1607
رابط القناة 👈 https://t.me/alialialqran نشر القصائد التراثيه والجديدة وكذلك نشر قصائد لجميع الشعراء
في مثل هذه الايام فارقت السيدة فاطمة العليلة ع الأهل والأحبة
https://vm.tiktok.com/ZMYBk5LW8/
من الارشيف سنة ٢٠١١
(لو ادري هيج يصير تكصد للأكوان )
عزاء الليلة الرابعة ليلة ام البنين ع
محرم الحرام الليلة الاولى والليلة الثانية
حملنه اشكال من جور السلاطين.
بقينه وياك ماعفناك يحسين
.
يشيخ الأنس والجان.
اليعوفك والله خسران.
،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،
انواع الحروب انشنت اعلينه
ماعفناك صحنه حسين والينه
خدامك نظل للموت نادينه.
دنيه واخره بس انته تحمينه.
ماتنسونه گالوا صارله قرون
صحنه البشر مايرهم بلاعيون
عليك تلوگ الأحزان
اليعوفك والله خسران
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،
بنو اميه وبنو العباس والظلام
كلهم حاربونه وحكموا الأعدام
ضلينه اعلحبك ياضوه الأسلام
احنه بكل زمان انظل الك خدام.
اشچم سلطه اجت رادتنه ننساك.
بعنه ارواحنه وظلينه وياك.
نفدي العمر قربان
اليعوفك والله خسران
،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،،،،،
منو اليمنعنه عنك ياضوه الكل عين
عهد وياك حد الموت متمسكين
يارايتنه يامذهبنه انته الدين
عقيدتنه وهويتنه وشمسنه حسين
اشچم زاير الگطعوا ايده ويعود
يزورك سيدي وينطي ايده اردود
غيرك ماكو عنوان
اليعوفك والله خسران
،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،،،،،،،،،،،
يخيمتنه التلمنه انعرفك اتحبنه
تنادي بأسمك الطاهر مواكبنه
دول عظمى فلاگدرت تعاندنه
وحكام شكثر عجزت تحاربنه.
نموت بكل سهوله لجلك نموت
نتحده يطريقك اقوه طاغوت
انت اركان الأيمان
اليعوفك والله خسران
،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،،
باب الله الحسين وبابه ماينسد
وعزائه وذكره يبقى ويانه يتجدد
مصيبة ذبح ابو السجاد ماتبرد
بگلوب الخلگ هالعبره ماتخمد
تموت الناس كلهه ويبقى الحسين
بكل فتره اله انصار ومحبين
للأسلام أركان
اليعوفك والله خسران
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة العاشرة
عبد الله عطشان انذبح.
ابدم منحره. اوليدي سبح.
نايم ومرتاح الولد
وانعه واهزن بالمهد.
،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،
جابه ليه حسين. ساكت وذبلان
گماطه احمر صار. لسه ظل عطشان.
نايم المذبوح. من امس نعسان.
ليله كله ينوح. من البچي تعبان.
بطل يناغي الماشرب
ماي وينام من التعب.
عبدالله خافنه انحسد.
وانعه واهزن بالمهد.
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،
اشگد رخيص الماي. والطفل غالي..
السهم ما اجاني.انطيه دلالي.
ولايصيب ابني. ويذبح هلالي.
منحره ازغيرون. ينگطع تالي،،
بسكته أسولف لايفز.
كلساعه اقراله حرز.
وتحرسه عين الله الاحد.
وانعه واهزن بالمهد.
،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،
من العطش والحر. غارن عيونه.
عمره ست شهور. مايرحمونه.
ابيش اذاهم. حتى ياذونه.
لاسگوه گطره. ولا يخلونه.
الله يساعد والده.
بحضنه يرفرف شاهده.
عبد الله مايگعد بعد.
وانعه واهزن بالمهد.
،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،
حسين ماگتلي . السهم هم بچاه
شفته يتألم. والألم اذاه.
گلي حتى أني. أمچانه اصيحن اه.
زغير ما يحچي. وتنسمع شكواه.
گاللها من صابه السهم.
گطع أگماطه من الألم.
والنفس ودعني وخمد.
وانعه واهزن بالمهد.
،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،
بروحه قصت ماي . هجرت شفافه.
يابس اللسانه . وذبلت أوصافه.
بعينه شاف الموت . الماي ماشافه.
عافني وليدي . وگلبي ما عافه.
من الهوه ليش أنفطم
ومن امه ياوسفه انحرم.
عن امه ساكت مانشد.
وانعه واهزن بالمهد.
،،،،،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،،،
المگبره ظلمه. شلون بيها ينام.
طفل مايعرف. وحشت الاحلام.
من يلوليله. بعده بس الآم.
روحي يم گبره. وانسبي للشام.
بكربله مدفون الضوه.
لوبيدي ابقى ويا سوه.
فراگ الولد من موتي أشد.
وانعه واهزن بالمهد.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
ـــ
محرم الحرام يوم العاشر
قميص الأنبياء الجابه جبريل.
للهادي محمد سحگته الخيل.
القميص الشمه يعقوب وشفه العين.
فاض بكربله من دم الحسين
ــــــــــــــــــــــــــــــــــــــــــــــــــــــــــ١
القميص الوارثه من نوح. لبراهيم ظل حاضر.
نبي ايرسله النبي حد ما . وصل لحسين بالعاشر.
القميص المن عهد أدم. الحگوه شگگه الحافر.
انصبغ من دم أبوالسجاد . وگلب الزهره ظل حاير.
نزلت فاطمة وشالت بديهه
قميصه وللسماء نشرت بچيهه.
كل عاشور ينزف جرحه كل حين
فاض بكربله من دم الحسين.
ـــــــــــــــــــــــــــــــــــــــــــــــــ٢
لبس هذا القميص حسين.وصار أشرف علگ بالكون.
تمزق صابه المثلث. بصدر الضامي مايدرون .
تصوب كل النبي من طاح. وكل اهل السمه ينوحون
طاح من المهر للگاع. وحده وما لگه كل عون.
طاح وعاين الوادم تنظره.
مابيهم صديق الكل تغدره.
الچان ايلبسه طاهه وينشر الدين.
فاض بكربله من دم الحسين
ــــــــــــــــــــــــــــــــــــــــــــــــــــــ٣
ارتوه من دم ابو اليمه. وابو اليمة رحل عطشان
حرارة گلب ابو الاكبر. مثل جمرت خيم حران
مات وما سگوه گطره. وبچت لجله الانس والجان
ظل ابلا دفن مذبوح. ثلث تيام عالتربان.
راسه اعلرمح وعيونه لهله.
مات وگلبه ظل يبره اعلطفله.
رقية أتصيح ثوب الابو ظل وين.
فاض بكربله من دم الحسين
ـــــــــــــــــــــــــــــــــــــــــــــــــــــــ٤
جدام أخته من ذبحوه. من التل طاحت الحره
تگلهه أسم الله يبنيتي. ومدت ايدهه الزهره.
تگومهه وتگللهه. أخوچ أنحز شفت نحره.
احط أيدي تحت دمه. واصبغ وجهي والحسره.
حسين من الگفه مظلوم ذبحوه
وانشد خنصره چان وين ودوه.
سلبوا محبسه واخذوه الباغيين
فاض بكربله من دم الحسين
ــــــــــــــــــــــــــــــــــــــــــــــــــــــــ٥
الرمل وضلوعه نفس الشي. انطحنت ناعمه ظلوعه
شيلمه أتبده مثل الماي. حسين وضلت اللوعه
لوما يرسل السجاد. ربنه بقصة مفجوعه
محد يگدر ايلمه. ويغسله بعبرت دموعه.
