1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ولادة علي الاكبر (ع)
انولد هاليوم شبيه النبي الهادي
علي الاكبر ارفعوها الايادي
انولد هاليوم
انولد هاليوم
انولد هاليوم شبيه النبي الهادي
1
انولد چنه لؤلؤه والنور ازهر
والگمر يمه نزل شافه وتعطر
بالجمال وبالعذوبه نهر كوثر
العلي الاكبر يشبها بس علي الاكبر
نهر مليان جمال ورقه وحساس
من تشوفه عبالك عمه عباس
انولد هاليوم
انولد هاليوم
انولد هاليوم شبيه النبي الهادي
2
نهر اصفه من العسل رقت جماله
من بزغ نوره بأمر رب الجلاله
ارد اوصل يا بشر هاي الرساله
من محمد علي الاكبر كل خصاله
يحچي والصوت محمد من تسمعه
الله منطيه على الشبان رفعه
انولد هاليوم
انولد هاليوم
انولد هاليوم شبيه النبي الهادي
3
كرمه الباري ونطا لحسين آيه
وبجبينه يضوي مصباح الهدايه
لأن هيبه من الزغر بالأمر غايه
اگماط ميكفي علي ايگمطوه برايه
امن الزغر چان شديد العزه والباس
علي الاكبر ابد مايشبه الناس
انولد هاليوم
انولد هاليوم
انولد هاليوم شبيه النبي الهادي
4
احتفلت الاملاك وبعالي سماها
الزينه والافراح غطاها وكساها
تهتف الاملاك ويردد وراها
صوت من السمه اليوم انولد طه
ردد الصوت محمد يترس العين
علي الاكبر هديه انطا للحسين
انولد هاليوم
انولد هاليوم
انولد هاليوم شبيه النبي الهادي
5
اختم الليله فرحتي وبدعائي
لأهل كل بيت النبي دايم ولائي
شما يمر بيه الزمن يبقه انتمائي
حيدري وفاطمي وكربلائي
ابصم اليوم الك يحسين عهدي
وعلى التوقيع يظل شاهد المهدي
انولد هاليوم
انولد هاليوم
انولد هاليوم شبيه النبي الهادي
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
مولوديه للعباس
هالليله عرش الباري ناده
امبارك علي بهاي الولاده
ياعباس ياعباس
١
محتفله املاك السمه بحسنه وجماله
هالليله شع نوره وبزغ راعي الكفاله
كلمن يعاين بالمهد صورة كماله
عباس ماخذ من ابوه جوهر خصاله
علمه وحلمه وقمه
ياعباس ياعباس
لولادك وليك السياده
امبارك علي بهاي الولاده
ياعباس ياعباس
٢
هالليله قاموس العشگ ذاب وتحسر
من شاهد انوار الجلاله بخده كبر
من حقه قاموس العشگ شافه وتحير
هاتف سمع بعله السمه ويهني حيدر
ورده بخده وعنده
ياعباس ياعباس
والينظر الوجهه عباده
امبارك علي بهاي الولاده
ياعباس ياعباس
٣
ربك جعل في مولده نور الهدايه
باب الحوايج جاعله وكنز العطايه
بالمشرقين ايهل گمر واعله البرايه
قرآن وجهه وخلي نقره آيه آيه
نقره بعطره ونظره
ياعباس ياعباس
من مولده وصاحب اراده
امبارك علي بهاي الولاده
ياعباس ياعباس
٤
كل الملائك بالمهد كعبه وتطوفه
عباس ابو الغيره وأجت زينب تشوفه
يم المهد گعدت وأبد لا ماتعوفه
اتعاين الكافلها وعلي ايقبل چفوفه
اتنظره بحسره وعبره
ياعباس ياعباس
وانادي هالليله يساده
امبارك علي بهاي الولاده
ياعباس ياعباس
٥
اختم كلامي وفرحتي وقصة غرامي
بيوم الولاده بالفرح زايد هيامي
بالمولد وشحچي بعد آخر كلامي
للمهدي من هذا الحفل ابعث سلامي
لجله ولهله انگله
ياعباس ياعباس
عاده الفحل كل سنه عاده
امبارك علي بهاي الولاده
ياعباس ياعباس
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
مولوديه شجاعة العباس
يبو فاضل يبو فاضل
١
يخزر بعين
والحسين
كظم أنفاسه
شافه من صال
عالرجال
يهز براسه
بريشت الراس
على الطاس
كتب عباسه
كتب فوك الرايه
الماي هوه الغايه
فوك المسنايه
ارويحتي وفايه
يبو فاضل يبو فاضل
٢
سدد ولاح
اذا صاح
يهز العسكر
طبعه عباس
اذا داس
يظل يتبختر
يسحك الكاع
والاطباع
ورث من حيدر
من نزل ياقوته
والي يسمع صوته
يرعد امن يفوته
يصير حتما موته
يبو فاضل يبو فاضل
٣
استاده الحسين
نياشين
تشوف بصدره
طلع مهيوب
بالگلوب
دخل عالفطره
هذا عباس
بالاحساس
يحب الزهره
بالگلب خلاها
ارويحته وضحاها
والنفس مراساها
الخوته ومجراها
يبو فاضل يبو فاضل
٤
ريشة الراس
يعباس
تلوگ براسك
عطر الحسين
صبح وين
عطر انفاسك
من اجه بزود
بالزنود
اجاك وباسك
عالنهر وكفاتك
تشهد اوصولاتك
بالسمه نجماتك
عانقت ريشاتك
يبو فاضل يبو فاضل
٥
خانگ الجيش
يرد بيش
اذا يتلاشه
وينه اليحوس
عالروس
يدگ مهباشه
سيد الماي
على الماي
يظل الباشه
باشه واتعناهم
سيفه يحجي وياهم
مو بشر خلاهم
والسقر وداهم
يبو فاضل يبو فاضل
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة الامام الحسين (ع)
--------
نور أنولد يزهي وكحل العين
من رب العرش هل نور الحسين
يل تفرح ومسرور
لا تسأل عن النور
من رب العرش هل نور الحسين
---------
من رب العرش صورة كماله
وتتعـب لو ردت تجمع خصاله
حسين الحارب بدمه الضلاله
عنوان وكتب مجده ابساله
عمره الدينه منذور
لا تسأل عن النور
من رب العرش هل نور الحسين
---------
من رب العرش ماخذ سماته
وما تنعد لون تحسب صفاته
ربك فضله بنكران ذاته
خصه وشرفه بسيرة حياته
لمن صار دستور
لا تسأل عن النور
من رب العرش هل نور الحسين
--------
نهتف صوت حققنا الأراده
من نور الحسين بهل الولاده
كون اليطلب ايحقق مـطراده
كلمن حضر وينول السعاده
يل محضرت معذور
لا تسأل عن النور
من رب العرش هل نور الحسين
-----------
بالفرحه يهل نور الولايه
من نور الجليل بأسمى غايه
لمن وهب وهاب العطايه
بنور حسين ويهل عالبرايه
باقي والك مذخور
لا تسأل عن النور
من رب العرش هل نور الحسين
---------
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة السبط الحسين (ع)
بولادة نور ابو العتره البهيه
نهني فاطمه وحامي الحميه
١
الولاده اتلاثه وبشعبان آيه
سطع نوره وتجله اعله البرايه
تره الباري يجازي عالنوايه
الاصابع أبد مو كلها سويه
٢
اليحب حسين يحضر للولاده
بگلب صافي ويحس كون بسعاده
اليجي للحفل يعني حسين راده
يحصل بمولده الليله هديه
٣
نزل جبريل حامل بيده بشره
تبسم للنبي وحتى يخبره
أبد ماتنوصف فرحة الزهره
اجاها حسين واشرق عالوطيه
٤
حضر جبريل بالكاروك عنده
ينادي وظل يعاين يشع خده
من مثلي ويهز بأيده مهده
تباها عالخلگ هاي المسيه
٥
خل يسمعها مني الچان نايم
مو ياهو اليجي وبحسين هايم
جبريل بعظمته چان خادم
لبن طه النبي وأبن الزچيه
٦
الليله بمولده اقراله ياسين
للمولود واعرف قيمتة زين
جنح فطرس تشافه بمولد حسين
رجع جنحه وحمد رب البريه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ابوذيتين بحق الامام الكاظم (ع)
١
الماحضرو اگلهم فات حلكم
تعالو وگلبي الكم فاتحلكم
يهل موسى ابن جعفر فاتحلكم
الليله والعزه بالكاظميه
٢
ابوذيتين بحق الامام الكاظم (ع)
١
الماحضرو اگلهم فات حلكم
تعالو وگلبي الكم فاتحلكم
يهل موسى ابن جعفر فاتحلكم
الليله والعزه بالكاظميه
٢
تعالو وموسى گلبه فاتحلنه
واذا مانحضر احنه فاتحلنه
باب الحضره دومه فاتحلنه
بخيت وخيره كله من الزجيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
نزله للكاظم ( ع )
حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم
1
حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2
نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم
3
وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4
ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5
تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
نزله للامام الكاظم (ع)
گبتك يابو الصبر
كعبه صارت مو گبر
انطوف بيها
انطوف بيها
١
احنه ماشفنه وقرينه مثلك شلون
الدنيه كلها اتهابه كلها وهوه مسجون
عالمنايه امعلم انته وهمه يدرون
اشگد فرق بينك يموسى وبين هارون
من نشاهد گبتك
لو دخلنه بحضرتك
انطوف بيها
انطوف بيها
٢
گبتك كعبه وتطوف الناس بيها
الله خله الگبه والوادم تجيها
يلي تسأل على الگبه وشنهي بيها
راية العباس واترفرف عليها
سجنك اتحول وطن
وگبتك جنة عدن
انطوف بيها
انطوف بيها
٣
سجنك اتحول ملاذ وتعتني الناس
بي ملائكة العرش متوكله حراس
افرض وگلنه سجين شلون تنقاس
احنه ماشفنه سجين ايوزع احساس
جنه وامصورينها
گبه ومخلينها
انطوف بيها
انطوف بيها
٤
رغم مامسجون عينك عالبرايه
من تمد چفك بسجنك بيها غايه
عالبعد وايفيض خيرك بالعطايه
انته آيه وابن آيه وأبو آيه
گبتك منعوفها
كعبه من انشوفها
انطوف بيها
انطوف بيها
٥
انطوف احنه بصحنك وناخذ تحيه
ومن يسألونه نجاوب جعفريه
انحلفك احنه بزينب الراحت سبيه
امراد جينه ناخذ بهاي المسيه
نعتني وفايه
بگبتك والرايه
انطوف بيها
انطوف بيها
٦
هذا عهد الخدم والقائم يسمعه
مانعوفك عهد والدربك نتبعه
ياحليف السجده احنه وليك ننعه
نبچي كلنه اعليك دمعه بأثر دمعه
الگبتك مشايه
نعتني بالرايه
انطوف بيها
انطوف بيها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
قصيده الامام الكاظم (ع)
الليله للكاظم نجي نگصد وعنايه
لبو طلبه بالدمع نحضر ومشايه
جينه لرض الكاظميه بعزم واصرار
١
يبو طلبه من نزورك
بالدموع انطوفك
مانشوفك صحن انته جنه احنه انشوفك
اتفيض عالوادم بخيرك من تمد اجفوفك
أبد ماننساك احنه وبينه ظل معروفك
جينه بدموع الصبر بالمدامع جينه
حتى نشتمك عطر الكبرك اتعنينه
ازيارتك ماندري شنهي وبيها اسرار
٢
انته عنوان الهدايه وانته سور العالي
وانته اول عشگ عدنه وانته عدنه التالي
لو اجينه وصرنه يمك بالتعب منبالي
من بعيد انشوف صحنك والاعلام اتلالي
نگعد بسور الصحن عينك انته اعلينه
لو عطشنه سيدي
بچفك وتروينه
من سجن صبرك يموسى تروي الاخبار
٣
من وصلنه وصرنه يمك والمدامع غايه
جينه يم گبرك ننادي رايه تتبع رايه
احنه خدامك يموسى وعالعهد وفايه
والحوايج بيها جينه بسمك امسمايه
جينه بحزان بدمع وانته تعرف بينه
مانعوفك للابد موسى ياوالينه
مثل صبرك بالليالي أبد ماصار
٤
جينه ملهوفين جينه والوعد رباني
انته بابك للحوايج مامثيلك ثاني
اليگصد البابك يموسى يانهج قرآني
يلگه املاك بحضرتك خاشعه بقرآني
الك يا اغله البشر ناذرين ارواحنه
انردد بأسمك نظل كل مسه ومصباحنه
ماتسد بابك يموسى يبن الاخيار
٥
جينه نشتم بضريحك والعطور البيها
انته اولها يموسى وبالحشر تاليها
نطلب الحاجات جينه ويمك امخليها
تعرف شبينه يموسى وانته تعرف بيها
جينه والحاجه الك نحضر وجبناها
من دخلنه للصحن
الرايه عليناها
من ندير اعليك احنه الرايه تندار
٦
الك وقعنه بدمانه نبقه احنه انصارك
ونبقه خدامك يموسى من تبعنه آثارك
انريد من عندك الليله من دخلنه الدارك
نحلفك بدمعت الزهره احسبنه من زوارك
ندخل بهمه وعزم
للصحن هالليله
ياهو غيرك بالدمع
ندخل ونشكيله
بدفترك سجلنه كلنه الليله زوار
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
موشح بحق السيدة زينب عليها السلام
زينب انطت منحر بوادي الطفوف
وقدمت رايه على الشاطي وچفوف
١
زينب المهضومه عاشت بس جرح
تمشي مابين العده بذاك الصبح
شلون حال الي اخوها منذبح
تگوم تركض حافيه ابين السيوف
٢
اتعاين المذبوحها وتدمع العين
اتصيح جاوبني حبيبي ياحسين
وين انه والمصايب ذني وين
وگامت اعله جسد بالمدمع تطوف
٣
يالتحب زينب شنو اتصب دمع
هسه كونك باللطم تكسر ضلع
شلون زينب ترضه توگع تندفع
وتطر ميدان الزلم بين الصفوف
٤
زينب العاشت أميره أم الخدر
للشريعه اشجابها بذاك الظهر
تنظر العباس بدموع الصبر
اتگله انظر كون الك عين وتشوف
٥
شافت العباس وتدگ عالضلوع
وگام تنحب تبچي وتهل الدموع
الفاگده الخوان من حقها تلوع
وتمشي واتدوس الجمر بين الألوف
٦
كربله العاشت جرح بين السماء
شلون تشرب من دماء الشهداء
المعركه لو عدها ذره من الحياء
چان ماترضه يذبحون الضيوف
٧
وهسه زينب سلمت لامر القدر
تنحب وتبچي على اچفوف ونحر
تبقه رغم ايامها الكلها خطر
شامخه وهيبه رغم كل الانوف
٧
وهالسنه تختلف عن كل السنين
زينب بلايه خدم أخت الحسين
الصحن فارغ بين لوعات وآنين
وبين دمعات وندم شمس الكسوف
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح زينبي
يابو فاضل تدري زينب وينها
بالغرب ماتت وممشيعينها
١
زينب اتموت بحزنها والونين
وهيه بت حيدر أمير المؤمنين
اتگله كد كيدك واسعه يالعين
وياهو گال بكربله امضيعينها
٢
هيه لو وياها ظل راعي العلم
ياهو يگدر يگرب الصوب الخيم
ما گدر يوصلها وبعينه السهم
والمسافه اهواي بينه وبينها
٣
زينب العاشت قهر ماتت دمع
بالحوافر ألها هشمو چم ضلع
ذابت بليل الحزن مثل الشمع
من بعد عباسها املوعينها
٤
ليش بالشام الگبر لو هسه وين
نسأل العباس وبدمعت العين
كون هسه الگبر بين الحرمين
بين عباس الگبر وحسينها
٥
تدري ياعباس هاي أم الخدر
من بعد عينك مشت وي الشمر
ماتت وعنك صفه بعيد الگبر
ابعيد عنك زينب امخلينها
٦
كعبه صار الگبر والوادم تطوف
رغم گام اتزورها وتگصد ألوف
لچن يبقه اونينها بس عالچفوف
عالچفوف وبس عليك اونينها
٧
عالمشت مسبيه وبلايه أهل
ننحب ونلطم ابلحظات الأجل
خدم احنه وهيه للخادم أمل
باللطم من نلطم انگر عينها
٨
بجود عباس احنه وبذاك السهم
زينب انحلفها وبراعي العلم
للمجالس ردنه أحنه وللخدم
صك شفاعه اتوقعه بچفينها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ولادة الأمام علي بن أبي طالب (ع)
انشق جدار الكعبه دخلت فاطمه
طلعت وبيديها حماي الحمه
انشق جدار الكعبه والصوت اعتله
الليله بالكعبه انولد عقـد الوله
انولد والقرآن چان أيرتله
ومن فتح عينه انفتح باب السمه
انشق جدار الكعبه والنور انبثق
لأن ياالله أول ما نطق
حيدر التوحيد والحق والفلق
والجواز البيده لازم يختمه
انشق جدار الكعبه والكون ابتشر
لان حيدر نوره بالكعبه ظهر
سيد أعله الانس والجن والبشر
لان طه الزقه علمه وعلمه
انشق جدار الكعبه والكعبه تريد
ينولد بيها وترددله نشيد
تدري ليش الكعبه صاير عدها عيد
لان بالكرار چانت هايمه
انشق جدار الكعبه والنور اكتمل
انولد للمختار صهره والأمل
حيدر الكرار حي اعله العمل
والبدايه لكل أمر والخاتمه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ولادة الامام المهدي الحجه (عج)
ماي العين ابو صالح ماي العين
ماي العين ابو صالح ماي العين
١
صوتي ردد بسمك
بيه عايش رسمك
الليله ميلادك واشوفك ياحلم روحي طريق
تبقه عايش بيه
مصدر الحنيه
انته منطيني محطه بدربي محتاجك صديق
حسيتك من جيتك ولگيتك ضوه
ياشوگي ومعشوگي شميتك هوه
ياروحي ولجروحي مر بيهن دوه
الرباط
مر بيه اتوسل بيك يامهدينه
٢
ياعطر شميتك
بالحفل ناديتك
جيت محتاجك حبيبي وانثر اورودي عليك
ياحلم عافيتي
تدري شنهي أمنيتي
بس اشوفك ياهوايه وارضه اموت ابين اديك
ناديتك باعماقي واشواقي العمر
ولگيتك أيامي واحلامي التمر
ميلادك حسيته وحبيته اشكثر
الرباط
يالمهدي وبالميلاد روحي اهديها
٣
يا فرح ميلادك
احضر بأعيادك
وارسم احلامي مسافه بلكي اتقرب ألك
بالوجوه امتاني
بموقفي وأيماني
اشگد فرق يالمهدي تدري عبد ويتاني ملك
ومتاني بحساسي وبناسي شفت
ياصوره بالمحفل اسأل والتفت
انتظرك ماأعبر بس اشعر متت
الرباط
مد أيدك يامولاي يابو الغيره
٤
سولفت عالفطره
شخصك وانتظره
گالو بشعبان تحضر واني انتظرك تمر
انتظار الفرگه
يابو صالح شهگه
من اشوفك ياحبيبي حتى انطيك العمر
انتظرك والملگه مو شهگه ودمع
عالگلك احلامي گدامي شمع
بالمحفل واتمنه صوتي ينسمع
الرباط
صوت العاشگ مفضوح من دگاته
٥
هذا حال العاشگ
لو حضر وامفارگ
يحضر بلهفه الحبيبه شايل وحامل گلب
واني جيتك هايم
الك جيت وخادم
حتى اقرالك حبيبي بعيدك واطوي الدرب
اتعنيتك وانتظرك شايلك عشگ
وگليبي بالمحفل يالمهدي يدگ
نبضاته وآهاته من ايدگ صدگ
الرباط
گلبي ايدگ بسمك دوم يامولانه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
علي الاكبر (١١) شعبان
يالاكبر يالاكبر شع نورك علينه
يالاكبر يالاكبر وامضوي المدينه
١
يظل نورك آيه
ومصباح الهدايه
ياكنز العطايه
مدينه أدينه
٢
يالأكبر خصالك
هاليله وكمالك
يارقة جمالك
من طه نبينه
٣
يهل نورك ازهر
هالليله يالأكبر
ياجنه يكوثر
ساكن انته بينه
٤
علينه تشعشع
نورك زاهي يسطع
يالاكبر يمنبع
يالروحك حنينه
٥
علينه تجله
نورك كله كله
يالاكبر تعله
واحدنه بولينه
٦
يالتشبه محمد
گلب اليهوه ردد
هالليله احنه نصعد
وياك السفينه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ولادة القمر الزاهر العباس (ع)
عباس يعيوني
بحبك يلوموني
يابه الفضل يابه الفضل
١
بمولدك خادم واحضر
لان للجنه انته معبر
الماحضر هالليله يخسر
والحضر يشفعله حيدر
كل واحد اتعنه
يظمنها للجنه
يابه الفضل يابه الفضل
٢
بزغري احضرلك مجالس
وكل مجالسنه مدارس
بحبك وبالخدمه انافس
بخدمتك سموني عابس
مجنونك وتدري
ناذر الك عمري
يابه الفضل يابه الفضل
٣
اغله شي انته بحياتي
يالعشت واسكنت ذاتي
انته قرآني وصلاتي
ابقه احبك والمماتي
حلفتك بحيدر
تشفعلي بالمحشر
يابه الفضل يابه الفضل
٤
بمولدك هاي المسيه
احضر اواجب عليه
الليله رايدلي هديه
بسكنه احلفك وبرقيه
وبداعت الزهره
منك ردت نظره
يابه الفضل يابه الفضل
٥
زينب اتعاين لبوها
وشمته العباس اخوها
تبچي زينب يسمعوها
شابگه أچفوفه لگوها
شبگته ومتعوفه
وتقبل أچفوفه
يابه الفضل يابه الفضل
٦
وبحضن زينب تربه
ومن حضنها ماتذبه
يسري وي دمها وتحبه
واله صارت هيه كعبه
ويطوف كعبتها
ويعرف بقيمتها
يابه الفضل يابه الفضل
لاتنسون والدي ووالدتي وأبني من الرحمه والغفران
خادمكم رياض الرسل الجابري
قصيده مولوديه للامام الحسين (ع) وممكن تقرأ على شكل (مربع)
اجه شعبان هل وهلت البشره
١
شع نور الحسين اتلاثه من شعبان
من نور الجلاله وهل على الاكوان
سبحان الآله الصوره سبحان
اتمعن بي اهوايه صاحب القدره
اجه شعبان هل وهلت البشره
٢
من عطر الجنان العطر رباني
عطر بضعت الزهره الما اله ثاني
خلي انهني احنه العالم بأسره
وانهني علي هالليله والزهره
اجه شعبان هل وهلت البشره
٣
عطر ثالث امام اعله البشر انفاس
عطر بي رقه كلش عاليه واحساس
من تشتمه چنه ريحة العباس
مدري اشبيك هيج اتذوب عالفطره
اجه شعبان هل وهلت البشره
٤
الله اختار النه الثالث بشعبان
للغيره مثال وللشرف عنوان
حسين وصار سيد عالانس والجان
كلها اتطيعه كلها وتلتزم بأمره
اجه شعبان هل وهلت البشره
٥
بشعبان الولاده نحتفل بيها
ورايات الفرح بسمه نعليها
حسين الجنه هوه وكل معانيها
وللخدام هاي الجنه تاليها
اجه شعبان هل وهلت البشره
٦
اختملك الليله بهل خبر اسمع
بسم حسين ادعي بعينك التدمع
تاخذ حاجتك بالحفل من تطلع
هنيالك وحضك صاير اشكبره
اجه شعبان هل وهلت البشره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة الامام الحسين (ع)
هالليله
من گلبي اقرالك امامي
هالليله
يحسين أحس بگلبي ضامي
1
فرحانه هالليله السمه
والحور كلها هايمه
انولد مهجت فاطمه
والدنيه مبتهجه
نرفع ادينه بالدعه
والحزن كله انودعه
لحسين كل واحد سعه
وانبارك الحجه
فرحتنه
بمهجتنه
والفرحه چبيره
لحسيني
والديني
كل روحي اسيره
ابعثلك
كل شوگي يالغالي وسلامي
هالليله
من گلبي اقرالك امامي
2
مولدك فرحه بكل نفس
يحسين يادنيه وشمس
وامعيده الجن والانس
ياثالث العتره
من العرش نورك يهل
والنور بينه متصل
يحسين بسمك نحتفل
وانادي يالزهره
نادينه
سجلينه
يالزهره الوفيه
تنطينه
بيدينه
نحسبها عطيه
عن شوگي
بالمولد ويعجز كلامي
هالليله
من گلبي اقرالك امامي
3
منك عطيه يالوفي
رايد وأبد ما اكتفي
نار البگلبي تنطفي
لو ازورك بدارك
كل روحي ناذرها الك
يحسين والعافك هلك
اني العبد وانته الملك
اشملني بنوارك
بنوارك
واسوارك
مجنونك واطوفك
بحلامي
لن ضامي
خليني اشوفك
رسيني
ياشاطي حبي وياغرامي
هالليله
من گلبي اقرالك امامي
4
بيدك حوايجنه تظل
ياسيدي وانته الامل
كل حاجه ياخير العمل
هالليله تگضيها
هالليله ليله من العمر
والكون كله ينتظر
ميلادك بثالث فجر
والدنيه تحييها
احبابك
بعتابك
كل احنه اجينه
للجنه
نتعنه
ونادي ولينه
نتمنه
بالمحفل اتسجل الاسامي
هالليله
من گلبي اقرالك الامامي
5
اختم كلامي بمولدك
هنياله كلمن عاهدك
يحسين الله امسددك
يالكلشي منطينه
ياثالث انوار الحجج
ياسيدي واغله المهج
ندعي يعجلنه الفرج
وانادي مهدينه
مهدينه
وتدرينه
بس انته املنه
بنظراتك
تشملنه
كل احنه واهلنه
اختملك
واهديلك الفرحه وهيامي
هالليله
من گلبي اقرالك امامي
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
كعديه جديدة للامام الكاظم
من عنوان وقوة صبرك
يالكاظم مهيوب
من صبرك تاليته
سجانك ذليته
يالكاظم مهيوب
١
بين افواه الموائد بين حكام الرذيلة
وبين خوف وبين وادم اخذت الكرسي وسيله
للرذيله الجان يسعا الها سلطان القبيله
واتفاقم اهواي الوضع
واللا رشيد المندفع
ماخاف باجر ينردع
ومايعرف الدنيه قليله
والكاظم صابر ويعاين والصابر جم دوب
متأمل تانيته
سجانك ذليته
يالكاظم مهيوب
٢
سلطة الحاكم قويه هذا والمعروف واقع
وكل بني العباس سلطه طامع ايسلم الطامع
نهج شاذ ونهج نزوه وعطلو دور المراجع
والامه مبتليه ابشر
عالدنيه والوادم خطر
ماتدري وين المستقر
اتدور اعله الدين ضايع
والكاظم خلص كل عمره مسجون ومتعوب
لا لا ماواليته
سجانك ذليته
يالكاظم مهيوب
٣
امتدت الهجمه بخباثه امن السقيفه والله عالم
شلون خلصوها علينه ظالم ايسلم الظالم
من كسر ضلع الزجيه لحد طامورة الكاظم
والكاظم ايعاني الألم
والگيد ماخلاله دم
بالشيعه ما واحد سلم
من بطش سلطة الحاكم
من شدت گيدك يالكاظم مزگ حتى الثوب
متهستر خليته
سجانك ذليته
يالكاظم مهيوب
٤
فكر شويه بتأني وشاهد احداث السياسه
على زينب هسه هجمه
وتعتبر هاي انتكاسه
هذا داعش هذا نهجه وللأسف هذا اساسه
زمرة اميه المجرمه
سدو صحن بت فاطمه
السوته الگوم الظالمه
من اجل كرسي الرئاسه
والكاظم من يسمع زينب والأحداث ايلوب
وبصبرك بچيته
سجانك ذليته
يالكاظم مهيوب
٥
الظلم مهما دام ربك ينظر والهم يناظر
وين هارون وجنوده رغم حاكم جان جائر
شوف موسى وشوف صحنه وأنظر اشعلو المناير
رغمآ على خشم الزمن
اربع مناير بالصحن
بعلو السمه هنه علن
موسى عاش وبينه حاضر
يوسف من صبر ياموسى من رد اليعگوب
ادبته وربيته
سجانك ذليته
يالكاظم مهيوب
المصيبه
الليله اصعب ليله عدنه فگد موسى اعله البريه
بسجن خلص كل حياته وعالجسر جثته رميه
الليله نرفعها التعازي الفاطمه وحامي الحميه
الليله الجنازه اعله الجسر
والشامت اعليها يمر
عاش بصبر مات بصبر
والحشود الليله كلها تلتقي بالكاظميه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نزله للكاظم ( ع )
حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم
1
حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2
نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم
3
وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4
ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5
تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ميمر بحق الامام للكاظم (ع)
باب الشرف اعظم شرف
گلبي اغتنم منها وغرف
من عندي حاجه اتعناك يالكاظم وتگضيها
1
بابك يبو الحاجات متخليني
واگف وحاير بالعجل تنطيني
تترسلي مو بس ايدي تترس عيني
ولهذا شوگي البابك ايوديني
لا مو وهم باب الكرم
ماخاب من دگها وسلم
بابك اشتحمل آثار بس الله يعلم بيها
2
هالباب باب المكرمه والعفه
للبيه علل من عدها ياخذ وصفه
بس يمسح اباب الكريم ويشفه
يرجع البيته مطمئن ويغفه
الكلمن وصل يشفي العلل
مضروب بالكاظم مثل
اعظم طبيب ابغداد كل العلل يشفيها
3
امجربها اني وانته جرب زوره
امخلي العطايه غايته ودستوره
باب الحوائج موسى هذا ونوره
بغداد بسمه اتسمت ومعموره
اگصد اله بأي مسأله
مايرد حاشه سائله
اعقدها روح بأخلاص والنيتك صفيها
4
لمن تروح اتزوره صفي النيه
كل الحوائج عنه ما مخفيه
اقسملك اني بزينب المسبيه
من عنده ترجع حاجتك مگضيه
سور وحمه من الضمه
بس حلفه انته بفاطمه
تاخذ الحاجه ومسرور وبأيدك ايخليها
5
اگصد البابه وروح شم اترابه
واسجد بنيه خالصه اعله اعتابه
اتوجه بگلبك واحسب انته احسابه
وصب الدموع وصيح عندي اطلابه
يمه الامر بعد العسر
من عنده ترجع باليسر
تاخذ الحاجه ومسرور سهله والك ينطيها
6
مايرد طالب حاجه والگاصدله
بخالص النيه كلمن اليوصله
ياخذ الحاجه وحاشه لا ميفشله
راعي الكرم معروف هوه وأهله
كلمن وصل يلگه الامل
امجربين كل هذا العمل
بس مره وحده اطلب شوف والطلبه ميثنيها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
الامام الكاظم (ع)
احلفك يا امامي وسيدي ومولاي
بعمامة رسول الله ابو الفقره
احلفك ياغريب بغربتك مولاي
وبحيدر علي الكرار والطبره
احلفك بالحسن وبسمه يامولاي
يالكاظم احلفك اني وبصبره
احلفك بالضلع والزهره يامولاي
وتعرف زين انته القسم بالزهره
احلفك بالشهيد الطاح يامولاي
وخيول العساكر رضته الصدره
احلفك بالذبيح حسين يامولاي
الضحه بروحه ضحه وقدمه النحره
احلفك بالعقيله الحره يامولاي
الفگدت كل اهلها وراحت اميسره
احلفك بالچفوف الطاحن اعله الماي
الضلن عالشريعه بفاجعه وكبره
احلفك بالايمه التسعه يامولاي
وبالقائم المهدي وخاتم العتره
الكل بيت اليقيم العزه يامولاي
وخطيب وشاعر و رادود من يقره
لكل موكب يقدم خدمه يامولاي
واليبچي عليك ويسچب العبره
الكل مشاي متعني الك مولاي
من صوب الشمال الحد سمه البصره
كلها تريد منك نظره يامولاي
لا تبخل عليهم سيدي بنظره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
الشاعر السيد رياض الرسل الجابري
قصيده الكاظم (ع)
للكاظم المسموم
گلب المحب مالوم
١
للكاظم بهل يوم نسچب دمعه
واعله الغريب البل سجون وننعه
صوت المحب من يبچي صوته ايسمعه
والليله ليلة حزن صار امصابه
٢
ليل الغريب الصار ليل الغربه
وسط السجن الله يساعد گلبه
عاش بسجن مات بسجن والصعبه
ماواحد من احبابه مر ابابه
٣
يوم الغريب ارويحته المهضومه
عاش بظلام وقصته المالومه
للفقره باب وللبشر من يومه
واحبابه من توصل تقبل اعتابه
٤
صابر وصبره ماتعده احدوده
رغم الحزن والآه رغم اقيوده
باب الفرج عالكاظم المسدوده
ماكدرت اعلينه تطول اغيابه
٥
مر بسجون وحيل جانت ظلمه
ضل بجماله وما تغيب رسمه
باب الحوايج موسى اصبح اسمه
والدنيه رغم بسجن جان اتهابه
٦
من سجنه لمن مات بالسم طلعوه
اربع حماميل بسلاسل جابوه
فوك الجسر بالحزن والهم خلوه
واعليه تنوح اليوم كل احبابه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0
موشح بحق السيدة زينب عليها السلام
زينب انطت منحر بوادي الطفوف
وقدمت رايه على الشاطي وچفوف
١
زينب المهضومه عاشت بس جرح
تمشي مابين العده بذاك الصبح
شلون حال الي اخوها منذبح
تگوم تركض حافيه ابين السيوف
٢
اتعاين المذبوحها وتدمع العين
اتصيح جاوبني حبيبي ياحسين
وين انه والمصايب ذني وين
وگامت اعله جسد بالمدمع تطوف
٣
يالتحب زينب شنو اتصب دمع
هسه كونك باللطم تكسر ضلع
شلون زينب ترضه توگع تندفع
وتطر ميدان الزلم بين الصفوف
٤
زينب العاشت أميره أم الخدر
للشريعه اشجابها بذاك الظهر
تنظر العباس بدموع الصبر
اتگله انظر كون الك عين وتشوف
٥
شافت العباس وتدگ عالضلوع
وگام تنحب تبچي وتهل الدموع
الفاگده الخوان من حقها تلوع
وتمشي واتدوس الجمر بين الألوف
٦
كربله العاشت جرح بين السماء
شلون تشرب من دماء الشهداء
المعركه لو عدها ذره من الحياء
چان ماترضه يذبحون الضيوف
٧
وهسه زينب سلمت لامر القدر
تنحب وتبچي على اچفوف ونحر
تبقه رغم ايامها الكلها خطر
شامخه وهيبه رغم كل الانوف
٧
وهالسنه تختلف عن كل السنين
زينب بلايه خدم أخت الحسين
الصحن فارغ بين لوعات وآنين
وبين دمعات وندم شمس الكسوف
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
مقطوعه لولادة علي ( ع )
فاطم بت اسد محتاره وين تروح
وجبرائيل حاضر چان ناطرها
بعث نور الله بيها وخاطر تشوف
وماراد الاله يكسر بخاطرها
اكراماً الحيدر شق جدار البيت
خاطر تدخل وللبيت عبرها
دخلت فاطمه مهيوبه وسط البيت
وجهز ربك الها وكلشي حضرها
ثلث تيام خدام الها حور العين
هي التأمر ومحد اليأمرها
الباري اختارها وخافيها عن الناس
ثلث تيام ضمها بنصره ناصرها
انطاها جنين بكبر هذا الكون
وعليها خفف الآلآم صبرها
حيدر معجزه بأمر الاله وچان
يحدث أمه والغايه يسامرها
ياهو الگبل حيدر منولد بالبيت
وياهو المعجزه وللكعبه فاطرها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------