alral1961 | Unsorted

Telegram-канал alral1961 - الشاعر رياض الرسل الجابري

1472

قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961

Subscribe to a channel

الشاعر رياض الرسل الجابري

موشح بحق سعيد بن جبير (ع)
استشهاده ٢٥ ربيع الأول




ضل سعيد ابن جبير وسيرته
الناصعه وتبقه ترفرف رايته

١

ياسلام الله على عالي المقام
الدنيه والتاريخ يوكفله احترام
من علي السجاد علمه والكلام
عاش رايه ومات رايه بوكفته
٢

باقي قمه وعاش بعماق الضمير
ابد مابايع وصافح چف اجير
صح فقير الحال بس من مات أمير
من علي السجاد ماخذ هيبته
٣

ينتهي بآل الرسول ويبتدي
لو عمل أي عمل بيهم يقتدي
والنعم منه سعيد الاسدي
واجه الحجاج هوه وسلطته

٤

واجه الحجاج وانطانه درس
وكل مناضل منه لازم يقتبس
سيرته اتضل واضحه مثل الشمس
جاه ربنه انطاه وتكتل شارته
٥

الباري راد بهل أمر يصبح شهيد
وكله افعل يحجاج شما تريد
وانذبح اشرف نحر بس ضل سعيد
السان ناطق رغم فصلو ركبته
٦

ركبته انفصلت ومابطل كلام
هاي افعال المقاتل والهمام
راسه يتكلم مثل ثالث أمام
حسين والتاريخ خلد قصته

٧

دعه بآخر دعوه يارب العباد
ربي لتسلطه على ارقاب البلاد
واستجاب الله دعوته بكل رشاد
وهاي اخر دعوه جانت دعوته






لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

الولاده الميمونه للرسول الكريم (ص)




مولاي مولاي يارسول الله
مولاي مولاي يا حبيب الله

1

ياسوره بقرآني واقراها بميلادك
والدنيه ياطه تتشرف بمجادك

قـرآني واقــره يوميه
بميلادك عـاقـد النيــه
بالمحفل من تصد ليه
يمولاي

تلگاني عاشگ وهايم
خل تعرف قصتي الوادم
اتشرف انه الك خادم
يمولاي

مولاي مولاي يارسول الله
مولاي مولاي ياحبيب الله

2

يامعدن وجداني وبروحي واليتك
عالفطره ياعمري من زغري حبيتك

ياروحي واغله كل غالي
تبقـه انته سلوة أمــالي
يالحــبـك سكــن دلالـي
يمولاي

حبيتك خـل يلــوموني
يالساكن انته بعــيـوني
مجنونك خل يسمـوني
يمولاي

مولاي مولاي يارسول الله
مولاي مولاي ياحبيب الله

3

بميلادك يا طه من احضر عالفطره
اقرالك واتأمل بالمولد فد نظره

من احضر ارتجي نظره
تنظـرلي بداعت الزهره
واحسبني انه عـالفقره
يمولاي

بعيوني شلتك احچايه
ميلادك غـايــة الغايـه
يالروحي ألك وفــايـه
يمولاي

مولاي مولاي يارسول الله
مولاي مولاي ياحبيب الله

4

بعيوني وحساسي حبيتك وضنوني
والوادم معشوگك يا طه عرفوني

احچيلك والسمه شاهد
بالمولد احضر وگاعــد
تتقـبــل خــادمك رايد
يمولاي

احساسي يسبگ دموعي
بالمولد اعلگ اشموعي
بالفرحه انته موضوعي
يمولاي

مولاي مولاي يارسول الله
مولاي مولاي ياحبيب الله


5
اختملك اشواگي بالمولد احچيها
بس انته معشوگي اولها وتاليها

تبقه انته شهگـت انفاسي
محبوبي وساكن احساسي
خـلـيـتــك تاج الـبــراسي
يمولاي

ميلادك احله كل فرحه
عالدنيه اشرق بصبحه
يالروحك يالنبي سمحه
يمولاي

مولاي مولاي يارسول الله
مولاي مولاي ياحبيب الله






لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

قصيده ولادة الرسول الاكرم محمد (ص)




طيور الحب تردد احمديه
على الاكوان هل سيد البريه
١

طيور السمه تنثر هالمعاني
انولد طه انولد ذخري وضماني
الف مبروك والسبع المثاني
نرددها نظل صبح ومسيه
٢

نهني والمشاعر فايضه احساس
نجي ونحمل بدينه الورد والياس
لبو الزهره نجي نحلف بعباس
نشارك بالحفل كلنه سويه

٣

على اعتاب الحفل لمن وصلنه
لعد سيد البشر نادينه كلنه
يبو الزهره يضل حبك أملنه
وليالي مولدك تبقه هنيه
٤

الك نرسل تهاني الحب مشاعر
على اجناح الفرح لجلك نسافر
يبو ابراهيم شوگ البينه طاير
والك تصدح حناجرنه الوفيه
٥

عبرنه بكل مشاعرنه الحواجز
واجينه بمولدك ناخذ جوائز
كل خادم حضر هالليله فايز
برضاك وياخذ الليله هديه

٦

محبتنه بشرف نختمها نيشان
الك نبصم نعم ياسيد الأكوان
محمد بالعرش تؤام القرآن
لأن جبريل ناده بهل وصيه





لاتنسون والدي ابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

ابوذيات لولادة الرسول الكريم (ص)



نجوم اجمع بميلادك ولملاك
وغيرك ابد ماعندي ولملاك
العرش والدنيه والعالم ولملاك
يبو الزهره الك تاخذ تحيه


ميلادك يظل كل وكت منهل
وعليك الدمع بس للفرح منهل
يومك يا أبو أبراهيم منهل
السموات السبع صارن ثريه


أدگ حزني فرح كله ونعمه
وأشوفك بالگلب حاضر ونعمه
الباري أرسلك رحمه ونعمه
على الكون بشرف يابو الزچيه



عليك أعضاي أسحگها وارضها
وأحس بحب تخاصمني وارضها
السمه أهتزت ابميلادك وارضها
لأن نورك تشعشع عالوطيه



لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

عكيلي بحق الامام العسكري (ع)




للمجلس بالمدمع جينه
وانادي احضر يامهدينه
١

نحضر يامهدي بيادمعه
وانوح اعله والد ننعه
صوت الخدام انته تسمعه
نلطم عالوالد خلينه
٢

نلطم والعالم يسمعنه
يابو المهدي يامرجعنه
انته اتوحدنه وتجمعنه
وبأسمك احنه اتسمينه
٣

هالليله انوح اعله مصابك
ونتمنه انشم احنه اترابك
خدام ومن نوصل بابك
نتمنه اترد انته اعلينه
٤

يبن الهادي انلوذ بعطفك
محتارين ابيش انوصفك
من جودك نترجه ولطفك
تشمل خدامك والينه
٥

الخدام الليله بيا حاله
تنحب بدموع الهماله
لجلك واليلطم هنياله
هالليله المهدي الله ايعينه

٦
ودعناك ابدمعه وحسره
حزنك يابو المهدي اشكبره
الله يساعد كلب الزهره
والزهره انحبك تدرينه
٧

مسموم وترحل هالليله
والله ايساعد كلب العيله
للباري ابمدمع نشكيله
زين الباري يدري اشبينه





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

تجليبه للعسكري (ع)




على امصابك يوالينه بدمع مدرار
هالليله نعزي المهدي راعي الثار
١

بدمع يالعسكري نبچیلک وننعه
بمصابك ننوح ونسچب الدمعه
من آل النبي الليله طفت شمعه
وبگلب الموالی اللیله شبت نار
٢

نارك بالگلب شبت بهذا اليوم
والله يساعد المهدي بحزن وهموم
يشاهد والده متلوع ومسموم
وتعاين عليه متوجه الانظار

٣

مات العسكري ياهو الاجه الدفنه
كلها تنتظر ماگطعت الضنه
ابنه المهدي حاضر واقترب منه
وچان الهل حضور اسرار يابو اسرار
٤

حضر لجل الدفن والوادم انتظره
خمسه لو أقل لو اكثر بعمره
هذا منين صاحو مهجت الزهره
صفنت كلها صفنت والفكر محتار
٥

دفن بيده ابوه والدمعه سچابه
وضل ينحب المهدي ويبچي لمصابه
هالليله بمصابه وبسم أحبابه
نعزي الدنيه كلها والنبي المختار
٦

انودع العسكري هالليله بالدمعات
وبهذا الخبر تتعاله هالأصوات
مات العسكري مسموم لمن مات
ونعزيها الزچيه وحيدر الكرار





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

الامام العسكري (ع)



مابين جرحك والزمن
قصتك تبدي يالحسن
آه يمسموم
آه يمسموم

١

يالشايل اجروح الناس وعايف جرحك ايندي
مابين الحزن والآه عايش يا أبو المهدي

جرحك وهموم الناس
شايل دمعه واحساس
شلون اجروحك تنقاس
صعب
مثلك ياهو المظلوم
عايش يومك مالوم
يالضحيت ومسموم
گلب

شلت بحياتك ياجرح
ياليل ومتناني الصبح
آه يمسموم
آه يمسموم

٢

عشت يالحسن جرح الناس بين الحيره والمدمع
وعيون البرايه اعليك تنظر والسمه تسمع

وأهل الشر يتربصون
اعليك امخلين اعيون
ماتبقه ويتمنون
جرح
يابو المهدي ايعرفون
مابين الكاف ونون
بيك الوادم يدرون
سمح

مابين جرحك والسمه
صابر يمهجت فاطمه
آه يسموم
آه يسموم

٣


العايش مثلك بيا حال بين الدمعه والحيره
شايل كل هموم الناس ولوعه بگلبك أچبيره

رغم الصاير والصار
عايش يومك اخطار
يابو المهدي الأسرار
أمل
للدين اشما ضحيت
قدوه وشامخ ظليت
شمعه انته الاهل البيت
تظل

يالعايش احساس الدمع
بالحسره صوتك ينسمع
آه يسموم
آه يسموم

٤


مابين الدمع حسرات شايل والعمر عده
المثلك ماينام الليل ودمعاته بوسط خده

عايش وي الظلام
وعندك چانت احلام
تعبر هاي الأيام
ردت
اعظم منهم شافوك
ياوسفه وماخلوك
بالاحقاد وسموك
شفت

تنظر بعين العاطفه
والوادم ابلايه وفه
آه يسموم
آه يسموم

٥


مشيت ابين جرح الموت والخطوات مجهوله
عد ناس التبيع الدين وعن الصار مسؤوله

بموقف ثابت أديت
دورك انته وضحيت
تالي بأسمك حسيت
جمر
يالجرحك ظل نيشان
عايش عمرك أحزان
وغيرك عايش خسران
عمر

بالدمعه احنه انودعك
ياليتنا كنـا مـعــك
آه يسموم
آه يسموم





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

١ ربيع الأول
مبيت الأمام علي على فراش النبي المختار


هوسه:


فده طه النبي المختار علي من بات بفراشه
مارفله جفن لو خاف على فراش النبي حاشه
متعجبوا ؟ الگوم بهای اعله جفنه لگو فراشه
(( حيدر نيمها وغطاها ))





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

الامام الحسن العسكري (ع)
والحشد وسامراء





عيون كل الشيعه بمصابك عمن -- يا ابو المهدي
اعليك كلها اتنوح وتون يالحسن -- يا ابو المهدي
ماتبطل الـنـــوح
والگلب مجروح
اعليك كلها اتنوح وتون يالحسن

1


بجمرة احزان المصيبه و لوعتك
بالگلب شلناها كلها محبتك
صرخه تدوي من گلب كل شيعتك
انموت احنه ومانعوف ازيارتك

زيارتك واجب نحس بيها فرض -- يا ابو المهدي
من نجيك ازحوف تهتز الارض -- يا ابو المهدي
نهدي مهجه و روح
والگلب مجـــروح
اعليك كلها اتنوح وتون يالحسن

2

مانعوف ازيارتك گالو خطر
والزحف شافوه على مد البصر
چفن يلبس الك واحدنه حضر
مانهاب واحنه ولد المنتظر
لان دربك يبقه درب الخالدين -- يا ابو المهدي
واحنه تربات المواكب والحسين -- يا ابو المهدي
بدمعة المذبــوح
والگلب مجروح
اعليك كلها اتنوح وتون يالحسن

3

يالحسن صحنه بولاء الصابرين
بحبك احنه بكل وكت متسلحين
باچر انزف النصر عالعالمين
برايـة المنتظر والنصر المبين
راية ابنك باچر اتـرف بـالعله -- يا ابو المهدي
الك ينشرها ويجي مـن كربله -- يا ابو المهدي
الك رايه اتلــوح
والگلب مجروح
اعليك كلها اتنوح وتون يالحسن

4

هددو سامره مارادو نجيك
وحاصروها وضيقو كلشي عليك
يالحسن والحشد سيف ابين ايديك
اتطـوعـو لجلك وصاحو نفتديك
اتطوعت كلها تحامي مـرقدك -- يا ابو المهدي
وي النواصب مانعــوفـك وحدك -- يا ابو المهدي
والنظر مشبــوح
والگلب مجروح
اعليك كلها اتنوح وتون يالحسن

5

الك عهد الشيعه ينخط بالدمه
مانعوفك احنه وكت الموزمه
بالحشر نرتجي من رب السمه
بوجه ابيض من نقابل فاطمه
انريد من الزهـره تقبلنه خدم -- يا ابو المهدي
بحق دمعها وبضلعها الي انهشم -- يا ابو المهدي
ودمك المسفوح
والگلب مجروح
اعليك كلها اتنوح وتون يالحسن



لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

الامام العسكري (ع)



مابين جرحك والزمن
قصتك تبدي يالحسن
آه يمسموم
آه يمسموم

١

يالشايل اجروح الناس وعايف جرحك ايندي
مابين الحزن والآه عايش يا أبو المهدي

جرحك وهموم الناس
شايل دمعه واحساس
شلون اجروحك تنقاس
صعب
مثلك ياهو المظلوم
عايش يومك مالوم
يالضحيت ومسموم
گلب

شلت بحياتك ياجرح
ياليل ومتناني الصبح
آه يمسموم
آه يمسموم

٢

عشت يالحسن جرح الناس بين الحيره والمدمع
وعيون البرايه اعليك تنظر والسمه تسمع

وأهل الشر يتربصون
اعليك امخلين اعيون
ماتبقه ويتمنون
جرح
يابو المهدي ايعرفون
مابين الكاف ونون
بيك الوادم يدرون
سمح

مابين جرحك والسمه
صابر يمهجت فاطمه
آه يسموم
آه يسموم

٣


العايش مثلك بيا حال بين الدمعه والحيره
شايل كل هموم الناس ولوعه بگلبك أچبيره

رغم الصاير والصار
عايش يومك اخطار
يابو المهدي الأسرار
أمل
للدين اشما ضحيت
قدوه وشامخ ظليت
شمعه انته الاهل البيت
تظل

يالعايش احساس الدمع
بالحسره صوتك ينسمع
آه يسموم
آه يسموم

٤


مابين الدمع حسرات شايل والعمر عده
المثلك ماينام الليل ودمعاته بوسط خده

عايش وي الظلام
وعندك چانت احلام
تعبر هاي الأيام
ردت
اعظم منهم شافوك
ياوسفه وماخلوك
بالاحقاد وسموك
شفت

تنظر بعين العاطفه
والوادم ابلايه وفه
آه يسموم
آه يسموم

٥


مشيت ابين جرح الموت والخطوات مجهوله
عد ناس التبيع الدين وعن الصار مسؤوله

بموقف ثابت أديت
دورك انته وضحيت
تالي بأسمك حسيت
جمر
يالجرحك ظل نيشان
عايش عمرك أحزان
وغيرك عايش خسران
عمر

بالدمعه احنه انودعك
ياليتنا كنـا مـعــك
آه يسموم
آه يسموم





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

نزله الامام الرضا (ع)




بگلب مالوم ننادي بگلب مالوم
هذا صوت الرافـضه
الليله مسموم الرضا
بگلب مالوم ننادي بگلب مالوم



يبو محمد هاك اسمع نادتك كل شـيعتك
لجلك الارواح فدوه الذوبتها محبتك
صرخه مابين الضماير عشت بيها بغربتك
چنت بين اشرار تدري تدري سمو چبدتك
على المسموم يويلي على المسموم
والرحل شيعــوضـه
الليله مسموم الرضا
بگلب مالوم ننادي بگلب مالوم



عالبعـد وتصيح كلها الشيعه بدموع وألم
قسم ماننساك احنه وعد من عدنــه قسم
نعم للموت احنه نبقه وياك ونردد نعم
حتى مانبقه نحـير وبعدك انحس بـعدم
بدمع وهموم نصيح بدمع وهموم
ينادي كل سهم المضه
الليله مسموم الــرضا
بگلب مالوم ننادي بگلب مالوم



وبصبرنه انداوي جرحك يبو محمد والصبر
ينفع بـيوم الشدايد لو تداركنه الامر
ياهو مثلك وبـهاده ضحه للدين العمر
شلون والمثلك يويلي تالي بالسم ينغدر
كلنه هاليوم نعزي كلنه هاليوم
اليخدم هنانه حضـه
الليله مسموم الرضا
بگلب مالوم ننادي بگلب مالوم



نذكر بدمعت مصابك وبگلبنه چم جرح
لأن عشت ابين ناس وياها مافاد النصح
ماتدور جنه چانت چانت اتدور ربح
مايطول ليل ناسك يطلع اعليهـم صبح
وانته للدوم تنور انته للدوم
تالي بالغــربه گضــه
الليله مسموم الرضا
بگلب مالوم ننادي بگلب مالوم



يل وداعك نار تسعر بالضماير لاهبه
وهاي الگلوب التنادي بكل محبتك ذايبه
احنه خدام ابو محمد انريد احنه انطالبه
من نخدمه نرجه منه انول حسن العاقـبه
ينزل ادموم دمعنه ينزل ادموم
سلم الامـــر القـضـه
الليله مسموم الرضا
بگلب مالوم ننادي بگلب مالوم





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

تجليبه الرسول الاكرم (ص)




محمد من رحل هالقصه مرويه
بعد حجت الوداع اهدعش هجريه
١

بعد رحله طويله ايعيشها المختار
نشر دعوة اسلامه البيها چان اسرار
من مكه واليثرب دعوته والغار
ما چل وتعب والدعوه يوميه
٢

صحح كل مسار العالم الفقره
الچانت گبله وادم تمشي عالفطره
اعلن دین بارینه ابو الزهره
بأخلاقه وأفعاله الكلها عالنيه
٣

سيد عالبشر والدنيه والاكوان
کلش زين عرفوها محمد چان
الباري کرمه وانطا وجاها وشان
وترس گلبه ترافه اوفه وحنیه
٤

خطب خطبت وداع بعالمه وناسه
وملائكة السمه والدنيه حراسه
خل نسأل محمد وين حط راسه
بأخر لحظه لمن مات تاليه

٥

مات بيا حضن نسأل ونعرف وين
بحضن حيدر وينظر جان عين بعين
عين المصطفى غمضها ابو الحسنين
القصه واضحه وماضنها منسيه
٦

بأمر رب الجلاله من ختم عمره
محمد بين حيدر چان والزهره
نادت بالدمع فاطمه وبالحسره
صد ليه حبيبي وعاين اعليه

٧

مالحگ يعاين من مشه المختار
ينظر للزجيه وحيدر الكرار
عيونه غمضت بس بيها جان اسرار
واتضل للأبد اسراره مخفيه




لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

للرسول الاكرم  (ص)

الليله الزهره اتودعه
واعله الـوالـد  تنـعـه
وتنادي  بـيـا  دمعــه
يابويه                      يابويه

العاشت روحه بين الناس گعـدت يمه بالــدمعـــه
الزهره اتگله احچي وياي خل اشبع حچي وانعه
يسمعها ويحس محتار الـزهـره ورايده اتسمعه
يحرك بيها صوته احساس أبــوهــا گبل لتودعه
تنـظـرله وتـتأمــل
وتشم بي لا ترحل
ابنيتك مـــا تتحمل
يابويه               يابويه


خل نسمع وحي الارواح من تتـلاگـه حنيه
الزهره والنبي روحين يتلاگـن ابـفـد نـيـه
لا تحرمني نظراتك يبويه وعــايـــن اعليه
خليني بــوداع المــوت اشبـع منك اشويه
بين وداعك روحي
تنزف گام جروحي
ادري تحس بنوحي
يابويه            يابويه


النبي حاچاها آخــر صوت ويعايــن مــدامعها
راد الدمعه يمسحها بخدها وأيــده يـرفـعـهـــا
رفعها وذكر چف ملعون الخد الزهره يصفعها
بـيـن الباب والحــايــط لمن گــام يــدفـعــهـــا
ودمـوعــه التجــاره
تنـظـرلـه ومحـتـاره
اتگـله وتسعـر ناره
يابويه           يابويه

خاف ايسولف الأخــبــار ألها ويشرح بعبـره
خاف ايجيب طاري النار والباب وألم عصره
خاف المحسن ايمر بيه ويحچي عنه ويذكره
ضل ساكت وينظر گام الخدها ويذكر السطره
مــا راد  أيــأذيهـــا
يدري اشصاير بيها
والــزهـره يحاچيها
يابويه                يابويه


سلم للقدر مـابـيــن روحـــه من الجسد تطلع
و روح الزهره عالمسموم بين الآه والمدمع
آخــر كلمه نـتـلاگــه گلها وفــاطمـــه تسمع
وعيون النبي بحسرات ألها أيـعـايــن وتدمع
عاينها بنظراتــه
ويهلن دمعاتـــه
ودعها بحسراته
يابويه                يابويه




لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

شوط كربلائي للرسول الكريم (ص)


محمد من رحل هاليوم شترك بيهم ابو العتره
حيدر ينحب بـيـا حـال ويـمه تنحب الـزهــره

غسل حيدر المختار نــور عـيـــونه بالدمعات
حبيب الباري هالليله مايـرجـع بعــــد هيهات
صعد روح وجسد لله المثل المصطفى مامات
حــيــدر ودعــه وضـمه
الصــدره غـسلـه وشمه
نفس روحه ونفس دمه
على افراگ النبي الهادي علي هالليله شيصبره



وحضرت فاطمه الزهراء لبوها ورادت اتودعه
تشمه وعـالجـسـد گـامـت تحــوم الفاگده وتنعه
تنحب بالبچي وتگــول شــتـكـفـيـك يــادمــعــه
تگـلـه يـانـبـي الــرحـمه
يـتــامــه بعـــــدك الامـه
فراگك صعب وشعضمه
تعاين والدمع بالعــيــن لبـوها لمن اتنضره


وحضر يمه الحسن ينظـر جــده ودمعـتــه بعينـه
الفاگـدلـه نبي مثـلــك الباري ايصبره ويعـيــنــه
وانه جدي النبي المختار المثل جدي النبي وينه
نعــمه ورحمه للوادم
جدي چان ابو القاسم
مثله صار يــاحــاكـم
رؤوف بأمته وصادق وحبيب الباري كل عمره



وصاح حسين وبدمعه اريــدك تسمع العندي
حبيبك وارتجي منك واطلب طلبه ياجـــــدي
اريد بكربله تحضر وتجيني لو اضل وحدي
گبل ماشوف جدي الـــويل
تجيني الظهــر مـــــو بليل
گبل متدوس صدري الخيل
اذا ماجيت ياجـــدي حبيبك ينسحگ صدره



وزينب تحچي وي جدها گامت وبــدموع العـين
شتحمل بعــد فگـــــدك النوايب لو دواهي البيـن
انته اول جرح بالروح واخر جرح جرح حسين
ياجــــدي الجروح هواي
جرح عباس جرح الماي
جرح الشامت من اعداي
لو جرح الهضم والشام اذا اخذوني وميسره



لاتنسون والديوابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

كعديه للرسول الاكرم


الليله نادتك كل هاي الاملاك يا سيد البريه
بدمعه وحزن وفراك
الباري الك مشتاك
يا سيد البريه

ربــك الليلــه بقــراره قــرر السيــد البــريــه
اله ملك الموت يبعث بـيــن لحــظــات المنيــه
ومن دخل يم ابو القاسم اثنينهم صارو سويه
سلم عليه واستأذنــه
والنبي ينظــــر عاينه
قابض يگله جيت انه
أمر ربــك مــو بديــه
لكن خيرك لو رايد اتعيش والعيشه هنيه
شتقرر يمخــتـار
انته بكيفك اختار
يا سيد البريه
------------------

جاوبه المختار امهـل خلي جـبـرائـيل يحضر
ومشه ملك الموت عنه والوكت بالحزن يفتر
هاي اول مره صارت نبي وبموته ايتخـيـــر
هـــا رحل باقي ومـا رحل
تنتظـــرك الـدنـيــه أمـــل
اشگد صعبه لحظات الأجل
ويمه گاعــد چــان حـيــدر
طه ينتظر جبريل ويشوف لحظات المنيه
الدنيه اتعيش لحظات
مــــابيـــن السماوات
يا سيد البريه
--------------------

هبط جبرائيل عنده سلم وأده التحيه
وگله ابشر يامحمد ربك أشتاگ النبيه
وتنتظر املاكه كلها والسماوات العليه
يانــبــي الأمـــه الخاتمه
اشتاگت الك حتى السمه
وبعـــدك تحضرك فاطمه
ويــاك بالجنه ســويـــــه
حسن الخاتمه من باري الاكوان هاي اللحظه هيه
بالدنيه نصيبك
رايح يم حبيبك
ياسيد البريه
------------------

طلب من جبريل طه هسه ملــك المــوت يحضــر
أجه يمه وقبض روحه وراسه چان بحضن حيدر
بعـقـلـك اتصور يسامع انته واتخـيــل المنــظــر
حيــدر يهل گـام الــدمــع
وحس انكسر عنده ضلع
ذاب الگـلـب مثــل الشمع
عالنبي الچان اله مصدر
سلم للقدر حيدر بدمعات ومحاضن سويه
ما يصبر بلياك
حيدر هسه ينعاك
ياسيد البريه
---------------------

بحيره ظل مذهول حيدر الزهره يمه وهل دمعها
تنظر النور ابــو القاسم وگــام يلچمهــا ضلعهـا
حضنته وشمته بصدره موته ياوسفه فجعـهـــا
ودعها والدهـا ورحل
ماظل بعــد عدها أمل
والأجل محتوم الأجل
ازغيره بس طفه شمعها
ظلت تنحب وتنظر لبوها وتنادي بدمعها
بنتك ياوليها
هذا الصار بيها
ياسيد البريه
---------------------

المصيبه


غمض عيونه ابو القاسم رحل بسهام المنيه
من رحل مسموم طه وظلت اتنوح البــريـــه
وگاعـده بدمعه تنظره فاطمه الزهره الزچيه
راح وتـركهــا بالــدمــع
والزهـــره بعــده تنفجع
بالسطره وبكسر الضلع
هيچ راح يصير بيها من بعد مايمشي عنها




لاتنسون والدي وابني عباس نت الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

تجليبه بحق الصحابي سعيد بن جبير (ع)
استشهاده ٢٥ ربيع الاول




سعيد التابعي هاليله نقراله
قصيده بالدمع واليبچي هنياله


هاليله اليعزي بشرف يلبس تاج
لان موتت سعيد النه اصبحت منهاج
ضحه بـروحه قـاوم سلـطة الحجاج
ونال الي يريده بكـل شرف ناله


سعيد بكل عـزم نال بشرف مـاراد
لان كل علمه نالـه من علي الـسجاد
صاحب وبصحبته اتحققـت ابعاد
تشهدله المواقف تشهد افـعاله


عاش بكل ضمـيـر وصرخه بالوجدان
سعيد ابـن جـبـيـر وخلدتـه الازمان
ماسـاوم ابد لا ركع للطغيان
وثبتها حقـيـقـه وساطعـه اقواله


يدري بـالحكـم والحاكم الجائر
سعيد ومن اجل ديـنه بـقـه صـابر
والحجاج حاكم يدري بـي فاجر
لاچن مقتنع بالراح يجرالـه


سلم للقدر من اجل يعـلـه الصوت
صوت الحق رمح وبصدر كل طاغوت
مايخشى ابد ميهاب من الموت
يدري الباري راح بعينه يبراله


والحجاج گص راسه السعيد وصار
يحچي اعله الرمح چن راس ابو الاحرار
كرامه من الجليل وبيها كومه اسرار
بوجه الطاغيه ضل صوته يتعاله






لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

ولادة الامام الصادق (ع)




تفرح الليله الزچيه
بالولاده الجعفريه

١

اسبوطعش اول ربيع وياهله
لبو الكاظم خصصه الباري أله
نور عالشيعه وفخرنا جاعله
بنوره وبعلمه عبرنه مرحله

أله ولهله الأوليه
بالولاده الجعفريه
٢

سادس الاقمار هالليله انولد
وگلب أمه الزهره بالفرحه انسعد
اله وقعنه ونوقعله بعد
الجعفريه بالدمه كتبت عهد

انهني كل هاي البريه
بالولاده الجعفريه

٣

بالسمه الأملاك طشت هالخبر
الليله ميلادك يصادقنه الأغر
بهذا محفلنه ننادي بكل فخر
الف هنياله الموالي لو حضر

ويفرح بهاي المسيه
بالولاده الجعفريه
٤

الليله جنات الخلد تستقبلك
لأن يم عرش الجلاله انته ملك
كل تهانينه بفرح نبعث الك
المايحبك خسر وبدنياه هلك

نفرح الليله سويه
بالولاده الجعفريه

٥

الماسمع بالخبر هالليله سمع
نور من نور العرش هل وسطع
صادق الأمه على الأمه طلع
ابو الكاظم حبه بالروح انطبع

نحلف بالله ونبيه
بالولاده الجعفريه
٦

نختم بحبنه وسعاده الهل جنين
ونشكر الباري آله العالمين
حتى يقبلنه الأمام بكل يقين
خلي نقره الفاتحه لأم البنين

وتعبتر هايه هديه
بالولاده الجعفريه






لاتنسون والدي وأبني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

ولادة الرسول الاكرم محمد (ص)



يانبي أخر زمان
بمولدك حل الأمان
يانبي نبي نبي

١

ناس بجهل گبلك تعيش بخطر
چانت واجيت واشرقت يا گمر
لجلك نزل جبريل طش هالخبر
نورك يبو ابراهيم هل عالبشر

انته يانبع الحنان
بمولدك حل الأمان
يانبي نبي نبي
٢

من مولدك هل وبزغ يا أمل
لا لات ظلت سيدي ولا هبل
يعني بوجودك مايظل كل جهل
من نور وجهك كلشي بينه اكتمل

صرت سيد عالجنان
بمولدك حل الأمان
يانبي نبي نبي
٣

صوت الولاء ايردد بعاطفه
هالليله نبصم احنه للمصطفه
وانقدم الطاعه اله بكل وفه
نورك بزغ والشرك نوره طفه

حب محمدنا الضمان
بمولدك حل الأمان
يانبي نبي نبي
٤

هالليله نورك شعشع بكل سمه
وافلاك ربك بالعرش قائمه
تحمد اتسبح والبشر هايمه
بميلادك ونورك يبو فاطمه

نحتفل آن الآوان
بمولدك حل الأمان
يانبي نبي نبي
٥

ليلة سعاده وخير ليلة هنه
والناس تسأل بين مكه ومنه
نور العرش المن نزل واعتنه
الخاطر محمد جاعله بآمنه

نور ضوه بكل مكان
بمولدك حل الأمان
يانبي نبي نبي
٦

هاي الولاده ظلت وخالده
خصها المحمد والعرش سدده
أيده بكلشي للنبي أيده
وأملاك ربك تحتفل ساجده

ربنه هوه المستعان
بمولدك حل الأمان
يانبي نبي نبي




لاتنسون والدي من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

هوسات لولادة الرسول الكريم محمد (ص)

١

انولد ساجد محمد هوه والقرآن
وهالليله تشعشع نوره عالأكوان
نزل هيبه محمد عالانس والجان

خافو من سحر اعيونه
ربعه وزين ايعرفونه
الصادق گام ايسمونه
الوادم من ايسألونه

من ايسألونه انگول جاه وهيبه
٢

منو مثلك محمد بالسمه نوره
وربك عالعرش طابع الك صوره
بميلادك الدنيه الليله مسروره

مزهيه الدنيه وخضره
تاخذ من هيبة عطره
خلي انسولف عالفطره
وانگلك يابو الزهره

ميلادك هذا اليوم يسوه الدنيه







لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

تجليبه لاستقبال استشهاده الحسن العسكري (ع)





نون للعسكري من هسه خلينه
الله يساعد اكليبك يمهدينه

١

أمام الحق يغدروه من بعد ايام
أبن الهادي ننشد ياسبب ينظام
ماراعوا حرمته وهيبة الاسلام
بعد أيام حزنه وباين اعلينه

٢
بربيع اول مصابه ونمشي عالعاده
بيوم الثامن ايصادف استشهاده
نعزي المهدي احنه وسيد الساده
بمصاب العسكري وبدمعه نادينه
٣

لتقصرون رغم الدنيه دواره
تزورون الحسن وبهاي الزياره
سامره حزينه بدمعه تتجاره
لأبو المهدي نكصده وهوه يدرينه
٤

بعد أيام احنه انعلك الرايات
وبثوب السواد انجدد الآهات
لو ناده المنادي الحسن بالسم مات
يتجدد مصابه والحزن بينه

٥

كل عام اليمر تجدد الذكره
نون للعسكري وانوح عالفطره
وانادي بمصابه مهجت الزهره
مسموم ورحل بالدمعه والينه




لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

الامام الحسن العسكري عليه السلام




خلصت كل عمرك محن
والليله ترحل يالحسن
والدمعه بالعين
والدمعه بالعين
١

عشت عمرك حزن وتقاسي لوعاتك
تتنفس جمر وتصبها دمعاتك
عشت يالعسكري مابين آهاتك
العرش لجلك ينوح وكل سماواتك

جبريل بمصابك نزل
ناده أبو المهدي رحل
والدمعه بالعين
والدمعه بالعين
٢

ياجمر المصاب العشت بين الناس
بينه اتركت دمعه وعاطفه وأحساس
تاج بكل فخر شلناك فوگ الراس
وألف لعنه عليهم كل بني العباس

سموك ماعدهم رحم
واتركت بينه چم ألم
والدمعه بالعين
والدمعه بالعين
٣

شكثر قاسيت من جور العده الظلام
وانته اتعاني منهم يالحسن اعوام
ي العباس لعنه انطوة والأيام
بيها اتخلدت بگلوب هالخدام

خدامك اتحسك ضوه
تتنفسك مثل الهوه
والدمعه بالعين
والدمعه بالعين
٤

اتركت لوعه وجمر بگلوب أحبابك
يبو المهدي وتعاني كلها بمصابك
ونرجس آه ينرجس تنظر اعتابك
من يوم الرحت وتعاني بغيابك

واعليك حزنانه وتون
محتاره من سجن السجن
والدمعه بالعين
والدمعه بالعين
٥

عاشت نرجس أبين الجرح دمعات
من ناعي الحزن صاح بثلث صيحات
مذهوله بقت من سمعت الاصوات
مات الحسن مات الحسن سمعت مات

وابتدت رحلتها بدمع
نرجس ومحنية ضلع
والدمعه بالعين
والدمعه بالعين

٦

على اجروحك غفينه ننتظر طلعه
للمهدي وغيابه طول وننعه
شوكت صوت الظهور اليصدح انسمعه
وكل شيعي بظوره اينشف الدمعه

من يظهر انشوف الأمل
يظهر أبن خير العمل
والدمعه بالعين
والدمعه بالعين





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

نزله الامام العسكري (ع)




يالعسكري بدمع الحزن نادينه : يمسموم
سامره حزنانه بفگد والينه : يمسموم
نبچي ونون بدمع الحزن
يمسموم
يمسموم

١

هالليله بدموع الحزن ننادي : يمسموم
ابنك چبدته اتوذرت يالهادي : يمسموم
ويگول كل خادم انه اعتقادي : يمسموم
بالمجلس اخذ يالحسن مرادي : يمسموم
ابچي بدمع واكسر ضلع
يمسموم
يمسموم

٢

لجلك بچينه والدموع بحسره : يمسموم
عايش مصابك بالگلوب اشكبره : يمسموم
الليله نحلفك يالحسن بالزهره : يمسموم
للمجلس احنه انريد منك نظره : يمسموم
الهم ينجلي يابن علي
يمسموم
يمسموم

٣

هذا الخبر هالليله من نذيعه : يمسموم
تنحب تنوح اعليك كل الشيعه : يمسموم
ضـاگت علينه سيدي الوسيعه : يمسموم
نقسم عليك بأمك الشفيعه : يمسموم
شوف الخدم تبچي بألم
يمسموم
يمسموم
٤

سمّو چبدتك سيدي النواصب : يمسموم
واحنه گلبنه الليله لجلك ذايب : يمسموم
ماتنگـطع تمشيلك المواكب : يمسموم
حضرت الليله بدمك وتطالب : يمسموم
بدم رگبتك و إمحبتك
يمسموم
يمسموم

٥

نكتب عهدنه وبالدمع نادينه : يمسموم
والينه يبقه العسكري والينه : يمسموم
خدام الك تقبلنه يا مهدينه : يمسموم
وسجلينه يالزهره بسجل سجلينه : يمسموم
يم المحن لجل الحسن
يمسموم
يمسموم





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

قصيده بحق الامام الحسن العسكري (ع)

لجل المسموم يالمهدي اليوم
للوالد نجري الدمعه
وانحس اتنوح السبعه
يالمهدي اليوم يالمهدي اليوم



على اجروح المصيبه انوح يالمهدي ابدمع حاير
ابوك العسكري سموه وانته ابدمعك اتناظر
تعرف زين شنهو الصار وشايل جرحك وصابر
فرق بينك وبينه اهواي ذاك الحاكم الجاير
والوالد راح بس الحق صاح
عالــوالــــد حقك تنعه
وانحس اتنوح السبعه
يالمهدي اليوم يالمهدي اليوم



رحل هالليله بالدمعات الحسن والمهدي ينظرله
زغير وعمره خمس اسنين وتنظر صحبته واهله
ياهو ايصلي عالمسموم الوادم كلها منذهله
واتقدم صفوف الناس المهدي وعالابو صله
يجري الدمعات والوالد مات
بي ضاگت هاي الوسعه
وانحس اتنوح السبعه
يالمهدي اليوم يالمهدي اليوم



الحزن والنوح والدمعه وجروح الهضم حسره
من مات الحسن مسموم الليله ظلمه سامره
الليله المهدي بدموعه ينحب عالابو بعبره
حايــر بس يدير العين محــد يمه ويصبــره
بهاي الايام وين الخدام
هالليله الكل منفجعه
وانحس اتنوح السبعه
يالمهدي اليوم يالمهدي اليوم



المهدي بدمعته بهل يوم يدفن والده وينحب
ينحب والشماته ايشوف تنظر اله ويتعذب
يشعر بالألم والنوح وگلبه من الحزن يلهب
الموقف مو سهل يشعر خطر والموقف الاصعب
خاف ايعرفوه من ايشوفوه
والحاكم يـدري ايتبعه
وانحس اتنوح السبعه
يالمهدي اليوم يالمهدي اليوم


خل نختم عزانه اليوم وندعي الآخر العتره
كون الباري للمهدي الليله ايعجل الامره
نقسم يا آله الكون عليك بداعت الزهره
تعجل امــر غايبنه وهاي الوادم اتنظره
بداعت عباس وتشوفه الناس
واعليك انمشي البضعه
وانحس اتنوح السبعه
يالمهدي اليوم يالمهدي اليوم






لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

الامام الحسن العسكري عليه السلام




خلصت كل عمرك محن
والليله ترحل يالحسن
والدمعه بالعين
والدمعه بالعين
١

عشت عمرك حزن وتقاسي لوعاتك
تتنفس جمر وتصبها دمعاتك
حسن يالعسكري مابين آهاتك
العرش لجلك ينوح وكل سماواتك

جبريل بمصابك نزل
ناده أبو المهدي رحل
والدمعه بالعين
والدمعه بالعين
٢

ياجمر المصاب العشت بين الناس
بينه اتركت دمعه وعاطفه وأحساس
تاج بكل فخر شلناك فوگ الراس
وألف لعنه عليهم كل بني العباس

سموك ماعدهم رحم
واتركت بينه چم ألم
والدمعه بالعين
والدمعه بالعين
٣

شكثر قاسيت من جور العده الظلام
وانته اتعاني منهم يالحسن اعوام
ي العباس لعنه انطوة والأيام
بيها اتخلدت بگلوب هالخدام

خدامك اتحسك ضوه
تتنفسك مثل الهوه
والدمعه بالعين
والدمعه بالعين
٤

اتركت لوعه وجمر بگلوب أحبابك
يبو المهدي وتعاني كلها بمصابك
ونرجس آه ينرجس تنظر اعتابك
من يوم الرحت وتعاني بغيابك

واعليك حزنانه وتون
محتاره من سجن السجن
والدمعه بالعين
والدمعه بالعين
٥

عاشت نرجس أبين الجرح دمعات
من ناعي الحزن صاح بثلث صيحات
مذهوله بقت من سمعت الاصوات
مات الحسن مات الحسن سمعت مات

وابتدت رحلتها بدمع
نرجس ومحنية ضلع
والدمعه بالعين
والدمعه بالعين

٦

على اجروحك غفينه ننتظر طلعه
للمهدي وغيابه طول وننعه
شوكت صوت الظهور اليصدح انسمعه
وكل شيعي بظوره اينشف الدمعه

من يظهر انشوف الأمل
يظهر أبن خير العمل
والدمعه بالعين
والدمعه بالعين





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

قصيده الامام الرضا (ع)



لجل الرضا نهل دمعه
نبچيله احـنــه وننعــه
و انادي آه يامسموم


على مصابه وعذابه ولوعـته وهمه
نون وانوح كلنه الثامن اليمه
لأن بالغربـه عاش ولا اهـل يمه
عـرف اشرارها مــن رادت اتسمه
ولن چبدته متگطعه
نبچيله احنه وننعه
و انادي آه يامسموم


نون لجل الرضا والروح نفديها
وهاي الفاجعه للباري نشكيها
غريب وشيعته مهمومـه يدريـهـا
على امصابه تون والدمعه تجريها
هالليله راح انودعه
نبچيله احنه وننعه
و انادي آه يامسموم


نودع صبره احنه وغـربة هـمـومه
وهاي الشيعه كلها الليلـه مالومه
نصب دمـعـة حزنه بفاجعـة يومه
ولأن مسموم كلها الشيعه مسمومه
خلي بصبرنه انشيعه
نبچيله احنه وننعه
و انادي آه يامسموم


على صبره وغربته ولوعة احواله
يهـنـيالـه اليـنـوح ويبچي هـنـيـالـه
تـمـر ذكـراه الليله بدمـعــه هـمـالـه
اليعــزي واليواسي الباري يـبـرالـه
والدمعه تصبح شمعه
نبچيله احنه وننعه
و انادي آه يامسموم


لبو محمد حزنه ونشكي بلوانه
للباري ويبارك كون مسـعانه
اخـبرك ليش تبچي وكلها حزنانـه
لأن الـزهـره تبچي الليله ويانه
وصوت اليون اتسمعه
نبچيله احنه وننعه
و انادي آه يامسموم





لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

موشح للرسول الكريم (ص)




شلون حال الزهره هسه بيا وضع
عين عالوالد وأيد اعله الضلع
١

المصطفى بآخر نفس واتصد عليه
بالمدامع حايره ولزمت أديه
احجي يابويه تگله وترتجيه
حچه طه بصوت بس ماينسمع
٢

حچه طه وسكت واتعالت اصوات
ناده جبرائيل بين السماوات
الدنيه فالتحزن محمد رحل مات
ولازم الجثمان هسه ينرفع

٣
گبل ماينرفع جثمان الرسول
اتصور انته بيا وضع حال البتول
تبچی تنحب حايره الليله أشتگول
ساكته ومذهوله وتصب الدمع
٤

شمته بصدره وتحس ذابت الروح
حايره الزهره بدمعها والجروح
على الوالد تبچى بالمدمع تنوح
وروحها ذابت تحس مثل الشمع
٥

يمها حيدر عاش لحظات الحزن
اعز ناسه ايفارگ الليله ویون
يدري كلش صعبه ساعات الدفن
دفن روحه وحگه حيدر ينصدع
٦

حمل نعش المصطفى وبالگبر صار
نزله بأيده علي بحيره ومرار
من نظرله جنه مليانه خضار
وجه طه المصطفى نور ويشع




لاتنسون والدي وابني عباس من الرحمه والمغفره
خادمكم رياض الرسل الجابري

Читать полностью…

الشاعر رياض الرسل الجابري

حال الامام علي بفقد الرسول  الاكرم محمد (ص)


حيدر  والأسـرار
هالليله محـتـار
يرحل المخـتــار
والدمعه بعيونه


حيدر بدمعات عينه ولـزم ضلعـــه
والنبي بحضنه يودعه ويهل دمعه
ينادي جاوبني حبيبي ومايسمعـه
يعني حيدر مايسر هالليله وضعه
بالدمع صاح            انته روحي وكل هلي
بالدمع صاح            ايموت من بعدك علي
لا تـرحــل اليــوم
والگـلـب مالـــوم
بي يدري مسموم
والدمعه بعيونه


اجـه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جـبـرائيل خــل يحضر بنوره
نزل جبريل             بالدمع لمن حضر
نزل جبريل              ايبلغه بهذا الخبر
تنتظرك الحور
والجنه والطور
ينظـر بيـا نــور
والدمعه بعيونه


قبل قبض الروح لحظات المصيبه
والنبي المخــتــار ينظـــر للحبيبـه
فـاطـمـه وگلهــا تعالي بنص نحيبه
هاي لحظات الوداع اشگد عصيبه
بالدمع صار           اوداع دمعات السمه
بالدمع صار           النبي ايودع فاطمه
والزهره بجروح
عالوالــــد اتنوح
وحيدر بـلا روح
والدمعه بعيونه


طه تنحب فــاطمــه لمن سمعــهـــا
رفع أيده ونشف بـــأيــده دمعــهــا
عاين الخدها النبي وحار بوضعها
اتذكر البسمار والــبــاب وضلعـهــا
آخر وداع            بين دمعات الحزن
آخر وداع             فاطمه تنوح وتون
ودعها بدمـــــوع
والنبي مفجــــــوع
والصوت مسموع
والدمعه بعيونه


غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبــره
ينظر اعله النبي لو ينظر الزهـره
بدمعه محتار           ايودعه بدمع الصبر
بدمعه محتار             ويمه فاطم تنتظر
بعــد المعــانات
ظلمه السماوات
شاف النبي مات
والدمعه بعيونه



لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

ميمر للرسول



بدمع النظر كلمن حضر
ينحب لعد سيد البشر
بهاي الفجيعه البل كون محد كدر يحصيها


تاريخه وجهه تستحي من وجهه
من يذكر افعاله وسماحـة وجهه
بگلب الموالي نار فـگــده وجهه
چان الامل لمن رحل
بينه ترك خير العمل
حسره ومدامع تنساب للمصطفى نجريها



اسمه بمجــرات الفلك والـــزهره
افراگه يظل حنظل بطعم الــزهره
اتصور بگلبك شنهي حال الزهره
مثل الشمع اتصب الدمع
وامخليه ايد اعله الضلع
بجمر الحزن والالام بالمصطفى انواسيها



ويلي اعله امته من رحل اولها
وسفه الوصيه من صبح اولها
بعــد النبي صار وعـبـر اولهـا
واضح جلي چان الولي
مو رابع و اول علي
بس الوصيه من مات محد تمسك بيها



هالدنيه مو خاص وابد عاملها
بفد مستوى كل البشر عاملها
هاي المصيبه من تمر عاملها
اتنوح السمه وتمطر دمه
والله يساعد فاطمه
والسطره من تبچي اعليه فاطم تحس تچويها



من تبچي تشعر تنتشي سر بيها
بيها خصوص ودمعتك سر بيها
لتخاف باچــر بالحشر سر بيها
ادموعك ذخر وتسوه العمر
للمصطفى وبيها الاجــر
هنيالك ادموع العين بالمجلس التبچيها




لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

حال الامام علي بفقد الرسول الاكرم محمد (ص)


حيدر والأسـرار
هالليله محـتـار
يرحل المخـتــار
والدمعه بعيونه


حيدر بدمعات عينه ولـزم ضلعـــه
والنبي بحضنه يودعه ويهل دمعه
ينادي جاوبني حبيبي ومايسمعـه
يعني حيدر مايسر هالليله وضعه
بالدمع صاح انته روحي وكل هلي
بالدمع صاح ايموت من بعدك علي
لا تـرحــل اليــوم
والگـلـب مالـــوم
بي يدري مسموم
والدمعه بعيونه


اجـه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جـبـرائيل خــل يحضر بنوره
نزل جبريل بالدمع لمن حضر
نزل جبريل ايبلغه بهذا الخبر
تنتظرك الحور
والجنه والطور
ينظـر بيـا نــور
والدمعه بعيونه


قبل قبض الروح لحظات المصيبه
والنبي المخــتــار ينظـــر للحبيبـه
فـاطـمـه وگلهــا تعالي بنص نحيبه
هاي لحظات الوداع اشگد عصيبه
بالدمع صار اوداع دمعات السمه
بالدمع صار النبي ايودع فاطمه
والزهره بجروح
عالوالــــد اتنوح
وحيدر بـلا روح
والدمعه بعيونه


طه تنحب فــاطمــه لمن سمعــهـــا
رفع أيده ونشف بـــأيــده دمعــهــا
عاين الخدها النبي وحار بوضعها
اتذكر البسمار والــبــاب وضلعـهــا
آخر وداع بين دمعات الحزن
آخر وداع فاطمه تنوح وتون
ودعها بدمـــــوع
والنبي مفجــــــوع
والصوت مسموع
والدمعه بعيونه


غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبــره
ينظر اعله النبي لو ينظر الزهـره
بدمعه محتار ايودعه بدمع الصبر
بدمعه محتار ويمه فاطم تنتظر
بعــد المعــانات
ظلمه السماوات
شاف النبي مات
والدمعه بعيونه



لاتنسون والدي وابني عباس من الرحمه والغفران
خادمكم رياض الرسل الجابري

Читать полностью…

الشاعر رياض الرسل الجابري

كعديه بحق استشهاد الرسول الاكرم محمد (ص)


بعض الصحابه من مشه الهادي
وغمّض اعيونه كـامت اتنادي
نحتـكـم لـلشـوره
واتضحت الصوره
بعض الصحابه من مشه الهادي
--------------------

بعد رحلة كل حياته راح مسموم ابو الزهره
وللأسف بعده الصحابه خالفو للهـادي أمره
اجتمعوا بنيه خبيثه زمره گـام اتجيب زمره
وحيدر علي بحال الـدفن
عالهادي بس ينحب يون
لحظات عايشها بحـــزن
بعــد طـه اشيسوه عمره

بس الصحابه المنصب اتـريــده
واعله الخلافـه ياهـو حـط أيــده
محّد اخذ دوره
واتضحت الصوره
بعض الصحابه من مشه الهادي
-------------------

عالكراسي الحرب واضح والخلافه اشگد عقيمه
ناس عـاشت الها تسعه الف يا وسفه وهــضيمه
بزمن چان الكرسي يحكم وهاي مو هسه وقديمه
وصحبت محمد خانتــه
والدين چــان بــذمتــه
وصّه وأبــد ماسمعـته
ذاتهم لا مــــو سليمه

الله ومحمد عــالأمـر شاهــــد
ماينصلح للأسف كــل فـــاسد
والعتره منصـوره
واتضحت الصوره
بعض الصحابه من مشه الهادي
------------------

الصاحب وعاشر محمد شرط كون ايده نظيفه
مو ايروح ايجيب وادم ظالمه ويعـقـد سقيفــه
نص آلهي بالخـلافـــه والخـلافــه مــو وظيفه
واتنصب الاوّل غــلـط
والثاني خلـوه بالوسط
والثالث الصايـــر قحط
وعــزلوا الاصلاً خليفه

بيوم الــوداع الامّه بي تفخــر
لمن محــمـد نصبّه الحــيـــدر
بالولي محصـوره
واتضحت الصوره
بعض الصحابه من مشه الهادي
-------------------

احنه نعــرف بالخيانه لــو مناصب لـــو كراسي
مــو حــرگ دار ويخـلـــف بيها ويلات ومآسي
هاي دار الوحي چانت خلي اذكره انچان ناسي
يلي احرگــت دار الوحي
من الله ابــــد ما تستحي
ما تشبع احلوگ الرحي
ماخــذه الرقــم القياسي

نــدري النفس بالسـوء امـــاره
وبيت الوحي ماراعــوا أسراره
خليها مستــوره
واتضحت الصوره
بعض الصحابه من مشه الهادي
----------------------

الليله زمرة حقد هجمت على الــدار ومارعــوها
الزهره من فگدت الهادي شلـون وليه من ولوها
من بعــد حضنه وحنانه محّد أيعــوّض ابــوهــــا
لـمّن رحــل سيد البشر
وانعرف وانــذاع الخبر
دار النبـــوّه بالخــطـر
صارت وبلـوه بلـوها

دار الرساله وزيـــن يدروهــا
بس بالحقد ياوسفه حرگوهــا
ظلت ومعمـوره
واتضحت الصوره
بعض الصحابه من مشه الهادي
--------------------


المصيبه

رحل مسموم ابو الزهره والسمه تنحب بعبره
بعـد رحلت كل حياته بحضن حيدر ختم عمره
بكلب دامي وعين تدمع حيدر ايعايـن الزهـره
واتعايـن املاك السمه
نـار ومـدامع هــايمه
يـلا استعــدي فاطـمه
بعد فكد النبي الهادي نوح وهموم ومصايب






لاتنسون والدي وابني عباس من الرحمه والمغفره خادمكم رياض الرسل الجابري

Читать полностью…
Subscribe to a channel