قميصه بدم رضيعه انصبغ بالدم
وبعيون الحسين أنصب مأتم
يون يحيى الذبيح وصاح ياسين
فاض بكربله من دم الحسين
ـــــــــــــــــــــــــــــــــــــــــــــــــــــــ
حيدر موسى الرميثي
محرم الحرام الليلة السابعة
صاحب الغيرة ـ . ابو فاضل. ـ صاحب الغيره.
......................................... ١
علزلم وزع الغيره . والشجاعة والعزم
ابو فاضل مدرستنه بغيرته يصنع زلم
جيش اخو زينب يحارب. كل زمن ماينهزم.
رايت العباس نرفع. كلهه صاحت والنعم.
صاحب الغيره. ـ ابو فاضل ـ صاحب الغيره
.................................. ٢
من بحر جوده المضايف . تكرم توزع فخر.
لان يم النهر طايح . ينعشگ جرف النهر.
يالجبرت الدنيه غيره . وانكسر بيك الظهر.
من عثرت الكون دنگ . والدهر يمك عثر.
صاحب الغيره ـ ابو فاضل ـ صاحب الغيره
............. ... ٣ ............
الماي ماترضه تشربه . گبل الحسين وهله.
اتصيح مادام انه عايش . تبقى اختي مدلله
انته لو مابيها ساكن . چان ماتت كربله.
تحت گبرك نهر يجري. يا أمير المرجله.
صاحب الغيره ـ ابو فاضل ـ صاحب الغيره.
..........................٤.......................
يانهر تنبع محنه . وياشمس تحي الأرض
صار ذكرك بالمجالس . عليخدمونك فرض.
تعيش يالعباس بينه . بالگلب صرت النبض.
رايتك تمطر شجاعه . وثورة بيهه ننتفض.
صاحب الغيره ـ ابو فاضل ـ صاحب الغيره.
................. ...............٥...................
چن سفينة نوح بيدك . جربتك وانته البحر.
غرگت الدنيه بوفائك . يالشلت راس القمر.
القمر چم يوم ويغيب. وانت تضوي بكل دهر.
الشمس يمكن يوم تطفه. ونور عباس استمر.
صاحب الغيره ـ ابوفاضل ـ صاحب الغيره.
........................................ ٦ ....
چفوف لوجنحان عندك . بيهن اتدفي الحلم.
مايموت الشرب مايك . حبك ايزيل الأثم.
دوه مايك لليشربه . ياعلاج وطلسم.
واضن يملك عقل سيفك . حير ارگاب الزلم.
صاحب الغيره ـ ابو فاضل ـ صاحب الغيره
..... .............................
حيدر موسى الرميثي
ـــــــــــــــــــــــــــــــــــــــــــــــــــــــــــ
محرم الحرام الليلة الثالثه
العليلة
اطلع وادور بالفله. صحراء تشبه كربله.
حتى اشعر بنار العطش. واذكر ابو اليمة وهله.
.................................. ١
لابير اشوف ولا نهر. دلوني بلكت هيمه.
خدي ارده احطه اعلرمل. واشعر بحره وضيمه.
ونيران مني تقترب. وما اريد تحضر غيمه.
ولحد يطفيني اذا. احترگ مثل الخيمة.
افراگ الأهل ماينحمل. يوميه روحي تنكتل
مشتاگه اشوف العايله.واذكر ابو اليمة وهله.
....................................٢
ارده اشعر بحر الشمس. وكل موقف الأذانه.
واتحفه وامشي اعلترب . وكت الظهر عطشانه
واركض ركض زينب اظل. بليل اهدعش حيرانه.
بياذنب تنطگ علمتن. ومن السبي،تعبانه.
بحباله چتفني المرض. وجفني فلا لحظه غمض.
ودموعي ضلت سايله. واذكر ابو اليمة وهله.
.....................................٣
يومية يذبلي غصن. اشچم موته اموت عليهم.
مارجعوا وخلوني أون. كل وكتي افكر بيهم.
بس لاوگع چف الگمر. من بعده من يحميهم.
عباس چفينه نهر. لو طاحن شيسگيهم
يابويه بعدك بالخطر. وگبلك احس ظهري انكسر.
صحراء ادور قاحله. واذكر ابو اليمة وهله.
.............................................٤
شما اغفه احلم بالرمح. فوگه الضوه يحاچيني.
وتصرخ رقيه من العطش.، وعبد الله چن ناسيني
بكاروكه ساكت مابچه. وتهزه دمعت عيني
واحلم اجت خيل العده. وتسحگ بصدر حسيني.
والنار تاكل بالخيم. وبالهيمه ركضت هالحرم.
وذبحتني نبلة حرمله. واذكر ابو اليمة وهله.
.............. .................... ٥ ....
مسبيه روحي ابلاسبي . ابلاصوط صرت اتألم
وعطشانه دوم ابلاعطش . فراگ الأهل مايرحم
تسكت انفاسي من الألم. بجرحي الشمر يتكلم
سلمت حالي للهجر . ليش الهجر ماسلم.
ابقى انتظر يوم الأمل . لو موتي لو ملگه الأهل.
يم اهلي چنت امدلله. واذكر ابو اليمة وهله.
.............................................
حيدرموسى الرميثي
ــ
محرم الحرام الليلة التاسعة
نزله للأكبر
شال سيفه الاكبر.
انخطف لون العسكر.
الجيش صاح ادخيلك
،،،،،،،،،،،،،،،،،،،،،،،،،،،، ١ ،،،،،،،،،،،،،،،،،،،
مثل حيدره جده. منهو يوصل حده.
والشجاعه العنده. حيرت قادتهم.
الشبه جده الهادي. بالحرب وينادي.
ويله كلمن بادي. ينتقم من عدهم.
والشمر يتحير.
انخطف لون العسكر
الجيش صاح ادخيلك
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،،،
الموت صار بكيفه. شما يقرر سيفه.
بيده ياخذ حيفه. كطع روس الباطل.
صاحوا ارحم بينه . كافي لا تفنينه.
سيفك امبچينه. من تصول تقاتل.
عليك محد يگدر.
انخطف لون العسكر.
الجيش صاح ادخيلك
،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،
العاف درب حسيني. هذا خاين ديني.
منهو يلوي ايميني. ربي المقويهه.
اليوم راح أفنيكم. مني من يحميكم.
ضربتي اتراويكم. القارعه انسميهه.
سلاحي ما يتفسر.
انخطف لون العسكر.
الجيش صاح ادخيلك.
،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،
منهو يگرب يمي. وابو فاضل عمي.
عزم حيدر عزمي. اسمه وصط انفاسي.
المرتضى عنواني. وبالحسين ايماني.
اسمعوا ياعدواني. ما أدنگ راسي.
الغيرة من تتفجر
انخطف لون العسكر.
الجيش صاح ادخيلك.
،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،،،
رايتي رافعهه. والگلوب اقلعهه.
صرختي يسمعهه. راح كل العالم.
ما أعوف الغالي. لا وحق العالي.
حسين لب دلالي. نور من الخاتم.
بالمعارك يفتر.
انخطف لون العسكر.
الجيش صاح ادخيلك.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي.
محرم الحرام الليلة العاشرة
ليلة وداع الليلة.
زينب تودع حسينهه.
الدمعة تبات بعينهه.
ليلة وداع الليلة.
،،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،،،،،،
هاي اخر ليلة باجر. ماتضل خيمه وزلم.
على زينب وسفه باچر بيت كامل ينهدم.
حسين وحده الظهر يبقى. اتطيح من عنده الحزم.
صبر يرادلهه زينب. صبر اصحاب العزم.
بلحظه تودع سنينهه
الدمعة تبات بعينهه.
ليلة وداع الليلة.
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،،،،،،،،،،،،
باچر العباس توكع.چفوفه منه وجربته.
ينكسر ظهر ابو الاكبر. من يشاهد طيحته.
تفرح الشماته تنظر. للحسين ودمعته.
ابو فاضل سهم عينه. المه وهد قوته.
زينب يزود اونينهه
الدمعة تبات بعينهه.
ليلة وداع الليلة.
،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،،
تودع الاكبر الحره. بالدمع ليل الحزن.
تگله يالتشبه محمد. تغوفني أبچي وأون.
باچر اعله الگاع تبقى.والجثث ماتندفن
بالثلث تيام بالحر. عنكم امشي الكم احن.
من گلتوا الله يعينهه.
الدمعة تبات بعينهه.
ليلة وداع الليلة.
،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،
تودع العريس زينب. بدمه تصبح حنته.
نسخه من الحسن وجهه تحن لخوهه وذكرته.
يلبس اعمامة ابوه وعالعساكر صولته.
القاسم ابوصط السيوف اتصير باچر زفته...
هالليل بينه وبينهه
الدمعة تبات بعينهه
ليلة وداع الليلة
،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،
باچر الخيل اعلجسم حسين تسحگ والشمر
ايشيل راس حسين بيده. وتفرح اصحاب الغدر.
نحر ابو السجاد وسفه. برمح عالي ينحفر.
من كثر طحن الحوافر. مايضل عنده صدر.
تشكف تضل بيمينهه
الدمعة تبات بعينهه
ليلة وداع الليلة
،،،،،،،،،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،،،،،،،،،،،،،،
تهجم الگوم اعله اهلي . الخيم كلهه تحترگ.
وين اودي عيالي باچر. والصياط اتضل تدگ.
القيامه تقوم باچر. اه من يوم الطبگ.
اشچم طفل سحگوه أكبالي. الموت أجاني من صدگ.
واخوتها المودعينهه
الدمعة تبات بعينهه
ليلة وداع الليلة.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي.
الانصار
انصار الحسين وربنه خلدنه.
غير حسين ياهلناس ماعدنه.
،،،،،،،،،،،،،،،،،،،،،،،،، ١ ،،،،،،،،،،،،،،،،
حبيب انه واضحي الروح لحسيني.
أولادي وهلي فدوه اله وعيني.
اله فدوه رگبتي.وصدري ويميني.
لغير حسين ألمن رايد سنيني.
بلطف للشهاده وياه موعدنه.
غير حسين ياهلناس ماعدنه.
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،
زهير اني نذرت ايامي لجل حسين.
والتاريخ يحچي ابموقف أبن القين.
مثل حملت علي أحمل وارد صفين.
أفرق جيش أميه بسيفي اعلي الدين.
والتاريخ والاجيال تحسدنه.
غير حسين ياهلناس ماعدنه.
،،،،،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،
عابس بيدي اقبض من أميه ارواح.
حب حسين جنني ودليلي الصاح.
اهد علگوم ما البس درع وسلاح.
حب حسين درعي وماتهمني ارماح.
نصول اعلجيوش ومحد أيصدنه.
غير حسين ياهلناس ماعدنه.
،،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،
جون انه وأحله من المسك عطري.
فاتح للسهام المنحر وصدري.
ما أعوف الحسين وفدوه اله عمري.
أموت الموت وانه يضل عدل ذكري.
عن الغيره كل الناس تنشدنه
غير حسين ياهلناس ماعدنه.
،،،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،
غلام وما وصل سن الحلم عمري.
الشمر مني شرد واتحيروا بمري.
اشچم فارس جسمته استهزء،بزغري.
بسم حسين ينبض دمي اليجري.
وي حسين بالدم عهد جددنه.
،،،،،،،،،،،،،،،،،،،،،،،،،،،،،،،٦،،،،،،،،،،،،،،،،،،،،،
وهب وبسيفي، ابچيهم واعاقبهم.
امي اتصيح يبني حيل أدبهم.
خانوا بالحسين شلون أرحمهم.
وزوجتي اتصيح آل المصطفى انصرهم.
يخسر كل خصم رايد يعاندنه.
غير حسين ياهلناس ماعدنه.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
الانصار.
ياحبيب الحسين. سجلني زاير.
يبوگلب الحنين. يبن مظاهر.
ادري شيخ الأنصار.
مايردله خطار.
............................ ١
الحسين الطاك القلم.
تسجل الزاير ياعلم.
ياصاحب حسين الوفي.
ياحامي زينب والخيم.
يالسيفك ضرب بالطف رگاب الشر..
شخصيتك بعد هيهات تتكرر.
كل الدنيا لسه بصولتك تفخر.
شعرك ابيض بدمك صبح أحمر.
ياصديق الرسول. يبن الاطايب
يالصرت بالطفوف.. لحسين صاحب.
يالمضيفك تذكار.
مايردله خطار.
........................٢
بزيارتك يحله الحچي.
ولمصيبتك يعله البچي.
الزوار الحسين السند.
كلها علفضلك تنتچي.
نموت بلا زياره ولا بچي اعلحسين.
اذا عفتونه ننطي احنه وجهنه الوين.
بلياكم تره احنه بس نفس ميتين.
بحبلكم لانطيح وبيكم مكمشين.
اختارك الله شهيد... دربك حسيني.
تنادي يوم الكفوف... ما ابيعه ديني.
هذا طبعه شماصار.
مايردله خطار.
... .................٣
ربنه يحبك فضلك.
شيخ الأنصار مسجلك.
بچيت الحسين شكثر.
من طحت شاهد مقتلك.
ابيض شعرك وصار احمر من الدم.
من مهرك طحت يالغالي تتألم.
طعنوك برمح وانت فلا مهتم.
تريد حسين يسلم وانت ماتسلم.
.
گلت لا للحيات. فدوه الحبيبي.
نعم بس للحسين. روحي وطبيبي.
ياأمين الأبرار.
مايردله خطار.
............................٤
شباچك بعطر الورد.
شما اشمه احس روحي ترد.
تسجل الملاين الأجوا
مايوم تنسالك فرد.
ألف هنياله كل واحد تسجل أسمه.
بگبره يزوره كل زاير أبو اليمه.
يشفعله ويطمنه بگعدته يمه.
الزاير بالگبر ينزاح كل همه.
.
الشيعة يوم الحساب... تنجه بفضلكم.
ياحبيب القلوب... كلنه بأملكم.
يمه ابد مانحتار.
مايردله خطار.
..........................٥
سجلنه انصار الولي.
ماعدنه غير ابوعلي.
أنصاره نبقى بكل وكت.
واسم الحسين اليعتلي،
كل الناس تتمنه تصير انصار.
بدرب حسين ضحوله شكثر ثوار.
اليحب حسين ماتگدر تمسه النار.
لحد الموت غير حسين مانختار.
ياشهيد الضمير .. للأمة رحمه.
تضل شمسكم تنور .ماتبقى ظلمه.
تحچي فضله الأفكار.
مايردله خطار.
................................
حيدر موسى الرميثي.
محرم الحرام الليلة السابعة
العباس
ـــــــــــــــــ
راح امشي للماي. مدري ارد لو ما ارد
راح امشي للماي. الوجهج يزينب خلي أصد.
وماشابعه العين. من وجه الحسين.
،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،
خلي اودعچ يختي زينب. وسكته اودع سيدي
خاف اروح وما اردن. خاف يوگع ساعدي.
اسهامهم متوجهه أليه. جيش وانه بوحدي
انه صح أگدر اذلهم. بس غدرهم يعتدي.
خافن يغدرون. لولا الغدر ما انگدر
خافن يغدرون. من سكنة من هسه اعتذر.
وجه الشمس وين. من وجه الحسين
،،،،،،،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،
شلت راية علي بأيدي. وللشريعه اتوجهت.
اگبالي محد گدر يصمد. والنهر بيدي الزمت
والنهر يتمنه أشرب.. منه وانه الماردت.
