439
أَوقفتُ قلمِي في حُبِ الحُسينِ فغيرِ حُبهِ لمْ أَجدْ يَهويني غداً ان بُعثتُ الىٰ يومِ الحِسابِ رِثائي إِليهِ سوفَ يُنجيني ✍️
الارض ضّجت والسَّمه بأكوانها
و خـيم بـدار الـوحي أحـزانـــها
——————————-
الليله صاعد للسمه خير البشر
يطرق لباب الوحي بهمه القدر
موعد المعبود وي طه السفر
يقبض بروحه هبط وإيمانها
——————————-
يقبض وهذا الامر من السمه
نزلت املاك العرش متألمه
ترفع الهادي النبي وتنزف دمه
اتوشح نشوف الحزن بنيانها
——————————
اتوشح وهذا الجرح بكلب البتول
يجود حين بلوعته طه الرسول
تغمض عيون الابو بحسره وذهول
واليتيمه فاطمة عنوانها
———————————
تنوح خليت الحبيبه من غبت
من الهجر بويه تراني اتلوعت
فرحوا اصحابك من يوم المتت
بينوا غيض وحقد سفيانها
———————————-
ذوله اصحاب المكر اهل الفتن
يكشفه رايح دجلهم هل الزمن
لادين عدهم عالامانة ومؤتمن
من السقيفة تّربوا وشيطانها
علي موفق القزاز
ميت ابوي الغالي
ماتت جميع امالي
بنتك رقية...بنتك رقية
****************
حال الحمامة بلا جنح هيج وتصور حالي
اغفه بجرح يفزني جرح من ألگة مكانك خالي
تـدري ليلـية الدمـع يكـعد نـعـه يقرالي
حلمي اسمعك والدي رُقية بنتي تعالي
تبقة صفنتي اكبالي
ماتت جميع امالي
بنتك رقية...بنتك رقية
************************
بنتك رقية بالدمع غركت يبوية خدودي
جيتك اشبكك والدي ورمت ادية قيودي
يمتة عيونك غافية انظر زراك زنودي
ابوسك حرت كلك نزف خافن تفز يا عودي
تفطر جرح دلالي
ماتت جميع امالي
بنتك رقية...بنتك رقية
*****************
الدهر ذبني من رحت شاحب تغير لوني
طفلة ورحل منها الفرح تقره الحزن بعيوني
إسأل عليها بنيتك شلوني يبوية شلوني
يكعد يسولفك جرح عمري كبر بمتوني
ردتك تشوف احوالي
ماتت جميع امالي
بنتك رقية...بنتك رقية
*****************
كبرني يلغالي البعد شيبي تشوفه براسي
وياي عشرة هالهضم وحزني ترسها انفاسي
يمك اشمن بس عطر عطر النحر بأحساسي
اغفه يبوية بياحضن صار السهر مقياسي
ليل البعد يبرالي
ماتت جميع امالي
بنتك رقية...بنتك رقية
****************
غيمة جنت تحمل حلم تحمل دفو وحنية
بـيـها اشـمـن عاطـفة ريـحـة حـنانك بيـة
معودني اشوفك بسمتي تصبح عليّ يومية
باجـر ألاگـي حـسرتي هي الـتنـوح اعـلية
نوحي يظل يحلالي
ماتت جميع امالي
بنتك رقية...بنتك رقية
***************
عمه اريدن والدي راس بطشت يوصله
عودج يعمه اعله النحر اثنعش طبره تكَله
لن الحبيب بهل الطشت راح الذي مدللـه
طاحت عليه وشبكتة بيش الابو يحمله
تحضن تبوس الوالي
ماتت جميع امالي
بنتك رقية...بنتك رقية
خادم الحسين / علي موفق القزاز
وفاة السيدة رقية (عليها السلام)
كلب حاضن حبيبة
رسم جرح المصيبة
رسم طفلة ونحر & حلم باگَه السهر
يارقية ...... يارقية
&&&&&&&&&&&&
تعيش اويه الصور عافت حظنها
رقية اويه الهضم قـصة حزنـهـا
غفة بيها الدمع ماسـد جفنهـا
وعلى احلام العمر مامر وسنها
انجرح عمر الترافة
يظل دمع الحسافة
انكطع منه الخبر & حلم باگه السهر
يارقية.....يارقية
**********
حين اعله الصدر امثني شمرك
علا صـوت الذبـح لا مـايعـذرك
حرگو هالكلب يوم الكطع نـحرك
ولا صاحي ضلع باقي اعله صدرك
انذبح شوكي وحنينة
الكلب صاخب ونينة
مطشرة اعضاءة وذر & حلم باگه السهر
يارقية... يارقية
*********
زغيرة عله اليتم مدللت ابوها
طـلبت شـوفتة والها نطـوها
بـعد عين الابـو بـنتة ولوهـا
بـسياط المتن ويلي اجوهـا
الحزن خيم عليها
الدمع حافظ بچيها
غايب بعيني البصر & حلم باگه السهر
يارقية....يارقية
********
تحاجي بالدمع والحجي سكتة
يـتيمـة محـيرة بـيـاحالة بنتـة
ظلمة هالعمر واحلامي ميتـة
تموت الفاكدة شتحمل فركتة
عفت بنتك يتيمة
بعيوني الدنية هيمة
ياخذك مني القدر & حلم باگه السهر
يارقية....يارقية
***************^
تعثر بهمها اجت مدري شتگلة
ياوكت نومك يظل لا مو محلة
والحزن كثره الحزن كامت تملة
بشوفتة تنسة الدمع لا ماتهلة
نحيله يبجي حالي
بقيت بلايه والي
شابعة عكبة قهر & حلم باگه السهر
يارقية....يارقية
************
ويلي عالفاكد كلب روحه وحبيبة
الورد طبعه يحن يذَبله مغيبة
تارسه اباله صور تكطع نحيبة
ويلي عاالسافر له ابو يسعر لهيبة
شابحة اعليه عيونة
جارحة بهضمي شجونة
جروحي داساهه الخطر & حلم باگه السهر
يارقية.....يارقية
خادم الحسين / علي موفق القزاز
اعظم ايام العطشان من تمر هاي ايامه
يجمعنه الله بحسين تاج وفخر خدامه
————————————-
الخدمه نعمه ومحتاجه للـ يشكره
بألطاف ونظرة أُمه راح الزهره
الخادم صدك ربك اليرفع قدره
ترضه امه الطيّب راح واحد جرح بالالآمه
••••••••••••••••••••••••••
بالك تضّيع إتمسك بهل فرصه
خير الخدمه لامايُعد مايُحصه
يعله شانك بين الخلك ماتنصه
الخدمه نعمه يلخدام بالك تفوت انعامه
••••••••••••••••••••••••••
كل شهره ما تنفع ابد لا غايه
الخادم يحسب كل فعل كل إحجايه
قدوه لازم بين البشر و إمرايه
تخلص نيتك ويه حسين ياخذ بيدك كدامه
•••••••••••••••••••••••••
ليضّيع بزلة يلخادم تعب اجرك
مايخسر والله بهل درب ابدا عمرك
يتكفل باجر حسين رايح امرك
اقدس درب انتَ البي باجر تشوف احلامه
••••••••••••••••••••••••
ايام الخدمه تبقه الاصل حياهه
يحصد ثمر والله الخلص وياهه
ناتج عمل جنة عدن مسعاهه
الزهرة باجر هيه تكون تّلبسه بشرف إوسامه
•••••••••••••••••••••••
احمد الله واشكره ربك كل يوم
فضّل عليك بخدمة حبيبه المظلوم
السلبوا ثيابه ومن العذب محروم
يساعد كلب امه شلون لمن تشوف الهامه
••••••••••••••••••••••••
علي موفق القزاز
لمُسلم وديعه...اطول سفرته
لا تنطرينه..... ...بغربة روحته
لجيّته لا تنطريين
احبابج بعيدين
يا طفلة مُسلم
————————————-
مُسلم برحله طويله لاتنطري بعد جيه
هل وعد يوم السفاره مواعده ابن الزجية
عاصف بروحج حنينه ونار حسراتج سريه
والدلال الباقي ذكره يقهرج كل مغربيه
توّدعي حنانج... حُبه ولهفته
شتعنه حياتج...تصعب رجعته
تذبل هل رياحيين
احبابج بعيدين
ياطفلة مسلم
————————————
هايمه دمعة حميده مانشف والله مُسيله
شلون مايرجع ابوها فركَت الوالد ثكيله
والزمان الشهر سيفه كل امل مسلم تجيله
والصعب ليل انتظاره الليل لو جن بعويله
راحت تدعيله... إتنطره ابنيته
سالم وتشوفه...الضمهه بمهجته
بآهاتج تندبين
احبابج بعيدين
ياطفلة مسلم
————————————-
رايح لدرب المنايه بيده مرسوم الامامه
وانتي بديار المصيبة ماغفه جفنج منامه
حسين اطفاله تصبرج يعاود الها بالسلامه
لو مسح راسج حميده لليتم بانت علامه
بالغربة يتيمه... ..تسولف دمعته
بهضمج تحاجينه...ترسم صورته
لو بابا تناديين
احبابج بعيدين
ياطفلة مسلم
————————————-
لو وصل طارش يخبرج مسلم بدمه بريده
حامل دموع ونوايح جيت الوالد بعيده
من السطح مسلم يخبرج البكَه براسج حميده
بالحبال اتجره كامت بموتته الكوفه سعيده
ارذال الامه ... مسلم خانته
دورها بظهره... نقضت بيعته
لو حاله تشوفين
احبابج بعيدين
يا طفلة مسلم
————————————
حسين عمج يلحبيبة حاسبج بنته رقيه
عُودج بدم الشهاده روحه قدمها الابيه
الفكد ادري حميده صعب يابنتي عليه
ثقتي هذا ابنه عمي ارتفع مجده للثريا
سفير إلدينه... دمه ثورته
المبدأ احسينه.... ينصره غايته
مُسلم سفير الدين
احبابج بعيدين
يا طفلة مسلم
—————————————
علي موفق القزاز
هالرسالة والوصية إمن الحسن
بيك يفخر عمك بطف المحن
———————————
هل وصيه جاسم ومن والدك
الزمن خلي عيونه اتشاهدك
منحرك رّخصه يغالي معاهدك
تكَر عينه يلولد طول الزمن
———————————-
تكر عينه اعرفك يبني الحبيب
بالكلايف موقفك لا مايخيب
لا تتركه عمك بوحده غريب
اعليه تكثر باجر اسهام الفتن
———————————-
يوم تلبس لامتك يبدي النزال
كالجبل طودك شفت مثل الجبال
شبل هاشم حيدري تخسر مُحال
مثل حيدر فارس إلكل العلن
———————————-
احلا بسنينك شفت حب الجهاد
ويه ابو اليمه نلت سر الميعاد
هذا عن دين ووعي عن اعتقاد
قدمت نفسك ردت اغله ثمن
———————————
بالنوايح رمله عجت بالخيم
راح تعبي راح بنياني انهدم
بدمه زفيت الولد بثوب الالم
بيه فجعوني وجروحي اتكومن
———————————
كل هلاهل زفتك صارت سراب
مايرد ذخري اندفن وسط التراب
هم تعاود يبني لايام الشباب
بغربة اهاتي صفيت ابلا وطن
علي موفق القزاز
ما احتمل فركاك ارجع اخذني وياك
شلون الكلب ينساك ياعلي يبني
****************************
وين رايح ياعلي يا حلم عمري
بدمعة المكسور خاطر انكسر ظهري
ياعلي يوليدي دونك مارحم دهري
عذبني بغيابك يغالي يلولد تدري
اكبر يبعد الروح كلبي ترسته اجروح
بعده يظل يهواك ياعلي يبني
****************************
هل ذخر انت اليه لو رحت باجر
امك وفكدك عليه يكسر الخاطر
اعليك ماينطيني كلبي لجيتك يناطر
خيمتك تنطر جمالك تكحل الناظر
ترجع ينور العين...تترك ابوك حسين
يلهج بقه بطرواك... ياعلي يبني
*************************
حين رايح معتني حسين ابو اليمه
شافه طايح عالارض مسبح بدمه
موقفه يهز الكواكب يحضن بجسمه
بالحصيره حسين تالي الاكبر يلمه
شايل كمر مذبوح...لأمه يريد يروح
وابيا كلب تلكاك...ياعلي يبني
**************************
بجرح كلبه تنظره تنحب بعبره
طوله ذاك منتشر وذره اعله وذره
رادت تبوسه تجي مالكت صدره
حسين حيله عالولد مكسور ظهره
خيمة ابنهه تطيح...الفكدت ذخرها تصيح
ياموت الكدر يدناك.. ياعلي يبني
**************************
امه اني الفاكده الذبحوا ابنها
ابد لا لحظة غفه عيني وسنها
لو كرب ليل الهجر سنيني يجنها
شال من عندي الفرح خيم حزنها
يعطش حناني اعليك...بسهري شكثر أللوليك
شلي بعمر بلياك ...ياعلي يبني
علي موفق القزاز
وياك لو نتوذر...نفداك يابو الاكبر
للموت بدربك ماشين
هيهات نعوفك يحسين
نفداك يابو الاكبر
————————————
عهد من عالم التكوين.... كتبناه بمناحرنه
طاهر حبك ارضعناه.. خالص طيب مرضعنه
نعوف الدنيه والبيها... ومانترك شعائرنه
بكلوبنه تظل جمرة.... يحسين بضمايرنه
للموت مانتراجع....تسمعنه السمه السابع
اتبعناك يا نور العين
هيهات نعوفك يحسين
نفداك يابو الاكبر
—————————————-
وحق ادماك الإنزفت....ضريبه حبنه نصدق
نطينه ارواح منبالي.... بدفتر فاطمة اتوثق
شيعه عالعهد نبقه ...رضاكم ندعي يتحقق
بثوب الخدمه نتميز ....من سندس واستبرق
من حبكم مانتبره ....نقسم بضلع الزهره
لو نوضع والله بناريين
هيهات نعوفك يحسين
نفداك يابو الاكبر
—————————————
برسالات وكتب تنزيل...انقذف حبك يبو السجاد
عايش للازل ذكراك...حزنك سيدي ينعاد
طفوفك جمرة ماتطفي...بأشجان المحب تزداد
بطفلك نقسم ودمه...اجيال التحيِّ للمعاد
ماننسه والله احزانك...طهرت تراب اوطانك
نهجك اصول الدين
هيهات نعوفك يحسين
نفداك يابو الاكبر
————————————-
عشنه بعالم الخدمه..ذليل الإخدم غيرك
سلطان الذي يخدمك..بلطفك تمطر وخيرك
رحيم وشفنه الطافك ...ماخاب الذي يجيرك
للخدمه ثبت اقدامي...مفوض واعرف مصيرك
نعمتنه هاي الخدمه...خدامك يابو اليمه
إوياكم فاز الداريين
هيهات نعوفك يحسين
نفداك يابو الاكبر
————————————-
ندعيلك اله الكون...ماتحرمنه هل خدمه
نضيع بلايه انظارك...دخيلك يا ابو اليمه
لا مال وشهره لا جاه..خادم ينحسب اسمه
اعلينه سيدي نريدك..اديم اعلينه هل نعمه
اوياك بيضه النيه...بس انت العايش بيه
لا مصلحه عندي ووجهين
هيهات نعوفك يحسين
نفداك يابو الاكبر
علي موفق القزاز

روحي عالباقر تظل مالومه
جبده ياويلي تكَطعه سمومه
——————————
اليوم مفجوع الفله كل العباد
وارتدى عرش السمه ثوب السواد
ناح والله لمحنته حتى الجماد
روحه و بنار الحزن ملجومه
جبده ياويلي تكطعه سمومه
——————————-
حزنت بونه والم اهل الكتاب
كُل رسالات السمه تنوح المصاب
بعد ساعه ابو الصادق يواره التراب
بالغدر رايح يخلص يومه
جبده ياويلي تكطعه سمومه
———————————-
ليش ماواحد ابد منهم نجى
ذوله سر الله تره اصحاب الدُجى
فاز كلمن رحله وياهم رجا
همه اصحاب الذكر وعلومه
جبده ياويلي تكطعه سمومه
———————————
ليش ظلمة مهدمه هاي الكبور
ماكو زاير يوصل الباقر يزور
حوّط عن المحب دايرها سور
شوكَ عدها ازيارتك محرومه
جبده ياويلي تكطعه سمومه
——————————
بروحه عاشت يامصايب كربله
شاف مرعوبه وغريبه العايله
ودموم من كَيد العليل السايله
ظل ابو الصادق كليم همومه
جبده ياويلي تكطعه سمومه
——————————-
علي موفق القزاز
اه إعليك يوليدي
عبدالله راح إمن إيدي
أَهزه جاوبني المهد
إِنسي دللول الولد ....
***************
ذبلان سعدي من الضمة مبين عله شكله التعب
لايفز نايم هالولد آه العطش رسمة حِجب
عطشان ابني ياخلك من الضمة كلبه خشب
مادخل ريجة اي لبن ولاگطره ياويلي شرب
مساهر واحاجي بليلي
يبني انهدم كل حيلي
معقوله مااشوفك بعد
إِنسي دللول الولد
************************
ابني ترف مايحتمل من الشمس حاله شصار
مو طبعه نايم هالوكت كلبه جمر يلهب نار
اناغي بعيوني الدمع جوه الرمل خده الحار
شنهو الذنب لبني الجره نحره نزف دم مدرار
ذبحو حلمها سنيني
وميت رحل حنيني
ياقطعة من قلبي وسند
إِنسي دللول الولد
*************************
عشت بحلم عدهه ولد تتأمل ايام العمر
تسهر عله بتوت الكلب تتعب تربي وتنتظر
هيه التكبر هلذخر باجر يلم شيب الكُبر
عبدالله ماكمل الحلم لن انفطم بسهم الغدر
تيتم بسمتي وعيدي
لمن رحت يوليدي
الروح افرشها وعد
إِنسي دللول الولد
***************************
يبجن خواتة ياخلك ولشوفتة بعازة بقن
تحاجي رقية بالدمع خدود الورد يتجرحن
حلم الطفولة ينذبح واية الندى بنحرة قرَّن
بي عطر ابو اليمة بقه قبل رگبتة وانطعن
فك المهد واشبكني
بارد ترة ظل حِضني
رايح ابو وجه السعد
إِنسي دللول الولد
***************************
تناغي سكينة هالطفل يلهب كلبها الضمآن
ياخوية عطشانة انه واعرف دليلك عطشان
سبحان ربي الصورك يا اية من الرحمن
متغيره اوصافك شفت عودك أعاين ذبلان
رايح صدك يلغالي
اوياك ادفنت آمالي
بعدك يظل مالي أحد
إِنسي دللول الولد
************************
فطر شفاف ابني العطش يموت ماشارب ماي
مطشره ضحكة دنيتي بعيوني ضيعت إضواي
بعدك شفت كلشي يقل بس انت عندي الإهواي
إلمن أللولي يلولد اه ياحسرتي ورجواي
تكبر جنت انتظرك
مو كته يُمه كبرك
الكبر ضمك للأبد
إِنسي دللول الولد
خادم الامام الحسين/ علي موفق القزاز
راسه نزله يارمح
عمري صار بلا صبح
يارمح وارحم حالي
نزلي راس الغالي....يارمح
—————————-
يارمح بِالله اسألك وانت تعرف حالتي
الليل وي جروحي يسهر وي غربتي ودمعتي
الجان تارس والله بالي هجره تارس صفنتي
راح مني الدللالني بعيني ظلمة دنيتي
بطيب كلبه وعشرته
تسرني جانت شوفته
عندي كل آمالي
نزلي راس الغالي....يارمح
———————————-
يارمح يتعب منحره يرتاح خله بحضني
ياذيه ادري لو علم من السوط ينزف متني
وامسح دماء من شيبته رغم الحبال تعتني
من دمعي اقطره ردت واروي شفافه ذني
شفاف ابوي مفطره
كسر ظهري منظره
نزف دم دلالي
نزلي راس الغالي...يارمح
———————————-
يابويه انظر جبهتك باقي اثر ذاك الحجر
لمن احضنك بي شفت اثنعش طبره عالنحر
المن عفتني بيا جرح زماني شبعني قهر
بنيتك اني و راحتك متعب عيوني السهر
بثوبي اسويله إفياي
يتلوه ياويلي جاي
راس الحنين اكبالي
نزلي راس الغالي...يارمح
———————————
كعدن بناته يعاتبن كلمن اجت تشكيلة
هاي الفواطم هايمه بعازة ابو هالعيلة
شلعو تراجي بنيتك بيه يجر كل حيلة
اني رقية الغالية اذاني الشمر ارويله
مني خذوا ترجيتي
وناكة هزيلة ناكتي
حادي الضعن جتالي
نزلي راس الغالي....يارمح
——————————-
وعمتي زينب حايره تعاتب اشوف بعمي
اعتاب الاخوه بلا زعل وتكله ريتك يمي
مدللنه كل يومك جنت وجان الاميره اسمي
دار الوكت رحنه بسبي وطافي بسمايه نجمي
اكعد تكله ياكمر
بالغربه ودانه القدر
انت المحامي الوالي
نزلي راس الغالي....يارمح
——————————
يارمح عطشان الابو تلهب جمر لهاته
يقشعر جلده ياوسف من ينظر إبنياته
مايحتمل انا انولي يغمض شفت نظراته
من اشكف اسياط الزجر عالي صده وناته
خليته عاري عالترب
راسه بعوالي منخضب
ذبح الابو يبرالي
نزلي راس الغالي....يارمح
علي موفق القزاز
كولي شتطلبين زينب لاتحيرين
يسجد يمج الكون اقسملج بالحسين
&&&&&&&&&&&&&&&&&&&&&
كلشي مايصعب عليه للخيمة اجيب المشرعة
كولي يازينب واطلبي هل الطلب ما ارجعة
اني اخوج و هم كفيلج الحومة بالدم دامعة
اني مذخور لدينتج وصتني ام الاربعة
زينب انا عباس غيرة كلي واحساس
كافل اني الاضعون اقسملج بالحسين
******************************
عندي مايعني عددهم راح اراويهم طفوف
اطلعهم جوه ارضهم يرتعب بيهم الخوف
للامامه روحي ترخص عيني فدوة والجفوف
اليفكر گرب يمج موته اهون لو يشوف
عشرتنه وغلاتج ماتنمس عباتج
بيه شراح يشوفون اقسملج بالحسين
****************************
بطلعه وحدة فحطتهم دم ابجيهه الزلم
سيفي يتخاطف ركبهم رؤوسهم دون الجسم
اترس الطف بجثههم جن قيامة تنرسم
واروي هل گاع بدماهم حيدري هذا العزم
اشمر بيدي الاركاب سيفي يبدي الاحساب
قله اكبال العيون اقسملج بالحسين
****************************
سترج الخوة يزينب بركبتي غالي الخدر
سيفي مايرحم نزيلة يعزب اركاب الغدر
اطمئني بجال أخيج باجر يلوح النصر
مااريد يسيل دمعج هذا يهضمني الامر
مسحيهه دمعتج تاذيني نظرتج
وحك عينج يحلمون اقسملج بالحسين
***************************
زينب انتي يلاميرة مدلله بزود الفحل
عشتي عمرج يلحبيبة مايمر بيج الزعل
غيرتي انتي يزينب سيوفهم تسجد وجل
عرشج بعيني امانة لو امر ربي حصل
فدواتج عيوني يلعشتي بشجوني
بموتي هم يخافون اقسملج بالحسين
*************************
كربلة طلبت كفالة ابشري بيوم الكفيل
باجر امطرة عليهم بالدمة الاحمر تسيل
ازلزل الطف بوجودي وبيهم الدنية تميل
مكحلهه بيَّ الحرايب الموت خاويني خليل
مبخوته بوجودي & عالي يلوح زودي
مني ما يعرفون & اقسملج بالحسين
خادم الحسين / علي موفق القزاز
وفقتني الخدمتك&& عيشتني بنعمتك
إلك شكراً ياحسين
••••••••••••••••••••••••••••••••
لولا انت والله اضيعن عمري صاير بالوهم
يافضل هاي الخدامة منزلة رفعة وكرم
عمري صاير بالمجالس وجمرة من نار الخيم
كلنه عابس احنة صرنة عشك جونك بالالم
ياصراط الخاتمة&& يادمعتي الهايمة
الك شكراً ياحسين
••••••••••••••••••••••••••••••••••
دنية مااريد ومظاهر لاتفاخر لانسب
غير ترضة حسين عني خادمك كون انحسب
حسين ابوي وانت امي والعشيرة والحسب
وانت كل خيري ونعمتي ماترد ابنك طلب
فضلتني عالبشر&& ممنون يابو الاكبر
الك شكراً ياحسين
••••••••••••••••••••••••••••••••••
ياسلام الله اعله نحرك البچة يحسين الوجود
واعله صدرك ياحبيبي عل الثرة وحدة يجود
واعله صوتك يوم ناده هالغيارة ماتعود
صحت وينك يابوفاضل هشمت صدري الحشود
انكسر ظهره بطيحته&&دمعه غركَ شيبته
الك شكراً ياحسين
•••••••••••••••••••••••••••••••••
ملك خليتة اليخدمك إتلبسه تاج الفخر
عايش بلطفك وجودي مالي حاجة لأيّ بشر
اذب يمك ماي وجهي سنونه لو حده الدهر
وجفي بس بابك يدگه باب الله ابو الاكبر
عفت يمك دمعتي&&انت تعرف قصتي
الك شكراً ياحسين
•••••••••••••••••••••••••••••••.
جمر دمعاتي لمصابك انتَ ياوحيّ الضمير
أهجع بنوحي وحسرتي بمملكة حبك أسير
تقرأه بأحساس الجوارح شفتك بعين البصير
مااصدك تموت ضامي وانت ابو گلب الجبير
انت زمزم تنوصف&&ابد بحرك مايجف
الك شكراً ياحسين
••••••••••••••••••••••••••••••••
انت ياطعم السوالف بحضرتك يحله الكلام
ترد عليّ من اسلم بلايه خنصر هالسلام
دمعتي اطيح اعله بابك هايمة بشوك وغرام
انتَ عايشهه شعوري ومالك شجون وهيام
جنة الله حضرتك&&حِن عليّ بنظرتك
الك شكراً ياحسين
خادم الحسين/ علي موفق القزاز
السلام عليكم جميعا خدام الامام الحسين عليه السلام
سوف تنزل قصائد شهر محرم 1443 تباعا
اسألكم الدعاء بالتوفيق والقبول ان شاء الله
عَليْهِ يَنْحَبُ سَّبْعُ الشَّداْدِ
مَسْمُومٌ قَضْىٰ هذْا الجَّواْدِ
____________________
تْاسِعُ أهْلَ العَبا بِسِّمٍ قَضى
خَيْرُ دِينٍ وعِلْمٍ لِنَسلِ الرِضّا
أعْلَنَ الحُزْنَ سَّجِيا كُلَ الفَضّا
ثَلاثُ أيْامِ الأسّى بِهْجِيْرِ اللَّظَى
فَتّ السَّمُ حَتْى الفُؤاْدِ
——————————
على السَطْحِ بْاقٍِ يَلوجُ السَمْ
يَذْكِرُ العَطْشانَ راْحَ بِروحِ الهَمْ
في مَراْمِ الطّفِ يَنْزِفُ الدَمْ
مَوْقِفْ المَذْبوحِ بِفِكْرهِ تَحْتَمْ
صْارَتْ لهُ الرِمْالُ مِهْادِ
—————————-
أُم الفِضّل أتَّتْ بِِعْنَبٍ تَرْعى
أصّابَتْ كَبْدَهُ بِسْمِها جَرْعى
سَماءٌ وَأرْضٌ للجَواْدِ تَنْعى
للفُلْكِ عُيوْنٌ هَلَتْ الدَمْعا
الكونُ إرْتَدى ثَوْبَ السَواْدِ
—————————-
مِنَ السَطْحِ رَّمَواْ نَعْشى السّماْ
مَلاْئكٌ أهْبَطتْ تَبْكيْهِ دَماْ
نُوْرُ اللهِ هْذا فصُحٍ وحِلْماْ
صّلى الوُجوْدُ بِجَمْرٍ سَلَمْا
العَرْشُ أذْرَفْ دَمْعَ الحِدْادِ
——————————
لِلجُوْدِ جَواْدٌ لِغْاياتِ المُنى
أرْضٌ فِيْهِا طْابتْ جِنْانُ الهَناْ
أُزْلِفَتْ لِلقْاصِدِ مِنْ طِرْقِ العَّناْ
ظَهْرُ النْائِبْاتِ بِبْابهِ إنْحَنى
أناخَتْ بِرَحْلهِ هُمومُ العِبْادِ
علي موفق القزاز
المهدي ناداكم زوار الحسين
علي وياكم زوار الحسين
من ترف الراية&& نعتني مشاية
زوار الحسين
•••••••••••••••••••••••
المهدي ناداكم يشيعة ونار كلبه تستعر
هلا بيكم يلنشامه هناك جدي ينتظر
انتو ناموس وحمية بيكم انه افتخر
تَهودو جروح العقيلة تبرَّدو هضم اليسر
روحي ترعاكم إبلهفة ماشين
شلون انساكم إبلهفه ماشين
جدي هوه الغاية&& نعتني مشاية
زوار الحسين
•••••••••••••••••••••••••
الزهرة وياكم تنادي اه يبني المنذبح
اذكروا مصابه ومحنته احساس كلبي منجرح
ابو اليمه عاري وحده دمه باقي المنسفح
شلون قران النبوة منذبح فوك الرمح
بدمعه تناعكم مسطورة هلـعين
ويه ممشاكم مسطورة هلـعين
نطت النه احجاية&& نعتني ماشاية
زوار الحسين
•••••••••••••••••••••••••
هله بيكم يلكصتو ارض طيبه كربله
مانسيتو العهد هذا تواسو ضعن العايله
حسين يفرح من يشوفك ملتزم من توصله
هو دين الله ووجودة حسين سر المسأله
حسين يريدكم بالعزه باقين
ياخد إبيدكم الينصرله هلـ ـدين
ماتهمنه امناية && نعتني مشايه
زوار الحسين
••••••••••••••••••••••••••••
التعب يسوه يزاير المهدي دمعاته دمه
بنوحك تواسي العقيلة وامه تهجع فاطمه
ابظهره ابو اليمه شتخوفه لا خضوع ولايمه
توفيق محتاج ودعاءه حسين مُرسل مرحمه
بعطفه يشملكم لأطافه راجين
بجنته يجمعكم لأطافه راجين
نفوز كلنه بهايه&& نعتني مشايه
زوار الحسين
•••••••••••••••••••••••••••
شلون ننساهه اربعينك حزن يعكوب الكلب
حاضر بنوح ونوايب المهدي دمعاته تصب
عايش جروح العقيله عاشت الالام الغرب
بديره عماتك حياره ابداخلك موقف صعب
بهذا ممشاكم ابكلبه غالين
بحبه يلكاكم ابكلبه غالين
ينطي كلشي إهوايه&& نعتني مشايه
زوار الحسين
••••••••••••••••••••••••••
واجبه عدنه الزيارة مثل حجى واعتمر
لكعبتك هامت تطوفك زحف جتك هلـبشر
زار عرش الله اليزورك بسجل زواره اعتبر
تغرم كلوب التحبك يوسف بوصفه ابتهر
انت رجواهم كهف الملايين
صاح حياهم كهف الملايين
هله بالوفايه&& نعتني مشايه
زوار الحسين
خادم الحسين/ علي موفق القزاز
تلگانه ....تلگانه ..دوم اعله الوعد
مولانه ....مولانه...منعوفك ابد
معشوكي أمشي وبجمراتي
فدواتك كل تعب خطواتي
—————————————
بلايه قيمه ايامي....مشتاكة والله اجدامي
حافي تمشي الضامي...ننتظر جمر اللقاء
عهد هذا انطينه... بكل صفر تلكَينه
لا والله ماناسينه ....تشهد اعلينه السماء
اخذ هاي الجلمة....المحب يمك حلمه
الك كلشي مقدمه....هاي صرخات الولاء
احلامه ....احلامه ....يوصلك بالاربعين
صرخاته...صرخاته... لبيك ياحسين
محبوبي بي تدك نبضاتي
فدواتك كل تعب خطواتي
—————————————-
شفت دربك راحة....صوت حبك صاحه
عشك جونك لاحة...إبحر عطفك ارتمي
بموج بحرك ساير...العاف شخصك خاسر
بجمر حزني مناطر...بيك اذلن لايمي
هذا درب الجنة...الارض بي تحسدنه
كل مرض ميهمنه...الدخل حصنك ينحمي
هنياله ...هنياله ....مجوي إمن الخيم
لعباسك...لعباسك...رافعله علم
خليني ذايب بحسراتي
فدواتك كل تعب خطواتي
—————————————
سبي زينب بينه ...عين اخوها اعلينه
طيبو جرح احسينه...من تماشو ام الخدر
صعب ظل ممشاها...يعثر الطف اوياها
ولا اخو اتلكاها.....من بعد عشرة عمر
كل جرح ياذيها...حيل ماظل بيها
يا صبر يرثيها...شيحمل الفاكد صبر
واسوها ...واسوها...وي ضعن العايله
وياكم.....وياكم ......توصل طف كربلة
تعرفني من هضم عبراتي
فدواتك كل تعب خطواتي
————————————-
ارد اوافي عهودي...الزهرة شدة زودي
جنتك مقصودي ....رحت ازور الغالي
إمأذنه بيه جروحي... تحاجي صارت روحي
بونه زيدي ونوحي....بعيني دمعي هالي
رحت طريت الفله ...بيه فرحت كربلة
قبلتي عقد الوله ....مشتاك يدري بحالي
تدرينه ....تدرينه ....ماخنت العهد
گاصدله...گاصدله..الشايب والولد
ودموعي تواسي وي اهاتي
فدواتك كل تعب خطواتي
————————————-
مقدسه هاي الشعيره...المهدي حاضر هالمسيره....بجفه راية ابو الغيره...اويانه كاصد جده
يمشي وي ممشانه...بشوگه ظل حيانه
بكلبي انتو هنانه...انصاره انتم عنده
الذرف منكم دمعه ...بكبره يشعل شمعه
يخصه باجر وضعه ....اخذو هذا وعده
بشرنه...بشرنه ......هالزاير لايهم
واعدنه ..واعدنه...كلمن بالاسم
بمهدينه يستجب دعواتي
فدواتك كل تعب خطواتي
—————————————
عين الله اويانه ....الرحمه تمشي اويانه
بهل درب ترعانه...عنه ترضه فاطمة
بنيه راح لكبره ...الف حجه وعمره
الزار ابن الزهرة....ينول حسن الخاتمه
إثنعش نور يحضره...يسقيه باجر كوثره
الجنة لجيته ناطره...هذا شرف الغانمه
بجناته ...بجناته...يسقينه من العذب
بجناته .. بجناته ... مايضمه هل كلب
وانعامي من فضل ساداتي
فدواتك كل تعب خطواتي
علي موفق القزاز
مذبوح وشفت جروحك يابويه هواي
جبدك جمراته تلهب ماشارب ماي
قران الباري يذبحونه
وثوب العرش يسلبونه
يابويه حسين
———————————-
اركض جيت... الك ونيت
سيل دمعي يسبكني وجرح همي
بتوالي الليل... تراني اعليل
كل خطوه اعثر والكلب مدمي
شفت موقف يظل مهدملي حيلي
صحت وينك علي بويه تجيلي
وانا تدري الهظم تارس دليلي
لاكمر راح انتظر يفزع يويلي
خيول اسمعها ترضك بصدرك حافر
تنادي ولاواحد يمك بظهريت العاشر
بخيول صدره يسحكونه
وثوب العرش يسلبونه
يابويه حسين
———————————-
ولا اكدر ... انا اتصبر
طحت مذهول انحب يمك وحاير
بلا عمامه...وجرح هامه
جم طبره بنحر تفجع الناظر
بعد ذاك الوجه متغير انظرلك
هوايه والله طحت حته اوصلك
إمن الخنصر تره كمت واندلك
الف واكثر جرح ياهوه اعكدلك
من جفك بويه اعرفتك مخضب شيبك
ملتمه اسهام بصدرك طايح حبيبك
زمزم شخصك ويحرمونه
وثوب العرش يسلبونه
يابويه حسين
————————————-
بجرح همي... نحل جسمي
اصد اعله الجسد تنزف جروحك
اخذ عمري...هظم صبري
عطر بث النحر واستمع نوحك
وحيد اويه الحرم وتسيل دمعاتي
يبويه ابلا خيم عمتي وخواتي
تظل اعله النهر مشبوحه نظراتي
اخوتي اعله الثره تحديني اهاتي
الاكبر شفته موذر ومتعفر جسمه
بالهيمه ركضت امه تحضنه و تّشمه
الهادي هذا يوذرونه
وثوب العرش يسلبونه
يابويه حسين
————————————
انذبح رسمه... اندفن حلمه
شفت رمله اجت تمسح ادمومه
ولا زفه ... رحت وسفه
مغير بحر الشمس هيبة ارسومه
صارت شموع الولد بدمه خضابه
مغسله بفيض الدمه صارت ثيابه
رحل ذاك السهر دفنت شبابه
تون حكَها تون لحسرة مصابه
تفرح رادت بايامه ويعوض ارباي
لسنينه جانت تحسب ابني ورجواي
عريس بإمه يفجعونه
وثوب العرش يسلبونه
يابويه حسين
—————————————
نحر طفله.. غفه بنبله
سكت حتى المناغله وانخفه ونه
انخفض صوته....كرب موته
تهزه إبيا مهد وتلوليه تتمنه
بسة اشهر عمر وماشبع منه
سهم المثلث اجه للركبته اتعنه
جن طير انذبح تعاينه جنّه
اعله صدر الابو عبدالله اوسدنه
مذبوح بصف مذبوح عطشان وعطشان
ماشارب كطرة ماي جروح ودخُان
امنيته الكوم ويسكونه
وثوب العرش يسلبونه
يابويه حسين
——————————————
حرم وايتام... نروح الشام
ثكل قيدي مجرح اجفوف اديه
إويه الثمانين...عمتي يحسين
فاكده الراي مروعه هل هاشميه
السياط اعلينه تنزل وماعدنه حيل
بيه خواتي لايذه واني عليل
اشكف ابيدي عليهن ودمومي تسيل
مخدرات اهل السمه بخرابة الليل
كلام الشامت نسمع وينه العباس
مايرجع ينظر اخته راعي النوماس
مايفرغ يحدي ضعونه
وثوب العرش يسلبونه
يابويه حسين
علي موفق القزاز
أُمنيتي عينك غافيه بحضاني
أُمك اني الفاكده عنواني
——————————-
اهز مهدك واناغي يلولد يَمك
ماحسبت مره تروح من امك
برد والله حناني رايده اشتمك
ياتعب العمر بإهاتي تلكاني
——————————-
ثمر تعبي راح وايام السهر
رحت مني والكلب حس بالخطر
ماترد سالم الي يكول الدهر
باد صبري والحزن نيشاني
——————————-
ماشبع حضني ابد يمه تنام
شلون باجر ركبتك تشبك سهام
مثل طير تفرفح بذبحه الحمام
من يوم الرحت انهدم بنياني
——————————-
للخيمة مااطبن بعد يبني عداك
حين انظر عالمهد خالي بجفاك
حار سهم الصوبك لمن اجاك
بروحي جنه هالسهم صاباني
———————————
سهمك بروحي يوليدي استقر
ماي تطلب والعطش كلبك فطر
يسقوك تاليها من دم النحر
راح انصب فاتحة احزاني
علي موفق القزاز
لا سُكينه عفتوا يمي ولا رقيه
جن هواكم كَلي راحوا للمنيه
——————————
ضعني ماشفته اوياكم مستعد
جن يكلي احساسي اهلي ماترد
يهد حيلي لو يمر ليل البعد
دار الاحباب الصفت وحشه وخليه
——————————
بداري ابقه إمساهره بخيط الامل
اه يا ساعة ضعنكم من حمل
بهمي اني مناطره اباب الاجل
اكطع الضنه بعد يهل الحميه!
——————————-
الضنه اكطع ياهلي لو انتظر
سارح بروحي الالم طول العمر
طفله عدكم ضايعه بضيم الهجر
والهجر زاد المرض عِله عليه
——————————
بعد ابويه غاب كل ذاكَه ضواي
وي خواتي رايده تكلي تعاي
فاطمة وخنكه شفت شمة هواي
وي دمع عيني اسولف هل رزيه
——————————-
وي دمع عيني اسولف كل وكت
ماتهون العشره وياكم شفت
إهواي يحبابي عليكم ساهرت
وبدعائي انتظر صبح ومسيه
علي موفق القزاز
يْافاطِمَةْ إقْبَلِينيْ
أفْنَيتُ كُلْ سِنينيْ
في خِدْمَةِ الحُسَينِ
*********************
افنيت يابنت النبي عمري الجاني
ياسائلاً منهو انا هاكَ عنواني
لفاطمٌ خادم انا للحسين اني
شرف الخدامة يابشر سرها رباني
لي حُبهم نَجْاتِيْ
في سْاعَةِ المَمْاتِيْ
في خِدْمَةِ الحُسَينِ
••••••••••••••••••••••
يا فاطمة الخادم انا اوكلتو امري
ودفتر اعمالي انختم بالخدمة عمري
ما لي ملاذاً غيركم والله يدري
في القلبي ذا حبكم في الروحي يسري
يْامُهْجَةُ الفُؤاْدِيْ
وَ حُبُكم مُرْادِيْ
في خِدْمَةِ الحُسَينِ
••••••••••••••••••••••••
كلمة الشكراً احس يمكم قليلة
نعمة حبكم ماحصل ابداً مثيلة
رحمة انتم مرحمة للجارح دليلة
ماعدنه غير اهل العبة والله وسيلة
ماقيمتُ وجودي
باقيةٌ عهودي
في خِدْمَةِ الحُسَينِ
••••••••••••••••••••••••••••••
ميزني ربي عالبشر برحمة العترة
والنيتة بيضة مخلصه خادم الزهرة
اشكر الهي واحمده فضلي شكبرة
خلاني اخدم فاطمة بلطمي والعبرة
في عَبرةِ الدموعِ
والنوحي والجزوعِ
في خِدْمَةِ الحُسَينِ
••••••••••••••••••••••••••••
لو نزلوني الحفرتي وانغمضت العين
عن يمنتي منكر سأل عمرك كظة وين
هاكَ جوابي بلسماً في خدمة حسين
هيه التنور غربتي من وحشة البين
مَخْتومَةٌ سِنينِيْ
حُسينُ هوه دينِيْ
في خِدْمَةِ الحُسَينِ
••••••••••••••••••••••••••••••
آخرتي هوه ودنيتي عبده اخدمه
خادمها تتفضل عليّ تقبلني امه
يسموني خادم فاطمة خادم ابو اليمه
مرفوع شاني بخدمته كل زودي بإسمه
شُكراً إلك حبيبي
يامُنيتي وطبيبي
في خِدْمَةِ الحُسَينِ
علي موفق القزاز
هذا صوتٌ رددَ نحر الحسين
الف شكراً من ضناج ام البنين
——————————
صوت صرح من ذبيحه كربلاء
بشرف يوصل بالفخر لام الوفاء
عبدالله عون وجعفر وحامي اللواء
خطو بوجة السمه بخط الدماء
كتبو بدمه الوفه هلـ ثائرين
الف شكراً من ضناج ام البنين
——————————-
ارماح متهمه ابد إنبال وسيوف
قدم العباس عالشاطي جفوف
ذاك جعفر تشهد لعزمة الحتوف
وعون بركاب الزلم سيفة يطوف
الروح تفداك حسين العاشقين
الف شكراً من ضناج ام البنين
———————————
هذا عبدالله برز بسيفه الهمام
يرد صفين وجمل بيها الخصام
دنكت من هيبتة سيل السهام
فادي روحة مهجتة لابن الانام
كلبه مفتون بعشك روح الامين
الف شكراً من ضناج ام البنين
——————————
شنحجي عن عباس قران الصمود
انطه روحه ومهجتة وكلتا الزنود
الاسد ميخلف ابد غير الإسود
هذا صنديد الرجم كل الحيود
هوه تارك عالنهر عين واديين
الف شكراً من ضناج ام البنين
—————————-
انت موسوعة وفة نشكرج قليل
انتي ربنه العظمج يم الكفيل
دمعة لحسينج تظل عالخد تسيل
ردتي نعشج يحمله يوم الرحيل
يبقة شوك الوالدة يمطر حنين
الف شكراً من ضناج ام البنين
——————————-
يلجليلة الصابرة يم الاصول
خادمة ردتي بفخر لال الرسول
نكران ذاتج حيرت كل العقول
ادعوني ام الاربعه ارضاهم انول
الج شكرانه إلاله العالمين
الف شكراً من ضناج ام البنين
تمت
علي موفق القزاز
ودموعُ الحزنِ حجّت تنادي
فالعلمُ ارتدى ثوبَ السوادِ
لِمصابِ الباقرِ بكى
امامُ الدينِ قضى
———————————
صور للباقر تظل بالطف علامات
عصفتْ قلبه جروحاً تدمي السموات
عاش مهموما حسيرا بإدهى الجراحات
كيفَ فرّن بالبراري هل الفاطميات
كان الباقرُ شاهدَ المصيبةْ
ناح نادبُ الجثةِ السليبةْ
بدمعهِ الساجم نعى
امام الدينِ قضى
———————————-
اتجرع سنين الهضم بطف النوايب
حين ينظر عالثره اجساد الحبايب
حسين جثته مخضبه فوك الترايب
بقت عمته حايره بذيج الخرايب
ونوائحُ قلبهِ عجّت بروحهْ
جرحُ كربلا اكبرُ جروحهْ
للسَما همهُ شكى
امامُ الدينِ قضى
———————————-
بيد ابن عبدالملك تخلص سنينه
اتجرع اسموم الغدر الله اليعينه
هوه بفراش الالم يذكر حسينه
جده عطشان انذبح كطعو وتينه
دمعُ الباقرِ ابكى الكواكبْ
ادمى مهجته طفُ النوائبْ
مصائِبُ الدهرِ لقى
امامُ الدينِ قضى
———————————-
للبقيع الروح تهفوا تزور الاحباب
بيه حسره هايمه لكبور الاطياب
لجن وسفه مهدمه صارت اتراب
يمته للباقر اشوفن حضره محراب
راياتُ الحقِ تخفقُ غدا
ثأرُ مهدينا يمحي العدى
منقذُ الامةِ اتى
امامُ الدينِ قضى
——————————-
اللهم عجل بالفرج الطلعة البهية
الحضره باجر تنبني الباقريه
يعلي المناير شامخة ويه الثريه
نشوف المواكب تعتني صبح ومسيه
غيرةُ اللهِ يأتينا بثأرهْ
للنجمِ زاهيٌ يلوحُ قبرهْ
مزارهُ للافقِ على
امام الدينِ قضى
علي موفق القزاز
مُسْلِمٌ وكفى بهِ سَفيراْ
لِحُسينِ السبطِ كانَ نصيراْ
راحَ ناصر للحُسينْ
عن عقيدةْ ويقينْ
مسلمٌ ابنُ عقيلْ
____________________
ابنُ عمِ السبطِ مِنْ الِ هاشِمْ
لايَخْشى جمعا لا يابى الصوارِمْ
بكفهِ الصمصامُ زمجرَ على الجماجِمْ
كـ كرارٍ عمهُ في الحتفِ حازِمْ
ككرارٍ لايكر ابن الرسالةْ
ابنُ عقيلٌ برهنَ معنى البسالةْ
هو خيرُ الناصرينْ
عن عقيدة ويقينْ
مسلمٌ ابنُ عقيلْ
——————————-
دعوةُ السلطانِ الى الربِ لبى
ايةُ النصرِ المبينِ مسلمٌ اتلى
اخرس طاغوتهم قصرهم رجى
ابنُ عقيلٍ مُرديا جمعهم شتى
سفيرُ السماءِ بالحقِ اتى
دين اللهِ حاملٌ خيرا فتى
من الهِ العاليمنْ
عن عقيدة ويقينْ
مسلمٌ ابنُ عقيلْ
———————————-
يوم للقصرِ امتطوا وصي الامامه
بعالمِ الحبِ لقى معنى الكرامه
حسينُ مولاه فقط بإصدح كلامه
بقلبهِ الصابرُ حبى مسلمٌ سلامه
سلامُ اللهِ يا ابنَ مُحَمَدْ
وسلامُ الشوقِ لرؤياهِ ترددْ
اليهِ سلامُ العاشقينْ
عن عقيدة ويقينْ
مسلمٌ ابنُ عقيلْ
——————————-
حينَ مسلم ارتدى ثوب الشهادة
سفير الحقِ يعرفُ ثورة جهاده
لدينِ المصطفى معنى السعاده
اميري حسينٌ سيدي بروحِ الإرادة
الخلودُ قائلٌ وِرْدا هنياْ
يلقى الالهَ مُبشْرا سَنِياْ
في رحابِ المؤمنينْ
عن عقيده ويقينْ
مسلمٌ ابنُ عقيلْ
————————————
شربةٌ للماءِ طلبَ بها يسقى
خير كوفان راى طوعةَ يلقى
نعمَ ما منها صدر موقفٌ حقا
معنى المبادئ والقيم سطرتْ صدقا
كوفان لو تفخرُ لطوعةِ الفضلاْ
الى دينِ السماءِ قلبُها لبى
نِعما وفت الى الدينْ
عن عقيدة ويقينْ
مسلمٌ ابنُ عقيلْ
————————————
إشهدِي لهُ ياطوعةَ بِنْتُ الاطايبْ
ابن عمِ حسينٍ يَرجعُ يُراقبْ
وحدهُ غريبٌ حازِمٌ بين الكتائبْ
ابنُ عقيلٍ ها هُنا سيفهُ يحاسبْ
طوعةُ الفخرِ اشهدِي لِمُسلمْ
كـ حيدرةِ الكرارِ صورٌ يُجَسِمْ
تشهد عليهِ الميادينْ
عن عقيده ويقينْ
مسلمٌ ابنُ عقيلْ
علي موفق القزاز
تسعى وين بين تل الزينبي بين المخيم
تسعى وين بين راس حسين لو راعي العلم
بسبعة اشواطك تطوف
تلبية بأرض الطفوف...تسعى وين
**********************
كل حجيج الدنية ولمكة سعيهم
بس ضعن جدك نوه للطف رعيهم
غايتة دين النبي صلحه يجيهم
طالباً صلحاً فقط حجة عليهم
مقصدة الدين طالباً صلحاً لأجل هاي الديانة
مقصدة الدين الراسم بدم النحر دينه وكيانة
انقاط يوضع عالحروف
تلبية بأرض الطفوف....تسعى وين
*******************
يلمهدي ياجرح الشفت يألمك اكثر
من شفت عمك عالشاطي توذر
لو شفت سكنة صحت عمنه تأخر
لو اخو ظهره انكسر كام وتعثر
ظهر الحسين هذا عباسه الوكع بيهه تسند
ظهر الحسين انكسر لمن اجه براسه العمد
كَطعوا منه الجفوف
تلبية بأرض الطفوف...تسعى وين
******************
ياجرح بعده شفت تسولفه روحك
جرح جدك عالثرة مهدم صروحك
كاعد بوحدك تون ليلك ينوحك
بس جرح واحد بقه اعمق جروحك
بالغربة لافين تنوح عماتك بقن ويلي ضماية
بالغربة لافين شافن انواع المحن بدرب المناية
كلها شماتك تشوف
تلبية بأرض الطفوف...تسعى وين
*****************
يقرح جفونك جرح عمتك سبية
الجانت بسد الكمر تالي امية
يمها راسها اخوتها وتلاوي المنية
يمهدي من القهر طاحت رقية
تبجي العيون اكبر همومك شفت محنة رقية
تبجي العيون بالقصر من شَتمو اهل الحمية
ياجرح تنعى وتعوف
تلبية بأرص الطفوف...تسعى وين
***************
تسعى وين بيا جرح وبيا مصيبة
بين نار الخيمة لو نار الغريبة
بين محبوب انتظر شوفة حبيبة
شيبة شافت طفلتة بالدم خضيبة
بنية حسين طاحت اعله الابو راسه تحضنه
بنية حسين ماتت بدمع اليتم راح اليضمنه
والالم بيها يحوف
تلبية بأرض الطفوف...تسعى وين
******************
وحيدة ظلت عمتك بليل المناية
مرة تركض للخيم اطلع السباية
عمه تعبنه العطش كلنه ضماية
ذَبّحو اهل الوفة بالطف ضحاية
حجتك وين خاطرك نشوف انكسر بهاي الليالي
حجتك وين عاشرك دمعة وتون لرؤوس العوالي
كسرتك بين الصفوف
تلبية بأرض الطفوف.....تسعى وين
خادم الحسين// علي موفق القزاز
يا اعز مني وبنيني ياحلم عمري
من ابن حذلم اجاني انكسر ظهري
يبني الغالي يحسين ....لأمك مهجة العين
———————————
ياغصن عمري السكيته بتعب ايامي
ياحبيبي وروحك امك يلمتت ضامي
مو حلم عندي بنيني انت احلامي
يعطش لشوفك حناني بعالم الآلامي
عاشرت يمه دمعتي من رحت تدري
من ابن حذلم اجاني انكسر ظهري
يبني الغالي يحسين...لأمك مهجة العين
———————————-
جلمة اليمه شحلاها تضيع هالجلمة
هوايه اسمع ردت منك تكلي يايمه
والحضن بارد تعوفه بطولك إتلمة
ياهوه روحي العرفته عايشه اشتمه
نسمة عذيبي يغالي ماتت بصدري
من ابن حذلم اجاني انكسر ظهري
يبني الغالي يحسين...لأمك مهجة العين
———————————-
ما اعزهم ولدي يمك وداعت الزهرة
مو عدد واحد يهمني لو فدت عشرة
ماشوفك يمه ضامي بعازة الكطرة
ولدي غيمة علمتهم تمطر بصحرة
ضني متخيّبه النشامه اعرف بذخري
من ابن حذلم اجاني انكسر ظهري
يبني الغالي يحسين...لأمك مهجة العين
————————————-
ودعت كلشي بحياتي من رحت مني
ملت الحالي الليالي من كثر وني
للكُبر شيبي تلمه بنعشي و تزتني
تحفر الكبري اريدن بلحدي وتضمني
الساعتي يمه اريدك تحفره كبري
من ابن حذلم اجاني انكسر ظهري
يبني الغالي يحسين...لأمك مهجة العين
————————————
طاوعتني هموم صبري يابعد روحي
فدوتك اني اروحن بلسم جروحي
بمملكة حزني اموتن بهمي وبنوحي
صحت ياموتي اخذني انهدمت صروحي
امك وردتك تجيني لو يحن قدري
من ابن حذلم اجاني انكسر ظهري
يبني الغالي يحسين...لأمك مهجة العين
————————————
ولدي يبني ماتهمني يا نظر امك
لو كبر خيط الليالي اهيمن برسمك
باجر اخيول الترضك و انه مو يمك
بالحصيره تالي طولك الصدري شيضمك
وبدمائك ويلي باقي عالارض تجري
من ابن حذلم اجاني انكسر ظهري
يبني الغالي يحسين...لأمك مهجة العين
خادم ام البنين/ علي موفق القزاز
جِنح المصيبة........ ...رفرف نحيبة
بدهري تالي حيرانه عفت بروحي جرحين
جرح الغربة أذاني مفاركني يالحسين
__________________________
رَفْرَفْ جِنح موعد سفر
روحي تودع روحي
قصة الم فكري رسم
هجرك لِجمه جروحي
بداعة رقية وهل الطفل
إوياهم تكَلي روحي
سال الدمع سيل اللَّظَى
و اويايه عايش نوحي
تسمع سؤالي............وينك يغالي
اصعب موقف إكبالي لمن كَتلي ماشين
جرح الغربة اذاني مفاركني يالحسين
________________________
بروحي ديره إمن الحزن
ميتم طيوف احلامي
الليل يجرح لو يجن
اذكر حنين ايامي
عيني نظرها ومُنيتي
يشتد جمر هيامي
انت الهوه بريتي سره
جرحك جبير الآلامي
ابعث حنيني................يمته تجيني
خيمة عمري وسنيني تردلي هايلإحنين
جرح الغربة اذاني مفاركني يالحسين
_________________________
فراكك ذبح عمر الورد
يذبل غصنها سنيني
الليل بعيونه النجم
وانت شمعتي بعيني
اللحظة بغيابك كالعدم
مثلك ابو يسليني
بحر العطف خيمة دفو
ما انسه حب حسيني
ودموعي صاحت........عشرتنه راحت
اذكر محله عشرتنه شمحله ذيج الإسنين
جرح الغربة اذاني مفاركني يالحسين
—————————————
بعالم الحسرة صرت
ابالي تغص العِشرة
احزاني كسرت كل فرح
غيرك ابد ميجبره
دمعي قرح جفن السهر
خدود البعد متجمره
نجمي غفة بحضن الهظم
و بليل همي وقهره
تدري إغترابي ...........زّيد عذابي
هجرك ضعضع اركاني الراحو مني غالين
جرح الغربة اذاني مفاركني يالحسين
_______________________
تاخذني قافلة الحزن
تملي صدر صفناتي
تتعثر حروفي من اون
بهمها تِخِط عبراتي
اعز شخص مني رحل
ذكره دوه إلعلاتي
ايس بعد رد الضعن
إلحالي بچت دعواتي
مذبلي عودي.........ميتم وجودي
بويه ذبلت اغصاني عايف فاطمة وين
جرح الغربة اذاني مفاركني يالحسين
————————————
اخر محطات العتب
احضن مكانك خالي
اشتم اظل ذاك العطر
باقي حنان الغالي
اكطع بعد ظني تجي
لو يوصلك مرسالي
شوكي الك ماينوصف
ضايع عفت دَلالي
حلمي البنيته........مهدم لكيته
اخر هذا مرسالي إلحالي تسولف العين
جرح الغربة اذاني مفاركني يالحسين
خادم الامام الحسين/ علي موفق القزاز
خادم خادم حُسيني وهالاسم يكفيني
خادم مَلك بزماني حسين مخليني
عمري كظه بالخدمة
بهويتي راح اتسمه ...........خادم
*****************************
كل خدمة تعرفة البشر هيئتة توصف ذله
بس خدمتك يابو علي بيها الخَدم تتعله
من اخدمك صيتي ارتفع وتاج العرش اوصله
يمك صلاة الحب قمت بإحساسي ساكن والله
ابشر احضر الك يلخادم وممنونك
ابشر دمعك امانة الراسمتة إعيونك
بشفافك ازرع بسمة
بهويتي راح اتسمه .......خادم
******************************
يوسف بنورك صفن و يعكوبه رّداله العمة
مثلك حبيب ولاحصل بيك ابتده واتسمة
يامالك كلوب البشر يا هوة الكون اشتمة
حگه العقل لمن يجن معذور يابو اليمة
عاذل بيه يلوم ومقتنع بجنوني
عاذل طبعي حسيني و افتخر شافوني
روح المحب متعلمة
بهويتي راح اتسمه ........خادم
*****************************
بعيوني محلف الدمع معلمة يطيح ابابك
شافك حبيبه وحاضنة يروة الدمع باعتابك
كعبة عشكنة المنزلة طافت اجتها احبابك
بعطفك تغطيها البشر وانت السليبة اثيابك
عاري زينب تشوفه امسلابات إثيابة
عاري شيبة اخوها من دماء اخضابة
دمه نشف من جسمة
بهويتي راح اتسمه.....خادم
*****************************
دورت بعيون العشك غيرك عشك ماشفتة
رحمة شملني باللطف اخجل اذا اشكرتة
كلش قليلة هالشكر حسين الشكر هو انتة
خيره يغطي عالمي شكراً يربي اعرفتة
شكراً والله قليلة لو كلت ماابالي
شكراً اخدم اجيلك ياحبيبي الغالي
روح الحزن متوسمة
بهويتي راح اتسمه ....خادم
****************************
اشكر الهي واحمده خادم حسيني اسمي
ويه الخلايه هالعشك اسمه فصيلة دمي
هنيالي يحسين اخدمك انت ابوي وامي
من فضل نورك خالقي كمل نشأتي ورسمي
عايش برحمة خدمتك يافضلها اهواية
عايش عمري مجالس بي دمع وقراية
وبكل عزه متحزمة
بهويتي راح اتسمه....خادم
****************************
ماي للضامي صرت ترّوي إبحر إحساسك
يارحمة الله الواسعة عاش الهوه من انفاسك
يحسين اعمه كل سهم يمك اجه من جاسك
يعين حيلك من شفت تنزف ضحايه ناسك
حاير راح الكفيل المنتظرته سكينه
حاير ياحال كلبك من تشاهد عينه
غير جماله دمه
بهويتي راح اتسمه...خادم
**********************
علي موفق القزاز
مثل العطشان
مرمي وضمآن
ماسحكت خيل بصدره
تاسع انوار العتره
مرمي و ضمآن
————————————
قصة المسموم هايه و منها ابدي
عالمصاب دموعي عالخد بي تحدي
بالصحاري ويلي عاري گال جدي
ولا ابن يمي اجاني بهمي وحدي
ضامي ومتعوب
مسلوب الثوب
يساعد كلب الزهره
تاسع انوار العتره
مرمي وضمآن
———————————-
رغم ماحر السطح بجمرة عذابه
السم الجبده تفطر بأول بشبابه
حسين عاري بلا غسل سلبو ثيابه
وعماته إبلايه خيم تالي بخرابه
بنات المذبوح
بالغربه تنوح
ماراوي جدك كطره
تاسع انوار العتره
مرمي وضمآن
——————————-
بيد جور المعتصم تخلص حياتك
كربله اعظم جرح بهم نايباتك
حرك ونحور وسبي بكل ذكرياتك
طف عاشر كربله جسدها ذاتك
شتنسه هيهات
بغربة واهات
ماتطفه بيك الجمره
تاسع انوار العتره
مرمي و ضمآن
———————————-
هم غريب ابلا اهل يمك تحضرك
ذبلو وردة سنينك و انختم عمرك
الله من سابع سمه مرفوع قدرك
بالعلم ابداً يجف عالامه نهرك
شاب ومسموم
رايح مظلوم
للهادي اخر نظره
تاسع انوار العتره
مرمي وضمآن
———————————
باب للحاجه صرت تكرم ضيوفك
مارجع خالي ابد كلمن يطوفك
مثل عمك سيدي تنطي بجفوفك
جنة الله حضرتك وبلسم حروفك
باب الحاجات
تحل الصعبات
كل طالب كلبه تسره
تاسع انوار العتره
مرمي وضمآن
علي موفق القزاز
جَعْفَرٌ عِلْمُ التُقىْ
الكَبدُ بالسَّمِ سِقا
تُرابٌ صارَ قَبْرَهُ
هَلْ يُجازَ قَدْرُهُ !
جَعْفَرُ الصادقْ
"""""""""""""""""""""""""""""""
جعفرٌ علم الوجودِ هوَ مدرسة الإمامه
الماتبع دينه وعلومه ماعرف درب السلامة
سادس اطهار البرية ترك للإمه علامة
تبت المنصور ايده من فعل هاي الظلامة
هو مدرسةُ السَماْ
الدِينُ بَعدِهْ أُثْلِماْ
سُرُ الالهِ سِرُهُ
هل يُجازَ قدرهُ !
جعفرُ الصادقْ
————————————-
كل اديان البرايا مِنَ تنهمل كل علمهه
والصعبه حلها عنده سهله ابو الكاظم املهه
جعفر الصادق علومه ذره ماواحد وصلهه
ظلت الامه بجهاله خسرته والله بجهلهه
أيُّ فعلٍ منها بدى!
أظْلِمَتْ أبنَ الهُدى
جف فَيْضُ نَهْرهُ
هل يُجازَ قدرَهُ !
جعفرُ الصادقْ
——————————————
مصدر الهام النبوة وبفضل واحد احد
نحجي عن سيرة حياته كل علم عنده سند
نوّر افكار الخليقة وناشره دين الصمد
الفلاسف يمَ ضاعت حايط إبكل مايُرد
اسألوا ما عِنْدَكمْ
كل المَسائِلْ ادِلْكُمْ
كنزٌ حامل صدرَهُ
هل يجازَ قدرهُ !
جعفرُ الصادقْ
—————————————
مارعوا قربه ووصاله لجده الهادي الامين
جازته الامه بحقدها المنصور بسمَ اللعين
العابد المخلص الفاني بيد الالهِ العالمين
يدنه ابو الكاظم رحيله صاعد لربٍ حنين
لَهُ يومان بَقى
الى المَلَكوتِ يُرْتَقى
هذا خِتامُ عُمْرُه
هلْ يجازَ قَدْرُهُ!
جعفرُ الصادقْ
—————————————-
اخر ايامه بحياته بروحه عاشت كربله
يذكر خيول الاعادي ترض ضلوع البسملة
شلون فرّن بالبراري بلا محامي العايلة
جرح جده بنايباته دموم قيده سايله
همهُ الصادق نسى
كربلا جَرْحُ الاسى
للحزنِ افصح دهرُهُ
هل يجازَ قدرهُ !
جعفرُ الصادقْ
—————————————-
البقيع الباقي نزفه جعفرٌ كبره ترابه
لا اكو زاير يمَ يوصل يشكي للمهدي اغترابه
نفس حكم الدوانيقي مجرمه هاي العصابه
بيد ابو صالح نردّها من الذهب نبني قِبابه
تَلوحُ منائِرهُ غداْ
يِخْرِسُ أفواهْ العدى
اللهُ مُؤيّدْ نَصْرَهُ
هل يُجازَ قَدْرُهُ !
جعفرُ الصادقْ
—————————————-
علي موفق القزاز