1950
@telegram.me/amarr_hasnn
علي بم الحسن ، سره بليل ودفن
يوسفه ولا اثر لمن دفنها
دفنها بلا اثر ، خلص منه العمر
يلمن ودعاها ورجع عنها
.
دفن عمره ورجع ، وسط بيته اجتمع ، مصيبه
عشك ليل وسمر ، يودعه بكل فجر ، حبيبه
بعلي مات الكلب ، يعينه اعله الدرب ، رقيبه
يجرحه الما شفه ، بعيونه الذارفه ، ونحيبه
:::::-----:::::
عليها شكد بجه ، على رمحه ارتجه
تكطع كلبه لمن سمع ونها
يفاركها عضب ، عيونه دم تصب
كصن بيها اليالي وما رعنها
:::::-----:::::
ابن عمها بصدك ، يبادلها العشك ، ترافه
صدك كله و شرف ، نجايه وبي ترف ، شرافه
علي الكلها علي ، يروحي ردي الي ، التجافه
كضه بسرعه الوكت ، خلص ما لحكت ، وسافه
.
يحبها عن شؤف ، علي كلبه نزرف
يودعها العزيزه ورجع منها
يعشره الخلصت ، علي عينه نطفت
دفن كلبه بلحدها وخلص ضنها
:::::-----:::::
الامل مات الامل ، علي عمره ارتحل ، وياها
يناطر عل درب ، دمه عيونه تصب ، دماها
المصيبه واضحه ، و عليها الفاتحه ، قراها
نزل وسط الكبر ، دفن بيده العمر ، بجفاها
.
خلص كلشي خلص ، علي درعه لبس
وعينه الما غمض لحضه جفنها
صدك صعبه الهجر ، شيسويله القدر
كصن حيل المصايب عذبنها
:::::-----:::::
الصحاب القاتله ، شكبرها المسأله ، عضيمه
القاتل عن قرب ، يماشي بالدرب ، جريمه
بعيونه ايشاهده ، و حزين الوحده ، وليمه
كتم سر الغضب ، علي راد الطلب ، عزيمه
.
والله لو لبس ، لسان الكل خرس
لمن شاف الضلوع الموتنها
يدر الهم مثل ، لمن حان الجمل
عفه صبره علي من شاف ابنها
:::::-----:::::
سكه الدنيه بدمع ، لمن شاف الضلع ، تحزم
لمن محسن وكع ، لبس درعه وطلع ، تبسم
عساها بكل كلب ، يفرق كل محب ، تندم
عسه ايده بشلل ، اليفرق بالاهل ، يردم
.
ترس عينه العمه ، اليضد حامي الحمه
اكيد امن السقيفه و هند امه
الكواكب والسمه ، تنوح الفاطمه
المحسن طاح منها وسال دمه
:::::-----؛؛؛؛؛
حسن صالح العيساوي
/channel/amarr_hasnn
#مجلس_السيدة_الزهراء_ع_ضمن_المنافسة_الحسينية_لنظم_المجالس
المقدمة
بسم الله الرحمن الرحيم والحمدلله رب العالمين والصلاة والسلام على آل يس...
صلى الله عليك سيدي ومولاي يا رسول الله، وعلى بضعتك وقرّة عينك فاطمة الزهراء الصدّيقة الشهيدة...
صلى الله عليكِ أيتها المظلومة المقهورة، المغصوب حقها_ والممنوع إرثها_ والمكسور ضلعها_ والمظلوم بعلها_والمقتول ولدها_لعن الله الظالمين لكم من الأولين والآخرين _يا ليتنا كنا معكم فنفوز فوراً عظيماً _
يروى أن عمار بن ياسر دخل على أمير المؤمنين (ع) بعد استشهاد الزهراء (ع) فوجده جالسا جلسة الكئيب الحزين وأيتامه حوله..فسأله عمار : سيدي إنكم تأمرون الناس بالصبر على المصيبة وتجزعون! قال علي عليه السلام : يا عمار إن العزاء عمّن فقدته لعزيز ، إني فقدت رسول الله بفقد فاطمة ..
(قريض)
درج
طالَ الأسَى والوجْدُ يا عمّارُ
من بعدِها لا طابتِ الأَعمارُ
برحيلها إنِّي فقدتُ المصطفى
فلواعجي تطفو وقلبي ما انطفى
عمارُ لا تنسى عيوني "فاطمهْ" !
وبخدِّها طُبِعتْ أصابعُ آثِمهْ
مثكل
كانتْ تحاولُ أَنْ أراها باسمهْ
كيْ لا تزيدَ جراحُها أشجاني
لهفي وما يُجْدي التلهفُ والأسى
وأمامَ عينيَ روَّعوا خيْرَ النِّسا
حدي
بالسوطِ قنفُذهُمْ عليها كمْ قسى
فهوتْ تحاطُ بِزُمرةِ الأوثان
هذا بنعلِ السيفِ ألّمَ جنبَها
وبنارِهِ الطاغوتُ أشعلَ ثوْبَها
تخميس
لكنَّ ما للموتِ قطَّعَ قلْبَها
ألقَوْا بِرأسي الحبلَ وهْيَ تراني
ما الصبرُ يا عمّارُ عنْ زهرائيا
فبغسلها شاهدتُ جرحاً خافيا
هادئ
آهٍ ويكسرُ خاطري أيتاميا
حسنٌ، حسينُ، وزينبُ الأحزانِ
آه ابو ذية او عاشوري بلا ونة او مجاريد؛
مكسورة الأضلاع واحزني عليها...
أنا دهري فجعني بالنبي واليوم بيها...
والله يا زهرا مصايبك كلها عجيبة...
يزهرا عليك الصبر منين اجيبه....
