439
أَوقفتُ قلمِي في حُبِ الحُسينِ فغيرِ حُبهِ لمْ أَجدْ يَهويني غداً ان بُعثتُ الىٰ يومِ الحِسابِ رِثائي إِليهِ سوفَ يُنجيني ✍️
عالهزل خذونه
خويه شتمونه
الحكَ صحت يعباس
ايتام وحرم ولونه
**********************
غيرة اعرفك ياشهم والله عباس
مستحة تنكط خجل يهتز الراس
انت يانبع الوفه قران الاحساس
ياوكت اختك تظل بولية ارجاس
عالرمح احشمك
يفور غيره دمك
تزعل الي ينوماس
ايتام و حرم ولونه
•••••••••••••••••••••••••
حكي اعذرك يابعد ناسي وهلي
ادري تفزع لو عدل ياكافلي
انه زينب ما اذل لبوة علي
روحك تباري تظل وي محملي
مشتاكه رت اشوفك
ماكصرت جفوفك
وهذي جفوفك تنباس
ايتام وحرم ولونه
•••••••••••••••••••••••••
رغم مانابت سهم ياخويه عينك
شفت راسك منطبر مهشم جبينك
يحدي ويانه يظل هذا حنينك
ويه اهات الحرم يصدح ونينك
راسك التهشم
شفته غارك إبدم
بعامود هشم الراس
ايتام وحرم ولونه
•••••••••••••••••••••••••••
جان اخر شوفي إلك يم الخيم
رحت كاصد للنهر تروي الحرم
اتبده جودك من وكع خويه العلم
هسه راسك عالرمح يابو الشيم
تسولف إلي عيونك
مغير اشوفه لونك
دخيل هذا الاحساس
ايتام وحرم ولونه
••••••••••••••••••••••••••••
خوتك درس انكتب بطف كربله
ماضكت طعم العذب بهل مسأله
جان همك ترتوي هل عايله
ماكمل حلمك ابد بسهم البله
اتبده مايه جودك
من كطعو زنودك
غدروك هاي الحراس
ايتام وحرم ولونه
••••••••••••••••••••••••
يلوفي شكرا الك ماقصرت
اخت عباس النفل بيك إفخرت
تزعل إلزعلي جنت لو إزعلت
اقَبّل جفوفك ردت وراسك ردت
اختك انا الابيه
يعرفوني هاشميه
بينه الشرف ظل ينقاس
ايتام وحرم ولونه
علي موفق القزاز
هاي العليله عالضعن ناظرها
بس لا ابوها يكسر بخاطرها
بدمعات الاوداع...تحس الامل ضاع
يا طفلة حسين...يا طفلة حسين
—————————-
هاي طفله معوده لذاك الدلال
بطلب ماردها الابو تذكر مُحال
جلمه صعبه ماتجي وي العيال
حين يجهز عيلته وعابرها
——————————-
وينه بويه محملي اصعد اريد
لا تكلي هالسفر لعلتي يزيد
بخير والله حالتي لوّن بعيد
لاحجايه وبالكلب تكسرها
——————————
هاي سكنة انظر بدمع العيون
جن تكلي هالاهل لا مايجون
يهون اشوفن محملج مو بالضعون
ولا حبايب باجر التحضرها
——————————-
يم رقية اتوسلت بلكي اروح
يختي قنعي والدي بحسره تنوح
وعطر المفارك بقه منهم يفوح
فاطمة بهذا السفر عاذرها
——————————
عمه زينب يصعب اعليه الفراق
من نويتو اعله السفر ارض العراق
عبدالله ماشوفه بعد يبدي اشتياق
ودمعه اشوف لفركتي غامرها
———————————
إذوقت طعم الهجر من الاحباب
شكد اتاني وانتظر دكت الباب
بلكي طارش اسمع وجايب جواب
وهي بس خوف وقلق عاشرها
علي موفف القزاز
روحه عاشت كربله وبلواها
والله ابو محمد ابد ينساها
——————————
شلون ينسه محنته وذاك الالم
بكلبه ظلت موّجره نار الخيم
اطفال تركض حايره وي الحرم
جروح ابو اليمه بحزن عاشاها
——————————-
جروح ممزوجه اله اشواك وحنين
كون حاضر غربته يواسي الحسين
يدعي بدموعه الاله العالمين
ريت ربي احضر بمسعاها
———————————
ربي ارجعني انولن هل الفخر
قبل ابو اليمه ينحز هل نحر
عاري مسلوب الاخو كال الدهر
الراد ناصر كلبه لبى اوياها
———————————
هوايه عنده يا هضمها الذكريات
يذكر الخدر بالخرايب من تبات
يوم طلعن من خدرهم لاطمات
اه يوم العاشر اللآذاها
———————————
تحوم روحه كل حولها المشرعه
ظلت جفوف الكفاله مكطعه
لطيحته نزفت عيون الواقعه
وعين من ذاك السهم طفاها
علي موفق القزاز

لِيّ أبَتِيْ أُمِنيَة ...خُذْنيْ مَعَ رُقَية
يا أبَتِيْ .... للطَفِ مُنْيَتِي أَسِيرْ
بَينَ الضُّعونِ حاْئِرَه...مْا قُلْتَ ليّ مُسافِرَه
يا أبَتِيْ .....أَبقَيتَني في غُرْبَتِي أَحِيرْ
•••••••••••••••••••••••••••
حِينَ الضّعنُ قَد نَوّىٰ أَشَّدَ بهِ الرَحِيلْ
كُلُ الخَواْتِ رَكبُها كُلاً بِهاْ نَزيلْ
دَمعُ خَدي سّاجِماً أَصّبَ كالمُسيلْ
إَشتَدَ سُقْمِ أبَتيْ مِني الجِسّمُ نَحيلْ
إذً لي أَذْهَبْ مَعكْ...حُزني تُرىٰ! ماأوْجَعكْ
يْا أَبَتِيْ.... بثَ حُزْنِي شَّكوَتٌ إليكَ
أَمْضَّتْ دُموعِ حاْسِره...مْا قُلتَ ليّ مُسْافِره
يا أبتي.... أَبقَيتَني في غُرْبَتِي أَحِيرْ
_________________________
في عُمرِ الصَّباْ رَجوتُكَ يُألِمَني الفُراقْ
وَحْدِي أَناْ تَرَكتَني وَ قْاصِداْ العِراقْ
جَمرٌ أَشَضْىٰ مُقلَتي وَالقَلْبُ دَماً يُراقْ
هذي أَنْا طِفْلَتُكَ أبىٰ الصّبرُ يُطاقْ
خُذْنِي أَطوْفُ كربَلاْ...إِرحمْ أَبي عُمرَ الصَّباْ
يْا أبَتِيْ ....جِنحُ همي رفرفا الحَنِينْ
مَعَ خَوْاتِي ساْئِرَه....مْا قُلْتَ لِيّ مُسافِرَه
يا أبَتِيْ ....أبْقَيْتَنِيْ في غُرْبَتِيْ أحِيرْ
_________________________
كَـ عْاصِفٍ عُمْرِيْ سُّدْىٰ ياأبَتِيْ الحُسَيّنْ
يَبْقىٰ الفُؤادُ يَنْحَبُ وَأقْرَحَ دَمعِ العَينْ
ياغُرْبَةً وَرْدِ ذُبِلْ أفْضَتْ لُظْىٰ الحَنينْ
أنْتَ أمانُ عْالَمِ ضِعْتُ بَيْنَ السِنينْ
حُسَيّنُ أبيْ تَركتَنِيْ...أيّنَ أللقاءُ دُلَنِيْ
يا ابتي.... تركتَ جرحً أسّتعصى للدواء
فَدتكَ الرُوحُ مُنْاصِرَه...مْا قُلْتَ لِيّ مُسافِرَه
يْا أبَتِيْ....أبْقَيْتَنِيْ في غُرْبَتِيْ أحِيرْ
____________________________
ماذا يُخَبِ هَجْرُك غَيْرَ بَلايا الدَهرا
أُنازعُ الهم ابي الشوقُ أماتَ الصَّبرا
يَذْكُرُ الليلُ قِصتِي يرسم جروحَ الحسرا
أيتمتَ تَرْفَ بُنيتي وَأيامً تَغِصْ بالذِكْرى
لم احتمل رحيلك ....اضمى الى سبيلك
يا ابتي.... فارقتها فاطمُ العليلة
عيوني غَدَتْ مُغايِرَه...ما قُلتَ لِي مُسافِرَه
يا ابتي ...أبقيتني في غربتي أحير
___________________________
أ يعقلُ حُسينُ ترحلُ تَنْساكُ الروحُ يَوْما
مَعَ خَلايا القَلْبِ سَتبقى قريباً حَتْما
يافجر كنت دنيتي الصبح احس اليَتْما
عنه رحلتَ مُبْعَداً بَدى يَنوحُ هَما
يافجرا كنت مؤنسي....رَحلت ايامُ الأمسي
يا ابتي....اشتاق الى بدرِكَ المُنِيرْ
بين النجومِ ساهِره...ما قلت لي مسافره
يا ابتي...أبقيتني في غربتي احير
____________________________
أشْتاقُ لِرَسْمِكَ حَسْرَةٍ يِحلْ متى لِقاكا
الى حَنْانِ كَهْفِكَ وَ عُطْرُ الشّذِيْ هَواكا
سَيعودُ بِكَ حنِيْنِيْ مَنْ لِيْ أبٍ سِواكا
إقْبَلْ مُنْايا دَعْوَتِيْ رَبِيْ زاْخِرْ عَطاكا
أبْعَثْ لهُ الهِيْامُ ... مِنْ فْاطِمُ السَلاْمُ
يا أبَتِيْ...هلْ يْاتُرى تُعْاوَدُ اللِقاءْ
الى لِقاكَ حْاضِره...مْا قُلْتَ لِيّ مُسْافِره
يْا أبَتِيْ ....أبْقَيْتَنِيْ في غُرْبَتِيْ أحِيرْ
علي موفق القزاز
بذل روحه ومهجته لاجل الحسين
جان قربانه الوفي عين وإدين
إلخوته قدم درس طول السنين
يانفس هوني لغلات احسينه
——————————-
يانفس هوني ماشربه العذب
قبل ابو اليمه ضامي هل كلب
يسمع سكينه والموقف صعب
عمي جمرات العطش تاذينه
——————————-
ممليء جودك مايرد من الفرات
يروي جفك هل شفاه الذابلات
بالخيم تدعي الك هل ثاكلات
يجيب عباس العذب جفينه
———————————
هواي والله اتاخرت عالمشرعه
اعليه تنشد هالحرم متلوعه
لاخبر منه وصل من مصرعه
جفوفه طاحت صوبوها عينه
——————————-
طاح وحزام الظهر جان الكمر
شلون يوصل مصرعه بهمه عثر
ينظر العباس مرمي اعله النهر
بدمعه يمسح من دموم اجبينه
علي موفق القزاز
مانتعذر مانتعذر ...اخذ العهد يابو الاكبر
————————————-
صحنه وصوت المنحر ناده
بحبك عدنه القتل عاده
يفدي الروح لعين اسياده
نهتف حيدر نهتف حيدر
اخذ العهد يابو الاكبر
————————————-
مبدأ عدنه وما نتخله
ثوب العِزه بي نتحله
نرفع صوت بوجه الذله
انت الجوهر انت الجوهر
اخذ العهد يابو الاكبر
—————————————
حبك نشريِّ بالارواح
تقبلنه هايه الارباح
طاغي ماهمنه وذباح
نقدم المنحر نقدم المنحر
اخذ العهد يابو الاكبر
—————————————-
خدامك نفخر تدرينه
المستقبل انت و ماضينه
اعلينه يشهد بارينه
بدم الكوثر ...بدم الكوثر
اخذ العهد يابو الاكبر
—————————————-
بالذر و مِّنطيك الكلمه
منعوفك لو هدروا دمه
نموت بحبك يابو اليمه
خل نتوذر ...خل نتوذر
اخذ العهد يابو الاكبر
——————————————
علي موفق القزاز
لَهْفَةُ القَلْبِ لَهُ كواها الحَنينْ
تَغَفُو و تَصْحو بِذكِرِّ الحُسَينْ
هذهِ يا سائِلاً أُمُ البَنِينْ
عَصَفتْ بِها غُصَصُ النائِباتْ
——————————
عَصَّفَ بِها بُعْدُ الفِراقْ
كُلُ يومٍ لهِمْ يَرْنُوها اشْتِياقْ
حَسْرَةٌ تَتْبَعُها يَطْوِيها احْتِراقْ
حِرْقَةُ الشَوْقِ تَعْدِمُها الحَياةْ
——————————
تَلْهَجُ بِذكرِ بَنِيّنِ الارْبَعة
عَليْهُمْ تَآخُذَها الفُ لَوْعَة
وخَبَرٌ أغْشاها جَنْبَ المَشْرَعة
نَزْفُ عَباسِها عِنْدَ الفُراتْ
——————————-
إبْنُ حَذْلَمْ قَدْ آتى بإنْتِحابْ
رِبا عُمْركِ أوفاها الشّبابْ
قَدَمُوا دَرْسَ الوَفا عِنْدَ الصِعابْ
لَمْ يِبالوا بِدمِهم حِيّنَ المَماتْ
——————————-
أهلُ يَثْرِبِ لا مُقْامَ النِداءْ
عَنْ حُسَيّنٍ تَسْألوا فِي كرْبَلاءْ
سَقَطَ ذَبِيحاً مُخَضَبا فِي العَراءْ
وَخُدورُ الالِ خَرَجتْ لاطِماتْ
———————————
أَ زَيْنَبٌ تُسّبى بِنْتُ البتولْ !
هذهِ كافِلها فَحْلُ الفِحولْ
نِعْمَ الإخوهْ قدمَ ماذا اقولْ
قَوْلِي نِعْمَ ما أَ نْجَبَتْهُ الطَيِّباتْ
علي موفق القزاز
المبدع خادم الامام الحسين ع ملا مصطفى الكربلائي
كلمات/ علي موفق القزاز
العتبة الحسينية المقدسة
يعين الله زينب بهذا المصاب
راح وجه الوالد يضمه التراب
———————————-
اه كلب الفاكده شيحمل صبر
شراح تحمل باجر خيوط الفجر
لليتم كلب العقيله ينتظر
والمصيبة لايحه وذاك العذاب
———————————-
هاي ثاني فاجعه وثاني جرح
بعده دم الطاهره ظل منسفح
ينفجع كلب البراءه بهل صبح
جرح طبره والجرح عصرة الباب
———————————
بالله ياليل الالم منها شتريد
تبجي زينب والابو عنها بعيد
شنهو عذرك لو لفه باجر العيد
هذا ياعيد اليجي بدون الاحباب
————————————
مجانه خالي تفكده غاب الحنين
يا ابو مثلك امير المؤمنين
ضيّعت اغله وطن تحجي السنين
بحسره تدعي للسمه جيت الغياب
———————————
تدعي يارب السمه ترد الامير
إفطرته جايب لبن حته الفقير
منهو باجر يوّزعه التمر وشعير
طاح ابو الايتام بدموم الخضاب
———————————-
هاي ايتامك اجت تذرف دمه
من العمامه جبهته متهشمه
يا ابو يفكد بعد حامي الحمه
ريت بينه ياعلي هذا الصواب
———————————
علي موفق القزاز
دمعه يشرح اهاته سابع عترتنه
سجنه رتل اياته سابع عترتنه
شمس الله انواره&&بعلمه واسراره
سابع عترتنه......سابع عترتنه
•••••••••••••••••••••••••••••••••••••
موسى علم الله وكتابه حكمته وسره وعظمته
هذا ابن سيد البرية حفظت التربه جبهته
الليل عاشك كل صفاته وعاشك انفاسه ودمعته
هذا ابن اطهر نسب&& تاريخ حافل من ذهب
اعلم اشراف العرب&& جعفري ماخذ كُنيّته
وارث جعفر تربيته بدينه وإعلومه
برهن للكل قدسيته بدينه وإعلومه
معجب سجانه&& موسى بإيمانه
سابع عترتنه
•••••••••••••••••••••••••••••••••••
هذا من اطهر سلاله كاظم الغيض بصفاته
الراد نور الله يطفي هذا جاهل كل حياته
كوكبٌ دري نشوفه للبصيره اعلنها ذاته
مكنون نوره ماطفه&& ربنه بكتابه وصفه
من اطهار ال المصطفى&& التاريخ دوّن ذكرياته
كسر بأنواره الضلمة شمس الله وحجته
ماطفو نوره الدايم شمس الله وحجته
خلصها سنينه && مانامت عينه
سابع عترتنه
•••••••••••••••••••••••••••••••••••
معجزة موسى العظيمه مفوض وللباري أمره
القائم بليلة ودعاءه جنة عنده هذا عمره
خاتم سنينه وربيعه خامس وعشرين صبره
دمعاته تشرح سيرته& تسمعه الملايك دعوته
خلصها بالهم غربته& ودنيته عايشها حسره
يامحله عنده ايامه يناجي بمعبوده
خاتم ربيع احلامه يناجي بمعبوده
الساجد والراكع&& بجروحه و خاشع
سابع عترتنه
••••••••••••••••••••••••••••••••••
ماخضغ للطاغي مره هدم عرشه وكبريائه
مأيد بحكم الجلاله موسى بالعالي ندائه
قصم حكم اللارشيد هارون جوره وافتراءه
مارده عن حقه وثن&& لاجور اصحاب الفتن
شاكر إلهه اعله المحن&& برضى الباري ظل رضائه
موسى النبي بالثعبان ذل فرعونه
موسى الكاظم رغم الجور ذل هارونه
هدم طاغوته&& حته عند موته
سابع عترتنه
••••••••••••••••••••••••••••••••
باب للحاجة نشوفه مايخيب اليدك بابه
بحالتك يعلم همومك انحني وقَبّل اعتابه
قبّلة وتطوفة الحياره اسأله تسمع جوابه
باب الحوائج منعرف& الكرم منّه ينوصف
ينطيك إبن جعفر ضعف& من نسل أَهل النجابه
باب الحاجات اتسمه هذا ابو طلبة
من تزورة كلشي اتمنه هذا ابو طلبة
يكرم خطارة &&من تنوي إلدارة
سابع عترتنه
••••••••••••••••••••••••••••••••••
المصيبة:
دمعته التشرح محنته ينازع بهل سجن وحده
إمن الالم وجه تغير وفتتاهه سموم جبده
لا اهل يمه تحضره ولا ابن ياويلي عنده
بالغربه عاش ابلا اهل&& محد اجه عنه سأل
موسى وكطع خيط الامل&& إتوسد الاحباب لحده
وفاطمة المعصومه بنته والرضا يمسح دمعها
علي موفق القزاز
هذا صوتٌ رددَ نحر الحسين
الف شكراً من ضناج ام البنين
——————————
صوت صرح من ذبيحي كربلاء
بشرف يوصل بالفخر لام الوفاء
عبدالله عون وجعفر وحامي اللواء
خطو بوجة السمه لوحة إباء
كتبو بدمه الوفه هلـ ثائريين
الف شكراً من ضناج ام البنين
——————————-
ارماح متهمه ابد إنبال وسيوف
قدم العباس عالشاطي جفوف
ذاك جعفر تشهد لعزمة الحتوف
وعون بركاب الزلم سيفة يطوف
الروح تفداك حُسين العاشقين
الف شكراً من ضناج ام البنين
———————————
هذا عبدالله برز بسيفه الهمام
يرد صفين وجمل يوم الخصام
دنكت من هيبتة سيل السهام
فادي روحة مهجتة لابن الانام
كلبه مفتون بعشك روح الامين
الف شكراً من ضناج ام البنين
——————————
شنحجي عن عباس قران الصمود
انطه روحه ومهجتة وكلتا الزنود
الاسد ميخلف ابد غير الإسود
هذا صنديد الرجم كل الحيود
طاح تارك عالنهر عين وإديين
الف شكراً من ضناج ام البنين
———————————
انت موسوعة وفة نشكرج قليل
انتي ربنه العظمج يم الكفيل
دمعة لحسينج تظل عالخد تسيل
ردتي نعشج يحمله يوم الرحيل
يبقة شوك الوالدة يمطر حنين
الف شكراً من ضناج ام البنين
——————————-
يلجليلة الصابرة يم الاصول
خادمة ردتي بفخر لال الرسول
نكران ذاتج حيرت كل العقول
ادعوني ام الاربعه ارضاهم انول
الج شكرانه إلاله العالميين
الف شكراً من ضناج ام البنين
تمت
علي موفق القزاز
انخه بالشدات هاي ام الوفه
ام ابو فاضل كريمة إموصفه
*********************
حين يكثر همك وبالك يحير
اتوجة لباب الوفة حملك يسير
هذا باب الله انعرف باب المجير
الصعب والله سهل يمها يصير
هيه اصل المرحمة والعاطفة
ام ابو فاضل كريمة إموصفه
*******************
اجبال حملت دنيتك كامت تميل
انخه كوم بدمعتك ام الكفيل
الضحت باغله العمر لعين الجليل
كلشي للعالي نطت تشعر قليل
باب للحاجة الجليلة العارفة
ام ابو فاضل كريمة إموصفة
********************
كوم اقراة الفاتحة لام البنين
كلهه مولاتي أرتجي بأسم الحسين
مالي غيرج اندبة مالي معين
راح يفرج محنتك ربٌ حنين
بحسرة ادعي وروحك المتلهفة
ام ابو فاضل كريمة إموصفة
********************
زوجة صرتي لعد حماي الحمه
عدها ايثار ووفه هل عالمه
مارضيتي ينادي بأسمج فاطمة
ردتي اسمج يلوفية خادمة
انتي منهم إمن آل المصطفى
ام ابو فاضل كريمة إموصفة
********************
گلها جيت إبمأتمج يم الشباب
يشوفك العباس ويرد الجواب
بكل طلب يحضر الك يوم الصعاب
امي خادمها ملك مالحظة خاب
قاضيّ الحاجات ربنه شرفه
ام ابو فاضل كريمة إموصفة
******************
خادم ام البنين/ علي موفق القزاز
أعظم انسان...إتضمه التربان
ادفنها بدية
أَسأل ياليل... ماخذ كل حيل
الزهرة الزجية
يتمتي إسنيني...أُم بيتي تعوفيني
——————————
انا حيدر ..شتصبر....جبل يازهرة وتهدم
نعش عمري..كسر ظهري.بحيطاني كمت ألزم
تره الفارك يخلص ليلة بالحسرة
انا مفارك ربيت روحي الزهرة
خلصنه العمر عالحلوه والمرة
العاشت بالروح..ياويلي تروح
يا محله عشرتها
بدمعة واهات ...ترجع هيهات
بانت وحشتها
كل شوفي بعيني...ام بيتي تعوفيني
—————————————
إشيطب داري..دمه اعباري.. اذكر ضلعج انا انحب
انكسر ضلعج..همل دمعج...مصابج فاطمة يصعب
بعمر ثامن عشر راح انذبح وردج
جف خمسه اصابع طابعه بخدج
ماصحتي علي فضة تجي إسندج
ياغربة دنياي....تجرحني اهواي
وبعالم احزاني
اغله الاحباب....من جرح الباب
هجره الأذاني
اطشر حنيني...ام بيتي تعوفيني
—————————————
بجمر ليلي ...صحت ويلي...قران الفجر ناحل
بركب حزني...صدح وني...يادمع البعد سايل
طشرنه الزمن مااظن بعد نلتم
بعد ام الحسن حيدر حزن يشتم
كل ذكرة التمر إتنادي يابن العم
بدار الاحزان ....ترتل قران
انصت ليلية
مااسمع صوت...ماخذها الموت
هاذي المسية
دمعي يواسيني...ام بيتي تعوفيني
—————————————
شفت زينب ..بجمر تلهب..بزغري اتجرع الفرگة
تدير العين ..تدور وين...دِمه والباب محترگة
حبيبة كلبي ياامي ونظر عيني
ياطيف اليجي إلحضنج يوديني
نار الفركة ظلت دوم تجويني
الغايبله محبوب....يخلصها متعوب
يشتاك لكعداته
شلون اليهواه...يكدر ينساه
وتخنكه عبراته
اموتن تدريني...ام بيتي تعوفيني
—————————————
حسن وحسين...بألم ماشين..لغرفة فاطمة يبجون
اجو ولدج ... نحو عندج...لمباجهم ينوح الكون
شفت ابني الحسن و يحاجي بهدومج
ريت الموت ياخذني قبل يومج
وحسين انكسر دور على ارسومج
ظلو ايتام .... بهظم الايام
بأحضان الرزية
شنعتب عالصار...باب وبسمار
كاسرها الزجية
ضلوعج تكويني...ام بيتي تعوفيني
—————————————
عالعشرة ....بقت ذكره...مثلج فاطمة ميصير
نهايتنه .... من عشنه ...الفقير العدنه لا ميحير
بكلب الفقره يلزهرة العمر عشتي
ولاسائل ابد فد يوم رجعتي
أُمهم بالعطف يافاطمة جنتي
تسأل جاوين...ام الحسين
يتامه عافتنه
بدمع المجروح...تبجي وتنوح
تسمعها ونتنه
دهري يرميني...ام بيتي تعوفيني
علي موفق القزاز
يَبْنَ قيس الهلالي اشرح معاناتي
ينكسر ضلع الجلالة ونار دمعاتي
بَيّنْ تفاصيل الصار
عن حادثة حرك الدار
يَبْنَ قيس الهلالي
———————————
اكشف دلائل للملأ وضح يبن قيس الصار
بالحطب للدار من اجو يحركون دار المختار
اليدعون اصحاب النبي انكلبو ذيابه واشرار
هضموني وانه فاطمة ناتج حقدهم بسمار
ذوله ماعدهم حمية ويحركو بابي
مارعو حرمة نبيهم داسو اعتابي
وجفوفي حركتها النار
عن حادثة حرك الدار
يبن قيس الهلالي
————————————-
اكبالي جتفو حيدرة شلة صحابة انذال
موصه يدرون الوصي امر النبي يوم الكال
شلة ماعدهم حمية ماكو بيهم رجال
شيطان واحدهم شفت اكبالهم دمي سال
قنفذ بسوطه اجاني وساطره الخدي
من طحت واحد رفسني وسوده الزندي
يدروني روح المختار
عن حادثة حرك الدار
يبن قيس الهلالي
—————————————-
لا زاد غزر لا ملح انكشفت لثام الاصحاب
لا غار وكفهم ابد نكروا محمد من غاب
يهجر و(إن) نفس القصد ترجع نفسها الاسباب
يحركون باب المرتضى ذاك الدحه لخيبر باب
الدحه بابه حصنهم تخنكه انفاسه
مو صحابة نعرفلهم من غدر ناسه
داخلهم فعل الاحبار
عن حادثة حرك الدار
يبن قيس الهلالي
————————————-
كلتلهم اني فاطمة جاوب و (إنْ) الشيطان
سر الاله وحكمته مقدسني انس اويه الجان
سر الوجود ونشإته علة وجود الاكوان
الاذاني اذاه خالقي باجر مصيره النيران
سيدة كل الوجودي وحكمة الباري
حجة الباري ورحمته وكوثره الجاري
تبت ايادي الفجار
عن حادثة حرك الدار
يبن قيس الهلالي
————————————-
بكسري وصيته علي الضلع يدري اتهشم
تاذيني كل جرة نفس روحي تنازع بالهم
يغسلني بثيابي ردت بهيده وحياته أتألم
شيصبره لو عاين إلي ادريه حيله اتهدم
المرتضى الله اليعينه الهشمو ضلعي
ينازع بروحه وحسرته ماحمل وضعي
شيكظمه صبر الكرار
عن حادثة حرك الدار
يبن قيس الهلالي
—————————————-
هاضمني بدار الحزن لفركاي ولدي ينوحون
بغرفتي حسين وحسن لوحشتي من يبجون
وزينب تصير الفاكده لعالم حناني يريدون
بيهم ايصبر علي ويلي يتامه يحنوون
اه ياغربة دمعهم التذبح بروحي
تضمني راح المكبره بكسري وجروحي
ايتام ياويلي ازغار
عن حادثة حرك الدار
يبن قيس الهلالي
علي موفق القزاز
خادم خادم حُسيني وهالاسم يكفيني
خادم مَلك بزماني حسين مخليني
عمري كظه بالخدمة
بهويتي راح اتسمه ...........خادم
*****************************
كل خدمة تعرفة البشر هيئتة توصف ذله
بس خدمتك يابو علي بيها الخَدم تتعله
من اخدمك صيتي ارتفع وتاج العرش اوصله
يمك صلاة الحب قمت بإحساسي ساكن والله
ابشر احضر الك يلخادم وممنونك
ابشر دمعك امانة الراسمتة إعيونك
بشفافك ازرع بسمة
بهويتي راح اتسمه .......خادم
******************************
يوسف بنورك صفن و يعكوبه رّداله العمة
مثلك حبيب ولاحصل بيك ابتده واتسمة
يامالك كلوب البشر يا هوة الكون اشتمة
حگه العقل لمن يجن معذور يابو اليمة
عاذل بيه يلوم ومقتنع بجنوني
عاذل طبعي حسيني و افتخر شافوني
روح المحب متعلمة
بهويتي راح اتسمه ........خادم
*****************************
بعيوني محلف الدمع معلمة يطيح ابابك
شافك حبيبه وحاضنة يروة الدمع باعتابك
كعبة عشكنة المنزلة طافت اجتها احبابك
بعطفك تغطيها البشر وانت السليبة اثيابك
عاري زينب تشوفه امسلابات إثيابة
عاري شيبة اخوها من دماء اخضابة
دمه نشف من جسمة
بهويتي راح اتسمه.....خادم
*******************************
دورت بعيون العشك غيرك عشك ماشفتة
رحمة شملني باللطف اخجل اذا اشكرتة
كلش قليلة هالشكر حسين الشكر هو انتة
خيره يغطي عالمي شكراً يربي اعرفتة
شكراً والله قليلة لو كلت ماابالي
شكراً اخدم اجيلك ياحبيبي الغالي
روح الحزن متوسمة
بهويتي راح اتسمه ....خادم
****************************
اشكر الهي واحمده خادم حسيني اسمي
ويه الخلايه هالعشك اسمه فصيلة دمي
هنيالي يحسين اخدمك انت ابوي وامي
من فضل نورك خالقي كمل نشأتي ورسمي
عايش برحمة خدمتك يافضلها اهواية
عايش عمري مجالس بي دمع وقراية
وبكل عزه متحزمة
بهويتي راح اتسمه....خادم
****************************
ماي للضامي صرت ترّوي إبحر إحساسك
يارحمة الله الواسعة عاش الهوه من انفاسك
يحسين اعمه كل سهم يمك اجه من جاسك
يعين حيلك من شفت تنزف ضحايه ناسك
حاير راح الكفيل المنتظرته سكينه
حاير ياحال كلبك من تشاهد عينه
غيّر جماله دمه
بهويتي راح اتسمه...خادم
**********************
علي موفق القزاز
روحه عاشت كربله وبلواها
والله ابو محمد ابد ينساها
——————————
شلون ينسه محنته وذاك الالم
بكلبه ظلت موّجره نار الخيم
اطفال تركض حايره وي الحرم
جروح ابو اليمه بحزن عاشاها
——————————-
جروح ممزوجه اله اشواك وحنين
كون حاضر غربته يواسي الحسين
يدعي بدموعه الاله العالمين
ريت ربي احضر بمسعاها
———————————
ربي ارجعني انولن هل الفخر
قبل ابو اليمه ينحز هل نحر
عاري مسلوب الاخو كال الدهر
الراد ناصر كلبه لبى اوياها
———————————
هوايه عنده يا هضمها الذكريات
يذكر الخدر بالخرايب من تبات
يوم طلعن من خدرهم لاطمات
اه يوم العاشر اللآذاها
———————————
تحوم روحه كل حولها المشرعه
ظلت جفوف الكفاله مكطعه
لطيحته نزفت عيون الواقعه
وعين من ذاك السهم طفاها
علي موفق القزاز

أُمنيتي عينك غافيه بحضاني
أُمك اني الفاكده عنواني
——————————-
اهز مهدك ناغيه ياعمري صرت
بسرعه يوليدي من ايدي رحت
نظر عيني وسلوتي والله حرت
ياتعب العمر بإهاتي تلكاني
——————————-
ثمر تعبي راح وايام السهر
رحت مني والكلب حس بالخطر
ماترد سالم الي يكول الدهر
باد صبري والحزن نيشاني
——————————-
ماشبع حضني ابد يمه تنام
شلون باجر ركبتك تشبك سهام
مثل طير تفرفح بذبحه الحمام
من يوم الرحت انهدم بنياني
——————————-
للخيمة مااطبن بعد يبني عداك
حين انظر عالمهد خالي بجفاك
حار سهم الصوبك لمن اجاك
بروحي جنه هالسهم صاباني
———————————
سهمك بروحي يوليدي استقر
ماي تطلب والعطش كلبك فطر
يسقوك تاليها من دم النحر
راح انصب فاتحة احزاني
علي موفق القزاز
شهاده...عدهم احله امن الشهد
شهاده..........كتبوا بدمهم عهد
نحنوا انصار الحسين
———————————
احنه انصاره كتبنه سيدي كلنه لواك
اجتمعو اليوم النشامه رايده والله رضاك
عهدك بدمنه نوقعه بينه يسري بس هواك
مايهمنه شما نضحي ياحسين احنه فداك
سعاده....انت جنات السعد
شهاده...كتبوا بدمهم عهد
نحنوا انصار الحسين
———————————-
سيدي وهذا طلبنه حبنه باقي للممات
ماتغرنه الدنيه والله دونك شتسوه الحياة
عن عزم دين واراده ما يزل والذاريات
يروه عطشان اليشوفك زمزمك للكائنات
اراده... دين ربنه المعتقد
شهاده...كتبوا بدمهم عهد
نحنوا انصار الحسين
—————————————
باجر إتشوف العقيلة عابس وجون وبرير
بالعزم صاغوا نصرهم الخدر لا مايحير
يسولف الطف بفعلهم ذوله اصحاب الضمير
نكشخ بثوب الشهاده قبل ابو اليمه الامير
بطوله ...دمهم الطاهر صعد
شهاده... كتبوا بدمهم عهد
نحنوا انصار الحسين
—————————————
حبك الطاهر رضعنه مانبدله ياحسين
الصراط الحق نشوفك ياامان العالمين
احنه تربات الصميده بدر امثال وحُنين
والله مايعني عددهم عزم حيدر لابسين
شهامه... الالاف لو اكثر بعد
شهاده...كتبوا بدمهم عهد
نحنوا انصار الحسين
—————————————-
ذوله اصحاب الحميه هوسوا يم الخدر
نكر عين الحره باجر بزودنه يلوح النصر
عدنه ابو اليمه الهويه عالذبح مانعتذر
هالشرف عنده امانه ترخص سنين العمر
امانه ...الشيبه باصمله وولد
شهاده.... كتبوا بدمهم عهد
نحنوا انصار الحسين
علي موفق القزاز
اعظم ايام العطشان من تمر هاي ايامه
يجمعنه الله بحسين تاج وفخر خدامه
————————————-
الخدمه نعمه ومحتاجه للـ يشكره
بألطاف ونظرة أُمه راح الزهره
الخادم صدك ربك اليرفع قدره
ترضه امه الطيّب راح واحد جرح بالالآمه
••••••••••••••••••••••••••
بالك تضّيع إتمسك بهل فرصه
خير الخدمه لامايُعد مايُحصه
يعله شانك بين الخلك ماتنصه
الخدمه نعمه يلخدام بالك تفوت انعامه
••••••••••••••••••••••••••
كل شهره ما تنفع ابد لا غايه
الخادم يحسب كل فعل كل إحجايه
قدوه لازم بين البشر و إمرايه
تخلص نيتك ويه حسين ياخذ بيدك كدامه
•••••••••••••••••••••••••
ليضّيع بزلة يلخادم تعب اجرك
مايخسر والله بهل درب ابدا عمرك
يتكفل باجر حسين رايح امرك
اقدس درب انتَ البي باجر تشوف احلامه
••••••••••••••••••••••••
ايام الخدمه تبقه الاصل حياهه
يحصد ثمر والله الخلص وياهه
ناتج عمل جنة عدن مسعاهه
الزهرة باجر هيه تكون تّلبسه بشرف إوسامه
•••••••••••••••••••••••
احمد الله واشكره ربك كل يوم
فضّل عليك بخدمة حبيبه المظلوم
السلبوا ثيابه ومن العذب محروم
يساعد كلب امه شلون لمن تشوف الهامه
••••••••••••••••••••••••
علي موفق القزاز
قصيده للخدامه الحسينية
باجر ماينفعك غير ابو اليمه
الخادم مايعوفه مرّجعه يَّمه
إخلص ويه الحسين
تفوز بحبه داريين
باجر ماينفعك غير ابو اليمه
——————————-
عن وعي ودين وعقيده لحسين افصح انتمائي
بالخدامه حقي افاخر وكل حُسيني كربلائي
كل خدامة ذلة نعرف وبخدمتك سر بقائي
لحسين باجر ننتمي
وبكوثر العترة نرتمي
يرجعلي ربي خادمي
سنينه خلصهه بعزائي
خدام السبط بأعلى المراتب
تحسدنه تظل حته الكواكب
لمصابه تهمل العين
تفوز بحبه دارين
باجر ماينفعك غير ابو اليمه
———————————-
برصيد الخدمه خلك دوم بإحساسك مواضب
حسين خلي وياك عايش هو دستور المناقب
واليلومك هذا واهم بحسين ماله هو صاحب
و اليلوم بعقله خلل
ماتوصل التله لجبل
ميفيده باجر هل جهل
يتحمل لفعله العواقب
يحارب الله كلمن بفعله يضده
ميفيده عمل لو جان عنده
مايطفه لله نوريين
تفوز بحبه دارين
باجر ماينفعك غير ابو اليمه
————————————
الخلد ويه حسين اسمه عالصراط كالبرق يُعبر
يوم نحشر كل اناسٍ هنياله وي حسين يُظفر
بإمتحان الخدمه ناجح بجنة الفردوس يُحشر
والزهره تلتقط الخدم
ماتوصل يمه جهنم
وحسين باصمله نعم
وشانه بالدارين يكبر
هنياله الربح صك الخِدامه
بيد ام الحسن يفوت بسلامه
بشفاعة ام الحسين
تفوز بحبه دارين
————————————
اخدم حسين بخدمتك مايفيدك غيره باجر
نعمه مابعدها نعمه وهل النعمه تحتاج شاكر
اوياه اخلص كل حياتك ربح تطلع ماهوه خاسر
يمطر عليك بنعمته
بعالم يدخلك رحمته
وتلمنه باجر خيمته
من نور تضمنه هل منابر
اخلص يلمحب بدربه تمَسك
يا نار الفزع ابدًا تمِسك !
بعالم لطفه ماشين
تفوز بحبه دارين
———————————-
وشّكبر حظه اليقبله حسين من اهل الخِدامه
عاش سلطان بحياته ماسمع لاهل الملامه
تقّدسه الناس وتجّله توّسم اسمه عالكرامه
وي حسين ماتخسر ابد
بالشدة يوكفلك سند
خليك بهذا المعتقد
ياخذك لدرب السلامه
شما تنطي اله بخيرك يزيدك
وبيوم الحشر هوه اليفيدك
بخير ابن المياميين
تفوز بحبه داريين
باجر ماينفعك غير ابو اليمه
علي موفق القزاز
لمُسلم وديعه...اطول سفرته
لا تنطرينه..... ...بغربة روحته
لجيّته لا تنطريين
احبابج بعيدين
يا طفلة مُسلم
————————————-
مُسلم برحله طويله لاتنطري بعد جيه
هل وعد يوم السفاره مواعده ابن الزجية
عاصف بروحج حنينه ونار حسراتج سريه
والدلال الباقي ذكره يقهرج كل مغربيه
توّدعي حنانج... حُبه ولهفته
شتعنه حياتج...تصعب رجعته
تذبل هل رياحيين
احبابج بعيدين
ياطفلة مسلم
————————————
هايمه دمعة حميده مانشف والله مُسيله
شلون مايرجع ابوها فركَت الوالد ثكيله
والزمان الشهر سيفه كل امل مسلم تجيله
والصعب ليل انتظاره الليل لو جن بعويله
راحت تدعيله... إتنطره ابنيته
سالم وتشوفه...الضمهه بمهجته
بآهاتج تندبين
احبابج بعيدين
ياطفلة مسلم
————————————-
رايح لدرب المنايه بيده مرسوم الامامه
وانتي بديار المصيبة ماغفه جفنج منامه
حسين اطفاله تصبرج يعاود الها بالسلامه
لو مسح راسج حميده لليتم بانت علامه
بالغربة يتيمه... ..تسولف دمعته
بدهرج ترويله...ابالج صورته
لو بابا تناديين
احبابج بعيدين
ياطفلة مسلم
————————————-
لو وصل طارش يخبرج مسلم بدمه بريده
حامل دموع ونوايح جيت الوالد بعيده
من السطح مسلم يخبرج والبكَه براسج حميده
بالحبال اتجره كامت بموتته الكوفه سعيده
ارذال الامه ... مسلم خانته
دورها بظهره... نقضت بيعته
لو حاله تشوفين
احبابج بعيدين
يا طفلة مسلم
————————————
حسين عمج يلحبيبة حاسبج بنته رقيه
عُودج بدم الشهاده روحه قدمها الابيه
الفكد ادري حميده صعب يابنتي عليه
ثقتي هذا ابنه عمي ارتفع مجده للثريا
سفير إلدينه... دمه ثورته
المبدأ احسينه.... ينصره غايته
مُسلم سفير الدين
احبابج بعيدين
يا طفلة مسلم
—————————————-
علي موفق القزاز
انبياء الله وملائكته
نزلوا سَبِّحوا يمك
كل كوكب الك صلى
وسلم سيدي بإسمك
واديانه السماويه
تنعاك العبوديه
—————————-
جلى خالق القدره
سرك حافظَّ الرحمن
وبساق العرش مكتوب
اسمك يا اخو القران
توراة و سور وانجيل
بكل دين وصرت تبيان
رسالة مجدك الوصلت
كتبت للسمه عنوان
دمك طهر التاريخ
تحيَّ الدين وكتابه
اختارك خالق الاكوان
بمبدأ حكمه و اسبابه
بالدعوه الأحمديه
تنعاك العبوديه
—————————————
روح النبوه بمسعاك
رسالة جم نبي مُرسل
فراعين الزمن صدت
نصك سيدي منزل
احبارك بني مروان
دينك عندك الاول
مارايد حكم سفيان
لجدك دعوته تكمل
بمضامين الكتب يحسين
مصّدر نهجك الاصلاح
مضحي بكل اهل بيتك
طاهر دمك الإطاح
مأييد من الربوبيه
تنعاك العبوديه
—————————————
بالزبور الك مضمون
اتعلم منك المزمار
مئة واكثر من الايات
يرتلن واحد القهار
يسبح عالرمح راسك
يشكر يحمد من اذكار
تليِّن هالرمح هاماك
لو طالب يكُن لن صار
شُبه زبورك بداوود
المنطق إتعلم طير
من حر الشمس يصبح
بجناحه غمامه يصير
من رماحٍ سمهريه
تنعاك العبوديه
—————————————-
ابراهيم النبي بوصفك
خليل لدينه وكتابه
قواعد ثبتت للدين
بنيت اركانه واحجابه
اتحشد ابليس ويرميك
صدرك حمّل اصوابه
من شبّوا خيامك نار
بيت الله انحرك بابه
خليل لكربلاء مبعوث
تنشر دعوة المعبود
من الذله تحرر ناس
للعِزَه جان المجهود
ضد اهل الوثنيه
تنعاك العبوديه
———————————-
بيو حنا إصدر جرحك
انت بكربلاء تصلب
جسمك عالرمضا مقطّع
ياترى هذا الاعجب!
على تل الحزن اية
تلك المكنونه زينب
هامت اية التقديس
وخدور السّمه تلهب
لم يصلب عيسى العذرا
لم تفجع فيهِ مريم
نحرك عالقنا مرفوع
صلى لخالقه وسلم
بتراتيلِّ المسيحيه
تنعاك العبوديه
—————————————
لابحر اليوسع حزنك
منهو الفّسره قدرك
بيك اجتمعت الاديان
بِصّرتْ من دمه نحرك
ثورتك باقيه بكل عام
للإنسانيه عصرك
مهدم كل وثن موجود
ينعبد ربك أَمرك
امام ومصدر الرحمه
واضح كالشمس وأَوضح
الله منعبد لولاك
دمك للباري الْصَرح
تعريف الإلهيه
تنعاك العبوديه
علي موفق القزاز
متى اميال البُعد تطويها
و إلبقيعك تنطر تمر بيها
——————————
يمته نسمع هالخبر منك وصل
من الظلامه لغرقد الطاهر حصل
يا حبل بارينا للامه اتصل
انت مبعوث السمه وراعيها
——————————-
كبور اهلك مهدمه ويه التراب
ذوله سادات الخلك اهل الجواب
وسفه لاحضره صفت إو لا قباب
حتى لا زاير اليكصد ليها
———————————
حتى لا زاير يجي لخير الوجود
من امر اهل العجل وعاد وثمود
بإذن الله تنرفع بجيتك تعود
انت ياراعي الفخر مهديها
———————————
انت ياراعي الفخر يبن الحسن
هالظلم باقي على طول الزمن
بيا ذنب كبور الاطايب اتهدمن
كل عصر يظهر وثن تدريها
——————————-
كل سقيفي ينرجم وكل صنم
ندري من عندك ابد واحد سلم
انت عزمك حيدري وراعي العلم
من دماهم هالارض ترويها
——————————-
وياك تزحف شيعتك باجر تشوف
كل ضريح الينبني تطوفه الالوف
وعيسى ابن مريم يرحب بالضيوف
همه رحمه من السمه منزليها
علي موفق القزاز
صحنه خدامك....موسى ابن جعفر
بينه آلالامك....موسى ابن جعفر
************************
مصدر الحب الالهي من الاصلاب
حبنه ترجم سر محبتك يبن الاطياب
انت يانور الالهي يزهي ما غاب
لكل طلب منك نحصل والله الاجواب
بحسرة ايامك...موسى ابن جعفر
بينه الالامك....موسى ابن جعفر
••••••••••••••••••••••••••
سافرت روحي بحزنها يمك تحوم
سيدي اعليك الملايك تبجي إدموم
هذا ابن جعفر يعالم راح مسموم
ونصبت ويانه عزيه فاطمه اليوم
إلزهرة احلامك....موسى ابن جعفر
بينه الالامك ....موسى ابن جعفر
••••••••••••••••••••••••••
خدمتك نعرف ثمنها ترفع الشان
الربح والله الخدمكم ماهو خسران
نذكر سنينك وألمها بكل الازمان
خَلصت زهرة حياتك بغربه الاوطان
وينها حكامك....موسى ابن جعفر
بينه الالامك....موسى ابن جعفر
•••••••••••••••••••••••••••
انت ابو طلبة نعرفك معدن الجود
والكرم ماخذ كماله لموسى منشود
بكل حمل موسى نشوفك انت موجود
والفضل يابو الحميه إلشخصك يعود
خطت اقلامك...موسى ابن جعفر
بينه آلالامك....موسى ابن جعفر
••••••••••••••••••••••••••••
سيدي نحيَّ مصابك يبن الاكرام
والله ماننسه محنتك بسجن آلالام
اتجرعت سم النوايب بجور الايام
شلون دين الله وحكمته بيد ظلام
مدوم ظلامك...موسى ابن جعفر
بينه آلالامك....موسى ابن جعفر
خادم الحسين/ علي موفق القزاز
بينه الفرح هايم
نورج بزغ فاطم
يافاطمة يافاطمة...يازهراء
•••••••••••••
دار النبوة استبشرت فرحانة دنيانه
هذا الامر من السمة جبريل نادانة
ياطه سمي فاطمة هذا الاسم جانة
واملاك ربنة هابطة مبتسمه ويانة
أعطاك ربنه الكوثر
نور الله هيه الأزهر
يافاطمة يافاطمة...يازهراء
••••••••••••••••••••
مخلوقه من نور العرش بضعة محمد
من نور هذا بفاطمة للمهدي ممتد
زهراء اسمج والاسم عالامة وّرد
وصوت المحب يافاطمة هالليلة ردد
المحب صوته ردد
صلو على محمد
يافاطمة يافاطمة..يازهراء
•••••••••••••••••••
مشكاة نورة فاطمة هالدرة مكنونة
بحكم الأله وقدرتة حافظها مصيونة
ريحانة من فيض العرش بنواره مرهونة
نزلها رحمة وعاطفة هالبضعة ميمونة
مصدر وجود المرحمة
انتِ اصلها فاطمة
يافاطمة يافاطمة..يازهراء
••••••••••••••••••••••••
و الحور شوقاً هايمه هالليلة مسرورة
هنت اجت للمصطفى للبهجة منشورة
إبتسمت مثاني الفاتحة للكوثر السورة
والفرح رتل ايته ربنه كمل نورة
اليوم العرش مبتهج
البسمة رسمت بالمهج
يافاطمة يافاطمة...يازهراء
•••••••••••••••••••••••
إبريق إمن الجنة نزل للطاهرة الزهرة
من عطرج الجنة خذت هذا العطر سرة
بارينه حُجته فاطمة اعلى حجج أَمرة
والترضة عنه فاطمة هذا أَرتفع قدرة
الترضة عنه عابر
والرفض منها خاسر
يافاطمة يافاطمة...يازهراء
••••••••••••••••••••••
المحب رتل بالفرح لأم الحسن عيده
اخر جماد بكل سنة بأسمج صدح نشيدة
والبغض شخصج فاطمة هذا الله ميريده
وعقول عمية النكرتج عن الله إبعيده
بيج الفرح منشود
انتِ الكرم والجود
يافاطمة يافاطمة...يازهراء
خادم الحسين/ علي موفق القزاز
مضحية بولد...مثل الورد
بنت الاصل...حاشه ترد
باب السمة ام عباس ..بكل الشدد انخاها
—————————————
باب الله هاي العظيمة الحره
الضحت ولدها عالفخر مفتخره
اقسم عليها بالحسين ونحره
بصدر السمه ...متوسمة
تريد الاسم ... هلـ خادمة
هاي الوفية هلـناس... رب العرش جلاها
————————————-
ام الوفة ابكل شده لابد تحضر
دهرك لوّن حد سنونه و تعسر
بالفاتحة كل العسر يتيسر
تحل الشدد....منها المدد
ام الوفه... هي السند
معروف اليدك هلـ باب. باب الفرج يلكاها
———————————-
هنيال هاي المرأة دين و إيمان
تحجي بفضلها اسيه وبت عمران
بيّضو وجهه هلـ بنين الشجعان
بنهر الشرف...الدم نزف
جف الكمر ...اغله هدف
رب الوفه يحجي الكون...فوك النجم علاها
————————————-
انخة الكريمة الفاضلة متردك
اكبر همومك احجي يمها العندك
توكفلك بكل مشلكة لو وحدك
باب الكرم ...يجاوب نعم
يمها ابد... يحصل ندم
متعض اصابع والله... كلبك يسر إوياها
—————————————
بدويه وطاهرة نسب بين الناس
احتارت قواميس الوصف بالمقياس
عزها وفخرها والنعم من عباس
بحور الجنة ...بيها اتحفنه
هاي الحرة...جوهر ربنه
ياتاريخ الينصف راح...سورة وفه يتلاها
علي موفق القزاز
هوايه صار مفاركَينج
يُمه كَعدي رايدينج
الدنية ظلمة بلا ضواج
كُلشي ودعنه وراج
يُمه........يُمه
"""""""""""""""""""""""""""ً
جنة امي تشبع الدنيه بعطرهه
لو يصح عمري لوّن درته لعمرهه
اني ما اعوض ابد إرباهه وسهرهه
كل صباح الله انكسر بلوعة هجرهه
شكثر نشتاكَ لحنانج
اعليج يبجي ظل مكانج
مانوفي حكَ رِباج
كُلشي ودعنه وراج
يُمه........يُمه
_________________________
اليفارك امه فاركهه المحنه
الف وسفه وحيف ضمه الكبر عنه
طشرنه يا يمه الهجر منهو اليلمنه
عافيتنه راحت بروحتهه مِنّه
إوياهه راحت عافيتنه
الف مو مره انذبحنه
هذا ياموت الخذاج
كُلشي ودعنه وراج
يُمه........يُمه
_________________________
يمه صعبه من تمرني المغربيه
من فكدتج والجروح تعيل بيه
منهو يملي غرفتج وحشه و خليه
دنيتي بهمها هوت والله عليه
اشبك اهدوج واحاجي
ماتت ام حلو المحاجي
أُم هله وملگه لكاج
كُلشي ودعنه وراج
يُمه........يُمه
________________________
يكسر غيابج ظهر والله ييمه
يختنك بينه الهوه بدونج نشمه
هسه نحضن بالكبر وإنام يَمه
يموت حيلة بدنيته الدافنه امه
اه يتراب المكابر
كاسر احساس الخواطر
الهوه خنگه بلا هواج
كُلشي ودعنه وراج
يُمه........يُمه
________________________
امي غبشة إتسير طيور عدهه
ماكو احن منها كلب توّد اليضدهه
الوحشه توجع يابشر محد يسدهه
اه يتراب الكبر تذبح وردهه
الموت بايكهه سنينج
ما اصيحن يمه وينج
لا امان بلا حماج
كُلشي ودعنه وراج
يُمه........يُمه
___________________________
صلف ياموت وخذت من عندي امي
شمعة جانت زاهيه ياناس يمي
انطفه بعيني الضوه وانباد حلمي
بان شيبي من وكت والكلب مدمي
كعدي يمه وحاجينه
والله نحتاجج تجينه
بداخلي كلشي نَعاج
كُلشي ودعنه وراج
يُمه........يُمه
علي موفق القزاز
ياموت ليش اخَذْت احبابي
ياموت يِسمعه منهو اعتابي
امي اعز من الكلب
امي ضماهه الترب
ياموت
——————————-
ياموت ماخذ فاطمة...روحي تره الزجية
عني تضمها المكبره...انسه بعد كل جية
امي صباح الله تره... بلاها الشمس مخفيه
ترجع ولو ساعة ردت...اشبع دفو وحنية
ياموت مني تاخذ امي
ياموت توها جانت يمي
امي فركاهه صعب
امي ضماهه الترب
ياموت
————————————-
امي رحمه عله الارض ...تحتاج شُكر الرحمه
نعمة الله إمن السمه...شكد عظيمة النعمه
المثل امه فاطمة.... رايح فكدها يألمه
يسكن يظل المكبرة...الماتت يعالم امه
ياموت تحرمنه من الجنة
ياموت اوياه ريت ادفنه
دموعي عالزهره تصب
امي ضماهه الترب
ياموت
—————————————
مهظومة ماتت فاطمة..بسوطه العبد آذاهه
مخنوك بالريه النفس دخان الحطب غطاهه
اثياب فاطم تحترك...نار اللظى جواهه
تتلوه من ذاك الكسر...جرح الضلع اغشاهه
ياموت انهشم ضلع البضعة
ياموت بسمار منها اطلعة
امي عالخد تنضرب
امي ضماهه الترب
ياموت
—————————————
شله بحياته ينتظر ...حجاية بخت دفنوها
تبرد سنينه وضحكته... بلحد الكبر نزلوها
تشبكني اريد الوالده... احضنها الي خلوها
امي تعبها الضلع ........... ولية زجر ولوها
ياموت تدفن راح احلامي
ياموت إلمن اعيش ايامي
امي روحي تنحسب
امي ضماهه الترب
ياموت
————————————-
ياموت مااعيشن بعد....امي صعب فركاها
معقولة مااسمع وسف.منها الهلا شمحلاها
عافيتي راحت وانتهت... حيلي انهدم وراها
يدنيلي رايح هالاجل ... بلكي التقي وياها
ياموت تعلم انت بحالي
ياموت هذا الك مرسالي
انفطر كلبي ينتحب
امي ضماهه الترب
ياموت
————————————-
يغازل جروحي الدهر...المن اروحن يمه
بهدومج اشتم كل مسه..بيج الحنان اشتمه
مشتاك يمه فاطمة... خيمة وجودي وحلمه
وحشة غرفتج ماتطب.. يحبيبة صارت ظلمة
ياموت تعمه راح عيوني
ياموت هم ترد حاجوني
امي عني تنحجب
امي ضماهه الترب
ياموت
علي موفق القزاز
راحوا احبابي وجفوني ولعيوني مايردون
تكسر بكلبي الليالي من لحدهم مايجون
—————————————-
اليسافر عنه غالي بعده شله بدنيته
ياعمر رايح تعيشه انكسر كلب بنيته
جلمة البويه عزيزه شكد حنينه احجايته
التفارك تموت والله الكَبر ضم الحبته
فاطمة اني الوديعة ام ابيها يعلمون
تكسر بكلبي الليالي من لحدهم مايجون
——————————————
الإبو خيمه وجوده عازة والله لو رحل
تارسه اعياله وحشته والدمع عالخد وجل
تبجي عالعشره الطويله شكد تعب كلبه وحمل
ماتعوض سنينه والله يرد تترجه امل!
بحيرتي بابي اكابل ساكنه بروحي الشجون
تكسر بكلبي الليالي من لحدهم مايجون
——————————————
اسكن بروحه المكابر مشتاكه لعيونه اجيت
ليش ياعُودي عفتني بغيبتك ظهري حنيت
مو وكت تلفي المكابر بسرعه يابويه غفيت
بالترابه ينام طولك وفارغ يصّبح البيت
راح مني الدللاني راح ابو كلب الحنون
تكسر بكلبي الليالي من لحدهم مايجون
——————————————-
ياجرح يتم ضحكتي وكل حلم اصبح سراب
يوم شالوا بويه نعشك إلتمن سنين العذاب
عله هونك صحت ريّض عذباني هل مصاب
الوطن بس انت شفتك عمري دونك اغتراب
ياوطن جروحي وهمومي غربة واهات الظنون
تكسر بكلبي الليالي من لحدهم مايجون
——————————————-
بيه مايرحم زماني شيّخصله يلغالي العمر
صورتك احضنها ابقى وكل دفو بيه يمر
ذكره عندي هذا ثوبك من اشمه انعصر
بحجرتك افتر ادور ووحشة افراكك جمر
خالي اتفكد مكانك التظل ساكن بالعيون
تكسر بكلبي الليالي من لحدهم مايجون
علي موفق القزاز