88
للتواصل : 07716721526 واتساب .
آيا دفـن إلْـحـباب
هد حيلي وعماني
دافن جوه إلتراب
چن عمري وزماني
🔅🔅🔅🔅🔅
يم الأجساد أوصلت طحت يمهم خيمه
يـوم ثالـث بالـشمس ضالـين إبـهـيمه
وآنه أفـيـيهم صفت عيني تمطر غيمه
أمسح الـدم والترب آياَ گلـبي وضيمه
هَلَي إلـبعيوني شايلهم
جـثث عالغبره أصدلّهم
صرت أبچي وأحن إلهم
حيره إبنعش إلعزاز
مــن إتــروح جــناز
إلْزته ابعازت إمتون
مـــا واحد إجاني
🔅🔅🔅🔅
ياحزن يشفي الگلب يادمـع يـرويـنـي
كثر ما گمت وطحت دمعي ظل يبچيني
وين إليعشگه الگلب عِشره بينه وبيني
جثه وبحر الشمس صرت اشوفه ابعيني
ويــن إلــگلبيّ إيريده
أشوفن گطعو أوريده
عطرهم تارس البيده
صرت ابچيهم اعيون
بيَّـه أشـعر يحـسـون
دم من جرح إلنحور
واحـدهـم بـچاني
🔅🔅🔅🔅
يم ابوي اتخوصرت صرت ادگ عالهامه
آخ مـن كثر السحگ طالعات اعظامه
صرت اجمّـع جـثته بيدي اشيل اسهامه
طحت يم جسمه دمع چن عمود اخيامه
أفـرفح يـمـه خـلوني
اهـون كون ذبحوني
ولا ملچوم عـافوني
وسفه إلمالي غيره
لـمّـيته إبـحـصيره
روحي اندفنت إوياه
وراح ابقه أعاني
🔅🔅🔅🔅
عند الأكبر من رحت گوّه اشيل أجدامي
الناس تسألني منو ؟ صحت هذا احزامي
يامـحـمد نـيـنـوه ، يا ذبيح و ضامي
تدري راح ابلا اخو أگضي باقي ايامي
يجـاسـم آه يا جـاسـم
ياشــذرة بـنـي هــاشـم
حسافه اعله الترب نايم
يا قـنـديـل إلـبيوت
بيكم كاشخ الموت
رحتو والفرح راح
وبـس الهمّ لـفاني
🔅🔅🔅🔅
لشريعهَ من رحت روحي چانت هايمه
عـمي ميت عـالنهر مـاشرب رغم الضمه
الضاهر ابوكت الشرب إبعينه عرضت فاطمه
للـمـخـيـم مـا رجـع رجع ثوبه إلْـبي دمه
عمتي وشافت ادمومه
گامت تحضن اهدومه
موتك خويه مو يومه
يسوه اچفوفه تنباس
راعي الغـيره عـباس
فاجع موته إلخيام
حـيـرني ودهانـي
🔅🔅🔅🔅
علي عاصي المنصوري .
يالْـفـارگـتـو لّـعــيـون
يابـختي و تـرجـعون
لـو رديـتـوا للــدار ..
تترس فرحتي الكون
🔅🔅🔅🔅🔅🔅
من راح الضعن وابعد
عيني اتباوع الگاع
لسه اعله الثره ادموعه
الطاحن وكت الوداع
مـن مـا ردت اعـوفـنـه
من شفت العمر ضاع
الله يسـامـح اعـتـابي
أدري امسبب أوجاع
يَمـه وگلبي يشتاگ
مـا اتـحـمـل افـراگ
لو بـيدي الأمر چان ..
ما اتـمـنه يـمـشـون
🔅🔅🔅🔅🔅
شما غمض جفن عـيني
تـخـنگ گلـبي لّـحلآم
نـــار ودم تـــراويـــنـي
هيمة و حـيرة ايتام
تركض عالجمر عمتي
تِـطفي إبچفها إلخيام
الخيل اهوايه بچتني
گامـت تكسر اعظام
مـو گلبي اشتعل نار
ياهـو ايـفـسـر الصار
كل احبابي بالطيف..
انـظـرهـم يـمـوتـون
🔅🔅🔅🔅🔅
آنـه الـجارح احـساسي
وماخذ راحت الروح
المـا أگدر عـله افـراگه
ياخذ كلشي ويروح
يادمـعـه الـتـرويـنـي
يشـفي گلبي يانوح
يهـلي وغير الـملاگه
مـايـرهم للـجروح
الفرگه أوحشة الليل
يـردن يالأهـل حـيل
ذبلني المرض موت ..
مـا خـلْالّـي اي لـون
🔅🔅🔅🔅🔅
مـن يـوم الـتـفارگنه
وعيني امگابله الباب
عطشانه اعله ملگاكم
يـعـزاز الـگـلـب ذاب
ما مـتعوده اعـيشنهه
دنيه وماكو احباب
أول مــره احــسـنـهه
روحي اتحن للتراب
يامـن رحــتـو ملـيت
روحي وگعدت البيت
تـرعـبني الـحياطين..
آنه إعـلـيله تـــدرون
🔅🔅🔅🔅🔅
كلمات خادم الزهراء ع/
علي عاصي المنصوري
ياروحي ما أدري بخبر
طيحت چفوفك عالنهر
كل ذيچ الجروح
يـمتاني أخـوك وسـيدك
حته أعله متنه أيوسدك
مـن تـطلع الـروح
عباس ياروحي ..
