1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
الاربعين
كربلاء تتكلم عن لسانها
كربلاء اتنادي يوم الاربعين
أدخلوها بسلامُ آمنين
١
كربله تنادي وين زواري
ارد احيهم هله بخطاري
هله بكل زاير يدوس اترابي
ذوله احباب الحسين احبابي
واليزورون
واليواسون
ياهله وميت هله بالزائرين
أدخلوها بسلامُ آمنين
٢
الشاب والشايب وابو العوجيه
من اناديهم هله بهل جيه
افرش اجناح العشك للملكه
وكلبي وياهم يدك فد دكه
لليحضرون
بدمع العيون
افتح اذراعي ونادي الكاصدين
أدخلوها بسلامُ آمنين
٣
من يجي بلهفه الزاير ويوصل
مني يسمعها الله يتقبل
ياهله بزوار نحر الضامي
تزهي بيكم تحله كل ايامي
من تكصدون
زينب أم عون
الكعبة العشاك انتم واصلين
أدخلوها بسلامُ آمنين
٤
الزاير بدمعه كل سنه اليحضر
ايحصل امراده من ابو الاكبر
أربعين حسين يالوفايه
للمواكب تبقه والمشايه
عابس وجون
يالتسمعون
نادو ابدمع المحاجر حاضرين
أدخلوها بسلامُ آمنين
٥
ليكم اتنطر حتى اخط عهدي
بالدمه وياكم يشهد المهدي
بدفتري الزوار كلها امسجله
حسين شرفني وجعلني كربله
واليسجلون
بيه يحجون
بسم زينب كربله واسم الحسين
أدخلوها بسلامُ آمنين
٦
ياهله ومرحب باليكصدوني
بيكم اتبارك من تشرفوني
دم ابو السجاد شرف كاعي
والسفينه احسين وانتو اشراعي
من تدخلون
بكاعي تبقون
بيكم اتبارك يزوار الحنين
أدخلوها بسلامُ آمنين
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
قصيده للمشايه
جنود هبوا رايه تتبع رايه
راح تبدي ثورة المشايه
ثورة الحق المبين
وين اهل الاربعين
راح تبدي ثورة المشايه
١
وين اهل الحق جنود المنتظر
راح تبدي رحلة العز والفخر
بكل سنه المشايه تنقل هالخبر
لأن دم حسين عالسيف انتصر
تنقل اسرار الدمع والعايله
ويبقه مفتاح التواصل كربله
ناده صوت العاشقين
وين اهل الاربعين
راح تبدي ثورة المشايه
٢
وين ياشعب الحسين اليعربي
گوموا يلا استقبلوا بنت النبي
زينب الراحت بنيران العبي
رايه رجعت ترف من ارض السبي
وين اهل ياليتنا كنا معك
يلا امشي والملائك تتبعك
صوت يعلوا الخافقين
وين اهل الاربعين
راح تبدي ثورة المشايه
٣
ثورة المشايه من نحر الدمه
عاشت وكبرت وصعدت للسمه
خضرت خدام بجروح الضمه
ولا تزال الثوره عدنا قائمه
ثورة الحق مرت بكل السنين
خرجت ثوار من دم الحسين
ثوره وتنادي بيقين
وين اهل الاربعين
راح تبدي ثورة المشايه
٤
من اجل مشاية الحق والقيم
بكل شبر بالگاع من تنظر خدم
والنعم تربات شيال العلم
بيهم اتشم انته دخان الخيم
لجل زينب جددوا عهد الوفاء
بيها عرفوا رجعت الطف كربلاء
تنادي رجعت بالآنين
وين اهل الاربعين
راح تبدي ثورة المشايه
٥
رجعت الطف كربله بنت الكرام
رايه مرفوعه وعليها ايرف حمام
بت أمام وعالمه وأخت الأمام
بسيف اخوها ايقاتل وهيه بكلام
بين اخوها وكربله حلقة وصل
وثورة حسين اعله أديها تكتمل
زينب الحبل المتين
وين اهل الاربعين
راح تبدي ثورة المشايه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
كعديه للأمام الحسن بن علي (ع)
مسموم مسموم عدنه الحسن مسموم
زينب يمه وتنظره
نادت يمه يالزهره
هذا الحسن مسموم
١
بعد رحلة كل حياته وتضحياته وعظم صبره
هذا يمها الحسن نايم زينب بلوعه تنظره
اتعاين بدمع الرزيه صوب اخوها بألم عبره
تنظر اخوها بيا وضع
ماتحچي وتهل الدمع
زينب گلبها منفجع
اتعاينه بلوعه وبحسره
مطروح مطروح نايم يمها مطروح
بچبده تسعر الجمره
نادت يمه يالزهره
هذا الحسن مسموم
٢
چبده مسموم وتنظره زينب بدمع الرزيه
وتنظر العباس يمها ايعاين ويمه اخيه
عرفت اللحظات صعبه هاي لحظات المنيه
معقوله راح اتودعه
زينب تون بالفاجعه
ناده لحسين بمدمعه
رايدك بالغاضريه
لتروح لتروح ابقه ويانه لتروح
زينب تنحب بعبره
نادت يمه يالزهره
هذا الحسن مسموم
٣
اتمنت الزهره تشاهد تحضر بدمع المصيبه
شلون چبد الحسن ذايب والگلب شاجر لهيبه
الحسن ريحانة محمد صاير بحاله عجيبه
زينب تنادي يالحسن
لتعوفني بهاي المحن
باچر اعوف انه الوطن
وامشي للطف وغريبه
وهناك وهناك ابقه الوحدي اهناك
حسين ايطيح عالغبره
نادت يمه يالزهره
هذا الحسن مسموم
٤
آخر انفاس المنيه والحسن نايم ويسمع
طشت جابوله ويشاهد بالطشت چبده تگطع
والحسن لحسين گله خلي زينب خويه تطلع
بالطشت فرغ چبدته
والحسن ودع عيلته
زينب ينادي سمعته
شوف منكم رايد اشبع
بدموع بدموع زينب تبچي بدموع
ماتدري وعلى الفطره
نادت يمه يالزهره
هذا الحسن مسموم
٥
زينب اتشاهد اخوها يلفض انفاسه الاخيره
غمض عيونه وتركهم بين دمعه وبين حيره
هاي لحظات الموادع والحسن هذا مصيره
زينب بلحظات الصبر
تبچي ومدامعها جمر
يالحسن تدري وي الشمر
بكربله امشي اسيره
ميهون ميهون هذا اعليك ميهون
ابنچ محد اينصره
نادت يمه يالزهره
هذا الحسن مسموم
المصيبه
انودع بدمع النواضر يالحسن شخصك الليله
صعبه لحظات المدامع عالحرم كلش ثگيله
وزينب اتعاين لخوها والمحب گلبه دليله
راح ومشه بنار الضمه
واتشاهده املاك السمه
لو هسه تحضر فاطمه
اتشاهد المسموم ابنها ويمه محتاره العقيله
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
موشح الامام الحسن (ع)
جمرة امصاب الحسن احزانها
بگلب زينب من تشب نيرانها
١
من زغرها وشبعت آهات ومحن
زينب اختك حيل عذبها الزمن
شاهدت بالطشت چبدك يالحسن
وگام تتغير جميع الوانها
٢
شاهدت حالك وانته بيا وضع
اگبالك انته الطشت وتصب الدمع
يالحسن صوتك بعد ماينسمع
