1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
ام البنين ماذا كان طلبها قبل موتها
شوف أم البنين البقت وحدها
گبل متموت جان أخر طلب عدها
گبل متموت رادت واحد اتظمه
الصدرها من تشوفه اتشبگه وتشمه
ودوله خبر خل يحظر الامه
تحچي والحزن بالگوه ساندها
يصبرها دمعها وهيه منتظره
نادت وبرفيع الصوت وبعبره
يوليدي تعال بداعت الزهره
تعال وانظر ألامك وشاهدها
ضلت تنـتظر والدمعه سچابه
تتعذب الأم بـالابن وغيابه
تنادي ابدمعه آه يحسين ومصابه
ودمعها من البچي ضل يحفر بخدها
عذبها صبـرها ولوعت المدمع
نادت بس ابنها بعيد مايسمع
امك نادتك يالولد ماترجع
وينك يبني ويـنك بس ترددها
رضعـتك وفه و در اللبن صافي
اسمك ما امله بطارف اشفافـي
هاللـيله اريدك كـونك اتوافي
تدري البعد امك حيل يضهدها
بلحظات الوداع أتنادي وبأحساس
بالدمعه تصيح اگبال كل الناس
صاحت يمه احظر يمه ياعباس
اريدك بالگبر امك توسدها
حضر عباس و دموعه دمه من العين
يدفن امه مايگدر بلا چفين
بيا حاله وتسئله وين اخوك حسين
ياعباس امك حان موعدها
موعدها تودع دنيه غداره
اشگد رادت تشوف حسين وانواره
حتى بأخر الانفاس محتاره
وعلى هده الوفه بارينه خلدها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة ام البنين
صوت بعماقي استقر
صوت من ام الفخر
صوت وينك يالگمر
لحگ عليها
١
بعد رحلتة حزنها والدمع والطف
نهر ام البنين من البواچي جف
جفنها اعله المشه وذبحوه بعد مارف
وضل سيل الدمع يجري ولا ينشف
ماينشف ضل يجري بعبره
بس اتوافي تريد الزهره
محتاره ومهمومه بحسره
بدموع الآه
وين سألت عالابن
وين بدموع الحزن
وين ودت هالخبر
لحگ عليها
٢
ودت هالخبر وبأخر الانفاس
عدها هالوصيه ويسمعوها الناس
سمعت زينب وخافت من الارجاس
يطبون الصحن يسبون أخت عباس
محد يگدر يوصل ليها
والمهدي اهناك ايحامينها
زينب اولها وتاليها
محروسه هناك
لا واشحده اليمر
لا وايدوس الجمر
لا نفدي چم عمر
لحگ عليها
٣
من يوم الطفوف ولوعت الايتام
ام عباس نادت والگلب محتام
وينچ يمه زينب من سبي الظلام
من تسمع الشام اتصيح آخ الشام
ام عباس اتصب الدمعه
واعله الصار اتون وتنعه
صوت ومحد گام ايسمعه
تحجي بيا صوت
خاف ترجع تنسبي
خاف غدر الأجنبي
خاف يندار الدهر
لحگ عليها
٤
تضل ام البنين ابين حسرتها
محتاره بهضمها ونار لوعتها
مانشفت على المذبوح دمعتها
عبرتها تضل للموت عبرتها
تجري ومانشفت دمعتها
مذهوله وتسأل خلتها
عن زينب وين وديرتها
هسه بيا حال
شوف هسه بيا وضع
شوف بحزان ودمع
شوف مابين الخطر
لحگ عليها
٥
هذا اخر أمر وبدمعه ودعتنا
مصيبتها تضل هيه مصيبتنا
ام عباس هذا اليوم لمتنا
لاتنسون حزني الليله وصتنا
نحضر للمجلس بالمدمع
والماسامع لازم يسمع
اطلب تاخذ لمن تطلع
من ام عباس
هاي ام الاربعه
هاي اكبر فاجعه
هاي رحلة ياسفر
لحگ عليها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي مسلم (ع)
مسلم يدير وجهه فلم يجد احد خلفه في الصلاه
نعي
بصلاتي وياي شو كلمن مشه بدربه
صعبه اهواي يا أهل الشيم صعبه
بعدني بالصلاه ماجايكم طلاب
لجل حسين جيت وكلمن ايحبه
خذلتوني وبقيت اتلفت بمگفاي
عفتوني وحيده بديرة الغربه
ثم يقول مسلم يقول ايها الناس لايوجد مجير يجيرني وانا سفير الحسين
نعي
سفير الكم اجيت وكتب جبت وياي
وداني لحسين وهسه الكم جاي
محد مايجير الگاصد امن بعيد
حسبت حساب اهلي ومادريت اعداي
عليكم ضيف اجيت وعادت الخطار
من بعد الهله يكرموه بطاسة ماي
حسافه من وصلت الكوفه ياهل ناس
بماي الوجه جيت وماشفت شراي
ثم مسلم يقول وهو يدير وجهه صوب المدينه
نعي
الوادم بيه غدرو لاتجي يحسين
ومن ارض المدينه بالك وتطلع
ضل بيها عزيز وبالأهل مهيوب
اخذ الحذر مني انچانك تسمع
لتفكر وتمشي الوادم ايخذلوك
مينصروك أبد لا تطلع وارجع
نعي
مسلم لسان حاله يقول محتار اي باب يطرق وهو غريب في المدينه
محتار بطريق الغربه والخذلان
ياباب اليدگه ويگصد اليا دار
معقوله الجره معقوله هيچ ايصير
مسلم وحده باقي بغربته ومحتار
الوادم غدرته والدمعه وسط العين
المن وين بعد ايوجه الانظار
ثم فجأه يرى نفسه امام باب طوعه
ثم يقول لطوعه
السلام عليك يا امة الله
ثم يقول امة الله انا عطشان فهل لي بشربة ماء
تقول له سمعا وطاعه
نعي
يوصف كيف مسلم عطشان ويطلب الماء من امرأه غريبه
طاسة ماي اطلب واحنه اصل الماي
ديره وللأسف وادمها خذلوني
ادير الوجه المن والوجوه اغراب
ادور ماي اشرب ليش خلوني
وانه جدي النبي المختار ياهل ناس
السمه واهل السمه مسلم ايعرفوني
ثم تجلب طوعه الماء ويشرب مسلم
ثم تدخل للبيت وتخرج مره ثانيه وتقول لمسلم اذهب لأهلك لايحق لك الجلوس على باب داري
ثم تدخل طوعه لبيتها ويبقه مسلم محتار امام باب طوعه
نعي
يوصف حالة مسلم وطوعه تطرده من امام باب دارها
لا تبقه اعله بابي اشربت مايك روح
لهلك ياغريب وحار بضنونه
لا توگف ابابي وحقها هاي الناس
هالواگف غريب ومايعرفونه
بقه حاير وصافن مسلم ومحتار
بيا حاله صفه والدمعه بعيونه
ثم يدخل الى داخل الدار ويكون حوار بينهم لحد
يقول لها سوف يأتون سبايه من كربلاء
ومن بين السبايه طفله اسمها حميده اخبريها بما جرى عليه
نعي
لحال حال طوعه تتكلم مع مسلم حول ابنته حميده
نعي
من يوصل ضعنهم اسأل اعليها
وبعيوني يمسلم انه اخليها
تجي من اليسر تعبانه واجدد كل حزن بيها
واگعد انه وياها واسولف بالدمع ليها
كل الجره وصار اعليك واضل ابچي وابچيها
وعدما يقف مسلم على قصر الامار قبل قطع رأسه يصلي ركعتين
نعي
يوصف حال مسلم قبل الذبح
وداعاً ياحسين من الصبر للموت
ارسلك سلامي بدمعه بعيوني
لاتحضر الوادم تشتغل بالخوف
مابيهم رجه والگوم غدروني
لاتحضر الوادم أبد ما يردوك
چذابه كتبهم للأسف خدعوك
نفس العل قصر خداعه كل الناس
باچر لو اجيت بكربله ايذبحوك
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
موشح مسلم بن عقيل
مسلم اتعنه ومشه بحاديها
رايته لمن مشه ايهز بيها
راية الحق حمـل مسلـم رايـته
ترف بـيده والمــلائك شـافـتـه
اتوكل اعله الباري وانوه برحلته
راد يلقي الحجه من يرويها
راح للكوفه وتعــنــه بكـل يقين
ماخذ وياه كتب كتبوها لحسين
من وصل چنه امير المـؤمنين
اچفوفه محد يگدر ايلاويها
وصل للكوفه ولقه اعليهم الصار
ابـن عـم حسين شايـل ذوالفـقـار
كلها وياصارت ولاچـن احتـار
بعد ما بيها انخدع تاليها
گوم ماعـدها ضميـر ولا شرف
انخدع مسلم بيها تالي للأسف
المال والـدينار غـايتها وهــدف
زلم تگدر لو ردت تشريها
راح يم طوعه وطلب من عدها ماي
وطوعه سألت ياغـريب امنين جاي
گلهـا مسـلم والعده كلها وراي
الكوفه غدرت بيه مدري اشبيها
دخل يم طوعه وطلع يحمل غضب
مسلم ايعرفوه ابن سيـد العرب
قاتل وفـنه الــوصل يمـه گـرب
اسوايه سوه المحد امسويها
هذه مسلـم قـاتل بهـمه وثبات
ورسم لوحه بكل مفاهيم الحياة
مثل عـباس الـوگع يم الفـرات
رايته اترفرف يضل ساريها
بسم مسلم نهتـف الليله ونگول
كون تتقبـل عزانـه ام الرسول
فاطمه الزهره ونريد احنه القبول
والحوايج يمها وانخليها
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
نگضيها بسلامه
ايام الخدامه
١
الخادم لو بده بأيام زغره
يخدم بالمجالس يكضي عمره
الخادم لو خدم يتعله قدره
ايحصل بالحشر باجر علامه
نگضيها بسلامه
ايام الخدامه
٢
عدنه حسين يستاهل الخدمه
من اجلك واجلي نذر دمه
يبقه بالگلب منقوش اسمه
منطينه وفه وعزه وكرامه
نگضيها بسلامه
ايام الخدامه
٣
كون من الزغر لحسين منذور
حتى بكل شرف تخدم بعاشور
تشعر بالخدامه انته مسرور
باجر من تجي بيوم القيامه
نگضيها بسلامه
ايام الخدامه
٤
ايام الخدامه ودمعت العين
طريق ولو مشيته ايوصلك وين
يم حسين توصل يم الحسين
واتذوب بغرامه انته وهيامه
نگضيها بسلامه
ايام الخدامه
٥
تلبس ثوب الاسود وانته لطام
تحضر بالمجالس تبقه كل عام
باجر بالحشر تحضر الخدام
وينادون اجو اهل الزعامه
نگضيها بسلامه
ايام الخدامه
٦
يامحله الخدامه وفاطمه تشوف
خدام ابو اليمه توگف اصفوف
والزهره عليهم تحضر اتطوف
وميحسون باجر بالندامه
نگضيها بسلامه
ايام الخدامه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده لرفع راية الامام الحسين
هالليوم هالليوم نرفها رايتك
١
رايت سوادك ياحسين وبالدمع
نرفعها هاي الليله والكل تستمع
عالگاع لمن طحت مكسور الضلع
شيعتك يامظلوم كلها نادتك
هالليوم هالليوم نعلي رايتك
٢
لمن يهل عاشور نشعر بالآلم
راية عزائك تنرفع يابو الهمم
من نذكر احنه زينب وراعي العلم
يحسين بالدمعه نشاهد گبتك
هالليوم هالليوم نعلي رايتك
٣
رايت وفه يحسين تبقه للابد
خدامك ايكتبون هالليله العهد
بسم الزجيه الك نادينه مدد
تكبر يبو الاكبر بينه امحبتك
هالليوم هالليوم نعلي رايتك
٤
رايت مجد رايت عزائك تعتلي
لمن يهل عاشور والهم ينجلي
نقسم نظل خدام الك يابو علي
نقسم الك بمصابك احنه ودمعتك
هالليوم هالليوم نعلي رايتك
٥
لمن حضرنه بالعهد نبصم نعم
هالليوم يم الرايه مجموعه الخدم
هالليله نشتم احنه دخان الخيم
يحسين ونشاهدها گمنه طيحتك
هالليوم هالليوم نعلي رايتك
٦
اخر دعانه انادي مولانه العجل
ننطر ظهورك النه ياخير العمل
ياسيدي ومولاي بس انته الأمل
كل احنه يامولاي ننطر جمعتك
هالليوم هالليوم نعلي رايتك
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
موشح الانصار
انتو انصار العقيده وشانها
انتو امجاد الوغى وفرسانها
١
يارجال العزه والحق والثبات
يا أسود الغانمه ومعنى الحياة
كل أسم من ينذكر بالصلاوات
لون رادت تشتعل نيرانها
٢
ودارت المعركه بنيران وسهام
والأنصار الحرسو احدود الخيام
قدمو اعمار ومناحر والكلام
ترجمو أهل الوفه وعنوانها
٣
اول الاسماء قاتل بأقتدار
عاصب عيوني نزل والراس حار
والنعم منه برز شيخ الأنصار
ياحبيب الچان عزها وشانها
٤
اتقاتل وعالم فقه يابن خضير
وسيد القراء انته يا برير
بروح وحده تنزل انته وي زهير
والهوه انسد بوسط ميدانها
٥
ومسلم بهمه نزل بن عوسجه
من نزل للزمن گام ايحاججه
محد اتقدم ومن سيفه نجه
من توسطها ارتفع دخانها
٦
دارت المعركه واتفرج تعال
من تقدم بيها نافع بن هلال
والحسين ايشاهد بعينه الرجال
ياهو خان العشره ياهو الصانها
٧
شوذب وجون الرجل يم الرجل
ثابتين بمعركه ودگو رجل
الموت طوقهم مثل طوق الحجل
وشجرة المعركه همه اغصانها
٨
وآخر الانصار نازل مدري وين
مزگ اثيابه وصرخ ياسامعين
انه عابس انه مجنون الحسين
صوتي يوصل للسمه واعنانها
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
تجليبه للعليله
عفتني والمرض هد حيلي عالفركه
اتنطـــر و اعــد أيــام للملـكـه
الك اشـكـي الليالي اشسون بحـالـي
بعـد مارحـتـوا عـني وانشـده بـالـي
گمت احسد يـبـويـه كل گـلـب خالـي
والمثلي يون من المرض حگــه
اگضي الليل وحـدي بـدمـعـي اتصبـر
على الفـرگـه يـبـويه وتدري ما اگـدر
بـالگــوه اصـبـــر روحـي واتـنـطـــر
معـقـوله ابــويـــه بعــد ما شبگه
بعـد عـيـنـك يبويـه اتسله بـونيـنـي
لأن راح اليـفــــرحـنـي ويـسلـيـنـي
معـقـوله ابـويـه الـغـالـي نـاسـيـنـي
مثل شجره صفيت بحسرة الورگه
عـلى فـراگ الاهـل يـابـويـه شـتـحـمـل
تـرضـه شـلـون ابـقـه الـوحدي وتـقبل
عـلـيـلـه تعـوفـني يـابـويــه مـن تـرحل
گمت اختنگ بويه حتى بالشهگه
عشت بهمومي انحب والدمع مدرار
وظل البيت خالي بــوحشت الخطار
محتاره وافـكــر بيكم انتــو اشصار
دگ بابي الهوه والهوه ماصدگه
الك اخـتـم كـلامي ودمعـتــي بخــدي
يمـر وحـشه بغـيـابـك ليلي ويـعـدي
گـمت اشعـر زماني واگـف بـضـدي
محتاره بدمعتي و لوعت الحرگه
لاتنسون والدي وابني عباس من الرحمه والغفران
خادمكم رياض الرسل الجابري
قصيده بحق فاطمه العليله (ع)
بالحسره والنوح
والگلب مجروح
لا مهجه لا روح
والدمعه بعيوني
١
انظر ابعيد
والمواعيد
ضاعت وگلبي انچوه
عله بالروح
گلبي مجروح
وانطفه بعيني الضوه
انه العليله البل مرض ضليت بس و ونيني
ازغيره بعدني اعله هضم والدمع تارس عيني
من روحي چان اقرب ألي وبشوفته يرويني
هسه بضعن سار ومشه وبعيد صار حسيني
ياوحشة البيت
يرجعلي ياريت
محتاره ظليت
والدمعه بعيوني
٢
ضعن الاكدار
الكربله سار
والامل وين الامل
مايرجعون
ونار الضنون
تاكل بروحي تضل
معقوله خلاني ومشه وحسين غير رايه
يگلي عليله وبالسفر يابويه صعبه اهوايه
هسه انه لو صار المسه وحدي واحير بهايه
وكت الصلاه المن بعد افرشها لمصلايه
وبنار العتاب
منتظره عالباب
ترجع الغياب
والدمعه بعيوني
٣
گلبي موجوع
ونار الضلوع
تچوي بگليبي واحن
على الغياب
وجمر الاحباب
بالهضم ابچي و أون
ياريت اطير وي الهوه مابيه حيل الفرگه
سهرانه احچي وي النجم كاتلني شوگ الملگه
ماجربت ليل الهجر لاجربتها الحرگه
گطعوني ورگه من الغصن والغصن عاف الورگه
محتاره بدموع
وگليبي موجوع
يانار الضلوع
والدمعه بعيوني
٤
وين الاخبار
اسأل الدار
وحشه يادار الأهل
ظلمه بالبيت
كلشي حسيت
ومات بعيوني الأمل
گمت انه اشم ريحت هجر وبعيد صارو ناسي
آيست من ردت هلي بس الشغل احساسي
يمكن اموت بحسرتي والشهگه بين انفاسي
معذبني ياليل الجفه والشيب تارس راسي
ياليل الاحزان
والدمع نهران
بگليبي نيران
والدمعه بعيوني
٥
اسألك وين
بويه يحسين
من وصل يمي الخبر
بطف الاحزان
طحت عطشان
دامي مگطوع النحر
كلشي انتهه ومات الحلم يابويه وابچي بحسره
لمن وصل يمي الخبر بين الألم والعبره
ذبحو ابوچ بكربله والخيل داست صدره
واعله الرمح راسه انرفع واعليچ سلم نحره
جرح السماوات
يهتف صلاوات
أبن النبي مات
والدمعه بعيوني
لاتنسون والدي وابني عباس من الرحمه والغفران
خادمكم رياض الرسل الجابري
قصيده هلاليه
اهوازيه
هذا اهلال شهر النوح والاحزان والدمعه
بي زينب تدير العين تبچي تنحب وتنعه
١
محرم دمعه يامظلوم وزينب تبقه تبچيها
ايام الشهر يحسين زينب وين تحييها
زينب تنحب وتنعه عالتل هسه تلگيها
تنادي ياحبيبي حسين بصوت ومحد ايسمعه
٢
زينب دمعت المظلوم تبچي بنار لهابه
تستقبل شهر لحزان ومن توگف على اعتابه
اتعاين للهلال اتصيح آه يحسين ومصابه
نار بنص گلبها النار اعليها ضاگت الوسعه
٣
المحد منها شاف اخيال بوسط الحومه تتعثر
مره اتطيح مره اتگوم بين الزلم والعسكر
بعد اخوتها بالميدان محتاره وصفت بالبر
من ضيم الجره والصار تشعر ماجت السبعه
٤
يادمعه وحزن ومصاب يالوعه وجرح بيها
من تذكر شهر عاشور والدمعات تجريها
حرگ خيمتها بالنيران ومحرگات ايديها
بت حيدر واخت عباس عليها اهموم مجتمعه
٥
تذكر من سبوها الگوم امچتفه بحبل مشوها
الارض الشام مسبيه تنحب تبچي ودوها
مچتوفه بحبل زينب ليا ديوان دخلوها
احترگت من هوه الشمات زينب تشبه الشمعه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
الصحابي الجليل ميثم التمار (رض)
(٢٢) ذي الحجه استشهاده
نواسي المرتضى حيدر علي الكرار
هاليله بدمعنا بميثم التمار
نواسيه بالدمع وبجمرة الأحزان
بخطيب الكوفه ميثم والبقه عنوان
الزمن يشهدله چان أيفسر القرآن
وچان بصدره يحمل للرساله أسرار
چان ايگول اسألوني على التنزيل
حفظته وحيدر الدلاني عالتأويل
على الباطل غصب كل ناسه چان تميل
ماعرفوا مقامه الگوم هالأشرار
ابن يحيى الفقيه افعاله معروفه
عليه شمس المجد كل وكت مكشوفه
رمز شامخ بقه ومنور الكوفه
اذا تندار هاي الدنيه مايندار
يسأله المرتضى ويمتحنه في صبره
يطلبون البراءة منك أيخبره
اشتظـن ياحيدره من عندك اتبره
وانه الذايب محبه وبس الك مختار
الك مختار خليهم يسمعوني
ويعرفوني الك خادم يعرفوني
انه اتشرف يحيدر من يصلبوني
بمحبتك والعوض يم النبي المختار
بفضايل حيدر ايعدد وقرآنه
وحسبوا يندثر من گصوا السانه
تخلد بالضماير وارتفع شانه
وصبح اسمه علم من تذكر الأنصار
الرحمه والغفران والدعاء لروح والدي ووالدتي وأبني عباس
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
٣ موالات للأمام علي (ع)
الفته ومغـرض قصد ريته وعسه لافته
وأهل الشرك والحقد هذا الأمر لافته
لتخاف أحچي الصدگ دگ عالصدر لافـته
ويل ماتگول الصدگ أبتعد عني ولي
واضح ومثل الشمس هالامر ألكم ولي
ناشدت أهل العگل ياهو بمكانه ولي
ردوا عليه علي غيره أبد لافته
بيوم الغدير النبي شال أيد حيدر علي
مولاكم أصبح علي وأتنصب امن العلي
باچر بيوم الحشر النار كلها علي
ميوالي هذا الفته ويصير من شيعته
هالخبر أصبح أمر كل البشر شيعته
والمعتقد بالامر مات وهله شيعته
محد يجيه بالگبر يحضر أله بس علي
كلمن يبغضك علي ربك يصيبه بشر
وكلمن يحبك علي ربك بجنه بشر
نورك يشع بالسمه والوجه طيب بشر
غير العباده أبد بالدنيا ندري ملك
ولوردت انته وعلي تاخذ الدنيا ملك
لكن الغايه ردت بالدنيا تــصــبــح ملك
ولهــذا انتــه أصبحت والله ملك مــو بـشــــر
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
ام البنين تجليبه
عليها انعه بحزن ودموعك اجريها
هاي أم الـبنين الـتنشد اعليها
هاي أم البنين اليرفعون الراس
بالـغيره مثال وأصبحت مقياس
يكفي لو گلـت أم البطل عباس
الشايل غيره محد ما يصل ليها
هاي الباري كرمها بفضل وبجاه
وصارت عالبشر قدوه بشرف والله
ربك هالقدر من جنته وعلاه
ومحد ماگدر يعرف معانيها
عليها انحب وصب من الگلب دمعه
وظل طول العمر ارثيها بس وأنعه
تشاهد دمعتك والصوتك أتسمعه
وتعـرف بيك يالحاضر وتبچيها
تستاهل تصب ادموم من العين
عليها وهالشرف يالتبچي تلگاه وين
هاي الكل دمعها خلصته اعله حسين
رادت يرجع ومارجع تاليها
ألها بكل حزن الها انذر الدمعات
ابچيها بشرف ما تندم وهيهات
مادام الضمير ايعيش باقي الذات
ودور عالضمير ابنصه تلگيها
هاي ان البنين الشبعت الأحزان
بس ربك جعلها للفرج عنوان
أطلب منها أطلب ربك الرحمن
ينطيك التريده وألها ينطيها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ام البنين (ع) تضحيه
ضحت بأربع ولدها
والدمع يحفر بخدها
تشعر امقصره بعدها
ام البنين
1
قدمت اربع ولدها للمنيه
اتگول خاف الزهره ماتقبل عليه
ربت الاقمار وانطتهم هديه
بوجه ابيض باچر اتلاگي الزچيه
قدمتهم دمعه دمعه
للحبيب العدها شمعه
مو عليهم هيه تنعه
ام البنين
2
بعد فاطم حضرت البيت الامامه
هم اسمها فاطم ونالت كرامه
ضحت بأربع بنيها والعلامه
حسين رادت الها يرجع بالسلامه
حچت وياهم يولدي
وي اخوكم اوفو عهدي
حسين منكم اغله عندي
ام البنين
3
من بعد ضيم وعذاب الغاضريه
ظلت ام الاربعه بونه شجيه
ماردتهم ولدي ويرجعون اليه
حسين سالم ردته بس ايرد عليه
مارجع سالم واشوفه
غالي ما أگدر اعوفه
ما شفت گبره واطوفه
ام البنين
4
بعد رحلتها ومصاب الطف عليها
وبعد ماضحت لبو اليمه بنيها
سلمت لامر القدر رفعت اديها
اتسلم اعله حسين واتمنت يجيها
من بعد رحلت صبرها
لان محد ما حضرها
اتمنته يحفر گبرها
ام البنين
5
راحت ام الاربعه الليله بحزنها
محد امن اولادها حاضر دفنها
اتمنته حاضر عزيز الزهره ابنها
چان نزلها الگبره بيده وحضنها
لٱن محد ما وصلها
الفاتحه نقراها الها
الليله بالدمعه ونگلها
ام البنين
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
عكيلي بحق مسلم
يامسلم احنه الوفايه
١
نحضر كل عام ونحييها
هالذكره بدم انوافيها
والمسلم بنته اناديها
نحضر للمجلس عنايه
٢
حسين الوفقنه وخلانه
نحضر والخاطر مولانه
تحضر ندري الزهره ويانه
وبدم حسين امحنايه
٣
هذا المجلس كلنه انشوفه
مثل الحج وجينه انطوفه
يامسلم ياصوت الكوفه
خدامك هاي اموصايه
٤
اموصايه من العاش وثائر
انحبك يامسلم وانجاهر
خدام الذبحوه بالعاشر
لحسين ومنطين احچايه
٥
يامسلم بنتك ندريها
تعرف هذا المجلس ليها
نحضر هالليله انواسيها
ونطب رايه وتتبع رايه
٦
والهذا المجلس من جينه
بدموع العين اتعنينه
نطلبها الحاجه وتنطينه
يامسلم مشهود بهايه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
مسلم بن عقيل (ع)
مسلم محتار مايدري اشصار
محتار بدمعه انشوفه
من صد وشاف الكوفه
مسلم محتار
مسلم محتار
1
گصدها الكوفه واتعنه شايل جرحه ومسافر
اجه يحمل كتب بيديه ومايعرف يظل حاير
يريد الناس تعرف زين ياهو الباغي والكافر
فرق بين اليبيع الدين وبين الصدره بيه حافر
دم الاحرار
يصنع ثوار
يعرف زين ومكشوفه
من صد وشاف الكوفه
مسلم محتار
مسلم محتار
2
وصل للكوفه وبعزمه راواهم كتب كثره
حملها من ابن عمه حتى ايوضح الفكره
قراها الكتب والمضمون للدين واجه اينصره
مسلم قدوه للثوار ماهاب ونذر عمره
حامل بتار
ضد الكفار
هاي افعاله الموصوفه
من صد وشاف الكوفه
مسلم محتار
مسلم محتار
3
الدين احتاجه للتبليغ وعرف من واجبه يحضر
راد ايوضح المضمون وعرفت بيه غيوم الشر
الضماير كلها باعوها ومسلم يعرف المصدر
من صله جماعه اشصار وحده بس بقه يفتر
يعرف تندار
رغم الاخطار
قصة مسلم معروفه
من صد وشاف الكوفه
مسلم محتار
مسلم محتار
4
الكوفه اندارت وصارت ضده والامر حاسم
السلطه اتحكمت بالناس وترهب سطوة الحاكم
اهل الغدر والدينار راحو نصرو الظالم
ومسلم رفع اسم الدين ولحسين بشرف خادم
ربك يختار
نهج الثوار
محد ماظل ايطوفه
من صد وشاف الكوفه
مسلم محتار
مسلم محتار
5
ظل مسلم يدير العين وحده ابين عدوانه
ناداهم بعالي الصوت هاي الدنيه خلصانه
وقاتل مسلم ومجبور رغم بالروح احزانه
همه تبعو الشيطان ومسلم تبع ايمانه
درب الاشرار شيطان ونار
متوقع ناسه اتعوفه
من صد وشاف الكوفه
مسلم محتار
مسلم محتار
6
ختم رحله حياته ادموع بس الهامه مرفوعه
رغم بالكوفه من عدهم شاف الخدعه واللوعه
وربك جابه حتى يبات ابيت المؤمنه طوعه
صار الصبح والعدوان اجتي بحقد مدفوعه
سمعو لاخبار وهجمو عالدار
والدار ايبيع اضيوفه
من صد وشاف الكوفه
مسلم محتار
مسلم محتار
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
اذا ادور قصائد سهلة الحفظ وجميلة المعنى ادخل هنا ما راح تندم
🔗 اضغط هنا للانضمام
📡 /channel/alhagamy78sattar
ديوان حسيني لخادمات الحسين ع
مع نشر قصائد جديده لمحرم الحرام
/channel/Jafar_Jafar_ssss
قصيده للأنصار
انصار وخدم ذوله اهل الشيم
الله اختار السبعين
انصار بحب حسين
ذوله اهل الشيم
الباري من يحب انسان يختبره
الشجاعه والابه وبعاطفة صبره
والانصار ضحو للنذر عمره
خاطر ترضه عنهم فاطمه الزهره
ضحوا بالنفس ونطونه درس
الله اختار الطيبين
انصار بحب حسين
ذوله اهل الشيم
من دارت رحاها المعركه بأصرار
بيوم الغاضريه انكشفت الاسرار
ياهو اوي الحسين وياهو عنه اندار
محد ماثبت بس ثلة الانصار
حامو عالخدر
ضحوله العمر
حملوا حبه انياشين
انصار بحب حسين
ذوله اهل الشيم
تقدمو والمنايه اتصيح بالحومه
الرجل لمن يموت بساعته ويومه
وانصار ابو اليمه اسماء معلومه
عبد بيهم وحر والشگگ اهدومه
منهم والنعم
بالحومه الزلم
كلهم يملون العين
انصار بحب حسين
ذوله اهل الشيم
حب حسين شالوه بالضمير امتاع
اختيار الباري والنعمين ذوله اسباع
سفينه حسين وانصاره بشرف لشراع
هلا بالموت نادو لون صار اوداع
واحدهم هتف
حي اعله الشرف
بدروب العز ماشين
انصار بحب حسين
ذوله اهل الشيم
قدموها المناحر لبن داحي الباب
وفتحو للنصر چم معجزه وچم باب
الله راضي عنهم ثلة الاصحاب
نذكرهم الليله والدمع سچاب
صح قلة عدد
ماخانو عهد
مذكورين بكل حين
انصار بحب حسين
ذوله اهل الشيم
زهير ونافع وجون وبعد فارس
للانصار شيخ ومحد اينافس
حبيب اسمه وبرير وشوذب وعابس
واحدهم صبح لبن النبي حارس
واحدهم علم
قمه اعله القمم
بهذا الحب مقتنعين
انصار بحب حسين
ذوله اهل الشيم
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
قصيده بحب الشعائر الحسينيه والخدمه
من اجل حب الشعائر
نركض بدرب المنيه
احنه تربات المجالس
والعقيده فاطميه
١
عدنه قانون الخدامه يبدي من وحي الضمائر
نرفض الذل وهوانه ونفدي للمبدأ مناحر
الخادم اتشوفه مجاهد يرتقي صرح المنابر
بالفكر لمن نسولف انقاتل بمدمعنه باچر
عن قناعه وعن درايه نخدم بأشرف قضيه
احنه تربات المجالس
والعقيده فاطميه
٢
بمبدأ الخدمه العظيمه نحمل افكار الهدايه
انقاتل بلطمتنه احنه وهذا مبدئنه كفايه
من فكر اشرف قضيه نقره نحر حسين آيه
البسمله نلگاها باچر انكتبت بدم الضحايه
منهج العزه ندرسه من ضحايه الغاضريه
احنه تربات المجالس
والعقيده فاطميه
٣
احنه علمتنه المجالس منهج التوحيد فكره
حسين وضحها وشرحها من نزف عالغبره نحره
لا تدور بالخدامه وبقضيتك انته شهره
امتحان ولحظه اصفن بيا طريقه انته تعبره
اخلص الهاي الخدامه تستحق حتى الهويه
احنه تربات المجالس
والعقيده فاطميه
٤
خلي للطف كلنه نمشي وننظر بعين البصيره
شلون عابس النه ثبت مبدأً الخدمه الچبيره
نقتدي بنهجه وجنونه احنه وانكمل المسيره
نستحق حتى احنه كلنه ننتمي الهاي العشيره
من يرفعوها الهويه اتوقع اعليها الزچيه
احنه تربات المجالس
والعقيده فاطميه
٥
خدمة المظلوم آيه احنه نقراها بدمعنه
نهتف بهذا عددنه لجله والعالم سمعنه
انجدد احنه كل عهدنه بمجلس العزه طلعنه
حسين درب الخير دربه
ودربه عنه مارجعنه
نحمل المبدأ رساله والرساله حيدريه
احنه تربات المجالس
والعقيده فاطميه
٦
بالمجالس نبچي لوعه كل سنه بمدمعنه نحظر
نعتني المجلس الزهره حتى عند الزهره نكبر
والخدم كلها تعاهد ياعلي واسمع يحيدر
مانعوف احسين احنه
احنه ونقدمله منحر
كل مجالسنه نحسها من نطبها توعويه
احنه تربات المجالس
والعقيده فاطميه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
موشح العليله
فاطمه اتسولف وتحچي احزانها
ياعليله اتشابه بنيرانها
١
طفله وازغيره تشاهد يا مصاب
بالمرض عافوها وبنار الغياب
گاعده ابيت الحزن تنظر الباب
بلكي واحد يحضر من اخوانها
٢
ماخذاها حسين وبنار الدمع
طفله ذابت بالحزن مثل الشمع
ايد تمسح دمعه ايد اعله الضلع
ضلت وتتخاطف بألوانها
٣
سولفت وي الهوه بدمعت ونين
انه اشوفك يالهوه مثلي حزين
شنهي ماسامع خبر عن الحسين
وكربله ماتعرف بعنوانها
٤
فاطمه واتسولف بدمع الهجر
وعايشه بنار المدامع والصبر
لشوكت يحسين ابقه انتظر
خبر وديلي يعزها وشانها
٥
خبر وديلي اذا شح الكلام
وخاف ماتگدر ألي ودي سلام
وي الهوه اليوصلني يابويه وانام
وباقيه ابنيتك بنفس امچانها
٦
گلبي لاچمني يبويه اعله البعد
خاف ما ترجع أليه وماترد
ابقه انوح وابچي بويه اعله الورد
وفاطمه الما تنتهي اشجانها
٧
خبر موتك وصل يا بويه ألي
بالعمر يحسين من بعدك شلي
انه اموت بموتتك يابو علي
ياصلاة الروح ياقرآنها
لاتنسون والدي وابني عباس من الرحمه والغفران
خادمكم رياض الرسل الجابري
قصيده هلاليه
تستقبل زينب بالدمعه
هلالك ياعاشور وتنعـه
من تتذكر
ذاك المنحر
هلالك ياعاشور وتنعه
محرم دمعه يامظلوم وزينب تبقه تبچيها
قصة عاشگ ومعشوگ بالدمعات ترويها
ايام الشهر يحسين زينب ويــن تحييهــا
زينب تنحب وتنعه عالتل هسه تلگيهـــا
يحسين وعالتل تلاگاها تنحب والاطفال وياها
وانته اموذر
ذاك المنحر
هلالك ياعاشور وتنعه
زينب دمعت المظلوم تبچي بنار لهابه
تستقبل شهر لحزان ومن توگف على اعتابه
تحضر كل دموع العين الشهر لو وگفت ابابه
اتعاين للهلال اتصيح آه يحسيـن ومصابه
تذكر من فگدت اخوتها تبچي اتون أتهل دمعتها
وانته اتصور
ذاك المنحر
هلالك ياعاشور وتنعه
المحد منها شاف اخيال بوسط الحومه تتعثر
مره اتطيح مره اتكوم بين الزلم والعسكر
زينب آيه بالقرآن وأبوها المرتضى حيدر
بعد اخوتها بالميدان محتاره وصفت بالبر
محتاره ودمعتها اتلالي لا أخ ضل عدها ولا والي
بين العسكر
ذاك المنحر
هلالك ياعاشور وتنعه
يادمعه وحزن ومصاب يالوعه وجرح بيها
من تذكر شهر عاشور والدمعات تجريها
حرگ خيمتها بالنيران ومحرگات ايديها
وعيون الشماته هواي بالطف تنظر اعليها
تذكر من خلوها بهيمه فوگاها وحرگوها الخيمه
اتعاين بالبر
ذاك المنحر
هلالك ياعاشور وتنعه
تذكر من سبوها الگوم امچتفه بحبل مشوها
الارض الشام مسبيه تنحب تبچي ودوها
مچتوفه بحبل زينب ليا ديوان دخلوها
بديوان الشماته اهناك اگبال ايزيد وگفوها
وگفوها وضلت محتاره وروس اخوتها دم تتجاره
بأخر منظر
ذاك المنحر
هلالك ياعاشور وتنعه
لاتنسون والدي وابني عباس من الرحمه والغفران
خادمكم رياض الرسل الجابري
هلاليه تجليبه
ياشهـر الحزن والنوح والحسره
هالليلـه حزنهـا زينب اشكبره
ياشهــر الحزن زينب تهـل العـيـن
من حضرت اميـره والزلم صوبين
تالي للأسف ودعت اخوها احسين
من عافته عاري ودامي عالغـبره
ياشهـر الحـزن والـدمعـه سچابــه
زيـنـب نــادتـــك وبـنــار لهــابــه
بظهر مكسور آه يحسين ومصابه
تاخـذ مني اخويه مهجـت الزهره
ياشهر الحــزن والنوح والاحساس
بيك اشگد بچيت الطمت فوك الراس
فوك اعله الشريعه انطيتك العباس
طايح والعـلـم ظل مرمي وبكـتــره
ياشهـر الحزن عـبـدالله والاكـبـــر
اخذت اثنين مني من هــلالـك طــر
من امشي ظهر محني وگمت اعثر
والمثلي بعــد شيفـيــده كل عمره
ياشهــر الحزن بيك الحـزن دايـم
مــا انسه مصابك والگلب هايــم
بعـد شتريـــد مني انطيتك القاسم
التارك بيه جرحه النوح والعـبره
ياشهـر الحزن ظل الفكـر محتــار
بعـد شنطيــك اكثـر وبـدليلي النار
بعد فگـد الاعزاز انطيتك الانصار
حـزنك بالگلب تـارك الـف جمره
لاتنسون والدي وابني عباس من الرحمه والغفران
خادمكم رياض الرسل الجابري
ميمر بحق الصحابي ميثم التمار
٢٢ ذوالحجة استشهاده
ميثم درس
مثل الشمس
ماهمه من ضحه النفس
والرايد بجنه يفوز يتخذ ميثم قدوه
١
يالخادم ادرس منهجه وعنوانه
وايمان گلبك قارنه بإيمانه
ماذل ابد من ساوموه عدوانه
گصو اديه رجليه وحتى السانه
ظل عالعهد
مثل الاسد
من ناده ياحيدر مدد
المفروض كل الخدام يخطون هاي الخطوه
٢
درب الولايه مو سهل بيه اخطار
الله اليريده ايثبته وي الانصار
ذاتك انكره وصير مثل التمار
يالخادم وامشي بطريق الاحرار
ظل معتلي
بأسم الولي
اشتنفع الدنيه ابلا علي
لو مه الولايه بدنياك دنياك ابد مو حلوه
٣
خل نمشي لحسين ونعيش الذكره
ونعرف اشصار وحتى ناخذ عبره
زمرت يزيد بكل زمن منتشره
مو بس يمنعون اليزوره بگبره
الچف انگطع
ومحد رجع
واليحب عمره ماخضع
والقدم اثنين چفوف ناده اخذهن فدوه
٤
وامتدت الاحقاد من عام العام
وانعادت القصه بجميع الايام
يشعر الخادم للزياره محتام
مذهوله ضلت ياحسين الخدام
شنهي العمل
بينه اشحصل
بس انته يحسين الامل
والخادم اشگد عطشان يحضر المجلس يروه
٥
هاي المجالس من گبل عادوها
بشتى الوسائل حاولو يمحوها
اشگد حاولو للاسف مامنعوها
طابو المجالس للخدم سجلوها
ضلت نعم
رغم الالم
رحمه المجالس للخدم
وبلا مجالس دنياك فلسين لا ما تسوه
٦
يالخادم اسمع هالكلام اشويه
مابين حقبه وحقبه شنهي النيه
هاي المجالس شوكه صارت هيه
بعين النواصب بس بقت قدسيه
ضگنه الامر
رغم الخطر
ضلت ملاذ ومستقر
صارت منار الاحرار ولهل الضماير صحوه
٧
عهد الخدم للمهدي احنه انرفعه
انخطه بگلبنه وبدمانه انوقعه
ونگله ننتظرك تهل كل جمعه
هنياله كلمن للامام ايتبعه
مانبتعد
خل نتحد
ونصير چن شدة الورد
مانفترگ مهما صار بس للمجالس نهوه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
گعديه بحق ميثم التمار (رض)
(٢٢) ذوالحجه تاريخ استشهاده
ميثم قدوه ضل واضح بيانه
يم حيدر علي هسه مكانه
والناصر أبو حسين
يالتسأل عليه وين
يم حيدر علي هسه مكانه
١
عاش ميثم عمره كله قدوه مابين الصحابه
من حواريين حيدر چان والوادم تهابه
اخذ من حيدر علومه وحفظ قرآنه وكتابه
علم البلايا اتعلمه
وعلم المنايا فاهمه
والدرس عد حامي الحمه
هذا باب الله بابه
للحگ انطه روحه ومايجامل
ويدري بالعمر تحصيل حاصل
والحافظ على الدين
يالتسأل عليه وين
يم حيدر علي هسه مكانه
٢
علمه التأويل حيدر ميثم وچان بوفائه
واثق بخطواته يمشي وبعلي چان اقتدائه
يشعر بمدرسة علمه شرف كل هذا انتمائه
يختبره حيدر مايلي
ويگله باچر تبتلي
تتبره لازم من علي
شلون باچر بالبرائه
خل يسمع العالم كل خطابي
راح يكون عالنخله جوابي
اعليك وتشبح العين
يالتسأل عليه وين
يم حيدر علي هسه مكانه
٣
بزمن چان الخوف يحكم ميثم وعاش ابساله
تضحيه خلص حياته من اجل حفظ الرساله
امغمض ويمشي اوي حيدر حتى يتعاله كماله
ماخالف احكام الشرع
بالعنده ميثم مقتنع
من حيدر اتخرج ورع
ولابس اثياب العداله
واليلبس اثياب العزه قيسه
چنه ايصير آيه بزهد عيسى
ويحصل عناوين
يالتسأل عليه وين
يم حيدر علي هسه مكانه
٤
وانته تحچي بالفضائل اگبال كل فاسد وفاجر
حيدر ايسولف الميثم تنصلب عالنخله باچر
لان راضع در محمد عشت خالد بالضماير
صلبوك وبأبشع وضع
مطمئن انته ومقتنع
والمات عالحگ ينرفع
عشت ثائر متت ثائر
مصلوب وبقه يصدح بيانك
تسكت رادو وگصو السانك
والعنده براهين
يالتسأل عليه وين
يم حيدر علي هسه مكانه
المصيبه
صوت ميثم عاش بينه جرح ودموع وقضيه
واعتنه الدرب الشهاده ونام بحضان المنيه
شال روحه بكل برائه وروحه تحمل چم وصيه
سافر جرح فوگ السمه
من اجل حب حامي الحمه
وبروحه يعرف هايمه
هايمه بحيدر وروحه بشرف قدمها هديه
الرحمه والغفران لروح والدي ووالدتي وأبني عباس
خادمكم رياض الرسل الجابري
غديرية غديريه
اشهدوا ان علي ولي الله
١
بتنصيبك هالليله يانعم الولي
عاهدتك من گلبي ياروحي وهلي
سألوني تبصمله ابصملك بلي
يا اجمل يا ارقه ويا اترف علي
اشهدوا ان علي ولي الله
٢
شال أيدك محبوبك گدام المله
من بعدي گللهم باء البسمله
الأول والثاني عدهم معضله
تنصيبك ياحيدر اكبر مشكله
اشهدوا ان علي ولي الله
٣
بارينه بالمنصب رايد يشترط
بس انته بس انته بالمنصب يحط
بالفرحه ياحيدر من كثر الضغط
عموري هالليله يمكن ينجلط
اشهدوا ان علي ولي الله
٤
صوت الحق ياحيدر عالناس ارتفع
القاصي والداني واحدهم سمع
مولى انته عالوادم من شخصك طلع
من خيرك يتعافه واحدنه وشبع
اشهدوا ان علي ولي الله
٥
عيد الله وتنصيبك يامشعل ضوه
بارينه من اجلك خلاهن سوه
واليحضر محفلنه هالليله ارتوه
من عطرك ياحيدر شم احله هوه
اشهدوا ان علي ولي الله
٦
مو رابع ياحيدر اول بالسمه
وانادي بتنصيبك ياحامي الحمه
عشاگك وبعيدك نبصم بالدمه
تقبلنه وانحلفك احنه بفاطمه
اشهدوا ان علي ولي الله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده غديريه
ضميناك حيدر وسط الكلوب
من حبك ابد هيهات منتوب
كل احنـه نبـايـع
خل يسمع السامع
وبيوم الغدير العهد مكتوب
ياحيدر ياحيدر يامولاي يامولاي
بحجة وداع المصطفى بارينه نـزل آيه
بلغ محمد عالمله واعليهم القي الغايه
وارتفعت أيد المرتضى حيدر وشبه الرايه
والناس صاحت ياعلي كلنه الك وفايه
جبريل من شافه
يمسح على اچتافه
والعرش ناده بكل فخر مبروك هالليله
ياحيدر ياحيدر يامولاي يامولاي
بايعنه والعالم شهد والخبر هذا انذيعه
نبصم الك ياحيدره وانجدد احنه البيعه
بخًن بخًن في بيعتك نادتك كل الشيعه
والمثلك احنه ياعلي واجب علينه انطيعه
كل احنه وفايه
ياحجه يا آيه
يامصدر الحب والوفه اصواتنه اتنادي
ياحيدر ياحيدر يامولاي يامولاي
هذا العهد عهد الوفه وانعاهدك مولانه
عيدك وتنصيبك سوه يزهي بفخر عنوانه
نحتفل وانجدد عهد ياحيدره الخلانه
نشعر بنص هذا الحفل حاضر المهدي ويانه
بتنصيبك وعيدك
انردد اناشيدك
والعالم بأسره زهه والدنيه فرحانه
ياحيدر ياحيدر يامولاي يامولاي
خدام الك ياسيدي زين انته تعرف بيها
بعيدك وشوف انته الخدم محتفله ياواليها
عينك علينه ياعلي يابا الحسن خليها
انقدم شهايدنه الك وانريـد تبصم بيها
نحتاج توقيعك
تأمرنه ونطيعك
صرخات من هاي الخدم للموت وفايه
ياحيدر ياحيدر يامولاي يامولاي
لاتنسون والدي وابني عباس من الرحمه والغفران
خادمكم رياض الرسل الجابري