.....
عبدالله الرضيع
.....
ابني يالولد ابني
شمسك تختفي بحضني
عبدالله نكطع ضني
ابني ابني
....
عبدالله يبني يالطفل ياحلم روحي الغالي
مهدك بهز بيه الهو ما ادري مهدك خالي
ابالي كلشي بكربله موتك ولا مر بالي
ناغالك الموت ورحت ماجلبت بذيالي
....
نوحي للابد نوحي
لجلك يابعد روحي
مايخلص الك وني
ابني ابني
......
شذنبك ييمه وتنذبح والنبله تنزع روحك
انت الورد من تنجرح ينزل نده من جروحك
ياقوس هذا الصوبك بجفوف ابوك يلوحك
مثل الحمامه رامحت ماسمع واحد نوحك
....
دمعي عالوجن دمعي
بعدك يختلف وضعي
بعدك ماضحك سني
ابني ابني
.....
بجفوف ابوك من رجعت رد حاملك يتعثر
كل ضني جابك مرتوي وتضحكلي جنت اتصور
فرحانه اجيبك الخيم مونبله فوك المنحر
يازغر اولاد السبط عمرك بعمر الكوثر
....
ردلي يالولد ردلي
بعيونك علي صدلي
ظهري من الهظم محني
ابني ابني
......
ابالي تخلص كربله ونرجع سوه من الرحله
تكبر مثل كل الولد وبعيني اكثر تحله
ياغله من كل. العمر ياهو المنك اغله
لولتلك النبله ونمت نبرتها خشنه النبله
ابجي والتفت ابجي
وي الموت اريد احجي
هاليوم الدمع فني
ابني ابني
.....
يامهجتي وماي النظر لمهدك الولي شبيه
عبدالله وحجيلك نعي وادري انت مالك جيه
زينب بجتلك يالطفل يقهر بجي العلويه
امك انه وباجر اضن امشي مشي المسبيه
خيمه تحترك خيمه
يراويني السبي ضيمه
اتركك مدري تتركني
ابني ابني
.....
الشاعر علي السعيدي
انا مسلم
نزله
انا حيدري والعزم من عزم امامي
هذا موقفي موخفي وثابت بكلامي
اكتب ابدمه ملحمه ويرتفع مقامي
مسلم والي خيبر مثل علي والكوفه خل تشوف
اتناوش الزلم وارمي ع السطح لوخيمة الوف
والخيل ادوس الخياله
...
انا غايتي والي هدف اكشف الضلامه
ازرع الامل والي النصر براية الكرامه
اكسر الرعب والحرب شبه البتسامه
جفي زلزلة يدخل على القصر ويزلزل الجيوش
ثورة تنكتب تاريخ الي شهد ومحطم العروش
ماعرفو مسلم من حيدر
...
كلبي من عطش ضمه صحت للعذب اطالب
السامع اعتذر وسكت مني شفته هارب
لكن انتخت مره الي ذلت الشوارب
طوعه فزعتج هالموقف بالف ماسوته الرجال
سر كلمة العطش جان انتماء الج من موقع المحال
سرك بس طوعه الفهمته
....
باجر القصر مايظل والفديته جسمي
يبقه منفرد موقفي لونزفته دمي
ينزل القصر وارتفع قبه يصبح اسمي
باجر القبر كعبة خلود الي وتحدد المصير
اتحزم بنصر والموت اله طعم بالموقف الخطير
وحسين باسمك يتباها
...
...
هذي ساحتي واحس الي تسجد العساكر
موتي راحتي ولا اضل بموتت الضماير
بيدي صارمي وطب غضب افصل المناحر
شردت الزلم تتطشر والم واسلبهم الحياة
ماحصلوا مفر الهم صرت سقر ومحدد المملت
والموت اولها وتاليها
صاح الثار صاح الثار
شبل حسين صاح الثار
....
دك اجدام واستعد وعالميمون من صعد
شال السيف و رتعد بيهم صاح
شبل حسين لوجبل طب بركان وشتعل
وعالفرسان طب اجل جر الارواح
حيرهم ذكرهم كالوا حيدره
قالعهم بجفوفه وشامرهم وره
طب بيهم خلاهم شبه المجزره
نار بنار نار بنار
شبل حسين صاح الثار
....
طب مغتاض عالخصم والدم فار عالزلم
وسط الجيش مايهم ليث الموت
صال وجال بالعرى وعزم الجيش دمره
كل الكاع مكبره بلاتابوت
ضايگهم خانكهم ماجرو نفس
واخشنهم واصلبهم بالحومه انتكس
من دمهم رد احمر وتلطف نترس
صار الصار صار الصار
شبل حسين صاح الثار
....
ابمشيه اتشوف مرجله تتحاشاه كربلا
بيده السيف زلزله الشافه يميل
ياستار طب غضب بالأرواح ماتعب
ملك الموت ونسحب كله دخيل
وكفاته ونظراته جن يوم الحشر
وكفهم ركعهم ذابحهم نذر
الطف كاعه ورجعهم ماملكو شبر
لاتحتار لاتحتار
شبل حسين صاح الثار
....
الصرخات تعتلي والابطال تنولي
بالطف جان جم علي مايدرون
بقلب الجيش صولته بالاطراف يمنته
فوك الروس صرخته وينذبحون
واليكبر مايكبر عالاكبر ابد
يم سيفه الكل تزغر وترد بالمهد
كل ظالم يركعله ويهزم من جحد
بالبتار بالبتار
شبل حسين صاح الثار
.....
بيده السيف شيمه شاب وخاض ملحمه
كل ماصاح فاطمه يزيد النار
بي الحسين مبتشر والنسوان تفتخر
للشدات منذخر كله اصرار
بن غانم بالحومه ينعد بالف
والاكبر أطباعه بالطف تختلف
كص راسه ولحسينه وسولفله الكلف
بالاصرار بالاصرار
شبل حسين صاح الثار
...
