1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
زينب تتكلم مع العباس
تقول له ياعباس
مجبورين وگوه اخذونه
ياعباس وماخلونه
اتوسلته بكل الحراس
بس انمر اعله عباس
ياعباس وماخلونه
١
صعدنه اعله هزل وبولية الشمات
ومن فوك الجثث ضعن السبايه فات
سمعت الشمر صاح الكفل خدرج مات
متشوفينه بعد يازينب وهيهات
كمت ابجي وحمرات عيوني
اشكد اتوسل ماخلوني
وطلبت انه من الارجاس
بس انمر اعله عباس
ياعباس وماخلونه
٢
مدينه بجثث فوك الارض صرعه
وانه اعله البعد انظرلك بدمعه
شفت حسين وانه اعله هزل انعه
ماضن بعد سالم ضلع من ضلعه
بحافر لخيول وسحكوها
وانه انظر لمن هشموها
اشكد ناديت برفعت راس
بس انمر اعله عباس
ياعباس وماخلونه
٣
طلبت انمر عليك وشخصك انشوفه
حتى اعله الشريعه الكافل انطوفه
شلون انروح احنه ونمشي للكوفه
وعباس الوفي منقبل جفوفه
اتشكر منه واتعذر
كافل ضعني وحامي الخدر
اطلب منكم ياهل ناس
بس انمر اعله عباس
ياعباس وماخلونه
٤
يعباس ارد اخبرك خابت ضنوني
الشمر بعدم يخويه يحدي بضعوني
وينك صحت وينك شاهد عيوني
حمره والسياط امورمه متوني
ماخلونه انشوفك احنه
ياخويه ومن محنه المحنه
ردنه انشوف احنه النوماس
بس انمر اعله عباس
ياعباس وماخلونه
٥
مشينه وبالصبر نتصبر وكوه
والأخ من يشوف اخته صدك يروه
بلا عباس هاي الدنيه ماتسوه
لان عباس قدوه ومثل للخوه
راح امشي ودمعاتك آيه
راح اخذهن انه ويايه
اختك وتسولف بحساس
بس انمر اعله عباس
ياعباس وماخلونه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ابوذيتين للامام الحسين عليه السلام
١
الك يحسين بگليبي ولع ضام
طحت بالحومه دم تنزف ولعضام
الحوافر هشمت لحمك ولعضام
وطحنوهن طحن بالغاضريه
٢
مره يحسين شفزعلك ولحماك
و سوه مديوس كل عظمك ولحماك
گعدت وگمت المنك ولحماك
گبل لتعاين الجسمك رقيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
أربعينية مسلم بن عقیل (ع) ١٨ شهر محرم
صاحت بالجروح
بالدمعه واتنوح
مسلم يمذبوح
يابويه يابويه
١
حميده الليله تذكر مسلم بدمعه
يبويه تصيح وينك صوتي متسمعه
اريد الليله اعلك عالگبر شمعه
بليلة اربعينك يالابو وانعه
مارايده ارثيك
محتاجه احاجيك
وينك والاگيك
يابويه يابويه
٢
حميده والدمع ظل ياكل بخدها
غير الحزن غير النوح ماعدها
صاحت والدمع محد يساندها
بعد طف المنيه وفگد والدها
دمعتها بالعين
من مات الحسين
وين الگبر وين
يابويه يابويه
٣
حميده بالحزن نادت يواليها
ليلة اربعينك وين احييها
اريد احضر الگبرك بويه واحچيها
واصب دمعات عيني ويمك ابچيها
بنتك حرامات
مو يمك اتبات
مات الصبر مات
يابويه يابويه
٤
حميده اعله الونين اتعودت والنوح
ليلة اربعينك والگلب مجروح
بعد عينك يمسلم تبچي وين اتروح
وانته من القصر شمروك يامذبوح
ذبحوك الاشرار
بالكوفه الاخبار
اشگد بيها اسرار
يابويه يابويه
٥
ليلة اربعينك بالگلب جمره
كل عام اليمر نحييها هالذكره
تستاهل حميده نلطم بعبره
نوالي مسلم ونبصمله بالعشره
عهد الخدم وين
بالدمعه والعين
والشاهد حسين
يابويه يابويه
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
مسير زينب والعيال وذهابها إلى الشام
زينب بالحزن مشوها سبيه
تتلاگه بجرح من تنظر رقيه
خافت بالدرب
والممشه صعب
من تنظر رقيه
١
زينب طلعت بيا حال مچتوفه بحبل طلعت
أميره وتنسبي ياناس وللكوفه بدمع طبت
تنظر والدمع بالعين ليش وزينب اختنگت
علويه وتشوف الناس عليها بيا وجه صدت
ممشاها بدمع
بت حامي الحميه
ماعدها زلم
بليل الغاضريه
للكوفه تطب
والممشه صعب
من تنظر رقيه
٢
بسوگ الكوفه من طبت الوادم تنظر اعليها
مچتوفه بحبل زينب ومچويات رجليها
بعبايه وتمشي وياها رقيه امحرگه ايديها
وعيون الشماته اتصيح وين الچان حاميها
چان ابلا رحم
وسفه ابن الدعيه
بالسوط الشمر
يضربهن سويه
وطويل الدرب
والممشه صعب
من تنظر رقيه
٣
بالسوگ الدرب لوعات تنظر عالرمح چم راس
نار الكوفه والشمات ونار الدمع والحراس
مچتوفه بحبل زينب وتتفرج عليها الناس
تسمع وادم يصيحون عافچ وحدچ العباس
سمعت بالاسم
والونه شجيه
اتمنت بالعجل
تاخدها المنيه
شمسويه ذنب
والممشه صعب
من تنظر رقيه
٤
بين الشام بين الخوف والدمعات تتجاره
مره اتشاگف الضربات ومره اتصد الحجاره
والاطفال بيها اتلوذ وين اتروح محتاره
عمه نادي للعباس خلي انلوذ بكتاره
خلي يحمي الحرم
والدمعه جريه
يخلص بالألم
ليل الزينبيه
تحمل يا گلب
والممشه صعب
من تنظر رقيه
٥
عرس بالشام صار هناك تسمع زينب ينادون
هاي الخارجيه هاي زينب كلهم ايگولون
فوگ الشتم والدفعات تنظر والشماته عيون
من كثر الضرب بالسوط ماضل عدها حتى أمتون
نادت بالدمع
بس اشگف بديه
ياوسفه الزلم
تتفرج عليه
ع
فوگاها الضرب
والممشه صعب
من تنظر رقيه
٦
العاشت كل عمرها أبيت اميره هسه تعرف وين
تتفرج عليها الناس زينب والدمع بالعين
