almoswee313 | Unsorted

Telegram-канал almoswee313 - 📚 ونُصرَتي لكمْ مُعدة 📚

553

قناة تعتني بنشر محاضرات هادفة للمبلغة خطيبة المنبرالحسيني (العلوية أم نور الموسوي/البصرة)

Subscribe to a channel

📚 ونُصرَتي لكمْ مُعدة 📚

لاتنسونا ووالدينا من دعائكم للعتق من النار وحسن العاقبة لنا ولاهلينا ومحبينا

ماجورين

Читать полностью…

📚 ونُصرَتي لكمْ مُعدة 📚

يَا رَبَّنَا اُكْتُبْ لَنَا
شَفَاعَةَ الزَّهْرَاءِ فَاطِمَه

ـــــــــــــــــــــــــــ


الليله يارب النه لو تنظر تشوف
لرحمتك كلـحنه مدينا الچفوف
لا تردنا ابجاه فاطم يا رؤوف
فاطمه البلدمعه كل مجلس تطوف


دُعَاءَنَا رَجَاءَنَا
شَفَاعَةَ الزَّهْرَاءِ فَاطِمَه


ــــــــــــــــــــــــــ


ابلا عمد يامن رفعت النه السمه
ربي لا تحرمنا خدمة فاطمه
الماتت ومنها الضلوع امهشمه
فاطمه الوالاها دينه اتــّـممه


خَيْرُ العَمَل وَلَنَا أَمَل
شَفَاعَةَ الزَّهْرَاءِ فَاطِمَه

ــــــــــــــــــــــــ


يا الهي ومنه الك يتعاله صوت
نحيا كون ابخدمة الزهره ونموت
بيها نتمسك حمامه وعنكبوت
( فاطمه ) انّادي وعلى المعبر نفوت


فِي حَشْرِنَا حِصْنٌ لَنَا
شَفَاعَةَ الزَّهْرَاءِ فَاطِمَه


ـــــــــــــــــــــــــ


يا الهي وكلمن لحگها اغتصب
نزّل ابگبره ملائكة الغضب
والتجرء والمتن فاطم ضرب
للجحيم انريدك اتخليه حطب


فَمَنِ اجْتَرَى لَا لَنْ يَرَى
شَفَاعَةَ الزَّهْرَاءِ فَاطِمَه


ــــــــــــــــــــــــ


صفحتي يلزهره سوده امن الذنوب
وفـقّـيني ابمجلسچ رايد اتوب
ابرحمتچ مولاتي ستريلي العيوب
لدربچ اهديني ضعت بين الدروب


فَلَنَا سَنَد عِنْدَ الشِّدَد
شَفَاعَةَ الزَّهْرَاءِ فَاطِمَه


ــــــــــــــــــــــــ


آه يا لوعة مصابچ والله آه
حيدر ٣٠ عام وما نساه
شما يفكِ الباب چن يسمع صداه
صوت تكسير الضلع ما فارگاه


وَاسَاهُ أَن سَيَرَى غَداً
شَفَاعَةَ الزَّهْرَاءِ فَاطِمَه


ــــــــــــــــــــــــ

سيد علي عبدالزهره الناجي

Читать полностью…

📚 ونُصرَتي لكمْ مُعدة 📚

ا]
هوسات نخوه حول الزهراء



گالو اليوصل الج تنطين اله
وگالو ام حسين تكضي المشكله
يمج انتي ما تضل كل معضله

صيتج المعروف يكضي شما نريد
وبس نكول الزهره يمنه ومو بعيد
بابهه باب الله ندري وهاي اكيد

الزهراء ابابج نوكف//ونتي التطينه



]
ام زينب انتي ونعم منج تره
والثجيله وندري بيهه معسره
تنحل اباب الزجيه الطاهره

نعرف البيبان بس نمشي عليج
والهظم والظيم يكضي بين اديج
حبيبه انتي وجايين اليوم ليج

الحاجه من ايدج//تكضي وردناها




]
واكفين اباب بيتج والحمل عدنه ثجيل
وضيمنه كثران كلش والدمع منه يسيل
انتي الحبيبه وحنينه وجفج اهمومي يشيل

الهم اليثكل يمج //ينحل بساعه




كثرت اهمومي ودخيلج يا ام حسن شوفيني
وكومي يحبيبه اليه وبالعجل شيليني
طايحه بشده وجيتج حاشه وترديني

انتي لتعبان كالو عون يل زهره وذره
وبس يصيح الغوث يمج ماتضل محيره
المختنك جاوين يمشي وضايك الوعه تره

اليوصل عدج ياخذ/يالزهره مراده




غثنه حيل الوكت يمه والوكت مابيه رحم
ولايذين اليله يمج مالين من الهظم
انتي راحه وندري بل عده الم

بس يلوذ بكترج العله تطيب
ونتي لتعبان حاله انتي طبيب
اسمج الينخاه يالزهره عجيب

اليندب باسمج/يحسب محلوله



لخادمة الزهراء. العلويه ام جعفر

بثواب سيد جعفر ابن محمد



/channel/am_jafar

Читать полностью…

📚 ونُصرَتي لكمْ مُعدة 📚

فزاعية جنوبيه رباط هوسه للزهراء عليها
🖊️🖊️

اليوم ام الحسن شالوا جنازتها
اظلم دارهـــــا وزينب بـعازتها

٪٪٪٪٪٪٪٪٪٪٪٪٪٪٪٪٪٪٪٪٪٪

گلب ام الخدر هاليوم مـحزون
ومن كثر البجي عميانه العيون
عله امصاب الزجيه امكدر الكون

حيدرها// راحت عافيته

٪٪٪٪٪٪٪٪٪٪٪٪٪٪٪٪٪٪٪٪٪٪

الكون اظلم عليها الكلها حنيه
عافــت دارهــــا وبجتها البنيه
حسن وحسينها ينوحون ليليه

ينشدونه//حيدر وين امنه

٪٪٪٪٪٪٪٪٪٪؉٪٪٪٪٪٪٪٪٪٪٪

ليليه اعلــه امهم ويلي يبجون
كل لحظه اعله شوفتها يحنون
يمه يـــم حسن ردي ينـــادون

حزنانه // الروح الفگدج

٪٪٪٪٪٪٪٪٪٪٪٪٪٪٪٪٪٪٪٪٪٪

ماهادت عليج الروح حــزنانه
ونــذكر گعدتج الجانت اويانه
صعب يومج علينه حيل اذانه

اذانه // يومج يايمه

٪٪٪٪٪٪٪٪٪٪٪٪٪٪٪٪٪٪٪٪٪٪

اذأنه يفگــــدج حيــل يالزهره
نذكــــر ونتج وعيونج الحمـره
من كثر الرفس يايمه والسطره

والمحسن // لا ماناسينه

٪٪٪٪٪٪٪٪٪٪٪٪٪٪٪٪٪٪٪٪٪٪
تــــمت بقــــ✍️لم خادمات أهل البيت عليهم السلام
✍️الشاعره ام حسين الفريداوي
✍️الشاعره ســـــهام علي المالكي
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
/channel/ssrgk

Читать полностью…

📚 ونُصرَتي لكمْ مُعدة 📚

.قصيده تقرء شور ولها عدة اطوار
القصيده (يازهراء)

يازهراء...ذب العمامه حيدره
يازهراء...مكسور كلبه وخاطره

حسين ضل بونينه... والحسن هل عينه
يازهراء يازهراء
..........................
غسلاها الوالي وايهل الدمع
حيل اذه حيدره كسر الضلع
اليوم بيتج طافي باركانه الشمع
حسين گلبه للزجيه منشلع

يازهراء.... زينب ازغيره ابحاجتچ
يازهراء... حضنج تريده ابنييتچ

والدهر باليها... من وكت تدريها
يازهراء يازهراء
.......................

زينب اتشوف العمايم عالنعش
خافت ودلالها حيل ارتعش
جفني بدموع الدِمه عاللوحه رش
مثل طش السبحه بيتچ يمه طش

يازهراء... بعدچ يطشرنه الدهر
يازهراء.. واضلوع تنداس ونحر

ابنچ ابيا حاله من يضل برماله
يازهراء يازهراء
........................
تصيح زينب يمه زهره الطاهره
الشيب خضر شوفي بعيوني تره
ضلعچ المبخوت ياهو الكاسره
باچر اضلوع الحسين ومنحره

يازهراء... مايندمل يمه الجرح
يازهراء... وكتي يرش جرحي ابملح

كبراني ازماني.... وشكثر راواني
يازهراء يازهراء
....................
ضلع واحد هيچي هدم حيلي
چا ضلوع حسين شسويلي
بالوصيه اشلون بالله احچيلي
يوم گلتي بالنحر شميلي

يازهراء... وحبيه اليه بالصدر
يازهراء... واتوصي والمدمع يدر

اه من العاشر... ينكسر چم خاطر
يازهراء يازهراء
..........................
باچر امشي يالزچيه للسبي
نبقه عالباري ابحماه وعالعبي
باچر انده جدي واصرخ يالنبي
وامشي وي چتال اخوتي الاجنبي

يازهراء... معقوله اروحن لليسر
يازهراء... وانه العقيله ام الخدر

وانه فوك الناگه.. دمعتي حراگه
يازهراء يازهراء
........................
تمت بحمد الله وتوفيقه بقلمي الشاعره ام حسين العسكريّ ناصريه يحرم الحذف والتلاعب ونسالكم الدعاء
تمت بتاريخ ٢٠٢٦/١٠/٢٥
/channel/ssaakknn/12100

Читать полностью…

📚 ونُصرَتي لكمْ مُعدة 📚

أويلاه يافاطمة المظلومة
ــــــــــــــــــ
لمصيبتج يم الحسن   
أويلاه يافاطمة المظلومة
تبجيلج عيون الزمن
أويلاه يافاطمة المظلومة
هاي المصايب والمحن
أويلاه يافاطمة المظلومة
حيدر علي مشيع الوطن
أويلاه يافاطمة المظلومة
يزهراء...مثل الجبال اهمومة
أويلاه.... يافاطمة المظلومة
ــــــــــــــــــ 
دفعةِ الباب المؤلمة
 أويلاه يافاطمة المظلومة
جن طاحت اعليج السمة
أويلاه يافاطمة المظلومة
مكسور ضلعج فاطمة
أويلاه يافاطمة المظلومة
من العصابة الظالمة
أويلاه يافاطمة المظلومة
بالالام.... يافاطمة المهضومة
أويلاه يافاطمة المظلومة 
ـــــــــــــــــ
ذبلت حياتج بالجمر
أويلاه يافاطمة المظلومة
خلصت سنينج والعمر
أويلاه يافاطمة المظلومة
مايرهم لحزنج صبر
أويلاه يافاطمة المظلومة
بس الجزع من الهجر
أويلاه يافاطمة المظلومة
 بالاحزان   من العمر محرومة
أويلاه   يافاطمة المظلومة
ــــــــــــــــــ
غرب ضواج اعله الترب
أويلاه يافاطمة المظلومة
يمّ المحنة شگد صعب
أويلاه يافاطمة المظلومة
من بعدج ايتامج غرب
أويلاه يافاطمة المظلومة
دم الدمع لمن يصب
أويلاه يافاطمة المظلومة
والايتام  يم حجرتج ملمومة
اويلاه    يافاطمة المظلومة
ــــــــــــــــــ 
عالمغتسل حيدر هوه
أويلاه يافاطمة المظلومة
 من غسل بدمعه الضوه 
أويلاه يافاطمة المظلومة
من جمرةِ الباب انجوة
أويلاه يافاطمة المظلومة
يخنگ علي كام الهوه
أويلاه يافاطمة المظلومة
والأنفاس    مختنگة لا معدومة
اويلاه    يافاطمة المظلومة
ــــــــــــــــــ 
من شيعج بيده الولي
أويلاه يافاطمة المظلومة
وبحزن فگدج مبتلي
أويلاه يافاطمة المظلومة
يا فاطمة اني علي
أويلاه يافاطمة المظلومة
يا أعز كل ناسي وهلي
أويلاه يافاطمة المظلومة
بالقبور    يم الحسن مضمومة 
اويلاه    يافاطمة المظلومة
ــــــــــــــــــ 
ليل الوجع مابي صبح
أويلاه يافاطمة المظلومة
فگدج يزهرة اكبر جرح
أويلاه يافاطمة المظلومة
حزنج نحر شالة الرمح
أويلاه يافاطمة المظلومة
شوگ العمر يذبح ذبح
أويلاه يافاطمة المظلومة
بالأوجاع     يگضي العمر حد يومه
اويلاه    يافاطمة المظلومة
ــــــــــــــــــ 
ينعد مصابج معضلة
أويلاه يافاطمة المظلومة
وبابج خيام بكربلة
أويلاه يافاطمة المظلومة
باجر يحل المسألة
أويلاه يافاطمة المظلومة
للمهدي ثار تكفلة
أويلاه يافاطمة المظلومة
على الثأر   يظهر يجي بِعلوّمة
اويلاه    يافاطمة المظلومة
ــــــــــــــــــ 
الشاعر زين العابدين الشمري 

