870
اللهمَّ صلِ علىٰ مُحمَّد وآل مُحمَّد.. @Makno0on_bot
لا تبخلوا بالكلمةِ الطيّبة؛ فهُناك كلمات تكون أشبه بالبلسم لجراحٍ كثيرة وكبيرة، كأنها تكون مواساةٍ واعتذارٍ لأحزانٍ أحدثها آخرون في قلوبنا ولم يراعوا ارواحنا الرّقيقة، أو ربّما تكون سببٍ لعيش أحدنا وانقاذه من هاوية الهلاك!
Читать полностью…
صباح الخير للّذين يُحاولون مِرارًا وتكرارًا وهُم مُتيقّنون بأنّهم سيصلون يومًا. 💙
Читать полностью…
بِسم الله؛
إمّا بعد لقد مَرّت سنتان ولا زلت بالإنتظار.. 🌱
٢٠١٩/١٠/٤
شايفين الطفل لمن يروح لفد نار أو يلزم فد سكين وهو ميعرف انو هالشيء راح يأذيه، فيجون الأهل او اللي أكبر منه يمنعوا ويبعدوا عن هالاشياء لأنها تضره!
وهو يبقى يبچي ويصرخ لأن ببساطة ميعرف شنو يعني "راح يتأذى بسببهن!"
فنفس الشي بالضبط لطلّاب السّادس اللي رب العالمين اختارلهم طريق غير اللي چانوا يردوه لأن الطريق اللي رادوه "راح يأذيهم! "
فدائمًا اشكروا الله علىٰ كل شيء يصير وياكم سواء تحقق الشي اللي ردتوا أو متحقق وتذكروا أختيار الله هو الأحسن والافضل دائمًا لأن هو يعرفنا كلش زين ويعرف مدى قابليتنا وقدرتنا وطاقتنا فلذلك لا تخسرون ثقتكم برب العالمين وابقوا دائماً متوكلين عليه وتيقّنوا انو الله يحبكم ويعرف شنو الأحسن الكم أكثر من انفسكم بملايين المرات.. لأن ببساطة احنه منعرف شنو اللي راح يواجهنا بالمستقبل وشگد راح نخسر لو فقدنا ثقتنا بالله بسبب اختصاص ردناه ..
والف مبارك للكل سواء اللي طلّعوا اللي رادوا أو للناس اللي الله اختارلهم مكانهم. 💙
أن تكُنْ حُسَينيًّا فهذا يعني انّك تعيش كما عاشَ الحُسَين وتتخلّق بأخلاقه وتكُن مُجاهدٌ ، مُدافع عن الدين والعقيدة، ثابت الإيمان، سليم الفكر والمبادئ، متواضع وزاهد؛ قويّ في كافّة ميادين الحياة.
- تَ.
حرفيًّا مرات الإنسان بمواقف بسيطة كلّش يتعلّم أشياء يمكن لو يخلّص عمره كلّه لحتّىٰ يتعلّمها مراح يحصّلها!
Читать полностью…
لا تتخلّون عن احلامكم نهائيًا ،حاربوا وجاهدوا وقاوموا واجتهدوا وخلّوا كل ظرف صعب يصير وياكم هو حافز الكم لحتّىٰ تستمرون وتقدمون أكثر، لا تسوون العكس ولا تتذمرون بسبب المشاكل يلّي تواجهكم أنتوا أقوى من هيچ ..
الإنسان الحقيقي هو يلّي ينولد من رحم الصّعوبات ويكافح ويصبر ويستمر ..
وتذكّر دائمًا بأنو راح يجي اليوم إللي تكون بي فخور بنفسك وفخور بكل تضحياتك وجهادك وصبرك وتمسُّكك بحلمك مهما كان صغير.
كل إنسان بينا انخلق لحتّىٰ يكتشف نفسه ويطوّرها وينفع الناس بكل شيء يمتلكه وخير دليل هو قول الأمير (سلام الله عليه)
"خير النّاس من نَفعَ النّاس".
لا تكون مجرد إنسان عابر بهالدنيا، أسعىٰ دائمًا لتكون أفضل.
(وَمَا يُلَقَّاهَا إِلاَّ الَّذِينَ صَبَرُوا وَمَا يُلَقَّاهَا إِلاَّ ذُو حَظٍّ عَظِيمٍ).
*حرفيًا وإني داكتب هالمنشور وصلتني هالآية فيعني اعتبروها رسالة لكل واحد بيكم واستمروا ..💙✨
حقِيقةُ الوصُول تكمّن في قُوّة السَّعي، من لا يبذُل لا يصَل.
-نسألكم الدُّعاء.🌿
2021/7/4
حرفيًّا هذا اليوم مُميّز كُلّش كُلّش؛ مليء بالألطاف الرّبانيّة وكل شيء حلو ويجنن
بدءًا من صلاة الفجر .. خِتامًا بهذه الآية الكريمة {وَوَهَبْنَا لِدَاوُودَ سُلَيْمَانَ ۚ نِعْمَ الْعَبْدُ ۖ إِنَّهُ أَوَّابٌ}.🌿
بمثل هذا اليوم من السّنة الجاية -وبتوفيق من الكريم- راح احچي يلّي صار اليوم بالتّفصيل المُملّ.💙
#للذِكرىٰ.
شيسموها هاي مال تجي أمريكا تقصف ارضك وبنص سمائك طائراتها وصواريخها وتقتل أبناء وطنك يلّي همَّ عراقيين حالهم حالك وذنبهم الوحيد إللي نقتلوا علموده هو لأن مُرابطين علىٰ حدود بلدك (إللي هو بلدنا كُلنا) لحمايتها فقط!
ويجي واحد فارغ وحقير من الجَهلة وعبيد البشير وفائق دعبول وغيرهم يحچي بسيادة الدولة وهيبتها!
عمي ماتنچب أنت يا سيادة يا هيبة يا بطيخ التحچي حضرتك بيهن!
هو بلدك أصلًا الحرامية بقوا له سيادة وهيبة، لحتّىٰ تجي وتتفلسف وتحچي بسيادة العراق!
أنت عندك عقل براسك لو چيس حَب!؟
رسالة لبعض البنات (خصوصًا الطّالبات) :
"أنتِ من تطلعين لأي مكان تعكسِين صّورة أهلچ وتربيتچ وأخلاقچ فمن العيب والمُخزي كلّش تطلعين بصورة محلوة گدام الناس وتخلّيهم ينتقدون أهلچ وتربيتهم الچ لأن سويتي فعل محلو او گلتِ كلمة غير لائقة ؛ ترة أهلچ ميستاهلون هيچ مُعاملة منچ بعد كل هذا التّعب والمُعاناة لحتّىٰ گدروا يوصلونچ لهل مرحلة!
ديربالچ علىٰ نفسچ كلّش زين".
- والعاقل يفهم.
( ٢٠٢١/٦/١٣ )
من هذا اليوم المُبارك راح أبدأ مَسيرتي ورحِلتي بالسّادس الأحيائيّ.🖤
نسألكُم الدُّعاء كُلّش هوايّ لحتّىٰ نطلع من السّادس بأقل خسائِر مُمكنة.😅🦋
*طبعًا چنت منتظرة هذا اليوم يجي لحتّىٰ ابدأ بداية حِلوة ومُباركة.😄
طريق الحَشد الشعبي هو امتداد لرسالة أبا عبد الله الحُسَين.🌱
Читать полностью…
يحتاج الإنسان بين الحين والآخر إن يُراجع نفسه، يجعل له منفذ ومُتنفّس يلجأ إليه عندما يحزن ويضطرب ويشقى ويضيق صدره وتختنق أنفاسه، منفذ يشرح صدره ويهوّن صعوبة الأيّام ومرارة الحياة علىٰ رَوحَه، قد يكون شيءٍ ملموس أو روحًا تشبه روحه، أو لقاءً مع الرّب!
والأخير هو الّذي أُشجّع عليه فلا يوجد أحنّ وأقرب للإنسان من ربّه؛
{وَنَحْنُ أَقْرَبُ إِلَيْهِ مِنْ حَبْلِ الْوَرِيدِ}.
كلّما ضاقت الحياة ألجأ إلى الرّب الحَنون. 🌸🌱
زماننا هو زمان الفتن والغربلة والغفلة فكونوا علىٰ اتمَّ الاستعداد لِتنجحوا في تلك الاختبارات!
ت.
هالكلام هو تذكرة الي قبل لا يكون الكم ..
وإن شاء الله السنة التجي أقرأه واني مبتسمة سواء تحقق اللي اريده أو مَتحقق .. ✨
طُلاب السادس الله يوفقكم جميعًا ويفرح گلوبكم بمعدلات ترضيكم وتسعدكم
لا تخافون الله وياكم 💙..
{وَيَزِيدُ اللَّهُ الَّذِينَ اهْتَدَوْا هُدًى وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ مَرَدًّا}. 🌱
٢٠/٨/٢٠٢١
شايفين لمّا نلعب ونضيّع وقت ونسّخت وعدنا امتحان بعد يومين؟
ولمّا تصير صدگ ويقترب الإمتحان أكثر شلون (ننحصر) بليلة الإمتحان ومنعرف شنسوي وشلون نقرأ وبشنو نبدأ وو..
شايفين كميّة الندم والحسرة إللي راح نحسها بهذاك الوقت وانو حرامات ضيّعنا وقتنا علىٰ أشياء متسوة وبالتالي ح نرسب أو علىٰ أقل راح ننجح بس بدرجات مو زينة ابدددًا!
نفس الشيء واكثر راح نحسّه لمّا نموت إذا بقينا نسّخت ونلعب (ايًا كان عمرنا حاليًّا) ونضيّع وقتنا علىٰ أشياء متسوة ولا راح تفيدنا بشيء!
تتخيّلون كميّة الندم إللي راح نشعر بيه بهذاك الوقت؟ ومراح تكون عدنا فرصة ثانية لحتّىٰ نصحح إللي سوينا!
{حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ لَعَلِّي أَعْمَلُ صَالِحًا فِيمَا تَرَكْتُ كَلا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ }.
جديات خلّي كل واحد بينا هسّة يفكّر هو ونفسه ويگول يا تُرىٰ شنو سوّيت بحياتي لحد الآن؟ وشنو إللي قدّمته لآخرتي؟
مدام لسّة عدنا فرص هواية نگدر نصحح بيهن اخطائنا ونگدر نكون ناس زينين واحسن من قبل.
فتفكّروا يا أولي الألباب.🦋
أن تبقىٰ علىٰ بَساطتك ومبادئِك في وسط هذا العالم المُتقلّب؛ يُعتبر إنجاز عَظيمّ لكَ!
Читать полностью…
إللي صار اليوم من اعتداءات أمريكية ما هو إلا نتيجة عدم الأخذ بثأر الشُّهداء القادة!
مرّت أيّام هواية علىٰ جريمة المطار ولحد الآن ماشفنا مسؤول او رئيس او أي عراقي حاول ياخذ ثأر القادة ولا بأي شكل!
إللي فالحين بي هو فقط التغريدات والبيانات الاستنكارية! زين شنو فائدة هذه البيانات والتغريدات إللي هي مجرد كلام فارغ بدون اي فعل حقيقي!؟
والنتيجة شفناها اليوم كلش زين !
هذه الصّور تخبرنا بأن الحياة لازالت بخير وأنَّ هُناك رِجال إبطال، بواسل، رهبان بالليل وليوث بالنّهار،
يستطيعون إسترجاع الوطن الذي ضيّعهُ الفاشلين والحمقىٰ.
وهذه الصّور تعلّمنا الشّجاعة والشموخ والصّمود والثّبات بِكلّ قوّة في هذا الخَطّ المُبارك.💙
*تجهيزات ما قبل الأستعراض ليوم غد السّبت.🌱
شُكر والف تحيّة؛
للمرجع العظيم السيّد علي السّيستاني.
ولمن لبّىٰ نداء المرجعية، ولعوائل الشُّهداء.
نقول لكم: أنتم عِزُّنا وفخرُنا وسندُنا.🌱
-تَ.