مو وحده عن ام سلمه القاروره لا اكثر
العدها ولد بالطف اكيد اتشاهد العسكر
وتوصلها تخبار الحسين اوتنظر الخدر
وكبل التراب البي حزن شفنه الجفن احمر
جاء من أقصى المدينة... رجل يسعى
فهو للسبط سفير... مسلم يدعى
#نجمة_ليلي
🎤 ملا خالد الفيصل
✍️ علي السعيدي
🎼 هندسة ومكس / حسن المنصوري
🕌 هيئة بقية الله عج
⚫️الأيام الفاطميه المقدسه 1440
اشتشهاد الإمام جعفر الصادق عليه السلام
...
يايوم يلتم جرحي ورتاح
يايوم الكه لحزني مفتاح
عن عيني غايب طيف العيون
....
صبري عذابي..
محبوبي .. فراكه مصابي
ولفقده.. يبدي غيابي.. سلام
حالة غريبه... شيصبره.. الميت حبيبه
وشيجبره... الكسره مصيبه. بكلام
الماعنده مثلك ماله ضمان
دنيانه وحشه وانت أمان
ياصادق الحب هل من حنان
الماعنده غيرك
....
اهات عمرك كاضي وحزان
ونات وكتك صار وشجان
يعين الله عينك من الدموع
وارثها نارك...والجمرة..
كربلا دارك... مستعرة
ويبدي مسارك حنين
..
سرمدي حزنك.... للزهره
وللضامي كلبه... جم عبره
حزنك يتعبك... سنين
....
ذيج اليالي وذيج الجروح
مالحضه حزنك منهن يروح
تبجي لحبيبك دوم وتنوح
حسين ومصابه
...
يروون كل الكعدو وياك
يروون كل همك اومساعاك
جرح السبايا اليلجم الروح
احيو المجالس.. توصيتك
وكل المدارس... تربيتك
تخرج عوابس... عظام
علم الله علمك ... واحسانك
ربك يلهمك... ايمانك
الله جعلكم.... كرام
مايخله يومك من الدموع
تبجي لحسين بين الجموع
وترمي لعمامه لكسر الضلوع
وحركة خيامه
...
شعدهن بالوجه موجوده العيون
وينشال جسمك فوك المتون
خلصت حياتك والاجل حان
نعشك اشوفه... يتشيعك
هزني وداعك.. واتوجع
كسره جبيره.. الغياب
ردلي امامي.. حنيتك
فكدك اسمعه.. من بيتك
صبري اودعه... بسراب
تخله المجالس من البكاء
واعلى المعزي نصبنه عزاء
حزنك سبانه جن كربلاء
مع السلامه
...
الشاعر علي السعيدي
سيد المذاهب كلمته حجه اعله كل واحد
صادق القول اوفعل ماحاجه للشاهد
كربة منيته ويوصي ودمعته بعينه
احيو المجالس بابو اليمه يوصينه
....
خلص حياته ولحد مماته مانشفت العين من ذكرياته
وبروحه نارين وحده اعلى الحسبن
وحده اعلى الخيام كل نايباته
يسالونه سبب حزنه ودمعه بكل وكت جاري
يكلهم حزني للعطشان الظل اعلى الترب عاري
اسس مدارس للعلم والفقه اولها
هذا ترجمان الوحي وبفكره وصلها
وجانت قضيته ماتمنه وبواجينه
احيو المجالس بابو اليمه يوصينه
....
عالم زمانه برهن لسانه
كل شبه ردها بحكمة وامانه
نجم الثريه صار الهويه
و للجعفريه قبلة ومكانه
بحكم الطاغية المنصور وضحت اية اعجازه
حكم القتل يتنفذ ويلغي الصادق انجازه
لقيس بن الربيع الخبر ينقلها عن جده
يقرة بدعاء المنذبح (ياعدة للشده)
وحروف الحسين من الشده تنجينه
احيو المجالس بابو اليمه يوصينه
...
كل محورة يدور لمصاب النحور
رايدنه للموت ماننسه عاشور
ويأكد هواي من نشرب الماي
نصرخ يمولاي وندك الصدور
يگول الدمعه لجل الطاح تطفي بالقيامه النار
وعلى الوادم اذا عشاك حسين بكل فرض ينزار
والرايد يحصل اجر بالمأتم العبره
يحصل قبول وشكر من فاطمة الزهره
بمأتم ابنها تجي تسجل اسامينه
احيو المجالس بابو اليمه يوصينه
...
يعقد عزائه ويرفع ندائه ولطحن الضلوع يعلن بكائه
شيقنع العقول ابن النبي يكول وتسحگه الخيول وينزف دمائه
الثغر القبله الهادي صار من العطش يابس
وسلبو ثوبه جي لنه ويه الدين متلابس
ولكل سهم قصه وجرح لزهره بجاها
فوك الكسر ضايف كسر محنيه خلاها
واشكم حسيني ينوح الوعة حسينه
احيو المجالس بابو اليمه يوصينه
...
يروي المصيبه وينعى الغريبه
ويشرح سبيها بحزنه ونحيبها
يذكر محنهم ولوعة زمنهم
وغربة وطنهم ويذكر حبيبه
يبجي وتنزف عيونه لصار اعلى الرمح راسه
واكثر موقف ألمه الدم سد عين عباسه
وذاك الطريق البي عجب والشام اه يالشام
ولزينب انظم التعب والحيرة بالايتام
واطفال خلصت بالدرب يامهجة لتعينه
احيو المجالس بابو اليمه يوصينه
....
