آلّشآعرهً آلــــّعــلّويِـــه آلّمٌوسويِــــۿ

08 Sep 2024 20:44

شهادة_الأمام_الحسن_العسكري
لسان حال الأمام الحجه عجل الله فرجه..

أون آعله الأبو وسفة الحسن مات..
يــستاهل عراضه وكــون هوسات..
ـــــــــ❀••❀ـــــــــ
أون اعله الأبو والدمعة بل العين
عكبك زاد نوحي ويعله الونين
ترى غيابك ترك بيه نياشين
وسف نص الكبر ياوالدي تبات..
ـــــــــ❀••❀ـــــــــ
يبوية بروحتك بس حزني وهموم
على فراكك دليلي حيل ملجوم
مالوم الفگد كل ناسه مالوم
بيوم الحملت كثرت اللوعات..
ـــــــــ❀••❀ـــــــــ
ألك بيرغ عراضة اليوم ينشال
وأنته أبن الزجية الربت أرجال
ترى مصابك چبير ويشده البال
دلالي بهضيمة ونايبة أيبات..
ـــــــــ❀••❀ـــــــــ
نصبنالك عزية وبيرغ آمصاب
دلالي آعله فكدك حيل منصاب
كلبي بروحتك يا بوية مرتاب
فراكك يالأبو خلالي لجمات..
ـــــــــ❀••❀ـــــــــ
مضيفك خالي يــابوية بلياك
حزنانة الزجيــة بلـوعة تنعاك
خــذني للكبر آرد أمشي وياك
ظل ينزف دليلي آعليك شهكات..
ـــــــــ❀••❀ـــــــــ
سامره تــون وأتهلهه الدموع
راح البية حميه وكلبي مشلوع
مفجوع الكلب يالوالي مفجوع
محزونة الأرض ويه السماوات..
ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

24 Aug 2024 19:03

#لسان حال السيدة زينب عندما وصلت لقبور أخوتها في وادي كربلاء


طر باب الگبر خوية أرد أحاجيك..
مشتاگه آرد آشمك ريت الآكيك..
ـــــــــــــــــــــــ❀••❀ــــــــــــــــــــــــ
طر باب الگبر أفزع وحاجيني
جيتك أنتحب تجري دمع عيني
كوم أفزعلي خويه الشوك ماذيني
زينب آنه خويه الجنت أباريك..
ـــــــــــــــــــــــ❀••❀ــــــــــــــــــــــــ
تلكه أختك أجت والنار بيديهه
موجوعه بمتنهه السطرة تاذيهه
أكعد يل جنت بيدك تباريهه
ويتراب اللحد مالايك آعليك..
ـــــــــــــــــــــــ❀••❀ــــــــــــــــــــــــ
أجيتك والحزن خيم عله دياري
بناري يالحنين وما طفت ناري
أكعد أرد أنشدك وأسمع أعذاري
لو بيدي أبد ما جنت أخليك..
ـــــــــــــــــــــــ❀••❀ــــــــــــــــــــــــ
بنوحي والهضم آرثيك ليلية
من يوم الغبت وظلوعي محنية
وصلت لمصرعك كل حيل مابيه
جروحك ماشفت بدموعي أداويك..
ـــــــــــــــــــــــ❀••❀ــــــــــــــــــــــــ
أداويك بدمع عيني وأخذ روحي
ونيني آعليك ما يفتر ولا نوحي
جروح البلكلب تنزف دمه جروحي
مرخوص النفس وبروحي آشريك..
ـــــــــــــــــــــــ❀••❀ــــــــــــــــــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

24 Aug 2024 18:41

زيارة الأربعين

أَلسَّلامُ عَلى وَلِيِّ اللهِ وَحَبيبِهِ، السَّلامُ عَلى خَليلِ اللهِ وَنَجيبِهِ، السَّلامُ عَلى صَفِيِّ اللهِ وَابنِ صَفِيِّهِ، السَّلامُ عَلى الحُسَينِ المَظلُومِ الشَّهيدِ، السَّلامُ على أسيرِ الكُرُباتِ وَقَتيلِ العَبَراتِ، اللّـهُمَّ إنّي أشهَدُ أنَّهُ وَلِيُّكَ وَابنُ وَلِيِّكَ وَصَفِيُّكَ وَابنُ صَفِيِّكَ الفائِزُ بِكَرامَتِكَ، أكرَمتَهُ بِالشَّهادَةِ وَحَبَوتَهُ بِالسَّعادَةِ، وَاجتَبَيتَهُ بِطيبِ الوِلادَةِ، وَجَعَلتَهُ سَيِّداً مِنَ السادَةِ، وَقائِداً مِنَ القادَةِ، وَذائِداً مِن الذادَةِ، وَأعطَيتَهُ مَواريثَ الأنبِياءِ، وَجَعَلتَهُ حُجَّةً عَلى خَلقِكَ مِنَ الأوصِياءِ، فَأعذَرَ فىِ الدُّعاءِ وَمَنَحَ النُّصحَ، وَبَذَلَ مُهجَتَهُ فيكَ لِيَستَنقِذَ عِبادَكَ مِنَ الجَهالَةِ وَحَيرَةِ الضَّلالَةِ، وَقَد تَوازَرَ عَلَيهِ مَن غَرَّتهُ الدُّنيا، وَباعَ حَظَّهُ بِالأرذَلِ الأدنى، وَشَرى آخِرَتَهُ بِالَّثمَنِ الأوكَسِ، وَتَغَطرَسَ وَتَرَدّى فِي هَواهُ، وَأسخَطَكَ وَأسخَطَ نَبِيَّكَ، وَأطاعَ مِن عِبادِكَ أهلَ الشِّقاقِ وَالنِّفاقِ وَحَمَلَةَ الأوزارِ المُستَوجِبينَ النّارَ، فَجاهَدَهُم فيكَ صابِراً مُحتَسِباً حَتّى سُفِكَ فِي طاعَتِكَ دَمُهُ وَاستُبيحَ حَريمُهُ، اللّـهُمَّ فَالعَنهُم لَعناً وَبيلاً وَعَذِّبهُم عَذاباً أليماً.
السَّلامُ عَلَيكَ يَا بنَ رَسُولِ اللهِ، السَّلامُ عَلَيكَ يَا بنَ سَيِّدِ الاوصِياءِ، أشهَدُ أنَّكَ أمينُ اللهِ وَابنُ أمينِهِ، عِشتَ سَعيداً وَمَضَيتَ حَميداً وَمُتَّ فَقيداً مَظلُوماً شَهيداً، وَأشهَدُ أنَّ اللهَ مُنجِزٌ ما وَعَدَكَ، وَمُهلِكٌ مَن خَذَلَكَ، وَمُعَذِّبٌ مَن قَتَلَكَ، وَأشهَدُ أنَّكَ وَفَيتَ بِعَهدِ اللهِ وَجاهَدتَ فِي سَبيلِهِ حَتّى أتاكَ اليَقينُ، فَلَعَنَ اللهُ مَن قَتَلَكَ، وَلَعَنَ اللهُ مَن ظَلَمَكَ، وَلَعَنَ اللهُ أُمَّةً سَمِعَت بِذلِكَ فَرَضِيَت بِهِ، اللّـهُمَّ إنّي أُشهِدُكَ أنّي وَلِيٌّ لِمَن والاهُ وَعَدُوٌّ لِمَن عاداهُ.
بِأبي أنتَ وَأُمّي يَابنَ رَسُولِ اللهِ، أشهَدُ أنَّكَ كُنتَ نُوراً فىِ الأصلابِ الشّامِخَةِ وَالأرحامِ المُطَهَّرَةِ، لَم تُنَجِّسكَ الجاهِلِيَّةُ بِأنجاسِها وَلَم تُلبِسكَ المُدلَهِمّاتُ مِن ثِيابِها، وَأشهَدُ أنَّكَ مِن دَعائِمِ الدّينِ وَأركانِ المُسلِمينَ وَمَعقِلِ المُؤمِنينَ، وَأشهَدُ أنَّكَ الإمامُ البَرُّ التَّقِيُّ الرَّضِيُّ الزَّكِيُّ الهادِي المَهدِيُّ، وَأشهَدُ أنَّ الأئِمَّةَ مِن وُلدِكَ كَلِمَةُ التَّقوى وَأعلامُ الهُدى وَالعُروَةُ الوُثقى، وَالحُجَّةُ على أهلِ الدُّنيا، وَأشهَدُ أنّي بِكُم مُؤمِنٌ وَبِإيابِكُم، مُوقِنٌ بِشَرايِعِ ديني وَخَواتيمِ عَمَلي، وَقَلبي لِقَلبِكُم سِلمٌ وَأمري لأمرِكُم مُتَّبِعٌ وَنُصرَتي لَكُم مُعَدَّةٌ حَتّى يَأذَنَ اللهُ لَكُم، فَمَعَكُم مَعَكُم لا مَعَ عَدُوِّكُم صَلَواتُ اللهِ عَلَيكُم وَعلى أرواحِكُم وَأجسادِكُم (وأجسامِكم) وَشاهِدِكُم وَغائِبِكُم وَظاهِرِكُم وَباطِنِكُم آمينَ رَبَّ العالِمينَ.
ثمّ تصلّي ركعتين وتدعو بما أحببت.