اتصيح زينب والحزن عنوانها
٣
هذا حالك يالحسن من ودعت
اتنازع وچبدك يطيح بيا طشت
آخر وداع بحياتك من شفت
زينب وتنظر لعد خوانها
٤
بقت آخر لحظه وتغمض العين
بين زينب والگلب ذاك الحزين
عينك اندارت وصدت للحسين
وعين صدت يم گمر عدنانها
٥
انشال نعشك يالحسن والگلب هام
ينضرب معقوله نعشك بالسهام
يبو محمد محد ايحب السلام
عشرتك للأسف محد صانها
٦
انودعك يالحسن وبهذا المصاب
كل موالي الليله گلبه بحزن ذاب
شرف يكفينه يبن داحي الباب
للخدم تبقه انته عزها وشانها
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
تجليبه السيدة رقيه (ع)
اول طفله من جور العده الظلام
على نحر الحسين اتموت برض الشام
١
اول طفله تمشي بليل مسبيه
مابين العده ونيران مچويه
الشمر يركض وراها ايصبح علويه
چتفوها بحبل خل تشهد الأيام
٢
چتفوها بحبل هالليله چتفوها
وجيبو راس ابوها يمها خلوها
لترحموها هاي الليله ضربوها
ولتخلوها تغمض عينها وتنام
٣
مشوها سبيه بنار دمعتها
تمشي وي الحرم وياها عمتها
يا وسفه الشماته كلها شافتها
وينظر گام وسفه الخاص وي العام
٤
وصلت للنواصب والدمع بالعين
بعد رحلتها شافت كل دواهي البين
دخلوها بخرابه ويمها راس حسين
نظرت للطشت بس الگلب محتام
٥
شافت راس ابوها وشهگت بدمعه
متحملت رقيه وبالحزن تنعه
حست لحظه بس ورايح اتودعه
من كثر المواجع كلها والآلام
٦
فزت بالخرابه الطفله من نامت
من شافت ابوها الفرحه مادامت
شافت نحره دامي وبالعجل ماتت
ادعو الليله كون اتسجل الخدام
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده بحق رقيه (ع)
عمه زينب بالدمع صاحت رقيه
بنار دخان الخيم محتركه اديه
شحجي والموقف صعب
ورم امتوني الضرب
صاحت رقيه
١
عمه زينب ماشفت كلشي بحياتي
ازغيره بس من العطش يبست لهاتي
الخيمه حرگوها وطلعت انه وخواتي
اركض ونار الخيم حرگت عباتي
ازغيره ما أحمل ضرب واثنين اديه
امچويات من الخيم بالغاضريه
ليش شمسويه ذنب
ورم امتوني الضرب
صاحت رقيه
٢
عمه ليش الخيم حرگوها علينه
وليش بالهيمه يعمه امطلعينه
ناس ماعدهم رحم وامچتفينه
اچبير عمه الحبل وازغيرات ادينه
ترفه أدينه وابد ماتتحمل احبال
ليش شمسوين ويروعوها الاطفال
حارمينه من العذب
ورم امتوني الضرب
صاحت رقيه
٣
ازغيره مو مالت درب لا صعدت النوگ
گوه صعدوني يعمه وثوبي محروگ
انه بنت حسين هاي اعليه متلوگ
عالزلم مكشوفه عمه وطبت السوگ
الناس من طبينه تتفرج علينه
وين عمي الجابنه من المدينه
بسوگ من بعده اطب
ورم امتوني الضرب
صاحت رقيه
٤
طفله ما أحمل ركض بين الضحايه
اعثرت چم مره يعمه بالعبايه
ليش ياعمه الشمر يركض ورايه
أيده مدها اعله التراچي وگال هايه
عالوجه عمه طحت مشدوه بالي
تمشي وين المثلي والماعدها والي
طحت فوگ اعله الترب
ورم امتوني الضرب
صاحت رقيه
٥
سافرت وي الحرم والممشه دمعه
بين دفعه ودفعه من الشمر دفعه
كل طريق الشام أبچي وجبته أنعه
والشمر ضربـو رقيه چنت اسمعه
راس ابويه بالطشت جابو أليه
متت لمن شاهدت طشت المنيه
ما تحملها الگلب
ورم امتوني الضرب
صاحت رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
رقيه عزيزة الحسين (ع)
بين دموع عيوني
تسعر نار امتوني
انحب ويشوفوني
يا عمه ياعمه
١
يعمه شلون گمت اركض بين الخيمه والخيمه
وبطارف عباتي النار تلهب وانه بالهيمه
شمس والدنيه تچوي بنار وين الچان الي غيمه
طحنه بناس ماعدهم لارحمه ولاشيمه
بين اجروح الحيره
والحسرات اچبيره
طفله وأنه ازغيره
يا عمه ياعمه
٢
مابين الحزن دمعات وعيون الشماته اتشوف
بقيت بواهس المدمع وعشت ابين حيره وخوف
وين الچان يبرالي وأعليه بحنانه ايطوف
خل يفزعلي خل يحضر
وانطيه عمه أنه اچفوف
خل ياخذ چفيني
يگعد ويحاچيني
واهنا ليخليني
ياعمه ياعمه
٣
اركض بين خوف ونار اركض بيه مابيه
يعمه الشمر مايرحم اخذ من عندي ترچيه
زغيره وانه محتاجه عطف وشويه حنيه
رقيه وانه ابوي حسين ويمشوني مسبيه
بين الدمعه ودمعه
انحب عمه وانعه
ما احملها الدفعه
ياعمه ياعمه
٤
مشيت ابين دمعه وموت للشام ودموعي اهواي
گبل عباس ويايه هسه الشمر يمشي وياي
بعدني ازغيره ياعمه ويحاوطني جرح اعداي
عطاشه بحومة الميدان
وماخلونه نشرب ماي
مانشرب خلونه
ظلام ومنعونه
للشام ومشونه
ياعمه ياعمه
٥
وصلت والجروح اهواي وبطول الدرب تنحب
رقيه بكبر جرح حسين ونيران الگلب تلهب
زغيره وبالخرابه اتموت ليش بغربه تتعذب
ماتت فوگ راس حسين
شيصبر بگلب زينب
ماگدرت تتصور
زينب هذا المنظر
ماتت فوگ المنحر
ياعمه ياعمه
٦
الماتت فوك نحر حسين رقيه بدمعه سجابه
زينب تنظر اتشاهد بخرابه ونار لهابه
سوت مجلس الها اهناك ومن دفنتها بترابه
وكلها الحرم كام اتصيح آه يحسين ومصابه
ماتت واشكد صعبه
راح الجان اتحبه
واندفنت بالغربه
يا عمه ياعمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
زينب مشت وي الضعن
١
بعد الكفلها والخدر
تمشي سبيه وي الشمر
بت حيدر الما تنكسر
تصبر اذا جار الزمن
٢
لمن مشه راعي العلم
جيش العده اعليهم هجم
شمت حرك نار الخيم
يمها النسه كلهن أجن
٣
تمشي بعضنها الزينبي
وينظر عليها الأجنبي
وينك يعباس الآبي
اتشاهد خواتك من مشن
٤
ضعن المشه بالعايله
راح وتركها الكربله
يمشي بمدامع هامله
شاف المصايب والمحن
٥
زينب تودع بالدمع
جم نحر مذبوح وضلع
كلب العقيله ينفجع
لو يمها نسوان وبجن
٦
آخر حزن آخر جرح
زينب تون عالمنذبح
لن راسه مرفوع برمح
لمن مشه وعاف الوطن
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح رقيه (ع)
يلي تسأل عن رقيه شلونها
هسه حمره من البواچي عيونها
اشكد صعوبه اعليها لحظات التمر
هسه تمشي حافيه بدرب اليسر
ازغيره ماتحملها ضربات الشمر
ترفه جانت هسه زرگه امتونها
صعبه كلش صعبه لحظات السبي
وينظر اعليها رقيه الاجنبي
منين ما تلتفت محروگه العبي
الدمعه متفارگ سواد جفونها
والاشد واصعب عليها بالسفر
تنظر اعله العايله كلها بخطر
اتمنت العباس وياها الگمر
چان هسه امدلـله بضعونها
چان حادي ضعونها راعي العلم
عالنهر عافـته وبعينه سهم
مادره العباس حرگوها الخيم
و برقيه مـادره يضربونها
هذا حال التبقه ماعدها ولي
تبقه كل اهـمومها ماتـنجلي
اشكثر نادت لينه احضر ياعلي
للفواطم گامو يشتمونها
اختم ابدمع الصبر والامنيات
اشگد رقيه الها بالطف ذكريات
اتنادي بعد حسين ماتسوه الحياة
ولآن ماتت عالنحر خي عونها
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
قصيده بحق رقيه (ع)
عمه زينب بالدمع صاحت رقيه
بنار دخان الخيم محتركه اديه
شحجي والموقف صعب
ورم امتوني الضرب
صاحت رقيه
========
عمه زينب ماشفت كلشي بحياتي
ازغيره بس من العطش يبست لهاتي
الخيمه حرگوها وطلعت انه وخواتي
اركض ونار الخيم حرگت عباتي
ازغيره ما أحمل ضرب واثنين اديه
امچويات من الخيم بالغاضريه
ليش شمسويه ذنب
ورم امتوني الضرب
صاحت رقيه
---------
عمه ليش الخيم حرگوها علينه
وليش بالهيمه يعمه امطلعينه
ناس ماعدهم رحم وامچتفينه
اچبير عمه الحبل وازغيرات ادينه
ترفه أدينه وابد ماتتحمل احبال
ليش شمسوين ويروعوها الاطفال
حارمينه من العذب
ورم امتوني الضرب
صاحت رقيه
----------
ازغيره مو مالت درب لا صعدت النوگ
گوه صعدوني يعمه وثوبي محروگ
انه بنت حسين هاي اعليه متلوگ
عالزلم مكشوفه عمه وطبت السوگ
الناس من طبينه تتفرج علينه
وين عمي الجابنه من المدينه
بسوگ من بعده اطب
ورم امتوني الضرب
صاحت رقيه
طفله ما أحمل ركض بين الضحايه
اعثرت چم مره يعمه بالعبايه
ليش ياعمه الشمر يركض ورايه
أيده مدها اعله التراچي وگال هايه
عالوجه عمه طحت مشدوه بالي
تمشي وين المثلي والماعدها والي
طحت فوگ اعله الترب
ورم امتوني الضرب
صاحت رقيه
---------
سافرت وي الحرم والممشه دمعه
بين دفعه ودفعه من الشمر دفعه
كل طريق الشام أبچي وجبته أنعه
والشمر ضربـو رقيه چنت اسمعه
راس ابويه بالطشت جابو أليه
متت لمن شاهدت طشت المنيه
ما تحملها الگلب
ورم امتوني الضرب
صاحت رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
كعديه زينب ومسيرها للشام
على وزن ايام ايام
ياحال ياحال زينب هسه ياحال
تبجي بهضم دمعتها
من عافوها اخوتها
زينب هسه ياحال
١
ياهضم زينب الليله
وياجرح دمع المصيبه
بعد ليل الغاضريه هسه ياحال الحبيبه
ايساعد الله كلب زينب والكلب شاجر لهيبه
اخوتها صرعه اعله الثره
عالكاع كلها اموذره
وعباس سبع الگنطره
عافها وصارت غريبه
بدموع بدموع تنحب هسه بدموع
تبجي وكلها سمعتها
من عافوها اخوتها
زينب هسه ياحال
٢
طلعو ضعن السبايه ومشو عن الغاضريه
زينب بيا حال صارت اخت عباس الآبيه
امجتفه بحبال زينب سكنه وياها ورقيه
امجتف بأصعب سلسله
من طلعوه من كربله
السجاد وي العايله
بحبل جتفوهم سويه
أيتام ايتام
زينب وي الايتام
تبجي بهضم غربتها
من عافوها اخوتها
زينب هسه ياحال
٣
وصلو الكوفه بغرابه وطبو السوك المدامع
هذا يضرب هذا يشتم هذا عالعيله يباوع
القاصي والداني يوسفه كام بعيونه يطالع
بالسوك حيل اتأثرت
بالممشه زينب دنگت
بطبة السوك اتألمت
زينب ومشي الشوارع
ماجان ماجان
زينب تمشي ماجان
هسه بسوك مشيتها
من عافوها اخوتها
زينب هسه ياحال
٤
طلعت من الكوفه راحت بالضعن تمشي اسيره
زينب امدلله جانت اخت عباس وأميره
هسه والشام النواصب هل ضعن اصبح مصيره
طبت الشام بيا وضع
متحيره وتجري الدمع
مهشوم عدها جم ضلع
والنظر المن تديره
بالشام بالشام
زينب طبت الشام
وأهل الشام شافتها
من عافوها اخوتها
زينب هسه ياحال
المصيبه
زينب بدمع النواظر طبت ومجتوفه اديها
بالدمع والحيره حيره
صارت ومامش وليها
بعد اخوها حسين كامت تنظر بلحظة سبيها
زينب تون متألمه
تبجي وتعاين للسمه
بت حيدر وبت فاطمه
ياهضمها وياعذابه هيجي تالي يصير بيها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
زينب تتكلم مع العباس
تقول له ياعباس
مجبورين وگوه اخذونه
ياعباس وماخلونه
اتوسلته بكل الحراس
بس انمر اعله عباس
ياعباس وماخلونه
١
صعدنه اعله هزل وبولية الشمات
ومن فوك الجثث ضعن السبايه فات
سمعت الشمر صاح الكفل خدرج مات
متشوفينه بعد يازينب وهيهات
كمت ابجي وحمرات عيوني
اشكد اتوسل ماخلوني
وطلبت انه من الارجاس
بس انمر اعله عباس
ياعباس وماخلونه
٢
مدينه بجثث فوك الارض صرعه
وانه اعله البعد انظرلك بدمعه
شفت حسين وانه اعله هزل انعه
ماضن بعد سالم ضلع من ضلعه
بحافر لخيول وسحكوها
وانه انظر لمن هشموها
اشكد ناديت برفعت راس
بس انمر اعله عباس
ياعباس وماخلونه
٣
طلبت انمر عليك وشخصك انشوفه
حتى اعله الشريعه الكافل انطوفه
شلون انروح احنه ونمشي للكوفه
وعباس الوفي منقبل جفوفه
اتشكر منه واتعذر
كافل ضعني وحامي الخدر
اطلب منكم ياهل ناس
بس انمر اعله عباس
ياعباس وماخلونه
٤
يعباس ارد اخبرك خابت ضنوني
الشمر بعدم يخويه يحدي بضعوني
وينك صحت وينك شاهد عيوني
حمره والسياط امورمه متوني
ماخلونه انشوفك احنه
ياخويه ومن محنه المحنه
ردنه انشوف احنه النوماس
بس انمر اعله عباس
ياعباس وماخلونه
٥
مشينه وبالصبر نتصبر وكوه
والأخ من يشوف اخته صدك يروه
بلا عباس هاي الدنيه ماتسوه
لان عباس قدوه ومثل للخوه
راح امشي ودمعاتك آيه
راح اخذهن انه ويايه
اختك وتسولف بحساس
بس انمر اعله عباس
ياعباس وماخلونه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ابوذيتين للامام الحسين عليه السلام
١
الك يحسين بگليبي ولع ضام
طحت بالحومه دم تنزف ولعضام
الحوافر هشمت لحمك ولعضام
وطحنوهن طحن بالغاضريه
٢
مره يحسين شفزعلك ولحماك
و سوه مديوس كل عظمك ولحماك
گعدت وگمت المنك ولحماك
گبل لتعاين الجسمك رقيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
أربعينية مسلم بن عقیل (ع) ١٨ شهر محرم
صاحت بالجروح
بالدمعه واتنوح
مسلم يمذبوح
يابويه يابويه
١
حميده الليله تذكر مسلم بدمعه
يبويه تصيح وينك صوتي متسمعه
اريد الليله اعلك عالگبر شمعه
بليلة اربعينك يالابو وانعه
مارايده ارثيك
محتاجه احاجيك
وينك والاگيك
يابويه يابويه
٢
حميده والدمع ظل ياكل بخدها
غير الحزن غير النوح ماعدها
صاحت والدمع محد يساندها
بعد طف المنيه وفگد والدها
دمعتها بالعين
من مات الحسين
وين الگبر وين
يابويه يابويه
٣
حميده بالحزن نادت يواليها
ليلة اربعينك وين احييها
اريد احضر الگبرك بويه واحچيها
واصب دمعات عيني ويمك ابچيها
بنتك حرامات
مو يمك اتبات
مات الصبر مات
يابويه يابويه
٤
حميده اعله الونين اتعودت والنوح
ليلة اربعينك والگلب مجروح
بعد عينك يمسلم تبچي وين اتروح
وانته من القصر شمروك يامذبوح
ذبحوك الاشرار
بالكوفه الاخبار
اشگد بيها اسرار
يابويه يابويه
٥
ليلة اربعينك بالگلب جمره
كل عام اليمر نحييها هالذكره
تستاهل حميده نلطم بعبره
نوالي مسلم ونبصمله بالعشره
عهد الخدم وين
بالدمعه والعين
والشاهد حسين
يابويه يابويه
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
مسير زينب والعيال وذهابها إلى الشام
زينب بالحزن مشوها سبيه
تتلاگه بجرح من تنظر رقيه
خافت بالدرب
والممشه صعب
من تنظر رقيه
١
زينب طلعت بيا حال مچتوفه بحبل طلعت
أميره وتنسبي ياناس وللكوفه بدمع طبت
تنظر والدمع بالعين ليش وزينب اختنگت
علويه وتشوف الناس عليها بيا وجه صدت
ممشاها بدمع
بت حامي الحميه
ماعدها زلم
بليل الغاضريه
للكوفه تطب
والممشه صعب
من تنظر رقيه
٢
بسوگ الكوفه من طبت الوادم تنظر اعليها
مچتوفه بحبل زينب ومچويات رجليها
بعبايه وتمشي وياها رقيه امحرگه ايديها
وعيون الشماته اتصيح وين الچان حاميها
چان ابلا رحم
وسفه ابن الدعيه
بالسوط الشمر
يضربهن سويه
وطويل الدرب
والممشه صعب
من تنظر رقيه
٣
بالسوگ الدرب لوعات تنظر عالرمح چم راس
نار الكوفه والشمات ونار الدمع والحراس
مچتوفه بحبل زينب وتتفرج عليها الناس
تسمع وادم يصيحون عافچ وحدچ العباس
سمعت بالاسم
والونه شجيه
اتمنت بالعجل
تاخدها المنيه
شمسويه ذنب
والممشه صعب
من تنظر رقيه
٤
بين الشام بين الخوف والدمعات تتجاره
مره اتشاگف الضربات ومره اتصد الحجاره
والاطفال بيها اتلوذ وين اتروح محتاره
عمه نادي للعباس خلي انلوذ بكتاره
خلي يحمي الحرم
والدمعه جريه
يخلص بالألم
ليل الزينبيه
تحمل يا گلب
والممشه صعب
من تنظر رقيه
٥
عرس بالشام صار هناك تسمع زينب ينادون
هاي الخارجيه هاي زينب كلهم ايگولون
فوگ الشتم والدفعات تنظر والشماته عيون
من كثر الضرب بالسوط ماضل عدها حتى أمتون
نادت بالدمع
بس اشگف بديه
ياوسفه الزلم
تتفرج عليه
ع
فوگاها الضرب
والممشه صعب
من تنظر رقيه
٦
العاشت كل عمرها أبيت اميره هسه تعرف وين
تتفرج عليها الناس زينب والدمع بالعين
صاحت خويه ياعباس بعد عزي ودلال حسين
يم ايزيد جابوها اختك دخلت ادواوين
گعدت بس تون
ونتها شجيه
والزاد الالم
كلمة خارجيه
والديره غرب
والممشه صعب
من تنظر رقيه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
نزله أربعينيه الامام المهدي وعمته زينب (ع)
المهدي ناده عمتي وين
والدمع تارس العين
من حضر بالاربعين
ياحسين
١
المهدي ناده زينب المسبيه
بسيفي جيتج
بالاربعينيه
جيت مشاي بدموعي وقادم
فوك ضعنج يرف سيف القائم
بداعتج اقسم وداعت فاطم
بسيفي هذا مايضل كل ظالم
ياحسين
٢
جيتج قادم وبهاي الزياره
سيفي عمه معروفه اخباره
الدنيه تترقب جميع اخباري
وانتي ياعمه يزينب ثاري
الروس اگطعها امن اسل بتاري
واخذ المشايه كلها انصاري
ياحسين
٣
اوصل يمج ياعمه واشكيلي
ثارج وانتي لا مانمت ليلي
لحظه ما انسه الجره اعليچ وحصل
شلون شفتي حسين والراس انفصل
لو سمعتي المهدي قائمته وصل
اصلب الشيخين وي أم الجمل
ياحسين
٤
محد يقرب ياعمتي ليه
جيتچ اخذ ثارج يعلويه
ثار جدي المصطفى والانزع
والحسن وحسين لمن اطلع
ارد اصيح بصوت كلها وتسمع
اخذ الثارات كلها مربع
ياحسين
٥
ثارچ عندي وترفرف الرايه
بدمعي احضر انظر الوفايه
اخذت المشايه ويرف العلم
الها تبصم الج يازينب نعم
والنعم من الخدم اهل الشيم
امسجلين بدفتر الزهره خدم
ياحسين
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
نعي فائزي حول نعش الامام الحسن والزهره الحسين يحضرون لدفنه
لجل الحسن حضرت تون أمه الزچيه
رادت تدفنه بالحزن هاي المسيه
١
ام الحسن حضرت تون والكلب مفجوع
وياها لحسين بحزن ناداها ويلوع
شفتي النعش نارج تشب مابين الضلوع
يايمه عوفيه للنعش خلي عليه
٢
نادت يويلي اعله حسن محد سمعها
وحسين اجاها الفاطمه ونشف دمعها
مدت اديها اعله نعش لزمت ضلعها
حنت ونت فاطمه ونه شجيه
٣
رادت تشيله للنعش والكلب محتام
بنعشك ييمه يالحسن
شعملو الظلام
اتشيل النعش من ياكتر وامزرف اسهام
راح اشتكي بيوم الحشر الله ونبينه
٤
كامت تحتاجيه للنعش بس ابدمعها
عرفت ابنها بالنعش حست سمعها
شافت اسهام البنعش غير وضعها
فوك الحزن فوك الدمع شافته اذيه
٥
حسبت اسهام البنعش وبدمعت العين
صاحت يويلي اعله حسن وتنادي يحسين
دليني يحسين الدرب وين الگبر وين
ارد ادفن وليدي الحسن
ناري سريه
٦
اهوايه السهام البنعش حسبتها كثره
رادت تدفنه للولد حارت بأمره
ماتكدر اتشيل النعش فاطمه الزهره
وي الحسين بيا دمع نصبت عزيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ميمر للحسن ابن الامام علي (ع)
ليل المحن
جور الزمن
شفناه بچبدك يالحسن
نعشك يضربوه بسهام حفنت زلم رمايه
١
لعبة لعب ياوسفه ذيج الأيام
عادو العتره من ظهور الاسلام
نعش الحسن بالحقد صابوه بسهام
بس بالأسم
لا مو زلم
الإسلام رادوه ينهدم
واتصدت وانطت روح ناس الصدك وفايه
٢
بعد الرسول ولوعته والمحراب
بالطبره راس المرتضى من انصاب
عالزهره هجموا واندفع ذاك الباب
ماضل أمل
بحقد وجهل
طبرو علي خير العمل
بسم الخلافه اينادون والكرسي جان الغايه
٣
والحسن يتصورون اصعب شده
والهذا من خذلوه صارو ضده
وادم تخطط والتنفذ جعده
بسم غدرته
من سمته
اينازع يلوب وعافته
جعده بحقدها المعروف بي جانت اموصايه
٤
جابو طشت والجبده نار وتسعر
وحسين رايد اخته بس تتكتر
زينب تشاهد خاف هذا المنظر
شيله صحت
هذا الطشت
وزينب لخوها تلتفت
وحسين كلف عباس وبهل مهمه هايه
٥
اتشيله الملائك للنعش وترفعه
واهل العرش تبجي الحسن بالدمعه
زينب تشاهد نعش اخوها وتنعه
حسين اندهش
نار وعطش
من شاهد اسهام النعش
مجبور يصبر لحسين من اجل تعله الرايه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
كعديه بحق السيدة رقيه (ع)
اول شهيده من الايتام
ماتت اسيره هناك بالشام
بالغربه رقيه
وافتها المنيه
ماتت اسيره هناك بالشام
١
من ثمار الجنه طفله احساسها ايفوق الترافه
اترف من الماي جانت
وسيدة عرش الخلافه
الخاطر حسين الله شايل بينها وبينه الكلافه
عد الله يعني امدلله
ونور الوجه ما اجمله
تنضرب ليش بكربله
الف ياوسفه وحسافه
بنت الحسين الكلها احساس
تنضرب ليش وعمها عباس
من بعد الرزيه
وافتها المنيه
ماتت اسيره هناك بالشام
٢
طفله عطر الجنه بيها والحسين ايصير ابوها
اهواي اعله من الثريه ويكفي عبد الله اخوها
حافيه وتركض بهيمه
ليش برض الطف لكوها
من بعد شيال العلم
شافوها مابين الخيم
تركض تفر وي الحرم
والحرم وليه ولوها
تركض رقيه وتدك ياباب
والناس كلها اليمها أجناب
ماتحمل اذيه
وافتها المنيه
ماتت اسيره هناك بالشام
٣
ابنيته جان ايحسها دنيه ومملكة عرشه وحياته
جانت اتعيش بخياله وشاغله كل ذكرياته
الزهره جان ايشمها بيها
بالرغم ازغر بناته
متعود اعليها اشكثر
لو صله يوكف ينتظر
تفرش ابدمتعها العصر
اله سجادة صلاته
ياوسفه عزها الجان مادام
خلوها تركض بين الخيام
اخذوها سبيه
وافتها المنيه
ماتت اسيره هناك بالشام
٤
وصلت الشام النواصب والأفكار اتدور بيها
وين جانت وين اجتي حايره بلوعت سبيها
ازغيره بس جانت أميره
لجن من فكدت وليها
بعد الخدر بعد العبي
بت اشرف واعظم نبي
ماحسبت من تنسبي
الوادم اتعاين عليها
شصار برقيه بطبت الشام
سمعت خوارج ذوله الايتام
سمعت خارجيه
وافتها المنيه
ماتت اسيره هناك بالشام
٥
طفله گعدوها بخرابه حلمت ورادت ابوها
راس ابوها بطشت جابو بعد ماوليه ولوها
خافو اعليها تموت احچايه وحده ماحچوها
جابولها الراس بحذر
لو شافته شيترك اثر
شمت ابوها من النحر
وبالطشت ميته لگوها
شبكت ابوها المات عطشان
وماتت رقيه بدمع الاحزان
وبلايه وصيه
وافتها المنيه
ماتت اسيره هناك بالشام
المصيبه
على زينب ليله صعبه من ترد للغاضريه
شلون ضعن حسين يرجع
وبالضعن ماكو رقيه
لو سألها حسين عنها اتگله وافتها المنيه
عافتها بديار الغرب
هالمنظر اعلها صعب
منظر يفت حتى الكلب
ودع الليله رقيه العايشه بنص الضماير
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه للسيده رقيه
عمتي اتناديني
يارقيه
والدموع بعيني
يارقيه
راس ابويه العالي
عالرمح يبرالي
يارقيه
١
طلعت بليل المواجع طفله من الغاضريه
تمشي مره اتطيح مره بالضعن راحت سبيه
وي الرمح من تمشي تحجي
بابا بابا صد عليه
تمشي بضعن بي جم طفل
واتنادي بدموع التهل
محد يفك بويه الحبل
والحبل جرح أديه
محد ايحاجيني يادمعتي
والجمر يجويني يادمعتي
والعزيز الغالي
عالرمح يبرالي
يارقيه
٢
عالرمح تنظر رقيه راس ابوها اتشوفه دمعه
اتريد تتقرب لبوها اتحصل من الشمر دفعه
عالبعد وتنادي بابا اتمنت ايرد وتسمعه
مشوها بدروب اليسر
ماتحمل ازغيرة عمر
بالدرب تعبها الشمر
من الضرب تنحب وتنعه
والشمر ياذيني ياهضمتي
أمشي ميخليني ياهضمتي
من اصد للوالي
عالرمح يبرالي
يارقيه
٣
وصلت الشام النوايب من الضرب ازرك متنها
التعب ماخذها رقيه بالخرابه وجان ضنها
من تنام بحضن دافي حسين بس يترس حضنها
متعوبه من طول السفر
نامت وتشعر بالخطر
وياها ابوها ماحضر
وهالخبر زيد حزنها
ما أضن ناسيني يالهفتي
خطوه بينه وبيني يالهفتي
يدري ابويه بحالي
عالرمح يبرالي
يارقيه
٤
نامت بنص الخرابه وزينب اتعاين عليها
السفر تعبها وهضمها طفله محروكات اديها
فزت من النوم تبجي يحضر ورادت وليها
مهضومه بدموع الحزن
والشوفت الوالد تحن
بالمدمع وضلت تون
زينب وتسأل اشبيها
يارقيه اشكيلي يالحبيبه
شرايده احجيلي يالحبيبه
العايش بنص بالي
عالرمح يبرالي
يارقيه
٥
بين لحظات الموادع جانت واصعب مسيه
بين راس وبين دمعه تنظر احتارت رقيه
افتح عيونك اشوفك وانته هم عاين عليه
ماجاوب الراس وبجت
شهكت رقيه وماحجت
ماتت بعد متحملت
بعد لوعات وأذيه
نادت وسمعوها ياعذابي
بالغرب دفنوها ياعذابي
ينزل وحسبالي
عالرمح يبرالي
يارقيه
المصيبه
بين نار وبين حيره زينب وهلت دمعها
تنظر اتعاين رقيه من الضرب ازرك ضلعها
بصوت عالي اتصيح ماتت حست الراس وسمعها
دفنتها زينب بالغرب
منظر دفن منظر صعب
بالغربه ويفت الكلب
يلي تسأل عن رقيه هاي قصتها ودفنها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح رقيه (ع)
يلي تسأل عن رقيه شلونها
هسه حمره من البواچي عيونها
اشكد صعوبه اعليها لحظات التمر
هسه تمشي حافيه بدرب اليسر
ازغيره ماتحملها ضربات الشمر
ترفه جانت هسه زرگه امتونها
صعبه كلش صعبه لحظات السبي
وينظر اعليها رقيه الاجنبي
منين ما تلتفت محروگه العبي
الدمعه متفارگ سواد جفونها
والاشد واصعب عليها بالسفر
تنظر اعله العايله كلها بخطر
اتمنت العباس وياها الگمر
چان هسه امدلـله بضعونها
چان حادي ضعونها راعي العلم
عالنهر عافـته وبعينه سهم
مادره العباس حرگوها الخيم
و برقيه مـادره يضربونها
هذا حال التبقه ماعدها ولي
تبقه كل اهـمومها ماتـنجلي
اشكثر نادت لينه احضر ياعلي
للفواطم گامو يشتمونها
اختم ابدمع الصبر والامنيات
اشگد رقيه الها بالطف ذكريات
اتنادي بعد حسين ماتسوه الحياة
ولآن ماتت عالنحر خي عونها
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
كعديه بحق الامام السجاد (ع)
دمعت حزن وهموم الايام
من كربله ماخذها للشام
بدموعه الحزينه
ماخذها الضعينه
من كربله ماخذها للشام
١
بلوعته السجاد يمشي شايل همومه الثكيله
المرض حد حيله وتشوفه لو مشه مهدود حيله
شاف اهله اعله الوطيه صرعه وتصدع دليله
وتسأله ياهو الاذته
بكربله وذوبت مهجته
ايجاوب وتنزل دمعته
وي الشمر مشي العقيله
ويلي الخدر واتشوفه الارجاس
لمن مشينه بغير عباس
والباري يعينه
ماخذها الضعينه
من كربله ماخذها للشام
٢
دمعت السجاد حيره بطلعته من الغاضريه
ينظر العمته وخواته بلوعته وهضم الرزيه
ماتوقعها اعله باله عمته ينظرها سبيه
شاهدها زينب طالعه
ومجتوف هوه بجامعه
وأصوات توصل مسمعه
سكنه ضربوها و رقيه
منظر عجيب ابدمعت العين
عالرمح شاهد راس الحسين
للشام بونينه
ماخذها الضعينه
من كربله ماخذها للشام
٣
علي السجاد بمواقف مرها شغلت ذكرياته
من دخل سوگ النوايب اهل مابي بس شماته
الوادم اتگاطفه احجار وگام يشگف عن خواته
ناكته الهزله مايله
واتحز ركبته السلسله
ينظر بعينه العايله
وياهضم ليل اليباته
موقف يهزه وهمه عالنوگ
ايشاهد خواته طبن السوگ
شامت يحدي بينه
ماخذها الضعينه
من كربله ماخذها للشام
٤
وصل للشام بدمعته وبالدفوف استقبلوهم
علي السجاد بهضمته يمشي ويعاين عليهم
گعدوهم بالخرابه سكته مايطلع بچيهم
من بعد لوعات القصر
السجاد لحظاته التمر
خلصها بدموع وصبر
وعالرمح ينظر وليهم
حاچه الرمح يابويه ماشين
لرض المدينه بدمعت العين
ومچتفين ادينه
ماخذها الضعينه
من كربله ماخذها للشام
٥
من رجع لرض المدينه عمره خلص بالنياحه
يبچي لحسين ومصابه من يمر ليله وصباحه
علي السجاد بحياته ماسكن لا شاف راحه
خلص حياته بالدمع
ذايب مثل ليل الشمع
لحسين والكسر الضلع
أبد ماتنشف جراحه
ودع حياته بليل الاحزان
ماشرب ماي ومات عطشان
والارض المدينه
ماخذها الضعينه
من كربله ماخذها للشام
المصيبه
هذا ليل الحزن هذا والهموم اتدور بينه
علي السجاد وحياته خلصت برض المدينه
چبدته مسمومه تلهب راح بهمومه الحزينه
زين العباد بلوعته
هالليله سموا چبدته
خفاقه تبقه رايته
نرسل الليله دمعنه للگبر برض المدينه
رقيه
بدمعه زينبيه
خل نذكر رقيه
خل نذكر رقيه بدمعه من دمعه
وخل نبچي وننوح اعليها خل ننعه
بلچي الصوت هذا فاطمه اتسمعه
وحتى الدمعه باچر تنگلب شمعه
من راحت سبيه
خل نذكر رقيه
نذكرها بدمعنه ولوعت الاحزان
من راحت اسيره بولية العدوان
بالمصرع ابوها بحومة الميدان
بحر الذاري ضل اعله الترب عطشان
مذبوح ورميه
خل نذكر رقيه
للشام بدمعها وصلت وتنحب
وگلبها من العطش ومن الحزن يلهب
ياهو المر عليها الاثر واصعب
راس الوالد اصعب لو خدر زينب
وبدمعه جريه
خل نذكر رقيه
محتاره رقيه وحايره بأمرين
مابين السبي و لوعت ابوها حسين
منين الغاضريه هاي اجتي منين
تنظر راس ابوها والدمع بالعين
و بونه شجيه
خل نذكر رقيه
نادت وبدمعها الطفله وشنادت
كون تشوف ابوها اتشمه بس رادت
جابو راس ابوها شافته احتارت
شبگت راس ابوها وعالنحر ماتت
متحملت خطيه
خل نذكر رقيه
لا تنسون والدي ووالدتي وأبني عباس من الرحمه والغفران
رياض الرسل الجابري
قصيدة رقيه عزيزة الحسين (ع)
بين دموع عيوني
تسعر نار امتوني
انحب ويشوفوني
يا عمه ياعمه
١
يعمه شلون گمت اركض بين الخيمه والخيمه
وبطارف عباتي النار تلهب وانه بالهيمه
شمس والدنيه تچوي بنار وين الچان الي غيمه
طحنه بناس ماعدهم لارحمه ولاشيمه
بين اجروح الحيره
والحسرات اچبيره
طفله وأنه ازغيره
يا عمه ياعمه
٢
مابين الحزن دمعات وعيون الشماته اتشوف
بقيت بواهس المدمع وعشت ابين حيره وخوف
وين الچان يبرالي وأعليه بحنانه ايطوف
خل يفزعلي خل يحضر
وانطيه عمه أنه اچفوف
خل ياخذ چفيني
يگعد ويحاچيني
واهنا ليخليني
ياعمه ياعمه
٣
اركض بين خوف ونار اركض بيه مابيه
يعمه الشمر مايرحم اخذ من عندي ترچيه
زغيره وانه محتاجه عطف وشويه حنيه
رقيه وانه ابوي حسين ويمشوني مسبيه
بين الدمعه ودمعه
انحب عمه وانعه
ما احملها الدفعه
ياعمه ياعمه
٤
مشيت ابين دمعه وموت للشام ودموعي اهواي
گبل عباس ويايه هسه الشمر يمشي وياي
بعدني ازغيره ياعمه ويحاوطني جرح اعداي
عطاشه بحومة الميدان
وماخلونه نشرب ماي
مانشرب خلونه
ظلام ومنعونه
للشام ومشونه
ياعمه ياعمه
٥
وصلت والجروح اهواي وبطول الدرب تنحب
رقيه بكبر جرح حسين ونيران الگلب تلهب
زغيره وبالخرابه اتموت ليش بغربه تتعذب
ماتت فوگ راس حسين
شيصبر بگلب زينب
ماگدرت تتصور
زينب هذا المنظر
ماتت فوگ المنحر
ياعمه ياعمه
٦
الماتت فوك نحر حسين رقيه بدمعه سجابه
زينب تنظر اتشاهد بخرابه ونار لهابه
سوت مجلس الها اهناك ومن دفنتها بترابه
وكلها الحرم كام اتصيح آه يحسين ومصابه
ماتت واشكد صعبه
راح الجان اتحبه
واندفنت بالغربه
يا عمه ياعمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه للسيده رقيه
عمتي اتناديني
يارقيه
والدموع بعيني
يارقيه
راس ابويه العالي
عالرمح يبرالي
يارقيه
١
طلعت بليل المواجع طفله من الغاضريه
تمشي مره اتطيح مره بالضعن راحت سبيه
وي الرمح من تمشي تحجي
بابا بابا صد عليه
تمشي بضعن بي جم طفل
واتنادي بدموع التهل
محد يفك بويه الحبل
والحبل جرح أديه
محد ايحاجيني يادمعتي
والجمر يجويني يادمعتي
والعزيز الغالي
عالرمح يبرالي
يارقيه
٢
عالرمح تنظر رقيه راس ابوها اتشوفه دمعه
اتريد تتقرب لبوها اتحصل من الشمر دفعه
عالبعد وتنادي بابا اتمنت ايرد وتسمعه
مشوها بدروب اليسر
ماتحمل ازغيرة عمر
بالدرب تعبها الشمر
من الضرب تنحب وتنعه
والشمر ياذيني ياهضمتي
أمشي ميخليني ياهضمتي
من اصد للوالي
عالرمح يبرالي
يارقيه
٣
وصلت الشام النوايب من الضرب ازرك متنها
التعب ماخذها رقيه بالخرابه وجان ضنها
من تنام بحضن دافي حسين بس يترس حضنها
متعوبه من طول السفر
نامت وتشعر بالخطر
وياها ابوها ماحضر
وهالخبر زيد حزنها
ما أضن ناسيني يالهفتي
خطوه بينه وبيني يالهفتي
يدري ابويه بحالي
عالرمح يبرالي
يارقيه
٤
نامت بنص الخرابه وزينب اتعاين عليها
السفر تعبها وهضمها طفله محروكات اديها
فزت من النوم تبجي يحضر ورادت وليها
مهضومه بدموع الحزن
والشوفت الوالد تحن
بالمدمع وضلت تون
زينب وتسأل اشبيها
يارقيه اشكيلي يالحبيبه
شرايده احجيلي يالحبيبه
العايش بنص بالي
عالرمح يبرالي
يارقيه
٥
بين لحظات الموادع جانت واصعب مسيه
بين راس وبين دمعه تنظر احتارت رقيه
افتح عيونك اشوفك وانته هم عاين عليه
ماجاوب الراس وبجت
شهكت رقيه وماحجت
ماتت بعد متحملت
بعد لوعات وأذيه
نادت وسمعوها ياعذابي
بالغرب دفنوها ياعذابي
ينزل وحسبالي
عالرمح يبرالي
يارقيه
المصيبه
بين نار وبين حيره زينب وهلت دمعها
تنظر اتعاين رقيه من الضرب ازرك ضلعها
بصوت عالي اتصيح ماتت حست الراس وسمعها
دفنتها زينب بالغرب
منظر دفن منظر صعب
بالغربه ويفت الكلب
يلي تسأل عن رقيه هاي قصتها ودفنها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه حال زينب بعد العاشر
زينب من على التل نزلوها
گعدوها واجوها براس اخوها
يمها خلو الراس
وتعاين رقيه
١
لمت الأطفال زينب من خلص ليل المصيبه
صاح واحد خلها تگعد تنظر المحنه العجيبه
زينب اتنفست گوه بلحظه واتحسها رهيبه
گعدوها بطراف الخيم
تنحب وتنظر للحرم
نادت يشال العلم
اختك الليله غريبه
محد چان ينظر عالاميره
هسه امچتفه زينب واسيره
صعبه بولية ارجاس
وتعاين رقيه
٢
گبل ميودوها أسيره وتمشي عن الغاضريه
الها جابو راس اخوها
حسين بدموع الرزيه
الشمر صاح حسين هذا
وانته مجتوفه وسبيه
عاينت عالراس وبچت
حاچته وزينب دنگت
اختك يبو اليمه انسبت
وهذا راسك بين أديه
صعبه اعله الأخت لو چتفوها
ويضربها العدو گدام اخوها
صاحت وينه عباس
وتعاين رقيه
٣
خافت اعله حرم زينب
من اجو بالراس يمها
الجاب راس حسين ناده وسفه واتلفض اسمها
صعب هالموقف عليها زينب وزيد ألمها
الجانت أميره امخدره
من بعد سبع الگنطره
بين الزلم متحيره
شلون حيره وذكرت أمها
وينج يمه نادت يالزجيه
زينب حايره بالغاضريه
والعدوان حراس
وتعاين رقيه
٤
كربت عالراس تنحب مسحت الدم بجبينه
حست بعينه يسولف ركزت زينب بعينه
جنه يسأل بالمدامع زينب العباس وينه
واختلط دمه والدمع
والنور من راسه يشع
فكد الاخو يكسر ضلع
وانكسر ضلع الحنينه
خافت تنظر الراس السبايه
غطت راس اخوها بالعبايه
وهيه بذاك الاحساس
وتعاين رقيه
٥
اصعب اعليها المواقف زينب بهاي المسيه
خافت اتعاين ابوها راسه وبهاي الرزيه
غطت الراس بعبايه گبل لتشوفه رقيه
لكن رقيه عرفته
من العبايه وشمته
للراس گامت حاجته
بويه بويه رد عليه
حاچيني يبو حلو المچاجي
هديتك بويه باگوها التراچي
زينب تدگ عالراس
وتعاين رقيه
المصيبه
سار ضعن البي فواطم راح للشام بطلعته
بين سوگ وناس كثره اتعاين الضعن وكسرته
الناس صاحو هاي زينب
هاي للعباس اخته
سار الضعن وبلا حمه
وزينب تون متألمه
بت حيدر وبت فاطمه
هيج تالي يصير بيها من بعد عزها وگمرها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة احساس المهدي
ليلك اذا يخلص جرح
يالمهدي واتشوف الصبح
دمعه وحزن آه
دمعه وحزن آه
١
على اجروحك عشت ليل وذبت شمعه
تظل تشرب ونين وتشهگ الدمعه
على الثارات خلصت العمر تنعه
وصدى صوتك وحي بس السمه اتسمعه
يالمهدي بدموع الحزن
سولتك صارت بس تون
دمعه وحزن آه
دمعه وحزن آه
٢
يضل نزفك وحي يالعايش احساسك
مابين الخيم وجروحك وناسك
غير الثار محد گاعد براسك
و رقيه وزينبك وچفوف عباسك
يالعايش اهمومك دمع
مابين نيران الضلع
دمعه وحزن آه
دمعه وحزن آه
٣
عشت ليلك جرح وهمومك العبره
يمهدي المثلك انته اشباقي من عمره
على اجروح انتظارك عايش بصحره
تعاين على احسينك منهشم صدره
واتعيش لحظاتك ألم
مابين دخان الخيم
دمعه وحزن آه
دمعه وحزن آه
٤
يبو اهموم الثگيله الماحملها انسان
عشت عمرك محطات وسفر وأحزان
مابين انتطارك عايش بدخان
خيمات الطفوف ومدمع الرضعان
من نارك بعينك شفت
و ابين لوعاتك عشت
دمعه وحزن آه
دمعه وحزن آه
٥
يبو دموع الحزينه العايشه بهمك
من يوم الطفوف الكسر ضلع أمك
عشت بينه دمع بالمهدي وانضمك
مابين الضلوع انرتل بأسمك
اسمك حرز شلناه دوه
وانحسك انته وي الهوه
دمعه وحزن آه
دمعه وحزن آه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح أربعين مسلم بن (١٨) شهر المحرم
بربعينك رايه نحمل رايه
الك نتعنه ونجي مشايه
١
بربعينك نحضر بفيض الدمع
انصيح والعالم يشاهد يستمع
نلطم بصحنك ندك فوك الضلع
والخدم تحضرلك الوفايه
٢
بصحنك ونهتف يمسلم منتصر
بربعينك للزمان ونختصر
وين قصر الطاغيه طاح القصر
والاماره بأسمك اموصايه
٣
بصحنك وصحنه حميده اتدللي
نحضر انواسيج اي نحضر بلي
اعلينه تشهد فاطمه ويشهد علي
اربعينك عدنا هوه الغايه
٤
بربعينك يل عشت بينه جرح
ظلمه كل الدنيه بس انته صبح
يشع بالكوفه الك اعظم صرح
والك رايه بالسمه امعلايه
٥
الك يامسلم بصمنه بالدمه
يشهد اعلينه الحسين وفاطمه
هاي الارواح التحبك هايمه
جفوفها من دمك امحنايه
٦
يابو طاهر هذا عهد الاوفياء
بصحنك انكتبه ونخطه بالدماء
الكوفه من دمك تعانق كربلاء
وصرتو مصحف آيه تلو الآيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
مسير زينب بعد العاشر
وين اخت الحسين
دمعتها بالعين
من بعد عزها الاولي
محتاره هسه بت علي
دمعتها بالعين
١
محروسه اجتي من الوطن يحرسها كافل
والهودج بطول الدرب بالخوه مايل
والي نظرها بنظرته بين المحامل
زينب تنادي اعله الزلم وين ابو فاضل
خادم اجاها
حامي لواها
يكلها يختي اتدللي
محتاره هسه بت علي
دمعتها بالعين
٢
من خلص العاشر صفت مابين الاجناب
لا خيمه لا محمل بقه عافوها لحباب
ماتعرف اشوده الهوه من عدها وشجاب
وانفتح لحزان الدمع من الهضم باب
نادت حسيناه
والشكوى لله
لو بس يشاهد كافلي
محتاره هسه بت علي
دمعتها بالعين
٣
من الوطن لمن اجت تمشي أميره
من بعد نار الفاجعه راحت اسيره
بالدمعه زينب والحزن حيرتها حيره
عاشت بعد نار الصبر محنه جبيره
بنت الدواوين
تنطي الوجه وين
بالدمعه نادت ياهلي
محتاره هسه بت علي
دمعتها بالعين
٤
تعرفها رحله وبالصبر كلش طويله
بس نظرة الشامت تضل توجع ثكيله
مو مهم زينب بالحزن تركب هزيله
بس طبت السوك الذي اتهد العقيله
وبلاي اخوها
لو شاهدوها
همها أبد ماينجلي
محتاره هسه بت علي
دمعتها بالعين
٥
مكفوله طلعت بالشمر من ضيم الايام
من بعد عباس الأخو ودوها للشام
جفن العقيله ماطبك لحظه ولا نام
من شاهدت جيش العده هجموا عالخيام
من نار الخيام
والطبت الشام
لو سأل عنها سائلي
محتاره هسه بت علي
دمعتها بالعين
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
مسيرة السيدة زينب للشام
دمعت المصيبه
جروحچ العجيبه
شاهدوها
نادو السليبه
زينب الغريبه
شاهدوها
بالدمع بالدمع
تمشي العقيله بحيره
بالدمع بالدمع
من ديره تمشي الديره
١
مشت من غير والي بجمرت المدمع
شلون مخدره وبين الزلم تطلع
يشتموها بيسرها زينب وتسمع
والاصعب عليها شلون من ترجع
بالمدمع خذوها
ليش و روعوها
ياوسافه
يدروها الأميره
والناضر تديره
ياوسافه
بالحزن بالحزن
زينب مشت أسيره
بالدمع بالدمع
من ديره تمشي الديره
٢
العاشگ من يهيم اتفضحه اشواگه
وزينب تمشي والدمعات حراگه
محتاره بسفرها وغصب تتلاگه
زينب بالدمع والسوگ والناگه
خلص كل عمرها
بالحيره وصبرها
ياهضمها
مجروحه بسفرها
والشامت نظرها
ياهضمها
امچتفه امچتفه
كلش عليها اچبيره
بالدمع بالدمع
من ديره تمشي الديره
٣
بعد چف الكفيل شلون ركبوها
على الناگه الهزيله غربه صعدوها
مجتوفه بحبل للشام ودوها
اشكال الحچي بالدرب سمعوها
مدمعها تسيله
وحايره العقيله
ياصبرها
تنظر الفواطم
وتركت الهواشم
ياصبرها
بالهضم بالهضم
وامكمله المسيره
بالدمع بالدمع
من ديره تمشي الديره
٤
بدمع للشام وصلت والدرب شمات
عرس بالشام عدهم تسمع الاصوات
نعرف من دروا كافل خدرها مات
زينب خلي نسأل وين راح اتبات
گعدت عالترابه
ياوسفه بخرابه
ياحزنها
والديوان أميه
دخلوها السبيه
ياحزنها
ياجرح ياجرح
تتحمل الأميره
بالدمع بالدمع
من ديره تمشي الديره
٥
وياها العليل وحارت بأمره
واطفال وحرم والموقف اشكبره
للديوان طبوا والزلم كثره
لو تحضر تشاهد حالنه الزهره
تنظر بالمدامع
واعلينه تباوع
بالمصيبه
ميسرها وضعنا
وتشاهد دمعنا
بالمصيبه
والضعن والضعن
هذا الصفه مصيره
بالدمع بالدمع
من ديره تمشي الديره
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري