1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
كعديه بحق الصحابي الجليل سلمان المحمدي (ع) وفاته (٨) من شهر صفر
الليله بالدمع سلمان اذكره
وحصل أجر من والد العتره
امن اهل البيت سلمان
گال النبي الهادي
1
جاب كل العمر يبحث يسأل الدنيه شجاها
دنيه بيها الناس كثره وهذا بس مو محتواها
الوادم ابلا هادي منقذ هواي تتخبط لگاها
ظل يبحث ابكل العمر
واسنينه تمشي وينتظر
من زغره والحد الكبر
ينتظر محبوبه طه
وبتالي العمر شاف المؤيد
من اشرق على الدنيه محمد
والماحبه خسران
گال النبي الهادي
2
بعد كل رحلة عذابه وبعد رحلة هم طويله
ماتغيرت ابد روحه ناصعه وظلت اصيله
ايشوف هاي الدنيه كلها ابلا وعي وچانت دخيله
من اجه المنقض ايده
ورحلة نشر وياه بده
سلمان الله امسدده
وبالوعي گلبه دليله
للأسلام اصبح بي اصبح ركيزه
والطه اقترب صار وعزيزه
وللتضحيه عنوان
گال النبي الهادي
3
وارتبط سلمان اسمه بتضحية حبه ونضاله
اخذ علمه وغذه فكره من اهل بيت الرساله
صبح قدوه للصحابه بكل تفانيه وخصاله
والنعم سلمان الأبي
اصبح خصم للناصبي
واقترب كلش للنبي
وصار من اقرب رجاله
سلمان الوفي واضح بيانه
ربك جاعله بأرفع مكانه
بهل البيت ولهان
گال النبي الهادي
4
واخذ من حيدر اعلومه من تيقن علمه واسع
لأن يعرف زين حيدر عالنبي بيه يدري طالع
اتمسك بنهجه ودروسه يعرف بنهجه المنافع
عن درب حيدر مايزل
بيه يدري دينه يكتمل
من يمشي وي حيدر عدل
والقدم عالقدم طابع
عنه مايزل درب الحقيقه
بحيدر مؤمن ويمشي بطريقه
رفض مبدأ الخذلان
گال النبي الهادي
5
نال جاه ونال رفعه برحلته الشائكه وخطره
وانتهت رحلت حياته وبالمدائن صار گبره
اكراما السلمان ربك ارسله الحيدر يحظره
ارد انه اجاوب سائلي
حيدر دفن اشرف ولي
سلمان ويدفنه علي
بهل كرامه ختم عمره
طه ايگول زوروه بمكاني
والجافاه معناها جفاني
زوره اتحصل أيمان
گال النبي الهادي
لاتنسون والدي ووالدتي من الرحمه والغفران
خادمكم رياض الرسل الجابري
ميمر للحسن ابن الامام علي (ع)
ليل المحن
جور الزمن
شفناه بچبدك يالحسن
نعشك يضربوه بسهام حفنت زلم رمايه
١
لعبة لعب ياوسفه ذيج الأيام
عادو العتره من ظهور الاسلام
نعش الحسن بالحقد صابوه بسهام
بس بالأسم
لا مو زلم
الإسلام رادوه ينهدم
واتصدت وانطت روح ناس الصدك وفايه
٢
بعد الرسول ولوعته والمحراب
بالطبره راس المرتضى من انصاب
عالزهره هجموا واندفع ذاك الباب
ماضل أمل
بحقد وجهل
طبرو علي خير العمل
بسم الخلافه اينادون والكرسي چان الغايه
٣
والحسن يتصورون اصعب شده
والهذا من خذلوه صارو ضده
وادم تخطط والتنفذ جعده
بسم غدرته
من سمته
اينازع يلوب وعافته
جعده بحقدها المعروف بي چانت اموصايه
٤
جابو طشت والچبده نار وتسعر
وحسين رايد اخته بس تتكتر
زينب تشاهد خاف هذا المنظر
شيله صحت
هذا الطشت
وزينب لخوها تلتفت
وحسين كلف عباس وبهل مهمه هايه
٥
اتشيله الملائك للنعش وترفعه
واهل العرش تبچي الحسن بالدمعه
زينب تشاهد نعش اخوها وتنعه
حسين اندهش
نار وعطش
من شاهد اسهام النعش
مجبور يصبر لحسين من اجل تعله الرايه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
مقطوعات للصلوات
الف هنياله ليعمق صلاته
بآل النبي ومايترك صلاته
الشفاعه اينول من عله صلاته
على المختار وبهاي المسيه
هنيئا للأجو والحضرو ايعزون
ازفلكم خبر نعتقده عالفطره
بكل مجلس عزاء انقيمه لهل البيت
بي يحضر المهدي وتحضر الزهره
صلوات
على جيس الحسين المنگطع نحره
ولجل عباس خلو المجلس انعطره
صلو بعالي صوت الخاطر
الزهره
صلوات
على جيس العقيله زينب الحره
نعليها الصلاه اكثر بعده مره
اليصلي بصوت عالي اتسجله الزهره
صلوات
على حب العقيله الاكبر وجسام
وعلى حب الرضيع المنذبح بسهام
علوها الصلاه هالليله يالخدام
صلوات
شما تعمل انته بهل دنيه
وشما تجني من البركات
لازم تعرف بل تتأكد
كلهن ذني من الصلوات
صلوات
يوصل نريد الصوت لرض المدينه
صلو على المختار طه نبينه
صلوات
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
اربعينة
زينب تنادي يهل الحميه
ضعن الفواطم مابي رقيه
تبجي بدمعها
تبجي بدمعها
١
زينب تسولف بالدمع شنهو الجره بدرب السبي
عالناكه صعدوها ومشت ينظر عليها الأجنبي
حاديها ياوسفه الشمر من بعد عباس الآبي
تمشي الأميره للأسف وامحركه اطراف العبي
اخوتها عافت فوك الوطيه
زينب تنادي امشي سبيه
محد سمعها
تبجي بدمعها
٢
وصلت ابدمعات الحزن بس بضعنها مايله
من طبت الشام بحزن وياها كل العايله
والروس وياها مشت وبدمعه وصلت هامله
سكنه ورقيه بالضعن من ودعوها الكربله
بنص الخرابه بسهم المنيه
اعله راس أبوسها ماتت رقيه
طفو شمعها
تبجي بدمعها
٣
من بعد ضيم الشافته زينب ترد وي الضعن
بيوم اربعين المنذبح من بعد الآم ومحن
تنظر مواكب عالدرب وتنادي اشهد يازمن
رغم التعب رغم الحزن كل موكب اتشوفه وطن
نصبو مواكب فوك الوطيه
ايواسوني حضرو بسم الزجيه
لزمت ضلعها
تبجي بدمعها
٤
صوت المواكب تنسمع ومحزمه كل الخدم
شياب شبان ونسه خدام للحره نعم
حضروا يواسون ابدمع عباس شيال العلم
والزينب ايهون التعب صاحو يقسمولج قسم
وصلت تنادي بالغاضريه
اهلا يزاير صبح ومسيه
الزاير تبعها
تبجي بدمعها
٥
هاي الزياره بكل سنه الها المواكب تستعد
تخدم وخدمتها بشرف وبهل خدامه تنفرد
حض بيها من تخدم تره بالخدمه لازم تعتقد
يبقه اربعين المنذبح راية وفه وراية مجد
زينب تسجل كالت بديه
زوار اخويه وانطي هديه
زينب طبعها
تبجي بدمعها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
في الاربعين
كربلاء تتكلم عن لسانها
كربلاء اتنادي يوم الاربعين
أدخلوها بسلامُ آمنين
١
كربله تنادي وين زواري
ارد احيهم هله بخطاري
هله بكل زاير يدوس اترابي
ذوله احباب الحسين احبابي
واليزورون
واليواسون
ياهله وميت هله الزائرين
أدخلوها بسلامُ آمنين
٢
الشاب والشايب وابو العوجيه
من اناديهم هله بهل جيه
افرش اجناح العشگ للملگه
وگلبي وياهم يدگ فد دگه
لليحضرون
بدمع العيون
افتح اذراعي ونادي الگاصدين
أدخلوها بسلامُ آمني
٣
من يجي بلهفه الزاير ويوصل
مني يسمعها الله يتقبل
ياهله بزوار نحر الضامي
تزهي بيكم تحله كل ايامي
من تگصدون
زينب أم عون
الكعبة العشاگ انتم واصلين
أدخلوها بسلامُ آمني
٤
الزاير بدمعه كل سنه اليحضر
ايحصل امراده من ابو الاكبر
أربعين حسين يالوفايه
للمواكب تبقه والمشايه
عابس وجون
يالتسمعون
نادو ابدمع المحاجر حاضرين
أدخلوها بسلامُ آمنين
٥
ليكم اتنطر حتى اخط عهدي
بالدمه وياكم يشهد المهدي
بدفتري الزوار كلها امسجله
حسين شرفني وجعلني كربله
واليسجلون
بيه يحچون
بسم زينب كربله واسم الحسين
أدخلوها بسلامُ آمنين
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
الاربعين
عندما عادت زينب من الاربعين
اجت من اليسر دمعه
تنوح الفاگده وتنعه
الميامين
وصلت كربله اتوجهت
بس وين الگبر سألت
على حسين
١
وصلت وبدمعها احتارت اتروح
تسأل بس گلبها امخزن اجروح
تريد اتشوف گبره تبچي وتنوح
حتى اتصيح گوم اگعد يمذبوح
تمنت تگعد بكتره
اخوها وتبچي يم گبره
بالدموع
من الشام من وصلت
بس وين الگبر سألت
على حسين
٢
مابين الگبور اتوجهت وين
زينب وبهضمها ودمعت العين
يبن أمي اجيت ودربك امنين
دليني اعله گبرك خويه يحسين
يمن عمري فده العمرك
حبيبي حسين يم گبرك
بالهموم
گعدت لچن تتلفت
بس وين الگبر سألت
على حسين
٣
بدمعها گعدت وذيچ الرزيه
تشرحله هضمها والاذيه
اجيتك لاچن الاصعب العليه
يخويه احسين من عفنه رقيه
غصب ياخويه عفناها
بأرض غربه ودفناها
بالأحزان
رقيه ازغيره متحملت
بس وين الگبر سألت
على حسين
٤
بعد ماضاگت اعليها الوسيعه
گامت راحت الصوب الشريعه
تنادي بحيره وهموم وفجيعه
اگعد خويه ابو چفوف الگطيعه
تعنت صوب كافلها
اخوها الگبل دللها
بالضعون
راحت يمه ماصبرت
بس وين الگبر سألت
على حسين
٥
ملك الموت حايل بينك وبيني
زينب اختك آنه ماتحاچيني
گوم اگعد وشاهد دمعتي بعيني
والصوب المدينه اردود وديني
اسولف وانته تسمعني
دگوم وياي رجعني
يعباس
اختك بعدك اتحيرت
بس اعله الگبر سألت
على حسين
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
كعديه انتهاء الاربعين وعودة المواكب
ايام اربعينك ياضوه العين
خلصت وانتهت بدموع يحسين
والخدام يبجون
من رجعو لأهلهم
١
الخادم بليل اربعينه واگف بدمع انتظاره
فارغ الشارع يعاين خلصت بساع الزياره
ناده واتسمعه المواكب ينظر بحيره ومراره
خلصت الخدمه بيا وضع
مابين آهات ودمع
والخادم المحني ضلع
خدمة الزاير شعاره
بكل لهفه المواكب من ينصبون
تعال انظر عليهم من يرجعون
بالمدمع ينوحون
من رجعو لأهلهم
٢
اربعين الخدمه جنه وتگصد العشاگ ليها
والمواكب كلها تحضر تستعد تنوي وتجيها
اسبوع واسبوعين تخدم الزهره واتعاين عليها
كل المواكب والخيم
مقبوله أي كلها نعم
صك الشفاعه للخدم
اتوقعه الزهره بديها
بخدمت اربعينيتك علامه
الزهره اتسلمك صك الخدامه
بشاره خل يسمعون
من رجعو لأهلهم
٣
الخدمه حلوه وبيها لذه
من تعوف اهلك وتحضر
تشعر بعابس الخدمه چنك وتشعر بقنبر
الناس تزغر بالخدامه وبربعينك انته تكبر
تحضر وجاي بنيتك
تشعر اللذه بخدمتك
بس المصيبه برجعتك
بيك ترجع نار تسعر
تنظر للدرب مابي مواكب
خلصت خدمتك والگلب ذايب
وانقبلوا يسألون
من رجعو لأهلهم
٤
سنه يجمع ابو الموكب فلوس ويحسها قليله
حتى بيها اسبوع يخدم وخدمته ايحسها طويله
يدعي كل هاي الخدامه
كون ترضاها العقيله
من تخلص الخدمه بألم
اتشيل المواكب والخيم
والخادم ايحس بالندم
ويرجع اهمومه ثگيله
وتهل الخدم بالحيره دمعه
وبطارف الموكب كلها تنعه
كلها تبچي لعيون
من رجعو لأهلهم
٥
تفرغ بساع المواكب والمواجع تبدي بينه
نسأل وماندري احنه بره لو جوه السفينه
حسين نسأل بالمدامع خاف ماقابل علينه
لو شافنه انهل الدمع
وانحلفه بكسر الضلع
يقبلنه ندري بأي وضع
حسين ابو الروح الحنينه
ينزف نحر ابو اليمه عجايب
مذبوح ويحن اعله المواكب
چم عاشگ ومجنون
من رجعو لأهلهم
المصيبه
خلصن ايام الخدامه واربعين حسين عده
ورجعت اتون المواكب والحنين البيها بعده
اتعاين الخادم بحيره صافن ودمعه اعله خده
رافع اديه صوب السمه
عالخدمه روحه هايمه
ايحلف الباري بفاطمه
ايسجل اسماء المواكب والخدم هاي المسيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
قصيده بحق السيده (رقيه) (ع)
تنادي وگلبها ايذوب
يالـغايب ومحجوب
عن النظر
احنه بخطر
نادت رقيه بصوت
١
نادت رقيه الغايب وتشرحله
بالغاضريه شلون ذبحوا اهله
يالغايب ادري الفاجعه مو سهله
صارت عليك وهالألم تتحمله
چم فاجعه ومصاب
مـنـك ردت جــواب
يالمنتظر
احنه بخطر
نادت رقيه بصوت
٢
ذبحو زلمنه وكلها فوگ الغبره
وحسين ابويه الخيل هشمت صدره
يالغايب ومن طاح گطعو نحره
واحنه بدموع الفاجعه ننظره
يالغايب اشكي ليك
ثار الابو بأديك
طول الدهر
احنه بخطر
نادت رقيه بصوت
٣
اخذونه اسره وعالهزل ركبونه
ومچتفين بحبل ويضربونه
وشلون حاله البيها من وصلونه
بمجلس يزيد الطاغيه دخلونه
دخلونه والدموع
تـتـفجــر ونـلـوع
والهم كبر
احنه بخطر
نادت رقيه بصوت
٤
ردت انه ابويه وصحت وينه عمه
يالغايب وجابوا الراس بدمه
وگمت انه بالراس احضنه واشمه
رقيه انه گتله وگمت اضمه
وانه احضن الجبين
اتــوقـــــف الآنـيــن
من القـهــر
احنه بخطر
نادت رقيه بصوت
٥
راحت رقيه وسلمت أمرها
طفله وتموت اشافت بعمرها
والرايد ايدور على أثرها
يلگاها كعبه تنور بگبرها
مسبيه الطفوف
من الگبر تشوف
باقي الاثر
احنه بخطر
نادت رقيه بصوت
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده الشهيد زيد بن علي السجاد (ع)
زيد بعزم وصرار نادانه نادانه
نصبح طلب احرار نادانه نادانه
والسلطه ماخـلـوه
بس هو من اخذوه
نادانه نادانه
نادانه وعلينه الحجه القاها
من راية محمد بيده علاها
بالعالي ترف محفوظه خلاها
من دمه الشريف الطاهر انطاها
بثورة التوحيد نادانه نادنه
من عدنه شنهي يريد نادانه نادنه
ولهذا مابقوه
بس هو من اخذوه
نادانه نادانه
طلع ثائر غيور وثبت بدمه
مفاهـيـم القيم للعالم بعزمه
راد ايوضح النه الثوره منرسمه
امتداد ومرتبط بحسين ابو اليمه
صاح بجرح ملچوم نادانه نادنه
سيف الظلم ميدوم نادانه نادنه
ياللأسف عرفوه
بس هو من اخذوه
نادانه نادانه
خضع هيهات يخضع مارضه يساوم
لذلك واجه السلطه واجه يقاوم
متبايع اديه وتصافح الظالم
طلع والرايه بـيده وحامل الصارم
راح ادحر العـدوان نادانه نادنه
والماطلع خسران نادانه نادنه
اهل الكفر لزموه
بس هو من اخذوه
نادانه نادانه
انطاها انتفاضة ثورته عمره
لأن النه رسمها ونجحت الثوره
مثل جده الحسين بحالته و أمره
نتيجة ثورة المظلوم دم نحره
دم نحري فوگ الگاع نادانه نادنه
دم نحري لاماضاع نادانه نادنه
راسه انفصل گطعوه
بس هو من اخـذوه
نادانه نادانه
انفصل عن جسمه راسه والامر جائر
بس اسمه تخلد زيد يا ثائر
مصلوب اربع اسنين بأمل باچر
يناطر جية المهدي بگلب صابر
ومن النحر صرخات نادانه نادنه
والمثلي لا ما مات نادانه نادنه
فوگ النخل صلبوه
بس هو من اخذوه
نادانه نادانه
لاتنسون والدي ووالدتي من الرحمه والغفران
خادمكم رياض الرسل الجابري
قصيده بحق رقيه (ع)
عمه زينب بالدمع صاحت رقيه
بنار دخان الخيم محتركه اديه
شحجي والموقف صعب
ورم امتوني الضرب
صاحت رقيه
١
عمه زينب ماشفت كلشي بحياتي
ازغيره بس من العطش يبست لهاتي
الخيمه حرگوها وطلعت انه وخواتي
اركض ونار الخيم حرگت عباتي
ازغيره ما أحمل ضرب واثنين اديه
امچويات من الخيم بالغاضريه
ليش شمسويه ذنب
ورم امتوني الضرب
صاحت رقيه
٢
عمه ليش الخيم حرگوها علينه
وليش بالهيمه يعمه امطلعينه
ناس ماعدهم رحم وامچتفينه
اچبير عمه الحبل وازغيرات ادينه
ترفه أدينه وابد ماتتحمل احبال
ليش شمسوين ويروعوها الاطفال
حارمينه من العذب
ورم امتوني الضرب
صاحت رقيه
٣
ازغيره مو مالت درب لا صعدت النوگ
گوه صعدوني يعمه وثوبي محروگ
انه بنت حسين هاي اعليه متلوگ
عالزلم مكشوفه عمه وطبت السوگ
الناس من طبينه تتفرج علينه
وين عمي الجابنه من المدينه
بسوگ من بعده اطب
ورم امتوني الضرب
صاحت رقيه
٤
طفله ما أحمل ركض بين الضحايه
اعثرت چم مره يعمه بالعبايه
ليش ياعمه الشمر يركض ورايه
أيده مدها اعله التراچي وگال هايه
عالوجه عمه طحت مشدوه بالي
تمشي وين المثلي والماعدها والي
طحت فوگ اعله الترب
ورم امتوني الضرب
صاحت رقيه
٥
سافرت وي الحرم والممشه دمعه
بين دفعه ودفعه من الشمر دفعه
كل طريق الشام ابچي وجبته انعه
والشمر ضربو رقيه چنت اسمعه
راس ابويه بالطشت جابوه اليه
متت لمن شاهدت طشت المنيه
ما تحملها الگلب
ورم امتوني الضرب
صاحت رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
تجليبه (١) السيدة رقيه (ع)
اول طفله من جور العده الظلام
على نحر الحسين اتموت برض الشام
١
اول طفله تمشي بليل مسبيه
مابين العده ونيران مچويه
الشمر يركض وراها ايصبح علويه
چتفوها بحبل خل تشهد الأيام
٢
چتفوها بحبل هالليله چتفوها
وجيبو راس ابوها يمها خلوها
لترحموها هاي الليله ضربوها
ولتخلوها تغمض عينها وتنام
٣
مشوها سبيه بنار دمعتها
تمشي وي الحرم وياها عمتها
يا وسفه الشماته كلها شافتها
وينظر گام وسفه الخاص وي العام
٤
وصلت للنواصب والدمع بالعين
بعد رحلتها شافت كل دواهي البين
دخلوها بخرابه ويمها راس حسين
نظرت للطشت بس الگلب محتام
٥
شافت راس ابوها وشهگت بدمعه
متحملت رقيه وبالحزن تنعه
حست لحظه بس ورايح اتودعه
من كثر المواجع كلها والآلام
٦
فزت بالخرابه الطفله من نامت
من شافت ابوها الفرحه مادامت
شافت نحره دامي وبالعجل ماتت
ادعو الليله كون اتسجل الخدام
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
عكيلي للعلويه شريفه
للطالب حاجه ايوديها
العلويه الليله تكضيها
١
هاليله بدمعات الناضر
حضر حاجاتك يالصابر
تكضي الحاجه اتطيب الخاطر
وهالليله بدمعك واسيها
٢
العلويه العاشت بالدمعه
عالطف جان اتنوح وتنعه
بعد الطف ضلت منفجعه
ترحل هالليله الباريها
٣
ربك اجدها وخلاها
اتشافي المرضى وبيها اتباها
للعلويه كلشي انطاها
مركز للحاجه امخليها
٤
لاتتاخر روح اگصدها
للمرقد واطلب من عدها
حلفها اهناك بوالدها
بيديك الحاجه وتنطيها
٥
اتشافي اجروحك من توصها
بگلبك من تتوجه الها
غمض عينك وتئملها
هاي اخت القاسم تدريها
٦
هالليله بدمعات الوادم
نتوسل يا اخت القاسم
هنياله الصايرلچ خادم
والحضرو كون اتسجليها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ميمر للسجاد ع
بجمر الحزن والفاجعه انواسيها
للـزهـره بـالسجاد و انعـزيـهـا
هـالليله للسجــاد نجــري العــبــره
وبــدمعـة الاحــزان نـذكــر صـبـره
ونصيح كلنه بصوت هـا يـالـزهره
من كل گلب صرخـتـنه من نشكيها
جـمــر المصاب الليلــه يامــولانــه
ننحــب الـك يــاسيــدي خــلانــــــه
والزهره تنحب نشعر احنه ويانــه
مدري ننوح اعليك مدري اعليهــا
بـالفاجـعه الليله بگـلبـنـه الصابــر
نجـرع مـرار امصيـبـتـك ونكـابـــر
وانــادي ما ننساك يــابــو الـبـاقــر
هـــاي الجروح البينه تعــرف بيها
ماننسه جــرحــك سـيــدي والآمك
باللوعه والحسره عـشـت أيــامـك
اهـلـك ضحـايــه سـيـدي گــدامــك
كلهــا شفتها وابــد مــانــاسـيـهــا
ماجـفت السجـاد لحظه ادمــوعـــه
بعـيونه شاهـد چم فجيعه و لوعـه
آهـاتـه تبقـه بكل وكت مسموعــه
بطـف كـربله چان الحــرم واليهـا
سهـم المصاب اعليك چان الرامي
بطـف المنايه شفت ابوك الضامي
شلون اگدرت تنظر النحره الدامي
وهمومك شلون اگــــدرت تخفيها
يل تحـمل اللـوعات عـمـرك جبته
أشچم مصاب بعـينك انته الشفتـه
مـن آل اميـه السمــك اتجـرعــته
انـتـــه الفــزت اولهــا وبتـاليهــا
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه للامام السجاد (ع)
دمعت حزن وهموم الايام
من كربله ماخذها للشام
بدموعه الحزينه
ماخذها الضعينه
من كربله ماخذها للشام
١
بلوعته السجاد يمشي شايل همومه الثكيله
المرض حد حيله وتشوفه لو مشه مهدود حيله
شاف اهله اعله الوطيه صرعه وتصدع دليله
وتسأله ياهو الاذته
بكربله وذوبت مهجته
ايجاوب وتنزل دمعته
وي الشمر مشي العقيله
ويلي الخدر واتشوفه الارجاس
لمن مشينه بغير عباس
والباري يعينه
ماخذها الضعينه
من كربله ماخذها للشام
٢
دمعت السجاد حيره بطلعته من الغاضريه
ينظر العمته وخواته بلوعته وهضم الرزيه
ماتوقعها اعله باله عمته ينظرها سبيه
شاهدها زينب طالعه
ومجتوف هوه بجامعه
وأصوات توصل مسمعه
سكنه ضربوها و رقيه
منظر عجيب ابدمعت العين
عالرمح شاهد راس الحسين
للشام بونينه
ماخذها الضعينه
من كربله ماخذها للشام
٣
علي السجاد بمواقف مرها شغلت ذكرياته
من دخل سوگ النوايب
اهل مابي بس شماته
الوادم اتگاطفه احجار وگام يشگف عن خواته
ناگته الهزله مايله
واتحز رگبته السلسله
ينظر بعينه العايله
وياهضم ليل اليباته
موقف يهزه وهمه عالنوگ
ايشاهد خواته طبن السوگ
شامت يحدي بينه
ماخذها الضعينه
من كربله ماخذها للشام
٤
وصل للشام بدمعته
وبالدفوف استقبلوهم
علي السجاد بهضمته يمشي ويعاين عليهم
گعدوهم بالخرابه سكته مايطلع بچيهم
من بعد لوعات القصر
السجاد لحظاته التمر
خلصها بدموع وصبر
وعالرمح ينظر وليهم
حاچه الرمح يابويه ماشين
لرض المدينه بدمعت العين
ومچتفين ادينه
ماخذها الضعينه
من كربله ماخذها للشام
من رجع لرض المدينه عمره خلص بالنياحه
يبچي لحسين ومصابه
من يمر ليله وصباحه
علي السجاد بحياته ماسكن لا شاف راحه
خلص حياته بالدمع
ذايب مثل ليل الشمع
لحسين والكسر الضلع
أبد ماتنشف جراحه
ودع حياته بليل الاحزان
ماشرب ماي ومات عطشان
والارض المدينه
ماخذها الضعينه
من كربله ماخذها للشام
المصيبه
هذا ليل الحزن هذا والهموم اتدور بينه
علي السجاد وحياته خلصت برض المدينه
چبدته مسمومه تلهب
راح بهمومه الحزينه
زين العباد بلوعته
هالليله سموا چبدته
خفاقه تبقه رايته
نرسل الليله دمعنه للگبر برض المدينه
لاتنسون والدي ووالدتي ووالدتي وأبني عباس من الرحمه والمغفره خادمكم رياض الرسل الجابري
گعديه الامام الحسن (ع)
صاح المنادي بدمعت العين
الحگ أخيك مات يحسين
مسمومه چبدته
أشر رادك انته
الحگ أخيك مات يحسين
١
من سمع صوت المنادي حسين راح بيا رزيه
ركض راح وجدمه يعثر
گلبه ملهوف اعله اخيه
يالحسن سالم يخويه وريت كون البيك بيه
احچي يخويه واسمعك
مابيه اشوفن مدمعك
يالحسن شنو اليوجعك
احچي ياروح الزچيه
يالحسن گوم وليش مطروح
مابيه اشوفك ذابت الروح
من نزلت دمعته
أشر رادك انته
الحگ أخيك مات يحسين
٢
گرب حسين اعله اخيه والحسن هلت دمعته
گعد يمه ولزم ايده وطول حسين بگعدته
الحسن اصفر صار لونه
وگربت ساعة منيته
وحسين من شافه انصدم
ظل ياكل بروحه الندم
والحسن ضل يخفي الألم
والالم ذوبت چبدته
اتحرك شويه گوه بعدين
والحسن گله اشبگني يحسين
مخنوگ بعبرته
أشر رادك انته
الحگ أخيك مات يحسين
٣
حچه حسين وحسن يسمع
گله خويه صد اليه
شلون باچر لوعفتني ودارت الدنيه عليه
شلون جسمي لو تگطع بالحوافر العوجيه
بالحومه لو باچر طحت
وفوگ الوطيه اطشرت
تحضرني ياخويه ردت
يالحسن بالغاضريه
لحظة افراگ وبيها عباس
بين الحسن وحسين ياناس
حسين انته مهجته
أشر رادك انته
الحگ أخيك مات يحسين
٤
بدت لحظات المنازع وصار وجه الحسن اصفر
من اثر سم المنيه بالطشت چبده توذر
گله نحي الطشت عني يمي زينب خاف تحضر
زينب وحضرت بالدمع
من تمشي محنيه الضلع
شافت اخوها بيا وضع
اتگوم مره ومره تعثر
والحسن راد ايگوم ماگام
زينب تنظره وتدگ عالهام
لمن شاهد اخته
أشر رادك انته
الحگ أخيك مات يحسين
٥
لحظه لن عباس يحضر شايل الماي بجربته
ينظر الزينب وينحب ماتحمل شاف اخته
اتعاين اعله الحسن عرفت
تسعر النار بچبته
عالماي زينب من دنت
اختنگت بعبره ودنگت
رادت تشربه وعاينت بطارف عيونه دمعته
ماشرب ماي الحسن خجلان
رايد يموت وهوه عطشان
لمن حچه سكته
أشر رادك انته
الحگ أخيك مات يحسين
المصيبه
طفت اول شمعه چانت تزهي من حامي الحميه
وزينب اتعاين لخوها من رحل هاي المسيه
بين دمعه وبين جمره وبين لوعات وأذيه
عالحسن هالليله نون
كل احنه بدموع الحزن
گلب الموالي ممتحن
ياعظم هاي المصيبه بالحسن كلنه انفجعنا
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح الامام الحسن (ع)
جمرة امصاب الحسن احزانها
بگلب زينب من تشب نيرانها
١
من زغرها وشبعت آهات ومحن
زينب اختك حيل عذبها الزمن
شاهدت بالطشت چبدك يالحسن
وگام تتغير جميع الوانها
٢
شاهدت حالك وانته بيا وضع
اگبالك انته الطشت وتصب الدمع
يالحسن صوتك بعد ماينسمع
اتصيح زينب والحزن عنوانها
٣
هذا حالك يالحسن من ودعت
اتنازع وچبدك يطيح بيا طشت
آخر وداع بحياتك من شفت
زينب وتنظر لعد خوانها
٤
بقت آخر لحظه وتغمض العين
بين زينب والگلب ذاك الحزين
عينك اندارت وصدت للحسين
وعين صدت يم گمر عدنانها
٥
انشال نعشك يالحسن والگلب هام
ينضرب معقوله نعشك بالسهام
يبو محمد محد ايحب السلام
عشرتك للأسف محد صانها
٦
انودعك يالحسن وبهذا المصاب
كل موالي الليله گلبه بحزن ذاب
شرف يكفينه يبن داحي الباب
للخدم تبقه انته عزها وشانها
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
اهوازيه للاربعين
زينب رجعت من الشام بليل الاربعينيه
كعدت يم كبر لحسين تنعه بطور لطميه
نادت زينب بدمعات وگفت عالگبر تنعه
فگ باب الگبر يحسين وبيدك نشف الدمعه
راح احچي واحس ياخوي صوتي رايد اتسمعه
ملهوفه واجيت بشوگ اجيتك بيه مابيه
فر بيه الوكت يحسين ولرض الشام وداني
اسيره امشيت من بعدك واطب ديوان خلاني
واسمع وادم بيا صوت واحد يحچي للثاني
هاي العافها العباس ومشيناها مسبيه
ترضه بدمعت المظلوم يخويه من تركتوني
اروح الارض بس شمات بيها ومايعرفوني
من وصلوني لارض الشام خرابه بنصها گعدوني
وأنه أم الخدر زينب الوادم تنظر اعليه
وگامت تمشي تتعـثـر والصوب النهـر راحت
وصلت يم گبر عباس اتراب من الگبر شالت
شمت ريحة الخوه بتراب الگبر صاحت
گوم اگعد واخذني وياك نمشي وراشده النيه
ضلت عالگبر بدموع تنحب والفكر مذهول
ترد لأم البنين شلون أذا تسأل عليه شتگول
حامي الخدر زينب وين أخوچ وبالضعن مسؤول
شجاوب من تشاهدني امشي ضلوعي محنيه
اعذرك خويه ياعباس ماقصرت ويايه
بس خويه العتب مريود يابو الجود والرايه
بس عندي خبر موزين اخبرك والحچي اهوايه
متحملت بأرض الشام اختك ماتت ارقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
زينب والاربعين
رجعت بالدموع والكلب مفجوع
تحمل جرح فوك الرمح
وحسين ينزف نحره
على اجروح المدامع صوت يعله الزينب بحسره
هذا المنذبح عطشان اخـويه ومهجت الزهره
عافت جسمه فوگ الگاع عاري ومنهشم صدره
واخذت راسه لرض الشام حامي وعالضعن يبره
گدام الضعون وتنظره العيون
بدمع الحزن زينب تون
كل لحظه من اتنظره
بعد جرح الهضم والشام وعيون الحرم تدمع
للشام بحزن طبت ومچتوفه بحبل تطلع
هاي الخارجيه هاي تحچي الوادم وتسمع
مهضومه ولخوها حسين هسه بيا گلب ترجع
رجعت بالجروح بالمدمع اتنوح
جرح الهضم طخ بالعضم
زينب حزنها اشكبره
رجعت زينب بيا حال مابين الرعب والخوف
من اول طفل مچتـوف ولأخر طفـل مچتوف
وين الچان حاميها خل يگعد بعينه ايشوف
وين ايشوفها بيا عين لا عين البقت واچفوف
ماعدها حراس وتنادي عباس
بدمع النظر وين الگمر
وتنادي بس بعبره
وصلت والجروح هواي من راحت لما ردت
وحشه اگبور اهاليها زينب بالهضم گعدت
محتاره وتدير العين وبدمع الصبر شهگت
حست ريحة الخوه من صوب الگبر طلعت
مدمعها بالعين وتنادي يحسين
يهل العزم وين الزلم
مذبوح ابن الزهره
گامت راحت بآهات وصلت للنهر تنحب
تنظر وين طاح الجود ونيران الگلب تلهب
اختك انه ياعباس نادت وبهضم عتبت
ترضاها يبو النوماس رجعت بالدمع زينب
زينب بالأحزان طبت بديوان
هذا الجره بت حيدره
ترجع بنار الجمره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده للمشايه
جنود هبوا رايه تتبع رايه
راح تبدي ثورة المشايه
ثورة الحق المبين
وين اهل الاربعين
راح تبدي ثورة المشايه
١
وين اهل الحق جنود المنتظر
راح تبدي رحلة العز والفخر
بكل سنه المشايه تنقل هالخبر
لأن دم حسين عالسيف انتصر
تنقل اسرار الدمع والعايله
ويبقه مفتاح التواصل كربله
ناده صوت العاشقين
وين اهل الاربعين
راح تبدي ثورة المشايه
٢
وين ياشعب الحسين اليعربي
گوموا يلا استقبلوا بنت النبي
زينب الراحت بنيران العبي
رايه رجعت ترف من ارض السبي
وين اهل ياليتنا كنا معك
يلا امشي والملائك تتبعك
صوت يعلوا الخافقين
وين اهل الاربعين
راح تبدي ثورة المشايه
٣
ثورة المشايه من نحر الدمه
عاشت وكبرت وصعدت للسمه
خضرت خدام بجروح الضمه
ولا تزال الثوره عدنا قائمه
ثورة الحق مرت بكل السنين
خرجت ثوار من دم الحسين
ثوره وتنادي بيقين
وين اهل الاربعين
راح تبدي ثورة المشايه
٤
من اجل مشاية الحق والقيم
بكل شبر بالگاع من تنظر خدم
والنعم تربات شيال العلم
بيهم اتشم انته دخان الخيم
لجل زينب جددوا عهد الوفاء
بيها عرفوا رجعت الطف كربلاء
تنادي رجعت بالآنين
وين اهل الاربعين
راح تبدي ثورة المشايه
٥
رجعت الطف كربله بنت الكرام
رايه مرفوعه وعليها ايرف حمام
بت أمام وعالمه وأخت الأمام
بسيف اخوها ايقاتل وهيه بكلام
بين اخوها وكربله حلقة وصل
وثورة حسين اعله أديها تكتمل
زينب الحبل المتين
وين اهل الاربعين
راح تبدي ثورة المشايه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
رقيه اربعينه
بدمعه زينبيه
خل نذكر رقيه
خل نذكر رقيه بدمعه من دمعه
وخل نبچي وننوح اعليها خل ننعه
بلچي الصوت هذا فاطمه اتسمعه
وحتى الدمعه باچر تنگلب شمعه
من راحت سبيه
خل نذكر رقيه
نذكرها بدمعنه ولوعت الاحزان
من راحت اسيره بولية العدوان
بالمصرع ابوها بحومة الميدان
بحر الذاري ضل اعله الترب عطشان
مذبوح ورميه
خل نذكر رقيه
للشام بدمعها وصلت وتنحب
وگلبها من العطش ومن الحزن يلهب
ياهو المر عليها الاثر واصعب
راس الوالد اصعب لو خدر زينب
وبدمعه جريه
خل نذكر رقيه
محتاره رقيه وحايره بأمرين
مابين السبي و لوعت ابوها حسين
منين الغاضريه هاي اجتي منين
تنظر راس ابوها والدمع بالعين
و بونه شجيه
خل نذكر رقيه
نادت وبدمعها الطفله وشنادت
كون تشوف ابوها اتشمه بس رادت
جابو راس ابوها شافته احتارت
شبگت راس ابوها وعالنحر ماتت
متحملت خطيه
خل نذكر رقيه
لا تنسون والدي ووالدتي وأبني عباس من الرحمه والغفران
رياض الرسل الجابري
زيد بن الامام علي السجاد (ع)
اسمع صرخته ضد العادته
راسم خطوته زيد بثورته
ماراد الحكم
طالع عالظلم
زيد بثورته
نادانه وعلينه الحجه القاها
من راية محمد بيده علاها
بالعالي ترف محفوظه خلاها
من دمه الشريف الطاهر انطاها
علمنه الصبر من ضحه العمر
ضد اهل الكفـر يعرف ينغدر
ماراد السلم
طالع عالظلم
زيد بثورته
طلع ثائر غيور وثبت بدمه
مفاهيم القيم للعالم بعزمه
راد ايوضح النه الثوره منرسمه
امتداد ومرتبط بحسين ابو اليمه
من رب العباد كل هذا السداد
بحسين الرشاد صار الامتداد
وبهذا العزم
طالع عالظلم
زيد بثورته
خضع هيهات يخضع مارضه يساوم
لذلك واجه السلطه واجه يقاوم
متبايع اديه وتصافح الظالم
طلع والرايه بيده وحامل الصارم
الهم ماخضع خطوه مارجع
واثق من طلع الماسامع سمع
بسيفه ينرجم
طالع عالظلم
زيد بثورته
انطاها انتفاضة ثورته عمره
لأن النه رسمها ونجحت الثوره
مثل جده الحسين بحالته و أمره
نتيجة ثورة المظلوم دم نحره
مذبوح الامل من حان الاجل
بالصار وقبل والراس انفصل
بالدم ينرسم
طالع عالظلم
زيد بثورته
انفصل عن جسمه راسه والامر جائر
بس اسمه تخلد زيد يا ثائر
مصلوب اربع اسنين بأمل باچر
يناطر جية المهدي بگلب صابر
گوم الظلمته بنخله وصلبته
وراسه گطعـته وحرگوا جثته
زيد بهل اسم
طالع عالظلم
زيد بثورته
لاتنسون والدي ووالدتي من الرحمه والغفران
خادمكم رياض الرسل الجابري
گعديه السيدة زينب (ع)
هالليله زينب بقت وحدها
شيريد هذا الزمن من عدها
ضلت بلا وليان
وحسين عالتربان
شيريد هذا الزمن من عدها
١
الليله زينب بالمدامع حايره وتكسر الخاطر
صافنه بليل المواجع عالجثث گامت تناضر
اتعاين حسين بدمعها امهشمه ضلوعه الحوافر
محتاره بدموع الصبر
زينب ومشدوهه الفكر
للسبي ضلت تنتظر
تدري راح اتروح باچر
بالطف تنادي منهو يسمعها
مجبوره من هلت مدامعها
لا خيمه لا صيوان
وحسين عالتربان
شيريد هذا الزمن من عدها
٢
ضلت بحيره تعاين والأفكار اتدور بيها
وين چانت وين صارت سكته مخنوگه ابچيها
زينب العالمه الحره الناس تتفرج عليها
من بعد عزها الطالبي
ايشاهدها گام الاجنبي
ومحرگه اطراف العبي
بعد مافگدت وليها
زينب وحيده بغير اخوتها
تجري على الخدين دمعتها
بس هيه والنسوان
وحسين عالتربان
شيريد هذا الزمن من عدها
٣
بده ليل الصبر توه وزينب اتعاين بعبره
بعينها اتشوف الكواكب والگلب مليان حسره
تدري بحسين ومصابه الخيل من هجمت صدره
زينب وحيده وصابره
الياصوب تمشي حايره
معقوله كل هذا الجره
يمها لو حاضره الزهره
اتمنت الزهره هسه لو تحضر
اتشاهد حسين اعله الثره اموذر
فوگ الثره الصحبان
وحسين عالتربان
شيريد هذا الزمن من عدها
٤
صدت الصوب الشريعه والأم بالروح يكبر
وين كافلها وحماها دمه ينزف بعده أخضر
اتعاين بعيده المسافه شلون توصل يمه تگدر
محتاره تمشي بالفله
لو نوت تتوجه اله
شلون تگدر توصله
والنهر مليان عسكر
فوگ النهر قربان
وحسين عالتربان
شيريد هذا الزمن من عدها
٥
شسوه بيها الزمن انظر زينب وشاهد وضعها
عالجره والصار ابدن مانشف لحظه دمعها
چم ضلع الها تهشم حنت ولزمت ضلعها
بالحومه قدمت چم ولي
زينب ومدمعها ايهلي
وبصوت نادت ياعلي
لچن محد ماسمعها
ضلت وحيده ومحد وياها
من بعد ماضحت بولياها
قرآن يم قرآن
وحسين عالتربان
شيريد هذا الزمن من عدها
المصيبه
زينب الضلت وحيده شحالها بهاي المسيه
لا اهل لا والي عدها بهذا ليل الغاضريه
والأطفال اتحوم يمها اتعاين السكنه ورقيه
ليل الصبر ليل الدمه
والعيله بالبر هايمه
وزينب تعاين للسمه
حايره بليل المواجع ضلت بهذا وضعها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
تجليبه (٢) السيدة رقيه
بگلبك يالمحب أنظر المرقدها
رقيه الماتت أعله حسين والدها
رقيه التركت بصدر الحرم عبره
من طلبت أبوها ورادت اتنظره
جابوا راس ابوها وشبگته بنحره
عليه تبچي بدمع والراس ساندها
تناشد يامصيبه امنين أجاني البين
غطاني الحزن ودموم تجري العين
رقيه اتناشدك جاوب يبويه حسين
ترضه تعوف بنتك بويه وحدها
عزيزة گلبك أني وأدري أني بهاي
محد مابقه ايساندني بويه وياي
ظلمه الدنيا من بعدك يضي عيناي
أگعد وأنظر البنتك وشاهدها
أخلص كل دمع عـيـني والك ابچيه
وأبد ماريد عمري الما اشوفك بيه
أعيش شلون بعدك والعمر اگضيه
وتدري انته برقيه غيرك اشعدها
رقيه أشعدها غيرك وانته تعرفها
بس هظم ومصاب الطف يوالفها
احير امنين الك للحاله اوصفها
يكفيها الدمع ظل ياكل بخدها
سكتت من المها بكثر ماناحت
على الراس الشريف وبالافق لاحت
شبگت راس ابوها طفلته وماتت
وعلى هايه رقيه الزمن خلدها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده مولاتي رقيه (ع)
طفله تصيح و أدري أشعدها
تريد تشوف بس والدها
فزت و بحزن نادت
رقيه أشطلبت و رادت
تريد تشوف بس والدها
-------------
من أحداث الطف وشاهد هاي الرحله وهالأحزان
مسبـيه العيله ومتوجهه للشام بولـية عدوان
وأقمار التحرس عافوها متوسدين أعله التربان
لا ناصر ظل يحمي العيله ظلت بالطف الوليان
لرض الشام من وصلوها
أبلا وليان من طبوها
طفله وبالدمع صاحـت
رقيه أشطلبت و رادت
تريد تشوف بس والدها
------------------
من طبت للشام العيله هـاك أسمع يالتسـمع زين
طفله وفزت گام أتنادي وتشاركها دموع العين
ياعمه ودلالي أتفطر وين الوالد غايـب وين
ماتدري ولوتدري الطفله وين وعدمن راس حسين
شوف شلون زيدوا همها
من الراس جابوا يمها
يمه أقـتربـت وصارت
رقيه أشطلبت و رادت
تريد تشوف بس والدها
-----------------
يمها الراس وگام أتنظره وأتصورها أتحاچي الراس
وحدك شافوك أبلا ناصر يابويه وهجموا هالناس
ماگطعوا راسك يابويه لو يمك عمي العباس
يدرون بچفين الخوه مگطوعه بلا رايه وطاس
تبچي تنوح شبگت نحره
وگام تصيح يبن الزهره
تشمه بيا كـتـر حـارت
رقيه أشطلبت و رادت
تريد تشوف بس والدها
----------------
شبگت نحره وگامت تبچي وتنحب عالراس المگطوع
وتون بحسرات ولوعه ويم الراس أتصب دموع
وأعله الراس الينزف نادت وبگلب التعبان أتلوع
يابويه أفراگك اذاني وكل گلب الحبك مفجوع
بنتك ليش متحاچيها
راح أتموت رد أعليها
ظـلــت يمه ما گـامــت
رقيه أشطلبت و رادت
تريد تشوف بس والدها
-----------------
ماگدرت تتحمل طفله طاحت عالراس المذبوح
مرعوبه وتبچي بعبرتها وفوگ الراس أتون وتنوح
ماتهده الطفله المجروحه شيصبر گلب المجروح
لحظه ولن سكتت هالطفله وعالراس أتفارگها الروح
شاهد زين هذا المنظر
طفله أتموت فوگ المنحر
فـوگاه طفـلـتـه ماتــت
رقيه أشطلبت و رادت
تريد تشوف بس والدها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة للسجاد (ع)
اخر ايام الحزن
على السجاد ونون
صعبه الفاجعه هاي
ينحب لو شاف الماي
اخر ايام الحزن
١
خل ننحب بدمع المواجع وانوح
بلوعه وبحسره
من شاف ابوه عالغبره طايح مذبوح
وهشمو صدره
السجاد عاش بعمره ينحب مجروح
وجرحه ما يبره
ينظر اعله العايله
وبيها ينظر كربله
ينادي بيها بلواي
ينحب لو شاف الماي
أخر ايام الحزن
٢
عاش بحزنها وكربله موضوعه
يالغاضريه
عالمنذبح ضامي تهل ادموعه
صبح ومسيه
وحسين شافه امهشمات ضلوعه
فوگ الوطيه
ينظر بعينه النحر
والگمر صوب النهر
وراية عباس وياي
ينحب لو شاف الماي
اخر ايام الحزن
٣
ياهو المثل زين العباد وحاله
من گرب يومه
عاشت ايام الطف ثگيله اباله
بحزنه وهمومه
ايشوف الحسين ومصرعه وعياله
شلون مهضومه
والدمع ضل سلوته
ومانساها امصيبته
خل تشهدلي دنياي
ينحب لو شاف الماي
اخر ايام الحزن
٤
هالليله أبو الباقر يودع صبره
وتخلص الآمه
يرحل ابدمعه والجرح مايبره
بأخر ايامه
السجاد ماعنده ضريح وحضره
اتزوره خدامه
المهدي لو باچر ظهر
انزوره وي المنتظر
هناك ننحب بهداي
ينحب لو شاف الماي
اخر ايام الحزن
٥
كل الحزن واللوعه بس للسجاد
ابدمعة الناضر
نجريها كل احنه المواجع تنراد
بيوم أبو الباقر
هالليله حزنه بنص گلبنه يزداد
بجمرة الخاطر
الليله احنه انودعه
وبالدموع انشيعه
ياهله بكلمن جاي
ينحب لو شاف الماي
أخر ايام الحزن
لاتنسون والدي ووالدتي من الرحمه والغفران
خادمكم رياض الرسل الجابري
كعديه للسجاد (ع)
بدموع بدموع للسجاد بدموع
والبكاء عنوانه
خلي انجدد احزانه
للسجاد بدموع
١
الليله يرحل ابو الباقر ودمعته عالخد جريه
من مصاب الطف دمعته تنزل الحد المنيه
ماشرب ماي بحياته اله والدمعه سويه
عاش المصيبه والمحن
عماته من شاهد مشن
گدامه من اتيسرن
انودعه بهاي المسيه
مجروح مجروح عاش ايامه مجروح
من دم احنه نبچيله
خلي انذكره هالليله
للسجاد بدموع
٢
بدمعته وسهر الليالي چان كل نوحه ونحيبه
لوعت الطف بخياله وعاش احزان المصيبه
ينظر المذبوح ضامي چان
والجثه خضيبه
ينظر الزينب عمته
وعليها تنزل دمعته
والزاد نار امصيبته
زينب الصارت غريبه
الالام الالام تسعر نار الالام
تسعر نار بضلوعه
خلي انذكره باللوعه
للسجاد بدموع
٣
خلي ننحب بالمصيبه ونذكر السجاد بيها
أبد ماصارت مثلها وننحب الليله عليها
مات من شاهدها عمته بـالحبال امچتفيها
ماحمل كل نار اليسر
من بعد كل ذاك الخدر
ياوسفه تمشي وي الشمر
وبحبل مجتفوها اديها
مچتوف مچتوف هوه وياها مچتوف
مابطلها دمعاته
خل نذكرها لوعاته
للسجاد بدموع
٤
بعد اصعب نار شاهد علي السجاد الرزيه
من وگف بالشام وحده وزينب بديوان أميه
من بعد عباس زينب اعليها گالو خارجيه
ومنين گالو هالمره
مادور هاي مخدره
بعدك يسبع الگنطره
زينب اخذوها سبيه
لوعات لوعات شفنه هناك لوعات
من يذكر العلويه
اعليها يبچي ليليه
للسجاد بدموع
٥
المصيبه
الليله اخر ليله عنده وتنتهي رحله حياته
عايش السجاد لوعه بين عماته وبناته
الباقر الليله بدمعته ينحب بلحظة وفاته
يدفن ابوه وينزله
وجوه الگبر ينظر اله
ماخذها لوعت كربله
علي السجاد بحياته عاش آيه ومات آيه
لاتنسون والدي ووالدتي من الرحمه والغفران
خادمكم رياض الرسل الجابري
كعديه بحق الامام السجاد (ع)
جرح الشام
ثبت بيه راية نصره
جرح الشام
وضح وانطاها الفكره
من صار بوسط الديوان
موقف ويهز الوجدان
ثبت بيه راية نصره
1
الرجل مهما چان صامد ثابت وراسخ كيانه
يجي موقف يهد حيله ويگدر ايزعزع مكانه
بس علي السجاد شايل اشرف واعظم امانه
بالرغم من نار السبي
حاشاه ماذل الآبي
من وگف چن وگفت نبي
وكشف زيف اهل الخيانه
موقف چان
عالسجاد اشگد كبره
موقف چان
بالمجلس كلها اتنظره
مامتوقعيه بالحسبان
موقف ويهز الوجدان
ثبت بيه راية نصره
2
انظر السجاد حاله من وگف وگفت مقاتل
رغم چان امقيده أيده
ورگبته بكثر السلاسل
بس بقه السجاد يحچي بخطبته ويكشف الباطل
بالشام چانت خطبته
اتمثل الحق بوگفته
والدنيه كلها سمعته
خطب بس خطبت مناضل
بالتعريف
گام ايعرف بالعتره
بالتعريف
ناده وگال امي الزهره
وابن العاري وعالتربان
موقف ويهز الوجدان
ثبت بيه راية نصره
3
خطب خطبه وكشف بيها زيف كل اهل العماله
عرف بنفسه بخطبته وانطه اكثر من دلالة
اتزعزع المجلس وعرفو نيت الظالم افعاله
بالطف مفاهيم القيم
اخذوها من نار الخيم
ولمن ذكر راعي العلم
گام تتصارخ اطفاله
المجلس گام
ينظر واحتار بأمره
المجلس گام
ايعاين ويشاهده صبره
واگف بس وگفت شجعان
موقف ويهز الوجدان
ثبت بيه راية نصره
4
سوه بالشام العجايب وابد ماهاب المنيه
المثله ضحه بأهل بيته صامد بوجه الرزيه
شلون اقمار وكواكب انطه برض الغاظريه
صح انطه اكثر من جرح
لجل الحقيقه تتضح
والراس ينظر عالرمح
وعيلته الكلها سبيه
ايصد بالعين
وبگلبه اتذوب الحسره
ايصد بالعين
والراس اينظره بعبره
راس المبذوح العطشان
موقف ويهز الوجدان
ثبت بيه راية نصره
5
بعد كل رحلة عذابه العاشها وي الصبر دمعه
ذكريات الطف أليمه تلچم اگليبه وتصدعه
لو شرب ماي بحياته عالمواقف كلها ينعه
خلص حياته بس يون
بالمدمع وعايش حزن
بالفاجعه ظل ممتحن
يبچي والدنيه تسمعه
بالدمعات
يتسله وخلص عمره
بالدمعات
يكتب احزانه ويقره
مو ياهو اليتحمل چان
موقف ويهز الوجدان
ثبت بيه راية نصره
المصيبه
بحزن خل انودع احنه رابع انوار الامامه
وخل نصب هالليله دمعه اتفيدنه بيوم القيامه
بالحشر نرجه الشفاعه الليله من ناخذ علامه
انحصل علامه بخدمته
وانحلفه احنه بهل اته
وبالوالد ودم رگبته
كون هالليله بسجلها الزهره تشملنه الزچيه
لاتنسون والدي ووالدتي من الرحمه والغفران
خادمكم رياض الرسل الجابري