يقول عمار... قلت سيدي يا أمير المؤمنين وهل تصاب إمرأة في الدنيا مثلما أصيبت فاطمة؟
فقال نعم يا عمار، هناك امرأة تصاب مثلما أصيبت فاطمة وأعظم... فقلت ومن هي؟ فأشار بيده إلى ابنته زينب سلام الله عليها وقال ابنتها هذه...
فاطمة كسروا ضلعها اما زينب فقد كسروا قلبها...
مجاريد ؛او عكراوي
آه أنا إن صحت خوي يضربوني
وإن ناديت يا علي يشتموني
أنا من الضرب ورمت متوني
ومن البكا عميت عيوني
نعي
آه تنادي زينب ما في حدا صابها مثلي بالدهور
أنا بيوم واحد ويلي شاهدت سبعين منحور
يقولون امي ضلعها بالباب مكسور
وانا انكسر قلبي عليها....
تغريد حزين
والله ضلع واحد يا أمير المؤمنين
ضلع واحد عْليه رخّص دموع العين
وظل يجذب الحسرة يويلي ويصفق الكفين
بالله شلون لو عاين ضلوع لحسين
وخيل القوم ذاك الوقت رضّنّه....
ساعد الله قلب مولانا الإمام علي السجاد لما جاء إلى كربلاء لدفن جسد الحسين بعد أن بقي ثلاثا مطروح على الأرض بلا غسل ولا تكفين
تقول الروايه كلما أراد أن يحمل جسده سقط جزء منه رحم الله من نادت اي واحسيناه. الصوت لكربلاء اي واسيداه
جمع جسده بحصيره وأنزله في قبره وتمدد واحتضن جسد والدَه ووضع فمه على نحره
ونادى أي واحسيناه أي وآ أبتاه
•عكراوي أو عاشوري:
والله
بالشمس مرمي على الوجه عريان مسلوب آه آه آه
مطعون بالصدر القلب بالسهم مصيوب آه آه آه
واوصاله مقطعة والجسد مرضوض آه آه آه
والله تحيرت بيش أجمع أوصاله.
• طور خضيب:
واحسيناً واحسيناً واحسيناً آه
صعبة يبوية أدفنك بيدي يا نور العين
صدرك عظامه مكسرة ومقطع الإيدين
والله هضيمة ادفنك بلا راس يبويه حسين
واحسيناً واحسيناً واحسيناً آه
ودعتك الله ياالأبو بدموعي غسلتك
قلبي انفطر يالمنذبح بيديه من شلتك
بعيوني غسلت النحر يا بويه وادفنتك
واحسيناً واحسيناً واحسيناً آه
يعز علينا يا مولاي يا زين العابدين كل الذي جرى عليكم ~~
ابو ذية
والله ينصاب گلبي بمأتمك يحسين. ينصاب
وذكرك من يمر الدمع. ينصاب
والله گلبي بدال گلبك ريت ينصاب
وخدي دون خدك عالوطية
لا حول ولا قوة الا بالله العلي العظيم وسيعلم الذين ظلموا ال بيت محمد اي منقلب ينقلبون والعاقبة للمتقين....
كوريز:
عظم الله أجوركم سيدي يا صاحب الزمان بهذا المصاب الجلل الذي يُدمي القلوب ويُقرح العيون...
عظم الله أجوركم أمهاتي واخواتي باستشهاد مولانا الزهراء عليها السلام روحي لها الفداء...
نعم هذه الزهراء قضت مظلومة مقهورة، مغصوب حقها، ممنوع ارثها، مكسور ضلعها، مسقط جنينها، هنيئاً للذي تعود عليه هذه الأيام، هنيئاً للذي بكى دمعة على الزهراء.
سيدتي يا زهراء عظيم علينا هذا اليوم وعظيم علينا هذا المصاب، هل أبدأ من بكاء أيتامك؟
ام من حزن علي وآلامه وحرقة قلبه ؟ أم من يتم زينب؟
سيدتي هذا المصاب الجلل يؤلم قلوب شيعتك ومحبيك ويؤلم قلب ولدك المغيّب عن الأنظار... لك كل العزاء سيدي يا صاحب الزمان، أعلم أن هذه المصيبة تؤلم قلبك مولآي واعلم أنها عزيزة على قلبك ولكن اعذرني لنقل هذه المصيبة....
مولآي أي
مصايبكم مصايب صعبه تنكال
اولهن ذبح واخرهن احبال
غريبه زينب ___ غريبه زينب
//////////////////////////
البايع ليله للدخان _ شلون يغمض اعيونه
والساحك طريق الشام _ حكه ينكلب لونه
اليشمر شوفه يم الروس _ امن الناكه يشمرونه
الجابو يمه طاري السوط _ يضل يتفكد امتونه
اليخلص الليل يحجي ويه الرماح
بعد لا مستحيل تشوفه مرتاح
غريبه زينب ___ غريبه زينب
//////////////////////////
الميهمه القصر والبيه _ ظايك لذة الخيمه
رسايلهن شرف للناس _ العبي من طرن الهيمه
عدكم بالشمس كاروك _ ما مطرت عليه غيمه
حاير بينه يبن حسين _ المثلك حاير ابظيمه
طفل مسبي وسحك بجدامه سعدان
صرخ من الالم لو جين عطشان
غريبه زينب ___ غريبه زينب
//////////////////////////
بزينب دارت الايام _ وعلى الناكه بواجيهه
ردنه الدنيه لو بس يوم _ مجال شويه تنطيهه
طرو بيهه نص السوك _ ورقيه التفتت اعليهه
السالبهه اعله اهل الشام _ طلع بايع تراجيهه
وكل ساعه عليهن جاي شراي
تراجيهه التحبهن كلش اهواي
غريبه زينب ___ غريبه زينب
//////////////////////////
بنادم دنيته امن تميل _ يسلم للحزن روحه
اليدفنونه بغرب مهظوم _ بعد شيطيب اجروحه
التركب عالهزل للشام _ هم نحسبهه مذبوحه
اليموت وما اجا جناز _ يموت وعينه مفتوحه
تره زينب بقت منتظره جناز
ولا واحد اجاهه من العزاز
غريبه زينب ___ غريبه زينب
//////////////////////////
فاتحتك ثجيله اليوم _ الله يساعد اعيونك
اعله زينب سيدي الخدام _ اجو كلهم يعزونك
من كثر اللطم والااه _ يمهدي هدلن متونك
كالولي الرمح والسوط _ اكثر شي ياأذونك
يبو ادموع الحمر والله حرامات
زينب تندفن دايرهه شمات
غريبه زينب ___ غريبه زينب
//////////////////////////
تمت ____ علاء الزيدي
ابيات ابو ذيه لمصيبة السيده زينب عليها السلام
الطمو الروس . نِزعوها ... عِمتكم
يساده امصيبة الكلفه ..... عَمتكم
ماتت بالغرب زينب ........ عمتكم
او دفنوها وِسف بديار أميه ....
زينب والدهر وسفه .. .. يهلها
جفنها ادموم مو دمعه ... يهلها
دگومو الزينب الليله ..... يهلها
چامنهو اليواريها الوطيه ....
الگبل من تبرد اچفوفك ..... دفنها
الليالي دوف يالكافل ........ دفنها
تون زينب لحد ساعة ....... دفنها
واتگول اشعجب ما حن عليه ...
التشبگ رايتك كل يوم ...... واشّم
يكافلها ابمتنها السوط ....... وشّام
برض الطف مرار اشبعت .. والشام
كتلها ابيوم جابوها سبيه ....
مصاب الحره دمعاتي ..... وشلها
غريبه . الشام نحّلها ....... وشلها
گضت لا أخو شيعها ...... وشالها
ولا جناز اجه حامي الحميه .....
الموت اشيلگه بيها .... يو جه عنها
تون يلگاها زينب ........ يوجع انها
جروح الشام والطف ..... يوجعنها
ابهظم ماتت مثل امها الزچيه ...
ابو فاطمة الطائي
انتي زينب مرتفع ضل هامچ... الشام واهل الشام حدر اجدامچ.
======================
هذا ياشام الأيسرچ بت علي.
انتي زينب دوم هامچ معتلي.
انتي هزيتي عروش العاذلي.
والمواقف شاهد وايامچ
=======================
ها يزينب ها يتربات البتول.
انته علمتي الخلگ معنى الأصول.
انته حگمه للدرب مهما يطول.
وصوت حق اليدوي بعد ازلامچ
======================
ياجبل للصبر ماطاح الصبر.
بصوتچ اهتزت عروش البلقصر.
دم اخوتچ نصر وابصوتچ نصر
اتلعثم ايزيد انخذل گدامچ
======================
وگّفتچ بالقصر يابت حيدرا.
وگفت العباس فوگ الگنطره.
كل طغات العصر ذلتهم مره.
لجل دين النبي ولجل اسلامچ
=====================
كيد كيدك من حچيتيهه ليزيد.
يعني هذا الذكر باقي شي اكيد.
اه يازينب نرددهه اونعيد.
شيعتچ يابت علي اوخدامچ
للشاعر
ابو عبدالله الشمري
يازينب خدمكم يازينب
ــــــــــــــــــــــــــــــــــــــــــــ
وعدنه يزينب...واجينه...ابمواكبنه اعله هذا الوعـد
خدمكم... نصيح وننادي...تعاهدنه ونضل عالعهــد
طلعنه...ابمشاعر عشگنه...وضمايرنه عله المعتقد
يزينب...أبد مانسينــــه...وله انعوفچ يزينب أبــــــد
يازينب خدمكم يازينب
ــــــــــــــــــــــــــــــــــــــــــــ
وحگــــچ...يبنت الزچيــــه...خدم وانتي تأمرين أمـــر
مشينه...ابدربكم يحـــــره...عله الدنيه نضل نفتخــــــر
ميمحون...ذكركم والاشهود...خطابچ كل وكت ينتصر
لگينه...خدمتـــچ يزينـــــب...أعز من الهوه والعمـــــر
يازينب خدمكم يازينب
ــــــــــــــــــــــــــــــــــــــــــــ
مواكب...مجالس مئاتم...مثل صرخه او تضل تعتلــي
فخرنه...ابشعائرنه هايه...نعاند بيهه كل عاذلــــــــــي
هتفنه...ابشرف رافضيه...علي مانرضه غيره ولـــي
تعبنه...التعب عدنه راحه...وحگ الزهره فدوه العلي
يازينب خدمكم يازينب
ــــــــــــــــــــــــــــــــــــــــــــ
لجلكم...يحره انخلقنه...ابولاكم حتى گلب اليـــــدگ
نحبكم...نموت اعلى حبكم...بعد عنكم چذب نفترگ
خطيه...تره الما هواكم...هواكم هو أصل العشــگ
تره الحب...وهم أغلبيته...فقط حبكم يزينب صـدگ
يازينب خدمكم يازينب
ــــــــــــــــــــــــــــــــــــــــــــ
أملنه...وسندنه بالاحساب...چبير وداعة الله الامل
وجهنه...تبيضه الموده...نودكم أكثر امن الاهـــل
دربكم...هدى وكله رحمه...بلياه العقل ماقبـــــــل
يزينب...هويتنه باچر...ختم خاتمهه خير العمـــل
يازينب خدمكم يازينب
سيد علي الموسوي
تعبت عيوني.. ورمت متوني.. وين أبويه
مدللة حامي الجار.. ما دره بيه شصار
وين أبويه
_ ١ _
انه المدللني علي ومحد معاين رسمي
يطفي قناديل الضوه من چنت ازورن أمي
تاليها بلسان الشمر يا وسفه ينگال إسمي
تعبانه من شوف السبي ، هين التعب بجدمي
عليه جان أصعب.. من إسم زينب.. عدهم انگال
وين أبوي الكرار .. ما دره بيه شصار
وين أبويه
_ ٢ _
الشام تكره والدي واعداءه بيها هوايه
ليه استعدوا بالحقد من دروا بيه جايه
إلما يشمر عليه حجر، يشمر عليه حجايه
معيدين، وانه بداخلي اعله حسين عندي قرايه
بطبل لاگوني.. بسوگ خلوني.. بيه شمتوا