المصدر: مفاتيح الجنان

آلّشآعرهً آلــــّعــلّويِـــه آلّمٌوسويِــــۿ

20 Aug 2024 05:58

#رجوع_السيدة_زينب
#الأربعين

ثكيلة الفاتحه وزينب تون بيهه..
ردت بت علي وي روس أهاليهه..

ثكيلة الفاتحه والحرة مفجوعة
ردت بالهضيمة وبيهه ألف لوعة
تطر حتى الصخر ونتهه مسموعة
وين اليحضر أخته ويجي يباريهه..

وينه اليحضر أخته يصيح حياها
ردت بت علي وي روس ولياها
نزلت يم أخوها هناك ملفاها
مهضومة وتون تجرح نواعيهه..

مهضومه بحزنهه صاحت الكافل
من بعيد نادت وين أبو فاضل
وين الجان لأخته كل حمل شايل
أجيتك يالأخو وهضماتي أشكيهه..

أجيت وروحي للوليان مشتاكة
نار الفركة تكتل نار حراكة
يخوية أتحدبت من صعدة الناكة
يريت تروح روحي وماأهم بيهه..

يريت تروح روحي ولاعشت لحظه
وينار الفركة خلت بالكلب شهكة
حكه لو جفن عيني أنعمه حكه
أنحب لأخوتي وهالعين أعميهه..

تعبانة وأجيت وحيل ما بية
رديت بضعنكم روحي محنية
وصللته الضعن بس فاگدة أبنية
رقية بالغرب ماتت يواليهه..

تمــت بعون اللــه..


✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

12 Aug 2024 09:32

#شهادة_الأمام الحسن
لسان حال الموالي (مسموم الحسن)

مسموم الحسن والكلب بي حسرة
أجينه اليوم نبجي ونسجب العبرة
ـــــــــ❀••❀ـــــــــ
أجــينه اليوم للزهراء عـــناية
علكنة البيــارغ رفـت الـــراية
كصدنة للحسن كل آحنه وفاية
نواسيهه بحزنهه والدمع يجره
ـــــــــ❀••❀ـــــــــ
بالمجلس حضرنه ونبجي وياهه
نلطم ع الصدر نبجي آعله مبجاهه
لمصايب ولدهه تجري عيناهه
ناحت ع النعش وهمومهه الكثره
ـــــــــ❀••❀ـــــــــ
حزنانة الزجية تنوح حزنانة
شدي لطمتج للحسن مولانه
نوحي آعليه والدمعات جريانة
مأجور اليعازي ويلطم ويقره
ـــــــــ❀••❀ـــــــــ
مفجوعة تون والدمعه همالة
مسموم الحسن متگطعه أوصاله
كلبج يالزجية شلونهه أحوالة
يانار الفگد تلهب مثل جمرة
ـــــــــ❀••❀ـــــــــ
يستاهل عراضة وبيرغ أنشيلة
يستاهل أمامي وحيل ونيله
أملاك السمه نزلت وتبجيلة
بالسم ينفطر جبده خلص عمره
ـــــــــ❀••❀ـــــــــ
شايل يالحسن ومودع أحبابه
دمعتنه تهل ننحب على مصابه
مرتابة أخيته الليلة مرتابة
ونت بت علي ونزلت تشم عطره
ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

10 Aug 2024 14:51

#قصيدة حال السيدة زينب تنعى السيدة رقية (جيبولي عباة حسين)

جيبولي عباة حسين جيبوهه..
غطــوهه رقيــة وبيهه دفنوهه..

━━━━━━━━━━━━━━━━
جيبولي عباته وخلي أجفنهه
مفطورة كلب فت الصخر ونهه
وينك يالولي وينك يكافلهه
بنيتكم هضيمة بنوح عفتوهه
━━━━━━━━━━━━━━━━
عفتوهه تون مانامت بليلة
رادت شوفته تكعد وتشكيله
مابطل دمعهه أدموم تبجيله
رادتك تجي خوية وتلاكوهه
━━━━━━━━━━━━━━━━
ونتلك يخوية تصيح يايابة
جمر الفركة يجوي النار لهابة
اتمنت لو تمر بيهه يل الهيابة
لو تبجي الحنينة بسوط ضربوهه
━━━━━━━━━━━━━━━━
ونت أشكثر صاحتلك بحركة
ماأحمل يعمة الغيبة والفركة
جابو ألهه راسك ماتت بشهكة
فزعو لليتيمة أبهيده شيلوهه
━━━━━━━━━━━━━━━━
أبنيتك يل الولي محد يغسلهه
جتهه أمغسلة و أتبعدت عنهه
يكلبن بالزند خوية ويتركنهه
ازرك يامتنهه بسرعة عافوهه
━━━━━━━━━━━━━━━━
أجفنهه بعباتك ندفن الطفلة
من سوط الألم تنتهي هالرحلة
ياظيم اليسر عَـّل الكلب علة
نامت بالجفن ترتاح خلوهه

━━━━━━━━━━━━━━━━

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

06 Aug 2024 15:04

#الأول_من_صفر

ياعباس زينب طبت الشام
ياعباس زينب طبت الشام
ـــــــــ❀••❀ـــــــــ
مهضومة صفت بنت السلاطين
لاعباس حاضرهه ولاحــسين
كلبهه من الهظم مجسوم نصين
شافت راس آخوهه ولطمت الهام
ياعباس زينب طبت الشام
ـــــــــ❀••❀ـــــــــ
صاحت والهظم تارس محاجيهه
رادتك تجي وتفزع تلاكيهه
أحشمك يل جنت روحي تداويهه
عكبك بس هضيمة تمر الأيام
ياعباس زينب طبت الشام
ـــــــــ❀••❀ـــــــــ
أحشمك يلجنت ماترضه بالعيلة
أخيتك بالغرب والمدمع تسيله
اشمن ريحتك ياخوية بالشيلة
صارت شوفتك بأطياف الأحلام
ياعباس زينب طبت الشام
ـــــــــ❀••❀ـــــــــ
طبيت القصر والروح خلصانة
وجهي من الهظم متغيرة ألوانه
كسرتينه يدنينه شمالج ويانه
وسفة بت علي تاليهه تنضام
ياعباس زينب طبت الشام
ـــــــــ❀••❀ـــــــــ
ياجلمة الشامت صعبة تدروهه
كلهه تصيح زينب هايه شوفوهه
وينه حسين عنهه وليش خلوهه
تبجي وتنتحب ياخويه الأيتام
ياعباس زينب طبت الشام
ـــــــــ❀••❀ـــــــــ
رقيه بالغرب زادت بواجيهه
نادت ع الأبو بلجن يحاجيهه
تون وتشتكي سلبو تراجيهه
تايهه أبخرابة تموت وتنام
ياعباس زينب طبت الشام
ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

05 Aug 2024 16:53

#لسان حال السيدة زينب في درب السبي..

يهد الحيل ها يفراك الأخوان..
عله الناكة أون والحيل خلصان..
┈┉━❀❆❃❆❀━┅┄
يهد الحيل فركه أهل المحنة
مثل خرزة سبح وأنطش شملنه
بنص لوعة وغرب ماهمه أهلنه
شيردهم هيبتي وأخواني الأحنان..
┈┉━❀❆❃❆❀━┅┄
شيردهم يا خلك ماظن يردون
عليهم وشلت دمعات العيون
ليش اللي نحبهم مني يرحون
يخلوني غريبة بديرة أحزان..
┈┉━❀❆❃❆❀━┅┄
يخلوني غريبة ودمعي همال
شال الجان لهموم أخته شيال
عكبهم كل حمل شلته هوى ومال
صبح من القهر كل حيلي ثكلان..
┈┉━❀❆❃❆❀━┅┄
صبح من الهضم دلالي مجروح
يريت ويه الأهل مدفونه هالروح
يضل جرح السبي للموت مفتوح
مشيت امحيره ومابين عدوان..
┈┉━❀❆❃❆❀━┅┄
هضمات الجفوني هواي بجني
ولوعات المصايب حيل هضمني
وي جتال أخوي الدنيه مشتني
وعفته بس جسد مذبوح عطشان..
┈┉━❀❆❃❆❀━┅┄
أنهد حيلي بغياب أخواني الحيود
عليهم ياخلك دلالي ممرود
وآنه أدري المشه بأحبابي ميعود
شمالك يادهر ويه أهلي خوان..
┈┉━❀❆❃❆❀━┅┄

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

01 Aug 2024 09:19

#شهادة الأمام السجاد زين العابدين(ع)

على المسموم نبدي المجلس الليلة
يستـــاهل عــراضة وبيـرغ أنشيله

ـــ❀••❀ـــ❀••❀ـــ❀••❀ـــ❀••❀
على المسموم نوحي بدمعة سجابة
لجل زين العباد وحزنه ومصابه
تون وتنتحب هل الليلة أحبابة
نوحي أعله العليل وحيل ونيلله
ـــ❀••❀ـــ❀••❀ـــ❀••❀ـــ❀••❀
ونيله أبحزن وأنعيله بل الحسرة
أجت يمه الزجية الطاهرة البضعه
تون أعله العليل وتلطم وتنعه
تنزفلة الدمه مو دمع تبجيله
ـــ❀••❀ـــ❀••❀ـــ❀••❀ـــ❀••❀
يل جبت العمر لاماشفت راحة
خدودك للدمع صارن مثل ساحة
هظمتك للأبو تمشي ويه ذباحه
لو مال الرمح كلبك يتجيله
ـــ❀••❀ـــ❀••❀ـــ❀••❀ـــ❀••❀
عاشرت الحزن بفراك أبو الأكبر
من هظم الطفوف وكلبك أتفطر
وكف بيك النبض من حزو المنحر
مكيود بحبل عينك على العيلة
ـــ❀••❀ـــ❀••❀ـــ❀••❀ـــ❀••❀
يستاهل عراضه ونلطم الهامة
على المات وتركها أبحيره أيتامه
من ظيم السبي ليلة ولانامه
جمرات الحزن عل المدمع أيسيله
ـــ❀••❀ـــ❀••❀ـــ❀••❀ـــ❀••❀
على مصابك تنوح الزهرة مهضومة
يبن حيدر علي يل الوارث أعلومه
مسموم وطحت ياحيف هالنومة
تحضر شيعته بهذا المسه تشيله
ـــ❀••❀ـــ❀••❀ـــ❀••❀ـــ❀••❀

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

25 Jul 2024 18:22

#درب_اليسر
#ليلة_الجمعة


•الليلة جمعة وعيني مشتاكة لصوركم•
•مــن على النــوك الدمــع ثوبتــه ألكم•

لأهل الكلوب الوفية
كافلي وأبن الزجية

الليلة جمعة وعيني مشتاكة لصوركم
ـــــــــــــــــــــــ❀••❀ــــــــــــــــــــــــ

من على النوك وأون تبجيلك الروح
شكد ثكيل فراك وجهك آه يمذبوح
ثوبت روحي وحزنها وجرحي مفتوح
عفتك بأرض المنايه جســد مطروح

لأهل الكلوب الوفية..
كافلي وأبن الزجية..
الليلة جمعة وعيني مشتاكة لصوركم
ـــــــــــــــــــــــ❀••❀ــــــــــــــــــــــــ

أمشي ودموعي تهل ونتي ثجيلة
من عكب هيبة أخوتي دمعي أسيلة
مالت الروح أبحزنهه ألف ميلة
المشو عننه ما يجونه مستحيلة

لأهل الكلوب الوفية..
كافلي وأبن الزجية..
الليلة جمعة وعيني مشتاكة لصوركم
ـــــــــــــــــــــــ❀••❀ــــــــــــــــــــــــ

راحو أحبابي حسافة من أيدينه
ويلي من نذكر حجيهم وي حجينه
شكد نعينه أعله الهزل خويه وبجينه
هو المفارك محب شيسدهه عينه

لأهل الكلوب الوفية..
كافلي وأبن الزجية..
الليلة جمعة وعيني مشتاكة لصوركم
ـــــــــــــــــــــــ❀••❀ــــــــــــــــــــــــ

والله حكنه آعلة الحبايب ندمي هلعين
وآنه فاركت الأحبة وجرحي بأثنين
روحي مشتاكة لعطر عباس وحسين
هالغرب عكب الخدر تحدي النساوين

لأهل الكلوب الوفية..
كافلي وأبن الزجية..
الليلة جمعة وعيني مشتاكة لصوركم
ـــــــــــــــــــــــ❀••❀ــــــــــــــــــــــــ

الهظم مر و جرعته وكلبي مرتاب
روحي جزعت من وضعهه يهلي الأطياب
بغيبة الوالي علينه جرحي ماطاب
أرد أثوب بالخرابة أبنص التراب

لأهل الكلوب الوفية..
لكافلي وأبن الزجية..
الليلة جمعة وعيني مشتاكة لصوركم
ـــــــــــــــــــــــ❀••❀ــــــــــــــــــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

17 Jul 2024 23:50

لم ينتهِ العزاء.. بل بدأ العزاء
وبدأت مصائب زينب (عليها السلام)💔

آلّشآعرهً آلــــّعــلّويِـــه آلّمٌوسويِــــۿ

17 Jul 2024 12:53

★ فزاعية لـ ليلة الوحشة ★

الليله وحشه اعلينه
چاوين شيال العلَم
------------------------------

زينب تحشم بالخلي
ماضلي واحد من هلي
الحگني بويه ياعلي
ماعندي والي للحرَم

✍️#ام_مهدي_الفرطوسيه
✿••✿<><>✿••✿<><>✿••✿

راح الأخو الچان السند
وتذبحو كثرة العدد
ماتطفى ناري للأبد
شبت مثل حرگ الخيَم

✍🏻#ولائـية_وافتـخر (دعاء العامري)
✿••✿<><>✿••✿<><>✿••✿

الليلة وحشه ومكدره
وبالخيم نار. امؤجره
وبحالنه محد. دره
ابعاد عنه اهل الشيم

✍#ام_زهراء_الزيداويه_البصراويه
✿••✿<><>✿••✿<><>✿••✿

ناديت والمدمع يصب
عبـــاس يــالب الگلب
مشونه من يمكم غصب
العسكر على خيامي هجم

✍🏻#آلــــّعــلّويِـــه آلّمٌوسويِــــۿ
✿••✿<><>✿••✿<><>✿••✿

وحشه عليّه ليلتي
بالغربه عشت بمحنتي
ياحاله صارت حالتي
لا واحد المنكم سلم

✍#خادمه_آل_القائم(عج)فاطمه اللامي
✿••✿<><>✿••✿<><>✿••✿

واعلینه خيم هالحزن
اشیگضي ليلي اويه الضعن
من البچــي عیـــوني عمـن
لا واحـد البیـنه رحـــم

✍🏻#ام_عباس_الحسیني
✿••✿<><>✿••✿<><>✿••✿

حرقوا خيمنه والعبي
وأمشي اسيره بالسبي
راح الكفلنه بالخبي
واصرخ من اسياط الألم

✍🏻#ام_سيد_يعقوب_الموسوي
✿••✿<><>✿••✿<><>✿••✿

طايح يخويه عالنهر
زينب وحيده بلاگمر
وشسوه ياخويه الدهر
وگليبي من رحتو انثلم

✍🏻#العلوية_الحسينية_ام_حسين
✿••✿<><>✿••✿<><>✿••✿

وينك يحماي الحمه
وينچ ييمه فاطمة
الليله وحشه ومظلمه
حتى العبي ريحتهه دم

✍🏻#ام_محمد_الحجاج
✿••✿<><>✿••✿<><>✿••✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

17 Jul 2024 11:00

#محرم_الحرام
#عزائية
# تقرأ في ظهيرة يوم العاشر أو في ختام المجلس


أويلاه يافاطمة ..
أويلاه يافاطمة..

وحسين حزو منحره
أويلاه يافاطمة..
والدمه من راسه جرة
أويلاه يافاطمة..
أرضه وسمه متكدرة
أويلاه يافاطمة..
أويلاه يافاطمة..

والشمر حز راس الولي
أويلاه يافاطمة..
أفزعلي بوية ياعلي
أويلاه يافاطمة..
طايح عضيدي وكافلي
أويلاه يافاطمة..
أويلاه يافاطمة..

عباس ظل صوب النهر
أويلاه يافاطمة..
مصيوب يافارس مضر
أويلاه يافاطمة..
نيران كلبي تستعر
أويلاه يافاطمة..
أويلاه يافاطمة..

والخيل هدت ع الحرم
أويلاه يافاطمة..
بالنار حركوها الخيم
أويلاه يافاطمة..
كلهم ضحايه أهل الشيم
أويلاه يافاطمة..
أويلاه يافاطمة..

صحت بحزن يم الحسن
أويلاه يافاطمة..
بنياتج بنار أنجون
أويلاه يافاطمة..
ع الشوك والرملة مشن
أويلاه يافاطمة..
أويلاه يافاطمة..

ظليت وحدي أمحيرة
أويلاه يافاطمة..
والدمع من عيني جرى
أويلاه يافاطمة..
باجر بگيدي أميسرة
أويلاه يافاطمة..
أويلاه يافاطمة..


𓂃⊹𓂃⊹𓂃⊹𓂃⊹𓂃⊹𓂃⊹𓂃⊹𓂃⊹

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

17 Jul 2024 10:57

#محرم_الحرام
#لطمية_عزائية
#ظهر_يوم_العاشر
#بعد قراءة المقتل الحسيني وحرق الخيام..


حسين من طاح الظهر .. محد أجاله وشاله
مذبوح ويلي من الكفه .. و تلكته الخيالة


طايح ولا واحد وصل .. وتلكته الخيالة
دمع الحزن طاح وهمل ..وتلكته الخيالة
ذبحو أبن خير العمل .. وتلكته الخيالة
ينزف دمة من أوصالة..

مصيوب ويلي براسه .. وتلكته الخيالة
و كوة يجر أنفاسه .. وتلكته الخيالة
ماظل تعب ماجاسه .. وتلكته الخيالة
تبجي السمه وتنعاله..

ألف وتسعمية جرح .. وتلكته الخيالة
ضامي أمامي ومنذبح .. وتلكته الخيالة
ينزف دمة وجه الصبح .. تلكته الخيالة
ويلاه ياطف كربله وأهواله..


ركضت وأجتله نايحة .. وتلكته الخيالة
نصبت عزية وفاتحه .. وتلكته الخيالة
بطيحة أخوها طايحة .. وتلكته الخيالة
ركضت تشوف أحواله..

صاحت يبوية حيدرة .. وتلكته الخيالة
الغالي ذبحو منحرة .. وتلكته الخيالة
مجتول سبع الكنطرة .. وتلكته الخيالة
مفزوعة ويلي عياله..

حركوها يابوية الخيم .. وتلكته الخيالة
ناديت شيال العلم .. وتلكته الخيالة
تنزف جروحي من الهظم .. وتلكته الخيالة
ودموع زينب ع الوجن همالة..

ركضن بنات أم الحسن .. وتلكته الخيالة
بنار الهظايم وجرن .. وتلكته الخيالة
ناحن على حسين وبجن .. وتلكته الخيالة
وباجر سبايا لليسر وحبالة..

ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ ⋆ׂ


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

16 Jul 2024 22:18

خدام وخادمات الحسين أسألكم الدعاء بحق هذهِ الليلة لشفاء الأخت ((زمن بنت سنية)) دعوة الغريب مستجابة ضموا أسمها معكم في هذهِ الليلة الله يشافيها ويشافي جميع المرضى🤲🏻

آلّشآعرهً آلــــّعــلّويِـــه آلّمٌوسويِــــۿ

04 Sep 2024 11:30

انتبه في شهر ربيع الاول

1⃣ اليوم الاول من شهر ربيع الاول فهو يوم دفن الجسد الطاهر للنبي الأكرم(ص)..

2⃣ واليوم الثاني هو يوم رجوع السبايا الى المدينة وتجديد الحزن والعزاء على أبي عبد الله الحسين(ع)..

3⃣ واليوم الثالث هو يوم الهجوم الأول على دار فاطمة الزهراء(ع)..

4⃣ والرابع هو يوم رمي الكعبة بالمنجنيق وانتهاك حرمتها..

5⃣ واليوم الخامس هو يوم وفاة السيدة سكينة(ع)..

6⃣ 7⃣ واليوم السادس والسابع هي الأيام التي مرض فيها الامام العسكري(ع)من أثر السم..

8⃣ واليوم الثامن هو اليوم الذي استشهد فيه الامام العسكري عليه السلام واستلم بعده ولده الامام المهدي عليه السلام الامامة مباشرة من دون فاصل وأُعلن ذلك بين الأصحاب في اليوم التاسع واستلم مهام الامامة فيه بعد اتمام مراسيم دفن أبيه عليهما السلام..

👈فهذه الأيام هي أيام حزن وعزاء ولا ينبغي إقامة مناسبات الأفراح فيها..
تستمر أيام العزاء إلى ليلة #التاسع من ربيع الاول وهي #ليلة_نزع_السواد ..🤚🏻🖤
#ويبقــــى_الحسين

آلّشآعرهً آلــــّعــلّويِـــه آلّمٌوسويِــــۿ

24 Aug 2024 18:42

اعمال ليلة الاربعين
١-الغسل
٢-صلاة ركعتين وإهدائها الى الامام الحسين (( ؏َ ))
٣-قراءة زياره الاربعين
٤-قراءه دعاء المشلول وأطلب حاجتك
٥-اللهم صل على محمد وال محمد (١٠٠) مرة
٦-لا حول ولا قوة الا بالله العلي العظيم (١٠٠) مرة
٧-سبحان الله والحمد الله ولا اله الا الله (٧٠)مرة
٨- استغفر الله العظيم وأتوب اليه (٧٠)مرة
٩-صلاة الليل وبعدها زيارة عاشوراء

ونسألكم الدعاء 🤍

آلّشآعرهً آلــــّعــلّويِـــه آلّمٌوسويِــــۿ

24 Aug 2024 18:13

#صفر_1446هـ
#أربعين_الحسين
#هوسات رجوع السيدة زينب الى كربلاء


مـن درب السبي رديـــت تعبانـه
أجيت بكلب ضامي وروح لهفانه
عجب ماكمت ليه وصحت هذا آنه
((حاجيني // أكعد يالوالي))


أنحب عالكبر كوم أكعد وحاجيني
معقولة الترب حاجب بينك وبيني
يريت الموت أخذني ياضوة سنيني
(( مهضومه //من يوم العفتك))


تعال وشوف خويه بغيبتك حالي
آنـه الما جان واحــد ينظر خيالي
مجتوفه أصبحت فوك الهزل تالي
((عباس غيابك // ماذيني ))


أجيتك بالضعن والراس بيديه
مهضومه وأون بضلوع محنية
فاتحتي ثجيله يا هوى الرية
(( أكعد يل// الفكدك عاميني))


أكابل كبرك أنعى لو تكوم وياي
ماضل حيل بية من المصايب هاي
أجيب منين أخو مثلك بعد وفاي
(( فك كبرك //خوية وحاجيني))


تمــت بعون اللــه

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

19 Aug 2024 15:19

#لطمية ملاكاه مع هوسات
للسيدة زينب بنت أمير المؤمنين..



عدلي لطمتج يا من تلاكيها..
واسيها العقيله بحرگة واسيها..

• ━━━━━━❪❆❫━━━━━━ •

للهيبه الاميره تعبي الجدام
تعنيها المجالس لطمي الهام
اجت لبوه علي المخورسه الشام
((اتحدت من خطبت بيها))
✍طالبة الزهراء
• ━━━━━━❪❆❫━━━━━━ •

تلكيها الوديعه ولطمي عالراس
على خال الولد بالخيل منداس
واسيها اعله بو فاضل لعباس
((للداست خيل اعله اضلوعه))

✍سلمى أم جعفر

• ━━━━━━❪❆❫━━━━━━ •

فوك العين لطمي ولاتبردين
كون بلطمتج تعمينها العين
عيني بت علي بمصاب الحسين
((بمصاب الشالو عينيهة))

✍ضحى البلوشي
• ━━━━━━❪❆❫━━━━━━ •

عينيهه بونينج وأعمي العيون
واسيها بدمعتج لطمي المتون
ردت للطفوف أمحزمة أم عون
((تون وتريد الوفاية))

✍آلــــّعــلّويِـــه آلّمٌوسويِــــۿ

• ━━━━━━❪❆❫━━━━━━ •

هنيال التكابلها بلطم حار
تبجي الحاضرين اعله الجرى وصار
ما تتعب ابد لا ليل لا نهار
((تواسيها بدموع العين ))

✍ام سيد حسن الموسوي

• ━━━━━━❪❆❫━━━━━━ •

تمت القصيده بأقلام شاعرات رابطة
#الطفوف #منتدى القلم الفاطمي..

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

10 Aug 2024 18:30

في خربة الشام جلست السيدة رقية في حضن عمتها السيدة زينب فأخذت تتكلم معها وتمسح على رأسها لتهدئها وسألتها السيدة رقية قائلة 💔

عمــه هم نرجـع بعــد لبيوت أهلنه..
عمــه هم نكعد سوة وياأهل المحنة..

ونكعد بفيي الحسيــن صغار وكبـار..
وصوت عبدالله وضحكته يترس الدار..
عمــه هم نرجـع بعــد لبيوت أهلنه..

┈┉━❀❆❃❆❀━┅┄

عمة زينب يالحنينة أرد أسألج فد سؤال
هم يرد الغالي أبوية وأرجع لحضن الدلال
بللة كوليلي الحقيقة نلتقي لو لا محال
ريت ياعمة أشوفه حتى لو لمحة خيال

شماله ويانه الدهر عيشنه نص نار..
وصوت عبدالله وضحكته يترس الدار..
عمــه هم نرجـع بعــد لبيوت أهلنه..

┈┉━❀❆❃❆❀━┅┄

والله مشتاكه أشمه وأشرح آنه حالتي
وارد آراويه جرح أذني أشكي همي ولوعتي
بلكي يسمعني يعمه بيده يمسح دمعتي
ويرجع يناديلي بأسمي يالحبيبة أبنيتي

مثل هذا مصابه يا عمة  فلا صار..
وصوت عبدالله وضحكته يترس الدار..
عمــه هم نرجـع بعــد لبيوت أهلنه..

┈┉━❀❆❃❆❀━┅┄

الدنيه لو مابيها أسمه موحشه وظلمة بعد
بليل الأحزان أشتكيله حزني سيل بلايه حد
من غبت عني يبوية روحي ماتهجع بعد
أرجع وخليني أشمك يادواي أنته وضمد

فكري مذهول بغيابك حيل محتار..
وصوت عبدالله وضحكته يترس الدار..
عمــه هم نرجـع بعــد لبيوت أهلنه..

┈┉━❀❆❃❆❀━┅┄

بوية هم ترجع تجيني وتـرد لمتنه سوه
نكعد آنه وياك بوية وعمي شيال اللوه
تخاف يابوية عليه جنت حتى من الهوه
عمية هالعين بغيابك أنته لعيوني الضوه

أرد أراويك المتن بي جرح وأثار..
وصوت عبدالله وضحكته يترس الدار..
عمــه هم نرجـع بعــد لبيوت أهلنه..

┈┉━❀❆❃❆❀━┅┄

حسـرة الفاكـد چبيرة مـن يودع كل هله
وآنــه بمفارك أبويـــة عيني تنزف هامله
حيل أذتني النوايب صفت روحي معلعله
بحبنه مثل السبحه چنّــة طشرتنه كربله

بلكي أشمن ريحتك وبحضنك أنهار..
وصوت عبدالله وضحكته يترس الدار..
عمــه هم نرجـع بعــد لبيوت أهلنه..

┈┉━❀❆❃❆❀━┅┄

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

10 Aug 2024 11:01

#مولاتي_رقية
#لسان حال مولاتي رقية تخاطب رأس الأمام الحسين عليه السلام 💔


آنه طفلة وكلبي شيب••
من المصايب ظهري حدب••

مغطه شفتك ماعرفتك •• كوم يابوية آنه بنتك
• ━━━━━━❪❆❫━━━━━━ •
كوم يانبضات كلبي يانفس بعدك يجي
يل جنت تارس حياتي هسه تارسني البچي
بوية مالحكت أكلك ساكن بروحي الحجي
تهت بحدود المخيم ردت فييك وألتجي

ذخر للعازات ردتك •• كوم يابوية آنه بنتك
• ━━━━━━❪❆❫━━━━━━ •
سنيني كصرت من عفتني أنته يابوية الوطن
من عكب ذيج الهيابة هسه حاربنه الزمن
ماأظــــن نرجع سوية ونلتقي لا مــاآظن
كثرت علينه المصايب عيوني من فگدك عمن

حيل مشتاگه لمحنتك •• كوم يابوية آنه بنتك
• ━━━━━━❪❆❫━━━━━━ •
غمضت عيني بدمعتي وآشهكت شهكة نياح
كلت بلجي ولن أشوفك وكلبي يمك يستراح
شفتك بطيفي يغالي راس مشيول أبرماح
وجسمك آمكطع أشوفه وتكطر أدموم الجراح

ماشفت منك لهفتك •• كوم يابوية آنه بنتك
• ━━━━━━❪❆❫━━━━━━ •
هاذه راسك بين أيديه بابه كوم أكعد ألي
بوية يحسين أشتكيلك يابعد ناسي وهلي
من الضرب المتون زركة ومال بيه محملي
أدري مـــاترجعلي ثاني آمودع بالله وعلي

تكسر الخاطر جهبتك •• كوم يابوية آنه بنتك
• ━━━━━━❪❆❫━━━━━━ •
بوية آرد أرتاح يمك عكبك تموت الحياة
وآشبك آنفاسك وأجيلك يمك أعلنها الوفاة
حضنك الغالي عليه هوه حرزي والنجاة
يانظر عيني ودليلي يا صيامي والصلاة

عطر من جنة حضنتك •• كوم يابوية آنه بنتك
• ━━━━━━❪❆❫━━━━━━ •

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

06 Aug 2024 00:27

#الأول_من_صفر
#هوسات لسان حال السيدة زينب عند دخولها الشام

آنه الما جان واحد ينظر أخيالي
صفة حادي الظعن بالسوط يبرالي
هسه بكيفه كلمن يوكف كبالي

{عباس أختك //  عالو بيها}

ـــــــــــــــــــــــ❀••❀ــــــــــــــــــــــــ

تعال وشوف حالي ياأبو النوماس
سبية مجتفة وتنظر عليه الناس
جنت مسند ألي وخيال يالعباس

{ها أختك يل الكافل //وكفت يم باب الساعات}
ـــــــــــــــــــــــ❀••❀ــــــــــــــــــــــــ

أطب للشام خوية شلون ماأدري
يريت الموت يلفيني وأخذ عمري
ولاأطب مجلس يزيد من عكب خدري

{أكعد كابلني //و رد العايل ع النسوان}

ـــــــــــــــــــــــ❀••❀ــــــــــــــــــــــــ

أحجي بيا مصيبة وياهو أخليهه
ركبنه أعله الهزل والشمر حاديهه
واطب ديوان أبن مرجانة تاليهه

{ها أختك من طبت //هزت بالخطبة الديوان}

ـــــــــــــــــــــــ❀••❀ــــــــــــــــــــــــ


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

01 Aug 2024 09:26

#شهادة_الأمام_السجاد


نصبت عزية فاطمة
للساجــد أبهل الليلة
ـــــــــ❀••❀ـــــــــ

جينة نعازي أم الحسن
مهظومة تارسهه الحزن
مكسورة بفراكه وتون
بــنوح ودمع تبچيله
ـــــــــ❀••❀ـــــــــ
محزونة هاي أعياله
محد أجاله وشاله
دموع الفگد همالة
لأجله تنــوح العيلة
ـــــــــ❀••❀ـــــــــ
مسموم والمدمع يصب
خلص حياته ينتحب
فراك الولي كلش صعب
أرض وســمه تنعيله
ـــــــــ❀••❀ـــــــــ
أحبابه أجت محزونه
شال وغمضهه عيونه
أبلا ذنب و أيغدرونه
والباقــر يتچـــيله
ـــــــــ❀••❀ـــــــــ
تبجي عليك أديارك
وسفة تروح أخبارك
مايوم هجعت نارك
من الطفـوف وخيلله
ـــــــــ❀••❀ـــــــــ
سموك ماعدهم رحم
كضيت عمرك بالهظم
يامنهل أبواب العلم
وين الذبيح اليحضر بتغسيله
ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

25 Jul 2024 18:35

أشتياق السيدة زينب لأخوتها وأحبابها في ليلة الجمعة...

الليلة جمعة يل الأخو وحنيتلك..
والله مـــانعني اليسر ما جيتلك..

أكعد كبال الكبر وأقره الزيارة..
خوية والفاگد محب ماتطفه ناره..
الليلة جمعة يل الأخو وحنيتلك..

ـــــــــ❀••❀ـــــــــ

الليلة جمعة وروحي محتامة عليكم
خويــة ما صح بيدي أتعنه وأجيكم
ياريت نسمات الهوه تاخذني ليكم
والله مشتاك الكلب يسمع حجيكم

طال بينه هالبعد طال أنتظاره..
خوية والفاگد محب ماتطفه ناره..

ـــــــــ❀••❀ـــــــــ

روحي مشتاگه وتون والدمعة جمرة
أرد أشوفك وآشتكي وأسجب العبرة
كاسر بكلبي الزمن كسري شيجبرة
خوية عثرني الوكت وشلون عثرة

يلهب بكلبي الحزن مثل الشرارة..
خوية والفاگد محب ماتطفه ناره..

ـــــــــ❀••❀ـــــــــ

عزاز وبنص الكلب أهلي الغوالي
چان النزل بوجودهم يزهي ويلالي
من فاركتهم فاركت عزي ودلالي
عل المشو روحي ترف مشدوه بالي

اليفگد آعزازه يظل بس بالخسارة..
خوية والفاگد محب ماتطفه ناره..

ـــــــــ❀••❀ـــــــــ

ماخله بينه أفراكهم وشخله بينه
خلافهم هاي الأرض وحشه وحزينه
فرگنه ياخوية القدر وأحنه شبدينه
دمع الحزن دمع الهظم بلل عبينه

أشهك بطاريكم ودمعي يتجارة..
خوية والفاگد محب ماتطفه ناره..

ـــــــــ❀••❀ـــــــــ

فلت العشرة وأنتهت لَّم الشمل ضاع
تجوي الكلب نار الحزن يانار الاوداع
جوة التراب أتوسدو حلوين الأطباع
ترجف يروحي من البعد دلالي مرتاع

آه ياظيم اليسر عشته آبمرارة..
خوية والفاگد محب ماتطفه ناره..

ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

21 Jul 2024 13:51

#لسان حال الأمام السجاد
#وزن_الدارمي
#تقرأ بثلات دكات
بطور (يبني أمي عالتربان عفتك رميه)
أو بطور مشتاكة للعباس روحي الحزينه..

بيدي عزيز الروح يا عمة شلته..
روحي أدفنتها وياه لـمن دفنته..

ماضل كتر بحسين يا عمة سالم
وسفة يبو السجاد عالغبرة نايم
ما مر عليه الماي ضل نحره صايم
أمترس طعن وسهام يالحرة شفته..
روحي أدفنتها وياه لـمن دفنته..

أمترس طعن وسهام مكدر المه
متكطعات أوصال لحمه ويه عظمه
روحي تحوم أعليه بدلالي لچمه
سهم الجبد أذاه لمن سحبته..
روحي أدفنتها وياه لـمن دفنته..

سهم الجبد وسهام عينه ودليله
وين ألتفت ياناس ياهو أشتكيله
ياعمه بلله شلون التراب أهيله
بوسط الترب ياناس كلبي تركته..
روحي أدفنتها وياه لـمن دفنته..

والخنصر المكطوع أمشي وأدوره
وعبدالله جبته هنا ونام اعله صدره
متعوب أبوي هواي وبكلبه حسره
حسرة على الأيتام ولزينب أخته..
روحي أدفنتها وياه لـمن دفنته..

حسراته حيل هواي لأخته وبناته
غربة بوسط هالكوم يمدللاته
والعطش ها يم عون يبس لهاته
غطاني فيض دماه لمن حضنته..
روحي أدفنتها وياه لـمن دفنته..

·•✿•°•°•°•°•°•°✿•·

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

17 Jul 2024 13:59

نوحية للأمام الحسين عليه السلام لسان حال مولاتي زينب 💔

حسين.. حسين.. حسين.. حسين
حسين.. حسين.. حسين.. حسين


يالجسمك سليب وينزف المنحر
أجيتــــك فازعــــه أتلفت وأعثر

·•✿•°•°•°•°•°•°✿•·

أجيتك بالدمع أرد أكعد بسدك
حنين أنته عليه وماكو أحن منك
ألك حنيت يبن أمي أرد أشوفنك
نجانك تسمع أختك خوية بس أشر..

·•✿•°•°•°•°•°•°✿•·

أنجانك تسمع أختك يابو اليمه
الدنية بدون ضلك موحشه وضلمه
عين الما تشوفك حكها لو تعمه
كضة صبري بغيابك والله ما أكدر..

·•✿•°•°•°•°•°•°✿•·

كضة صبري وحياتي بغيبتك مره
شيصبره الفكـــد أحبابه شيصبره
دوت نار الكلب تسعر مثل جمرة
عزيز الزهره متوسد اتراب البر..

·•✿•°•°•°•°•°•°✿•·

عزيز الزهره طايح عالترب خده
كوم أنهض لأخيتك طايحه بشده
كلولي البعد يخلص وأله مده
خلافك ياولينه عقلي يتحير..

·•✿•°•°•°•°•°•°✿•·

خلافك يالولي أتحير بحالي
أنكسر ظهري عليك وشاط دلالي
ياشيخ العشيرة أنهدمت أمالي
اسمع صوتك تحاجيني أتصور..

·•✿•°•°•°•°•°•°✿•·

أسمع صوت نحرك يابعد نحري
والله خلاف وجهك ينعكس دهري
وحقك والمصايب حدبت ظهري
شلون بغيبتك ياخوية أتصبر..

·•✿•°•°•°•°•°•°✿•·

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

17 Jul 2024 12:51

#محرم_الحرام_1446هـ
#عاشوراء_الحسين
لسان حال السيدة زينب بعد مصرع الأمام الحسين روحي له الفداء 💔

أفزعلي بوية ياعلي
طايح جبير السادة..

طايح ذخرنه والسند.. طايح جبير السادة
والوالي مايرجع بعد..
يجروحه ماألهن عدد..
وصار التراب وساده..
طايح جبير السادة

خلاني أحير بلوعتي.. طايح جبير السادة
من دمه تنزل دمعتي..
كسرة جبيرة كسرتي..
شال وتركها أولاده..
طايح جبير السادة

طايح يقرأن الفجر.. طايح جبير السادة
خلافك ولاأريده العمر..
وبطيحتك ظهري أنكسر..
كلبي بجروحه ناده..
طايح جبير السادة

حركوها يحسين الخيم.. طايح جبير السادة
ياخوي والحيل أنهدم..
حتى الطفل هم ماسلم..
شيردهم الهداده..
طايح جبير السادة

كفالي مصيوب برمح.. طايح جبير السادة
وجروحي ملجومه بجرح..
وأخواني كلها تنذبح..
وحيل الجسد يتراده..
طايح جبير السادة

باجر نروح ويه الغرب.. طايح جبير السادة
وبسياط بتكم تنضرب..
أنهض ينايم عالترب..
زينب أجت نشاده..
طايح جبير السادة

⊹✿◌‌‌◌‌‌◌‌‌◌‌‌◌‌‌◌‌‌◌‌‌◌‌‌✿⊹​​​​

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

17 Jul 2024 10:59

#محرم_الحرام
#يوم العاشر
#لسان حال السيدة زينب تخاطب الأمام الحسين روحي له الفداء عندما ذهبت تبحث عنه ووجدته صريعآ مذبوحآ مضرجآ بدمائه الزكية على رمل الأرض الحار..


كُــون بعبَاتِي تنَام  يا خوية و أغطيك..
يمدَلل أمي شلون رمل الكاع يچويك..

وسفة نايم بالترب.. ماشربت من العذب..
يمدَلل أمي شلون رمل الكاع يچويك..

ـــ❀••❀ـــ❀••❀ـــ❀••❀ـــ❀••❀

نايم بنص الترابة يابعد ناسي وهلي
حشمت أمنه الزجية وكمت أصيحن ياعلي
صحت يابوية دخيلك بسمك الهم ينجلي
ليش أبن أمي وعضيده بلا أهل وبلا ولي

بسمك شكد حشمت.. مشت روحي من طحت
يمدَلل أمي شلون رمل الكاع يچويك..

ـــ❀••❀ـــ❀••❀ـــ❀••❀ـــ❀••❀

أنه شوغات بدليلي من الهوه ضاك الهوه
أنظر لجثتك يخوية آنة والميته سوة
ماأوصفلك شعوري عمية ما أشوف الضوة
الغصة مخنوكة بلهاتي كلبي حسيته أنجوة

شرد أوصف حالتي.. من دمه تهل دمعتي
يمدَلل أمي شلون رمل الكاع يچويك..

ـــ❀••❀ـــ❀••❀ـــ❀••❀ـــ❀••❀

خطوة أجدامي ثكيلة خَيم أعليه الحزن
وآنه أدري لو أجيتك آلكه آثار الطعن
ريتهن بيه جروحك لا ولا أشوفك تون
ريت ميته بهذا حالي عيوني أتمنى عمن

أنثر سنيني ورد.. حسين بس سالم ترد
يمدَلل أمي شلون رمل الكاع يچويك..

ـــ❀••❀ـــ❀••❀ـــ❀••❀ـــ❀••❀

صعب تفسيره الأكولة يصعب اعليه الشرح
آنة كل لحظة بحياتي جرح يتبعله جرح
مصايب الدنية عليه غيمن وجه الصبح
وشائت الأقدار الكه راس الحسين برمح

راسه يقره الفاتحه.. وآنة اقره النايحة..
يمدَلل أمي شلون رمل الكاع يچويك..


ـــ❀••❀ـــ❀••❀ـــ❀••❀ـــ❀••❀

يلجمني يا جرح الرمح أبقى أنحب سنين
دلالــي مــن كثر الهظم ينــزف سجاجين
تنخــر بعظمــي طيحتــك يــا سلوة العين
مكـــسور ظهري أبغيبتك يــالغالي نصيــن

خابت ظنوني بعد.. شال عني كل سند..
يمدَلل أمي شلون رمل الكاع يچويك..

ـــ❀••❀ـــ❀••❀ـــ❀••❀ـــ❀••❀

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626

آلّشآعرهً آلــــّعــلّويِـــه آلّمٌوسويِــــۿ

16 Jul 2024 22:38

🍂 إنها #ليلة الوداع ...
إنها ليلة #إنكسار القلوب ...

🍂 إنها ليلة #الحزن ...
إنها #ليلة الوحشة ...

🍂 إنها ليلة #اليُتم ...
#آخر ليلة لزينب مع أخيها
#تشمه ... تقبله ... #تحضنه ...

#غداً يبقى الحسين وحيداً غريبا دون
#ناصر أو معين... #وحسيناه .... 💔🍁

#رحم_الله_من_نادى
#وأحسيناه 💔✋

آلّشآعرهً آلــــّعــلّويِـــه آلّمٌوسويِــــۿ

16 Jul 2024 13:06

#محرم_الحرام
#ليلة_العاشر
#الوداع


◈هـــاي أخـــر ليلة كعدتنه سوية◈
◈ليــلة وداع الحبايب هل مسية◈

خوية مايكفي السهر.. كون الموادع دهر

══━━━━✥◈✥━━━━══

هاي أخر ليلة بيها ما أنامن ليلي
حيلي أنته وفاركتني يابعد كل حيلي
سولف شعندك يخوية شما يصير أحجيلي
الدنيه يالغالي بغيابك كل شي ماتعنيلي

خوية مايكفي السهر.. كون الموادع دهر

══━━━━✥◈✥━━━━══


خوية من دمعي البجيته ذابلات جفوني
أنثر سنيني وحياتي وأنطي هاي عيوني
كوم ردني للمدينة لوحدي لتخلوني
عشت وياكم حياتي صعبة لو عفتوني

خوية مايكفي السهر.. كون الموادع دهر

══━━━━✥◈✥━━━━══

روحي ملهوفة لوداعك كلبي يمك ضامي
يــا عمود الخيمة أنته وطيحتها أخيامي
أبد مــا أنساك لحــظة شما تمــر أيامي
لو غمض جفني اشوفه نحرك يظل دامي

خوية مايكفي السهر.. كون الموادع دهر

══━━━━✥◈✥━━━━══

يل وداعك كسر بية أرد أشمك بالنحر
باجر بسوح المنايا ذبحتك ويه الظهر
سرجك المكلوب دامي من يرد خالي المهر
والصبر عكبك يخوية يرتحل مني الصبر

خوية مايكفي السهر.. كون الموادع دهر

══━━━━✥◈✥━━━━══

حالي ما أكدر أوصفة الله يدري بحالي
الغالي لو شال وتركنه من يعوضة الغالي
لو غمض جفني يخوية أنته تتراوالي
ساكن بروحي وأحسك أقرب من آخيالي

خوية مايكفي السهر.. كون الموادع دهر

══━━━━✥◈✥━━━━══


تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

/channel/alweyaamosaweyarrrr2626