1640
عيونك زرازير البراري بكل فرحها بكل نشاط جناحها بعالي السحر قناة خاصة لتدويــن اجمل ما كتبهُ شعراء العراق حديثاً وقديماً المنشئ ( @Tlbud ) قناتنا الثانيه @N_nm11
تمر أنت على بالي اطول سنين
وأمر أني على بالك لمضه شهاب
تفتت على بابك والعصافير
نزلن ياكلن لا تفتح الباب
أمجد الدراجي 💜
كلشي البيه متغير …
صحتي وراحتي وحسي
وصلت المرحلة أتصوروا
اذا اباوع بالمراية أكولن هذا مو نفسي !
ردت بس ما كدرت أحجي
ومدري شبيه أبدي أنهار
اذا واحد لزمني أبجي
حسين المميز 💜
الليلة عيوني جيب اليكدر يسدها
حنيت السوالف فات موعدها
جبتها بكلشي كدها وعمري ما طخيت
بس ليلة فراكگ جنت مو كدها
محمد شهد 💜
ملتمين لكن ماكوو أنت …
ومنو اليترس مكانك يل تركته
أحمد الغريب 💜
تحبني؟؟
مو كل وكت …
مرات أحسك عدو
بس أختل بسدة
رائد ابو فتيان 💜
ما اكدر أرجع قوي …
وأتعود أستوعبك ، وأنساك واتخطه
يم أهلي أضحك جذب …
بس والله أشبع بجي من أرجع اتغطه
مصطفى جواد 💜
شبر عن الكرامة ، ودست راس الشوگ
مو انا التذلني الدنيا بغيابك
عكازة مصوب بس أطيب أنساك
من أولها جنت ما حاسب حسابك
محمد شهد 💜
سميتك محنة ، وعاطفة ، وأشواگ
لهوو ، تگضي وكت ، شتريد سميني
وأخذ شتلت غرامك يا عشك يا شوگ
بس عاگول صدك ينبت بطيني
سمير صبيح 💜
أذكر مره كتلي أرتاح شو نعسان
كتلك روح ليل مهنه التنامة
إمسحرجي أجه واركض وراه بحجار
خافنه ويزعجك صوته دمامة
حسن الخيكاني 💜
بهاي اللحظة دمعك گوه ميطيح
الدمع صاحب فضل من يبقى خاتل
صح دمعك يظل بس گلبك يطيح
گلبك مو دمع وتشوفه نازل
ليث ماجد 💜
بنفس الحظة تكتلني ..
وتحب غيري يا وكحك؟
شبسرعة ولگيت أنسان؟
أنا ما لاگي دوة لجرحك
علي جواد 💜
زرت السادة والخيرين ما فاد
كل ليلة نفسها الخنكه تنعاد
أشرد وين من يخنكني طاريك
أذا على غرفة هينه تضيگ بغداد
ديار الربيعي 💜
الليلة شابع هظم
ومرخوص أكض تفگتي وأگضي السلف كله
نار البكلبي أذا حطيتها بموگدك
تزرف گفه الدله .
حسين الذهبي 💜
طلسم كاتبك بيدي افتهم معناك
وغيري يشوفك مخربط
عزاره الجياشي
الله الله
عقلي يمك وأنا قابل
مخبل وما أريد أصحة
صرت لمن شفت عينك
أعزل الناس على صفحة
حسين الصباح 💜
متشمت بجرحي وبالعلن تضحك
نسيت الي وكف يمك بوكت جرحك؟
حتى بروحتك بالي انا يمك ضال
منو غيري بعد من تغلط ينصحك؟
سجاد المحمداوي 💜
بفشلة جريت الستارة
ومني زعلت الحمام
أكراماً الكلشي بغيابج
وجهي اديرة الصوب بيتج يله أنام
أبراهيم مطر 💜
بس لا راح تتمادة وتذب الطوگ
جاي أنهي محبتك مو وكت گذله
جانت عينك محليه الايام السود …
بس هسه الفراك احله
عزت عباس 💜
تمرضت وأنت بعيد وماكو صحة وعافية
وطلعت صورتنا ذيچ والصورة مو كافية
على روحي شكد بجيت وأبجي بيني وبينها
متت كدامك شبيك ، جا دمعتك وينها؟
علي طالب 💜
ويلاه والله حلم بالبوس طرزني
لا طال عمرة الذي من نومي فززني
عبد الكريم القصاب 💜
عود مترهي وبعد ميهزني شي
وبس كلتلي تلوگلي الدمعة بجيت
جاي أودعك مو أحبك من جديد
شو حلتلي الكعدة بالگذله التهيت
عزت عباس 💜
الجنت من أختفي متنام ..
گامت تختفي لو ردت أحاجيها
مو زعلانه مني ..!!
لا كلبها نباگ ، لو زعلانه أراضيها
محمد صلاح 💜
ليش تكسر خاطري ، چي مشتريك؟
وأنا لأجلك روحي ما حاجيها
كتلك أمسح عيني غركت بالدموع
ما كلتلك حط أصبعك بيها
ميثاق الهلالي 💜
ما ينقبل عذرك چا تقبلته
الحقد مو ثوبي بس منك تعلمته
اللغم ما سوه شي داسوا أبطنه وثار
كتلك هذا كلبي .. وعاندت دسته
كرار صاحب 💜
بعدني أبجي وبعدني من اذكر أتلوة
دمع بارد نزل ع الخد المچوة
لگيت البيت ظلمة الكطن ما ينشاف
مو محترك كلبي شلون ما ضوة؟
عباس طالب 💜
شكد رخيص بگد جمالك
أني بصحراء و زارعلك حديقة
تروح للوردة أشترالك .. شمالك؟
يونس محسن 💜
ما تمشيني خطوتين الصور …
حاسبها شوفة؟
تدري حتى اليذكر أسمك
كلبي ما ينطيني أعوفة
عزت عباس 💜
رجعت مدنگ بكل درب بي ماشين
بلگت حلم ضاع هنا
ومثل ثلاجة الموته أدورة وما أريد الگاه
باهر الجنديل 💜
منين ما تندار أحبك
بحر ويحاوط جزيرة
يا طموحاتي الأخيرة
يا معاناتي الجبيرة
أني باقي وياك
للحلقة الأخيرة
محمد الطلقاني 💜
يمكن عليه بشوفتك مستكثر
من تدير وجهك لو مدنك تعبر
نفسك هذاك وما تغير شي بيك
لو ما عيونك چا كلت كلك مرر
عصام كريم 💜