1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
زينب وفگد ابيها الامام علي (ع)
جرحك ياعلي مو جرح خله جروح
ودم من السما ينزف عليك ينوح
وگع والينا ابو تراب
الدين انثلم ونصاب
ودم من السما تنزف عليك جروح
--------
الليله ابلايه حس زينب تون سكته
ومثل طير الحمام تحوم وي ونته
تمسح بالجرح وتبلل ابشفته
صعبه اعله الابو يعوفها البنته
شلون اگضيها الايام
ونته بگبرك تنام
دم من السما تنزف عليك تنوح
------
يبويه اگعد دخليك وافتح عيونك
اباب الدار بويه ايتام يردونك
تهل ادموعهم بويه ينادونك
وبدموع الحزن رادو يضمدونك
گوم وفرح الدار
يحامي الدين والجار
دم من السما تنزف عليك تنوح
--------
يابهجة حياتي وعمري وسنيني
شلون تروح بويه يكثر ونيني
ماصدگ يبويه علي تخليني
بعدك ياعلي دنياي تاذيني
الليالي تكضي صعبات
تخلص بويه صدمات
دم من السما تنزف عليك تنوح
-------
ايدك حطها بيدي وخل اسندنك
يابعد العمر خليني اضمدنك
واعصبك بويه بيدي خل اشمنك
اخافن بعد ماشوفك وفگدنك
منك تنزف ادموم
گلبي اعليك مهموم
دم من السما تنزف عليك جروح
------
شسوي لورحت من عدي ياغالي
بعدك منهو اليه بويه يبرالي
اضل امحيره ويصعب علي حالي
يتيمه بلا اهل من غير هم والي
يبويه وبعد العيون
دگلي افراگك اشلون
دم من السما تنزف عليك جروح
-------
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
شوط كربلائي بحق الامام علي (ع)
( زينب والعباس )
زينب بالدمع والنوح گعدت يمه تتحسر
تعاين مره للعباس ومره اتعاين الحيدر
١
حيدر يمها ويعاين گوه يلفظ انفاسه
عرفت راح ابوها اليوم يودع دنيته وناسه
تعاين طبرته شافت چبيره الطبره البراسه
لبوها حارت بأمره
چبيره شافت الطبره
اختنگت زينب بعبره
المنظر قاسي ياهالناس شلون اتحملت المنظر
٢
زينب گربت يمه تشمه گامت بصدره
يبويه اتگله احچي وياي اموتن خاف بالحسره
امشي اعليك اعز الناس الحبيبه فاطمه الزهره
صد يابويه حاچيني
وارحم كل دمع عيني
بعذابي لا تخليني
وحيدر گوه شال الراس ولون الوجه صار اصفر
٣
برفيع الصوت حاچاها يگلها يابعد روحي
الكلام وياچ يابويه يزينب بلسم جروحي
وگام يعاين العباس ويگلها كل سبب نوحي
راح الوحدچ اتضلين
وكلشي بعمرچ اتشوفين
اوصيچ واسمعي زين
المصايب من تشوفيها صيري للصبر مصدر
٤
صد حيدر لعد عباس وگام الروحه يسألها
اي عباس بس عباس لعد زينب كفو الها
واهنا كلم العباس وگله انته كافلها
رد عباس خادمها
وشحده اليكلمها
كون الزهره ترضه امها
اصيرن خادم الزينب وتجازي الزهره بالمحشر
٥
زينب بعد ماعرفت اشوصه بيها واليها
گامت تنظر العباس وخلت ايده بيديها
كفو منك بماي العين واختك ماتخليها
وزينب تنظر ابدمعه
لبوها وگامت اتودعه
ياعباس ارد انعه
زينب تنعه والعباس يمها يبچي واتصور
٦
وهنا ودعت زينب ابوها بدمعه سچابه
والعباس يمها ينوح ويبچي بنار لهابه
حيدر غمض عيونه بأخر لحظة امصابه
وزينب صاحت بأحساس
بحضني جيب خلي الراس
وخلي انشمه ياعباس
هذا اخر وداع النه بعد للضيم نتحضر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
صلوات صلوات
والحسن هل بنوره
١
هالليله نورك يالحسن رباني
نورك تشعشع نفحه من قرآني
خادم لبو محمد صبح عنواني
تحيات تحيات
يادنيتي المسروره
صلوات صلوات
والحسن هل بنوره
٢
بخمصطعش رمضان هل اهلاله
واليحضر بهذا الحفل هنياله
هالليله اصوات الفرح تتعاله
هتافات هتافات
راية علي منصوره
صلوات صلوات
والحسن هل بنوره
٣
لجلك الحسن جينه بفرح عنايه
بيوم الولاده رايه تتبع رايه
هاي الحناجر بس الك وفايه
والارواح والارواح
تبقه الك منذوره
صلوات صلوات
والحسن هل بنوره
٤
صوت الخدم بالمولد انته اتسمعه
بيوم الولاده للسماء انرفعه
عهد الوفه هالليله احنه انوقعه
علامات علامات
وسط الگلب محفوره
صلوات صلوات
والحسن هل بنوره
٥
للزهره نرسل هالخبر هالليله
هذا الحفل نحضر اله ونسعيله
حب الحسن وسط الگلوب انشيله
بالافراح بالافراح
دنيت علي معموره
صلوات صلوات
والحسن هل بنوره
٦
نختم حفلنه الليله من بارينه
بهذا الدعاء وترتفع ايدينه
ياربي عجل عجل المهدينه
سلامات سلامات
هاي الك مذخوره
صلوات صلوات
والحسن هل بنوره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
هوسات لولادة الامام الحسن (ع)
١
الكريم اني الزكي والسبط اسمائي
وكل الناس تعرف كرم انبائي
سمعت اني سمعت بحاتم الطائي
حاتم مايحضر
يمي ولا يگدر
ايشوف ويتعذر
حيدر منطيني
وانطيت حسيني
والتارس عيني
والتارس عيني شايل بخت الزهره
٢
صيتك يالحسن بالكرم مامحدود
وياك انولد معنى الكرم والزود
ماشفنه ابد مثلك بروحه ايجود
مثلك ماشفنه
احنه ولعرفنه
بالجود اكشفنه
جودك ماصاير
والشافك حاير
وامضيفك عامر
وامضيفك عامر دوم وفاتح بابه
٣
الحسن من انولد خط بيده عالحيطان
انه راعي الكرم والجود والبرهان
مضيفي ما اسده امشرعه البيبان
ماقصر مره
الخطاري بنضره
احلف بالزهره
بخدمة احبابي
الوصلو لعتابي
لا ما سد بابي
لا ماسد بابي بروحي اكرم خطاري
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة الامام الحسن بن علي (ع) ١٥ من شهر رمضان المبارك
هاليوم هاليوم هتف گلبي وعلن
هاليوم هاليوم يهل نور الحسن
وبهاي فرحتنه
نرسمها بسمتنه
هاليوم هاليوم يهل نور الحسن
١
افراحي يادنيه هالليله ابتدن
يم حيدر اشواگي تاليهن صفن
بالمولد لن اسمع هالمحفل لمن
هالفرحه والبهجه جاوبته الحسن
يانور يانور شع مثل الشمس
يانور يانور وانطانه درس
وبهاي لمتنه
نرسمها بسمتنه
هاليوم هاليوم يهل نور الحسن
٢
اشواگي همساتي انثرهن سوه
ميلادك يالغالي شع مثل الضوه
من گالو هل نورك شميتك هوه
من حبك بس گلبي حسيته ارتوه
عنوان عنوان ميلادك صبح
عنوان عنوان والهمسه فرح
وبهاي هسمتنه
نرسمها بسمتنه
هاليوم هاليوم يهل نور الحسن
٣
عرش الله بالمولد شعشع بالسمه
املاكه افلاكه چانت نايمه
بالفرحه مزهيه هسه وهايمه
وتهني بالمولد أمه فاطمه
فرحان فرحان من طش الخبر
فرحان فرحان كل واحد حضر
بميلاده دنيتنه
نرسمها بسمتنه
هاليوم هاليوم يهل نور الحسن
٤
بشفافي بسماتي تعلن فرحتي
بالمولد بالفرحه تطلع همستي
بمعشوگي هالليله تزهي دنيتي
صباحي مانايم صارت حجتي
مانام مانام سهران النده
مانام مانام كلها امعيده
والدنيه نادتنه
نرسمها بسمتنه
هاليوم هاليوم يهل نور الحسن
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ابوذيات لوفاة السيده خديجه (ع)
١
رب الكون من رادك وحالك
ظلام الجهل مايرحم وحالك
خديجه اتعوفك الليله وحالك
عليه يبچي العرش وأهل الوطيه
٢
النوايب ابد ماتنراد مره
تشيب الراس لمن تمر مره
محمد عام هذا الحزن مره
واخذ منه خديجه بهل مسيه
٣
خديجه الچانت الطه وساده
الحزن خيم على بيته وساده
جن وأنس حزنانه وساده
على أم الزهره وبهاي الرزيه
٤
حزنك يالمحب طلعه وظهره
الخديجه بكل حزن يومك وظهره
الرسول اعليها ظل محني وظهره
يحس مكسور متلمه الوطيه
٥
حكه الواحد الينحب علامه
(على أمه)
اشعنده الزمن مايرحم علامه
خديجه من مشت تركت علامه
حزنها ورثته الزهره الزچيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة السبط الحسن بن الامام علي عليهم السلام
نفرحلك نفرحلك يا أمامي
١
للحسن نعلن اجينه
بالولاده ولهفه بينه
مو بصابعنه احنه نبصم
نبصم وبثنين أدينه
هالليله
نبصم بهذا العهد
هالليله
مانعوفه للأبد
هالليله
يالحسن صحنه مدد
الرباط
خدامه نبصمله الليله
خدامه
٢
للحسن جينه سويه
شوگ بيك وشوگ بيه
بالحفل نعلن ولانه
بسم حيدر والزجيه
بالفرحه
نحتفل جينه سوه
بالفرحه
طير ياخذنه بهوه
بالفرحه
نشتعل مثل الضوه
الرباط
بالفرحه نحضر هالليله
بالفرحه
٣
جينه نبصمله ونعاهد
عالعهد بارينه شاهد
بالحفل نحضر سويه
خادم وجايبله خادم
بالمحفل
نحضر ونقسم قسم
بالمحفل
للحسن نبقه خدم
بالمحفل
يرف بيدينه علم
الرباط
شوفوها والدنيه امعيده شوفوها
٤
كل سنه بهذا عددنه
انعاهد وثابت عهدنه
حتى لو متنه احنه باجر
للحفل تحضر ولدنه
منعوفه
محفل الحب والشجن
منعوفه
نشعر المحفل وطن
منعوفه
عهد ننطي يالحسن
الرباط
خدامك وانته الوالي خدام
٥
نرسل الليله التهاني
اشهد اشهد يازماني
للحسن بالمحفل أحنه
نختم بهاي الأماني
نتمنه
كون مقبول العهد
نتمنه
ينشمل هذا العدد
نتمنه
يالحسن ننطي بعد
الرباط
هالليله يرضه بمحفلنه هالليله
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
ولادة الامام الحسن (ع)
صلوات صلوات هالليله تفرح فاطمه
١
ارد انه اهني الليله كل ساداتي
بيوم الولاده وارد اطش ضحكاتي
بأول أمام وهالفرح من ذاتي
هالليله تفرح للحسن مولاتي
تحيات تحيات نرسلها لعنان السمه
صلوات صلوات هالليله تفرح فاطمه
٢
لمن نزل جبريل جاب البشره
اول خبر شع بسماء العتره
نور الحسن صاغه آله القدره
وانطاه هديه الحيدره والزهره
سماوات سماوات مبتهجه تزهي وحالمه
صلوات صلوات هالليله تفرح فاطمه
٣
شجرة علي اول غصن بغصانه
منها طلع نور الحسن بسمانه
والزهره صوت الي يحب نادانه
لجل الحسن يفرح الليله ويانه
علامات علامات وسط الگلوب الهايمه
صلوات صلوات هالليله تفرح فاطمه
٤
من نور جده النبي ونوره اختاره
رب العله وطش عالمله انواره
محد عرفها للحسن اسراره
اهل الكرم والجود بي محتاره
كرامات كرامات چفه تبوس اتسالمه
صلوات صلوات هالليله تفرح فاطمه
٥
أجمل هديه الحسن هل اعلينه
والليله كلنه نحتفل خلينه
نرفع ادينه وندعي يابارينه
بجاه الحسن عجل فرج مهدينه
والافراح والافراح ندعيها ربي دايمه
صلوات صلوات هالليله تفرح فاطمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده بحق سيد البطحاء ابي طالب (ع)
حزنك على المات
ابگد السماوات
والشهگه آهات
ياحيدر الليله
١
الله يساعد المفجوع والفاگد اعز والد
وحيدر فاگد اغله الناس ملاك وبالسمه ايشاهد
ابو طالب الشال الدين وبصدره النبي كاعد
خالد عاش بين الناس ولمن مات هم خالد
والكافر ايگول
بالذمه مشكول
يالحزنك ايطول
ياحيدر الليله
٢
بياحاله علي هاليوم وضعه يختلف وضعه
عاشر ليله واحزانه وگعد يم الابو ينعه
ابو طالب جرح بالروح تارك والحلم دمعه
ويشعر عمره كله ايذوب الليله ويحترگ شمعه
ينظر بالدموع
عالوالد ايلوع
والگلب مفجوع
ياحيدر الليله
٣
شحالك ياعلي بهليوم نار اموادع واحزان
اتودع والدك يا يوم سبعه من شهر رمضان
ابو طالب ترك من راح بگلبك ياعلي نيران
الشك بوالدك ملعون دنيه آخره خسران
جرح المعانات
من الابو مات
ماتهده هيهات
ياحيدر الليله
٤
جرحك ياعلي ميطيب تارك بالگلب لوعه
والوالد عشگ بالروح والآهات مسموعه
ابو طالب نهر احزان وحيدر شجره مقطوعه
ربك عوضه بأنسان رسول ونشف دموعه
بنص حضنه خلاه
واتآخه وياه
وبگلبك الآه
ياحيدر الليله
٥
نختم والحزن بالروح تارك ياجرح بينه
بكل عام اليمر نشتاگ نذكر احنه والينه
ابو طالب وحيدر ثار للغايب امخلينه
من يظهر وكلنه انصيح خدامك يمهدينه
للمهدي خدام
عام والف عام
والعين متنام
ياحيدر الليله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
فتحت عزاء بحق ابو طالب (ع) ٧ من شهر رمضان
الليله بدموع نبچي اله ونتحسر
يرحل اليوم اليوم والد حيدر
اليوم ابو طالب رحل وانه ابچي بحسره
ايساعد الله حيدره الليله حزنه اشكبـره
على عناد المارضه صحت وبكل عبره
ابو طالب مارحل بالضماير گبره
كلنه وياه
ابد مانتحير
يرحل اليوم اليوم والد حيدر
بكل مواقف للنبي ابو طالب حاضر
حامه عنه بكل وكت وبدموع الناظر
باچر يدور الزمن يبو طالب باچر
ونعرف احنه بالحشر منو اليطلع كافر
كافر شلون وهوه هوه المصدر
يرحل اليوم اليوم والد حيدر
انته قمه اعله القمم وانته جاهك عالي
بروحي ساكن للابد واغله من كل غالي
بصوت صحت وماخفت لا ابد مابالي
بروحي واليته وصحت غيره لا ماوالي
بروحي واليت وعنه ما اتعذر
يرحل اليوم اليوم والد حيدر
الغيرك انته كل عهد لا ابد ما رفعه
عهد وقعته الك وبدمايه اموقعه
روحي ناذرها وصحت واقسمت بالسبعه
غير دربك سيدي لا ابد ماتبعه
الليه مهموم بدمعي جيت وحاضر
يرحل اليوم اليوم والد حيدر
على عناد المايحب شخصك وميريـده
صحت باچر بالحشر انه الزم أيده
ابو طالب والحچي احچي بس ماعيده
المايحبـك سيدي كل عمل ميفيده
امسجل هناك بالحشر بالدفتر
يرحل اليوم اليوم والد حيدر
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ولادة السيدة رقيه (١٧) شعبان
فرحة احساس رقيه بهل قصيده
ترسمها فرحتها
بلحظة ولادتها
فرحة احساس رقيه بهل قصيده
1
ترسم فرحها بحيره واتبعه
مجبوره من الزغر
شافت ابوها وهلت الدمعه
معناها بويه انتظر
لا تشعل الميلادي اي شمعه
كلش قصير العمر
يهمس يروحي الوالد اتسمعه
ودموعه مثل الجمر
ترسم احلام طفولتها الجديده
وتهلها دمعتها
بلحظة ولادتها
فرحة احساس رقيه بهل قصيده
2
حاملها ابوها حسين حاملها
ويخاف من الخطر
والنور يعكس بالافق ظلها
شاف الوجن ماصبر
من خدها ابوها حسين قبلها
من وصل يمها وحضر
والورد يمها وظل يغازلها
لمن عليها نظر
والورد راد يشم خد الوليده
والشمس نادتها
بلحظة ولادتها
فرحة احساس رقيه بهل قصيده
3
طفله رقيه وتشبه الزهره
مولدها غطه الشمس
وحسين ينطر الها وتنظره
والخد شمس من يشع
محفلنه الها الليله وشكبره
والحبها خل يستمع
اليحضر حفلها باچر اتحضره
وهناك ميهل دمع
تحضر اهناك رقيه اي اكيده
تشفع الشيعتها
بلحظة ولادتها
فرحة احساس رقيه بهل قصيده
4
اختم كلامي بهذا مولدها
وبالمحفل انثر ورد
كلمة احبها الليله ارددها
وماريد عنها ابتعد
من عدها رايد اني من عدها
تنظرلي حتى انسعد
اقسم عليها بنحر والدها
تقبلني خادم عبد
بگلبي ياناس تظل هيه الوحيده
نشعلها شمعتها
بلحظة ولادتها
فرحة احساس رقيه بهل قصيده
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
موشح علي (ع)
الليله نشكي الفاجعه الرب المعين
من رحل حيدر امير المؤمنين
الليله نشكي الفاجعه بدمع الصبر
على الهامه لاحته اچفوف الغدر
بسجده وبمحراب ودع هالعمر
وسال اشرف دم على اشرف جبين
سال اشرف دم لجل هذا الوجود
و دمه سر يبقه من اسرار الخلود
باچر بيوم القيامه من يعود
ايوقع بأيده صكوك العاشقين
ايوقع بأيده الصكوك اعله الخدم
ويمه واگف بالسجل راعي العلم
الياخذ الصك كون بي ريحت خيم
وكون باچي اعله الحسين بكل يقين
كون بي سولة بچي بگد الدمع
وعالاقل من اللطم كاسر ضلع
حتى حيدر من يشوفه يقتنع
وحتى يستاهل جزاء المحسنين
حيدر يجازي على اعمال البشر
بكل عمل انته تعمله وبي اثر
والاعمال امسجله يم المنتظر
والامام المهدي من الشاهدين
المهدي شاهد على اعمالك والفعل
بكيف امامك تنقبل ما تنقبل
وي امامك رابطه خلي وحبل
ولازم يكون الحبل حبل المتين
حتى حيدر بالحشر يشفع الك
باچر من اتدور ويدور الفلك
شما يصلي المايحب حيدر هلك
شما يقدم يصفه من الخاسرين
صيح من گلبك الليله بكل جرح
السيف مايعرف مقامه اشگد وكح
اتجاسر اعله المرتضى بفرض الصبح
ونزف هام المرتضى الدر الثمين
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة بحق الامام علي (ع)
دگو بابنه والباب مقفول
يردوك اليتامه بويه شتگول
اطلع لليتامه
گوم امسح الهامه
يردوك اليتامه بويه شتگول
1
ازغار يابويه اليتامه ومايعرفون
جرح البراسك غميج ومايفهمون
كلهم ايصيحون ابونه يعوفنه شلون
اطلعت اسكتهم يبويه ومايسكتون
جابولك لبن يابويه كلهم
اباب الدار بس انته املهم
انطيهم علامه
گوم امسح الهامه
يردوك اليتامه بويه شتگول
2
اطلعت اطمنهم ومحتاره بدمعتين
دمعه عالمطروح ابويه وعالمساكين
واليتامه ابفرد صوت ودمعه بالعين
هاي اول مره يتأخر ابو حسين
ايريد ايشوفنه زينب اسأليه
لبن ويانه جبنه وحتى نسگيه
يدعون بسلامه
گوم امسح الهامه
يردوك اليتامه بويه شتگول
3
رجعت وسألت ابوها بدمع همال
بويه ميصبرون ذوله كلهم اطفال
گلها ما ارضه يشوفوني اعله هالحال
خاف يتأذون گلها والدمع سال
بدموع المصيبه صبر الروح
خي يدخلون بويه واني مطروح
تسمع كل كلامه
گوم امسح الهامه
يردوك اليتامه بويه شتگول
4
دخلو الأيتام يم حيدر يشوفوه
ازغار همه وابد ماگدرو يگعدوه
احتارو شلون اللبن همه يشربوه
للبن ذبوه وگعدو بس يشموه
وحيدر من فرحته نسه الالام
مافكر بحرحه بس بالايتام
يسعدهم مرامه
گوم امسح الهامه
يردوك اليتامه بويه شتگول
5
حضر ملچ الموت لحظات المنيه
والايتام اتنادي بدموع الرزيه
بويه لا تتركنه ياحامي الحميه
انموت كون وياك كل احنه سويه
غمض عينه حيدر سلم امره
وداعاً كلها صاحت يبو الفقره
ضل جرحه وسامه
گوم امسح الهامه
يردوك اليتامه بويه شتگول
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
لعمل هندسة صوتية مع مونتاج لاستشهاد الامام علي( ع )وانت كاعد بالبيت وترويجها على الفيس بوك للوصول لكثر من 10 الف متابع من خلال الهاتف التواصل مع
@ahmed_alziwar0
قصيده ولادة الامام الحسن المجتبى (ع)
أبحر الخير والجود
الليله الحسن مولود
انهني النبي وآله
من نور الجلاله
الليله الحسن مولود
نرفع للنبي أزكى التهاني
ونرسم بالفرج أحلى الأماني
هالليله انولد كوكب الثاني
بنوره امنور بأعله الجناني
ميلاد العداله
من نور الجلاله
الليله الحسن مولود
انهني المرتضى حيدر علينه
بغرة طلعته وغرة جبينه
ضوه بنوره كل نور المدينه
وشعشع بالفرح من هل علينه
كل ثوبه وفصاله
من نور الجلاله
الليله الحسن مولود
انهني فاطمه بعزها وضواها
من اشرق عليها ومن اجاها
نور الحسن للزهره احتواها
من شاهدها واحتار بضواها
كل نوره وكماله
من نور الجلاله
الليله الحسن مولود
انهني العتره وبهاي الولاده
بنور الحسن يامحله السعاده
ربك خلده بجود وأراده
وبيهن نصر حقق بالقياده
كل هذا اتصاله
من نور الجلاله
الليله الحسن مولود
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
موشح وممكن يقرأ مربع لولادة الحسن (ع)
للحسن جينه بشرف عنايه
١
الليله بالميلاد ملتمه الأحباب
كلها متعنيه وتدگ للفرح باب
الزهره خلي تشوفنه بعد الغياب
نحضر و رايه تلوذ برايه
للحسن جينه بشرف عنايه
٢
بالفرح جينه خدم تدرونه
نشعل اشموع الفرح خلونه
للحسن نحضر وضي اعيونه
بالحفل والمخلصين ويايه
للحسن جينه بشرف عنايه
٣
للحفل جينه شرف أعظم شرف
انوصل المبروك احنه للنجف
بصوت واحد بينه كل خادم هتف
الفاطمه ومنطين احنه احچايه
للحسن جينه بشرف عنايه
٤
للحسن بفراحنا المعتاده
كل سنه نحضر نجي بميلاده
نحلف ومنبطل احنه العاده
نحتفل چم سنه صار اهوايه
للحسن جينه بشرف عنايه
٥
راية الخدام ما ألها مثيل
ترف خفاقه بسم حامي الدخيل
شما نقدم بالحفل احنه قليل
وهاي غايتنه الولاده هايه
للحسن جينه بشرف عنايه
٦
احنه أهل خط العشك والاحتفال
أبد مانگطع أبد هذا الوصال
كلمن ايحب الحسن جيبه تعال
خل يشارك والولاده الغايه
للحسن جينه بشرف عنايه
٧
نقره نختم بالفرح هذا الدعه
للحسن نقره الحمد والقارعه
صوت كل خادم الليله يسمعه
وينعكس صوت الخدامه أمرايه
للحسن جينه بشرف عنايه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
مقطوعه لولادة الامام الحسن (ع)
١٥ شهر رمضان
--------
انصاف الحسن واجب على الخدام
الماينصف حسن ماناصف العتره
حسن ثمرة الزهره وجده طه يصير
واجب على الخادم يحضر ينصره
مو مستحب واجب تحضر انته هنا
لان المهدي گبلك محفله ايحضره
قصيده ولادة الامام الحسن (ع)
١٥ رمضان
اول انواره السماويه
من علي شع بمعانيه
للحسن بارينه من راده
نزله بحكمه آلهيه
١
اشرق الليله بجماله والحسن رباني
اغله كل الناس عندي وعايش بوجداني
منهجي وسبحت صلاتي والحسن قرآني
بجده وبنهج الرساله
مكتمل أيماني
مولدك آيه
يبو احچايه
بترافه فاطميه
تبقه محبوبي
ضوه ادروبي
الك روحي هديه
افرح اشگد بيه مابيه
واحمل بنص گلبي حنيه
للحسن والباري ياساده
نزله بحكمه آلهيه
٢
بالسمه وجهك يلالي
وانعكاس بنوره
عالارض يرسم جمالك
تزهي اجمل صوره
يالحسن نورك تجله
يشبه البلوره
روحي من حضرت تشارك حضرت ومسروره
الك اتعنه
عطر جنه
واشمك هالمسيه
ساكن احلامي
ألك ضامي
تظل روحي وفيه
ليله بس بالمنتصف هيه
من شهر رمضان قدسيه
الليله خل اتموت حساده
نزله بحكمه آلهيه
٣
انته عنوان القداسه والجمال الراقي
يالحسن بالروح انته وساكن بأحداقي
الك كل اسنين عمري
والك فيض اشواقي
كلها من الگلب تطلع
وانته وحدك الباقي
عايش وياي
يمولاي
يبو الروح النقيه
وانه ممنون
اذا كون
الك اخذ تحيه
ابصم بروحي الحسينيه
للحسن بصمه ولائيه
بالفرح جبريل من ناده
نزله بحكمه آلهيه
٤
يالحسن عشت بضميري
وبدموع الناظر
ارسم الليله بشجوني وبخيال الشاعر
الك همساتي واحسك
أنته يمي وحاضر
يالحسن تاخذني نصعد عالبراق انسافر
نصعد انحوم
عالنجوم
شرط فوگ الثريه
نرحل ابعيد
احس عيد
اذا تلزم اديه
گلبي ويحقق مساعيه
يمك بأوله وتاليه
للحسن وبفرحة اعياده
نزله بحكمه آلهيه
٥
اختم بصومي وصلاتي وافطر بميلادك
لان بارينه العلينه
اول انته رادك
احتفل واحضر الليله
وافرح بأعيادك
بغيض خلي اتموت كلها
يالحسن حسادك
واليحسدون
يموتون
ولا منهم بقيه
بس الاحباب
عالعتاب
يحضرولك سويه
احضرنه للراضيه المرضيه
ومنها نطلب احنه ليليه
نظره منها انريد وزياده
نزله بحكمه آلهيه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
قصيده بحق ابي طالب (ع)
(٧) من شهر رمضان
يابو طالب عشت مابين القمم
الدنيه كلها ساريه وانته العلم
عشت قمه ومفخره
يكفي والد حيدره
الدنيه كلها ساريه وانته العلم
1
انگلب التاريخ لازم ونقره احنه انطالعه
بين تاريخ المزور والحقيقه الساطعه
اقرينه تاريخك مشرف والله شخصك رافعه
كرمك وانطاك ربك ولد قمه اربعه
طالب وجعفر عقيل وسائلي
يسأل اعله الرابع انگله علي
الدين انته ومصدره
يكفي والد حيدره
الدنيه كلها ساريه وانته العلم
2
نقره بحروف العقيده ونترك اوهام الظلاله
شلونك تاريخك مزيف يكتب ابلايه عداله
وانته عمرك فنه وخلص من اجل وحي الرساله
صعب عنك گدر يحجب كل نضالك والبساله
تبقه ثار وشوكه تعمي الناصبي
الله رادك انته تتكفل نبي
مو مهم المادره
يكفي والد حيدره
الدنيه كلها ساريه وانته العلم
3
اتكفلت انته النبوه ودافعت عنها بحياتك
بزمن چان السيف يحكم ماخفت سطوة ولاتك
دست عالتاريخ قائد وخلدت ذاتك بذاتك
وعشت بين الناس آيه ناصعه وبيضه عباتك
حاولت تسحگ بقايا الانكسار
وتنظر بعين النبوه الازدهار
وتركت چم مأثره
يكفي والد حيدره
الدنيه كلها ساريه وانته العلم
4
شلت ثقل الدين كله تنتظر لحظة رحيلك
واجت هاي اللحظه هسه ابين نار وسهر ليلك
لحظة اموادع حبايب ودعت بيها خليلك
حيدر ابنك والنبوه البيها ضحيت الكفيلك
ودعت دنيه وعشت معنى القيم
ورسمت دمعه على اشفاف الألم
العمر كله ناذره
يكفي والد حيدره
الدنيه كلها ساريه وانته العلم
5
الليله ترحل يابو طالب ترحل ومرفوع راسك
بين صبرك والتسامح وموتك ورقة احساسك
اتموت ثابت عالعقيده بدينك ومبدأ اساسك
عشت ناصر للعداله ومتت بين احضان ناسك
قدمت عمرك لجل دينك ثمن
وأسست وي النبي النه وطن
والمحمد ناصره
يكفي والد حيدره
الدنيه كلها ساريه وانته العلم
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
كعديه ابو طالب (ع)
وفاته ٧ من شهر رمضان المبارك
كل عام كل عام
نعقد احنه كل عام
لبو طالب ابدمعتنه
مجلس بسم خوتنه
نعقد احنه كل عام
١
لبو طالب احنه نعقد مجلس بحب وهدايه
بسبعه من رمضان نحضر من اجل تحقيق غايه
أنريد نبصم لبو طالب بالمدامع عالولايه
انجدد عهدنه بالوفه
المن العم المصطفى
التاريخ لا ما أنصفه
وهو للأسلام رايه
كل عام كل عام
انعاهد نبقه خدام
دوم بهاي لمتنه
العم النبي بدمعتنه
نعقد احنه كل عام
٢
ابو طالب جنه كبرى واحنه نغرف منها كلنا
بالحشر لو صرنه أحنه هوه بالجنه املنا
الدعوه تشمل هاي باجر للسمعنه وكل اهلنا
لمن نخدم احنه بشرف
بالكرم معروف انوصف
والخادم اليخدم هتف
بحبه للقمه وصلنا
كل عام كل عام
نخدم نحسب ايام
ماتوگف مسيرتنه
العم النبي بدمعتنه
نعقد احنه كل عام
٣
نفتخر نخدم بهمه وشرف كل هاي الخدامه
عنه كون شويه نرفع بالإعلام احنه الظلامه
ابو طالب نور جان وللسلم غار وحمامه
والد علي الحر الآبي
جان وشرف هالطالبي
يكفيه اشرف كافل نبي
وهاي تكفيه هالعلامه
كل عام كل عام
بينه النفس مادام
ماتبرد عزيمتنه
العم النبي بدمعتنه
نعقد احنه كل عام
٤
الليله يرحل ابو طالب والرسول شلون وضعه
عام للأحزان عاشه المصطفى وعالراح ينعه
خيم اعله البيت وحشه
والقريش انطفت شمعه
سيد قريش وموتته
للنبي كلش أذته
من حزن كلها شافته
ونزلت من عيونه دمعه
كل عام كل عام
عالحافظ عالاسلام
منقصر بوكفتنه
العم النبي بدمعتنه
نعقد احنه كل عام
٥
الوالد اعله عياله خيمه لو رحل اكبر مصيبه
ابلاي أب الأبن وحشه الدنيه ميحسها غريبه
وحيدر الليله يودع والده ويكثر نحيبه
حيدر يودع بالدمع
قران للدين وشرع
ذايب علي مثل الشمع
من أجه ايودع حبيبه
كل عام كل عام
الوالد ابو الايتام
انقيم المجلس بوكته
العم النبي بدمعتنه
نعقد احنه كل عام
المصيبه
يرحل الليله ابو طالب والحزن أثر علينه
احنه خدام ابو طالب احنه وبجاله علينه
نرفع الليله عزانه للنبي وحيدر علينه
هالليله حزنانه السمه
الوالد علي ومتألمه
مو بالدمع نجي بدمه
ابو طالب عاش بينه جرح والليله نودعه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
مربع ولادة رقيه
١٧ شهر شعبان
هالليله الرقيه للحفل جينه
١
بالميلاد اجينه برقه وبأحساس
والخاطر رقيه انادي ياهل ناس
خاف انصيح احنه ويزعل العباس
على اطراف الاصابع من تعنينه
هالليله الرقيه للحفل جينه
٢
على اطراف الاصابع نمشي نتهده
خاف انصيح احنه وتزعل الورده
بالميلاد كل باب العتب سده
نفرح للحبيبه كلنه خلينه
هالليله الرقيه للحفل جينه
٣
اجيناها بحفلها والفرح يزداد
هالليله ورقيه شمعت الميلاد
من عين العواذل احنه والحساد
بخور انطش نخاف الحسد ياذينه
هالليله الرقيه للحفل جينه
٤
اجينه للحفل وبهاي لمتنه
خادم حضن خادم ياسعادتنه
بالميلاد صحنه وهيه سمعتنه
اجيناها سوه والشوگ يحدينه
هالليله الرقيه للحفل جينه
٥
بيوم اصبوطعش شعبان عنايه
للمحفل نجي رايه بأثر رايه
تدرينه رقيه خدم وفايه
من ابعيد نحضر تنظر اعلينه
هالليله الرقيه للحفل جينه
٦
ننطيها عهد نحضر نجي كل عام
بميلاد الحبيبه وشايلين اعلام
نسمع صوت يهتف هله بهل خدام
خدم ألها خدم بالذر تسمينه
هالليله الرقيه للحفل جينه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
هوسات للعباس (ع)
١
للعباس اهوس هوسه قدسيه
امن المحفل ادزها للكلابيه
حيل اليوم اهوس بيه مابيه
(بوسات ومليانه الهوسه)
٢
بسم أم البنين الهوسه نرفعها
بس عباس هاي الليله يسمعها
يوديها العلي يقره ويوقعها
(حيدر يختمها هالليله)
٣
للعباس اهوس هوسه مملوحه
واسويله الگلب بالحفل مرجوحه
منو مثلي حبيبه شايله بروحه
(شايل عباس بنص روحي)
٤
نزل عباس واحتارو جميع الناس
شي گالت علي وامحزم بنوماس
لأن سد الهوه لمن برز عباس
(والجيش احتارو بفعاله)
٥
هذا البزغر وامگطع اگماطه
من حيدر يضل كل زوده وازماطه
للحومه نزل والهوسه رباطه
(زينب وام زينب رباطه)
٦
عالشاطي جثث خلاها تتطشر
وبخزرت اعيونه احتارو العسكر
برز مابرز كله اشويه من حيدر
(والعسكر ما مالي اعيونه)
٧
شال الماي بيده ورفض مايشرب
ذب الماي من أيده زعل وأغضب
من الخيمه حس تنظر عليه زينب
(ما أشرب يا نفسي وهوني)
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري