1472
قناة خاصه للقصائد الشعريه احزان وافراح اهل البيت ع واخبار عن مجالسي الحسينيه للتواصل انقر على هذا الرابط واكون بخدمتك ثواب عمل هذه القناة لتعجيل فرج مولاي صاحب الزمان عج @Rere_1961
مقطوعه لولادة علي ( ع )
فاطم بت اسد محتاره وين تروح
وجبرائيل حاضر چان ناطرها
بعث نور الله بيها وخاطر تشوف
وماراد الاله يكسر بخاطرها
اكراماً الحيدر شق جدار البيت
خاطر تدخل وللبيت عبرها
دخلت فاطمه مهيوبه وسط البيت
وجهز ربك الها وكلشي حضرها
ثلث تيام خدام الها حور العين
هي التأمر ومحد اليأمرها
الباري اختارها وخافيها عن الناس
ثلث تيام ضمها بنصره ناصرها
انطاها جنين بكبر هذا الكون
وعليها خفف الآلآم صبرها
حيدر معجزه بأمر الاله وچان
يحدث أمه والغايه يسامرها
ياهو الگبل حيدر منولد بالبيت
وياهو المعجزه وللكعبه فاطرها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
(٣)هوسات ولادة الامام الجواد (ع)
على اجناح المشاعر والتغاريد
نسافر للجواد بهل مواعيد
بعشره من رجب نحتفل بالعيد
وانوقع هاليله البيعه
٢
للزهره نجدد احنه بيعتنه
بميلاد الجواد بهاي لمتنه
فرحتنه چبيره اليوم فرحتنه
هالليله وتحلاله هوسه
٣
نهوس للجواد بيوم ميلاده
وانجدد عهدنا بليلة اعياده
خدم كلنه خدم هالليله للساده
هالليله ونخدههم جينه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ولادة الامام الجواد (ع)
بالمدينه ونوره
هل عالبريه
مثل موسى وطوره
ابن الزچيه
١
بالمدينه هلهل بنوره وتشعشع
تاسع انوار الهدايه وصار منبع
بالمهد چان وأذان العرش يسمع
العلي جده بالولاده شلون يطلع
اثنينهم فد صوره
نفس القضيه
مثل موسى وطوره
ابن الزچيه
٢
نوره من نور العرش هل عالبرايه
للجواد وجعل حبه اسمى غايه
گال ربنه ابن الرضا نور الهدايه
واليحبه اتمسك بحبل الولايه
والجواد ودوره
بالكاظميه
مثل موسى وطوره
ابن الزچيه
٣
نزل ساجد راكع اشرق بالموده
وجعل من نور العرش كل نور خده
كلشي بارينه الجليل انطاه وعنده
من محمد اخذ اسمه ونور جده
و درته المنثوره
الله ونبيه
مثل موسى وطوره
ابن الزچيه
٤
هلت انوار الولاده بنور ثاقب
والحضور بهل ولاده عدنه واجب
الليله محتفله الخدم واهل المواكب
بالجواد ابن الرضا والگلب ذايب
والخدم مسروره
هاي المسيه
مثل موسى وطوره
ابن الزچيه
٥
للجواد التقي تاسعها الامامه
الله خصه بهل مكانه وهل كرامه
اليوم بالميلاده والعايش هيامه
بالحفل من يحضر ايحصل كرامه
برايته المنشوره
ايأدي التحيه
مثل موسى وطوره
ابن الزچيه
٦
اخر الدعوات بالليله الهنيه
ندعي كلنه بالفرج صبح ومسيه
ايعجل الله الصاحب الطلعه البهيه
بحق جواد الامه وانحصل هديه
والخدم مأجوره
كلها سويه
مثل موسى وطوره
ابن الزچيه
لاتنسون والدي ووالدتي واني عباس من الرحمه والغفران
خادمكم رياض الرسل الجابري
شوط كربلائي علي الهادي (ع)
المهدي الليله بالدمعات ناده والخلگ تسمع
يجدي ياعلي الهادي اخذ ثارك امربع
١
ناده المهدي والايام باچر تمشي بينه اتدور
يجدي واظهر اعله الناس وابدل هالظلام بنور
ثاري أنته والمذبوح يجدي والجره بعاشور
تمشي الدنيه وتعدي
وباچر يظهر المهدي
وعد من عندي ياجدي
يمي من يجي مذلول كل طاغي الحضر يركع
٢
علي الهادي جرح بالروح خل تسمعني هاي الناس
انه المهدي من اظهر احاسب كل بني العباس
بيه اجروح صعـبه هـواي ماتنحمل ماتنقاس
اجروحي وروحي والايام
من سامره لرض الشام
مسموم وسبي وخيام
كلهن ذني ثاراتي والمذبوح والمصرع
٣
سامره جرح للموت بيه وتلتهب ناري
من يوم الغبت لليوم الوادم تنطر اخباري
اليتصوروني ما اطلع اطلع واخذ بثاري
بسيفي ورايتي الخضره
من اوصلها للحضره
انادي بصوت يالزهره
وينه البيه شك لحظات وگال المهدي مايطلع
٤
علي الهادي وسفينة نوح واليعترض والطوفان
وزينب والسبي والشام والمسحوگ والعطشان