صاحت خويه ياعباس بعد عزي ودلال حسين
يم ايزيد جابوها اختك دخلت ادواوين
گعدت بس تون
ونتها شجيه
والزاد الالم
كلمة خارجيه
والديره غرب
والممشه صعب
من تنظر رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
مسير زينب والعيال وذهابها إلى الشام
زينب بالحزن مشوها سبيه
تتلاگه بجرح من تنظر رقيه
خافت بالدرب
والممشه صعب
من تنظر رقيه
١
زينب طلعت بيا حال مچتوفه بحبل طلعت
أميره وتنسبي ياناس وللكوفه بدمع طبت
تنظر والدمع بالعين ليش وزينب اختنگت
علويه وتشوف الناس عليها بيا وجه صدت
ممشاها بدمع
بت حامي الحميه
ماعدها زلم
بليل الغاضريه
للكوفه تطب
والممشه صعب
من تنظر رقيه
٢
بسوگ الكوفه من طبت الوادم تنظر اعليها
مچتوفه بحبل زينب ومچويات رجليها
بعبايه وتمشي وياها رقيه امحرگه ايديها
وعيون الشماته اتصيح وين الچان حاميها
چان ابلا رحم
وسفه ابن الدعيه
بالسوط الشمر
يضربهن سويه
وطويل الدرب
والممشه صعب
من تنظر رقيه
٣
بالسوگ الدرب لوعات تنظر عالرمح چم راس
نار الكوفه والشمات ونار الدمع والحراس
مچتوفه بحبل زينب وتتفرج عليها الناس
تسمع وادم يصيحون عافچ وحدچ العباس
سمعت بالاسم
والونه شجيه
اتمنت بالعجل
تاخدها المنيه
شمسويه ذنب
والممشه صعب
من تنظر رقيه
٤
بين الشام بين الخوف والدمعات تتجاره
مره اتشاگف الضربات ومره اتصد الحجاره
والاطفال بيها اتلوذ وين اتروح محتاره
عمه نادي للعباس خلي انلوذ بكتاره
خلي يحمي الحرم
والدمعه جريه
يخلص بالألم
ليل الزينبيه
تحمل يا گلب
والممشه صعب
من تنظر رقيه
٥
عرس بالشام صار هناك تسمع زينب ينادون
هاي الخارجيه هاي زينب كلهم ايگولون
فوگ الشتم والدفعات تنظر والشماته عيون
من كثر الضرب بالسوط ماضل عدها حتى أمتون
نادت بالدمع
بس اشگف بديه
ياوسفه الزلم
تتفرج عليه
ع
فوگاها الضرب
والممشه صعب
من تنظر رقيه
٦
العاشت كل عمرها أبيت اميره هسه تعرف وين
تتفرج عليها الناس زينب والدمع بالعين
صاحت خويه ياعباس بعد عزي ودلال حسين
يم ايزيد جابوها اختك دخلت ادواوين
گعدت بس تون
ونتها شجيه
والزاد الالم
كلمة خارجيه
والديره غرب
والممشه صعب
من تنظر رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
قصيده مسير زينب والعيال
زينب بالحزن مشوها سبيه
تتلاگه بجرح من تنظر رقيه
خافت بالدرب
والممشه صعب
من تنظر رقيه
١
زينب طلعت بيا حال مچتوفه بحبل طلعت
أميره وتنسبي ياناس وللكوفه بدمع طبت
تنظر والدمع بالعين ليش وزينب اختنگت
علويه وتشوف الناس عليها بيا وجه صدت
ممشاها بدمع
بت حامي الحميه
ماعدها زلم
بليل الغاضريه
للكوفه تطب
والممشه صعب
من تنظر رقيه
٢
بسوگ الكوفه من طبت الوادم تنظر اعليها
مچتوفه بحبل زينب ومچويات رجليها
بعبايه وتمشي وياها رقيه امحرگه ايديها
وعيون الشماته اتصيح وين الچان حاميها
چان ابلا رحم
وسفه ابن الدعيه
بالسوط الشمر
يضربهن سويه
وطويل الدرب
والممشه صعب
من تنظر رقيه
٣
بالسوگ الدرب لوعات تنظر عالرمح چم راس
نار الكوفه والشمات ونار الدمع والحراس
مچتوفه بحبل زينب وتتفرج عليها الناس
تسمع وادم يصيحون عافچ وحدچ العباس
سمعت بالاسم
والونه شجيه
اتمنت بالعجل
تاخدها المنيه
شمسويه ذنب
والممشه صعب
من تنظر رقيه
٤
بين الشام بين الخوف والدمعات تتجاره
مره اتشاگف الضربات ومره اتصد الحجاره
والاطفال بيها اتلوذ وين اتروح محتاره
عمه نادي للعباس خلي انلوذ بكتاره
خلي يحمي الحرم
والدمعه جريه
يخلص بالألم
ليل الزينبيه
تحمل يا گلب
والممشه صعب
من تنظر رقيه
٥
عرس بالشام صار هناك تسمع زينب ينادون
هاي الخارجيه هاي زينب كلهم ايگولون
فوگ الشتم والدفعات تنظر والشماته عيون
من كثر الضرب بالسوط ماضل عدها حتى أمتون
نادت بالدمع
بس اشگف بديه
ياوسفه الزلم
تتفرج عليه
ع
فوگاها الضرب
والممشه صعب
من تنظر رقيه
٦
العاشت كل عمرها أبيت اميره هسه تعرف وين
تتفرج عليها الناس زينب والدمع بالعين
صاحت خويه ياعباس بعد عزي ودلال حسين
يم ايزيد جابوها اختك دخلت ادواوين
گعدت بس تون
ونتها شجيه
والزاد الالم
كلمة خارجيه
والديره غرب
والممشه صعب
من تنظر رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
الزهراء والدفن
تنعه من المدينه حضرت الزهره
مامدفون ابنها اتشوفه عالغـبره
من ذبحو ابنها حسين بالعاشر
للطف حضرت ومكسورة الخاطر
مامدفون ابنها وعالصدر حافر
من ذيچ الخيول الداست بصدره
اثر لخيول كلها بصدره مطبوعه
وطاحنته طحن ومهشمه ضلوعه
الزهره شافته بس بالگلب لوعه
مامدفون باقي وحارت بأمره
تحچي وي الجسد وتهل دموع العين
حاچيني يبعد الروح يمه حسين
مامدفون جسمك يمه راسك وين
تحچي وي الجسم والموقف اشكبره
مامدفون ابنها وعالترب عاري
وتشاهد ابنها امچفن بذاري
يبني حسين نادت تلتهب ناري
عليك بكل دمعها تنحب بعبره
گامت تمشي گامت والگلب هايم
العريس الهواشم شافته نايم
من دمه تشاهد حنته القاسم
صبت كل دمعها بلوعه وبحسره
گامت تمشي گامت لچن تتعثر
مامدفون شافت جسمه الموذر
يشبـه والدي ابني علي الاكبر
ليش اسيوف أميه اتگطعه واتوذره
ظلت تمشي ظلت والفكر محتار
فوگ اعله الوطيه شافت الانصار
تيبچي الزهره تبچي وبگلبها النار
وعيون الزچيه من البچي حمره
وصاحت وين ابني الكافل وحامي
فوگ اعله الشريعه شافته وضامي
مهشم راسه شافت والجسم دامي
فوگ السطره ضربت عينها بسطره
و دورت عن طفل ماعبر ست اشهور
مابين الضحايه الزهره بس اتدور
عبدالله تشوفه بالسهم منحور
زين وعين ألها گامت اتنظره
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
كعديه للدفن
الزهره حضرت بعد الطفوف
تنعه
للدفن والگلب ملهوف
تنعه
امن المدينه بالدمع
حضرت ومحني الضلع
للدفن والگلب ملهوف
تنعه
1
امن المدينه الليله حضرت حتى تدفن كل ولدها
تمشي مره ومره توگع امن الضلع تشكي بعدها
بعد ذيچ العين حمره ولازمه السطره البخدها
بهداي تمشي بس تون
وامگبعه بثوب الحزن
والزهره حضرت للدفن
حضرت وتشعر وحدها
شخص شافت يم الاجساد
عرفت
ابني گالت علي السجاد
عرفت
وبگلبها المنفجع
حضرت ومحني الضلع
للدفن والگلب ملهوف
تنعه
2
يم علي السجاد وصلت
صاحت اتگرب عليه
يمها صار وما تحمل من حضن أمه الزچيه
بده ايشم بيها وحضنها
وعالارض طاحو سويه
عاين الخدها المنسطر
وعيونها الكلش حمر
زينب اتذكر والشمر
من ضرب خدها الرقيه
بابچ الحرگوها ظلام ناده
بكربله حرگوها لخيام ناده
امن الاصل ذوله فرع
حضرت ومحني الضلع
للدفن والگلب ملهوف
تنعه
3
گام يدفن علي وامه اتساعده وتهمل دمعها
دفنو الانصار كلهم وگام يلچمها ضلعها
وصلوا العريس حست فاطمه اتغير وضعها
للحسن نادت ياعرس
مبذوح ابنك بالشمس
بگلب امك انه ادري تحس
والحسن حست سمعها
يالحسن ابنك المذبوح يمه
العمه ضحه وناذر الروح يمه
للعرس جابت شمع
حضرت ومحني الضلع
للدفن والگلب ملهوف
تنعه
4
هيه والسجاد گامت ريحه شمت چن ابوها
اتگربت للجثه شافت جثه لكن گطعوها
عرفت الاكبر ابنها الجثه من وليه ولوها
ماگدرت اتشيل الجسم
والجسم صاير چم قسم
بس يضوي مابين الزلم
وگوه گدرو يدفنوها
دفنوا الاكبر وشالوه گوه
جسمه متوذر ودفنوه گوه
صعب جسمه ينرفع
حضرت ومحني الضلع
للدفن والگلب ملهوف
تنعه
5
اتوجهت صوب الشريعه اتصيح وينه الله واكبر
راحت ولزمت ضلعها تمشي مره ومره تعثر
شافت العباس نايم وعالجسد بالدمعه تفتر
نامت بطوله اعله النهر
عباس ابنها بكل فخر
واتدفنه رادت للگمر
وانته للحاله تصور
نادت وتلطم على الراس يبني
جيت ادفنك بيدي عباس يبني
اتحس گلبها ينشلع
حضرت ومحني الضلع
للدفن والگلب ملهوف
تنعه
6
گامت وتشعر الدنيه كلها گام اتدور بيها
وي علي السجاد راحت للحسين بكل بچيها
للجسم وصلت تدفنه لزمته وترجف اديها
رادت تشم ما شمته
هوايه السهام بجثته
حضرت الزهره الدفنته
الزهره تحضر كل بنيها
دفنت الخنصر فجيعه وتنعه
وعالصدر خلت رضيعه وتنعه
اتصور انته بيا وضع
حضرت ومحني الضلع
للدفن والگلب ملهوف
تنعه
المصيبه
بعد ماكملت دفنهم گعدت وتبچي بحزنها
والعرش يبچي البچاها والسمه اتون اعله ونها
الزهره تفتر بالمجالس اتدور اليبچي الابنها
وينه اليساعد فاطمه
اتحضره ملائكة السمه
ويحضره حماي الحمه
بالگبر ميحير باچر اتحضره فاطمة الزچيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ميمر للدفن
بليل الدفن يالموعود ياريت يمنه وحاضر
١
زينب تسولف بالحزن والدمعه
عن الدفن واتنوح هيه وتنعه
والصوت عمتك من تنادي اتسمعه
محتاره بالطف مولاي عمتك وتكسر خاطر
٢
جدك حسين ابلا دفن ترضاها
يالمهدي بالطف كونك انته وياها
عمتك غريبه وحايره بولياها
من بعد طف الأحزان تمشي السبيها باچر
٣
محتاره زينب بالدفن واللوعه
وصوت البواچي من الخيم مسموعه
مفجوعه عمتك نادت مفجوعه
گلب العقيله بهل يوم يتوجه المن حاير
٤
نادت عليك ويمها رادت تحضر
الدفن الغوالي وكون ما تتآخر
عمتك وحيده و روح كونك تگدر
خفف عليها الاحزان واجبر گلبها الصابر
٥
يوم الدفن زينب عليها اشكبره
اخوتها كلها امذبحه اعله غبره
زينب تون وتصيح يبن الزهره
تحضر الليله بهل يوم وتشوف بينه اشصاير
٦
يكسر الخاطر بالوصف منظرنا
بهل فاجعه ياعمه شيصبرنا
بعين الآله ونندعي تحظرنا
اعلينه الشماته ينظرون والناس الها الظاهر
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
موشح ليلة الوداع
ناده بالخيمه بمدامع هامله
رايد ايودع حسين العايله
١
ناده زينب والأطفال ابدمعته
ايودع الليله خواته بخيمته
يحجي وياهم وتنزل دمعته
هاي آخر ليله النه بكربله
٢
باجر بكربله لو صار الصبح
بعينج اتشوفين كلنه ننذبح
وزينب اتنظرين كل راس برمح
بعد عباس انتي صيري الكافله
٣
باجر العباس فوك المشرعه
يختي يم النهر يصبح مصرعه
براسه عامود وجفوفه مكطعه
وجربته مابيها ماي ومايله
٤
لو صعد صهوة جواده ويعتلي
يختي باجر علي الاكبر ينولي
انه اركضله وانادي ياعلي
بويه عالدنيه العفه اصرخ اله
٥
باجر العريس يترك خيمته
جاسم وبالحومه تصبح زفته
بدم وريده اتصير باجر حنته
امه تتلكاه اتنادي ياهله
٦
كبل ما انذبح اترك ياولد
ينذبح عبدالله ويعوف المهد
بيا سهم ينفطم وينادي مدد
ينفطم ابني بسهم من حرمله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي الرضيع
والدة ام عبدالله الرضيع تخاطب ولدها قائلا
دللول الولد مذبوح يمه
على صدر الابو وسابح بدمه
1
دللول الولد مو در حليبي
مو عطشان انته ياحبيبي
اعوفك منذبح هذا نصيبي
المثلك ياحبيبي وين اظمه
2
دللول الولد وين ابني خلوك
طير الجنه انته وليش ذبحوك
الك صدري ييمه يصير كاروك
اشوفك حتى گلبي يزيل همه
3
يعبدالله ييمه اگعد اشبيك
اريد بحضني يمه اشويه اخليك
اريد احچي حبيبي وياك اناغيك
واريد النحرك المذبوح اشمه
4
يعبد الله ييمه اسألك وين
نايم يالولد ياشوفت العين
من صدري ييمه الصدر الحسين
ماعندي اعتراض وهاي قسمه
5
ناغييني ييمه ارد اسمعك
ولا تبچي تره ايأذيني دمعك
يعبدالله اجي وللموت اتعبك
بلچي واندفن يم ابني يمه
6
يبعدالله لان ماترجع وياي
ولان انته متت وبعازة الماي
ما اگعد بعد لحظه بالفياي
كل فياي يمه راح احرمه
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
الاكبر نزله
نزل شايل سيفه
حلف ياخذ حيفه
علي الاكبر علي الاكبر
١
دخل وسط الحومه
واضحات اعلومه
هذا الاكبر يومه
ابن شيخ الساده
بيده سد كل الهوه
والوجه مثل الضوه
وارتوه سيفه ارتوه
بروس كل القاده
علي الاكبر من دخلها بيده رفت رايه
كلها بالحومه كضاها بغيرته الوفايه
من نزلها بكيفه
حلف ياخذ حيفه
علي الاكبر علي الاكبر
٢
صار مابين العده
وكام ينظر والده
بالمدامع شاهده
ترف بيده الرايه
بيده سل بتاره
شن عليهم غاره
يحمل بأنواره
ارويحته الوفايه
كلب واطيها عليهم والجثث خلاها
اسوايه ماصارت كبلها بالزلم سواها
بالحلم وبطيفه
حلف ياخذ حيفه
علي الاكبر علي الاكبر
٣
علي هاي الرادها
صاح احنه اسيادها
تيهو مشرادها
حارو بصولاته
من برز عالعسكر
الجيش كله اتطشر
صال صولت حيدر
من حمل حملاته
حمل عالجيش وكضاها صولته المعهوده
حتى ملك الموت عاجز راح عاف جنوده
مايكلم ضيفه
حلف ياخذ حيفه
علي الاكبر علي الاكبر
٤
برايته وصمصامه
سيفه لاح الهامه
علي هاي ايامه
الأكبر ايلقبونه
ابن شيخ الديره
حامل اعظم سيره
شايل اكبر غيره
والعده ايعرفونه
نزل والغيره حملها الدنيه لا متهمه
كلها صاحت علي هذا ابو فاضل عمه
بكلبه مامش خيفه
حلف ياخذ حيفه
علي الاكبر علي الاكبر
٥
الدنيته ودعها
الكوم مايسمعها
الغانمه يتبعها
من نزل ويقاتل
من برز ياقوته
الناس تسمع صوته
من تعنه الموته
ناده يابو فاضل
عمي راح اترك أمانه عينك انته اعليها
حسين والعايله بعدي يمك امخليها
يالصعب توصيفه
حلف ياخذ حيفه
علي الاكبر علي الاكبر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده بحق علي الاكبر (ع)
من الخيمه طلع فخر الهاشميه
وبنور الوجه ضوه الغاضريه
الوادم شافته
نور بطلعته
ضوه الغاضريه
١
علي الاكبر جمال وروح واترف من هوه النسمه
طلع من سمع ناده حسين هل من ناصر بهمه
وكف واكباله نور ونور نعمه امكابله النعمه
وصد بطارف عيونه للخيمه ونظر أمه
ليله بيا وضع نادت يا دلاله
ماهمني الذبح مشغوله بجماله
شمحله وكفته
نور بطلعته
ضوه الغاضريه
٢
ليله اعله البعد تنظر وهيه بخيمة الاحزان
شاغلها جمال البيه تعاين زهرة الشبان
يطلع نور من وجهه ابنها بحومة الميدان
بخده تشوف نور الكون رغم جان الولد عطشان
مو مالت حرب نوره وكل حلاته
بالحومه ابتدت صورة ذكرياته
ترسم بسمته
نور بطلعته
ضوه الغاضريه
٣
مشه الاكبر المصرع موت بس هوه بدلال ايروح
يدري اسهام تنتظره وعيون المنيه اتلوح
بعقيده اتقدم اعله الموت بعد اشويه لن مذبوح
يدري شراح بعده اصير ويدري بأمه بعده اتنوح
صله بيا فرض من قدم حياته
فرض الحب عطر شايل امنياته
فارض هيبته
نور بطلعته
ضوه الغاضريه
٤
تعنه وراح للميدان ونظرات الموادع موت
بين حسين والاكبر مات الحجي ومات الصوت
وداع الابن مثل الطيف من ياخذ عمر بسكوت
وانطه حسين بالميدان ابنه اليشبه الياقوت
قدم مهجته بنيران المدامع
لو دمعه سكت شيسكت المواجع
الباري ورادته
نور بطلعته
ضوه الغاضريه
٥
رسم بالدم معاني هواي بين الحركه والدمعه
من طاح وهوه اعله الكاع ابوه مالحك ايودعه
اجاه مكسور ظهره وطاح يمه واختلف وضعه
على الدنيه العفه من صاح كعد واعله ولد ينعه
بدمعات الالم وبنار الفجيعه
ضاكت عالابو كل هاي الوسيعه
يعاين جبهته
نور بطلعته
ضوه الغاضريه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
كعديه للقاسم
ياجسام للخدام
بالكوفه اتشع قدوه بكل ايمانك
لوحت امجاد ارسمت
الهاي الشبان وصرت
بالكوفه اتشع قدوه بكل ايمانك
1
انته يا اشرف مجاهد تنمتي لأشرف قضيه
من نزعت اثياب عرسك البست ثوب العزه نيه
اروع امثال البطوله مثلت بالغاضريه
من اخلعت ثوب العرس
نيتك تهذيب النفس
وانطيت للخادم درس
بوگفتك لأبن الزچيه
دمك صار للأحرار
قلعه مجدك واتشيد عنوانك
قمه الهم واتمثلت
الهاي الشبان وصرت
بالكوفه اتشع قدوه بكل ايمانك
2
من كريم وكرم روحه
العمه مو تحصيل حاصل
وگف بالطف ابشموخه
وصان امجاد البواسل
يكفي شايل بالحرايب عزم عمه ابو فاضل
صال بجماله الهاشمي
والخوف ظل بيه يحتمي
عالموت راح ويرتمي
ونزل للحومه يقاتل
للشبان يا عنوان
قدمته وانته اترتل قرآنك
عنوان العز من طحت
الهاي الشبان وصرت
بالكوفه اتشع قدوه بكل ايمانك
3
كل مجاهد بالمئاثر ربك ايرفعه بجهاده
وانته ياجسام بالطف موتتك صارت ولاده
المثلك بهذا جماله اتكحله اعيون الشهاده
واتكحلت رغم الألم
ياجاسم وهذا الاهم
من اجل ماتنطق نعم
بعزم كامل وبأراده
مثل الطيف بوجه السيف
تضحك بالحومه وكاتم احزانك
من ضحيت وقررت
الهاي الشبان وصرت
بالكوفه اتشع قدوه بكل ايمانك
٤
الليله جاسمنه النويني
بليلة القاسم نذكره
هالشباب انريد تسمع وتاخذ من الحچي عبره
من قره جاسم الجاسم بليلة المصرع ابحسره
قصة عرس قصة شمع
لمن قره وحس منفجع
وي النويني انهل الدمع
وخلي وياه كلنه نقره
جسام ياضنوتي رايح رايح من اعيوني
مارحمني الدهر
وانته نور البصر
رايح رايح من اعيوني
المثلك نار عالكفار
لو ما موقف بالطف صار وخانك
والهذا انته اتخلدت
الهاي الشبان وصرت
بالكوفه اتشع قدوه بكل ايمانك
٥
اسمع القاسم الليله منك شراد بطلبته
درس كون اليوم تاخذ انته من سيرة نهضته
مو مثل بعض الشباب الخاويه الجهلت طلعته
شاب ورفض لمن طلع
كل مغريات المجتمع
طلگ الدنيه من سمع
صوت عمه وهاي قصته
قصة شاب بالحب ذاب
حتى الباري ايخلدك يرفع شانك
بالحومه لمن طحت
الهاي الشبان وصرت
بالكوفه اتشع قدوه بكل ايمانك
المصيبه
كل شباب بعرسه شمعه يعلگوله وبيده حنه
وانته اول شاب انته الحومة المصرع تعنه
لأن خير نفسه بالطف بين نار وبين جنه
وأمك تناظر مشيتك
للحومه ماشي بهيبته
بس وسفه لمن شافتك
امگطع بسيف الشهاده نظرته وجذبت الونه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيدة احساس المهدي
ليلك اذا يخلص جرح
يالمهدي واتشوف الصبح
دمعه وحزن آه
دمعه وحزن آه
١
على اجروحك عشت ليل وذبت شمعه
تظل تشرب ونين وتشهگ الدمعه
على الثارات خلصت العمر تنعه
وصدى صوتك وحي بس السمه اتسمعه
يالمهدي بدموع الحزن
سولتك صارت بس تون
دمعه وحزن آه
دمعه وحزن آه
٢
يضل نزفك وحي يالعايش احساسك
مابين الخيم وجروحك وناسك
غير الثار محد گاعد براسك
و رقيه وزينبك وچفوف عباسك
يالعايش اهمومك دمع
مابين نيران الضلع
دمعه وحزن آه
دمعه وحزن آه
٣
عشت ليلك جرح وهمومك العبره
يمهدي المثلك انته اشباقي من عمره
على اجروح انتظارك عايش بصحره
تعاين على احسينك منهشم صدره
واتعيش لحظاتك ألم
مابين دخان الخيم
دمعه وحزن آه
دمعه وحزن آه
٤
يبو اهموم الثگيله الماحملها انسان
عشت عمرك محطات وسفر وأحزان
مابين انتطارك عايش بدخان
خيمات الطفوف ومدمع الرضعان
من نارك بعينك شفت
و ابين لوعاتك عشت
دمعه وحزن آه
دمعه وحزن آه
٥
يبو دموع الحزينه العايشه بهمك
من يوم الطفوف الكسر ضلع أمك
عشت بينه دمع بالمهدي وانضمك
مابين الضلوع انرتل بأسمك
اسمك حرز شلناه دوه
وانحسك انته وي الهوه
دمعه وحزن آه
دمعه وحزن آه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح أربعين مسلم بن (١٨) شهر المحرم
بربعينك رايه نحمل رايه
الك نتعنه ونجي مشايه
١
بربعينك نحضر بفيض الدمع
انصيح والعالم يشاهد يستمع
نلطم بصحنك ندك فوك الضلع
والخدم تحضرلك الوفايه
٢
بصحنك ونهتف يمسلم منتصر
بربعينك للزمان ونختصر
وين قصر الطاغيه طاح القصر
والاماره بأسمك اموصايه
٣
بصحنك وصحنه حميده اتدللي
نحضر انواسيج اي نحضر بلي
اعلينه تشهد فاطمه ويشهد علي
اربعينك عدنا هوه الغايه
٤
بربعينك يل عشت بينه جرح
ظلمه كل الدنيه بس انته صبح
يشع بالكوفه الك اعظم صرح
والك رايه بالسمه امعلايه
٥
الك يامسلم بصمنه بالدمه
يشهد اعلينه الحسين وفاطمه
هاي الارواح التحبك هايمه
جفوفها من دمك امحنايه
٦
يابو طاهر هذا عهد الاوفياء
بصحنك انكتبه ونخطه بالدماء
الكوفه من دمك تعانق كربلاء
وصرتو مصحف آيه تلو الآيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
مسير زينب بعد العاشر
وين اخت الحسين
دمعتها بالعين
من بعد عزها الاولي
محتاره هسه بت علي
دمعتها بالعين
١
محروسه اجتي من الوطن يحرسها كافل
والهودج بطول الدرب بالخوه مايل
والي نظرها بنظرته بين المحامل
زينب تنادي اعله الزلم وين ابو فاضل
خادم اجاها
حامي لواها
يكلها يختي اتدللي
محتاره هسه بت علي
دمعتها بالعين
٢
من خلص العاشر صفت مابين الاجناب
لا خيمه لا محمل بقه عافوها لحباب
ماتعرف اشوده الهوه من عدها وشجاب
وانفتح لحزان الدمع من الهضم باب
نادت حسيناه
والشكوى لله
لو بس يشاهد كافلي
محتاره هسه بت علي
دمعتها بالعين
٣
من الوطن لمن اجت تمشي أميره
من بعد نار الفاجعه راحت اسيره
بالدمعه زينب والحزن حيرتها حيره
عاشت بعد نار الصبر محنه جبيره
بنت الدواوين
تنطي الوجه وين
بالدمعه نادت ياهلي
محتاره هسه بت علي
دمعتها بالعين
٤
تعرفها رحله وبالصبر كلش طويله
بس نظرة الشامت تضل توجع ثكيله
مو مهم زينب بالحزن تركب هزيله
بس طبت السوك الذي اتهد العقيله
وبلاي اخوها
لو شاهدوها
همها أبد ماينجلي
محتاره هسه بت علي
دمعتها بالعين
٥
مكفوله طلعت بالشمر من ضيم الايام
من بعد عباس الأخو ودوها للشام
جفن العقيله ماطبك لحظه ولا نام
من شاهدت جيش العده هجموا عالخيام
من نار الخيام
والطبت الشام
لو سأل عنها سائلي
محتاره هسه بت علي
دمعتها بالعين
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
مسيرة السيدة زينب للشام
دمعت المصيبه
جروحچ العجيبه
شاهدوها
نادو السليبه
زينب الغريبه
شاهدوها
بالدمع بالدمع
تمشي العقيله بحيره
بالدمع بالدمع
من ديره تمشي الديره
١
مشت من غير والي بجمرت المدمع
شلون مخدره وبين الزلم تطلع
يشتموها بيسرها زينب وتسمع
والاصعب عليها شلون من ترجع
بالمدمع خذوها
ليش و روعوها
ياوسافه
يدروها الأميره
والناضر تديره
ياوسافه
بالحزن بالحزن
زينب مشت أسيره
بالدمع بالدمع
من ديره تمشي الديره
٢
العاشگ من يهيم اتفضحه اشواگه
وزينب تمشي والدمعات حراگه
محتاره بسفرها وغصب تتلاگه
زينب بالدمع والسوگ والناگه
خلص كل عمرها
بالحيره وصبرها
ياهضمها
مجروحه بسفرها
والشامت نظرها
ياهضمها
امچتفه امچتفه
كلش عليها اچبيره
بالدمع بالدمع
من ديره تمشي الديره
٣
بعد چف الكفيل شلون ركبوها
على الناگه الهزيله غربه صعدوها
مجتوفه بحبل للشام ودوها
اشكال الحچي بالدرب سمعوها
مدمعها تسيله
وحايره العقيله
ياصبرها
تنظر الفواطم
وتركت الهواشم
ياصبرها
بالهضم بالهضم
وامكمله المسيره
بالدمع بالدمع
من ديره تمشي الديره
٤
بدمع للشام وصلت والدرب شمات
عرس بالشام عدهم تسمع الاصوات
نعرف من دروا كافل خدرها مات
زينب خلي نسأل وين راح اتبات
گعدت عالترابه
ياوسفه بخرابه
ياحزنها
والديوان أميه
دخلوها السبيه
ياحزنها
ياجرح ياجرح
تتحمل الأميره
بالدمع بالدمع
من ديره تمشي الديره
٥
وياها العليل وحارت بأمره
واطفال وحرم والموقف اشكبره
للديوان طبوا والزلم كثره
لو تحضر تشاهد حالنه الزهره
تنظر بالمدامع
واعلينه تباوع
بالمصيبه
ميسرها وضعنا
وتشاهد دمعنا
بالمصيبه
والضعن والضعن
هذا الصفه مصيره
بالدمع بالدمع
من ديره تمشي الديره
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
زينب ومسيرتها للشام وتوديني اخوتها بالغاضريه
زينب تنحب بدمع الرزيه
من شافت اخوها اعله وطيه
١
زينب تنحب ودمعتها بالعين
من شافت اخوها طايح حسين
ياعباس نادت يالأخو وين
عفتوني اون بالغاضريه
٢
زينب حايره بدمع الملامه
نادت خويه عالدنيه السلامه
بچتفي من الضرب صارت علامه
عفتوني اون مچتوفه اديه
٣
هذا اخر وداع واحنه ماشين
وبدرب اليسر ياخويه ماضين
بعد ماشوف وجهك خويه يحسين
ولا تنظر بعد خويه عليه
٤
ودعتك واخر نظره وياك
وانه ادري صعب ياخويه فرگاك
ما أصبر أبد لحظه بلياك
مجبوره ورحت امشي سبيه
٥
راح امشي سبيه ورافعه الراس
مو وياي انته وياي الارجاس
راح امشي واروح بغير عباس
واخذ بالدمع سكنه و رقيه
٦
راح اخذ اطفالي ولوعتي وياي
امشي بالمصيبه وعظم بلواي
بعد عينك يخويه شلي بالماي
بعدك شفت لوعات وأذيه
٧
صوب الشام صارت اختك اتروح
بدموع الندامه وگلب مجروح
راح امشي سبيه وانته مذبوح
وبعد مانلتقي خويه سويه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده للدفن بين الزهره والمهدي (ع)
كل عام بهاي الذكره
تحضر للطف الزهره
واتعاين عالاجسام
تبچي بهاي الايام
تحضر للطف الزهره
1
كل سنه الزهره بدمعها تحضر
الدفن الرزيه
تذكر ايام المصيبه والحصل بالعاضريه
من اجتي من المدينه وصلت الطف المنيه
شاهدت واحد گبلها اينادي وبهاي المسيه
جيتك للطف ياجدي
انحب والدمعه بخدي
جفن المهدي المانام
تبچي بهاي الايام
تحضر للطف الزهره
2
وصلت الزهره وتگربت عرفته المهدي ابنها
ماتحمل من اجاها لأمه بالمدمع حضنها
ماسألها عن وضعها عن ضلعها وكل حزنها
يدري دفع الباب يوجع وكل مصايبها عمنها
واتگربت كلش يمه
گامت للمهدي اتشمه
صعبه الحره التنظام
تبچي بهاي الايام
تحضر للطف الزهره
3
كل سنه اتگله يمهدي احضر المصرع بنيني
بليلة الدفنه وانوحن اشعر ايهزني حنيني
فوك سطرة عيني يمه اسطر واعميها عيني
وهالسنه يالمهدي يبني انه منتظره تجيني
خل نمشي انروح الحومه
گامت تمشي ومالومه
شمت ريحة لخيام
تبچي بهاي الايام
تحضر للطف الزهره
4
تمشي والمهدي سندها وصلو اگبور الضحايه
كل سنه احضر ييمه واترك الدنيه ورايه
اهنا تگله حسين طايح وعالنهر متروكه رايه
اهنا رقيه سلبوها وحرگوا الزينب عبايه
واهنا عبدالله بأيده
جدك ذبحوله اوليده
يلعن الله الظلام
تبچي بهاي الايام
تحضر للطف الزهره
5
اتگله يالمهدي اخبرك تشعر ولزمتها عبره
جدك المذبوح يبني ما اعوفه ودوم احضره
بكل فجيعه انه احضر بكثر ما ابچي اعله گبره
حسين يعرف انه جيته اسمع يناديني نحره
اسمع من نحره الدامي
ما وصيچ بخدامي
ذوله انصار وخدام
تبچي بهاي الايام
تحضر للطف الزهره
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
نزله للدفن
بدموع المصاب
كل عام ويون
والمهدي بعذاب
يحضر للدفن
١
كل سنه بلوعاته
ينحب بدمعاته
للطفوف بذاته
يحضر
عالجثث كل ضيمه
الضالات بهيمه
من هجم عالخيمه
العسكر
من شاهد المهدي جثث عالارض مرميه
راح بخياله الكربله واتذكر ارقيه
معقوله ياوسفه الشمر يضرب العلويه
ناده ابلا جواب
وبنار الحزن
والمهدي بعذاب
يحضر للدفن
٢
للدفن من يحظر
بفكره يخطر منظر
عمته بين العسكر
ألم
يبچي تجري دموعه
يدگ فوك اضلوعه
المهدي نار اشموعه
الحرم
من حرگو خيام الحرم شاهد بدمعاته
طلعن وركضن بالشمس ياويلي عماته
من يذكر ايام الدفن تتعاله آهاته
ابلا ثار وحساب
لا ما يستچن
والمهدي بعذاب
يحضر للدفن
٣
للشريعه ابدمعه
بيده شايل شمعه
ليش لازم ضلعه
وصل
من وصل مهدينه
ينظر الچفينه
ونابت بنص عينه
سهم
فوگ النهر لمن وگع محد اجه وشاله
بالخيمه كلها تنتظر وتفرفح اعياله
هالموقف المهدي بقه ظل عايش اباله
هالليله خضاب
بدموعه يحن
والمهدي بعذاب
يحضر للدفن
٤
شاهد الترچيه
عالارض مرميه
شاف دم ابنيه
حاضر
صاح اخذ ثاري
من اسل بتاري
بيها اطفي ناري
باچر
لمن حضر دفن الجثث ودموعه سچابه
يشعر دليله بالهضم والنار لهابه
ناده بألف آه وبچه يحسين ومصابه
ينظر للشباب
گلبه وممتحن
والمهدي بعذاب
يحضر للدفن
٥
بعد اصعب حاله
تلهب ابدلاله
عايشه بنص باله
سبي
تركض الوحدها
والدموع بخدها
عمته ويشاهدها
نبي
زينب يشاهدها تفر بت حيدر بهيمه
نار بدليله تستعر وينادي كل ضيمه
معقوله زينب عمتي لا والي لا خيمه
واهناك الرباب
تبچي ابلا ابن
والمهدي بعذاب
يحضر للدفن
٦
بالدمع ظل يفتر
للدفن من يحضر
شاف خيل وعسكر
ينهب
لو چنت حاضرها
المعركه وناصرها
چان محد مرها
زينب
لو حاضر بطف كربله وعباس ويايه
بنص ساعه چان المعركه بالجود والرايه
نجمعها كلها وتنتهي روس الزلم هايه
ولا عاش المصاب
حسين ويطمئن
والمهدي بعذاب
يحضر للدفن
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
قصيده لدفن الاجساد الطاهره
تحضر بالجروح
للدفن واتنوح
وينك يمذبوح
يحسين يوليدي
٢
بدمعت العين
نادت حسين
من اجتي الكربله
ذابت الروح
على المذبوح
والمدامع هامله
وصلت تنوح الكربله مابين طيحه وعثره
شاهدت جثه اعله الترب گعدت بنار الحسره
تتلمسه بدمع الصبر واتصيح انه الزهره
جيتك ييمه للدفن واتشم ابنها بصدره
مني الوكت باگ
كل نار الاشواگ
ما أحمل افراگ
يحسين يوليدي
٢
تنظر بعين
وتدمع العين
شاهدت نزف النحر
مسحت ادماه
تنادي ويلاه
محد الدفنك حضر
يايمه احضر للدفن يوليدي واتعنالك
حتى أشاهد طيحتك يحسين وانظر حالك
مو ميت اوليدي واحس شنهي اليدور ابالك
زينب ونيران السبي والفاجعه واعيالك
راسك حرامات
مو يمك ايبات
بيه الصبر مات
يحسين يوليدي
٣
خنصرك وين
يمه يحسين
منو الگاطع خنصرك
بنار الضلوع
ابچي بدموع
من اشاهد منحرك
امسح بنحرك يالولد والنحر ينزف دامي
يحسين ليش الياسبب ذبحوك انته وضامي
عود انه اجيتك للدفن واحسبت هاي أيامي
محتامه انه الشوفتك لمن صرت گدامي
للدفن من جيت
بجروحي ناديت
ياشمعت البيت
يحسين يوليدي
٤
جبت ألك ماي
وتشرب وياي
حتى تروه من الضمه
منين ارويك
يمه واسگيك
احتارت أمك فاطمه
مابين راسك والضمه والعطش هاي اسراره
محتاره اشربك يالولد من ياكتر محتاره
ضل جسمك بطف كربله يبني وتشع انواره
والراس هسه بيا بلد ما اعرف انه اخباره
وبلا مواعيد
ضل جسمك اوحيد
عن راسك ابعيد
يحسين يوليدي
٥
بدمعه من جيت
بيها رديت
هواي صعبه حالتك
حزنك اهواي
مو عطش ماي
والمصيبه بدفنتك
ينراد اجيب الدفنتك لازم حصيره ويايه
حتى انه المك يالولد وسهام بيك اهوايه
چفيني انظر بالدمه من نحرك امحنايه
راح ارجع واترك الك دمعات من ابچايه
وداعك والاحزان
يالمتت عطشان
بگليبي نيران
يحسين يوليدي
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي ايام الدفن
يحيدر بالدفن هاي المسيه
تنادي زينب من الغاضريه
١
زينب حايره بدفن الغوالي
تنادي الزهره وبهاي الليالي
تعالي يم حسن ليه تعالي
ويبويه ياعلي لحك عليه
زينب بالدمع وبنار الاحزان
تنظر للذبيح المات عطشان
طاح امگطع بحومة الميدان
وضل ابلا دفن أبن الزجيه
طاح اعله الشريعه اليرفع الراس
مصيوب بعمد ومهشم الراس
مامدفون ضل الهيبه عباس
چفوفه مگطعه فوگ الوطيه
بالحومه عليه مرت أيام
انظر للغوالي وگلبي محتام
بعيوني شفت مذبوح جسام
مامدفون ضل جثه رميه
ماهميت من حرگو اخيامي
بعبدالله افكر مات ضامي
مذبوح بسهم والنحر دامي
عليه تبچي وتون ضلت رقيه
علي الاكبر وگع بين الأعادي
مامدفون شبه النبي الهادي
وينك ياعلي ضليت انادي
تحضرني وتشوف اشصار بيه
ناديت اشكثر وگليبي محتار
وينك ياعلي وينك يكرار
ماتحضر يبويه الدفن الأنصار
وتحطهم بالگبر كلهم سويه
زينب حايره والگلب مفجوع
ياليل الدفن ياليل الدموع
تمشي وعثرت ابخنصره المگطوع
ونت بالهضم ونه شجيه
زينب حايره ودمعتها بالعين
لا عباس يحميها ولا حسين
وبليل الدفن بس النساوين
وگلبها اتحمل الهم الأذيه
وينك ياعلي تحضرني ياريت
من طاحو اخوتي بويه ناديت
عمود البيت طاح وطايح البيت
اشكثر ناديت ياحامي الحميه
اخوتي ابلا دفن ضلو ليالي
ماتحضر يبويه تشوف حالي
عگب عباس وحسين ودلالي
اخبرك بويه راح امشي سبيه
ساعات الدفن صعبه وثگيله
وغيرك بويه ماعندي اشتكيله
محد مابقه ايحامي العقيله
بالطف حايره واصفگ بديه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
وداعيه
ليلة وداع العايله
١
ليله حزن ليلة دمع
ينكسر باچر جم ضلع
ليلة وداع العايله
٢
باجر اذا صار الصبح
چم راس ينشال برمح
ليلة وداع العايله
٣
دمعتها زينب بالجفن
ليلة خطر ليله حزن
ليلة وداع العايله
٤
زينب تعاين عالمهد
ينذبح باچر ياولد
ليلة وداع العايله
٥
ليلة بواچي وي الحرم
ليلة سهر ليلة آلم
ليلة وداع العايله
٦
ليلة مصيبه وفاجعه
وحسين باچر مصرعه
ليلة وداع العايله
٧
باچر اطفالك بالضمه
يحسين بالبر هايمه
ليلة وداع العايله
٨
اخر وداع بكربله
چان بمدامع هامله
ليلة وداع العايله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
تجليبه علي الاكبر (ع)
على وليدي انوح وابجي خلوني
على الاكبر لحد مايعمن عيوني
على اوليدي انوح واسچب العبره
راح اوليدي راح وبالگلب حسره
علي الاكبر رحل وعيوني منتظره
حگي لو بچيت بدم تشوفوني
حگي من انوح و لوني يتغـير
مثل الشمعه ابني وحگي من افخر
على الشبان زينتهم علي الاكبر
اون وابچي عليه ياناس عوفوني
راح الچان سلوه وكل حلم دنياي
انذبح بالحومه ابني ومابـقه وياي
حگي لو بچيت وتاه مني الراي
انه ام الولد وانتم تعرفوني
حيل اوليدي حيل ايعذب غيابه
راح اصرخ واصيح بنار لهابـه
من كل گلبي آه يحسين ومصابه
من حگي اصيح وخل يسمعوني
ابجي اعله الولد وبجمرة المدمع
واريد الكون كله لو صحت يسمع
من يطلع اوليدي روحي هم تطلع
بقيت امحيره وبحسرة ضنوني
هذا اخر وداع البينـك وبـينـي
ياشمعت حياتي وزهـرة اسنيني
راح ابقه انوح ودمعتي بعـيني
انه المفجوعه انه الي يسموني
لا تنسون من الرحمه والغفران والدي ووالدتي وأبني عباس من الرحمه والمغفره
خامكم رياض الرسل الجابري
موشح للاكبر
علي الاكبر من طلع هز رايته
والجيوش اتبسمرت من شافته
١
جنه حيدر من طلع وسط الجمع
والسبع من عادته ايخلف سبع
كل مزايه المصطفى بي تنجمع
صوته واطباعه وكلامه ومشيته
٢
اتوكل اعله الباري وبعزمه نزل
والجيوش اتشوف بعيونه الزعل
على الحق ناده عليهم من وصل
ناده ضل اينادي كلها وسمعته
٣
احنه اهل الحق ينادي بكل يقين
نمشي احنه بنهج سيد المرسلين
حسين ابويه وجدي امير المؤمنين
صاح كل هذا الكلام بطلعته
٤
الحومه بيده وراد يكلبها كلب
وخله كل فرسانها اتيه الدرب
الكاع حدر الزلم كامت تلتهب
ادخيل ياستار كلها نادته
٥
صارت الحومه ظلام ابلا ضوه
وشبع سيفه من الدمه حد مرتوه
علي الاكبر من نزل سد الهوه
وتيهت المشراد كلها بصولته
٦
ضحه بالروح وفدائي الدينه جان
علي الاكبر يعرف الصار امتحان
بكل مكان احنه نكول وكل زمان
الله يلعن ال اميه الذبحته
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
موشح للقاسم
جاسم العريس يمشي بهيبته
وآخر النظرات جانت نظرته
آخر وداع وحزن بالعايله
بين رمله وجاسم بطف كربله
اگباله وگفت بالدمع تنظر اله
وسولفن بالطف دمعها ودمعته
جاسم اتعنه وبرز وسط الجمع
والحوافر تسحگ بذاك الضلع
بالمصيبه الليله وانهل الدمع
بالدمه العريس صارت حنته
صارت الحنه بدمع ماي الجفن
وأمه رمله تنحب اعليه وتون
ماتبطل لبست اثياب الحزن
من هوت اعله الگاع ضلت رايته
گبل لا يوگع على الغبره ذبيح
بالدمع جاسم سمع أمه تصيح
گبل عمك ردت بالحومه تطيح
صاح ابشري يمه صاح وسمعته
بعد ماطاح وتخضب بالدمه
بهل مصيبه ناحت املاك السمه
اهنانه صاحت رمله فدوه الفاطمه
شنهي ابني اتهون كل امصيبته
ابد ماقصر بساحات النزال
والجمال ايغار من عنده الجمال
أمه عرفت مايرد جاسم محال
هذا كل المختصر من قصته
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
تم نشر اكثر من (500) قصيدة لمحرم 1446
للاشتراك بالقناة
/channel/+_uuVITC_f45iZDky