1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده بحق الزهراء (ع)
بت محمد --- الليله مكسورة ضلع
والسمه اعليها تون
١
الـزهـره نجمه وبالسمه عالي قدرها
اليوم مكسوره وتون ويون صبرها
اشسوت وضلموها والطاغي عصرها
كلشي ماشافت الزهره بكل عمرها
مارعوها تبچي وتهل الدمع
والسمه اعليها تون
٢
الزهره نادت ليش مو باب الله بابي
العرش ماخذ نوره من عفت حجابي
الكون ناح النوحي والشدة مصابي
ليش تتسلون بدموعي وعذابي
ياهو يرضه اعليه بابي يندفع
والسمه اعليها تون
٣
هجمو اعله الزهره هجمه ناصبيه
ولاذت اعله الحايط الزهره الزچيه
ونت وحنت اونتهـا خفيه
الاسد تدري امچتف بحبل بالوصيه
والوصيه جتفت نهج الشرع
والسمه اعليها تون
٤
اعليها دخلو والخجل خلاها تعثر
بثوب عفتها وتنادي الله واكبـر
اتمنته الحيدر يجيهـا ويمها يحضر
ينظر الصطره ويشاهد خدها الاحمر
ليش خدها بچف غدرهم ينصفع
والسمه اعليها تون
٥
عرفت الاول سبب واتضح جاني
صاحت الله يلعنه ويلعن الثاني
غـاضبه اعليهم واشهد يازماني
داري ليش احترگت وخلوني اعاني
انكسر ضلعي من اثر هجمت قمع
والسمه اعليها تون
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
صلوات زهرائيه
١
هالليله بدمع خلي نعلي الصوت
والأم الحسن خل ينسمع حسنه
وخلي الدنيه تسمعنه صرخة الخدام
وعلوها الصلات بهذا مجلسنه
صلوات
٢
عالراس اللطم لجل الزجيه اليوم
من اجل الضلع هالليله والبسمار
وين الخدم تسمع صرخت المظلوم
عصروها غصب والدار شبت نار
المجلس بي شرط هالليله ياخدام
وحتى ينقبل صلو على المختار
صلوات
٣
المهدي حاضر بمجلسنه ياخدام
حاضر بالدمع والحزن والعبره
صار اسنين ينحب عالضلع وينوح
مامرتاح ابدن خلص كل عمره
اريد الخدم بسم المهدي هذا اليوم
يعلوها الصلات الخاطر الزهره
صلوات
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه بحق السيدة فاطمه الزهراء عليها السلام
ماننسه ضلع الطاهره المفجوعه
هالليله نبچي بعبره
وانادي لجل الزهره
ماننسه ضلع الطاهره المفجوعه
١
راح اسولف والليالي تشهد اعله صار بيها
من هجم ثاني الصحابه ودفع باب الحق عليها
انعصرت الزهره الزچيه وگامت اتشاگف بديها
ماراعه حرمه للنبي
من هجم هجمت ناصبي
باب وحرگها الأجنبي
هاي باب الله ونبيها
مدفوعه باب أم الحسن مدفوعه
من شدت ذيچ العصره
وانادي لجل الزهره
ماننسه ضلع الطاهره المفجوعه
٢
لازم اكشفها الحقائق واحچي عن جرم السقيفه
شلون من قرر الأول وارسل الثاني حليفه
من اجل ياخذ البيعه وحتى يتنصب خليفه
هاي الأيادي الأثمه
ماحسبو احساب السمه
بالبيت عرفو فاطمه
ودخلو البيت العفيفه
ونتها صارت للمله مسموعه
خلوها تبچي بحسره
وانادي لجل الزهره
ماننسه ضلع الطاهره المفجوعه
٣
الله يلعن كل خليفه الفاسد بتاريخ عمره
الحاربو بيت الرساله بهجمه عدوانيه صفره
والصحابه المو صحابه ذوله مو اصحاب زمره
زمرة فساد المجتمع
كلمن على الزهره دفع
باب الوحي ويضحك طلع
يضحك ومارعه الزهره
عالزهره كل هاي الحجب مرفوعه
يدروها عدها القدره
وانادي لجل الزهره
ماننسه ضلع الطاهره المفجوعه
٤
علي يگدر چان وحده يگلب الدنيه بسهوله
من اجه وشاهد الزهره طايحه وچانت خجوله
بس علي يدري بفعلهم فعل مابي أي رجوله
ندري الزلم گول وفعل
تتعاتب ومن تنسأل
بس ذوله ماعدهم أصل
اعتبرو الهجمه بطوله
بدموعه حيدر ظل علي بدموعه
من شاف بخدها السطره
وانادي لجل الزهره
ماننسه ضلع الطاهره المفجوعه
٥
ليلة احزان وبواچي ليلة القصه الرهيبه
البيها دفعو باب فاطم دفعه ملعونه وعجيبه
شلون باب السمه اندفعت صحنه الله اشمصيبه
باب الله دفعوها غدر
عد الله يتسجل كفر
معقوله فاطم تنعصر
الف ياوسفه الحبيبه
دين الله صارت فاطمه وافروعه
باچر للطاغي اتعثره
وانادي لجل الزهره
ماننسه ضلع الطاهره المفجوعه
المصيبه