شلون گبل حسين اشرب. مااشربك لومتت
خله ابقه عطشان. ويشرب حسين وعليتي
خله ابقه عطشان. وعبد الله اشربه بجربتي.
تروه المساكين. من وجه الحسين
،،،،،،،،،،،،،،، ٣،،،،،،،،،،،،،،،،،،،،،،،،،،،،،،،،،،،،،،،،،،،
من رجعت السهم صوب. عيني وگليبي أنكسر.
ياسهم موهذا وكتك. ياسهم تطفي النظر.
ابيش راح حسين أشوفه. وانعمه مني البصر.
عيوني ماشبعانه منه. لو اجه يمي وحضر.
شلون أگدر ابچي. لو جاني ابو اليمه يون.
شلون أكدر ابچي. والسهم طابگ عالجفن
تصب دمعت البين. من وجه الحسين
،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،
من تطيح أچفوفي اطيحن. منهو يفزع للعلم.
الماي ما أگدر أوصله. يالعقيله للخيم
بعد ما أگدر أگوم. من السهام من الألم
كل مكان بجسمي طبره حتى جودي ماسلم.
ماعندي چفين. سيفي بعد ماينلزم
ماعندي چفين. امسح عيوني الكلهه دم
والرحمه تدرين. من وجه الحسين
،،،،،،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،
مره اجتني چنهه زينب. تبچي محنيه الظلع.
تگلي انه الزهره اجيتك. يابوفاضل وانفجع.
بعدك المن تمشي زينب. علخيم يهجم جمع
النار بالصيوان تعله. ونار ظلعي ترتفع.
ما أگدر انهض. كاتلني يالزهره العمد
ما أگدر انهض. الزينب بعد ماكو سند.
كل ضوه وكل دين. من وجه الحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة الاولى
انذار. انذار . هزالكون وي الكره الأرضيه.
انذار انذار . هل عاشور للخدمة الحسينيه
شهر الدمعه والنوح
بيه الحسين مذبوح
،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،،
للطف تحضر الزهراء . وملائكت السمه ينزلون.
يم گبر الشهيد حسين . الرسل بالحضره يجتمعون
كل خلق الله يلتمون. يم المذبح ينوحون
انذبح محروم من الماي. وخنصر چفه ماينسون
احزان. احزان. بمصاب الحسين انعزي المهدي
احزان احزان. جبرائيل يهتف مانشف خدي
هل عاشور الجروح
بيه الحسين مذبوح
،،،،،،،،،،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،
تنشر فاطمة بعاشور. قميص حسين وي دمه
تصيح بيا ذنب ذبحوه. وگطعوا راسه أبو اليمه.
ليش ابلا دفن بالگاع. ثلث تيام ضل جسمه
وبصدره تدوس الخيل. وعلي السجاد أجه ايلمه.
مسلوب مسلوب. حسين من الگفه مذبوح ياناس
مسلوب مسلوب. من چثته رجعوا سلبو الراس.
ماتنعد هالجروح
بي الحسين مذبوح
،،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،
تبچي الدنيه علعباس . من ظل حايربأمره.
طبروا بالعمد راسه . وحسين أنكسر ظهره
من أيده تبده الماي . وسهم عينه وسهم صدره.
چفوف الگمر گطعوهن . وتعطش زينب الحره
عباس عباس. طايح علشريعه ودمه يجري
عباس عباس. صاح حسين بعده أنكسر ظهري.
يبچي القلم واللوح
بيه الحسين مذبوح
،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،
سيد الأنبياء والكون. تجري دموعه علأكبر
شبيهه البدمه مخضب. شافه بكربله موذر.
ساعد الله گلب حسين. تمدد يمه يتحسر
يگله يبني مارحموك. اگبال عيوني تتطبر
يحسين. يحسين. مثل مصيبتك ماشاهد الكون
يحسين يحسين. تظل تنادي اصوات اليعزون
يلكاسر گلب نوح
بيه الحسين مذبوح
،،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،
يبس گلب الرضيع وذاب . يبچي ومايشربونه
اشو نبله ابمچان الماي. بنحره الضامي يرمونه
گلب أمه الرباب شصار. طفلهه من يذبحونه.
وگلب رمله وگلب زينب. بالعاشر يطعنونه
وجسام. جسام. أمه اتصيح يبني احترگت أخيمنه.
وجسام جسام. نحچي وياك يبني وما تكلمنه.
بلطف جاسم ايروح.
وبيه الحسين مذبوح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة الثامنة
اصحاب المثل ما نصفو ومالو
يخلق اربعين امن الشبه كالو
وانته الخالقك ما خالق اثنين غير القاسم انته وابن اخو حسين
*
اهل المثل ما نصفوك وصحح هالمثل رايد
اذا صح اربعين اشلون مثلك ما شفت واحد
كمت للخيمه من تفوت الهوه ايصير اشكثر بارد
واليتغزل بعينك الرمشك حده بالزايد
دوم اقره الفلق عن لا يحسدونك
انته وين اكو وادم يشبهونك
الله اليشوفك صاح مرتين غير القاسم انته وابن اخو حسين
*
يشبهك بشر ياهو الكال اليوصفك حيره حيرته
اليشبهك هوه بس انته وانته طالع اعله انته
مثلك ما شفت عريس حته الكمره عاشكته
الهوه عفته وغرام حسين بالعاشر تنفسته
من الله لكيتك ماي ومهيل
شو بالعكس تحله اشما كمت تذبل
يالمثلك ابد ما شافت العين غير القاسم انته وابن اخو حسين
***
اكو وادم كلبها حسين بس تموت تتمنه
والعريس مو عريس اذا مو جفه يتحنه
باجر كلها تلتم راح والعرسان تتعنه
وزفت جاسم العريس اول زفه بالجنه
فرحان الحسن هليله بوليده
من شاهد الدم امحني جف ايده
كلها تصيح هذا اليوسفي امنين غير القاسم انته وابن اخو حسين
***
جنت كل ما تريد تروح كلها تجلب بثوبك
تكتب والسهام بشوك جانت تقره مكتوبك
كل عاشك لكه محبوب وانته حسين محبوبك
ومن تمشي صور لحسين بالطف تارس جيوبك
شاعر ما يشبهك بالشعر واحد
وعابس بالعشك وياك متوارد
يالجرحك صحت ما يضمد اسنين غير القاسم انته وابن اخو حسين
****
صحت يا نعمة الله اشلون صاير للسحك جسمك
عمرك ورده ما شميت هيه الورده التشمك
رحت صوب الحرب عريس ورجعت امخضب بدمك
ابد ما جانت اعله البال بتابوتك ترد لمك
كطعو نحرك وصار العرس دمعه
ورمله تصيح المن اعلك الشمعه
ما يهجع بعد يايمه الونين غير القاسم انته وابن اخو حسين
**
يوسف من يشوفك راح اشكد يصفن بشكلك
وكل هذا الجمال البيك امنين الشايله ايكلك
امن الله انته اليشوفك ليش ابد ما يكدر ايملك
يا اجمل بشر مخلوق مو للموت البحلك
عين امك يجاسم لا تبجيها
رمله من رحت ضاع الهوه اعليها
لجلك بالكلب مستعره نارين غير القاسم انته وابن اخو حسين
***
تمت
تحسين الخفاجي
من هنا تم نشر مجموعة من القصائد الحسينية
ملاحظه اي واحد يريد تلحين قصيدة من القصائد المنشورة يكتب في التعليقات وسنقوم بتلحينها ان شاء الله..
ملاحظه أخرى سنقوم مواصلة النشر لباقي القصائد الحسينية..
نسالكم الدعاء
محرم الحرام الليلة الرابعة
ام البنين
ــــــــــــــــــــــــــ
من المرض شافيني.
