1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
تجليبه غديريه بحب علي (ع)
جنه ابلا علي فلسين ماتسوه
شنسوي نطبها الجنه مو حلوه
١
جنه ابلا علي شنسوي منطبها
مهجوره عساها والله يگلبها
ما ندخل أبد احنه ونعتبها
نريد احنه علي بس هوه بس هوه
جنه ابلا علي فلسين ماتسوه
٢
جنه ابلا علي منريد ندخلها
نحچيها بصراحه ومانجاملها
المابيها علي الجنه نزاعلها
ناخذ فصل منها ابدون اي عطوه
جنه ابلا علي فلسين ماتسوه
٣
جنه ابلا علي ماينشبع منها
حسبالك بصحره ندخل وچنها
اذا منشوف حيدر نعترض عنها
مو جنه نحسها لا نحس بلوه
جنه ابلا علي فلسين ماتسوه
٤
جنه ابلا علي ماندخل اعليها
اذا حيدرنه گالو مايطب ليها
جنه ابلا ثمر نشعر امخليها
والثمره علي واحنه العلي نهوه
جنه ابلا علي فلسين ماتسوه
٥
جنه ابلا علي نوگف على البيبان
منحبها ونطبها والدخل خسران
هوه الفاتحه والسور والقرآن
والجنه علي والخير والسلوه
جنه ابلا علي فلسين ماتسوه
٦
جنه ابلا علي خلي اختصرلك هاي
منطبها شلع والشيعة نفس الراي
وراه نركض ركض وانعطشه مثل الماي
نتروه بغديره احنه نتروه
جنه ابلا علي فلسين ماتسوه
لا تنسون والدي ووالدتي وأبني عباس من الرحمة والغفران
خادمكم رياض الرسل الجابري
قصيده للغدير
الله الله رسمت اشكد صور
الله الله يعيد الله الآغر
يافرحة الشيعه
وانجدد البيعه
الله الله يعيد الله الآغر
مرسومه فرحتنه واكتبنه العهد
كل احنه والينه من يوم المهد
يالأسمك محبوبي احله من الشهد
وبعيدك نادينه ياحيدر مدد
بالروح بالروح رسمنه صورتك
بالروح بالروح نشيل امحبتك
والشخصك انطيعه
وانجدد البيعه
الله الله يعيد الله الآغر
تنصيبك رباني ياميت هله
والهادي شال أيدك گدام المله
وبصوته ناداهم هالبيعه اله
والينكر هالبيعه ربنه ايسائله
جبريل جبريل يبايع للولي
جبريل جبريل بصم لجلك علي
حيدرنه منبيعه
وانجدد البيعه
الله الله يعيد الله الآغر
آياتك بالمصحف شهدن والعلن
الگاها بقرآني كل ما ينقرن
هادينه من ناده هالبيعه لمن
بس انته ياحيدر جنات العدن
نلگاك نلگاك قناديل وضوه
نلگاك نلگاك اذا نشتم هوه
هالخبر خنذيعه
وانجدد البيعه
الله الله يعيد الله الآغر
اشواگي وگليبي بالفرحه صدح
تنصيبك عالعالم ميزان الفرح
والحبك ياحيدر بالدنيه ربح
والشايل صك منك معناها نجح
للموت للموت فلا نخلف وعد
للموت للموت كتبنالك عهد
بالفرحه توديعه
وانجدد البيعه
الله الله يعيد الله الآغر
اختملك افراحي واحساس العشگ
ياحيدر بس بسمك گلبي من يدگ
احلفلك ماجامل حبيتك صدگ
اتمنه بأشواگي ابقه واحترگ
هيهات هيهات اعوفك يافخر
هيهات هيهات واتاني المنتظر
ننتظر توقيعه
وانجدد البيعه
الله الله يعيد الله الآغر
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
ابوذيات للغدير
١
بزغ فجرك يعيد الاغر هليت
على الدنيه بدموع الفرح هليت
بيدي بالحفل جگليت هليت
بتنصيبك يحماي الحميه
٢
تسلقنه اعله حب حيدر علينه
بغديره وفايح بعطره علينه
الثاني بخاً ايگله علينه
صرت موله يحيدر عالبريه
٣
نزل جبريل يم طه وحيله
وعلي واگف خلف ظهره وحيله
الأول بوگه ماخذها وحيله
خمطها من علي حامي الحميه
٤
الفاهم ياخذ الدنيه عبرها
وره ظهره الفتن لازم عبرها
الاول اجه اعله الآيه عبرها
بتنصيب السقيفه ابلا وصيه
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
قصيده غيديريه
مولا علي علي
مولا علي علي
مولا علي علي
١
بعالم الذر نطينه احجايه
انعاهد اليوم والك وفايه
انته ابو حسين يأجمل آيه
بعيدك اليوم نشيل الرايه
كلنه نفديك
وعهد ننطيك
على عنادك عاذلي
٢
نبصم اليوم الك بدمانه
وبغديرك يرف الوانه
الناس مولاي اجت فرحانه
والسماوات تنادي ويانه
النبي مسرور
بمنصب النور
لون يسأل سائلي
٣
نزل جبريل يبلغ طه
وبغديرك يحق تتباها
اعلن اليوم خبر فحواها
حيدر الناس صبح مولاها
نجه الوالاه
والي عاداه
بنار خلي يصطلي
٤
جينه هاليوم نبارك جينه
بعيد الاعياد الك وافينه
نطلب انريد طلب والينه
خدم مولاي الك خلينه
حبنه يزداد
بعيد الاعياد
كل گلب بي مبتلي
٥
انته للموت صرحنه العالي
ساكن الروح حبيب غالي
بدربك انموت ابد منبالي
العوض مولاي يحيدر تالي
جينه عشاگ
الك نشتاگ
تبقه حبنه الاولي
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
مسلم جرحنه
بالكوفه صحنه
مبعوث حين الوداه
لمن وصل كلها وياه
تاليها محنه
بالكوفه صحنه
١
حين الوصل مسلم وبيده الرايه
هالگوم ضن منطين عهد احچايه
لحسين حسباله الخلگ وفايه
محد ثبت عالمبدأ وزل رايه
مسلم وصلها
شاهد اهلها
بالكوفه ضنهم يوفوه
عهد الكتب ويصونوه
خانو عهدنه
بالكوفه صحنه
٢
راية مجد راح وحملها بأيده
كلمن يريد الخير الله ايزيده
وحسين أبن عمه سفير ايريده
للمجتمع رايد احسين ايفيده
مسلم جماعه
صله بقناعه
بعد الصلاه شوف اشصار
محد لگه حين اندار
اتفرق جمعنه
بالكوفه صحنه
٣
شد أزره وتوكل وحس بالنيه
بعد الصلاه عافوه شويه شويه
گلهم خواتيم العمل تاليه
متدوم هالدنيه وتره مگضيه
ضل يصفگ أيده
والده حميده
ضل حاير وتجري العين
ومشغول فكره بحسين
لو قل عددنه
بالكوفه صحنه
٤
ضل يمشي بالكوفه وتهل ادموعه
ياصوب يمشي ومن يسكن روعه
ضل وحده عطشان ويحس باللوعه
والباري جابه وشرب من چف طوعه
وارتوه بمايه
بس بالنهايه
ضل واگف بأصعب حال
نشدت هيه ومسلم گال
امتيه دربنه
بالكوفه صحنه
٥
راح الخبر للوالي وسفه ولزموه
القصر الاماره بالحبل من صعدوه
امعصبه عيونه من بعد ماعذبوه
ودع حسين وصله لاچن شمروه
صله ركعتين
وسلم على حسين
ضل خالد ابين الناس
مسلم وچنه العباس
بيه انفجعنه
بالكوفه صحنه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
الامام الباقر ورقيه عليهما السلام
عالباقر احتار شسولف يارزيه
راح اكشف اسرار واسولف عن رقيه
نفس العمر بالطف والدموع
شافو حسين وسحگ الضلوع
١
بالطف رقيه تشكي بالمدمع ألمها
والباقر ايخفف حزنها وجان يمها
يالباقر اتگله وتحس موقف هضمها
نادته اشگد ومايرد عباس عمها
والباقر احتار صعب شيرد عليها
وبنار الطفوف نظر محروگه اديها
ينظر عليها الباقر ايلوع
شافو حسين وسحگ الضلوع
٢
عاش المصيبه الباقر ابدمع الرزيه
من شاهد احزان الطفوف بيا عزيه
حرك الخيم نار وضمه عاشو سويه
شاهدها تركض عالجمر چانت رقيه
والدمعه بالعين صعب يسأل شجاها
من مات الحسين يهل مدمع بچاها
سباح گلب الحيره مشلوع
شافو حسين وسحگ الضلوع
٣
اخر محطات الحزن بدموع الآلآم
لمن رحل ضعن الفواطم راح للشام
عاين رقيه الباقر وينظر للايتام
ياحزن عاشه الباقر ودلاله محتام
من وصل للشام وداعه بيا مصيبه
ناده بدمعتين زينب ياغريبه
مابين روحه الحزن مزروع
شافو حسين وسحگ الضلوع
٤
شاهد رقيه بيا وضع ودموعه بالعين
اخر لقاء وياها تذكر يالمحب وين
وسط الخرابه نادته
والگلب نصين
جابو طشت ياللأسف بي راس الحسين
يسمع رقيه بحزن يابويه نادت
ينظر عليها ويون
بالحسره ماتت
مالحگ الها يعلگ شموع
شافو حسين وسحگ الضلوع
٥
والباقر بحزنه بقه وخلص حياته
مابين جرحه ولوعته وكل نايباته
مافارگت لحظه همومه وذكرياته
نار العطش وحسين ظل يحرگ لهاته
من حزن الطفوف ينادي وجرحه لليوم
من كثر الهموم رحل ياوسفه مسموم
وبگلبه حزنه العاشه مطبوع
شافو حسين وسحگ الضلوع
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
حقيبة الرادود لتحضيرات محرم اول باول
/channel/ahmed_alziwar15
ترقبو نشر قصائد محرم 1447
/channel/D773D
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
٣ أبوذيات للجوال (ع)
١
بمصابه حاجه بگليبي لبنها
يظل اطهر لبن فاطم لبنها
الجواد بطيحته اشسوت لبنها
تعنت تون لرض الكاظميه
٢
وحق الغيره شمس الله مردها
الجواد بحاجه لليگصد مردها
المرد چبد الحسن نفسه مردها
چبدتك يالجواد بهل مسيه
٣
لسان حال الزهره تقول
بمصابك يالجواد الدرب ظليت
اجيت وبالعبايه اعليك ظليت
مسموم وثلث تيام ظليت
مثل حسين مرمي اعله وطيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
الامام الجواد (( ع ))
-----------
ننحب بجمرة دمعنه بالحزن نلبس السواد
من يسألونه نجاوب الليله مسموم الجواد
-----------
الليله بدموع المآسي نرسم الوان الحزن
ونشكي للباري المصيبه وبگلبنه الممتحن
رحل هاليله ابو الهادي وشيعته تبچي وتون
واحنه هذا الليل اجانـه ياحزن ليل اليجن
جرح فگده بينه عايش والجرح باللوعه زاد
من يسألونه نجاوب الليله مسموم الجواد
--------------
نگصد البابه بجرحنه مـن دمه انصب الدمع
نصيح كلنه الليله جينه وبگلبنه المنفجع
نوگف ابابه ننادي وخلها كلها تستمع
نصيح يا ابن الزچيه انحلفك احنه بالضلع
انريد من عندك قبول بهل عمل احنه ومراد
من يسألونه نجاوب الليله مسموم الجواد
------------
يا ابو الهادي مصابك مثله ماشفنه مصاب
والزمن شاهد علينه احنه مانحمل غياب
الله يلعنها النواصب خل يسمعون الجواب
كل بني العباس فدوه تروح للطاح وشباب
والجواد بزغر عمره چـان مصلح للعباد
من يسألونه نجاوب الليله مسموم الجواد
-------------
بجمرة احزان المصيبه نسأل احنه يا عذر
باچر أيقدمـوه الطه بيـوم لو صار الحشر
شلون سموه لبو الهادي شلون بچفوف الغدر
شلون والمهدي يشاهد هالمصيبه يبا صبر
والجواد الچان خيره مصلحه كله و رشاد
من يسألونه نجاوب الليله مسمـوم الجواد
------------
ظل ثلث تيام مرمي للجواد اتمثله
فوگ سطح الدار محد اجه يمه وغسله
غـير بس يمه الزچيه وصلت وراحت اله
مثل ما لحسين راحت بالطفوف ابكربله
لجل دين الله و رسوله ضحه وبكل روحه جاد
من يسألونه نجاوب الليله مسمـوم الجواد
---------
لا تنسون والدي ووالدتي وابني عباس من الرحمة والغفران
خادمكم رياض الرسل الجابري
سارع بالاشتراك قبل الحذف
كروب جديد لتعليم قراءة القرآن و احكام التلاوة و التجويد
/channel/+oAfqr8s25RgyZDFi
من بياض ابطك طلع فجر الاسلام
ياوزير المصطفى ونعم الوزير
علي ربك نصبك النه امام
والكتاب اتوقع بيوم الغدير
صلوات
قصيده تنصيبيه غديريه
بتنصيبك علي هالفرحه نحييها
بسم يوم الغدير ونحتفل بيها
١
بسم يوم الغدير الفرحه نعقدها
بكل عام اليمر احنه نجددها
الانس والجان حيدر صار سيدها
وبسمه الأمنيات احنه نسميها
٢
تنصيبك الحجه ياعلي الكبره
عالعالم نطشها خضرت حضره
الماوالاك ياحيدر خسر عمره
والوالاك يعني الجنه شاريها
٣
واجب نحتفل والعيد رباني
وكل مؤمن يعايد مؤمن الثاني
يضل عيد الغدير بشرف عنواني
واصوات الفرح واجب نعليها
٤
اطلب حاجتك بالعيد واترجه
بحيدر والولايه بالحشر تنجه
كل الخير بثمنطعش ذوالحجه
فرحتنه الچبيره بي نخليها
٥
حيدر من گبل متنصب بهايه
وأعلنها الرسول ونزلت الآيه
من عالم الذر منطينها احچايه
ومانخلف أحچايه وأحنه منطيها
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
قصيده غيديريه
مولا علي علي
مولا علي علي
مولا علي علي
١
بعالم الذر نطينه احجايه
انعاهد اليوم والك وفايه
انته ابو حسين يأجمل آيه
بعيدك اليوم نشيل الرايه
كلنه نفديك
وعهد ننطيك
على عنادك عاذلي
٢
نبصم اليوم الك بدمانه
وبغديرك يرف الوانه
الناس مولاي اجت فرحانه
والسماوات تنادي ويانه
النبي مسرور
بمنصب النور
لون يسأل سائلي
٣
نزل جبريل يبلغ طه
وبغديرك يحق تتباها
اعلن اليوم خبر فحواها
حيدر الناس صبح مولاها
نجه الوالاه
والي عاداه
بنار خلي يصطلي
٤
جينه هاليوم نبارك جينه
بعيد الاعياد الك وافينه
نطلب انريد طلب والينه
خدم مولاي الك خلينه
حبنه يزداد
بعيد الاعياد
كل گلب بي مبتلي
٥
انته للموت صرحنه العالي
ساكن الروح حبيب غالي
بدربك انموت ابد منبالي
العوض مولاي يحيدر تالي
جينه عشاگ
الك نشتاگ
تبقه حبنه الاولي
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
هوسات غديريه
١
الماواله علي اشما يعبد انگله
كلشي مايفيده اشصام وشصله
بايع حيدر انته وأقترب لله
وبنهجه اتمسك مولانه
٢
لتدور ذريعه باچر وحجه
بس بعمل واحد بالحشر تنجه
معناها شنو اثمنطعش ذوالحجه
عيد الله وحجه يسمونه
٣
اخدها الاول وندري الفرق شاسع
مابين الثريه وفاسد الواقع
علي الاول الاول علي مو رابع
ربك والآيه ايشهدوله
٤
حيدر على الباري ايمون يدلل
من عالم الذر امنصبه الاول
تاجه من العرش حيدرنه ومفصل
والتاج ايلوگ الراعيه
ابوذيه
الفرح الكم يضل خيره ولايه
الحمدلله جعل النه ولايه
نص الباري تنصيبه والايه
نزل جبريل بيها اعله البريه
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
غديرية
حيدرنه والينه
للجنه يهدينه
ياهو الذي بيوم الغدير اعلانه علي علي
ياهو الذي اتحسه يعيش ويانه علي علي
ياهو الذي حبه سره بدمانه علي علي
ياهو الذي بنهجه مشه وقرآنه علي علي
حبه يعـلـيـنـه
للجنه يهـدينه
ياهو الذي طه رفعها الايده علي علي
ياهو الذي جمع الضلاله أيبيده علي علي
ياهو الذي كل لحظه أسمه انعيده علي علي
ياهو الذي بس هوه أحنه أنريده علي علي
هوه اليحامينه
للجنه يهـدينـه
ياهو الذي مليانه خير چفوفه علي علي
ياهو الذي بدمه رواها الكوفه علي علي
ياهو الذي بنص الگلوب انشوفه علي علي
ياهو الذي انحبه وابد منعـوفه علي علي
بسمه تسمينه
للجـنه يهدينه
ياهو الذي معروفه كل أخباره علي علي
ياهو الذي مشهود اله فقاره علي علي
ياهو الذي للفقره فاتح داره علي علي
ياهو الذي محد عرف اسراره علي علي
أسمه حرز لينه
للجنه يـهـدينه
ياهو الذي برايه مشينه وامره علي علي
ياهو الذي ربك هداله الزهره علي علي
ياهو الذي بكل حرب الله ينصره علي علي
ياهو الذي بس الله يعرف قدره علي علي
حبه ينجـيـنـه
للجنه يهـدينه
ياهو الذي بالكعبه ولدت امه علي علي
ياهو الذي بالشده نندب اسمه علي علي
ياهو الذي طه يزقه بعلمه علي علي
ياهو الذي بالگلب ثابت رسمه علي علي
حبه ثبت بينه
للجنه يهـدينه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
عكيلي بحق مسلم
يامسلم احنه الوفايه
١
نحضر كل عام ونحييها
هالذكره بدم انوافيها
والمسلم بنته اناديها
نحضر للمجلس عنايه
٢
حسين الوفقنه وخلانه
نحضر والخاطر مولانه
تحضر ندري الزهره ويانه
وبدم حسين امحنايه
٣
هذا المجلس كلنه انشوفه
مثل الحج وجينه انطوفه
يامسلم ياصوت الكوفه
خدامك هاي اموصايه
٤
اموصايه من العاش وثائر
انحبك يامسلم وانجاهر
خدام الذبحوه بالعاشر
لحسين ومنطين احچايه
٥
يامسلم بنتك ندريها
تعرف هذا المجلس ليها
نحضر هالليله انواسيها
ونطب رايه وتتبع رايه
٦
والهذا المجلس من جينه
بدموع العين اتعنينه
نطلبها الحاجه وتنطينه
يامسلم مشهود بهايه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
تم نشر برنامج محر1447 هجري متوفر فيه كل شيء (قصائد مقدمة و رئسية ونعي وابوذيات ونزلات ) اشترك بالقناة ليصلكم كل جديد
/channel/sadqdd
زواج النور بالنور
١ ذوالقعدة
مقطوعه + هوسات + ابوذيه لزواج النور من النور
الامام علي وفاطمة
عليهما السلام
فرحت الدنيه بعقد اشرف زواج
الليله مبتشره الملائك هايمه
لأن حيدر خطب بت اشرف رسول
و طه وافق والچفوف اتسالمه
مطرت الدنيه فرح طگ الخضار
وارتوت وادمنه من بعد الضمه
رادو اليشهد وشاهد عالزواج
صوت جبرائيل ناده بالسمه
الله شاهد عالعقد والصلوات
خلي نهديها العلي والفاطمه
هوسات + ابوذيه
١
نزل جبريل جاب الخير والبشره
بتزويج الامير وفاطمه الزهره
الملائك بالسمه بالخبر مبتشره
فرحانه الدنيه ومسروره
٢
علي للباب دگه مستحي وخجلان
أجه خاطب بسيفه ودرعه والقرآن
ابتشر وجهه محمد سيد الأكوان
والحيدر غمض وانطاها
٣
جاب الفرحه جبرائيل للنورين
الخطوبه بالعرش تمت بدمع العين
الملائك وقعت عالخطبه يابو حسين
جبريل ويصفگ بجناحه
ابوذيه
شكو خطاب حيدرنه كفو الها
گلبها الفاطمه وصاير كف الها
محد بالبشر فاطم كفو الها
بس حيدر علي حامي الحميه
تفسير الجناسات كفو الها
١ كف الها ابعدهم
٢ كف اليد
٣ الكفائه كفو
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
#قصائد_محرم
#بصوت_ملا_احمد_الزوار
/channel/+QYhwKs0Xy1h303S6
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده للامام الجواد (ع)
بدمعة احزان ودموع بهل رزيه
عالجواد انوح كلنه بهل مسيه
نبجي هاليوم
على المسموم
بهل مسيه
١
عالجواد وقصته ولوعت مصابه
نبجي هالليله ونون كلنه اعله بابه
جبده مسموم الجواد ويا عذابه
ودع الدنيه رحل وبعز شبابه
والجواد العاش احزان المصيبه
ظلمه صارت دنيته الجانت عجيبه
قدر مقسوم
على المسموم
بهل مسيه
٢
التمت الشيعه وتنوح بهل مسيه
والجواد الطاح طاح بيا رزيه
طاح مسموم وتون الرافضيه
ولبست اثياب السواد الكاظميه
تاسع انوار الامامه شنو صابه
الليله مسموم وتون كلها اعله بابه
الظلم ميدوم
على المسموم
بهل مسيه
٣
فاطمه الليله تصب دمع المصيبه
عالولد وتنوح وتنادي الحبيبه
يمه وينك حضرت الليله الغريبه
عالسطح تنظر عليه جثه سليبه
نظرت الزهره واله هلت دمعها
صاحت بأحزانها ولزمت ضلعها
ابني مظلوم
على المسموم
بهل مسيه
٤
بالدموع الجاريه نحضر عزائك
انقدم احنه التعزية ونعلن ولائك
فايض بجودك علينه وبعطائك
يالجواد وبالحزن تمطر سمائك
نرفع الشكوى لعد سيد البريه
بالمصاب الليله وانعزي الزجيه
الصار معلوم
على المسموم
بهل مسيه
٥
الك متوجهين وانمدلك ادينه
يبو الهادي وبالحزن ليك اعتنينه
انجدد آيات العهد لمن اجينه
بالكلب لوعتنه خل عينك علينه
گبتك تعله على انجوم الثريه
تحت امرك يبن سلطان البريه
السمه مأثوم
على المسموم
بهل مسيه
٦
الليله ودعناك والدمعه جريه
على مصابك نون كل صبح ومسيه
يالجواد ابلا اهل بالكاظميه
عالسطح مسموم والجثه رميه
كعبه گبرك صار والوادم تزورك
الدنيه تاخذ سيدي من فيض ونورك
الجره مفهوم
على المسموم
هالمسيه
٧
اخر وداع المصاب ابدمعه وبنوح
يالجواد اعليك نبجي بدمع مسفوح
الك خطينه عهدنه بكلب مجروح
كلشي بالدنيه يروح وحبنه ميروح
هاك اسمع هاي اصوات التنادي
الك واتجدد عهدها يبو الهادي
هذا مرسوم
على المسموم
هالمسيه
٨
نفس جدك يالجواد بهل رزيه
انته فوك السطح هوه اعله الوطيه
عاري ظل حسين برض الغاضريه
وسحگته اخيول الاعادي العوجيه
انودعك هالليله بدموع الندامه
يالجواد ابطيحتك صرنه يتامه
الهوه محروم
على المسموم
هالمسيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
الوداع الوداع يامحمد الجواد
1
هذا نعش الطاهر انشيله بدمع
وكل موالي الليله اصبح منفجع
خل ندگ عالراس واندگ عالضلع
عالجواد الطايح ونلبس سواد
2
هذا نعش ابن الرضا الفوگ السطح
ضل ثلث تيام وحده ومنطرح
مثل جده حسين بس ذاكه ذبح
اليوم نعلن عالجواد احنه الحداد
3
عالجواد اليوم اسچب دمعتك
دين باقي هالعزاء برگبتك
انظر انظر يالجواد الشيعتك
عالعهد وياك وبهذا المعاد
4
كل سنه بهل يوم نكتبلك عهد
مانعوفك يالجواد احنه وعد
بعد لو عدنه نقدملك بعد
نحلف احنه بربنه وبسبع الشداد
5
هذا نعش المات مسموم ورحل
چبده صار وللاسف كله وصل
هذا ابن فاطم وابن خير العمل
ونرفع الشكوى لعد رب العباد
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده من نضم (6) شعراء يقدمون هذا القليل بحق حديث الكساء قربة لله تعالى
الشاعر ابو فاطمه العبودي
كربلاء/ طويريج
الشاعر ابو احمد الهنداوي
محافظة بابل
الشاعر السيد موفق الموسوي
كربلاء/ طويريج
الشاعر حلمي السعد
محافظة البصره
الشاعر محمد الجماسي
محافظة بغداد
الشاعر رياض الرسل الجابري
محافظة بغداد
القصيدة
-----------
خلي نكتب احنه من باب الوفاء
هالقصيده ونذكر اصحاب الكساء
1
خلي عن جابر نسولف هالخبر
عن حديث اهل الكساء المعتبر
وخلي نذكر بي شموجوده صور
والي تروي (فاطمه) خير النساء
2
راح ترويه للحديث ام الحسن
من دخل يمها الرسول المؤتمن
ضعف يافاطمه يگلها بالبدن
اتگله اعيذك بلله ياطيب النقاء
شاعر اهل البيت (ع)
رياض الرسل الجابري
3
گال اتيني الكساء (المصطفى)
اليماني البي امن العله شفه
بيه غطيته وشمس عمري غفه
وشلت چفي وارفعت صوت الدعاء
4
ساعة مرت ( والحسن ) ابني حضر
گال اشم عدنه عطر سيد البشر
گتله اي جوه العبا وگلبه ابتشر
وسلم بصوته اعله سيد الانبياء
الشاعر السيد موفق الموسوي
كربلاء / طويريج
5
راح سَلم على جدّه ( المجتبى )
غايته الكبره ومَرامَه ومَطلبه
اويه ابو الزهره ينضوي تحت العبه
دخل يم جدّه اليشع وجهه ضياء
6
مُضت ساعه ولن اجه ( احسين ) ويگول
أرد اسألچ يُّمه يالزهره البتول
أشم عندچ عطر چن عطر الرسول
جدّي خير البشر مرسول السماء
الشاعر ابو فاطمه العبودي
كربلاء / طويريج
7
وگف يم راسه ولقى عليه السلام
گله ادخل یاگلب خیر الانام
دخل يم جده المظلل بالغمام
واجه ( حيدر ) يسأل بكل كبرياء
8
گلها اشم عطر النبي وعطر الاسباط
تگله ذوله مغطيتهم عالبساط
وگف يمهم چنه قدسية بلاط
وگلها دخلي ويانه ياخير الاماء
الشاعر والاعلامي حلمي السعد
البصرة/ القرنه
9
من دخل حيدر علي يم الرسول
مابگه يم النبي وراح النحول
واجت يم المصطفه خجله البتول
اتگله ارخصني ادخل وكلها حياء
10
دخلت وعطر الوفه منها يفوح
والنبي غطاهم بچفه السموح
ورفع ايده بدعوه سابع سمه تلوح
احفظ اللهم اليه الاولياء
الشاعر ابو احمد خيري الهنداوي
محافظة الحله
11
اهنانه گال الله ولَحّد يعترض
ماخلقتُ لا سماء ولا ارض
إله من أجل المحبتهم فرض
ومن وجهم اشرقت شمس الفضاء
12
سأل جبرائيل مَنْ هُم يالجليل
گله خمسه المالگيت الهم مثيل
ربي تأذنلي أصير الهم خليل
نعم گله والنبي تم بالدعاء
الشاعر محمد الجماسي
محافظة بغداد
13
وسأل حيدر يارسول الله الامين
اخبرني عن فضل الجلوس بكل يقين
طه جاوب عن اله العالمين
بعد ما طه سمع صوت النداء
14
يا علي كلمن ذكر هذا الخبر
ايفرج الله همه وينول الظفر
اهنا علي فزنا يگول بهل قدر
وفازو الشيعه بسعدهم والولاء
شاعر اهل البيت (ع)
رياض الرسل الجابري
اللهم تقبل هذا القليل ببركة اصحاب الكساء
(عليهم السلام)
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
سارع بالاشتراك قبل الحذف
كروب جديد لتعليم قراءة القرآن و احكام التلاوة و التجويد
/channel/+oAfqr8s25RgyZDFi