792
احنا غير حسين ماعدنا وسيلة
هذا عباس... رفعة الراس
رفعة راس... هذا عباس
....................................
رفعة الراس...يعباس ...هله بطولك هله
يشمعة كربله...امير القافلة...يخدري وكافله
شايل لواه بيمينه وحله جفه هله
ربك انطاه قدر جاه عظيم المنزله
سيفه من نار اذا ثار يحل المعضله
كفيلي...خليلي ...اليبرد غليلي
ضواي بدنيتي وشمس وياليلي
يسلوة ناضري وروحي ودليلي
يخوي وكافلي وصبري ويحيلي
لكيتك كلشي بيه...يبو طلعه البهيه
الگمر لو يطلع يغيب...گمرنه اليزهي ضيه
وتشهد الناس ....هذا عباس
.........................................
صاحب الجود يبو الزود يحماي الخدر
احبنه شكثر ...واشمن بي عطر...علي فارس بدر
الضلمه والليل يخافون اذا دك الصدر
بصغره عباس تره الناس تهابه وتنكسر
چنه معصوم ولا يوم فرض فاته الفجر
بغلاته... وصلاته.... احب كلش بصفاته
غيور وغيرته زادت حلاته
وفه متروس ومبلل عباته
حنين هواي ومدلل خواته
الوحيد الماعوفه...عطر خوه بچفوفه
عزيز هواي عباس ....احضنه شما اشوفنه
وردة الياس.... هذا عباس
.........................................
بطبعه معروف ...شنو الخوف ... ابن حيدر بعد
اذا مهره صعد...يحل يوم الوعد...مدد صاحو مدد
يشك الصفوف اذا غار مثل برق ورعد
اخياله عباس اذا نشاف اذن خصمه شرد
الزلمه والحيد والبعيد لبد منه لبد
غريبه عجيبه...فرد لكن كتيبه
اذا هد الگمر صاحو مصيبة
البسابع سمه خاتل يجيبه...
رهيب وسطرت اجفوفه رهيبه
الهوه گاطع عليهم...يالمخورس حجيهم
يتونس لمن يغير ... يموت ومعتنيهم
كله نوماس.....هذا عباس
..................................
معاهد حسين على اثنين..وفاءه وخوته...
عجيبه مروته ....كتبهه برايته...نصير لثورته
رابي عالزود والايمان اصيله الربته
انت لحسين يعباس وفه من وصته
يم البنين مثل صار تره ابنچ خوته
اصيله .... وجليله..وفيه وهم قليله
تكله بذمتك يمه العقيله
مره ومن الزلم تسوه قبيله
المخلفه الحمل وين ثكيله
احبهه بكد ابنهه ...لان طاهر لبنهه
الودت اربعه وياي ...ولبو الاكبر حزنهه
ترفع الراس..هذا عباس
................................
✍️٠ ابو منتظر الحريشاوي
عباس لو مسلم نزل للساحه
والكوفه ماشافت بعد كل راحه
خلاهه عالتربان. يشبه كمر عدنان
عباس لو مسلم نزل للساحه
....... ..................
عباس چنه بطلعته طبق الأصل بالكوفه
ريشاته سيفه ورايته يتخير الي يشوفه
خلاهه تتطاير ركَب تسلم هذيج جفوفه
من الخوف ماظلت زلم والوانهم مخطوفه
بالكوفه مسلم. من بزرة الكرار
وبجفه يحله السيف. حار ويسولف حار
صفاهه بالميدان. يشبه كمر عدنان
عباس لو مسلم نزل للساحه
..................................
من شافهم ماهمته مسلم توسط بيهه
عصابه شد عمامته صاح الحرب شاربهه
على باب طوعه وهلهت كَالت هله براعيهه
غير انت عمك حيدره وموت احمر تراويهه
مسلم چثيره الكَوم. زودك اريد اليوم
كون الزلم عالكَاع. تنثره ياجيدوم
يالهيبتك عنوان تشبهه كمر عدنان
عباس لو مسلم نزل للساحه
........................ .
مسلم تخوصرهه ونضر ماشاف جيش بعينه
يا قائد العدكم شهم ولمسلم مودينه
شمرات سبع الكنطره لو سولفن جفينه
بعيونه شايل چم كمر مسلم سفير احسينه
من جدمه حد الراس. من عاينتله الناس
معقوله مسلم هذا. بالكوفه لو عباس
والتجت الأكوان. يشبه كمر عدنان
عباس لو مسلم نزل للساحه
..................................
حسبوهه لكن بالغلط خسروهه وي الحيد
ما حاجه مسلم وحده بالكوفه ظل وحيد
ساعات لن طلبو دعم قوه وعتاد نريد
بالساحه مسلم وكف عادل الف صنديد
واحد بالف شفناه. وتوريطنه وياه
ملاكينه عين بعين. ماشفنه ابد مكفاه
والواجهه خسران. يشبه كمر عدنان
عباس لو مسلم نزل للساحه
.....................
من كَابلوه تورطو بالكوفه دك انذار
موسيف چنه بيمنته سجيل ياستار
ماناسي طبره حيدره بالكوفه يطلب ثار
رادوهه عطوه وماتصح من جرد البتار
مرفوضه كَلهم هاي. والحل فقط يمناي
لودمكم بهاي ايطيح. لوتنزف اليوم دماي
مو انه ياهو الچان. يشبه كمر عدنان
عباس لو مسلم نزل للساحه
..............................
✍️. ابو منتظر الحريشاوي
من فوك القصر ابعث سلامي
لخوتي وصحبتي وحضره أمامي
واكلهم لاتجون الكوفه غداره
غدرت بالسفير وهاكم اخباره
........................................
مسيت العافيه عليكم يهلنه ولكل الحبايب
لهل بيت النبي الكلهم محنه والكلهم اطايب
سلام من السفير لحسين الأمير
يبعد عيوني يالغالي عليه
يبو اليمه الحبيب صبح مسلم غريب
الناس الرادتك دارو عليه
الكاللوك تعال اسمع خبرهم
من صارت صدك دارو ضهرهم
البطبعه الغدر ماتنفع اعذاره
غدرت بالسفير وهاكم اخباره
........................................
الكاللوك تعال النه برساله لاتصدك حجيهم
وين التمشي بدماه النذاله ارجع لا تجيهم
ناس بلا ضمير واقعهم حقير
يعبدون الفلس صاير هواهم
هذول الاشقياء ديانتهم رياء
حب الدنيا والمنصب عماهم
الكتبولك تعال انا شفتهم
مابيهم وفه من جربتهم
الگلبه گال الك شو بيده بتاره
غدرت بالسفير وهاكم اخباره
........................................
يمي تجمعو كالو نبايع وبليله وضحاهه
بس صار صبح صرت انا ضايع مسلم مالگاهه
صدموني بغدرهم ضل بس هاني منهم
وحيد بدار طوعه وحاطوني
الگالولي ابختهم عليه هجمو شفتهم
فت كلبي العطش بس ما رووني
حسين مروتك عطل مسيرك
ناس بلارحم غدرو سفيرك
غريب بدار طوعه وروحه محتاره
غدرت بالسفير وهاكم اخباره
........................................
غريب بلا اهل واستوحدني والتمو عليه
ولبن زياد تاليهم خذوني مجتوفات اديه
باوعلي بشماته السكران بصلاته
وراد البيعه مني ابن الدعيه
كتله بعالي صوتي ولا يعنيلي موتي
الخلافه من الله بيد ابن الزچيه
امر على الحشم وعلى الحراسه
مسلم مايضل كطعولي راسه
اريد بهالقصر دمه يتجاره
غدرت بالسفير وهاكم اخباره
........................................
حسين وداعتك بس انت همي يرخصلك عضيدك
فدوه لحضرتك لو سال دمي بس سالم أريدك
يحسين وغلاتك حياتي ولا حياتك
كلشي يهون خويه وانت سالم
هذا اخر كلامي إلى حضره أمامي
سلام من السفير لكل بني هاشم
شهيد والله خصني بهالشهاده
بطريق حسين كل خطوه عباده
شهيد الكوفه مسلم الله مختاره
غدرت بالسفير وهاكم اخباره
........................................
✍️ ابو منتظر الحريشاوي
شور لمولاتي ام البنين عليها السلام
آنه ام البنين آنه. آنه ام البنين آنه
..........................................
الرايد حاجته الليله يقرأ الفاتحه وتسهل
بهذا المجلس الشده. لو جانت جبل تنحل
باب الله الچبير احنا اليكَصدنه فلا ينذل
وانه ام البنين آنه. يالرايد علي تسأل
معروفه آنه معروفه
ام الطاحن اجفوفه
ام الحاجه سموني
آنه بهاي موصوفه
آنه ام البنين آنه. آنه ام البنين آنه
................................
انه للحوائج باب. الله بهايه خصاني
الضاكَت دنيته بعيناه. آنه اليمه تلكاني
آنه ام الكَمر ياناس ماخاب تنخاني
صح مالي صحن وانزار. بس مفتوحه بيباني
لكلمن ينتخي بيه
يقرأ الفاتحه عليه
اكضي حاجه المحتاج
حتما ميه بالميه
آنه ام البنين آنه. آنه ام البنين آنه
..............................
اختارني علي يا ناس. بس هالنعمه تكفيني
كتله بس طلب عندي. فاطم لا تسميني
لولدك ياعلي ياريت. اخدمهم تخليني
بدوية طبع للزين. أنذر عمري وسنيني
ربي انعم عليه
كَبلك انه بدويه
وبيت الرساله اليوم
ويسموني علويه
آنه ام البنين آنه. آنه ام البنين آنه
..............................
بحجري انه ربه المضلوم. حسين وانا ربيته
يحبه الله اليحب حسين. وانه هوايه حبيته
حرزي عمامته چانت. وحجابي انه چفيته
وبوكت الصلاه لوصار. البس انا غاچيته
كلشي انطيته ونطاني
اكَضي الحاجه سواني
من كَد ماحزنت عليه
صرت ام الحزن آني
آنه ام البنين آنه. آنه ام البنين آنه
.......................................
ياوادم وحگ عباس غيرحسين ماعندي
صح عندي ولد وحيود. بس هو اغله من ولدي
ماهموني من راحو. ولاهمي من اضل وحدي
بس همي ابو السجاد. لو سالم يرد ودي
هوحسين ماغيره
ضلمه خلافه هالديره
مكسوره كَلب بعده
ذاك العايشه بخيره
آنه ام البنين آنه. آنه ام البنين آنه
.............................
ابو منتظر الحريشاوي
لسان حال سيدتي ام البنين عليها السلام
انه غير حسين ماعندي وسيله
اربعه ضحيت بس أشعر قليله
ردت انه بكربله تخلص حياتي
بيهه اواسي فاطمه كل امانياتي
حتى اواسي زينب الحره العقيله
..........................................
انا ام الاربعه الواضح خبرهه
الخلصت بالهم يوادم كل عمرهه
الضحت بشبان رابعهم كَمرهه
بس ابو السجاد أصبح كل جمرهه
آنه بس حسين شاغل هو بالي
ردته بس يكَول يحبيبه تعالي
ولا اضل لوحدي وي ذكرياتي
بيهه اواسي فاطمه كل امانياتي
حتى اواسي زينب الحره العقيله
.......................
ضاع عمري ويم ابو اليمه لكَيته
غالي عندي هواي وبروحي شريته
غير ابن الزهره ماواحد هويته
عيني هيه غطاه والدلال بيته
ماتت الزهره وصرت انه بخدمته
ابده من عباس يا هالناس شفته
يبقه بس حسين مصدر نايباتي
بيهه اواسي فاطمه كل امانياتي
حتى اواسي زينب الحره العقيله
...............................
با اربعه ضحيت بس أشعر قليله
كون عندي بكربله انطي قبيله
امنيتي لو راسي الرمح بطف يشيله
ويبقه راس حسين بس ماعندي حيله
امنيتي لو بالطف جنت انه شهيده
ولاسمعت حسين بيه حزو وريده
هاي دعواتي عله سجادة صلاتي
بيهه اواسي فاطمه كل امانياتي
حتى اواسي زينب الحره العقيله
............................
وحگ طبره حيدره وظلع الزچيه
انه ميته ياخلگ بالغاضريه
جانت بكَلبي يوادم جمره بيه
ويه زينب بالضعن انه سبيه
امشي للشام وي زينب انه اسيره
بهالهظم ضليت لايامي الاخيره
ولا اشوفن دمعه تنزل من بناتي
بيهه اواسي فاطمه كل امانياتي
حتى اواسي زينب الحره العقيله
...............................
حسين خيمه وچان غامرني بحنانه
وچلمه اليمه شملذهه من لسانه
حسين ماواحد اخذ مره مچانه
عاش أمير بكَلبي كل عمره وزمانه
آنه بدويه وصرت يمه شكبرني
ومايطب لحجرته الا يمرني
بين كل هالناس حسسني بغلاتي
بيهه اواسي فاطمه كل امانياتي
حتى اواسي زينب الحره العقيله
..............................
ابو منتظر الحريشاوي
علي علي علي
مو بالغدير انا هناك
بالذر علي واليته ....
اي والله واختاريته ...... حيدر علي
بكماطي واسمع كرار
اسمه شكثر حبيته
نسمه فرح شميته ..... حيدر علي
سبحانه ..... الخالق علي سبحانه
مولانه ....... حيدر علي مولانه
بتنصيبه فرحانه السمه الما واله بعيونه العمه
نعمه علي لهاي الخلك گلب اليحبه ماظمه
علي علي علي ...... علي علي علي
..............................................
واحد علي ماكو اثنين
لو رادو يدورنه
لا والله ما يلگونه ........ حيدر علي
تنصيبه من رب الكون
مو شورى الينصبونه
بين الصحف مضمونه حيدر علي
مختاره ..... رب العرش مختاره
اسراره ...... بيهن وضعهه اسراره
من خاطب الباري النبي وناقلهه بلسان الوحي
بلغ يطه بها الامر ماكو ولي الا علي
علي علي علي ..... علي علي علي
......................................................
الدين اكتمل هذا اليوم
وتشيد ببنيانه
صار الهدى اركانه ...... حيدر علي
گال النبي اليبغض هاذ
معناهه ما والانه
ولا آمن بقرانه ...... حيدر علي
والاني ...... الواله علي والاني
خاناني ...... اليبغض علي خاناني
هذا علي خير العمل بيوم الحشر هو الامل
الما آمن بحيدر ولي معناهه رد يعبد هبل
علي علي علي ........ علي علي علي
.................................................
✍️. ابو منتظر الحريشاوي
المهدي عج وجده الكاظم ع
......................
مانسيتك لا وحگ دمعات عمتنه السبيه
مانسيتك. ابجي كل ليله بحزن بالكاظميه
اني انا المهدي ابكيك ياجدي
غريبا
.......................
جدي يالكاظم اجيتك
المهدي انه وحشميتك
اشكي وهمي ومحنتي واشرح عذابي
انه ما لحظه نسيتمك.
عايش بروحي لكَيتك.
جرحي انت ودمعتي بليلي ومصابي
انه ميت با انتضاري. عايش بهمي وي ناري
افتر وذابحني وني. والمراقد هي داري
ساعه اروحن لكربله بحزني وارد للكاظميه
ساعه اروحن. للبقيع وابجي يم كبر الزجيه
نارُ ولا تطفي. ابكيك ياجدي
غريبا
.....................................
جدي تدري الغربه صعبه.
وانا ابنك شاب كَلبه
عذبتني غربتي وطول انتظاري
وداعه ادموع السبيه
طالت الغيبه عليه
وانت تدري هالامر لا مو. قراري
يا نصير الماله ناصر. انا غايب وانت حاضر
اقسم عليك بحبيبك. الداسته ذيج الحوافر
كَلبي ذايب. والهموم مجمعه ياجد عليه
كَلبي ذايب. كَاعد انه بمرقدك ابجي المسيه
بلوعهِ وحزني. ابكيك ياجدي
غريبا
....................................
انت باب الرحمه بيتك
اقسم عليك بحميتك
بالدعاء ارفع اديك واجلي همي
ماترد الحاجه اعرفك.
بالرضا ابنك احلفك
عليك امشّي فاطمه المظلومه امي
محنتي كلش چبيره. ياهو فاكدله عشيره
ياهو جده مسلبينه. وجثته ملمومه بحصيره
ياهو مثلي البطفوف مذبحه اهله وعمامه
ياهو مثلي. السلبو عماته ويعيش بسلامه
محزون ياقلبي. ابكيك ياجدي
غريبا
...................................
انه كل ليلى بحنيني.
امشي للطف بونيني
بكَلبي تلهب حسرتي واخمدهه كَوه
يم كَمر هاشم اصبهه.
دمعتي وحسره شكبرهه
روحي احسهه بحصرته كل ليله تهوه
ساعه اروحن يم جفوفه. وارجع لكبره واطوفه
لمصرعه ساعه انه اروحن. ينشعب كلبي من اشوفه
والله حيره. يامصيبه بكَلبي اكبر ما اعرفهه
والله حيره. وهيه يامحنه البقت والما شفتهه
ما أنصف الدهرِ. ابكيك ياجدي
غريبا
.........................................
انه عايش بالمصايب.
بديره ما بيهه كَرايب
بس اشوفن شيعتي تراقب حضوري
اسمع أصوات الحبايب.
بالفرج عجل يغايب
امنيتي اعرف ياوكت ساعه ضهوري
جدي يالكاظم تراني. بغيتي كل لحضه اعاني.
ثارك وثار اهلي كلهم لا نسيته ولا نساني
انه غايب. بس اشوف العالم تماده وي جوره
انه غايب. وانا ذاك المنتظر لحضه ضهوره
جمر الأسى يكوي ابكيك ياجدي
غريبا
.........................
✍️ ابو منتظر الحريشاوي
الفاركَله محبوب.
شيصير الغروب
بعيونه مكتوب وينك حبيبي
................
يجري الدمع مثل الشمع الفاركَله المحبوب
الفاركَله خل دمعه يهل. لو صار الغروب
وبالمكَبره يصبح تره. وكَليبه متعوب
يخلص بچي وتلكَه الحچي بعيونه مكتوب
بعيونه آهات
دمع المعانات
بلسانه چلمات. وينك حبيبي
................
چنه بسجن يبقه الحزن. برويحته يدور
الدافن ولف كلش ترف. مابين الكَبور
محني الظهر من القهر وبكَلبه عاشور
دمعه مثل دمع الطفل. چن ضلعه مکسور
وبحالته شلون.
المحبوبه مدفون
وتصيح العيون. وينك حبيبي
..........................
هايم حسن. كَلبي اندفن. مو روحچ انتي
يادنيتي ويازهرتي من عيني شلتي
شيسوه العمر. وانه بكَبر. دافن ضحكتي
ردي الي. ياكل هلي ونشفي دمعتي
يالزهرة ظليت.
وي وحشه البيت
بدموعي ناديت. وينك حبيبي
............................
همي جبل شوفي شحصل بعدج يزهره
عودي ذبل وين الاجل. صرت انه ادوره
وانه علي. الما انثني خنكتني عبره
عندج خبر. حزنج بحر مابيه اعبره
شوفي بعلي شصار
يالزهره محتار
بيه الزمن جار. وينك حبيبي
......................
صبري انتهه ويمچ بده. دمعي وحنيني
حزني كَعد وانتي بعد. ماضن تجيني.
اشتم عطر ذاك الكَبر وابجي بونيني
بعدج صفت لا ماغفت. سهرانه عيني
ماهادت الروح
كل ليله مجروح
من بالي متروح. وينك حبيبي
....................
ابو منتظر الحريشاوي
آه يابويه اشفت. آه لمن غسلت
يابويه خبرنه من غسلت امنه
يابويه شفت
...................
ماچنك انت حيدره. شومنكسر حيل
ياصاحب الحيل ياقالع الباب
جنت بوضع هسه بوضع دمعاتك تطيح.
وتهزك الريح. علمنه الاسباب
كبل الغسل انت الجنت تمسح دمعنه
شنو الحصل ياحيدره بويه انفجعنه
آه من طولك طحت. آه ماندري اشفت
يابويه طمنه. من غسلت امنه
يابويه اشفت
...........................
مكسور ضهرك ياعلي وجلماتك شواي
تحجيهه بهداي يا أبلغ الناس
يافاطمه تردد صرت. وتتحسر با آه
وتكَلهه زهراء خنكتني الانفاس
لازم اشو ضلعك عجب شنهو الياذيك
وتصيح لو بيه الكسر يالوالد شبيك
آه ياهو المنكسر آه حيرنه الامر
يابويه فهمنه. من غسلت امنه
يابويه اشفت
........................
يالبيدك ترد الشمس شو لونك اصفر
حيل وتغير. بالكوه تمشي
من غسلتهه فاطمه مو انت رديت
كلش تأذيت. مو سهله تبچي
مو سهله ياحيدر ابد شنهو الكَيتهه
بالمغتسل ذاك العمر چن ودعيته
آه شصاير ياعلي. اه همك معتلي
صبت مدامعنه. من غسلت امنه
يابويه اشفت
.........................
يابويه نسأل ماشفت من غسلتهه
هم عاينتهه. اشبي ضلعهه
بالعصره ذيج ام الحسن مهضومه چنهه
بس تخفي ونهه. تغير وضعهه
تلزم ضلعهه بكل وكت مانعرف شبيه
من غسلتهه ياعلي هم كَلبت بيهه
اه ماذيهه شكثر. اه يمكن منكسر
واحنا شيصبرنه. من غسلت امنه
................................
مثل المناجل منحي. يابويه شفاك
شنهو الي اذاك بس رد علينا
تفرك بديك ومنهظم. عينك على السيف
وتنادي ياحيف. ها يا علينا
واضح يبويه لأبعد تنطينه الاسباب
متروسه عينك بالحچي وتصد عالباب
اه على الباب انضرت. اه. بعيونك كَلت
مكسوره فاطمنه. من غسلت امنه
يابويه اشفت
....................
ابو منتظر الحريشاوي
يمه المحسن جرحي شكبره
ليش المثلك يخلص عمره
شفتك طايح يمه اكَبالي. ناديتك يوليدي الغالي
يمه المحسن. يمه المحسن
..........................
من كم شهر وانا الك احسب واعد يوليدي
تانيتك وماحسبت تالي تروح من ايدي
يمه الولد. هذا المهد حضرته الك يالغالي
ارسم صور ليش القدر. ياخذ هذيج امالي
جنت اتمنه تشوفك عيني
يابعد امك وتحاجيني
صابوك وصابو دلالي. ناديتك يوليدي الغالي
يمه المحسن يمه المحسن
........................
يالما شفت طولك بعد لا من نضرت عيونك
ماتحچي بعدك يالولد لو كتلك انه شلونك
مو للكَبر. بعده العمر صعبه الورد لو يذبل
مر الصبر وانه شكثر اصبر بعد واتحمل
جنت ارسمهه صورك حلوه
ردتك يمه لحيدر سلوه
موتك مامر لحضه أبالي ناديتك يوليدي الغالي
يمه المحسن. يمه المحسن
..............................
بصورك ارسم كل وكت واتخيلك باأحلامي
محضره كلشي لجيتك ردتك تزيل اللامي
ردتك الي. انا وعلي. وبلهفه جنت انتظرك
محسن ردت تالي شفتت بالعتبه خلص عمرك
اه يوليدي شكد تانيتك
طايح ثاري اكبالي لكيتك
ليش الموت يبعدك تالي. ناديتك يوليدي الغالي
يمه المحسن يمه المحسن
.................................
يالماشفت دنيا بعد ذبحوهه ذيج سنينك
يالمحسن وحال القدر بين امك ومابينك
يمه شعجب راح التعب ومساهر الساهرته
وسط الكَلب نار وتشب صحت الولد ضيعته
مدري اشكيلك لو تشكيلي
ياهو الأصعب بله احجيلي
ريتك تنظر يمه لحالي. ناديتك يوليدي الغالي
يمه المحسن. يمه المحسن
.................................
من كسر ضلعي ماصحت بس موتك مأذيني
بعدك ولادنيا حلت ريت الاجل يلفيني
انت وكعت وانا صحت يادنيا ارحم بحالي
يبني انحبت. حد ما متت موتك صبح جتالي
عاين يمه لنزف الجروحي
رايح انت وناخذ روحي
أصبح وني بفكَدك عالي. ناديتك يوليدي الغالي
يمه المحسن. يمه المحسن
............................
ابو منتظر الحريشاوي
ثكلت جروحي تعالي
وحشه بعدج هالليالي
فاطمة بس شوفي حالي عاينيلي
………………………..
يالمشيتي وعني رحتي. استعجليتي بهالسفر
وحدي ظليت بغربتي. وياكل بروحي القهر
صعبه لو طاحت دمعتي. كبال كل هاي البشر
طفت الدنيا شمعتي. وظهري يالزهره انكسر
بيش اضمد كلبي بيش
شلون من دونج اعيش
فاطمه ولو كلتلي ليش. عاينيلي
٠٠٠٠٠٠٠٠٠٠
صعبه على اليفكَد خليله. براسه اكثر من سؤال
توكر بكلبه الثجيله. وهمه يصبح كالجبال
شما اوصفهه قليله. عيشتي بعدج محال
چنهه هالفرگه طويله. راحت سنين الدلال
صعبه كلش يالحبيبه
صبري بله منين اجيبه
فاطمه روحي غريبه. عاينيلي
...........................
شطوله هالليل بغيابج. وشيخلص هالعمر
وانه بس ريحه حجابج ماشم غيره عطر
اوكف ومحني عالبابج. والله مكسور شكثر
فاطمه ولوعة مصابج. چنه بضلوعي الكسر
حتى كَبرج من حفرته
بيه احس كَلبي دفتنه
الناس تسأل ياهو انته عاينيلي
.............................
مايردن ادري راحن. ايامي وياج وكَضن
دموعي بعدج هسه طاحن. وعاشر عيوني الوسن
سنيني فجأة من ايدي ضاعن. وهسه انا بلاوطن
ياهو اليعوض مكانج. منين اجيب ام الحسن
الدنيا وحشه بعيني كلهه
وروحي ما اعرف شكَلهه
الزهرة جانت كل اهلهه. عاينيلي
................................
والله هالدنيا عنيدة. شعدهه وي حيدر علي
تأخذ الوين انا أريده. كلشي ماخلت الي
سلوتي صارت بعيده. وانا بالنار اصطلي
كاتب بشوكج قصيده. فاطمة يا كل هلي
وداعة حسين وبناتج
احتمل كلشي وغلاتج
بس شرط ترجع حياتج. عاينلي
....................
✍️. ابو منتظر الحريشاوي
انا واليل وعباتچ. موتتني ذكرياتج
سارح بهمي وانتي مويمي والهجر يعمي
فاطمه خلصت حياتج
.....................
يتعب الليل بعين اليشيل
منه اعز غالي بحياته
يسلتذ بيش. والمن يعيش
وي عالم ذكرياته
فاطمه ناداچ دلالي تعاي
يالحبيبه الراحت وكسرت كفاي
مدري شيوصف كسرتي. وحشه مانتطب غرفتي
من اطب ليهه انا شلكيهه. وانتي مابيهه
فاطمه خلصت حياتج
.....................
يالمشيتي. ما دريتي.
شحالتي لمن دفتنچ
ابقه وحدي شيبقه عندي.
وانا يافاطم فگدتج
فدوه كتلچ فاطمه شوفيني
ياهو ميت بينه بس حاجيني
صحتچ وما هيسيتي. وحدي عفتيني ومشيتي
والله مابيه. . هونچ عليه ابچي ليليه
فاطمه خلصت حياتج
....................
يا عذابچ ياغيابچ
يم حسن لو شفتي حالي
اشغلاتج بس عباتچ.
ذكرى ضلت هي تالي
گلبي جام ومنكسر يم يابچ
ردي يالزهره ذبحني غيابچ
اه منك. يازماني يالبگت زهره حناني
وحدي ظليت. يكتل البيت. شگد تأذيت
فاطمه خلصت حياتج
...........................
يسوه العتاب. وي الاحباب.
الراحو وخلوني وحدي
همه غياب وانا بالباب.
مناطر ودمعي عالخدي
راحو وميه جرح عافولي
بس صورهم والدمع خلولي
واليفارك جف حبيبه. السهر يصبح نصيبه
يبقه مهوم يعد بالنجوم. هذا مفهوم
فاطمه خلصت حياتچ
.....................
يالبعدتي مانشدتي.
ياعلي شحاله بدونچ
گلبه ذايب. عل الحبايب.
ظل غريب بلا عيونچ
يالحنينه ما اگول انت نسيتي
بس اعاتب ليش عني تاخريتي
هاي دنيانه الچبيره. بعين شو صارت صغيره
وين اللگاچ. غربه بجفاچ. الله وياچ
فاطمه خلصت حياتج
....................
ابو منتظر الحريشاوي
يالرايحه وعفتيني مل الدمع من عيني
بيمن يداوي جروحه الفارك عزيزه روحه
يا زهرتي حاجيني
……………
يالرايحه وعفتي جرح بكليبي تلهب ناره
بالدنيا احس كلشي وكف بس دمعتــي تجاره
شحال اليطب بيته ولكَه محبوبه ماكو بداره
يالرحتي ماكَلتي شعجب محبوبي شنهو اخباره
كَلب التعوفه أحبابه يموت ويدكَه بابه
يغفه على ونته ونوحه الفارك عزيزه روحه
يا زهرتي حاجيني
..............
اذكرهن ايام المضن وياج يا محلاهن
انسه انا كلشي مستعد بس هنه ما انساهن
تاهن سوالفنه ومشن كَليلي وين الكَاهن
صرت انا ادور رويحتي يمكن ضعت وياهن
ياروحي ضاعت روحي بين الصور وجروحي
يادمعته المفضوحه. الفارك عزيزه روحه
يا زهرتي حاجيني
.............................
اشتاكلج غصبن عليه وامشي بدمعتي لكبرج
مثل الطفل ابجي واون محيرني كلش امرج
صح ميته بس هذا الكَلب ليهسه شو ينتظرج
يا فاطمه ذابل علي بعدج وداعت عمرج
يا زهرتي وكل حيلي. مانمت بعدج ليلي
بس دمعته مسموحه الفارك عزيزه روحه
يا زهرتي حاجيني
...........................
يا فاطمة خلصت بعد عشرتنه ذيج الحلوه
وهذا العمر ها يم حسن ضاع وبعد مايسوه
بجفني الدمع وي السهر صار بغيابج سلوه
تدرينه كَلبي كل بشر غيرج ابد مايهوه
يا فاطمه حاجيني. شتنفع بلاج سنيني
المن الضيم يبوحه. الفارك عزيزه روحه
يا زهرتي حاجيني
............................
هذا حالي بغيبتچ يبچي الصخر ياحالي
يا فاطمة يموت البشر لو بيده يدفن غالي
مو انتي هاي بالكَبر مدفونه راحه بالي
من يوم رحتي وداعتج بس الحزن يبرالي
يا فاطمه وغيابچ ياكل بروح احبابچ
جثه وتضل مطروحه الفارك عزيزه روحه
يا زهرتي حاجيني
.......................
ابو منتظر الحريشاوي
الله مشتاك لحبيبه نور واشتاك لنور
ليله موادع رهيبه والحزن بيهه يدور
فاطمه تبجي وعلي. راحل الليله النبي
نور واشتاك لنور
..............................
ربنا مشتاك لحبيبه صاح يا طه تعال
وجنه الفردوس صاحت مرحبا بهذا الجمال
العرش لجله تزيين با ايه الحب والكمال
والارض تبجي وتنادي الليله طه عني شال
السمه صاحت مراحب والارض تبجي عليه
حيدره مكسور كَلبه. يبجي ومچلب بديه
ياهو من بعدك الي راحل الليله النبي
نور واشتاك لنور
.........................
وكف ملك الموت حاير وكَال يارب الصبر
شلون اقبض كَلي روحه ويمه حيدر منكسر
وفاطمه انضر دمعهه مو سهل هذا الامر
بذاك كتره حسين كاعد والحسن من هالكتر
يا إلهي تدري بيه ماعصيت امر ابد
بس اعاينهه الزچيه وحيدر بصفه كعد
سال يارب مدمعي. راحل الليله النبي
نور واشتاك لنور
..........................
المدينه ظلمه صارت طه منهه اليوم راح
النبي حانت وفاته والحزن بالزهره لاح
خلصت ايام الرساله وابتدأ عصر الجراح
اشهد ان محمد راحل الاذان صاح
باجر ادور الليالي با أهل بيت المصطفى
والحزن باجر يلالي. يضل غريب المرتضى
يبقى محتار الولي راحل الليله النبي
نور واشتاك لنور
............................
الله ناده يامحمد اليوم للملكَه استعد
أتممت حجتك عليهم وهسه مؤاك الخلد
يالعشت عمرك اذيه عذبوك اهل الحقد
الكوثر اليوم بأمرتك وانت عندي اشرف عبد
مااوذيه مثلك محمد. لا رسول ولا وصي
هالاملاك اليوم تشهد. انك البر التقي
كل همومك تنجلي راحل الليله النبي
نور واشتاك لنور
......................
بين اليلاكَي خليله وبين اليودعله خل
ليله مو ليله عجيبه دمع بيهه شكَد نزل
يبجي طه ويبجي حيدر هالموادع موسهل
نور من الله محمد هالفرع رد للاصل
الله كَله ياحبيبي اشتاكلك رب العرش
وي حيدر يامحمد. قدرتي تشيل النعش
اشتاكلك رب العلي راحل الليله النبي
نور واشتاك لنور
...............
✍️٠ابو منتظر الحريشاوي
يبو فاضل .......... يبو فاضل
.......................................
يابو الوفه والنوماس
ماكو مثيلك بالناس
يالخوتك رفعة راس
هنيالي بيك العباس
مثل الهوه عشت وياي
كافل اضعوني الوفاي
من كتلك نريد الماي
سهله كلت كلش هاي
يبو فاضل .......... يبو فاضل
.......................................
يا كاسر خشوم الجيش
عباس اوصفنك بيش
من خوتك صحت افيش
ميت لچن بيه اتعيش
ما زعلتني بدنياك
يا ابا الفضل لا حاشاك
سلطانه چنت انا وياك
ولهسه حاميني لواك
يبو فاضل .......... يبو فاضل
.......................................
يالمنطي لختك جفين
وفوگاهن انطيت العين
العدهه اخو مثلك وين
واحد فلا صار اثنين
لو زعلت عيوني اغتاض
ولخميتي يطب اركاض
يرف شاربه وعينه زماط
وبس الله يستر لو شاط
يبو فاضل .......... يبو فاضل
.......................................
جيت بدليلي الملچوم
طير الحزن فوگي يحوم
صارت لسن عدهه الگوم
عباس احشمنك گوم
بوجهي الشمر يضحك صاح
روس اخوتج فوگ ارماح
وي طيحت اجفوفك طاح
كلشي حلو بزينب راح
يبو فاضل .......... يبو فاضل
.......................................
خجلانه منك هالجيت
مقصره ابد ما وفيت
يا ابا الفضل وتمنيت
تكعد واشوفك ياريت
ما ميته وياك شلون
يا فشلتي من ينشدون
وين الكمر ها يم عون
صعبه من اگلهم مدفون
يبو فاضل .......... يبو فاضل
.......................................
✍️ ابومنتظر الحريشاوي
شيطيب جروحه ... الفوك النهر روحه
شافاهه مذبوحه... فوك النهر
جاوب يااعز ناسي .... لاتكطع انفاسي
هذا انت عباسي فوك النهر
ياهو الوكع ما ميزت ...عباس لو انا المتت
ياجثه مطروحه
.............................................
يالعاهدتني نضل سوه ...مثل النفس ويه الهوه
مانفترگ يوم
عباس چا وينه الوعد...بحسينك شضل چا بعد
ياابالفضل گوم
مو ضهري بس المنكسر گلي انه مكسور
وهل كتلك اكعد ياكمر وادري انت معذور
لو تسال شلونك ..... شيسوه العمر دونك
بلا شوفه عيونك .... كلبي انكسر
موتك اخذ روحي ... وجروحك جروحي
عباس الك نوحي ... يبّچي الصخر
طاح العمر لمن طحت ...عباس لو انا المتت
.......................................
مثلك بعد وينه اليصح ...يالچنت اشوفنك صبح...
وتكحل العيون
عايفني خويه بنص غرب .... ينراد اليه شجم گلب
اتحمل شلون
معقوله خويه اتعذرت واتكضك سهام
كوم على بختك خل نرد واهس للخيام
من حيلي لحيلك ....نمشي واتچيلك
تتعذر ادخيلك ..... لا ياكمر
ادري بسهم عينك .... ومكطوعه جفينك
من سنيني لسنيك ... اخذ العمر
للدنيا عكبك ماردت ...عباس لو اني المتت..
ياجثه مطروحه
....................................
شاب انه من ساعه جنت ...بس هسه يمك شبيت
يابالفضل شوف
ياحيلي وحزام الضهر...كون الله لا ينطي النهر
كاطعلك جفوف
باصرني ياخوية من ارد لخيامي وشلون
بيا چلمه اگلهه وتقتنع لو تنشد ام عون
ياخوية لعيالي...صعبة من ارد خالي...
وانت اصبحت تالي مكطع وذر
هذا الشغل بالي ..... لو زينب اكبالي
وتكلي كافلي ...... وينه الكمر
شملك جواب اتحيرت ...عباس لوانا المتت
ياجثه مطروحه
..............................................................................
شفت الشمر يضحك لأن .... اجفوف اديك اتگطعن
ويبشر الگوم
ماضل الي ناصر بعد ...... والجيش عباس استعد
اعله خيامي ويحوم
اعذرني لو منك گمت يارفعة الراس
صوب الخيم صوب الحرم هجمو يعباس
يمك يشوفوني .... راد يگوموني
هجمو على ضعوني .... فوك القهر
كلهه اصبحت ضدي .... غير الله ماعندي
وحدي اضل وحدي .... محني الظهر
امشي وعليك انا التفت عباس لو انا المتت
ياجثه مطروحه
.............................................
يازينب بهاي اعترف..عباس ابد ماينوصف
لحد موته وفاي
كلما احضنه واقترب ..... من حضني ويرد للترب
حيرني بهاي
تحضني گلي سيدي وبحالك شلون
ياهو اليحضنك لو متت بين اليغدرون
ساعه ويذبحونك .... شيغمض عيونك
صاعد على متونك ... وسفه الشمر
گلالي يحسيني ...خوية ونضر عيني
خليني خليني ...... فوك النهر
بالغيرة مثله ماشفت... عباس لو انه متت
..........................................................
✍️ ابو منتظر الحريشاوي
صحت بويه تعال يعذبني الهجر
اذا عني مشيت حميده شتنتظر
صغيره على اليتم وعلى الاذيه
يوادم والدي راح من اديه
يعذبني الهجر
............... ...........
سير على بنيتك حلم مشتاكه العيون
طفله وصغيره والهجر اتحمله اشلون
ابعيده مسافات كلش بعيده
صاح الكلب وين مسلم أريده
مثل طير الحمام تمنيته الكلب
يجيك ومايخاف ولاكضه الدرب
حنينه من احن غصبن عليه
يوادم والدي راح من اديه
يعذبني الهجر
............. . . ............
ارسم صورك كل مسه فوك الحياطين
واركض عليهه ارد اشبكك واتحير منين
وارجع للهدوم واشتم عطرها
ياوحشتك ذيج بويه شكبرها
نمت فوك التراب احس جاسك برد
انكسر كلبي عليك واخافن ماترد
يمسلم لو رحت شيضل اليه
يوادم والدي راح من اديه
يعذبني الهجر
................ ......... ..
انذرلك سنين العمر كون أسمعت جيت
واترسلك الدنيا شمع واترسلك البيت
هيج وترد كون وبجيتك ارتاح
لو بس اصدك ليك كل همي ينزاح
بجيت شكد بجيت ولا كف الدمع
بدونك من بقيت مثل خيط الشمع
اصبن بالدمع صبح ومسيه
يوادم والدي راح من اديه
يعذبني الهجر
............... .............
بويه غلاتك من رحت جافتني دنياي
حتى الهوه ضل يختلف واتغير الماي
مو طفله حسيت صرت شكبرني
مهضومه ظليت بعدك كسرني
اصفن بالخيال وافز من الرعب
من جفوف الدلال للجفوف الغرب
بصفنتي وچن شفت اطلع سبيه
يوادم والدي راح من اديه
يعذبني الهجر
............... .............
امنيتي احضه بشوفتك عذبني فركاك
واكعد ولو ساعه وكت واتسامر وياك
حنت تره الروح بويه لحنانك
ياوالدي شلون شيسد مكانك
يالكلش حنين تجافيني شعجب
بالغيبه بطيت يبو كلب الذهب
عجيبه ومايحن كلبك عليه
يوادم والدي راح من اديه
يعذبني الهجر
.....................................
ابو منتظر الحريشاوي
مسلم من طب للكوفة..عدوانه الموت تشوفه..
ودخلهه انذار
فارس من بزره هاشم.. وبجفه يلوگ الصارم..
جنه الكرار
............... ............................................................
يالرايد هاك اخباره... مسلم وحسين اختاره
دكت بالكوفة الغاره ...طبهه المرسول
قائد يانعم القائد..الاف ومسلم واحد
شمازادو سيفه يعاند ..بيهم ويصول
انا الوداني حسيني..مسلم مابيعن ديني
طاهر مايتنجس طيني.. وسيفي المسلول
قامت بالكوفه الساعه..حيد ومن يلوي اذراعه..
والله ستار
فارس من بزرة هاشم.. وبجفه يلوگ الصارم..
جنه الكرار
..............................................................................
هالصوت من أهل الباطل...ياهو بالكوفه يقاتل
مسلم لو حيدر نازل... وردت صفين
هاليوم الموت بكيفه..ومايرحم واحد سيفه
من الكوفه يطلع حيفه...وثارات سنين
قاتلنه بحيل وهمه...وماطاحت منه العمه
من مسلم هذا الزلمه..ماشفنه اثنين
يطشرنه وساعة يلمنه..ويختار القائد منه..
ويصيح الثار
فارس من بزره هاشم.. وبجفه يلوگ الصارم..
جنه الكرار
..............................................................................
مسلم من صال عليهم..ضاگت دنياهم بيهم
لابن زياد يوديهم...جثه بلا راس
شما ودو جيه يردهه..شما فتحو ثغره يسدهه
شما ترخه و مسلم شدها..ومذهوله الناس
من شافو هاي افعاله.. شردت خيل وخياله
محد ضل تالي گباله..ولاندك راس
عيشهم خوف وحيره..ضاگت بالگوم الديره ...
ولبسهم عار
فارس من بزرةهاشم.. وبجفه يلوگ الصارم..
جنه الكرار
..............................................................................
شما صعبت سيفه يحلهه..مسلم والوادم ذلهه
طوعه ومن نشدت گلهه ... عمي الكرار
يامرحب ببن القاده..وبداري اليوم الساده
عيد لعمك امجاده..يبن الاخيار
يبن المابيهم لوله ..خيبر رجعهه بذوله
لو تطلب عمري تنوله..مو بس الدار
يبن الماثنه حجايه..خدامه ودارك هايه..
وانا الخطار
فارس من بزره هاشم.. وبجفه يلوگ الصارم..
جنه الكرار
..............................................................................
ياطوعه وداعت عمي..ماابخل لابنه بدمي
باچر يتخلد اسمي..وبالكوفه انزار
ياحرمه وعامر بيتج..وفايه اليوم لگيتج
يوصل للودام صيتج..وي الأنصار
بس رايد ماي انطيني..وارجع الهم شوفيني
طوعه وانتي تعرفيني ...ماارضه العار
غداره الكوفه اعرفها ..واضح اصبح موقفهه ..
اهل الدينار
فارس من بزره هاشم.. وبجفه يلوگ الصارم..
جنه الكرار
..............................................
✍️. ابومنتظر الحريشاوي
من أرض لمدينه لكربله راحل ضعنهم
بالذاريات وبالفتح من ودعتهم
وبحالتي شلون لوعني يمشون
يربي يربي
................................
شترجه اذا عني رحل ضعن الغوالي
امهم واذا عني مشو شيصبره حالي
بعيوني من هسه بدت وحشه الليالي
ياخوفي من هذا السفر شاغلي بالي
ياخوفي من يروح شيخ العشيره
حسين الشغل هالبال ماعندي غيره
بضعونهم من عاينت شفت المنيه
اتمنه وياهم رحت للغاضريه
شيضل بالعيون. لو عني يمشون
يربي يربي
.............................
بضعونهم شفت الكَمر للرايه شايل
وصعد بنات المرتضى وذيج المحامل
دگ صدره عباس وكفو صاح انه كافل
وزينب كلتله بذمتك ها يابوفاضل
تحطهه بوسط عيناك يوليدي اريدك
ولزينبك عباس ضحي بوريدك
تدريهه يبني مدللة وعاشت اميره
موش اسمع بطف كربله اختك اسيره
خوفي على ام عون. لوعني يمشون
يربي. يربي
...............................
وداعة الله من مشو چن روحي راحت
لاهيه ميته ولا ضن لحضه استراحت
دمعاتي تترس چم نهر من عيني طاحت
والروح مو الاربعه لحسيني ناحت
لو عندي عشره وياه ماهم تراني
بس همي ابو السجاد يرجع اتاني
بالاربعه مافكرت لو مايجوني
لحسين صدكو ياخلك صبن عيوني
شلون اصبر شلون. لوعني يمشون
يربي يربي
..............................
راحو ولا منهم خبر بين عليه
بهمومي ضليت انعصر كل مغربيه
ياربي انا امهم صحت يالتدري بيه
ياراد يوسف هلبت تردهم اليه
ماوصل صبري أيوب صبري الصبرته
معذبني فركَه حسين وانطر رجعته
احباب كَلبي سافرو ليه شيردهم
والشيب خضر عالجفن وانه انتظرهم
اتمنه يلفون. لوعني يمشون
يربي. يربي
.....................؛.....
ياهو اليروح لكربله ويأخذ سلامي
ويخبر احباب الكَلب شوكي وهيامي
ولحسين يشرح حالتي وينقل كلامي.
ويكَله بعدك يالولد ضايع منامي
ياهو اليمر بحسين ويخبره حالي
ويكَله من فركَاك وحشه الليالي
ويكَله كل الليل اليمر انته عالبالي
ومو عن بنيني الاربعه عنك سؤالي
الأربعه تهون. لوعني يمشون
يربي. يربي
.............................
✍️. ابو منتظر الحريشاوي
هلبت حلم هذا وافز والگاهم هناه
وماكو سفر لا كربله ولادمعه لا اه
بس وين الاحلام... وعيوني متنام...بـويه
..........................................
گمت اصبر روحي گوه بلكي يطلع طيف تالي
بلكي وأعرف مستحيلة وحالي ضل يبجي حالي
بالوطن واصبح غريبه هذا مامر على بالي
اتحزمت دنياي ضدي وفرهدتهم غالي غالي
موش المرض انا الهجر عاميلي العيون
طفله وعلى فراگ الاهل اتحمل شلون
بگلبي الحزن دام... وعيوني متنام.... بـويه
.............................................................
گبالي من حمل ضعنهم كابرت ماناشدتهم
راشده النيه يهلنه عرضه ماصير بسفرهم
وگلبي ياوادم لچمني وگلي شبعي شوف منهم
هالسفر مامنه رجعه وينگطع باچر خبرهم
گمت وطحت وتراكضو کلهم عليه
وبعيونهم من عاينت شفت المنيه
چا گلبي من جام... وعيوني متنام... بـويه
...........................................................
راحو وضليت اعاين على درب حد ماجزوني
كلشي ضل بگلبي ساكت إلا كلمة ماخذوني
مدري اگلهم سامحتكم مدري اگلهم سامحوني
مدري اعتب مدري حگهم بالعتب لو عاتبوني
گالو عليله وهالسفر يحتاج الچ حيل
يافاطمة شلون بسفر لو مرچ الليل
ما نعرف شضام... وعيوني متنام... بـويه
..........................................................
اي يروحي وهاي قسمة كلمن يعيش ويه حضه
گاعدة وايدي علخدي وغمضيت عيوني لحظة
لن شفت بطيف ابوية صدره حيل الخيل رضه
وصيحيت بعالي صوتي ياهو بله بهاي يرضة
مسلبين ابوي بكربله وعاينته مذبوح
عباس وينك چا صحت من شفته مذبوح
ولا يمه جسام..... وعيوني متنام....بـويه
........................................................
لحظة چانت بس طويلة كلشي صار بعيني شفته
بالحصيره انضر علينه مگطعين گبالي جثته
ويلي عبدالله نضرته والسهم غافي برگبته
وبالدمه جاسم تحنه وامه محتامه على زفته
وانضر مره بنص الزلم وتحامي الاطفال
ثاريهه عمتي بكربله من غير كفال
ومحترگه الخيام.. وعيوني متنام...بـويه
........
✍️ ابو منتظر الحريشاوي
https://youtu.be/ZAV4r89yYGs?si=8XaQfm0obWHthlpt
Читать полностью…
وين اهلي صحت وين ابو فاضل والحسين
وين الله ويبينون. آخوتي وي اليشيعون
........................
غريبه لوحدي وموتي تدنالي
هلي وبس الحزن ضل يهلي يبرالي
چبيره وماتصح ياعازة الوالي
غريبه جنازتي واترجه كفالي
الحزن غيم يالاحباب. واناطر دكه الباب
واتمنه تحضرون. آخوتي وي اليشعيون
..............................
العمر خلص تعالو هنا واحضروني
صعبه جفوف غربه من يشعيوني
وانا مدللتكم يهلي تدروني
من كد ما اناطر ذبلن عيوني
غريبه بين الاجناب. ياهو يهل التراب
اشتاكت شوف العيون. آخوتي وي اليشعيون
...............................
من يوم العفتكم وانا حل موتي
جثه امشي تره وهدومي تابوتي
وبيوت الحزن صارن تره بيوتي
بس طور النعي يحله صفه بصوتي
اون كل عمري ظليت. الموت شكد تمنيت
ردت بس هالطلب كون. آخوتي وي اليشعيون
..................................
تكول اهل المثل للفاكد اعزازه
الما يمهه عزيز شتسوه الجنازه
وانه الكم يخوتي حيل انه معتازه
عشت الكم عمر واتمنه المجازه
كلبي شكد حزن ضام. تارس ديرة الشام
كولو شرادت ام عون. آخوتي وي اليشيعون
................................
اسوم العشره ذيجه الغاليه عليكم
بداعة زينب الذابحه طاريكم
يزمزم صافي خوه وانا ادريكم
احضرو الليله زينب حشمت بيكم
بخدري بداعت حسين. تعالولي يطيبين
وانه اعرف ما يقصرون. آخوتي وي اليشيعون
............................
ابو منتظر الحريشاوي
يزهراء ماتطيح الرايه
يزهراء. عالوعد وفايه
.............................
تبقه هاي الرايه عدنه
هيه تچايه بختنه
باجر تضل لولدنه
ماتطيح الرايه
احنا يالزهره وغلاتج
نحلف وداعت بناتچ
نحضر بساعه وفاتچ
للمجالس هايه
يزهراء.... هالمجالس بيتي
يزهراء.. هي رفعت صيتي
يازهراء.. نعتنيهه عنايه
...................
يمشي حب الزهره بيه
مكَدر ولايگ عليه
انا خادم للزچيه
هي علت شاني
انه التوضوه بدمعته
حزنج بروحي شتلته
وانعصر كلما ذكرته
ومنلچم تلكَاني
يزهراء.... عايشه بوجداني
يزهراء... حبچ الغذاني
يزهراء... بكَلبي عاشت هايه
....................
اقسم بدمعه رقيه
وباليالي الفاطمية
تبقه هاي الجمره بيه
شما ذكرت مصابچ
مبلل من الدمعه رمشي
ومخنتك مابيه احچي
شما شفت باب انه ابچي
چن اشوفن بابچ
يازهراء... هايم بموضوعچ
يازهراء.. كَلبي ون لضلوعچ
يازهراء.. والجروح هوايه
..............................
مجلسچ لمن احضره
عبره تشمرني عالعبره
عيني تصبح كلهه حمره
يختلف عنواني
ثوبي الأسود ما اذبه
مجلسج لمن اطبه
دمعي يمج كله اصبه
هالدمع قراني
يزهراء.... عيني ماهم بيهه
يزهراء.. من دمع اعميهه
يزهراء... دمعي يحچي حچايه
.....................
نسولف وياچ بدمعنه
يمج اليوم انجمعنه
مجلسچ خيمه ويلمنه
احنا عشنا بخيره
الزهره موجوده بعزاها
حاضره ونشتم هواها
ماتعوف الي اجاها
ولايضل بحيره
يزهراء.. حاضره ويانه
يزهراء... والله ماتنسانه
يزهراء.. بيدج انتي الرايه
...............................
✍️ ابو منتظر الحريشاوي
سجلينه يافاطمه سجلينه
ناسينه يومج فلا ناسينه
ماننسه هاي ايامج. طول العمر خدامج
سجلينه. سجلينه
.......................
يزهره خدامج نضل هذا عهد بدمانه
تبقه ليالي ام الحسن نار وتشب بحشانه
لو ننسه يومج فاطمه كون العمر ينسانه
مأتم الج وسط الكَلب كسر اظلع عنوانه
تدرينه يافاطمه تدرينه
ناسينه يومج فلا ناسينه
هان العمر كدامج. طول العمر خدامج
سجلينه
.........................
هاي مجالسنه شرف طول العمر نحييهه
مسنوده من اهل العلم وزهرة تحضر بيهه
ننطي العمر شنهو العمر بس هيه ما ننطيهه
شكم ظالم الحاول كَبل بس ما كَدر يمحيهه
حضرينه يافاطمه حضرينه
ناسينه يومج فلا ناسينه
يزهره احنا احزامج طول العمر خدامج
سجلينه سجلينه
..........................
يالزهرة ماننسه العهد بذر عهدنه وياكم
ننساهه هالدنيا وعلي بس انتو ماننساكم
يا رحمه الله الواسعه الجبنه العمر بحماكم
شما ضيجه مرت على الكَلب يافاطمه نادكم
نادينه يافاطمه نادينه
ناسينه يومج فلا ناسينه
يالزهره احنا ايتامج. طول العمر خدامج
سجلينه. سجلينه
....................
يالزهرة طشرنه الوكت مد ايدج ولمينه
يعرفنه يادرب النجف شكم صاحب مشيعنه
كلما حضرنه بمجلسج نفكد اخو مضيعينه
عدنه قناعه بمجلسچ بالمحشر تجمعينه
تعرفينه يافاطمه تعرفينه
ناسينه يومچ فلا ناسينه
ماي ونطفي خيامچ طول العمر خدامچ
سجلينه. سجلينه
................................
✍️ ابو منتظر الحريشاوي
زينب ارد اوصيج. يبنيتي بوصيه
صب دمعي تره عليچ. ليوم الغاضريه
عليه لاتونين ضمي الونه لحسين
بيوم الغاضريه
....................
تعاي ابنيتي احاچيچ. سر عندي ارد ابوحه
يزينب راح اذيچ دليلچ ويعله نوحه
اريد احجيلچ اسرار
سوالف عسكر ونار
خيم محترگه وصغار محتاره وغريبه
ذبح واحبال وسيوف
كلهه بيوم الطفوف
باجر عينچ تشوف
چم محنه ومصيبه
زينب يومچ يصير. اعظم فاجعه
اذا ترديله تفسير. اقري الواقعه
يلبكلشي تعرفين. ضمي الونه لحسين
بيوم الغاضريه
.................
زينب ضمي بالعين. دمعچ لا اشوفه
انتي لخاطر حسين. مخلوقه لطفوفه
ضلع والدتچ يهون
بس بحسينچ شلون
لو شفتي يسحكون. بخيل العوجيه
الدافع بأمج الباب
باجر يگطع ركاب
وانتي بين الاجناب. يازينب سبيه
غربه وعسكر ونار. وليل بلامحامي
سوالف ليلچ كبار. واكبر من كلامي
حقج لو تعتبين ضمي الونه لحسين
......................
يزينب احچي بحساس عن كافل ضعونچ
شخص يتسمه عباس. اخيچ هذا عونچ
شخص ما منه موجود
يشيل الرايه والجود
يضحي بعين وزنود. معروف بصفاته
يسمونه الگمر ليش؟
بروحه زينب تعيش
اوصفه حايره بيش. المدلل خواته
باچر زينب يصير ابو فاضل كفيلچ
العساكر لمن تغير. لا يهتم دليلچ
يطي جفوفه الثنين ضمي الونه لحسين
.............................
يزينب من تشوفين ضل حاير عزيزچ
قبلي نحر الحسين. يا بنيتي اريدچ
من امچ وصيه
بيوم الغاضريه
اذا شفتي المنيه. يا زينب قريبه
صدر حسين ضميه
يمه وحيل شميه
دمعچ لا تخليه. وابچي يالغريبه
ابچي بيوم الوداع ما واحد يلومچ
خل يطيح للگاع. ياهو الشاف يومچ
من حگچ تونين ضمي الونه لحسين
بيوم الغاضريه
.........................
بعد يازينب وياچ اريد اختم كلامي
تصير العيله بحماچ. بلغيهم سلامي
وحيده بين هالگوم
عليچ العسكر يحوم
ييمه وهاي الرسوم. يتغير شكلهه
عالشاطي الكمر طاح
وحسينچ بالرماح
لو شفتي الخدر راح بچفوف الكفلهه
يزينب صيري عباس. ليتامچ كفيله
يبنتي ورفعه الراس. اعرفچ يالعقيله
العسكر ما تهابين. ضمي الونه لحسين
بيوم الغاضريه
....................................
ابو منتظر الحريشاوي
نضره فاطمه هذا مجلسج
نضره فاطمه نضره لشيعتج
مولاتي يفاطمه مولاتي مولاتي يفاطمه مولاتي
...........................
الچ مولاتي الچ. حياتي بخدمتچ
اضيعن انا اضيع اذا مو مچلسلچ
انه ذايب بيهه.
خدمتچ شاريهه
الهج بطاريهه.
وآلله اموت عليهه
يزهره وخالقج. يحبچ هالكَلب
عكَب دربچ ابد ولا ماشي بدرب
مولاتي يفاطمه مولاتي مولاتي يفاطمه مولاتي
...........................
جبت هذا العمر الچ ناذر نذر
خلل عندي يصير. اذا ماادك صدر
مجلسچ عنواني
سبحتي وقراني
يمشي وي شرياني
ضايع ودلاني
نعم يافاطمه الف. شكر وحمد
التفت ربي عليّ صرت يمج عبد
مولاتي يفاطمه مولاتي مولاتي يفاطمه مولاتي
.............................
مشت وي الدمه. محبتچ فاطمه
عطشنه وانتي ماي. يكوثر للضمه
ربنا رافع شانچ
رغم عن عدوانچ
بالعرش عنوانچ
مايفوز الخانچ
ننادي فاطمه لو جار الزمن
نلوذ برايتج نصيح ام الحسن
مولاتي يفاطمه مولاتي
مولاتي يفاطمه مولاتي
..........................
وعد هذا وعد يضل وللابد
اعيش بمجلسج ولا انسه العهد
صحوتي وأحلامي
هالعهد كَدامي
شما اعيش ايامي
كولي من خدامي
وحقج يم حسن قسم نقسم نقسم
على مر الزمن نضل يمچ خدم
مولاتي يفاطمه مولاتي مولاتي يفاطمه مولاتي
............................
ينعمه من السمه. الماشافچ عمه
بضعه من النبي. شغلاتچ فاطمه
كل عمرنه وياهه
النه ربنا انطاهه
فاطمه ونهواهه
ساعه ما نناسه
بخدمتهه نضل. شما طال العمر
مجلس فاطمه. هذا اكبر فخر
مولاتي يفاطمه مولاتي. مولاتي يفاطمه مولاتي
.............................
ابو منتظر الحريشاوي
يمه يمه فدوه فكي عيونچ
يمه يمه جابوبيني شلونچ
دمعي تارس عيني يمه بس حاچيني
يمه يمه. يمه يمه
.................................
حايره يايمه ضل بالي عليج
لو سمعتي صوتي حركيلي اديج
بروحي يمه لويصح انه اشتريج
يالحنينه هالكَلب سالفته بيچ
يمه كَولي وين چنچ رايحه
يمه كَولي. لياهو اقره الفاتحه
هم متت شوفيني يمه بس حاچيني
يمه يمه. يمه يمه
...............................
اكبالي اشوف مدده ومطروحه
وانه كَلبي يمه زايد نوحه
اليفاركَه امه لاكَه اجروحه
بلا حضنهه كونه يدفن روحه
يبقه عايش. يحلم بملكَاهه
يبقه عايش وميت بفركاهه
امي شمعه عيني فدوه بس حاجيني
يمه يمه. يمه يمه
..............................
انه زينب يم حسن شوفيني
يمج ابجي ودمعي تارس عيني
عليچ اسوم المصطفى حاچيني
ليش يمه بغربتي تعوفيني
ذاك ابونه حيدر يصب الدمع
ذاك ابونه. يمه أصبح منفجع
منكسر صدكَيني. يمه بس حاچيني
يمه يمه. يمه يمه
...........................
فدوه احچي كَولي يمه شلونچ
ليش اصفر فجأه صاير لونچ
يبقه غربه هالعمر من دونچ
ما أريده اخلاف شوف عيونچ
يالحنينه وياچ يمه اخذيني
يالحنينه. فراكَج يأاذيني
وحدي لاتخليني. فدوة بس حاچيني
يمه يمه. يمه يمه
.............................
يالحنينه المن حنانچ ما رويت
ضاع يحبيه دلالي وايسيت
ابيتي شلكَه كون فاطم مالكَيت
اسمه وحشه ومايضل عنوانه بيت
وحشه يمه الدار صار خلافچ
وحشه يمه يبجي من ما شافچ
لو سمعتي ونيني. فدوه بس حاچيني
يمه يمه يمه يمه
..........................
ابو منتظر الحريشاوي
رايح ياطه مخليني لوحدي
رايح. غيرك يابو الزهرة شعندي
يطه المصطفى. غريب المرتضى
رايح. رايح
......................
بچت عيني لوداعك يانبي الرحمه
علي شيبقه بعلي لو طه مو يمه
بعد نورك احس بالدنيا شو ظلمه
المصايب والمأسي بروحي ملتمه
رايح رايح بس تاركني بهمي
رايح يابوي وياخوي وعمي
دمع عيني جره غريب المرتضى
رايح رايح
...........................
يبو الزهره وغلاتك شو نفذ صبري
مو كبرك احس انه نحفر كبري
نشفت روحي كلش واختلف أمري
ولاچني علي وشبيه ما ادري
طايح ومچلب بالگوه بروحي
طايح مجروح وتاذيني جروحي
انكسر شو حيدره. غريب المرتضى
رايح رايح
.......................
محمد يامحمد اصرخ بعبره
والدفن خليله چن دفن عمره
تره المكسوره روحه مو سهل جبره
يعيش المن بعد ياولد الزهره
ضايع ويتلفت ويتاني احبابه
ضايع كلبه يطيح بدكَه بابه
دره شخصك دره. غريب المرتضى
رايح رايح
.......................
كضيناه سوه هالدنيا عشناهه
كل خطوه جدم رفكَه كضيناهه
محمد وي على والعرس محلاهه
وحتى اللكَمه ياطه جسمناهه
اذكر صدك مانساهه العشره
اذكر بالدم عايش يابو الزهره
الحزن بيه سره. غريب المرتضى
.......................
يساكن بالكلب لاتمشي تانيني
اموت بفركَتك ويذبلن سنيني
اذا تنشدني فاطم ياضوه عيني
شكَلهه يامحمد بله حاجيني
ويلي شيصبر بنتك بغيابك
ويلي ماتسمع ونتهه ببابك
شمع فاطم طفه. غريب المرتضى
رايح رايح
.....................
ابو منتظر الحريشاوي
يا صاحب الجود ياراعي العلم
اكعد يعباس واتلگه الحرم
...............................
اگعد يسلوة مهجتي
رديت الك من غربتي
مشتاگه عباس شكثر
وحشه بغيابك دنيتي
بالگوه خلص هالدرب
ولشوفتك حن الگلب
اتلگه زينب هل اجت
لاتبقه نايم على الترب
بزينب شصار هم عندك علم
اكعد يعباس واتلگه الحرم
...............................
اگعد يسبع الگنطره
الشامت حرگ گلبي تره
كلما صحت يا ابا الفضل
ويگلي ذاك على الثره
ترضاهه زينب تنسبي
ويحدي بضعنهه الأجنبي
دولبني ياخويه الوكت
صعدت هزل بت النبي
ما ادري يا اخوي احمل ياهضم
اكعد يعباس واتلگه الحرم
...............................
فرونه من كتر الكتر
بس روسكم جانت ستر
كسر العظم يسهل تره
شيجبره گلب المنكسر
عباس تسمع لوصحت
للسوگ اطب بياوكت ؟
ماچانت ابالي ابد
ميته انه كون ولاعشت
وعيون الاجناب كل نضرة بسهم
اكعد يعباس واتلگه الحرم
...............................
ها بالجبتني مدللة
بهيبه ودخلت لكربله
وحدي اضل ما حسبت
واتحير بهل العايله
للوطن تصعب ردتي
لا كافلي ولا رايتي
وللناس شنطي ياعذر
لو ناشدو وين اخوتي
باصرني بهاي ياراعي الشيم
اكعد يعباس واتلگه الحرم
...............................
اگعد يمن تسوه العتب
عافيني عباس شعجب
مو طبعك تشح بالوفه
يا صافي واصفه من الذهب
معذور اعرفك ماتشح
بالغيره شبعت الرمح
مكطوع راسك من نزف
مو دم نزف خوه وملح
بالخوه محلاك ويمعلم الزلم
اكعد يعباس واتلگه الحرم
...............................
✍️ابو منتظر الحريشاوي
همن چدمتچ بله يالنوگ
تدرنه کلش يذبح الشوگ
وصلني فدوه لأحباب گلبي
..............................................
همن جدم گلبي محتام
كل لحظه تمرگ بيه الف عام
شوگي ذبحني وعيني متنام
تبچي عليهم ضيعوني
الفارگ عشيرة بدنيته يحير
مشتاگ گلبي وروحي شتصير
چا كون عدهه جناح واطير
وتروح يم الفارگوني
يانوگ شو چنه الدرب طال خلصان روحي وضلت وشال
وصلني فدوه لأحباب گلبي
..............................................
رحمن دليلي وامشن بساع
اتشوفنه دمعي التارس الگاع
حزني وعذابي بسفرتي متاع
وكل ساع اكولن ها وصلنه
ما مر على عيوني البعد دوم
انا وعزيزي حسين چن توم
ما فاركيته اذكر ولا يوم
طيور بس تالي افتركنه
اثنين عشنه چن حمامات اتفركنه هسه ويا حرامات
وصلني فدوه لأحباب گلبي
..............................................
يانوگ طگ گلبي على ال حنان
هذا الهجر بال ما ماچان
ميته انا روحي تريد دفان
چا ضلتي شستوه بلاهم
چانو ضواي وچانو عيون
مثل هوه عليه يسيرون
راحو بعد وبحالتي شلون
الموت ارحم من چفاهم
بعيوني صارت وحشه الدروب شيسوي بيه بجيته الغروب
وصلني فدوه لأحباب گلبي
..............................................
يانوگ ادريچن حنينات
حنن على حال الغريبات
طالت عليهن هالمسافات
ضل يدوي چانون بگلبهن
المحد گبل شافلهن خيال
طلعن سبايا بغير كفال
مربوط اديهن وسفه بحبال
وضل يحدي جتال بضعهن
ضعن الفواطم هذا يانوگ مردت گلبهن طبت السوگ
وصلني فدوه لأحباب گلبي
..............................................
✍️ ابو منتظر الحريشاوي