خادمچ تدريني.
يم الگمر.
،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،
من الألم دگيت بابچ. وادري بابچ مايرد
انه خادمكم گصدتكم. واشتغل عدكم عبد
ادعي اهل بيت الرساله. والفرج عدكم اجد.
والدوه عدكم لگيته. بغيركم ما اعتقد
انخه ام الكافل.
بدمع عيني السايل.
طحت بخطر.
يم الگمر
،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،
ما اريد امشي الطبيب. وانتي مولاتي الطبيب
بصدليتكم دوانه. . وكل مرض عدكم يطيب،
ضاگت الدنيه ونخيتچ. وارده احلفچ بالغريب.
حاجتي يمچ عفتهه. وادري يمچ ماأخيب.
وجهي الچ انطيته.
وبابچ اتعنيته.
انتي الفخر.
يم الگمر
،،،،،،،،، ،،،،،،،،،،،،،،،،،،،،،،،،،٣،،،،،،،،،،،،،،،،،،،،،،
وين اروحن فقط انتم. عدكم الحل والعلم.
من اطيحن الكم افزغ. بغيركم ما التزم.
يادواي البيكم اشفه. والله منكم والنعم.
بأربع اولادچ احلفچ. لاتخليني أهم.
محنتي شماتكبر
راح يمكم تزغر.
يزول الخطر.
يم الگمر
،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،،،
اتتي ضحيتي بحياتچ. للحسين وثورته.
انطيتي اولادچ هديه. للبتول ونصرته.
ابو فاضل اهده عينه واليمين ويسرته.
هالوفي وابن الوفيه. لسه تشهد رايته.
الماي بسمه الشافي
يجري نهره الصافي
تحته النهر.
يم الگمر
،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،
للوفه نهرين يجرن. نهر انتي والگمر
نهر يجري بالمدينة. وكربله بيهه نهر.
اثنينكم باب الحوائج. رحمة صرتوا للبشر
ماتردون الگصدتكم. كل كسر بيكم جبر
بيكم اتمسكنه
غيركم ماعدنه.
طول الدهر
يم الگمر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
ياعبد الله ياعبد الله.
بعدك نايم ياعبد الله
،،،،،،،،،،،،،،،،،،،،،،،،،،،،،،،،،،،،،،،،،١
بكاروكك نايم يالضامي
ماتتنفس نحرك دامي.
بكاروكك نامت احلامي.
يبني احچيلي،،،يبني احچيلي،،
بعدك صايم.ياعبد الله.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،٢
جبنالك ماي،وماتگعد
عمتك وامك عنك تنشد
مانسمع صوتك متوسد.
ساكت يبني. ساكت يبني.
صابك ظالم.يعبد الله.
،،،،،،،،،،،،،،،،،،،،،،،،،،،،،،،،،،،،،،،،،،،،٣
بگلب أمك ظل يذبح جرحك
يالغالي وذبحوني بذبحك.
حرموني اعدائك من صبحك.
بعد عيوني. بعد عيوني.
ريتك سالم. ياعبد الله.
،،،،،،،،،،،،،،،،،،،،،،،،،،،،،،،،،،،،،،،،،،،،،٤
ذابل مثل الورده وذايب
جسمك حاظر لاچن غايب
نحچيلك ساكت متجاوب،،.
رد عليه. رد عليه.
گلبي الهايم.ياعبدالله
،،،،،،،،،،،،،،،،،،،،،،،،،،،،،،،،،،،،،٥
ذبحوك الماعدهم رحمه
مگابلتك واصرخ يايمه.
عبد الله اسمع هاي الكلمه.
بعدك موتي،،بعدك موتي.
موتي القادم. ياعبد الله.
،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
ـــــــــــــــــــــــــــــــــــــــــــــــ
محرم الحرام الليلة العاشرة او يوم العاشر
يا ابا عبد الله. يا اباعبدالله
ــــــــــــــــــــــــــــــــــــــ١
بسهم المثلث ينغدر.
طاح الحسين من المهر.
ويصعد على صدره الشمر.
وبالحافر انرض الصدر.
يا ابا عبدالله يااباعبدالله.
ــــــــــــــــــــــــــــــــــــــــــــــ٢
عطشان محد شربه.
واثنعش ضربه يضربه
بنحره ونزف دمه الولي
بالدم الطاهر خضبه.
يااباعبد الله.ياباعبدالله.
ــــــــــــــــــــــــــــــــــــــــــــــــــ٣
نايم على وجهه البدر.
بلادفن ظل ابن الطهر.
بالشمس جسمه منطرح.
تچوي السبط شمس الظهر.
يابا عبدالله ياابا عبدالله
ــــــــــــــــــــــــــــــــــــــــــــــ٤
زينب من الخيمه اجت.
شافت الراس ودم بچت
صاحت يخويه اتگطعت.
والدنيه سوده اتحولت.
يابا عبدالله ياابا عبدالله
ــــــــــــــــــــــــــــــــــــــــــ٥
احترگت الخيمه بالجمر.
ولسه رقيه تنتظر
ترجع تخلصهه انچوت
ماتدري مذبوح الصبر.
يابا عبدالله ياابا عبدالله
ـــــــــــــــــــــــــــــــــــــــــــــــــــ
حيدر موسى الرميثي
محرم الحرام الليلة السابعة
يم النهر.
غاب الگمر.
وي طيحته
ظهري انكسر..
يزينب
،،،،،،،،،،،،،،،،،،،،،،،،،،،،١،،،،،،،،،،،،،،،،،،،،
عمود الخيمة طاح بطيحت الكافل
والايتام تصرخ وين أبو فاضل.
اشچم عطشان يتربه بدمع سايل
يجي العباس كل ماي النهر شايل.
مارد بعد. مات الاسد..
گلبي انعصر. ظهري انكسر
يزينب
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،
من شفت السهم طايح وصط عينه.
ينظرلي يريد شلون حامينه.
التوگع يسرته من عنده ويمينه.
مايگدر يجيب الماي لسكينه.
بعينه السهم. راسه انهشم.
الفارس عثر. ظهري انكسر
،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،
يزينب شمني شمت أمي من راحت.
شبگني ابلاچفوف وروحي أحس ذابت
الدنيا بعيني من بعد البطل مالت
دموعي تفيض وي روح الگمر فاضت
.مات الوفه. بساع انطفه.
امگطع وذر ظهري انكسر
،،،،،،،،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،،،،،،
شال،الماي بيده وما شرب گطره
مثل أمه وفي وشوفوا شكبر صبره
يصيح شلون أشرب گبل ابو العتره..
وعياله عطاشه وتبچي،متحسره
راح الامل. عني رحل.
صرنه بخطر... ظهري انكسر
،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،،
بجسمي الف وتسعميت جرح واكثر،
وسهم عينه ذبحني ذبحت الخنجر،
سهم عين الگمر خلاني ما أگدر
أمشي وبالهوه رجليه تتعثر،،
جوده وگع. چفه أنگطع.
شفت الأثر. ظهري انكسر.
،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة الخامسة
مسلم بن عقيل ع
ــــــــــــــــــــــــــــــــــــ
بالغربة وحدي ولا عرف يمي.
وبين القبائل ضيعوا دمي.
من دمي ليش الناس اجت تشرب
مولله لبن زياد تتقرب.
،،،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،
شمسوي للناس. ما اعرف شصار
حتى النساويين. ترميني بحجار
لا واحد اذيت. لامنطلب ثار.
وحاطتني هلگوم . من كل الاكتار
كلهم يصيحون لحد يرحمه.
مسلم لفرعون. لازم نسلمه.
يابيت اگصده ينطبگ بابه
بوجهي وتحيرت بوصط غابه.
طير بحلك حيه طحت واصعب.
مو لله لبن زياد تتقرب
،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،
ظل ظهري مكشوف. طعنات اصد بيه
ماعندي عباس. حتى انتچي اعليه
وماكو ثقه لگيت چا ياهو اوصيه
وجرحي النزف ليش محد يداويه.
محد سگاني. خلوني عطشان .
صاحوا نذبحك. للطاغي قربان
اتحزم عليه الموت بحزامه
وبكل شجاعه امشي انه جدامه
الناس اعلذبحي سيوفهم ترغب
مولله لبن زياد تتقرب
،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،
بس طوعه وياي. والتم جمعهم
رسلولي چم فوج. وبسيفي اردهم
وسيفي الفلا خاف. طشر عددهم
مثل الشياطين. واضح حقدهم.
صاحو علي يعود. رد لينه اردود
يگطع رگبنه. بضرباته ابو الزود
اشچم قائد الشفته شرد مني
شافوا الوحدي اعداد متهمني
وبسيفي اخلي الگوم تتعذب.
مولله لبن زياد تتقرب
،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،
غدروني الأشرار. طحت بأسرهم
واطوني العهود. خانوا عهدهم
ياوسفه الأغنام چتفوا اسدهم
والسيد أخذوه. ايسير العبدهم.
يخدعهم ايزيد. من أجل الأموال
باعوا ذممهم. ودمنه النقي سال
ناس الطمع غير عقائدهه
غير الغدر أسلوب ماعدهه
ماترضه هاي البشر ترضي الرب
مولله لبن زياد تتقرب
،،،،،،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،
من اعله القصر ليش. ذبوني للگاع
الگاع انه اصد بيش مچتوف الأذراع
برجليه الأحبال. شدوهن ابساع
سحبوني بالسوگ. وجه الضوه انباع.
ميت ولوني. شيعت أميه
ماعدهم أحسان. لاضل حميه
للجنه رايح خلهه دنياكم
لاماتفيد العيشه وياكم
من العدل هلناس تتهرب
مولله لبن زياد تتقرب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة السابعة
العباس
طاحت عيونك علنهر.
بيمن تشوف ابلاگمر.
اليفگد اخيه منيله عيون..
الله اليعينك صاحت أم عون.
ـــــــــــــــــــــــــــــــــــــــــــــــــــــــــــــ١
زينب واشوافك منكسر . واعرف شكو من عيونك
عن عينك ايغيب الگمر . وماتلگه اليواسونك
وحدك اجيت ابلا ظهر . وشماتك يلحگونك
ظهرك تقوس كلسمه . كلش تغير لونك
بين الخيم بين النهر.
تتحير وجدمك عثر.
حيل الشماته أسمع يصيحون.
الله اليعينك صاحت أم عون.
ـــــــــــــــــــــــــــــــــــــــــــــــــــــــــــــــ٢
شخبار عباس الوفي. شخبار ذيچ چفوفه.
شخبار عينه ورايته. والغيره وي معروفه.
ماگتله زينب تنتظر. مايه العذب وجروفه.
عبدالله كل لحظه يفز. يناغي الطفل بحروفه.
يالصولتك مثل السهم.
شو گوه راجع للخيم..
عكازه سيفك ما ألك عون.
الله اليعينك صاحت أم عون
ــــــــــــــــــــــــــــــــــــــــــــــــــــ٣
ماگتله زينب تنتظر . ترجع وبيدك رايه
ما ادري بيدك تنگطع . وجودك تطشر مايه.
حتى بجروحك معجزة . بكل طعنة تنزف أية.
مو دم اظن تنزف وفه . تجري اعله المسناية.
يحسين من راح السند.
معناهه ماتبقى بعد.
وحدك تدافع من يهجمون.
الله اليعينك صاحت أم عون.
،ـــــــــــــــــــــــــــــــــــــــــــــــــــــــــ٤
يگلهه يزينب ماشفت . مثله حنين عليكم.
لاگيته متگطع وذر . ، وبعده يسولف بيكم.
فدوه لزينب يمنتي . ينادي وبعد افديكم.
طاحت اديه اعله الارض . وما أكدر انه احميكم.
منكم يزينب يعتذر.
ووصيته چانت بالخدر.
يحچي الحسين وگلبه محزون.
الله اليعينك صاحت أم عون.
ـــــــــــــــــــــــــــــــــــــــــــــــــــــــــــــــ٥
يگلهه يزينب شاهدت عينه بسهم مطفيه.
وراسه تهشم بالعمد . وجروحه چنهن بيه.
متوسد اعله المشرعه . وروحه تعاين ليه.
من شمني يازينب بچه . وبموته يبچي عليه.
يگلي يخويه ياهو ألك.
بعدي وتگرب مقتلك.
عدوانك بحزنك يفرحون.
الله اليعينك صاحت أم عون.
ـــــــــــــــــــــــــــــــــــــــــــــــــــــــــــــــ٦
سكنه المدللهه الگمر . بماي العذب واعدهه
للخيمه مايقبل يرد . مستحي ضل من عدهه.
يحسين گلي لو رحت. زينب تظل وحدهه.
تبقى أيد الشمر . عگبك من اليسندهه.
اليسگينه مات وجربته.
اتبدت وضلت خوته.
مثل الگمر ماتلگه بالكون.
الله اليعينك صاحت أم عون.
ــــــــــــــــــــــــــــــــــــــــــــــــــــــــــ
حيدرموسى الرميثي
ــــ
محرم الحرام الليلة الثامنة
حنته دم راسه. مابقت انفاسه.
انطبر راس القاسم. انطبر راس القاسم.
،،،،،،،،،،،،،،، ١ ،،،،،،،،،،،،،،،،،،،،،،،،،،،،
القاسم وگع بالمعركة وراسه انطبر.
ناده يعمي افزع الي. ساعت عثر.
ابن الحسن شيخ الكرم.وسفه انغدر.
عريس قاطه ينسلب جسمه وذر.
ياحلات عيونه. لاچن يغدرونه
بضربه من الظالم. انطبر راس القاسم.
،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،،،،،،،،،
شاله ابو اليمه بحزن صب دمعته.
يتذكر مصاب الحسن. وبحسرته.
عريس وسيوف ورماح الزفته.
للخيمة عمه حسين يحمل جثته.
ودعه بياحاله. ينگطع دلاله.
اشگد شماته الوادم. انطبر راس القاسم.
،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،،،،
رمله تشوفه وهلهلت. صاحت هله.
البلمعركة عرسه حضر. هنا يم هله.
بالخيمة نايم هالولد. ننظر اله.
أكعد نگله وما گعد. نتوسله.
يمه من ونينه. مايفتش عينه.
مات گالوا جاسم. انطبر راس القاسم.
،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،،،،،
زينب اجت يمك نعت واتذكرت.
ماتنسه وصاهه الحسن بيك وبچت.
يالتشبه هوايه الحسن روحك مشت.
ماكلت عمتي تنسبي عگبك بقت.
زينب اعلجروحك. بخيمتك وتنوحك.
عليك ناحت فاطم. انطبر راس القاسم.
،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،،،،،،،،،،،
عماتك الحضرن الك . يبن الحسن.
جابلك شموع العرس. أگعد أجن .
ماتسمع الون والنعي. يمك بقن.
ايودعنك ابأخر عرس. يبچن صفن.
أشگد قليله سنينه. أبساع غمضت عينه.
وسفه صابه الصارم. انطبر راس القاسم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
الانصار
هديه لجل حسين.
ربنه خلق سبعين.
سماهم انصاره.
،،،،،،،،،،،،،،،،،،،،،،،،،،،،،،،،،،،،،،،،١
صاح حياهم. بالحرب نافع.
والفدائي اصبح . حنظله يدافع.
وهب ماهمه. للحرب طالع.
صالوا انصارك. صولت الفازع.
حبيبه وابن القين. ربنه خلق سبعين
سماهم انصاره
،،،،،،،،،،،،،،،،،،،،،،،،،،،،،،،،،، ٢
مثل غيرتهم . وين موجوده.
صرخ صوت الحر . الزود بزنوده.
انس قاتلهم . شيخ و بزوده
الاسد يرعبهم. نطق بجهوده.
طول الزمن باقيين. ربنه خلق سبعين.
سماهم انصاره
،،،،،،،،،،،،،،،،،،،،،،،، ٣،،،،،،،،،،،،،،،،،،،،،
جون بسلاحه. طشر العسكر.
منه يتدنه. يابشر يگدر.
صاح لجل حسين. فدوه هالمنحر.
جسمي لجله يهون. خله يتطبر.
عالوفه متعودين. ربنه خلق سبعين.
سماهم انصاره
،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،
مسلم بوعده. وفي لحسينه.
ينبض بگلبه . والعشگ دينه.
الموت ماهمه. ضحه بسنينه.
عن ابو السجاد. ماغمض عينه.
بالغيره متوضين. ربنه خلق سبعين
سماهم انصاره
،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،،،
عابس سلاحه ذبه واتقدم.
سيوفهم كثرت. هوه مامهتم.
بيده يلويهم. وروس ماتسلم.
الحرب وفنونه. منه يتعلم.
باللوح مكتوبين.ربنه خلق سبعين.
سماهم انصاره.
،،،،،، ،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
ـــ
الانصار
حبيب أيصيح هالأنصار حياهم
وصلوا كربلاء ورفرف الواهم.
،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،،،
صاح الكاهلي كل موت ما همني.
صاحبت النبي والناس تعرفني.
ما أعوف الحسين وبيده يلزمني.
شد اعصابتي وللثوره حزمني.
بنصرت ابو الأكبر صوته وصاهم.
وصلوا كربلاء ورفرف الواهم.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مسلم سيفي يعله بالحرب فرحان.
الضربت سيفي تشهد ناسي والعدوان.
كل عمري حسيني وحافظ القرآن.
حب حسين ثورة ومرجله وايمان.
يامحله فعلهم محله ملگاهم
وصلوا كربلاء ورفرف الواهم.
،،،،،،،،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،
الحر وتوبتي مقبوله عد حسين.
ادافع عن أمامي وعن أصول الدين.
انه وخادمي وأبني نثور الحين.
نفزع للغريب وكلنه اله مضحين.
وعابس ضل يهوس سيفه راواهم.
وصلوا كربلاء ورفرف الواهم.
،،،،،،،،،،،،،،،،،،،،،،،،،،،،،،،،،،،،،،،،،،،،،،،٣،،،،،،،
برير انه واضحي الروح للزهره.
وبوصط الحرب قرآن راح أقره.
حيه وماتموت الراية والثوره.
لجل حسين اموت وروحي منتصره.
لجل حسين عافوا حتى دنياهم
.وصلوا كربلاء ورفرف الواهم.
،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،
نافع انه لوذبحوني الف مره.
ماعوف الحسين والهج بذكره.
تطعني الرماح وگلبي ظل صبره.
لجل زينب اضحي وفاطمة الحره.
وجون البطل اسمه مسجل وياهم.
وصلوا كربلاء ورفرف الواهم.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
محرم الحرام الليلة السادسة
الانصار
ــــــــــــ
بيد العباس. رايتنه تضل مرفوعه
بيد العباس. كلمت حق ومسموعه.
انصار حسين. ..... ذوله السبعين
،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،،،،،،،
عابس وجون وحبيب او وهب ثوار
وي ابو فاضل اجتمعوا كل الانصار
وجيش أميه احتاروا ودخلو بالأنذار
ابطال لو هجموا سوه يخلوهه طشار
ذوله الأحرار. واحدهم جيش انعده
ذوله الأحرار. لو فزعوا وكت الشده.
يحمون الدين. .... ذوله السبعين
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،،،،،،،
لو الف موته أموت ايصيح نافع.
شلون اخاف ورايته العباس رافع
عن ابو السجاد عن زينب ندافع
انموت ويه حسين مانعرف تراجع
كلهم اسرار. الله يحبهم فضلهم
كلهم اسرار. بلطف لحسين ارسلهم.
ويه العالين.. ذوله السبعين
،،،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،،،،،،
ينظر الحر الصبرهم رفع صوته
صاح وياهم اموتن احله موته
ترك جيش يزيد واتكلم سكوته
فزع ويه حسين جاب ابنه واخوته
والحر اختار. أختار الجنة ويه حسينه
والحر اختار. حسين وأخرته ودينه.
والمنصورين. .. ذوله السبعين
،،،،،،،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،
ابو فاضل وي برير ايگله اقره
صوت قرآنك أحبه شمحله عطره
يقره بالقرآن خلص كله عمره
وي زهير السجد للباري يشكره
كلهم ثوار ... ماغرتهم دنياهم
كلهم ثوار ... ظل يتجدد ذكراهم
والمحبوبين .. ذوله السبعين
،،،،،،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،
منهو يگدر يوصل خيام العقيلة
كعبت الله زينب الروح الأصيله
دمنه لجل حسين وعياله نسيله
واحنه غير حسين ماعدنه وسيله
كل الأعمار.. شاركنه ابمعركة الطف
كل الأعمار. نفديهه ونفديله الچف
يفدون العين... ذوله السبعين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة الثامنة
بيه تعلم يبو اليمه.
الهوه بعدك ما أشمه.
القاسم وقاسم انصرك.
فدوه كل عمري لعمرك.
،،،،،،،،،،،،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،
اليوم يالغالي أنصرك . بيك وصاني الحسن
الدنيه تخلص وانته باقي.ياحسين بكل زمن
المايسجله وياك أسمه.خاسر وحضه انغبن
واليموت وياك يحيه. مايعوضك اي ثمن
وياك اروحن للزچيه.
والحسن مشتاگ اليه.
وگمر هاشم كسر ظهرك
فدوه كل عمري لعمرك
،،،،،،،،،،،،،،،،،،،،،،،،،،،،،،،،،،،،،،،،٢،،،،،،،،،،،،،،،،،،
عمي يامحله صباحك . بيك أصبح كل فجر
تريد گبلي تموت هسه . گبلك الا أنه أنطبر
خلي ادافع عن خيامك.وياك احصل عل أجر
بلحسن خليني أذكرك.من أصول اعله الكفر.
الموت احله من عسلهم
ماكسر عزمي عطشهم
يالوحيد بعيني انظرك
فدوه كل عمري لعمرك
،،،،،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،
الحسن من وصاك بيه.انه هم وصاني بيك.
گالي عمك أنصره. يدري أموت انه عليك
عمي محلات الشهادة. من تصير أبين اديك
جبت سيف الحسن بيدي . گبل ما تأمرني أجيك
للحرب خل امشي أقاتل
مثل عمي أبو فاضل
جندي اصيرن تحت أمرك
فدوه كل عمري لعمرك
،،،،،،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،
هاي أمي أتگلي أفزع. گوم يبني للحرب
لاتعوف السبط وحده. حتى لو دمك يصب
الگوم كلهه تريد ذبحه. بعد ذبحه ننسلب
لاتخلي الجيش يوصل. للخيم رايد يطب.
گبل لااشوف الحوافر
تسحگ بصدرك الطاهر
بروحي أتمنه اجبرك
فدوه كل عمري لعمرك
،،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،
لبسه حسين العمامه . ودعه وصال الشبل
أسد وصط الحومة يزئر. بالحرب ماينحمل
حير الفرسان سيفه. يكتل وما ينكتل.
مثل جده الوصي افعاله. معجزه اتحير العقل.
ما وگع لوما غدرهم
وأبد ما گدروله كلهم.
صاح يالوالي أخبرك
فدوه كل عمري لعمرك
،،،،،،،،،،،،،،،،،،،،،،،،،،٦،،،،،،،،،،،،،،،،،،،،
اتصوب القاسم براسه. وعلأرض وسفه وگع.
حسين اجاه أيصيح يبني. بجاسم حسين أنفجع
شاله للخيمه وينادي القاسم اتلگوه رجع
ورمله أهلا ببني صاحت.راسي بالعاشر رفع.
أتلگته الزهره ومحمد
وعرسه بالجنة تجدد
اطيب من الجنة عطرك
فدوه كل عمري لعمرك
،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
محرم الحرام الليلة السادسة
ميمر
يحسين تدري الانصار لاخر نفس وفايه
****
هوس حبيب وصاح وين الانصار
وتراكضت يم خيمته ازغار اكبار
بهل الوفه اشتد العزم والايثار
بالهمه راحو لحسين وبجفوفه شال الرايه
*
سلو صوارمهم وجو يم حسين
وللموت صاحو سيدي متحضرين
فاض الوفه ونصارك احنه السبعين
قررنه وياك انموت منطينك احنه احجايه
**
بالحومه فرسان الصفه تعرفهم
ثابت يبن عقد الوله موقفهم
كلهم حبيب اكبال عينك صفهم
اهل الضماير والزود للحك صحت شرايه
*
اتنادي الحناجر والعشك يحديهم
يحسين ذب ذيج الثكال اعليهم
يردون من عندك امر تنطيهم
اتحزم حبيب وعالكاع من يمشي يرسم ايه
*
عابس يصيح انه العشك جنني
وجندب ينادي للحرب نزلني
وجون بلهفته ايصيح بس ارخصني
مسلم وانس والنعمان صبرو يغالي اهوايه
***
تمت
تحسين الخفاجي
الليلة الثالثة فاطمة العليلة
يا بويـــه نـــاوي اعله السفر
وبروحتــــك اشبــــــع قهـــر
يالرايـــد تروح
وياك اخذني ــ وياك اخذني
يبويه انويــت للمســـره ــ وتاخذ كـــل اهـل بيتك
واشوفن ترزم ظعونــك ــ انشدت جاوبني ياريتك
اشعجب تاركني بالغربه ــ يبويــه الغالـي حاچيتك
وانه ابگلبي الف حسـره ــ بدموع الناظــر ابچيتك
يخذلنـــي جدمـي الما نهض
انشـل او ثگــل مــن المرض
ودلالي مجــروح
وياك اخذني ــ وياك اخذني
عسن طيف الحصل بيّه ــ وابويه ايگلي ما سافــر
وسف احلامي خذلتنـي ــ وبقيت ابكسرة الخاطر
ردت لـــو بس اثر الهـــم ــ ردت لو بس أثر حافــر
واشوفـــن ويـن منواهم ــ وسف غابــو عن الناظر
درب الظعـــن منــي اختفـه
وادمـــوع عينــــــي نازفـــه
واتسله بالنوح
وياك اخذني ــ وياك اخذني
ليالــــي مـــرت او ايام ــ وحيده حايــره ابعلتــــي
ولا طارش وصل منهم ــ يحل موضـــوع مشكلتـي
ابويه حسين ما مرني ــ ونشد عن حالتي وصحتي
الامل بالله يرجعولــي ــ اظنهـــا اتطــــول سالفتـي
يــا ربـــي تعلـــــم قصّتــــي
يـــا ريــت تقبـــــــل دعوتـي
واتريِّح الروح
وياك اخذني ــ وياك اخذني
عليله وحيـــل ما بيّـــه ــ أروحــن وانشــد الوادم
بفراش المرض جسمي ــ گلبــي امفطـــر او واجم
نسيت ايامـــي وآلامي ــ لأبو اليمـــه الگلب هايـم
عزيز وراح مـــن عندي ــ وطريق افكاري متزاحم
واتمــــر علــــه بالـــي صـور
نـــار وعطــــش دم ونحــــر
وحسين مذبوح
وياك اخذني ــ وياك اخذني
بعد ما ايّسِـــت منهـــم ــ وابويه حسين ما شوفه
لن يوم وطرق سمعــي ــ خبر مــن جانب طفوفه
اسمعت اصوات تتباچه ــ الكلام النـــاس ملهوفـه
اسمعت گالو ابو فاضـل ــ وگـع وامگطعه اچفوفه
ذبحـــوه سبـــــع الگنطــــره
وحسيــــن حـــزّو منحــــره
عالغبره مطروح
وياك اخذني ــ وياك اخذني
اعرفت ولياني وذروهم ــ واخيــــام الحرم شبت
اعرفت نسوة بني هاشم ــ بيـــوم العاشـر انسلبت
واجساد وجثث صرعـــه ــ بوادي كربلـــــه ظلــت
وعيون السمــه اعليهـم ــ دماء امن الحزن مطرت
عيني بچــــت واتمحنِـــــت
واتمرمـــــرت واتعــــذبِـــت
ظل صوتي مبحوح
وياك اخذني ــ وياك اخذني
عمـــار الراشـــدي
شو كل ما يجي عاشور اتصير اعله اللطم هجمه
تكثر حملت التسقيط ضد خدام ابو اليمه
*
اشما ننفق والمال انحضره كالو بالمال اوله الفقره الهن ما محتاج حسين
شو كل ما يكرب عاشوره يبدون ايشوهون الصوره الما منطين الفقره اسنين
النقد عدهم صبح عاده عجايب شفنه منهم
محرم من يهل شهره تضل تطلع لسنهم
شو ياهو اليجينه وكام يحجي وينقد بكيفه
والله حسين لو موجود كلمن ضده سل سيفه
***
يعترضون اعليه امن اطبخ بجدر حسين اتباها امن ادرخ زاد حسين اتبرك بي
انه حسين احلف حبيته مو واحد كل ولدي انطيته بس حاجيني انته اشمنطي
انه اهدومي امن اطينها احس كشخه الصراحه
انه امطين لجل زينب وابد ما عندي راحه
تنقدني صحت شتريد بيمن كلي اذيتك
اهواي اتكلهم ايلطمون قابل لاطم بيتك
****
كل ساع ايطلعون بفكره ويعترضون اعله الدك صدره كافي ايكولون اتلطمون
يكتلني اليدخل بيه وما فاهم شنهي اللطميه المو خادم يفهمني اشلون
عشرة تيام ادك صدري صحت شنهو اليضرك
واذا ميعجبك اسلوبي تحبني ما اجبرك
ما اسمحلك اتذمني عندي الخدمه خط احمر
اشما طبر فلا جازي كطره من علي الاكبر
*****
اشكد ناس بهل فتره انحرفو عالموقع كل فتره ونشرو ويحضرون اعلينه الناس
انه الما بي حظ ماريده خل هاي الافكار اتفيده باجر شيكل للعباس
صحت تحلم اتبعنك وعوف حسين امامي
تره الما مجوي بالخيمه فلا يفهم كلامي
قاري جم كتاب وجاي عن الثوره يحجيلي
ما يدري اعله حكم ايزيد اكبر ثوره زنجيلي
***
الخدمه حسين ايحبها اهوايه وللخدام اتلوك الرايه وبسجله امسجل الخدام
بيكم محتار امنين ابدي بخدمتكم فرحان المهدي يالبيكم متحزم احزام
محرم بين اهلاله ومراسيمه اجتنه
لجل نحيي شعائرنه الزجيه وفقتنه
احنه بكل سنه لحسين ننصبها مواكبنه
ونرفع عالسطح رايات وكلش فاطمه اتحبنه
**
تمت
تحسين الخفاجي