علي غسلها الوديعه ومن دمه نزلت دمعته
ايده فوگ الضلع مرت ماتحمل هل عبرته
طاح والطيحه ثگيله ايگول ضلع الزهره شفته
طاح ويحس طاحت سمه
و روحه اعله فاطم هايمه
بالدمعه ناده فاطمه
محد ايعوض مكانچ أبد يالزهره الزچيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
((بداية العزاء))
اللهم عجل لوليك الفرج
اللهم عجل لوليك الفرج
ـــــــــــــــــــــــــــــــــــــ
ننتظر فجرك صبح يابو صالح وينك
عايشين اعله الجرح انريد شوفت عينك
اللهم عجل لوليك الفرج
اللهم عجل لوليك الفرج
ـــــــــــــــــــــــــــــــــــــ
اسنين واحنه ننتظر بين دمعه ودمعه
ربي عجل بالفرج ننتظرها الطلعه
شوكت يابن فاطمه صوتك احنه انسمعه
على احر من الجمر احنه وامتانينك
اللهم عجل لوليك الفرج
اللهم عجل لوليك الفرج
ـــــــــــــــــــــــــــــــــــــ
للمجالس من نطب بالعزاء انشوفك
نسرح احنه بعالمك كعبه واحنه انطوفك
نظره منك نرتجي بعطفك ومعروفك
بالحشر ردنه ربح سيدي وراجينك
اللهم عجل لوليك الفرج
اللهم عجل لوليك الفرج
ـــــــــــــــــــــــــــــــــــــ
صرنه نتنفس هواك وانته عايش بينه
بكل عزه حاضر صرت نعتنيك وجينه
وانتمنى شوفتك شخصك امتانينه
تبقه عايش بالگلب لاتظن ناسينك
اللهم عجل لوليك الفرج
اللهم عجل لوليك الفرج
ـــــــــــــــــــــــــــــــــــــ
الك نبصم سیدي والعهد بالعشره
عهد نخدم مجلسك دوم يبن الزهره
احنه كل جمعه نزور ندبه الك من نقره
انريد احنه من بعيد لمسه من چفينك
اللهم عجل لوليك الفرج
اللهم عجل لوليك الفرج
ـــــــــــــــــــــــــــــــــــــ
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
هوستين لولادة الامام الصادق (ع)
السادس نور احنه للحفل جينه
للصادق انقدم كل تهانينه
بالفرحه الچيبره انزف امانينه
((وانهني العتره بهالليله))
الصادق بالولاده يختلف عالناس
جيش من الملائك نزلت وحراس
بي ريحت علي وحسين والعباس
((وانهني الدنيه بميلاده))
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة الرسول الاكرم محمد (ص)
يانبي أخر زمان
بمولدك حل الأمان
يانبي نبي نبي
١
ناس بجهل گبلك تعيش بخطر
چانت واجيت واشرقت يا گمر
لجلك نزل جبريل طش هالخبر
نورك يبو ابراهيم هل عالبشر
انته يانبع الحنان
بمولدك حل الأمان
يانبي نبي نبي
٢
من مولدك هل وبزغ يا أمل
لا لات ظلت سيدي ولا هبل
يعني بوجودك مايظل كل جهل
من نور وجهك كلشي بينه اكتمل
صرت سيد عالجنان
بمولدك حل الأمان
يانبي نبي نبي
٣
صوت الولاء ايردد بعاطفه
هالليله نبصم احنه للمصطفه
وانقدم الطاعه اله بكل وفه
نورك بزغ والشرك كله طفه
حب محمدنا الضمان
بمولدك حل الأمان
يانبي نبي نبي
٤
هالليله نورك شعشع بكل سمه
وافلاك ربك بالعرش قائمه
تحمد اتسبح والبشر هايمه
بميلادك ونورك يبو فاطمه
نحتفل آن الآوان
بمولدك حل الأمان
يانبي نبي نبي
٥
ليلة سعاده وخير ليلة هنه
والناس تسأل بين مكه ومنه
نور العرش المن نزل واعتنه
الخاطر محمد جاعله بآمنه
نور ضوه بكل مكان
بمولدك حل الأمان
يانبي نبي نبي
٦
هاي الولاده ظلت وخالده
خصها المحمد والعرش سدده
أيده بكلشي للنبي أيده
وأملاك ربك تحتفل ساجده
ربنه هوه المستعان
بمولدك حل الأمان
يانبي نبي نبي
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
الامام الحسن العسكري (ع) ٨ شهر ربيع الاول
خلصت كل عمرك محن
والليله ترحل يالحسن
والدمعه بالعين
والدمعه بالعين
١
عشت عمرك حزن وتقاسي لوعاتك
تتنفس جمر وتصبها دمعاتك
حسن يالعسكري مابين آهاتك
العرش لجلك ينوح وكل سماواتك
جبريل بمصابك نزل
ناده أبو المهدي رحل
والدمعه بالعين
والدمعه بالعين
٢
ياجمر المصاب العشت بين الناس
بينه اتركت دمعه وعاطفه وأحساس
تاج بكل فخر شلناك فوگ الراس
وألف لعنه عليهم كل بني العباس
