439
أَوقفتُ قلمِي في حُبِ الحُسينِ فغيرِ حُبهِ لمْ أَجدْ يَهويني غداً ان بُعثتُ الىٰ يومِ الحِسابِ رِثائي إِليهِ سوفَ يُنجيني ✍️
وبسجن قيودك
سجلت خُلودك
ياراهب اهل البيت
رَتَلك صمودك
————————————-
شلون طاموره تضم كلي الشمس!
موسى مشكاة العرش ما ينحبس
كرّس بصبره صور باعظم درس
يهابه سجانه مِنْ جُوّده النفس
هيبتك خشوعك
بفجرك وطلوعك
تناجي الإهك ظليت
ياراهب اهل البيت
رتلك صمودك
——————————-
احله لحظاتك شفت بكل الحياة
بالسَحَر وعنده الفجر يبن الأُباة
كُل شعورك صاغية عند الصلاة
موقفك والله هدم عرش الطغات
يا عُظم صفاتك
انذرتها ذاتك
الحمدُ لله ناديت
ياراهب اهل البيت
رتلك صمودك
———————————
وين هارون المُلك نسأل نريد
وين رايح هالقصر و ذيج العبيد
هذا موسى وجنته تضوي البعيد
وباب للحاجة صبح كهف الطريد
آيتك شموخك
انتظروا لرضوخك
ثابت يقينك ابقيت
ياراهب اهل البيت
رتلك صمودك
———————————-
موسى ميهمك ابد قيد الظلام
امبرهن بعزمك أُسس لكل الانام
رغم حكامك كثر ووحدك امام
صبرك الثوري فنى إعروش اللئام
واضح بطريقك
يا وثن يعيقك
لدين العداله ضحيت
ياراهب اهل البيت
رتلك صمودك
———————————
بكلبك جمره لاهبه لجيّت الاهل
عن ابن جعفر وسف محد سأل
توصي إلمن لو حضر وكت الاجل
لا ولد يمك حضر اعله المغتسل
خلّصت سنينك
للرضا حنينك
يحضّرك علي اتمنيت
ياراهب اهل البيت
رتلك صمودك
———————————
قبل لا جفن الالم يضمه التراب
ردت يمك فاطمة بعد الغياب
تضمك بهمهه تجي بدمع المصاب
واليتم صاير فرض هجر وعذاب
شمعظم المصيبه
تنطر الحبيبه
لمعصومه بنتك حنيت
ياراهب اهل البيت
رتلك صمودك
تمت
علي موفق القزاز
الموعد الجمعة تجي تشيعونه
موسى ماشافت نهار عيونه
————————————-
هذا موسى من نسل اشرف طهر
ابسجون الظالمة يكضي العمر
ياصبر يحمل بعد هذا الصبر
و نورَ ماكدروا ابد يطفونه
—————————————
الليل جفه ماكدر يطفيله نور
نور موسى عالفضا اصبح يدور
هذا مشكاة السمه عبر الدهور
وحضرتة جنة عدن يوصفونه
—————————————
شاف من ظلم الزمن وجور الرشيد
وسط طامورة بقه بكيد الحديد
ومن ثكلها السلسله تنزف الإييد
موسى هدم كل مُلك هارونه
————————————-
مارضخ موسى ابد للمُغريات
ولاطمع بيها يظل هاي الحياة
خلص ايام السجن بفرض الصلاة
التقيِّ العابد تره يعرفونه
————————————-
قِصته ماشابهت بين القصص
عايش سنين الالم وذيج الغصص
للظلم رغم الجره منطه فرص
وجفه مابايع وثن يهابونه
————————————-
انختم عمره والجبد ياويلي ذاب
يعظم الله للرضا هذا المصاب
منهو راح يشيعه بهل اغتراب
وين اهله لجثته يدفنونه
————————————-
وين اهله ماتجي ناده الطبيب
لا ابن لا من عرف لهذا الغريب
الجمعة ياشيعة الوعد اصبح قريب
عالجسر موعدهم يحضرونه
علي موفق القزاز
مضحية بولد...مثل الورد
بنت الاصل...حاشه ترد
باب السّمة ام عباس ..بكل الشدد انخاها
—————————————
باب الله هاي العظيمة الحره
الضحت ولدها عالفخر مفتخره
اقسم عليها بالحسين ونحره
بصدر السمه ...متوسمة
تريد الاسم ... هلـ خادمة
هاي الوفية هلـناس... رب العرش جلاها
————————————-
ام الوفة ابكل شده لابد تحضر
دهرك لوّن حد سنونه و تعسر
بالفاتحة كل العسر يتيسر
تحل الشدد....منها المدد
ام الوفه... هي السند
معروف اليدك هلـ باب. باب الفرج يلكاها
———————————-
هنيال هاي المرأة دين و إيمان
تحجي بفضلها آسيه وبت عمران
بيّضو وجهه هلـ بنين الشجعان
بنهر الشرف...الدم نزف
جف الكمر ...اغله هدف
رب الوفه يحجي الكون...فوك النجم علاها
—————————————
انخة الكريمة الفاضلة متردك
اكبر همومك احجي يمها العندك
توكفلك بكل مشلكة لو وحدك
باب الكرم ...يجاوب نعم
يمها ابد... يحصل ندم
متعض اصابع والله... كلبك يِسر إوياها
—————————————-
بدويه وطاهرة نسب بين الناس
احتارت قواميس الوصف بالمقياس
عزها وفخرها والنعم من عباس
خوش تربي ...للطف تنطي
حسين الاهم... عنها يرضي
ياتاريخ الينصف راح...سورة وفه يقراها
—————————————-
هيه المجد طول الزمن ينصفها
بهذا النسب بنت الشرف يوصفها
عن السبط ريح الدهر تعصفها
لعقد الوله ...حبها اعتله
يامُنيتها ..... و بكربله
جم أُمنيه وبالاحلام....شوك البعد أذاها
علي موفق القزاز
من أُم الجَمل وفلان واعوانه
ماتت فاطمة مقتوله حزنانه
———————————————
انطق يازمن و اكشف حقيقتهم
بداية هل حقد بمجلس سقيفتهم
ما تُغفر ابد هذي جريمتهم
بقتل طة النبي فضحت سريرتهم
النطقت بالهجر ملعونه فلانه
———————————————
الجريمة الثانية حطب تجمعله
و بنار احقادها من بابه إتشعله
بغض بحيدره اموصى تعرفله
الاول حيدره هذا السبب كله
الاول بس علي المختار وصانه
——————————————
الجريمة الثالثة اعظم جريمة
بسمار النبت بضلع اليتيمة
جلمتهم و (إن ) اشكد ليئمة
سريرتهم ابد لا مو سليمة
يانار الضلع ماتطفي نيرانه
————————————
الجريمة الرابعة المحسن إبدمه
جنين و مانطق بجلمة اليُمه
ياذنب وشرع من أُمه إتْحرمه
عل العتبه هوه من شدة الهجمه
عله قتله اجت هل زمره عطشانه
—————————————-
الجريمة الخامسه بشدة العصرة
احضر ياعلي مانطقت الزهرة
خافت لا يجي و يشاهد السطره
وايديها عالظهر تاذيها هل كسره
إلربها تشتكي الزهره غضبانه
—————————————-
الجريمة السادسة حيدر اتكيّده
علي منهو يفكر يوصل لحده
لو ما هل وصيه خيبر يرده
وخيبر ثانية يرجعها مو وحده
جدهم من نزع يذكرها نسيانه
علي موفق القزاز
تكريمنا من قبل خلية الاعلام الحسيني في مدينة الشطرة نسأل الله تعالى القبول عند سيد الشهداء ع
Читать полностью…
نواسي جرحك يالامام المنتظر
راح ابوك العسكري يغيّبه الدهر
——————————————————-
نواسي جرحك والحزن بينه يلوح
ندري كلبك عالهجر مملي جروح
هاي دمعاتك جرت بهم وتنوح
تسيل عالخدين يلمهدي نهر
———————————————
تسيل عالخدين دمعات المصاب
والحنان تودعه بالحسره وعذاب
يوم نعش الوالد يضمه التراب
و بيك يترك للزمن ذكره وصور
——————————————-
راح يترك سيدي لوعه و الم
صعب فكد العسكري لحيلك هدم
ويلي جبده الطاهر اتجرع الهم
بالسموم الغادره اتوذر وذر
——————————————
الك إيعظم الاجر رب السمه
اعليك سامره بجت لحزنك دمه
كلوب هذي شيعتك متألمه
وياك يفجعها يمهدي هل خبر
——————————————
صعب يفراك الابو ماله مثيل
تظل ناره للازل وسط الدليل
اه دنيا الفرقت خِل عن خليل
ويلي يفراك الابو يحني الظهر
——————————————
هاي سامره توشحها الحداد
وهاي نسمات الهوه لبست سواد
و لمصاب العسكري تبجي العباد
واعليه كل خاطر عالارض انكسر
——————————————-
اجت احبابك تجدد هل عهد
مانعوف مصيبة الوالد ابد
الك كل عام وكثر بينه العدد
للزمن تنطي تظل اروع عبر
——————————————-
مانعوفك سيدي وحدك تشوف
جنة هل مرقد يضوي للضيوف
اه وا ويلاه تصرخ يلرؤوف
بلكي كلبك سيدي نكول إنجبر
علي موفق القزاز
اليسافر عنه غالي بعده شله بدنيته
ياعمر رايح تعيشه انكسر كلب بنيته
جلمة البويه عزيزه شكد حنينه احجايته
التفارك تموت والله الكَبر ضم الحبته
راحوا احبابي وجفوني ولعيوني مايردون
تكسر بكلبي الليالي من لحدهم مايجون
———————————————
الإبو خيمه وجوده عازة والله لو رحل
تارسه اعياله وحشته والدمع عالخد وجل
تبجي عالعشره الطويله شكد تعب كلبه وحمل
ماتعوض سنينه والله يرد تترجه امل!
بحيرتي بابي اكابل ساكنه بروحي الشجون
تكسر بكلبي الليالي من لحدهم مايجون
——————————————
اسكن بروحه المكابر مشتاكه لعيونه اجيت
ليش ياعُودي عفتني بغيبتك ظهري حنيت
مو وكت تلفي المكابر بسرعه يابويه غفيت
بالترابه ينام طولك وفارغ يصّبح البيت
راح مني الدللاني راح ابو كلب الحنون
تكسر بكلبي الليالي من لحدهم مايجون
——————————————-
ياجرح يتم ضحكتي وكل حلم اصبح سراب
يوم شالوا بويه نعشك إلتمن سنين العذاب
عله هونك صحت ريّض عذباني هل مصاب
الوطن بس انت شفتك عمري دونك اغتراب
ياوطن جروحي وهمومي غربة واهات الظنون
تكسر بكلبي الليالي من لحدهم مايجون
——————————————-
بيه مايرحم زماني شيّخصله يلغالي العمر
صورتك احضنها ابقى وكل دفو بيه يمر
ذكره عندي هذا ثوبك من اشمه انعصر
بحجرتك افتر ادور ووحشة افراكك جمر
خالي اتفكد مكانك التظل ساكن بالعيون
تكسر بكلبي الليالي من لحدهم مايجون
علي موفق القزاز
عادتْ الحَوْراءُ بِرزءِ الأَرْبَعِينْ
لَها قَلْبُ الصّبْرِ َيدْمِي العْالَمِينْ
***********************************
لَهفِي على زَيْنَبٍ بِنْتِ الكِرامْ
حَمَلَتْ جُرْحَ السِبا بِرَكْبِ اللِئامْ
الفُ آهٍ بَعْدَ آهٍ لِنَكْبةِ الشامْ
اين َضاع شَملَكمْ تَسألُ أينْ !
————————————————
أَربعونَ يومًا مَرْد رؤوسَ الحِيّودْ
وذاكَ قلبُ الحُرةِ بِحزنٍ يَجودْ
وذاكَ رَأَسُ الكافِلِ فِيهِ عَمُودْ
بِتلكَ عينٍ ينزفُ اطفأتْ عينْ
————————————————
وَ تِلْكَ عَينٌ نابتٌ سَهمُ اللعينْ
إهْتَزَ رِمْحُ الكافلِ لاختَ الحسينْ
و مُهَشَمٌ بِدمهِ ذاكَ الجَبِينْ
حُب السبطِ غذتهُ أُم البَنِينْ
————————————————-
وذاكَ َرأَسٌ مَعَها مُذْبَلْ الشِفاهْ
ماتَ عطشانًا غريبًا واحُسيناهْ
ابنُ زَمَزمٍْ شَحَ العَذْبُ رواهْ
و انا جدي نادهم طه الامينْ
————————————————-
بأيِّ جرحٍ يرجعُ ضَعْنُ السَماءْ
مَرتْ الليالْ القَهَرْ في كَرْبَلاءْ
هي لم تنسى الأسى وذاك العَناءْ
ماذا بهم جرى ليوثَ العرينْ !
———————————————-
يوم ارْعَبَتْ زَيْنَبٌ الطاغي يَزيدْ
نحنُ اسيادكْ نظلُّ الله اليريدْ
انا بِنْتُ الطالبِيْ سَعْيَكْ مَكِيدْ
هُمْ عينُ اللهِ والحبلُ الوتينْ
———————————————
خاطبتْ إخوتها بِدَمْعِ الشِجونْ
لإختكم لاوالٍ وترنوا العُيونْ
وضعنكم هذا اتى بدربِ المَنُونْ
مُلتقاهم دمعةٌ تروّي السنينْ
———————————————
انا زَيْنَبٌ قالَتْ و رِزء الدهور ْ
شضا فيهِ مُهجةً بِرِؤية النِحُورْ
كأن يومَ البعثِ كـيومَ النشورْ
الثرى كأن إنطَوَتْ يَوْمَ الحُسَينْ
——————————————-
هذهِ الحَوْراءُ رُدَّتْ بِجَرْحِ السِبا
هُمْ بَيْتُ المُصْطَفى اللهُ اجتبى
الوَحيُّ البَيتُ جَلُه وا عَجَبا !
بِنْت ُمَنْ حارَبهُمْ بِبِدْرٍ وحُنيّنْ
————————————
عادتْ الحوراءُ والمنظر فجيعْ
تِلكَ رؤوس الفخرِ بِنحرٍ قطيعْ
وتلكَ عيونُ الشرِ بِحالٍ شنيعْ
تشمتوا بزينبٍ بِنتُ الاكرمينْ
علي موفق القزاز
من ايدي راح اعضيدي
اخوي وفرحت عيدي
كال الزمن ……راح الحسن
من ايدي راح اعضيدي
—————————-
سكت نبض الخوه يدري وبانت اعلوم الرحيل
ريحة اموادع تشمها خل ويودع خليل
امهلنه ياموت بقدومك اعليك بارينه الجليل
خاف مااشوفن عضيدي ودمع هجرانه يسيل
يحسين الله يعينك
شتنظر راح بعينك
عيونك حچن
راح الحسن
———————————
انتَ يبني امي وحياتك يبقه جرح الذكريات
تعوفني بهمي ودمعتي ياحلم بالفركه مات
تدري جم خاطر تكسره وجم جفن بالدمعه بات
مااريدن طاري بعدك ابلا طعم هاي الحياة
عايش جرح اغيابك
مغيم عمر احبابك
هموم ومحن
راح الحسن
————————————
كلف يعضيدي رحيلك ياغلاتك الله يدري
اغله من الهوه هذا الإبروحي والله يسري
كل صفاتك منها شنسه كل حنانك طول عمري
يلحسن اني حبيبك عنك يفرّقنه دهري
تكسر ظهر الخوه
بأيام المُره وحلوه
إلحزنك علن
راح الحسن
—————————————
اعليك ياكلب اليصابر يتقبل بهذا الغياب
ياعيوني شراح تنظر جبدك وبسمومه ذاب
إجود يبني امي بحسرتك وروحي سابيها المصاب
سمتك ايد الضغينه اتجرعت سم العذاب
جابو طشت لجبدك
ريته البيه العندك
بجبدي سرن
راح الحسن
—————————————
هل طشت غطي اخبرك خاف أخيتنه تشوف
بالطش تنظر جبدتي والهضم بيها يطوف
محنتي سهله تراها والاشد يوم الطفوف
بحيرتك باجر تشاهد تنهش بجسمك سيوف
باجر خيل تسحكك
باجر شمر يذبحك
وبصدرك جثن
راح الحسن
——————————————-
شلون بزينبنه خويه إبياكلب باجر تصابر
تفتر بوادي المصيبه ولا اخو بغربتها حاضر
عالنهر طاح الكفلها وطاحت ادموع النواظر
والسبي يصبح امرها تمشي بدروب المخاطر
والاكلف باجر زينب
تسبا وهذا الاصعب
اخلافك مشن
راح الحسن
علي موفق القزاز
تلگانه ....تلگانه ..دوم اعله الوعد
مولانه ....مولانه...منعوفك أبد
معشوكي أمشي وبجمراتي
فدواتك كل تعب خطواتي
—————————————
بلايه قيمه ايامي....مشتاكة والله اجدامي
حافي تمشي الضامي...ننتظر جمر اللقاء
عهد هذا انطينه... بكل صفر تلكَينه
حسين ماناسينه ....تشهد اعلينه السماء
اخذ هاي الجلمة....المحب يمك حلمه
الك كلشي مقدمه....هاي صرخات الولاء
احلامه ....احلامه ....يِحقق هل حلم
صرخاته...صرخاته... ناداك بعزم
محبوبي بي تدك نبضاتي
فدواتك كل تعب خطواتي
—————————————-
شفت دربك راحة....صوت حبك صاحه
عشك جونك لاحة...إبحر عطفك يرتمي
بموج بحرك ساير...العاف شخصك خاسر
بجمر حزني مناطر...بيك اذلن لايمي
هذا درب الجنة...الارض بي تحسدنه
كل عدو ميهمنه...الدخل حصنك ينحمي
هنياله ...هنياله ....مجوي إمن الخيم
لجروحه...لجروحه...رافعله علم
خليني ذايب بحسراتي
فدواتك كل تعب خطواتي
—————————————
سبي زينب بينه ...عين اخوها اعلينه
طيبو جرح اسنينه...من تماشو ام الخدر
صعب ظل ممشاها...عثر كلشي اوياها
ولا اخو اتلكاها.....من بعد عشرة عمر
كل جرح ياذيها...حيل ماظل بيها
يا صبر يرثيها...شيحمل الفاكد صبر
واسوها ...واسوها...وي ضعن الخدر
تدروها.....تدروها ......تعبها اليسر
تعرفني من هضم عبراتي
فدواتك كل تعب خطواتي
————————————-
ارد اوافي عهودي...الزهرة شدة زودي
جنتك مقصودي ....رحت ازور الغالي
إمأذنه بيه جروحي... تحاجي صارت روحي
بونه زيدي ونوحي....بعيني دمعي هالي
الهوه صايح ياهله ...بيه فرحت كربلة
قبلتي عقد الوله ....مشتاك يدري بحالي
اقسمله ....اقسمله ....ماخنت العهد
گاصدله...گاصدله..الشايب والولد
ودموعي تواسي وي اهاتي
فدواتك كل تعب خطواتي
————————————-
مقدسه هاي الشعيره..ويه مهدينه المسيره
يواسي بجروحه الاسيره...اويانه كاصد جده
يمشي وي ممشانه...بشوگه ظل حيانه
بكلبي انتو هنانه...انصاره انتم عنده
الذرف منكم دمعه ...بكبره يشعل شمعه
يخصه باجر وضعه ....اخذو هذا وعده
بشرنه...بشرنه ......و بهذا الدرب
واعدنه ..واعدنه...للجنة نطب
بمهدينه يستجب دعواتي
فدواتك كل تعب خطواتي
—————————————
عين الله اويانه ....الرحمه تمشي اويانه
بهل درب ترعانه...عنه ترضه فاطمة
بنيّه راح لكبره ...الف حجه وعمره
الزار ابن الزهرة....ينول حسن الخاتمه
إثنعش نور يحضره...العاش هاي الجمره
الزهرة راح تنطره...هذا شرف الغانمه
بجناته ...بجناته...يسقينه العذب
بجناته .. بجناته ... مايضمه الكلب
وانعامي من فضل ساداتي
فدواتك كل تعب خطواتي
علي موفق القزاز
جينه ننشد عن عليل القافله
العاش احزان الدهور بكربله
بظهر عاشر فاكد احبابه وهله
شلون ابن البسمله مكيدينه
—————————————-
شلون ابن البسمله يقيده الحديد
هذا ابن (القل هوه ) حسين الشهيد
الكال هيهات الرفض يحكم يزيد
خرج لاصلاح النفس ولدينه
—————————————
خرج لاصلاح النفس دين الرسول
للرعيه دعوته ينير العقول
جازته الامه بقتل ابن البتول
وبدماءه الطاهره مخضبينه
—————————————-
مزلزل عروش الظلم ابن النبي
ابن زمزم والصفا هل طالبي
نندل دروب السمه يلناصبي
ونور لهاي الارض تدرينه
—————————————
ولضميره بايعه لجف الظلام
سخط ربه نايله وذاك اللئام
البيده حارك للسبط ذيج الخيام
البيها ايتام وحرم مرّوعينه
————————————-
بيد اصحاب البدع تسبا العيال
بيدهم هل جتفوا بيها الحبال
وزين العباد الدمه إمن ايده يسال
والعليل بكل كتر ملوّعينه
————————————
بالسموم الغادره يخلص السنين
بشر عاميها الحكم ماعدهه دِين
للإمامه جازته بفعل المشين
وبسموم النايبه مصوبينه
علي موفق القزاز
راسه نزله يارمح
تعبان ابوي من الذبح
يارمح وارحم حالي
نزلي راس الغالي....يارمح
————————————
بالله اسألك يارمح وانته تعرف حالتي
الليل ساهر ماغفه وي غربتي ودمعتي
الجان تارس هالعمر هجره تارس صفنتي
راح إمن ايدي الابو و بعيني ظلمة دنيتي
ليش وجه كل دم
شوفته صارت عدم
مني خذت آمالي
نزلي راس الغالي....يارمح
———————————-
يتعب اشوفن منحره يرتاح خله بحضني
ياذيه ادري لو علم من السوط ينزف متني
من شيبه امسحها الدمه رغم الحبال تعتني
من دمعي اقطرله ردت واروي شفايف ذني
شفاف ابوي مفطره
كسر ظهري منظره
نزف دم دلالي
نزلي راس الغالي...يارمح
———————————-
يابويه انظر جبهتك باقي اثر ذاك الحجر
لمن احضنك بي شفت اثنعش طبره عالنحر
المن عفتني بيا جرح زماني شبعني قهر
بنيتك انه و ياراحتك متعب عيوني السهر
افياي اسويله ردت
ياويلي يتلوه شفت
راس الحنين اكبالي
نزلي راس الغالي...يارمح
———————————
هل فاجعة بيهن تمر كلمن اجت تشكيلة
هاي الفواطم حايره بعازة ابو هالعيلة
هضموها تدري بنيتك فاض الدمع مسيله
اني الحبيبه الغالية ضيم اليسر ارويله
مني خذوا ترجيتي
وناكة هزيلة ناكتي
حادي الضعن جتالي
نزلي راس الغالي....يارمح
——————————-
عمتي العقيلة حايره تعاتب اشوف بعمي
اعتاب الاخو وبلا زعل وتگله ريتك يمي
مدللنه كل يومك جنت وجان الاميره اسمي
دار الوكت رحنه بسبي وعكبك تغيّر رسمي
اكعد تكله ياكمر
بالغربه ودانه القدر
انت المحامي الوالي
نزلي راس الغالي....يارمح
——————————
عطشان يارمح الابو تلهب جمر لهاته
يقشعر جلده ياوسف من ينظر إبنياته
مايحتمل انا انولي يغمض شفت نظراته
من اشكف اسياط الزجر عالي صده وناته
خليته عاري عالثره
فاجعني والله هالجره
ذبح الابو يبرالي
نزلي راس الغالي....يارمح
تمت
علي موفق القزاز
كوم ياكرار احضر ليها
شوف زينب هل دهر يُوليها
———————————————
كوم ياكرار يافحل الفحول
بصبر زينب حايره والله العقول
إوياها طعنات الدهر إصول وتجول
عكب الاحيود الشمر حاديها
——————————————
راحت حيود الفله العِز والفخر
مايطمنك ياعلي هذا الخبر
ِعلم عندك اشعمل بي الدهر
هاي إخوتي مخضبه تلكيها
————————————-
هناك تلكه جثة تجويهه الرمال
الف طعنه والدمه منها يسال
تلكه للحافر اثر إسهام ونبال
جثة إحسينك تره إمسلبيها
—————————————
هناك تلكه عالنهر جثة الوفه
الكال هوني للنفس شنوصفه
عين انطه للسهم وما اكتفه
وبي جفوف التضحيه مكطعيها
—————————————
هناك تلكه ياعلي اثياب العرس
بالبساله انطه بالطف الدرس
لاجل عمه مابخل بيه النفس
لاجل دينه روحه الإمضحيها
—————————————
هناك تنظر ياعلي بين الشباب
حسين شبله موسد بدم الخضاب
علي الاكبر يحضن بجسمه التراب
والسيوف ابجثته اموذريها
—————————————-
وبالبراري تنظر اطفال وحرم
لا إخو عندي بقه لا من خيم
بويه احضر شدتي يابو شيم
وبالخرايب كَعدتي تاليها
علي موفق القزاز
المن تخليني ..يلماخذ سنيني
ترجعلي وانتظرك
وين وين حاجيني يوليدي
وين وين يافرحتي وعيدي
ترجعلي وانتظرك
———————————-
گلت جّسام يكبر وبيدي ازفنه
ابني وحكي افخر بتعبي اكبرنه
لشبابك راح احضر الياس والحنه
يوم ويوم يكبر حلمي الاريدنه
تحجيلك احلامي...تفرّحها ايامي
يلمكتمل بدرك
وين وين ياشمعة ادروبي
وين وين بدمعاتي مكتوبي
ترجعلي وانتظرك
——————————-
ثوب العرس يمه لايك لطولك
واشوفن للحرب لامه يفصلولك
متعني لطفوفك كاموا يكلولك
ولنصرة احسينك يبني يحجولك
ينصر ابو اليمه ...يضحي اله بدمه
تفدي اله عمرك
راح راح يبني تفاركني
راح راح دهرك يباعدني
ترجعلي وانتظرك
————————————
لكلشي محسبه وممحسبه لوداعك
سفينة حبنه تغرك لو كسروا شراعك
باجر من تردلي شمكثر اوجاعك
وبجسمك جروحك صايره امتاعك
عايفني يوليدي...وانه اصفك ابيدي
ماينتظر دهرك
وين وين دمعاتي بخدودي
وين وين لتخّيبه معهودي
ترجعلي وانتظرك
————————————
طفوا شمعتي يوليدي من امشيت
ياخطوة رحيلك ارجعلي ماحنيت
لوّن مره تجيني بالطف مامريت !
تدري بعيني دمعه من رحت ماخليت
متحيره خلاني...ماتخلص احزاني
ادور العطرك
وين وين يلدوهنت فكري
وين وين مايحتمل صبري
ترجعلي وانتظرك
————————————
ساعة من يرد متخضب بدمه
عله احواله منكسر ياناس عمه
ويجيبه لخيمته وانتحب يمه
دحاجيني يجاسم وكول يايمه
فدواتك دحاجيني...فايضلك حنيني
وبياكلب انظرك
وين وين هالرايح جماله
وين وين وترابه حلاله
ترجعلي وانتظرك
————————————
لهل ساعة تمنّوا ربعك يزفوك
مو رايح الحتفك وبالدمه يشوفك
يبني وانت نايم عالرمل إيخلوك
مكطع ذاك طولك عطشان ويذبحوك
يامعظم مصابه ...من دفنو شبابه
واتوسد بكترك
وين وين ماترحم ادموعي
وين وين احزاني موضوعي
ترجعلي وانتظرك
علي موفق القزاز
( وزن المذيل-المقطع)
اعله ابني جنّها مشتبكة الهنادي
و الكلب جنّه سمع يمه ينادي
يمه يا ليلى يصيح
اكبرج طايح ذبيح
————————————
بيك اشمن ريحة موادع اخير
تاه فكري واعرفه هذا المصير
احساس كلي يرجع اوصاله بحصير
وحيره تاخذني وترد ونوب احير
يبني اني ودمعتي بحسره اكابر
ربي احفظلي علي من المخاطر
دمعتي من دم تطيح
اكبرج طايح ذبيح
—————————————-
يا الهي ويستغث خاف الكلب
والسيوف تحيطه و ارماح الغرب
مكطع اوصاله وبقه دمه يصب
البيض هاي مشرعه ابصدره نصب
كعبة صار بحومته وجسمه تطوفه
الكّطعو اوصاله منو يكدر يروفه
عالارض دمه يسيح
اكبرج طايح ذبيح
——————————————
جسمه رايح تنهشه حصة الرماح
وهذا ثوبك يلولد بحضن الجراح
يمه تاركني رحت بس للنياح
مابرح حزني يظل ليل وصباح
هالجمال الاحمدي تلمه حصيره
وهذه عظامك تنجوي بحر الظهيره
نايم معفر جريح
اكبرج طايح ذبيح
—————————————
صدك ما اشوفه بعد يمه الجمال
والربه تعب السهر ذاك الدلال
اعله هونك يلولد جن حملي مال
دهرك يكلي بعد يرجع محال
جن اشوفه المصطفى بالطف رميه
و مكسره اضلوعه بحوافر اعوجيه
ويلي بالبيده طريح
اكبرج طايح ذبيح
—————————————
ابن غانم ماسلم من ضربتك
الحومه طلكت ولطفوفه جابتك
وجفوف ابو فاضل نعم من ربتك
يعني خريج الشريعة سيرتك
تربية عمه وكفو بدر الهواشم
وراسه بيده حامله لبكر بن غانم
هاشمي وسيفه صريح
اكبرج طايح ذبيح —————————————-
هي مو تعلوم معروفه الطباع
علي من حيود الوغى تعده السباع
من جثههم مشبعه بسيفه الجياع
تسجد اركاب العده برهبه تطاع
من برز ياهيبته مفرّگ الكتايب
عنده نزهه من دخل سوح الحرايب
بالحرب دمهم تبيح
اكبرج طايح ذبيح
علي موفق القزاز
احجي العندك....لا ميردك
لو تبقه بالدنيه وحدك
لو جار الزمان إعليك إلموسى تِعنه إلبابه
—————————————
لو عكست الدنيه و يخّونك دهرك
لبو الرضا سلم إله كُل امرك
بكل صعبه يوكفلك تره و يسرّك
هوه السند...يرجعك ابد
بالمنذبح ..تحلفه بعد
تقسم عليّ بالعطشان جده السليبة ثيابه
———————————-
باب الحوائج يالمحب ميردك
اكصد اله واشكيله الليّ عندك
موسى يّفرحك لوّن دهرك ضدك
رغم الحصل..باب الامل
والصعب...عنده سِهَل
موسى ويا سرّ الرحمٰن زوره وقّبل اعتابه
———————————
وينه العرش و ذاك المُلك والتيجان
جنّة السجين الزاهيه اعله الازمان
عند بابه تنحي الإنس ويّ الجان
يحجي الدهر... اروع صور
ويجسده... ابن جعفر
و بسيرته راح إتشوف ملك وسجانه يهابه
———————————-
حل البله والإمر بيك إتعسر
دير النظر لصوب التقي بن جعفر
باب السمة معرّف تره إلكل مضطر
باب السّمه..خير ونعمه
موسى ويا مفتاح الرحمه
هذا الكريم العطاي ابدًا يعوف احبابه
———————————-
رب العطا جود وكرامه ونعمه
ربنه الوضع سره بجلاله و حكمه
اقرب الك من الرضيع إلـ أُمه
راعي الوفه...والعاطفه
لليكصده... ترابه شفه
إمقدسه رب الكون هذا العظيمة انسابه
————————————
تنكط وفه اوصافه راعي الغيره
يفزع إلك بكل معضلة بكل حيره
لوذ بعطفه يمطر عليك بخيره
ميرجعك...اشكي يسمعك
من تحجيلة يمسح دمعك
دنياتك شّمتراويك ينّجيك إبن النجابه
———————————-
علي موفق القزاز
مولد الامام الهادي ع
للهادي سلامي
يابلسم كلامي
ميلادك إمامي
ياهله وميت هله...كلبي بالبهجة اعتله
ميلادك امامي
———————————-
فتحت ابواب السمة لهاي الولادة
إنجوم ضوة بالفرح بالخير وسعادة
تسبيح نسمع للمَلك ترتيل و عباده
وجناح صاغهته اله ولمهده وساده
نبعث هل التهاني
بشموع وصواني
يامحله الاماني
عيدي هذا يوصله...كلبي بالبهجة اعتله
ميلادك امامي
————————————
الليلة بس ثوب الفرح لايكَ عليه
وكل دواوين الشعر تهئني الزجية
بزغت انوار التقي الهادي البهية
عاشر اصحاب العبه خير البرية
ياصومي وصلاتي
ياديني ونجاتي
يامُلهم حياتي
بمولده عمري حله...كلبي بالبهجة اعتله
ميلادك امامي
————————————
ننشد و هذا الخبر عم المدينة
لوحة من فيض العرش روعة جبينة
جلى ربنه الخالقة صايغ سنينة
علي الهادي الطاهر بحبه روينه
ذايب وبغرامة
عاشر للإمامه
وبدربه السلامه
سبحان ربنه الكمله...كلبي بالبهجة اعتله
ميلاد امامي
———————————
بمولد الهادي ابد نوصف فرحنه
صلو عالهادي التقي بعالي صدحنه
نهنئي الجواد بحضرته نقدم حفلنه
سيدي اعليك القسم تسجل اسمنه
وبحبك ننادي
يامالك فؤادي
مولانا يلهادي
المحب يدعي تسجله..كلبي بالبهجة اعتله
ميلادي امامي
————————————-
ابعث حنيني ولهفتي للهادي امامي
ويه الملايك سيدي ابعث سلامي
انت شفيعي ومنقذي والله لختامي
خدمة وجودك للابد ترفع مقامي
كل شوكي وحنيني
ياعصمة يقيني
ناذرها سنيني
مجنون حبه نبدله....كلبي بالبهجة اعتله
ميلاد امامي
علي موفق القزاز
يا ام البنين
مايرجع حسين
محد يدك باب الوفه
سافر حبيب المصطفى
مايرجع حسين
———————————————
محد يدك باب الوفه بعد شتنطرين
لا عون جعفر لا الكمر ذوله الميامين
يحضر يجيج بغربتج ويغمض العين
للاخوه هل دمهم كتب لابن الزجيه
———————————————
للاخوه هل دمهم كتب اعظم عباره
غيمه اله يوم العطش متضل حياره
عباسج الوفه ونِعم يمينه ويساره
شاهد يظل شاطي النهر ماعاف اخيه
————————————————
ماعاف اخو يوم العطش يم الضياغم
كافل اخيته والنعم من كمر هاشم
والله ابطولات الشرف سطر ملاحم
ينكط مِروّه هل وفي ينكط حميه
————————————————
السافر حبيبة شيرتجي ينطر رجعته
عين الوفه اتظل ساهره تجرح غربته
يمته يجي من كربله بحسره انتظرته
اليوم الاجل بابج يدك هاي المسيه
————————————————
يابشر حل بيها الاجل خل يحضر امه
من حسين ماواصل خبر رادت تكلمه
منه ردت واحد طلب إمن يكلها يُمه
يحضر يودعها يجي امن الغاضرية
————————————————
تبقه دمعتج نازفه يم الميامين
وصلت منيتج مااجه ايشيعج حسين
نعشج غريب ابلا ابن دك بابج البين
ياموت فكدت اربعه هاي الوفيه
علي موفق القزاز
ضلع السّمة...ينزف دمه
جلمة وإنْ إمن الظالمه
الخادم عدها جبرائيل يسطروها ويضربوها
—————————————-
بالسقيفه خيوط الظليمه انحاكت
بعد النبي يوم الرحل و اتعالت
لقدّسيته لا والله ابد منصاعت
حمالت حطب هلـ گوم خطتهم ينفذوها
—————————————
اتعنوا إلدار الوحي اصحاب النار
ابليس الجمعها والشعل باب الدار
والزهره مشكاة العرش والانوار
مشكاتك يرب الكون ماكدروا يطفووها
——————————————
الباب اندفع إهتز العرش واركانه
و كُل مَلك رفرف حزن و بجنحانه
اغشى مصابج كُّل الانس والجانه
صدر السّمه المكسور واضلاعها يهشموها
——————————————
أُنسيت الجنة إو يا مِحور هذا الكون
ياجف سطر دُر الإله المكنون
ربكم يخاطبكم آلا تعقلون
وشكد تتنزل ايات يعرفوها ويحرفوها
—————————————-
اوصى النبي والامر ذوا القربى
ام ابيها يعني روحه و كُل گلبه
الاذاءه الزهره اذاءه الرسول إوربه
وباجر محكمة واحساب للهجموا وأذووها
——————————————
جمر الضلع للازل لا ما يخمد
إمحرّم ثاني نقسم وحق مُحمد
احنه عن دين البضعه لا ما نرتد
من نسلك محمد نور هي الاصل يدروها
علي موفق القزاز
ياعلي جرحك ابد ماله مثيل
تشوف رايح عالصدر دمها اليسيل
والجسم يا ابالحسن اصبح نحيل
ياعلي كسر الضلع ياذيها
——————————————
ياعلي كسر الضلع ماله دوه
الزهرة ياذيها يظل شم الهوه
وذاك بسمار الاسى بصدر انطوى
لونها ونت هالسمة بعاليها
——————————————
يوم تاخذها علي للمغتسل
انت مو جنك علي ذاك الجبل
محني كلك ترتجف وانت الفحل
مصاب فاطمتك كلف يدريها
——————————————
اثر سطرة تشاهد بجفه الزنيم
طفه عين البسملة بحقده الرجيم
بذُوي القربى قد اتى قولٌ كريم
هذي روحه ومهجته لهاديها
—————————————-
ياعلي ازرك تعاين للجفن
وهاي اثار البقت بيه المتن
تبت ايده قنفذ الخلّها تون
ويلي بت المصطفى مرّوعيها
————————————-
ايُ حقدٍ قد صدر ماذا نقول
لم يراعو بضعةُ طه الرسول
ضلع للعرش انكسر يهل العقول
وهذا جبريلٌ هبط يرثيها
————————————-
يعين كلبك عالجره ياحيدره
بيدك تواري جسدها الطاهره
عالحبيبة دموع خدك ناثره
دمع فركاها جمر تجريها
—————————————
تواري كلبك ياعلي وسط التراب
يعظم الله اجرك بهذا المصاب
تروح منك فاطمة بعصرة الباب
فاطمة انتقلت الى باريها
علي موفق القزاز
مسموم يابو المهدي
مظلوم يابو المهدي
—————————————
انصاب جبد العسكري ركن الامامه
امسى هذا الكون مختل بنظامه
المهدي والله الحالته تنوح الحمامه
كال بعدك والدي عالدنيه السلامه
مسموم يابو المهدي
مظلوم يابو المهدي
——————————————
شلون لفارك الابو يحبس دمعته
بعد عين العسكري تبدي غربته
و بين لوعات الدهر المهدي عفته
بعد بس بأحلامه يتنطر نظرته
مسموم يابو المهدي
مظلوم يابو المهدي
——————————————
تنوح سامره بقت بوّنه شجيه
الليله راح العسكري بهاي المسيه
الله يعين المهدي من فارك أبيه
كال خيمة هالعمر تروح من اديه
مسموم يابو المهدي
مظلوم يابو المهدي
—————————————-
تخّلص سنينه يتم و الله اليعينه
يلوع يمَ والده و تنظره عينه
وذيج وحشة غيبته تزّيد ونينه
من يجن ليل الهظم يشتد حنينه
مسموم يابو المهدي
مظلوم يابو المهدي
—————————————-
بحقد ذاك المعتمد ينهي حياتك
الليله سامره احزنت لهم نايباتك
كلشي توشح بالحزن ساعة مماتك
وابابك ايتامك اجو نضيع وغلاتك
مسموم يابو المهدي
مظلوم يابو المهدي
—————————————-
يعظم الله الاجر يابو صالح
تعيش نكبات الزمن بهم ونوايح
صعبه والله خلته يهّيج الجوارح
رحت دافن ضحكتك بأحساس جارح
مسموم يابو المهدي
مظلوم يابو المهدي
علي موفق القزاز
الارض ضّجت والسَّمه بأكوانها
و خـيم بـدار الـوحيِّ أحـزانـــها
——————————-
الليله صاعد للسمه خير البشر
يطرق لباب الوحيِّ بهمه القدر
موعد المعبود وي طه السفر
يقبض بروحه هبط وإيمانها
——————————-
يقبض وهذا الامر من السمه
نزلت املاك العرش متألمه
ترفع الهادي النبي وتنزف دمه
اتوشح نشوف الحزن بنيانها
——————————
اتوشح نشوف الحزن كلب البتول
يجود حين بلوعته طه الرسول
تغمض عيون الابو بحسره وذهول
واليتيمه فاطمة عنوانها
———————————
تنوح خليت الحبيبه من غبت
إمن الهجر بويه تراني اتلوعت
فرحوا الاصحاب لمن غمضت
بيّنوا غيض وحقد سفيانها
———————————-
ذوله اصحاب المِكر اهل الفتن
ينكشف رايح مَكرهم بالزمن
دين ماعدهم ابد لا مؤتمن
من السقيفة تّربوا وشيطانها
————————————
اتفقوا إبأمر وفعل ام الجمل
خططوا لسَّم النبي ابلا خجل
والضغينه ظهرت بهذا العمل
عدها مِرضات وشُكر تيجانها
————————————-
النطقت بهجر النبي إبلا اصل
هذه زمره دينها دين العجل
تِجمع ابابه حطب بي يشتعل
باجر توّجره تجي بنيرانها
علي موفق القزاز
يلغايب نشكي الصار
—————————-
يلغايب متَه وعدك يحل يومه
تظل روح المحب كل لحظة مهمومه
ينور الله املنه الطلعه محتومه
و تتكحل بيك الانظار
——————————————-
نندب سيدي و للجيه ندعيلك
عن ضيم الزمن نكباته نشكيلك
يكبر بينه جرحك باقي يحجيلك
متسرك هل الاخبار
—————————————
ياشوك الكلب محد عرف سره
غايب عنه ماشافه وبقه ينطره
قيس بعشكه ينقاس إبحر قطره
اعظم حُب الاسرار
————————————-
يوعد الله الوعد يومك فلا ننساه
يبس عود الزمن واتغير بمسراه
فلا طاب العمر بالغيبه لا والله
واعلينه الدهر جار
—————————————
ياطعم العمر المابي ذكر اسمك
كل يوم ويكبر بي جمر حلمك
تسر عين الخلك ويشع بسمه نجمك
تتلهف ليك الاحرار
—————————————
علي موفق القزاز
يارقيه…تعبني حچي عيونج
يارقيه…أسأل يابابا شلونج
يارقيه….براسي راح يأذونج
يارقيه…………………يارقيه
—————————————-
ياعزيزة هل كلب
متعبج ادري الدرب
تِجرح غربتج
بابا إليه استمع
وحارك الخد الدمع
تسولف نظرتج
تكلي بابا طولت
شوفتك سالم ردت
وامسح دمعتج
يارقيه…. يابابا يهضم وضعج
يارقيه…. مااريدن ينزل دمعج
يارقيه….. ادري راح يفجعونج
—————————————
من حناني ينذبح
ينولد اشكم جرح
يصبح رحيلي
اليحدي رايح بالضعن
بسوطه ادري اتلوعن
واصرخ يويلي
بابا كل شوفي الج
و راسي هوه يصدلج
و يلهب دليلي
يارقيه …… عيني تصد لِجروحج
يارقيه …. ياذيني الياذي روحج
يارقيه….. إعزيزة كلبي يعرفونج
———————————————-
لغيري ماعندج طلب
لعمتج كتلي السبب
يرجع يعمه
تكلها بابا هم يجي
خلّص دموعي البجي
خاطر اكلمه
منه مااريد انحرم
مايرد يطلع حلم
ضايعلي رسمه
يارقيه ….أخاف يموّتج نحري
يارقيه…. ماتلگي يحضنج صدري
يارقيه….. و بيه شلون يروّعونج
————————————————-
بيدج إجرح الحبال
خلافي ميظل الدلال
تروحي سبيه
تمشي بدروب الخطر
الدللج راح الكمر
طايح رميه
راح ابو كلب الحنين
كِطعوا يساره ويمين
عمج رقيه
يارقيه ….و جفوفه من كطعوها
يارقيه….تتعذر من شافوها
يارقيه…. مخطوف لعمج لونج
———————————————-
عن الاكبر هل سؤال
موذر مكطع وصال
مصابه كسرني
بعيني كل انحلم انطفه
إعليه حالي شوصفه
لمّن هجرني
ياعلي كتله تكوم
استوحدوني هل خصوم
حتفك ذبحني
يارقيه…….هل الاكبر ويوذرونه
يارقيه …. بوصاله ومتعرفونه
يارقيه….. يجرح يبنيتي إشجونج
——————————————
عندي ماتلكي صدر
يِشبكج هل يعتذر
رضوا ضلوعي
راسي هذا ابلاجسد
وعيني متشوفج بعد
طفوا شموعي
شفافي متقبلج صحت
للضمه حصه شفت
بإمرج تلوعي
يارقيه ….. هوايه عيونج سهرانه
يارقيه …. يا بابا اشكد تعبانه
يارقيه …… اخافن متأذيه امتونج
علي موفق القزاز
حارب فكر كل فرعون الحسن بإيمانه
افواه الحقه ميموتون الحسن بإيمانه
يرسم معالم دينه && للطف يمهد احسينه
الحسين بإيمانه
••••••••••••••••••••••••••••••••
الحسن جان صلحه عن معرفه وعن درايه
النور ماحبله ظلمه عنده مبدا عنده غايه
مايساوه الخشب بالماس العقل مايقنع بهايه
راح تعرف منهو الاثمن
يكشفه يِشوّفه الزمن
الحسن يزهي الحسن
منهل الامة والهداية
الحسن سر الرحمن مخفيه اسراره
مبعوث بهيئة قران مخفية اسراره
جود وكرم اوصافه
يسحر انظار الشافه
الحسن بإيمانه
"""""""""""""""""""""""""""""""""
مايدور الحسن سلطة ولاتهمه اي مناصب
ماتغره الدنيه لحظة جان عنده بعد ثاقب
صور يضرب بالشجاعة حِلمه صاير اله صاحب
دوله يحكمها العدل
لكربلة حلقة وصل
بثورة حُسينه تتصل
بالخير باجرها العواقب
للطف الحسن عنوان بانت اعلومه
رسالة فكر مو ميدان بانت اعلومه
اهداف الثورة يرسمها
الامه بدينه يعلمها
الحسن بإيمانه
••••••••••••••••••••••••••••
ابن طه النبي هذا منبعث للامة مصلح
بالظلامة الامة عاشت جان للظلمة صبح
جولة الباطل خسارة و الحق جولاته الربح
عنده رسالة واضحة
بأول شهيد مصرحة
بحسين جان المصلحة
ودعوة محمد تتضح
دعوة عنده للاصلاح جانت هلـ غاية
بحسينة يدري المفتاح جانت هلـ غاية
سيد شباب الجنّة
بطريق الحق علمنّه
الحسن بإيمانه
••••••••••••••••••••••••••••
التاريخ يتوضه بحروفه ونجمه يضاهي الثريه
للهداية جان رحمة ونعمة نزلت للبرية
عنده مرسوم السماوي ينكتب بالغاضرية
بدم الشهادة تصدق
مرسوم الالهي تحقق
انبعث قران ينطق
يقيم دولة الاحمدية
منهج محمد مرسوم بميزان افعالة
منهج حق لكل مظلوم بميزان افعالة
اسرار الخالق اسراره
وصلت للعالي اخباره
الحسن بإيمانه
••••••••••••••••••••••••••••
••••••••••••••••••••••••••••
ثورة حسين العظيمة يظل بيها اثر يُذكر
مايمد الحسن ايده ما يصالح ابد منكر
والاموي حكمه زائل والحسن امجاده تزهر
حكم الظلامة منكشف
وعدل السماوي منعرف
راية محمد بي ترف
سلمهه بيد ابو الاكبر
رايات الاحرار انتشرت مشعل بطفوفه
بدم البسالة تنورت مشعل بطفوفه
كلمن ثبت إيمانه
الخالق يعلي شانه
الحسن بإيمانه
••••••••••••••••••••••••••
المصيبة:
حاكوا خيوط الجريمة والسهم جان جعده
نفذوا فعلت حقدهم بالسم صوّبوا جبده
ظنهم تموت الامامة و بالطفوف حسين رده
دولة محمد قائمة
تنصب باجر محكمة
تفتح سجلهم فاطمة
والباري الحكم عنده
الحسن دين السماوي ومنهج الحق والرساله
الاسلام بجبده انصاب يشكي الظلامة
نور العصمة لا ماغاب يشكي الظلامة
علي موفق القزاز
يا امام الساجدين
————————
سيدُ العباد ِانته يا سليلَ الطاهرين
ياجروح هناك شايف تنزف جروحك انين
حُزنك طول السنيني لـ طاحَ مذبوح الوتين
وبطفوف الفاجعه عينك تشوف
حسين تنظر طايح بحضن السيوف
إبلايه ناصر حسرته ابين الحتوف
والضِمه فَطر جبدته مُهجةُ طه الامين
———————————————
والصحيفه البيها يعرف انت يابن الصواب
علم بأفاق وهدايه كـ زبور اهل الكتاب
ضمت كنوز السمائي تفوق ماخلفَ الحجاب
من علي السجاد ننهل هل درس
معرفه وتقوى وعلم نروض النفس
بالصحيفه الراد منها نقتبس
ينور افكار الخليقه هذا ابن الطاهرين
———————————————-
زلزله عرش الطغاتي ابنَ زمزم والصفا
هذا قنديل الوجودي هذا ابنَ المصطفى
قالَ ال البيت نحنوا الكون فينا شُرِفا
كيد كيدك واستمع منه يزيد
تموت انته وعايش حسين الشهيد
و ماتهمني بيدي اغلال الحديد
نحنوا في عين الالهي منهجٌ للعالمين
———————————————-
فتحَ ألباري فينا كُلُ ابواب السماء
حينما الدينُ قيامه له اوجد كربلاء
وذبيحُ اللهِ أسرى جان قربانه الدماء
وكع بطف الاسى حسينه ذبيح
بيده زمره ظالمه لدمه تبيح
ابلا عمامه مسلب ودامي طريح
هشموا صدر القداسه بخيول الظالمين
—————————————————
عشت الالام الطفوفي اتجرعت جمر المصاب
والمرض ماخذ حياته اتلّوع بطف العذاب
ينظر احبابه ضحايه تنزف بدم الخضاب
من ال اميه اتجرعت سم الزمن
اكبر هموم الكلب دموعك حچن
للسبي إبنات النبي ويلي مِشن
روُعوا شفت السبايه محنةٌ تروي السنين
علي موفق القزاز
حرت اشلون ألمك ياضوه عيوني
—————————————-
حرت شلون ألمك يمه يحسين
ويلي شكثر ساحك حافر البين
لا ضلع انهشم واحد ولا اثنين
عله جسمك اطيحن يمه يلكوني
——————————————
اكعد ريت يمه اشتم بعطرك
وبالشيله اضمد جرح ال بنحرك
ألمن راح بيدي ضلوع ال بصدرك
جم حافر اثر يجويها لضنوني
——————————————-
نايم عالرمل ياويلي من شفتك
من مجرى الدمع يوليدي غسلتك
من نحرك الدامي المنكطع بستك
بياذنب وشرع اعداك هضموني
——————————————
ياجمر الضمه إمفطر شفافك
ومن حر الشمس متغيره اوصافك
وذباحك رفس بكل حقده ماعافك
ياروحي وسلوتي بيك فجعوني
——————————————-
ردت اليوجعك يوجعني يوليدي
ويلي إشلون اشبك جسمك بإيدي
يمه ريت يكطع كبلك إوريدي
انه ام الذبيح الصاروا يسموني
——————————————
و اثار الحجر عالجبهه مصيوبه
بخاصرتك طعن وارماح منصوبه
ولثوبك سِلّب والجثه مخضوبه
واسهام الدهر جنّ بيّ يرموني
علي موفق القزاز
رايح ياجسام
يا ضوه عيوني
ياجرح الايام
بحتفك يخبروني
منك مارد الخبر….يبني يفجعني القدر
رايح ياجسام
———————————-
كلبي حس ابفركتك ليه ماترجع
بعد معقوله يغالي يمه ماا سمع
حيل ماعندي ولا لطيحتك اطلع
طايح اعله الكاع طولك والرمل مضجع
باحضان التربان
طايح ينادوني
ياجرح الايام
بحتفك يخبروني
كلبي نصين انفطر….يبني يفجعني القدر
رايح ياجسام
———————————
موسد ابدمك يجاسم والرمل حار
من مشيته حسين رايح بيك محتار
ياذخر من الحسن دهرك الجار
بلامته وسيف وثيابه تخطف انظار
عمك ظل مكسور
ينادي عينوني
ياجرح الايام
بحتفك يخبروني
واعليك ظهره انكسر….يبني يفجعني القدر
رايح ياجسام
———————————-
ياكسرته احتار عمك شلون ويردك
بكل كتر تنزف جروحك ويستعر جبدك
جن غصن محني يشوفك ومنذبل وردك
ياحسرته لمن عفاك رايح لوحدك
اقرالك قران
وبفكدك يصبروني
ياجرح الايام
بحتفك يخبروني
انت يانور البصر….يبني يفجعني القدر
رايح ياجسام
—————————————-
جنت اترقب شبابك والحلم يكبر
و الزمن بيومك يبشر والعمر يزهر
للعرس جاسم ازفك وكلبي يتبشر
إلطفوفك تالي تنزف إبدمه المنحر
أزفك يمه شلون
بدمك يفجعوني
ياجرح الايام
بحتفك يخبروني
ابدمك كاتب هالفخر….يبني يفجعني القدر
رايح ياجسام
—————————————
لضيم احزاني اتركتني يلولد تدري
جم امل ضاع برحيلك وانختم عمري
بيك ياييمه دهاني بطيحتك دهري
وشتظن بيه الليالي تجبر بكسري
بمصابك ياجسام
والله يروّعوني
ياجرح الايام
بحتفك يخبروني
ودموعي لمصابك نهر…يبني يفجعني القدر
رايح ياجسام
علي موفق القزاز
(وزن الشيعتي + مذيل)
ياعباس يعضيدي ياذخري
ياعباس ليش اكسرت ظهري
—————————————-
للمشرعه رايح صحت وحدي تخليني
يعضيدي غيرك ماالي ترجعلي حاجيني
سكنه تكلي من الضمه ذبلت رياحيني
بجودك يعمي مرّوتك وترد ترويني
ياعباس منتظره ياعمري
ياعباس ليش اكسرت ظهري
—————————————-
ياخويه جنك ماترد واتحير بهمي
جنّه وداع الموت الي وبي انطفه نجمي
وينك يكفال الخدر بيك الضعن محمي
تسمعها اطفال وحرم وينه الكمر عمي
ياعباس شنهو بعد عذري
ياعباس ليش اكسرت ظهري
—————————————
اعليك زينب يالاخو بالخوه احلفنك
بهل دنيه مثلك ماحصل واحد اخو منك
ذبيت جفك عالنهر وإسهام صابنك
وعيونك التنزف وفه خجلانه اشوفنك
ياعباس وبحالي لو تدري
ياعباس ليش اكسرت ظهري
—————————————
يانفسي هوني للعذب خله الكلب يضمه
وفاي انت والنعم امك هلـ إمعلمه
بدوية هاي الربتك عالشيمه اتكلمه
وتكله يبني هاي ابد يعطش ابو اليمه
ياعباس بالطف يظل فكري
ياعباس ليش اكسرت ظهري
—————————————-
ماقصرت ياالفضل وفيت بعهودك
اروع مثال بموقفك كطّعوها لزنودك
وانتَ بعظيم المنزله مشكور مجهودك
رواي تبقه بكربله وشاهد يظل جودك
ياعباس باقي عذب تجري
ياعباس ليش اكسرت ظهري
—————————————-
شكد عظيمه وكفتك ياصاحب الرايه
كدها اعرفك ياشهم من تنطي الحجاية
متخلّف ادري ام الوفة بس ناس وفايه
ومعروفك بحلگ الزمن يترجم لأيه
ياعباس و اليشهدك دهري
ياعباس ليش اكسرت ظهري
علي موفق القزاز
عّباْسُ يا سّنَدِيْ كَفْالُ زَيْنَبْ
أَ كوْكَبٌ أَمْ وَجْهُكَ المُخَضَبْ
أَنتَ كفيلُ الحوراءْ ...ابا الفَضِلْ
مِنْ كفِكَ أُشْتُقَ الماءْ...ابا الفضلْ
*************************
يْامُؤنسَ القَلبِ إِنطوىٰ وَكفُكَ السَلامْ
أَبْكيكَ يابَدرًا رَحلْ مِّنْ عِاْلمِ الخِيامْ
ماحْالُ تَبقىٰ أَنجمي أَندىٰ بها الظَلامْ
وَالَليلُ عَنْكَ يَنْسَأَل أَينَ بَدرُ التَمامْ
يا بَدْرَ لَيْلِيْ فيّ عاْلَمِ مُغَيَّبْ
أَ كوكَبٌ أَمْ وَجْهُكَ المُخَضَبْ
للدهرِ تحكي العلياءْ ...ابا الفضلْ
مِنْ كفكَ أُشتقَ الماءْ...ابا الفضلْ
""""""""""""""""""""""""""""
إِركبْ بِنَفسيْ يا أَخيْ عَباسُ ياحِماناْ
أَثْقَلتَ تَدْريْ شِدَتيْ لَماْ هَوىٰ لِواناْ
أَنتَ عُضيدُ مِحْنَتيْ صَّبَ الدَهرُ هَواناْ
إِلِيكَ أَشكوْ وَحْدَتِيْ ياسَيِّداْ رَجاناْ
يانَبْضَ قَلْبيْ مَنْ غَيركُ مُعَتَبْ
أَ كوكَبٌ أَمْ وجهُكَ المُخَضَبْ
يندبُكَ خدر السماءْ..اباالفضلْ
مِنْ كفكَ أشتقَ الماءْ...ابا الفضلْ
"""""""""""""""""""""""""""""
ماْلِي أُناْدِيكَ أَخي وَ أَنتَ لا تُجيبْ
إِسْتَضْعَفونِي قَومُكَ في كُرْبَتِيْ غَريبْ
ياكَوكَبَ الطَفِ إِنطَفىٰ مُذْ عَنهُ تَغيبْ
هذِي نَواْئحُ زَينَبً أَمَلئَها النَحِيبْ
أَخَشىٰ عَليها قَلبُها يُعَذَبْ
أَ كوكَبٌ أمْ وَجهُكَ المُخَضَبْ
قُم واطويها البيداءْ....ابا الفضلْ
مِنْ كفكَ أشتقَ الماءْ...ابا الفضلْ
"""""""""""""""""""""""""""""
جَنْبُ النَهرِ مُصّحَفٌ آياْتَهُ شَكِياْ
وَ دَمكُ شَذراً نَزفْ عِطْرَاً فاْحَ زَكِياْ
كَفاْكَ خَرَتْ ساْجِدَ شاكِرتً رَضِياْ
عَيناْكَ كانَتْ خاْشِعَة لِرَبِهاْ سَّجِياْ
الجَنةُ بعِطرِ رَحِيقْكَ تُطَيَّبْ
أَ كوكبٌ أَمْ وجهُكَ المُخَضَبْ
يا فارسً أَشضى الاعداءْ...ابا الفضلْ
مِنْ كفكَ أُشْتُقَ الماءْ ...ابا الفضلْ
"""""""""""""""""""""""""""""""
ياكافَلاً خِدْرَ السّماْ عَليكَ الإِلهُ صَّلىٰ
ناْفذَ بَصِيرةً كُنِتَ بِكَ المَعصومُ أَدلىٰ
يَتلوكَ قُرآنَ الوَفىٰ وَحيُّكَ عَباْسٌ جَلىٰ
بَيْنَكَ المْاءُ إِرتَوّىٰ كَفيّكَ آياْتٌ تَلىٰ
سّاْقي عُطاْشىٰ كَربَلاءْ مُلَقَبْ
أَ كوكَبٌ أَمْ وَجهُكَ المُخَضَبْ
لِجودِكَ تتعالا الاصداءْ...ابا الفضلْ
مِنْ كفكَ أُشْتُقَ الماءْ...ابا الفضلْ
""""""""""""""""""""""""""""""
أَخياْرَ كُنتَ نُصرَتي كـ هارونٍ وَزِيراْ
وَ صاْلَحٌ عَبداً نِلِتْ مَراْتِباً قَديراْ
أَوسَعها الباري غُرَفْ مَنْازِلاً مُنيراْ
هذْا جَزاْءُ الصّالحِ في جَنةٍ مَصيراْ
يُبْلُغَكَ البْارِيْ مَعْالِيا مُرَتبْ
أَ كوكَبٌ أَمْ وَجهُكَ المُخَضَبْ
ما أعظمَ هذا الجزاءْ...ابا الفضلْ
مِنْ كفكَ أُشْتُقَ الماءْ ...ابا الفضلْ
"""""""""""""""""""""""""""""
علي موفق القزاز