والخنصر ونحر حسين والاطفال والصيوان
هذني العاشن بروحي
بيهن الچم اجروحي
من ينذكر مذبوحي
من حسين للهادي ياهو المنظر اليفجع
٥
جدي الهادي صح مسموم وضاگ الألم واللوعه
بس الصعب حال حسين
صاح المهدي بدموعه
الهادي ما اجته الخيل وهشمت صدره وضلوعه
جدي حسين يااسلام
عاري ظل ثلث تيام
خلي تكتب الاقلام
بهاي الفاجعه وللناس خلي الماسمع يسمع
٦
عهد من اظهر بسيفي اصيح بنار لهابه
واسمع العالم بأسره آه يحسين ومصابه
بدل لدموع ابچي بدم من اوصل الحد بابه
وتطلع رايه منصوره
ترف عالگبه منشوره
تعيش الشيعه مسروره
ويصبح حيدر الكرار خليفه الاول ويرجع
لاتنسون والدي والدتي وأبني عباس من الرحمه والغفران
خادمكم رياض الرسل الجابري
موشح للأمام علي الهادي (ع)
والسيده نرجس خاتون (ع)
على الهادي تنحب اتصب الدمع
نرجس الليله وگلبها منفجع
١
جابها من السبي انطاها الضمان
دخلت البيته وتحس گام بأمان
نرجس واخذت مفاتيح الجنان
من بيوت الوحي البل حق تنرفع
٢
نرجس اتحس نار مابين الضلوع
اتصيح أمامي المات واتصب الدموع
صابره ومحتسبه لله بخشوع
على الهادي الليله محنية ضلع
٣
تنحب ومن البچي مابيها روح
تشعر الليله وتحس كلها جروح
هيه من حقها اذا تبچي وتنوح
جد ابنها التقي العالم والورع
٤
تنحب ابدمعاتها الليله وتون
نرجس وتذكر احزانه والسجن
علي الهادي المات مسموم اشتضن
الهادي لمن مات مات بيا وضع
٥
مات مسموم وجرح وسط الضمير
ترك بين احبابه احزان الأمير
الله يلعن كل بشر ظالم أجير
الچان يرفض صوت للحق ينسمع
٦
الليله عالمسموم حزنانه السمه
خل عليه نلطم ونبچي اعليه دمه
علي الهادي راح مهجت فاطمه
والاصول اتنوح وينوج الفرع
٧
الليله خل نتوجه ابدمع النظر
خل نصيح بصوت و ايذوب الصخر
علي الهادي مات وين المنتظر
خل يذوب بحسرته مثل الشمع
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
هوسات لولادة الامام الباقر والامام الهادي عليهما السلام
(الامام الباقر)
يمصباح الهدايه وخامس العتره
يمحمد الباقر نورك اشكبره
محتفلين بيك واحنه عالفطره
(نحضر ونحبك مولانه)
(الامام علي الهادي)
ياعاشر امام وسلوة العشاگ
يبن الاكرمين اشكد الك نشتاگ
علي الهادي أمامي والبعد حراگ
(نتمنه ابابك هالليله)
(الامام محمد الباقر)
ياخامس امام وبالگلب حاضر
احنه عالبعد واعيونه اتناضر
من هذا الحفل لمحمد الباقر
(وانهني الزهره بهل ليله)
(الامام علي الهادي)
بميلادك سويه نحضر بكل عام
نظره ياعلي الهادي الگلب محتام
توقعلك عهد ياسيدي
الخدام
(خدام ونبصم وفايه)
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده بحق ولادة الامام الباقر (ع)
للباقر بهذا الحفل هالليله
نحضر ويارب ننقبل هالليله
نتعذر من نحضر والقصر ميشلمه النور
للباقر كل حاضر والحاير يرجع مسرور
اليحضر اتشمله السلامه
بمحفل الباقر امامه
اليعلن الليله غرامه
يطلع وياخذ علامه
بالمحفل وحلقة وصل هالليله
نحضـر ويارب ننقبل هالليله
عنايه وفايه والغايه فرحتنه اتدوم
بميلاده واعياده وامجاده نفرح هاليوم
بالامام الصادق احنه
نقتدي بهـذا شرحنـه
احزنو گال الحزنه
وافرحو كال الفرحنه
وانقوم احنه بهل فعل هالليله
نحضـر ويارب ننقبل هالليله
فرحتنه ولمتنه بجيتنه والفرحه اتزيد
ندلل من نوصل للمحفل والايد بأيد
نحضر الابن الزچيه
للحفـل كلنه سويه
بالولاده الباقريـه
حيدر ايوقع الهويه
للباقر الحق والعدل هالليله
نحضـر ويارب ننقبل هالليله
يتبعنه اليسمعنه ويرفعنه بالمحفل صوت
من حيدر بالمحشر من نحضر نلبس ياقوت
لان نحضـر بالمجالس
ابد مـاعدنـه مـنافس
ملك يوگف النه حارس
مثل جون ومثل عابس
بالباقر الحب والفصل هالليله
نحضـر ويارب ننقبل هالليله
محفلنه بس النه وللجنه شدينه احزام
نتسمه بهل نعمه والرحمه نعم الخدام
بمولد الباقر اجيـنـه
نبصم احنه و لولينه
بالگلب مو بس بدينه
عينه بالمحشر عـلينه
