792
احنا غير حسين ماعدنا وسيلة
الاخوه خدمه الحسين ع بعد أيام سوف تغلق هذه القناة وذلك لوجود خلل فني . فضلا وليس امرا الاشتراك ارجو الاشتراك بالقناة الجديد خدمه لسيد الشهداء ع 👆👆👆👆👆
Читать полностью…
الى سيدي مولاي الإمام الحسن المجتبى
حسين خويه مصابك الماكو مثيله
وبالطفوف الخوه عازتهه ثكيله
من تضل بلامعين. ياحبيبي ياحسين
واحسيناه واحسيناه
....................................
حسين يانبضه دليلي انا اخوك انا الحسن
امسح دموعك عزيزي هروش كلبي اتكَطعن
خلني اشبع شوف منك جنهن ايامي كَظن
رايح انا الليله رايح سنينه الحلوه انتهن
خلصن الحلوات وياك ومشن
الليله اخر ليله وياك الحسن
خلصن وياك السنين. ياحبيبي ياحسين
واحسيناه واحسيناه
............................
توصف الوادم الخوه حزام ويشد الضهر
وانه اخوك الليله رايح ضهرك بهاي انكسر
چبدي مسموم واعاين موقف بعيني حضر
من تضـل بلا مناصـر حيَــرتني هـالصـور
من تصيح بصوتك وماكو مناصر
ريت خويه هناك يمك انه حاضر
عذب كليبي الونين. ياحبيبي ياحسين
واحسيناه. واحسيناه
.........................
انطيني صدرك خل اشمه حيل اخيك مختنك
خل امسحه بچف اديه خاف باجر ينسحك
غنصرك خليني اقبله المن جفوفك يفترك
عمامتك ياخويه شدهه بالچفن لاتحترك
حسين خويه جثتك لو سلبوهه
عمامتك وي المخيم يحركَوهه
والحجر غطه الجبين ياحبيبي ياحسين
واحسيناه واحسيناه
..........................
غايب بساعة طفوفك ما الي بيهه نصيب
الموت حاجبني وغلاتك ماتركتك يالحبيب
من تشوف وليدي يطلع يعني كَول انا قريب
خل يسد فچه غيابي بالدمه يصبح خضيب
حسين خويه القاسم انذرته لطفوفك
ابن اخوك بغربتك لا مايعوفك
بهالامر عندي يقين. ياحبيبي ياحسين
واحسيناه. واحسيناه
...........................
حسين أحملك هالوصيه واسمع لهذا الكلام
بيوم عاشر ياحبيبي اوكف بباب الخيام
وصيح يازينب امانه من الحسن هذا السلام
كَلهه اخيج مانساكم لا وحكَ سيد الانام
كلهه رمله وياج باجر تنسبي
وبناتي السوط يلتف عالعبي
هالوصيه احفظهه زين. ياحبيبي ياحسين
واحسيناه. واحسيناه
........................................
ابو منتظر الحريشاوي
زينب المخدرة
.....................
منين صاحو هالمره شو چنهه سبع الگنطره
ماتنكسر هيهات غصبا على الشمات
**********
لبست عباية حيدرة وطلعت مره بس مو مره
والجيش من عدهه اختبص ضنوهه سبع الكنطره
كل فارس اليمهه وصل من خوفه يرجع ليوره
ضل ينشد وجاءه الخبر هايه عقيله حيدرة
شالت لواهه من النهر ويذلهه واحد ماكدر
على الذله لا متبات غصبا على الشمات
********
من شالو الرووس برمح صاحت هله ببزت علي
ميتين بس مادنكو كلفين كلش ياهلي
واحدهم ابدا مانصه راكب رمحهم معتلي
وانا مثلهم ما اطخ ياكربلاء وسجلي
هيبه وضهر نفس الضهر تربات حيدر والفخر
ماتنزل الدمعات غصبا على الشمات
*******
يقيدهه ضنوهه الحبل يتقيد شلون الجبل
غشمه وابد ماحسبو هالبوه من ذاك الفحل
كالو مره وهم تنكسر من تبقه حرمه بلا اهل
وكفت لچن وكفت زلم والجيش بحباله انسحل
زينب ابد مادنكت ضمت حزنهه وما بچت
متربيه عالكلفات غصبا على الشمات
*********
من طبت لذاك القصر تحچي وزلمهم خورست
شمرت عگلهم على الأرض والگاع چنهه اتزلزت
حي الله بت شيخ العرب الكرار چنهه وسولفت
متوهم الگال وعلي بت حيدر الحره انسبت
ذلت يزيد وزمرته وبالطين خلت سمعته
من رتلت آيات غصبا على الشمات
*********
زينب اصيله وبت عرب عنوان صارت للستر
معروفه هيه من الصغر ام العفاف ام الخدر
مكسوره ماتقبل تره يكولون عنها اهل الشعر
بهيبه اخوه مگبعه وشلون يوصلهه الشمر
مهيوبه هي من الصغر بنت البخت ماتنكسر
بيهه الخدر مامات غصبا على الشمات
*********
✍️ ابو منتظر الحريشاوي
دللول الولد نايم ياغالي
واهزن بالمهد ما ادري خالي
يعبد الله ياماي العين صحت يبني رحت لاوين
............................
ابن الهواشم كل ضني نايم ماضني مات
احجي وي مهده هلبت يكعده يرد للحياة
امنيتي لو هسه يفز واحجيله همي
من حلكه اسمعهه ولو بس جلمه امي
بلكت يصد ليه ويرد عبد الله يمي
طفل بعد واجت لبني امنيه
شسوي بدنيتي وراح من اديه
طفل يبني ولفاك البين صحت يبني رحت لاوين
.......................................
يالترفه ايدك كطعت وريدك اكبر حرام
ذابحني موتك وابلاي صوتك اشلون انام
جيبولي عبد الله صحت فدوه ارد ابوسه
الخيل اجت وابني ترف خافن تدوسه
هو الطفل مايحتمل مو نبله هوسه
الي يضحك كبل لو لاعبيته
غفه بحض السهم هسه لكيته
بعد كلبي ويروح حسين صحت يبني رحت لاوين
..........................................
يايمه وينك بس فكلي عينك حضني اشتهاك
مشتاكه اشوفك والزم جفوفك واشتم هواك
خليني اشم نحرك ولو شمه اخيره
باجر اعوفك يالولد واطلع أسيره
اه يالمتت ماصدكت وجهك تديره
ييمه بيا كلب باجر اعوفك
اموت وداعتك لو ما اشوفك
احس كلبي انشطر نصين صحت يبني رحت لاوين
..........................................
بكلبي صاير ترفس خناجر همك چبير
كلشي حسبته بس ذبحك انته لا مايصير
گلبه ضمه وگلت العده تبرد غليله
ويردلي سالم للخيم وارجع اشيله
مثل الورد لچن عبد كطعو فسيله
يورده مفتحه بحضاني چنك
عجيبه بلا رحم حرموني منك
صبر روحي اجيبه منين صحت يبني رحت لاوين
..........................................
عبد الله يمه هالدنيا ضلمه وصارت العذاب
نحرك اشمه ولكلبي اضمه ضمه عتاب
تعذرني يمه لوكلت حكك عليه
من جف حليبك وشربت من المنيه
طير انت هسه وفرفحت تالي من اديه
لون بيهن دمع يايمه عيناي
سكيتك يا غصن عمري ويدنياي
نهر تصبح الك هالعين صحت يبني رحت لاوين
....................................................
✍️ ابو منتظر الحريشاوي
علي السجاد عليه السلام
ياموت تدريني تمنيت. ياريت بالطف لوتمر
مذبوح كدامي الحسين. وجفين طاحن عالنهر
بالخيم نار كَلبي محتار
وانه معلول. وانه معلول
..........................
مرحبا ياموت كَتلك انا ابو الباقر هله
تعطلت ياموت عني ردتك انه بكربله
من نضرت بدور هاشم توادعو والعايله
بكل وداع يصيح كلبي ربي هون المعظله
ياموت شبت بالكَلب نار محتار بوادع الاهل
صرت اشوفن انه دمعات واهات. وملاوح اجل
تبچي الاصغار. كَلبي محتار
وانه معلول وانه معلول
................................
وادعت بالطف آخوتي. الاكبر و جاسم سوه
عالصدر ضمني واضمه. الاكبر بعز الهوه
جاسم الطفو شمعته. ومابقه بالطف ضوه
من هوو فوك الوطيه. كَلبي وياهم هوه
صعبه ياموت اصرخت اه ويلاه. بدور مذبحه
راح الاكبر راح جسام. وخيام. صارت نايحه
انذبحت اقمار. كَلبي محتار
وانه معلول. وانه معلول
........................................
روحي عالشاطي خذتني. من مشه عمي الكمر
ميت ولا تضني عايش. وي جفوفه على النهر
وعمتي زينب شيبتي. الهه دلالي انكسر
ذابله بباب المخيم. تنتظر يرجع خبر
حشمت زينب يعباس. بحساس اليبچي الصخر
خويه ما أريده تره الماي ولواي. طايح عالنهر
رد يمغوار. كَلبي محتار
وانه معلول وانه معلول
........................................
يا وداع حسين يذبح بيه الف موته متت
من حضني ووداعني. والله عنك دروت
ما اجيت شبيك كَلي. وين ياموتي جنت
من كصد للحومه ابويه. ليش عني اتاخرت
وين ياموتي صحت وين. وحسين. طالع للذبح
عميه عيني وماشفت حال ينشال راسه عالرمح
راسه يندار كَلبي محتار
وانه معلول. وانه معلول
.......................
حسين شفته مكَطعينه. عاري ضل على الثره
عكَب ذبحه مسلبيه. بحقد كَطعو خنصره
والشمس خجلانه منه. لاغسل لا مكَبره
يموت عطشان وتخضب. شيبه من دم منحره
مسلوب من عنده الثوب. وانوب. داسو جثته
مكَطوع من عنده الراس وانجاس بالطف ذبحته
عمري تذكار كَلبي محتار
وانه معلول وانه معلول
....................
✍️. ابو منتظر الحريشاوي
الاخوه خدام الحسين ع
نضرا لوجود خلل فني سوف تغلق القناه بعد أيام قليله
فضلا وليس امرا الاشتراك بالقناة البديله خدمة لسيد الشهداء الامام الحسين ع وإليكم الرابط التالي فلا تقصروا بالاشتراك جزاكم الله خير الجزاء
/channel/Shhnet
راحو ييمه وجيتج ماضل ضوه بكل بيتج
مذبوح يايمه الكَمر. وحسينچ مكَطع وذر
راحو ييمه. راحو ييمه
........................
زينب واجيت من الغرب يايمه وارد احچيلچ
يم البنين تمالكي صبرج اريد وحيلچ
من كربله يم الكَمر هاليوم راح اشكيلچ
انه المشيت مدللة ورجعت شوفت عينج
ماكو زلم ويايه. بس العليل ورايه
عباس طايح عالنهر. وحسينچ مكَطع وذر
راحو ييمه. راحو ييمه
.........................
رديتلچ شوفي الضعن شصاير ييمه بحاله
لا هودجي ولامحلمي واحد يشد احباله
بالكَوه اجيت امشي الدرب بمرافك الخياله
والذابح اهلي بكربله طاري السبي يحلاله
يايمه من احچيلچ. تصبح ضلام بعينچ
للشام ودانه الشمر. وحسينچ مكَطع وذر
راحو ييمه. راحو ييمه
..............................
يايمه هد حيلي النهر ماخذ عزيزي الغالي
خرسه زلمهم بس حچت لمن وكَع كفالي
طحت عالطولي من شفت طاحن جفوفه كبالي
من يومهه وصار الحزن طول الوكت يبرالي
راح الكَمر يايمه. ودنيا صارت ضلمه
وغيابه عذبني شكثر. وحسينچ مكَطع وذر
راحو ييمه. راحو ييمه
.............................
يايمه راح انقل خبر كَليلي الله يعينج
فوك الصدر شفت الشمر متربع على حسينچ
بيده يحز بمنحره ويكَلي زينب وينچ
حضريهن لدرب السبي بهذا الحبل چفينج
فوك الرمح ضل راسه. حسينچ وعباسهه
يايمه دلالي انفطر وحسينچ مكَطع وذر
راحو ييمه. راحو ييمه
.........................
يايمه عذبني اليسر بايك هذيج احلامي
مستحيه ما صب الدمع رأس الكَمر كَدامي
اعثر واچلب بالهوه خوفي على هاي ايتامي
شوفيهن آثار الحرك من خيمتي بچدامي
يايمه صبرچ كَومي. زين وعرفتي رسومي
ضيمي ولا مر بشر وحسينچ مكَطع وذز
راحو ييمه. راحو ييمه
..............................
ابو منتظر الحريشاوي
حي الله صاح للحومه راح
لابس جفن بعيونه لاح
جفوفه تنكط مرجله وصارمه بيهن حله
.........................
من الخيمه طلع محلاه اسم الله من اليحسدونه
زعلان ويهز بالسيف وغيض مترسه عيونه
متعطش على ميدان العسكر المايخوفونه
القاسم لو عباس ومحير اليلاكونه
چنه الگمر
نفس الظهر
حيدر علي
طش الخبر
اذني يا كربله صارمه بيهن حله
...............................
متخوصر وكف جسام بالعسكر زرع خوفه
سكته ولو حجو وياه يموت بخزره اليشوفه
صاحو منه ياستار حيدر شمره جفوفه
لوبس حرك البتار يوصل دمهه للكوفه
تسكت بعد
هذا الوعد
طف كربله
يمحي العدد
هذا ياهو اليوصله صارمه بيهن حله
.................................
دك بوق الحرب وانذار وبالعسكر فتح ساحه
ويلكط صبح بالروس بهيده ومشيته براحه
شما جمعو عدد ما خاف چلمه ياعلي سلاحه
شاب وماوصل عشرين ولا منهم شهم لاحه
لمن غضب
حز الرگب
فارس شهم
ياهو الگرب
سبحاهم بالدمه صارمه بيهن حله
.......................................
تربات البطل عباس وارث كلشي من عمه
وحده وحاوطوه آلاف لكن كلشي ماهمه
حالف مايعز هالروح لو ينزف نهر دمه
لو يصبح وذر عالكاع محد يوصل اخيمه
قاسم قسم
راعي الشيم
محد يصل
صوب الخيم
صوته بيهم من عله صارمه بيهن حله
.......................................
من باب الخيم وتصيح امه وتجذب الونه
يومك هذا ياجسام حك رباي اريدنه
هد بصارمك عالجيش وانت الحيد اعرفنه
فرح كلب ابو السجاد حاير يبني اشوفنه
ياكل هلي
چنك علي
بالمعركه
وادللي
اليوم اسوي الزلزله صارمه بيهن حله
........................
ابو منتظر الحريشاوي
هلي شحت رسايلكم تركتوني غريبه
واضن حكي من اعاتبكم تركتوني غريبه
مشيتو وانا عفتوني هلي جنكم نسيتوني
تركتوني غريبه
............................
يعينه الله المشو ناسه
شكم حسبه تجي براسه
وانا بهذا الوضع عفتوني يحبابي
غريبه ودمعي بعيوني
مشو كل اليحبوني
ولا طارش يجي منكم يدك بابي
العمر شنهي العمر لو يخلص بلوعه
اليضل بلا اهل شينشف دموعه
تعالو بداعه العشره تركتوني غريبه
تره كلبي خلص صبره تركتوني غريبه
اصيحن يهلي تانوني هلي جنكم نسيتوني
تركتوني غريبه
................................
صفه بس الحزن يمي
وعمت عينه الهجر يعمي
عليله وكابرت غصبن على ايامي
صوركم تاكل بروحي
ولا أبينهن جروحي
واتاني كل مسه بحسراتي واللامي
اغمض عيني واترجه حلم عابر
وافز مرعوبه من اسمع اسم حافر
تسير يمكم أحلامي تركتوني غريبه
يتراولي الابو ضامي تركتوني غريبه
اجي بس ماتشوفوني هلي جنكم نسيتوني
تركتوني غريبه
................................
حلمكم ساكن بعيني
يضحكني ويبجيني
واعيش مدللة من ارسمكم اكبالي
وحك ضحكه علي الأكبر
تعالولي بعد مكدر
صفه بس الحزن بالديره يبرالي
بجيت ومالكيت اليمسح دموعي
زماني بكربله طفاهن شموعي
اخذ كلشي الزمن مني تركتوني غريبه
اخوتي ووالدي عمي تركتوني غريبه
اويلي لوحدي خلوني هلي جنكم نسيتوني
تركتوني غريبه
................ ...................
اويلي المغرب شحالي
من اهزن بالمهد خالي
يعبد الله اصيح ومايناغيني
واخياتي المشن كلهن
صرت كل يوم ادورهن
ولا وحده البقت منهن تسليني
احن لزينب وادري بمصيبتهه
وابجي لغربيتي وابجي على غربتهه
بمكاني واستمع ونهه تركتوني غريبه
غريبه مثلي اشوفنهه تركتوني غريبه
اخاف تصدك ضنوني هلي جنكم نسيتوني
تركتوني غريبه
....................................
ابو منتظر الحريشاوي
عميه عينه المابجت لمصيبته
شيسوه عمره الماكضاهه بخدمته
الماعرف درب العشك كلبه ميت من صدك
الما كضاهه بخدمته
............................
ياحبيب الماكو مثله طيب وكلش ترف
انا مجنون بغرامك سيدي بهاي اعترف
هالبشر حبها تفاهه حبك انت اليختلف
مو الف فدوه انا اروحن شنهو قيمه هاالف
كون اعيشن هالعمر خادم وحيل افتخر
مو فقط بالدنيا اخدمك خدمتي لليوم الحشر
انا بس للحسين ناذر دنيتي وبالقيامه هناك تنفع خدمتي
المايذوب ويحترك كلبه ميت من صدك
الماكضاهه بخدمتك
....................................
من هويتك فطره عندي والكلب ذاب هواك
صرت اعوف الدنيا كلها سيدي واركض وراك
عميه عيني وانت نوري يعني اشوف انه بضواك
فدوه ل الله ولعطيته شكبر حضي من لكاك
ربي شكرا فضلتني بباب ابو اليمه خذتني
والله ما اسوه بدونه وبخدمته وفقتني
العاف دربه ويفترك كلبه ميت من صدك
الما كضاهه بخدمته
..........................................
اليحب حسين يدخل عالم الرحمه بخدمته
ودمه ذاك السال بالطف ديني بيه انا عرفته
يضيع كلشي بلحضه مني مجلسه لو ما حضرته
وشيفيد العمر بله لو ابو اليمه خسرته
المايرخص دمعته عايش لمن دنيته
ياهو الينجيه باجر من يطب بحفرته
المايزوره حسين باجر بالكبر ماتفيده هناك دمعه ولا عذر
النبضه بسمك مايدك كلبه ميت من صدك
الما كضاهه بخدمته
..................................
انا متغرب بدونك حسين مو انت الغريب
تربتك لو ما اشمهه جروح كلبي ماتطيب
المايشيل بكلبه حبك عاش عمره بلاحبيب
والله قاسملي محبتك والعشك قسمه ونصيب
حضرتك من اكصدلهه روحي تنسهه حتى اهلهه
يمك انا يزيل همي دمعتي لو سبلتهه
أنه اشوفك كلشي يحسين بحياتي صومي انت وطاعتي وكعبه صلاتي
المايحبك من خلك كلبه ميت من صدك
الما كضاهه بخدمته
..............................
مملكه حبك غريبه بيهه محد ينظلم
ترفع الخادم مراتب لو تحزم لللطم
ياملك كلك عداله تفهم ما ينفهم
خدمته نعمه چبيره صعبه لومنهه انحرم
والله ماعندي أنه غيرك أنه متربي على خيرك
عادل بكلشي عرفتك يعادل الدنيا ضميرك
دخيل كلبك سيدي اشايل الحنان وليلوذ بكبرك ايحس بالأمان
المايحضرلك عشك كلبه ميت من صدك
الماكضاهه بخدمته
...................................
ابو منتظر الحريشاوي
بچينالك بالف ناضر
شوكت يطلع صبح باچر
البعد يالمهدي اذانه
بغايبك نكسر الخاطر
نتاني وطول غيابك تعال وفرح احبابك
الف جمعه التمر واحنا يتامه ونكعد ابابك
الحزن غيم شوكت نلتم ونشمك ياهوه الديره
تعالنه يغايبنه الهجر تذبح تعابيره
يمهدينه يمهدينه
.......................... . ..................
رسالة حب كتبنالك
والف ورده رسمنالك
نحبك هيجي عالفطرة
ونراقب طلعة هلالك
يمهدي وداعة عيونك نحب حتى اليحبونك
مجنانيك صدك صرنا وخطية الما يعرفونك
اليحب حگه اذا يلگه گلب يستوعب همومه
يمن گلبك مثل دربك طريق الحق يسمونه
يمهدينه يمهدينه
.....................................
الخلك يالمهدي لامونه
كلام شكد يسمعونه
غايبكم كطع بيكم
ضحكنه وما يهمونه
المحب لو طول غيابه يجي يوم ويدگ بابه
يمر ويبين بساعه وابد مايترك احبابه
تشيل الهم مثل بلسم اذا ترجع يغالينه
شكو شامت يضل ساكت ونگله هذا مهدينه
يمهدينه يمهدينه
.................................
ابو منتظر الحريشاوي
شور شور
معاناة السيده زينب ع
........................
ميته من زمان موهسه متت
من يوم الطفوف ميته وماعشت
من عافوني ولياني
ميته وماعشت اني
فركَاهم يعذبني. جثه وامشي خلاني
غريبه غريبه. زينبكم غريبه
...............................
صح بيه نفس لكن ميته خلاف ابو اليمه
بيه العبره والحسرات كلهه بروحي ملتمه
طبع اليفكَد أحبابه بكَلبه تصير الف لچمه
يضل عايش لچن مذبوح الاهله وناسه مويمه
من چف الحنان. للچفوف الغرب
مابيه انا اعيش. فركَاكم صعب
وتغيرت عناويني.
من فرغت دواويني
متحيره صرت باأطفال. متحيره بنساويني
غريبه غريبه. زينبكم غريبه
........................................
كل ليله عليّ مرت مية موت احس بيهه
الدنيا اخلاف ابو اليمه ما اعرف شسميهه
لااعرف طعمهه شلون حنضل بيه طاريهه
مكسوره كَلب ضليت كوة الچلمه احجيهه
تلهب بيه نار. جمرات السبي
لون البيه صار دخان العبي
انا ام الخدر تالي
حادي ضعوني چتالي
مسبيه رحت للشام. عكَب الهيبه چفالي
غريبه غريبه. زينبكم غريبه
....................................
الغربه وفكَدت الوليان تركت بيه چم لوعه
حزني ماتسمع الناس بس وناتي مسموعه
والفارگ عزيزه شلون ياهو ينشف دموعه
ومحبوبي صبح مذبوح وخيل يسحكن اضلوعه
صحت وحشميت. بالخيل شكثر
عوفن جسم اخوي. وانطيچن عمر
من سحكنه كَدامي
وهو مترب ودامي
محتاره صدگ ضليت. بين حسيني وخيامي
غريبه غريبه. زينبكم غريبه
.......................................
خلصت بالطفوف هناك كلش وشلت روحي
بكَد طبرات البجسمك ماينعدن اجروحي
من شفتك على التربان مابطل بعد نوحي
مااريده العمر يحسين من بعدك يمذبوحي
من دونك حرام. ما أريده العمر
عل الدنيا السلام. بيهه شانتظر
عكَبك يانبع صافي
ما أريده العمر كافي
من يوم الغبت لليوم. واصل همي للچتافي
غريبه غريبه. زينبكم غريبه
........................
خويه وهسه انه اشتاكَيت ما احمل بعد فركَه
طگ كَلبي ولفاني الموت وحنت روحي للملكَه
مثل خيامك خلافك صدگ روحي محتركَه
ياموتي صحت هاوين زينب والله مختنكَه
بعيوني الممات احلى من الشهد
ملهوفه انا ليك. وكَليبي استعد
مشتاگه انه مشتاكَه
احلم خويه نتلاكَه
مايصعب عليه الموت حسين اليصعب افراكَه
غريبه غريبه. زينبكم غريبه
...............................
✍️. ابو منتظر الحريشاوي
قصيده إلى شيعة علي ابن أبي طالب ع
.....................................
يبقى الدم واحد غصبا على الحاقد
ازمه وباجر نتعداهه وحسين القائد
**
شيعه وحب حيدر يجمعنا مانتفرق لا هيهات
باجر نرجع مثل الاول لا تفرح هسه الشمات
لايفرح كلوله الحاقد باجر نرجع والدم واحد
شما عاند هم احنا نعاند نرجع ويشوف
مادام المنبر يجمعنه ابن امه الراد يفرقنه
بزود الله وكلمه مرجعنه كل فتنه نعوف
كلمه ونحجيها وبذنك خليهه
ازمه وباجر نتعداهه وحسين القائد
**
صبرا باجر نرجع نلتم اخوان ونرجع خوان
واحد يصبح عون الثاني مثل الدم وي الشريان
شيعه احنا وتربات الساده قادتنه ويانعم القاده
مايفرح الشامت بالراده وكلش غلطان
من نلتم همه يعرفونه هيهات انوب يفرقونه
صف واحد باجر يلكونه اخوان اخوان
اخوه ومحلانه باجر تلكانه
ازمه وباجر نتعداهه وحسين القائد
**
مايتبره اضفر من لحمه والراهن خسران بهاي
ماي شما حطو ويانه باجر نصفه ونرجع ماي
شكم يوم ونطلع مشاية اخوان ونرفع فد رايه
والحاقد غلطان برايه ويصفك جفين
كل واحد يخدم بالثاني ماكو صدري ولا سستاني
وفاتح كلبي لكل ايراني ويلمنه حسين
فاتح بيباني اهلا بخواني
ازمه وباجر نتعداهه وحسين القائد
**
تخلص بس ما اعوف حسابي مو أنه العاداني انساه
بجف واحد باجر نضربهم كل بعثي وكلمن والاه
السوه الفتنه وسوه الهوسه باجر انا وياك ندوسه
نعرفهه وكلش مدروسه خل يتانون
حية بيتي واعرف بيهه بس نرتاح ونرجع ليهه
لا تتوهم ماناسيهه وننساهه شلون
لا ماننساهم وحساب وياهم
ازمه وباجر نتعداهه وحسين القائد
**
✍️ ابو منتظر الحريشاوي
امنيتي اشوفلك مناره. واعتني ليك بزيارة
يالحسن يالمجتبى يالحسن يالمجتبى
...........................
يالحسن بكليبي عايش هالرجاء
امنيتي اطوف بحضرتك واقره الدعاء
كون كبرك سيدي في كربلاء
يم ضريحك نلتم نسوي العزاء
كون كبرك هسه يمنه سيدي وصحنك يلمنه
يالحسن يالمجتبى يالحسن يالمجتبى
.............................
ياامام الي توصف بالكرم
وسفه ماتنزار ماعندك حرم.
كل كَلب شيعي تره عليك انهضم
من صلاة بحضرتك ليش انحرم
صارت امنيته الزيارة كَبه ينظر لومناره
يالحسن يالمجتبى
.........................
الغربه غربه ناس موغربة وطن
وانت كلهن بيك ذني اتجمعن
ميت ومضلوم كَبرك يالحسن
لا مناره وحضره لا عندك صحن
لا مزار ونعتيلك. صعبه لو ردنه نجيلك
يالحسن يالمجتبى يالحسن يالمجتبى
..........................
هواي مشتاكَين يمك نشتكي
نريد نتعنالك بموكب مشي
نقرأ الك لطميه بالصوت الشجي
مقتلك نسويلك ونشبع بچي
ويقرأ باسم بالصحن. يالثارات الحسن
يالحسن يالمجتبى يالحسن يالمجتبى
.................................
امنيه يا مولاي بس ماندري وين
من نسوي ذكره الك بالاربعين
حلم عدنه وعاش كل هاي السنين
بالبقيع نزوك ونبدي الحنين
صعبه يالعشت بغرب. امنيه للحضره نطب
بالحسن يالمجتبى يالحسن يالمجتبى
..............................
ابو منتظر الحريشاوي
شور للسيده زينب ع
........................
واويلاه. زينب وديعه حيدره
واويلاه. مظلومه كلش هالمره
واويلاه. الجابت عمرهه محيره
يازينب.. يازينب يازينب
.........................
شافت هضم ماينحمل. ذيج الكظتهه مدللة
يا وسفه كل ذاك العمر. مبيوگ منهه بكربله
بعيونهه تشوف الصبح. مذبوح وبچف حرمله
مسبيه صارت ياخلگ. من بعد راعي المرجله
واويلاه. شافت محن ماتنحمل
واويلاه. راح وتفرهد هالشمل
واويلاه. جمر الحزن بيهه سره
واويلاه
يازينب.. يازينب يازينب
................
ليل المصايب عاشته. يلچمهه كل لحضه بكتر
من العاشر وماهودت كلش كَلبهه منكسر
لو تنسهه آهات الذبح. تلزمهه آهات اليسر
كل خطوه مدري شكم سنه. عاشت وماتت چم عمر
واويلاه. كل ليله تنصاب بسهم
واويلاه. شبت مثل نار الخيم
واويلاه. وطايح دمعهه عالثره
واويلاه
يازينب.. يازينب يازينب
..........................
شافت ابو فاضل وكَع وضل الجسم عالمشرعه.
وبعينه مصيوب بسهم. وچفوف اخيهه مكَطعه
وتحيرت بين الخيم. بين التروح للمصرعه
هنا حرم وهنا كَمر عالشاطي جثته موزعه
واويلاه. كافلهه طايح عالنهر
واويلاه. مكَطوعه جفين الكَمر
واويلاه. باجر تروح ميسره
واويلاه
يازينب.. يازينب يازينب
.................................
عالتله لمن عاينت محبوبهه يذبحه الشمر
صاحت ييمه فاطمه. مذبوح قرآن الفجر
شيبت بطف بت علي. من التله للحومه عمر
شبكَت العشره ونادته. كَلب اختك أصبح كالجمر
واويلاه. مذبوح اخوهه بكربله
واويلاه. هالهظم ياهو اليحمله
واويلاه. مذبوح ابن خير الوره
واويلاه
يازينب.. يازينب يازينب
.....................
شبان عدهه بكربله من عدهم تغار الشمس
زفتهم لذيج الحرب للحومه ماشافو عرس
اعزاز بس بكل فخر. لحسين ضحو بالنفس
لذله ماخضعو ابد. وللعالم انطو هالدرس
واويلاه. جاسم والأكبر من وكَع
واويلاه. ون زينب بهاي انسمع
واويلاه. الجابت عمرهه مخدره.
واويلاه
يازينب.. يازينب يازينب
........................
✍️ ابو منتظر الحريشاوي
هنيالي بهذا الاخو هنيالي
كفالي مثله منو كفالي
............. .....................
بكافل ضعوني خيعوني شيال العلم
بروحه باراهه وخلاهه بعيونه الخيم
فدوه لعيونه يسمونه كفال الحرم
العسكر وجيشه كالريشه سواهم غنم
دلالي بيه ابتشر دلالي
هنيالي بهذا الاخو هنيالي
....................................
بيده فقاره والچاره جانت يمنته
بيهم شسوه شكد حلوه رفت رايته
ختلت القاده والراده طارت ركبته
فدوه لزنوده ولزوده وفدوه لكشخته
يحلالي حيل الكمر يحلالي
هنيالي بهذا الاخو هنيالي
.................................... ..
عطشت سكينه وبعينه شفناه الزعل
تفجر احساسه ونوماسه كض سيفه ونزل
يذبح الشافه والعافه هم لاحه الاجل
رافعه راسي بعباسي مضروب المثل
گلالي شنهو العطش گلالي
هنيالي بهذا الاخو هنيالي
......................................
الحومه ذلاهه وبچاهه بجفوفه الكمر
يخزر بعينه وجفينه حيدر لو سطر
يخوف لثامه وگدامه ماواحد عبر
سهله بحسابه لو جابه الماي وي النهر
مو غالي كل ما ردت موغالي
هنيالي بهذا الاخو هنيالي
................................
العسكر بحيره والغيره صاحت ياهله
عيونه مغتاضه ومراضه ماكو بكربله
گلهم گوامه وحزامه شداه وحله
سورة الفاطر ياساتر مدري الزلزله
جابلي وين الصعب جابلي
هنيالي بهذا الاخو هنيالي
...........................................
ابو منتظر الحريشاوي
قائدهه عابس هاي المجالس
.......................................
نعمه المجالس ياخلك وحيوهه
ذبو العكل لو ردتم تحضروهه
ودموعكم تمطر مطر خلوهه
هاي الهدوم بهالبچي عطروهه
عطر الملابس هاي المجالس
......................................
الزهره تحضر بالمجالس هايه
تصب الدمع كلما تصير قرايه
يبرد گلبهه شما نهز الرايه
اتگلكم اهلا بالصدک وفايه
تعادل مدارس هاي المجالس
........................... ........
خل اليلوم بلومه مايعنينه
احنا جنود المجلس اسمينه
هالخدمه ربك رازق ومنطينه
هاي البشر شعليهه لو لطمينه
وينه الينافس هاي المجالس
........................................
دكت الصدر محلاهه تشفي جروحي
وبلا مجالس تختنك ياروحي
لحسين احبه شكد حلو يانوحي
بالرايه تكشخ من احطها سطوحي
چن هيبه لابس هاي المجالس
.....................................
خادم الك اتباهه لو سموني
شينفع نضرهه إبلايه دمعه عيوني
هو أنه اهلي لخدمتك نذورني
خادم صغير بمجلسك رادوني
وبنعمه حاسس هاي المجالس
........... ....................
✍️ ابو منتظر الحريشاوي
يانجمه وسط سماي عوف والنهر والماي
ماي العذب عيناك نعطش تره بلياك
عوف النهر والماي
................................
عباس خويه مروتك عوف النهر وي مايه
خليني اروه بشوفتك يابعد هاي وهايه
شيبقى بكلب زينب بعد لو ماتضل ويايه
والجود ذبه من المتن ريض يراعي الرايه
خل جربتك والطاس واسمعني ياعباس
لاتمشي خويه هناك نعطش تره بلياك
عوف النهر والماي
.............................
بعيونك انت اكبر نهر زمزم اشوف عيونك
بس لو رحت اي والحسن نعطش يخويه بدونك
طب للخيم شوف الحرم يا أبا الفضل يردونك
أطفال اخوك مأمنه چي حاضر يشوفونك
وصوني خويه بهاي كلولي شنهو الماي
لو ماشي نمشي وياك نعطش تره بلياك
عوف النهر والماي
.............................
ياكمر وموضوي الخيم خليك يمنه هنانه
سكينه منك تتعذر وتكول ماعطشانه
لا يمشي عمي للنهر خل يبقى عمه ويانه
ماموت صدكي من العطش انموت لو عافانه
كلش عزيز هواي يسوه الهوه والماي
ياخويه واترجاك نعطش تره بلياك
عوف النهر والماي
...................................
عباس خوفي لو رحت حاير يضل حسينك
وتصير وحشه كربله لمن تغمض عينك
وكليبه يتكطع وصل لو كطعو جفينك
شكد صعبه يبقى لوحده وعنك يدور وينك
اه ياعضيدي يصيح شما كام اخوك يطيح
ويعذبه حيل جفاك نعطش تره بلياك
.....................................
للطف اجيت برايتك وانت التبارني ضعوني
مدللني عباس شكثر والوادم يحسدوني
شما اشوفك انسه أنه العطش لو رادو يعطشوني
بس لو رحت تدري انكسر وتعطش عليك عيوني
وين الكه راحه بال من ابقه بلا كفال
الراحه بس وياك نعطش تره بلياك
عوف النهر والماي
...................................................
ابو منتظر الحريشاوي
كلبي يحبك ياروحي انته
شوك المجانين يمك عرفته
كلبي صدك وياك شاف المحنه
شو يختلف وياك مو هو چنه
مجنونك ومعذور انا بجنوني
ماشفتك انت شلون ساكن عيوني
شوگي خذاني بحضنك رماني
كل عمري اضل للدوم للمهدي أتاني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عمري بوصالك صدگ نذرته
عاشگ واناطر ساعه طلعته
احسب واعد ايام يخلص مغيبك
وكل ليله اگل للروح باچر يجيبك
لا والله مامليت من انتظاري
بس گلي يالموعود شيطفي ناري
طول مغيبك بله شيجيبك
كل تمشي بعام حن لحبيبك
.........................................
هذا انا حالي ابچي اعله شوفك
بس بيه احبك مابيه اعوفك
ليليه احن واشتاگ طيفيك يجيني
خاطر اگلك شوف شوكي وحنيني
تدري البعد جتال للعنده غايب
يالمنتظر بجفاك كلبي أنه ذايب
كلبي أنه بيتك لا مانسيتك
من صغري يالموعود كلش هويتك
.......................................
ابو منتظر الحريشاوي
غربه العقيله زينب عليها السلام
..................
عاشت غريبه. وماتت غريبه
المذبوحه اخوهه
بله شلكَوهه
من شيعوهه ماتت غريبه
..........................
عاش الحزن بيهه يمشي وي طاريهه
شنسولف عليهه من ياهي نبدي
العاشتهه مهمومه تصيح انه مضلومه
من العاشر ويومه حزني على كَدي
ظلت غريبه بلا اهل ماعدهه ديره
بنت الهواشم بالغرب عاشت اسيره
عاشت أسيره الجان اميره
ظل عالي ونهه
زايد حزنهه
موهيه چنهه. ماتت غريبه
.............................
البلعفه معروفه. تالي مجتوفه
من طبت الكوفه. شيب كَلبهه
الكافله ابو الغيره. شو ظلت بحيره
من ديره لديره. ضايع دربهه
بالشام ليش محيره الوادم يشوفهه
وهيه عقيلة حيدره الجانو يسموهه
زينب عجيبه صارت غريبه
موهيه چنهه
ازرگ متنهه
ياهو الدفنهه. ماتت غريبه
............................
الفكَدت عشيرتهه. مفضوحه دمعتهه
مسموعه ونتهه. بين الطوايف
المذبوحه اخوتهه. كَلي شيسكتهه
تخنكَهه عبرتهه. بين السوالف
كبرنانه مدري شكم عمر ام المصايب
كل ليله بالطف تنحسب ليله عجايب
بنت الغوالب. بين المصايب
مسبيه تالي
بعد الغوالي
بذيج الليالي. ماتت غريبه
............................
رادت يجوهه. امها وابوهه
واتاني اخوهه. شيخ العشيره
تصيح انا تدروني. منتظره تلفوني
يهلي وتشيعوني. والغربه حيره
منتظره طارش لو يجي بالشام اتاني
بتكم لچن عشت بغرب عمري وزماني
كَلب العقيله. رايد خليله
بالغربه عفتوني
وتناطر عيوني
صوت اليشيعوني. ماتت غريبه
........................
ليل الهجر قاسي ويمرعد احساسي
وينك يعباسي. خلصت حياتي
بغربه وخلص عمري. خويه انكسر ضهري
احفر يخي كَبري حانت وفاتي
مشتاكَه اشوفك ياكَمر كَبل المنيه
امنيتي لوهسه تجي من الغاضريه
خويه المنيه.
كَربت اليه
هاي المسيه. ماتت غريبه
.....................
ابو منتظر الحريشاوي