان ربه الصوره ليث ويغط صيده
.....
منا لحد قصر ايزيد عازم طرد ياخذهم
مابيهم الهز يمناه مسلم نزل ايذلهم
فنه اليفك حلكه وصاح بيده يگص السنهم
سيفه عطشان من سلاه يشرب دمه من عدهم
ياسيد البيده سوح الحرب عيده
سبحان ربه الصوره ليث ويغط صيده
.....
ياليل طر فجرك خوف وبالكوفه صار المنضر
الوقعه جنها صفين والكوفه تشبه خيبر
امحزم نزل للميدان مسلم ويشبه حيدر
ياخذهم بحيله الحيد من غنتبت سوح الكر
زلزال ورعيده سوح الحرب عيده
سبحان ربه الصوره ليث ويغط صيده
.....
علي محسن الفرطوسي
واحسينا واحسينا
....
بجفوفي اوميله .. وركد حيله
مشه حسين اخذ كل بناته
وبقالي جرح ذكرياته
فده تروح حياتي لحياته
بدموعي ادعيله .. بحزن ليله
جزاني ضعنهم بنيني
وبقيت أنه انادي بونيني
وتاني خبرهم يجيني
ياغربتي . وياحيرتي . اربع بنين بهل الضعن
ماينگطع. سيل الدمع. جروح الحزن ماينمحن
فدوه لحسين يروحون هديه اولادي
اقره قرآن والأحزان رسملي الحادي
واحسينا واحسينا
****
بجروحي الف خنسه .. صعب أنسه
غفه ليلي واني گعدته
بنعاوي الثكالى سهرته
وصباحه اعله بابه نطرته
حزني مثل امسه .. الدمع نفسه
تسولف أهالي المدينة
يسموني بيت الحزينه
إنه المثلي ماتغفه عينه
التفگد ولد . ماتنسه ابد. واني إلي ودعت اربعه
داري خلت. عيني نطفت . ويافاگد المثلي نعه
الخنسه گالو حزنها تعده حدوده
واني العيون بالنياح صفت ممروده
واحسينا واحسينا
****
عيني على ضعونه .. يغربونه
تحتم مصيره بعد
بالهموم يذوب الجسد
للفراگ يروح الولد
ارد أسأل شلونه .. يعطشونه
يماي النهر لاتعطشه
أشوف التراب اعله رمشه
رسم صورته وجفني نعشه
يموت الضوه. يانينوى . وچم صوره موتها الضمه
شفت الرمح. شايل صبح. من يهتز تميل السمه
يفتر الموت وشوفن هوادج مالت
دمعه من عين على الگاع يتيمه وسالت
واحسينا واحسينا
***
خلاني بحزاني .. جرح ثاني
ثواني انتضاره عذابي
كسيره تركني اعله بابي
دمعتي تسولف مصابي
أم البنين اني .. يولياني
جرح گلبي ماصح مثيله
مشه حسين عذابي برحيله
بقيت اني وحدي وعليله
صبري أنجله . ياكربله. داري حزينه إبلا ضوه
ضاع الأمل. جسمي نحل . ويهزني لو هب الهوه
كسرت العود يغالي كسرني غيابك
عمري تابوت والعيون تموت ابابك
واحسينا واحسينا
****
ردالي مرساله .. وشرح حاله
إبن حذلم الهدلي حيلي
يسولف فطرلي ديلي
الحوافر تدوسه يولي
مارحمو عياله .. عطشانه طفاله
غريب وينادي الغريبه
والخيام يگولن سليبه
بيسر زينب اتروح عجيبه
ياهو أله. يشد محمله . الماعنده بالديره عرف
تحيطه العده. ضل وحده. ماخله إله حيل النزف
تطلب الماي والعيون تصد لخيامك
يمه يحسين غريب وتحير ايتامك
واحسينا واحسينا
****
علي محسن الفرطوسي
حسين شفته تهل دمعته
راح يازينب علي بعد مايرجع إلي
تهل دمعته
🔸🔸🔸🔸🔸
حسين مايمشي اعله طوله مبين اعليه الكسر
علي راح يگلي يختي شفته متعوب شكثر
شايل اوليده اعله صدره وكسره ماضن ينجبر
مدداه مابين اخوته الله ينطيه الصبر
ياهظمنه جايب ابنه
شلون اصبرنه الولي راح يازينب علي
تهل دمعته
🔸🔸🔸🔸🔸
الولد تكتل فرگته صوابه بنص الگلب
على الدنيا العفا بعدك منحرم من العذب
بويه عفتوني بغربتي وحدي أضل بين الغرب
من سمعته ينعى ابنه ضلت دموعي تصب
هذا وضعه حسين ينعه
يبني ياريحة هلي راح يازينب علي
تهل دمعته
🔸🔸🔸🔸🔸
تقربت يمه واسمعه گوه يجر الهوه
حسين خويه يعينك الله تخوصر وشفته التوه
يگلي يازينب اوليدي مدمي عالغبره هوه
گطعتلي نياط گلبي كابليته نون سوه
بين الارماح شفته من طاح
بفرگة ابنه يبتلي راح يازينب علي
تهل دمعته
🔸🔸🔸🔸🔸
تمدد اويه ابنه يشمه يصيح أبني علي مات
حسين يم وليده يمكن فارقت روحه الحياة
جيته إسم الله احشم واندهت كل الخوات
من علي شلته بصعوبه وشفت اديه مجرحات
شگد طايح حسين دموعه بالعين
حزنه ماضن ينجلي راح يازينب علي
تهل دمعته
🔸🔸🔸🔸🔸
التوه يم جثته أبنه وسال عالخد الدمع
فركتك هدمتلي حيلي ونكسر يبني الضلع
ألتفتلي وصاح يختي الفركه أبد ماتنجرع
وحدي ادير عيوني غربه بفكد الأكبر منفجع
جبته مذبوح ممتلي جروح
وحدي ومحد ألي راح يازينب علي
تهل دمعته
🔸🔸🔸🔸🔸
علي محسن الفرطوسي
حسيناً واحسينا حسيناً واحسينا
****
عمري آه تتبعها آه
حزني لابعده أو [ورآه]
من يهل شهر الدموع
حته عرش الله رثاه
اسبل دمعتي اعله الوجن ونصب عليه اقرايه
من مجلس لمجلس اطب وستقبل العزايه
إني إلي محنية ضلع سابيني حزني سبايه
عالنايم بحر الشمس وعالچف أون والرايه
دمعي بكل وكت عالوجنه مسبول
برض الطف گضوا اولادي الشبول
ياهي المثلي أبنها ذِبح مكتول
وبعد ذبحه تسحگه اثگال الخيول
حگي انوح بحسرتي
وتجري عليهم دمعتي
حسيناً واحسينا حسيناً واحسينا
***
تبچي لاچمها الضلع
بهل المجالس تنفجع
تهمل الدمع الذروف
بعينها الشبعت صفع
وين اليساعدني أو أون ويبچي لمصاب حسيني
طور النواعي يرتفع وإني إلطم بچفيني
لو فزت جروح الگلب يمه الضلع ياذيني
وين إلي فاگدله ولد خل يگعد ايواسيني
من بيت الاحزان وجيت اسعي
عالمذبوح اجر حسرات ونعي
إني المنكسر بالباب ضلعي
مثل نهر الفُرات يسيل دمعي
فجعتني يمه امصيبتك
مذبوحه روحي بطيحتك
حسيناً واحسينا حسيناً واحسينا
***
انتچي بحزني وأگوم
يوم مامر مثله يوم
راسك بعالي الرماح
وزينب گبالك تحوم
كل ميت اكرامه الدفن تحضر هله وتبچيله
الماعنده بالديره عرف مكتول ياهو يشيله
چا هوه المگطع وذر شيتغسل بتغسيله
زينب غريبه إبلا وطن والخوف بين ليله
يالرايح طعن بسيوف ورماح
حيل اختك عليك أمن الهظم طاح
عليكم ماانام الليل ورتاح
أمك ونگطع من گلبي سباح
عاشورك يهيج الحزن
احضر مجالسكم وون
حسيناً واحسينا حسيناً واحسينا
***
ليل المفارگ عذاب
جفني . موبس راسي شاب
وين ما أمشي انوح
يلي نايم عالتراب
متبدي حيله أمن العطش ومابيه بعد للگومه
وعيونه اتصد للخيم والغربه ترس رسومه
يتجرع انواع الألم ومسلبات هدومه
بالوادي أسمع ونته واني عليه ملچومه
صوب جبهتك يبني الحجر ليش
متوزع جرح ويحيطك الجيش
هاي الگوم يبني طلبتك بيش
جروح اعزاز گلبي موش بالريش
مايبرد صواب الچبد
امن الخيمه ليك أمشي أو اورد
حسيناً واحسينا حسيناً واحسينا
***
سلهمت عيني اعله نار
ناسهم تطلبنه ثار
أنته رادوك بذبح
يبني ماذنب الصغار
ينطحنن ضلوعه طحن لو داسته الخياله
بالمذبح وعينه تصد لخيامه ولعياله
يحسين ماطاب الجرح عيني تضل هماله
اني الزجيه فاطمه گلبي الحزن يحلاله
أخ إمن الضلع تطلع يمذبوح
وعلگلك روايه فوگ السطوح
اني العاشرتني ذيچ الجروح
مسه ومصباح عن البال متروح
حسيناً واحسينا حسيناً واحسينا
***
علي محسن الفرطوسي
القصيدة ( شور)
.....
شوغة منيه وصوغة عرس .. بالخيم
حلمي الرسمته بعيوني أمس .. أنهدم
بعمر الشباب اتغيب الشمس .. وأنصِدم
مبارك ينور عيوني.. والدمعه شربت لوني.. عگبك صفالي التعب
بدر الهواشم اشوفه.. تغازل هوه الله زلوفه.. تتركني يمه شعجب
نزاح الضلام ابطلعته
گدامي لابس لامته
لوحة جمال بكشخته .. منه النجم غار
خوفي عليه أمن الحسد
يشبه بدر ليلي الولد
بهل الطلعه چن حان الوعد .. بجفوفه بتار
*
لاتنطي فرصه يمر الهوى .. ونفترگ
لجروحي يبني انته الدوه .. ياعشگ
من العطش گلبي انچوه .. ومحترگ
ليل اسود اعله رموشي .وإني الحزن ملبوسي. تعبني ليل الهجر
حر الشمس برسومك . مو وكته جاسم نومك. بهجرك عذاب شكثر
عريس گاصد حومته
بين ألف صارم زفته
مهر الزفاف برگبته .. ويزفه الموت
صينية الغالي متلت
من دمه والدنيه انطفت
بالخيمه عمته هلهلت .. بنبرة حزن صوت
*
لزفتك أضوي العشره شمع .. يالولد
ويه الهلاهل سال الدمع .. عالوعد
حني الهلال احنيله الضلع .. للأبد
نباگ الفرح من داري. صار الحزن خطاري. كلشي أنتهه بغيبتك
ماأگدر اني بدونك. طفهم يغير لونك. بدم النحر حنتك
جنك بياض بشيبتي
بوجهك اشوفن دنيتي
بالدمعه تمت قصتي .. جاسم بعد راح
كل حُب يحليه الدمع
گلبي بغيابك ينشلع
زهرة شبابك تنگطع .. لاتحسب أرتاح
*
حنه وصواني خيل اوحرب .. تجتمع
يل فگدك اصعب من الصعب .. والدمع
نجمه بسماك وهيمه الدرب .. ياشمع
ضاع الأمل يوليدي. حلمي أزفك بيدي . احلامي صارت وهم
جاسم شبابك وينه. للمذبح مقدمينه. بعدك سكوتي ألم
مطشر مثل نجم السمه
من هامته يسيل الدمه
سماعيل كبشه يقدمه .. وإني ابني مطعون
بجروحه متوضي الرمح
مايحمل وليدي الجرح
وي دنيتي مالي صلح .. مشيبات الجفون
*
عدمن عفتني وحيده بكربله .. للغرب
بهاي الطفوف اصرخ لاهله ... ونسلب
چم دوب أضل يبني أمعلعله .. ونضرب
للحومه من زفيته. جسمك وذر خليته. نحرك يحصده الذبح
مالي عرف بالديره. أمك تضل ابحيره. يلچمني طاري الصبح
التمت شفت خيل العده
ويه المنايه موعده
فوگ الورد مات النده .. شمسوي ياماي
هوه الگلب لمن يحب
يتجرع انواع التعب
خليني اروح بهل درب .. وجروحي هواي
*
علي محسن الفرطوسي
زفة منيه وخيل بعدك دمعتي اسيل
شمعة وحلم مذبوح ماضل بعد كل حيل
***
من الخيم ناديت طالع ضوه عيوني
اتهنه ردت اوياه لا لا تفجعوني
بعمر الورد ويروح ذبلهن جفوني
عين العمه ولاشوف منه يحرموني
يبني العطش چتال بيه زماني مال
ليش بعجل وتروح ماضل بعد كل حيل
***
تعبي التعبته اعليك ردتك تجازيني
وكت الكبر والشيب يبني تباريني
من صورتك جسام ليش أحرمت عيني
راح الولد مذبوح وفگده يأذيني
گلبي الينوح اعليك وخوفي العتب ياذيك
بعدك هويت النوح ماضل بعد كل حيل
***
زهرة شبابك ليش يوليدي مذبوحه
المثلي يودع احباب ماتشفه جروحه
الفارك ولد يحتار ويتسله بنوحه
عين التودع احباب دمعتها مفضوحه
فرگه وعذاب ونوح گلبي ترسته جروح
ضل الدمع مسفوح ماضل بعد كل حيل
***
بيه الزمن من دار غيرلي حالي
مسبيه امشي بنوح وترك غوالي
عفت الولد مذبوح وضل دمعي هالي
رحت اعلى ظهر النوگ بس راسي عالي
راسك يصد العين واحنه بيسر ماشين
طاوعني بس النوح ماضل بعد كل حيل
***
ريت الولد عوان يفزع وحشمه
ادري العتب چتال وكل خوفي الچمه
ناديته بدمعت عين وينك ييمه
من غمضت عيناك گلبي تصدمه
عنك رحت بدموع فكدك كسرلي ضلوع
ودمع الحزن مفضوح ماضل بعد كل حيل
***
علي محسن الفرطوسي
أيد ابأيد وفايه .. أطيح اشلون هالرايه
لاخر كلمه وياك .. بالدم بايعناك
****
بسم الله اتوكلنه بسم الحب بايعنه ندوس الصعبات
بايعنه وگصدينه لم عون اتعنينه ترف الرايات
يشهد چف الغيره زينب ليش بحيره مانرجع هيهات
للموت احنه وإياكم هل كلمه اطيناكم ويعيش المات
الطاح يعيش بالموقف .. للساحات غيره أنزف
خالد عرفيناك .. بالدم بايعناك
*
حي الله أهل الشيمه للحب صارو غيمه صارولك سور
ياكوثر غيرتهم ماطاحت رايتهم يشهد عاشور
بالدم كتبوا حبهم كل عاشگ يحسدهم ضحو بنحور
ارجوزات فزعتهم ايوفون غايتهم ياسيد النور
گمر أحسين بسماهم .. بالحب هذا غذاهم
احنه نجوم أسماك .. بالدم بايعناك
*
گاصد يابن ضاهر طاهر والحب طاهر وتقدم دروس
متعصب ابشيباته من ينزل صولاته عالروس يدوس
مسلم يابن عوسج خله الطف كله ارتج غيره وناموس
وهب امضحي أو واهب گلوب العسكر راهب حدك محروس
انصار حسين من هدو .. جيش وخيل ارتعبو
وحدك ماعفناك .. بالدم بايعناك
*
تهتز بينه ارض الطف موقف مايتوصف ياماي العين
ماتبرد غيرتنه من حيدر همتنه ونوفي حسين
بالطف صار المنظر چن حيدر والاشتر نزلو صفين
خيبر عادت بيهم والموت ايحييهم واحنه الباقين
گصب ونار ملتهبه .. وهاي الگوم مرتعبه
قائدنه وحياك .. بالدم بايعناك
*
طشرنه احنه العسكر صگور وبالجو نفتر والصيده العيد
نفزع وانته اتشاهد ساعد يلزم ساعد على جيش أيزيد
ننزع روس إعدانه رف بهيبه الوانه والموت يريد
اعظم يوم المرنه حسين انته قائدنه وهالحب يزيد
من انطيح جبل احنه .. أوياه للموت صاحبنه
ابشر سمعناك .. بالدم بايعناك
*
علي محسن الفرطوسي
راح راح الجان اغله من روحي
راح راح وكثرهن جروحي
بيادمعه اشتكيله طفله اني وعليله
بويه بويه بويه بويه
**
صعبه انسه ردلي ردلي لاتهاجر
يانبض گلبي دخيلك عالمشاعر
ناوي السفر وتريد اصبر بعدكم
شمعه وكلتها النار روحي امنهدكم
من السمه واطيح نجمه بضعنكم
معلوله هاي الروح ساعة سفركم
موت موت فركتهم احبابي
موت موت وحكي ابدي بعتابي
فراكك مالي حيله طفله اني وعليله
**
الموت فرگه واني متعلقه بهواكم
طفله وگلبي نكسر وأركض وراكم
اعثر وصيح بصوت رجعو يهلنه
دمعه بجفنها تموت ام المحنه
لوبيدي اروح وياه واهجر وطنه
اضلم ومابي نور بعدك سلفنه
صار صار بيتي اضلم الليله
صار صار ماواحد اشكيله
دمع الحب مسيله طفله اني وعليله
**
بويه وينك ماتردلي ياحبيبي
مثل المضيعه وطنها وبنحيبي
كلما سمعت الباب اركض بالحزان
كل ضني ضعنك عاد انته اويه الاخوان
بالمغربيه احتار وي صوت الاذان
من الرحت لليوم ضل جفني ذبلان
تعال تعال كافي الهجر وينك
تعال تعال حط عيني بعينك
ماعندي وسيله طفله اني وعليله
**
عيني لوما شافت اهلي شلي بالعين
الدنيا مابيها طعم من دون الحسين
كتلك اخذني وياك شلي بحياتي
انته العمر والروح وكل منياتي
ماخذ هلي وياك وماخذ خواتي
لوجن عليه الليل بس نايباتي
عذاب عذاب يعيش الفكد غالي
عذاب عذاب يلي اشغلت بالي
عشرتنه الجميله طفله اني وعليله
**
لوعة الفاكد حبيبه صعبه تدري
بابا اني بحاجتك ودموعي تجري
مثل الجمر بالروح يسعر دليلي
عاشرت ون ونوح بعدك خليلي
طالت الغيبه هواي يمته تجيلي
بس الصدى بالدار هدالي حيلي
وين وين دليني بضعونك
وين وين يابويه شلونك
بجروحي الثجيله طفله اني وعليله
**
كلبي مامطمئن حاسس بالفجيعه
صدري مخنوك نذبح يمكن رضيعه
اشعر حوافر خيل داستلي صدري
وجمرة عطش بالروح ودموعي تجري
بالطف خذاك الموت لو نفذ صبري
اتنطر بويه اخباري وبحالي تدري
خيل خيل تسحك على صدرك
خيل خيل تلجم الك نحرك
لو اندل وجيله طفله اني وعليله
**
علي محسن الفرطوسي
خلوني بنار الهجر خلوني
نجمه بسماهم ضاويه يشوفني
ناديت يبني هجرك ذبحني
***
شما اتعب الداره اجي جانت زهيه الدار
اولادي راحوا بالسفر حگه الگلب يحتار
جمره ويهب بيه الهوه وناتج جمرهم نار
ضعن الوفه لمن رحل مضلم نهاري صار
من جدمت نوگ السفر يم بابي
كسرة ضهر من ودعوني احبابي
عدمن عفتني هجرك ذبحني
***
افراگ العزيز اكبر جرح ماخله دمعه ابعين
أم البنين إني صحت شال الحبيب حسين
سهريت ليلي بدمعتي وكلبي نفطر نصين
بطرف الجفن دمعي غفه ومعفر الخدين
ماينگطع مجره الدمع بغيابك
يحسين رحت انته وفجعت أحبابك
غيابك فجعني هجرك ذبحني
***
لمتنه ماترجع بعد دنيا وخذتهم مني
يعقوب ردله الفارگه بس اني عشت بحزني
ابيضت عيوني الحزن ويسيل دم بجفني
بصفناتي انته وصورتك يل فركتك كتلتني
ردولي يحباب العمر ردولي
عفتوني ليش بحيرتي عفتوني
يل واعدتني هجرك ذبحني
***
بيتي طفه ومات الحلم من فاركوني احبابي
ونشتلت الدمعه أوصبح بس الحزن يم بابي
أمن انعه ينوح الحجر بس ما اجو غيابي
بنص الگلب ماضي الجرح ماطاب يمه اصوابي
سهم الدهر صوبني بدلالي
الدنيا ماخلت إلي كل غالي
هجرك ذبحني
***
لأني ميته بغيبتك ولا اني رحت اوياك
أم فاركت اربع ولد عشت بجرح فركاك
يحسين منتظره ترد يالغالي اترجاك
اغفه اعله أطوار النعي ليل ونهار انعاك
ايدي اعلى خدي ودمعتي سچابه
يعيش بحزن كلمن تودعه أحبابه
لحسين حزني هجرك ذبحني
***
علي محسن الفرطوسي
هب ريح الموت وهالصوت أمن الكوفه
صك اذن الناس چن عباس هذا اتشوفه
مسلم حياك جله السواك
▪️▪️▪️▪️▪️▪️▪️▪️
اعمامته شدها اعله راسه والغضب بعيونه
عسعس وهز رمحه بيده وفنهم يگربونه
حيدري ولثامه شده ضربته مضمونه
يخطف الأرواح بيده هاشمي يعرفونه
سيفه بيمناه واليدناه يخطف روحه
بده بسم الله صار الجيش تسمع نوحه
عاشت يمناك جله السواك
▪️▪️▪️▪️▪️▪️▪️▪️
بيده هز رمح الحرايب والملاعب عيده
طحنة الرحه طحنهم حنطه صارو بيده
شاعر وسيفه القصيدة الموت حشم عيده
كل شطر زلزال نازل لو صگر غط صيده
يمطر سجيل وأهل الفيل عاشت خوفه
شهم وصنديد روس يريد يملي جفوفه
ما طاح الواك جله السواك
▪️▪️▪️▪️▪️▪️▪️▪️
خيم بجنحه عليهم والطريده العكسر
من نسل قالع البوب بجفه شمرت حيدر
ملك بالميدان واگف لو اسد هاليزئر
گصب بيه النار شبت لو نزل موت أحمر
يمطر بالموت تسمع صوت چفه افناهم
مرسول حسين عين بعين من لاگاهم
سيفاك ناداك جله السواك
▪️▪️▪️▪️▪️▪️▪️▪️
مسلم وهز الملاحم بالسره خلاهم
غنم غطها الذيب غاضب بالحرب بچاهم
سحبه ومشطره العسكر أو رجع لماهم
يسحگ الروس العنيده ابو طاهر جاهم
دم غطه الخيل خيم ليل من ضل سيفه
المهرب لاوين بسم حسين ياخذ حيفه
ربك علاك جله السواك
▪️▪️▪️▪️▪️▪️▪️▪️
بالقصر صوت اعتله من سولف يسمعونه
فقط حب حسين باقي ويقره فن جنونه
والله لو ماغدر منهم فنهم يچتفونه
حيدري وبيه الشهامه وكلهم ايعرفونه
وعد المحبوب كون يذوب عد محبوبه
تره يسوه حسين ماي العين وحلوه دروبه
للموت اوياك جله السواك
▪️▪️▪️▪️▪️▪️▪️▪️
علي محسن الفرطوسي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------