سموك ماعدهم رحم
واتركت بينه چم ألم
والدمعه بالعين
والدمعه بالعين
٣
شكثر قاسيت من جور العده الظلام
وانته اتعاني منهم يالحسن اعوام
بني العباس لعنه انطوة والأيام
بيها اتخلدت بگلوب هالخدام
خدامك اتحسك ضوه
تتنفسك مثل الهوه
والدمعه بالعين
والدمعه بالعين
٤
اتركت لوعه وجمر بگلوب أحبابك
يبو المهدي وتعاني كلها بمصابك
ونرجس آه ينرجس تنظر اعتابك
من يوم الرحت وتعاني بغيابك
واعليك حزنانه وتون
محتاره من سجن السجن
والدمعه بالعين
والدمعه بالعين
٥
عاشت نرجس أبين الجرح دمعات
من ناعي الحزن صاح بثلث صيحات
مذهوله بقت من سمعت الاصوات
مات الحسن مات الحسن سمعت مات
وابتدت رحلتها بدمع
نرجس ومحنية ضلع
والدمعه بالعين
والدمعه بالعين
٦
على اجروحك غفينه ننتظر طلعه
للمهدي وغيابه طول وننعه
شوكت صوت الظهور اليصدح انسمعه
وكل شيعي بظوره اينشف الدمعه
من يظهر انشوف الأمل
يظهر أبن خير العمل
والدمعه بالعين
والدمعه بالعين
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
تجليبه للامام الحسن العسكري (ع)
على امصابك يوالينه بدمع مدرار
هالليله نعزي المهدي راعي الثار
١
بدمع يالعسكري نبچیلک وننعه
بمصابك ننوح ونسچب الدمعه
من آل النبي الليله طفت شمعه
وبگلب الموالی اللیله شبت نار
٢
نارك بالگلب شبت بهذا اليوم
والله يساعد المهدي بحزن وهموم
يشاهد والده متلوع ومسموم
وتعاين عليه متوجه الانظار
٣
مات العسكري ياهو الاجه الدفنه
كلها تنتظر ماگطعت الضنه
ابنه المهدي حاضر واقترب منه
وچان الهل حضور اسرار يابو اسرار
٤
حضر لجل الدفن والوادم انتظره
خمسه لو أقل لو اكثر بعمره
هذا منين صاحو مهجت الزهره
صفنت كلها صفنت والفكر محتار
٥
دفن بيده ابوه والدمعه سچابه
وضل ينحب المهدي ويبچي لمصابه
واحنه الليله نبجي انوح لصوابه
ونعزي الدنيه كلها والنبي المختار
٦
انودع العسكري هالليله بالدمعات
وبهذا الخبر تتعاله هالأصوات
مات العسكري مسموم لمن مات
ونعزيها الزچيه وحيدر الكرار
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
عكيلي بحق الامام الحسن العسكري (ع)
للمجلس بالمدمع جينه
وانعزي بفگدك مهدينه
١
نحضر هالليله بيا دمعه
وانوح وبالمجلس ننعه
صوت الخدام انته تسمعه
نلطم بمصابك خلينه
٢
نلطم والعالم يسمعنه
يابو المهدي يامرجعنه
انته اتوحدنه وتجمعنه
وبأسمك احنه اتسمينه
٣
هالليله انوح اعله مصابك
ونتمنه انشم احنه اترابك
خدام ومن نوصل بابك
نتمنه اترد انته اعلينه
٤
يبن الهادي انلوذ بعطفك
محتارين ابيش انوصفك
من جودك نترجه ولطفك
تشمل خدامك والينه
٥
الخدام الليله بيا حاله
تنحب بدموع الهماله
لجلك واليلطم هنياله
هالليله المهدي الله ايعينه
٦
ودعناك ابدمعه وحسره
حزنك يابو المهدي اشكبره
الله يساعد گلب الزهره
والزهره انحبك تدرينه
٧
مسموم وترحل هالليله
والله ايساعد گلب العيله
للباري ابمدمع نشكيله
زين الباري يدري اشبينه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
تجليبه الرسول الاكرم (ص)
محمد من رحل هالقصه مرويه
بعد حجت الوداع اهدعش هجريه
١
بعد رحله طويله ايعيشها المختار
نشر دعوة اسلامه البيها چان اسرار
من مكه واليثرب دعوته والغار
ما چل وتعب والدعوه يوميه
٢
صحح كل مسار العالم الفقره
الچانت گبله وادم تمشي عالفطره
اعلن دین بارینه ابو الزهره
بأخلاقه وأفعاله الكلها عالنيه
٣
سيد عالبشر والدنيه والاكوان
کلش زين عرفوها محمد چان
الباري کرمه وانطا وجاها وشان
وترس گلبه ترافه اوفه وحنیه
٤
خطب خطبت وداع بعالمه وناسه
وملائكة السمه والدنيه حراسه
خل نسأل محمد وين حط راسه
بأخر لحظه لمن مات تاليه
٥
مات بيا حضن نسأل ونعرف وين
بحضن حيدر وينظر چان عين بعين
عين المصطفى غمضها ابو الحسنين
القصه واضحه وماضنها منسيه
٦
بأمر رب الجلاله من ختم عمره
