792
احنا غير حسين ماعدنا وسيلة
الرد الحيدري الايراني
من كان مع الله … كان الله معه
....................................
اضرب من حديد.. ثاراً لشهيد
خيبر يا علي .. عادت من جديد
…………..
بالقصف الرهيب … زلزل تل ابيب
امضي يا همام … فالنصر قريب
.....................................
من كان مع الله … كان الله معه
اثلجت القلوب … واسيت الجنوب
اجليت الظلام… يا ليث الحروب
…………
شاورت الإمام …. والقادة العظام
افجعت اليهود …. عينٌ لا تنام
من كان مع الله كان الله معه
.......................................
للدم ولي انت ياعلي
نصر الله كان للدين حمي
يانسل الاباة ناراً للطغاة
في كفك نراه نصر الله ات
من كان مع الله كان الله معه
.................................
✍️ ابو منتظر الحريشاوي
بين الزهراء ع وابيها صل الله عليه وآله
Читать полностью…
قصيدة حماسية استعداد المشاية 2024 الرادود خضير الركابي الشاعر ابومنتظر ا...
https://youtube.com/watch?v=u05tcWrnG98&si=-s7d7SMbQ_DtfQt4
هاي اصعب ليله عندي الليله
واليموت عضيده ينهد حيله
ضايك بصدري الهوه كون موتتنه سوه
الليله
كلمات ابو منتظر الحريشاوي
اداء ملا علي الواسطي
تلوگلك گبه ومناره يالفزت بيهه بجداره
انت الاول بالصداره انت عباس رفعة الراس
...................................
تلوگلك عباس هاي المنزله گبه الك وتصير نور بكربله
واليزور حسين انت تسجله تگله يا حياك يا مية هله
هيبه والعالم يشوفك تفرح بجية ضيوفك
يشعر براحه اليطوفك وانت يا عباس رفعة راس
......................... ....................
بزودك المعروف حيرت البشر من شمرت جفوف خجلت النهر
ياهو للعباس يوصل ما گدر هيبه والكرار سماك الگمر
بالحرب نلت القيادة حتى خطواتك عبادة
بالوفه محصل شهاده انت عباس رفعة راس
............................. ..........................
حسين ما شالاك چانت غايته حتى حضرة تصيرلك وي حضرته
راد للعباس تكبر هيبته وبالذهب تنصاغ بالطف گبته
عن وعي احچي وعقيده هذا الحسين اليريده
عالنهر من ضل شهيده هذا عباس رفعة الراس
.............................
اليعرف العباس يعرف قيمته واليزور بساع ياخذ حاجته
البلگصص موجود من مي جربته اطيح عدنه فصول للحل رايته
هيبه وتهابه العشيرة ورايته تحل الچبيره
للمحن انت الذخيره انت عباس رفعة الراس
..............................................
الضحه لجل الدين الله يسدده والله مايخلف حشاه بموعده
وگبه العباس هاي الشاهده جنة الفردوس چنهه بمرقده
كل ملك سجل حضوره من السمه نازل يزوره
لساعة المهدي وضهوره انت عباس رفعة الراس
........................................
✍️ ابو منتظر الحريشاوي
وداع الامام الحسين للحسن عليهما السلام
...........................
هاي اصعب ليله عندي الليله
واليموت عضيده ينهد حيله
ضايك بصدري الهوه كون موتتنه سوه
الليله
.............................................
يالحسن انا حبيبك رد عليه
وارحم دموعي وغربتي بهالمسيه
شباقي عندي وانت رايح من اديه
وشيضل بعمره اليفارك اخيه
الليله شيغمضه كلي عيوني
ويا جنازه الي تشيل امتوني
عمري وياك انطوه كون موتتنه سوه
الليله
...........................................
يا عزيز حسين يا خله ورفيچه
يا ضواه بدنيته ونوره بطريچه
جبيره احزاني وهمومي غميچه
والله لو تنشاف چا گالو حريچه
شما اكابر عود اضم جروحي
يشب حزنهه ونار تاكل روحي
جمره ويمرهه الهوه كون موتتنه سوه
الليله
. ...........................
اخ يا محنت دليلي شكد چبيره
وي الحسن ياروحي هالليله الاخيره
واحد وبفركاه چن راحت عشيرة
ويلي يا دنيانه هاي شكد گصيره
والمثل حالي يدنيا شلونه
من تشيل احبابه تعمه عيونه
ما يحس بيهن ضوه كون موتتنه سوه
الليله
.......................................
چبدك المسموم شل احوالي
ومثله اتكطع احس دلالي
كون اموت وياك خويه اشوالي
ولا اشوفك تالي هيج اكبالي
والله لو بيدي اشيل اجروحك
ولا اخلي السم يعذب روحك
ولا يصح للسم دوه كون موتتنه سوه
الليله
..............................
عن گبر جدنا النبي يبعدونك
الچان يفرح من يشوف عيونك
خويه ما اعرف شنو يطلبونك
جثه انته وبالنبل يرمونك
يالحسن مظلوم حتى بموتك
شيعو بسهامهم تابوتك
الباطل بهاي شحوه كون موتتنه سوه
الليله
.......................................
✍️. ابو منتظر الحريشاوي
تبارك الذي جعلنا من عشاق الحسين ع زيارة بالانابة عنكم جميعا اخوتي الاعزاء
Читать полностью…
استعداد ..كل المواكب تستعد
استعداد...شدو حزمكم ياولد
هذا رزقنا بكل عام...رفعو شعار الخدام
استعداد
___
بهمه شيلوهه ونصبوهه بالغيره الخيم
جتنا مشايه وفايه وبجفهه العلم
اتحظر بمايك وبچايك وتلگه الزلم
بالغيره يله اتحزمو وبسم الحسين اتوكلو
صيحو هلا وتفضلو.. حياكم الله
درب المشي درب العشق ....لو دورت غرب وشرق
ماكو مثل هذا رزق بي نعمه الله
شدو العزم..وخلوهه تشهد كربله
شدو العزم..صيحو هلا وميت هلا
وعيونكم لا متنام..رفعو شعار الخدام
.............................................
اتحظر بروحك وجروحك سجل موقفك
وانت ابو الغيره والديره خادم عرفتك
خادم حسينك وبعينك شايل خدمتك
افرش دربهم بالهله ..مايك واكلك سبله
المايرضه ينزل نزله.. ضيف بخيمكم
جتف بجتف وتكاتفو.. ياغيره يلكلكم كفو
بالدنيا يلحكم منو.. ويوصل كرمكم
للحسين .. هالخدمه بالدم انحيت
للحسين.. غصباً عليها المارضت
بعيون كل الظلام.. رفعو شعار الخدام
................................................
عزب بكلشي لليمشي وكله بخدمتك
تسرح عيوني وضنوني برفة رايتك
خيمتي اجفيهه واطفيهه لو ماشالتك
الخيمه لو ماكفتك..افرش عيوني بخدمتك
بنص كلبي تصبح بييتك.. وبنص العيون
هذا عهد عندي ونذر.. وماينقبل بيه العذر
لخدام ابو اليمه جسر.. گلبي ويعبرون
مد سفرتك.. للزاير الكاصد مشي
مد سفرتك.. معزب وضيفك منتجي
وتحزمو لهاي حزام.. رفعو شعار الخدام
.....................................................
حتى شايبنه واكبنه بالزود انعرف
هاي غاجيته وعوجيته ذباهه ووكف
واكف ينادي اولادي هالخدمه شرف
الوصلت سنينه التسعين.. بالخدمه شو رد عشرين
رايد يوفي وي حسين.. لاخر عمر
شدها جفيته حزام.. واكف بنص الخدام
مو عالصدر دك الهام.. لام الخدر
راجع شاب.. ماهمه كل هذا التعب
راجع شاب.. چن عمره لحسين انكتب
بالمجلس اول لطام.. رفعو شعار الخدام
.................................................
هذا ضل عهدي وللمهدي شايل رايتي
عاهدت روحي وبجروحي باقي بخدمتي
مااكف نوحي لمذبوحي ناذر دمعتي
بدنينا حبيت اثنين.. الخدمه ودموع العين
هذا غرامي وي حسين.. من الصغر
بس خدمته أطيب الروح.. مذبوح وابجي المذبوح
أبالي عايش ميروح.. طول العمر
عشكاناه.. عشك النوارس للبحر
عشكاناه.. من النحر حد نحر
يمه الگلب جن وهام... رفعو شعار الخدام
.................................................
✍️. ابو منتظر الحريشاوي
فضلا وليس امرا وخدمة لسيدنا الحسين عليه السلام الاشتراك في القناة👆👆👆
Читать полностью…
الحسين نعمتنه الچبيره
هوينا وابد مانهوه غيره
للموت چلمتنه الاخيره
نحبك سيدي
..............................
كتبنه بدمع الاشواگ....ذبحنه هواي الافراگ
نطوفه ونرد نشتاگ ...شنهو هذا العشك
نعد لخدمتنه ايام........ كل ساعه بالف عام
اليحب مايگدر ينام ... اذا حب من صدگ
هاك الگلب واسمع اله
اسمك حبيبي يرتله
منه ولا واحد قرب
بأسم الحسين مسجله
رسمناك مثل لوحه الفجر
لكيناك لغز ماينحزر
بجيناك دمع بس بي أجر
نحبك سيدي
..................................
حمدنه الله وشكرناه...لان دربك مشيناه
نعمة حسين شفنا .... .ورزق من السمه
المجلس لو حضرناه....رضا الزهره اخذناه
دمعنه الي بجيناه ..... تسجله فاطمه
والينعه لحسين بشطر
حج كعبته وذنبه انغفر
واليلطم عليك وبچه
الله يميزه اعله البشر
الى الله بس هوه وسيله
الحسين شمس الله ودليله
عشكناك هالچلمه قليله
نحبك سيدي
..........................................
يالمحير اليكتبون ...عليك شما يگولون
لورادو يوصفون ....... يحتار القلم
يحتار الوصف بيك ..مايدري شيسميك
سلاماً سيدي عليك ....بكثر مابيك ألم
يحسين ابد ماتنوصف
سر الله لا ماتنعرف
احتار الشعر بيك وعجز
وبحوره ضلت تنخطف
يمذبوح بس عايش مناره
تضل دوم ملجأ للحياره
البقة وياك ماشاف الخساره...
نحبك سيدي
.........................................
يالمگطع بالسيوف ...نجيك لگبرك زحوف
نحسبك كعبه ونطوف اشواط الحزن
كل هاي الملايين ..تجيك بدمعة العين
ياقبله مساكين ...... گبرك والصحن
خدامك تنور الدرب
هيبه ومواكب تنصب
مو بالخيم يگعد تره
الزاير مچانه بهل الگلب
فرشناه دربه بكل محنه
بالورود لو زاير تعنه
حسبناه واحد من اهلنه
نحبك سيدي
.....................................
صدرك داسته الخيل...وخضر گمره بليل
نشمك عنبر وهيل ...... يااطيب عطر
ماصارت گبل هاي .... عطشان ويصب الماي
شمس بس كلك فياي .... يحير هالامر
اول شخص نحره انگطع
وخضر منارات وسطع
تمشي السنين شما مشت
بينا نحس طفك رجع
اجروح طفك تمشي بينه
مذبوح بس عايش حنينه
محبوب غيرك مالگينه
نحبك سيدي
....................................
✍️. ابو منتظر الحريشاوي
(للشهداء حق علينا)
يادنيا وياچ شلون شبان ليش يموتون
تعبنه حيل رباهم. لتالي العمر ردناهم
شبان ليش يموتون
..............................
الجنت اشبر بطوله وكبر تعبني من تانيته
فّي ردته الي بتالي العمر وسط الكَلب ضميته
زاتوت لو حان الاجل بجنازتي اتمنيته
تاليهه تذبل وردته ولهسه ما شميته
ليش الورد عوده يموت. بدال العرس شو تابوت
وبالحسره فاركناهم. لتالي العمر ردناهم
شبان ليش يموتون
.................................
چندوب يالطبعج صلف يادنيا مو ملينه
تموتين شو وين الترف البعده بحلات سنينه
الماشبعن اهدومه بعد بكنتوره ضلن زينه
عطره وبدلته وكشخته وللمكبره تودينه
البدّين جهز نيشان. چان بعرس يحلم چان
ليش الكبر ضماهم. لتالي العمر ردناهم
شبان ليش يموتون
...............................
يادنيا تدرين الولد عند امه يامغلاته
طيور چانو من ذهب واحدهم شمحلاته
من حلكَه يتناكَط عسل من تطلع حچايته
الديره وحشه بغيبته من فاركَت ضحكاته
بكَلب امه خضر عاشور. بس الحزن بيهه يدور
رادت تموت وياهم. لتالي العمر ردناهم
شبان ليش يموتون
.................................
يادنيا وشحال الابو الماشاف فرحه بعيده
ذاك الربه وذاك التعب لحضه ويروح من ايده
من يوكف اعله المغتسل بهيده يموت بهيده
ومن يندفن چنه اندفن كل عمره وي وليده
من يلزم اصفاحه يصيح. راح التعب ذره بريح
يادنيا تانيناهم. لتالي العمر ردناهم
شبان ليش يموتون
..............................
يادنيا خليتي جمر وسط الكَلب شو غافي
صحبانهم صاح النجف من كَد بچيهم كافي
الوانهم صفره غدت والرسم بيهم طافي
للموت اخذتني شچم وفي وين النضيف وصافي
يادنيا كَولي شتردين. كل النحبهم ميتين
وترابج الغطاهم. لتالي العمر ردناهم
شبان ليش يموتون
..................................
✍️ ابو منتظر الحريشاوي
ليلة كانت بدهر على سيدتي ومولاتي زينب ع
Читать полностью…
رسالة الى ام البنين
............................
گلولهه ...گلولهه...
ابنچ بطل ماينقاس ولوحده جيش العباس
گلولهه
ماحاجه لو ردتي شهود فوك النهر خله ازنود
گلولهه
....................................
وصلو الخبر لامه بساع من عدهه اخذو بشاره
وشسوه ابنهه العباس ياناس انقلو اخباره
بصبره بوفاءه بغيرته ولا شفنه مثل ايثاره
خضر علي بطف حسين لمن شهر بتاره
گلولهه ...گلولهه
الجيش كاتب تحذير.... لو مهره عباس يغير
يفنيهه
الطاح من عدهم طاح...والمات معناهه ارتاح
تاليهه
گلولهه ...گلولهه
......................................
حسين السفينه بكربله وعباس صار شراعه
بجوده وطلع للمشرعه وگلالي حسبت ساعه
لعيونج اذبح جم الف والجيش الوي اذراعه
چن سفره ماطالع حرب عباس هاي اطباعه
گلولهه ...گلولهه
عالمشرعه اجيوش الالف...وابنچ عبرهه وماخاف.
سواهه
صارت زلمهم طشار...هالراس المن تحتار
خلاهه
گلولهه ...گلولهه
..................... ................... ..
قسمهه بيده العباس خطه حرب مدروسه
گلهم نشك گلب الجيش والقائد الهه ندوسه
وتوارد بهاي اثنين جف ابنج وجف موسه
موسىٰ بحر هوه بكاع خل العده مهووسه
گلولهه .....گلوهه
موسى بعصا وابنج سيف..صاحو اضن احنه بطيف
مو واقع
ماضل على الخيل ازلام..والي برز عض بهام
لو راجع
گلولهه ...گلولهه
.............................................
من الماي اترف عباس لمن نقيس احساسه
بس منه الله الستار لو خله شغله براسه
كال النهر هذا اليوم لازم اذل حراسه
غرك اضن نص الكون لمن طفح نوماسه
گلولهه...گلوهه
لاخر نفس ضل وفاي..ماقصر بلحظه وياي
حد موته
فارشهن عيونه خيام.... بنصهن گلب زينب نام
.مبخوته
گلولهه ...گلولهه
.............................................
شما سولفت عنه شواي مااكدر انقل صوره
نقطه ببحر على السواه من الوصف معذوره
متشكره من العباس وامه انتي هم مشكوره
مو عادي شخص العباس بالطف صبح اسطوره
گلولهه ..... گلولهه
لضحه لاخته بجفين ...وفوگاهن انطاهه عين
وي روحه
ولو ردتي عنه تنشدين ..بموته نكسر ضهر حسين
شيلوحه
گلولهه ...گلولهه
.........................................
✍️ ابومنتظر الحريشاوي
بدت رحلة عذابي….حزن روحي بده
طاحو غالي غالي….مثل ماي النده
اخوتي وكل حناني…خذتهم يازماني
مثل ماي النده
……………………………………………..
خلص كلشي بعد ياروح اتحضري لعذابچ
العتب مرفوض لا تعتبين واحتفضي بعتابچ
زينب چم مصيبه وآه منتضره على بابچ
السبي والشام وطبت السوك خليهه بحسابچ
غريبه ويا غريبه بقيتي لوحدچ
بعد ماكو الاميره ذبح خلصو اهلچ
بعد گلي شتاني خذتهم يازماني
مثل ماي النده
…………………………………………
راحو ياگلب راحو ايس واگطع الضنه
وشد احزامك لباچر لمايخلص بعد چنه
تره المذبوح هم يرتاح من بعد الذبح ونه
وانه ال لاميته حتى ارتاح ولا وني ابطلنه
ادير عيوني المن واصد ليانحر
الم بروحي كوه ويطشره القدر
متت بالطف عساني خذتهم يازماني
مثل ماي النده
……………………………………………………………
تره البيده جمر ياناس محد يشعر بحاله
وياجمره دليله شلون اليمشي بصفه چتاله
والينطر على المذبوح والراس الرمح شاله
والتكلف بعد وتغيض كلهه مسلبه اعياله
رغم كل هذا واني دمع مابينت
جمر گلبي چواني متت بس مامتت
ثكيل الهم لفاني خذتهم يازماني
مثل ماي النده
..............................................................
رحله وبيهه چان السيف ذابح كل حلم عندي
اطلعت وانه الگبل ياناس مامره اطلعت وحدي
درب مابيه ابو فاضل بحسره و اوف من يبدي
وحداي الضعن سلاب وسوطه بالحرم يحدي
مسيرتنه طويلة ودرب ما بيه عرف
بلا كافل صغينه ولا بيرغ يرف
الحزن بس اللفاني خذتهم يا زماني
مثل ماي النده
…………………………………………………………
من جابو يهلنه النوك وين الهزلة جابوهه
وبنات المصطفى الترفات ووحده بوحدة شدوهه
الما مشيوف الهة اخيال تالي بسوك طبوهه
بشتم واحجار هم تدرون اختكم هسة يرموهه
الحجر سهلة عليه حجر كون انضرب
لچني الخارجية عجيبة من ننحسب
صحت زينب تره اني خذتهم يازماني
مثل ماي النده
………………………………………………………
✍️ ابو منتظر الحريشاوي
في رحاب الامامين الجوادين عليهم السلام
Читать полностью…
https://youtu.be/8PNNEMw0fi4?si=bS8Fsz7s9FiwmyZE
Читать полностью…
موكب مدينة أميرالمؤمنين ع - كربلاء بين الحرمين | يوم الاربعين 2024
https://youtube.com/watch?v=sJu6sF5T8Do&si=xi3v9cjcYPUsx4eE
يا مذبوح ... يامذبوح گلبي ملهوف ينادي حسين وينه
يا مذبوح ... يامذبوح من اليسر جيت يخويه بهالضغينه
*********
تلگه اختك ياضواهه ..ردت بدمع اليصب
اربعين من الليالي...عدن وشاب الگلب
الكوفه والشام وعذابه...شلون اوصفهه صعب
المامشت الا وي اخوها..حسين طلعت وي غرب
يا مذبوح .... يامذبوح گلبي بجفاك فلا يگطع ونينه
يا مذبوح ... يامذبوح گلبي ملهوف ينادي حسين وينه
*********
من مشينه بنوگ هزل...حال ابد ماينوصف
بيا وكت وانا الاميره..تالي بحبال انجتف
بديره غرب استفردونه..ولا اكو بالوادم عرف
وبالاسواگ يفرفرنه..وينضر علينه الخلف
يا مذبوح.... يامذبوح لطبت السوگ ابد ماحسبينه
يا مذبوح ... يامذبوح کلبي ملهوف ينادي حسين وينه
*********
شحجي يحسين شسولف لوردت ليك اشتكي
ابدي من نار المخيم لوبناري انه ابتدي ؟
يهيج جرحك خويه اعرفك لوجبت طاري السبي
ياغيور وصعبه عندك يحدي بيه الناصبي
يا مذبوح ..نمشي للشام سبايا مادرينه
يا مذبوح ...گلبي ملهوف ينادي حسين وينه
***********
اه ياطبت السوگ..شده على الگضتهه مخدره
والمصيبه خارجيه..صيحو هاي المره
وبالاحجار يكاطفونه..واحنا عيله ميسره
بيش اشكاف وانه اديه..من الحروگ محموره
يامذبوح ... يامذبوح نار الخيام بعد تچوي بأدينه
يا مذبوح ... يامذبوح گلبي ملهوف ينادي حسين وينه
***********
بالقصر من وكفوني وكفت ابالي الصور
اتخيلت عباس يمي وزود ابو فاضل حضر
چان گطع كل لسنهم يحچي واحد ماگدر
راس يمي وكلهه ترجف وهو جسمه عالنهر
يامذبوح ... يامذبوح راسه مگطوع وامان تفيي عينه
يا مذبوح ... يامذبوح گلبي ملهوف ينادي حسين وينه
***********
خويه اسأل عن مصيبه..الماسدت بين العرب
حسين عن عبدالله انشدك..ضامي بعده لو شرب
لهسه بعده يلالي لونه..حسين ابنك لو خرب
امه لسه يدر لابنهه ..شما طفل يبچي وثغب
يامذبوح ... يامذبوح تصبر شلون رضيع وذابيحنه
يا مذبوح ... يامذبوح كلبي ملهوف ينادي حسين وينه
***********
✍️ ابو منتظر الحريشاوي
كلمات ابو منتظر الحريشاوي
اداء ملا علي الواسطي
يحسين وداعة روحك … سالوفة كلبي جروحك
عاشن بيه وعشت وياهن … شما فكيت عيوني الگاهن
............................................................
اتاملك .. واتخيلك .... بحر من الاحزان
عطشان الك .. وارد اوصلك... وادري انت عطشان
كالو حبيبك منذبح بس انه احاجيك
و تسمعني اعرف سيدي لو سولف عليك
مثل الهوة للمختنك هيج اني احس بيك
مرات اشوفنك ضوة … ومرات اشم بيك الهوه
ولمن تجور الدنيا وياي … باب الله اشوفه بنينوه
يالتفهم كلش روحي … ما اسولف عن جروحي
بس جروحك ما انساهن… شما فكيت عيوني الكاهن
.............................................
كلما اعد .. ارجع اعد … اجروحك هواي
من النحر .. من الظهر … من ياهي مولاي
ماشفتك بهاي اسمعت چم طعنه مطعون
وشكم نبل بيك ارتمه ترسمهة العيون
وشکم نذل صاعد فرس فوگك يسحكون
وارجع وارد اتصورك … بالحومه كطعو منحرك
والمحبس الما ينزع …. نزعوه هو خنصرك
ياهو اليتحمل غيرك …. على الكاع اطشر خيرك
اجزائك ياهو الماهن … شما فكيت عيوني الگاهن
.........................................
حزنك كلف .. ما ينوصف … واتعده الحدود
فوك النهر .. عندك گمر … مكطوع الزنود
من طاح اخيك عالنهر كضيت الصفاح
كل حيلك وذاك العزم وي الكمر طاح
و زحت العمود من الخيم ستر الخيم راح
كلك حزن من ارجعت …. كل خطوة بيهة تشاهدت
مكسور ضهرك سيدي … واكف عجيبة وما طحت
واسمع بالونه احساسك … تبجي بحسره لعباسك
جفين عالشط خلاهن … شما فكيت عيوني الكاهن
...................................................
حرگ الخيم … طيحت علم … ومراكض عيال
راس انكطع … فوك ارتفع … ويشاهد احبال
ربطو حرايركم زلم وعيونك تشوف
وخلو عليل على الهزل وچماله مجتوف
ومدللاتك بالفله وكاتلهن الخوف
اليتسمن باسم النبي … طلعن اسيرات بسبي
والكاسر كليبك جرح … يحدي بضعنهن اجنبي
وذباحك بالهم سابيهن من ديره لديره يفر بيهن
والمايوصلهن سباهن شما فكيت عيوني الكاهن
...............................
كلشي انتهه .. ويمك بده .. عنوان الجروح
تبجي السمه .. واهل السمه… لاجلك يمذبوح
گطره ابحر هاي الخلك شما شافت الآم
جرحك نزف ما ينگطع بعيون الايام
معزب لحد اخر نفس صدرك للسهام
طبعك مثل طبع الورد.. كلش كريم و ما ترد
حتى السهم كتله هله … و وکلته من ذاك الچبد
لو اسولف عن حنيتك شكتبلك ما وفيتك
اكتب وابچي شما اقراهن .. شما فكيت عيوني الكاهن
........................................
✍️ ابو منتظر الحريشاوي
زينبنا العضيمه قياديه و حكيمه
طبت للقصر سحكت خشمهم
مره ومن عدهه تتراجف زلمهم
.............................................
طبت فركت حلوك القياده الزينب تلوك
حيدر غير ابوهه
خطبت هزت الكاع هاي اربات الاسباع
والكافل اخوهه
لبوه ومن ظهر حيد من وكفت اميره
بكلبهه الماعرف خوف ما چنهه اسيره
يزيد اتخرذل بهاي ما يعرف مصيره
المقسوم بشرفهه زينب والعرفهه
مثل طبت علي لمن يطبهم
مره ومن عدهه تتراجف زلمهم
....................
صارت سنطه والناس كطعت حتى الانقاس
زينب خورستهم
بدت بالله ورسوله بالخطبه المهوله
والذل لبستهم
كد كيدك يا ابن ذيج المعروفه بحقدهه
ما تمحينه هيهات وايامك اعدهه
جمعك هذا والناس لا يغرك عددهه
حسابك هذا عيده كل جمعك ابيده
قسم بالمصطفى وولده واهلهم
مره ومن عدهه تتراجف زلمهم
..............................
رغم مجتوفه بحبال وگفت مثل الجبال
هيبه وكلهه هيبه
اسيره وچنهه قائد ولا يلويهه واحد
زينب يا عجيبه
زلمهم شعرت بخوف من صاحت محمد
حسينك هذا مذبوح اشهد جدي اشهد
القصر وعروشه والجيش جن طاح وتبربد
المهيوبه العليمه مواقفها عضيمه
تزلزل جيشهم واهتز عرشهم
مره ومن عدهه تتراجف زلمهم
............................
صاح هناك الاعلام ياهي الدخلت الشام
علمونه بأصلهه
منطقهه وكلامه بيه نور الامام
لما واحد وصلهه
خوراج ذوله وشلون ملكو هالفصاحه
جذبكم هذا ضموه وخل نحجي بصراحه
هذا الهاشم الصيت والهم هل سماحه
ما ينظم خبرهه واضح هاي امرهه
من بيت النبي وواضح نسبهم
مره ومن عدهه تتراجف زلمهم
............................................
زينب صوت الحسين متهمه السلاطين
وكل هاي الحثاله
بت الما يهابون زينب ترضخ شلون
لسيوف النذاله
الشالت حمل الحسين من كطعو وريده
سطوته بالف جيش بالطف مو وحيده
قادت ثورة بالشام عن حكمه وعقيده
زينب عين الاسلام بيهه اتشرف الشام
شالت راسهه وداست عگلهم
مره ومن عدهه تتراجف زلمهم
.........................
✍️ ابو منتظر الحريشاوي
ثورة عشك مشايا
باچر تجي بالرايه
يبدي زحفهه احبابك من بابهه لحد بابك
ثورة عشك
..................
يا اغلى محبوب انوجد بالعالم
والعالم هامت عشك
كل شي نمله وخدمتك حبينه
مابينه لو نفترك
لو كبرك اتعنينه
تطوي الارض چن بينه
يتسابكن رجلينه محلاهن
ثاري اليحب موبيده
لمن حبيبه يريده
شوگه وغرامه يزيده محلاهن
گلب اليدگ واحساسه
شوك العشك لو جاسه
تنذر عمر لترابك من بابهه لحد بابك
ثورة عشك
..................
موسم حجيج زيارتك يالغالي
وكل غالي يمك رخص
لكل شي خصوصيه انوجد وعيونك
الكل دونك وانت الاخص
من صرنه وتربينه
غيرك فلا حبينه
ثوره عشكنه البينه و احساسك
الخله روحه بروحك
كلش فهمهه جروحك
كل عمره عاشر نوحك و احساسك
شكم رايه الك حنينه
وزحوف الك هالجينه
بيهه الحزن لمصابك من بابهه لحد بابك
ثورة عشك
..... ...........................
من كل بلاد اتعنتك مشايا
والرايه خضره وترف
موسم حصاد تسابكو زوارك
خطارك زحفت زحف
چنه الحشر ميعاده
في كربله وزياده
ربك جمعهه عباده كلهه الك
كلهه تجي ملهوفه
كبرك تريد اطوفه
اصوات الحزن معروفه كلهه الك
يحله المشي للغالي
لازم نجي ومنبالي
ماخذهه شوك اعتابك من بابهه لحد بابك
ثورة عشك
....................................
بالاربعينه البشر ملهوفه
مصفوفه موكب خدم
كلمن يعزب بالگدر من ماله
وعياله نصبت خيم
خيمه عشك منصوبه
وبخدمتك مهيوبه
الماعنده بايع ثوبه لعيونك
دنيا اوكفت محتاره
هالحب شنو اسراره
كلمن فتحلك داره لعيونك
موكب طلع بقرايه
وموكب فزع مشايا
حبهم عجيب احبابك من بابهه لحد بابك
ثورة عشك
.......
....................
✍️ ابو منتظر الحريشاوي
وفقنا الله بالحضور بمجلس عزاء استشهاد سيدي ومولاي الامام علي السجاد عليه السلام نتقدم بالشكر للاخوه المؤسسين في حسينيه ام البنين عليها السلام ونسأل الله القبول ان شاءالله
Читать полностью…
بده الزحف الحسيني وزلمنه اتولمت
المواكب والشوارع بيارغ علگت
الدرب توه حله هله بيهم هله
.............................
توكلنا بعلينه ونصبناهه الخيم
بده توه حجينا وحله زماط الزلم
سباق الخدمه عدنه واله انشد العزم
بدت ثوره مشينا بيارغ علگينه
حله هسه حجينا وبدينه بيا علي
فرض واجب علينه نعزب لليجينه
اله انفكهن ادينه ونعزب لليجي
نصبناهه المواكب وبيارغنه علت
عگدناهه الچفافي على الروس وحلت
نرحب بال اجه هله بيهم هله
................. ...................
بدت سفرة عشگنه وحله توه الدرب
لان زوار اجتنه هله صاح الگلب
عراقي ومن يعزب مثل نار ويشب
كرم من الله عدنا اذا زاير كصدنه
قسم احنا و ولدنا نصير بخدمته
ورثناهه من اهلنه اذا واحد تعنه
لحد بيعت هدمنه ترسنه سفرته
نمد سفرة بختنه الحويناهه بتعب
يبارك الله بيهه ويحط بيهه العجب
التعب بيهه انجله هله بيهم هله
.......................................
العجائب سبعه گالو خطأ بيهه الكتب
خل يجي لهاي الزيـارة واشوفنه العجب
سواد العالم اصبح ومشه لگبه الذهب
العجيبه الأولى هايه نجي رايه عالرايه
مثل ممشه السبايا والحسين الگصـد
مشي العالم يجيله خليل يود خليله
ملايين و قليله اذا رايـد تعد
الزمن يوگف مداره ويصير بكربله
على گبه مزاره يحط البوصله
تجي كلهه الملا هله بيهم هله
....................
انتضرها بصبرنه شهر يتبع شهر
نعد لآربعينه سنه وصارت دهر
بگلب يعشك امامه تجهزنه لصفر
مجانين بعشكنه ولا واحد لحگنه
تحضرنه بدمعنه نواسي ام الخدر
الحسين بكلبنه فزعناله بعربنه
خدم کون انحسبنه فخر النه فخر
الگلب هام لحبيبه وبعد مايحتمل
واليهيم بغرامه الصعب عنده سهل
زحف يوصل اله هله بيهم هله
........................... ... ...........
عهدنه شما بقينه لأبو اليمه العهد
يضل ثابت عشكنه ولايهتز ابد
واليفارك خدمتك يعيش المن بعد
اذا عنه ابتعدنه. تره المجلس يردنه
نحبك يالتحبنه. وعلى الفطره العشگ
يمن اغله انت منه. وبعد اغلى من اهلنه
صحن حبك يلمنه. وابد مانتفرگ
لگيناك بگلبنه. مثل شمعه ضوه
واذا يوم اختنگنه. نشم حبك هوه
نروح لكربله. هله بيهم هله
............................
✍️ ابو منتظر الحريشاوي
ارفعت وسط الحرب رايه ...اخوي وبيك الكفايه
يبو فاضل. يبوفاضل
يبو فاضل. يبوفاضل
.................................
اخوي وبالعزم معروف اجيت لكربله بزوده
كسر ظهر الحرب نصين وبقت تشهد اله زنوده
يذري بالجثث والخيل اخذ من عدهه مريوده
امير العسكر العباس الفضل والمرجله جنود
بيمنه ترفرف الرايه...اخوي وبيك الكفايه
يبوفاضل يبوفاضل يبوفاضل
..............................
يسيف المرتضى الكرار لون نظرو على عيونه
يسبع الكنطره العباس اخو زينب يسمونه
على صدره كتب يحسين ويازينب عالمتونه
كسب صيت الحرب عباس عساكر ما يخوفونه
تعنه العلكمي ومايه...اخوي وبيك الكفايه
يبوفاضل يبوفاضل يبوفاضل
.................................
رفع رايه عضيده حسين وكتب حي على الحومه
شرار اليطلع من السيف شرار وناره مسمومه
كَسمهه كربله ياناس خويه تبشر علومه
وفه ينكَط تره العباس صبح راعي الوفه دومه
الوفه اصبح اله غايه...اخوي وبيك الكفايه
يبوفاضل يبوفاضل يبوفاضل
....................................
لون ضهضب على العدوان تصيح دخيله الوادم
الزلم تختل لون تسمع برز الهه كمر هاشم
فنون المعركه بيده شحلاته بيمنته الصارم
يقاضي ويحكم العباس بأاسم حيدر صبح حاكم
قراره منزل باايه...اخوي وبيك الكفايه
يبوفاضل يبوفاضل يبوفاضل
.......................................
مهيب بطلعته العباس يلف عمامته الخضره
لون ينظرهه ابو الغيره تلوذ المعركه بكتره
سلام الله اعله ابو فاظل على ابوفاضل سلام الله
تربه على الفخر عباس نذر عمره لابو العتره
نذره عمره لاجل هايه...اخوي وبيك الكفايه
يبو فاضل يبو فاضل
..................................
✍️. ابو منتظر الحريشاوي
https://youtu.be/KrDR0Ml-99Y?si=DNeUsrFSHKpzZr0K
Читать полностью…
هاي زينب هي لو مو هيه
خلهه تكَرب خويه اضن مسبيه
صايرة بلون الليل. تغيرت زينب حيل
هيه لو مو هيه
.......................
عالرمح من سولف حسين وعضيدة
شافو مره متحيره عنهم بعيده
ياهي هاي تناشدو بالطف وحيده
چن علينا توجهت شنهو التريده
تصد علينه. شرايده هاي المره
مـادريــنـه ليش هيه محيره
ضايعه بين الخيل تغيرت زينب حيل
هيه لو مو هيه
..............................................
صاح ابو اليمه احس كسرهه بكفاهه
وهذا شيريد الشمر يركض وراهه
خويه ياعباس تستورح هواهه
چنهه زينب هاي مدري شيغراهه
هاي اختنه. شوف تعبانه شكثر
مدلـلـتـنه يفتر عليهه الشمر
صار مدمعهه يسيل تغيرت زينب حيل
هيه لو هيه
........................
صاح ابو فاضل نعم يحسين اختنه
شوف شمسوي الزمن بمدللتنه
هاي زينب بت علي شيبه بختنه
حيل خويه اتغيرت من فاركتنه
حسين منهه ... شلون لو اريد اعتذر
شرد اگلهه ...... وانا حماي الخدر
وانه جنت الهه الكفيل تغيرت زينب حيل
هيه لو مو هيه
......................
تعثر بجمره المهه من اجتهم
فوك الرماح الغوالي عاينتهم
همه كَالو ياهله وچنهه اسمعتهم
سال مدمعهم سوه من عاتبتهم
صب دمـعـهم .... مو دمع صبو دمه
وي اخـتهـــم ... تبچي املاك السمه
الصار بيهه موقليل تغيرت زينب حيل
هيه لو مو هيه
.......................
اه ياشايل روسهم لا تقسي بيه
نزل شويه الرمح واعطف عليه
ارد انشف دمهم بجفين اديه
وارد اشمهم شمه وداع المنيه
يالشلتهم ..... عالي ما الوحه الرمح
گلب اختهم ..... هم مثلهم منذبح
ياحزن روحي تشيل ... تغيرت زينب حيل
هيه لو مو هيه
....................
✍️.ابو منتظر الحريشاوي
يالرايد نجاة بيوم الحساب
غير الخدمة بالك لاتدگ باب
بالمحشر يفوزون بس خدام الحسين
..........................
اليريد يفوز باجر لازم يحدد مصيره
بطريق الخدمه يمشي وهالدرب لا ماكو غيره
بمنبر حسين وخدمته تصير جلماته الاخيره
البخدمه خلص هالعمر. بالحشر باجر يفتخر
وكل لطمه دكَهه عالصدر تنحسب نعمه چبيره
يالعندك عقيده اتمعن بهاي
عزيز الله تراهو الماشرب ماي
وبقدره يعرفون بس خدام الحسين
........................................
جلت الباري حكمته وأسس كلشي نضامه
بنادم بهالدنيا يزرع ويحصد بيوم القيامه
واحنا منها ماحوينه بس تعب هاي الخدامه
الدنيا ساعات وتمرنه. ومثل طيف يمر عمرنه
ونلكَه بالاخر ثمرنه. خدمه حسين الكرامه
باجر بالقيامه يرفع الهام.
الحاضر مجلسه ويتسمه لطام
هناك الي يفرحون بس خدام الحسين
.......................................
بالحشر تحضر الزهره كلمن يشارك عزاهه
الطلك الدنيا واهلهه وخدمه حسين اشتراهه
وشكبرهه يالموالي فاطمه تلمنه بحماهه
باجر تلمنه فاطمه. هي وعلي حامي الحمه
ومن تشهد املاك السمه. فاطمه نكسب رضاهه
هنياله التحضره فاطمه هناك
يا خادم حسين الزهره وياك
من الكوثر يشربون. بس خدام الحسين
.................................
لو صدك رايد تحصل هالكرامه استمع هايه
اخلص بخدمة أمامك ولا تدور بيهه غايه
لا تدور بيهه شهره وتالي تفلس بنهايه
دمعتك افضل تجاره. بالك ادور صداره
فوز بالخدمه بجداره. وانت تربات الولايه
تواضع بالخدامه تواضع وشوف
من تشمي عكس صدكَني مكشوف
بالمحشر يهنون. بس خدام حسين
.................................
بعد عندي شكم وصيه من الاقل منك اخذهه
خلهه من الكَلب تطلع دمعتك لمن تهلله
والتغير بالشعائر عوفهه و لا تعاينلهه
يبقه درب حسين واضح. واليغير نهجه طايح
ومجلسك بس هو رابح. ماتضل واطيح كلهه
دنيا وآخره بس انت ربحان
والغير مسير حسين خسران
يعني الي يربحون بس خدام الحسين
....................................
✍️. ابو منتظر الحريشاوي
هل من مناصر صاح.... وعبدالله مد جفوفه
اصغر مقاتل چان....بالطف يناس نشوفه
رضيع ومنذبح....صغير اعله الرمح
عبد الله مد اجفوفه
...................................
مو عجبه ال اسولف بيه لايتعجب السامع
عطشان ويريد الماي انا بهايه ماقانع
اقرأ الواقعه بحكمه والكل كتب راجع
هم تلگه ابن معصوم بجهاد وهوه ماطالع
لا مايگضه گماط....حتى الطفل على الحومه
وبتاسع بعاشور .... عبدالله سجل يومه
نواعي للصبح .... رضيع ومنذبح
عبدالله مد اجفوفه
..................
بعد ماخلصو انصاره حسين وصعبت الحاله
ضل وحده ابو سجاد والطف زادت اهواله
يرب هل من مناصر صاح واجت تتراكض عياله
وعبدلله من وگع للگاع وصوب المعركه اوماله
وحسين اجه وشالاه...شم منحره وشم ايده
شاء الله ان يكون... اصغر شهيد وليده
شكبر هذا الجرح .....رضيع ومنذبح
عبدالله مد اجفوفه
.................................
من الخيمه وطلع للجيش ويعرفهم يذبحونه
راد الحجه يلقيهه عليهم من يشوفونه
صاح بصوت اريد الماي لأبني ولا تحرمنه
ودوله نبل مسموم بنحره وغمض عيونه
دمه نزف وحسين....للباري سلم أمره
ان كان ذا يرضيك....ممنون الك لو ترضه
الك لا مااشح ....رضيع ومنذبح
عبدالله مد اجفوفه
.................................
رده لخيمته وچانت أمه بدمعه تتنطر
ملهوفه اوكفت علباب لنهه تشاهد المنظر
وياحالتهه من تشوف رضيع وذبحته العسكر
صاحت من گبل لااطيح وينك ياعلي احضر
عبدالله يامذبوح....يايمه فك عيونك
يالبالمهد چاليش ....شمسوي ويذبحونك
دمع عيني يسح... رضيع ومنذبح
عبد الله مد جفوفه
............................................
اشكبره مصاب حسين يوم العاشر شكبره
والياهي يدير العين واهله اجساد مطشره
ظل بلا نصير هناك ولا واحد لزم ظهره
والجتله العرب صوبين كلهه احقاد منتظره
وبكربله الميعاد ... زمرة بغي وملعونه
العبدو هبل والات ... كل فرصه ماينطونه
ضماير ماتصح ...... صغير ومنذبح
عبدالله مد اجفوفه
...........................
✍️. ابو منتظر الحريشاوي