1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
انصار الحسين
ينصار بالطف من سعيتوا سعيكم لله
لحسين بدمــاكـم وفيتـوا سعيكم لله
والنعــم منكـم ماتـقــصــرون
ويــن المثـلـكــم من يــوفـون
شلتوا لحسين بنص العـيـون
والنبي منكـم حـيــل مـمنــون
فوگ المنيه امن ارتقيتوا سعيكم لله
لحسين بدماكم وفيتـــــوا سعيكم لله
والنعــم منـكــم هــا يالانصار
فـرحـتـوا گلب النبي المختــار
بالطف ثبتوا نـعــم الاخــيـــار
بغيره وعزيمه ومجد واصرار
ناوين بالطف من طلعتوا
سيعكم لله
لحسين بدماكم وفيــتــوا سعيكم لله
والنعـم منكــم هــا يطـيـبــيــن
بالطف طلعـتـوا النصرة الدين
محـــد مثـلـكــم بــالمـيـاديـــن
ضحيتوا بالطف دون الحسين
جبريل من ناده سمعتوا سعيكم لله
لحسين بدماكم وفيتـــوا سعيكم لله
والنعــم مـنكـــم ثـلـث تـنـعــام
خــدام چـنـتــوا ونـعــم خـــدام
مـن اجـل رايــة حـفــظ السلام
ضحيتوا بالطف صرتوا اعلام
بحسين وباسمه عليتوا سعيكم لله
لحسين بدماكم وفيتــوا سعيكم لله
سيعـكــم هــذا وماتـقــدمــوه
بالحشر بـاچــر كله تـلـگــوه
بنص الضميـر حسين شلتوه
ولهذا بالــدم مـن نصـرتــوه
بأسمه المراتب من سميتوا سعيكم لله
لحسين بــدماكـم وفـيـتـــوا سعيكم لله
لاتنسون والدي وابني عباس من الرحمه والغفران
خادمكم رياض الرسل الجابري
قصيده للأنصار
انصار وخدم ذوله اهل الشيم
الله اختار السبعين
انصار بحب حسين
ذوله اهل الشيم
الباري من يحب انسان يختبره
الشجاعه والابه وبعاطفة صبره
والانصار ضحو للنذر عمره
خاطر ترضه عنهم فاطمه الزهره
ضحوا بالنفس ونطونه درس
الله اختار الطيبين
انصار بحب حسين
ذوله اهل الشيم
من دارت رحاها المعركه بأصرار
بيوم الغاضريه انكشفت الاسرار
ياهو اوي الحسين وياهو عنه اندار
محد ماثبت بس ثلة الانصار
حامو عالخدر
ضحوله العمر
حملوا حبه انياشين
انصار بحب حسين
ذوله اهل الشيم
تقدمو والمنايه اتصيح بالحومه
الرجل لمن يموت بساعته ويومه
وانصار ابو اليمه اسماء معلومه
عبد بيهم وحر والشگگ اهدومه
منهم والنعم
بالحومه الزلم
كلهم يملون العين
انصار بحب حسين
ذوله اهل الشيم
حب حسين شالوه بالضمير امتاع
اختيار الباري والنعمين ذوله اسباع
سفينه حسين وانصاره بشرف لشراع
هلا بالموت نادو لون صار اوداع
واحدهم هتف
حي اعله الشرف
بدروب العز ماشين
انصار بحب حسين
ذوله اهل الشيم
قدموها المناحر لبن داحي الباب
وفتحو للنصر چم معجزه وچم باب
الله راضي عنهم ثلة الاصحاب
نذكرهم الليله والدمع سچاب
صح قلة عدد
ماخانو عهد
مذكورين بكل حين
انصار بحب حسين
ذوله اهل الشيم
زهير ونافع وجون وبعد فارس
للانصار شيخ ومحد اينافس
حبيب اسمه وبرير وشوذب وعابس
واحدهم صبح لبن النبي حارس
واحدهم علم
قمه اعله القمم
بهذا الحب مقتنعين
انصار بحب حسين
ذوله اهل الشيم
لاتنسون والدي وابني عباس من الرحمه والغفران
خادمكم رياض الرسل الجابري
مسلم ووداع ابنته حميده
المستهل
مسلم لبنيته بدمع ايودعها
مخنوكه بعبره تحجي ويسمعها
ياحميده كافي دمعج كلبج وكلبي انجوه
ليل الموادع محنه مايجي بشهكت هوه
مايجي بشهكت هوه
١
يسولف مسلم بدمعه ويحاجيهـــا
ويصبرها بكلامه من يصد ليهـــــا
عليها يخاف ابوها ولازم ايديهــــا
انكسر كلبه عليها من بواجيهــــــا
شلون يصبرها محتار وياها
طفله وماتقنع عدمن خلاها
روحي يم زينب حميده بالضعن انتو سوه
ليل الموادع محنه مايجي بشهكت هـــوه
مايجي بشهكت هوه
٢
ودعها ومشه وبحيرة ضنونــــه
ضل ساكت بقه والدمعه بعيونه
لو راح الابو حست يغــدرونــــه
ما تكدر حميده تعيش من دونه
محتاره اتعاين ضلت بالدمعه
واتعنه الموته مسلم شيرجعه
قــرر وحدد مصيره مسلم الــوالــد نوه
ليل الموادع محنه مايجي بشهكت هوه
مايجي بشهكت هوه
٣
بقت محتاره تنظــر والدمع بالعــيـن
ابوها اتعنه راح ويمشي يعرف وين
حميده ومسلم احجايه حجاها البين
والعــنــوان دم مسلم ودم حسـيـن
والقصه بدمعه مسلم يرويها
مجبوره ابنيه راح يخليها
طفله مجروحه حميده وشوفت الوالد دوه
ليل الموادع محنه مايجي بشهكت هـــوه
مايجي بشهكت هوه
٤
مشه ضعن الفواطم والجــرح يبدي
وحميده تكول امشي بالحزن وحدي
انه اول يـتـيـمــه والضعــن يحــدي
بــيــه والــدمـع مافــاركه الخــــدي
من صاح اعليه حسيته ايواسي
عمي وناداني ضل يمسح راسي
من مسح راسي احسه كلبي بالدمعه ارتوه
ليل المــوادع محنه مايجي بشهكت هـــوه
مايجي بشهكت هوه
٥
ردت من يسرها بــدمعــت الحيــره
حميده اعله هضم ماتحمل ازغيره
ومسلم ضل علامه وخالـد السيره
بكلوب الخدم ينزف يضل غـيـــره
مسبيه و ردت ياكبر اتشوفه
ومسلم والدها ميت بالكوفه
جنه مسلم كبره صاير للحوايج شع ضوه
ليل الموادع محنه مايجي بشهكت هــــوه
مايجي بشهكت هوه
لاتنسون والدي وابني عباس من الرحمه والغفران
خادمكم رياض الرسل الجابري
ابوذيات الى مسلم (ع)
النفس تبقه النفس بالشر اماره
ومسلم راح مارايد اماره
شعجب يرموه من گصر الاماره
وينكثون العهد لبن الزچيه
------------
دليلك بس على الطيبات طوعه
ومسلم چان كل الحرب طوعه
تعب هده التعب يم بيت طوعه
وتلگه بصدره طعنات المنيه
-----------
صفات الرجل كون اتضل حميده
و دومه الباري عالباطل حميده
بعد مسلم يتيمه اتضل حميده
وتصب دمع الحزن صبح ومسيه
لاتنسون والدي وأبني عباس من الرحمه والغفران
خادمكم رياض الرسل الجابري
ميمر للخدمه
بالخدمه خليلك ساس لتصير كاعك هشه
١
بالخدمه اخدم والخدامه اتفيدك
بالخير مدها من تمدها الايدك
لاتعتب وكــف العتب شيفيدك
والرشك بقيل وقال بماي الورد لترشه
٢
الخدمه بحياتك فرصه هاي الخدمه
وانطاك ربك نعمه صون النعمه
بالك تضيع وتهوه انته بچلمه
وبساط خيرك للناس بكل وكت انته اتفرشه
٣
شما تعله هــا بالك تغرك شهره
گدام عينك خلي بس الزهره
وحسين امشي بطاعته وبامره
تخسر الخدمه ودنياك لحسين من اتغشه
٤
هذا الدرب درب العلم والارشاد
توصله من اتصيح يابو السجاد
بالخدمه لو رايد تصير انته استاد
اثبت بگاع المخدوم واتأكد من الممشه
٥
عيش بحياتك فرصه وتواضع زين
واختار وحده بخدمتك من اثنين
درب المهالك تهوه لو درب حسين
لتخلي كل البنيان بساعة غضب وتفلشه
٦
كلمن يعوف حسين نادم خسران
والعاش خادم هذا اعظم أنسان
اخدم احسين وحتى تصبح سلطان
درب الزعل بين الناس من تمشي بي لتنبشه
لاتنسون والدي وابني عباس من الرحمه والغفران
خادمكم رياض الرسل الجابري
قصيده بحق الخدمه
بالخدامه ياحسين بخدمتك عمري كضيتـه
بالخدامه / دربك شما بي خطر لجلك مشيته
ارد اخلصها حياتي
وياك محلاها مماتي
بالخدامه
بالخدامه
بالمجالس من اخـدمـك چـنت انافس
ياحسـيــن بخــدمـتــك مليان واهس
چانو ينادوني مــن ادخــل مجــالس
اجه المجنون وهـله بمجنون عابس
بالخدامه / شما اقدم خدمتي اشعر قليله
بالخدامه / كون تقبلني احلفك بالعقيلــه
بالمجـالس ذكـرياتي
وياك محلاها مماتي
بالخدامه
بالخدامه
خلصت يحسيـن عـمـري بهـل خدامه
بصدري وبـراسي تشاهــد چم علامه
خـادمــك يحسـيــن باچــر بالـقـيـامـه
الله مـــن دون البشر يــرفــع مـقـامـه
بالخدامه / الف هنياله اليخلص لطم عمره
بالخدامه / الجنه يظمنها اذا تقبله الزهـره
اني اعظم امنياتي
وياك محلاها مماتي
بالخدامه
بالخدامه
رغم چان المنع بس ماچـنت افـكـــر
للمجالس احضر وبالخفـيـه اطــبـــر
وچنت عالكاسيت من اگـعــد احضـر
القامه بيدي واسمع الحمزه الزغـير
بالخدامه / خلصت عمري وابـد محـد منعني
بالخدامه / من ضميري اخدم الدافع دفـعني
ياحسين اسكنت ذاتي
وياك محـلاها مماتي
بالخدامه
بالخدامه
بالمجالس لــون گام الناعي يـنـعــه
ابچي گبل الناس من صوته اسمعـه
بالبچي ايعرفوني من صوتي ارفعـه
وچانو يسموني خادم وابو الــدمعـه
بالخدامه / جنت اصرخ وانه اصيح بكل مصيبه
بالخدامه / هواي جنت اقراهـا زينب ياغـريـبـه
بكل مجالس نايباتي
وياك محلاها مماتي
بالخدامه
بالخدامه
لو متت خلي اوصي هـل وصيـه
ما اريــد احــد ابــد يبـچـي عـليـه
لان خادم بالگــبــر تحـضـر الـيـه
الزهره تعـقـد مجلس وتنعه عليه
بالخدامه / الزهـره تحضر بالكبـر هذا يقيني
بالخدامه / شايله القاروره بيها ادموع عـيني
لان بالخدمه نجاتي
وياك محلاها مماتي
بالخدامه
بالخدامه
لاتنسون والدي وابني عباس من الرحمه والغفران
خادمكم رياض الرسل الجابري
موشح العليله
فاطمه اتسولف وتحچي احزانها
ياعليله اتشابه بنيرانها
١
طفله وازغيره تشاهد يا مصاب
بالمرض عافوها وبنار الغياب
گاعده ابيت الحزن تنظر الباب
بلكي واحد يحضر من اخوانها
٢
ماخذاها حسين وبنار الدمع
طفله ذابت بالحزن مثل الشمع
ايد تمسح دمعه ايد اعله الضلع
ضلت وتتخاطف بألوانها
٣
سولفت وي الهوه بدمعت ونين
انه اشوفك يالهوه مثلي حزين
شنهي ماسامع خبر عن الحسين
وكربله ماتعرف بعنوانها
٤
فاطمه واتسولف بدمع الهجر
وعايشه بنار المدامع والصبر
لشوكت يحسين ابقه انتظر
خبر وديلي يعزها وشانها
٥
خبر وديلي اذا شح الكلام
وخاف ماتگدر ألي ودي سلام
وي الهوه اليوصلني يابويه وانام
وباقيه ابنيتك بنفس امچانها
٦
گلبي لاچمني يبويه اعله البعد
خاف ما ترجع أليه وماترد
ابقه انوح وابچي بويه اعله الورد
وفاطمه الما تنتهي اشجانها
٧
خبر موتك وصل يا بويه ألي
بالعمر يحسين من بعدك شلي
انه اموت بموتتك يابو علي
ياصلاة الروح ياقرآنها
لاتنسون والدي وابني عباس من الرحمه والغفران
خادمكم رياض الرسل الجابري
قصيده بحق العليله
طـفـلـه وعليله محـــد اليه
كل اهلي راحو للغاضريـه
وحدي وانادي يادمعتي
يادمعتي يادمعتي
طفله وعليله بغربتي تركوني والمـــدمع يكــــت
محد اليه بهذا العمر من اهلي كلشي ماشفــــــت
اسمع بصوت اهلي صدى ما ادري لمن التــفـت
فوگ المرض فوگ الحزن يا اهلي حيل اتغيرت
بالغربه وحدي ياهــو اشتكيله
عافوني اهلي وحـدي وعليله
ياهو اليجيني يادمعتي يادمعتي يادمعتي
اسهر الليل وي النجم بس الله يدري بحـــــالي
غير العذاب اشحصلت من راح ابــويــه الغالي
عشت بألم والفاجعه تعــصــــر عــصــر دلالي
طفله اشبديه اعله الجره من راح عني الوالي
وحدي بعذابي وبعيني دمعه
وابعد ضعنهم وشلون اتبعه
ما اگدر امشي يادمعتي يادمعتي يادمعتي
ظليت اون بحسرتي بس دمعــتـــي اتسليني
طفله اشبديه اعله الهضم مابيه حيل اونيني
محد بقالي من هلي وبشوفـتــــه يـــــرويني
عاشرت ليلي والسهر والدمع عــاشر عيني
گمت انه احسب ليلي ونهاري
وبهذا زغــــري ماتطفه ناري
راح ابقه اعاني يادمعتي يادمعتي يادمعتي
دمعي وعذابي والقهر والحيره وسط ضنوني
معقوله اسأل يادهـــر اهــــلي صدگ عافوني
طفله وبعدني عالهضم وازغـيره من تركوني
مانمت ليلي من السهر تشهـــــد عليه عيوني
اسهر واتاني واللوعه بيه
اصرخ وانادي يهل الحميه
بالحسره ابقه يادمعتي يادمعتي يادمعتي
وتأكـدت بعـــد السهــر والمــرض يــاكل بــيـــه
اهلي ضحايه بكــربــلــه مابعـــــد بيهــــم جيــه
شلي بحياتي ودنـيــتــــي لا اهـــــل لا حــنــيــه
واسمعت عمتي اعله الهزل راحت مشت مسبيه
راحــو اخوتي واهلي وعمامي
وحسين ابويه عــالغبــره دامي
كل اهلي راحو يادمعتي يادمعتي يادمعتي
لاتنسون والدي وابني عباس من الرحمه والغفران
خادمكم رياض الرسل الجابري
موشح هلالي
أستقبلت شهر الدمع بحزانها
زينب وأم الصبـر عنـوانـهـا
استقبلت أم الحزن هاي الايام
بالـدمع والنـوح بـس بيا كلام
بفاجعه العاشتها وبنار الخيام
حين طاحو عالارض خوانها
استقبلت بالصبر وبدمعت العين
شهر مطلوبتله من ازمان دين
وفت الهذا الشهر نحر الحسين
وطاح راعي العايله وصيوانها
استقبلت زينب ابدمعات النظر
هلال فجرك يامحرم بالخطـر
اتذكرت راية العباس الگـمـر
اتخاطفت من الحزن الوانها
هــذا شهر الفاجعه وشهر الدمع
بحافر الخيل وتهشم بي ضلــــــع
ضلع قرآن الشرع وأصل الشرع
وزينب التلتهب بي نيرانها
شهر بي مفجوعه كل العايلـه
شهر بي كل المدامع هاملــــه
شهر بي احزان دمعت كربلــه
شهر بي طاح الوحي وقرآنها
زينب اتعيش بحزنها الفاجعـــه
وجسدتها اعله الارض هالواقعه
التل يعيش ابالها والمشرعــــه
والاثنين الضلن بوجـــــــدانها
بـــعــد أيــام المصـيـبــه تتـضـح
بلوعت الاحزان واتعيش الجرح
راسه اخوها اگبالها ايحمله رمح
والحسين العاش عزها وشانها
باچر اتعيش المصيبه الراتــبــه
وللــزمــن زينب تـــرد اتعاتــبــه
اينول ياهو انشوف حسن العاقبه
باچــر ويــاهــو الذي خسرانها
لاتنسون والدي وابني عباس من الرحمه والغفران
خادمكم رياض الرسل الجابري
ابوذيات الى مسلم (ع)
النفس تبقه النفس بالشر اماره
ومسلم راح مارايد اماره
شعجب يرموه من گصر الاماره
وينكثون العهد لبن الزچيه
------------
دليلك بس على الطيبات طوعه
ومسلم چان كل الحرب طوعه
تعب هده التعب يم بيت طوعه
وتلگه بصدره طعنات المنيه
-----------
صفات الرجل كون اتضل حميده
و دومه الباري عالباطل حميده
بعد مسلم يتيمه اتضل حميده
وتصب دمع الحزن صبح ومسيه
لاتنسون والدي وأبني عباس من الرحمه والغفران
خادمكم رياض الرسل الجابري
قصيدة الامام الباقر وذكرياته مع رقيه
مجروح
يشرح قصته بدمع النواضر
مجروح
ويسولف اشصار بيوم عاشر
بيها حاضر
انه الباقر
انه الباقر
طفل لمن چنت شبت نار بيه
بعيني شفت احداثها للغاضريه
حاير امنين الكم ابدي هالمسيه
راح ابدي بذكرياتي وي رقيه
بدموع
راح ارويها الكم ذكرياتي
بدموع
واروي شلون ماتت امنياتي
بيها صابر
انه الباقر
انه الباقر
من وصلنه الكربله ومن شاهدوها
من على الناگه اميره نزلوها
بعين چانت تنظر برقه لأبوها
وعين چانت تنظر العبد الله اخوها
بدموع
تگله انه احس ماتبقه وياي
بدموع
تشوف اشفايفه ذبلانه عالماي
بس اكابر
انه الباقر
انه الباقر
وراح اشرح بعد ما هجمو علينه
اطفال احنه وگمنه نتستر بدينه
من مشه العباس وحسين انولينه
بعمتي زينب و ابويه احنه احتمينه
بدموع
اروي قصة الطف العجيبه
بدموع
احجي افجع واكبر مصيبه
جنت حاضر
انه الباقر
انه الباقر
وبعد اشرح موقف بطيحت الرايه
الخيم من حرگوهـا حرﮔو چم عبايه
النار من اركض احس تركض ورايه
وكلنه من چتفونه اخذونه سبايه
بدموع
كلنه انصيح ماتحظر يكافل
بدموع
وينك عمي وينك يبو فاضل
ماتناضر
انه الباقر
انه الباقر
من وصلنه الشام واحنه امأسرينه
امچتفينه بحبل كلنه امچتفينه
بعد ماعرفونه واحد صاح بينه
هاي زينب اسـأل العباس وينه
بدموع
عمتي دنگت لمن سألنه
بدموع
حقه مادره وينه الكفلنه
بصدره حافر
انه الباقر
انه الباقر
لاتنسون والدي وأبني عباس من الرحمه والغفران
خادمكم رياض الرسل الجابري
نعي لنعش الباقر (ع)
نعش الباقر بهل ليله وانشيعه
فوك الروس هاي الليله وانرفعه
نعش الباقر المرفوع يا هالناس
كل احنه نشيعه انشيله فوگ الراس
خل نبچي وانشيعه الخاطر العباس
وخل انوح احنه وعالنعش ننعه
خل انشيل نعشه وننحب بعبره
عد الله مقام الباقر اشكبره
كرامه انشيعه احنه الفاطمه الزهره
وهذا الدين باچر فاطمه اترجعه
وحگ طه النبي أي وحگ معراجه
دعاء الباقر احنه اليوم نحتاجه
بسم النعش هذا تنگضي الحاجه
يالرايد الحاجه للنعش تبعه
اتبع هالنعش يالمحب انته ونوح
وابچي بصوت عالي وبگلب مجروح
هذا ابن الغريب وعالترب مذبوح
ابچي بصوت خلي العالم ايسمعه
هالليله نعشيعه ابدمعت الناظر
أبن زين العباد اليكسر الخاطر
كل واحد حضر وينادي يالباقر
هنياله الحضر ويشارك ابدمعه
هنياله الحضر وبدمعه سچابه
ينحب على الباقر يذكر اصوابه
كلمن صاح آه يحسين ومصابه
تتحول الچلمه بالگبره شمعه
لاتنسون والدي وأبني عباس من الرحمه والغفران
خادمكم رياض الرسل الجابري
مقدمه زواج النور من النور
فرحت الدنيه بعقد اشرف زواج
الليله مبتشره الملائك هايمه
لأن حيدر خطب بت اشرف رسول
و طه وافق والچفوف اتسالمه
مطرت الدنيه فرح طگ الخضار
وارتوت وادمنه من بعد الضمه
رادو اليشهد وشاهد عالزواج
صوت جبرائيل ناده بالسمه
الله شاهد عالعقد والصلوات
خلي نهديها العلي والفاطمه
لاتنسون والدي وأبني عباس من الرحمه والغفران
رياض الرسل الجابري
وا جواداه وا أماماه
الليله يم بايك نلوذ وحضرتك
نبچي بدموع الحزن بمصيبتك
گوم واتلگاها تنحب شيعتك
تعنه بمصابك الشيعه ونادتك
وا جواداه وا أماماه
٢
اعليك ياتاسع گمر نبچي ونحن
والوسيعه ضاگت وصارت سجن
الكاظميه اموشحه بثوب الحزن
يبو الهادي وشيعتك كلها تون
وا جواداه وا أماماه
٣
ألك ياباب المراد بهل جمع
بالمصاب انذوبلك مثل الشمع
يمك الحاجات نطلبها بدمع
نقسم اعليك ونحلفك بالضلع
وا جواداه وا أماماه
٤
يالجواد الليله املاك السمه
بالمصاب اعليك نزلت هايمه
شيعتك مو دمع تبچيلك دمه
وبالفجيعه اتعزي أمك فاطمه
وا جواداه وا أماماه
٥
عالسطح مرمي أبن عقد الوله
بچبد مسموم ودمعته هامله
الناس صاحت هالجسد محد أله
مثل جده حسين وحده بكربله
وا جواداه وا أماماه
٦
مرمي فوگ السطح مسموم وغريب
نفس جده حسين والمنظر عجيب
واحد اعله السطح والثاني سليب
جسد مسموم وجسد بالدم خضيب
وا جواداه وا أماماه
لاتنسون والدي وأبني عباس من الرحمه والغفران
خادمكم رياض الرسل الجابري
الامام الجواد (( ع ))
---------------------
ننحب بجمرة دمعنه بالحزن نلبس السواد
من يسألونه نجاوب الليله مسموم الجواد
-------------------------
الليله بدموع المآسي نرسم الوان الحزن
ونشكي للباري المصيبه وبگلبنه الممتحن
رحل هاليله ابو الهادي وشيعته تبچي وتون
واحنه هذا الليل اجانـه ياحزن ليل اليجن
جرح فگده بينه عايش والجرح باللوعه زاد
من يسألونه نجاوب الليله مسموم الجواد
-------------------------
نگصد البابه بجرحنه مـن دمه انصب الدمع
نصيح كلنه الليله جينه وبگلبنه المنفجع
نوگف ابابه ننادي وخلها كلها تستمع
نصيح يا ابن الزچيه انحلفك احنه بالضلع
انريد من عندك قبول بهل عمل احنه ومراد
من يسألونه نجاوب الليله مسموم الجواد
------------------------
يا ابو الهادي مصابك مثله ماشفنه مصاب
والزمن شاهد علينه احنه مانحمل غياب
الله يلعنها النواصب خل يسمعون الجواب
كل بني العباس فدوه تروح للطاح وشباب
والجواد بزغر عمره چـان مصلح للعباد
من يسألونه نجاوب الليله مسموم الجواد
--------------------------
بجمرة احزان المصيبه نسأل احنه يا عذر
باچر أيقدمـوه الطه بيـوم لو صار الحشر
شلون سموه لبو الهادي شلون بچفوف الغدر
شلون والمهدي يشاهد هالمصيبه يبا صبر
والجواد الچان خيره مصلحه كله و رشاد
من يسألونه نجاوب الليله مسمـوم الجواد
------------------------
ظل ثلث تيام مرمي للجواد اتمثله
فوگ سطح الدار محد اجه يمه وغسله
غـير بس يمه الزچيه وصلت وراحت اله
مثل ما لحسين راحت بالطفوف ابكربله
لجل دين الله و رسوله ضحه وبكل روحه جاد
من يسألونه نجاوب الليله مسمـوم الجواد
---------------------
لا تنسون والدي وابني عباس من الرحمة والغفران
خادمكم رياض الرسل الجابري
الانصار
نفدي الاعمار
احنه الانصار
لحسين وماغيره انعاهد احنه ونختار
على ادروب المنايه ارسمنه لوحتنه
حتى بكل شــــرف تعـله كـرامتـنـــه
انصار الحسـيـن الـدنـيـه سمـتــنـــه
والــزهــراء خـتمـتـهـا الهـويـتــنــه
قدمنه انحـور احنه بعاشور
چنه بظلمه بغير حسين وياه شفنه النور
بذلـنـه الغالي لجله ونشعـر بحسره
اذا قصرنه بـيـش انـواجه الـزهـره
لأن لحسـيـن كلمن ما اجــه ينصره
باچـر بالحشر الــزهــره مـتـعــذره
قـدمـنه الروح من شفنه اتلوح
لسيوف الرادت تشربها ادموم المذبوح
عـرفناها الحـقـيـقه وكلنا بـايعـنـاه
لذلك كل عـزيــز وغالي قــدمــنـاه
رخصناله بعـمرنه من مشينه وياه
و لاخـفـنـه المنايه وكلنا عاهــدناه
لجله مضحين ولهذا الدين
نرخص كل ادمانه ونشعر احنه مقصرين
مشينه بكل عـزمنه الـثـابت بأيمان
ندافع عـن حقوق و ذات كل انسان
المايمشي بنهج دين النبي خسران
يعـني مايـوالـي العـتـره والـقــرآن
واحنه بكل زود صرناله جنود
ودمانه النرخصها بحبه تصير النه شهود
تركنا اعيالنه وصحنه بعلات الصوت
لجل حسين نمشي وعالمنايه نـفــوت
شلناها المحـبـتـــه وبالگلـب منحوت
لذلك مايهـمـنـه ونفتخــر بــالمــــوت
اصبح عـنـــوان حب العطشان
حسين الخله بدمه الطاح تموج الاكـوان
لاتنسون والدي وابني عباس من الرحمه والغفران
خادمكم رياض الرسل الجابري
موشح بحق مسلم بن عقيل
مسلم اتعنه ومشه بحاديها
رايته لمن مشه ايهز بيها
راية الحق حمـل مسلـم رايـته
ترف بـيده والمــلائك شـافـتـه
اتوكل اعله الباري وانوه برحلته
راد يلقي الحجه من يرويها
راح للكوفه وتعــنــه بكـل يقين
ماخذ وياه كتب كتبوها لحسين
من وصل چنه امير المـؤمنين
اچفوفه محد يگدر ايلاويها
وصل للكوفه ولقه اعليهم الصار
ابـن عـم حسين شايـل ذوالفـقـار
كلها وياصارت ولاچـن احتـار
بعد ما بيها انخدع تاليها
گوم ماعـدها ضميـر ولا شرف
انخدع مسلم بيها تالي للأسف
المال والـدينار غـايتها وهــدف
زلم تگدر لو ردت تشريها
راح يم طوعه وطلب من عدها ماي
وطوعه سألت ياغـريب امنين جاي
گلهـا مسـلم والعده كلها وراي
الكوفه غدرت بيه مدري اشبيها
دخل يم طوعه وطلع يحمل غضب
مسلم ايعرفوه ابن سيـد العرب
قاتل وفـنه الــوصل يمـه گـرب
اسوايه سوه المحد امسويها
هذه مسلـم قـاتل بهـمه وثبات
ورسم لوحه بكل مفاهيم الحياة
مثل عـباس الـوگع يم الفـرات
رايته اترفرف يضل ساريها
بسم مسلم نهتـف الليله ونگول
كون تتقبـل عزانـه ام الرسول
فاطمه الزهره ونريد احنه القبول
والحوايج يمها وانخليها
لاتنسون والدي وابني عباس من الرحمه والغفران
خادمكم رياض الرسل الجابري
نعي قصة استشهاد مسلم (ع)
مسلم يدير وجهه فلم يجد احد خلفه في الصلاه
نعي
بصلاتي وياي شو كلمن مشه بدربه
صعبه اهواي يا أهل الشيم صعبه
بعدني بالصلاه ماجايكم طلاب
لجل حسين جيت وكلمن ايحبه
خذلتوني وبقيت اتلفت بمگفاي
عفتوني وحيده بديرة الغربه
ثم يقول مسلم يقول ايها الناس لايوجد مجير يجيرني وانا سفير الحسين
نعي
سفير الكم اجيت وكتب جبت وياي
وداني لحسين وهسه الكم جاي
محد مايجير الگاصد امن بعيد
حسبت حساب اهلي ومادريت اعداي
عليكم ضيف اجيت وعادت الخطار
من بعد الهله يكرموه بطاسة ماي
حسافه من وصلت الكوفه ياهل ناس
بماي الوجه جيت وماشفت شراي
ثم مسلم يقول وهو يدير وجهه صوب المدينه
نعي
الوادم بيه غدرو لاتجي يحسين
ومن ارض المدينه بالك وتطلع
ضل بيها عزيز وبالأهل مهيوب
اخذ الحذر مني انچانك تسمع
لتفكر وتمشي الوادم ايخذلوك
مينصروك أبد لا تطلع وارجع
نعي
مسلم لسان حاله يقول محتار اي باب يطرق وهو غريب في المدينه
محتار بطريق الغربه والخذلان
ياباب اليدگه ويگصد اليا دار
معقوله الجره معقوله هيچ ايصير
مسلم وحده باقي بغربته ومحتار
الوادم غدرته والدمعه وسط العين
المن وين بعد ايوجه الانظار
ثم فجأه يرى نفسه امام باب طوعه
ثم يقول لطوعه
السلام عليك يا امة الله
ثم يقول امة الله انا عطشان فهل لي بشربة ماء
تقول له سمعا وطاعه
نعي
يوصف كيف مسلم عطشان ويطلب الماء من امرأه غريبه
طاسة ماي اطلب واحنه اصل الماي
ديره وللأسف وادمها خذلوني
ادير الوجه المن والوجوه اغراب
ادور ماي اشرب ليش خلوني
وانه جدي النبي المختار ياهل ناس
السمه واهل السمه مسلم ايعرفوني
ثم تجلب طوعه الماء ويشرب مسلم
ثم تدخل للبيت وتخرج مره ثانيه وتقول لمسلم اذهب لأهلك لايحق لك الجلوس على باب داري
ثم تدخل طوعه لبيتها ويبقه مسلم محتار امام باب طوعه
نعي
يوصف حالة مسلم وطوعه تطرده من امام باب دارها
لا تبقه اعله بابي اشربت مايك روح
لهلك ياغريب وحار بضنونه
لا توگف ابابي وحقها هاي الناس
هالواگف غريب ومايعرفونه
بقه حاير وصافن مسلم ومحتار
بيا حاله صفه والدمعه بعيونه
ثم يدخل الى داخل الدار ويكون حوار بينهم لحد
يقول لها سوف يأتون سبايه من كربلاء
ومن بين السبايه طفله اسمها حميده اخبريها بما جرى عليه
نعي
لحال حال طوعه تتكلم مع مسلم حول ابنته حميده
نعي
من يوصل ضعنهم اسأل اعليها
وبعيوني يمسلم انه اخليها
تجي من اليسر تعبانه واجدد كل حزن بيها
واگعد انه وياها واسولف بالدمع ليها
كل الجره وصار اعليك واضل ابچي وابچيها
وعدما يقف مسلم على قصر الامار قبل قطع رأسه يصلي ركعتين
نعي
يوصف حال مسلم قبل الذبح
وداعاً ياحسين من الصبر للموت
ارسلك سلامي بدمعه بعيوني
لاتحضر الوادم تشتغل بالخوف
مابيهم رجه والگوم غدروني
لاتحضر الوادم أبد ما يردوك
چذابه كتبهم للأسف خدعوك
نفس العل قصر خداعه كل الناس
باچر لو اجيت بكربله ايذبحوك
لاتنسون والدي وابني عباس من الرحمه والغفران
خادمكم رياض الرسل الجابري
ميمر مقدمة عزاء
خل نبدي بسم ادموعك التملي العين
لا تسأل اعله مأتـــم امنيـــن اويــن
اول متبدي سلم انته اعـله حسين
احضر بدمع الاخلاص مني وأخذ معلومه
من تحضر المجلس وعندك واهس
سود الملابس احضر انته ولابس
من تلطم اعله حسين انظر عابس
من كثر ما جن يحسين بالحومه شگ اهدومه
للنيه صفيها وعــزائك حضره
وگدام عينك خلي بس الزهره
لتخلي بالك عالأجر والنظـره
كل خطوه تخطيها بخير اتوقع الك مختومه
نعمه المجالس والمجالس رحمه
هـا بالك انته وتچفي هاي النعمه
شتـقـدم انته للي ضحه بــدمـــه
خارطه وبيها الخدام بس للخدم مرسومه
اكتب عهد بدمومك وخط عهدك
شما عندك انته قدم شما عندك
اترك اثــر طيب الك والولدك
ولا تنسه دم المذبوح واذكر بلطمك يومه
اخر وصيه بمجلسك من تنعه
أبچيها من گلبك وطلع الدمعه
وبحافر اذكر من تهشم ضلعه
هاي الضلوع بهل خيل من السحگ مهشومه
لاتنسون والدي وابني عباس من الرحمه والغفران
خادمكم ؤياض الرسل الجابري
قصيده بحب الشعائر الحسينيه والخدمه
من اجل حب الشعائر
نركض بدرب المنيه
احنه تربات المجالس
والعقيده فاطميه
١
عدنه قانون الخدامه يبدي
من وحي الضمائر
نرفض الذل وهوانه ونفدي للمبدأ مناحر
الخادم اتشوفه مجاهد يرتقي صرح المنابر
بالفكر لمن نسولف انقاتل بمدمعنه باچر
عن قناعه وعن درايه نخدم بأشرف قضيه
احنه تربات المجالس
والعقيده فاطميه
٢
بمبدأ الخدمه العظيمه نحمل افكار الهدايه
انقاتل بلطمتنه احنه وهذا مبدئنه كفايه
من فكر اشرف قضيه نقره نحر حسين آيه
البسمله نلگاها باچر انكتبت بدم الضحايه
منهج العزه ندرسه من ضحايه الغاضريه
احنه تربات المجالس
والعقيده فاطميه
٣
احنه علمتنه المجالس منهج التوحيد فكره
حسين وضحها وشرحها من نزف عالغبره نحره
لا تدور بالخدامه وبقضيتك انته شهره
امتحان ولحظه اصفن بيا طريقه انته تعبره
اخلص الهاي الخدامه تستحق حتى الهويه
احنه تربات المجالس
والعقيده فاطميه
٤
خلي للطف كلنه نمشي وننظر بعين البصيره
شلون عابس النه ثبت مبدأً الخدمه الچبيره
نقتدي بنهجه وجنونه احنه وانكمل المسيره
نستحق حتى احنه كلنه ننتمي الهاي العشيره
من يرفعوها الهويه اتوقع اعليها الزچيه
احنه تربات المجالس
والعقيده فاطميه
٥
خدمة المظلوم آيه احنه نقراها بدمعنه
نهتف بهذا عددنه لجله والعالم سمعنه
انجدد احنه كل عهدنه بمجلس العزه طلعنه
حسين درب الخير دربه
ودربه عنه مارجعنه
نحمل المبدأ رساله والرساله حيدريه
احنه تربات المجالس
والعقيده فاطميه
٦
بالمجالس نبچي لوعه كل سنه بمدمعنه نحظر
نعتني المجلس الزهره حتى عند الزهره نكبر
والخدم كلها تعاهد ياعلي واسمع يحيدر
مانعوف احسين احنه
احنه ونقدمله منحر
كل مجالسنه نحسها من نطبها توعويه
احنه تربات المجالس
والعقيده فاطميه
لاتنسون والدي وابني عباس من الرحمه والغفران
خادمكم رياض الرسل الجابري
تجليبه للعليه
عفتني والمرض هد حيلي عالفركه
اتنطـــر و اعــد أيــام للمــلـكـه
الك اشـكـي الليالي اشسون بحـالـي
بعـد مارحـتـوا عـني وانشـده بـالـي
گمت احسد يـبـويـه كل گـلـب خالـي
والمثلي يون من المرض حگــه
اگضي الليل وحـدي بـدمـعـي اتصبـر
على الفـرگـه يـبـويه وتدري ما اگـدر
بـالگــوه اصـبـــر روحـي واتـنـطـــر
معـقـوله ابــويـــه بعــد ما شبگه
بعـد عـيـنـك يبويـه اتسله بـونيـنـي
لأن راح اليـفــــرحـنـي ويـسلـيـنـي
معـقـوله ابـويـه الـغـالـي نـاسـيـنـي
مثل شجره صفيت بحسرة الورگه
عـلى فـراگ الاهـل يـابـويـه شـتـحـمـل
تـرضـه شـلـون ابـقـه الـوحدي وتـقبل
عـلـيـلـه تعـوفـني يـابـويــه مـن تـرحل
گمت اختنگ بويه حتى بالشهگه
عشت بهمومي انحب والدمع مدرار
وظل البيت خالي بــوحشت الخطار
محتاره وافـكــر بيكم انتــو اشصار
دگ بابي الهوه والهوه ماصدگه
الك اخـتـم كـلامي ودمعـتــي بخــدي
يمـر وحـشه بغـيـابـك ليلي ويـعـدي
گـمت اشعـر زماني واگـف بـضـدي
محتاره بدمعتي و لوعت الحرگه
لاتنسون والدي وابني عباس من الرحمه والغفران
خادمكم رياض الرسل الجابري
قصيده بحق فاطمه العليله (ع)
بالحسره والنوح
والگلب مجروح
لا مهجه لا روح
والدمعه بعيوني
١
انظر ابعيد
والمواعيد
ضاعت وگلبي انچوه
عله بالروح
گلبي مجروح
وانطفه بعيني الضوه
انه العليله البل مرض ضليت بس و ونيني
ازغيره بعدني اعله هضم والدمع تارس عيني
من روحي چان اقرب ألي وبشوفته يرويني
هسه بضعن سار ومشه وبعيد صار حسيني
ياوحشة البيت
يرجعلي ياريت
محتاره ظليت
والدمعه بعيوني
٢
ضعن الاكدار
الكربله سار
والامل وين الامل
مايرجعون
ونار الضنون
تاكل بروحي تضل
معقوله خلاني ومشه وحسين غير رايه
يگلي عليله وبالسفر يابويه صعبه اهوايه
هسه انه لو صار المسه وحدي واحير بهايه
وكت الصلاه المن بعد افرشها لمصلايه
وبنار العتاب
منتظره عالباب
ترجع الغياب
والدمعه بعيوني
٣
گلبي موجوع
ونار الضلوع
تچوي بگليبي واحن
على الغياب
وجمر الاحباب
بالهضم ابچي و أون
ياريت اطير وي الهوه مابيه حيل الفرگه
سهرانه احچي وي النجم كاتلني شوگ الملگه
ماجربت ليل الهجر لاجربتها الحرگه
گطعوني ورگه من الغصن والغصن عاف الورگه
محتاره بدموع
وگليبي موجوع
يانار الضلوع
والدمعه بعيوني
٤
وين الاخبار
اسأل الدار
وحشه يادار الأهل
ظلمه بالبيت
كلشي حسيت
ومات بعيوني الأمل
گمت انه اشم ريحت هجر وبعيد صارو ناسي
آيست من ردت هلي بس الشغل احساسي
يمكن اموت بحسرتي والشهگه بين انفاسي
معذبني ياليل الجفه والشيب تارس راسي
ياليل الاحزان
والدمع نهران
بگليبي نيران
والدمعه بعيوني
٥
اسألك وين
بويه يحسين
من وصل يمي الخبر
بطف الاحزان
طحت عطشان
دامي مگطوع النحر
كلشي انتهه ومات الحلم يابويه وابچي بحسره
لمن وصل يمي الخبر بين الألم والعبره
ذبحو ابوچ بكربله والخيل داست صدره
واعله الرمح راسه انرفع واعليچ سلم نحره
جرح السماوات
يهتف صلاوات
أبن النبي مات
والدمعه بعيوني
لاتنسون والدي وابني عباس من الرحمه والغفران
خادمكم رياض الرسل الجابري
هلاليه عكيلي
ياعـاشور تنوح الـزهره
هـلالـك ياعاشور الـدمعــه
بيك الـزهـره تنوح وتنعــه
چم نور اليطفه وچم شمعه
من تحچي اتناديك بعـبره
ياعاشور تنوح الزهره
ياعــاشور بصوت الحادي
نسمع ام حسين تــنــــادي
راح يــذبحــوكـم يـــولادي
تبچي تون بدمعـه وحسره
ياعاشور تنوح الزهره
ياشهر اهـلالك يفجعــنـــا
نصرخ والعالم يسمعــنـــا
كل خادم يخـدم يتبعــنـــــا
بالموكب ويانــه ويقــــره
ياعاشور تنوح الزهره
عـاشور ويـومك بچـانــــه
وانـوح وننحب خـلانــــــه
وكل الناس تنـوح ويـانــه
عـالمذبـوح وحزو نحــره
ياعاشور تنوح الزهره
هـلالك عــاشور يـوحـدنـــه
والــعــالم كله يشاهـــدنــــه
غير المظلوم احنه شعـدنــه
ونخدم بالروح احنه العـتره
ياعاشور تنوح الزهره
أيــامــك بـالــدم نبچــيــهــا
وسـود الــرايـات انعـليــهـا
وانعـزي الزهره انعــزيهــا
بالطايح دامي وعـالغـبـــره
ياعاشور تنوح الزهره
وانعــزي الغايب مهـدينــــه
للحگ قائـــدنه وحاديــنــــه
باچــر من يظهــر والينـــــه
بيده اتــرف الرايه الخضره
ياعاشور تنوح الزهره
لاتنسون والدي وابني عباس من الرحمه والغفران
خادمكم رياض الرسل الجابري
هلاليه تجليبه
ياشهـر الحزن والنوح والحسره
هالليلـه حزنهـا زينب اشكبره
ياشهــر الحزن زينب تهـل العـيـن
من حضرت اميـره والزلم صوبين
تالي للأسف ودعت اخوها احسين
من عافته عاري ودامي عالغـبره
ياشهـر الحـزن والـدمعـه سچابــه
زيـنـب نــادتـــك وبـنــار لهــابــه
بظهر مكسور آه يحسين ومصابه
تاخـذ مني اخويه مهجـت الزهره
ياشهر الحــزن والنوح والاحساس
بيك اشگد بچيت الطمت فوك الراس
فوك اعله الشريعه انطيتك العباس
طايح والعـلـم ظل مرمي وبكـتــره
ياشهـر الحزن عـبـدالله والاكـبـــر
اخذت اثنين مني من هــلالـك طــر
من امشي ظهر محني وگمت اعثر
والمثلي بعــد شيفـيــده كل عمره
ياشهــر الحزن بيك الحـزن دايـم
مــا انسه مصابك والگلب هايــم
بعـد شتريـــد مني انطيتك القاسم
التارك بيه جرحه النوح والعـبره
ياشهـر الحزن ظل الفكـر محتــار
بعـد شنطيــك اكثـر وبـدليلي النار
بعد فگـد الاعزاز انطيتك الانصار
حـزنك بالگلب تـارك الـف جمره
لاتنسون والدي وابني عباس من الرحمه والغفران
خادمكم رياض الرسل الجابري
موشح بحق الامام الباقر (ع)
بحزن ودموع وألم هل عبرتك
وعلى الباقر من دمه صب دمعتك
الك يالباقر نصب كل الدمع
والك ذوبنه العمر مثل الشمع
بصوت كلنا انصيح والكل مقتنع
بكل شرف نبقه ونظل من شيعتك
اعليك يالباقر گلبنه ممتحن
نبچي وانوح ونصب دمع الحزن
كل موالي يصيح وبصوته يون
خسرتـك شيعتك كلها خسرتك
بصوت كلنا أنصيح والمدمع جره
ونار حزنك بالدليل اموجره
چبدتك ولياسبـب متوذره
ياهو يالباقر الوذر چبدتك
ابد ماراودك بعلومك تظل
رادوا أيردون لايام الجهل
وانته ابن حي على خير العمل
شلون هاي الگوم گدرت سمتك
شلون گدرت أيدهم تمتد تطول
مادروا والدك حيدر والبتول
امك الزهراء والجد الرسول
فرض واجب على الناس محبتك
نلطم شما بينه واندگ عالصدر
نبقه لمصابك وملينه الصبر
نفدي هالارواح لجلك والعمر
وابد ماننساها احنه أمصيبتك
لاتنسون والدي وأبني عباس من الرحمه والغفران
خادمكم رياض الرسل الجابري
نعي بين الباقر ورقيه وحميده
محمد الباقر صاح بالغاضريه
ركضي حميده وياي واخذي رقيه
محمد الباقر صاح ماترحم الناس
خيمة نسه واطفال حرگوها الارجاس
ناده بعلات الصوت وينك يعباس
اتلاثتنه من الخوف نركض سويه
يالباقر احنه انخاف صاحت حميده
حست امان وياه من لزمت ايده
غير اهله كل مجروح محد يفيده
والاهل مذبوحين فوگ الوطيه
صاحت رقيه بصوت ركضي ورايه
خافن نتيه شلون لزمي العبايه
ردت حميده شلون والدمع آيه
الزمها صعبه شلون محروگه اديه
ركضو بحر الصيف بين العساكر
والخيم تلهب نار والكل تناضر
بين الدمع والخوف بين الحوافر
صعبه على الاطفال ذيچ المسيه
والباقر اهنا صاح دمعته بعينه
گلبي اعله عمتي شلون ماتدري بينه
خافن ابين النار اتدور علينه
مابيها حيل وخاف تشبع اذيه
زينب ابين النار راح الكفلها
وسفه الوكت ساعات غير شكلها
رمل الصحاري گام يچوي رجلها
ومن بعد كل الضيم تمشي سبيه
لاتنسون والدي وأبني عباس من الرحمه والغفران
خادمكم رياض الرسل الجابري
تجليبه بحق الباقر (ع)
على الباقر الدمعه بحزن نجريها
وللزهره بشرف كلنا نواسيها
١
نواسيها بحزن عالباقر المسموم
ودمعات النصبها من العيون ادموم
على الباقر گلبها بكل حزن مالوم
واحنه بهل مصاب الكل نعزيها
٢
نعزيـها ونهيج نارها الكبره
وأنجدد حزنها بخامس العتره
الله أيساعدچ يافاطمه الزهره
للـبـاري هديه أقمار تنطيها
٣
هديه انطيتي بس ظل الجفن ساهر
من يوم الحسين الطيحت الباقر
عفيه اعله الگلب متحمل وصابر
شلون اگدرتي لهمومچ تحمليها
٤
حملتي هموم ودموعچ تصب مدرار
على الباقر صـبرتي وبدليلچ نار
باچر شكوتچ للباري والمختار
لوردتي بحزن وبدمعه تشكيها
٥
تشكين بدمعتچ والحزن عنوان
وشيدتي المصابچ بيت للاحزان
على الباقر تنوحين وعلى العطشان
وأحزانچ أحزان أبيش تخفيها
لاتنسون والدي وأبني عباس من الرحمه والغفران
خادمكم رياض الرسل الجابري
هوسات + ابوذيه
زواج النور من النور علي والزهراء (ع)
١
نزل جبريل جاب الخبر والبشره
بتزويج الامير وفاطمه الزهره
الملائك بالسمه بالخبر مبتشره
فرحانه ومسروره الليله
٢
علي للباب دگه مستحي وخجلان
أجه خاطب بسيفه ودرعه والقرآن
ابتشر وجهه محمد سيد الأكوان
وامعيده الدنيه بهالليله
٣
جاب الفرحه جبرائيل للنورين
الخطوبه بالعرش تمت بدمع العين
الملائك وقعت عالخطبه يابو حسين
وجبريل ايهني بهالليله
ابوذيه
شكو خطاب حيدرنه كفو الها
گلبها الفاطمه وصاير كف الها
محد بالبشر فاطم كفو الها
بس حيدر علي حامي الحميه
تفسير الجناسات كفو الها
١ كف الها ابعدهم
٢ كف اليد
٣ الكفائه كفو
لاتنسون والدي وأبني عباس من الرحمه والغفران
رياض الرسل الجابري
الجواد ((ع))
يالتريد انته المراد
اگصد الباب الجواد
الف هنياله اليـون
الليله بدموع الحزن
اگصد الباب المـراد
-----------------
اگصد بدمعك وادخل حضرته
وشوف ياتربه الشريفه الحضنته
من تطب تلگه السواد بگبته
وراح تلگاها تون كل شـيعته
وانته ون واجري الدمع
بگلب دامي ومنفجع
الليله بس ابــلا اذن
الليله بدموع الحزن
اگصد الباب المراد
------------------
اطلب مرادك الليله بمصرعه
ومن تصيح بصوت صوتك يسمعه
المايون بمصابه گلي اشـينفعه
بالحشر والعمل ياهـو اليرفـعه
اخلص انته وتـنـقـبـل
فاطمه يمهـا السجـل
الزهره تنساك شتظن
الليله بـدمـوع الحزن
اگصد الباب المراد
------------------
التاسع اطهار الايمه بلوعتك
نوح وشما بيك اسچب دمعتك
صيح بعله الصوت نادي بعبرتك
حتماً الزهره تحسها سمعتك
اتسمعك الزهره اشتگول
وتنحب وياك البتول
وبگلبـهـا الممـتحـن
الليله بدموع الحزن
اگصد الباب المراد
--------------------
واطلع من الحضره روح الداره روح
بگلب دامي مخزن وينزف جروح
وشـوف رايات السواد اللي تلوح
عالسطح اگعد و نوح بعبره نوح
كـثـر الليـلـه السواد
عالسطح مرمي الجواد
لأن محد مـايـحــن
الليله بدموع الحزن
اگصد الباب المراد
-----------------
عالسطح مرمي ابن خـير الوره
وچبدته من السم يويلي أموذره
مثله جده حسين دامي اعله الثره
ابلا رحم والگوم حزوا منحره
حسين مابـيـن العــده
وكل ثيابـه امجــرده
لأن ظـل ابـلا دفـــن
الليله بدموع الحزن
اگصد الباب المراد
تنسون والدي وابني عباس من الرحمة والغفران
خادمكم رياض الرسل الجابري
الامام الجواد (ع)
بدمعت احزان المصيبه والرزيه
حضرت الزهره تون بالكاظميه
امكبعه بثوب السواد
اتنادي وين ابني الجواد
حضرت الزهره تون بالكاظميه
(1)
حضرت بدمعت جفنها تبجي وتهل الدمع
اتصيح وينك ياحبيبي هسه انته بيا وضع
وگفت وتنظر البابه اتذكرت كسر الضلع
خاف يم الباب توصل وباب ابنها يندفع
تنظر البابه وتهل دمعت جفنها
تريد تعرف وينه وشصار اعله ابنها
المشتكه الرب العباد
اتنادي وين ابني الجواد
حضرت الزهره تون بالكاظميه
(2)
دخلت ويرجف ﮔلبها بلهفة الام وتحن
اتصيح انه الزهره يمه تشهگ بحسره وتون
آه يادمع النوايب آه يالـيل الحزن
عالجواد الـزهـره تسأل تسأل الام عالابن
وين تنطي الوجه محتاره بفكرها
من المدينه حضرت وجابت صبرها
صاحت بعفه وسداد اتنادي وين ابني الجواد
حضرت الزهره تون بالكاظميه
(3)
الگلب دلاها اعله ابنها وريحه شمت عالسطح
صعدت وتعثر بظلها وبگلبها چم جرح
للسطح وصلت وعثرت بالجواد المنطرح
رغم جانت حيل ظلمه وبعده ماطر الصبح
نامت بطوله وتحاچيه وتشمه
الزهره انه ارحمني حاجيني ييمه
أي وحگ سبع الشداد اتنادي وين ابني الجواد
حضرت الزهره تون بالكاظميه
(4)
سولفت وياه سوالف بلكي يحچي وتسمعه
اتگله حاچيني ييمه گلبي لا لتلوعه
جيتك انه من المدينه بثوب حزني امگبعه
ماچنت متصور اشاهد انه ابني ومصرعه
بيا ذنب سموك وشعـندك جنايه
عاري يبني وراح اغطيك بعبايه
عدها حزن حسين عاد اتنادي وين ابني الجواد
حضرت الزهره تون بالكاظميه
(5)
لون تدري شصار بيه يالجواد بطيحتك
من ثلث تيام مرمي والنواصب سمتك
شفتـك وهاجت جروحي ذكرتني امصيبتك
بالذبيـح الطاح ضامي نفس حاله حالتك
هم ثلث تيام مرمي اعله الوطيه
بسطح انته حسين برض الغاظريه
اعليكم اعلنها حداد اتنادي وين ابني الجواد
حضرت الزهره تون بالكاظميه
لا تنسون والدي وابني عباس من الرحمة والغفران
خادمكم رياض الرسل الجابري