محمد بين حيدر چان والزهره
نادت بالدمع فاطمه وبالحسره
صد ليه حبيبي وعاين اعليه
٧
مالحگ يعاين من مشه المختار
ينظر للزچيه وحيدر الكرار
عيونه غمضت بس بيها چان اسرار
واتضل للأبد اسراره مخفيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
حال الامام علي بفقد الرسول صلوات الله عليهم وسلم :
حيدر والأسرار
هالليله محتار
يرحل المختار
والدمعه بعيونه
١
حيدر بدمعات عينه ولزم ضلعه
والنبي بحضنه يودعه ويهل دمعه
ينادي جاوبني حبيبي ومايسمعه
يعني حيدر مايسر هالليله وضعه
بالدمع صاح
انته روحي وكل هلي
بالدمع صاح
ايموت من بعدك علي
لا ترحل اليوم
والگلب مالوم
بي يدري مسموم
والدمعه بعيونه
٢
اجه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جبرائيل خل يحضر بنوره
نزل جبريل
بالدمع لمن حضر
نزل جبريل
ايبلغه بهذا الخبر
تنتظرك الحور
والجنه والطور
ينظر بيا نور
والدمعه بعيونه
٣
قبل قبض الروح لحظات المصيبه
والنبي المختار ينظر للحبيبه
فاطمه وگلها تعالي بنص نحيبه
هاي لحظات الوداع اشگد عصيبه
بالدمع صار
اوداع دمعات السمه
بالدمع صار
النبي ايودع فاطمه
والزهره بجروح
عالوالد اتنوح
وحيدر بلا روح
والدمعه بعيونه
٤
طه تنحب فاطمه لمن سمعها
رفع أيده ونشف بأيده دمعها
عاين الخدها النبي وحار بوضعها
اتذكر البسمار والباب وضلعها
آخر وداع
بين دمعات الحزن
آخر وداع
فاطمه تنوح وتون
ودعها بدموع
والنبي مفجوع
والصوت مسموع
والدمعه بعيونه
٥
غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبره
ينظر اعله النبي لو ينظر الزهره
بدمعه محتار
ايودعه بدمع الصبر
بدمعه محتار
ويمه فاطم تنتظر
بعد المعانات
ظلمه السماوات
شاف النبي مات
والدمعه بعيونه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
نعي للرسول الاكرم (ص)
اشتاگ الجليل اليوم شوفت نبيه
من رسل عزرائيل وكت المنيه
استأذن دخوله وراد يدخل على الدار
من وصل عزائيل يگصد المختار
راحت الزهره اتشوف ياهو العله الباب
بحيره ودمع وهموم لحظات المصاب
حس الرسول وگال هاللحظه هيه
خلي اليدگ الباب يدخل عليه
من دخل عزائيل اده التحيه
ايسلم عليك ايگول رب البريه
ابكيفك وانته اختار اقبض اخليك
خالد يظل للدوم يالنبي طاريك
اقبض الروح الروح يمه وقريبه
اشتاگ الحبيب اليوم ينظر
حبيبه
واهنا محمد صاح شدد عليه
وخفف على امتي حين وكت المنيه
عالعرش والاملاك روحه عرضها
وبحضن داحي الباب روحه قبضها
الزهره تبچي اتنوح والدمعه بالعين
وزينب يجدي اتصيح والحسن وحسين
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ميمر للامام الرضا (ع)
لجل الرضا بهذا اليوم نبچي ونون خلينه
١
لجل الرضا هالليله نجري الدمعه
خدامه احنه بهل مصاب وننعه
بصوت الحزن لمن نصيح ايسمعه
بمجلس عزائك هاليوم اتعنينه ياوالينه
٢
اتحملت كل جور الزمن والايام
بالغربه قاسيت وحملت الآلام
تالي يجازوك بغدر هالظلام
واحنه بمصابك مولاي بالدمعه لجلك جينه
٣
مجلس عزائك بالدموع انحضره
ونبصم الك ياسيدي بالعشره
ترضه علينه انريد من الزهره
رغم البعد بالدمعات صحنه والك نادينه
٤
نادينه خدام الرضا بدمعتنه
جينه وتعنينه اله بلمتنه
لهفتنه نحضر للعزه خلتنه
انجدد عهد هذا اليوم من كثر شوگ البينه
٥
المايحضر الليله ويعزي خسران
بليلة مصابك بالدمع ياسلطان
نبصملك احنه جينه ياعالي الشان
وعالبصمه احنه مخلين شاهد الك مهدينه
٦
اسم الرضا دام وبقه بذكرانه
من عالم الذر عاش هوه ويانه
لمن نريده انصيح يامولانه
ينطينه مولانه هواي لو ما اله اتعنينه
٧
نختم اله بدمعتنه بس احچايه
بجمرة مصابه خلي يسمع هايه
وفايه اله طول العمر وفايه
بسم الرضا احنه الخدام اتشرفنه واتعلينه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده بحق الزهراء والامام علي والوصيه
فاطمه بحماه
والضلع ناداه
حيـدر علي الكـرار
بين الوصيه احتـار
والضلـع ناداه
----------------
تنادي بلوعه ياحيدر علينه اتعيل
تراهي الگوم والـزهـره دمعها ايسيل
تحس بالـنار تسعــر وبمشيها اتميل
ونزل بالـفـاجعه الليله ونحب جبريـل
والوصي بيا حال
مانعـرف اشگـال
من هجموا اعله الدار
بين الــوصيه احـتـار
والضلع ناداه
-----------------
على الزهره الآيادي امتدت باشرها
وعجـيبه شلون بين الباب تعـصرها
و لا واحـد حضر يمهـا ويناصـرها
شعجـب حـيدر علي ما گام طشرها
ملـتـزم باحـكـام
ولـهــذا مـاگـام
من شاهد اللي صار
بين الوصيه احـتـار
والضلع ناداه
--------------------
يجاوب حيدر الزهره ويواسيها
ويحس بالنار تسعر من يصـد ليها
اذا ترديــن هسه بلحظه عاليها
الچ اگلبها يالزهره واساويهـا
لازم تصبريـن
لو ينمحي الدين
خايف عـلـيه ينهـار
بين الوصيه احـتار
والضلع ناداه
------------------
وصيه المصطفى يالزهره وصاني
وفرض هذا الأمر من عـنده خلاني
اغض هذا النظر عـن فعلة الجاني
رغم جرحي الچبير ولوعة احزاني
ظل صبره عنوان
وبكـل الأزمــان
من فعـلـة الأشرار
بين الوصيه احتار
والضلع ناداه
------------------
لجل دين النبي الهادي كظم صبره
حفـاظ الدينه ويجاهـد لجل نصره
امتحان الحيدر وحيدر حفظ امره
رغـم كل الجره والصار عالـزهـره
ماراعـوا الـدار
وشبـيـهـا اسرار
من بيها شبوا نار
بين الوصيه احتار
والضلع ناداه
-----------------
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
بعد رحيل الرسول الاكرم محمد (ص)
هجموا على دار الزهراء (ع) وحصل ماحصل
--------------
نبي الامه الامجد
الدنيه كلها تشهد
مارعوا حرمته
من رحل محمد
1
من رحل والد الزهره انعقدت السقيفه
امتدت اعله البيت زمره ابد مو نظيفه
الباب دفعوها يوسفه كلهم ابلا خيفه
رادود البيعه للأول يصبح الخليفه
دخلوا اعله داره
وبيها شبو ناره
هجموا اعله بنته
من رحل محمد
2
چان يعلم بالصحابه اتخون عهد الصحبه
رغم يدرون بمحمد وصه بس بالقربه
دخلوا اعله البيت وسفه بهاي جازوا تعبه
مادروا بيت النبوه اشرف من الكعبه
شلون حرگوا بابه
ذوله مو صحابه
مارعوا صحبته
من رحل محمد
3
الليله اصعب ليله چانت وبحياة الزهره
التمت احقاد الضغينه وجمعوها الزمره
الباب دفعوها عليها وطيحوها بعصره
وطاح بالعصره ابنها وبدمع تنظره
شنهو ذنب ابنها
وتنحب بحزنها
كل بچيها سكته
من رحل محمد
4
بين لوعتها بأبنها مانشف دمعها
السمه مو بس همه سمعوا امن انكسر ضلعها
الله لاينطي الهضمها وبالابن فجعها
امربع احسابه يدفعه كلمن الدفعها
المهدي هذا ثاره
يظهر ابتاره
ينحب بدمعته
من رحل محمد
5
مارعوا بيت النبوه وهذا چان الواقع
من علي رادوا البيعه وعلي لا ماقانع
مانطاها البيعه حيدر گال ابد مابايع
وعلي بيه يدرون الاول وبشرعهم رابع
خانوا الامانه
زمرة الخيانه
والخيانه يمته
من رحل محمد
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح الزهراء
علي من غسل الـزهـره بالدمع
شحال گلبه وأيده مرت عالضلع
مـن اجـه يغـسل حـيـاتـه ودنـيـتـــه
من دمه اعله الـزهـره تنزل دمعـته
اعـليـهـا گام يـون يذوب بحـسرتـه
يـون حگـه بهـل مصاب وينـفـجـع
شاف كـسر الضلع ودموعـه جـرت
والمـلائــك وي عـلـي كلهـــا بچــت
عـنه زهـرة عـمره هالليله ارحلـت
شـلـون وانته اتصوره وبيـا وضع
شلون من تشوف دمعـه والـونين
على الضلع المنكسر حيدر حـزين
هم فگدها وهـم فگـد طـه الامـيـن
هـمـومه بعـد الصار گامت تنجمع
بعـد ماخـلـص وجـاب الها الچـفن
صاح وين حسين وين ابني الحسن
اتــزودوا بـلحـظـات مايتعـوضـن
گـبـل ماجـثـمـان امـكـم يـنــرفــع
رمه بـروحـه الحسن ويناديها گام
يمه بعـدچ كون عـالـدنـيـه السلام
ويمه نـاده حسين بس بـيــا كـلام
بصـوت حـزنـان وابــد مــاينسمع
