1607
رابط القناة 👈 https://t.me/alialialqran نشر القصائد التراثيه والجديدة وكذلك نشر قصائد لجميع الشعراء
السلام عليك ياسفير ابي عبد الله الحسين ع
ودااااعا طفلة موكد الهجر 😔
https://vm.tiktok.com/ZM2PNm7WL/
#محرم_الحرام_1445
ليله الثانيه
(غارق)(شور)
غارق... بذنباًٌ عضيم
غارق... ووجدتُك رحيم
مهما متلأ قلبي ســــــــواد
أرددتني طـــــــــــاهر سليم
عاصي اجيتك وتحن عليه
عطفك حبـــيبي اكبر هديه
ياسيد الحـب اقبلني خادم
طامع اجيتك مـــديت اديه
عيشني عيًشت هل خدم
ورزقني كل هـــــاي النعم
دمعي بــــخدودي يزدحم... حبيبي
نوح وبواجي وهـــم لطم
وبكل عــــــــزه گلبي يخم
وبمجلسك دخـــــــان اشم.... حبيبي
حبيبي. حبيبي.. حسين
ــــــــــــــــــــــــــــــــــــــــــ١
عُمري... وهَبتهُ وللفنـاء
عُمري...عزاءاًٌ وبُكــــــاء
ببخس ثمن سعر الدموع
بس يم حبيبي أكبر ثـراء
ألف انعم الله وفــضلك شملني
وبضـــــل حنانك عطفك غمرني
بشمس الله عاري وبيـــــه تــهم
بخيمه چــــــــبيره همــك تلمني
أول دموعي لجلك هوت
واخر وعودي ليك اگطعت
كون بعزائك روحي گضت... حبيبي
ندبت محب بيك اندبت
ريت ابونيــــني انا ذبت
غيرك حبيــب ما جربت... حبيبي
حبيبي. حبيبي.. حسين
ـــــــــــــــــــــــــــــــــــــــــــ٢
عاشق..وعشقي فيكَ ارتوێ
عاشق...وحُبكُ قلبي احتوێ
غانيني حُبك عن البـــــــشر
والقـــــــــــلب شاءَ وما هوێ
الماطب رحمتك شينفع كلامه
ما يشفي لو عض صبع الندامه
رئفه وحنان واوســـــــع سفينه
رحمت وجــــودك اوضح علامه
بفضلك حبيبي انه اهتديت
بــــــين الخلگ صيت وعِليت
ما منطي بس دمعـه بچيت... حبيبي
يا اول او اخــــــــر حبيب
من الله انــت احله نصيب
بكل أمـري انخاك وتجيب..... حبيبي
حبيبي. حبيبي... حسين
ــــــــــــــــــــــــــــــــــــــــــــــــــ٣
ضائع.... بين جنةًٌ وسـقر
ضائع.... وبكَ رأيي استقر
تائه اتيتُ مُـــــــدلي يديك
مُنذا غيرُك أهــــــــوى مُفر
لجلك حبيــــــــبي الله خلقنه
اوسع سفـــــــــينه كلبك عرفنه
ماكـــــــو اليشبهك ماكو مثيلك
مجلس عــــزائك يروي عطشنه
أنتـــــه يارب الكل عشگ
كــــــــون بعزائك احتـرگ
ألچمني لچمات الســـحگ.... حبيبي
كون بعزائك عمري انختم
وختم حياتي بـلوعه وألم
ماريد اعيش احساس الندم.... حبيبي
حبيبي. حبيبي... حسين
ــــــــــــــــــــــــــــــــــــــ٤
هذا من فضلهم وعطائهم ص
✍️ياسر الزيادي
مسلم ع)
خـلـه الـزلـم مـحـتـاره
لــمـن لــزم بــتــاره
ياسلام الله عليه يا سلام الله عليه
*---------------*---------------*
ذكــروا عـلـي لـمــن بــرز وتــرجـل
بــزوده تــره هــز الاعــادي وزلــزل
اليگربله هذا الموته حيل استعجـل
والد حميده اشرف مـواقـف سجـل
وحـده ارتـجل بـالـكـوفـه
وگـال الـعـهـد ما اعـوفـه
*---------------*---------------*
سـل صـارمـه وشـد العـزم واتـحـزم
بس الشرد يضمن حـيـاتـه ويـسلـم
سـوه الارض بـالـمعركه بـلـون الـدم
عِـده وعـدد مــسلـم ابــد مـايـهـتـم
راعـي الـمـجـد والـغـيـره
سـر وصـعـب تـفـسـيـره
*---------------*---------------*
زود وشجـاعـه اجـسدت مـن هـاشـم
هـيـبـة علي و وراث عـلـي بـالـصـارم
حــر وأبــي مــا يــركــع لـكــل ظـالـم
خـل يـفـهـم السـر ثـورتـه المـا فـاهـم
رخّـص حـياتـه لـديـنـه
وفّـه الـعـهـد لـحسيـنـه
*---------------*---------------*
خـله الزلم تتسـابگ اعـله المـهـرب
اشجع رجل يم صارمـه ما يـگـرب
حـيـد وبـطل ما ينگحـم لو اغضب
مـوت احمـر وميدان الـه ما ينطـب
طوعة ابدمـع تـدعيلـه
اتـحــزم وشـد حـيلـه
*---------------*---------------*
واحد لـچـن بـالمـعركه مـوت احمـر
مسلم حشه ابسوح الحـرب يتعـذر
قـدم لـبـو الـيـمـه العمـر والـمـنحـر
مـحـد گـربـلـه اتـراجـفـو مـن كـبّـر
اتــراجـفــو مـن زوده
محـد وصل لـحـدوده
*---------------*---------------*
فـارس بـالف فـارس نعده وازيـد
وبكـل زمـن ذكـره يضـل يـتـجـدد
الباري راد اهـل الـشـيـم تـتـخـلـد
بـاب الـكـرم بـابـه صبح مـا ينسـد
خـط المـجـد بـدمـومـه
مـا ننسى ذكـره ويـومـه
*---------------*---------------*
✍خادم مسلم (ع)
الشاعر رعد الجريخي
قصيده مسلم ع
موت بجفوفه ... صال بالكوفه
جنه علي وكت الحرب .. بالحومه لا ما ينغلب
جن حيدر
ما همه بشفافه الضمه .. ضحى لحد مجره الدمه
جن حيدر
صال بالكوفه .. موت بجفوفه
....1
ليث .. جيش كدامه ما يكدر يصد ولا يقاتل
موت صوت هاذه علي لو مسلم البالكوفه نازل
غضب نزل سيفه حمل مسلم من يطب
قائد واحد طوعه شاهد ليث و بالحرب
وحده وعساكرها انمحت .. والكوفه بالدم انملت دم صاير
وبسيفه يحصد هالركب جنه علي لمن غضب دم صاير
نار بسيوفه .. موت بجفوفه
....2
صال كال هاذانه وحدي وانتم العسكر امامي
دوم .. يوم لا والله للعاده فلا طخيت هامي
زلم يلم لا مايهم سوه الماهو صاير
وكف هتف جيش نخطف لونه ويبقه حاير
وحده بلا ناصر يضل .. وعله العساكر من حمل
بالكوفه
ما همه هالجيش شكثر .. وحده رعبهم من يمر
بالكوفه
جيش بصفوفه ...موت بجفوفه
....3
صار . نار سيفه بيمينه وبالركب لمن يحده
موت صاح ليدنه من مسلم عدل لاما يرده
غضب رعب سيفه شرب دمهم من تروه
علي ولي ما ينجلي مسلم جنه هوه
بالكوفه جن حيدر نزل .. وبجفه ذلاها الفحل
هالقاده
وبسيفه نيران اشتعل .. وعد الزلم ماضل أمل
هالقاده
نار ونشوفه .. موت بجفوفه
....4
سيف ضيف هالعسكر بسيفه يذل لمن يشوفه
ناس ناس ومسلم الموت وعساكرها تطوفه
بطل حمل عسكر جتل موت وجنه نازل
جبل وكف لمن هتف بالحومه ما يجامل
لمن برز ليث الحرب .. دم انخبط ويه الترب
بترابه
بالكوفه جن حيدر وكف . والعسكر اكباله رجف
بترابه
موت ويطوفه ... موت بجفوفه
....5
حار .. حار .. وحده ولا ناصر يضل ولا محامي
ماي ماي من العذب ماكطره يروه ومات ضامي
ضمه دمه ولا من حمه مسلم وحده حاير
مره ترى بدمها جره طوعه بضهره ناصر
وكفت مره بوجه الزلم ... وي مسلم اشد العزم
بالحومه
وصحابه كلها خانته ... وكت الحرب من عافته
بالحومه
دوم متعوفه ... موت بجفوفه
سجاد الهلالي...
قصائد محرم الحرام ١٤٤٥ هـ
قصيدة // رئيسية لليلة العاشر السيدة زينب مع جسد الامام الحسين عليهما السلام
اجيت امن الخيم يحسين وعفتها بنار متوجره
واعيال النبي المختار طشّت خويه بالصحره
وما ظل عندي يحسين
بس الدمعـــه بالـــعين
طشّت خويه بالصحره
——-
اتهدد اريدن ليك أوصل والعدو إيصدني
اطلع بالدرب لن جاي فَزِع عالخيم ويردني
همومي ابكربلاء اثگال لاچن فگدك الهدني
وحدي ابكربله ظليت ما تنهض تساندني
ياريت بطريجي ليك ملچ الموت أخذها الروح
ولا أنظر جمالك ذاك مخفي ومستتر بجروح
ونورك مختفي وين
بس الدمعـــه بالـــعين
طشّت خويه بالصحره
——
تعنيتك انه وأمال إرسمت ياخويه أنه إبفكري
إحسبت مِن الحرگ فريت ويمك اسلم بعمري
لون أدريبك إبهالحال ما أكصدك لون أدري
الموته بالخيام تهون ورماد اغدي وهوى گبري
حسبت إتضمني يابو الطيب لصدرك آنه وعيالك
گبل ساعه خدش مابيك شبسرعه إختلف حالك
گبلي ضمّك البين
بس الدمعـــه بالـــعين
طشّت خويه بالصحره
——-
إجيتك خويه شنهي الشُور إسمَع منك وگلي
عليك إتعودت يحسين وإنت إتكفلت حِملي
شنهي البُصْرَه يالمذبوح راحوا اخوتي وأهلي
زلم ماظلت إلنه النوب يبو اليمه إنسلب رحلي
علينه هجمت العدوان وعلى اعيالك تره إتجرّت
وما ظلت حِدود وثاي راحت خويه وإنعبرت
وما ظلت نياشين
بس الدمعـــه بالـــعين
طشّت خويه بالصحره
——-
مچان إمعسكرك يحسين بيه أعداك ملتمه
وأطفال وحرمنه إضياع فگدناهم يبواليمه
يخويه إتوارثونه الكوم الكل منهم أخذ سهمه
وبس يمي صهيل الخيل وناس الضدنه متحزمه
بس صوت الشتم وسباب وجيب الخارجي وردّه
علي إبنك عليل وطاح يابن فاطمه إبشِده
ويْهِم بالنساوين
بس الدمعـــه بالـــعين
طشّت خويه بالصحره
——-
إجيتك والهُموم إوياي من راسي لَحَد جِدمي
گلت كل شدتي اوبلواي يگضن يم ابن أُمي
وصلتك زيّدت بلواي يبن أمي وزِدِت هَمّي
ريته من گبل هاليوم من عندي النظر معمي
عليك إزدحمت الطعنات يخويه وفرهِدَت جسمك
ثاري بكل شي حل فرهود مو بس خويه بِخْيَمّك
وياذن ذني الامرين
بس الدمعـــه بالـــعين
طشّت خويه بالصحره
———-
أبد ما جربتها بيوم وشفتها عيشت الغُربه
هلگد تاذي بالدلال خويه وهالكثر صعبه
چِنّه بجالك احنه نعيش غريب وچالوطن گلبه
ضعفين الأذيه إتصير عله الي ما حفظ دربه
أمس چانت رجال وخيل تفتر تحرس إخيامي
وساعه وصلني الدور أجمع وأنطر أيتامي
وشَصيرن بين الاثنين
بس الدمعـــه بالـــعين
طشّت خويه بالصحره
الشاعر : أبو زينب علي الظالمي
عشنه سوه وحته الهوه
نتقاسمه بيناتنه
محتار انه وروحي اصبحت حيرانه
مدري انتي فوگ المغتسل مدري انه
ما ودي اشوفچ هل الشكل ذبلانه
يافاطمه گلبي اختنگ بحزانه
يم الحسن ريت الچفن
بيه نلتف اثنيناتنه
هوه احنه روحين بجسد من چنه
فجئه وليالينه صفن ماهنه
راح الزمن ماشوفن ايرد انه
للموت من عگبچ صرت اتمنه
وجهچ ذبل عل المغتسل
ماتنوصف اهاتنه
هوه انتي روحي الما ردت فرگاهه
والدنيه من بعدچ شنو معناهه
گليلي عل المثلچ شلون انساهه
وهليله زينب مدري شحچي وياهه
شبعت هظم ماعدها ام
بوجودچ اشمحلاتنه
مثل الرحه هل الذكريات ابالي
والغالي يحزن من يفارگ غالي
بعدچ صفه يبچي عليه خيالي
يازهرتي وياروحي وام عيالي
كلهم بچو وتيتمو
كلنه جرت دمعاتنه
**
بيتچ صفه مظلم عليچ وينحب
ويدنگ الباب بخجل من زينب
يافاطمه باالدنيه راح اتعذب
وبيتي من سافرتي صرت اتغرب
دمعي يهل صار النزل
يتحسر الحسراتنه
#سعدالعبودي
صارلج جم ليلة ماموجوده
احس روحي بروحتج مفكوده
وين صرتي بيامكان
يمه يالكلج حنان
يمه يمه
#قصائد_شهادة_الزهراء_عليها_السلام
#الرواية_الاولى
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
قصيدة لمة عزة للسيدة فاطمة الزهراء عليها السلام
أمي أمي/أم سوالف دافيه
أمي أمي/أمي هيه العافيه
أمي أمي~~~أمي أمي
★★★★★★★★★★
شايله أمي كلب كلش حنين
لو تروح منين الگه منها وين
تبچي من تسمع مصاب أم الحسين
مثل ما زينب بچت وأم البنين
أمي أمي/تنصب أعله الزهره
أمي أمي/مجلس وبي تقره
أمي أمي~~~أمي أمي
★★★★
يل رضه الباري ييمه من رضاچ
يل ضوه عيوني ييمه من ضواچ
شلون لو هالموت يايمه خذاچ
أنه أموت وداعت عيونج وراچ
أمي أمي/ نظرتچ تحييني
أمي أمي/من الألم تشفيني
أمي أمي~~~أمي أمي
★★★★
إلي فاگد أمه شله بالحيات
خله يدعي الباري يلفيه الممات
الله كرم أمي بأنواع الصفات
لجل عينچ يمه مقبولة الصلاة
أمي أمي/لله بيها أتوسل
أمي أمي/كل دعائي يقبل
أمي أمي~~~أمي أمي
★★★★
إلي يرضي أمه يطب جنة عدن
شلون لو ترضه عليه أم الحسن
أكبالچ أذنوبي يبت طه أجن
بنظره منچ وحده كلهن ينمحن
أمي أمي/الله كلشي أنطاها
أمي أمي/ رحمته خلاها
أمي أمي~~~أمي أمي
★★★★
دگول أسماء أويه فظه الخادمه
الخيط من نور الزچيه نلظمه
لعنة الله عالعصابه الآثمه
والله يلعن من سطر خد فاطمه
أمي أمي/هيچي زينب صاحت
أمي أمي/ بويه أمي طاحت
أمي أمي~~~أمي أمي
★★★★★★★★★★
الشاعر (أسعد قاسم الكريعاوي )
#قصائد_شهادة_الزهراء_عليها_السلام
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
الجسم ناحل ..... والوجه ذابل
امي عصروها .... والدمع هامل
______________
موش مال اوداع گلبي او يحمل افراگ ..
اشلون اتودعيني
او موش وكت النوم يمه لا تنامين ...
يا زهرة اسنيني
حاچيني يمه ارجوچ گلبي تگطّع
يا يمه لتونين مو روحي تطلع
يمه شوفيني ..... وشلّت عيني
اكسر الخاطر .... والدمع هامل
______________
يمه من عمري اعله عمرچ لا تروحين ..
بعدچ منهو ليّه
يمن فدوه اضلوعي كلها الدمعتچ هاي ..
خل انضل سويه
لو بس نِفس تبقين يا يمه يكفي
نار التشب بحشاي خليها تطفي
يمه واعيونچ ... زينب ابدونچ
ميته كل ساعه .... والدمع هامل
______________
يمه داحي الباب حيدر ذالك الحيد ..
بفراگچ تعذب
بلّا گليلي اعله زينب تحمل اشلون
گليلي اعله زينب
اشگد شفتي امن الآم يوم الوگعتي
ازيد شفت بجفاچ واجروحي انتي
ابنيتچ ازغيره .... يمه والحيره
امن العمر اكبر .... والدمع هامل
______________
وداعة اعيونچ تراني خايفه اهواي ..
واهمومي اذبحتني
مدري لفراگچ احسّب مدري للجاي ..
مدري احسب المتني
گلبي انترس حسبات عگبچ ي يمه
خيمه انتي وآنه انوب ما عندي خيمه
اول اخيامي ......... باوّل ايامي
اگبالي ذبحوها .... والدمع هامل
______________
النار والبسمار يمه او دفعت الباب ..
بعيوني شفتهن
خاطر اعيونچ تشوف ابيوم الطفوف ..
كل اجروحي كلهن
نفس الحرگ للباب يحرگ خيامي
وابسوطه گلبي ايلوع والمتن دامي
الوحدّي ابچي .... لو ردت احچي
سوطه يضربني .... والدمع هامل
______________
يمه اعتاز الحنانچ باچر اهناك ...
من ابقه وحيده
العطش يذبح اخوتي او حافر الخيل ...
وانه اصبح شريده
جيبلي بالطف ماي وابچي اعله حالي
گد ما بچيت اعليچ هاي الليالي
انحبي اعليه ... امن امشي مسبيه
ايدي مچتوفه ... والدمع هامل
______________
ابو فاطمة الطائي
#قصائد_شهادة_الزهراء_عليها_السلام
#الرواية_الاولى
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
الليالي الفاطمية
شوط كربلائي
سُليم ايگله يا سلمان ضلع فاطم منو رضه
ويسأله ليا سبب صارت تصيح الزهرة يا فضه
"""""""
يسولفله لسُليم الصار بحسرته ولوعته سلمان
يگله اعله الزچية الَطب دخل غفلة بلا ستئذان
وحرگ باب الوديعة بنار وبقت تتنفس الدخان
وعليهه الباب مطبوگه
وتصد بانفاس مخنوگه
تشوف الدار محروگه
حوالي بالثلثمية عليهه هجموا ابلحظه
""""""""
على الباب اعتنه الظالم بصلافة من يحاچيهه
حيدر لازم وغصباً إليه البيعة ينطيهه
يبايع لو تره احرگ عليچ الدار والبيهه
الزچية اتحاول اتمنعه
ودفعهه وطاحت البضعه
وصفعهه اعله الوجه صفعه
الوديعة تنضرب عالخد حلم ما تدري لو يقضه
""""""""
اسألت ليش الزچية اتصيح يفضه هاك اخذ ردي
تنادي فضه لحگيني الزمي ايدي ولي سَندي
سگط محسن عمت عيني وراح اوليدي من عندي
يفضه نادت ابدمعه
اظن ابني من الدفعه
مثل امه انكسر ضلعه
گبل ما ينولد محسن تره گلبه وگف نبضه
""""""""""
يسولف من دخل چانت الزچية ما عليهه اخمار
وتنادي فاطمة بالدار ويگلهه إي وإن بالدار
دفعهه الما يخاف الله ونبت وسط الصدر بسمار
وتنادي يا علي ابهمهه
شوف اضلوعي هَشَمهه
بسياطه امتوني ألمهه
علي بس لا تسل سيفك لابويه عهدك اتحفظه
""""""""
يبن قيس الحچي اهوايه ومصايب فاطمة كثره
عصرهه الظالم بقوته وبقت تشهگ من العصره
واُمر عبده اللعين وگال اريدك تضرب الزهره
العبد يا وسفه والخادم
رفع ايده على فاطم
بمتنهه يضرب الظالم
متن بنت النبي المختار بسياط العبد تتلضه
""""""""""
يسولف عن محن فاطم ويهل سلمان بدموعه
الرجس يشتمهه ويگلهه عليچ الدمعة ممنوعه
ويگلهه بالچ اتونين يزهرة بونه مسموعه
منعهه امن البچي هوَ
وتجر هيه النفس گوه
وتگله مالك امروه
يرب تدعي الحِرگ بيتي عساهه ببخته وبحضه
""""""""""
واخبرك يا سُليم اكثر على الگلته خبر زيده
بعد ما ضربوا الزهرة بحبل چتفوا علي ايده
تگلهم خلوا بن عمي وافتحوا ايده من گيده
عليكم لو دعيت انه
ينزل الله حُسبانه
ويزلزل بيكم اكوانه
تره أدعي واذا أدعي السمه تغضب إلي وترضه
انيس الخفاجي الكربلائي
#قصائد_استشهاد_الزهراء_ع
#مـۄسسـﮫ_مــﻥــبـريۄن_للالـﺢــان
🥀الســـلام علــﮯ المكــسور ضلـ؏ـها🥀
الشاعرعبدالامیرالناصری دخیل الحسین:
حنان الأم
🏴🏴🏴🏴🏴🏴🏴🏴
ماتت حزینه حزینه حزینه
أمــي الحنینه حنینه حنینه
🏴🏴🏴🏴🏴🏴🏴🏴
أمي یاحلوه المحاچي الیتمتنی امن الزغر
عنّت اعلیه و بقالی بس حچیها امن العمر
عینی ما متعوده تغفه بس علیٰ ذاک الصدر
هسه صدر امي تکسّر یاعذابي امن الکسر
گلبی ابونینه ونیـنه ونیـنه
أمــي الحنینه حنینه حنینه
🏴🏴🏴🏴🏴🏴🏴🏴
اشگد حنینه چانت امی وکل یتیم اتکلّمه
حتی لیل الله یأمّن من تلولی للسمه
وحشه بیت ابلا سوالف لوتشاهد بی دمه
أمي بس ترکت حزنها و راحت امی فاطمه
ما ظن تجینه تجینه تجینه
أمــي الحنینه حنینه حنینه
🏴🏴🏴🏴🏴🏴🏴🏴
ما تسد خلّتها فیّه الفاگد أم یصبح لفو
حلوه یا نومة حضنها مو حضنها بی دفو
الماتت امه اتموت روحه یا یِتم یعرف عفو
أمی ماشایف مثلها ولا یصح لأمی کفو
عنــّت عــلینه عـلینه عــلینه
أمــي الحنینه حنینه حنینه
🏴🏴🏴🏴🏴🏴🏴🏴
ضلّت أثیاب أمي عندی بیها دم امن الضلع
هالثیاب اعلیها حلوه هسه مابیهن نفع
الله لاینطی العصرها و خلّه أمي تنفجع
ترفه والبسمار طگها شفته حار ویندفع
صحنه و بچینه بچینه بچینه
أمــي الحنینه حنینه حنینه
🏴🏴🏴🏴🏴🏴🏴🏴
ذکریات أمي الشهیده بس عبایه و شلهبت
أمي ما خلّتلي صوره منها عافتنی و مشت
هسه بالعتبه انوحن عینی من بچيّ أنعمت
فدوه اروحلچ ییمه جمرتچ لا منطفت
جمره بدیــنه بدیــنه بدیــنه
أمــي الحنینه حنینه حنینه
🏴🏴🏴🏴🏴🏴🏴🏴
🖊کلمات خادم الزهراء س
عبدالامیرالناصری
✿مؤسسة منبريون للالحان رقم 1
@ahmed_alziwar1
✿مؤسسة منبريون لنشر القصائد 2
@ahmed_alziwar2
✿مؤسسة منبريون للمقامات3
@ahmed_alziwar3
✿مؤسسة منبريون للنعي4
@ahmed_alziwar5
✿اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA
من اشوفك تبجي لوداعي تأذيني لخاطري امسح دموعك يا نظر عيني
اصبر ولا تنفجع دمعك اغلى من الضلع
*
يتاج الراس اترجاك ترحمني انكسارك هذا يا حيدر يألمني
تعاين عالضلع وتشوفه عذبني تغطيني على كيف تخاف تلجمني
واسمعك من توصي ولدك لا تكعدوها ولا تنامون على صدر امكم تلجموها
يا وتر مالك شفع دمعك اغلى من الضلع
*
الحسن ابنك ورث طبعك يباريني اذكر موقفه ويايه ويبجيني
صغير ومن اجه الظالم سطر عيني على اطراف الاصابع وقف يحميني
من طحت طاح الحسن يا حيدر عليه حتى بي ضرب السياط تطيح مو بية
اخذ منك هالطبع دمعك اغلى من الضلع
*
وابني حسين من يوم النظر وضعي انظر دمعة يتهامل قبل دمعي
اشوفه بكل صلاة يتوجه ويدعي الهي شافي ضلع امي واخذ ضلعي
هالطفل من يمي يوصل ينسى كل همه يكلي من عمري على عمرج يمة يا يمة
لايهمك هالوضع دمعك اغلى من الضلع
*
وزينب يا علي تهيجلي همومي تمنت يومها يقرب قبل يومي
انام وادري شتسوي بوكت نومي تروح لحجرتي وتقبل هدومي
والوضوئي لو قمت انظرها ما ترضه تجيب ماي وانا فوق فراشي اتوضى
كافي لا تجري الدمع دمعك اغلى من الضلع
*
لهذوله اطفالي ما اهتم لوّن يبجون سبع فدوات الك يابالحسن يرحون
علي انت علي دمعك يهل شلون وحقك عندي دمعك اغلى من الكون
والله مو سهلة عليه من اودعنك انا كون ابجي لغيابك لو رحت عنك
والسماوات السبع دمعك اغلى من الضلع
*
الشاعر كرار حسين الكربلائي
#قصائد_استشهاد_الزهراء_ع
ــــــــــــــــــــــــــــــــــــــــــــــــــــــــ
يافضه لتشيليني..صدري تره ايأذيني
ظلعين مكسوره وعلي..وتوجعني سطرت عيني
…… ..
ممرود گلبي من الوجع ومن القهر مالومه
اتوچه عالحايط صرت مابيه حيل الگومه
يافضه محسن ع الارض جيبلي كل اهدومه
مالحگ اگماطه وگع خليني اگمط ادمومه
يافضه لتلوميني.. اخ الوجع سابيني
ظلعين مكسوره وعلي.. وتوجعني سطرت عيني
…… ..
من عصرت الباب اشتكي حيل اصبحت موجوعه
بالحايط انه اطبگت صدري تون اظلوعه
مابيه اجر حتى النفس من الدهر مفجوعه
هليله يافضه علي كل المحن مجموعه
بهون ولطف سنديني.والغرفتي وديني
ظلعين مكسوره وعلي. وتوجعني سطرت عيني
…… .
بچفوفي ادفع والنذل يدفع عليه ابحيله
واصرخ واصيحن ياعلي ياهو البقالي اشكيله
مدري انه اكظ بابي صرت مدري انه اكظ الشيله
محتاره ودموعي جرن بيش انه ارد العيله
يافضه بس حاچيني.عن الولد ضميني
ظلعين مكسوره وعلي. وتوجعني سطرت عيني
…… .
متروسه بهموم الحزن من القهر والكسره
دفعوا علي بابي دفع ماچني ذيچ الزهره
مابين بابي وحايطي حسره التلوذ ابحسره
من ياوجع كلبي يون عده ظلع والسطره
يافضه من يحميني. صيحي العلي يواسيني
مكسوره ظلعين وعلي. وتوجعني سطرت عيني
…… ..
ماراعوا الحرمت نبي دخلوا عليه داري
مودار وجوها ابحطب وجوا عليه ناري
يافضه سلمت الامر بيد الكفيل الباري
مهدينه باچر لو طلع بچفوفه ياخذ ثاري
يافضه شتباريني. ميته ابعجل تدريني
ظلعين مكسوره وعلي. وتوجعني سطرت عيني
……
علي الحاج الصبيحاوي
#قصائد_استشهاد_الزهراء_ع
ــــــــــــــــــــــــــــــــــــــــــــــــــــــــ
راحت ام البيت واظلم بيتي صار
واسمع اونين وبچي وبگلبي نار
الحسن گل للحسين .. زينب المظلومه وين
وما خلص بيناتهم عنهه الحوار
........
شايل بگلبي حچي .. والحچي ايتبعه بچي
اول حچايه مشت عني الزچيه
راحت ولا ما ترد .. ماتت بعمر الورد
وظلو ايتام الحسن وحسين أخيه
واعله زينب دوّرو .. وين صارت ما درو
هذا موقف وشعمل يا ناس بيه
الحسن ظل ينحب .. والحسين اتعذّب
وين راحت زينب .. مو توهه يمنه
دورو عنهه ولگوهه بيا مكان
گاعده وتبچي بمكان ام الحنان
گعدو اوياهه الثنين .. زينب المظلومه وين
وما خلص بيناتهم عنهه الحوار
............
زينب تنوح وتون .. بيهه ظل يحدي الحزن
گاعده وتبچي بمكان امهه الحبيبه
الحسن وحسين اجو .. گابلوهه وهم بچو
هذا واساهه بدمع ذاك بنحيبه
وسولفو قصة جرح .. يمهه ظلو للصبح
واسمع يگولون زينب يا غريبه
فطرو دلالي .. غالي يحچي لغالي
واليعذّب حالي .. حال العقيله
گامت اتعاين على اخوتهه وتصيح
خويه يا مسموم خويه يا ذبيح
وينهه التنزف حنين .. زينب المظلومه وين
وما خلص بيناتهم عنهه الحوار
..............
يا حوار انه اسمعت .. منه حيل اتلوعت
عن جرح راسي وچبد ليوليدي ينسم
هالوضع اتحمله .. بس مصيبة كربله
من حچه بيهه الحسن حيلي تهدم
وصاح يا زينب تره .. عندچ ايهون الجره
بس دخيل الله بظهر عاشر محرم
المصيبه الكبره .. لا ظلع لا طبره
الحسين ونحره .. أعظم مصيبه
والتفت من عدهه صد لوجه اخوه
گله من هسه رمحهم حضروه
باچر ايصيح اللعين .. زينب المظلومه وين
وما خلص بيناتهم عنهه الحوار
...........
يمهه شفت اتشابگو .. عالوادع اتسابگو
روحي شاغت عالحسن من گله اسمع
أمنه نامت بالگبر .. الله ينطينه الصبر
بس متصبر زينب وأمنه مترجع
وهذا ابونه ايصب دمع .. ولحچينه يستمع
يحچي وي زينب نريده بلكي تهجع
زينب اتريد امهه .. واليتم يهضمهه
امهه چانت يمهه .. وهسه بگبرهه
شرد اصبرهه طحت يمهه وبچيت
واعله حايط حجرة الزهره انتچيت
دمعي ما خلالي عين .. زينب المظلومه وين
وما خلص بيناتهم عنهه الحوار
.............
الحسين ابكل شجن .. ناده خويه يالحسن
خلي ناخذ زينب لگبر الحنينه
خاطر اتشوف الوضع .. بلكي منهه وتقتنع
امنه هاي انگلهه مدفونه اشبدينه
ما تگوم امنه بعد .. ياهو من لحده گعد
وحتى لو گامت صدرهه امهشمينه
واللي صدره امهشم .. لو نهض يتألم
وأمنه ظل ينزف دم .. حتى امن اديهه
گاودوهه وراحو لگبر البتول
وسمعو الزهره بلحدهه لن تگول
يمي اجيتو امسيرين .. زينب المظلومه وين
وما خلص بيناتهم عنهه الحوار
.............
الشاعر
علي عبدالله المفرجي
تمت بعونه تعالى بتاريخ 17 ج1 . 1440هـ
24 ـ 1 ـ 2019
. ❍°•┈┈┈••✵♢❈♢✵•┈┈┈•°❍
#استشهاد_فاطمة_الزهراء_ع
ــــــــــــــــــــــــــــــــــــــــــــــــــــــــ
امير المؤمنين ع يخاطب الزهراء ع وهي في قبرها…
… ..
مشتاگلج … يالبيه طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان
وي موتج … مات الورد يالغالية
وي موتج … طاحت شمسنه العالية
متألمة… متألمة… متألمة
… ..
يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات
حزنانه… لمصيبتج دنيانه
حزنانه… ارض وسمه ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الكبور
ما مصدك ميته والكبرج أزور
والج اقرة الفاتحة واشعل بخور
معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتيني وانه بعازه الهواج
داري ظلمة يالزجية ابلا ضواج
علّتي ما تشفة الا من دواج
انه ميت بس جسد باقي وراج
تدريني … ما اهو اعيش أبدونج
تدريني … للموت احن وأعيونج
حلم ارسمه… حلم ارسمه… حلم ارسمه
… .
صورتج بعيوني مكسورة ضلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع
كل ليلة… ادخل حجرتج ناعي
كل ليلة… الطم عليج اضلاعي
وخدي الطمه… وخدي والطمه ..وخدي الطمه
……
بية حسرة الموتتج حسرة يتيم
ماتت امه وعافته بحزنه يهيم
الدنية من بعدج احسنهه جحيم
يالمشيتي بضلع مكسور وأليم
يالغالية… روحي الج مشتاكة
يالغالية… كولي اشوكت نتلاكه
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم
📝 ڪلمات الشاعـر/ مـوسـى الخـادم
↡◐↡┈••●••┈ ↡◐↡
@alrkaby990
●┈••●••┈●
يمرني اسمك وتنزل دمعة العين
يموت بحسرته الماعنده الحسين
حبيبي شمحلا طاريك
يعيش الميت اعليك
باهت كل حجي العشاگ الملوحه نصبت بلونك
طبع العاشگك يحسين يبين بأول شلونك
طير ومنكسر جنحه يبقى العايش عيونك
الما يتوضه بدموعه زحمه يحجي بضعونك
فدوه أحلامي كلها لوني الأسود
لو بيك الضهر لو لا مينشد
ويوميه احاجيك
يعيش الميت عليك
.
.
.
.
وِنِس لدموعي اسمك صار موبس لحكاياتي
هضيمه وفشله يا مولاي اعله غيرك تجري دمعاتي
حزني حسين روحي حسين وصار حسين ضحكاتي
كل مغرب الروح تشوط واحس محترگه خيماتي
يسألوني شتحب يمضيع الرأي
واكلهم بس حبيبي الما شرب ماي
بعيد والتفت ليك
يعيش الميت عليك
.
.
.
.
طبع باليحب من يشتاگ تتغير تعابيره
بوده يمشي مدري لوين بوده يهجر الديره
ما لمني وطن يحسين لچمتي كلش جبيره
بس اني احب انسان الخيل امدمره تصويره
منو مثلي حبيبه مگطع اوصال
التَمن فوگ صدره وين الاثگال
بدمع لو دم اواسيك
يعيش الميت عليك
.
.
.
.
اسمك ما يمر عالبال صار البال بس لسمك
بحذافيره الگلب يحسين شال عيونك رسمك
الما شالك جرح منحور فشله يسولف بدمك
يصير انسان، حر، بي خير الواحد لَمَن ايخدمك
يالمبچيني حتى بنشوة العيد
اليخدمك تكثر بروحه التجاعيد
هذا اني المتت بيك
ويعيش الميت عليك
.
.
.
.
يشالع گلب اليحبوك يا معنى العذوبيه
اصيح الله من اشتاگ لجوائك الروحيه
احبك واليحب متعوب وتبقى أحلامه محنيه
خصه الحب إذا بي جان خيل وشَلِع ترجيه
ترس وجهي الحزن يا لجمة الروح
يعيش الدنيا غربه العاش مجروح
شرف محبوبي اسميك
يعيش الميت عليك
#الشاعر عبدالله الشويلي
#محرم_الحرام_1445
ليلة قمر ليلى (الأكبــــر) ص(تاسوعاء)
عندما برز علي الاكبر عين الحسين تراقبه لحضه بلحضه... المصيبه من وگع علي الاكبر ص شلون راحله الحسين وبياحال لگى. لسان حال مولاي ص😔👇🌹
((وليدي راااح))((شور))
شكثر صاااح..
ألحگني ابويه ومالحكته...شكثر صااح
شفته طاااح..
گـــوه اتعثر وصلـــــــته.. شفته طااح
وليدي راااح...
سيوفهم خـربت كشخته... وليدي رااح
ركضت اعليه كل همي ألحگنه
اعيد اوداعي طول ابطول اشبگنه
لگيت اوليدي مطشر علوجه الگاع
أجذب عيني اگول الـشر غده عنه
راح تطلع روحي مني. بويه گوم
حيل ما ضلالي ارجعك. بويه گوم
طاحت امك ألحگـــــلها. بويه گوم
علي بويه.. علي بويه.. علي بويه
ــــــــــــــــــــــــــــــــــــــــ
بعالي صوت..
حسين يمك چاي يبچي.... بعالي صوت..
راح اموت...
فكلي عينك بويه وحچي... راح امــوت..
عم سكوت...
أمّدد يشــــوفوني واشچي... عم سكوت..
حرت اشلون اشيلك والضهر نصين
وهاي الناس كلها اندارت ع احسين
شي تضحك عليه وشـــــي تعـيرني
هاشم وين عافـــــوك ومشو لاوين
وحده ضل؟ اسمع حچيهم. فرصه هاي
مدد وي ابنه اعله طـــــوله. فرصه هاي
بخيــــــــلنه كلنه وندوسه. فرصه هاي
علي بويه. علي بويه. علي بويه
ــــــــــــــــــــــــــــــــــــــــ
لل خيـــــام...
حيرتني شلون اوصـلك... لل خيام
يا حراام...
حاولت چم مره اشيلك.... يا حراام
بويه نااام...
أيست بس چلمه اگلك... بويه نااام
اشيله مــــــــن كتر يرجع كتر يوگع
عليّ مو هينه اشوف أوليدي متگطع
عجيبه وروحي عال شفته بقت بيه
اقنـــــع عقلي مات اوروحي ما تقنع
كلها صـــاحتلي بشماته...علي مات
ياهو الي قنعها روحي... علي مات
شابگـه وما اريد اهـده... علي مات
علي بويه.. علي بويه... علي بويه
ــــــــــــــــــــــــــــــــــــــــ
حيلي رااااح...
شما أگـــــــــومن أرد أعثر.... حيلي رااااح
عل جرااااح....
يعين گــــــلب امك يالاكبر... عـــل جراااح
بل ارمااااح...
عيـــــونها تشوفك امــــوذر... بل ارمااااح
تلگتني الغريبه البيها ديــره اجروح
تخاف عليه خافن روحي مني تروح
تواسيني الحنينه ومنها شاب الراس
كونك سالم انته فدوه كـــلنه انروح
شافت الدمعه ع خدي....چبيره هاااي
تشوفني ضليت وحدي... چبيره هاااي
وحيرتي مفصله ابگدي... چبيره هاااي
علي بويه.. علي بويه.. علي بويه
ــــــــــــــــــــــــــــــــــــــــ
هذا من فضلهم وعطائهم. ص.
✍ياسر الزيادي
وحيد مسلم ظل يدير بعينة
لا عمام ولا عشــــــيرة تعـــــــينة
===================
الكوفة معروفة الغدر بيهة طبع
غير غـش ودجل مسلم ما سمع
تبايــــعة الالف بس وحدة طلع
يناصر الباري ويناصر ديـــنة
---------------------------------------
عشر تالاف الاجــــــتة تبايـــــــــعة
كلنة بيمينك سيوف ومشرعــــة
طوع امرك كَول واحنة نسمعة
فدوة لحسين العمر هاديـــــــنة
----------------------------------------------
لجن من صار الصدك ظل وحدة
هجمت اعليه واجتة اهل الـــردة
بيوت اهلك كوفان كلهة مــسددة
اليوم مسلم وحـــــدة مخليــــــنة
----------------------------------------
اليوم بالكوفة بقة مســـــلم وحيد
لالة ناصر لاابن عم وعـــــظيد
دارت عليه العساكر ولـهة ويد
حمل واشهر صارمة بيــــمينة
______________________
شهر سيف الحكَ عليهم من حمل
اليوم بيهم چــــــن عذاب الله نزل
مثل حيدر ينـــــظرب بيه المثــل
فرع من شجرت علي وهاديــنة
___________________
تصيح طوعة وتنتخي وتحشمة
صول بيـــهم مثل حماي الحمة
بسيفك البتـــــــار سوي ملحمة
ويظل يـــومك واسمك مخلدينة
______________________
والله لوما الغدر مأحد يدنة ليه
لو جيــوش الكون كلهة تعتنيه
هذا امر الله الكتل واجب عليه
وبالشهـــــــادة مسلم مكرمينة
_____________________
هوة من اعلى القصر فوك التراب
وناحت الامــلاك من هذا المصاب
كَبرة صاير للحـــــوائج هسـة باب
وانظر لقصر الامـــــــــــارة وينة
_______________________
أسالكم الدعاء رائد الاسدي
مستهل نزله
هاذه علي بالكوفه ... لو مسلم احنه نشوفه
جنه علي .. جنه علي
النص
......1
لو ردت عنه اسولف بالحرب وعلومه
يشبه الكرار حيدر من برز للحومه
ما يثني بهام سيفه وما يذل يم كومه
هاذه مسلم والدناله الموت اصبح يومه
الموت بين اجفوفه ... . لو مسلم احنه نشوفه
جنه علي .. جنه علي
النص
......2
لو غضب مسلم نشوفه حيدر بصولاته
من يسل السيف نذكر خيبر وحملاته
الجيش منه يخاف كله ويعثر بخطواته
براس كلمن يدنه يمه ما ثنه ضرباته
ترعد تضل اسيوفه ... . لو مسلم احنه نشوفه
جنه علي .. جنه علي
النص
......3
لو حمل عالجيش وغضب نار تجدح عينه
وحده هز الكوفه مسلم بطل عاش أيمينه
ما فزع واحد ينصره وحده الله يعينه
صح عطش كلبه ولكن ماي فاض جبينه
ابدمعته المذروفه ... . لو مسلم احنه نشوفه
جنه علي .. جنه علي
النص
......4
الموت بين اجفوفه نازل من شهر صمصامه
ويحصد ابروس العساكر والوكف جدامه
من يهد ابزود حيدر بطل شد احزامه
حي ابو طاهر كصدها ابحيل ذل ازلامه
الجيش مات بخوفه .. لو مسلم احنه نشوفه .
جنه علي .. جنه علي
النص
......5
مثل حيدر بالمعارك مسلم اي شوفونه
طرها صوبين العساكر كلهم اي هابونه
الما يموت بسيفه مات بخزره من عيونه
رجفت امن الهم زلمهم اشبيهم ايخافونه
الجيش هز صفوفه ... . لو مسلم احنه نشوفه
جنه علي .. جنه علي
سجاد الهلالي
شييل شوفك عذرتك 😔👇
https://vm.tiktok.com/ZMFb5dRWt/
#استشهاد_فاطمة_الزهرا۽_ع
ــــــــــــــــــــــــــــــــــــــــــــــــــــــــ
يمه....يمه....وامحسناه
يمه يامحسن أريد احچيـــــــــــــلك
ضلعي ماأنعاه راح انعيــــــــــــلك
فكري اشوفن زينب اتلوليـــــــــلك
يالرحت مني گبل ماشيـــــــــــــلك
من عالي..نجمي هوه..بعيوني...ماكو ضوه
وبريتي...مات الهوه...يايمه ..وطحنه سوه
......................................
يبني حسبالي أشوف ارسومـــــــك
ومثل اخوتك ردت افصل اهدومك
الله لاينطي الفجعني ابيومــــــــــك
وخله دمي ايسيل ويه ادمومــــــك
بدمومك..ضليت الم...حسبالي...تكبر حلم
بجروحي..شلتك رسم..ليليه بيك آنه اهم
.....................................
دللولك مالحگت احچيهــــــــــــــه
صارت ادموع وعليك ابچيهـــــه
اوداعة اضلوع امك التاذيهـــــــه
داري بعدك ماأضلن بيهـــــــــــه
بمصابك..ماضل صبر...وفراگك..مثل الجمر
بحساسي..طيفك يمر...يبچيلك..حتى العمر
....................................
ياحسن يحسين ولدي الليلــــــــــه
وي علــي مأتم عزه انسويلـــــــــه
يلله يازينب اخــــــوچ انعيلـــــــه
واگعد آنه ابينكـــــــم وابچيلـــــــه
هالليله..ننحب إله...والباچر..عالعايله
لمصايب..طف كربله...واعلينه...يبچي المله
سيد علي الموسوي
صارلچ چم ليله ماموجوده
أحس روحي ابروحتچ مفگوده
وين صرتي ابيا مكان..يمه يالكلچ حنان
يمه يمه
آنه زينب يابعد عزي ودلالي
كلشي بغيابچ ييمه ماحلالي
فكري موجوده وافز نص الليالي
أركض اعله افراشچ وألگاه خالي
أحچي وي روحي وادير ابعيني
وين أمي الچانت اتغطيني
ياحلم فات الأوان..يمه يالكلچ حنان
يمه يمه
أطول امن الليل يايمه صفنتي
ابراسي مية سالفه يالكلهن انتي
كل مكان اعليچ ادور ياحسرتي
يالعزيزه اهنانه گمتي اهنا گعدتي
گلبي يوجعني واحس گلبي انچوه
لمن اتذكر تسامرنه سوه
أنتحب عالكلشي چان..يمه يالكلچ حنان
يمه يمه
وين اروح وكلشي ضل بالدار حسره
گتله ياحيدر ولو گلبك أكسره
بلكي باب البيت يابويه تغيره
مالي عين وداعتك كل ساع انظره
من اشوف الباب وآثار الدمه
أصرخ اهنا طاحت امي فاطمه
يومچ ايبچي الزمان..يمه يالكلچ حنان
يمه يمه
ماأگلچ روحي يايمه ابسلامه
الكسروله اضلوع يانوم الينامه
رحتي والسطره على خدچ علامه
الله لايرضه عله اليجرح يتامه
أوياچ راحت يالحنينه الراحه
وداعة اعيونچ فلا مرتاحه
ابروحتچ راح الأمان..يمه يالكلچ حنان
يمه يمه
آنه وحسين وحسن مالحظه ننساچ
وعيب اجتنه المغربيه وماذكرناچ
ابدگة الباب الفقير ايگوم ينعاچ
ايصيح هاي الدار شو وحشه بلياچ
يمه تدرين ابأبونه اشصاير
حيل متغير ويكسر خاطر
مدمعه عالوجنه بان..يمه يالكلچ حنان
يمه يمه
مدري نبچي اعليچ لو نبچي علينه
ابفرگتچ ليل الهجر شيسوي بينه
في أمان الله يمه اتفارگينه
هاي هيه وعالقدر يمه اشبدينه
راح نتلاگه ابدموع السايله
ابليلة الوحشه تجين الكربله
غاد ينهار الكيان..يمه يالكلچ حنان
يمه يمه
سيد علي الموسوي
مولاتي ... فاطمه ... يا ضوه البعيوني
.....
خادمج للموت اضلن خادمج وعيونج
يالجعلتي انسان مني كل وكت ممونج
صيحتي للموت تبقى ابوجه اليعادونج
مذهبي انتي وشعاري ما اعيش ابدونج
ما عوفج ... للابد ... خصمج ايسمعوني
........
لو يمكلوني الكواكب والاراضي السبعه
مااعوفن لحضه وحده مجلسج يالبضعه
عندي تسوه الدنيه كلها جيف انوح وانعه
انه محسود ابعزائج منحسد عل الدمعه
وجناتي .... امجرحه ... الخاطرج ياعوني
......
انه شمقدملج انه وهيجي جازيتني
المجلسج جبتيني بيدج خادم اقبلتيني
رغم الاعيوب الي بيه لحضه ماعفتيني
بين اهاليتي وصحبتي اهوايه عليتيني
ممنونج .... يم حسن .... خادمج سموني
......
ابقى ممنونج يزهره اشما عشت ايامي
ما اوفي اشما اقدملج وحك الضامي
خيرج امغركني خيرج يا ملاذ احلامي
فدوه اروحا فدوه لسمج يالحييت اسلامي
افضالج .... تنسي ... لا وحك اجنوني
.....
الله يلعن من يوالي اليبغضج مولاتي
باجر اجهنم مصيره هذا حكمه الذاتي
يالرضا الباري برضاتج وجهت دعواتي
غايتي ترضين عني هايه كل غاياتي
ما رايد ... كل اجر .... خادم اتقبلوني
...
الحمدالله رب العالمين
اللهم صل على محمد وال محمد
موسى الخادم
#قصائد_شهادة_الزهراء_عليها_السلام
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
نزله للزهراء
أنسيه
****السيد
هادي الموسوي الناصري
أنسيــه.؟.فاطمه بت طـــــه
دريّــــه.؟.بالسـور تلكاهه
*
ألله من ذاته خلقها بالحيات
من قدس روح القدس الها صفات
إلجنه عدنا تحت جدم الامهات
الجنه تحت اجدامها مرميه
هيّه كوثر طه شو مذكور
بآية التطهير وأقره السوره
نور مشكاة الوحي منشوره
كوكب الدُرّي يعالم هيّه
شنهي سر كلوبنه كل مغربيه
تنقبض من الحزن كلنه سويه
ماتت إبهذا الوكت امنه الزجيه
فاضت الروح بأمر رب إلبريه
*
انخلقت افلاك السمه كلهه لأجلهه
روح...ماتلگه بشر أُ نسي مثلهه
فاطمه سرالله تحتار إبعللهه
بالحقيقه أم الحسن قدسيه
****
فاطمه مانعرف أسرار إلوجعهه
واللي يكشف سرها للعالم ضلعهه
مااظن مسمار هُوّه اللي صرعهه
كون نعقد محكمه إنشوف القضيه
****
الحمدلله رب العالمين
ديوان
دموع الهاشميات
الجزء الثالث
شيل شوفك عــذرتك
شيل روحك هضمتك
شيل محـــسن بزرتك
راح عشـــــگ الليالي
راح تعبــــــي ودلالي
راح بزري وحــــلالي
ياروحي وعشرتنة ادخيلك ماگلت
بسمار وبيبان وطبـــــــگه اتحملت
كل هذا وتتعذر چا انه اشــــــگلت
غير الله الساترها منك لــــو گمت
اه لمن دفعــــني
اه ضيعته ونـي
اه لاكن شتمني
وادم لو عراكة چـــــــا ذب معصبي
ومحسن چا بنفاسه ايگلي بشاربي
بس وادم سولتهه بس تحرگ عبي
اليسطرله بت نبي ساطـــــرله نبي
حيل امچلبه ابحجابي
حيل طگـني اعله بابي
حيل يكتل مصـــــابي
ضم غيضك بولادك مو ســــاعة غضب
يالشالع بيبانهم يمخـــــــــورس العرب
المد ايده اعلة امريتك لحسين انطلب
ماضل شي للطف ويسويهم حــــطب
گوم ومسح عبرتك
گوم صــبرها بنتك
گوم زينب اجــتك
حط عينك بعيوني نتــــــــسامر صدگ
مو جرحي اليلچمني ولا سطره وحرگ
تاذيني امن اتگلي اليـــــــــــــله نفترگ
خليني اعلة افراشي ايمــوتني العشگ
كون بيدك تزتنـــــــي
كون بگبري تحطني
كون اتراب وتطشني
خادم القصيده
#شاكر الصيمري
شيل شوفك عــذرتك
شيل روحك هضمتك
شيل محـــسن بزرتك
راح عشـــــگ الليالي
راح تعبــــــي ودلالي
راح بزري وحــــلالي
ياروحي وعشرتنة ادخيلك ماگلت
بسمار وبيبان وطبـــــــگه اتحملت
كل هذا وتتعذر چا انه اشــــــگلت
غير الله الساترها منك لــــو گمت
اه لمن دفعــــني
اه ضيعته ونـي
اه لاكن شتمني
وادم لو عراكة چـــــــا ذب معصبي
ومحسن چا بنفاسه ايگلي بشاربي
بس وادم سولتهه بس تحرگ عبي
اليسطرله بت نبي ساطـــــرله نبي
حيل امچلبه ابحجابي
حيل طگـني اعله بابي
حيل يكتل مصـــــابي
ضم غيضك بولادك مو ســــاعة غضب
يالشالع بيبانهم يمخـــــــــورس العرب
المد ايده اعلة امريتك لحسين انطلب
ماضل شي للطف ويسويهم حــــطب
گوم ومسح عبرتك
گوم صــبرها بنتك
گوم زينب اجــتك
حط عينك بعيوني نتــــــــسامر صدگ
مو جرحي اليلچمني ولا سطره وحرگ
تاذيني امن اتگلي اليـــــــــــــله نفترگ
خليني اعلة افراشي ايمــوتني العشگ
كون بيدك تزتنـــــــي
كون بگبري تحطني
كون اتراب وتطشني
خادم القصيده
#شاكر الصيمري
#استشهاد_فاطمة_الزهرا۽_ع
ــــــــــــــــــــــــــــــــــــــــــــــــــــــــ
وَحدك تِدير بِعينَك ياعلي اللـه يِعينَك يَكرار يَكرار
*************************************** اللــه يِـعـيـنَــك يـــــاعلي كلبـك صَبـــور إشكبره
بَـس إلـمَـدآمِـع عـالـوَجن بِصَدرَك خِفيت إلحَسره
بابَـك تِشـاهِــــــد مِحتِرِك لأهلك تِصِـــــــد بالنَظره
ظَهرَك حِنيته إمن إلصَبُر إلليلــــه تِــوَدع إلزهره
غُربه تكظي إسنينك يـاعلــــي اللـه يِعينَك يَكرار يَكرار
*************************************************************************************يِبـدي مَسـار إمصيبِتك والحـزن ظَــل جِلبابَك
تِـسـمَـع تنـــادي فاطِمه يِـبتِـدي ليــل إمصابَك
يافُضه لِحكيلي إنصِبِت ذآبِـح صَبُـــر بِحسابَك
مــا بيـــن دَمعاتَك تِوِن وإلصُحبه حِركت بابَك
دَمعِتَك أحيَت دِينك يـاعلــــي اللـه يِعينَك يَكرار يَكرار
****************************************************************************** حَسيت كسرة خاطِرَك غُربت مَشي خِطوآتَك
إلمَـن تِــروح إتحَيَرِت مــا بَـيِـنَـت نَـــظرآتَك
تِعصِر بِروحك ياعلي بَـس تِـنسِمِـع حَسرآتَك
للبـاب مـا تِكـدر تِجي خَـجــلان مِـن دَمعاتَك
تِصفُك صِرِت جَفينَك يـاعلــــي اللـه يِعينَك يَكرار يَكرار
يـاربي صـوتَك يِعتِلي عـاليِجِـري رُفقاً بيه
نِيــرآن بـابــي تِستِعِـر إمكيـده بِصَبُر إيديه
مِن هِدَأ دُخان إلحَطَب نـادت إلزهره إعليه
صَديت للزهره بِوَجَل تِـمشـي بِألَـم مَـحنيه
دُخان بيني وَبينك يـاعلي أللـه يِعينَك يَكرار يَكرار
****************************************************************************** خَـل تِجـي زينب ياعلي بِـوَنـت ألــم مَسموعه
سـوط إلمَتِن خل تِنظُره تِـتعَـوَد إعلـــه إللوعه
خَل يِجي لِحسين إلسِبِط لأجلي تِصُب إدموعه
كِسـرولي يازينب ضِلِع باجِر لَخوج إضلوعه
عالرُمُح راس إحسينَك يـاعلي أللـه يِعينَك يَكرار يَكرار
*************************************************************************************إلليله يَزهره إموآدَعِج بِنـت إلنبـي مَكسوره
بِـمتـونــج إنتي جَم إلَم بِخَدِج طَبُع مَسطوره
بس بينه حَسره فاطمه بِهـذا ألأمُـر مَعذوره
مــالـج قبر يَم إلحَسن حتـى نِـجي وِنزوره
ياعلي تِخفي إونينَك يـاعلي أللـه يِعينَك يَكرار يَكرار
*****************************************
خادم الحسين حاتم ما شاء الله الكاظمي
#قصائد_استشهاد_الزهراء_ع
ــــــــــــــــــــــــــــــــــــــــــــــــــــــــ
راجع لوحدك
دمعك بخدك
زينب تنشدك .... وينهه
******ا
راجع وكلبك اسير بحسرته وهمه
ياعلي افراك العزيز ايطيح الزلمه
حيلك الجنه دمع لو طاح شيليزمه
تشيط روحك لو حبيبك ينذكر اسمه
كلبك اتعذب
سئلتك زينب
وتنتظر ردك ..... وينهه
********ا
ياعلي الدنيه الجبيره زغرت بعينك
قصتك مو فزعه حته الوادم اتعينك
رحت شايل فوك متنك فحوة اسنينك
كلبك انطاك ودفنته اشلون بيدينك
تذرف ادموعك
وتلطم اظلوعك
لو شفت ولدك .... وينهه
*******ا
ياعلي كل امنياتك صفحه مطويه
هوه دوم الكلبه ابيض هذا تاليه
زينبك عل الباب هسه وتنتظر جيه
شلون اذا سئلتك عنهه وهيه ماهيه
تخفي بجروحك
وينفضح نوحك
والخبر عندك ... وينهه
******ا
راجع ومابيك غير الاه و والونه
تختنك اكثر اذا للبيت تدنه
شلون تدخل وانت روحك طالعه منه
انت من محنه اجيت ورايح المحنه
كلبك اتعذب
سئلتك زينب
وتنتظر ردك .... وينهه
****ا
راجع وجدمك ثكيل ومشيتك كوه
صرت تتشاهد يحيدر ويه كل خطوه
ياعلي فراك الزجيه بحالك شسوه
واليشوفك صار يسئل هوه مو هوه
بكلمة اشلونك
تدمع اعيونك
وحيلك ايهدك .... وينهه
********ا
الشاعر
مصطفى البديري
. ❍°•┈┈┈••✵♢❈♢✵•┈┈┈•°❍
🎵أداء والحان / الملا علي الرڪابي
. 🎧 ▷ ◉─────── 01:13
📝ڪلمات الشاعر/ مـوسـى الخـادم
↡◐↡┈••●••┈ ↡◐↡
@alrkaby990
●┈••●••┈●
. ❍°•┈┈┈••✵♢❈♢✵•┈┈┈•°❍
🎵أداء والحان / الملا علي الرڪابي
. 🎧 ▷ ◉─────── 01:06
📝ڪلمات الشاعر/ عبد الجليل المالڪي
↡◐↡┈••●••┈ ↡◐↡
@alrkaby990
●┈••●••┈●