Читать полностью…

📚 ونُصرَتي لكمْ مُعدة 📚

نعي استشهاد الزهراء
عليها السلام
ياشيال نعش الزهره تانينه
ابدون امنه العزيزه لا تخلينه
عگب ام الحسن منهو اليبارينه
منو ينشف دمعنه من يسلينه
ضلينه ايتام ونتباچه
_

يانعش الزچيه اشكثر بيك احزان
الجره اعله امنه يوادم ماجره اعله انسان
علي ودع سلوته وليله ظل سهران
اول مره ابونه طايح وذبلان
من يمشي يطيح ابكل خطوه

__

مضلومه الزچيه ماتت ابحسره
لحد اليوم بيهه لچمت العصره
مو بس ضلع منهه اضلوع متكسره
ابخدها ام الحسن ياوسفه اثر سطره
يايمه المحسن چاوينه

____

هنياله الجره عله ام الحسن دمعه
باچر بل گبر تضويله بي شمعه
تره مينفعه كلشي دمعته اتنفعه
جبريل بعضمته اعليهه ضل ينعه
يافاطم صاح أواساهه


سلام البهادلي

Читать полностью…

📚 ونُصرَتي لكمْ مُعدة 📚

https://whatsapp.com/channel/0029Vb8fy7m23n3fJSxWyS38





نعي لمولاتي أم الحسن ــ ع ــ
ـــــــــــــــــــــــــــــــــــــــــــ
انه مشتاگ ليج وتجري الـدمــوع
وعله غيابج يـيـمه گلبي مـفجــوع
خدج منكسر ومهشمه اضــــلوع
وضماج الگبر صرتي بـعــيـــده
ـــــــــــــــــــــــــــــــــــــــــــ
أجــــي للباب والمسـار اعـاتـــــب
جرحتوا الغاليه اوجبتوا المصايب
ذايـــــب علـــــيج الكلــب ذايــــب
يا أم حسين اذكرج كل مسيه
ـــــــــــــــــــــــــــــــــــــــــــ
نگـــعد بالمــــجان البــي گــعــدتي
گبل ويانه هسه باللــحــد صرتــــي
شسولفلج يطيــبه عــــــن غربـتـي
وحـشــــه الـدار من بعدج خليه
ـــــــــــــــــــــــــــــــــــــــــــ
اجي لمجانــج بالهــفه وشـــمـه
وما هــيه الحنينه وبــجي يـــمـه
بــيــتج يالزجـــيــه مـــن يــلــمه
خــلافــج ما نــرد نـگــعد سويـــه
ـــــــــــــــــــــــــــــــــــــــــــ
احن واشتم عباتج من يجي الليل
وعله صوتج ييمه دمعتـــي اتسيل
من اغياب وجهج ما بـــقه الحيــل
الــــحـزن اذانــه يالزهره الزجيه
ـــــــــــــــــــــــــــــــــــــــــــ
الشاعر : خالد جودي العارضي

Читать полностью…

📚 ونُصرَتي لكمْ مُعدة 📚

ساعد الله قلبك يا علي

دمـعـي ايـسـيـل لـلـزهـره ..  علاني
وجـرح بسمارهه الـشفتـه ..  علاني
اليصـدلي گـام مـايـعـرف .. علي اني

غـزانـي الـشـيـب بوداع الـزچـيـه

-------------------------------------------*

✍خادم الزهراء ع
الشاعر رعد الجريخي
الناشر وخادم الزهراء ع ابوطاهر الخنفری

Читать полностью…

📚 ونُصرَتي لكمْ مُعدة 📚

#أبوذيـات

بعد دفن الزهراء عليها السلام  .
يجلس الحسين متحيرا في حال اخته الصغيره زينب
فيكلم الزهراء قائلا :

يماي اعيوني آه اعليچ ...      يمه آه
اشلعت گلبي العقيله اتصيح ... يمآه
تمد افراشچ او تنتحب  ....     يمآه
تگطع گلبي يمه اشلون بيه .....

__

وكذلك بلسان حال سيدي ومولاي الامام الحسين عليه السلام

تون والنوم للزهره ... ولا طاب
ضلعها ما بره كسره ... ولا طاب
يريت الگبر طبيته .... ولا طاب
دار البيها تبچي أمي الزچيه ....

___

ألوم او ما نفع بل باب .... لوماي
او مدري اتسيل عيني دموم .. لو ماي
زينب خويه گلبي اشتاک ....... لماي
اريد اغفه ابحضنها اشلون بيه ...

___

ساعه أفرش عباتچ .... ساعه المها
ولا يهجع ابروحي ........ ساعه المها
يريت اعيوني تنظر ...... ساعه لمها
وتشوف اخلافها الصاير عليه ....

___

ابو فاطمة الطائي

#اللهم_عجل_لوليك_الفرج
الناشر وخادم الزهراء ع ابوطاهر الخنفری

Читать полностью…

📚 ونُصرَتي لكمْ مُعدة 📚

فاطمه اعله المغتسل خليها
يا علي والماي ديره اعليها
***
دير بالك يا علي اتلجمه الضلع
لو شفت حالتها كلبك ينصدع
عله الحايط ليش هيجي تندفع
وره الباب الدنيه ضاكت بيها
**
التمو اعله الزهره من اربع جهات
ومحسن امن العصره ومن الرفسه مات
اجفوفها امن النار تدري امحركات
وحيل بسمار الضلع ماذيها
*
سطر عين الزهره قنفذ يالعميد
والف وسفه ينولي اليبقه وحيد
بالصلاه ما تكدر اتشيل الها ايد
تبقه تتألم لمن تثنيها
***
اشلون بيك الليله يا حامي الدخيل
اشلون بيك وزهرتك باجر تشيل
انته جرحك يا علي ماله مثيل
تبجي زينب والدمع يجويها
**
مثل صبرك يا علي ماكو صبر
اشلون بيدك تحفر الفاطم گبر
الزهره ماتت ونعصر كلبك عصر
والحسن وحسين يم رجليها
***
الزهره ليش بليل طلبت تندفن
جانت امن العصره كل ليله تون
امن الظلمها شافت انواع الحزن
رفضت اهل الحقد تحضر ليها
**
تمت
تحسين الخفاجي
الناشر وخادم الزهراء ع ابوطاهر الخنفری

Читать полностью…

📚 ونُصرَتي لكمْ مُعدة 📚

قصيدة نزلة فاطمية✍️



ما ننسه بابچ
والظلع     يا فاطمــة المظَلومة
****
يالزهـرة الله على المصيبـة يعينـچ
مـن السَطرة لليـوم الأثــر بجبينچ
مـن الظلـع يوصلنه لســه ونينــچ
شكَـد انظلمنـه والله مـا نــاسينــچ
مثل الإمــام المنتـظر      هـم شيعتچ مالــومـه
****
يردونه يالــزهــرة عليــچ نجـــامل
نعوف الله كون ونمشي وي الباطل
نصـــافح أُميـه يرضه بيها العــاقل؟
المذَهب منــاحر فاطمـــة يستـــاهل
وصلتلچ أخبار بالـحشد     صولات ألـه معلــومة
****
لليــــوم منهم تبچــي دم عيــونــچ
شمســويه يالزهــراء ويضــربونچ
الله خِلَقلــچ شيعــــة مـا ينســـونـچ
برواحــهم يــأم الحســـن يفـدونـــچ
الشيعي عـــابس كربلــه     لأجلـچ يمـزكَ هدومـه
****
عدنـه شبـــاب استغفلوهــم ذولــه؟
فِكـر التَشيُــــع مُنـحــرف كَالــولـه؟
الكرار يمـــها وتنضـرب معقولــه؟
ما يدري بالإســلام لِعبــو جــولــه؟
وكَبـور ولـدچ فاطــمـة     
من احفــادهم مهدومـة
****
التحچــوه مـا يتــلائــم
وياالمنــطق؟
لا موصحيح بكلشـي يعني نصَــدق؟
هـواي بخُـــرافـات الكُتــب متعَــلـق؟
الصـار صـــار ومو ثقــافـه اندقــق؟
نصافـح يريدونه الشمـر  
 نسَلـب حسـين هدومـه؟
****
يمــوتون مـن الشيـعة ومـن العتــرة
يـردونــــه مــن آل النبــــي نتبــــره
من المستحـه يمــوت اليقــدم نحـــره
الخادم المثلــي شنهــو قيمــة عُمــره
شيعتــــچ منچ لشوكــت     يـأم
الحسيـن محرومـه
 ****
محرومـــة منــچ لشــوكــت زوارچ
يمتــه تشــع مــن المنــارة أنــوارچ
ويالمـهدي باچــر إلـه ناخــذ ثـــآرچ
عينـــچ عليهــم يالزچيـــة أنصــارچ
هذا العراق المـا رِكــع     سفكـو
هـواي دمـومـة
****
الأصنـــام تهوى وكـل دولــهم هـايـة
اويـه ابنـــچ المهدي نجــي مشـــاية
باچـر نخلـــي بصحنچ اكبــر رايـــة
وفــــايـه فــاطــم شيعتــــچ وفــايــة
كـل العلامــات انتــهن      والمهدي طَـــول يومـه
****
حيدر حسين الكَرعاوي

Читать полностью…

📚 ونُصرَتي لكمْ مُعدة 📚

بُعدَان قيِّمَان ينبغي استحضارهما في استذكارِ شهادةِ الصديقةِ فاطمة الزهراء(عليها السلام):

البُعدُ الأوّل : بُعدُ استكمالِ الإيمانِ باعتقادِ اصطفاءِ أهل البيت(عليهم السلام)، والمحافظة على هذا الإيمان في مقابل الشبهاتِ ، بشكلِ شخصي وبشكلٍ اجتماعي ، لإيصال هذا البُعدِ من الرسالة الإلهيّة الخاتمة.

البُعدُ الثاني : الالتفاتُ إلى استكمال الإيمان بالله سبحانه مِن سائر الجهاتِ والعمل الصالح.

إنَّ الله تعالى قد أكّد في القرآن الكريم على أنَّّ النجاة والفلاحَ مرهونان بالإيمان بالله وبالعمل الصالح، قال سبحانه:{وَالَّذِينَ آَمَنُوا وَعَمِلُوا الصَّالِحَاتِ أُولَئِكَ أَصْحَابُ الْجَنَّةِ هُمْ فِيهَا خَالِدُونَ (82)}سورة البقرة.

وأمّا الآخرون ممّن خَلَطُوا عَمَلًا صَالِحًا وَآَخَرَ سَيِّئًا، فهؤلاءِ على خطرٍ .

إنَّ معنى العمل الصالح هو الطّاعةُ المُطّرِدَةٌ لله سبحانه ، بحيث لا توجد عندك السيئة ، وإذا وجدت ، فتجب التوبةُ عنها توبةً نصوحةً.

ومن أدنى درجات النجاة في ضمان دخول الجنّة هو أن يكون الإنسان مِن الّذين آمنوا وعملوا الصالحاتِ،

فالإيمان بالله سبحانه والعمل الصالح رغم أنّهما عنصران مستقّلان، ولكنّهما يبدوان متفاعلَين ، وكلّما كان الإيمانُ أقوى وأرسخ فهو أضمن للعملِ الصالحِ، ويوجب مزيداً من خشية الله سبحانه ومهابته.

1 – نجد في أحوال مولاتنا الزهراء(عليها السلام) تذوّقها العبادةَ ، التي يفتقر إليها الكثيرون، ومَن افتقدَ روحَ العبادة افتقدَ روحَ الحياة، فكانت(عليها السلام) مثلاً راقيّاً في مستوى التعبّد لله وطاعته.

2- إنَّ عبادة الله سبحانه هي شعورٌ بالرقي الروحي وإرضاءُ الضمير والوفاءُ بالشكر والحاجةُ الدائمة للهِ ، وهذه هي روح الحياة الحقيقيّة.

3- نحتاج إلى التفكير في الخَلق بالإنصافِ وبالمواساةِ وبالدعاء للآخرين كما ندعو لأنفسنا وأهلينا ، ومَن يشعر بمعاناة الآخرين فسوف يقدّره اللهُ سبحانه ويكبره.

4- لقد عاشت السيّدة الزهراء(عليها السلام) طول حياتها مظاهر التقشّفِ لا مِن عدمٍ ، وابتعدت عن مظاهر الترفِ ، إيثاراً منها لغيرها على نفسها الشريفةِ، وإنفاقاً لما كان يعود عليها من أرض فدك على الفقراء، حيث كانت تدعو للجّارِ قبل الدّار.

5- كانت(عليها السلام) مثلاً أعلى في علاقتها الاجتماعيّة في بيئةٍ عُرِفَت بالتشنّج والتوتّر والمباغضة، فتعاملت بعقلها وحكمتها ووقارها وترفّعَت وانشغلَت بنفسها.

من تذكرةِ سَمَاحَةِ السيّدِ الأستاذ مُحَمّد باقر السيستَاني (دَامَتْ بركاتُه)
الأربعاء - الثلاثون من جمادى الأولى 1448 هجري .
تدوين : مرتضى علي الحلّي - النجف الأشرف .
https://chat.whatsapp.com/ELNGX6AOlCc4mHjMLmVJxP?s=cl&p=a&iam=2
تلغرام
/channel/fagh255

Читать полностью…

📚 ونُصرَتي لكمْ مُعدة 📚

مات التصبر بانتظارك ايها المحيي الشريعة .......
نرفع التعازي والمواسات لال بيت محمد صلوات الله وسلامه عليهم لاسيما بقية الله في ارضه بهذا المصاب الجلل ذكرى الرواية الثالثة لاستشهاد امنا الصديقة الطاهرة عليها السلام
واحسن لنا ولكم العزاء
واعظم الله اجورنا واجوركم بهذا المصاب الجلل ..🌿🌿

Читать полностью…

📚 ونُصرَتي لكمْ مُعدة 📚

الفُحشُ من القولِ
وأثرُه في ميزانِ الإنسان
بقلم:  سيّد طاهر الصافي

الفُحشُ من القول محرَّمٌ كبيرٌ، وهو كلُّ كلامٍ بذيءٍ يُستقبحُ ذكرُهُ والتصريحُ به بينَ الناسِ، والإنسانُ مسؤولٌ عن كلِّ لفظٍ يصدرُ منه، مرصودٌ في صحيفةِ أعمالِهِ، كما قالَ عزَّ وجلّ في القرآنِ الكريمِ: ﴿مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ﴾ (ق: 18).
ويُعدُّ الفُحشُ من الآفاتِ التي إذا أُصيبَ بها الإنسانُ تجرَّدَتْ منه فطرتُهُ النقيّةُ، إذ يتسبّبُ بأذى الآخرينَ، ويزرعُ القسوةَ في القلوبِ، ويُسقطُ هيبةَ القائلِ من أعينِ الناسِ.
لذا نهى الشارعُ المقدّسُ عن هذا الفعلِ المشينِ، وعدَّهُ من كبائرِ الذنوبِ؛ لما له من آثارٍ وضعيّةٍ تستهدفُ أواصرَ المجتمعِ وقيمَهُ.
كما أنّ العرفَ العامَّ يرى مصاحبةَ الفاحشِ أمراً معيباً، ولذا نجدهم منبوذينَ في محيطهم، لا يُرافقهم إلّا أقرانُهم، لأنّ الفُحشَ من الأمورِ التي يذمُّها العقلُ السليمُ.
وقد رُوي عن الإمام الصادق (عليه السلام) أنّه قال: «مَنْ خَافَ النَّاسُ لِسَانَهُ فَهُوَ مِنْ أَهْلِ النَّارِ». (1)
فليقفِ الإنسانُ عند كلِّ كلمةٍ ينطق بها، وليجعلْ نفسَهُ الميزانَ، فيحكم: أهي كلمةُ خيرٍ أم كلمةُ شرّ؟ فإنّ المرءَ أعلمُ بنفسِهِ، كما قال تعالى في القرآن الكريم: ﴿بَلِ الْإِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ﴾ (القيامة: 14-15).
ومن الحكم والمواعظ المرويّة عن الإمام محمد الباقر (عليه السلام): «قُولُوا لِلنَّاسِ أَحْسَنَ مَا تُحِبُّونَ أَنْ يُقَالَ لَكُمْ، فَإِنَّ اللَّـهَ يُبْغِضُ اللَّعَّانَ السَّبَّابَ الطَّعَّانَ عَلَى الْمُؤْمِنِينَ، الْفَاحِشَ الْمُتَفَحِّشَ، السَّائِلَ الْمُلْحِفَ، وَيُحِبُّ الْحَيِيَّ الْحَلِيمَ الْعَفِيفَ الْمُتَعَفِّفَ». (2)
ويُستفاد من الحديثِ الشريفِ أنّ من مصاديقِ قولِهِ تعالى: ﴿وَقُولُوا لِلنَّاسِ حُسْنًا﴾، التزامَ القولِ الحسنِ والخلقِ الجميلِ، وهما صفتانِ يتحلّى بهما المؤمنُ، إذ تُعزّزان الألفةَ والمودّةَ بين الناس؛ لأنّ الضوابطَ التي قامَتْ عليها الشريعةُ مبنيّةٌ على حسنِ المعاملةِ، وصيانةِ الكرامةِ الإنسانيّةِ.
والمؤسفُ أنّ بعضَ الناسِ أصبحَ منطقُ السبِّ واللعنِ عندهم من السجايا التي لا تُفارقهم، إمّا بداعي المزاحِ، أو إنها عادةٌ سيّئةٌ اعتادوا عليها، ومنهم من لا يُمسكُ لسانَهُ عندَ غضبِهِ، فلا يسلمُ منه أحدٌ.
وهذه من الأمورِ المذمومةِ والقبيحةِ في نظرِ الشارعِ والعقلِ.
فحريٌّ بالمرءِ أن ينتقي أحسنَ الألفاظِ وأعذبها؛ فالكلامُ الطيّبُ ينبثقُ من قلبٍ ارتوى من منابعِ الأخلاقِ، فاقتبسَ من طيّاتها طِيبَ القولِ ولطفَ المداراةِ، ليبعثَ روحَ الجمالِ والمعنى إلى قلوبِ الآخرين.
———
1- وسائل الشيعة: ج16 ص31.
2- الأمالي: ص326.


التليغرام | الفيس بوك | الانستغرام

Читать полностью…

📚 ونُصرَتي لكمْ مُعدة 📚

بـإِبـي انتـي وامـي فاطمـة
ــــــــــــــــــ
خدمتج يم الحسن من النعم
شكراً بيوم الصرت من الخدم
اني من دونج حياتي من العدم
ومو مهم عندي العمر انته الاهم

انتي مفتاح النجاة من السمه
ــــــــــــــــــ
يا شفيعة وبإسمج اني توجهت
بالـدموع وبـالعزاء تحـزمـت
بالمجالس عمري كله تعلمت
وبـأهل بيـت النبـوة تـعلقـت

والعشگ بس الدموع اترجمة
ــــــــــــــــــ
عمية عيني وانتي لعيوني الضوه
وخنگة كل الدنيا بس انتي الهوه
ذكرج لجرح القلب أفضل دوه
بلا رحمتج اني والماكو سوه

والنظر من عيني مولاتي انعمه
ــــــــــــــــــ
مدرسه المنبر يعلمنه الوفة
عن عقيدة وعن قناعة ومعرفة
والحقيقة الاكبر من العاطفة
خادمج اني بنهج لا مو صفة

وبخدمتج والله حسنِ الخاتمة
ــــــــــــــــــ
سيدة كل الخلق جن وانس
وانتي اعظم واطهر وأفضل نفس
لاذتي بالباب المثل غيمة وشمس
وللأسف حركوها اعوان الرجس

بالحقد اهل السقيفة الظالمة
ــــــــــــــــــ
خدمتج واجب عليّ مو مستحب
واني اسمي بدفترج كون نكتب
لجل عينج يم حسن يسوة التعب
يالخدمتج والله اغلى من الذهب

عذرا وهذا القليل مقدمة
ــــــــــــــــــ
عالي شاني واسمي بالخدمة انعرف
وما اجازي افضالج وهذا الشرف
مأتمج قربني لا دربي نعطف
بالوسط كل عمري ما صاير طرف

بالمجالس عمري والله يتمِمه
ــــــــــــــــــ

الشاعر زين العابدين الشمري

Читать полностью…

📚 ونُصرَتي لكمْ مُعدة 📚

موشح 
لـيش يا ملـعـون تـدفـع بـابـها
تصلي چانت فاطمه بمحرابـها

من گبل ما بيـتها الزهره احترگ
تصلي چـانت تدعي ربها للخـلگ
وهـد عليها الثاني وبـغـيه حـمگ
وحـرمـة الدار الـنـذل ما هـابـها

وخـلف بـاب الدار لاذت فـاطمة
وگاـمت ابـهـيـبة ابـوهـا اتـكـلمه
وبالحجج چنها علي من تـفحمه
والبعـض رجـعت تـلـوي اذنـابـها


ولـنه شـاط اعلـيها روحـه نـاقـمه
وبـيـده بـاب الزهـره قـرر يضرمه
وگـال اطـبگ عـالارض راح سـمه
والعـرش راح افـجـعـه بمـصابـها

ومن طبگ باب الرزية عله الضلع
لـنـه دم الزهـره ضل يجـري نـبـع
وصوت ونـها للعرش ضل يرتـفـع
حـيل يوجـعـها الجليله اصوابـها


وگـعـت وبـاب الـجـذع لمـن وگـع
ذاك بـسمـار الضلـع مـنـهـا انـشـلـع
او وصله من ذاك الضلع منها گطع
وضلت اتـلـوج الطـُهـُر بعـتـابـها

تـلـوج ضلت فاطمة فـوگ الارض
ويوكز ابرمحه الضلع ضل ويرض
تـزحـف وبالسوط عـبده يـعـترض
مـسره زحفـتـها وتـلـف بـتـرابـها


تـگـوم رادت ما يعـينـلـها جـدِم
تـگـدر شلـون الحَـمـلـها ينـعـدِم
شلون حرمه تـسَگط بنص الزلِم
ونـار مشتـعلة ام حسن بثـيابـها

صاحت الفـضه تـره المحسن سگـط
وانـي  بـسمـار الضـلـع  بـيـه انـربـط
وين احط وليدي ما مش عندي حط
الـگـاع نـيـران وسـعـر لـهـابـها

وفضه ركضت للزچيه اتسوي صَد
من السيـاط الـتـنـزل علـيـها رعـَـد
وشافت المحـسن لمن طاح انـمـرد
وفضه هالمنـظر هضمـها وشابـها

عقيل الحسناوي..
الناشر وخادم الزهراء ع ابوطاهر الخنفری

Читать полностью…

📚 ونُصرَتي لكمْ مُعدة 📚

قصيدة للزهراء وصاحب الزمان
من ديوان #مواجع_الزهراء_جزء_الأول

بدايتها نعي

انهض يبو صالح واعلن الثار
ضلع ام الحسن ليهسه بي نار
منتظره الزچيه سيفك الحار
تهد اعليهم بصوله يمغوار

{{ نزلة القصيدة }}

افزع للزچيه — واكلب الكون
أخذ ثار الضلع وي الزغيرون

•───✧◐◐✧───•

ثار ام الحسن لليوم ننتظره
تظهر وبوجودك تنبني الحضره
وعالكبه ترفرف رايتك خضره
{ يا راية ثارك - مرفوعه }

•───✧◐◐✧───•

بيك الزهرة تفرح والضلع يشفه
من تظهر وتجعل للعده وكفه
وتعمه عيونهم عدوانك الصلفه
{ گوم العادوكم - تفنيها }

•───✧◐◐✧───•

تفني الكوم بيدك ها يمهديها
كلب ام الحسن يبرد تخليها
بهداتك يمهدي العده ملاويها
{ منك هالفزعه - مريوده }

•───✧◐◐✧───•

عجل يابو صالح والعلم شيله
واشهر سيفك ولبسمهم الشيله
بصولاتك ترد العال عالعيله
{ وتزيح الجور - واعوانه }

•───✧◐◐✧───•

عجل بالظهور واعلن الطلعه
واخذ ثار الحسين وثارها البضعه
وثار اجدادك بعاشور متوزعه
{ الشيعه ابسدك - تحميها }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

/channel/um_ali313

Читать полностью…

📚 ونُصرَتي لكمْ مُعدة 📚

لطميه شور للسيده الجليله فاطمة الزهراء عليها السلام
يازهراء يازهراء يازهراء
يازهراء يازهراء يازهراء
ضلعج المكسور هدم حيلي
انحب بحسره واصيحن ويلي
يمه من فركاج ذاب دليلي
شنهي عنده الباب بس توميلي
يا زهراء يا زهراء يا زهراء
الباب شبت نار بين اهدومها
شكد صعب امي الزجيه ويومها
كون يومي يصير كبل علومها
لو يسوم الموت غالي سومها
يا زهراء يا زهراء يا زهراء
الباب والحايط كضاهه بعصرته
بضلوع ام الحسن وتلكته
طاح ابنها يسيل دمه شافته
صاحت بحسره يفضه وشالته
يا زهراء يا زهراء يا زهراء
ليش ماندبته حماي الحمه
وطاحت الزهره الزجيه فاطمه
سطره فوك الخد ومدمعها دمه
حنت وانت بروح مالمه
يا زهراء يا زهراء يا زهراء
بجت املاك السمه من فرفحت
طاحت على الكاع والركبه التوت
وين حيدر ماحضرهه من انولت
اشلون عدوانك عليها ادافعت
يا زهراء يا زهراء يا زهراء
تمت بحمد الله تعالى بقلمي شاعرة وخادمة اهل البيت عليهم السلام ملا زينب الطويرجاوي ١ ١١ ٢٦ ٠ ٢
/channel/ertlgaaz

Читать полностью…

📚 ونُصرَتي لكمْ مُعدة 📚

.فزاعيه للزهراء ع السلام وطلب حاجه
(وي زينب لطمنه)

وي زينب لطمنه فوك المتون
لطمه اعله الصدر لطمه اعله العيون
........................
وي زينب لطمنه حيل للزهره
اجينه الفاتحه وانصيح بالعبره
شالت بت محمد حيل متگدره
اجينه انعازي زينب نجري العيون
نعازيها// اليوم ام عون
...................
ثگيله الفاتحه وتريد لطامه
نوبه اعله الصدر نوبه على الهامه
اليوم امكدره سادت الوهامه
حيل اوياي الطموا ولاتبردون
علويه //الشالت كلفه
....................
خللن لطمت ام حسين بحروره
وچفوفچ وصدرچ دوم منذوره
هنا يالجايه تعازين ماجوره
واخذوها الحوايج من تطلبون
سجليها //الحاجه الليله
.....................
اجينه الفاتحه وانعازي الساده
ام حسين هايه الخللفت قاده
يوافون اليجيهم ياخذ مراده
بيت اهل الكرم لازم يوفون
ايضيفونه //الجاي ابعبره
....................
عد ام الحسن هاليوم خطاره
هاي الناس كلها ورايده الچاره
بيت الزاچيه عد الله اسراره
وابنحر ابو اسكينه من تحلفون
تكضيها// الحاجه الكلفه
.........................
تمت بحمد الله وتوفيقه بقلمي الشاعره ام حسين العسكريّ ناصريه يحرم الحذف والتلاعب ونسالكم الدعاء تمت بتاريخ
٢٠٢٦/١٠/٢٦


/channel/Vvb313/10501

Читать полностью…

📚 ونُصرَتي لكمْ مُعدة 📚

قصائد حماسية وفزاعية 👇🏻

Читать полностью…

📚 ونُصرَتي لكمْ مُعدة 📚

https://whatsapp.com/channel/0029Vb8fy7m23n3fJSxWyS38





☘️لاستشهاد الزهراء ع☘️


نعي// مجرد

ونيت لمن عميّت  العين
على فراكچ ييمه يم الحسين
شلتي يشفجه وين تردين
خافن ييمه عليه تبطين
       .........

تبطين وانه شلون بيه
عگبج اضل بلمهضميه
ماگلتي بداري البنيه
عگبج تبچيني الثنيه
           .........

مكسور ضلعج وشيجبره
وبصدري متكسره العبره
ابوج النبي منهو اليخبره
وبحالتج يمه يزهره
         .........

صبح  مكانج يمه خالي
ونه بلياج حال الضيم حالي
بلا الوالده ضايع دلالي
ماانسه طرواج اعله بالي
          .........

ملهوفه ييمه اليوم اجيتچ
المن تركتي عيال  بيتچ
طوّل غيابچ شنهي نيتچ
نمتي بگبر ترضى حميتچ
          .........

مشتاكه تره لشوفة عيونج
شنهو اليصبرني بدونج
خافن اذلن يمه دونج
گعدي ولادج يريدونج
احوي يفراك الحبايب



بقلم شاعرات اهل البيت عليهم السلام
✍️☘️ام فراس الساعدي☘️
وام روكان الشمري
غير مبري الذمه لكل من يغيير الاسماء او ياخذ كلمات  القصيده وينسبها اليه

Читать полностью…

📚 ونُصرَتي لكمْ مُعدة 📚

https://whatsapp.com/channel/0029Vb8fy7m23n3fJSxWyS38





نعـي

ليش الما وصَل عشرين سنها ؟
تموت امعصّبه الراس ابحزنها
عليمن ناحله او منهد ركنها ؟!
او عليش امْن البچي ما فتر ونها ؟!
و الهيّج لروحي او زاد حَنها
يوم المرتضى غسّل بدنها
شاف السّوط شِمسوّي ابمَتِنها
الوديعه اليوم رجّعها لچَنها
ضلعها امهشّم او أحمَر جِفنها

ميرزا عادل الأشكناني

Читать полностью…

📚 ونُصرَتي لكمْ مُعدة 📚

#تـراث #أبوذيـات

يحيدر ليه تسيل الدمع وتوين
وعن فاطم تغض النظر وتوين
حكك شفت كسر الضلع وتوين
يوم اللي عصرها ابن الدعيه

اخبار امك يغايب ليك ماتت
وهي لهروش كلب المحب ماتت
وحكك جدك وابوك الطهر ماتت
ودم الضلع يجري على الوطيه

الحاج المرحوم مُعين السباك

#اللهم_عجل_لوليك_الفرج
الناشر وخادم الزهراء ع ابوطاهر الخنفری

Читать полностью…

📚 ونُصرَتي لكمْ مُعدة 📚

النعي



ابو ذيات لشهادة الزهراء ع
الشاعر قاسم الساعدي المندلاوي
***
ردَمني الدهر واتنخّه يردماي
أرحمن حالي لن مني يره ادماي
أهو يتمنى بعيونه يرى ادماي
تسيل ويشتفي الملعون بيه
**
من ارحلِت يا بويه بده الماي
صرت يرويني بس دمعي بدل ماي
تبَدَّت فرحتي اخلافك بده الماي
ألم بيهه وترد احزان اليه
**
النوايب مني يا بويه يرّن حيل   
ودموعي من رحت مني يرن حيل
كون ابذنب بنيادم يرى انحيل
وآنه ابلا ذنب شفت الأذية
الناشر وخادم الزهراء ع ابوطاهر الخنفری

Читать полностью…

📚 ونُصرَتي لكمْ مُعدة 📚

الشاعر الحسيني ظاهر حبيب الهليجي
شمعة البيت       الها حنيت
بلسم الروح           يل زجيه
*
ساعد الله الفاگد أمه يگظي ليله
الموت أرحم للذي إيفارگ خليله
يعيش عمره أوعبرته أطر بدليله
وانه زينب والحزن شد ليه حيله
هدوة الليل          والدمع سيل
گلبي مجروح          يل زجيه
*
أدعي ربي أبكل مسيه الموت يگرب
حته اشوف أمي و شمها حيل ونحب
البيت يبجي بلايه أمي وحاله يصعب
بسيل مدمع حيل اصيحن ضعتي زينب
وحشة الدار        اذكر الصار
اصدح بنوح            يل زجيه
دنيه من بعدج احسها بعيني ظلمه
مو ففط ضلمه بغيابج حته نقمه
لأن انتي جنتي بيها يمه رحمه
ريت عين ألما تشوفج كون تعمه
كوثر الكون       فوگ الامتون
حلمي مذبوح            يل زجيه
*
يلي صارت شوفتج حسره عليه
ريت كون أبطيف وتمرين بيه
يمه وتشوفين حالي يل الزجيه
غيرت رسمي المناحه وبهل رزيه
گلبي مفجوع        وني مسموع
دمعي مسفوح            يل زجيه
*
تاكل بجسمي المناحه وجرحي يدي
أعليج يايمه أودمعتي فوگ خدي
والزمن اعتبره خصمي او صار ضدي
اخذ مني أغله ناسي شخله عندي
ليلي بل آه            ويلي ويلاه
حملي مطروح         يل زجيه

Читать полностью…

📚 ونُصرَتي لكمْ مُعدة 📚

على حب فاطمة نبدا المجلس بمحاضرة عن رقي الزهراء في مقومات الحياة لنيل رضا الله من فكر الزهراء عليها السلام

Читать полностью…

📚 ونُصرَتي لكمْ مُعدة 📚

لو متنا الف مره حزنا عليها.. لم نوفي حقها..
انها الام الحنونه التي توزع الارزاق على الخلائق صل الله عليكِ سيدتي وعلى ولدك الغريب المهدي…💔

Читать полностью…

📚 ونُصرَتي لكمْ مُعدة 📚

ْ🌴احزان الزهراء🌴
ياسائلا عن الزهراءِفرحتها
سلني عن الاوجاع والاحزانِ
ما لامسَ الفرحُ فؤادهامذرأت
جسدَ النبي مسجى بالاكفانِ
لهفي لهاتبكي اباها بحرقةٍ
وعيونها بحرٌ من الاشجانِ
وآضيعتي بعد ابي خيرَ الورى
من لي اذاشر الطغاة دهاني
من يرحم الحسنين بعد المصطفى
من عصبة الأحقاد و الطغيانِ
هذا عليٌ نادبٌ لفقدهِ
قد هُدَ ركن الدينِ والايمانِ
يمضي بتجهيز النبي ودفنهِ
والقوم تحت سقيفةِ الشيطانِ
وثبوا الى دار الرسولِ وروعوا قلبَ البتولِ واضرموا النيرانِ
لاذت وراء البابِ صونا لخدرها
عصروها بين الباب والبنيانِ
ماذا اعددُ من رزاياها وقد
عجزَ عن التعدادِ كل بيانِ
ضربٌ وتنكيل بسوطٍ لقنفذٍ
ولكزٍ بكعب السيف يا للجاني
وأسقاطِ مُحسنٍ يالها من مصيبةٍ
كم آلمت بنت النبي العدنانِ
اما ابتزازُ الارثِ نِحلة احمدٍ
وبُلغة الحسنين في البستانِ
ليست بأعظم أو اشد مصيبة
من غدرهم بخليفة الرحمنِ
اخذوه قسراً كي يبابعَ جبتهم
وهو الولي الحق والميزان
لكنما الزهراء حالت بينهم
حين اتت تحيطها النسوانِ
خلو ابن عمي اولاكشف للدعاء
رأسي واشكو همي للديانِ

  ✍🏻أم سلام 

28/صفر/ 1437

Читать полностью…

📚 ونُصرَتي لكمْ مُعدة 📚

على حب فاطمة عليها السلام تفقه في دينك 👆🏻👆🏻

Читать полностью…
Subscribe to a channel