792
احنا غير حسين ماعدنا وسيلة
امنيتي اشوفلك مناره. واعتني ليك بزيارة
يالحسن يالمجتبى يالحسن يالمجتبى
...........................
يالحسن بكليبي عايش هالرجاء
امنيتي اطوف بحضرتك واقره الدعاء
كون كبرك سيدي في كربلاء
يم ضريحك نلتم نسوي العزاء
كون كبرك هسه يمنه سيدي وصحنك يلمنه
يالحسن يالمجتبى يالحسن يالمجتبى
.............................
ياامام الي توصف بالكرم
وسفه ماتنزار ماعندك حرم.
كل كَلب شيعي تره عليك انهضم
من صلاة بحضرتك ليش انحرم
صارت امنيته الزيارة كَبه ينظر لومناره
يالحسن يالمجتبى
.........................
الغربه غربه ناس موغربة وطن
وانت كلهن بيك ذني اتجمعن
ميت ومضلوم كَبرك يالحسن
لا مناره وحضره لا عندك صحن
لا مزار ونعتيلك. صعبه لو ردنه نجيلك
يالحسن يالمجتبى يالحسن يالمجتبى
..........................
هواي مشتاكَين يمك نشتكي
نريد نتعنالك بموكب مشي
نقرأ الك لطميه بالصوت الشجي
مقتلك نسويلك ونشبع بچي
ويقرأ باسم بالصحن. يالثارات الحسن
يالحسن يالمجتبى يالحسن يالمجتبى
.................................
امنيه يا مولاي بس ماندري وين
من نسوي ذكره الك بالاربعين
حلم عدنه وعاش كل هاي السنين
بالبقيع نزوك ونبدي الحنين
صعبه يالعشت بغرب. امنيه للحضره نطب
بالحسن يالمجتبى يالحسن يالمجتبى
..............................
ابو منتظر الحريشاوي
حنين السيده زينب ع الى كفيلها
محتاجتك حيل هواي بكَد الهوه بكَد الماي
يابو فاضل دوريتك. اختك انه ومالكَيتك
يا بوفاضل
.....................
شما اجرن نفسي اشتاك وغلاتك
صعبه عندي الفركَه يمدلل خواتك
بالبشر ماكو اخو يملك صفاتك
انت يا لزينب أعز من كل حياتك
مشتاكَه اشوفك لحضات. واغفه على ذيج الچلمات
يابو فاضل كَلبي بيتك. اختك انه ومالكَيتك
.........................
انت روحي ودنيتي وناسي وحياتي
وانت ياعباس تسبيحه صلاتي
زودي انت وراحتي وخدري وعباتي
وانت دمعه ناضري وكل ذكرياتي
انت العزيز الوفاي. انت الشمس وانت فياي
يابو فاضل ضيعيتك. اختك انه ومالكَيتك
.................................
وآلله ياعباس ما ارهم بدونك
فدوه اروح لضحكتك ذيج وعيونك
احسد الزوار صدك من يجونك
عذبتني فركَتك خويه على هونك
مو زينب انه بلياك. عذبني عباس جفاك
عذبتني وعذبيتك. اختك انه ومالكَيتك
.................................
مانسيتك لا وحك خدر العقيله
ياعزيزي الماكو بالدنيا مثيله
ليل هجرك يابوفاضل مالي حيله
فركَتك عيونك چبيره ومستحيله
بكليبي مدري شخليت بعدك متت ماضليت
يابو فاضل مانسيتك. اختك انه ومالكَيتك
.....................................
خويه تدري شسوت بكَلبي الليالي
وشيضل ابروحه اليفاركَله غالي
خويه بعدك ضيعت عزي ودلالي
شما اريد انسه الحزن كَلي تعالي
يالسافرت عني بعيد نوحي على فركاك يزيد
يابو فاضل حشميتك. اختك انه ومالكَيتك
.......................
ابو منتظر الحريشاوي
ضاعت رقيه بالفله وانا ادور وينهه
گالولي يم ذاك الرمح تبچي وتريد حسينهه
عمه عمه سلبوهه عمه اختنه تريد ابوهه
...........................................................
عذبني وشيبني مدللاتك
وين ابونه صارن ينشدن بناتك
شرد اگلهن وانت ضلت بس عباتك
وذكرى منك باقيه سبحه صلاتك
لو عن رقيه ناشدت وتگلي خويه شلونهه
من الدمع ويلي طفت مولحه ذيج عيونه
چنهه ورده وماسگوهه عمه اختنه تريد ابوهه
...........................................................
طفله ماشافت گبل هاي الاذيه
مدللة بحضنك ربت بنتك رقيه
هسه من سوط العده تتحمه بيه
والاشد باجر اذا طلعت سبيه
من الخيمه طلعت وانا عيني اعليهه
نار المصايب حرگن رجليهه
ويلي طفله ومارعوهه عمه اختنه تريد ابوهه
...........................................................
طفله وسلاب مايرحم اجاهه
شردت وياويلي ضل يركض وراهه
جر تراجيهه من اذنهه وسلابهه
ولا غيور الفار دمه ولا حماهه
گالته هاك اخذ الذهب بس ردلي غالي
اشرلهه اعله الرمح ويگلهه عالي
صغيره اختنه وخوفوهه عمه اختنه تريد ابوهه
...........................................................
بيا مصيبه احتار كلي بيامصيبه
ياهي اسكت من بناتك ياغريبه
والتريد حسين بله منين اجيبه
وانت صارت شيبتك بالدم خضيبه
ياهيه اسكت لو ردت گلي يخويه احچيلي
غربه بنات بلا اهل هدمت بالطف حيلي
بغربه بجناب وولوهه عمه اختنه تريد ابوهه
...........................................................
عاشرتني المحنه خويه وعاشرتهه
صعبه لو اكلك رقيه ضيعتهه
بيه مابيه طلعت ودورتهه
تالي يم راس الرمح تنحب شفتهه
گالت هذاك اعله الرمح ياعمه راس حسيني
لابيه حيل اصعد آله ولاينزل يحاچيني
تالي منك ووخروهه عمه اختنه تريد ابوهه
...............................................
✍️. ابو منتظر الحريشاوي
خويه ماشيين والعذر منكم يهلنه
تهمل العين والشمر يحدي بضعنه
الله لاينطي الرمح چمل جروحي جرح
يهلنه .... يهلنه
........................................................
راح امشي لچنهه وداعتك گوه
فرگنه الوكت وافتلت الخوه
امداهه الدنيا خويه المابعد تسوه
الذبحت كل حنين وبيه المروه
التفگد احباب چا بعد شلهه بعمرهه
تصبح تراب ولا بعد ينفع صبرهه
والشغب كلبي الرمح چمل جروحي جرح
يهلنه .... يهلنه
........................................................
فوك ارماح اشوفن روسكم تعله
ذيچ الچان وياهه العتب يحله
على الظلت وحدها الغربه موسهله
الوجع ينشاف صار بروحي واندله
يالغريبات صاحو اعلينه وسمعنه
بالفله نبات ولا غيور اليفزعلته
ماكو بگصصهم ملح چمل جروحي جرح
يهلنه .... يهلنه
........................................................
عزمو عالسفر والنوك متحضره
وانه الخوف بيه وروحي مطشره
شلون امشي واعوفنكم عالغبره
مابين الجسد والراس متحيره
هزل النوك اصعد وانا الاميره
وطبت السوك هاي عد زينب چبيره
لاطلع ذاك الصبح چمل جروحي جرح
يهلنه .... يهلنه
........................................................
الموت اهون الي من طبت الكوفه
بت حيدر واطب بحبال مجتوفه
وانه البيهه جنت بالعفه معروفه
خيالي الناس چانت تحلم اتشوفه
انه ياناس تاليه اطبهنه سبيه
وين عباس صاحت الوادم عليه
صعبه اكلهم منذبح چمل جروحي جرح
يهلنه .... يهلنه
........................................................
افتر تالي الوكت وي زينب الحره
تساوه الماله قيمه بقيمه الدره
ذهب صافي العليل اتراب اليجره !
من غم الزمان الماعرف قدره
ضاع الانصاف ال العرش تكعد سكاره
صار ينشاف الدين يا وادم تجاره
ما درو احنا الربح چمل جروحي جرح
يهلنه .... يهلنه
........................................................
✍️ ابو منتظر الحريشاوي
ليلة الوحشه
آه يبن آه يبن امي آه يبن امي
....................................
ابچي عليك حد ماتعمه العيون
غيرك ياهو الي بهاي دنياي
عطشان ومتت يحسين وشلون
ومهر امنا الفرات وحقك الماي
مثل الخيمه گلبي وصار چانون
وضليت احترك بهداي بهداي
جسمك على الرمل يابعد العيون
وماخلوني اصيرن يمك فياي
آه يبن آه يبن امي آه يبن امي
.......................................
هيمه وجيت ادور والگلب هام
جابتني المحنه وگربت ليك
جيت ارد اشتكيلك جور الايام
راسك منكطع وشلون احاجيك
من ياصوب اعاين كلك سهام
محنه اتمحنت من ياهي ادوايك
لو فكرت اشيلك صوب الخيام
محروگه الخيم المن اوديك
آه يبن آه يبن امي آه يبن امي
....................................
ابچي وشامتك يصرخ ذبحانه
وماظلت زلم كلهم مطاعين
بس عدكم عليل واحنا عفناه
حتى يشوف من نسبي النسوايين
زينب هذا طولج هسه شفناه
وباچر على الهزل ويانه تمشين
ايسي ومايرد عباسج هنا
ظل عالنهر وبلايه جفين
آه يبن آه يبن امي آه يبن امي
....................................
كسرت كلبي كلش كربله هواي
حسين ومحنتي كلش چبيره
ابقه لوحدي ولا واحد وياي
وانا الگبل تبرالي عشيره
هسه انت طحت گلب اختك شلون
لياهو انطي الوجه والمن اديره
ميت انا اصدك خلصت وياك ؟
يعني وياك هالكعده الاخيره
آه يبن آه يبن امي آه يبن امي
....................................
عذرا خويه اكلك وانت معذور
باچر نفترگ كلمن مصيره
الروس عالرمح على الغبره النحور
وجسمك تالي المنه بحصيره
مدري منين اجاني مصاب عاشور
اهلي مذبحه وانه الاسيره
بت حيدر عليّ ذباحك يشور
وين ابن الدعي الميت ضميره
آه يبن آه يبن امي آه يبن امي
....................................
✍️ ابو منتظر الحريشاوي
(هوسات المراجل)
حسين ابواليمه ابتشر من هوسو بالحومه
جاسم والأكبر والكَمر. من هوسو بالحومه
كَالوله عد عيناك. حلوه حرب وياك
من هوسو بالحومه
.............................
ابطال هاشم والنعم هوسات من طبوهه
وتلامزو جتف بجتف والمعركه اتعنوهه
جاسم والأكبر والكَمر تمطر جثث خلوهه
عالخيل ماضلت زلم فوك الترب ذبوهه
خلوهه تنزف كربله من هوسو بالحومه
وحسين صاحلهم هله. من هوسه بالحومه
كَالوله عد عيناك. حلوه حرب وياك
من هوسو بالحومه
....................................
الفقار بجفوف الكَمر شمره علي بجفينه
زلزال بالطف ونزل رد خيبر وصفينه
رباطه جان وهوسته غير انه عم سكينه
المحسوب بله من الزلم دلوني وينه وينه
يامحله صولات الزلم. من هوسو بالحومه
وحسين عاين وابتسم. من هوسو بالحومه
كَالوله عد عيناك. حلوه حرب وياك
من هوسو بالحومه
.................................
حي الله الاكبر من برز صاح انه شبل حسيني
وبسيفي اشوفهه العجب عباس المربيني
لو قاده عدكم من صدگ خل تطلع تلاكيني
والهوسه جانت للابو ناذر ترانه سيني
صاح انه تربات الكمر. من هوسو لالحومه
وحسين بوليده افتخر. من هوسو بالحومه
كَالوله عد عيناك. حلوه حرب وياك
من هوسو بالحومه
................................
يامحله جاسم من طلع من هلهلن عماته
چنه الحسن بالطف رجع حين البده بصولاته
هوساته بالطف الولد وكت الشدد وكفاته
حي الله صاحت كربله اليشبه علي بسطراته
وابن الحسن هز رايته. من هوسو بالحومه
وحسين سألت دمعته. من هوسو بالحومه
كَالوله عد عيناك. حلوه حرب وياك
من هوسو بالحومه
...............................
من طبو الجيش انذهل خياله من خياله
كل واحد بهيئة على واتوقع انت الحاله
على يمنه جاسم من هجم والأكبر اليبراله
و اليسره ابو فاضل اله والعلكَمي اتعناله
والغوث صاحت كربله. من هوسو بالحومه
زود وشجاعه ومرجله. من هوسو بالحومه
كَالوله عد عيناك. حلوه حرب وياك
من هوسو بالحومه
.......................
✍️. ابو منتظر الحريشاوي
شايل رأيه عباس وطب على الكَوم
هوس بيهه العسكر ماشافت نوم
............................................
عفيه اخوي وابن ابوي مجرب بميدانهه
من وصلهه الحومه كَلهه طب كَمر عدنانهه
الكَوم لاذت فجأه طاحت واختلف عنوانهه
والراية ترف فوك متونه
والعسكر صار اصفر لونهه
ذبحتهم نضرات عيونه
عباس الموت يسمونه
طبهم وتخير بيهه. وينه الكَايل راعيهه
غيم بيهه عباس الطف
........................................
من كَربهه بسيفه كفهه من توسط بيهه
طك زلمهه وسال دمهه وترجف مخليهه
وانا اخته هوستله ونعم راعيهه
مغتاض وشامر خاجيته. تتراجف من سمعت صيته
وأمه على الاخوه موصيته عباس وانا مربيته
طب للساحه والكون اهتز
......................
طشراهه وضيعاهه الجانت تسولف كَبل
انا اعرفه محله چفه من يهد راعي الفضل
الغيره عنده وهذا حده صاح فنه الي وصل
راسمهه الخطه بميدانه فنه إليكرب من صيوانه
غير انه العباس هنانه. للموت مسرفن ذرعانه
انا المعروفه اطباعي. ياهو يلاويهه ذراعي
بيرغ غيره عباس ورف
................................
غيم صاير والعساكر عاينت لرسومه
كَالت افتر الله يستر لو نزل الحومه
الجيش واكف صار خايف يطكك بزردومه
احتارت شسوي العسكر.
عباس بمداينه وزنجر
والچان يكَلوله معتبر.
بادت رجليه ومايكَدر
بالراية يهوس عباسي. ياهيبة ويارفعه راسي
هوس بيهه عباس الطف
...............................
عاينلهم من حسبهم ماتهمه رجالهه
كَال انا ورف لوانه بيده ياخيالهه
صاح اليه وبين اديه اليوم اغير احوالهه
صولاته الكافل معروفه
زارع بيهم صار الخوفه
محلاهه الرايه بالجفوفه
حالف هالعسكر ميعوفه
ضل ياخذهم هو بكيفه. واشتدت من سولف سيفه
خضر حيدر بيوم الطف
...........................
✍️ ابو منتظر الحريشاوي
اليفزع لقرانه الله يرفع شانه
في سبيل الله في سبيل الله
........................................
افزع ومعروف يل عندك عقيده
اليحرگ القرآن كون تكصه ايده
هذا داعش ثاني وبفكرة جديده
فتوه عدنه بهالامر لا مو بعيده
يله وفي لدينك واشفي گلب حسينك
في سبيل الله في سبيل الله
........................................
لنصره القرآن كون انضحي دمنه
هو رفعه روسنه ورفعة اسمنه
واحنا معروفين ما مره انهزمنه
من يصير ازماط تتحزم زلمنه
الچلمه من نحچيهه والله منثنيهه
في سبيل الله في سبيل الله
........................................
هالحرب مدروسه مو هسه بدوهه
من اليهود افكار الهه واسسوهه
وبالسيقفه انذل الهم جنودهه
وبدو بالمختار من داره احركوهه
الغارگ با اوهاومه عدد هسه ايامه
في سبيل الله في سبيل الله
........................................
حسين ضحه بدمه للدين وحدوده
وچلمه الهيهات دستورة وخلوده
حسين عبره مو فقط دشداشه سوده
الينصر القرآن ينعد من جنوده
اقره زين افكاره تفتهم اسراره
في سبيل الله في سبيل الله
........................................
العلم مصيون بيكم يا الغياره
والاصيل يبين بساعة قراره
لليهود بموطنه متضل سفارة
لثورة الموعود هاي اول شراره
احنا جند القائم للظلم منسالم
في سبيل الله في سبيل الله
........................................
✍️ ابو منتظر الحريشاوي
مادري چم مره يموت كَلب اليعوفه عضيده
من واداعاني العباس صحت العمر ماريده
العشت العمر انه وياه. ماعوداني الفركَاه
الفركَه عندي بعيده
...............................
اخ الاخو شكَد بيه طعم والدنيا حلوه بجاله
حزام الك وكت الشدد لو عالت العياله
كل ساعه تنعد بعمر اليكَعد أخيه اكَباله
وياهو المثل عباس اخو طبع الوفه يحلاله
من مهده خّير عباس تخجل اشوف عيونه
من صغره ويفيض حساس من چانو يكَموطونه
اقرأ الوفه من عيناه. ماعوداني الفركَاه
الفركَه عندي بعيده
..............................
شميته من راد يروح شميته بس بحركَه
كَتله وغلاتك عباس مثلك بعد ما الكَه
باس ايدي لكن حسيت هالبوسه مالت فركَه
وتشابيكَنه انه وياه يابعد ذيج الشبكَه
محاضن هوينه اعله الكَاع غركَت ثوبي دموعي
عباس من صار وداع كلش حنالي ضلوعي
والمثله وين انا الكَاه. ماعوداني الفركَاه
الفركَه عندي بعيده
.................................
بجدامي احس خضر جبل وبياعلي من انكَلهه
والحومه چن مشيت عمر ياروحي شيوصلهه
والفركَه بعيوني بدت عباس وشيحملهه
ولختك شقدم ياعذر جاوبني ياكافلهه
لو ناشدت عنك وين زينب شكَلهه بهايه
وتدري بكلب اختك زين مايقنع من حچايه
لوناشدت وين لواه. ماعوداني الفركَاه
الفركَه عندي بعيده
.................. ...............
شيبني كلش فركَاك وخلاني خويه بحيره
والظهر حدب حسيت بعدك يراعي الغيره
ياحلم بعيون حسين الكلش صعب تفسيره
مو واحد انت العباس بكليبي اشوفك ديره
ياحرز من الكرار بزدني علگ شديتك
فارس واشوفك مغوار لوكت الشدد ضميتك
بكل ضيجه جنت انا انخاه. ماعوداني الفركَاه
الفركَه عندي بعيده
...............................
شكَد صعبه ردتي عالخيم واعله النهر خليته
بياعين اباوع للحرم خجلان ما رديته
وسكينه كَالت لو يصح على ماي ما حاچيته
صعبه من اكَلهه على النهر مكَطوع چفه لكَيته
باصرني عباس شلون لو ناشدتني سكينه
يابويه وحدك رديت عمي الكَمر چا وينه.
عباس والمحنه هنا. ماعوداني الفركَاه
الفركَه عندي بعيده
...............................
✍️ ابو منتظر الحريشاوي
عشرتنه يازينب كظت وتفاركينه انا وياج
موعدنه بالطف نلتقي يبنتي لا مانساج
بالوحشه اشوفج. لا مااعوفج
.............................
هالعشره يازينب كَضت واتحملي الجاي
يبنيتي هالليله المسه آخر مسه وياي
باجر تره انتي بلا علي وهمومج هواي
وعيونج تسولف حزن والونه بهداي
يبويه بونتج كَلبي كسرتيه
عجب لونج صبح ليش اصفر شبيه
من عينج يطيح الدمع واعرف عليمن تبجين
ونات كلبج تنسمع ومچلبه بردان حسين
ادري بضروفج. لا مااعوفج
.............................
ضمي الدمع يابت علي واخفيهه اللام
يازينب وادري الج شتظم الايام
جنهن هوادجكم مشن وانضرهه الخيام
منصوبه جنهه بكربله يحرسهه جسام
شمحله كَعدتتج مابين الاثنين
مابين الكَمر مابين الحسين
وبخيمتج يضوي الكمر والرايه تحله بيمناه
البعيونه جايبلج نهر عباس اخوج شمحلاه
كعبه ويطوفج. لا ما اعوفج
.....................................
ساعه وكت بويه الحرب وتروح الاحباب
وجفوفج من ايد الكفل لن بيد الاجناب
وادم ولا عدهم رحم لا عدهم انساب
وانتي غريبه لوحدج حاطوج الذياب
محتاره بخيم محتاره بعيال
لاعندج سند لا باقي كفال
وبليله الحادي عشر اسمع يبنتي تكولين
لخيمي ماضل كل بشر احضرني يابوحسنين
وبحيره اشوفج. لا ماعوفج
........................
يابويه ادري بكربله ها طوله ليلج
محزوز اخيج منحره وكاسر دليلج
وادري النهر والمشرعه باكَن كفليج
بذاك الوكت يم الخدر حارس اجليج
يبنتي محيره ادري ابنتاج
يدخان الخيم تارس عباتج
يبنيتي عالموعد اجي حارس واطفي الخيمات
والمابكَت الهن خيم بعيوني يابويه تبات
تلهب طفوفج. لا مااعوفج
يزينب
.............................
شلكَه بناتج بالخيم لمن اجيهن
فوك العطش والنايبه محتركه اديهن
انضر يبويه حرمله يفتر عليهن
سكنه ورقيه اتسلبن واسمع بجيهن
عجيبه تسلبن فوك الرزيه
يزينب هالامر يصعب عليه
اليسلب تراجيهن تره زيدلي الجروح
الما عدهه والي محيره چا المن تروح
من هذا خوفج. لا ما اعوفج
.......................................
✍️ .ابومنتظر الحريشاوي
وحشه وخليه داري المسيه
غايب ضواهه. حامي الحميه
ما تسكت العين. رايح ابو حسين
هاي المسيه
.................................
بفكَد الابو شلون شيصبر العيون.
من البواچي
يصب الدمع حار. وشنخلي بالدار.
لو عنهه ماشي
هليله حيدر ياخلگ چن شد الرحال
شايل على الليله لچن چنه السلف شال
وكسر اليفارك والده متحمله الجبال
موش بسلامه. مطبوره هامه
عليه تنحب اليوم. كل اليتامه
والممشه لاوين. رايح ابو حسين
هاي المسيه
..........................
شيهيد الجروح. للرايد يروح
مني المسيه
خلافك يبو تراب. حتى الهوه الهاب
ضايع عليه
بدموع زينب غوركَت ياناس العيون
التفكَد مثل حامي الحمه چاتصبر شلون
بهيده تصيح وي النعش يامن تشيعون
وشيبقه بيهه. التفكَد وليهه
تضل عايشه بين همهه وبچيهه
لو حشمت وين. رايح ابو حسين
هاي المسيه
...... ........ ..........
يا وحشه الدار الضل بيهه تذكار
بس عطر ابونه
والعنه ماشين لو نبچي عمرين
لا مايجونه
محرابه ضل وسبحته وقرانه يبجون
وايتام اجت لجنازته وتصب العيون
وصوت الأرامل بحزن وي اليشيعون
صوت الحزن صاح حيدر علي راح
من غاب ابو حسين. حتى العرش ناح
ضل ينحب الدين. رايح ابو حسين
هاي المسيه
....... ......... .............
يمي انت واشتاگ. وهالصار الفراگ
شيخلصه ليلي
موتني فركَاك. شلون اكَدر انساگ
ارحم دليلي
يمي انت يا حيدر واحس ياوالدي بعيد
والعيد اجانه بفركَتك شنسوي بعيد
مدري الزمن ياحيدره من عندنه شيريد
ياعيد الاحباب. عن عيني غياب
مدري اشسميك. من غير ابو تراب
عيدك اجه منين. رايح ابو حسين
هاي المسيه
........ .......... ...........
ياموت احاجيك. ما اعرف شبيك
تاخذ بالاحباب
تسمعني ياموت. وشل تره الصوت
وما منك جواب
يالماخذ امي فاطمه يالما تكفيت
ماخذ على الليله وابقه بعده أظلم البيت
ام الخدر زينب انه لجيتك تمنيت
زينب تره اني. ياموت اتاني
تخلص حياتي. عكَب الجفاني
شتفيد السنين. رايح ابو حسين
هاي المسيه
.....................
✍️. ابو منتظر الحريشاوي
شور للسيده زينب ع
........................
واويلاه. زينب وديعه حيدره
واويلاه. مظلومه كلش هالمره
واويلاه. الجابت عمرهه محيره
يازينب.. يازينب يازينب
.........................
شافت هضم ماينحمل. ذيج الكظتهه مدللة
يا وسفه كل ذاك العمر. مبيوگ منهه بكربله
بعيونهه تشوف الصبح. مذبوح وبچف حرمله
مسبيه صارت ياخلگ. من بعد راعي المرجله
واويلاه. شافت محن ماتنحمل
واويلاه. راح وتفرهد هالشمل
واويلاه. جمر الحزن بيهه سره
واويلاه
يازينب.. يازينب يازينب
................
ليل المصايب عاشته. يلچمهه كل لحضه بكتر
من العاشر وماهودت كلش كَلبهه منكسر
لو تنسهه آهات الذبح. تلزمهه آهات اليسر
كل خطوه مدري شكم سنه. عاشت وماتت چم عمر
واويلاه. كل ليله تنصاب بسهم
واويلاه. شبت مثل نار الخيم
واويلاه. وطايح دمعهه عالثره
واويلاه
يازينب.. يازينب يازينب
..........................
شافت ابو فاضل وكَع وضل الجسم عالمشرعه.
وبعينه مصيوب بسهم. وچفوف اخيهه مكَطعه
وتحيرت بين الخيم. بين التروح للمصرعه
هنا حرم وهنا كَمر عالشاطي جثته موزعه
واويلاه. كافلهه طايح عالنهر
واويلاه. مكَطوعه جفين الكَمر
واويلاه. باجر تروح ميسره
واويلاه
يازينب.. يازينب يازينب
.................................
عالتله لمن عاينته. محبوبهه يذبحه الشمر
صاحت ييمه فاطمه. مذبوح قرآن الفجر
شيبت بطف بت علي. من التله للحومه عمر
شبكَت العشره ونادته. كَلب اختك أصبح كالجمر
واويلاه. مذبوح اخوهه بكربله
واويلاه. هالهظم ياهو اليحمله
واويلاه. مذبوح ابن خير الوره
واويلاه
يازينب.. يازينب يازينب
.....................
شبان عدهه بكربله من عدهم تغار الشمس
زفتهم لذيج الحرب للحومه ماشافو عرس
اعزاز بس بكل فخر. لحسين ضحو بالنفس
لذله ماخضعو ابد. وللعالم انطو هالدرس
واويلاه. جاسم والأكبر من وكَع
واويلاه. ون زينب بهاي انسمع
واويلاه. الجابت عمرهه مخدره.
واويلاه
يازينب.. يازينب يازينب
........................
✍️ ابو منتظر الحريشاوي
سجلينه يافاطمه سجلينه
ناسينه يومج فلا ناسينه
ماننسه هاي ايامج. طول العمر خدامج
سجلينه. سجلينه
.......................
يزهره خدامج نضل هذا عهد بدمانه
تبقه ليالي ام الحسن نار وتشب بحشانه
لو ننسه يومج فاطمه كون العمر ينسانه
مأتم الج وسط الكَلب كسر اظلع عنوانه
تدرينه يافاطمه تدرينه
ناسينه يومج فلا ناسينه
هان العمر كدامج. طول العمر خدامج
سجلينه
.........................
هاي مجالسنه شرف طول العمر نحييهه
مسنوده من اهل العلم وزهرة تحضر بيهه
ننطي العمر شنهو العمر بس هيه ما ننطيهه
شكم ظالم الحاول كَبل بس ما كَدر يمحيهه
حضرينه يافاطمه حضرينه
ناسينه يومج فلا ناسينه
يزهره احنا احزامج طول العمر خدامج
سجلينه سجلينه
..........................
يالزهرة ماننسه العهد بذر عهدنه وياكم
ننساهه هالدنيا وعلي بس انتو ماننساكم
يا رحمه الله الواسعه الجبنه العمر بحماكم
شما ضيجه مرت على الكَلب يافاطمه نادكم
نادينه يافاطمه نادينه
ناسينه يومج فلا ناسينه
يالزهره احنا ايتامج. طول العمر خدامج
سجلينه. سجلينه
....................
يالزهرة طشرنه الوكت مد ايدج ولمينه
يعرفنه يادرب النجف شكم صاحب مشيعنه
كلما حضرنه بمجلسج نفكد اخو مضيعينه
عدنه قناعه بمجلسچ بالمحشر تجمعينه
تعرفينه يافاطمه تعرفينه
ناسينه يومچ فلا ناسينه
ماي ونطفي خيامچ طول العمر خدامچ
سجلينه. سجلينه
.........................
ابو منتظر الحريشاوي
اخو ونعم الاخوه يبوفاضل كفو
مثيلك وين اكو عباس عباس
شمر ماي النهر لأن انا بخطر
حلاتك ياكمر عالراس عالراس
.......................................................
مشكوره منك ياشهم يمخيط حلوگ الزلم
اتشكر هواي
نشمي ووصلهه المشرعه كالو اديه مكطعه
وضل حاضن الماي
على الجرف ثبت رايته والجربه بمتونه
ضل يغرف بماي النهر فنهم يمنعونه
جيش وعساكر دارته بس تضحك عيونه
التفتت شاف العدد يريد اكثر بعد
مدد صاحو مدد ياناس ياناس
اخو ونعم الاخوه يبوفاضل كفو
مثيلك وين اكو عباس عباس
.......................................................
عباس هيبه بطلعته هنيال بطن الحملته
زود بطن زود
من صغره رابي عالحرب عباس لوفكر يطب
متهمه الجنود
من مهده سالفته الرمح چانو يلعبونه
عباس سبع الكنطره شاب ويلقبونه
چا هسه بالطف الكمر حيره شيسمونه
لزم بيده الوه كطع بيهه الهوه
كمره بالطف ضوه نوماس نوماس
اخو ونعم الاخوه يبوفاضل كفو
مثيلك وين اكو عباس عباس
..................................................
عباس اخوي شكد كلف من باوع السبعين الف
هزاه الجفوف
يحسين گله وشيبتك وداعت رقيه وداعتك
راح ادخل وشوف
بيك انا ماحالف كبل بس هسه جبروني
سبعين الف واستعرضو ضنهم يخوفوني
بالشده تنقاس الزلم وانا اليعرفوني
وغلاتك لاتهم اطشرهم والم
ضعف هاي الزلم انقاس انقاس
اخو ونعم الاخوه يبوفاضل كفو
مثيلك وين اكو عباس عباس
...................................................
عباس مثله ماشفت مابالغ شما سولفت
يعادل الف جيش
سالفته زينب والخدر بلياهن يموت الكمر
وما يكدر يعيش
عالشاطي طايح والكمر مافكر ابروحه
اجروحه كلفه والخدر صار اكبر اجروحه
عينه لان يدريني اجي خلاهه مفتوحه
غيور من المهد التزم ذاك العهد
ولاناسيني ابد حساس حساس
اخو ونعم الاخوه يبوفاضل كفو
مثيلك وين اكو عباس عباس
.....................................................
للخيامه مايقبل يرد چي يدري عطشان الورد
وهواي ذبلان
يحسين گله مروتك اقسم عليك بخوتك
لاتردني خجلان
عباس حتى بمقتله والغيره عنوانه
مايرضه يرجع للخيم وعياله عطشانه
معذور حگه اعله النهر مشموره ذرعانه
غيور واعرفه وفه ينكط وفه
بذل روحه وصفه نبراس نبراس
اخو ونعم الاخوه يبوفاضل كفو
مثيلك وين اكو عباس عباس
.........................................
لله الحمد
✍️ ابو منتظر الحريشاوي
الى سيدي مولاي الإمام الحسن المجتبى
حسين خويه مصابك الماكو مثيله
وبالطفوف الخوه عازتهه ثكيله
من تضل بلامعين. ياحبيبي ياحسين
واحسيناه واحسيناه
....................................
حسين يانبضه دليلي انا اخوك انا الحسن
امسح دموعك عزيزي هروش كلبي اتكَطعن
خلني اشبع شوف منك جنهن ايامي كَظن
رايح انا الليله رايح سنينه الحلوه انتهن
خلصن الحلوات وياك ومشن
الليله اخر ليله وياك الحسن
خلصن وياك السنين. ياحبيبي ياحسين
واحسيناه واحسيناه
............................
توصف الوادم الخوه حزام ويشد الضهر
وانه اخوك الليله رايح ضهرك بهاي انكسر
چبدي مسموم واعاين موقف بعيني حضر
من تضـل بلا مناصـر حيَــرتني هـالصـور
من تصيح بصوتك وماكو مناصر
ريت خويه هناك يمك انه حاضر
عذب كليبي الونين. ياحبيبي ياحسين
واحسيناه. واحسيناه
.........................
انطيني صدرك خل اشمه حيل اخيك مختنك
خل امسحه بچف اديه خاف باجر ينسحك
غنصرك خليني اقبله المن جفوفك يفترك
عمامتك ياخويه شدهه بالچفن لاتحترك
حسين خويه جثتك لو سلبوهه
عمامتك وي المخيم يحركَوهه
والحجر غطه الجبين ياحبيبي ياحسين
واحسيناه واحسيناه
..........................
غايب بساعة طفوفك ما الي بيهه نصيب
الموت حاجبني وغلاتك ماتركتك يالحبيب
من تشوف وليدي يطلع يعني كَول انا قريب
خل يسد فچه غيابي بالدمه يصبح خضيب
حسين خويه القاسم انذرته لطفوفك
ابن اخوك بغربتك لا مايعوفك
بهالامر عندي يقين. ياحبيبي ياحسين
واحسيناه. واحسيناه
...........................
حسين أحملك هالوصيه واسمع لهذا الكلام
بيوم عاشر ياحبيبي اوكف بباب الخيام
وصيح يازينب امانه من الحسن هذا السلام
كَلهه اخيج مانساكم لا وحكَ سيد الانام
كلهه رمله وياج باجر تنسبي
وبناتي السوط يلتف عالعبي
هالوصيه احفظهه زين. ياحبيبي ياحسين
واحسيناه. واحسيناه
........................................
ابو منتظر الحريشاوي
ثورة عشك مشايا
باچر تجي بالرايه
يبدي زحفهه احبابك من بابهه لحد بابك
ثورة عشك
..................
يا اغلى محبوب انوجد بالعالم
والعالم هامت عشك
كل شي نمله وخدمتك حبينه
مابينه لو نفترك
لو كبرك اتعنينه
تطوي الارض چن بينه
يتسابكن رجلينه محلاهن
ثاري اليحب موبيده
لمن حبيبه يريده
شوگه وغرامه يزيده محلاهن
گلب اليدگ واحساسه
شوك العشك لو جاسه
تنذر عمر لترابك من بابهه لحد بابك
ثورة عشك
..................
موسم حجيج زيارتك يالغالي
وكل غالي يمك رخص
لكل شي خصوصيه انوجد وعيونك
الكل دونك وانت الاخص
من صرنه وتربينه
غيرك فلا حبينه
ثوره عشكنه البينه و احساسك
الخله روحه بروحك
كلش فهمهه جروحك
كل عمره عاشر نوحك و احساسك
شكم رايه الك حنينه
وزحوف الك هالجينه
بيهه الحزن لمصابك من بابهه لحد بابك
ثورة عشك
..... ...........................
من كل بلاد اتعنتك مشايا
والرايه خضره وترف
موسم حصاد تسابكو زوارك
خطارك زحفت زحف
چنه الحشر ميعاده
في كربله وزياده
ربك جمعهه عباده كلهه الك
كلهه تجي ملهوفه
كبرك تريد اطوفه
اصوات الحزن معروفه كلهه الك
يحله المشي للغالي
لازم نجي ومنبالي
ماخذهه شوك اعتابك من بابهه لحد بابك
ثورة عشك
....................................
بالاربعينه البشر ملهوفه
مصفوفه موكب خدم
كلمن يعزب بالگدر من ماله
وعياله نصبت خيم
خيمه عشك منصوبه
وبخدمتك مهيوبه
الماعنده بايع ثوبه لعيونك
دنيا اوكفت محتاره
هالحب شنو اسراره
كلمن فتحلك داره لعيونك
موكب طلع بقرايه
وموكب فزع مشايا
حبهم عجيب احبابك من بابهه لحد بابك
ثورة عشك
.......
....................
✍️ ابو منتظر الحريشاوي
مرار الغربه تدرون. عليه لا تعتبون
راح امشي واعوفنكم يخوتي
....................................
وداعه الله وهاي هيه. العشره وياكم كَضت
فركَتنه الغاضريه. اسنينه الحلوه انتهت
اعذر اليعتب عليه. شلون عافتنه ومشت
خويه ماعرف شكَلكم. كَوه راح امشي انه عنكم
على الهزل من رچبوني. بس جسد وكليبي يمكم
صحت هلبت تسمعون. عليه لا تعتبون
راح امشي واعوفنكم يخوتي
..................................
حمل وكَوطر ضعنه. ماشي للديار الغرب
مذبحه بالطف زلمنه. الله لا ينطي الحرب
ماكو واحد من اهلنه. الممشه وي غربه صعب
ربّطو بحبال ادينه. وليه ياخويه نولينه
وعالرمح راسك اشوفه. شما صحت عاين علينه
يضربونه وتشوفون. عليه لا تعتبون
راح امشي واعوفنكم يخوتي
.......................................
خويه والماعدهه والي دموعهه ما تلزم
وانا غالي بضهره غالي. فاركَت وين الشهم
وسفه زينب هيج تالي. تمشي مابين الزلم
التحلف الناس بخدرهه. تنسبي تالي عمرهه
اه يجمرة ناري خويه. تسعر بكَلبي شكبرهه
اروح ميسره شلون. عليه لا تعتبون
راح امشي واعوفنكم يخوتي
.............................................
طشرو بالطف بناتي ونار شبو يالخيم
ووصلت النار لعباتي. خلاف شيال العلم
مرمرتني نايباتي. والله والحيل انهدم
يمي طفله تريد ابوهه. وذيجه تبچي يم اخوهه
والكسر كلبي وغلاتك. طفلتك من سلبوهه
بتراجيهه يجرون. عليه لا تعتبون
راح امشي واعوفنكم يخوتي
...................................
ضاع كلشي بليل مني. كلشي منكم ضيعت
بالضعن رافكني وني يوم من عدكم رحت
ميته بالطف من عسني ومن عسن لا صبحت
ريت موتتنه سويه. واندفن بالغاضريه
ولا اعيش بدنيا ساعه بيهه سموني سبيه
وحبل بيدي يشدون. عليه لا تعتبون
راح أمشي واعوفنكم يخوتي
...................................
✍️. ابو منتظر الحريشاوي
ياليلي همي شكثر
ياخوفي يطر الفجر
بعيوني باجر يسر
ياليلي
..............................................
ها ياليل واتوسل طول وي ولياني
ارد اشبع بعد خلني من عيون خواني
الليله بسدهم مأمنه باجر وين تلكاني
اعرف من يطر صبحك اول رحله باحزاني
ياليلي همي شكثر
ياخوفي يطر الفجر
بعيوني باجر يسر
ياليلي
..................................................
طول بله ساعتك وانه انطيك كل عمري
الليله مدللة الليله باجر وين ما ادري
اه يالليل شحجيلك اسمع ضيم البصدري
انه ام الخدر خوفي باجر ينسلب خدري
ياليلي همي شكثر
ياخوفي يطر الفجر
بعيوني باجر يسر
ياليلي
...................................................
الليله هنانه خواني كلهه بخيمه مجتمعه
وانا النوم جافاني ذابت روحي كالشمعه
صحت شبيج عوفيني ماترحين يالدمعه
الما اشبع نضر منه من يروح شيرجعه
ياليلي همي شكثر
ياخوفي يطر الفجر
بعيوني باجر يسر
ياليلي
......................................................
باجر غربتي غربه والله اليعلم بحالي
ارد اشبع دفو خلني من عيون كفالي
من يطيح جفوفه ياهو البعد يبرالي
مدري احتار بهمومي مدري احتار بعيالي
ياليلي همي شكثر
ياخوفي يطر الفجر
بعيوني باجر يسر
ياليلي
......................................................
ها ليل دلالي تسمع حيرته وونه
طول لايطر صبح خل حسين اودعنه
باجر منكطع راسه وفوك ارماح اشوفنه
شلون امشي بيسر تالي وعالتربان اعوفنه
ياليلي همي شكثر
ياخوفي يطر الفجر
بعيوني باجر يسر
ياليلي
..........................................................
اه ياليل لو تدري گلب ام الولد حاله
التعبهه الربه رادت تفرح رادت بجاله
باجر لسبي تمشي بين اجناب خياله
گلبهه من الحزن دامي تكول مزرف بفاله
ياليلي همي شكثر
ياخوفي يطر الفجر
بعيوني باجر يسر
ياليلي
..........................................................
باجر خيمه عيالي ذيج نار تاكلهه
وانا محيره لوحدي بهيمه عيالي شيلمهه
والتطلب ابو باجر زينب بله شتگلهه
ولو ام الطفل حنت حگهه وهاي شيحلهه
ياليلي همي شكثر
ياخوفي يطر الفجر
بعيوني باجر يسر
ياليلي
........................................
✍️ ابومنتظر الحريشاوي
هالرايه رايه حيدره
شايلهه سبع كَنطره
................................
هذا ابن حيدر كَصدتهه برايته
عكَدت الطلابه عكَدتهه عمامته
الساتر الله لو هجم ياهو اليصير اكباله
زلزل الطف ونزل عباس هاي افعاله
الخاف من سيفه وشرد صاحو الف هنياله
ياعسكر. ارجع لليوره
هالرايه رايه حيدره
.........................
هيبه وملاكَي الجيوش براحته
عسكر وسبعين الف ماهمته
سلطان والطف دولته وبراحته مشاهه
دستور سيفه ومن حكم تمشي عدل خلاهه
وبجتفه چن رايه نبي اي والله يامحلاهه
لليوم ضلت مفخره
هالرايه راية حيدره
................. ............
هذا ابن بدويه والوالد علي
شماحجت زينب يكَلهه ادللي
عباس لو زينب نخت ماغمضاهه عيونه
يغتاض لو مرهه الزعل من جانو يكموطنه
بكاروك جان ولو بجه بحجابهه يسكتونه
لو شمهه. خوه مبخره
هالرايه. رايه حيدره
................................
صاح انا العباس والعسكر فزع
حيدر الكرار اضن بيهم رجع
كفال زينب والنعم حي الله عم الساده
يتبختر بين الزلم يختار وين القاده
خلاهه تتطاير ركَب يمكن الف وزياده
للموت لزمهم سره
هالرايه رايه حيدره
..............................
هلهته اسكينه من شافت حمل
حيهم العباس ابو فاضل نزل
عباس لو ف شاربه معناهه دكَت غاره
كل عطوه ماكو بكربله ماصارتلهم جاره
نص مات يعني بخزرته ونص اخر ببتاره
الكَوم كلهه محيره
هالرايه رايه حيدره
...........................
اشتدت عباس صاحلهه هله
ودهلمت نيران منه كربله
ادخيل صاحت كربله من سرفناهه ذراعه
بالسيف يحصد بالركَب فلاح والطف كَاعه
مو عاشر بطف كربله سواهه يوم الساعه
وحساب. يوم الاخره
هالرايه رايه حيدره
.................................
ابو منتظر الحريشاوي
يبو فاضل يهيبه يله طب ليها
فوت يابو الزود يله الرايه عليها
........................................
غيور وغيرتك ياخويه محلاها
اذا تدخل حرب ترجف سرايها
هله بضنوه علي رايتنا شالها
يخورسهه الزلم لوصدفه لاگاها
ياشايل الجود يالمحلي الحرب
ياصاحب الزود يالمبرد الگلب
بخدمتك كربله صرت انت راعيها
فوت يابو الزود يله الرايه عليها
........................................
حلاتك من تطب يالطلعتك هيبه
لون سابع سمه هم حگك تجيبه
يفارس نينوى وياصاحب النيبه
الشرد من صارمك بعيونك تصيبه
ياحيل الحسين هله بزودك هله
يل بأسمك اليوم تسولف كربله
يا المخلي العده مانعرف شبيهه
فوت يابو الزود يله الرايه عليها
........................................
ووفه تنكط وفه من اول صيارك
لذلك للكافله الوالد اختارك
يسبع الكنطرة الكاطعه بتارك
جنهم من تشب ما وصلت لنارك
لونطلب الغيم هم عندك سهل
غير انت معروف ياراعي الفضل
يبو جف السمح والعليه شرايهه
فوت يابو الزود يله الرايه عليها
........................................
على متنك شلت جود وشلت رايه
النهر كلك هله وتحضر بمايه
بعساكر ماتهم معروفه الك هايه
ابو فاضل بعد متثني الحجايه
يمخوف الخوف يالمبجي الزلم
تنطيه الجفوف غيور وماتهم
اذا يعطش طفل جفينه ينطيها
فوت يابو الزود يله الرايه عليها
........................................
نزل مثل الغضب والشيمه عنوانه
دخيل الله الكمر سرفنهه ذراعنه
علي كالو اضن هذا التعنانه
كرم منه اذن لو ساعه خلانه
ياالكاسر جيوش حلاتك من تهد
لو چانو الاف الك ساعه وترد
الزلم فوك الزلم حالف تخليها
فوت يابو الزود يله الرايه عليها
........................................
✍️ ابو منتظر الحريشاوي
دمعو من عاتبتهم. عزاز كَلبي وانا بتهم
يحله العتاب. وي الاحباب
.........................
حين شدوهه المحامل عاينتهم
بدمع اليبجي الصخر من عاتبتهم
روحي صاحت ياخلك غير انه بتهم
ليش عنهم مفرده وموش بضعنهم
ويلي من حمل ضعنهم. چن غريبه وماانه منهم
دمعي سچاب. وي الأحباب
............................
ليش بحمول الضعن ما رچبوني
ويلي ياروحي صحت يمكن نسوني
عاتبتهم والدمع تارس عيوني
شيبقه بيهم روحيتي لو فاركَوني
ونزلو أصحاب الحميه. وبالدمع ركضو عليه
والعتب طاب. وي الاحباب
................................
يهلي والعدهم عليله يرافجوهه
موش يمشون بسفر ويفاركوهه
بفاطمه شيبقه بعد لو راح ابوهه
حكَهه لو تبجي عمر على الضيعوهه
راح أضل بهمي تالي شالت الضعون الغوالي
والكَلب شاب. وي الأحباب
.................................
يكتل افراگ الاهل شيخلصه ليله
شلون لو حن الكَلب ياهو اشتكيله
صح عليله وهالسفر مابيه حيله
بس شسوي وادري هالفركَه طويله
ويلي وشيكَطع ونيني. لو احن ياهو اليجيني
والفرح غاب. وي الاحباب
..............................
ودعوني وهالمشو للغاضريه
وضلت طيوف الكدر تفتر عليه
شما افسرهن يأشرن للمنيه
طاح من هذا السفر كلبي بديه
چني اشوفنهم ضحايا. والفواطم چن سبايا
بحر التراب. وي الأحباب
................................
✍️. ابو منتظر الحريشاوي
هيبه يمدلل خواته. صارمه بجفه شحلاته
من طلع من الخيم. هيبه شيال العلم
ابو فاضل
......................
محله سيفه ومحله درعه حين ابو فاضل طلع
رايته ترف عالجتفه والوفه بروحه انطبع
والزعل بأن بعيونه ومدري چم موت انزرع
الله يستر ياهو يكَدر
لو صدگ دارت حربهه
سيفه يلهب ياهو يكَرب
والزلم يبس كَلبهه
لايگ السيف بيمنه. واليصير كَباله وينه
العسكر بكبره انهزم. هيبه شيال العلم
ابو فاضل. ابو فاضل
.............................
تسرفن وبس الله يستر موت وبهيئه بشر
والمناديا ادخليه صاحت من نزل بيهه الكمر
والطفوف اليوم خرسه وبيهه عزريل استقر
خل دمهم. حد ركبهم
صاحو دخيلك بعد
تخوصرلهه. من نضرههه
طلعلي وشعندج عدد
هلهت من طب كَمرهه. تكول حيدر من شطرهه
ياهله براعي الشيم هيبه شيال العلم
.......................
اليسره على يمنه شمرهه وكَامت اتطير الركَب
دهلمت نيرانه كبره وصارت اجثثهم حطب
حمره كَاع الطف جعلهه حين ابو فاضل غضب
صاح حيهم. من وصلهم
بيهم الكَاع انجفت
كل عددهم سيفه ردهم
عيونهم ذيج انعمت
والزلم ضيع اثرهه. حملته والله شكبرهه
كباله صارو چالغنم هيبه شيال العلم
.........................
شيخ وتوسط حربهه ولاذت اشباه الزلم
ياهله بسبع الكناطر صال بيهم والنعم
بسيفه من هد شحلاته بكل عددهم مايهم
موت اجاهم. مرعداهم
ثار شيال اللوه
هد عليهم كص اديهم
بزوده تشهد نينوه
والعساكر زلزلاهه. شارده ويركض وراهه
والشرد لا ما سلم. هيبه شيال العلم
.....................
من برز والدنيا صاحت هلله هلله بطلعته
شاربه يرف شحلاته شما هوه يهز رايته
هيبه يمدلل خواته الجيش طاح بخزرته
من كصدهه. الحومه سدهه
ولاكَت لطوله الحرب
هيبه يفتر. چنه حيدر
كاطع اعليهه الدرب
رجفاهه الغاضريه چنه حماي الحميه
صاحو منين الهجم. هيبه شيال العلم
....................
ابو منتظر الحريشاوي
يبني اخذهـه ولا تهدهه
جفوف زينـب ياشهم عندك امانة
وانتة باجر بالحرب ترفع لوانه
………………………………………………
حيدر وي اولاد كاعد و لتفت صوب الكمر
جانت اخر ساعة هاية ويطفي ايامه القدر
صاح يا عباس يبني هنا تعال ويمي اريدك
وشال بيده جفوف زينب وكله يبني انطيني ايدك
يا سندهه لاتهدهه
ياكمر ديرتنه ياعزنة وهوانة
وانت باجر بالحرب رافع لوانة
………………………………………………..
كالبحر هالدنيا يبني وهذا الحسين السفينة
وانت الشراع بيمينك وانت كفال الضعينة
لكربلة يمشي ضعنكم هاي بارينة كتبهة
وي زينب يبني اريدك انت التبرد گلبهة
ما يهمهه وانت يمهه
ولا تخاف من الزمن لامن هوانه
وانت باجر بالحرب رافع لوانة
……………………………………………………
كربلة دار المصايب بوية بيهة لو نزلتو
فوك زينب صير خيمة بسلامة لو وصلتو
ادري صعبة من تگلك خوية عطشانة الفواطم
تشيب غيض ونار تصبح هاي عادات الهواشم
وانا اعرفك من تكلفك
تزعل وزلمة اليضل ثابت مكانه
وانت باجر بالحرب ترفع لوانة
……………………………………………………
حاضن جفوفه ويشمهة حيدر ويجري الدمع
وكلة باجر عالشريـعة يا ابو فاضل تنكطع
توكع ومحد يعينك من نضل على النهر
بيا كلب خيك يجيلك وهو ضل بلا ضهر
يا محنتة طايح انته
ما تشوفة من الدمه ويگلك انه
وانت باجر بالحرب ترفع لوانه
……………………………………………………
يبني من هسة انه اعذرك من يسموهه سبيه
لو مشت لشام زينب يعني جفينك رميه
ادري ما يدنيه شامت لو تشم انتة الهوة
ومحد يشوف العقيلة كون بعيونك ضوة
يا جمرهة ويا كسرهة
من تصيح على النهر طايح حمانه
وانت باجر بالحرب ترفع لوانه
……………………………………………………
ابو منتظر الحريشاوي ✍️📜
انه كل عمري وحياتي. حيدره صومي وصلاتي
اجروحي بيه حيدريه. تبقه هيه لحد مماتي
..................... ........... ..........
انه من الذر عشكَته حيدري يبقه انتمائي
عايش بروحي لكَيته. وافتخر كوني ولائي
من الطفوله هذا عهدي يبقه نهج كربلائي
ما افاركَهه الولايه. الهه ناذر كل دمائي
عاقل واملك قضيه. روحي كلهه حيدريه
انا صاير. للمنابر. دمي ناذر حد مماتي
.......................... .................
رافضي صارت هويتي وافتخر بالرافضيه
الما يحب حيدر يوادم. ما اضن يملك قضيه
شكَد حلو ثوب الولايه. مفصل ولايگ عليه
المو علي يمشي وي دمه. هو والميت سويه
الحب موش بحياته. بله شيكَول بصلاته
الرافضيه. نعمه هيه. تبقه اليه لحد مماتي
.................. ......................
بالعشگ غذتني امي شربتي أطهر لبن
بالمهد واسمع تكَلي يمه والي بو الحسن
وحيدره صار بدليلي وحبه بالروح اندفن
اشهدُ ان عليــــاً. هو والي بكل زمن
صّغير وكبرني حبه. فدوه اروح لذاك كَلبه
شما يجني مايهمني. كَلبه لمني لحد مماتي
................... ............. ..............
خاسر الينكر ولايه حيدره اكبر خساره
واليبايع چف علياً. رابح با أعظم تجاره
الما علن حيدر امامه. ظلم تصبح تالي داره
بلا على الوادم تراهه بالحشر تصبح حياره
حيدر الصك بالقيامه. اليبغضه يعيش بندامه
واليوالي. مايبالي. هذ حالي لحد مماتي
............... ................ ...................
حيدره نعمه چبيره. الله خصاهه لعباده
هو الأول هو الاخر بس اله تحله القياده
الكَبله صارو مو حقيقه. هالعدد واهم زياده
بس على تنصب خليفه. هو عنوان السياده
الكَبله ابدآ لا تعدهم. واهم وزايد عددهم
البسقيفه مو نضيفه. ولا خليفه لحد مماتي
............ ..............
✍️. ابو منتظر الحريشاوي
ابجن يالعيون گضاهة مسجون
على الامام بالسجن خلصت حياتة
****
خلن مدامعجن تصب ولا تطفه نيران الگلب
ولو بطليتن ادعي لعماچن
للغربة ولذاك السجن عيشن حزن فوگ الحزن
ولو ما بچيتن افكس ضواچن
جا غير اليحب من صدك يوفي الحبيبة
يوفي الحبيبة
وتخلص حياتة وما يكف دمعة ونحيبه
دمعه ونحيبه
طيحن يدمعات وابچن معانات
على الإمام البسجن خلصت حياته
****
على الگضه بالحسرة العمر وجنازتة فوك الجسر
لا والمصيبة محد اجاهة
لامن اهل لامن عرف ولجنازتة ماكو جتف
ضلت غريبة. ومحد وراهة
ينشدون ماكو لهل النعش ناس وكرايب
ناس وكرايب
لامن اهل لا صحبه لا عندة حبايب
لا عندة حبايب
ماعنده احباب وين أهل غياب
على الإمام البسجن خلت حياته
****
بالظلمه حطوها الشمس نور الله ضنهم ينحبس
بگيد السلاسل من گيدوهه
الكاظم مثل طرت الفجر واليل لازم ينكسر
شمس الله هو وما ضيعوهه
جابوله سجان وصبح يم نوره عابد
يم نوره عابد
حتى الزانين السجن صارت مساجد
صارت مساجد
بعيونه قرآن يبچليه سجان
على الإمام البسجن خلصت حياته
**
وين اليوصله هالخبر مسموم ابن خير البشر
لأهله ويگلهم خلصت حياته
مايبچي چان الغربته لجده يبچي وعمته
من الولادة ولحد مماته
لحسين يبچي وغربته وذيج المصيبه
وذيج المصيه
يتذكر الآم السبي وعمته الغريبه
وعمته الغربيه
كل دمعه بالعين چانت على حسين
على الإمام البسجن خلصت حياته
**
✍️٠ الشاعر ابو منتظر الحريشاوي
وفقيني يا الزهراء خادم احسبيني
بوكت الدفن ياريت. باچر تحضريني
هالموقف انتظره. يافاطمه الزهره
خادم احسبيني
...........................
راحن سنيني وخلص هذا العمر
وكَمت اعد ايام ويلفني الكَبر
بكلبي بس امنيه صارلهه شكثر
خويدم تقبليني يالزهرة انتظر
امنيتي باجر كون لمن يغسلوني
مو اسمي انه فلان. خادم يسموني
خادم عله الفطره. يافاطمه الزهره
خادم احسبيني
...........................
لو نزلت بحفرتي ابقه وحيد
راح اضلن والأهل عني بعيد
وادري بالبرزخ يجي منكر اكيد
الفزعه منچ يم حسن باجر اريد
لا اهلي لا صحبان كلهم يعوفوني
بس التراب هناك عاميهن عيوني
ياضيكَه الحفرة. يافاطمه الزهره
خادم احسبيني
............................
بالكَبر ويايه لو صار الحساب
وانا كلي ذنوب غطاني التراب
خافن يسألوني ويضيع الجواب
بس محبتج فاطمه تزيل العذاب
ماعندي وكت الضيج بس دفتر الخدمه
مضلومه يازهراء. تنقذني هالكلمه
يا دمعه الفقره. يافاطمه الزهره
خادم احسبيني
.........................
من اذكرچ فاطمه الموقف يهون
اسمع ب ال النبي لكَبري يجون
منكر وربعه يافاطم يستحون
لو دروني خادم انه يدنكَون
من اقرا يازهراء. تعادل الف ايه
موكب يصير هناك. واصير القرايه
نتذكر العصره. يافاطمه الزهره
خادم احسبيني
...........................
لوصحت يافاطمه بذاك المچان
من العذاب روحيتي تصير باامان
تبقه فاطم خدمتچ هي الضمان
بيهه اعبر على السراط وللجنان
هالنعمه ياالزهراء بس هي ترعاني
ياخادم اهل البيت. مولاتي عنواني
اي خادم العتره. يافاطمه الزهره
........................
ابو منتظر الحريشاوي
زينب ارد اوصيج. يبنيتي بوصيه
صب دمعي تره عليچ. ليوم الغاضريه
عليه لاتونين ضمي الونه لحسين
بيوم الغاضريه
....................
تعاي ابنيتي احاچيچ. سر عندي ارد ابوحه
يزينب راح اذيچ ودليلچ يعله نوحه
اريد احجيلچ اسرار
سوالف عسكر ونار
خيم محترگه وصغار محتاره وغريبه
ذبح واحبال وسيوف
كلهه بيوم الطفوف
باجر عينچ تشوف
چم محنه ومصيبه
زينب يومچ يصير. اعظم فاجعه
اذا ترديله تفسير. اقري الواقعه
يلبكلشي تعرفين. ضمي الونه لحسين
بيوم الغاضريه
.................
زينب ضمي بالعين. دمعچ لا اشوفه
انتي لخاطر حسين. مخلوقه لطفوفه
ضلع والدتچ يهون
بس بحسينچ شلون
لو شفتي يسحكون. بخيل العوجيه
الدافع بأمج الباب
باجر يگطع ركاب
وانتي بين الاجناب. يازينب سبيه
غربه وعسكر ونار. وليل بلامحامي
سوالف ليلچ كبار. واكبر من كلامي
حقج لو تعتبين ضمي الونه لحسين
......................
يزينب احچي بحساس عن كافل ضعونچ
شخص يتسمه عباس. اخيچ هذا عونچ
شخص ما منه موجود
يشيل الرايه والجود
يضحي بعين وزنود. معروف بصفاته
يسمونه الگمر ليش؟
بروحه زينب تعيش
اوصفه حايره بيش. المدلل خواته
باچر زينب يصير ابو فاضل كفيلچ
العساكر لمن تغير. لا يهتم دليلچ
يطي جفوفه الثنين ضمي الونه لحسين
.............................
يزينب من تشوفين ضل حاير عزيزچ
قبلي نحر الحسين. يا بنيتي اريدچ
من امچ وصيه
بيوم الغاضريه
اذا شفتي المنيه. يا زينب قريبه
صدر حسين ضميه
يمه وحيل شميه
دمعچ لا تخليه. وابچي يالغريبه
ابچي بيوم الوداع ما واحد يلومچ
خل يطيح للگاع. ياهو الشاف يومچ
من حگچ تونين ضمي الونه لحسين
بيوم الغاضريه
.........................
بعد يازينب وياچ اريد اختم كلامي
تصير العيله بحماچ. بلغيهم سلامي
وحيده بين هالگوم
عليچ العسكر يحوم
ييمه وهاي الرسوم. يتغير شكلهه
عالشاطي الكمر طاح
وحسينچ بالرماح
لو شفتي الخدر راح بچفوف الكفلهه
يزينب صيري عباس. ليتامچ كفيله
يبنتي ورفعه الراس. اعرفچ يالعقيله
العسكر ما تهابين. ضمي الونه لحسين
بيوم الغاضريه
....................................
ابو منتظر الحريشاوي
حسين جيتك با أربعينك
هواي صار مفاركينك
جايبه بجفي الماي ريتك تكوم وياي
فدوه خويه كَلي وينك
...........................
عادت المشتاك لو حن لحبيبه
يكضي ليله مساهر بدمعه ونحيبه
حسين خويه جفاك عندي أكبر مصيبه
والصبر ينراد بس منين اجيبه
هواي صارن عذبني موليالي سنين ذني
چفاك عذبني هواي. ريتك تكوم وياي
فدوه خويه كَلي وينك
...........................
يالمتت عطشان جبت انا العذب
والله من فركاك حنضل ينحسب
الما يروي حسين لاتضن ينشرب
بجفي شوفه الماي والمدمع يصب
حسين هاك اشرب اميه فدوه لترجع اديه
دموع صبت عيناي. ريتك تكوم وياي
فدوه خويه كَلي وينك
...........................
خويه اريد احجيلك شصار بغربتي
من اليسر رديت بس انه ودمعتي
بكل مسيه تسير عليكم صفنتي
تكَلي زينب كَبل اخوتج كون متي
حسين خويه الغربه صعبه..... والهجر ذباح طبعه
الليل يذبح بحشاي ريتك تكوم وياي
فدوه خويه كَلي وينك
......................
سفرتي للشام ياخويه طويله
وعازت الخوان بالغربه ثكيله
ماكو واحد يمي خاطر اشتكيله
والضعن نسوان بس هو وعليله
والمره لوحدهه كلفه... والعيون هناك صلفه
حسين تدري ابلواي ريتك تكوم وياي
فدوه خويه كَلي وينك
..........................
حسين خويه الضيم بالروح استقر
وكَلبي للوعات صار اكبر مقر
اللحضه بغيابك عليه مثل الشهر
لو حضر أيوب صبري ما صبر
حايره وكلبي اشتكالك..يالعشت بعمري بدلالك
كون تسمع شكواي... ريتك تكوم وياي
فدوه خويه كَلي وينك
.......................
ابو منتظر الحريشاوي