3673
خاليه من التبادل المنشئ @almtoori
الشاعر الکبیر علی عاید البدوی
توثیق الشعر الشعبی ملتقی گلاید
اول جلسه
اول شاعر مبدع
تاریخ : 1402/04/29
۳ /محرم / ۱۴۴۵
20/ژوئل/2023
من ضوء الروح
من شمس الذات
من صدك گلبي وعناوين القصايد
اهدي حزني ..
للوطن ... للناس .. لعيون الحبايب
وانت كلهم !
من يطيح الليل واحلامك غميجه ماتطفي الماي جمره
ومن تمر بيك العوافي يطول عمري
واعلك ارموشي شمع و وساده گمره
وردت اعذرك ...
والعشك نجمه بعيده وعين المحبين عثره
وليش اعذرك ؟
وانت شتلة خاطر وعطشان صبرك
لا لگيت ابمستحه الحبوك گطره ولا تصح غيمة وتمطرك
تذبل اكبالي واشب نار اعلى ورقه
اطفى سكته وعمري يندار اعلى عمرك
لاني عشت عيون شذره ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى كلبك !! والزم الحسره التوّجعك
وليش اعذرك
وانت كحلت السمه بتعبي وسماري ولاتعب وياي صبرك
وذاك چفك
عاند الحنه الغريبه وكتلي من جفك حلال
ونزلت دموعك تطفي شموع حلمك
من كلتلك ؟
ياثمرتي : ضوك غيري من السلال ؟
بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل
يازغير .
الشيب وي عمرك كبر حسبته چذبه
ليله ليله وداعتك تغفه واحسبه
ليله
ليله
وداعتك تغفه واحسبه
_كاظم الركابي
@alshar_alsahih
وآنت آوياي والصفنات ،
مدري شلون آوج نوبات .
مدري شلون آسولف والدفو يزعل ،
وآندم وآستحي مني ..
كَبلما أستحي منك .
أتوسل دموعي آيدفّن جفوفك ،
وآبجي وتصعد لعيني أصابيعك ...
كَلادة بوس ،
ولاشيك وترد دافي وسوه نبرد ،
برد نعسان ، كلّش حار ،
وآكَلك بردت آعذرني ،
الحجي نوبات يزهك لا تواخذني .
ماشيني على النيات .
هذا آنا على نيتي ،
عسل برحي وضوه مرايات .
بعدني مشمّس ومعسول ، لا تزعل ،
الزعل يحبيّب يعطّش خضار الروح .
بعدني آبيض مثلما جنت بيد الله .
بعد بيّه حليب آمي ضوه مرايات ،
وجروفي زلال الماي ،
ولجل آشفايفك يغسل بروحه الماي .
_القصاب
@alshar_alsahih
صوت امبحلگ
مامن ناصر
لاعوان
ونتچه عله الهويه اشصاير
چا خلصت ذيچ الحيطان
ودم امدد اكثر من مد النهران
جف ماي الهور
وماجف دم
وموطن اخر ماويبنه
اتگله انحبك
گلك تسلم
گاع اتهذري
ولدم شگ زيجه اعله اتحشم
ودلغم لكلاش اعله ادردم
صارمهم خوفه من الرگبه
قنع اخيالك لاللذله
ومو كل واحد يمشي ابدربه
#علي_محسن _المطوري
@alshar_alsahih
قصيده "《عشت وحدي》"
عشت وحدي
مثل جية صفر مكرو ما رادوني حتى اهلي
مشه بيه الحزن بالروح مثل نارة وكلت بردي
مدري العوز شنهي يريد
يعت بيه واخذني بعيد
انه المحتاج فرحه بكد جهال العيد
انه الهمه على عيونه
رذاذ البجفن شوغات ما تدري الاغاني امتاع
صرت مثل النهر مفضوح ما سترتني حتى الگاع
مهي شهگه وجع بالروح
مدري بيا كتر اندار خاطر ما يجيني الموت
مثل رجفت سنون الخوف رجف بيه العمر بسكوت
وزهك حيلي
مثل منخل يجر بيه الدهر صوبين
مدري بيا جتف ارتاح مرة وما يمر ليلي
وهذا انه
مثل عاگول مامش عاشگ يشمني
ولا فلاح يحويني
عشت گوة مثل الروج تعت بيه نواية الريح
يهلبت والبقن هينات مامش بيه صوت يصيح
ويعشريني الگظن بالظيم
حلات الياس من يكبر تريده الناس
تالي الليل انه وحزني رفاگه نصير
معشر عود وي الكاس
دبسك يا وكت هدي
انه مثل الشمس مريود كل هذا وعشت وحدي
-احمد رسن
@alshar_alsahih
مدن خنسه !!
ومحابس تارسه الگيعان
ومسابگ حلم مذعور
لهوگ شفة البيبان
ياعين التلم اليل . .
والغربه ضباب أسود
دخيلك ياشمع . .
متن العروس نباگ
بيش ؟
آعبر سراط الحيف
حزنك نهب گمريتي
طميت الگصص بالماي
من شفت النخل مگرود
وجروح الگناطر بيـض
مضيف الدمع . .
مـا يـلتفت للـمرتاح
فاتـح بابـه لليـبچون
الي بدين الگمر ميـلاد
لچن محرابي مامبخوت
كون يموت . .
وبيش يموت ؟؟
بيش يموت
الظم عمره ولگاه مبيوگ . . بـيش يموت
ترى بعين الستر مايوگف الشباچ
لـون أدري ضريح الخوف
يكره شارة الضويات
چا شلت الضلام نـذور
ولـون أدري المطر سلعـه
ويصعد سعره وكت الگيض
چا صليت لـــ ناعور
خسارة طين هاي الناس . .
أتدور لــ نـهر شـوباش
ماتدري الوطن مطـعون من مايـه
أثـاري العمه مو للشوف لــ النيه
الجرح مو فطن . .
بس يندل بياهو يطيح
ليش نسودن التواب
ونـچملـه بذنب مغبـون !
شراع بليس ماصـله . .
خلـونه نعرف حسين
حتـه أنعرف ياهو الله
أهي رگضـة عمايم . .
والنفس ممحل . .
گـضه عمره الشهيد يعيش عالحيطان
كـافي تخلف امي وتنطي للگيعان
وطن وعـره تجاعيده . .
مايغسل حزنـها الدم . .
تـيجان السفن تنهان
من يكسر خشمها الماي
نرخص . .
والخشب شراي
هذولـه أحنه بـلايه گلوب
من دور علينه الموت
لـبدنـه بسد رسايلنـه
ولوحدنه . . .
شـما يلصف
ذراع الخوف
تـتگطع معـاضدنه
ياخذنـه
ضـمه النسيان
لاخر آخ
ويـردنـه
لوحدنه !!
أبـچي أعله القصيده المشت
مرعـوبه بنوايـه الناس
لـيمت يستحي التاريخ
ويـركـد الحلم بــ الراس
لهسه افلاحة التابوت . .
تحصد بالثـكاله عيون . .
ولـيليه السجن عريس
والزفـه شليل نحور
ياهو الستر عرض الگاع
من حبـلن بـنات الهور
كـل فـزة خصر ملچـوم . .
يـثمل شارب السجان . .
وين الگالي ،،
عفـة شوك ،،
تغبش لــ تراچي زلوف
وحنيـها بشمس روحي
انـه بضعن الكمر فارس
بس هيه الگماري ألـوان
شسوي الگصـة العاهر ولا تعرگ
مادام الجفن ناطـور . .
مايـثبت جدم لــ طيف . .
النجمه الماحضت بهلال
تسجد گنطره الـباچر
نوبات الكتب عاجر . .
تـغص عين الشعر ويـموت
بكل صفنه أثـنعش شاعر
سبحانك . .
يــ المرصع ضوه وبلـور
ساكت . .
والدعاء كادود خمس أوكات
چا يمتـه تـفك الباب
يـهلبت من سماواتك عذر يسوه
چم زمزم شربنه متاع . .
من طاح العطش سجيل . .
لاصرنه ربع لــ بليس
ولا صرنه ربع جبريل
ضـعنـه وجـيل يسحگ جـيل !
ناصر البدري
( بنات )
@alshar_alsahih
من شفنه الوطن شارد
تبدينه خريف نحور عالمصطاح
يامرواح ذري الدم
اچت ليكم هوادچ خوف
والچتال متلثم
شما يگرب ربيع الموت
ترد نحورنه تخظر
الوطن يسوه ونموت عليه
وخل شما يعطشونه ضحك وامال
يرد بينه الحرص يكبر
ياباگي العمر شتريد
كافي تعيش
وانت بلا نفس فحطان
صارت بالعكس شفناهه شوف العين
شفنه الماي بچفوف السفن مگيود
والملاح اهو السجان
يمردي الموت
مد ايدك لغمگ الدم
واتلمس مناحرنه
تلاگي شچم جرح لحسين
بس حسين مو يمنه
مبيوعين وانبعنه
يمردي الموت مد ايدك
وشيل الراس
خل انشوف
ياهو الطاح ياهو الباع
ياهو العامل الشراي
خل انشوف
ياهو الضاگ دمنه الطاح
ياهو الرش ورانه الماي
يا دولاب رد بينه الوكت موزين
رد بينه الغنه السبعين
من چان البخت فانوس
من چان العرد حايط تهابه النار
من چان الحرامي المايبوگ الچار
رد بينه المراجيح الگواني البالبساتين الظهاري التنلعب ختله
رد بينه يادولاب رد بينه
رد بينه الجگايرنه التتن واللف
رد بينه الهذاك الرف
لعگال الوبر رد بينه يادولاب
للناعور
رد بينه الحناني امنه
من يخلص خبزها ويهفت التنور
يادولاب رد بينه
الوكت مو زين يادولاب
غيث ال علك
@alshar_alsahih
مدري ليش
انت انتظارك يختلف !
لا .. مدري ليش ..انت.كلك.تختلف ؟
روحي صبّيره ويمر طولك نده
چا شرد اصير ...
شيثمر العاگول من تمطر حرير ؟؟
وآنه بس الحزن طيفك ابقى اسير
وانتظارك يجري بيّه وگاعي صبخه..
ما يخضّر بيّه غير الشيب لون اسود حزين
ومدري ليش !
الليله حتى اللون الأبيض ينذكر كلش حزين
مر مثل ليلة رحيلك..هاكثر بيها سواد
چنها شعري.. الطعمه اسود
سنِّيني بلا لون مرّن
وانتظارك طيف .. لو بس طيف تعبر
والله حتى الشوك اسويه ياسمين
والله حتى غيومي هاي العاگر الماترضه تمطر
چنت امطّرها عطر
يالــتعبتني
الگاع.من.ينشف.ثديها.تدر.ملح
وانت لو نشفت عيونك من دمعها
يخضّر الصبير بشفاف الجرح
وآنه كل عمري جرح نشفت شفافه
الصبخه گاع ..يغني فوگ جروحها الفلاح آآآآه
الليل كل ماتثگل مرورة ظلامه
تذوب بشفاف الصبح
وليلي طال..وصلت مرورة ظلامه
المشتهاك..العازتك..
مابيه اغني ..
ومدري شلون !؟
امد.شوفي.على.گد.الحيل.البعيني.وماالگاك
وردّن للحلم مجبور
يالضاعن.چفوفي.من.الدواره.عليك
يالمابيك شي البهالناس حتى الگيك ..
يالوحدك بروحي تدور
يبرد.نبض.روحي.وانت.بيّ.تفور
وما الگاک
ما الگاك
وردّّن للحلم مجبور
الكبير لطيف العامري
@alshar_alsahih
( شگد موت نگّط عالگلب ) ، والناس صارت غربة
يومية اصادفلي نهر ، مامش ولاية بدربه
ولكم أدورلي وطن ، ما بيه رصاصة بگلبه
عندي حبيبة بلا جنح ملّت طواري التربة
ويّاها اليّه شچم جرح ، عين وتراچي ورگبة
وعدنا نبي ، بس من دمع ، كلما نضيع نشربه
ولكم أريدن لي وطن ما بيه سياسة وأحزاب
ما بيه حبيبة من الصبح تفتح شعرها بسرداب
ولكم اريدن لي وطن ...
بيه غرفة من ماي الضحك ما بيها مفتاح وباب
دلّوني وين ألگى الشعر ، شو كلها تكتب نوّاب
وين الگى شباچ الصبح ، ليل القصايد چذاب
#عبد_الوهاب_الحمداني
#ثورة_اكتوبر
@alshar_alsahih
شـوك وتصاوير وعتب
سـومر حلمنه من التعب
نباگت ..
شموسك
والشعب تايـه بيك
كل الجناسي ..
البارحه أدور عليك
نقراك غاد من السمه نجمه وجرح
وماندري ذيـچ نحورنـه الفوك الرمح
ينگـط نـدم ..
شفنه العلم ..
طـم العبي بضهر التنـانير
غلبت زمن ..
ثاري الوطن ..
حبـلن بنـاتـه من النواطير
بعيونـه
يبـات
الحزن
حدر الدمع
نبچـيك
بس بـچي الحلم ماينسمع
حبال المشانـق تخنك الريح
شدوهـا برگاب المراجيح
والموت ..
شاتلـنه بأمس
أدعيلنه تخضر شمس
لاتعتب
أعله الـدين
ماضل أنسان
شفنـه الـعمايم ترگص ويـ السلطان
نيشان صرنـه والجفه يصيب
ويستنگه وين العاشك الشيب
چم دوب توجعنـه المكاتيب
وحشه ونعش . .
ولمن صعد سوك العطش
من ماي وجهك رحنه چملنه النهر
ضمينه سرك بالجدايل
أبابك دفنـه شكد رسايل
خوف وصدى . .
وذاك الندى . .
يابس عله شفاف الفلاليح
من مات ناطورك
مشه جنازه الكمر
وفانـوس عمرك
طفـه بچـويات المطر
شفناك
فوك الشاطي
تيبس بهداي
أودينـه بمتـون السفن ديرة ماي
عتگت شبابيچ المحاجر
يهلال باجر يمتـه باجر
من برد تاريخك
برد دم الشعب
وباعو جناسينه
بدگـاگين الحطب
غربه وسفر . .
تهنـه بتجاعيد الدهر
عيون الغريب تصير سولتها الصور
چف الصبح . .
ضـم الصبح . .
ماوگفت بعينه العصافير
آخ الوطن . .
ثاري الوطن . .
حبـلن بنـاتـه من النواطير !
- ناصر البدري
#اخ_الوطن
@alshar_alsahih
الشايل بصدره حمامه الضام بجفوفه صخر
الناس والمو ناس بالطف والتحس والما تحس
وجادر الظلمه انصب عد الــ اميه
ولمو السلابه كلهم خاف تعبر للخيم زفة شمس
ورايتين ارتفعن وكل وحده لون ؟
الرايه لاولئ تگول تزهق كل نفس !!
والثانيه ارتفعت من خيام الرساله ... ؟
تگول نصاً (مجعة الماي ابوجه عطشان هلهولة عرس) !!
وبين وادم لصدگ دگت خيمها
وناس طفت مستحاها
ولطخت بالدم ضمايرها وخيمها
سدو اعيون السمأ خيل وعجاج
خاف تسمع بالعطش وتحول اجيوش المطر
وظلمه صارت ساحة الطف والعطش مر برهاته
وطفو اعيون النهر
وانته غيمه بعزت الگطره علئ روحك ساوموك وگطرت عزت نفس
ملثمين ولابدين بسد فشلهم
وانت واگف طولك بطول الشمس
غيمه سمره بروحك وتصعد شهامه
وتمطر الدنيا صورك غيره غيره
واختك الحوراء بالطف هيه والخيمه الجبيره
تسولف علئ اعيونها وطيفك عبر ؟
ولملمتهن جلمه جلمه راسي عالي
وباجر ايردون اخوتي وجايبين وياهم الصوغه نهر
والگمر ما مدله عيني باجر العباس يرجع هذا جذاب الگمر
وباجر من ابعيد اشوفنهم وافرفح وانتصب نصبت علم
وامسح دموعي وغربتي واشعل اشموعي ابوجه كل الخيم
وانا اختهم بيه فزعه اتلگه اخوتي
هله بريحة الزهره وگرة العين
عباس يبره الطول الحسين
وينگطع حلم العقيله
بطفله تركض يم جسد اخر مناره
تحاجي ابوه تگله اجيت ورشگة ارماح ابكفاي
بويه اجيت الدرب ركظه ونارهم تركض وراي
بويه اجيتك والطيور اوياي ودتلك سلام
برد حيل الوادم الما بيه غيره
وبرد حيل المشرعه الما تنطي ماي
#ميثاق_الهلالي
@alshar_alsahih
قالت ام البنين لزينب ( عليهما السلام )
يا زينب احكي لي ما بعد الطف ماذا حدث هل ارتحتِ على وساده هل اتعبكِ السبي
فقالت مولاتي زينب
وحك المحسن الماشاف حته طلوك
مثل باب الحسن يا جفني ما مطبوك
وصلنه القصر سبحه الشاهد السجاد
بس ضيعنه خرزه بعتبت الصندوك
وعدنه اطفال ما نامت
رغم ما يشبه الكاروك ممشه النوك
عكدناها العبي ام عباس خاف نتيه
بس هوه الصدك جان الطرف محروك
شفت روس اخوتي فوك الرماح عثوك
وبذيال العبي موزر العاكول
وكمنه نخاف لا تاكل عبينه النوك
والعباس ماموجود واشكيله
وشفت النسر يفتر فوك راس حسين
بعض الضن اثم يمكن يهفيله
هذا راس عبدالله برمح مشيول
القلم عبدالله راسه ما يكفيله
مثل نزف السواجي التوهن مفتحات
ينزف دمه فوك متون اليشيله
كبر عبدالله ما لحكت الوليله
الرمح من شايله صاير بطول حسين
وهذا اول طفل ما يمشي وي جيله
وهنانه رقيه بدت تشكيله
سهلات التراجي باكو الجلاب
وخنكت حجابي بيدي وما ارضه بميله
وما امسح دموعي التطلع من العين
خاف امسح دموعي وتوكع الشيله
عبدالله الهضم والنوح تعبني
الحمدلله يخويه وخنصرك موجود
رقيه يهمج الخنصر
اي عمه وعلي يهمني
عمه من ازعل انا وياه بيمن جا يصاحبني
بس لله شكيت وما شكيت لناس
كلشي اليختنك بأرض الطفوف يموت
وعاشت بلخنك بس جربة العباس
وصينيت القاسم كبر بيها الياس
للشاعر الشاعر الشاعر
● سعد شميل
@alshar_alsahih
العش مو حطب !!!
خل يفهم الحطاب
العش بيت شرعي وساكناته طيور
وأحياناً يضم عشاگ متصافين ..
أحلام ،
وأريكه
ونافذه إعله النور
اعله غفلة من الزمن
لن بيتهن مهدوم ...
والغصن اليشيله من الاصل مبتور
الدستور؟؟
منقوص اعله هذا الحال
الحقيقه ، العشگ لازم ينكتب دستور
العصافير اعتراض الهن اعله الحطاب
جاب عشوشهن
ونطاها للتنور !!!
ازرع گاع روحك
رازقي ونسرين ..
واشتلها گصب من يشح ماي الهور
وأفطم منجلك
لوراد يحصد غيم
وأكسر منجلك لو راد يحصد زور؟
واخذ دمعة عزيزك
واستعيره أفراح
ولبسه العيد بيدك واكشخ بعاشور!!!
انشدني ..
العسل ماضايگه النحال ..
القاروره بيده
والعسل محضور
من تلثم فراشه
خدود زهره تنام
تسكر بالندى وتطيح بالمحذور
شارب من خضار
عيونك الصفصاف
وراضع من بياض خدودك البلور
روح أشتل حياتي بشجرة الصبير
أنا احلامي عوانس
مايهمها البور!!
افرشلي ضحكتك
خلي ، أمدد كيف
وخل في ّ الضفيرة يدغدغ الناطور
تغرف روحي مني
بچفك النعسان ؟؟
وتشربني خطيه وخاطرك مكسور!!
جمعنه المايصير
البرد والنيران
شفتي تنث بروده
وشفتك تنث نور
يقام الحدّ
على من لمس شفتك يوم ؟؟
ويُحاسب ، مثل مايتحاسب المخمور
أخذ مني دمع
ماطالبك بالدين
يمته النهر راد فصول من ناعور
تدريني سَليل ،
الما يشم مشموم ،
ابن بيت العفاف
الصاوغ الله نحور
بعد شبرين عنك والحضن ينخاك
أشم ريحة ثيابك
والگلب مسحور
ياجنة عدن
يادنيه تنبت روز
ياسحر الهند وأحلام نيسابور
هسه الحب حضارة
وبابها كرستال
تتلاگه المجره بكل مسيه تدور
أنا روحي ندى
وروح البنات ورود
أنا موتي ندى
وگلب البنات أگبور !!
بالك تحط روحك
دكـه للتغسيل
جثمان الفرح مافززه الكافور؟؟؟
سيد عماد المطاريحي
@alshar_alsahih
شوكت اشوف الناس تندلك صدك ؟
بينك وبين ابو فاضل بت علي وجربه عشك
شوكت اسمعلي قصيده بلاسياط ؟
ومو امتون ام الخدر بيه زراك
رايد اسمع بيهن حجايات بت حيدر زرك
خنصرك لو ينسكي بجربه ضوه يطك بي هرش
وترجع انته ،، الكلش انته،، تكودنه بجفك لباجر
جيتك حيل بمحلها ايامها الحيره اعله حيره
وصادفت صفنه مناير
الكاع جول ودبه شريانك خظار
وركضت الحنطه اعله مد شوفك ضفاير
وانته هيست النهر هندس علينه...
ونكطت من عين دمك تسع ضويات وكناطر
السالفه انته مكيفلها
سهامهم طردتها اهلها وهيسن گلبك جبير ...
السالفه انته مكيفلها
وياك حتى العطش كضاها اعله خير ...
السمه بور وغصن ذرعانك نفض سبعين طير
شضوكتهم ياحجايه وكلها طشت روسها كبالك انذوره ...
وزينب شهوست يمه ..؟
وكطع العباس جفينه برهاوه وگالهم وثقولي صوره ...
طوقك ليل ال اميه ..
ودفت ربعك بالطفوف هلال من ذاك الملح
وعفيه راسك مامعبر الدنيا كلها
بذاك وضعه ..
وكف يتفكر بهيده شلون يكشخله برمح
وعفيه خدك باس الحجاره بكل برود
هاكثر خدك مؤدب ...وهاكثر جفهم وكح ...
وعفيه زينب واكفه وتهمس وراك ..
فوت بيهم هول وتالي تلا كلبك ذبح
مطلع النبله بنحر طفلك جبير وراد من عندك قصيده
وكمت طشيت النجوم الظامهن عبدالله للسجه بوريده
انته وابنك عيريتو الغيمه من ظمت بجيها
وكبل لاتمطر عليكم كتله خل نمطر عليها
وها حلات الله بضميرك ..
ساوموك بكلشي بس مالك شغل
الدنيا باعتلك شرفها وبعت ع الدنيا ثكل
انته واهلك شايفين وعايفين
الله بيده مسگملكم شاره ودلال وعگل
يلمسوي الطف مضيف !!
وسفرتك مديتها بطول الزمن ....
هـــا!! وابلاش
عزبت حد ماسمعنه المانسمعه ! يصيحلك يحسين اواااش
شمس راسك غربه تتمشرك عليها ...
ودفه جم جيفارا بيها
واحنه مانندل حجيها
وتايهين ،،، وحكنه لو تيهنه راسك
في رمح راسك ثخين
انته فوك الحجي كله واحنه مو يم الحجي
فاهمينك بس مناحه ودك زناجيل وبجي ...
الزمن طايح من زمان وفوك ظلعك منتجي ...
ومايعرفونك لحدما يعرفونك
#عقيل_العرد
@alshar_alsahih
يا بخت جنحة اليذبه الريح يمك!
كون أشوفك ..
كون ويّ فجر السوالف تغبش عيوني عليك
اتشيل خطوة شوفها وتنكلها يمك
وديّ اشوفك ..
ودي أطيرن محترك واطفة عتب حار اعله دمك..
بلجن اباجي الطفو غيرة دفو وتذوب رسوم الشتة الصك اعله دمك !
ودي اغافل ليلهم و أبحر واذب كَلبي بشريعة
ودي ابوكن جسمي وابعد
وديّ افك باب السنين السودة واشرد
وديّ لاجن شدو برجلي جرس يشهد علية
وبس اشيلن خطوتي الحراس تكعد!
بس اشيلن خطوتي ايردهة الكزاز ..اعيونهم صارت كزاز
ابكل جفن يندله حلمك!
ظفروا رموشي حبل وتنطروا جية ظلام ..وصلبوا اعله عيوني حلمك!
وانت يا المجروح خاف احجي والجمك ..
لو تطاوعني الجروح تصير غيمة
وحتى اراويك شكثر ينزل مطر بالكاع دمك
فاهية الدنيا
طفت لذة طعمها
ولبست انكاب اعلة نجمك ..
كون يمــــــــــــــــــــــــك !
للمبدع الكبير الجبل كاظم اسماعيل الكاطع
@alshar_alsahih
مناحركم مطر حنـه
ومرد الرؤوس چانت زفة للثورة
رسايلكم الردن بيـض.
الرفضت تنكتب حـرة
الغيمـة السمرة بيها اسمك
ترابك من ثخن تربة
چان اول وطـــن دمـك
صوتك فتح چم شباچ...
غنوك الفلح للگاع
السنبل چان شيب اشگر
صلاتك مدري..؟ سرب طيور
مدري شرفرف بعاشور.
ولا ضمت ظميرك گاع...!
من چانت الدنيـه جفون
انته اول نهـر كحـلـه
ومن چانت ضباب النـاس
بشمسك عرگـت مـرايات
رطب نحرك علينه ايطيح من تتحرك الرايات
لـــ سجاد التميمي
@alshar_alsahih
وين جنتي؟
وليش متأخره علي كل هالسنين؟
وليش ماطيفج اجه او فزز صفنتي؟
وين جنتي؟
كبل تسع سنين مريتي اعله عيني وما وكفتي
ليش من دك الجرس ما صارن عيونج فرصتي؟
ليش
ليش يا اول درس يفترض كنتي؟
ليش من كف العمر هساع ضهرتي؟
وين جنتي؟
يا ملك شيطان وتلبس بجثتي
ويا دمع خسران ومثلم وجنتي
ويا الم لف روحه سجين بحسرتي
وين جنتي؟
ليش ما جيتي قبل لا توصل الفضه لكذلتي
و ليش من عبرن محطاتي ركبتي؟
و ليش فتــَّحتي لمن ذبلت وردتّي؟
والله لو عندي بخت
جا لمج من سنين بختي
((و جان هسه دموعي ماكو
و خابصه العالم ضحكتي))
و جان هسه همومي ميته
و عافيه بوجنج فرحتي
وين جنتي
و ليش متعطله وصلتي
.
.
.
.
إلى روح محمد الغريب
@alshar_alsahih
من ضوء الروح
من شمس الذات
من صدك گلبي وعناوين القصايد
اهدي حزني ..
للوطن ... للناس .. لعيون الحبايب
وانت كلهم !
من يطيح الليل واحلامك غميجه ماتطفي الماي جمره
ومن تمر بيك العوافي يطول عمري
واعلك ارموشي شمع و وساده گمره
وردت اعذرك ...
والعشك نجمه بعيده وعين المحبين عثره
وليش اعذرك ؟
وانت شتلة خاطر وعطشان صبرك
لا لگيت ابمستحه الحبوك گطره ولا تصح غيمة وتمطرك
تذبل اكبالي واشب نار اعلى ورقه
اطفى سكته وعمري يندار اعلى عمرك
لاني عشت عيون شذره ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى كلبك !! والزم الحسره التوّجعك
وليش اعذرك
وانت كحلت السمه بتعبي وسماري ولاتعب وياي صبرك
وذاك چفك
عاند الحنه الغريبه وكتلي من جفك حلال
ونزلت دموعك تطفي شموع حلمك
من كلتلك ؟
ياثمرتي : ضوك غيري من السلال ؟
بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل
يازغير .
الشيب وي عمرك كبر حسبته چذبه
ليله ليله وداعتك تغفه واحسبه
ليله
ليله
وداعتك تغفه واحسبه
_كاظم الركابي
@alshar_alsahih
¹³³
انت وحدك
من صرت حدما تموت
قسمتك تفتح عيونك كل صبح ما تلگه احد
قسمتك تضحك بوجه العابرين
وترد وحدك
من وكت كلش تلاطم روج گلبك
وانجفت بيك السفن
من وكت كلش نساك و لملم سنينه الفرح
وانطاك ظهره
ومن وكت كلش وعيت اعله الحزن
انت وحدك تضحك وتبجي وتغني
وترسم الناس اعله جفينك حمام
وترد بيدك تقفل اعله الروح بيبان السجن
معلگ صورك على حيطان باجر
تسلم عليهن يسكتن
ترجع ترد السلام
وحّدك تبدي الحفل
وتصفك لروحك وتبجي
وترد وحدك تقره روحك بالختام
#عقيل_العرد
@alshar_alsahih
#زید_الهاجری
تستاهلني
بس بعديش
لا مرخوصلي أشتم بيك
كَدام الخلّكَـ كلها
وأكلهم حضنك أفيّشي
ولا عشكَي غلط ، وأنساك
وأحسبنك ضمن طيشي
لو منك وجه ملكَه
چا وصيتلك عيني
ولو تنباكَـ ، چا بكَـتك
بس عطرك يسويها ويدليهم ، مثل ما چان يدليني
علمني ، شسويلي ؟
أروح ليا حضن لو بردن سنيني ؟
شكَلّك ؟
وآنه كَايلّك
غيرك مو رزق عيني
علمني
أمد ليا ضوه ، خيالي
علمني
أذا مر ليلي من دونك
شسوي وما تجي ببالي ؟
شسوي وما تفيض عيوني وأبچيلك ؟
علمني
منو الـ يندلّك بروحي ؟
خاطر من يزيد الشوكَـ وأتأذه
يشلع كل تفاصيلك
شسوي وغيبتك مستلمه عافيتي ؟
كون تشوفهم وتضوكَـ تاليتي
عفتني لناس
ما بيهم وجه يستاهل أحچيله
عفتني لناس
لون عيونهم ما يسوه أغنيله
عفتني وظال كل عقلي
أذاشم صورتك حسبالي مشتمك
وألملم بالأخبار الجايبات أسمك
وأثث بيهن ظنوني
يـ تارسهم
بذمتك كل فراغ مكَابل عيوني
يـ تارسهم
يلمفرّغني من كلشي
رغم كلشي
أذا تحچيلي ، ماچذبك
لكَيت بوجهك الزهري
لهفتي لتكملة عمري
ولكَيت الطايحات من العمر ، بيدك
وراويتك الماراويته لعيوني
وأتشهنّك الما شبعن بزغري
وكَلتلك كل مسامه بخاطري تريدك
أذاسألك
شنو الضوالك وما كَامّن يعجبنّك عيوني ؟
أذاسألك
شنو الما صابغه بلونك
حتى تضوج من لوني ؟
شتكَلي ؟
تستاهلني !
چا بعديش ؟
هسه ومن غفت كل (وينك) بروحي
هسه ومن بديت أصحى
جاي تكّلي بس سوالفي تفيدك !
چا والفركَه ؟
چا والحلّقة الـ بأيدك ؟ ،.
@alshar_alsahih
((ضيفكــ سهـم))
باوووووع
االروحك اشويه
لشوكت تبقه ابوهم!!!
اتأمل ابروحك الكلشي ونت الكلشي عدم
تالي يوصل يومهه اتهدم خيالك بلندم
تالي يوصل يومهه بصدرك تعزب لون ضيفك مر سهم
هوه المواصل جهاد ايريد دم
ايريد واحد لازم العنبات مامون ابعشگ ينطيله فم
اوصلت للعظم حد الحقايق
وطغت خطوات الثواني اعله الدقايق
وذبلت احچاياتنه الچانن حدايق
واااخ يا حذف الصور اااخ العتايق
يتمينه اگلوبنه امن اول بدايه
هيه معروفه النهايه
الزوم من اول شطر اتعيش واقعهه القضيه
لاترهم الشوكه تصلح لو تخلهه ابمزهريه
انت يا اكبر مغالط كله من جورك ياگلبي
گتلك ادريبك ندامه اتلح ولك موهذا دربي
اخ من عدم احتياطي
انا ذاك...
استسهل ابلمت النده ايلململه شاطي
وانا ذاك...
الصعب ايقنع دليله ابدرب عشگك ماهو خاطي
شنهي اتبدل الوعي ابنومة كهف
شنهي ضيعت العرف!!!
وشنهي زودك تارس الدنيه چتاف وحملي يتوسل الچتف
علعموم اتمدهه رجلك گد غطاك
اتنفس الباچر يضلك لو ردت ريه الهواك
#لــ علي محسن المطوري
@alshar_alsahih
قصيدة (دم ودموع)
اون جرحي
اون جرحك
وياجرح اليون بالروح ؟
هيمة وصدى صوت النعي
يگطع بتوت الروح
سگينا الگاع دم ودموع
وطگ بيها شتال اخضر
لچن مذبوح
جزينه بسچة الاحلام
من يوم الخلگ لليوم
وعدينة الگحط والضيم
ومسافة لحد عرش لله
بكل خطوة جرح
يفتح چثيرة جروح
واون جرحك
وطر صبر السماء بنوحي
بلايه صياح
اون بالروح
يامزنة عشگ رذ
عشگ عالبيبان
واغسل وجه الولايات
فرح ناس
حلمت بالوطن والدار
طش دمك
خل يسيح بالتحرير
واسحگ سلطة التيجان
اسحگ كل عمامة زور
وينك عثر نذري
وتاه بين گبور
مامش دور
احنه بنص جهنم والمنايا تدور
احنه بنص مدينة وماكو بس گبور
واون جرحي
اون جرحك
جرح الناس
ياجرح اليون بالروح
ضايع من صرت لليوم
تاخذني جروح الناس
وتيه بسچة الضاعوا گبل ادم
وصوت براسي يسبگني
مو ذنبك ذنب ادم
وافرغ گاسي باديان اللحايا
وخلوة المحراب
لا تهتم مو ذنبك ذنب ادم
لچن ادم، رب ادم
يشوف الدم ؟
يسمع صوت ام مبحوح من النوح؟
شاف الموت ؟
لمح جفت ثدايا الهور؟
شاف شچم غصن مكسور ؟
شاف شگد بنينا گبور؟
ياكاس اليزيل الهم
ياكاس اليصحي الروح من سكر
العذاب و عيشة العلگم
شتون جرحي
انه مذبوح
اون جرحك
واون جرحي
وياجرح اليون بالروح
#قيصرالسراي
@alshar_alsahih
هلهولة ودم صابغ چيلـة...
و تابوت مبرگع بالشيلـة
هاي الگاع امرايـة عرسة
والشميسة لمرتـة گلادة
(شما صفگنـة اطيح القادة)
چتالك بچفوفي أنگابة
شما اعصرة ينگط دم سادة
آخ... آلما تعرض بعيونـة
الگاع شگد بايع لونـــة
لو بيهـم لچمت تابوتك
ما فرشو دمك سجادة...
الدم ما فاهمنـة شردنـة
ولا مفتهـمين احنه الرادة
چم دور العباس انطيتك
و اترسلك بأصوات الجربـة
وترد تحرگنـي ويالخيمـة
وتگلي اطفيك التربـة
آخ... من السجادة الحمرة
و آخ... من السجادة الخضرة
كل البينه من السجادة...
كالو طحنه و طيحناهم
( شما صفگنـة اطيح القادة)
سجاد التميمي
@alshar_alsahih
........ طوفان الدم .......
دم ، دم ، دم .
وطن جن مخلوق من دم .
امنين ما تلتفت دم .
الشوارع والشبابيج العفيفه .....
ورزّة البيبان دم .
ندى الغبشه ......
على الورده وعلى السعفه ....
وعلى العش آيطيح دم ،
امنين ما يتلفّت البستان دم ،
امنين ما يتلفّت العصفور دم ،
الحدايق ذابله يصفنة الموت ....
والضفيره الناعمه ......
آتنكَّط على المرجوحه دم ،
اسطور من دم على السبوره ....
وفراشات المدارس ما يفززهن جرس ....
وآتنكَّط القمصان دم .
حنة العريس دم .
الدمع والماي دم ،
الخبز والقاسمه الله ....
وآستكان الجاي دم .
الريج دم .
الكَبور المن عهد قابيل تطلب ثار ....
ما ناشف جرحها ، آيفيض دم .
كل شي بيْه ريحة الدم .
ضاج خلك الحايط آمن اللافتات ......
آسطورهن شلال دم .
الحجي آمنكَع آبدم .
والآقلام التنشره وتنباع مفتاح الجريمه ...
والضمير كّلاص دم .
المآذن بيها صوت آبليس .....
بسم الله يرش عالضحكه دم ،
على الكَذله آيطيح دم .
وطن مفطوم آعلى دم ،
عاشك آمن آكَماطه دم .
عشك مجنون وخرافي ....
آينكَّط آمن الراس دم .
الوطن منذور للشيطان المعمم .....
يظل تجرات دم .
الوطن طوفان دم .
وانا كَلبي كاغد آبيض ،
اشلون حالة كاغد آمسيس آبدم ؟
العظيم عبد الكريم القصاب
@alshar_alsahih
تيّهني ضماد
جروحي تندَلَّك
يا واهس جرح محبوب
ما اشلَّك
وگلّي منين أجيك؟
منين الِمَّك طيف؟
وشلون من اگلَّك تِهِتْ،
ما اگِلّك ...... ؟
تيّهني سِعِدْ،
يا ما تنيتك روج
شِلَّكْ بالترافة؟
وبالحِسِنْ شِلَّك؟
إنته خيوط گمرة
وتنضفر ليلين
وچِنت اهواك ماي،
وتشتعل كِلَّك ..
موگد شتا سنينك،
والملامح ناي،
أَمِلَّك؟ ...
أمِلْ روحي،
الرادت تمِلَّك ..
وشِفِت طولك نهار،
وعطَش بيّه الماي،
وشِلِت سِرَّك گصيبة،
وگِلِت ما افِلَّك ..
أسمّيك احتلال،
وتنتفض شامات،
واقاوم،
بلكي تغفه بليل،
واحتَلَّك ..
كبرت هواي بيك،
العمر تاه وياك،
يا عطر السوالف،
والورد حِلَّك ..
أجِلَّك يا حنين،
وللجلال ألوان،
ولو ما تنتچي اعله الروح
ما اجِلَّك ..
إخذني ويه الشمس،
نمشي،
وفجرنه يطول،
يا طول الفجر ،
لو رافگت ظِلَّك ..
_عامر عاصي
@alshar_alsahih
((ثلمـــة چفــوف))
★★★★★★★
ياحــسين.......
الديــن عطشانــ ابوكت مامش مجيب
اوچــان يتناشق ضمــه ورايد يمــوتــ
اوعيشيتــه ابدم نحــر لجــل الثبــوتــ
اوياحسيــن النيــته بيضــه
ايشوف وجــه الله بقنــوتــ
اونيتكــ ابـيض من البيض بلطفــوف
طاح دين الله اوفرشت الطف چـتوف
ولرمح مكسو.ر عصه اويه العمــام
وعتنالكــ يكسب ابراسكــ وســام
وشنهي حـگه ورحبيته وجرحت گلب السمه
وعاجره سيوف التضدك مانطت خلفت دمـه
ونت قدمت الرگاب اولدتهن ملحمــه
يامقامكــ انت ولله كلمن ابحـده گمــر
الله حددله السماء ونت حددته نهــر
وضاجت اخيول ال اميه ورادت الميدان اوسع
ونت صدرك اوسع من ارض الطفوف
رحبتـهه وغارت ابصدر الغيـوووور
وضيف چانتلك ولاگب التراب
صـدرك امعزب يگبلهن بخـووووور
وظلموك او انت چنتلهم عطوف
وثلمو من الگمر ثلمة چفوف
ياحسيـن الناس من تعتـگ تجيك
وحنـه فقره ازغار چـنه ونعتنيك
هاي وادم غـربلتـهه وماوگف بيهم عشگ
ناس تكره حچيل ابـره لو يصـح بيهم فتگ
اوانت ثوره اوفسروك حسين دمعه وتاجرو بيهه البعض
ورتدو ثوب الديانه وخلصو بيهن غرض
ونت فكره اتگود كلمن يفهمك حر انتفض
ولله لو هل ناصـراٍ تطلق تعيـد
تنتصر بل گول ولفعل اليـزيـد
اويلا يلا... هيه دنيه وباچر اتگوض اكيــد
اهناك يم الله اشتكي ابيوم الوعيــد
★★★★★★★
#علـي_محسن_المطـوري
@alshar_alsahih
تعبت انه وتعب ويّاي ..
حلمك والســـــــــــچچ والحيل ..
اجيتك والگصایب رجفة امن الخوف
کل گامه گطایة ليل ..
اجيتك من بعد كلهن
اجیت اتحنّه بترابك
وصیح بغربتك چــــــــــم ریل ..
مامـــــــــش
والاغاني اذوب ..
وبنآدم غصن غربه و بخل وادم
جرفهم صیـــــــــــف
شعدلك يا بعد كلهن؟
شگلك والمناجل تخشك بصدري
وخضر عالشفايف حيف
هلي اتبدّو ولا بدیت!
شمس شربت شلب روحي
وشمس سوده اعله باب البيت ..
هلي باچر لون جدحت
احلفكم بالمرايات
بالشيله وخواچـــــــي حمود
ذاك الما كسر فيه
ولا كع ابليالي اسود
طشّو كل رمــــــــــــد روحي
اوج كل ما يمر نيسان
وطن فـــــــوگ العگل مشدود
هلي اتراب الوطن كحله
وعرض سمره
يستاهل لون ننذر
كل گمره ابرحم تابــــــــــوت
هلي ابحنظل افك ريجي
ولا منکم ذلیل ایصیر
یدگ عرجه ابارض غربه
ویرضع کل ثدایه العار
یوج سکته وجبـــان ایموت
جاســـــــم الصاكي
@alshar_alsahih
عليمن ماتحاجيني !!
هذاك انته
يحتـه بنومي ماردك
تطب گبل الحلم للعين
ياهو الماسح
أچفوفي من أصابيعك
أشو لميت اغانيك
ورايد تجفي عصريتي
چا وانه ..
چا وانه ..
يـ شهر التوت
يـ شغل الله
يـ المعتبر
يـ المعلمني
أخضر شوك
من برحية البصرة
لحد اشفاف المگيـر
اشوفك تـنده بغيظك
وصوتك بـ الغرف مدفون
وشوف الزعل ..
سچه اتسابگ أجدامك
أمش عنه ..
أمش زفه بشرايـني ..
أصبح شارع السعدون
أمس !
من هومـشو دينك
فزعت من الگهاوي أچفوف
أمس !
من غرگت أسنينك
غديت بكل شبر مشحوف
أنه موصي العيون عليك
حته ويـ الضباب أشوف
تذكر ؟
من يبس
محصول گمريتك
صرت ..
فوگ النجم فارس
أعصر صفنة المحار
وترسلك نهر ونطيك
وماخليك . .
ماخليك ترجع لهلك بوحدك
أخاف عليك ..
سيفـين ..
أعله مهره
جنت اروح وياك
ذليت ..
السموم أسنين
من جاسك بـجنحه عناد
وكل ماينشف أترابك
اضملك طين بـ الميعاد
باريـتك ..
شتل نعناع
والوادم رمل مالح
تشلبه أعله حلگ الماي
خاطر لا يشاور رغوت أشفافك
أوهــستك ..
ودللـــتك ..
وگتلك لاتهم بـ الموت
الي بشعب المطر ثوار
حضنتك ..
راية فضيه
بچتف مبعوث
وتعنيت الصدر زمزم
اجيبلك مهر بارد
ماهمني البراگع سـور
ولا همني ورق منحوت
مادام ..
الدرب درويش
ماهد للملامة عنان
الصوت ..
اليفلت من الخوف
يرفس سكتت الحيطان
انه بجفك ..
نذر مجنون
أهب الخاطرك حرمل
وسود وجـه چرچفهم
شكثر ..
هـفو العصريتك
وشدلك بـ الضنون حبال
شكثر ..
صلبوني عد بيتك
وفز ووگف صبر تمثال
اصعد ضحكه ..
يم شفة نـواويسك
وضم القحط بهدومي
ونزعـه بحضرتك شلال
أنه ..
الشالت
ضلوعه أشكال
جبتها أمكاون ويـ العوز
من أمناشغ الكاروك
لاخر شوغة بـ الحمال
عمر ماكدرتـلك بال
واگفلك كرم خيال
املك بس هلا
وفايض بحضنك هاك
حسبالي ..
فوانيسك مثل گلبي
تزت الگمره للـشباج
أثاريها خيم خنسه
تصعد للضوه من الجام
وتخنگه بحبل سجيل
بعد شيفيد ناطورك ..
كل سيف ..
الخطف نحري
لگيته بـ قلعة أنذورك
كل مشعل ..
دوه بصدري
طلع من صلب تنورك
ادنك لونشدني أرباي
من يادمعة اسد ديني
الفخاتي ..
الكبرن بصدرك
تبرن من بساتيني
ناصر البدري
@alshar_alsahih
([(يابعد المانبض)])
بياض النيـه من لونـچ
يل امضيعـه الحــواري ابطارف اعيــونـچ
ارحميني ابجمالچ ماهو اشويه
عندچ مو حواجب هاي يل چنهن صوارم من بني اميه
انا المستلهس ابحسنچ يابعد اعوينتي ودربي
اضحكيلي الحزن شد رآيته ابتعبي
ضحكاتچ نغم وتسير الگلبي
دحچيني اعله كيفچ يم نوايه الشوگ بيه ابكل حرف لچمه
عشگنه ابذمة القسمه
انا اويل ااخ رفگة ااااخ اليغنون
انا اويل حن افيضن نوووگ لليحدووون
شلتلچ عازة المفتاح للمسجون
اشكبر فيتـچ يابعد الروووح
اويابعد المانبض لو شاف بيــچ اجروووح
اشكبر هجـرچ جبل وعله الچتف مطروووح
تعالي اگليبي الچ ديـووان
تعالي اتمددي ابگلبي مثل ماتمتـد النهران
انا اشتاكيتلج شوگ النبي القــران
ياتچــوة وكتي لوشحت علي حيطان
يابعد الشوف ،،،،، ليش الخوف.....
انتي اول بشر لو ثگلت الحسبات
داينتي الحبيب اچـتوف
ليش الخوف....
مادام الدرع بلشوگ خل وكتچ يسل اسيوف
ليش الخوف.....
مادام النهر ممنوع خل ننطي نظر وچفوف
ليش الخوفــ......
#لـ علي محسن المطوري
@alshar_alsahih
عنوان القصیده:
/سبحه و کاس/
غني یأذّن..
و منایر تخزر الفقره..
ضریر بضکّةالشارع توهّن محّد یعبره..
جزه المافارگ الجامع..
جزه ذاک السبحته تخط ورا ویگول عمره اغنیّه ماسامع..
أشِب والناس دم بارد..
إهي دگمة قميص ابليس, شذرة محبس الساجد..
يارب و الماخذ اعيونه الهذاك الصوب شیعبره..
یارب ربعک تبرّو لیش، والسکران دگ صدره..
الرَحَم وینه..؟
گعد یغسل بدم سچین یاخاین..؟!
السِتِر وینه..؟
علی یافاجره مسیّر حِلم نفنوف..؟!
یارب صارت چبیره اللّیش..
جبتنه من العدم للطیش، صم طین و غریزة خوف..
و امس لمّن هجینه الگید، اجه یشهد علینه الطوف..
و خضار افّیشهم غّنّه، لحد ما طغت بینه الأوف..
لحد يمته..
مناجلهم تهدد راحة السنبل..
لحديمته..
بخار الشط يلگّح غیمنه و ینباگ و احنه انعرف بایگنه..
لحدیمته..
تواسیل الگصص بالخبزه یهظمنه..
هذول احنه ..
انذبحنه و ذوّب السچین، دم انحورنه الفایر..
گطعو روس ماگالو شیگطع نطفة الثاير..
هذول احنه، وشم و بگصّة التاريخ ياهو الگدر ینکرنه..
احنه صیار های الگاع ، هُمّ شجابهم یمنه..
السِمَه ردّت شکاوینه و خذانه الهَمّ..
الارض حِلمَه و طمع رضعان حتّه احتصر بیهه الدمّ..
لا لیل الیطابجنه و یعثّر ذاک الملثّم..
ولاغبشه التجی اتلفنه حلم موزین من نحلم..
وطن و الیوجعنّه شگد..!
وطن وجروحه لاتشفه و لاتنشد..!
وطن بی شفنه راعی الکاس یضحک علی' البالمعبد .
#عارف_الحزباوي
@alshar_alsahih