يمه ارحـمـيني وارحـمـي دمعـتــي
حسين انـه وراح امـوت بحسرتـي
بعـمري شلي وشلي انه بـدنـيـتــي
الـدنيه مابـيـهـا بعــد عـيـنچ نـفــع
الزهره مدت ايدها الحضن الاثنين
وگامت اتشم بيهـم بدمعـت العـيـن
وصاح هاتف ياعلي نحي الحسين
والحسن الامـلاك گـامـت تـنصـدع
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
لعن الله قاتليك فاطمه
١
بدمعه اسولف واذكر اشصاير عليچ
ورايد العنها الايادي الآثمه
شلون دفعو بابچ وبابچ حجاب
رادو ايفرعون ابواب السمه
وهتف جبرائيل يارب العباد
الگوم خلف الباب عصرو فاطمه
على الزهره اون علي
انوح وممتحن علي
وصيح بصوت ويلي عالزچيه
بعد ذاك الخدر علي
يويلي تنعصر علي
وانته امچتف بحبل الوصيه
٢
انتي دين الله وحجابه والوجود
ليش طفلچ طاح ماشاف المهد
حسين چان ايفكر ابطف كربلاء
چان وي عباس محتاج الولد
بس اخوه طاح ونزل لكن شهيد
نزل دمعه وصاح ياحيدر مدد
اريد ابچي بدمع علي
على ذاك الضلع علي
واريد الطم وانوح بهل مسيه
بعزاها صفنتي علي
واخلي دمعتي علي
بمجالس فاطمه تنزل جريه
٣
انتي ام الدنيه وام الاكرمين
اعليچ هجمت ناس لكن مو بشر
ناس ملعونين ذوله بالسماء
شما تمر الدنيه ويطول الدهر
بكل صلاه احنه وفرض لازم نگول
الله يلعن عائشه ويلعن عمر
على الباب الحطب علي
اجه الثاني بغضب علي
وخلاها تون ونه خفيه
كسر ضلع السمه علي
وعصرها فاطمه علي
وانته صابر بهاي الرزيه
٤
كلمن ايفكر يأذي فاطمه
بالشرع يعتبر هذا ناصبي
وانتي اصل الشرف بل حتى الوجود
الشرف ياخذ شرف من خيط العبي
بيا شرع گدرو يعبرون الحدود
ليش مايدرون بيچ انتي نبي
يصابر عالامر علي
عجيبه وتنتظر علي
عجيبه شلون مامتو سويه
تودع بضعتك علي
وتنشف دمعتك علي
بيدك ياعلي وتنصب عزيه
٥
دخلو الباب الوحي بالحطب ليش
وخلو الزهره تون تبچي وتلوع
الدمعه من دم بالعزه لجل البتول
كون من نبچي وانهل احنه الدموع
حتى يرضه المهدي لازم بالعزاء
لجل أمه الزهره نكسرها الضلوع
تدفن بالگبر علي
محطات العمر علي
يحيدر هاي لحظات المنيه
دفنت أم الخدر علي
رجعت ومنكسر علي
رجعت البيتك بونه شجيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ابوذيتين بحق الصحابي الجليل سعيد ابن جبير (رض)
سعيد البل علم محد وصله
حمد ربه بحسن نيه وصله
الحجاج بغدر جابه وصله
گص راسه وفجع حامي الحميه
سعيد البل علم فكره ورايه
كل الخدم من اقره ورايه
سوده اليوم نرفعله ورايه
ترفرف بالحزن صبح ومسيّه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة الامام الصادق (ع)
تفرح الليله الزچيه
بالولاده الجعفريه
١
اسبوطعش اول ربيع وياهله
لبو الكاظم خصصه الباري أله
نور عالشيعه وفخرنا جاعله
بنوره وبعلمه عبرنه مرحله
أله ولهله الأولويه
بالولاده الجعفريه
٢
سادس الاقمار هالليله انولد
وگلب أمه الزهره بالفرحه انسعد
اله وقعنه ونوقعله بعد
الجعفريه بالدمه كتبت عهد
انهني كل هاي البريه
بالولاده الجعفريه
٣
بالسمه الأملاك طشت هالخبر
الليله ميلادك يصادقنه الأغر
بهذا محفلنه ننادي بكل فخر
الف هنياله الموالي لو حضر
ويفرح بهاي المسيه
بالولاده الجعفريه
٤
الليله جنات الخلد تستقبلك
لأن يم عرش الجلاله انته ملك
كل تهانينه بفرح نبعث الك
المايحبك خسر وبدنياه هلك
نفرح الليله سويه
بالولاده الجعفريه
٥
الماسمع بالخبر هالليله سمع
نور من نور العرش هل وسطع
صادق الأمه على الأمه طلع
ابو الكاظم حبه بالروح انطبع
نحلف بالله ونبيه
بالولاده الجعفريه
٦
نختم بحبنه وسعاده الهل جنين
ونشكر الباري آله العالمين
حتى يقبلنه الأمام بكل يقين
خلي نقره الفاتحه لأم البنين
وتعبتر هايه هديه
بالولاده الجعفريه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
هوسات لولادة الرسول (ص)
١
بزغ فجرك محمد والسمه انبوسه
ميلادك فخر مليان قاموسه
نشارك يامحمد الك بالهوسه
والهوسه الشخصك تحلاله
٢
الك هوسه نهوس يا محمدنا
وغيرك تدري غيرك احنه ماعدنا
منك احنه تدري شراد واحدنا
تشملنه بنظره بالهل ليله
٣
بمحبه وطيب خاطر الك محتفلين
يقرآن السماء وسيد الكونين
بولادة شخصك انته ارتفع اسم الدين
نبصم وانعاهد هالليله
٤
يبو القاسم الليله انصيح بعله الصوت
ونرسملك محبه وعطر من ياقوت
نحبك أي نحبك احنه حد الموت
نحضر والشخصك وفايه
٥
الليله يامحمد نحتفل كلنه
بميلادك الليله ياعطر جنه
نفرح نحتفل مانگطع الضنه
والجنه بحبك مظمونه
٦
انولد ساجد محمد هوه والقرآن
وهالليله تشعشع نوره عالأكوان
نزل هيبه محمد عالانس والجان
خافو من سحر اعيونه
ربعه وزين ايعرفونه
الصادق گام ايسمونه
الوادم من ايسألونه
من ايسألونه انگول جاه وهيبه
٧
منو مثلك محمد بالسمه نوره
وربك عالعرش راسم الك صوره
بميلادك الدنيه الليله مسروره
مزهيه الدنيه وخضره
تاخذ من هيبة عطره
خلي انسولف عالفطره
وانگلك يابو الزهره
ميلادك هذا اليوم يسوه الدنيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
تجليبه استقبال استشهاد الامام الحسن العسكري (ع)
نون للعسكري من هسه خلينه
الله يساعد اگليبك يمهدينه
١
أمام الحق يغدروه من بعد ايام
أبن الهادي ننشد ياسبب ينظام
ماراعوا حرمته وهيبة الاسلام
بعد أيام حزنه وباين اعلينه
٢
بربيع اول مصابه ونمشي عالعاده
بيوم الثامن ايصادف استشهاده
نعزي المهدي احنه وسيد الساده
بمصاب العسكري وبدمعه نادينه
٣
لتقصرون رغم الدنيه دواره
تزورون الحسن وبهاي الزياره
سامره حزينه بدمعه تتجاره
لأبو المهدي نگصده وهوه يدرينه
٤
بعد أيام احنه انعلگ الرايات
وبثوب السواد انجدد الآهات
لو ناده المنادي الحسن بالسم مات
يتجدد مصابه والحزن بينه
٥
كل عام اليمر تجدد الذكره
نون للعسكري وانوح عالفطره
وانادي بمصابه مهجت الزهره
مسموم ورحل بالدمعه والينه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
بين الزهراء والرسول الكريم (ص)
الك بدموع
تون وتلوع
يبويه وتنحب الزهره
١
تعاين بالحزن وتشوف ابوها ولونه صار اصفر
اجتي بدمعت الاحزان تمشي وگام تتعثر
وصلت يم ابوها بعين تبچي وگوه تتصبر
گعدت يمه وتشم بيه ويمها شاهدت حيدر
على المطروح
تون وتنوح
ابوها لمن اتنظره
٢
تعاين بالدمع وتنوح لبوها ونزلت الدمعه
الرسول بآخر الانفاس تگله احچيلي وتسمعه
يصد بعينه گوه يريد يحچي وتسمع البضعه
عرفت اخر اللحظات عدها وگامت اتودعه
گلبها انصاب
بدمع سجاب
الزهره وحارت بأمره
٣
الزهره تسولف وتشكي يبويه وانظر عيوني
باچر حمره راح اتصير عليها من يسطروني
وعليه الباب اصحابك يدفعوها ويعصروني
من اتروح يابويه بعدك مايرحموني
يضربوني
يأذوني
وعيني من الضرب حمره
٤
عني لو غبت وتروح ابقه بدمعتي واحتار
بين امصابك واحزان جرحك والدمع مدرار
يجوني اشرار هاي الناس
ويحرگون باب الدار
عليه واركض بدمعات عيني ارد اطفي النار
تشب داري
بلهب ناري
وگلبي يشتعل جمره
٥
گلبي ابين جرح الموت وبين عيونك التدمع
روحك بويه من تطلع روحي وياها هم تطلع
اخر چلمه من عندي احچيها والك تسمع
بداعت خاطري المكسر بداعت لهفتي ارجع
يبو الزهره
بألم عبره
الليله شخصك انخسره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ميمر للرسول الكريم (ص)
بفگد الرسول الزهراء ظلت بدمعه وحسره
١
كل الوصف مايوصل الحالتها
كعدت تسولف وبهضم دمعتها
صاحت يبويه وغصت بعبرتها
واتوقع وخاف اتموت من سمع هاي النبره
٢
نبرة ألم نبرة حزن نبرتها
رات تسولف غصت بچلمتها
هاي المواقف عاجزه خلتها
اتعاين لبوها بدمعات مذهوله حارت بأمره
٣
گربت يمه وطولت بگعدتها
من هيبه الوالد تشع هيبتها
نادت يبويه والسمه سمعتها
حاچيني يابعد الروح انه الحبيبه الزهره
٤
گامت تسولف وبهضم جمرتها
ياهو العليها ايخفف مصيبتها
لمن حچت ماكملت حچايتها
ماحچت رادت بس شوف
خافن الليله اتخسره
٥
كل السوالف ماحچت عافتها
بين الجوانح فايضه امحبتها
من اجل بس وحده الذي جابها
من الابو تشبع شوف حتى تشمه بصدره
٦
بس الثگيله الصارت ولچمتها
غمض عيونه وايده من لزمتها
صاحت يبويه وماسمع صيتحها
واليبچي هالليله اعليه الله يعظم أجره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح فاطمه بنت اسد (ع)
وفاتها (٢٣) من شهر صفر
بنت اسد هالليله بدموع الصبر
خل انودعها بگلب يلهب جمر
١
خل نودعها وننوح بهل مصاب
الكفلت المصطفى وآيات الكتاب
الليله ترحل والحزن يفتحله باب
ودعت هالليله لحظات العمر
٢
اربعه من الهجره رحلت بالتمام
بالبقيع اندفنت ويم الحمام
شلون حاله الليله حزنان الامام
الله يعلم علي مهموم اكثر
٣
اشگد بچه عليها الحبيب المصطفى
بت اسد هاي الحبيبه ام الوفه
عليها خل نبچي بحزن
وبعاطفه
وخلي كل دمعاتنه اعليها تدر
٤
چانت امي ايگول عنها بكل يقين
من دفنها المصطفى وكلشي حزين
اشحال گلبه الليله امير المؤمنين
الليله ودعها ومشه وياها العطر
٥
واجب الليله الحزن من الجميع
والي يبچي الليله اجره مايضيع
خلي نتوجه الليله للبقيع
اعليها ونسلم بلحظات التمر
٦
ابو طالب هاك اسمع قصته
عاش وياها وطويله رحلته
على الخد هالليله تهمل دمعته
المصطفى من شافه وسدها الگبر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
احنه غير حسين ماعدنا وسيله
رجعت بدمع الصبر زينب سبيه
وياها بس اطفال لرض الغاضريه
محد اتلگاها والمدمع تسيله
تصيح والخطوات من تمشي ثگيله
احنه غير حسين ماعدنا وسيله
٢
ابلا رقيه رجعت وهلت بعبره
وين گبر حسين من صاحت بحسره
شالت اتراب الگبر گامت تهيله
گوم انهض وانظر الحال العقيله
بصوت واحد صحنه والمدمع نسيله
احنه غير حسين ماعدنا وسيله
٣
زينب اتنادي كفيلي صحت وينه
گالو بسهم الغدر مطفيه عينه
وصلت الگبره وتشيل اتراب گبره
شمت اتراب الگبر نادت بعبره
اربعينك صار والسفره طويله
والخليل شلون ماينسه خليله
احنه غير حسين ماعدنا وسيله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نزله الامام الرضا (ع)
بگلب مالوم ننادي بگلب مالوم
هذا صوت الرافـضه
الليله مسموم الرضا
بگلب مالوم ننادي بگلب مالوم
يبو محمد هاك اسمع نادتك كل شيعتك
لجلك الارواح فدوه الذوبتها محبتك
صرخه مابين الضماير عشت بيها بغربتك
چنت بين اشرار تدري تدري سمو چبدتك
على المسموم يويلي على المسموم
والرحل شيعــوضـه
الليله مسموم الرضا
بگلب مالوم ننادي بگلب مالوم
عالبعد وتصيح كلها الشيعه بدموع وألم
قسم ماننساك احنه وعد من عدنه قسم
نعم للموت احنه نبقه وياك ونردد نعم
حتى مانبقه نحير وبعدك انحس بعدم
بدمع وهموم نصيح بدمع وهموم
ينادي كل سهم المضه
الليله مسموم الــرضا
بگلب مالوم ننادي بگلب مالوم
وبصبرنه انداوي جرحك يبو محمد والصبر
ينفع بيوم الشدايد لو تداركنه الامر
ياهو مثلك وبشهاده ضحه للدين العمر
شلون والمثلك يويلي تالي بالسم ينغدر
كلنه هاليوم نعزي كلنه هاليوم
اليخدم هنانه حضـه
الليله مسموم الرضا
بگلب مالوم ننادي بگلب مالوم
نذكر بدمعت مصابك وبگلبنه چم جرح
لأن عشت ابين ناس وياها مافاد النصح
ماتدور جنه چانت چانت اتدور ربح
مايطول ليل ناسك يطلع اعليهـم صبح
وانته للدوم تنور انته للدوم
تالي بالغــربه گضــه
الليله مسموم الرضا
بگلب مالوم ننادي بگلب مالوم
يل وداعك نار تسعر بالضماير لاهبه
وهاي الگلوب التنادي بكل محبتك ذايبه
احنه خدام ابو محمد انريد احنه انطالبه
من نخدمه نرجه منه انول حسن العاقبه
ينزل ادموم دمعنه ينزل ادموم
سلم الامـــر القـضـه
الليله مسموم الرضا
بگلب مالوم ننادي بگلب مالوم
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري