1640
عيونك زرازير البراري بكل فرحها بكل نشاط جناحها بعالي السحر قناة خاصة لتدويــن اجمل ما كتبهُ شعراء العراق حديثاً وقديماً المنشئ ( @Tlbud ) قناتنا الثانيه @N_nm11
ما حاجة تطعن بعد طعناتك مكفية
وكلهن بكلبي أجن ما تشتبه عفية
خليتني بموقفي مثل اليدبر الدوة
الامة المريضة ويجي ويلگاها متوفية
علي جواد 💜
أنا مو زعلان ...
ميت ، وأكو بكلبي هوايه ليش؟
العافني عايش حياته
أنا مو من حقي أعيش !!
عزام الشمري 💜
أنا تعبان ، جاي أدفع ثمن غلطة
وأبد ما جاي أسيطر من أحس مشتاك
وأكبر غلطة من تشتاك للغلطة
أحمد هاشم المالكي 💜
من سلمت بايدك كلت هذا اوداع
من ضليت تسحب وانا ما اهدها
كل الجنت أريده من عصرت أيديك
شكد ما أكدر أخذ عطر من عدها
باهر الجنديل 💜
تراقبة ، وتكتشفه غيرك حباه
ومن خيبتك ترجع مدنگ ، مغلوب
تحس بنقص وجفوف أديگ تغم بيك
محبوب كلبك لاگي غيرك محبوب
عزام الشمري 💜
صوجي مسحت لصور حتى اكدر بدونك
هسه شسوي اذا أشتاك لعيونك؟
وما اريد نحجي لان !!
أعرف تفض بالبجي من تبدي بـ شلونك
حسين السعيدي 💜
لا تطلع روحي من طور الحنين
ولا تخليني اكفر بساعي البريد
جاي اگلك حبني بس مو اله اگول
شوفني من عيوني تعرفني شريد
ليث ماجد 💜
كل ما الك أشتاك تكثر جروحي
احجي وي روحي هواي جيف أنت روحي
قصي عيسى 💜
يمن لا هلا ولا مرحبا بچيت الليل
يجي يجيبك ابالي وأصرخ اشتاكيت
وانا وصورتك وصفنه والدخان
وأشرب صورتك من يخلص الباكيت
علي نجم 💜
يل خذت خيط النفس خاتم بديك
ليش وحدي بصفنتي مخليني
والله اشور بيك من ادعي عليك
بس عزيز وكلبي ما ينطيني
عبد الكريم القصاب 💜
انا بالعشرين وأنت الكبرتني
أنت بين الما أريدك والأريدك ضيعتني
انا كاتبها بوصيتي ، هاي الحجارة ..
التجي من الله ع راسي يعني أنت الموتتني
علي تالي 💜
أكتبه ، ويوصل وما ينقره المكتوب
الحايط نفسة بس گون البخور يتوب
علاء عبد 💜
انا من أشتريتك بعت ناس هواي
يمكن ناس فقرة وشورو بيه
أحمد الذهبي 💜
غيرك جانت أمنيته
احبه وأفتهم قصتة
كامل جان ما بي عيب
بس مشكلتة مو أنت
محمد قصي 💜
توادعنه ونسيت بوجهك عيوني
شثكل هجرك سمه وطاحت على متوني
غني محسن 💜
بعد ما شلع كلبي .. وعافني بـ كلبة
دارت الدنيا ، واتلاگينه يم دربة
أنا توقعت ع أقل نظرة شوك
وعلي باوعلي مثل مباوع الغربة
علي تالي 💜
بارد يكولون عني وما رضيت
أسمع شيحجون بس ساكت بقيت
أني مو بارد مشاعر من زمان !!
أني ضليت أحترك حد ما طفيت
محمد صلاح 💜
أذا تنسانه هم ننساك
انا وكلبي موش كبور خاطر نحتفظ بالمات
عمار سالم 💜
اذا تخذلني هلمرة جذب ما ردلك بتالي
اذا اردلك شرط ..
تنصب أضلوعك مو جسر جسرين
واحد أمشي بي والثاني لخيالي
يوسف حسن 💜
انا بحالة تناقض وانقسامات
وصراع وفوضوية ومو جد و جد
بحيث أنقسم شخصيتين مرات
الأكرهك والأحبك يمي يكعد
أيهاب المالكي 💜
يوم الكتلي أضحك وانا كتلك لا
مو ما اريد ما اعرف
باهر الجنديل 💜
حنين وحدري لو حطوا مخدة ريش
أسمع چم جنح جواي يتكسر
مقتدى الحديدي 💜
من اشتاك أشم الصور صدكني يوميا
وكل لحظة أكولن تجي بس ما الك چيه !!
حسين الحبتري 💜
شكثر مروا شفتهم مايشبهوك
وحتى الما شفتهم مايشبهون
ميثم فالح 💜
مثلهم تنگلب ضدي
عفت شمسي وضواها
ورحت لأجل شموع
يا شمعة التنور دربك بكدي؟
غانم الفياض 💜
أجيت الليلة أودعكم
ما أضن لصبح باقي
هذا المنحني عودي
وهاي الذابله أوراقي
طالب السوداني 💜
شفتج مرة وحده شعجب ما ترحين من بالي
ولو ما عندي الج ذكرة
اتلاكينه بس تنحسب ع طيف
ما لحكنه كلشي نسوي بنظرة
حيدر حطاب 💜
شايف من تضل تنعاد الايام
نفسها وماكو شي بيها يتجدد
يجي شچم باجر وما يختلف شي
نفس البارحة بس عمرك أزيد
احمد عاشور 💜
عفتني اعلى الحدود اتراب
بس يعله الهواه أتغرب
علي رحم 💜
وعدتني بكلب صافي
وعدتني بحضن دافي
خدعني الظاهر نغشيت
ما جنت أعرف الخافي
ضياء الميالي 💜