بالجنه يارب ننشمل هالليله
نحضـر ويارب ننقبل هالليله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولاده السيدة الزهراء عليها السلام
من نور العرش هالليله قدسيه
نزلت فاطمه حوريه أنسيه
١
نزلت فاطمه من العرش آيه
وعن كل البشر نزلت امغشايه
الولاده معجزه وللنبي امسمايه
من وحي السمه نزلت و دريه
٢
خصها الباري نور بآية القدره
ومن هلت الزهره هلت البشره
عالاكوان نزلت فاطمه الزهره
والاملاك نادت هله بهل جيه
٣
فرحانه خديجه بنورها الزاهر
عطر من الجنان وسرت الناظر
خلي انروح كلنه الليله انسافر
نعبر عالسحاب بليله مضويه
٤
نعبر عالسحاب بيوم مولدها
وانقدم تهاني بأسم والدها
مد أيدك الليله واخذ من عدها
بمولدها العظيم واعقد النيه
٥
مثل مشكاة نزلت جنها زيتونه
من رب الجلاله بهيبه مصيونه
من ولاها فاز بجنه مضمونه
والاحلام كلها الليله ورديه
٦
خلي انسافر الليله بحلم وردي
بميلاد الزجيه ونعبر انعدي
نقدمها التهاني الليله للمهدي
ونرسلها بفرح بالبهجة يوميه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيده لولادة الزهراء (ع)
المحفل احنه انحضره
الليله بسم الزهره
نحتفل هل ليله
نحتفل هل ليله
١
الليله هلت نور واشرق بالسمه
والملائك كلها نادت فاطمه
بعيوني ويدروني يلگوني ايشوفوني
بهمس
كل خاطر ومساهر ومهاجر
چن حاضر
عرس
هايه اجمل ليله
والمحب شد حيله
نحتفل هل ليله
نحتفل هل ليله
٢
بالفرح نحضر الليله بهل حفل
والگلوب الصافيه بحب تتصل
نوصلها منملها نسئلها وانگلها بدمع
نوصفها انكلفها نعرفها
انحلفها بضلع
لون تنطي احچايه
ام حسن وفايه
نحتفل هل ليله
نحتفل هل ليله
٣
سهم بعيون اليضدها والعذول
الليله محفلنه زهه بسم البتول
هالرايه وفايه امحنايه والغايه رضا
تتقبل بالاول تتوسل والحصل حضه
بيها من تترجه
انته باچر تنجه
نحتفل هل ليله
نحتفل هل ليله
٤
من بعد ماچنه نمشي ابلا هوه
الباري ارسلها هوه وصارت ضوه
نتأثر نتصور مانگدر والكوثر هوه
قدسيه وحوريه ومرضيه
بس هيه الدوه
هيه هيه ادوانه
وحاضره ويانه
نحتفل هل ليله
نحتفل هل ليله
٥
الها برقية وعهد بس بيقين
وشاهد اعلينه أمير المؤمنين
انهم بيها ونوفيها انخليها
وننطيها عهد
مدينه أيدينه وسمعينه نادينه مدد
يامددنه ونوره
بيچ يا بلوره
نحتفل هل ليله
نحتفل هل ليله
لاتنسون والدي وأبني عباس من الرحمه والغفران
خادمكم رياض الرسل الجابري
ترويج( تيك توك) حقيقي عراقي
1-مشاهدة
2-لايكات
3-متابعين
للتواصل واتساب 👇
07732320742
تلجرام 👇
@ahmed_alziwar0
موشح زهرائي
الزهره بدموع الحزن أرثيها
الليله انعيها و أون وأبچيها
١
الليله احچي للشهيده بالدمع
وأنحب ألها بصوت كسرات الضلع
گلبي ذايب بالحزن مثل الشمع
الليله والعن كلمن امأذيها
٢
بين دفعت بابها وذيچ الدموع
گام يبچي العرش آيات الخشوع
بالسمه يسمعون كسرات الضلوع
والملائك تنحب وتنعيها
٣
ابچي وجروح الگلب تنزف مرار
بين لحظات الألم والانتظار
ليش صدر الزهره مابين الجدار
ينعصر عصره غضب تاليها
٤
اشگد عمرها وتنعصر عصرة غضب
بين نار الفاجعه وذاك اللهب
الها حضرت ناس ماعدها أدب
وحيل مشكوك بنسبها وبيها
٥
الله لا يرحمها گوم الظالمه
البچت بفعلتها اركان السمه
ليش مادرون بيها فاطمه
الطاهره الباري السمه امعليها
٦
بروحي خليت الحبيبه أم الحسن
العاشت اعله الآه بيام المحن
المحسن وكسر الضلع چان الثمن
المثل فاطم حاير اشأنطيها
٧
فاطمه البروح عاشت للأبد
عهد ما أنساها أنطيها عهد
أمي غذتني محبه من المهد
وساكنه بروحي انه امخليها
٨
أرتجي من الزهره وبهاي الحروف
اتعاين اعليه رغم كل الضروف
أقسم اعليها بألم ذيچ الچفوف
عالحوايج تنظر وتگضيها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
اللهم اكتبني خادم فاطمه
من زغري وانه بالمهد والوالده الربتني
حب البتول الطاهره من المهد رضعتني
هاي الحروف من الزغر امي بشرف علمتني
ورادتني اخدمها بشرف وبيها شكثر وصتني
وانه ادعي كل عمري من رب السمه
اللهم اكتبني خادم فاطمه
حب الزچيه فاطمه من المهد غذاني
عاش بضميري وخاطري حبها وسكن وجداني
صارت يقيني فاطمه وكل منهجي وايماني
ومعبد صلاتي ودنيتي وغاية شرف عنواني
وگمت اقسم بالباري وبحامي الحمه
اللهم اكتبني خادم فاطمه
واكبرت انه والعهد ضل عايش بأحساسي
وانفاسي تتعطر اذا تلفض اسمها انفاسي
صارت الزهره كل هلي وكل صحبتي وكل ناسي
والخدمه تاج بكل شرف لمن احطها براسي
والخدمتها اشعر اشعر بالضمه
اللهم اكتبني خادم فاطمه
والخدمه تاج ومفخره والزهره تستاهلها
هنيالي انه بهل شرف خادم اصيرن الها
من زغري خادم وارتجي من اخدم اتأملها
اسمي اشوفه بالحشر متسجل بسجلها
بهل خدمه كل روحي ضلت هايمه
اللهم اكتبني خادم فاطمه
اقسم وعاهد هالدرب بي اخدم الزچيه
واخدم ابنها المنذبح والي مشت مسبيه
واذكر الباب المحترگ والعن ابو اميه
واذكر المهدي وطلعته وتنطر انه الجيه
وابقه اتأمل ابقه ايدي اتسالمه
اللهم اكتبني خادم فاطمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة بحق الزهراء
من الباب اندفع
ضلع انكسر
لمن محسن وكع
خد انسطر
ماكفاهم ضلعها
فوك العصره ودمعها
خد انسطر
١
جريمه الصارت اعله الزهره وسط الدار
من جابو حطب ماراعو الاشرار
بيت المرتضى وطه النبي المختار
بيت الوحي هذا اليحمل الاسرار
ماراعو حرمته
والياسبب
والناس الدخلته
جابو حطب
نادت محد سمعها
فوك العصره ودمعها
خد انسطر
٢
دخلو بيت وحي الله ونبي الامه
ناس اشرار لا ذمه ولا رحمه
ضربو فاطمه وعرش الله من يمه
صاح الله واكبر يا نبي العصمه
لو حاضر شاهدت
باب وضلع
چا المن عاتبت
بفيض الدمع
واتغير كل وضعها
فوك العصره ودمعها
خد انسطر
٣
خل الدنيه تعرف تسمع الوادم
وخل يعرف العاقل لايظل واهم
السقيفه صدرت ظالم بعد ظالم
داسو بيتك وكسرو ضلع فاطم
يابو الزهره الصبر
مات الصبر
وللأشرار الأمر
صار الامر
نادت محد سمعها
فوك العصره ودمعها
خد انسطر
٤
طاحت فاطمه والدنيه سمعتها
صعدت للسمه ياوسفه ونتها
بأمر رب الجلاله بهاي طيحتها
نزل جبريل غطاها بعبايتها
طاحت فاطم تون
تنزف دمه
وبطيحتها يون
حتى السمه
طاحت محد رفعها
فوك العصره ودمعها
خد انسطر
٥
مكسوره ومشت دمعه بأثر دمعه
من حقد الصحابه ومن اثر دفعه
من عرفت المحسن ما اله رجعه
بنص الدار گعدت تنحب وتنعه
مستحيه وشافته
الليله الزهره
والحيدر ودعته
بدمعه وحسره
ماكفا من دفعها
فوك العصره ودمعها
خد انسطر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة السيده زينب (ع)
أميره وبت امير
على العالم تصير
١
كل خادم من يحضر
شايل الياس
بميلادچ يازينب
برقه واحساس
بالمحفل وينادي
وتسمع الناس
بالفرحه هالليله
انهني عباس
بالفرحه نعقد احنه الليله
محفلها فايز اليسعيله
والزهره حتمآ وتدعيله
أميره وبت امير
على العالم تصير
٢
كل احنه التمينه
ونصفگ الراح
بميلاد الحوريه
ونعلن افراح
من نشتم من عدها
عطر فواح
كل همنه اتناسينه
والگلب صاح
نحضرلج جينه واتعنينه
وبأسمج خدم واتسمينه
يازينب احنه من نادينه
أميره وبت امير
على العالم تصير
٣
بميلادج هالليله
الخاص والعام
يتعنه للمحفل
رافع الهام
بالصفگه يحضرچ
بيده اعلام
والعاشگ حالفلچ
الليله مينام
اتعنينه بمولدچ عنايه
والغايه زينب انته الغايه
وابصمنه بدمعت الوفايه
أميره وبت امير
على العالم تصير
٤
بميلاد العلويه
بنت الاكرام
نتشرف هالليله
الها خدام
مانوگف بالأول
احنه مادام
من نشعر بالمهدي
هو گدام
يتقدم واحنه نبقه التالي
والغالي ايمون دوم الغالي
لو متنه الها لا منبالي
أميره وبت امير
على العالم تصير
٥
نختمها الحفلتنه
والعهد صار
بالمولد يازينب
سر الاسرار
من عدنه اخذيها
هاي الاخبار
خدامچ كل احنه
ازغار وكبار
بت حيدر انحبچ دمادامج
يازينب هاي تبقه ايامج
سجلينه خدم من خدامچ
أميره وبت امير
على العالم تصير
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة الأمام علي بن أبي طالب (ع)
انشق جدار الكعبه دخلت فاطمه
طلعت وبيديها حماي الحمه
انشق جدار الكعبه والصوت اعتله
الليله بالكعبه انولد عقـد الوله
انولد والقرآن چان أيرتله
ومن فتح عينه انفتح باب السمه
انشق جدار الكعبه والنور انبثق
لأن ياالله أول ما نطق
حيدر التوحيد والحق والفلق
والجواز البيده لازم يختمه
انشق جدار الكعبه والكون ابتشر
لان حيدر نوره بالكعبه ظهر
سيد أعله الانس والجن والبشر
لان طه الزقه علمه وعلمه
انشق جدار الكعبه والكعبه تريد
ينولد بيها وترددله نشيد
تدري ليش الكعبه صاير عدها عيد
لان بالكرار چانت هايمه
انشق جدار الكعبه والنور اكتمل
انولد للمختار صهره والأمل
حيدر الكرار حي اعله العمل
والبدايه لكل أمر والخاتمه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0
قصيده وهوسات لولادة النور التاسع الامام الجواد (ع)
خل ندك باب المراد
الليله ميلاد الجواد
1
الف هنياله الحفل كلمن يحضره
الليله تاسع نور هل من سمه العتره
الليله نتشرف اذا اسمه نذكره
خلي تفرح بالحفل فاطمه الزهره
الخير نطلب والسداد
الليله ميلاد الجواد
2
الليله من گلبي الك ابعث سلامي
شما اوصف بالوصف يعجز كلامي
ياجواد الخير انته يا امامي
بداعت الزهره تسجلها الاسامي
نظره يارب للعباد
الليله ميلاد الجواد
3
الليله نفرح بيك يا ابن الزچيه
بهل ولاده والحفل ليله وزهيه
يالجواد ونورك ايشع عالبريه
بموسه جدك وانته تضوي الكاظمية
الليله بينه الشوك زاد
الليله ميلاد الجواد
4
بهل الولاده الليله فايض كل حناني
والي ماناسيه ابد لا ما نساني
ارفع اني من الگلب احله الاماني
وللامام المهدي اقدمها التهاني
واحلف بسبع الشداد
الليله ميلاد الجواد
5
بتاسع انوار الولايه الحيدريه
نحتفل هالليله كل احنه سويه
انصيح احنه بالولاده بفرد نيه
تگضي كل حاجاتنا بداعت رقيه
الليله مانلبس سواد
الليله ميلاد الجواد
6
للحفل هاليوم كل احنه اجينه
والك يابو الهادي زاد الشوگ بينه
يالجواد بمولدك عينك علينه
ندري تترسها اذا انمدها الادينه
الشوگ زايد والوداد
الليله ميلاد الجواد
7
على اعناد الناصبي وحاقد وظالم
الك اختم مطلبي والگلب هايم
ارد اصيح بصوت خل تسمع الوادم
يالجواد وكون تقبل بيه خادم
الله قرر والله راد
الليله ميلاد الجواد
هوسات لولادة الامام الجواد (ع)
1
بميلاد الجواد انزفها هالبشره
والمحفل الليله بيكم اشكبره
نحلفك يالجواد الليله بالزهره
للحاجه وتگضيها الليله
2
بمشاعرنه اجينه انقيم هالمحفل
محفل للجواد ومحفل امعدل
نتمنه الامام المهدي بي يقبل
ويجازي الخدام الليله
2
بسمك يالجواد الليله محتفلين
يامحله الولاده التسر بيها العين
بميلاك اجينه اليوم مجتمعين
والزهره اتشارك ويانه
لاتنسون والدي ووالدتي واني عباس من الرحمه والغفران
خادمكم رياض الرسل الجابري
ولادة الجواد (ع) ١٠ من شهر رجب
الليله محتفله السماء
لبن سيد الاوصياء
1
للأمام التاسع انخط الحروف
بالولاده الليله عالمرقد نطوف
ياجواد انصيح وبرغم الضروف
نحتفل هالليله وبعينك تشوف
نخط هالليله الولاء
لبن سيد الاوصياء
2
نكتب آيات الولاء الحضرتك
بالولاده اليوم وترف رايتك
يالجواد بنص گلبنه امحبتك
ولله نسجد من نقبل عتبتك
بشرف هذا الانتماء
لبن سيد الاوصياء
3
الليله احله ايامنه بتاسع امام
نحتفل ونطش فرحنه عالانام
بوصفه محتارين نحچي ياكلام
بالولاده من الگلب نبعث سلام
نحمل الحب والوفاء
لبن سيد الاوصياء
4
من گلبنه بهل ولاده وهل حنين
نحتفل نبقه على مر السنين
لأن باچر بالحشر النه معين
والجواد انحلفه بسم ام البنين
نعرف بهذا العطاء
لبن سيد الاوصياء
5
نحتفل والفرحه تاخذنه بعيد
بالولاده الليله وانردد نشيد
طلب نطلب يا اعز واشرف وليد
نظره منك يالجواد احنه نريد
نبعث بهذا الرجاء
لبن سيد الاوصياء
6
بكل ولاده الزهره تحضر وبسرور
اتشارك الخدام والفرحه تدور
بالمجالس والمحافل تزهي نور
اتسجل بدفترها كل هذا الحضور
سجلي ياخير النساء
لبن سيد الاوصياء
لاتنسون والدي ووالدتي وأبني من الرحمه والغفران
خادمكم رياض الرسل الجابري
الامام علي الهادي (ع)
بجمر الاحزان انادي
ونصب دم اعله الهادي
يامظلوم
يامسموم
بدمع هالليله من دم ننزف وننعه
وعالخدين تجرح تنزل الدمعه
هالليله بمصابك كلها منفجعه
وتنوج ويانه كلها وتنحب السـبعه
ونصيح بجمر المدمع
يالهادي وانته التسمع
يامظلوم
يامسموم
يضل جمر الحزن يالهادي سلوتنه
وعلى مصابك نون وشلون ونتنه
نفت حتى الصخر من نون عادتنه
نحبك والمحبه انهيم خلتنه
انحبك محد يمنعنه
وانريد الكل تسمعنه
يامظلوم
يامسموم
الك يابو الحسن هالدمعه نجريها
ومانگدر بعد هالدمعه نخفيها
ندري الدمعه من تنزل امسجليها
لأن امك الزهره تحتفظ بيها
هيه امكلفه بهل دمعه
وهاك اسمع صوت الينعه
يامظلوم
يامسموم
اللك يالهادي ننحب والدمع طوفان
وهالليله بمصابك كل گلب حزنان
يابو العسكري نحچيهـا وبأيمان
المايهواك دنيه واخره خسران
هاك اسمع صوت احبابك
تناديـك بيـوم مصابـك
يامظلوم
يامسموم
من جرح المصاب البينه ضل يكبر
تشب نار بدليل احبابك وتسعر
من كل النواصب كل گلب كبر
سالم مرقدك من عين كل الشر
گصده الناصب يجرحنه
وانوح بعبره وصحنه
يامظلوم
يامسموم
بگلوب التحبك حاضر المشهد
وانادي بجرحنه وكلها خل تشهد
المثل الهادي واجـب كون يتخلد
لان محد يشبه بالبشر محد
يالهادي انصيح بعـبره
تسمعـنـه انريد الزهره
يامظلوم
يامسموم
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
مربع زهرائي لولادتها
نزل جبريل جاب الخبر والبشره
هالليله ولادة فاطمه الزهره
١
نزل جبريل وعيون السمه آيات
رتلها الوحي فوگ العرش نجمات
من طش الخبر خضرن علويات
فوك الارض فرحه واصبحت حضره
هالليله ولادة فاطمه الزهره
٢
نزل جبريل والآيات قدسيه
نزلن آيه آيه بهئية ابنيه
الكوثر والحمد معناها أنسيه
والزهره اسمها اشگده واشكبره
هالليله ولادة فاطمه الزهره
٣
هلت على الدنيه وفتحت ورده
ونزل جبريل باس النبي من خده
هنيئا يامحمد كله واشحده
اذا غثها بشر ملعون بالفطره
هالليله ولادة فاطمه الزهره
٤
فاطم هلت ونزلت بچم آيه
وعن كل الدنس نزلت امغشايه
اجينه احنه خدمها والها وفايه
وكل الحفل منها اخذ عطره
هالليله ولادة فاطمه الزهره
٥
نزلها الآله بشرف عالاكوان
وخصها الباري خصها عالانس والجان
بيت الوحي اشرق مبتهج فرحان
وهالليله خديجه امها مبتشره
هالليله ولادة فاطمه الزهره
٦
راح اختم الك واشعندنك اگصدها
بمحلفها انته اطلب واخذ من عدها
اطلب منها اطلب بأسم والدها
تنطيك التريده وگلبك اتسره
هالليله ولادة فاطمه الزهره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده بحق ولادة الزهراء (ع) القفلات على شكل هوسات
فرحانه الدنيه بهل ليله
فرحانه الدنيه بهل ليله
١
هالليله للزهره نجي انقدم تهانينه
والمهدي بالمحفل حضر يادنيه حسينه
للزهره من يحضر
محفلنه يتعطر
والماحضر يخسر
هالليله للكوثر
للكوثر جينه اتعنينه
للكوثر جينه اتعنينه
٢
هاليله تصدح بالفرح الها
حناجرنه
والزهره هاي أم الحسن سكنت ضمايرنه
واليحضر الأول
بالمحفل ويسأل
يطلب ويتدلل
ياخذ من المحفل
والزهره تترس چفينه
والزهره تترس چفينه
٣
هاليله عرش الله نزل بالمولد ايبارك
تستاهل الزهره وعلي لليحضر ايشارك
هالليله فرحتها
والدنيه هنتها
بلحظة ولادتها
نحتاج نظرتها
واليحضر هنياله الليله
واليحضر هنياله الليله
٤
للمصطفى انطاها بشرف هالليله بارينه
واحنه خدمها ونفتخر ألها وتسمينه
وبليلة الأسرار
من اعظم الانباء
هذا الخبر قد جاء
وانولدت الزهراء
تفاحه وآيه امسميها
تفاحه وآيه امسميها
٥
يم فاطمه الحد والفصل هالليله والعبره
هنياله كل خادم حضر ويفرح الزهره
بارينه علاها
قدسيه سواها
من حگنا نتباها
نتمنه وياها
بالجنه ونتمنه وياها
بالجنه ونتمنه وياها
٦
بالمهدي ابدي بالحفل واختم يوالينه
هالليله اشواگ الفرح لجلك يمهدينه
يل حاضر ويانه
يا رافع الوانه
والد وترعانه
والخدم فرحانه
فرحانه الخدام الليله
فرحانه الخدام الليله
لاتنسون والدي وابني عباس من الرحمه والغفران
خادمكم رياض الرسل الجابري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده الباب والسيده الزهراء (ع)
ياباب شلون أتعصريني مو انه الزهره تعرفيني
يمكن شفتيني الوحدي
صرتي وي الظالم ضدي
مو انه الزهره تعرفيني
ياباب معقوله الحصل وگدام عينچ يجره
هذا الذنب ماينغفر وعد الله هذا أشكبره
ياباب يدرون الوحي ينزل أبيتي ويقره
بس همه لمن قرروا يكسرون ضلع الـزهره
كسروا ضلع ومارحموني
وگدامچ أنحب خلوني
من شفتي أشصار بخدي
صرتي وي الظالم ضدي
مو انه الزهره تعرفيني
ياباب شفتيهم أجوا والنار من شبوها
فاطم وديعه من النبي شلون العده أيأذوهـا
لو يدري طه أبضعته من بعده مارحموها
وهجموا عليها أبلا رحم وبلا خجل عصروها
لو حاضـر طه أيشاهدهم لاچن مايخجل واحدهم
ياباب وهـذا العـندي
صرتي وي الظالم ضدي
مو انـه الزهره تعرفيني
ياباب وانتي أبلا خجل لمن أجونه أعله الدار
شاهدتي چم ظالم هجم وبحقد شبوها النار
موقفچ ماضن ينسي من صرتي وي الأشرار
ولمن دفعـتيني بحقد وكسرتي ضلعي أبسمار
دفعوچ وانتي أقبلتيها وللزهره شلون عصرتيها
شحچي وياچ ومايجـدي
صرتي وي الظالم ضدي
مو انـه الزهره تعرفيني
يابـاب شمس الله بخجل لمن الوجهي أتنظره
وانتي العجيبه بلا خجل أتعصريني ذيچ العصره
ويتباها بسمارچ ضحك لمن الضلعـي أيكسره
كل هذا وانه أنزف صبر وأتصبر ومتصبره
أتصبر والباري الحاكم على كل واحد جائر ظالم
من وصلوا داسوا حدي
صرتي وي الظالم ضدي
مو انـه الزهره تعرفيني
ياباب ذمه ابرگبتچ ومشكوله انتي الذمه
تصيرين وي أهل الشرك عالـزهـره أكبر نقمه
ربي جعلني بكل شرف للبـشر رأفه ورحمه
و اللي ظلمني من البشر باچر الباري أيظلمه
باچـر يتحاسب وياهـم أبني الغايب من يلگاهم
ضل ثاري بأيد المهدي
صرتي وي الظالم ضدي
مو انـه الزهره تعرفيني
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
كعديه للسيده الزهراء (ع)
ماراعو أبد الله وكتابه
وسفه من نسميهم صحابه
ظالم جاب ظالم
كسرو ضلع فاطم
وسفه من نسميهم صحابه
١
هجمو اعله البيت زمره بيت وحي الله ونبيه
بيت بي كل الملائك تنزل وتاخذ تحيه
بيت بي وصه محمد وما احترموها الوصيه
داسو البيت وعتبته
زمره بجهل من دخلته
دوست بخت يادوسته
بيت حيدر والزچيه
بيت الوحي ماراعو حرمته
ناس اشرار داسوها العتبته
مابيهم مسالم
كسرو ضلع فاطم
وسفه من نسميهم صحابه
٢
لعد بيت الزهره وادم حضرت بخسه وعماله
وهذا بيت الزهره هذا بيت من الله كماله
ولو ردت تأكيد مني يعني بيت النبي وآله
جابو حقدهم والحطب
ياللأسف ياللعجب
والسبب معروف السبب
من اجل ضرب الرساله
ليلة فاطمه ليله رهيبه
شكو اكبر بعد من هالمصيبه
ذوله مو أوادم
كسرو ضلع فاطم
وسفه من نسميهم صحابه
٣
طاحت وتنحب الزهره اتشوفها وميسر وضعها
بين دفعه وبين عصره
طاحت ولزمت ضلعها
الطاغي خلف الباب واكف بالحقد لمن دمعها
وامتدت اچفوف الغدر
مابين لحظات الصبر
والزهره لازم وتنعصر
انعصرت وهلت دمعها
ايده انشلت الطاغي انضربها
ليش الزهره صوبها بگلبها
واتريد العلايم
كسرو ضلع فاطم
وسفه من نسميهم صحابه
٤
بين دمعه وبين حيره وبين الآم المصايب
وبين دفعه وبين لوعه
وبين اسرار وعجايب
طاحت وطيحتها طيحه والگلب ياوسفه ذايب
ما راعو املاك السمه
ذوله العصابه المجرمه
بالباب عصرو فاطمه
والمن اتوجه تعاتب
لعنان السمه رفعت نظرها
تشكي الباري من ذاك السطرها
ذوله اهل الظلايم
كسرو ضلع فاطم
وسفه من نسميهم صحابه
٥
اخر احزان المصيبه واخر احداث القضيه
اتموت معلوله بقهرها بحزن وهموم واذيه
دخلو اعليها العصابه
بأسف هجمه ناصبيه
دخلو عليها بيا وضع
ماراعوا احكام الشرع
وداسو على أشرف ضلع
ورحلت الليله الزجيه
املاك السمه الليله بحزنها
للزهره تون هيه وبنها
شر الدنيه دايم
كسرو ضلع فاطم
وسفه من نسميهم صحابه
المصيبه
هاي اخر ليله جانت بين حيدر والزجيه
يودع ابدمعات عينه فاطمه هاي المسيه
راحت وأخذت وياها ذكرياته بكل عزيه
وحيدر بقه يهل الدمع
عايش حياته بيا وضع
بين الآلم بين الضلع
من يصد للباب ينظر نار احزانه الشجيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نزله للسيده الزهراء
مولاتي مولاتي
يافاطمه
١
طاعت الزهره امر واجب عليه
وبصمت من المهد عبد الزجيه
عبد مولاتي صرت صبح ومسيه
واشعر بهذا الشرف لايگ عليه
بعيوني وضنوني
شايلها عشگ
وگليبي بس الها
كل لحظه يدگ
بكل مجلس وياها
لا ما افترگ
يشهدلي يشهدلي
رب السمه
مولاتي مولاتي
يافاطمه
٢
صرت عبد الفاطمه ويشهد بكائي
بالمجالس عابس بهذا انتمائي
أشعر مقصر رغم هذا وفائي
ردت منها بالحشر اخذ جزائي
بالدمعه من انعه
ترسمني صور
علتني وخلتني
أشعر بالفخر
خادمها اتشرف
وبطول الدهر
أنسيه حوريه
ياعالمه
مولاتي مولاتي
يافاطمه
٣
شما أقدم خدمتي أشعر قليله
وابد ما اسمع حچي الناس الدخيله
عشرتي وياها والسفره طويله
باچر بيوم بالحشر هيه الكفيله
وياها والگاها
تشفع بس الي
من احجي واتباها
يسمع عاذلي
هالليله الخاطرها
احضر يا علي
يحضرني يحضرني
حامي الحمه
مولاتي مولاتي
يافاطمه
٤
الها متحزم لحد يوم المنيه
للمجالس احضر بيوم العزيه
اشگد قليله بالسنه لجل الزجيه
اتلث روايات الليالي الفاطميه
ما اشبع من اسمع
نجمات السمه
من تطلع بالمدمع
تنعه فاطمه
ما ملها
تبقه الها
روحي هايمه
رويني رويني
شابع ضمه
مولاتي مولاتي
يافاطمه
٥
بالليالي الفاطميه اكتبت عهدي
ابقه احييها وعلي يشهد المهدي
هالليالي ما املها وهيه عندي
مثل امي ومثل ابويه ومثل ولدي
احزاني ودمعاتي
تبقه للابد
للزهره من زغري
منطيها عهد
حضريني ناديتچ
يالزهره مدد
وعيوني وعيوني
تبچي دمه
مولاتي مولاتي
يافاطمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ولادة السيده زينب (ع) ٥ جمادي الأول
زينب زينب
شلناها بالعين
زينب زينب
هاي اخت الحسين
هلت نور عالناس
زينب ام الاحساس
زينب زينب
هاي اخت الحسين
ولادتها وفرحها الليله ياناس
ابد ماينوصف والله وينقاس
زينب تبقه زينب تاج عالراس
بزغ واشرق فجرها اخت عباس
زينب زينب
يامحله اسمها
زينب زينب
بگلبي رسمها
تاج وهيه عالراس
زينب ام الاحساس
زينب زينب
هاي اخت الحسين
ولادة بت علي هالليله طلت
وبأعظم صور زينب تجلت
الملائك عالملائك كلها نادت
الاميره وبت امير بنور هلت
زينب زينب
نور البصاير
زينب زينب
تشفعلي باچر
حبها يبقه مقياس
زينب ام الاحساس
زينب زينب
هاي اخت الحسين
الگلب هالليله بالافراح هايم
ونهني بالولاده علي وفاطم
يريت الفرح هذا الفرح دايم
بولادتها الحضر معناها خادم
زينب زينب
خادمها مهيوب
زينب زينب
تشفع بالذنوب
هيه القمه والساس
زينب ام الاحساس
زينب زينب
هاي اخت الحسين
الاجه بهذا الحفل يعلن ولائه
يوقع بالدمه وياخذ جزائه
صك ياخذ من النار البرائه
لأهل البيت لو صار انتمائه
زينب زينب
الهه انتمينه
زينب زينب
من عدنه بينه
خل تسمع الارجاس
زينب ام الاحساس
زينب زينب
هاي اخت الحسين
زينب بالحشر ياناس تشفع
اول تالي يمها الخدم ترجع
الك اعلنها اني وانته اسمع
تگضي حاجتك من هسه تطلع
زينب زينب
هاي الحنينه
زينب زينب
تترس ادينه
عاشت وي الانفاس
زينب ام الاحساس
زينب زينب
هاي اخت الحسين
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري