1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
بحق الامام الصادق (ع)
عـالصادق منـبـطـل أبـچـانــه
على الصادق بچانه اللـيـلـه وبحـسـره
لأن ماله ضـريــح ولا الـه حــضـــــره
الـلـه أيساعـــد أمـه فاطـمـه الــزهــره
بــالمجـلـس تنحب ويــانــه
نضل شيعه بشرف والمصدر أيعرفوه
أمــام الجعـفــريــه الصادق ويـــدروه
شلـون أتطاولوا من گـدروا أيسمـوه
والسم ضل يسري بشريانه
ننوح الليـله كلنا بجـمـرة الأحــــــزان
على السم السره بچبده بلهـب نيـران
قــربــان بشرف لمن رحــل قــربــان
تسعـر ماتبـرد نـيــرانــــه
هـالليـله الـدمع كل الــدمع نجــريـــه
وللصادق عـمــرنه نرخصه ونـفـديه
شما قـدمـنـه احنه ما أظن نــوفـيـــه
مابين الوادم عـــلانـــــه
يستاهـل حـزنـه ولـوعـة أمـصابـــه
تسعــر بــالگـلـب وتنادي أحـبــابــه
مانگــدر أبــد نـتـحـمـل أغــيــابــــه
أحبابه وتنحب حـزنـانـه
خلي انودعه هاليله بحزن وهـمـوم
للصادق عــزانــه والگـلـب مالــوم
عالسم والگبـر ننحب نـريـد اليـوم
ننحب عالـديـن وأركانه
لاتنسون والدي وابني عباس من الرحمه والغفران
خادمكم رياض الرسل الجابري
قصيده بحق الامام الصادق
(٣) اوزان
المستهل (ياحله الوداع بهل مسيه)
صحنه بدمعة احزان الرزيه احنه الرافضيه
بالصادق نعزيها الزجيه
(1)
( تجليبه )
على الصادق ننوح بدمعه وبعبره
هالليله حزنها السادس العتره
راحت للبقيع بلوعه وبحسره
گعدت يم ضريحه وتنحب الزهره
(الميمون)
تنحب بهمها وحسته يمها يمسح دمعها
تبچي خلاها ويبچي وياها شاهد وضعها
غيرك اشعندي
يمه يالمهدي ولزمت ضلعها
(ياحله الوداع بهل مسيه)
يدري المهدي تحضر يم الگبور
الولدها تحضر تزور
ولهذا عزاهم هالمسيه
(2)
( تجليبه )
بحزنها حضرت وللصادق وتنعه
وابنها المهدي ينحب يمها وبدمعه
على الصادق تنادي وتنحب السبعه
عشت مظلوم والسم چبدك ايگطعه
(الميمون)
ليش ماشفتك وچان ودعتك بصدرك اشمه
بعاطفه احساس چان عن الناس بروحي اضمك
جيت عنايه المهدي ويايه احچي وي امك
(ياحله الوداع بهل مسيه)
تبچي وبدمعها حضرت اتنوح تبچي بگلب مجروح
مد ايدك وخل ايدك بديه
(3)
( تجليبه )
يضل جعفر الصادق ما اله سابق
بكلام الباري كل عمره يضل ناطق
بالباري الجليل امئيد الخالق
النواصب ليش سمو جعفر الصادق
(الميمون)
چبدته اموذره بسم ختم عمره لجل القضيه
حضرته الزهره ورادت اتنظره بهاي المسيه
حضرت بدمعه للولد تنعه بدمعه جريه
(ياحله الوداع بهل مسيه)
والزهره حزنها ايعذب الروح تبچي الليله وتنوح
وتبچي الليله كل الجعفريه
(4)
( تجليبه )
تسولفله بحزن والمهدي يسمعها
تعاين عالضلع والضلع يوجعها
كلمن من ولدها ايروح يفجعها
راد المهدي ياخذها ويطلعها
(الميمون)
نادت بعبره تحچي وي گبره اترابه تشمه
ليش تفجعني ادري تسمعني لو صحت يمه
هم چبد مسموم والگبر مهدوم منهو لمهدمه
(ياحله الوداع بهل مسيه)
الله يلعن اصحاب السقيفه نحچي ابلاي خيفه
ذوله من سلالة آل اميه
(5)
( تجليبه )
الزهره تنحب وتنعه على اغيابه
يالصادق ييمه بنار لهابه
ونادت على الغالي بدمعه سچابه
ما انساك آه يحسين ومصابه
(الميمون)
يمه يالمذبوح عذبتها الروح امك الزهره
امسلبه هدومه الخيل بالحومه داست بصدره
صورته اگبالي امسلب الغالي وانتهه امره
(ياحله الوداع بهل مسيه)
المهدي يسمع وشاهد الحاله ودموعه هماله
لمن سمع اسم الغاضريه
لاتنسون والدي وأبني عباس من الرحمه والغفران
خادمكم رياض الرسل الجابري
البقيع
تعنه المهدي و بكلبه تشب نـــاره
مشه الأرض البقيع ودمعه يتجاره
مشه ايشاهد اگبور اجداده وبلوعه
ويدري اهل الحقد عالشيعه مدفوعه
بچه و دم عالوجن من نزلت ادموعه
يحس نار بدليله و روحه محتاره
ينظر للحسن والگبره المهدم
وينحب عالگبر من شافه واتألم
يا هم اكبر واصعب بعد يا هم
حلف باچر المهدي ياخذ بثاره
وشاهد وبدمعته فعلة الاوغاد
من هدمو گبر جده علي السجاد
صور گدام عينه بكل وكت تنعاد
وي حاوطها صبره ولهفت اسراره
و رد شاهد گبر ما ضن اله سابق
للشيعه الهويه وبالعدل ناطق
گبر جده يعرفه جعفر الصادق
گعد يمه يشمه وبيده بتاره
ومشه الأخر گبر ويشاهده وصابر
عجيبه شلون شافه يكسر الخاطر
رمز باقي الگبر لمحمد الباقر
لچن وسفه الگبر مهدومه اسواره
بقه يدير النظر و دموعه بعيونه
ينحب على جداده ومنخطف لونه
صاح بجمرة احزانه ويسمعونه
النواصب والنواصب تعرف اخباره
صاح الثار ثاري والأمر أمري
ويضل يكبر يضل ولا نفذ صبري
لون بس لحظه وحده باقيه بعمري
كل گبر انهدم اني اخذ بثاره
لاتنسون والدي وابني عباس من الرحمه والغفران
خادمكم رياض الرسل الجابري
قصيده بحق البقيع بين السيده الزهراء والامام المهدي (ع)
تبجي والمهـدي بحزن يمسح دمعها
يمها ويحس بيها من لـزمت ضلعها
مدري يمسح يادمع
لو يعاين عـالضـلـع
يامصيبه يامصيبه
بالبقيع بليل اظـلــم الزهــره والمهـــدي ســوه
لان بالمگبره الــزهــره المگبــره كلهــا ضوه
هبت ارياح العــواطـف ومنهـا يشـتـم يا هــوه
شجره من جنة الباري ومنها چم غصن التوه
اربع غصون بجرح واحد لگوها
بالبقيع اگـبــور الهم هــدموهـــا
المهدي حاير يستمع
لو يعاين عــالضلــع
يامصيبه يامصيبه
المهدي شاف الزهره گعدت گعد وياها بشجن
تنحب وينحب وياها ويحس بعــيــونـــه عمن
اتگله يالمهــدي ييمه انظـر اشسوه الــزمــن
شالت اتــراب وتشمه اتصيح يـمـه يـالحسـن
اجدد اعليها اثر جرحه ومصابه
بدمعه وحده اثنينهم شمو اترابه
يترك الهم ينجمع
لو يعاين عالضلع
يامصيبه يامصيبه
اخــذت المهــدي وتعـنـت راحـت بدمع الصبر
يم علي السجاد گعدت امهـدم تشوف الگـبـــر
الزهره تحچي المهدي يسمع يبني نفذ هالامر
هاك شمعه اعلگها يبني والعن اصحاب الكفر
الهدمو هاي الگبور ابلايه خيفه
هالسلاله ذوله تخريج السقيفــه
مدري يعلگ ياشمع
لــــو يعاين عالضلع
يامصيبه يامصيبه
راحت بمدمع صبرها تعـثــر اتگـــوم وتطيح
الثالث اگبور المصيبه وصلت اگباله وتصيح
يمه يمحمد الباقــــر صاحت ومثل الجـريــح
الك هذا المهدي ابني يظهـر ويبني الضريح
المهدي يسمع والالم ياكل بروحه
بثار اجداده يشافي كل جــروحــه
ايفكر بهذا الوضع
لـو يعاين عالضلع
يامصيبه يامصيبه
مشت والمهـدي بـدمعـتـه يمشي وياها ويهم
سرح وبعالم خـيـالـه ايشاهــد وچـنــه بحـلـم
ولن سمعها الزهره نادت ويلي ياراعي العلم
جعـفــر الصادق ييمه ليش گـبــرك مـنـهــدم
المهدي ناده يمه يالزهره الزچيه
بيدي ابني گبر امام الرافـضـيـــه
وگبره حتماً يرتفع
لـو يعاين عالضلع
يامصيبه يامصيبه
لاتنسون والدي وابني عباس من الرحمه والغفران
خادمكم رياض الرسل الجابري
ابوذيتين بعد مرور ١٠٠ سنه على هدم البقيع
١
راعي الثار عنه خبر مايه
عطاشه و نروه احنه بجود مايه
البقيع انهدم صار اسنين مايه
اگبور اربعه امن اولاد الزچيه
٢
نحل جسمي بعد ماشيل هدماي
عليكم بالبقيع اگبور هدماي
اذا بس هدم انتم ذاك هدماي
على المذبوح برض الغاضريه
لاتنسون والدي وأبني عباس من الرحمه والغفران
خادمكم رياض الرسل الجابري
شوط كربلائي للبقيع
وممكن تقرأ اهوازيه
على اگبور البقيع ينوح ويون المهدي يوميه
يظهر يمته حتى هناك نسوي وياه لطميه
المهدي لو ظهر ياناس امهدمه مايخليها
ياخذ ثارهم بالسيف وبيده هو يبنيها
اگبور اجداده بالدمعات يشيدها ويعليها
ظلم الطاغيه ميدوم
من يظهر بذاك اليوم
مايبقه گبر مهدوم
يعليها بعلو النجمات ويبني چم حسينيه
من ارضع البقيع الصوت يدوي والمله تسمعه
المهدي القائم اعله الناس طلع يامحله هالطلعه
كل مخلص يحب حيدر يجي وياه ويتبعه
يظهر بيده بتاره
وتشع عالدنيه اخباره
يطالب يظهر بثاره
تعله الصرخه ياهالناس تعله الصرخه مدويه
يظهر بيده ذوالفقار المهدي وحامل الرايه
غايه عنده ياهالناس ولازم نعرف الغايه
نجي الارض البقيع بشوگ نجي ونتعنه مشايه
عاشر نحيي بالآهات
مواكب ننزل وهوسات
ومو بس عاشر بدمعات
بنص گاع البقيع هناك نسوي الاربعينيه
المهدي لو ظهر يبني گبر الحسن والسجاد
يدوس هناك من يظهر خشوم الكفر والالحاد
المهدي وي النصر باچر اله وي النصر ميعاد
الناس تسولف بنصره
و هوه آخر العتره
ويظهر گبر للزهره
يظهر باچر المهدي ويدوس اعله الوهابيه
مايبقه گبر مهدوم والله ويكسر الخاطر
اذا ثار الله يظهر يوم المهدي وعالمله وحاضر
گبر للصادق ويبنيه وگبر لمحمد الباقر
اذا يظهر على الوادم
خلي يسمع الواهم
بزودك كلها يالقائم
مايبقه گبر مهدوم تصبح كلها مبنيه
لاتنسون والدي وأبني عباس من الرحمه والغفران
خادمكم رياض الرسل الجابري
مقطوعه الفاجعه البقيع ٨ شوال
شوكت تظهر تصيح الثار والثار
على ايدك يبن خير البريه
اگبور اهلك تساوت صارت احجار
بسعي الظلام ذوله الناصبيه
تجي وبعيونك انته تشاهد الصار
يراعي الثار والطلعه البهيه
ساكت ادري لاچن بالكلب نار
ونارك بالگلب صبح ومسيه
البقيع اگبور صارت كلها طشار
ونحس غصه بگلبنه والاذيه
نصيح بصوت كلنه بعزم واصرار
نريد وياك دوله مهدويه
ونمد سفره طويله وتعله الاخبار
طويله السفره لرض الغاضريه
وبارض المدينه كلها احرار
وتصير هناك كلها فاطميه
وبعد ماتبني انته اگبور الاطهار
تدلينه على گبر الزجيه
لاتنسون والدي وأبني عباس من الرحمه والغفران
خادمكم رياض الرسل الجابري
عگيلي للامام علي
للمسجـد ركـضت أيـتـامه
لمــن طــاح ويــنــزف دمـــه
ركـضــت أيــتــامه بـكل همه
للمسجــد مــن وصلــت يـمه
شافوا مضروب أعله الهامه
مــن شافوا يـنــزف بدمومه
صاحــوا ياحـيـدر مقسومه
مالــومه أيــتــامـك مالــومه
عل مـاتـمـم شهــر اصـيـامه
اتـنــوح ايتامه بنص محرابه
حيل امـاثـر بـيـهــا اصــوابه
تبچي وتـلـطــم يـمـه احــبابه
من شافــوا طـاحــت لعـمامه
يـبـچـون وگعــدوا يـم حـيدر
ويــصــيــحــون الله واكــبــر
راح العــزه وساقي الكــوثــر
وكل واحــد ماتــت احــلامـه
تبـجي أيتـامه وهـو اليسمع
رادوا يمشي ويـاهـم يـطـلع
نـادوا راح الحجـه الانــزع
حـيـدر لمضحـي الاسـلامــه
دگـو عـالــراس أيـنــادونــه
حيدر منعـيش احـنـه بـدونه
رادوا أيـتـامه ايشـيـلـونــــه
من شافوا بـالـراس اوسامه
لاتنسون والدي وأبني عباس من الرحمه والغفران
خادمكم رياض الرسل الجابري
شوط كربلائي بحق الامام علي (ع)
ليلة واحـد وعشرين زينب يهل مدمعـها
نادت بـويـه يـابويه وحيدر يمها يسمعها
تگله بحـيـره وبـلـوعــــه لبـوهـا بـنار لـوعـتـهــا
يريت الجـرح البـراســـك بـراسي وتجـر ونـتهـــا
حضنها حـيـدر لـزيـنـــب وكـفـكـف بيده دمعـتهــا
حيـدر حيل من ضمهــــا
ابـوهـا وحگـه لو شمهـا
وتـذكر كـسر ضلع امـهـا
من عـصروها خلف الباب وگام الطـاغي يدفعـهـا
وگامـت زيـنــب تنـشــده يبويه اخبرني عن حالي
اريد اعرف شراح يصير يبويـه وشنهـي يجـرالـي
انــه مخــدرة حــيـــــــدر واخـوتـي ويــاي تبـرالي
شراح يصيـر وشيجره
گلبي اختنگ بالعـبــره
احـلـفـك انـه بالـزهـره
جـاوبـنـي اريــد الـروح الـتـلهـب نــار اقـنـعــهـا
جاوبـهـا ابـوهــا وگــال ودمعاتـه بـوسط عـيـنــه
اريـــد الـتـسـمعـيه مني كل الحـچي تحـفـظـيــنــه
المايخطـر الـچ عـالبـال يـبويـه انتي تـشـوفـيـنـه
راح الكـربـله تـمـشيـن
بـس الـوحـدچ تـبـقـيـن
بلا والي وبلاي معـيـن
وهـنـا سكـت مـاكـمـــل وگام الغـصص يـجـرعـها
وهـنــا نـشـدتـه زيـنـب اخـوتي وگـرت عـيـوني
اذا مهـيـوبـه بحـمـاهـم امشـي مـايـعــوفـــونــي
وحدي بلا والي شلـون معـقــولـه يـخــــلــــوني
امشي بهـيبه بيـن الناس
واطلع رافعـه اني الراس
بكـفـيـلي والنعـم عـبـاس
وادري غـيـر ابـو فاضل الـزيـنـب مايـطـلـعــهــا
گلهـــا حسـيـن يـازيـنـب يطـيـح ودامي عـالغـبـره
جـثـه امسلـبـه ابلا راس وخـيـل تهـشـم بصـــدره
واخوچ الكافـلچ عـبـاس چـفـوفـه يطيحـن بكـتـره
يطيح امصوب بعـيـنــه
ومنه اتطيـح چـفـيـنـــه
وتضل تتنطـره اسكيـنه
وانتي اميسـره ترحـيـن هـاي القـصه واقـعـهـــا
لاتنسون والدي وأبني عباس من الرحمه والغفران
خادمكم رياض الرسل الجابري
فتحت عزه لسان حال الحسين
الدنيه ماصد ليها
والابــو مـا بيـهــا
ياحزنها ياحزنها
بآخر انفاسي والك فـــايض حنيني
ياعـلـي وبالطــف تمنيتــــك تجيني
خطوه چانت من طحت بينك وبيني
من حضنتك تنزف وعـيـنـك بعيني
هسه روحي اشبيها
اتـريــدك اتحاچيهــا
ياحزنها ياحزنها
يـاعـلـي لمن طحـت والــراس دامي
انه مثلك هم طحت بس بويه ضامي
انته محـد سلبك سـلـبــو اخــيــامي
بهذا حالي ياعلي وابـعــث سـلامي
رغـم نــار افـراگــها
روحي هاي اشواگها
ياحزنها ياحزنها
طحت يابويه علي بحيره وندامــه
وتنتظـر ضلت بـيـاحـال اليـتـامـــه
چنت الهم ياعـلـي غــار وحمامـه
من رحت نادو على الدنيه السلامه
والايتامه اتشوفها
الليله انته تعوفها
ياحزنها ياحزنها
لحظة اوداعك احس نيران بـيـه
من اذكرك وانحب بكل معـربيــه
تبچي ردتك تحضر وللغاضريــه
هسه زينب ياعلي تبچي عـلـيـه
تبچي دم عـيـونها
وزينب ايسلبونها
ياحزنها ياحزنها
لاتنسون والدي وابني عباس من الرحمه والغفران
خادمكم رياض الرسل الجابري
تجليبه بحق الامام علي (ع)
الك يابا الحـسـن وسط الكلب جـمـره
انطبـرنه وياك كـلـنـا بساعة الطـبـره
السمه ويانه حـزينه وتبچي لمصـابــك
ومحـرابــك يـون من طحت محــرابــك
علينه مـو سهــل يـاحـيــدر اغــيــابــك
صعـب كلش عـلينه اغـيـابـك اشكـبـره
عـلينه اغـيـابـك اشكـبـره يحامي الجار
نـار وتـلـتـهــب وسط الــدلـيــل الـنــار
لـو ما الـغـدر ما طيحـــوا علي الكــرار
وانــتــه بطيـحـتـك راسم الــف فـكــره
رسمت النه الحيـاة بطيـحـتــك مــولاي
يل اسمك دوه وبي نشفه مــن كـل داي
بساعة ضربـتـك گامـت تمــوج اسماي
ونزل جبــريـل ينعـه ومنحـنـي ظـهـره
يـنـعــاك بــشــرف جـبــريــل ويـنـادي
من چـبـد السمـه الحـد اخــر الــوادي
طاح الـمــرتضـى طاح النـبي الـهـادي
لان نفس الـرسول المرتضى اتصوره
طاح المرتضى والـديـن كـلـه انصــاب
من عنه رحـل حـيـدرنـه داحي الـباب
بصـرخات اليتامه وشهگـت المحـراب
شــفـنـه الـديـن ينحــب لايــذ بكــتــره
لاذ الــديــن كـلـه بـسـاعـة الضــربــه
بچـفـك يـبـو حسيـن وخفـفـت تـعــبــه
مـن مثـلـك يحـيــدر مـارجـف گـلــبــه
من هـول المصيبه الــداميه الكـبــــره
لاتنسون والدي وابني عباس من الرحمه والغفران
خادمكم رياض الرسل الجابري
موشح علي (ع)
الليله نشكي الفاجعه الرب المعين
من رحل حيدر امير المؤمنين
الليله نشكي الفاجعه بدمع الصبر
على الهامه لاحته اچفوف للغدر
بسجده وبمحراب ودع هالعمر
وسال اشرف دم على اشرف جبين
سال اشرف دم لجل هذا الوجود
و دمه سر يبقه من اسرار الخلود
باچر بيوم القيامه من يعود
ايوقع بأيده صكوك العاشقين
ايوقع بأيده الصكوك اعله الخدم
ويمه واگف بالسجل راعي العلم
الياخذ الصك كون بي ريحت خيم
وكون باچي اعله الحسين بكل يقين
كون بي سولة بچي بگد الدمع
وعالاقل من اللطم كاسر ضلع
حتى حيدر من يشوفه يقتنع
وحتى يستاهل جزاء المحسنين
حيدر يجازي على اعمال البشر
بكل عمل انته تعمله وبي اثر
والاعمال امسجله يم المنتظر
والامام المهدي من الشاهدين
المهدي شاهد على اعمالك والفعل
بكيف امامك تنقبل ما تنقبل
وي امامك رابطه خلي وحبل
ولازم يكون الحبل حبل المتين
حتى حيدر بالحشر يشفع الك
باچر من اتدور ويدور الفلك
شما يصلي المايحب حيدر هلك
شما يقدم يصفه من الخاسرين
صيح من گلبك الليله بكل جرح
السيف مايعرف مقامه اشگد وكح
اتجاسر اعله المرتضى بفرض الصبح
ونزف هام المرتضى الدر الثمين
لاتنسون والدي وأبني عباس من الرحمه والغفران
خادمكم رياض الرسل الجابري
گعديه بحق الامام علي (ع)
هالليله انصيح بدمع الاحزان
تنزف شفناها احروف القرآن
ننحب وانوح بحسره
من شفنه براسك طبره
تنزف شفناها احروف القرآن
1
ياعلي من بعد موتك اكتشفنه سر وجودك
انته ميت وانته عايش اثنينهن بيهن خلودك
بمعركه ماراد موتك الباري خلاها بسجودك
راس العقيده ينفتح
بالسجده وبفرض الصبح
ياحيدر وتارك جرح
السيف واتعده حدودك
تختم عمرك ياحيدر مطبور
بهاي وكل ضنهم يخفون النور
شع نورك مثل الگمره
من شفنه براسك طبره
تنزف شفناها احروف القرآن
2
شما يمر الزمن خالد يبقه تاريخ المناضل
ياعلي وانته بخلودك باسل ومن ظهر باسل
وهالبساله الحسن منها حسين وچفوف ابو فاضل
تاريخك الحامل شرف
بالنور والرحمه انعرف
تشهد الك ارض النجف
مو حچي وتحصيل حاصل
رغم الزيف وكل ذيچ الاهوال
محد يحجب تاريخ الابطال
وتاريخك انته أشكبره
من شفنه براسك طبره
تنزف شفناها احروف القرآن
3
عشت عمرك نور ثاقب عالي مابين الكواكب
تنطي ماتاخذ يحيدر وللفقير اتحسبه صاحب
مستحب كل فعل ندري ياعلي وبس انته واجب
ربك بحكمه نزلك
وسلمك احكام الفلك
بيك اليشك حيدر هلك
وينجه كلمن بيك ذايب
بالمحشر ياهو الميشوف النار
بس الشايل صك من الكرار
ياحيدر وانته اتعبره
من شفنه براسك طبره
تنزف شفناها احروف القرآن
4
جرح طبره وراس دامي وليلة الوحشه الرهيبه
من حضن محرابه ينزف علي وبلحظه عصيبه
السمه ماطاحت وظلت عجبه وبهاي المصيبه
المفروض من سال الدمه
بهل فاجعه وهل موزمه
بطيحت علي اتطيح السمه
شلون ماطاحت عجيبه
ماطاحت چان المفروض اتطيح
هاي الدنيه وتتلاشه وي الريح
ربك منطيك القدره
من شفنه براسك طبره
تنزف شفناها احروف القرآن
5
وانتهت رحلت جهادك وانختم عمرك بطبره
يا امير الدنيا كلها شلون من بعدك الفقره
الليله ترحل وانته تارك
بالگلب ياعلي عبره
حزنك ابد ما ينجلي
يا اشرف واطيب ولي
فقره بغيابك ياعلي
ومنك احنه انريد نظره
ضاعت ياحيدر كل الاحلام
من بعدك هسه اشحال الايتام
والليله اتودع الفقره
من شفنه براسك طبره
تنزف شفناها احروف القرآن
المصيبه
غمضت عينك ورايح واتركت بينه المواجع
والاملاك اتنوح لجلك ياعلي بالسمه السابع
والحسن وحسين ينحب
وزينب اتهل المدامع
والكافل ايهل الدمع
وگليبه ذايب منفجع
ياحيدر ومثل الشمع
ولدك الليله عزاهم ومحد ايعوض مكانك
لاتنسون والدي وأبني عباس من الرحمه والغفران
خادمكم رياض الرسل الجابري
https://youtu.be/
كعديه بحق ابو طالب عليه السلام
كلمات رياض الرسل الجابري
الرادود ثائر ابو هوسه الحلي
ولادة الامام الحسن (ع)
يادنيه كل غرامي يادنيه من هيامي
أشواگي ارسمها بشفاف الزمن
وافراحي انثرها بالسر والعلن
نتلاگه بفرحتنه والهمسه وطن
والموعد هالليله ميلاد الحسن
هالليله كل كلامي يادنيه من هيامي
للمحفل هالليله جيت ومستعــد
وبگلبي شايلها باقــات الــورد
بميلادك من احضر اي عندي قصد
بالمحشر اضمنها جنات الخلــــد
بالمحفل اعتصامي يادنيه من هيامي
بعرش الله ميلادك صيته من وصل
بارينه دز وحـيـه عالهـادي نـــزل
بالمحفل من يحضر هذا اعظم عمل
معـنـاهــا لليحضر عــد الله انقـبـــل
ابعثله كل سلامي يادنيه من هيامي
بحروفي اهمسلك واسمعهن حچن
محتاجك مـر بيه والدمـعـه ثـمـن
محبوبي افــراحي يم بابك صفــن
عالدنيه شع نورك يا اجمل حسن
بس لجلك كل قيامي يادنيه من هيامي
مرسومه همساتي بشفاف النده
وگليبي بالفرحه هالليله موعـده
كل حفله مــن الله هـيـه امئـيـده
للغـالي بمـيـلاده خلي انعـاهــده
اهديله احترامي يادنيه من هيامي
اهديله كل عمري واختم بالعهـد
باصمله بـدمايــه وانطيته عهـد
ماعــوفـــه بالخدمه باقي للابــد
بالمحفل ناديته محـبــوبي مـــدد
ماعوفك يا وئامي يادنيه من هيامي
لاتنسون والدي وابني عباس من الرحمه والغفران
خامكم رياض الرسل الجابري
گعديه بحق الامام الصادق (ع)
عالصادق دمعنا
ننحب وانفجعنا
گلب المحب محتار
الليله بحرگت الدار
ننحب وانفجعنا
1
الليله هاي الليله اصعب ليله عالصادق رهيبه
بحرگ داره وچان ينظر على اعياله بهل مصيبه
ادموعه نزلت من ذكرها قصة الطف العجيبه
قصة الدار المحترگ
قصة الم قصة عشگ
يذكرها وگليبه يدگ
زينب الحره الغريبه
الزينب هل الدموع
وگلبه الليله مفجوع
وين ابفكره يندار
الليله بحرگت الدار
ننحب وانفجعنا
2
احترگت الدار ويعاين تركض وخايفه اطفاله
وگام ينظرها المشاهد وراح للطف بخياله
اتذكر عيال ابو اليمه شلون من فرت اعياله
شاهد اطفاله من الألم
مذعوره فرت وانصدم
ناح وبچه الحرگ الخيم
الصادق وعذبته الحاله
الصادق شاف نارين
وگامت تدمع العين
احتار ايطفي يا نار
الليله بحرگت الدار
ننحب وانفجعنا
3
الموقف الشاهده الصادق موقف ايهز الضماير
ابيته نار وحار بيها اتهون گال وانه حاضر
شلون حرگ الخيم بالطف ومعركه ودوست حوافر
ما بين نار البل گلب
اطفال وامضيعه الدرب
والمنظر ايحسه صعب
منظر ويكسر الخاطر
ظل صافن عليها
النار وحار بيها
وهاجت كل الافكار
الليله بحرگت الدار
ننحب وانفجعنا
4
وازغر ابنيه يشاهد من بناته بهل رزيه
النار من تركض وراها تنادي بويه الحگ عليه
لحگ اعليها ولزمها الصادق بذيچ المسيه
أمنت وبحضنه غفت
بس طفله لا ما أمنت
وبخيمه محترگه بقت
وأيدها امحرگه رقيه
مابين العساكر
تركض والحوافر
وهل الدمع مدرار
الليله بحرگت الدار
ننحب وانفجعنا
5
عاش مابين المصيبه الصادق ودنيه المواجع
ما يأمن چان بيها وغيره بيها چان طامع
من علي جده عرفها وزين بيها هوه سامع
هالدنيه يل عندك علم
تدري شوكت هاك افتهم
من صعدت اشباه الزلم
والعلي خلته الرابع
الدنيه عدها وجهين
الطلگها ابو حسين
هذا الي جره وصار
الليله بحرگت الدار
ننحب وانفجعنا
المصيبه
الليله ننحب على الصادق الودع آخر امنياته
اهل بيته وهو ينظر بعينه يتفگد بناته
بالحزن سمو چبدته وانگضت رحلت حياته
خلي نهل لجله الدمع
بهذا المصاب وننفجع
بالمحشر اوياه ننجمع
كلشي يتحقق وندري الخادم وهاي امنياته
لاتنسون والدي وأبني عباس من الرحمه والغفران
خادمكم رياض الرسل الجابري
نزله للبقيع
الفاجعه يوم ٨ شوال
صيح ويلي عليهم صيح ويلي
صيح ويلي عليهم صيح ويلي
نشكي للباري الشفيع
هـدموا أرض البقيع
صيح ويلي عليهم
صيح ويلي
يل محب هذا انته يومك لازم بحق تنتهض
واعلن بصرخة ولائك عالجره واعلن رفض
بصرختك خلهـا تموج الليله كل هاي الارض
مايخوفونه النواصب لا و لا اهل البغض
يسمع الباري السميع
هدموا أرض البقـيع
صيح ويلي عليهم
صيح ويلي
راح اسولف وانته اسمع واعرف اشسوه الزمن
بالاقمار الهدموها من اجل نار الفتن
قرر الناصبي ايهدم هاي الگبور وعلن
گال اول مانهدم هدموا گبر الحسن
يخسه هالراي الوضيع
هدموا أرض البـقــيع
صيح ويلي عليهم
صيح ويلي
نشكي للباري امرنه يا آله العالمين
انته تعلم وانته تنظر فعل ذوله المجرمين
ثاني گبر الي تهدم گبر زين العابدين
وبيهم ايعرفون همه ولد سيد المرسلين
شانهم يدروه رفيع
هدموا أرض البقيع
صيح ويلي عليهم
صيح ويلي
فرق بين العاش عمره بطاعته الرب السمه
وبين من خلصوا عمرهم ناس تحقد ظالمه
صاحوا بحيدر نريدن بغضاً احنه وفاطمه
گبرك محمد الباقر لازم احنه انهدمه
شافو الهم مانطيع
هدمو أرض البقيع
صيح ويلي عليهم
صيح ويلي
اخر اسوار الحقيقه اليوم لازم تتضح
من بعد هاي المصايب لازم أيبين صبح
لچن مافاد ابد ذوله بيهم الحق والنصح
هدموا گبرك يجعفر والاثر تارك جرح
احنه للحق مانبيع
هدمو أرض البقيع
صيح ويلي عليهم
صيح ويلي
لاتنسون والدي وأبني عباس من الرحمه والغفران
خادمكم رياض الرسل الجابري
اربع اقمار يهدموها 8 من شهر شوال
أربع أقمار ايعرفـوهـا
من نسأل ليش ايعادوها
نسأل محد يمنعـنـا
خلي العالم يسمعنا
من نسأل ليش ايعادوها
نسأل بـالــروح الجـرح ينـزف بحـرگـه وعـبـره
ليش الحقـد كل الحقد أعـله اگبـور ولـد الـزهره
من هــدمــوهــا بلا رحم بكل گلب صارت جمره
نــار وتــشــب ماتـنـطـفي تبقه بـألـم مستـعــره
ماتـبــرد كل نـار البـيـنــه
اله من يـظـهــر مهـديــنه
ونصرخ من بعدك ضعنا خلي العالم يسمعنا
من نسأل ليش ايعادوها
من هدموا گبـر الحسن بـلا رحم گوم الأشـــرار
ماراعوا الحرمه اشعجب ولا فكروا بالمخــتــار
والسبب معـروف السبب والمن نـظـم الأســرار
لن والــده حـيـدر عـلـي حيدر عـلـينــه الـكــرار
خل يسمعنا اليحچي اعلينه
حيدر بالـدم يسري وبـيـنـه
بس حب حيدر يرفعنا خلي العالم يسمعنا
من نسأل ليش ايعادوها
أهـل الظـلالـه والـبـدع وأهـل الجهـل والإلحــاد
بـلا رحم ذوله بـلا رحم هـدموا گـبـر السجاد
ارض البقـيع اتشرفـت من حـوت هاي الأجساد
بس موغـريبه اللي حصل وهاي المشاهد تنعاد
عــادوها الظــلام الـكـره
من هـدموا مرقد سامره
هــذا الواقع واقعـنا خلي العالم يسمعنا
من نسأل ليش ايعادوها
حسـبـوا هـمه بهـل فعـل ايمنعـون كلمن زايــر
گاصد يـزور ويـنـدعي وايمنعــه حاكم جـايـــر
مادروا صار بكل گلب وانـبـنـه اتـشـيـد حاضر
مـرقـــد يشع بيــن الأفـق وبكل گـلـب للـبـاقــر
للـبـاقـر شيـدنه بـدمنــه
مرقـد والظـالم مـيهـنــه
دافع عــدنا ويدفعـنا خلي العالم يسمعنا
من نسأل ليش ايعادوها
والمذهب أيـون وشكه من جـور ظالـم حاكــم
من قــرر ايهــدم گـبـر لأشـرف إمام وعــالــم
جعفـر الصادق والنعــم معــروف عـند الوادم
ويتشرف لهـذا الاسم واحــدنــه يصبح خـادم
خــدام ونـتـبـاهــا بحـبـه
ونعاهد منزل عـن دربه
حب الصادق يجمعـنا خلي العالم يسمعنا
من نسأل ليش ايعادوها
لاتنسون والدي وابني عباس من الرحمه والغفران
خادمكم رياض الرسل الجابري
تجليبه
هدم قبور ائمة البقيع
٨ شوال
نمشي للبقيع بلوعه وبجمره
نشاهدها تنوح وتنحب الزهره
1
نمشي للبقيع انشاهد المنظر
اگبور امهدمه ومحاوطه بعسكر
والزهره تنوح تنادي ياحيدر
وبحرگه تنادي وتسچب العبره
2
تنادي بحرگه والدمعات تجريها
على اگبور البقيع وتنتحب ليها
ليش لياسبب تسأل امهدميها
وليش ابلا صحن لا گبه لا حضره
3
مشت لأول گبر وبنار لهابه
تنادي يالحسن والدمعه سچابه
ويلي اعليك يبني وتشم بترابه
وتدعي من الگلب عالهدموا گبره
4
گامت راحت وجرح الگلب ماهاد
يم گبر الامام و زينة العباد
تنادي ويلي يمه ياعلي السجاد
گلبي الملتهب باللوعه شيصبره
5
محنيه الضلع بالدمعه واتكابر
السمه تنحب عليها وتكسر الخاطر
نادت وين ابني محمد الباقر
من شافت احجار الگبر وتنظره
6
ونادت على الصادق يا بعد روحي
مابطل عليك احزاني لا نوحي
شفت الگبر يمه وهاجت جروحي
وشيطيب جروحي التنزف بحسره
7
الزهره بهل فجيعه شما تمر بيها
تجدد تظل احزانها اعليها
وينه اليحضر وبالعزه ايواسيها
اليحضر الها باچر فاطمه اتحضره
لاتنسون والدي وأبني عباس من الرحمه والغفران
خادمكم رياض الرسل الجابري
قصيده بحق ائمة البقيع والزهراء (ع)
٨ من شهر شوال
الزهره تبجي وبالبقيع تنادي
جيت ادور عن گبور اولادي
تمشي محنية ضلع
تنادي وبفيض الدمع
جيت ادور عن گبور اولادي
1
طلعت بجـمرة حزنها والرزيـه
تنادي يلعن الله فعل الناصبيه
ليش ماكفـاكم الي صار بـيه
من دفعتو الباب واعصرتو الزچيه
هيه نفس الباب من دفعوها
بالبقيع اگبورنا هدموها
صعبه بابي يندفع
تنادي وبفيض الدمع
جيت ادور عن گبور اولادي
2
گعدت اعله الگاع واتشم بترابه
وكل گلبها هاجت آلامه وعذابـه
بالتراب الشمته اتذكرت مصابه
حسين ابنها والرقيه والخرابــه
اگبور جانت والاسود تهابها
هدموهــا واختفت بترابهـا
الكبر يمته ويرتفع
تنادي وبفيض الدمع
جيت ادور عن گبور اولادي
3
تبچي فوگ الكاع وتعاين عليها
صم تراب الزهره من شالت بأديها
شمته وعرفت حسن مدفون بيها
لان حتى الگاع هم تبچي عليها
الريحه ريحتها فلا يعرفونها
الحسن والسجاد نور عيونها
بصوت بس ماينسمع
تنادي وبفيض الدمع
جيت ادور عن گبور اولادي
4
هناك راحت شالت اتراب وتضمـه
والصدرها الطاهر وگربت يمـه
تصيح يالباقر اترابـك من اشمه
نفس ريحت ابنك الصادق ييمه
يبني ليش اگبوركم مهدومه
انه امكم فاطمه المظـلـومـه
يمته بيكم انجمع
تنادي وبفيض الدمع
جيت ادور عن گبور اولادي
5
شلون حال الزهره وبهذا وضعها
عالگبور اتعاين ولزمت ضلعهــا
بصوت نادت يبو صالح وبدمعها
يحضر اتمنت المهدي لو سمعها
اگبور مهدومه فلا يخليها
ابني يطلع باچـر ويبنيها
بكل گبر يعلك شمع
تنادي وبفيض الدمع
جيت ادور عن گبور اولادي
لاتنسون والدي وأبني عباس من الرحمه والغفران
خادمكم رياض الرسل الجابري
نزله بحق هدم قبور ائمة البقيع
اذا يظهر الغايب
نجي وننزل مواكب
بأرض البقيع
بأرض البقيع
1
اذا يظهر الغايب تجي الرايات
ترف برض البقيع وبيها صرخات
موكب لطم ننزل بي شعارات
عنوان اللطم للذله هيهات
ندوس اعله الشوارب
نجي وننزل مواكب
بأرض البقيع
بأرض البقيع
2
اذا يظهر الغايب نصبح جنود
ونجي مشايه احنه ونعبر حدود
نشيدها الگبور وبالدمه انذود
على عناد النواصب من بني سعود
يصير الامر واجب
نجي وننزل مواكب
بأرض البقيع
بأرض البقيع
3
اذا يظهر الغايب عالمناير
نذيع الخبر وانقدم مناحر
نجي بأرض البقيع انسوي عاشر
على عناد اليضدون الشعائر
وابو صالح يحاسب
نجي وننزل مواكب
بأرض البقيع
بأرض البقيع
4
اذا يظهر الغايب عدنه نيه
نسوي ارض البقيع الغاضريه
ونروح انجيب زينبنه السبيه
وتجي من الشام وياها رقيه
ابد لا مو عجايب
نجي وننزل مواكب
بأرض البقيع
بأرض البقيع
5
اذا يظهر الغايب بينه شاره
نشيد بالبقيع اشچم مناره
بوجود المهدي وبهذا شعاره
يگص روس النواصب ذوالفقاره
لأن بالحگ يطالب
نجي وننزل مواكب
بأرض البقيع
بأرض البقيع
6
اذا يظهر الغايب عدنه غايه
ترد النه الخلافه والولايه
نخلي بكل سطع مرفوعه رايه
ولا نشبع ابد من القرايه
على عناد النواصب
نجي وننزل مواكب
بأرض البقيع
بأرض البقيع
لاتنسون والدي وأبني عباس من الرحمه والغفران
خادمكم رياض الرسل الجابري
موشح تطبير للأمام علي (ع)
واجب أحنه ومستحب تكرارها
الطبره من نطبرها ياكرارها
حيدر حيدر
١
الطبره من نطبرها نطبرها بيقين
وحتى بالدم نعقد الحبل المتين
انته دمك سال من اشرف جبين
وطبرتك محد يفسر اسرارها
حيدر حيدر
٢
سال دمك ياعلي بطبره وجرح
ومارفض راسك الطبره اشگد سمح
الباري رايد موتتك وكت الصبح
وطبرتك ياعلي الله اختارها
حيدر حيدر
٣
نطبر برمضان وأنادي مدد
عن حقيقه وغايه احنه ومعتقد
بعالم الذر كلنه وقعنه العهد
ياعلي وطبرتك احنه انصارها
حيدر حيدر
٤
أبد مو سهله وعظيمه طبرتك
السمه وأهل السمه كلها نادتك
اتهدمت اركان الهدايه بطيحتك
والسماوات انطفت انوارها
حيدر حيدر
٥
شلون قالع باب وبطبره تطيح
صحت فايز من طحت تنزف جريح
جرحك انته ياعلي ايخضر ضريح
والنجف تحتضنك وزوارها
حيدر حيدر
٦
راسك المطبور ينزف كبرياء
واحنه نطبر راسنا بهذا الولاء
بطبرتك حزنت جميع الانبياء
وهتف جبرائيل ذاع اخبارها
حيدر حيدر
٧
شحال زينب من تشاهد حالتك
براسك المطبور لمن شافتك
صاحت الليله يبويه ليلتك
ظلت ابدمعه وحزينه بدارها
حيدر حيدر
لاتنسون والدي وأبني عباس من الرحمه والغفران
خادمكم رياض الرسل الجابري
موشح للامام علي (ع)
الليله حزنـانـه وتون حتى السمـه
من طحـت تنزف يحـمـاي الحـمـه
الليله مــدري اشصار باركان الهـده
اتهـدمت وبطــيحـتــك راحــت ســده
انـتـه حـزنـك يـوصـل الأبـعــد مــده
مـن طحـت الاحـزان بعــدك دايـمــه
اتهـدمـت اركان الهـدايـه بطيحـتـك
لأن يـــاحـيـدر عـجـيـبـه ضربــتــك
من طحت طاحت امخضبه اعمامتك
اعـمـامـتـك والراس متخـضب دمه
طحـت ساجـد ياعـلي بـأشرف مكان
الهـسبب خـالـد بقـيــت بكـل زمــان
ياعـلـي حـبـك هـويـه النـه وضمان
وبـيـك الگـلــوب الـتحـبـك هـايـمـه
طحـت وبسيـف المـرادي يــا لولي
وليش تـدري هـمـومـنـه ماتـنـجلي
اصعــب اتـلاثـه مشـيـتـوا يـاعـلي
المصطـفى وانته مشيـت وفاطـمـه
اليوم نشكي الفاجـعـه الرب المعين
وبـدمـعـنـه انصيح يا حـق يا مبيـن
انصيح كـلـنـه راح اميـر المؤمنين
ومن طحت الاركان كلها امـهـدمـه
عـهـد مـانـنساك لـو جـار الـزمــن
والمصــايـب لـون زادت والـفـتــن
نـبـقـه خـدامـك نـظـل يـا بـالحسـن
وماتهـمـنـه الگـوم هـاي الظالـمه
لاتنسون والدي وأبني عباس من الرحمه والغفران
خادمكم رياض الرسل الجابري
قصيدع لاستشهاد الامام علي (ع)
اليجهل اليوم علي و دوره ومقامه
يعرف هـنــاك علي بيوم القيــامه
اليعاديه للصيميده
اشيسوي مايـفـيده
يعرف هـنـاك علي بيوم القيــامه
اليجهل الكرار شلون بالمحشر
لو يسألونه شيحچي عن حيدر
حـيـدر الاسلام والنبي المصدر
شـلـون يـتجاهـل اله ويـتـنـكـر
الينكر هناك علي وينكر فـعـاله
باچر شلون اذا ايجاوب سؤاله
الك اقـسـم اكـيـده
اشيسوي مايفيده
يعرف هناك علي بيوم القيامه
خل يطالع زين يـدرس ويـقـره
ويـاخــذ التـاريخ كلـه ويفسـره
يلگه من يقراه يم علي العـبره
لأن لجل الدين ضحه كل عمره
بخبزة شعـيـر علي الجنه اشتراها
وشوف غيره بـرخص لمن نطاها
اله الجنه بعـيــده
اشيسوي مايفيده
يعرف هناك علي بيوم القيامه
علي شمس الله مثـتـب وبرهان
كلمن ينكـره يعـيـش بــالخـذلان
امل للشـيـعـــه عـلي والعـنـوان
منهجه اليـقـراه ابـد موخسران
نـهــج طــه اذا نهجـه تـتبـعـه
وبيده حيدر الك صكك يـوقـعه
اليـعـانــد مايريده
اشيسوي مايفيده
يعرف هناك علي بيوم القيامه
حـيـدر الايمان والفضل والجــاه
شتسوه هـالـدنـيه حـيـدر ابلـيـاه
الباري رحمه ونور للبشر خلاه
والمشه بــدربـه فـــاز والوالاه
اليمشي وياه يفوز بهل الهدايه
واليـعـاديـــه بريء من الولايه
اضل حچيه اعيده
اشيسوي مايفيده
يعرف هناك علي بيوم القيامه
علي ليـبـغـضـه ابــد مــايــربــح
واليحبه هـنــاك بــالحشر يـفـلـح
نبقه احنه انعيد بالحچي ونشرح
حـتـى للـعـالــم هـــذا يـتــوضــح
وي علي انموت وابـــد لامــانــعـوفـه
بنص الگـلــوب نحسه احنه ونشوفه
علي المايلزم ايده
اشيسوي مايفيده
يعرف هناك علي بيوم القيامه
لاتنسون والدي وابني عباس من الرحمه والغفران
خادمكم رياض الرسل الجابري
قصيده علي (ع)
تون وتنوح بكلب مجروح
زينب يم علي بحسره
زينب تنظر بدمعات لبــوهــا وتنحــب بعــبـره
تعاين جرح البراسه وتشمه اشويه من صدره
تخاف اتلچمه والمجروح تلچمه حتى بالنظره
لحظات الموادع موت چنها اتودع الــزهــــره
گلبها ايلوب تنون وتذوب
بدمعها زينب تنظره
بين الحيره والحيره تعاين مخـتـلــف وضعه
تسكت تشب بيها النار تحچي لازم بــدمعــــه
ضلت تبچي وتسولف وسوت مجلس وتنعـه
وابوها منطرح ويلوب رادت يحچي وتسمعه
حچه الكرار بدمع مدرار
وحضنها الزينب بعبره
گام اتعـايـن الراسه ينزف والـوجـه اصفـــر
تسأل والدي معــقـول انته هـــــذا ياحــيــدر
الشال بچفه ذاك الباب ويشهدله حصن خيبر
معقوله وعجيبه شلون تريد تگوم ماتگــدر
تون سكته علي انته
الضحه الناسه كل عمره
نايم حــيــدر بـيـاحـال يــنزف والجـــرح دامي
بده يحچي برفيع الصوت يزينب خلصت ايامي
يبويه العــيــد ماشوفه وبعـــد ماكمل اصيامي
لتعوفيني يازينب اگــعــدي وصـيــري گــدامي
انخفض صوته گرب موته
وگام ايوصي بالفقره
يابويه اجانه العــيـد بــدمــوع وحــزن والآم
والايام بعــدك موت بــويــه اشتـنـفـع الايــام
جبنه العمر كله احزان وانخلص العمر صيام
شلون انعيد بياحال اول عـيـد واحـنـه ايتام
اجانه العيد وانته بعيد
مشيت وجرحك اشكبره
يابويه العمر بعــدك من تمشي نخلصه بنوح
عشت مظلوم ياحيدر متت وگلبك انته جروح
شيفيد العمر بعــدك واسيوف المنيه اتـلــوح
بعدك كلنه يابويه من تـروح كـــون انــروح
نودعه اليوم علي المظلوم
ونحمد ربنه وانشكره
لاتنسون والدي وابني عباس من الرحمه والغفران
خادمكم رياض الرسل الجابري
قصيده للأمام علي (ع) شكل هوسات تحتوي على اسماء الله الحسنى
الودود الغني الباعث ربك التواب
المجيد الباسط الخالق الكل اسباب
آله الكون رادك تـنـزف بمحــراب
(ياحيدر ويباهي بدمك)
المانع ربك المقسط عليم الحال
القدوس المهيمن والمتين اشگال
حيـدر ينطبــر والدم يريده وسال
(بالمحراب وينزف دامي)
السلام المؤمن الرزاق والجبار
الوهاب المصور عالم الاسرار
من ساق العرش ويعاين الكرار
(من طاح السيف اعله الهامه)
الفتاح العزيز البارئ الخافض
اللطيف الرافع الغفار والقابض
اذا قرر قـرار اشحده ليعارض
(مشتاگ الحيدر ويريده)
المبدئ والشكور النور والرحمن
المقيت العدل اسمه وخالق الاكوان
الحكم والملك هـوه وحيدر القرآن
(وبدمه يرتل آياته)
الوكيل المحصي والحق الولي الماجد
المتعال الشهــيــد المذل والشاهــد
العلي الكرار راده ينطــبــر ساجــد
(ويباهي بدمه بأكوانه)
الضار النافع الواسع كبير الشان
الحفيظ العلي القهار الصبور اشچان
رايــد من اراده وانــزل القــرآن
(يصبح تأويله وتفسيره)
المميت المقتدر والعفو المتعالي
الرشيد الوارث المتكبر العالي
حيدر عنده اعز واغله كل غالي
(هو وطه بنفس الرتبه)
الواجد والرؤوف الوالي والجامع
القيوم الحكيم بحكمـتــه رافــــع
علي الكرار الاول ابد مو رابـع
(والگايل رابع بجهنم)
الهادي المنتقم والآخر الظاهر
المؤخر والحسيب الاول القادر
كلمن مايحــبــك يــاعلي خاسر
(ميشوف الجنه شما صله)
المجيب القوي الواحد ذو الجلال البر
الحليم الباطن ايگله العـلي ابشـر
تدري الما يحــبــك ياعلي يكــفــر
(ناصب والنار امتانيته)
الخبير الصمد حي ومالك الاملاك
المقدم والبصير أمسخــر الافــلاك
من نوره وجلاله الباري من سواك
(صاغك ياحيدر وبكيفه)
السميع ايظل غفور الهاي كل الناس
الحميد اسمه المعيد وحارس الحراس
قرر ينضرب حــيــدر بــذاك الراس
(المادنگ بس لله براسه)
الأحد والبديع اسمه الكريم اهواي
الرحيم ايريده صايم ينطبر مولاي
انطبر حيدر وضجت بالصياح اسماي
(والدين اتهدمت اركانه)
العظيم الباقي والمحيي الرقيب ارواح
الجليل المغني اسمع حيدره من طاح
وسام براسه طبره ومطمئن من صاح
(فايز صاح ورب الكعبه)
لاتنسون والدي وابني عباس من الرحمه والغفران
خادمكم رياض الرسل الجابري
شوط كربلائي بحق الامام علي (ع)
زينب بالدمع والنوح گعدت يمه تتحسر
تعاين مره للعباس ومره اتعاين الحيدر
١
حيدر يمها ويعاين گوه يلفظ انفاسه
عرفت راح ابوها اليوم يودع دنيته وناسه
تعاين طبرته شافت چبيره الطبره البراسه
لبوها حارت بأمره
چبيره شافت الطبره
اختنگت زينب بعبره
المنظر قاسي ياهالناس شلون اتحملت المنظر
٢
زينب گربت يمه تشمه گامت بصدره
يبويه اتگله احچي وياي اموتن خاف بالحسره
امشي اعليك اعز الناس الحبيبه فاطمه الزهره
صد يابويه حاچيني
وارحم كل دمع عيني
بعذابي لا تخليني
وحيدر گوه شال الراس ولون الوجه صار اصفر
٣
برفيع الصوت حاچاها يگلها يابعد روحي
الكلام وياچ يابويه يزينب بلسم جروحي
وگام يعاين العباس ويگلها كل سبب نوحي
راح الوحدچ اتضلين
وكلشي بعمرچ اتشوفين
اوصيچ واسمعي زين
المصايب من تشوفيها صيري للصبر مصدر
٤
صد حيدر لعد عباس وگام الروحه يسألها
اي عباس بس عباس لعد زينب كفو الها
واهنا كلم العباس وگله انته كافلها
رد عباس خادمها
وشحده اليكلمها
كون الزهره ترضه امها
اصيرن خادم الزينب وتجازي الزهره بالمحشر
٥
زينب بعد ماعرفت اشوصه بيها واليها
گامت تنظر العباس وخلت ايده بيديها
كفو منك بماي العين واختك ماتخليها
وزينب تنظر ابدمعه
لبوها وگامت اتودعه
ياعباس ارد انعه
زينب تنعه والعباس يمها يبچي واتصور
٦
وهنا ودعت زينب ابوها بدمعه سچابه
والعباس يمها ينوح ويبچي بنار لهابه
حيدر غمض عيونه بأخر لحظة امصابه
وزينب صاحت بأحساس
بحضني جيب خلي الراس
وخلي انشمه ياعباس
هذا اخر وداع النه بعد للضيم نتحضر
لاتنسون والدي وأبني عباس من الرحمه والغفران
خادمكم رياض الرسل الجابري
قصيده بحق الامام الحسن (ع)
هاليوم هاليوم فرح گلبي وعلن
هاليوم هاليوم يهل نور الحسن
وبيوم ميلاده
نحتفل بعياده
هاليوم هاليوم يهل نور الحسن
١
شع نوره والصوره ترسم يافجر
تتلاگه بأشواگه والدنيه عمر
من حيدر والزهره نوره ويفتخر
والعاشگ من حگه لو هايم سحر
ميلاد ميلاد ابن اشرف ولي
ميلاد ميلاد ابن حيدر علي
والسيد الساده
نحتفل بعياده
هاليوم هاليوم يهل نور الحسن
٢
هالليله اشواگي بالسر والعلن
تفضحني بالمولد والفرحه ثمن
شافوني سألوني شايل ياشجن
شرد احچي ساحرني ميلاد الحسن
بالروح بالروح شلت حبك ذخر
بالروح بالروح حبيتي وافتخر
هوه الگلب راده
نحتفل بعياده
هاليوم هاليوم يهل نور الحسن
٣
دگ بابه هالليله يطلع چم ضوه
من عطره وانفاسه نشتم الهوه
تغمرنا هالفرحه كل احنه سوه
والعاشگ هالليله دلاله ارتوه
مليان مليان گلب ذايب عشگ
مليان مليان بسم واحد يدگ
للحسن والعاده
نحتفل بعياده
هاليوم هاليوم يهل نور الحسن
٤
اشواگي شايلها ترسم فرحتي
هالليله بالمولد وانظر حالتي
يالتسمع أسمعني وشاهد صفنتي
بالدمعه هالليله أبصم بصمتي
بدموع بدموع الك كاتب عهد
بدموع بدموع واناديلك مدد
والعلي وأولاده
نحتفل بعياده
هاليوم هاليوم يهل نور الحسن
٥
خليني هالليله بالمحفل أحس
انفاسك وبعطرك عالوادم همس
يالسحرك وبنورك غطيت الشمس
هالليله بميلادك ماخذ چم درس
عنوان عنوان بخت أهل الكرم
عنوان عنوان عليت اعله القمم
واناطر أمراده
نحتفل بعياده
هاليوم هاليوم يهل نور الحسن
لاتنسون والدي وأبني عباس من الرحمه والغفران
خادمكم رياض الرسل الجابري
موشح وممكن يقرأ مربع لولادة الحسن (ع)
للحسن جينه بشرف عنايه
١
الليله بالميلاد ملتمه الأحباب
كلها متعنيه وتدگ للفرح باب
الزهره خلي تشوفنه بعد الغياب
نحضر و رايه تلوذ برايه
للحسن جينه بشرف عنايه
٢
بالفرح جينه خدم تدرونه
نشعل اشموع الفرح خلونه
للحسن نحضر وضي اعيونه
بالحفل والمخلصين ويايه
للحسن جينه بشرف عنايه
٣
للحفل جينه شرف أعظم شرف
انوصل المبروك احنه للنجف
بصوت واحد بينه كل خادم هتف
الفاطمه ومنطين احنه احچايه
للحسن جينه بشرف عنايه
٤
للحسن بفراحنا المعتاده
كل سنه نحضر نجي بميلاده
نحلف ومنبطل احنه العاده
نحتفل چم سنه صار اهوايه
للحسن جينه بشرف عنايه
٥
راية الخدام ما ألها مثيل
ترف خفاقه بسم حامي الدخيل
شما نقدم بالحفل احنه قليل
وهاي غايتنه الولاده هايه
للحسن جينه بشرف عنايه
٦
احنه أهل خط العشك والاحتفال
أبد مانگطع أبد هذا الوصال
كلمن ايحب الحسن جيبه تعال
خل يشارك والولاده الغايه
للحسن جينه بشرف عنايه
٧
نقره نختم بالفرح هذا الدعه
للحسن نقره الحمد والقارعه
صوت كل خادم الليله يسمعه
وينعكس صوت الخدامه أمرايه
للحسن جينه بشرف عنايه
لاتنسون والدي وأبني عباس من الرحمه والغفران
خادمكم رياض الرسل الجابري
ابوذيات لوفاة السيده خديجه (ع)
١
رب الكون من رادك وحالك
ظلام الجهل مايرحم وحالك
خديجه اتعوفك الليله وحالك
عليه يبچي العرش وأهل الوطيه
٢
النوايب ابد ماتنراد مره
تشيب الراس لمن تمر مره
محمد عام هذا الحزن مره
واخذ منه خديجه بهل مسيه
٣
خديجه الچانت الطه وساده
الحزن خيم على بيته وساده
جن وأنس حزنانه وساده
على أم الزهره وبهاي الرزيه
٤
حزنك يالمحب طلعه وظهره
الخديجه بكل حزن يومك وظهره
الرسول اعليها ظل محني وظهره
يحس مكسور متلمه الوطيه
٥
حكه الواحد الينحب علامه
(على أمه)
اشعنده الزمن مايرحم علامه
خديجه من مشت تركت علامه
حزنها ورثته الزهره الزچيه
لاتنسون والدي وأبني عباس من الرحمة والغفران
خادمكم رياض الرسل الجابري