Allaev Uz

11 January 2026 13:31

Канални доимий кузатадиганлар яхши билади, Эрондаги воқеаларни яқиндан кузатиб бораман. Олдин ҳам бир нечта бу мавзуда пост ёзганман. Мамлакат ҳар тарафдан ман учун қизиқарли бўлиб келган.
Айни дамда у ерда яна йирик намойишлар авж олди. Вазият бўйича тарқалаётган тахминлар эса турлича: реалликка яқин сценарийлар ҳам, фантастикага ўхшаш башоратлар ҳам етарлича.

Бугун, 11 январь ҳолатига кўра вазиятга совуққонлик билан қарасак, айрим блогерлар ёзаётганидек муллалар режими бугун-эрта қулаши ҳақиқатдан бироз йироқ.

Аммо бу сафарги тўлқин 2022 йилги "Аёл, Ҳаёт, Озодлик" ҳаракатидан тубдан фарқ қилади. Агар ўшанда одамлар ғурур ва эркинлик учун чиққан бўлса, 2026 йилда улар "нон ва тирикчилик" учун кўчага чиқмоқда. Иқтисодий сабаблар (50-60% инфляция, пулнинг қадрсизланиши) ҳар доим инқилоблар учун кучлироқ катализатор бўлган, чунки одамларда йўқотадиган ҳеч нарса қолмади. Оддий халқ учун музлатгич газетадан ёки ҳуқуқдан муҳимроқ бўлиб келган.

Мани таҳминимча, ҳукумат катта эҳтимол билан назоратни сақлаб қолади. Асосий ҳарбир гуруҳлар, Инқилоб қўриқчилари корпуси (КСИР) ва "Басиж" кучлари ҳали ҳам тизимга содиқ. Улар намойишчиларга қарши ўқотар қурол ишлатишга тайёр эканини кўрсатди. 8 январдан бутун мамлакатда интернет ўчирилди (Илон Маскнинг Starlink’и қисман ёрдам бермоқда, лекин бу етарли эмас). Режим қисқа муддатда (5-7 кун) вазиятни қонли йўл билан бостиришга уринади.

Энг муҳим фактор — ҳарбийлар. Режим учун энг ёмон туш — бу хавфсизлик кучларининг бўлинишидир. 1979 йилги инқилобда айнан армиянинг халқ томонига ўтиши ҳал қилувчи бўлган эди. Ҳозир ҳам буйруқни бажармаслик ҳолатлари борлиги ҳақида хабарлар юрибди, агар бу оммалашса — режимнинг қулаши тезлашади.

Агар марказий ҳукумат назоратни йўқотса-ю, лекин таслим бўлмаса, чегара ҳудудларида (курдлар, балужлар) қуролли тўқнашувлар бошланиб, Сурия ёки Ливия сценарийси такрорланиши мумкин. Эронда узоқ давомли фуқаролик уруши эҳтимоли йўқ эмас. Лекин, ҳозирча бу сценарийдан узоқдамиз.

Айримлар, демократия ўрнатилиб, Паҳлавий қайтишига жуда ишонмоқда. Режим қулаб, дарҳол демократия ўрнатилиши ёки Ризо Паҳлавийнинг қайтиши — ҳозирча жуда оптимистик ва реалликдан узоқ прогноз. Ҳатто демократик сайлов бўлган тақдирда ҳам ҳокимият Реза Паҳлавийга тегиши анча қийин.

Бир нарса аниқ, Эрон ҳукумати ўз тарихидаги энг заиф нуқтада турибди. Агар намойишлар яна 1-2 ҳафтага чўзилса ва Эрон сиёсатида муҳим куч бўлган "Бозор" (савдогарлар синфи) иш ташлашни давом эттирса, бу Ислом Республикасининг интиҳоси бўлиши мумкин.

Лекин асосий калит барибир хавфсизлик кучларининг қўлида. Яқин кунларда уларнинг садоқати ёки бўлиниши кўп нарсани ҳал қилади.

АҚШ, Исроил ёки Хитой вазиятни ҳал қилади деган таҳминларни ҳам ўқидим. Эрон минтақанинг қудратли мамлакатларидан бири, унда улкан сиёсий маданият, сиёсий элита, сиёсий кучлар, турли гуруҳлар, ўзига мустаҳкам тизим мавжуд. Халқаро таъсирни пастга урмаган ҳолатда, Эрондаги вазиятни халқаро кучлар ҳал қилишига ман ишонмайман.
Ҳозирги вазиятда ҳаммасидан тўйган халқ, кучли режим ва уларнинг орасида режимга содиқ ҳарбир гуруҳлар бор. Ҳарбий гуруҳлар бўлинмас ёки халқ томонга ўтмас экан, ҳукумат қулашидан анча узоқда қолаверишади. Яқин 5-7 кунда ҳукумат қуламаса, намойишлар чарчаб бошлайди. Белоруссиядаги бир неча йил олдинги намойишлар ёки Эрондаги олдинги намойишлар каби секин пасайиш бўлади. Ҳукумат бўлса алоҳида қирғинлар билан вазиятни назоратга олишга ҳаракат қилади.

Яна бир марта айтаман, бугунги ҳолат билан қараса режимнинг қулаши сценарийси ҳақиқатдан анча узоқ. Оммавий намойишлар ва уларни қонли бостириш бундан олдин ҳам бўлган ва ҳар сафар ҳукумат вазиятни назоратга олишга эришган. Хуллас, кузатишда давом этамиз.

#eron #siyosat

Allaev Uz

11 January 2026 07:31

Сизни кузатиш учун рухсат сўраб ўтиришмайди — бу қулайликми, қулликми?

Шахсий ҳаётингизни, сирларингизни адолатли инсонга ишонган бўлармидингиз? Айтайлик, ижтимоий тармоқлар, сиздаги қурилмалар, фойдаланаётган дастурларингиз яхши одамларнинг қўлида деб ўйлайсизми? Агар пардалар ортида “ёмон амакилар” турган бўлса-чи? Бугун биз “5 дақиқа”да Ден Брауннинг “Рақамли қалъа” романи ҳақида гаплашамиз.

📹 ВИДЕОНИ ТОМОША ҚИЛИНГ

Allaev Uz

10 January 2026 07:49

2028 йилгача электромобиллар учун қувватлаш станциялари ва уларнинг қисмлари импорти божхона божидан озод этилибди.

Бу мамлакатда кундан-кунга ўсиб бораётган электромобиллар атрофида бизнес яратиш учун аниқ сигнал ва имконият: кейинги икки йилда мамлакатни "зарядка"лар билан тўлдириш учун йўл очиқ.

Лекин иш фақат божхонада тўхтаб қолмаслиги керак. Станцияни олиб келиш осонлашиб, уни ўрнатиш ҳали ҳам машаққат бўлиб қолса, натижа бўлмайди. Соҳа чинакамига ўсиши, инфраструктура талабдан кечикмаслиги учун ер ажратиш, кадастр ҳужжатлари ва электр тармоғига уланишдаги бюрократик тўсиқларни ҳам максимал даражада соддалаштириш ва тизимлаштириш зарур.

Электромобиллар сони геометрик прогрессияда ўсмоқда, инфратузилма эса бунга улгуриши шарт. Ўзбекистон минтақада бу борада лидерликни қўлга олиши учун фақат имтиёз эмас, балки техник ва маъмурий қулайлик ҳам керак.

#biznes #elektromobil #import

Allaev Uz

08 January 2026 17:29

Энди хариталарда бизнес юритиш янада осонлашди.

📍 Yandex Maps’да тадбиркорлар компания профилини тўғридан-тўғри телефон орқали яратиш ва таҳрирлашлари мумкин: манзил, контактлар, иш жадвали ва фото видео материалларни янгилаш, шунингдек, мижозлар изоҳларига жавоб бериш.

Агар профил аллақачон мавжуд бўлса, уни бошқариш ҳуқуқини СМС ёки видео верификация орқали олиш мумкин. Долзарб профиллар «Эгаси томонидан тасдиқланган» белгиси билан ажратилади.

👉 2025 йил давомида Ўзбекистонда тасдиқланган ташкилотлар сони икки баробарга ошди. Бу хариталар мижозларни жалб қилишда асосий воситалардан бирига айланаётганидан далолат беради.


#yandex #business

Allaev Uz

07 January 2026 12:07

АҚШ доллари расмий курси 12 033,28 сўмгача (+64,69 ) кўтарилди.

#kurs
@allaevuzb

Allaev Uz

06 January 2026 14:18

АҚШ доллари расмий курси 11 968,59 сўмгача (+16,35 ) кўтарилди.

#kurs
@allaevuzb

Allaev Uz

05 January 2026 09:56

Ман ҳам овора бўлиб алоҳида пост ёзиб ўтирмай. Тоғо тўғри айтмоқдалар.

#facebook #hujjat

Allaev Uz

01 January 2026 11:05

Янги йил боши — "компас"ни тўғрилаб олиш учун энг яхши пайт.

Шу кунларда бизнесингиз стратегиясини қайта кўриб чиқишни тавсия қиламан. Агар буни жамоа билан қилиб билсангиз янада яхши.
Биз ўзи нима учун бормиз? Биз ўзи кимга керакмиз? Биз қаерга кетяпмиз? Танлаган йўлимиз манзилга олиб борадими? Ресурсларимизни энг муҳим нуқталарга тика олдикми? Мақсадга эришиш учун бизга нималар керак?

Йўналиш аниқ бўлмаса, ҳар қанча қаттиқ ишламанг, натижа бўлмайди. Ақлли бизнес шунчаки оқим бўйлаб сузмайди, оқимни ўзи бошқарадиган харитани чизиб олади.

Компания стратегияси — бу қалин жилдли зерикарли ҳужжат ёки бизнес-план эмас.

Базавий даражада бу жуда оддий формула: Нимага эришмоқчимиз ва буни қандай амалга оширамиз?

Бизнес тилида айтганда, стратегия — бу танлов ва реакциялар йиғиндисидир. Бу — чекланган ресурсларни (пул, вақт, жамоа салоҳиятини) қаерга йўналтириш ва энг муҳими, нималардан воз кечиш санъати. Чунки ҳамма нарсага бир вақтда улгуришнинг иложи йўқ. Компаниянинг устуворликлари, бозордаги имконият ёки таҳдидларга қайтарадиган жавоби — мана шулар йиғилиб, сизнинг реал стратегиянигизни шакллантиради.

Шунга асосланиб нима натижага эришиш эмас, нималар қилиш, нималарни ўзгартиришни кўриб чиқсангиз фойдали бўлади.

#biznes #strategiya

Allaev Uz

30 December 2025 14:20

Президент топшириғи билан 8 минг нафардан ортиқ болага 500 долларлик омонат ҳисобрақамлар очилди

17 ёшгача бўлган 8 минг нафардан ортиқ етим ва ота-она қарамоғидан маҳрум бўлган болалар учун омонат депозит ҳисобрақамлари очилиб, ҳар бирига давлат томонидан 500 доллардан маблағ жойлаштирилди. Ушбу маблағлар йилдан йилга капитализация ҳисобига жамғарилиб боради. Бола 18 ёшга тўлгач, ундан фойдаланиш имкониятига эга бўлади.

👉 https://kun.uz/kr/89431338

Kun.uz расмий канали

Allaev Uz

30 December 2025 12:12

АҚШ доллари расмий курси 12 004,41 сўмгача (-20,92 ) пастлади

#kurs
@allaevuzb

Allaev Uz

30 December 2025 09:42

Кўринишидан 2026 йил смартфонлар бозорида "Батареялар йили" бўлади.

Бир неча йил давомида компаниялар "кимнинг телефони ингичкароқ?" деб пойга ўйнашди. Натижада биз чиройли, лекин ярим кунга етмай ўчадиган смартфонларни кўрдик.

Энди тренд ўзгарди. 2026 йилга бориб, 7000, 8000 мАс ва ҳатто ундан юқори сиғимли батареялар янги нормалга айланиши кутилмоқда.

Аввало бу илм-фаннинг ютуғи. Янги авлод кремний-углерод (Si/C) технологияси эвазига батарея ўлчами катташмасдан, унинг сиғимини ошириш имкони пайдо бўлди. Яъни телефон ғиштдек оғир бўлиб қолмайди, лекин қуввати анчага етади. Бу технологияни ўзлаштириш бўйича Хитой мутлақ чемпион!

2025 йилда бозорда илк 8000 мАс аккумуляторли смартфонлар пайдо бўлди. Асосан, OnePlus ва Honor бу борада чемпион. Honor 8300 мАс батареяси бор Honor X9D моделини икки ой олдин ҳатто Ўзбекистон бозорида сотувга чиқарди.

5 январь куни тақдим қилинадиган Honor Power 2 да 10080 мАс батарея бўлиши айтилмоқда. OnePlus, Oppo ва Vivo дан яна бир неча моделлар яқин 3 ойда тақдим этилади.
Ва замонавий технология эвазига бу смартфонларнинг қалинлиги одатдаги iPhone ёки Samsung дан ошмайди.

#smartfon #innovatsiya

Allaev Uz

29 December 2025 12:14

АҚШ доллари расмий курси 12 025,33 сўмгача (-31,99 ) пастлади

#kurs
@allaevuzb

Allaev Uz

29 December 2025 10:38

"Siyosatchilar “Amazon”ni kichik oilaviy bizneslarni yo‘q qilishda ayblamoqda va ularning gapida jon bor. Sara tovarlar-u betakror xizmatlar, arzon narxlar yoki tezkor yetkazib berishni taklif etolmaydigan kichik do‘konlarni “Amazon” yanchib tashlamoqda va bu holat davom etadi. Lekin boshqa tomondan bu korporatsiya startaplarga poydevor yaratyapti. 2019-yilda 130 mamlakatdagi millionlab kichik korxonalar (AQSHning o‘zidan bir million firma) mahsulotlarini “Amazon” orqali sotgan. Bu “Amazon” platformasidagi mahsulotlarning 58 foizini tashkil etadi. “Amazon” ma’lumotlariga ko‘ra, 2018-yilda bunday savdo ortidan kichik biznes dunyo
bo‘ylab 1.6 million ish o‘rni yaratgan. Kichik korxonalar uchun afzalliklar bu bilan cheklanmaydi. Masalan, “AWS” bulutli hisoblash xizmati tadbirkorlarni qulay narxda korporativ kompyuter tizimlari bilan ta’minlamoqda. Aleksaning sun’iy intellektga ega ovozli dasturi esa ilova va aqlli qurilma ishlab chiqaruvchilari uchun katta imkoniyatlar taqdim etdi."

© Bezonomika kitobidan

#bezonomika #kitob #amazon

Allaev Uz

27 December 2025 09:36

"...lekin Bezos hammadan ko‘p “Amazon”ning “yirik kompaniya kasalligi”ga chalinishidan xavotirlanadi. Bunday xastalikka duchor bo‘lgan korxonalarda xodimlar mijozlarga emas, balki o‘zaro munosabatlarga e’tibor qaratadi va muammolarni hal etish o‘rniga ma’muriy boshqaruv muhimroq vazifaga aylanadi"...

©"Bezonomika" kitobidan.

#amazon #biznes #kitob

Allaev Uz

26 December 2025 12:13

АҚШ доллари расмий курси 12 057,32 сўмгача (-21,15) пастлади

#kurs
@allaevuzb

Allaev Uz

11 January 2026 07:39

Яқиндагина Ўзбекистон бозорига кирган "WB Taxi"нинг раҳбарлигига Тимур Алиев тайинланибди. У бундан олдин Yandex Go’ни ривожлантирган эди. Бу тайинлов бозордаги қизиқ бир тенденцияни ва айни пайтда катта оғриқни яққол кўрсатади.

Бугунги кунда Ўзбекистонда тизимли стратегия асосида ишлайдиган ва энг муҳими — маҳаллий муҳитни ипидан-игнасигача биладиган профессионал менежерлар етишмовчилиги бор.

Четдан катта маошга олиб келинган "экспат"лар кўпинча маҳаллий менталитет ва реал вазиятни тушунмагани сабабли кутилган самарани бермаяпти. Назария бор, лекин "ўзбекча реаллик"ка келганда тизим ишламай қолади.

Шу сабабли йирик компаниялар, банклар ва холдинглар ўртасида айни бир хил кадрларнинг айланиши кузатилади. Бозорда тайёр ва сифатли бошқарувчилар шу қадар камки, улар қўлма-қўл бўлиб, у компаниядан бунисига кўчиб юрибди.

Бу муаммо фақат хусусий секторда эмас, давлат бошқарувида ҳам яққол сезилади. Менежмент соҳасидаги бу дефицит — бизнесимиз ривожига тўсиқ бўлаётган асосий омиллардан биридир.


#biznes #menejment #hr

Allaev Uz

10 January 2026 11:40

“Facebook”, “Instagram” va “Twitter” singari ijtimoiy tarmoqlar ijtimoiy hamda psixologik muammolarni keltirib chiqarishi mumkin, lekin “Amazon” ulardan qolishmaydi: u nazorat qilib bo‘lmaydigan xarid ishtiyoqini kuchaytiradi. “Amazon” shunchalik jozibadorki, ba’zilar qaramlik doirasiga tushib, dahshatli moliyaviy oqibatlar bilan yuzlanadi. Sotib olish tugmasini bosishdan zavq “Facebook” yoki
“Instagram”dagi e’tirof quvonchi bilan tengdir. Ammo layk o‘rniga bir-ikki kunda o‘zingiz istagan narsa keladi. Bu tug‘ilgan kun yoki boshqa bayramda sovg‘a olishga o‘xshaydi. Shunday qilib, xaridorlar ikki marta dofamin oladi: xarid qiish tugmasini bosganida va buyurtma keltirilib, eshik qo‘ng‘irog‘i jiringlaganida...

© "Bezonomika" kitobida shoppingga qaramlik va amazon undan qanday foydalanishi haqida


#bezonomika #biznes #shopping

Allaev Uz

09 January 2026 12:42

АҚШ доллари расмий курси 12 131,55 сўмгача (+22,53 ) кўтарилди.

#kurs
@allaevuzb

Allaev Uz

08 January 2026 07:16

2025 йил инвесторлар учун қандай бўлди?

2 йилдан бери Ўзбекистондаги инвесторлар учун йил якуни қилиб келяпмиз. Анъанага содиқ қолиб, келинг 2025 йилни ҳам сарҳисоб қиламиз.

(Огоҳлантириш: пост анчагина узун, бир пиёла чой устида ўқиш тавсия қилинади)

🏠Кўчмас мулк

2023 йилда Ўзбекистонда кўчмас мулк нархлари сезиларли ошганди. Пандемиядан кейин уй сотиб олишга эҳтиёж кўпайиши ва россиялик релокантларнинг келиши ортидан уй жойга катта талаб юзага келганди.

2024 йилда бозор анча совуди ва бу ҳолат 2025 йилда ҳам давом этди.

Сентябр ойи якунларига кўра, мамлакат бўйича янги уйлар нархи сўмда йиллик 2,4 фоизга, долларда эса 5,5 фоизга ошди. Эски уйлар нархи сўмда 1,8 фоизга, долларда эса 5 фоизга кўтарилди.

Бу рақамлар 2025 йил учун анчагина камтарона. 2023 йилларда йиллик ўсиш 30 фоиздан ошиқ эди.

Умуман олганда келгуси йилларда кўчмас мулк бозорида кескин ўзгаришлар бўлиши кутилмаяпти. Нархлар ҳар йили барқарор ўсиб борса керак.

💳Омонатлар

Омонатлар учун 2025 йил анча оғир бошланди. Йил бошида банк омонатларининг максимал фоиз ставкаси дастлаб 26 фоизга, кейин эса 23 фоизгача пасайтирилди.

Бу эса ўртача очилган омонатларнинг фоиз ставкасига таъсир қилди. 10 ойда бу кўрсаткич 22,1 фоиздан 21 фоизга тушиб кетди.

2024 йилда 27 фоизли омонатлар таклифи кўплиги сабаб ўртача омонатларнинг фоизи 21,3 фоиздан 22,1 фоизгача кўтарилганди.

Шунга қарамай, инфляция (7,3 фоиз) ва инфляцион кутилмаларнинг пасайиши ортидан омонатларнинг реал фоиз ставкаси ўсишда давом этмоқда. Бу кўрсаткич 8,5 фоизгача кўтарилиб, рекорд даражага етган.

2026 йилда инфляция 6,5 фоиз атрофида бўлиши кутилаётгани инобатга олинса, жорий йилда ҳам омонатларнинг самарадорлигини кўрсатувчи реал фоиз ставкаси ўсишда давом этади.

💰Олтин

2024 йилда олтин учун йил жуда омадли бўлгани, олтин ва рекорд сўзлари каналда бир неча марта каналда ёнма-ён келгани ҳақида ёзгандик.

2025 йил ундан аввалги йилдан ҳам ўтиб тушди. Йил давомида олтин нархи тарихий рекордларни янгилаб, кўпчиликни ҳайрон қолдирди.

Олтин ўсиши 70 фоиздан кўпроқ бўлди. Бу эса 2025 йилни олтин учун сўнгги 50 йилдаги энг ёрқин йилга айлантирди.

Табиийки, олтин қуймалари нархи ҳам кескин ошди. Январда 100 гр кўринишидаги янги олтин қуймалар 116,6 млн сўмдан сотувга чиқарилганди. Декабр ойида нарх қарийб 180 млн сўмга етди.

Таҳлилчилар 2026 йилда ҳам олтин ўсишда давом этишини кутмоқда. Бироқ олтинга қисқа муддатда эмас, узоқ муддатда тўғри инвестицион қарор қаралади.

🕯Акция ва облигациялар

2025 йил миллий акциялар учун омонатлардан даромадлироқ йил бўлди. Йирик индекслардан бири — Kap Depo йил давомида 24,2 фоизга ўсди.

Алоҳида акцияларда энг катта ўсиш ЎзРТХБ акцияларида кузатилди — дивидендларни ҳисоблаганда 105 фоиз.

Бу борада “Ҳамкорбанк” акциялари 72,8 фоизга ўсиб иккинчи ўринни, “Ўзбектелеком” акциялари 42,7 фоизга ўсиб учинчи ўринни эгаллади.

Шу билан бирга, биржанинг асосий индекси бўлган барча листинг компанияларини ўз ичига олувчи UCI 7,6 фоизга ўсди.

2025 йил — Облигациялар учун ҳам ижобий якунланди. Йиллик 28 фоизгача даромад келтирадиган эмиссиялар бозорда бир неча бор сотилди.

Омонатларнинг максимал фоизи 27 фоиздан 23 фоизгача пасайиши облигациялар жозибадорлигини анчагина оширди.

⌛Бошқа активлар

Криптоактивлар учун 2025 йил жуда оғир ўтди. Ўтган сафар 2024 йилни каналда “криптовалюта йили” деб ёзгандик. Бу йил тескариси бўлди — йил давомида Bitcoin нархи 5 фоизга пасайди.

Кумуш нархи эса олтиндан ҳам кўпроқ ўсди — +150 фоиз. Ўзбекистонда ҳам кумуш заргарлик буюмлари сезиларли қимматлади.

—————————————————————

Шундай қилиб, 2025 йил олтин учун шов-шувли йил бўлди. Акция ва облигацияларга тўғри сармоя қилган инвесторлар омонатларга нисбатан юқорироқ даромад олди.

Бироқ, банк омонатлари ҳали ҳам кафолатланган даромад ва реал фоиз ставкасининг ўсиши ҳисобига ўз жозибадорлигини сақлаб қоляпти.

Қисқача айтганда, 2025 йилда барқарор даромад келтирган инструментлар фойдали бўлди, юқори рискли активлар эса кутилган натижа бермади.

@bankir

Allaev Uz

07 January 2026 09:25

Bugun Asaxiy 11 yoshda!

11 yil — bu shunchaki vaqt emas. Bu ishonch bilan sinov orasidagi yo‘l, xatolar bilan tajriba orasidagi masofa. Taslim bo‘lish oson bo‘lgan, lekin davom etish tanlangan yillar.

11 yil oldin Asaxiy katta rejalardan emas, oddiy bir savoldan boshlangan edi: "O'zbekistonda internet-do'kon ochib, uni rivojlantirish mumkinmi?"

Bu yo‘l silliq bo‘lmadi. Moliyaviy qiyinchiliklar, xatolar, o‘sishdan oldingi turg‘unliklar, karantindagi muammolar... Hammasi bo‘ldi. Lekin bitta narsa o‘zgarmadi: mas’uliyatni bozorga emas, o‘zimizga yuklash qarori.

Bugun Asaxiy — shunchaki savdo platformasi emas. Bu amalda ishlab turganlar orasida O'zbekistonda birinchi ochilgan internet-do'kon, nashriyot, kitob savdosi, Fintex (Nasiya xizmati), viloyatlar bo'ylab do'konlar, aholiga daromad olib keladigan investitsiya loyihasi va bular atrofida butun boshli ekotizim.

Bu yo‘l yolg‘iz bosib o‘tilmadi. Asaxiyning bugungi kuni — jamoamiz, hamkorlarimiz va eng asosiysi, bizga ishongan millionlab insonlarning tanlovidir. Har biringizga samimiy rahmat!

Bizni tanlagan har bir mijoz — bu nafaqat xarid, balki ishonch. Va bu ishonch biz uchun reklama emas, balki mas’uliyatdir.

Kelajak haqida baland va’dalar bermaymiz. Faqat yo‘nalishni aniq bilamiz: biz insonlarning dunyoqarashini o'zgartirish, hayotini osonlashtirish va yaxshi kelajakka undash uchun ishlashda davom etamiz. O‘sish bo‘lsa — shu qadriyatlar bilan bo‘ladi.

11 yil — yakun emas. Bu yo‘lning ongli davomidir. Biz ilk o'zbek internet-do'konidan "aqlli insonlar uchun" ishlaydigan kompaniyaga aylandik.

Millionlab mijozlarimizga Asaxiy bilan birga bo‘lganingiz uchun rahmat deyman!

P.S. Bugun shu sanani nishonlash uchun saytda maxsus chegirmalar, - "Asaxiy Day" davom etmoqda.


#asaxiy #asaxiyday

Allaev Uz

05 January 2026 12:11

АҚШ доллари расмий курси 11 952,24 сўмгача (-52,17 ) пастлади

#kurs
@allaevuzb

Allaev Uz

02 January 2026 09:26

"Shuning uchun Amerikada yashovchi xonadonlarning 51 foizi cherkovga qatnasa-da, “Amazon Prime” obunasi xonadonlarning 52 foizida bor. (2025-yil dekabr oyida bu raqam 81 foizga yetgan)

Ayniqsa, milleniallar va Z avlodning “Amazon”ga hurmati baland. “Max Borges” agentligi so‘rov o‘tkazgan. Unda o‘tgan yili “Amazon”dan elektronika sotib olgan 18 yoshdan 34 yoshgacha bo‘lgan 1108 kishi qatnashgan. Ajablanarlisi, respondentlarning 44 foizi “Amazon”dan bir yil foydalanmaslikdan ko‘ra bir yilga jinsiy aloqadan, 77 foizi esa spirtli ichimliklardan voz kechishni afzal ko‘rar ekan..."

© "Bezonomika" kitobidan Amazonning ko'lami haqida

#bezonomika #biznes #amazon

Allaev Uz

30 December 2025 19:35

Бизнесда йилни ёпиб олдик, энди бемалол "палсапа" ўқиса бўлади:

Ақл (интеллект) ва билим ўртасида фарқ бор. Интеллект — бу шунчаки қуруқ билимлар йиғиндиси эмас.
Кўпчилик дунёдаги ҳамма мамлакатларнинг пойтахтию, қайси ёзувчи қайси асарни ёзганини ёки E=mc2 формуласини билса, ўшани "ақлли" деб ҳисоблайди. Йўқ, бу ақл эмас, бу билим ёки хотира. Энциклопедияда ҳам ҳамма маълумот бор, лекин у фикрлай олмайди.

Ҳақиқий ақл — бу ҳаётда тўғри ориентир ола билиш, вазиятларда ечим ва қарор бераолиш қобилиятидир. Биз атрофимизда дипломи "қизил", боши тўла назария, лекин оддий ҳаётий муаммолар олдида довдираб қоладиган "билимдон"ларни кўп кўрамиз. Аксинча, балки академик даражаси йўқдир, лекин билганидан келиб чиқиб вазиятни тўғри баҳолайдиган, ўзгаришларга мослаша оладиган ва ўз йўлини топадиганлар, ҳам ўз ҳаётини, ҳам бошқалар ҳаётини енгиллаштирадиганлар бор. Мана шу — ҳақиқий интеллект.

Билим — чўнтакдаги харита холос. Ақл эса — ўша харитага қараб манзилни адашмай топа олиш маҳорати. Агар билимларингиз сизга яхшироқ яшашга, тўғри қарор қабул қилишга хизмат қилмаса, у шунчаки миядаги кераксиз юк ёки қайсидир интеллектуал ўйинда, крассворд ечишда керак бўладиган кўникмадир.

Идеал ҳолатда, миядаги билим ҳаётда яхшироқ ҳаракатланиш учун кўмакчи бўлади. Ҳаётда яхшироқ ҳаракатланиш бўлса айнан интеллектдир.


#mulohaza

Allaev Uz

30 December 2025 13:27

Йил ёпаётган тадбиркор дўстларимизга эслатма, банк куни 19:00 гача узайтирилди.

UPD: 20 - 00гача!


#bank #biznes #hamdardlik

Allaev Uz

30 December 2025 10:13

"Ella har tong Aleksaga qahva tayyorlashni buyurib,* ob-havo-ni so‘raydi, oqshom esa u orqali “Whole Foods”dan oziq-ovqat buyurtma qiladi. Ella 26 yoshda va dunyoni “Amazon”siz tasavvur qilolmaydi. Universitetda o‘qiganida u barcha darsliklarni “Amazon”dan sotib olgan va o‘qish tugagach shu sayt orqali ularni sotib yuborgan. U 18 yoshidan buyon “Amazon Prime”ga a’zo bo‘lsa-da, haligacha ostonasiga kelgan ­ “Amazon” jo‘natmasini ko‘rganida quvonchi ichiga sig‘may ketadi. Nonushtadan keyin Ella metroda ofisga boradi. U ishi uchun “Bluetooth” klaviaturasini sotib olishi kerak – shubhasiz, eng yaxshilari “Amazon”da. Sichqonchani ikki marta bossa, bu mahsulot ertaga uning stolida turadi yoki shoshilinch bo‘lsa, bugunoq yetkazilishi ham mumkin. Ella o‘z kompaniyasining muhim fayl nusxalarini “Amazon Web Services” bulutiga saqlaydi, “Amazon Lending” taklif etgan kichik biznes
kreditlarini ko‘rib chiqadi, so‘ngra jamoani to‘plab, startapi uchun navbatdagi g‘oyani muhokama qiladi. G‘oya – “Amazon” saytida yangi mahsulotni sotuvga qo‘yish. Uyga qaytayotganida Ella yegulik olish uchun sotuvchisiz “Amazon Go” do‘koniga kiradi va chiqayotganida sensor hamda kameralar to‘lov summasini uning “Amazon” hisobidan avtomatik yechib oladi. Qiz uyga qaytib, Aleksadan kechki ovqat uchun
retsept so‘raydi. Ovqatlangandan so‘ng unga televizorda “Ajoyib Meysel xonim” (“The Marvelous Mrs. Maisel”) serialini qo‘yishni buyuradi. Bu – “Amazon Prime Video”da ko‘p ko‘riladigan serial. Keyin esa Ella “Kindle”da kitob o‘qib, uxlab qoladi..."

©Ekotizimlar nimaga intilishi haqida "Bezonomika" kitobidan.

#amazon #bezonomika #biznes

Allaev Uz

29 December 2025 12:26

Tabriklasanglar bo'ladi, Asaxiy ekotizimimizdagi eng yosh loyihamiz Asaxiy Invest 5 million AQSH dollari baholash bilan Imkon Ventures dan investitsiya jalb qildi.

Asaxiy Invest startapini Asaxiy faoliyatiga (Nasiya, yangi do'konlar) jismoniy shaxslardan investitsiya jalb qilish uchun yaratgan edik. Bu loyiha odamlarimizga Asaxiy Invest app orqali qadriyatlarga mos tarzda qonuniy investitsiya qilish va yiliga 23-25 foiz atrofida daromad qilish imkonini beradi.

Imkon Ventures investor sifatida emas, aynan platformani o'zini rivojlantirish uchun sherik sifatida investitsiya kiritdi.

Jalb qilingan mablag‘lar quyidagi yo‘nalishlarga yo‘naltiriladi:

• Asaxiy Invest’ning texnologik infratuzilmasini mustahkamlash,

• raqamli platforma imkoniyatlarini kengaytirish,

• O‘zbekistonning rivojlanib borayotgan me’yoriy-huquqiy muhitiga mos innovatsion moliyaviy mahsulotlarni keng miqyosda joriy etish.


Xullas, yilni o'zimiz uchun yana bir yutuq va mas'uliyat bilan yopadigan bo'ldik.

#investitsiya #startap #asaxiy

Allaev Uz

29 December 2025 11:32

Қиммат соат тақадиганларда бир муаммо бор: бир томондан статус белгиси бўлган қимматбаҳо механик соат (Rolex, Omega), иккинчи томондан соғлиқ ва билдиришномалар учун смарт соат ёки браслет. Икки қўлга иккита соат тақиш бўлса жуда ғалаба кўринади. Лекин, бир қўлда браслет, бир қўлда соат таққан тадбиркорларни кўп кўряпман.

Французларнинг Smartlet стартапи шунга оддий ечим топибди. Улар смарт соатлар учун махсус тасма (ремешок) ишлаб чиқишган. Бу тасма ёрдамида ақлли соатни билакнинг ички томонига яширинча тақиш ёки уни механик соатнинг қисқичига айлантириш мумкин.

Ремешок нархи 418 $ баҳоланган. У Apple Watch, Samsung Galaxy Watch, яна Garmin, Whoop каби халқаро брендларга тушади. Инновация доим ҳам янги микрочип ихтиро қилиш дегани эмас. Баъзан у шунчаки мавжуд технологияни ҳаёт тарзимизга қулайроқ қилишдир.

Маҳсулот албатта классик соатларни қадрлайдиган премиум аудиторияга мўлжалланган.

#biznes #startap #smartwatch

Allaev Uz

29 December 2025 09:02

Рақибга ҳурмат — савия масаласи.

Тадбиркорликдаги хатолардан бири — рақибни менсимаслик ёки унга паст назар билан қарашдир. "Улар ким бўлибди?" деган кибр кўзни кўр қилади ва ҳушёрликни йўқотади.

Бизнес этикасида рақобатчини ҳурмат қилиш — бу унга тасанно айтиш эмас, балки унинг борлигини тан олиб, совуққонлик билан таҳлил қилишдир.

Ҳис-туйғуга берилмасдан, рақибнинг кучли ва кучсиз томонини ўрганиш бизнесда ривожланиш учун зарур.

Рақибга нисбатан нейтрал ва профессионал муносабатда бўлиш сизни ҳиссий қарорлардан сақлайди. Душманини менсимаган лашкарбоши жангни бой берганидек, рақобатчисини "ерга урган" тадбиркор ҳам эртами-кечми зарар кўрмасдан қолмайди.
Унинг устига шунақа замонда яшамоқдамизки, ҳар қандай рақиб якунда ҳамкор ҳам ҳисобланади. Манфаат тўқнашадиган, бир бирига ёрдам берадиган нуқталар ҳар қандай соҳада топилади.

Рақибни менсимасдан душман деб кўриш ёки уни ҳурмат қилиб ўсиш учун имкон деб кўриш ўзингизга боғлиқ.

#biznes #raqobat #etika

Allaev Uz

27 December 2025 09:16

Жамоамиз китоблар борасида шахсий сарҳисоб қилиш учун ажойиб файл тайёрлашибди. Буни 2026 йил учун ишлатсангиз ҳам бўларкак. Тайёр кундалик.

Бепул, чоп этиб бемалол фойдаланса бўлади.

#kitob #asaxiy

Allaev Uz

26 December 2025 08:38

2026 йил — Маҳаллани ривожлантириш ва жамиятни юксалтириш йили бўларкан.

#yil