🔅🔅🔅🔅🔅
من رحتو ، إلْرجعت بشِر
عيني عله الباب
ما گاعِده إعله إفراش أبد
إنـشد هلــِ تراب
وإنشد مراسيلي المـشت
وي الهوه الهاب
كلّـي أمــل هـم نـلـتـقي
من بعد إلْغياب
حدما رجع بـشِر وهتف
ماطآبَ عَـيْش إبهالسف
وإحسين منحور
سبعـين زلـمه إبـكربله
طاحـو ذبـايح بالـفـله
عـفـنـاهم إگبور
🔅🔅🔅🔅🔅
يا روحي عن موتك خبر
لمـن بشِر ذاع
طاح الفضل من عالچتف
وتـوسـد إلـگاع
يالـما حضيت إبـشوفتك
من يوم إلوداع
يمضحي لـحسين العمر
كل تعبي ماضاع
أصرخ صرت كلي جرح
بالـعافـيه إعـلـيك الذبح
مادامهَ لـحسين
هـنيالك إبـيـوم الـحشر
وإلزهره بإسمك تفتخر
يمضحي چفين
🔅🔅🔅🔅🔅🔅
شكرتني زينب من إجت
من سبي الإرجاس
معناها بـالـطف بيـضت
وجـهـي يـعـباس
إنطيتك الحب ، باللـبن
غذيتك إحساس
وأنطيتني إنتَّ إلمفخره
وهم رفعة الراس
زينب حچتلي إبوگفتك
يالـغـرگــتـها إبـنـخوتك
من دارت إلخيل
چنك عليّ إبنص الحرب
وإلــگـابـلك مـيّـت گلب
إمراوي العده الويل
🔅🔅🔅🔅🔅
كاسر ظهر سبط النبي
إبطيحة لـوائك
ومخلي كل هاي إلبشر
تحچي إبوفائك
باب الله للحاجة صرت
كلّـه إبــدمـائك
يمجازي تعبي إتحيرت
شنهي جـزائك
يابـخـتـك ولـمن طحت
بحضان أبو اليمه صرت
وإتنازع الروح
ناشـغ لـحد ما غـمّـضت
ظـهره إنكسر لمن مـتت
يمك بقه إينوح
🔅🔅🔅🔅🔅
أضحك حزن بس الدمع
طايح بالخدود
لمن سـمعت إبـمـقتلك
ضل گلبي ممرود
يابس ضمه لحدما متت
وبحضنك إلجود
كل لهذا وإلصوب إلخيم
يالمستحي إتعود
عفيه إبني يمضحي العمر
تـطلب سـماح إومو شـكر
في خدمة إحسين
بچيتني أو نفس الـوقت
فرحانه وأتـفـاخر صـرت
بـولـيدي إلـحنين
🔅🔅🔅🔅🔅🔅
يمداين الزهره إلْعمر
ماتنسه ديِنك
يوم الحشر بين المَلاَ
تِرفع إِيدينك
تترك مصايبها وتضل
تبچي إعلهَ عينك
جدام ابوها المصطفى
تِـشـكـر حـنـيـنك
حلوه الشهاده إعله النهر
يالْـحـصـلت هـذا الـفخر
إلـزهـره تـنعاك
هالنعمه أشكرها صرت
هنيالي لو بالطف متت
يالغالي وياك
🔅🔅🔅🔅🔅
كلمات خادم الزهراء ع /
علي عاصي المنصوري
ياعلي إشلون - تنسهَ إلعيون ..
إِنتَّ چنت إلها ضوه
يا "محمـد " نـينوه
🔅🔅🔅🔅🔅🔅
من حضنتك ، روحي شمّت
بيك نيّه إعله الرحيل
گلبي يرجف ، مـات حيلي
گمت صوب إلگاع أميل
ردت أطيحن وإنـته لازم
چفي وإدمـوعي تسيل
هــجـرك أهـوايـه عـلـيَّـه
تدري مـو صبري قليل
فرحة إلروح - إنتهَ وإتروح
أبـقهَ جرح إبلا دوه
يا "مـحمـد " نـينوه
🔅🔅🔅🔅🔅🔅
من عفـتني ، وإنته ماشي
رايح إلـسـوح إلـحرب
چـفي يدعي ودمي يغلي
عـيـني ضلت عالدرب
گمت أشمّن دمعك إلي
باقي لـِسه إعـله الترب
سـهله يايـمه إلـشهاده
بـس إلــمـتـانه صعـب
راح أتانيك - وآنه أدريك
عـالهجر گلبك نـِوه
يا "مـحمـد " نـينوه
🔅🔅🔅🔅🔅🔅
بلحظه وحده : آنه فرگه ،
ولهفـة إلملگه عشت
ما تـحـمّل صبري تمـشي
لـيـم أبوك آنه رحت
من مـلامح وجهَّ أنظر
يبني إشلونك صرت
مـن بـچـه ولـونه تغيّر
ويَّ دمـعـاته طحـت
إتحسر وصاح - إلـولـد راح
دامي عالغبره هـوه
يا "مـحمـد " نـينوه
🔅🔅🔅🔅🔅🔅
آخ مـن صـــوتك لـفـانه
شابع إجروح إوعطش
إتريد فزعه وهيَّ ولِـيه
وسـيفـهم گلبك نبش
حـيـرتـني إشـلون حِيره
وحته جفني مارمش
عله إجروحك من وصلها
إضمادإلْحسين انفرش
يمك إينوح - ينزف إجروح
وگوّه يشتم الهوه
يا "محمد" نـينوه
🔅🔅🔅🔅🔅🔅
عله إچـتاف إولاد عـمك
طولك إجنازه إنحمل
محني والعثرة إبمشيته
والــدك لــمـن وصـل
كلشي طاح إدموع يمك
آخ يالصايـر وصــل
يا جـمـال الله ورسـولـه
كل جمالك شو ذبل
گلبي مفجوع - يمك إيلوع
وسفه مامتنه سوه
يا " محمد " نينوه
🔅🔅🔅🔅🔅🔅
غمّضِت والـدنيـه بـعدك
صارت ابعيني ضلام
وإنته تدري إخلاف عينك
ماحلت گعده إبخيام
صورتك بـعـيـوني لِـسه
وإسمك ابنص الكلام
حـتـه لـو أغـفه يـونلك
گـلبي ونات الـحمام
موت الأفراگ - نار الأشواگ
بيها دلالي أنچوه
يا "محمد"نـينوه
🔅🔅🔅🔅🔅🔅
كلمات خادم الزهراء ع /
علي عاصي المنصوري
من شلت عيني وشفت
مــات ابــوي ، إتـغربت
والله حيلي حدب
كلـشي بيّه ينحب
مات ابوي ، إتغربـت
☀️☀️☀️☀️☀️
إشبگت أبوي وكلي دمعه
لا نفـس لا صـوته اسمعه
روحي ذابت چنها شمعه ..و طحت
فرفحِت يم جرحه وابچي
وآنه أهز إبجسمه واشچي
بويه أحچي بويه أحچي .. صحت
وآنـه ابـچي وعـيـني دارت
إتعاين إعله إخواني صارت
وي إبـونه إلـگـعـده راحـت .. شفت
بـعـده يمنه وعشنه وحشه
طاحت إدموعي إعله نعشه
إشـعرت مـن سـدها رِمـشه .. ضعت
ويلي مـن نعـشه طلع
يصرخ إبروحي إلوِجع
بـويه آنـه زيـنب
كلشي بيّه ينحب
مات ابوي ، إتـغربـت
🔅🔅🔅🔅🔅
من جزه نعشه اعله بابي
شوفي غطيته ابحجابي
راح اموت ابعز شبابي - قهر
ماتت أمي وتشكي سطره
و مات ابوي إبراسه طبره
يعني گلبي شنهي صبره - حجر
إعزازي شالو نجمه نجمه
وعافو إبنص روحي ثلمه
گـلــبي طاريهـم يلـچـمـه - دهر
كلشي صار ابعيني غربه
دون أهلنه العِيشه صعبه
يگضي ليلي ودمعي اصبه - سهر
من حسرتي إمعلــعِله
يامـوتـي وديـنـي إلـه
گلـبي ناره تـلهب
كلشي بيه ينحب
مات ابوي ، إتغربت
🔅🔅🔅🔅🔅
من أحط راسي إعله گبره
ويـختلط بـنفاسي عـطره
ماتـضل إبـروحي حـسره - أحس
ياوطنه إلـعـشنه عگبه
كـل كـتر بالـدنيا غربه
مايمـوت إبـگلبي حُبه - شمس
محترگ گلبي وي دمي
چـه أحـسه ماهـو يمي
أحچي وي اترابه همي - همس
راحـت إلـحنيه راحت
وي ابوي إبلحده نامت
ياحسافه الدنيا دارت - عكس
يالـفـارگـتـني وغـرّبـت
نوح وسهر ، غربه عشت
حته رمشي شيب
كلشي بيه ينحب
مـات ابوي ، إتـغـربت
🔅🔅🔅🔅🔅
گلبي ما ينطيني أعوفه
روحي عافتني وتطوفه
إتـرابه مـانعني أشـوفه - وكت
راح أرد إلـبـيـتـي وحدي
امشي وادموعي اعله خدي
كـل أمـل ما بـاقي عندي - عشت
اغفه بس ابروحي عبره
همي اشوفه ابنومي مره
ارد اشبگه وابچي هجره - ردت
لا حـلم لا يقضه مـرني
واضح اعله اعيوني حزني
والـمـصايـب غــيـرنـي - حرت
يالـعيشتني إبرحمتك
ميته صفيت إبفرگتك
گلبي احسّه يتعب
كلشي بـيه ينحب
مات ابوي ، إتغربت
🔅🔅🔅🔅🔅
✏️ علي عاصي المنصوري
الامام الحسين ع ينعى اخيه الامام الحسن ع
Читать полностью…
طُلبت مني وكتبتها الان على وجه السرعه
عسى ان تنفعكم -
قصتها : الامام السجاد يرد على من طلب منه ترك البكاء ..
محرم - عاشر أحزانه
تبدي هالليله
🔅🔅🔅🔅🔅
زينـب اللـيـله الحـزن بـيّـن عليـها
مـا بـقـى مـن الـتـحبـهم بـس وليها
نـادته يـوم الـمـشـه بـدمـعـت بچيها
أشلون أعيش الدنيه وأنته ماهو بيها
إجاها - ضمها بحضانه
الغربه تشكيله
🔅🔅🔅🔅🔅
حسرة تاخذها وصفت حسره التردها
والجفن ضل يمطر ادموع أعله خدها
أحســين راح وخِلـته ياهـو اليـسـدها
ومـن عگب ولـياها بت حيدر وحدها
حسافه - حرگو الخيمه
ركضت العيله
🔅🔅🔅🔅🔅
✏ علي عاصي
"للأمام القاسم ع"
محرم - ثامن أحزانه
تبدي هالليله
🔅🔅🔅🔅🔅
الليله ثامن والحزن بان بسماها
شمـعة الـعريس هـالطفو ضواها
صفت رملة يكسر الخاطر بچاها
صعب عالأم التصد ميت ضناها
أليمه - يـنذبح حلمك
وأنته توميله
🔅🔅🔅🔅🔅
أحسـين جابـه ونـزلّه بنـص المخيم
وسده ومن كل كتر ضل ينزف الدم
بلوعـة رملـة شبگـته وبـدمـه تـشتم
يبني ريت الطبره بـيّه وأنته تـسـلم
تشبگه - وتمسح ادمومه
تـضمه بالـشيله
📝علي عاصي
" ليلة الأنصار"
محرم - سادس أحزانه
تبـدي هـاللـيله
🔅🔅🔅🔅🔅
الليله سادس والحزن بـيّن عليها
يوم سمعو زينب اشـتـسأل وليها
مستحه طاحو گبل دمعت بچيها
أحـنه هاي ارواحنه ألـكم نـاذريها
يزينب - حـبكـم البينه
كلشي نفديله
🔅🔅🔅🔅🔅
جابهـم شيخ الـزلم دمعه يسـيله
اتجمعو "يقرون" يم باب العـقيله
أحنه غير أحسين ماعدنه وسيله
ولو فـدينه أرواحنه لحبـه قـليله
ورانه - عـفـنه دنيانه
جينه نمشيله
🔅🔅🔅🔅🔅
أحنه خط للرجعه ما عفنه ورانه
من زمان الحبنه يا زينـب بچـانه
والـعـرفـنـه مـا نــرد اصـلاً درانـه
يعني بينه ماكو لي يخون الأمانه
نذرنه - للسبط كلشي
وكلشي نفديله
🔅🔅🔅🔅🔅
✏ علي عاصي
محرم - رابـع أحـزانه
تبدي هـالليله
🔅🔅🔅🔅🔅
رابع أحـزان الشـهر هـالليله اَعدها
إلْـوفيه ألـفاطمه اتـوفي ابـوعـدها
فدوه لحسين السبط ضحت ولدها
ضلـت ابدار الـحزن تنحب وَحَدها
گـلبها - بحسره نبضاته
تـبـقى تـدعـيله
🔅🔅🔅🔅🔅
بالـمـدينه وبـالـها ابـطـف الـمـنايه
تدري باليجري (علي) گلها الروايه
أحسين واخوانه يذبحوهم ضمايه
وزينـب وكـل الحـرم يـرحن سبايه
دمعها - عالسبط جاري
بحرگه تبچيله
🔅🔅🔅🔅🔅
آخ من صار الضهر عشرة مـحـرم
البيت من كثر النعي سوته مـأتـم
أحساسها ايگلهه ضلع ابنچ تهـشم
وأعله زينب حرگت الناس المخيم
يعباس - يمه تسمعني ؟
أنـقـذ الـعيله
🔅🔅🔅🔅🔅
✏ علي عاصي
محرم - ثاني أحـزانه
تبدي هالليله
🔅🔅🔅🔅🔅
ثانـي أحـزان الشـهـر هـاللـيـله هـيه
وصل ضعن احسين لرض الغاضريه
دمـعته بكل خطـوه يـخطيها جـريه
وتـلتـفت عـينه عـلى سـكنه ورقـيه
أحسّن - موته ما خايف
خوفه عالـعيله
🔅🔅🔅🔅🔅
ينظر الطف وملامح وجه تصفر
حسـرة الـفاگد أهل گام إيتحسر
أبعين تدمع ينظر لجاسم والأكبر
شنهو شاف وگام بالمشيه إيتعثر
طفوفه - أيباوع أعليهه
هــيـه تـرويله
🔅🔅🔅🔅🔅
أهنا محط أرچابنه أهنا مُستقرنه
هالأرض بعد الذبح يرويهه دمنه
أهنا تِغير الخيل وتسلّب حرمـنه
أهنا ثلاثهَ نبقى و الذاري چـفـنه
حرمنه - تمشي مچتوفه
يـاهـو تـشـكيله
🔅🔅🔅🔅🔅
✏ علي عاصي
إقـرأ بـسـم - رب الـعِلم
نزلت وسط غار الگلب
نبض العشگ - أصبح يدگ
وأندلت أعيوني الدرب
صار - حبك رسول يهدي العقول
للمختنگ شهگه .
صار - آيـة غـرام نـور ابضلام
للما عرف عشگه .
بيتك صاير گلبي وبحساسي
وأنفاسي شلتك .
وأتـفـاخر حبـيـتـك مـانـادم
عالوادم گلتك .
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
بيك ابتدي - وبيك انتهي
أنته الحمـد والـبسمله
اعيوني بچن - لجلك يمن
أول الـيدري ابكـربـله
طاح - دمعك دموم عشت بهموم
مـن خـبّـرك جـبريل
طاح - طـولك خيام مـات الكلام
بيك المصيبه اتعيل
من آهاتك طلعت آهاتي وحسراتي
طلعت .
وي دمعات اعيونك دمعاتي بوجناتي
نزلت .
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
أول دمـع - منك نبـع
سال وتبده أعله الخيم
جرحك نزف - صبرك رجف
لمن سمع طاري السهم
صاب - عين ونحر وطر الضهر
مارد دلـيل أحسين
صاب - جربه وصدر گلب الخدر
نزّل دمع چم عين
يالعايش هاللوعه من أولهه اتهللهه
عبره .
غربه اتعيش اعزازك تدريهه تاليهه
حسره .
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
عشتك جرح - ليل وصبح
ابچي اعله طف الفاجعك
حـگك تون - تبچي وتحن
جـرح الحُسين اليوجَعَك
ضاع - ضعـنه ابفـله وبكربله
صار العِرف مفگود
ضاع - خنصر أمام صيت الخيام
رايـد نـظـر وزنـود
يالتبچي اعله احسينك بچّيني وخليني أنحب
حسـسني ابلوعـتها وحـسرتها
ياجدها لزينب
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
ليثرب رحت - من هاجرت
دمعك عله الناگه جره
چنك شفت - واتحسّرت
زينب أسـيره وحايره
آه - يبست شفاك حدّب گفاك
عـالناگه گمت اتميل
آه - تـنظر بنات ومـتچـتفات
شافـن عـذاب اويل
مالومك لو تصرخ يا زينب يازينب
زينب .
ستر الله وچتفوها يسروها وخلوها
تنحب .
= يارسول الله : ياولي النعمه
يارسول الله : ياولي النعمه
➖➖➖➖
✏ علي عاصي المنصوري
التالي ..
السيدة فاطمة العليله ( ع )
تخاطب أهلها قائله ( لسان الحال ) :
التالي ..
السيده أم البنين ( ع ) ..
تنعى ولدها قمر بني هاشم عندما
أخبرها بشر بن حذلم بمقتله في كربلاء
فنظرت للطفوف قائله : لسان الحال :
السيده ليلى ( رض) تروي ألم فراق ومقتل
إبنها : علي الأكبر ( ع ) .. ( لسان الحال ) :
واويلاه - -
حـيدر طبرو راسه ..
ضل يلفض بنفاسه ..
واويلاه - -
وناحـت أملاك الـسمه
من وگع حامي الحمه - واويلاه .
🔅🔅🔅🔅
حيدر علي موت الزلم ..
بالمعركة إيشوفونه
وإلي شرد من صارمه ..
مو شارد إيسمونه
ساجد يصلي وبالغدر ..
گدرو علي إيطبرونه
ياوسفه صار من النزف ..
احمر بياض إعيونه
واويلاه - -
إلشال الباب إبزنده
رايـد ناس إتـسنده
واويلاه - -
جـرحـه صـار إيـألـمه
من وگع حامي الحمه .. واويلاه .
🔅🔅🔅🔅🔅
مايـنلـوي چـفـة ولا ..
يـوم بضربته ثنّه
عيده الحرب كلها اتعرف ..
وسط الملاحم فنه
حيل الله مامش حيل إله ..
إمتون الزلم شالنه
وإتلاگه وي زينب جرح ..
ما يگدر إيضم ونه
واويلاه - -
زينب شافت وضعه
طاحت وي الـدمعه
واويلاه - -
و بـحـزنـهـا هــايـمـه
من وگع حامي الحمه - واويلاه .
🔅🔅🔅🔅🔅
ماهمته إلخيل وزلم ..
بالـمعركه و يتـمشه
لو عنها غايب حيدره ..
تشعر الحومه ابوحشه
يا ويلي هسه من الألم
مـايگـدر ايفك رمـشـه
يم جرحه زينب فرفحت
مهضومه تبچي ابدهشه
واويلاه ..
تـشبگ زينب جرحه
ويغمه إعليها وتصحه
واويلاه ..
والـمـدامــع سـاچـمه
من وگع حامي الحمه - واويلاه .
🔅🔅🔅🔅🔅
حـيدر أبو كل البشر
يـنگط مـحنه إجـبينه
ما غمّضت عينه لأن
حط اليتامه إبعينه
ياحسره مات وللكبر
نعش الوفه إمشيعينه
كل الملائك والبشر
صــارو عـلي باچـيـنه
واويلاه -
حيدر راعي الفقره
نام اللـيـله إبـگبره
واويلاه -
الـفقره تبچي إميتمه
من وگع حامي الحمه - واويلاه .
🔅🔅🔅🔅🔅
موبس خبز وزّع علي
وزع حلاوة عمره
صح نايم إبنص الگبر ..
بس باله يم الفقره
والفقره هم تبچي وتحن
بفراگه تجري العبره
عشرة وفه رغم الاجل ..
عدله تضل العِشره
واويلاه >
بينه وبين احبابه
حاجز صار إغيابه
واويلاه >
طاحـت الـدمعه دمه
من وگع حامي الحمه - واويلاه
كلمات
علي عاصي المنصوري
يا زهـرتي وغــلاتچ
موتي صفة ابمماتچ
زهراءُ يا زهراء
🔅🔅🔅🔅🔅
يا كلشي إنتي بهالـعمر
يانَـفَـس ياريـة
صاير بـدونچ أحـتضر
بانْ الهجر بية
من رحتي شو كلشي أختلف - ورَاچ
لـون الـسـمة إبـعـيـني مـثل - ثَراَچ
اليعرفني ضيّعني إبسبب - جفاچ
ياحـيرتي إبـوفـاتچ
موتي صفه بمماتچ
زهراءُ يا زهراء
🔅🔅🔅🔅🔅
يالـعـشـرتـچ مـا تنسي
يالـفـرگتچ غربه
عِيشه وبدونچ فاطمة
ما تنجرع صعبه
كل ليلة بعدچ تنگضي - عذاب
ومـسَجَل إبسجل الفرح - غياب
لسه اعله ثوبي من الدفن - تراب
حرموني من حياتچ
موتي صفة بـمماتچ
زهراءُ يا زهراء
🔅🔅🔅🔅🔅
وسط المدينه و أختنگ
تارك ضواحيها
راحت "علي" بالـمـگبرة
يالـنايِمـهَ بـيها
بس يمچ ارتاح وأحـس - أمان
مـو مـگبرة أشـعـر كـإِن - جنان
بـترابـچ اتـنـفـس دفـو - وحنان
أغفه اعله ذكرياتچ
موتي صفه بمماتچ
زهراءُ يا زهراء
🔅🔅🔅🔅🔅
بالبـير أحط راسي وأون
وتسولف الدمعه
من هجرچ إيصيح الجرح
بس محد إيسمعه
ياحيلي بغيابچ صرت - نحيل
ياوحدة مثلچ ما يصح - بديل
الضيعني عايفلة الدمع - دليل
عايش بعض صفاتچ
مـوتي صفه بمماتچ
زهراءُ يا زهراء
🔅🔅🔅🔅🔅
يوجعني ضلعچ و أنهضم
لـمـن يذكـرونچ
واَدعـتـيّ ، للـحـاير فَـَرجْ
والحيرة بعيونچ
إبحضرت دمعتچ أطلب - إعتذار
لـوماَ الـوصيه إلـچـتفت - الفقار
مـات الـتِـرك بجـفـونچ - إحمرار
شحدّه الوصل عباتچ
مـوتي صفه بـمـماتچ
زهراءُ يا زهراء
🔅🔅🔅🔅🔅
محتار أصد إبيا وجه
كلـهم يبچوني
سم وذبح نوگ وسبي
يتراوه بعيوني
زينب وإلَحَسين وحسن - يَروح
كل لحظه أعيشنهم صرت - جروح
مـعذور إذا حـيدر گـعد - ينوح
تلـچـمـني نـايـباتـچ
موتي صفه بمماتچ
زهراءُ يا زهراء
🔅🔅🔅🔅🔅
كلمات خادم الزهراء ع/
علي عاصي المنصوري
إقـرأ بـسـم - رب الـعِلم
نزلت وسط غار الگلب
نبض العشگ - أصبح يدگ
وأندلت أعيوني الدرب
صار - حبك رسول يهدي العقول
وللمختنگ شهگه .
صار - آيـة غـرام نـور ابضلام
للما عرف عشگه .
بيتك صاير گلبي وبحساسي
وأنفاسي شلتك .
وأتـفـاخر حبـيـتـك مـانـادم
عالوادم گلتك .
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
بيك ابتدي - وبيك انتهي
أنته الحمـد والـبسمله
اعيوني بچن - لجلك يمن
أول الـيدري ابكـربـله
طاح - دمعك دموم عشت بهموم
مـن خـبّـرك جـبريل
طاح - طـولك خيام مـات الكلام
بيك المصيبه اتعيل
من آهاتك طلعت آهاتي وحسراتي
طلعت .
وي دمعات اعيونك دمعاتي بوجناتي
نزلت .
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
أول دمـع - منك نبـع
سال وتبده أعله الخيم
جرحك نزف - صبرك رجف
لمن سمع طاري السهم
صاب - عين ونحر وطر الضهر
مارد دلـيل أحسين
صاب - جربه وصدر گلب الخدر
ونزّل دمع چم عين
يالعايش هاللوعه من أولهه اتهللهه
عبره .
غربه اتعيش اعزازك تدريهه تاليهه
حسره .
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
عشتك جرح - ليل وصبح
ابچي اعله طف الفاجعك
حـگك تون - تبچي وتحن
جـرح الحُسين اليوجَعَك
ضاع - ضعـنه ابفـله وبكربله
صار العِرف مفگود
ضاع - خنصر أمام صيت الخيام
رايـد نـظـر وزنـود
يالتبچي اعله احسينك بچّيني وخليني أنحب
حسـسني ابلوعـتها وحـسرتها
ياجدها لزينب
= يارسول الله : ياولي النعمه
يارسول الله : ياولي النعمه
🔅🔅🔅🔅🔅
ليثرب رحت - من هاجرت
دمعك عله الناگه جره
چنك شفت - واتحسّرت
زينب أسـيره وحايره
آه - يبست شفاك حدّب گفاك
عـالناگه گمت اتميل
آه - تـنظر بنات ومـتچـتفات
شافـن عـذاب اويل
مالومك لو تصرخ يا زينب يازينب
زينب .
ستر الله وچتفوها يسروها وخلوها
تنحب .
= يارسول الله : ياولي النعمه
يارسول الله : ياولي النعمه
➖➖➖➖
✏ علي عاصي المنصوري
تره إفراگك عِـماني
إلدمع بعدك بِچاني
مـشـيت وصـرت اعاني
صرت اعاني .. ياحناني
🔅🔅🔅🔅🔅
يبو محمد يروحي اْواهس أسنيني
أخـوك احسين اون وتسـمع أونيني
چبـير أخـواني وأفـراگك يـبـچيني
أحسهه الدنيه بعدك زغرت أبعيني
أحـس روحي بغيابك
طفل يبچي اعله بابك
إنـدفن كلشي ابـترابك
و ابـتـرابـك ياحـنـاني
🔅🔅🔅🔅🔅
يمـاشي وي الأجل يالـما إلك رده
علي الثاني ومكانك ياهو اليسده دخيلك يالعـفـتـنه وفرگتك شِـده
واحـدنه بـغـيابك دمّـعـته أبخـده
عله امصابك بچينه
يـبو الروح إلـحنينه
جـرح يالـبـاقي بـينه
باقي بينه - ياحناني
🔅🔅🔅🔅🔅
عله المثلك حلات الحسره من تطلع
يـمو عـجبه أذا عـين الـصخر تـدمع
غير إنته الحسن وارث"علي" الأنزع
ياْلـمـضوي السمـاء ابـنورك الـيسطع
يـمصحف طه إنته
عِـلم حـيدر ورثته
أريدك وأبچي سكـته
أبچي سكته ياحناني
🔅🔅🔅🔅🔅
فـلا غـزّر تـره يالـتنطي،مـاعونك
بدل ما يحمدون الله ويشكرونك
إجـو بالـسم يـبو محمد يجازونك
وقـرب جـدك فـلا قـبلو يدفنونك
كـريم إبـمـوتـك إنته
إبنعش سهمك كرمته
إجــاك و مـا رفـضـته
مـا رفـضـتـه ياحناني
🔅🔅🔅🔅🔅
أدفنك بس احس چن ادفن بروحي
يـانـعِـم الأخـو و يابلسم أجـروحي
بعد عِـشرة حـنانك عاشرت نوحي عَلَي هجرك صفه همْ وقهر يوحي
الصبر بعدك جزعته
الهظم مـرّ وجرعته
الـفـرح يـمك دفنته
اي دفنته - ياحناني
🔅🔅🔅🔅🔅
رحت والـطف ذَبِح صار ايتراوالي
لـون حاضر ضهر عـاشر يهــنـيـالي
يـبخته إليحتظر چان بحضن غالي
مـو ضامي وغريـب ودمعته أتلالي
هـظيمه الماله ناصر
عليه تسحگ حوافر
حُـسيـنك هـذا باچر
هـذا باچـر ياحـناني
🔅🔅🔅🔅🔅
كلمات خادم الزهراء ع/
علي عاصي المنصوري
يالتريدوني أمنع إعيوني
عن بچي إحسين ومصاب الغاضريه
وآنـه نـيـران إلـخيم مـشـتـعـله بـيه
🔅🔅🔅🔅🔅
آنه سـجـاد إلـحـزن
أروي بدموع الجفن
إمصايب الخلتني اون - بعاشر إمحرم
عايش الهم وحّدي
حاير مـنين أبـتدي
وآنه شايف والدي - سابح من الدم
شايف وگلبي جمر
إشلون ربات الخدر
تسحگ النار وتـفـر - مـن إلْـمـخيم
يا أمــل نـتـنـطـره
بعد سـبع الـگـنطره
والأنصار اعله الثره - بينه نار الهم
أعثر ابنوحي - تنزف إجروحي
أنظر إلناس الاحبهم عـالوطيه
وآنه نيران إلخيم مشتعله بيه
🔅🔅🔅🔅🔅
إلعاشر وبـعـد الذبح
خـلـو الـروس إبرمح
من صُبَح بينه الصبِح - جابو الهزّل
شـدّو إبـچفنه إلحبل
صعّدونه إعله الهزل
صحنه يا أبا الفضل - ياگـمر تقـبل
هـا يكـفّال إلـعـبي
من خذونه للسـبي
بينه ذبحو چم نبي - والعرش دم هل
فحّط إلناگه الـدرب
وإلي يحدونه غرب
موقف وكلش صعب - وآنـه أتحـمل
حسرتي حسره - أهلي عالغبره
والحرم راحن سبايا لآل أمـيه
وآنه نيران إلخيم مشتعله بيه
🔅🔅🔅🔅🔅🔅
للدفـن مـن إرجعت
يم إلاجساد أوگفت
حيلي مات ودمّعِت - بالگلب حسره
ياجسد أوصل إله
وبدمعتي إلهامله
حيره مـن أتـأمله - مـنگطع نـحره
بهاي أبد ما حسـبت
وآنه چم موته متت
بيدي چم غالي صرت - أحفر إبگبره
من الهضم صرت أنمرد
يالـتـريـدون أنـســعِد
وآنـه دافـن بـاللـحد - گلبي إوصبره
ذبحو أحلامي - عايش أيامي
بس حزن ، هم ، ودمع ، شوگ وأذيه
وآنـه نـيران الـخيم مـشـتـعله بـيه
🔅🔅🔅🔅🔅🔅
هاشم اصحاب البخت
كـل زلـمـهـا إذبـحـت
والـحـريـم إتـرملت - ياكبر همّي
إبآل طالـب مـن أمر
أبچي حيل وأنقهر
مانفع حته الصبر - يحترگ دمي
ودورهم وحشه صفت
بالامـس بيهم ضوت
هسه اسمعها نعت - والدي وعمي
صرت احس موتي لفه
وآنـه كـاتـلـني الـجفه
وروحي هالــمـتلهفه - وأهلي مو يمي
جيبو تابوتي - بلكت إبموتي
إجروحي كلها تنختم يوم المنيه
وآنـه نـيران الخيم مـشتعله بيه
🔅🔅🔅🔅🔅🔅
وداعاً يابوفاضل
#ابو_سجاد_البصري
الشاعر علي عاصي المنصوري
لليلة السابع من محرم
هيئة راية العباس ع
/channel/aboo_sajjad
محرم - تاسع أحزانه
تبدي هالليله
🔅🔅🔅🔅🔅
الليله تاسع والـدمع نازل بـالخدود
راح للحومه "علي" ياخوفي ميعود
شالت إيديها ودعـت ياربْ يـمعبود
ياراد يوسف رد "علي" لحضاني أردود
إجاها - شبگته وصاحت
يـاگـلـــب لـيـلـه
🔅🔅🔅🔅🔅
عافهه و من فتحة الخيمه تنظره
وبصدرها أتكسرن عبره اعله عبره
راح من يمهه گمر يمشي أعله مهره
صـاحت اتـحرسك يالـمـدلل الزهره
يماخذ - راحتي روحي
جسمي وحيله
🔅🔅🔅🔅🔅
وبملامح وجه "الحسين" الجميله
أتـبـاوع الأكـبر أبـنـها وتـنـــدعيله
لحـظه لـونـه اتـغـير ونـاده يـليله
طاح الأكبر وإنوله ورايدني أجيله
أويلي - طـبّرو جسمه
نوحي يا ليله
🔅🔅🔅🔅🔅
✏ علي عاصي
محرم - سابع أحزانه
تبدي هالليله
🔅🔅🔅🔅🔅
الليله سابع والعطش فطّر شفافي
ما رجع لـسه المـشه لـخته يـوافي
أحسين راح ورجع من كافل عفافي
منّحني وبلا عمامه ويمشي حافي
نظرتـه - الدمعه بعيونه
مـنـهدم حـيله
🔅🔅🔅🔅🔅
محني چنه أهلال والعثره بمشيته
دم عـلى ثوبه وعلى شيـبة لحـيته
من شفت حاله أنكسر گلبي وبچيته
خويـة زينـب راح عـباس لـمنيته
تركته - المستحه ابعينه
مـاروه الـعـيلـه
محرم - خامس أحزانه
تبـدي هـالليله
🔅🔅🔅🔅🔅
خامس أحزان الشهر هالليله حيره
أبـن عم بـدر العـشيره أبلا عـشيره
ناظـره لـطف نيـنوى اصـبح يديره
عـاشو الـغـربه أبـو الـيمه وسـفيره
يسمعه - ويفهم أحساسه
عـيـنه تـومـيله
🔅🔅🔅🔅🔅
عالقصر من سلم اعله ابن الصميده
جـاوبــه رغـم المـسـافـات الـبعيده
و عـلـيـكـم الـســلام أبــو حـمـيـده
آخ صاح أحسين من گطـعو وريده
وتألم - نزلت أدمـوعه
بحـرگه يبچيله
🔅🔅🔅🔅🔅
يم حميده اتعنه والدمعه اعله خده
ياحـمـيده الـي مـشـه مـا مـنـه ردة
ما ألـومـچ لو تـنـوحين اعلـه فـگده
وداعـة أعيـون العـليله الفرگه شِده
يعمري - أحـنـه بـغـيـابه
أنصيراَلچ عيله
🔅🔅🔅🔅🔅
✏ علي عاصي
محرم - ثالث أحـزانه
تبدي هالليله
🔅🔅🔅🔅🔅
ثالث أحـزان الشـهـر هـالليله فرگه
أمـوادع أعزاز ورحيل ابـلايه ملگه
والعليله أبنص هوه أدورلها شـهگه
أحسين من يتركها ترجعله وتشبگه
دمعها - يشـرح إفراگه
بحيره توميله
🔅🔅🔅🔅🔅
سافر وضلت تـصب دمعه اعله دمعه
وهدّ عليهه الهمْ مثل ريح اعله شمعه
صاحت اعلـه السافـرو وبـلايه رجعه
ما ترجـعـون الـگـلـب ياهـو الـيقـنعه
بلاَكم - تبچي نبضاته
و آنـه أبـچـيله
🔅🔅🔅🔅🔅
هـا يقـاروره أشـجـره ولـونـچ تـبـدل
يـم تـعـابـيـرچ أحــسّـن طـولـي ذبّـل
اشلونه ابوي اشلونه كلشي بيه يسأل
شرط لو ميته وأشوفن وجـهه أعدل
تأخر - روحي محتاره
وينه وأمشيله
🔅🔅🔅🔅🔅
✏ علي عاصي
محرم - أول احـزانـه
تبدي هالليله
🔅🔅🔅🔅🔅
أول أحـزان الـشهر هـالليله تـبدي
حزني ياخذني لمدينة طه يحدي
بالخيال أنظرها وادموعي اعله خدي
العـليلة اتگلـهم اشلـون ابقى وحـدي
أمـوتن - من تهجروني
روحي أعليله
🔅🔅🔅🔅🔅
عـله الـدور افتر صرت آنه ابخيالي
صِرت اسمع بِذني ما واحد حچالي
أم إلْـبـنيـن اشـتــوصـي بالــغـوالي
يمـه يـم الزهـره خلـو راسي عـالي
يـيـمه - اليوفي للزهره
گلبي يدعيلـه
🔅🔅🔅🔅🔅
من إلوداع اسـمـع الونه الـثجيله
أيگلهه يم عـباس رحِلتنه طويله
الموت واگفلي أحسّنه اعله حيلة
بعـد مـا وصيچ بـبـنيـتـي العليله
أريدن - بـنـتي كفـليها
رحلتي اطويله
🔅🔅🔅🔅🔅🔅
✏ علي عاصي