3368
لتسهیل البحث علی القصاید #حسن_الصالحی #حسن_الصالحي #محمد_الجنامي
اسم القصيدة : يعالم
اسم الرادود :#محمد_الجنامي
اسم الشاعر :#علي_عويز_الشويلي
المناسبة استشهاد امير المؤمنين علي عليه السلام 1442
المكان بغداد /مدينة الصدر/هيئة ام البنين/مسجد وحسينية أئمة سامراء
🏴🏴🏴🏴🏴🏴🏴🏴🏴
يعالم هذا حدنه ويه الأفراح
ابونه الفرحه چانت.... والأبو راح
اهلال العيد نجمه من السما طاح......يعالم
................
شني اللذه ابحياتك عگب الِحنان
..... اليعودوك......... ويعوفوك
هوى ويمشون عنك وأنت غرگان
...... وحچي الموت...... بلا صوت
من سلامك...... من كلامك
امبينه فگدة ناسك
يصير حيلك..... بيد ليلك
لونه يچوي احساسك
من صورهم..... من حلمهم
وين تطرح راسك.... ياهضمهم
اخلاف الراح عمري كله شوغات
مو ساعات اعده الليل حسرات
وأصيحن اخذي روحي يالسماوات..... يعالم
......................
غريب ادموعك اتمل من نعاويك
...... والاصياح........ ورى الراح
الگبر هم بي مشاعر يشبه البيك
...... يالتنوح......... بعد روح
للمواقف..... والسوالف
ماتفارگ بالك
اتذكره يمشي..... اتذكره يحچي
ودنگالك شالك
اشكبر خلگه.... إتريدضحكه
ايدور ويلگالك..... ياحنانه
اهلال العيد ماأشوفنه بالعين
ولا ادوره ابسمانه يطلع منين
آنه حسين دافن بيده ابو حسين....
يعالم
..............
امنيتي الباب يندگ بيد الاحباب
..... ويشوفون....... بالعيون
اركض من فرحتي اشلع الباب
..... ويطبون..... يضحكون
ليش حاضر..... بالمگابر
كل صباح ابعيدي
تسوى ونه..... اگبور اهلنه
البيها وين اعضيدي
فدوه مدها...... لاتردها
من امدلك ايدي.... ياحبيبي
كلمن وي عزيزه من يعيدون
بس آنه عزيز الروح مدفون
الي عيدك مبارك لاتگولون.....
يعالم
...................
ورى الماشين چذبه ايقيد الأصياح
..... إذا اصيح..... لما اطيح
القفل بيبان حزني كسر مفتاح
..... والبعيد.... جفه إيزيد
املاگه عيدي..... دمعي بيدي
مااريد اهلاله
عمري صفنه....... اگبال صفنه
والفرح ماجاله
لاتجونه.... مات ابونه
الخيمه فوگ اعياله...
وانّسينه
نحلنه اخلافكم ها يالبعيدين
خلف الله ابمشينه اعله الحياطين
رخيصه الدنيا إذا مابيها غاليين.... يعالم
................
يدور الحزن بيه ابكل سنه ادّور
.... شنو إيريد.... يجي العيد
اشوف الناس تفرح وآنه بگبور
..... الميرضون...... يعودون
نبچي يمهم...... مي نرشهم
وهمه ميحاچونه
فدوه أطلعوا.... يمنه اگعدوا
هواي فارگتونه
كلمونه...... ماتجونه
للتراب اخذونه...... الحضنكم
يالمضيع ابنادم يفهم البيك
جرح يترك ابطولك من بواچيك
التحاچيه ويسكت مايحاچيك... يعالم
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : ياريحة امي
اسم الرادود :#محمد_الجنامي
اسم الشاعر :#كرار_حسين_الكربلائي
المناسبة استشهاد امير المؤمنين علي بن ابي طالب عليه السلام 1442
المكان النجف الأشرف/ هيئة الزهراء للعزاء المركزي
🏴🏴🏴🏴🏴🏴🏴🏴🏴
ياريحة امي لاتفارگ عيني
جرح الوداع وجرحك إيبچيني
بُعدك جمر يلهب
ارحم گلب زينب
يغالي
🏴🏴🏴
فجر رمضان
وكت الآذان
ابروحتك روحي
احسها طلعت اوياك
الوز تلگاك
الباب حاچاك
وكلشي يصرخ علي
رد يذبحنه فرگاك
گلبي حس بالشر
وأعرفه گلبي حساس
ساعه وأسمع ضجه
صارت صاحت الناس
حيدره ساجد وصابه
السيف بالراس
بويه بويه
بسابع سما الجبريل اسمع صايح
هامة علي لو عرش الله الطايح
ابدم وجهك اتخضب
ارحم گلب زينب
يغالي
🏴🏴🏴🏴
اوگفت عالباب
ودمعي سچاب
من بعيد اسمع بواچي
الحسن وحسين
شايلينك
ابدم جبينك
اگبالي وآنه اصرخ
يخوتي چا علي وين
ما أصدگ هالشمس
تتوجه بنجوم
يعني معقوله علي
مايگدر إيگوم
من عمت عيني عليك
اشكثر مظلوم
بويه بويه
عينك عليه وحزن غطه انفاسك
وأبمعصمي شديت طبرة راسك
ياتاجي والمعصب
ارحم گلب زينب
يغالي
🏴🏴🏴🏴
طحت اشمك
وأدعي يمك
روحي فوگك هايمه
مثل الحمامه
دمعتي اتگول
شده وأتزول
ان شاءالله ياوالدي
اتگوم ابسلامه
اضم گدام دمعتي
خاف أءذيك
وصحت غير العافيه
يعيوني مابيك
بويه شمعه ابيتنه
الله يخليك
بويه بويه
فدوه اروحن ياعلي الشيباتك
ارحم اولادك وأرحم ابنياتك
يم طبرتك تنحب
ارحم گلب زينب
يغالي
🏴🏴🏴🏴
وكت الفطور
شيبتك نور
والله وحشه الگعده
يالغالي بدونك
لمن اتروح
نشبع اجروح
انعيش احنه والدمع
اوداعة اعيونك
والدي يحله ابوجودك
شهر رمضان
ينترس بيتك ضوى
من تقرأ قرآن
الله لا يحرمنه منك
يأغلى انسان
بويه بويه
مشتاگه روحي الطيبك وحنيتك
مشتاگه اشوفك شمعه تضوي ابيتك
وجهك اذا غرّب
ارحم گلب زينب
يغالي
🏴🏴🏴🏴
الزهره راحت
وروحي ناحت
وهسه انت تريد هم
اتروح عني
وبعدك النوب
الحسن مصيوب
وأوگف اعله الطشت يمه
وظهري محني
ياعلي وكربله باچر
تهدم الحيل
صدر اخوي حسين
اشوفه اتهشمه الخيل
وأبهذاك الليل ينعد
بالف ليل
بويه بويه
ليلة الوحشه بويه مر اعليه
بس ليله وحده وانوخذ مسبيه
واخيمنه تتسلب
ارحم گلب زينب
يغالي
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : صوت الكسر
اسم الرادود :#محمد_الجنامي
اسم الشاعر :#وسام_الشويلي
المناسبة الليالي الفاطمية 1442
المكان كربلاء المقدسة/موكب جمهور الفاطمية
🏴🏴🏴🏴🏴🏴🏴🏴🏴
من كربله صوت اعتله يافاطمه
يبقى علي هو الولي يافاطمه
@@@@
هاذي صرخه فاطميه امن البدايه
ماكو دين ولا شريعه ابلا ولايه
واللي رايد ٱيه ضلعچ هو ٱيه
يعني حيدر صاحب الحق والهدايه
صوت الكسر. يقره امر رب السمه
يبقى علي هو الولي يافاطمه
@@@@
ياعظيمه ويازكيه وياعفيفه
انتي ثوره اعله النوايا المو نظيفه
هذا ضلعچ كسره يرفض كل خليفه
امزورينه امنصبينه بالسقيفه
واللي ادعى منبايعه .وانخاصمه
يبقى علي هو الولي يا فاطمه
@@@@
من مصابچ كلشي بين كلشي واضح
بالسقيفه امجمعين اعله المصالح
احنه مثلچ هذا چفنه ما يصافح
هالأيادي ولا نخون ولا نسامح
هذا وعد الخان العهد منسالمه
يبقى علي هو الولي يافاطمه
@@@@
انخط عهدنه ابهالليالي الفاطميه
مانجامل مانساوم عالقضيه
انتي اول من رفضهم يالزچيه
وأحنه مثلچ صار اسمنه رافضيه
صار الرفض عدنه فرض وإنتممه
يبقى علي هو الولي يافاطمه
@@@@
احنه نقسم اي وحگچ يالشفيعه
مانبيعه غالي حيدر مانبيعه
للمنيه يالزچيه نبقى شيعه
واليخونچ هذا كافر بالشريعه
انتي الأصل لا مانزل للخاتمه
يبقى علي هو الولي يافاطمه
@@@@
مارضيتي ايشيعونچ يعني ذوله
الله غاضب من فعلهم وي رسوله
لعنة الله اعليهم ابسط مانگوله
وابجهنم مبغضينچ يالبتوله
والناصبي خصمه النبي بالمحكمه
يبقى علي هو الولي يافاطمه
@@@@
مخفي گبرچ عنه غايب ذاك نوره
الغايه حتى الناصبيه ماتزوره
بإنتظار المهدي ابنچ في ظهوره
ايكشفه النه وبأنتقامه يبدي دوره
يرفع علم يطلع صنم وإيحطمه
يبقى علي هو الولي يافاطمه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : كسر الظهر
اسم الرادود :#محمد_الجنامي
اسم الشاعر :#وسام_الشويلي
المناسبة استشهاد الإمام الحسن المجتبى عليه السلام 1442
المكان بغداد/مسجد وحسينية أئمة سامراء
🏴🏴🏴🏴🏴🏴🏴🏴🏴
عنك اريد اروح
لكن عليك انوح
بيك اشكثر جروح
وأشچم مصيبه
يخوي يذوب چبدي اعله چبدك
انوح عليك من تبقى وحدك
كسر الظهر يلوح
@@@@
ابآخر انفاسي خويه خليني اسولف حچي اجروحي
حسين يالغالي ياحبيبي انت عندي مثل روحي
گبل لا عنك اروح
عندي ياخويه حچي
اوياك عندي ذكريات
حلوه بس صارت بچي
الاخو من يفكد الحيل
عله اعضيده ينتچي
يبن امي وابن ابوي
ياصاحبي وأخوي
بحضانك آنه الوي
ابدمعه سجيبه
يخوي اريد خدي اعله خدك
انوح عليك من تبقى وحدك
كسر الظهر يلوح
@@@@
الحلوه والمره اتقاسميناها سويه ياعضيدي
ماتفارگنه حتى من اننام بيدك تلزم ايدي
من طفولتنه جروح
هواي نزلنه دمع
شفنه نار وشفنه باب
شفنه بسمار وضلع
طاح من امنه الجنين
اگبالنه ابكثر الدفع
مر بينه چم مصاب
جبنه العمر عذاب
شيبنه بالشباب
دنيه عجيبه
معين لأخوك وآنه اسندك
انوح عليك من تبقى وحدك
كسر الظهر يلوح
@@@@
شما ثگل همي جنت اگول حسين والعباس عندي
شمحله خوتنه واحد يخاطب الثاني ايگلي چبدي
هسه خويه چبدي ذاب
يعني انت البي الم
وبالطشت مو چبدي اشوف
هذا جبدك بي سهم
خويه نار السم تهون
والصعب نار الخيم
چبدي انگطع واشوف
متكطعه چفوف
زينبنه بالطفوف
تبقى غريبه
المصاب عظيم واجروحي عندك
انوح عليك من تبقى وحدك
كسر الظهر يلوح
@@@@
هين امصابي وآنه ابچي اعليك بآخر نفس يظهر
تصرخ اجروحي ماكو يوم ابمثل يومك يبو الأكبر
انه ماتسحگني خيل
عاري مثلك مااظل
وصل بس چبدي يصير
وأنت كل جسمك وصل
مايعوفوني من اموت
يمي يبچون الاهل
وانت على الرمال
واهلك على الجمال
ايشدوهم ابحبال
وزينب سليبه
ذبيح طريح محد يوسدك
انوح عليك من تبقى وحدك
كسر الظهر يلوح
@@@@
حسين ياخويه شلون بيك وانه مني الروح تطلع
هالطشت شيله خوفي زينب تنظر الچبدي التگطع
چم طشت زينب تشوف
ابطشت جبدي ينلمح
وطشت ثاني يم يزيد
بيه راسك منطرح
بالعصا ايضربه اللعين
وبي يخلي اشجم جرح
مسلوبة الخدور
تنظر على الغيور
مچتوفه بالقصور
وسفه النجيبه
غريب تريب زينب تصدك
انوح عليك من تبقى وحدك
كسر الظهر يلوح
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : خدام الحسين
اسم الرادود :#محمد_الجنامي و
#محمد_فصولي
اسم الشاعر :#الشيخ_عقيل_الأسدي
المناسبة الليالي الشعبانية 1442
المكان طهران/حسينية انصار الحسين
🏴🏴🏴🏴🏴🏴🏴🏴🏴
خدام الحسين ركبوا السفينه
خل تشبح العين صوب المدينه
خدام الحسين_ خدام الحسين
@@@@
فرض العشگ حان هل نوره شعبان
بان الفرح بان. بين البريه
ركبوا السفينه ننوي مشينه
صوب المدينه لإبن الزچيه
السفينه نهجها مذهبي
لازم اللي يطبها زينبي
اشراعها هاشمي و غالبي
اولياء الله بيخا والنبي
باب السفينه. تقرأ چلمتين
اهلا وسهلا خدام الحسين
@@@@
مابين الانوار عد حامي الجار
صار الكمر صار. يارفعة الراس
يتنطره الكون والزينب اعيون
والكل ينادون اهلا يعباس
زينب التناديه يكافلي
يافخر عمامي وشيمة هلي
خله ايدي بيدك عودي علي
كلي عد عباس ادللي
هذا الولد صار عد ام البنين
اول فرد من خدام الحسين
@@@@
مرفوع الانشاد. رابع للاسياد
واكتبنه سجاد. مابين الملوب
نبع الولايه درب الهدايه
صوت البرايا يااغله محبوب
السه من كل عباده سجدته
الملك ينزل اويه دمعته
ربي يمته اطوفن حضرته
لمن المهدي ينشر رايته
وينادي جبريل بين المحبين
حان الوكت حان خدام الحسين
@@@@
دار و ندارم نذر تو یارم
اینه شعارم آقام حسینه
تو رو که دارم با اعتبارم
شد افتخارم آقام حسینه
بر دو عالم فقط تو سروری
خوب وبدها رو یکجا میخری
وقتی ارباب حسین فاطمه هست
چقدر قشنگ میشه نوکری
رزقم رو داده آقام همیشه
هرچی که دارم از نوکریشه
@@@@
به به که امشب دل غرقه در تب
سالار زینب از راه رسیده
دلدار خاتم جان دوعالم
ارباب خوبم از راه رسیده
مژده نوکرا که شاه اومده
عشق زهرا تو این ماه اومده
عاشقای حسین جانمونین
کشتی نجات از راه اومده
گشته منور شهر مدینه
اهل نجاتیم با این سفینه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
⭕️ أدبت نفسي
الرادود #حسن_الصالحي
احتفال #الدوره_الثامنة_للتجلیل_من_خدمة_سیدة_نساء_العالمين فی #موکب_بیت_الاحزان_عبادان
#رجب۱۴۴۲
اسم القصيدة : كل لحظه بسنيني
اسم الرادود :#محمد_الجنامي
اسم الشاعر :#كرار_حسين_الكربلائي
المناسبة استشهادالإمام علي الهادي عليه السلام
المكان المحمره/ هيئة انصار الحجة عل الله فرجه
🏴🏴🏴🏴🏴🏴🏴🏴🏴
كل لحظه بسنيني
ابچي عله حسيني
يادنيا غربة كربله
ما فارگت عيني
@@@@@
هذا آنه علي الهادي ابزغري ورافگت نوحي
مو گد عمري احزاني وبگد كربله اجروحي
من اول نفس ياناس وآنه ابچي اعله مذبوحي
وظلت دمعتي ابعيني حد ماودعت روحي
من اعطش اتحسر
وأذكر ابو الأكبر
ذيچ الشفاه الذابله
مافارگت عيني
@@@@@
ربه وحي الحزن بيه وبِنه ابگلبي مدينة آه
هو السلبوا جده ياصبر اليفيد اوياه
ماأنسه الگضه ظامي وحرگ الخيمه ماأنساه
تزوره من بعد روحي ابحرگه ومقتله اقراه
وأبليلة الجمعه
الگطع النحر انعى
ادموم الجروح السايله
مافارگت عيني
@@@@@
اليعيش ابغربه يتذكر اهله وناسه وأحبابه
وكل اغروب اتذكر جدي ونحره وأخضابه
احس كل نفس بيه ايصيح آ.يحسين وأمصابه
آ يالهشموا صدره آ يالسلبوا اثيابه
الما فارگت بالي
راسه ابرمح عالي
صيحة بناته المعوله
ما فارگت عيني
@@@@@
أنه الكاتلني من عاشور وگفة زينب اعله التل
حرمه وفاگده الوليان بالطف كلشي ماتندل
اريد احچي مصيبه وخاف سبع الگنطره يزعل
طيحة زينب اعله الگاع بيها الساده ماتقبل
والشمر يوليها
بالسوط حانيها
ركضة حرمنه بالفلا
مافارگت عيني
@@@@@
لمن مايوگع العباس ومنه توگع اچفوفه
ابد ماتنسبي زينب بين الشام والكوفه
اويلي اعليج ياعمه فوگ الهزل مچتوفه
يستر الله چبيره اهواي يزيد الطولچ إيشوفه
لآخر نفس بيه
ابچي اعله مسبيه
السابيها شمروحرمله
مافارگت عيني
@@@@@
متت وأبوكت تغسيلي ذكرت المنذبح عطشان
محد غسله وشاله وثلث تيام ظل عريان
ابحصيره شيعوا جدي وراسه اعله الجسد ماچان
اندفن وإندفن عبدالله اعله صدره السحگته الفرسان
ابسامره كل ليله
اقراله وأبچيله
الحزنه دموعي هامله
مافارگت عيني
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيده : بنوحكم ياشيعه
اسم الشاعر : #عزیز_الفيصلي
اسم الرادود : #محمد_الجنامي
المناسبة : الليالي الفاطمية 1442
المكان كربلاء المقدسة/هيئة محمد الجواد/حسينية الشكرجي
بنوحكم يا شيعه لاتنسوني
شما ذكرتوا فاطمه ذكروني
☄☄☄
شما ذكرتوا فاطمه ياشيعتي
ذكروا بالتفصيل هضمي ومحنتي
والله لو ما چتفتني اوصيتي
ياهو من اعداي يوگف دوني
☄☄☄
من يگف دوني وأنه حامي الحمه
لكن ابصبري امر رب السمه
الباب كون الباب يعصر فاطمه
وأنه ابحبل اوصيتي ايچتفوني
☄☄☄
ابد ماهمني السده اعليه وجرى
واليعاتبني عله الصار اعذره
ابگلبي نار الباب ظلت موجره
وابمصيبة فاطمه صوبوني
☄☄☄
هالمصيبه المصطفى بينها الي
وگلي لأجل الدين تصبر ياعلي
الله غيرك بعدي ما نصب ولي
والينكرونك علي ينكروني
☄☄☄
آنه شفت النار تسعر بالجذع
وشفت بابي عله الحايط يندفع
لچن ما چنت ادري مكسور الضلع
بالغسل شفت الكسر بعيوني
☄☄☄
شفت بعيوني اشكثر متألمه
بالغسل جرح الصدر ينزف دمه
وحمره چانت عينها وأمورمه
كل جرح خط صورته بظنوني
☄☄☄
بالغسل شفت الزچيه اتلوعت
وروحي من ذاك الحنين اتگطعت
للحسن وحسين حين اتوادعت
ينهدم صبري وتهيج اشجوني
☄☄☄
طلعت الزهره ايديها امن الچفن
وضمت حسين ابحضنها والحسن
ومن شفت زينب وامها اتوادعن
صار بيه المادرى ولاموني
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصیده : مشایه جیتک
اسم الشاعر: #احمد_العبيداوي
اسم الرادود : #حسن_الصالحي و بمشاركة الرادود #موسى_العتيقي
المناسبة : وفات ام البنين ١٤٤٢ الهجري
المكان : موكب مضيف العباس / المحمرة
🏴🏴🏴🏴🏴🏴🏴🏴🏴
مشایه جیتک من المدینه
گلولی عباس دم عله عینه
یمه اولیدک اویای
نرکض جینه حفای
ردنه انشربک المای
ترجع ویه زینب
................
جابلنی و الطم یل فضل خلینی انوحن و انعه
یتهدل الفاگد ولد من ضلعه یطلع دمعه
ابعینه السهم صایر رمح عاونی خل انطلعه
متبدی عل مای الگمر بس طافی مابی لمعه
ترکض علاوی بین الشماته
من المخیم طلعن خواته
طاح ابلایه چفین
عینه اتحاچی الحسین
ضعن اختک طلع وین
ترجع ویه زینب
................
سالفتی مو مای و عطش سولفلی یبنی اشلونک
یولیدی یاریت السهم بعیونی مو بعیونک
بل لحضه مرتین انکتل و انته المتت خیعونک
عوچیتی ردتک للکبر و اتشیلنی عله امتونک
شیباتی بیدک تغسلهه بل مای
البس چفوفک گوم ارجع ویای
مایرحم تره الیل
تدری ایهدم الحیل
طولک باگته الخیل
ترجع ویه زینب
................
فضتک الوادم نذر منک نرید اشویه
و اتمنه روحی ابکربله اشمحلاهه لو مسبیه
عفتونی لیش الوحدی چی لنی مو علویه
من یثگل اعلیهه الحمل ماتکبر البرحیه
ابدرب السبایه تحله الشهاده
کل عمری منذور اخدم الساده
متنی ابخدمت حسین
و اشرد بلنساوین
گوم انطینی چفین
ترجع ویه زینب
....................
ارماد الخیم صایر کحل منه الضمایر تنضف
انته الچبیر اشطیحک یم عینک ازغیر الطف
نار و عطش خیل و سبی و الحاله ماتتوصف
مطشر انته و جربتک بیش الحسین اتشطف
شیخک تفرهد یم العلاوی
دم ابدمعهن من النعاوی
اختک من اجته
صایر دم لگته
کلفه التطلع اخته
ترجع ویه زینب
................
اقرالی گتلک فاتحه یم النهر من اتضیج
مخنوگه زینب و العطش صایر شمر وسط الریج
یولیدی تعرف لو طحت سبعین الف عین اتهیج
و الدنیه ترکض عل خیم و حسین ماعنده ارفیج
ریت انه یمهن و اشبگ عبیهن
عاد ابعباتی اشگف علیهن
باچر تغفه العیون
و انته ابگلبی مدفون
غربه ابنعشی یمشون
ترجع ویه زینب
..............
فاتحتی تنصبهه الغرب عافتنی کلهه احبابی
لو نفترض ترجع عدل بیمن تهیل اترابی
گصتی اعرگت و اتمددت و العرب کلهه ابابی
وحده الفضل شال النعش هدلت امتونه اثیابی
مابین الگبور مالت مشیته
ابنک تره الشیب تارس لحیته
هال اترابی بل گاع
ماطول مشه ابساع
یکتل یوم الوداع
ترجع ویه زینب
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : فراق الأحبه
اسم الشاعر : #المرحوم_الشيخ_ابراهيم_الديراوي
الرادود #محمد_الجنامي
المناسبة مصاب عاشوراء 1442
المكان الناصرية /الدوايه/عزاء موكب وهيئة الإمام موسى الكاظم عليه السلام
🏴🏴🏴🏴🏴🏴🏴🏴🏴
ماشفت الهنا يحسين عگبك والعمر ماطاب
ولا مر عله اعيوني النوم حين النور وجهك غاب
شلون اتغمض اعيوني وبالطف عفت جثمانك
مرمي ابخطة الحومه ويمك هلك واخوانك
غِسلك من دمه نحرك صبح والذاري اچفانك
ياريحانة الهادي امصابك غطه كل امصاب
_
امصابك ماجرى يحسين مثله ولا بعد يجري
السمه والأرض يبن امي بچتلك والهوى اليسري
مو حگي ابحزن وانياح اگضي الخاطرك عمري
ولو گلبي صخر يحسين بمصابك تلاشى وذاب
_
اهي فرگه يبو اليمه وأگولن تخلص الفرگه
ونرد اردود نتلاگه واصيحن هلا ابهالملگه
صدگ رديت أنه لاچن زماني اشخله و أشبگه
اشوف الدار ذيچ الدار لاچن كل هلي غياب
_
چنت احچي وي روحي شلون ياروحي من اشوف حسين
شحچيله وشسولفله وابديله الحديث منين
اول مااحب ايده وأگله أگعد ينور العين
خل من وجهك اشبع شوف ياريحة هلي الاطياب
__
ونوب اللي اگل روحي يروحي امن ارد لبن امي
گبل لا احچي ابضيمي واشرح محنتي وهمي
احط راسي اعله ذرعانه وامزچ دمعتي ابدمي
و أگله موش أنه زينب ليش اتعوفني اويه اجناب
_
ما چني الربيت اوياك خويه حسين ما چني
حدرك لاف ابوي الحيد بالعز من زغر سني
من عندي اشبده يحسين يبن امي وتصد عني
لو ما كربله ما چان راسي من المصايب شاب
ونوب اصفن و أگل روحي يروحي امن ارد للوالي
اخافن ينكسر گلبه مااحچي اشجرى ابحالي
اشكثر صفنات تاخذني وچم حسبه التجي ابالي
وارد لن ذيچ أنه زينب الدولبها الزمن دولاب
_
وتالي ارجع لبو الغيره اخوي اللي كفل ظعني
و أگله اگعد يبو فاضل اريد احچيلك اسمعني
وحگك ماخطر ع البال تنساني وتضيعني
ابغرب والمالها والي ماتنحشم ماتنهاب
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : نعش الحزن
اسم الرادود :#محمد_الجنامي
اسم الشاعر :#كرار_حسين_الكربلائي
المناسبة ليالي وفاة السيدة ام البنين عليها السلام 1442
المكان /كربلاء المقدسة / هيئة عزاء شباب كربلاء المركزي
🏴🏴🏴🏴🏴🏴🏴🏴🏴
يهل السمه بصوت الظمه صاحت روحي
نعش الحزن خل يندفن بين اجروحي
اجي ابظعن چانت تتأمل
گضت عمر بس تقرأ المقتل
بين اجروحي
--------------
من اشفاف اليبست بظماها
احچي وكلمات اتمناها
ياخذها الريح وتسمعها ام العباس
گالوا ماتت من حسرتها
اعليه ومانشفت دمعتها
ابگبري وظليت ابچي اعليها
وآنه ابلا راس
امي~هاي امي انتظرتني اسنين
امي~ البفراگي ماغمضت عين
امي~ اتگول اسمي خادمة حسين
چانت وطن حيف الزمن خلاها اتنوح
جسمي انسلب الها نحب نحري المذبوح
ابغرب حزن ياهم تتحمل
گضت عمر بس تقرأ المقتل
بين اجروحي
--------------
ياقصة غربتها التهضم
جيت الطم بس شلون الطم
وآنه ابعشر اخيول اتكسر
صدري ومهشوم
ابچف المابي خنصر ادفع
اترابي ورايد من گبري اطلع
الگطعوا چبده ابسهم امثلث
ابيا حيل ايگوم
چانت~ كل ليله اتوديلي ادموع
چانت~ تعلگلي عشرتها اشموع
چانت~ مثل امي محنيه اضلوع
تحني الضلع تعلگ شمع وتقرأ القرآن
عگب الصبر عاشت عمر ابيت الأحزان
مثل غصن عطشان ويذبل
گضت عمر بس تقرأ المقتل
بين اجروحي
-------------
يوسف من وده اليعقوبه
ثوبه اتشافه بشمة ثوبه
ام العباس اتسامحني شرسل ياثوب
سلبوني ابآخر انفاسي
ثوبي وحتى اعمامة راسي
يمكن چا ماتت لو شافت شيبي المخضوب
تسأل~ عن حالي الرايح والراد
تسأل~ ماسألت عن الويلاد
تسأل~ يمته اترد يابو السجاد
ليل وصبح توگف جرح يم باب الدار
تسأل عسن عن الظعن تسمع اخبار
تجي ركض لو شافت محمل
گضت عمر بس تقرأ المقتل
بين اجروحي
-----------
للشاطي اطلع من گبري
ابشيباتي الحمره ودم نحري
اوصل يم گبر العباس وأنحب وياه
ونتگابل لو صار الملگه
امنه ونبچي اعليها ابحرگه
العاشت بفراگي وبفراگه ابدنيا امن الآه
ماتت~ والدتي الكلها امروه
ماتت~ الجابتلي تاج الخوه
ماتت~ هاي ام العشره الحلوه
ابعينه السهم راعي العلم وينحب الها
ضي ماطفه ام الوفه مشتاگلها
بچت دعت لله وتتوسل
گضت عمر بس تقرأ المقتل
بين اجروحي
--------------
چن اسمع صوت الحنيه
ماضيع صوت العلويه
صاحت زينب بس صيحتها مليانه اجروح
ماتدري شگد ناحت لجلك
لمن سمعت قصة چتلك
گامت ليل انهار اتنادي آ يامذبوح
ابني~ آ يبني ظامي وذبحوه
ابني~ شنو ذنبه عاري ايخلوه
ابني~ امسلبينه ابحافر سحگوه
نگعد سوه نبچي سوه وماتغفى العين
فوگ النجم شالت اسم ناعية حسين
تحن إلك لكن ماتندل
گضت عمر بس تقرأ المقتل
بين اجروحي
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : منتظره كل هذا العمر
اسم الشاعر : #محمد_الفاطمي
اسم الرادود : #محمد_الجنامي
المناسبة وفاة ام البنين عليها السلام 1441
المكان الأهواز / الفلاحية / هيئة ابناء الحسين عليه السلام
🏴🏴🏴🏴🏴🏴🏴🏴🏴
منتظره كل هذا العمر وأشتاگ إلك مو بيدي
ترضاها اموت الوحدّي چا ماترد يوليدي
كلشي انتظر شمة نحر يبني ومچانك خالي
ظهري انكسر من السفر بسك بعد يالغالي
@@@@
تدري انتظارالأم صعب
ضيعة يتيمه ابنص غرب
ابحنيته لو فاض الگلب
ياهو اليلمه
يايمه بفراش الأجل
ميته وبعد عندي امل
منك ولا طارش وصل
محتاجه كلمه
كل ام إذا يدنه الأجل تتمنه ابنها
يحضرها بآخر لحظه وإيغمض جفنها
ايقبل ايديها وراسها يترس حضنها
عني اشبعدها كربله وابهيجي حاله اتعوفني
مااقنع ايگضك گبر بس لو نويت اتشوفني
حگي امن اون غالي الابن
چا يمته ترحم حالي
ظهري انكسر من السفر بسك بعد يالغالي
@@@@
كل يوم بي چنت انتظر
كل يوم يذبحني الشمر
كل يوم خاطر ينكسر
محد يجبره
يوميه اموت ابغيبتك
وأنذرت كلشي الرجعتك
خلّصت شوفي ابحجرتك
نظره اعله نظره
والدمعه تسوى اطيح اذا طاحت لهلها
اي والبواچي الوالده ايغير شكلها
وعيوني يبّست چي بچيت ادموعي كلها
لمني ابجفاك اطشرت لمني والم ادموعي
يبني ورغم نار الحزن بس بارادات اضلوعي
يالمارترد كافي البعد تدري الهجر چتالي
ظهري انكسر من السفر بسك بعد يالغالي
@@@@
ياهو اللي يحفرلي الگبر
ابهالوحشه ماينفع صبر
يوليدي كل لحظه التمر
بفراگك اسنين
ارحمني وارحم حالتي
من الله چانت طلبتي
متنك يشيل اجنازتي
وتدفني يحسين
يوليدي لاتعلگ شمع بس احضرانت
ولاتبچي آنه ادري الشمع من يبچي سكته
وياك يرجع كلشي كلشي وياك اخذته
چنت انتظر جيه ابحلم شحت عليه اطيوفك
وهسه اقبل ابجيتك رمح المهم عيني اتشوفك
حت لو جرح حت لو رمح هو انت رلسك عالي
ظهري انكسر من السفر بسك بعد يالغالي
@@@@
گالولي مايرجع ابد
گلتلهم اتحمل بعد
والشوگ حار ومابرد
يشبه فرگتك
الجيته افرش ارموشي هلا
من دمعتي الحد كربله
ميته وأگوم استقبله
تحييني جيته
وأبنتظارك عالدرب مشتوله عيتي
اي ياعزيز امك ولا هزك حنيني
چا ماگلت نعش امي محتاج اليميني
اينگطوله ماي ابشفته الميت عطش مو كافي
بس آنه عطشانه لأبن شتنگط اعله اشفافي
مات الهوى ومات الضوى ديرة جمر دلالي
ظهري انكسر من السفر بسك بعد يالغالي
@@@@
يوليدي ارجو المعذره
اشعر ابروحي امقصره
يحلالي نوم المگبره
لو راضي عني
يوليدي مو قصدي العتب
بس الصبر كله انسلب
كلشي ولا يوجد سبب
زعلك مني
يالتدري التفارگ تظل حسره ابصدرها
كل ساعه سيف ايحز مشاعرها ونحرها
امك تريدك بس توسدها ابگبرها
ها يولدي وياسيدي تدري انت اعز من روحي
احضرني ساعة شدتي صاحتك كل اجروحي
ابقى ارتجي ولمن تجي نوم الگبر يحلالي
ظهري انكسر من السفر بسك بعد يالغالي
@@@@
أنه اعرف ابگلبك سمح
ماتقبل امك تنجرح
يالغالي خو مامنذبح
طمني عنك
ما أمن ابهذا الزمن
بس شرد اسوي الكلبي حن
امحلفتك ابضلع ام حسن
ابهالطلب منك
لا مااتعبك ع الگبر لاتحني ضلعك
ولا لا تهيل اتراب اذا مبتور اصبعك
يبني احچي كلمه المهم خليني اسمعك
تقرالي يبني الفاتحه وأعله الگبر صليلي
وارفع چفوفك للسما ارتاح من تدعيلي
صوم الجفن حزن ابحزن كل العمر يهلالي
ظهري انكسر من السفر بسك بعد يالغالي
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصیده : یمه یم البنین
اسم الشاعر : #مسلم_المانعي
اسم الرادود : #حسن_الصالحي
المناسبه : مصاب عاشوراء 1442 الهجری
المکان : حسینیه الحوراء زینب | الاهواز - الحمیدیه
🏴🏴🏴🏴🏴🏴🏴🏴🏴
يمه يم البنين _ المن النوایح
ايدي بيد الحسين _ للزچیه رایح
هاذي چانت کلمتك قبل السفر _ يعباس
فدوه اروح الغيرتك يبني الگمر _ یعباس
یابوفاضل
____
یابوفاضل من صرت واگبالي شبيت
وجهي يخجل من تنادي يمه بالبيت
هذا بيت الزهره وآنه دعوه لبّيت
آنه مثلك يبني عد زينب تربيت
مااطلبك ارباي_يبني لايهمک
جيب الزينب الماي _ وانته تطلب امك
تعبي كله ايطيح لجلك عالنهر _ يعباس
فدوه اروح الغيرتك يبني الگمر _ یعباس
یابو فاضل
_
راية الكرار بيدك تنرفع راد
والدك امّنها عندي وگلّي تنعاد
وآنه بيديه اعكرتها ابنيّه امراد
واحمدت الله وشكرته انطاني اولاد
والله مرت ايام چنت الولي يمكم
صرتو يبني خدام للزچیه امکم
یرتفع راسي بوجودك هالشهر يعباس
فدوه اروح الغيرتك يبني الگمر یعباس
یابو فاضل
_
انته عندي غالي يبني وتسكن العين
وتدري ماتوصل غلاتك محبس حسين
من تجيني تدري اسالك محبسه وين
ومااعذرك الّه جاي ابليه چفین
من تذب الچفوف ارفع آنه ایدیه
ادري واگفه اتشوف امك الزچیه
وآنه بسمك لو نلت هذاالفخر يعباس
فدوه اروح الغيرتك يبني الگمر یعباس
یابو فاضل
من تطیح اعله الشریعه تسکت الناس
وانته اول مره تندب خویه بحساس
گبل الحسین الزچیه تلطم الراس
یابو فاضل یابو فاضل یبني عباس
ابجربتك تلاگیك وتعثر ابمشيها
وانته مگطوعه ایدیك اتشربك ابأيديها
وانته ترفض واحس گلبك اعتذر يعباس
فدوه اروح الغيرتك يبني الگمر یعباس
یابو فاضل
عالرمح راسك اريده يرتفع فوگ
تدري من بعدك خواتك يبچن ابشوگ
مره مجلس مره سوگ وهنّه عالنوگ
يبني حامي عن خواتك طرّت السوگ
یبني صد العيون عنهن ابنظرتك
خليهم يذكرون ابكربله خزرتك
وجسمك ايحامي على الظهره انكسر يعباس
فدوه اروح الغيرتك يبني الگمر یعباس
یابو فاضل
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : وا أماه
اسم الرادود : #محمد_الجنامي
مع الرادود : #حسين_اللامي
المناسبة الليالي الفاطمية
🏴🏴🏴🏴🏴🏴🏴🏴🏴
ويلي يبو اليمه حاضنها بهمومه
صاح ابدمع عينه يالزهره مظلومه
ينظر صفى ازرك من الضرب خدها
وياعملة البسمار ابصدر امه معلومه
@@@@
گعدي يبعد البيت حاچيني بآلامي
ابلا ام بعد شتفيد يالزهره أيامي
عمري على عمرچ يايمه بس گومي
عالمغتسل هاليوم ضيعوهن احلامي
@@@@
يمه إذا بالطف ابقى ابحزن وحدي
تهجم عليه الخيل فوگ الرمل خدي
من وين اجيب امي تنحب على جسمي
وزينب يسلبوها وبيها العدو يحدي
@@@@
انه من اعتب عليكم لاتزعلون
ترى كلي هضم وأنتم تعرفون
آنه ابخوتك عباس ممنونه
والمثلك يوافي شلون يوفونه
المالها اخوان تظل مثل الغريبه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : بالتراب
اسم الشاعر : #وسام_الشويلي
اسم الرادود : #محمد_الجنامي
المناسبة الليالي الفاطمية1442
المكان النجف الأشرف / هيئة الزهراء للعزاء المركزي
🏴🏴🏴🏴🏴🏴🏴🏴🏴
بالتراب يالأحباب
وأتعودت روحي على المقابر
أنه اشتاگ والفراگ
ماينحمل ويجرّح المشاعر
يافاطمه انتي النفس
والزمن ويايه عكس
حرم روحي منچ
مخنوگ بفراگچ صرت
عذبني گلبي بكل وكت
يسائلني عنج
روحي الحزينه امعذبه
يوميه لوعه ونايبه
سكن بيه حزنچ
بيدي رسول الله اندفن
واليوم يا ام الحسن
بالتراب ادفنچ
بچي ونوح والجروح
عكازتي وأبمشيتي اكابر
أنه اشتاگ والفراگ
ماينحمل ويجرّح المشاعر
اسأل صرت يأم الحسن
هو انتي لو عمري اندفن
د ردي عليه
عين الشماته اتصد الي
وهذا آنه ما چني علي
جمر فرگه بيه
عايش غريب ابديرتي
وبس الله يدري ابحالتي
اعله حالي اشبديه
ابگلبي حچي ومن ينحچي
تختنگ روحي امن البچي
حرت يالزچيه
بالمصاب الگلب ذاب
وإنعمت من كثر البچي النواظر
أنه اشتاگ والفراگ
ماينحمل ويجرّح المشاعر
_
ليليه اعوفن منزلي
ضايع وأدورنچ هلي
وانادي اعله اسمچ
من الزم اتراب الگبر
انحب وأطيحن منكسر
من اشمه اشمچ
باب الگبر ماينفتح
بس فاتح ابگلبي جرح
حنيني يلچمچ
حاچيني يالبيچ الدوى
گعديلي خل نرجع سوى
اريد ابقى يمچ
تگعدين تشوفين
حالة علي المو علي هسه صاير
أنه اشتاگ والفراگ
ماينحمل ويجرّح المشاعر
_
عيني الًذي من دم بچت
بين الغفت والما غفت
ندائچ اسمعه
وحدها زينب ياعلي
موحش عليها منزلي
عله افراگي تنعه
وآنه گمت من اسمعت
لكن على وجهي طحت
ذبت دمعه دمعه
بينچ وبين ام الحزن
صاير اثنين وبس اون
الگلب محني ضلعه
بلا روح والجروح
بيهن صرت اعثر وگلبي حاير
أنه اشتاگ والفراگ
ماينحمل ويجرّح المشاعر
__
رديت من المگبره
ردة المكسور اظهره
وتلگتني زينب
اشعر مهجتي تنمرد
من گالت امي ماترد
دليلي تعذب
حيره وعليمن انتچي
طايح وسالفتي بچي
الحسن يمي ينحب
وحسين ونته عاليه
وإيصيح وين الغاليه
ابدمع عينه يشرب
يتاماج فگدناچ
ظلينه بعدچ نكسر الخواطر
أنه اشتاگ والفراگ
ماينحمل ويجرّح المشاعر
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : يا ابن ملجم
اسم الرادود :#محمد_الجنامي
اسم الشاعر :#وسام_الشويلي
المناسبة ليالي استشهاد امير المؤمنين علي عليه السلام 1442
المكان النجف الأشرف/ هيئة الزهراء للعزاء المركزي
🏴🏴🏴🏴🏴🏴🏴🏴🏴
يا إبن ملجم.....طبرتك تهدم......للهدايه اركانها
والوحي إينادي.....دعوة الهادي....صوّبوا قرآنها
@@@@
واضحه الليله المصيبه العلي أمن الدار
چلّب البسمار بيه وحل الأوزار
الطير خلفه إيصيح ارجع لا يكرار
وعلي ابهالحاله اعله زينب عينه تندار
هو من يمشي.... ينفگد كلشي.... الدنيا تبدي احزانها
والوحي إينادي..... دعوة الهادي.... صوّبوا قرآنها
@@@@
الليله متغير وضعها حته النجوم
بالسمه وجه المصيبه انشوفه مرسوم
شايل الشيطان بيده سيف مسموم
لو طبر حيدر ابراسه بعد ميگوم
حيدر الليله..... ويله ياويله.... من غدر شيطانها
والوحي إينادي..... دعوة الهادي.... صوّبوا قرآنها
@@@@
هاي ليلة قدر ندري وليلة ايمان
وسفه ابن ملجم گلبها ليلة احزان
اتنزّل القرآن بيها وبيها تبيان
ليش تتنزل الطبره عله القرآن
ليلة الرحمه..... اصبحت نغمه.... وأختلف عنوانها
والوحي إينادي..... دعوة الهادي.... صوّبوا قرآنها
@@@@
بالفجر صوت المصيبه اذّن وصاح
الطيّح اصنام الضلاله ياوسف طاح
ابليس ناده يبن اميه نام مرتاح
انهدمت اركان الهدايه وطفه المصباح
راح اليخوفك..... راح اليرجفك.... لو دخل ميدانها
والوحي إينادي..... دعوة الهادي..... صوّبوا قرآنها
@@@@
علي هذا اللي ابيمينه شايل الباب
ماله حيل إيشيل راسه الثگل الصواب
شما يريد ايگوم يوگع عله المحراب
والدمه صابغ لحيته بلون الخضاب
ثگلت انفاسه..... منفتح راسه..... طبرته ونيرانها
والوحي إينادي..... دعوة الهادي..... صوّبوا قرآنها
@@@@
علي النتنخاه وبيده إيشيل الثگال
هسه من محرابه چنه اجنازه وإنشال
ابو فاضل لمن شافه اشحچه واشگال
عاف ابوه وعله زينب ركض بالحال
حيره كافلها.... ومن يگللها.... تنخطف الوانها
والوحي إينادي..... دعوة الهادي.... صوّبوا قرآنها
@@@@
زينب امن ابعيد نادت يالمجبلين
يخوتي هالشايلينه اوياكم منين
الحسن جاوبها ابدمعته وصاح الحسين
اي يزينب هذا ابونه راسه نصين
ياعلي صاحت.... زينبك راحت..... وإنهدم صيوانها
والوحي إينادي..... دعوة الهادي.... صوّبوا قرآنها
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : احتفل وألعن ابو الكورونا
اسم الرادود :#محمد_الجنامي
اسم الشاعر :#حسين_الساعي
المناسبة ولادة الامام الحسن عليه السلام 1441
🏴🏴🏴🏴🏴🏴🏴🏴🏴
وجهی لون الفرح ینعد لونه
احتفل و العن ابو الکورونه
ارد اروحن للسبط و امشیله
اشلون اظل اببیتی های اللیله
حته جبرائیل هم شَد حیله
نازل ایهز مهده و ایلولیله
اویاه اریدن اقهر العادونه
احتفل و العن ابو الکورونه
_
اشلون اضل اببیتی آنه المالی بیت
حسین بیتی و خیمتی البیهه التجیت
ابیا وجه ارجعله لو عفته و مشیت
و آنه من زغری عله اسماطه ربیت
جبت عمری آکل ابماعونه
احتفل و العن ابو الکورونه
__
یا مرض یمنعنی عن حُب الولی
اشلون اخافن وآنه ابن حیدر علی
یا بلاء ایرید یتگرّب الی
و آنه من ازمان بلحب مبتلی
حسین حبّی اشلون اعیش ابدونه
احتفل و العن ابو الکورونه
ریت ازورن گبره و اشتم الضریح
کون حدر افیایه اگعد و استریح
چان شایل تربته عیسی المسیح
یحیه بیهه المیّت و یشفه الجریح
هل عشگ خَلّه الخَلَگ مجنونه
احتفل و العن ابو الکورونه
_
احنه شیعه او یرف بیرغنه الحَمَر
عایشین اببخت مهدی المنتظر
انتانی ایام الفرج و احله خبر
لمّن ایگولون ابوصالح ظهر
روحی بآمال و صبر مشحونه
احتفل و العن ابو الکورونه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
نواعي الرادود :#محمد_الجنامي
للشاعر :#وسام_الشويلي
🏴🏴🏴🏴🏴🏴🏴🏴🏴
مالي وكت يحسين انعى
ولالي وكت اذرف الدمعه
شمل التشتت گمت اجمعه
ومابين هاي وهاي اسعى
ضاگت عله ايتامك الوسعه
وآنه ابوصيتك الهم ارعى
اليرفع عليهم صوت امنعه
وعنهم بديه اشگف الصفعه
هناك يتيم ايصيح اسمعه
حرگته النار ايريد فزعه
وآنه اجيه ابروحي مسرعه
للنار اطبله واطلعه
والشارد امن الخوف اتبعه
بيدي الزمنه وأرجعه
والطايح اتحيّر ابوضعه
من حدر سحگ الخيل ارفعه
اعذرني يامهجة البضعه
ماتوا من الأيتام سبعه
غير المشوا وألهم امضيعه
هاي التون وتريد ابوها
وذيچ التناشدني اعله اخوها
ايتام خويه وسلبوها
ع المتن بالسوط اضربوها
وللشام ويه اختك سبوها
يحسين كل صبح ومسيه
عنك تناشدني رقيه
اتگلي الأبو مامر عليه
چا مادرى بالصار بيه
حرموني من شرب الميه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : اجت زينب
اسم الرادود :#محمد_الجنامي
اسم الشاعر :#فاضل_مقدم
المناسبة ايام الأربعين 1442
المكان كربلاء المقدسة/موكب ابناء النجف الأشرف
🏴🏴🏴🏴🏴🏴🏴🏴🏴
خلصت ايام السبي وأحزانها
وأجت زينب حايره الخوانها
@@@@
رجعت من الشام زينب بس دمع
جنها امها الزهره مكسورة ضلع
تبچي سكته وصوتها ماينسمع
خاف تلچم جرح من وليانها
@@@@
نادت السجاد ياعمه اشبعد
نوصل الطف كربله گلبي انمرد
گلها هاي اگبور اهلنه وأستعد
الفاتحة اهله ونزل بمكانها
@@@@
ابد ما سألته عن گبر الولي
اندلته وصاحت هله ابريحة هلي
اتگله احلفك بالكسر تنهض الي
ياعمد بيت النبي وصيوانها
@@@@
شبگت اتراب الگبر وأتشمه شم
اتصيح ضيعتوا الإخت يأهل الشيم
المثلي وأنتوا اخوتها ابقى ابلا خيم
وأطب قصر الفاجره وديوانها
@@@@
هسه اجيتك خويه ماريد العتب
ولا أگلك بيه شمسوي التعب
اشعجب ما تستقبل اختك وأشعجب
يا عرف گومي وفرض شبانها
@@@@-
خويه أسألك عن كسر ذاك الصدر
طاب لو بعده يبو اليمه الكسر
ريت يوسعلي مكان ابهالگبر
وتصد لچمات السبي ونيشانها
@@@@
والله لو مره بعد تگعد وأشوف
وجهك ويمك اظل افتر وأطوف
احب راسك خويه من گبل الچفوف
يا نبض روحي الجرى ابشريانها
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
⭕️ إذا مالچ ضریح
الرادود #حسن_الصالحي
احتفال #الدوره_الثامنة_للتجلیل_من_خدمة_سیدة_نساء_العالمين فی #موکب_بیت_الاحزان_عبادان
#رجب۱۴۴۲
⭕️ سلام الله على ام الحسن والحسين
الرادود #حسن_الصالحي
احتفال #الدوره_الثامنة_للتجلیل_من_خدمة_سیدة_نساء_العالمين #موکب_بیت_الاحزان_عبادان
#رجب۱۴۴۲
اسم القصيدة : رديت يابيت الأهل
اسم الرادود :#محمد_الجنامي
اسم الشاعر :#وسام_الشويلي
المناسبة وفاة السيدة زينب عليها السلام
المكان واسط/ هيئة سيد الأوصياء
🏴🏴🏴🏴🏴🏴🏴🏴🏴
رديت يا بيت الأهل
لكن بدون احبابي
وأتخيلك مثل الگبر
ادخل وأهيل اترابي
هاي آنه عگب الغالين
محسويه مثل الميتين
ادخل وأهيل اترابي
@@@@@
رديت بس ابيا وضع ياريت ابد مارديت
خطواتي حسرات اودمع بجروحي اعثر ظليت
منهو اليلاگيني بعد فارغ اشوفك يا بيت
دگيت بابك وإنفتح جرح الگلب من دگيت
ع الباب اشوف امعلگه
قطعه وقريت البيها
هالدار مسدوده تظل
حد مايرد راعيها
ياروحي بيها اشتلگين
محسوبه من الميتين
ادخل وهيل اترابي
@@@@@
هاي المدينه مگبره انظرها ماشوف ابيوت
وآنه ادخلتها ميته والظعن چان التابوت
ماشوف يابيت الأهل لا ضوى ولا اسمع صوت
عن يمنتي وعن يسرتي شما التفت صورة موت
يابيت ادخلنك وأحس
من جسمي تطلع روحي
افتح الباب وتنفتح
بيبان كل اجروحي
آنه ابغياب الطيبين
محسوبه من الميتين
ادخل وأهيل اترابي
@@@@@
يابيت يالجنه چنت تزهي ابوجود الأحباب
موحش اوخالي اصبحت وحيطانك اتهيل اتراب
ماتت احچاية ياهلا من چنت اوصل للباب
وظلت احچاية ايسي مايرجعون الغياب
ابقى حزينه الوحدي
والذكريات اگبالي
من چنت اگعد والحچي
غالي ويسامر غالي
ياروحي هسه اشتحچين
محسوبه من الميتين
ادخل وهيل اترابي
@@@@@
اذكر ايام اللي مضت وأذكر دلال العباس
بيه إذا ضاگ الهوى من عنده ينطيني انفاس
هذا الغيور ~ اعله النهر خليته جثه ابلا راس
وأصبحت وحدي ابلا خدر تتفرج اعليه الناس
ياحزن خيم عالگلب
وأتعاون انت ويه ليلي
ماظل بعد عندي گمر
راح الذي يضويلي
مكسوره ماعندي امعين
محسوبه من الميتين
ادخل واهيل اترابي
@@@@@
مهضومه يابيت الأهل شو احچي ماتحچي اوياي
وين الگبل چانوا ذرى ومن امشي يمشون افياي
مادامهم تحت الثرى چا آنه شلي ابدنياي
ماي العمر همه وأنه ورده وبگيت ابلا ماي
ذبحتني فرگتهم وأحن
الهم حنين الناگه
وآنه ادري وياهم بعد
بالدنيا مااتلاگه
شيرجع المذبوحين
محسوبه من الميتين
ادخل وأهيل اترابي
@@@@@
عدله ولكن ميته و أبجسمي ما ظلنت روح
ليليه اروح الكربلاء بجناح گلبي المجروح
انظر مصارع اخوتي وأبعيني منحر مذبوح
وأصعد عله تل الحزن وأصرخ ابصوتي المبحوح
هيچ آنه رديت وشفت
وحشة البيت الخالي
درون مو غالي العمر
لمن يروح الغالي
منتظره للموت ايحين
محسوبه من الميتين
ادخل وأهيل اترالي
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : وين اخوتي
اسم الرادود :#محمد_الجنامي
اسم الشاعر :#وسام_الشويلي
المناسبة وفاة السيدة زينب عليها السلام 1442
المكان كربلاء المقدسة/عزاء موكب الكميل الحسيني
🏴🏴🏴🏴🏴🏴🏴🏴🏴
ياروحي وين اخوتي
البيهم عشت دنيتي
ظليت أنا وغربتي
ويلي اعله حالي
__
محله الأخو ويه الأخت لو سولفوا سويه
يگضي الوكت لمحة بصر بحچايه عاطفيه
ميظل تعب ميظل قهر لو شافته اتشوف السعد
هو الأخو احجاب الاخت هو الذخر هو السند
مابالغت غالي الاخو واخسابه اغله امن الولد
بالأخو احلى صفه
حنيته والعاطفه
لو سولف اسوالفه
اتريحلي بالي
__
هو اخو ويصبح ابو لأخته إذا يتيمه
حگها الأخت لو وصفت وأتگول اخويه خيمه
الماعدها اخو تگضي الوكت امدولبه ومتحيره
والعدها اخو اتعيش العمر عيشة عزيزه امخدره
متهنيه ومتنعمه ويمسح دمعها لو جره
تشبع ابكلمة هلا
ايسموها المدلله
اصفن وأتخيله
ذاك دلالي
____
هي الأخت عدها طبع كلش حلو وحنينه
تحمل گلب ام طيبه عدها خلگ سفينه
وأنه الصرت ويه اخوتي ام بس صرت متعذبه
عافوني وحدي ابدنيتي خلوني ويه النايبه
اوياهم چنت ام الخدر راحوا صرت متسلبه
اوياهم سروري مشه
وظليت مستاحشه
عايشه وماعايشه
ويه الليالي
__
مره نمت تحت الشمس وحسين إجه ابخياله
يمي وگف سد وذره هيج الأخو دلاله
بس الهضم بالطف وگع وآنه اعاين طيحته
واتحيرت افزع اله لو ابقى احرس عيلته
وحده غريب ابكربله ويلي اعله اخوي وغربته
للشمس فيّ ماصرت
ع التل رحت و اوگفت
گتله عدل لو متت
جاوب يغالي
__
اذكر گبل عندي اخو وأسوالفه اشكثرهن
من غيرته اجدامي إذا يمشن يطم اثرهن
اشحاله إذا بيه درى ذاك الخدر مني انسلب
وأضلوعي بسياط وعصي متكسره و وجهي انضرب
آنه ابسبي وأسأل گمت عايفني عباس اشعجب
ويلي اعله راعي الخدر
بظعونه~ يحدي الزجر
كل طولي شافه الشمر
مو بس خيالي
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : يحضر علي
اسم الرادود :#محمد_الجنامي
اسم الشاعر :#وسام_الشويلي
المناسبة استشهاد الإمام علي الهادي عليه السلام 1442
المكان سربندر/حي شهيد دستغيب/الحسينية الزينبية لخادمها قاسم موحدي
🏴🏴🏴🏴🏴🏴🏴🏴🏴
نندب علي و یحضر علي الهادي ولیده
حامي الحمه وي فاطمه یمه انریده
إله العزه ینصبه بسامره
علي الولد یبچي وي الزهره
یمه انریده
@@@@
یاهالعالم موت و غربه
من یجتمعن کلش صعبه
هیه الغربه تهد الواحد
والنوب الموت
هاي اللیله انون و أنّادي
نتألم لمصاب الهادي
نندب حیدر ذاک الخلص
یونس من حوت
وینک~ یالحاضر دفنة سلمان
وینک~ والهادي ابغربة اوطان
وینک~ لأبنک أحضر دفّان
وکت الشدد انته السند دوم انریدک
نتنطرک وشأخرک عن ولیدک
الأبو السند یحضر ننتظره
علي الولد یبچي وي الزهره
یمه انریده
@@@@
طبع الفارگ اهله و ناسه
حسراته تصیر اويه انفاسه
مکسور الخاطر و تجرحه
عیون الشمات
یتعذب لو ظل الوحده
شده اتعوفه و تلفي شده
ومن گبل الموت ایحسبونه
من الأموات
شده ~ونتنخه بحیدر و أنصیح
شده ~خل یفزع بجناح الریح
شده~ و الدمعه بعتاب اتطیح
هایاعلي ابنک علي شوفه ابعینک
دمعة عتب بیها انکتب کلمة وینک
یحن یجي بالدمعه الحمره
علي الولد یبچي وي الزهره
یمه انریده
@@@@
الهادي اللیله ايرید احبابه
وبچف الموت اندگ بابه
یمنه ویسره إيدیر بعینه
وین الغالین
متوسد بفراش جروحه
من السم تتخمد روحه
شیسوي بٱخر لحظاته
و اهله ابعیدین
روحه~ مهضومه ترید الاحباب
روحه~ و دلاله من الهم ذاب
روحه ~کلمتهه وین الغیاب
موته اقترب ینزف عتب جرح احساسه
گلبه انهضم علي یا الم یطرح راسه
شوکت علي الکرار ایحضره
علي الولد یبچي وي الزهره
یمه انریده
@@@@
حیدر خل یطلع من گبره
و یخبر هاللیله الزهره
والسامراء اتصیر الرحله
بموکب أحزان
وانشوف ابهاللیله الصوره
ام الأضلاع المکسوره
تاخذ ذریتها الهادي
بدفئ الأحضان
تگله~ یالهادي جیتک هالیوم
تگله~ احنیلک ضلعي المهشوم
تگله~ بمصابک لچموني الگوم
النوح ابتده سم العده غیر لونه
حیدر دنه ویعاینه مغمض اعیونه
بده یحس بآلآم الطبره
على الولد یبچي وي الزهره
یمه انریده
@@@@
صاحت فاطم ٱ يولیدي
شبیدي اعله المکتوب شبیدي
یومیه بواحد من عندکم
یفجعني البین
اعظم من امصابک روحي
شافت و شگد هیه جروحي
ومصابک مو هین لکن
مو مثل حسین
شفته~ اعله الغبره ودم نحره ايسیل
شفته ~و أضلوعه طحنتها الخیل
شفته~ وشفت اخته مهدومة حیل
فوگ الثره و مطشره کل اوصاله
یمه اون و بلا دفن محد شاله
حضر علي یمي و ظل یقره
علي الولد یبچي وي الزهره
یمه انریده
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : راحوا بنيني
اسم الرادود :#محمد_الجنامي
اسم الشاعر :#مسلم_المانعي
المناسبة ليالي وفاة ام البنين عليها السلام
المكان واسط / هيئة مواكب شباب اهل العزة
🏴🏴🏴🏴🏴🏴🏴🏴🏴
ما افتح الباب ـ راحو بنيني
غير الهوى الهاب ـ لحد يجيني
من بين الف ـ گلبي ايعرف ـ بس دگة احسين
*
بنيني الوحدي عافوني واريدن بابي مافتحه/
وأنه ادري من افتحنّه گلبي ينفتح جرحه/
گبل چان الحسین ایمر علی اخوانه ویجي ابلمحه/
مثل نبض الگلب دگته واطیرن آنه بالفرحه/
وعالباب أنه اروح ـ وافتح بديه
لن گلبي مفتوح ـ لبن الزچیه
واهتف اله ـ کل الهله ـ بعیوني الاثنين
من بين الف ـ گلبي ايعرف ـ بس دگة حسين
***
شمعه ابداري ما اضوي مثل ظلمة كهف داري/
اريدن داري مهجوره ولاريدن يمر جاري/
بنيني مابقت يمي وبنيني مو سبب ناري
خطاري الحسين وراح بعد ماشوفه خطاري/
لا صحوه لانوم ـ گلبي يعوفه/
وامتانيه ابيوم ـ يرجع واشوفه/
وابقه انتظر ـ يمكن يمر ـ لو رفّت العين
من بين الف ـ گلبي ايعرف ـ بس دگة احسين
**
شجاني وغمضت عيني وگلبي امن الحزن دامي/
حلم حيرني من شفته ومنهو ايفسر احلامي/
حُسين ابحلمي مر بيه وشفته ابلحظه جدامي/
ينادي يُمّه روّيني اريدن ماي أنه ضامي/
من نومي فزيت ـ للماي اجيبه/
لن خالي البيت ـ والله عجيبه/
هذا الحلم ـ مثل العلِم ـ احسيني چا وین
من بین الف ـ گلبي ايعرف ـ بس دگة احسين
*
عجيبه احسين اذا ضامي اذن عباسه چاوینه/
لبو الغیره عتب عندي عتب مابيني او بينه/
يگلّي عيني صابوها فلا اقبل عذر عينه/
عذر واحد اقبلنه اذا مگطوعه چفینه/
ودعني عباس ـ بمتونه جربه/
واعدني ياناس ـ بچفوفي اشربه/
مدري اشحصل ـ محد وصل ـ وآنه اعله نارین
من بین الف ـ گلبي ايعرف ـ بس دگة احسين
*
بعد ماتاتي يرجعلي شفت لون السمه حمره/
گمت الطم علی راسي ذبحو ظنوة الزهره/
وچنها الحره تبچیله ومحد یبچي عالحره/
على صدري الطمت بيدي اخافن داسو ابصدره/
هذا ابني منحور ـ اللهُ اكبر/
مو ضلعي مكسور ـ گلبي تكسّر/
چن فاطمه ـ متألمه ـ من لوعة البين /
من بين الف ـ گلبي ايعرف ـ بس دگة احسين
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : جانت سمه آمنه
اسم الرادود :#محمد_الجنامي
اسم الشاعر :#كرار_حسين_الكربلائي
المناسبة الليالي الفاطمية 1442،
المكان بغداد/حي النصر/موكب عزاء خاتم الأئمه
🏴🏴🏴🏴🏴🏴🏴🏴🏴
چانت سمه امنه
كل مغرب اتلمنه
فاطم نفسها ينحسب عند الله تكبيره
مثل الشمس راحت
هالخيمه من طاحت
سبحه وتطشرنه وصفينه كلمن ابديره
@@@@
ابدي من احجابها اليسوى السماوات
اخيال فاطم چان يتفصل عبايات
من كمال امي انفهم معنى الكمالات
لو نزل جبريل هي اتعلمه الآيات
چان الآيه يقراها
وأمي اتفهمه معناها
من اتصلي~ جبرائيل
جماعه ايصلي وياها
چان الوحي ذكره
تسبيحة الزهره
قرآنه يتفسر وأسمها صعب تفسيره
مثل الشمس ذابت
من ساعة الغابت
سبحه وتطشرنه وصفينه كلمن ابديره
@@@@
الله خلاها امينه فوگ ارضه
الشمس ماتطلع إذا مو امي ترضه
والفجر چم مره من ضيها توضه
گلب حيدر دنيا بس فاطمه نبضه
ذاكَ المرتضى ابراسه
النزل حتى العرش باسه
لمن ماتت الزهره
ماتت حتى انفاسه
حيدر ابقدسيته
اگباله احترگ بيته
ضربوا حرمته ومن ضلعها سمع تكسيره
من ودع الشمعه
صرنه مثل دمعه
سبحه وتطشرنه وصفينه كلمن ابديره
@@@@
من بعدها والدي عاف المدينه
شلنه من البيت للكوفه اجينه
ساعه لن نسمع علي راح امن ادينه
ابلا علي ولافاطمه تالي بقينه
ثوبه المنخضب بدماه
يم ثوب امنه خليناه
حيدر يشبه الزهره
ابليله ظلمه شيعناه
اتراب النجف قاسي
ياخذ اعز ناسي
اي والله حيره ياخلگ هجر المحب حيره
هيبه الأبو هيبه
من خضبوا شيبه
سبحه وتطشرنه وصفينه كلمن ابديره
@@@@
للمدينه عوّدت وآنه ابحنيني
النوب ظلت ع الحسن مشبوحه عيني
ريحة امي ابيمنته لازم يميني
اسمعته گلي يختي زينب ودعيني
اگعدت يم الحسن گعده
وأشوفن بالطشت چبده
بإديه غمضت عينه
عزيز ابن امي شيرده
اهوايه الأخو غالي
ونعشه مشه اگبالي
سدّوا مضيفه اللي اكل~ جبريل من خيره
ظلينه نتحسر
آنه وأبو الأكبر
سبحه وتطشرنه وصفينه كلمن ابديره
@@@@
مابقى امن الزهره بس حسين ليّه
وچملتني كربله ضيم العليّه
مدري اوگف ارد عنه اخيول اميّه
لو أرد النار لاتچوي رقيّه
جدامي انسحگ صدره
وحافر طلع من ظهره
اشوفن ع الرمح راسه
وبالشيله امسحت نحره
اصعب جرح بيّه
گادوني مسبيّه
وسوط الشمر فوگ المتن وآنه اخت ابو الغيره
ظعني بلا كافل
من بعد ابو فاضل
سبحه وتطشرنه وصفينه كلمن ابديره
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : شكرا فاطمه
اسم الشاعر : #وسام_الشويلي
اسم الرادود : #محمد_الجنامي
المناسبة الليالي الفاطمية 1442
المكان / الناصريه /هيئة نور الزهراء عليها السلام / المضيف الفاطمي
🏴🏴🏴🏴🏴🏴🏴🏴🏴
شكرا فاطمه عالراح والجاي
مولاتي الشكر واجب عليه
لاشيء خدمتي وأفضالچ اهواي
صحت وين الثرى اوين الثريه
@@@@
المايشكر المخلوق ترى ماشكر ربه
وينعد ناكر الطيب وأكو مشكله ابگلبه
وأنه يا ام الأطهار انكرچ هاي صعبه
وأنتي فضلچ اوياي بالماي الأشربه
الفضل لله وإلچ من اشتم الأنفاس
ولا أبالغ يبت سيد البريه
گالوا فاطمه اويه الناس تنقاس
صحت وين الثرى اوين الثريه
@@@@
يامولاتي لولاچ إلهي ماخلقني
وإذا آنه ألچ مملوك يعني الله عتقني
اشكره اشكثر محتار وأهو ابحبچ رزقني
ولوما انتي معدوم ولجل عينچ فلقني
بيچ اتميزت وأصبحت موجود
وكل الخير إجه منچ إليه
شما اشكر قليل وخيرچ إيزود
صحت وين الثرى اوين الثريه
@@@@
بأمري اصفن اهواي وأسولفلچ اموري
وشما جنت حزنان اگول انتي سروري
غيري حاضر اهناك وأنه ابيتچ حضوري
الطم ابچي انعاچ وثمل اصبح ابطوري
البعض يگضي لياليّه ويه ابليس
وأنه ابهاي الليالي الفاطميه
بيني وبينهم غلطان اليقيس
صحت وين الثرى اوين الثريه
@@@@
مامستحق هالشان لچن انتي كريمه
خليتيني انعاچ وعليه صرتي خيمه
مثل ما الله رحمٰن اگول انتي رحيمه
عله حالي تعطفين يالمسويتلي قيمه
عذراً لو گلت امي تصيرين
ومثل اولادچ اتبارين بيه
وأنه من هالحچي إيسامحني الحسين
صحت وين الثرى اوين الثريه
@@@@
اسأل والدمع طاح وأريد اسمع جوابچ
بابچ باب للخير عليچ انحرگ بابچ
گلبچ منبع الطيب وبي بسمار صابچ
شنهو ذنبچ اوليش يهتكونه حجابچ
اي ياجنة الله شلون بالنار
يروعونچ الگوم الناصبيه
شلون ابليس يدخل بيت الأطهار
صحت وين الثرى اوين الثريه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : هالليله دارچ مظلمه
اسم الشاعر : #كرار_حسين_الكربلائي
اسم الرادود : #محمد_الجنامي
المناسبة الليالي الفاطمية 1442
المكان ميسان / هيئة عبدالزهره الفرطوسي
🏴🏴🏴🏴🏴🏴🏴🏴🏴
هالليله دارچ مظلمه زينب زينب
دفنوها امچ فاطمه زينب زينب
إگضي العمر دمعه وصبر بعد الزچيه
وأستارثي بيت الحزن ابهاي المسيه
@@@@
يزينب خلي جفنچ يجري دمعه
وعلگي الوحشة الزهراء شمعه
الحنينه بالگبر~ باتي يتيمه
وبعد يازينب الراح اشيرجعه
زينب زينب زينب
امچ راحت زينب
وحشه وروحچ تنحب
زينب زينب زينب
نصرخ ويلاه زينب
گلبچ بالآه شيّب
ام الوفه بالمگبره ويلي ويلي
ذيچ الضلوع امكسره ويلي ويلي
يابت علي ماتنسي ذيچ الرزيه
وأستارثي بيت الحزن هاي المسيه
@@@@
بعد ماترجع الزهره هضيمه
يتامه اخوانچ وأنتي يتيمه
ابغياب الوالده امهم تصيرين
بعد خيمتهم اتصيرين خيمه
زينب بفراگ امهم
صيري خيمه اتلمهم
وانتي اتشيلين همهم
زينب بعد الزهره
كسرچ منهو ايجبره
ابغربه اتعيشين يمهم
اسنينچ تگضيها الم غربه غربه
كل ساعه وايصيبچ سهم غربه غربه
ابدار الهضم ماترجع اللمه سويه
وأستارثي بيت الحزن هاي المسيه
@@@@
يزينب والدچ روحه حزينه
إذا يمه بچيتي اتألمينه
البسي ثوب صبرچ روحي واسيه
اخاف ايموت بفراگ الحنينه
زينب عودچ حيدر
شاف الضلع امكسر
واعله الزهره اتحسر
روحي وداوي اجروحه
لحد يسمع نوحه
جرح اليشتاگ يكبر
من ودع الزهره انكسر حيدر حيدر
بس لايموت امن القهر حيدر حيدر
يم الخدر عينچ على حامي الحميه
وأستارثي بيت الحزن هاي النسيه
@@@@
يزينب روحي ضمي شكو تذكار
امسحي دم ضلعها عن البسمار
و دضمي ثوب امچ عن العيون
علي ليشوف ثوب البي أثر نار
زينب يكثر نوحچ
منهو إيداوي اجروحچ
مهضومه اتعيش روحچ
حيدر لو راح عنچ
اخوانچ يرحون منچ
ضيم الدنيا ايلوحچ
بالكوفه لو راح الأبو صعبه صعبه
معناها مايبقى اخو صعبه صعبه
ويازينب وعندچ مصاب الغاضريه
وأستارثي بيت الحزن هاي المسيه
@@@@
يزينب كربله اتهدملچ الحيل
تشوفين الحسين اترضرضه الخيل
وبعد ليلة الوحشه مو مثل هاي
يزينب خايفه اتباتين بالليل
حسين ايگطعون نحره
ابحافر ينداس صدره
وأنتي اتسمعين كسره
وأنتي اتظلين وحدچ
وكثرة ايتام عندچ
بين الهم والحسره
وعندچ بعد درب السبي نوحي نوحي
واليحدي بالناگه اجنبي نوحي نوحي
اصعب جرح اخت الگمر تطلع سبيه
وأستارثي بيت الحزن هاي المسيه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : شيعوها الحزينه
اسم الشاعر : #فاضل_مقدم
اسم الرادود : #محمد_الجنامي
المناسبة الليالي الفاطمية 1442
المكان البصره / الفاو / حسينية ام الحسن عليها السلام
🏴🏴🏴🏴🏴🏴🏴🏴🏴
شيعوها الحزينه شيعوها
خل تبچي المدينه شيعوها
@@@@
زينب گاعده اتنوح والدمعه جريه
تابوت الوديعه يم حامي الحميه
تسمع ناده جبريل ياعظم الرزيه
ياأهل الزچيه شيعوها الزچيه
يالوعة كسرها ودعوها الگبرها
وملطومه عله العين شيعوها
@@@@
نادت زينب ابصوت يالتحفر لحدها
ابهونك عالجنازه يدواها وضمدها
الأم لو ترحل~ البين مايرحم ولدها
خبرني الضلع طاب گلي شحاله خدها
وأبصدر الوديعه بسمار الفجيعه
وأجروح الغريبه اتلچموها
@@@@
ياساعات الوداع يامثگل حزنها
شيصبرني هاليوم وأسمع بعده ونها
عمر 18 عام وأتذبل غصنها
المثل امي الوديعه إيسطروها ابجفنها
وأبعيني الصحابه انظرهم ذيابه
فوگ الدفعه والنار سطروها
@@@@
يابويه الگبر زين وسعه وتجري عينك
تدفن روحك اليوم بس الله اليعينك
عگب الزهره معذور لو تخلص سنينك
تجرحني ابدمعتك تجرحني ابونينك
الله ايعظم اجرك بس لاتحني ظهرك
ظلموك الصحابه وظلموها
@@@@
مكتوب الحزن صار يابويه عليه
مايخلص مصابي يم گبر الزچيه
باچر عندي لوعات بأرض الغاضريه
انظر جسم الحسين تحت الأعوجيه
وأخيام الرساله اعوان الضلاله
چن بيت الزچيه ايحرگوها
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems
اسم القصيدة : بعدوهه
اسم الشاعر : #حسين_الساعي
اسم الرادود : #محمد_الجنامي
المناسبة الليالي الفاطمية 1442
المكان كربلاء المقدسة/هيئة محمد الجواد/حسينية الشكرجي
🏴🏴🏴🏴🏴🏴🏴🏴
بعّدوهه ام الخدر عن فاطمه
لا تشوف اضلوع امهه امهشمه
🔽🔽🔽🔽
من تغسلون الزچیه الطاهره
بعّدوهه ام الخدر زینب تره
لا تشوف اضلوع امهه امکسره
خاف ویّه اُمهه تعرّج للسمه
🔽🔽🔽🔽🔽
زینب و تدرون بیهه امدلله
و صعبه من الان تصبح معوله
طفله هیه و تنتظرهه کربله
تکفی عملتهه و هذيچ الملحمه
🔽🔽🔽🔽🔽
تنتظرهه کربله ابدم و دمع
موضلع واحد تشاهد چم ضلع
اعله الثره متوذره و ما تنجمع
اضلوع اخوهه حسین بن حامی الحمه
🔽🔽🔽🔽🔽
اهناک ما من باب و بسمار و کسر
حافر الخیل الیسولف بلعصر
ابحیلة البسمار و ینبت بلصدر
ایخلی اضلوعه تغورگ بلدمه
🔽🔽🔽🔽🔽
اعوجیه الخیل و اثجیلة وزن
مثل ذاك الباب بس تطحن طحن
تبقه زینب حایره و تبچی و تون
بلحزن و الهم سماها امدلهمه
🔽🔽🔽🔽🔽
اخفوها خد اُمهه الزچیه المنلطم
خوفنه اتشاهد السطره و تنهضم
اهوای عدهه اخدود یسطرهه الخصم
باچر ابدرب الیسر متالمه
🏴🏴🏴🏴🏴🏴🏴🏴🏴
⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي (صوت+کتابة)
/channel/alradodeinpoems