والصادق يريد من عدنه تجديد
للماتم نروح من دون تقييد
كل الخلافات نحسبها ع الفات
ونترك هوه الذات ونصير فد ايد
نستذكر مصاب حسين او نون ونبجي لايتامه
ويجوينه الدمع ونشوف نار وجمرة خيامه
ورايدنه بيهم نلتزم نمشي اعلى مذهبهم
ولمن عليهم ننحسب نتمسك بحبهم
بالدنيا نرضيه وبالاخره هو يرضينه
احيو المجالس بابو اليمه يوصينه
....
بجمرات الانفاس ومفرع الراس
يبجي للطفوف ويحدث الناس
عماتي ياحال المالهن اخيال صعدن على اجمال نادن يعباس
على زينب كثر وني ابجي وماتعذروني
يطكها السوط وتنادي يبويه راحت متوني
ولهل الخدر ما ظل خدر بلابيت اهل الله
وعالكوثر يشح النهر ويموت عبدالله
بهاي الشعيره الموالي يكتمل دينه
احيو المجالس بابو اليمه يوصينه
..
الشاعر علي السعيدي
٢١ رمضان
استشهاد المولى أمير المؤمنين عليه السلام.. عليه
......
تعال وطمأن عيوني
حلمها نباگ..... رعب فزت
علي يالشاغل الدنيا
بجمالك ذاك ...... الك حنت
لعيونك ياحيدر نشتاك
خطواتك نقراها فراك
.....
علي بويه اريد انخاك
علي بويه اموت اوياك
تمشي ومشيتك تكلي ماكو رجعه
من يسمع الدمعات
وعيني وي كلبي يكلي خل نودعه
يعثر بشفتي الكلام شما ردت بسمك اصيح
اركض بظهرك وطيح. يبويه
علي وياهو البعد عينك
يغمض العين.. وحلم يلكه
علي وزينب امان اله
تدور وين .. بقة شهكه
واحلام الفاكد تنباك
خطواتك نقراها فراك
......
بعد وكتك تموت شلون
بعد وكتك طفت العيون
اودع حنانك ورد ياوجه اليه
وللدار ارد بمصاب
دلالي ادفنه واعاتب بالمنيه
الجرح يسندني واطيح ويطفه بعيوني النهار
وجنت بعيونك اشوف.. يبويه
توجهت لكبر امي
صحت زهراء .. الحكيلي
على الي خضبو شيبه
بجيت عيون... وخلص حيلي
وبنظرات الكلها اشواك
خطواتك نقراها فراك
.....
علي وجرحك جرح جتال
غيابك ما يمر ع البال
سولفلي بعدك شنو زينب وضعها
لو عطشت عيونك
طمنها امنها الاحنت ضلعها
سافر بعيني الحنين ومزج وجهك بالدموع
روحه مابيها رجوع.. يبويه
اودعك ياحلم روحي
وداع وموت... علي غيابك
اعاتب يانجم بعدك
ظلام اليل... نعى مصابك
وجمر فراكك ظل حراك
خطواتك نقراها فراك
.....
شعجب روحي تظل بحشاي
بجسد واحد علي وياي
روحي جسمها نزل حدر الترابه
روحة الابو تهظم
زينب بعد موتك تتانيها الخرابه
ياعلي وبنت الدلال تنهظم من النسيم
وتفتقد جف الرحيم... يبويه
علي يالشايل الدنيا
نعش تنشال... وتوجع
علي وذاك الجبل عجبه
تضمه لحود... مااقنع
وعلي يتمي بفكدك لاك
خطواتك نقراها فراك
استشهاد الإمام علي عليه السلام
...
راح خير التامه وطاح
سيف اعلى هامه اوناح
كلش لغيابه
وين عايف حبيبك وين
كسرة كلب لحسين
وجمرة لمصابه
موتت الوالد تطيح بيوت
والحنين اعلى الحنين يموت
......
ترى اليفكد اعز ناسه يعيش
دموعه مفضوحه
وانا الفاكد ابو غالي اعلى ايدي نزفت جروحه
ابو بالدنيا مامثله شبيه ولا مثل روحه
ابوي انا علي ياناس هاي الجثته مطروحه
راح بس گلبه يمنه
ولاح همه اعلى همنه
وصاح صبروا العقيله
سيل تنزف طبرته
وحيل ماعنده شفته
وليل دمعه يسيله
الدنيا ماترهم الك تابوت
والحنين اعلى الحنين يموت
مشه المتعلكه بي روحي وذبح روحي ومشه بنيه
صحت ياحضر الشده اعلى هاي الشده مابيه
العينه بعينك معلم يحطها ويغفه ليليه
فوك الكبر مد روحه يون اسمع بواجيه
هاك اسمع نحيبه
حسين فاكد حبيه
وياك متمني موته
ناح يذكر دلاله
حسين تبجي اعلى حاله
ناح وتصبره اخوته
موتك سهم بين الضلوع يفوت
والحنين اعلى الحنين يموت
...
يخيعون التراب الي شابك وجهك وغافي
وابنك ياعلي بردان يدور عن حضن دافي
يوجه الخير راح الخير بعدك كل صبح طافي
علي بويه علي بويه اصيح وترجف اطرافي
حيف يختم رحيلك سيف
تمشي لمحمد ضيف
دم اعلى هامك
كيف فاطم تشوفك كيف
هم النه ترجع طيف
ونحضه بسلامك
بهذا النكساري ابجي عالمنعوت
والحنين اعلى الحنين يموت
......
....
على كيفك ياشهر الصوم
بعد للعيد بس تسعه
يجرح الواحد وعشرين وحشه وطافيه الشمعه
الوادم تشتري للعيد ثياب الفرحه والجمعه
وانا اشتري لحزني ثياب السود والدمعه
عاف كلشي وهجرنا وشاف
يهضم وضنه وعاف
كل ذكرياته
صار محرابه خالي ونار
تجوي اليالي وشار
وصه ابناته
والعوالم تبجي والملكوت
والحنين اعلى الحنين يموت
https://youtu.be/13xqYPSyaxg?si=z9rqLbj0M3wCTBe3
Читать полностью…
صلواة على محمد وال احمد
......
طاري الهوه اعلى لساني
يطرب عشك وجداني
كل الهله بشعباني شهر العباده
بنور الايمه يلالي
والغالي يتلي الغالي
وطير الوفه غنالي. بهاي السعاده
افرح
ورسم بجفك عشك واذكر احبابك
افرح
وخلي دلالك يدك واشرح اسبابك
كل سنه تمر بينه. أعلى الوفه تلاكينه
....
شفتك حلم بحساسي
وشفتك صدك بانفاسي
تاج ورهمت الراسي تحمل معاني
باليقضه اشوفك حاضر
بالصفنه طيفك خاطره
وبليلي نجمك ساهر اطهر لساني
روحي
انت يااجمل عشك سافر بشرياني
روحي
انت يعالمها الاول. وماتعيش لثاني
ياحرف ترتيلي. وياسحر تأويلي
....
بحرك هذاك الباحر
يحسين انا الشاعر
اقبل كلامي القاصر. يمضي بمديحك
شرفي مدت ايدك
ريته النضمته يجيدك
هيه القوافي تريدك اسمحلي اشرحك
عاجز
والله ما اوصل اثر مشيتك بالحومه
عاجز
حتى اذم ذاك النهر المااحب ارسومه
بيك تاهت روحي. انت روح لروحي
....
حكه اليريد يسائل
هذا الكمر موكامل
الكامل فقط بوفاضل بدر المخيم
جفينه سر الغايه
لحسين صار مرايه
بدء الكلام بايه. حب المتيم
ثابت
اقرة ايات الوفه من وحي قراني
ثابت
خوته البيها دفه عالمه الروحاني
نعم هذا الكافل. ملك للطف نازل
....
حبي وغرامي الواحد
وعن كل سواهم زاهد
مولى البريه الساجد زين البريه
السجاد كوكب لايح
راد وي نبضي ورايح
بسمه الغرام يراوح سر القضيه
عمري
اعرج بجنحه ومشه والبراقي يلاحظ
عمري
بحر الحسان انتشه والحنان الفايض
بالصحيفه نطالع. بالمناجة انتابع
....
الشاعر علي السعيدي
https://youtu.be/bpHw-sagSEc?si=Y75QWYF6yUJq6fNG
Читать полностью…
هذا شعبان. ثالث أيامه بد حسين بهلاله
هذا شعبان. ورابع أيامه رسم رمز الكفاله
هذا شعبان. التهاني
حسين وتظل أجمل اسم
فطرس الك ظل مبتسم
ذكرك صعد فوك النجم
يااعذب كلمه ابالي
شعبان اجه ومااجمله
وهاي الولاده تكلله
وعلى الشهور نفضله
ميلاد حسين الغالي
هيه. عنوان .. فرحه مأمن عدها فرحه ولا تضاها
هيه عنوان. هالمواقيت العلي هو اجتباها
هيه عنوان.. الاماني
......
بدر العشيره برابعه
كل الوفه من منبعه
بي رحمة الله الواسعه
عنوان الفرحه بذكره
تاج الاخوه وكل فخر
وحروفه للضامي نهر
راعي العلم هذا الكمر
من حيدر ماخذ شمره
ذكره إيمان... عالم وعلمه علم فاق الشجاعه
ذكره إيمان.. تقره سمياء النبوه بانطباعه
ذكره إيمان.. في لساني
.......
والزاهد الساجد علي
زين العباد الاولي
ذكر الصحيفه منهلي
مفتاح وباب العصمه
اي وبنصف هذا الشهر
يبزغ فجر كل السور
نور الإمام المنتظر
وتسود بجيته الرحمه
جيته برهان... نندعي الباري يعجل في ظهوره
جيته برهان... جيته الخير اليعم كلشي بحضوره
جيته برهان.. في زماني
....
الاهي عظم البلا برح الخفا نكشف الغطا
الاهي نقطع الرجا نحجب الدعا الغايب شورا
مذبوح الامل الغوث العجل
......
ياالاهي الأرض ضاقت حتى ممنوعه السمه
واحنه ردنه الاستعانه بفاطمه ولفاطمه
عليك ياربي المعول بالرخا والمشأمه
بلف المهدي سلامي وربي عجل مقدمه
الاهي فعلى النحيب بدم الغريب رجع الحبيب
الاهي دمعة انتداب جمرة الغياب تجوي الاغتراب
لفعالي الخجل. الغوث العجل
.....
ربي ابآل الوديعة الفرض طاعتهم علي
عرفتني بمنزلتهم بس والعشك لايگ الي
فرج عليه بحقهم فرج عاجل جلي
قرب المهدي وظهوره بمحمد بعلي
الاهي دعوة ضطرار اهتف البدار ليلي والنهار
الاهي عجل الطلوع نشف للدموع منحر وضلوع
بعالمنه الجهل الغوث العجل
.....
المهدي هاي الجمعة يطلع يمته نسمع هالخبر
او بعد أقرب اليلة او كالمحاً بالبصر
حافي ومفرع اكصده ومن يتشدوني البشر
لاتلوموني اكلهم اليوم اشوف المنتظر
الاهي فمتى ظهور سيدالعصور تحفة الدهور
الاهي بفاطم الامان بصاحب الزمان فهم كافيان
ادميت المقل الغوث العجل
......
ادرك الساعة الساعة والعجل بال النبي
نوخ الشيب بصبرنه والحزن سير دبي
ما اريد احجي واجرحك لوجبت طاري السبي
تاكل النار بكلبنه بكثر مااكلت عبي
الاهي رئت العيون تضرب المتون تسلب الضعون
الاهي طفلة تصيح صوتها جريح والدي ذبي
والجرح نزل الغوث العجل
.....
.......
عشق الحسين
......
ياحسين تبعدني وتجذبني هوه ياحسين
ياحسين تارس عيني وروحي ضوه ياحسين
بحبك اسافر كلك مشاعر
....
اتنفس وشتمك ماتكدر روحي تفهمك
عطشان وماتشرب والماي يبوس بجدمك
ينزلك وترده جبريل تمنه يخدمك
ونيوتن متحير يصعد ماينزل دمك
بدمك قانون يجذب العيون
ياماي وجوه عطشان شلون
ياحسين حبك منطي الدنيا طعم
ياحسين خادم منطيني احلى اسم
بسمي افاخر.. كلك مشاعر
....
مو واحد مجمونك بالطف اكثر من عابس
طاح الماي من القربة تسودن جي ريجك يابس
يرمون اسهام وتوكع يمك مابيهن واهس
والموت يمك ميت من موتك خايف ياس
ضلعك مكسور راسك منحور
ودمك عالكاع يرسم وعاشور
ياحسين تتقدم تسمع عزريل ياحسين
ياحسين يتراجع ويصيح دخيل ياحسين
تحيا المناحر. كلك مشاعر
.....
والنبله من تصيبك تخنك عرش الله العبره
من تتالم من جرحك تعثر بالجنه الزهره
والحجر من يصيبك يلجم حيدر بالطبره
ويفرع راسه الهادي ويحس جم كسره بصدره
عالمهر تميل ويبجي اسرافيل
ومن طحت الگاع غمض جبريل
ياحسين طايح ضامي وانت نهر
ياحسين راح الكمر وماكو ظهر
شامخ تكابر. كلك مشاعر
.....
لو رايد ماي تشربه تنزل لجدامك غيمه
تشرب والطف اترسه وتبلل وجه الخيمه
والشمس من تتجسر نظراتك الها رحيمه
عبدالله ياشر بايده تنزل تنطم بالهيمه
انت السلطان. يا اعظم شان
يم بابك شوف تركع تيجان
ياحسين بكلشي جميل بكلشي عذب
ياحسين لو ماحبك من هو نحب
شوگك معاصر كلك مشاعر
......
بين الصبعين الجنه. شافوها اصحابك كلهم
كلمن يبرز دليته واحد واحد يتبعهم
ويحسين احبابك احنه لامنقل شانٱ منهم
ماردنه جنه ولاجاه بحبك بس نقلدهم
هم الاصحاب واحنه الاحباب
الصوبين نصيح جرحك ماطاب
ياحسين همه نور واحنه ضوه
ياحسين احنه وياهم متنه سوه
مالك نواظر. كلك مشاعر
......
الشاعر علي السعيدي
.......
العليلة...حوار الروح مع الجسد
..................
ها ياموت ماظل صوت
من جسمي الذابل ريح روحي
كافي جراح خل ارتاح
اخلص من مرضي ويخلص نوحي
مانساك اترجاك روحي وياك ياحسين
...........................................
.....
إذا ميته تخف روحي وانا بثگل الجسد شلي
أريد انا اليساعدني وعني ينتزع حملي
الجسد لاخرني عن اهلي اطلع من احسلي
الف موته ولا ابقة تجرح كلمة ..الظلي..
توصيهم گبل بيه هسه ختلفت النيه
خذت كل البنات وياك يبويه حسين انه بنيه
ابقه وين وانت حسين
يالعشت احساسك وانا زغيره
تمشي النوگ وانظر فوگ
راحوا احبابي من هالديره
ماانساك اترجاك روحي وياك ياحسين
....................................................
مني ماتثاكلتوا أنا ماردت اعذبكم
بهودج لا تحسبوني أنا الماريد اكلفكم
تمشي بلا جسد روحي حنان امشي اعله ريحتكم
إذا رتو تشوفي حمامة انا على محملكم
احط من هودج لثاني يرف جنحي على خلاني
حنانك بويه علمني اوزع حبي لخواني
وهاي الروح تحدي جروح
بصحراء احزاني وليل همومي
صوت الاه بكلشي الگاه
ليلي بلا كمره. وتبچي نجومي
ماانساك اترجاك روحي وياك ياحسين
...................
يجسمي ابقه وعد عندي اردلك لو هلي ردوا
گبلهم كون أصل للطف وضيفهم إذا نزلوا
ونصب خيمة الي جبيرة ووزع ماي لو وصلو
وذا ياجسمي مارديت ميته وگول ماردوا
يجسمي انت تانيهم. وانا بالطف الاگيهم
واحد يحچي للثاني إذا شي يحصل عليهم
ردت بهاي تمشي وياي
كونك من علتك تشفه وتبره
رحلة خوف حجي سيوف
خايف دلالي تضيع العشره
مانساك اترجاك روحي وياك ياحسين
................
أيآ روح العليله آسف وانا حيل اعتذر منچ
وياچ من الطفولة لحد سفرهم سببت ونچ
أنا لوصاحي بالتوديع چا ماهاجروا عنچ
خذوچ وياهم ورحتي واكو هناك اليبارنچ
الكمر يتكفل المحمل وزيب بينه تتكفل
حسين النده بحساسه بعد ليش الورد يذبل
وانا وياه. حزني انساه
محتاجة لشوفه ولمسة ايده
بالتوديع. يخوفي ضيع
لحمي الفاركته بذيچة الببيده
ماانساك اترجاك روحي وياك ياحسين
........................
الاماني ماتت وراحوا وانا بالدار حزنانه
وشفت اغراب اجه من الطف بدم مصبوغة جنحانه
وعلى داري وگف ينعب حجة بس عبره بلسانه
يريد يگلي ماجوره ومات وجن متت انه
بشر جرحي نعى يمي عرفت الدم مثل دمي
وعرفته من النحر مذبوح لمست الدم شفت اسمي
طحن اضلوع وصب دموع
گالولي ضلوعه أه اضلوعه
صارت ميدان وگلبه العطشان
تفطر ولزينب تجري دموعه
.............................................
شيراز 2019
علي السعيدي
ام البنين ام الوفه حكمه وبيان ومعرفه
ام الكمر عباس
ٍٍٍ....
كبل مايمشي الحسين اودعته
هي بعد الزهره بس هيه النعته
شكثر بهموه وحنينه سايرته
وبولدها الاربعه هم شاركته
هذا الموقف يدوم كل يوم من يمر اسمها
شكد ونت للحسين بالعين ماينضم الهما
واهل الكرم يم هالكرم ماتنعد اشخلت
الظلمه ردتها بكمر فرض عشك صلت
....
ابد مو قاروره وحده اعتقدها
العدها بالطف اربعه قاوره عدها
توصل اخبار الحسين وهم ولدها
وكبل لون التره احمر صار
خدها
الينطي الربه يزداد امجاد ويعلي مقامه
باب يصير للخير والطير ينزل لحترامه
تقيم الحزن لبن النبي ماتعبت وملت
الظلمه ردتها بكمر فرض عشك صلت
...
منج اتعلم وفه وحسين احبه
وابجي لمصابه بكلب مترس غربه
انتي لو داعه نحنيتي وعشتي كربه
شلون لو شفتي الحوافر فوك كلبه
عشتي بجمر الفراك واشتاك كلبج للحبايب
بس ماعانج الحيل واليل يمطر بالنوايب
ودموعج لحال السبط كل لحضه ونهلت
...
انتي ياباب الحسين الكله رحمه
شرطج الكبل الزواج نشوفه حكمه
خادمه كلتي اصير وهاي قسمه
يعني منج تبتدي فكرة الخدمه
انتي وفطرس اثنين لحسين ثالث مالكينه
همتو بحبه خدام وعوام عشتو بهالسفينه
خسران كلمن ماصعد ودموعه مانزلت
فرض الوفه
هاي ام الكمر هاي والمــاي واحد من ولدهه سمته الاحساس عباس واضح كل قصدهه
حيدر يرد بيده الشمس علمها وشردت الظلمه ردتها بكمر فرض الوفه صلت
هاي ام الكمر هاي
ٍٍٍ
الها اقره الــــــــفاتحه وخليه يـــمها يكلك الله يــــــــــــاهله لو مر اسمها
الفاتحه بـتها تـــــصير وتحـــــترمها وهيه يـــــــابنت التصير وياهي امها
ولها البسمله حجاب وثياب الكوثر صارت الـــــها لو تـــــــقره قران شبان تــرتـــلهم بــــــــاملها
بسم الحسين توجهت وبحب علي تــــوضت الظلمه ردتها بكمر فرض الـــــــــوفه صلت
هاي ام الكمر هاي
ٍٍٍ
مثل مـايعلم علي بطرق السماوات علمه بـــالاصلاب هم نفس المجرات
الها من وده عقيل هــواي غــــــايات راد لام عــــباس تتبين كــــــرامات
تعنه الها باعجاب خطّاب كصد نحـــو الاميره منه رايـــد ينول الفحول ويهل بدر العشيره
شجرة كرامه ومن نـــــهر كوثرهم تـروّت الظلمه ردتها بكمر فرض الـــــوفه صلت
هاي ام الكمر هاي
ٍٍٍ
شرط اصبح خــادمه تقبل يحيدر اخدم حسين وحسن ولزينب افخر
ولا تكلي فاطمه من اسمي تحذر حسين اشوفه يــلتفت لامه يتذكر
حب عندي لحسين عينين لو انــطي قليله كون ويه الجفوف بسيوف دونه اوكع قتيله
واسمع نداء الفاطمة وفت الـــــي وكفت الظلمه ردته بكمر فرض الـــــوفه صلت
هاي ام الكمر هاي
ظلتي عن الضعن صعبه الــوسيله بالـــمدينه ابقه اداريهه العليله
لون بــــــالطف والكمر انا اشتكيله يبقه حـــاير بيني مابين العقيله
من زينب تعود بوعود وسبي وماكو مواسي تلكاني احضان لحزان جرحه وادمي راسي
تلكاني بـــاب من الصبر لـــو من يسر ردت الــظلمه ردته بكمر فرض الـــــوفه صلت
هاي ام الكمر هاي
هلال محرم
بده شهر الدمه بده شهر الضمه
اله تهوه السمه.. مره ايامه
بده رمح بكلب بده كلشي صعب
بده يرسم غرب.. حزنه وآلامه
سوده وظلمه ايامي
شهر اليذبح احلامي
...
اول سهم بينه انغرز
قوس هلالك صوبنه
منه وبدت نار السبي
وفكد الاهل حيرنه
شسوه الوكت بينه وجرم
وشنهو الذنب من عدنه
موت وعطش وخيل ورعب
وجم طفل ضاع النه
بده كلشي بجرح بده مايه يشح
وراسه فوك الرمح. يالجمة العاشر
بالي ماضل خلي الي ماضل ولي
بويه اصرخ ياعلي. مشبوحة الناظر
تبين مشيت الضامي
شهر اليذبح احلامي
....
لمن شفت صبحك طلع
تغير نبض دلالي
بعيني نرسم حيره وغرب
وتيقنت موخالي
شفت الرخص باليشتري
وماكو اليثمن الغالي
عشت السبي كبل السبي
وبين الغرب ترحالي
مشه بيه بهزل مشي ماينحمل
تالي نصبح نزل وبيت الوحي احنه
جره دم النحر نضمه والله قهر
جنه احنه النهر شوصلنه وشجنه
كسرتي بطولي واعظامي
شهر اليذبح احلامي
....
يوصي الرضا كل شيعته
وجان ابو الصلت ايجاهر
أحيوا العزه وعيشوا الحزن
لو هل هلال العاشر
وذكرو الجره بطف كربلا
شسوه العطش والحافر
كسرة ظهر فكد الاخو
واكف حسين وحاير
حزنه بر ونهر بجه قبل البشر
حتى جفن الحجر يحسين بجيته
لله دمك صعد نعى فكد الولد
خالي باقي المهد والنبله داميته
وكماط الطفل دامي
شهر اليذبح احلامي
....
بروحي الحزن وبمجلسك
ذاك الوعد ثبته
لوتبقه ساعه من العمر
تبقه وتظل بس انته
حسين وخلقني الله الك
لجرح كلب وشلته
ابجيلك سنيني واحس
جرحك جرح ماعشته
بده كلشي وكضه ضلوعه مترضرضه
لحاله ضاك الفضه وناحت اله الزهره
برمح راسه سره واخته متيسره
مره بس يامره يازينب الحره
تهتف حركو اخيامي
شهر اليذبح احلامي
....
لون الحزن سير علي
شبه الظلال تحسه
لاخله لا وجه ورسم
حتى الزغار تلبسه
بس الحزن حزن الكلب
وهذا الي واجب درسه
عكس الوجع من ينكتم
الموجوع وحده يحسه
وانت بر ونهر بجه قبل البشر
حتى جفن الحجر يحسين بجيته
لله دمك صعد نعى فكد الولد
خالي باقي المهد والنبله داميته
وكماط الطفل دامي
شهر اليذبح احلامي
....
المستعد ماينصدم
هذا الحجي بلا صحه
بهذا المثل ماينشمل
فكد الحنين يوضحه
اعلى حسين اخاف من الهوه
وخوفي الكلام يجرح
شلون اصبر وانظر شمر
واكف يريد يذبحه
بده كلشي وكضه ضلوعه مترضرضه
لحاله ضاك الفضه وناحت اله الزهره
برمح راسه سره واخته متيسره
مره بس يامره يازينب الحره
تهتف حركو اخيامي
شهر اليذبح احلامي
....
#متبدي_وجه_الخير
🎤 الرادود خالد الفيصل
✍️ علي السعيدي
🎧 مكساج صوت الحسين
🕌 مسجد الامام الحسن المجتبى
حي الحسين
🎼 الحان ملا رائد العبودي
#يبن_الزهراء
#رابط_قناة_التلگرام
/channel/kailacv
https://youtu.be/JE2iPBQAZoM?si=DZQHVlqbOey6r-OU
Читать полностью…
تابع قناة القناة الشاعر علي السعيدي في واتساب: https://whatsapp.com/channel/0029VbAnuWxAe5VjNeXpW00U
Читать полностью…
علي يوصي اوابو فاضل يلبيله
علي يوصي وحديث يدور بالعيله
تراها ام عون وعدنه تسمعه وتنظره
الكفاله تريد اخو مثلك يدك صدره
....
علي من حس منيته
امر يكتب وصيته
امرهم بالخروج وبس ولد فاطم صفت
مشوا واستثنه واحد
يكله تبقه گاعد
يعباس انت من ولد الزجيه بهالبخت
....
يعباس انت حيدر بعده خيبر بأنتظارك
العطش بيدك تقلعه وعالخيم ترسم مدارك
يخو زينب تخلي زينب بروحك
يخو زينب مشاعل باجر جروحك
وكفتك هاي تخفف لجمة الزهره
الكفاله تريد اخو مثلك يدك صدره
....
حضه بهاي المكانه
وحمل ثقل الامانه
اخذ بيده الوصيه اوقبّل جفوف الولي
اخوها والها كافل
غلاتك يابوفاضل
تعيد انت الملاحم خصمك يضنك علي
تگول بعيني زينب باجر يطفوها عينك
بيمينك من تدك صدرك يجي الدور ليمينك
يعباس العطش باجر فده يريدك
ويعباس الخيم تنطر مواعيدك
وتظل محتار واخيك ينكسر ظهره
الكفاله تريد اخو مثلك يدك صدره
....
يبويه وكوني باقي
ويجي يوم التلاقي
تجيك من البوادي اخباري توصل للغري
اجي بخدر الجلاله
ومحامي اعلى الرساله
انا بين الحسين وزينب ارسم مشعري
بحر من ادم اسوي والمهر يصبح سفينه
اطب بيهم زلازل لوشفت زينب حزينه
اذل حتى النهر وبقه بعطش روحي
اذل حتى النهر لوسالت جروحي
واظل عباس تخبرك زينب الكبرى
الكفاله تريد اخو مثلك يدك صدره
.....
نزل دمع العقيله
علي قرر رحيله
غمض جفنه وسبل جفه ومشو بي للگبر
مظلمه اوحشه داره
وبقت ولده حيارى
على الباب اليتامه بالمواجع تنتظر
اليتامه من تناشد ياعلي والدنه وينه
منو يصدك ابو الروح الحنينه مغمضه عينه
يجي العيد وثيابي السوده ملبوسه
يجي العيد وعبرتي بصدري محبوسه
على المحراب دماك وشدت الطبره
الكفاله تريد اخو مثلك يدك صدره
https://youtu.be/8gwU5sR-PLA?si=4Y-0_ovw0UJIgls7
Читать полностью…
https://youtu.be/2vud0DPUAeI?si=J0ZA88YkjtvxTQqt
Читать полностью…
مواليد شعبانيه
.
...
يحسين يانور العين. عباس ياتاج الراس
...
حسين هل هلاله وطير السعد غناله
بشعبان يوم الثالث الشيعه تحجي بجاله
وحسين صار النورين وعباس عيد الانفاس
...
وشعبان بعده يتابع عباس يومه الرابع
بدر الكفاله اليله كل الفاخر جامع
وحسين بنيان الدين وعباس بجفوفه الساس
...
الحسين باب الخوه وعباس جان النخوه
الناس تشبه للناس وعباس لا بس هوه
وحسين يسميه العين وعباس يسميه الراس
...
رحلة غرامك صعبه التدخل تريد بكلبه
ماينفتحلك بابه ينفطر مثل الكعبه
َيحسين كون بكلبين وعباس ينطينه احساس
....
عباس جينه تسأله حبك نحير انمثله
ينزل لحبك لازم وحي وكتاب وقبله
وحسين بيده الأمرين وعباس يمه المقياس
...
فرحه بشهر شعبان شعبان
نهني سيد الأكوان اكوان
حسين وكمرنه
منبع فخرنه
......
بثالث صبحه اول فرحه صدري تشرحه بحسين امامي
شهر اعيادي وشهر سيادي جن ميلادي بيه وختامي
فرحتي بسمتي بهاي الولاده
نظرته ورحمته الرب العباده
حلوه الك أبوعلي المهابه
والموالي بالفرح بان عتقاده
اجينه ننثر اورود اورود
ونذب هدومنه السود
والي غمرنه منبع فخرنه
.....
وبعده الكافل نوره يواصل بدره الكامل رمز الكفاله
لاموغيره كوكب غيره
باعطر سيره عالم خصاله
والعلم والوفه يمه قليه
تنتمي لحضرته أعظم فضيله
ربته وغذته امه الأصليه
اوصته بسادته بساعة رحيله
مواقف ترفع الراس الراس
الاخوه تريد عباس عباس
وكلما ذكرنه منبع فخرنه
....
وبعده يوادد يوم العابد ذاك الزاهد وزين الخليقه
وفرحه الأكبر مانتصور
على كلب يظهر نور الحقيقة
ولشبيه النبي بهاي المسيه
وبالفرح تتبع بعد اخته رقيه
وبنصف شعبان أظل رافع اديه
ربي كن للمنتظر طلعة بهية
وتفتح الكل الورود الورود
الأمل لرواحنه يعود يعود
من انتظرنه منبع فخرنه
زنجيل ابوذيات
للإمام علي. عليه الصلاة والسلام
.....
البصر عالغير ينغض بس علينه
شكثر رادونه ننزل بس علينه
نموت نعيش نعشگ بس علينه
...
وصعدنه بحبه عالي ماهوينه
ولأن نهوا فغيره ماهوينه
تكلي غيره يوجد ماهو وينه
...
ترى بس وحده عيني ماتراهم
الرهم وياه لغيره ماتراهم
ولان بسيفه قطعا مات اراهم
....
اشوف الناس ميته بس علي حي
كلوب البشر ضاكت بس علي حي
باذان الله وصلاته بس علي حي
....
الكعبه وبيت ربه امه هوه
الجدار وفطره واضح ام ماهوه
رفض ينولد عيسى اما هو
....
فتحله الباري بيته حيدره البي
وعلي الذهب المصفه وحي در البيه
حك البيت يفخر حيدره البي
....
نذكر بايات بارينه والعجاز
واردد بالاسم عمري ولاعجاز
وتولعت بهو والحب ولع جاز
....
وعشك حيدر يكبّر شبي داله
الجفن بالفرح نده وشي بداله
وعلي لو غاب شنحط شي بداله
....
علي شيسد مكانك لو فرضنه
مكانك في سمانه لوفرضنه
ولجلك روس نكطع لو فرضنه
...
ونطش أرواح الك مو واهليه
...
شلون تغفه الباچيه
......
ها يوجه العافيه شو اشوفچ حافيه
ليش من اصرخ رقيه طشت راس يمر عليه
....
طفلة چانت چنها گمره عالبچي ماعدها شمره
حسين تارسها محنه مالحه وبوستها ثمره
بعينها الاحلام خضره عالجفن تتبده عشره
تمشي بالنوك البراءة ضنة بجيتها سفره
شگد بچيت. ونچويت
ياااااحسين ومادريت
خيمتي بعطابها گمت اتيه بابها
والدخان يحيط بيه طشت راس يمر عليه
.....
وهيه طفله وفرهدوها منها باكو راس ابوها
النار تاكل ذكره ذكره وكعدة حسين حركوها
جم حلم بي فززوها غافيه وتحلم سبوها
حتى ذاك الماي حاقد ماوصل لشفاف اخوها
الدنيا ليل. وماكو حيل
وهاي نار. وذيج خيل
وصعبة والله هوايه طفله ومجوايه
تخنك نجوووم الثريه طشت راس يمر عليه
....
خايفه ومحتاجه ضمه ختنكة حسين التشمه
بليل لو طالة صلاته تنام عالسجاده يمه
هسه لو رادته نسمه ادور وماتلكه كلمة
ركضي بالبر يارقيه حسين خلص حتى دمه
بروحي ضيم بعيني غيم
مااااااااالكيت جف رحيم
السوط طكني وساكته بمتني ماخذ راحته
وخاف من امشي سبيه طشت راس ايمر عليه
......
ليش عالي يصير ونها تحط اديها فوك اذنها
ها خذو منج تراجي تكول مايسون حزنها
بس سمعت اضلوع جنها الخيل فرحانه بطحنها
جنه ذاك حسين طايح صوت .آ. يوصلني منها
ذيج ادين وهاي عين
مطشرات. شكد سنين
ذاك جود احلامنه مچفي فوگ ايامنه
من التعب غمضة بديه طشت رأس يمر عليه
.....
وردة بس ذبلانه كلها الجود متبدي وصلها
منه آخر كطره طاحت عالرمل ماتلحگ الها
طفله ماواحد سالها ليش مذبوحين اهلها
غمضت وحسين اجاها ومدت الاجف الاجلها
من بعيد. . انطاها ايد
وگعدوها وما تريد
شلون تغفه الباچيه لراس ابوها شحاچيه
والها تتقدم هدييييه طشت رأس يمر عليه
......
الشاعر
علي السعيدي