للغري گلبي اندار .. ما دره بيه شصار
وين أبويه
_ ٣ _
كل الذي بينه حصل ثاراتهم من صفين
بگد ما قتل بيهم علي هشّموا بضلوع حسين
احنه دواوين الكرم وچتفونه وسط دواوين
رادو سكينة خادمة وناديت اخرجوا من الدين
حيدره جدها.. حسين والدها.. وروعوها
تسعر بگلبي النار .. ما دره بيه شصار
وين أبويه
_ ٤ _
حيدر مربيني بعطف واخواني كلهم حراس
وحط ايدي بچفوف الگمر والدي بآخر أنفاس
وعلمني ما اشرب عذب إلا من جود العباس
الماي من إيده فقط ما أخذه من ايد الناس
سلبوا جوده.. وراحت زنوده.. الدللنّي
ساقي كل الأنهار .. ما دره بيه شصار
وين أبويه
_ ٥ _
من بعد بيت المرتضى الجدرانه تنبع طيبه
صرت ابخرابه اعله الرمل بضيم السبي وتعذيبه
يمسح على راس اليتم چف حيدره شيجيبه
ويتامه رادوها تذل بس باقيه بكل هيبه
رغم سابيهم.. بس علي بيهم.. ما يذلون
علي بدرب الأخطار .. ما دره بيه شصار
وين أبويه
مصطفى الشافعي
#اعلان
1- لزيادة مشاهدات اليوتيوب
2- لعمل هندسة صوتية عن طريق البصمات
3- لترويج المجالس الحسينية ع الفيس بوك
التواصل مع
@ahmed_alziwar0
07732320742
من غير كلشي أسمچ جرح خله المدامع هامله
شيصير چــا بـيه بـعـد وأسمع المحد گايله
لـو قره الناعي أمصيبتچ أنهطر مـن يامايله
وي دمعي تطلع روحي
ولا مـاتهيد أجـروحي
ولايهده وني ونوحي... يازينب
وياچ مو بس مايله
هالدنيه أبد ماعادله
خلت دمعتچ سايله... يازينب
أبچن يل أعيون.. زينب غربت.. أبچن يل أعيون
ياروحي شتهون.. هاي الفاتحه.. ياروحي شتهون
يامايله شلون ... اليقراها عدل... يامايله شلون
والماتت أم عون.. چا ألمن أظل ..والماتت أم عون
يم أسمچ أوصل ونهظم منها وتصير النايحه
لا أبـن عـندچ لا أخـو ياهـو اليگف بالفاتحه
ماميته چنچ من زمن لا ميته چن البارحه
ميته وغريبه بموتچ
لا رايه يم تابوتچ
لا ولدچ ولا خوتچ... يازينب
فـاتحتچ بيا ديره
بالشام مامش غيره
چا هيه هاي الحيره.. يازينب
والگلب مجمور.. أون لمصيبتچ.. والگلب مجمور
والظهر مكسور .. بفاتحتچ نگف.. والظهر مكسور
وقرالچ بطور ...مثل الفاجده.... وقرالچ بطور
والمدمع يفور.. چن گهوة عرب.. والمدمع يفور
أتوزر أوزارين ألــچ وأبچي الدموع الحاره
أثغب ثغيب البي سهم مشچوچ وسط الخاصره
والطين أوصله الهامتي أله أفعل الما صايره
أنحب نحيب الفاجده
وركض ركاض الشارده
الدنيه وي زينب چايده .. يازينب
چا بعد ألمن رايده
أمده أگلوب البارده
والحيل فگدچ هاده.... يازينب
أتنگب أنگاب.. عل مثلچ يحگ.. أتنگب أنگاب
وبسود الثياب.. مافك حزني ألچ.. وبسود الثياب
والجرح ماطاب.. لمصابچ نزف.. والجرح ماطاب
صوبني بصواب.. بموتچ والدهر.. صوبني بصواب
بالسوط أالطم عالمتن ماخلي بي كل عافيه
وتحفه وركض بالفله قربه الركاض الحافيه
ليهسه تسعر بالگلب نار الخيم ما طافيه
بگليبي نار الخيمه
وبعيني تل وهيمه
أخ السبي وياضيمه.. يازينب
وسفه المضايف واگفه
طيحوها يهل السالفه
الميته أخت شيخ الطايفه.. يازينب
نچفيها الدلال... للمثلچ يحگ... نچفيها الدلال
تنحز بالحبال... كون أچفوفنه... تنحز بالحبال
ونتشكل أشكال.. ننصب فاتحه.. ونتشكل شكال
ياراحة البال... بعد ماريدها .... ياراحة البال
✍️حسين حمدان الدلفي
💎 *و ذهبت في يوم القيامة باحثاً*
*في طولها وبعرضها عن موئلي*
💎 *والإزدحام على المداخل مثله*
*مثل ازدحام النحل حول المنهل*
💎 *ولكل بابٍ حارسٌ نظراته*
*تحكي لهيباً حارقاً في المرجل*
💎 *فسألت ألطفهم ألا من سائق*
*يمضي بنا نحو النعيم المخملي*
💎 *فأجابني والنار تسبق قوله*
*إذهب وفتش عند ذاك المدخل*
💎 *فذهبت حيث أشار دون تردد*
*وسوى اتّباع كلامهم لم يبق لي*
💎 *فرأيت جبريلاً هناك مخاطبا*
*يا قوم هذا الأمر من ربي العلي*
💎 *أبواب هذا الخلد آلاف وما*
*يلج ابن آدم دون تصريح الولي*
💎 *فهتفت يا جبريل هون أمرنا*
*و افتح لنا بابًا لذاك المحفل*
💎 *فأجابني: الأبواب مقفلة ولا*
*أحد يقرر فتحها إلا علي* ....
💐 *متباركين بمولد أمير المؤمنين ومولى المتقين علي بن أبي طالب عليه السلام* 🌼
" عَلَيَّ بِكُلِّ الشدد يَحْضُر "
" عَلَيَّ مَا يَوْمُ يَتَعَذَّر "
" عَلِيّ ينطرد بِاسْمِه الشَّرّ "
" عَلِيّ السَّاقِي عَلَى الْكَوْثَرِ "
" عَلِيّ الطَّاعِن عَلِيّ الضَّارِب "
" عَلِيّ نَجْم الدُّجَى الثَّاقِب "
" عَلِيّ هَيْبَة محاچينه "
" عَلِيّ گمرة ليالينا "
" عَلِيّ لِلْمَوْت وَأَلْيَنِه "
" عَلِيّ ياعلة التَّكْوِين "
" عَلِيّ بِمَحَبَّتِك نفخر "
" عَلِيّ العاداك يَتَأَخَّر "
" وَزِير الْمُصْطَفَى الْكُرّار "
" گبل الدُّنْيَا يالسامع "
" عَلِيّ بِسَابِع سِمَة تَوَزَّر "🦋
شي لله يابو الحسن شي لله
الرادود // علي الوائلي
الشاعر // قاسم رضا
•┈•❈❉💔❉❈ •┈•
شي لله يابو الحسن شي لله ..٢
الشمس ردت العلي گبل الصلاة
علي والينة وغيره مانحب
ابو طالب شايل ابنه بيا صلب
شي لله يابو الحسن شي لله ..٢
ياعلي الاكوان بيدك والسمة
والاملاك تَصـيح ياحامي الحمة
شي لله يابو الحسن شي لله ..٢
رحمة اللّـہ وسيد الكل الصفات
علي روح الماي وسر الحياة
شي لله يابو الحسن شي لله ..٢
شل ال لا يابو الحسن يالما تفر
كلشي بينه يروحلك فـــدو൭ه ونذر
شي لله يابو الحسن شي لله ..٢
علي والينة وماعدنه سواه
لا كو قبله ولا يوالمنه وراه
شي لله يابو الحسن شي لله ..٢
علي والينه ونعشك حيدرة
واليحبه يفوز دنيا واخرة
شي لله يابو الحسن شي لله ..٢
علي نعمتنة العبرت كل فضل
مو فرع بالدين لا حبه اصل
شي لله يابو الحسن شي لله ..٢
علي برهان ودليل اهل العلم
لجن يوم الموزمة يربي الزلم
شي لله يابو الحسن شي لله ..٢
علي والينة وحامي المرجلة
خلق العباس نور الكربلة
شي لله يابو الحسن شي لله ..٢
علي نعمتنة وهو خير النعم
واسمه فوك اللوح بالدم نرسم
شي لله يابو الحسن شي لله ..٢
علي نعمتنة وحبنه الازلي
واحنة بالاصلاب صحنه ياعلي
شي لله يابو الحسن شي لله ..٢
وسعت رحمتة كل عبد
مله عطر الكون وانفاسه ورد
شي لله يابو الحسن شي لله ..٢
اخذ زلمة الكوخ بعيونة قصر
وهو فوك وكلشي بالدنيا حدر
شي لله يابو الحسن شي لله ..٢
يالسبيت الخوف والذلة سبي
بيك لاذوا جم رسول وجم نبي
شي لله يابو الحسن شي لله ..٢
•┈•❈❉💔❉❈ •┈•
الناقل ✍️ خادمة امير المؤمنين
إسراء نسألكم الدعاء
مولد الامام علي ع
گلبـي شمسويله ـ ياعلي
اوياك يسهر ليله ـ ياعلي
گلبي مجنون بغرامك وأنت جننته
🌷🌷🌷🌷🌷
يالملكت احســـاسي وبـــدلالي نبــضه
اســـمك آيـه اوآجــب اتوضــه والفضه
انتــه قــرأن الحكـــــــيم وانتــه فرضه
كل حديث ايخص حياتك گمت احفظه
يالشغلت اذهاني ـ ياعلي
مذهـبي وقرئآني ـ ياعلي
گلبي مجنون بغرامك ونته جننته
🌷🌷🌷🌷🌷
انته ممـــلكة العواطف والمشـــاعر
كثر مابيك انه مغرم صرت شاعـــر
صـــورتك مرسوه بعماق النواضــر
عالمنـصه اتباهه بيـــك وعالمنـــابر
فرحتك نحييها ـ ياعلي
الفاطمه نهديها ـ ياعلي
گلبي مجنون بغرامك ونته جننته
🌷🌷🌷🌷🌷
استبشرت بيــك الانس والجـان كلها
مـولدك فـرحه وابـد ما صــــح مثلها
لايگــه الكعــــــبه عليــك ولايگ الها
هالكــــــرامه بس الك ربـك جعـــلها
وحدك انته اختارك ـ ياعلي
وبـارك بـأنـــــوارك ـ ياعلي
گلبي مجنون بغرامك ونته جننته
🌷🌷🌷🌷🌷
والله احلى امن الشهد اسمك قريته
مــركز اگلوب البشــــر حبــك لكيته
مولدك شع بالســــمه وبالگاع صيته
العلي حبـــك يا علي ونطــــاك بيته
الك فاتــح بابه ـ ياعلي
انته اعز احبابه ـ ياعلي
گلبي مجنون بغرامك ونته جننته
🌷🌷🌷🌷🌷
الك بيت الله انفتح ونشق جداره
وبقــدومك رحب وســرفن ستاره
هلهلن بالفرحه اجن مريم وسـاره
يا وليد الكعبه انته اجمل بشــاره
اتشـرفت بقدومك ـ ياعلي
يالعظيمه اعلومك ـ ياعلي
گلبي مجنون بغرامك ونته جننته
🌷🌷🌷🌷🌷
ياهو قبــلك لقبوه ابحـــامي جـاره
ومــــــن يقــرر ربك يأيــد قـــراره
ياهو غيـــــرك ثبـت الديـن ابفقاره
ابكلهن اول يا علي ونلت الصـداره
انته آيه ورايه ـ ياعلي
والامل والغايه ـ ياعلي
گلبي مجنون بغرامك ونته جننته
🌷🌷🌷🌷🌷
الخادم
كامل السعيدي
حيدر جابته الكعبه وبهاي الخلگ تشهد
ماراد الخشب كاروك كاروكه الحجر الاسعد
الماشاف الجدار انشق عميه عيونه لو ارمد
وبيت الله الچان ايلوليله
~
الاسلام انولد هاليوم بمولد حيدر الكرار
مثل هارون وي موسى حيدر يعني للمختار
اشكبر فرحة نبي الامه اجاه هاليوم حامي الجار
بميلاده فرحان الهادي
~
حيدر بشار الدراجي
متعنيه للعباس والحالة كلفه
والدمع يمه اجريه وبالحره احلفه
✍خادم الزهراء أمير الفتلاوي
حديث مختصر للزهراء عليه السلام
صلی الله عليك يا سيدي ويا مولاي يا رسول الله
صلى الله عليك يا سيدي ويا مولاي يا أبا عبدالله
ما خـاب مـن تمسـك بكــم وأمن من لجـأ أليكـم
يا ليتنـا كنا معـكم سادتـي فنفــوز فـوزاً عظيمـاً
السالم عليك یابنت محمد و ام الحسـین
السلام عليك يا سیدت نساء العالمین
أبکیت في مأتم الزهراء بصرـة مفجوعـة وحزنأ
أبکیت و تذکـرت حزنك والم وسطرة عینأ
أبوذیـــه :
حزني یزهرا کل سنه یتجدد وعام
ما یبطل عزاكم ولایوم ولا عام
شکد حلوه الیالی الفاطمیه و عام
فـرض كل يوم ننصب الچ عـزيه
اي اي اي اي
فـرض كل يوم ننصب الچ عـزيه
الیـوم موضوعنه الوجود الأم فی الحیات الانسان
طبعا ان کنت صغیرأ او. کبیرٱ.
کلنه نحتاج الی حنان الام و وجودها و دعاها.
طبعا دعاء الوالده مستجاب بحق ولدیها
نعم یا خواتی. تعرفو ان البیت اذا مابیه ام... یصبح خرابه... یصبح اظلم..
الله لا یغیب شخص الام...
اذا امـچ عدله باریها... اذا عندچ ام باریها... اذا ما عندج ترحميلها...
تره ام ماکو مثلها و لا تتعوض. های فرصه لا تضیع منچ.
نعم والبیت اذا تدخل و اتشوف امك بلبیت.اتحس بطعم السعاده..
واذا تدخل واتشوف مابيه امك. اتحس بظيم. ابقهر..
وجود الام. هوه جنه
نعم يا خواتي بامومنات.. ان الزهراءعليه السلام.
عانت الظيم و الألم. الأم فراق ابيها
وبعد.. كسر ضلعها..
لما عصروها بين الباب والحايط..
وكسرو ضلعها و سطرو عينها و سقطو جنينها.. واااامحمدااااا. وااازهراء
لما توفيت الزهرا سلام الله عليها..
بيت اميرالمومنين عليه السلام اصبح اظلم بعد وجود الزهراء عليه السلام
بقو اولاد الزهراء.. زينب و الحسن و الحسين و ام كلثوم
صعب عليهم فراق الزهراء عليه السلام.
وامير المومنين كان كل ليله يزور قبر الزهراء(ع)
حسب طلب الزهراء عليه السلام
ان كل ليلة يجلس علي قبرها و يقرء سورة من القران الكريم.... ف ليلة من اليالي.
زينب (ع) فزت اليل. رأت مكان امها الزهراء خالي
التفتت يمين و شمال.
جعلت تدور علي امها الزهراء عليه السلام
وازهراااااا وا محمدااااا
و . بقت زينب تبكي.و وضعت راسها تشم في العبايه....
و تنادي
اووووی یمه
البیت ظلمه عگب عینچ
ادور اعلیج یا یمه وینچ
ردی ییمه و باری بنینچ
➖➖➖➖➖➖➖➖➖
ردی یا زهرا اهنا ییمه
محرابچ بقی یمه ظلمه
واخلافچ گلبي زاد هظمه
➖➖➖➖➖➖➖➖➖
ييمه وينج يا بعد حيلي
فزيت ولكيت مكانج خلي
صعب عليه هاي اليالي
➖➖➖➖➖➖➖➖➖
صعب إفراكج يمه يالزجيه
تعالي ارجوج ردي عليه
فزيت ومحد نشد بيه
➖➖➖➖➖➖➖➖➖
تــمت بعــون اللــہ
✍ #عـلــویــه_ام_فــاضل
في حق السيده زينب. ع
يازينب. يازينب
ارسملج خيم بدموعي محتركات
وشوف كبالي صوره مسلبه ايات
وبصدرج يزينب حسره ولاهات
مات الضوه بعينج من كفيلج مات
عيشيني بعاشورج حسره والم
وبكلبي تحركني نار الخيم
كل يوم يمر بيه يخلص ندم
ولكيت بدلالي نابت سهم
يازينب. يازينب
-----------------
تمر اسنين بيه والزمان يدور
وعيش انه بمصابي وحسره وعاشور
صرتي بديره غربه والضهر مكسور
عفتي ابكربله ابن امج. المنحور
يجرحني بدلالي طاري السبي
عل هزل ركبوها بنت النبي
تمشين بلا كافل وي اجنبي
والخدر يازينب بطرك العبي
يازينب. يازينب
-------------------
درب الشام يازينب قصص مره
عكب عباس وي ضعنج شمر يبره
يسمونج سبيه ونتي. الحره
وراس حسين اخيج عل رمح يبره
من عندج يازينب راح الخدر
وحسين بنضراته يكلج صبر
مهضومه وحرانه بدرب اليسر
عل شاطي ويه الرايه عفتي العمر
يازينب. يازينب
-----------------------
كل دمعت يتيمه تصيح. ياعمه
وحسره من رقيه جرحج تلجمه
تريد حسين ابوهه تشبكه وتشمه
وبلسانج يزينب تعثر الجلمه
تحسين بكل خطوه لجمت جرح
والشامت نضراته سيف. وذبح
بعيونج يازينب مات. الصبح
بجروحج شماتج ذرو ملح
يازينب. يازينب
----------------------
يحادي الضعن بينه من نطب للشام
خلي الروس كدام الضعن كدام
هاي الناس شمات وعده وضلام
غدر بينه الزمان وغدرت اليام
وجروحي عله الراحو تنزف دمه
وطفال بلا والي تصيح الضمه
بت حيدر عرفني وبت فاطمه
وعيوني من الحسره بيهن عمه
يازينب. يازينب
------------------
الخادم
رحيم الصالحي
يا خويه يا خويه يا عباس
.
كون اعله الكبر عباس هوه يحضر الدفني
ماريدن غير ابو فاضل نظر عيني يشيعني
و بيده باللحد عباس ياخذني و ينزلني
ما يقبل عليه ادريه يموت ما تفاركني
عباس يا خويه تمنيت
المن يغالي الهسه ضليت
من حشمت اهنا يعباس
يمكن يخويه بيه مدريت . يا خويه
.
تمنيتك عدل وتشوف السوط مورم متوني
وابحبل الخشن عباس يا خويه يجروني
اذا احجي على الي صار اسمعهم يشتموني
كلام المو عذب ياخويه عدوانك يسمعوني
بالسوط بمتوني يضربون
جا يمته ياخويه تفزعون
مالي كلب يتحمل الصار
اعليه خافن خويه تبطون . يا خويه
.
تقبلها يخويه اشلون اختك تمشي وي غربه
تصعب اي وحك عيناك هل حاله شكثر صعبه
ما صدك علي عباس يصبر ما يحن كلبه
حنين وما نساني ابيوم ابو فاضل ردت قربه
اشلون بيه من بعدكم
عباس ما احمل هجركم
العين تعمنه من تبعدون
اشلون لو طول سفركم . يا خويه
.
ابو الغيره الشهم عباس مايقبلها عل ناكه
مشيت و دمعتي بخدي وحك عيناك حراكه
هم بعد الفراق بيوم و نفس ما جان نتلاكه
الكلب ذاب بغيبك مات وروحي شكثر مشتاكه
الشوك عذبلي دليلي
خلصان خويه اعليك حيلي
صار العمر ضلمه بلياك
ونار الهجر تجوي يويلي . يا خويه
.
يعباس الجنازه تريد اهلها تحضر التشييع
تحضرها الاهل ياخوي ساعات الجي التوديع
بالغربه وحيده تروح ومن بعدك يخويه اتضيع
و اختك لا تضن بيه الامرهم امتثل لو طيع
عباس خويه عميه لعيون
يمته الاهل لينه يرجعون
ما صدكت عباس بالصار
امشي سبيه ما تفزعون ، يا خويه
..
.
حسن صالح العيساوي
يــخــوان زينب كـــون تـدرون
الليلة آخر ليلة لأم عـــــــــون
ويــم غـربة شيغمضها العيون
ها يخـــواني .
ـــــــــــــــــ ❁ ❁ ❁ ـــــــــــــــــ
الحــزن مستوطن بروحي
ودلالي والعمر غــــرب ..
وأگولن صعبة بس أتهون
وأفك اعيوني عالأصعب ..
العطش رافگني حد الموت
ودمع من عيني گمت اشرب ..
الاگرب مني اليـه يـــروح
ومــوتي اعليه يتگرب .
يمدللين أحلــــــوگ السيـوف
صرت بجفاكم شــوف ما شوف
ومن دون جفكم غربة الاجفوف
ها يخـــواني .
ـــــــــــــــــ ❁ ❁ ❁ ـــــــــــــــــ
أســاهر والصـــور تـعـرض
ويحصد بــالدمع ليلي ..
بجيت هــــواي يخـــواني
ومتت جا ياهو يبجيلي ..
يهلنه الـشـام رايـد حيل
وخده الطف مني كل حيلي..
الغريبة شما تصيح الـناس
اصيحن يهلي واويلي ..
يمشي الـتـعـب بعيوني جـناز
وتــابوتي مامش يمه العـــزاز
گــــلبي لگلبكم يهلي معــتاز
ها يخـــواني .
ـــــــــــــــــ ❁ ❁ ❁ ـــــــــــــــــ
الـدمـع مـن رحـتو يخواني
ولا مـرة جـفـه أعيوني ..
شماتة اگبالي توگف ناس
أوين اهلج ينشدوني ..
الأمس تسبيني صعبة هواي
اذا گلـكم يـشيعوني ..
نشف وجه الدرب گد ما
أتــانيكم تــمروني ..
يحسين عگبك عگب عــباس
زينب غريبة أتصيح الــنــاس
وتدرون گـلبي هواي حــساس
ها يخـــواني .
ـــــــــــــــــ ❁ ❁ ❁ ـــــــــــــــــ
الشيب براسي يـتـچــه
وعمر خلصته غربـة ونوح ..
متت مو مـرة الف مرة
من شفت الأخو مــذبوح ..
من شفته انسحگ بالخيل
منها وفـــارگـتـني الـــروح ..
بگد أجروح اخوي حسين
شايل يهلي گــلبي أجـــروح ..
بـس جيه مـنكم كلشي مــاريد
الــفــاگد يفضحنه الــتجــاعيد
ميته آنـه لـيش الشام بيه عـيــد
ها يخـــواني .
ـــــــــــــــــ ❁ ❁ ❁ ـــــــــــــــــ
الما يمها أخو يـــخــوان
تخلص أسنينها بـــغـــربــة ..
وگف من البجي گـــلبي
اعله ذاك العايشه بـــگـلبة ..
نعشي تشيله ناس اجناب
هــاي الهضمه والـصـعـبـة ..
تمنيت أنـدفـن يخـوان
يــم حسين وبـــگــربــة ..
وأجفـــوف اخوي أتغمض العين
مـامش حـنين أبـــگــد الحسين
وأسكت يهلنه وانـــسى الــونين
ها يخـــواني .
ـــــــــــــــــ ❁ ❁ ❁ ـــــــــــــــــ
نسألكم الدعاء
حسن وديع .
تمنيت الجنازه اتشيله اخواني
نواعي تصير واحد يشبك الثاني
عظم الله لنا ولكم الاجر
بمصاب ام المصائب زينب عليها السلام
شلون ايام .. بدرب الشام .. كلشي صعب
وما مسموح. .. وحده اتنوح ..طول الدرب
………………………………
سارن والدرب شمات وكل وحده بإسم تلهج
صعدن والروايه اتكول من صعدن بلا هودج
صح صعبه لچن الصار غربه وناس تتفرج
وملتمه الخلك عالنوگ من كل ناحيه وكل فج
زغار اكبار .. والانظار .. اتفطر الگلب
وما مسموح. .. وحده اتنوح ..طول الدرب
………………………………
يا ناس السبيه تريد من تبجي توشل العين
مو تجري الدمع بسكوت لا يسمعها حادي البين
طفله امن المشن كل ساع تسأل هالسفر لا وين
وليش امن ابجي يالجمال .سوطك يضرب المتنين
تضرب ليش .. چنك جيش .. وكت الحرب
وما مسموح. .. وحده اتنوح ..طول الدرب
………………………………
صاحت سكنه يالحداي حظر سوطك وشيله
امري ال الله يالسلاب راح حسيني ابچيله
اضربني لَمَن يبعد الشايل رمح ابو العيله
ينزف راس ابوي حسين من تضرب مداليله
من يا عين .. يبچي حسين .. وكلهن ترب
وما مسموح. .. وحده اتنوح ..طول الدرب
………………………………
زينب حاجت النسوان .. وگالت يا گلب زينب
خل نلزم سره اعله النوح.. لا بالسوط نتعذب
باجر من نطب الشام .. خل يعله البچي وننحب
مامسموعه ونة السوگ.. بس نسمع اذا ننسب
راح انشوف .. اشكال الخوف .. بين الغرب
وما مسموح. .. وحده اتنوح ..طول الدرب
………………………………
باجر ندخل اعله الشام.. نلگه الديره فرحانه
وباجر وحده راح تموت. بالمجلس وديوانه
وكلهن صاحن بفد صوت. يا عمتنا كون آنه
المن عايش الينگاد. بالصحره بله اخوانه
بعازة ماي .. وصار هواي .. عشنه برعب
وما مسموح. .. وحده اتنوح ..طول الدرب
………………………………
علي الابراهيمي
اني ميته من زمان من وگع جف الأمان
وهسه وحشه جنازتي ياهو يحضر دفنتي
من وگع جف الأمان
*
عالنهر جانت وفاتي بشامهم جثه أدخلت
منين ماباوع شماته بحيرتي گمت التفت
ضيعت كل العشيره باليتامه اتحيرت
يهل زينب هاي زينب وين إخوتي حشمت
شلون حيره بهل اليسر كسرة العود انكسر
والله حيره حيرتي ياهو يحضر دفنتي
من وگع جف الأمان
*
گلبي الينبض مواجع اوجفني الينزف مطر
ماشفت راحه بحياتي بيش طالبني القدر
الشام هاي آخر محطه كافي مليت السفر
هاي آخر نجمه ماتت بلكي يحضرها الگمر
وين إخوتي مايجون جفهم ايغمض العيون
بلكي تهدأ حسرتي ياهو يحضر دفنتي
من وگع جف الأمان
*
الجنازه تريد أهلها الغربه ماتشفي الگلب
الأخت كلش عزيزه صعبه تدفنها الغرب
فاتحة زينب ثجيله مو غريبه تنحسب
المُفترض عباس واگف دمعت عيونه تصب
ماتت ومحد حضر لاشمسها ولاگمر
الموت ماخذ اخوتي ياهو يحضر دفنتي
من وگع جف الأمان
*
هاي دنيه شكد عجيبه دنيه ماألها أمان
تغيرت أحوال زينب فقط الله المُستعان
على فراش الموت تنحب وين وداها الزمان
الجانت أبيت المهابه والگمر كافلها جان
هاي اختهم حايره وينه سبع الگنطره
بحيره ذابت مهجتي ياهو يحضر دفنتي
من وگع جف الأمان
*
متوني زرگه من ضربهم بعده لازال الأثر
طلعتي بليل الحزن اتعثر وكلبي نفطر
حسين نايم عالترايب منصبغ شيبك حمر
ردت موتي اوياك خويه ولا أروح بهل السفر
حرت وين انطي الوجه وحدي لاوين اتجه
يمه طالت وگفتي ياهو يحضر دفنتي
من وگع جف الأمان
*
اثر رفسه بصدره اباوع منها هم صدري نخسف
الله يشهد من غيابك عشت كل ايامي طف
هسه محتاجه الأخوتي يشيل نعشي ردت جف
ميته اني إبلا منيه لوني ياخويه انخطف
عايشه ابقه لياعذاب ارتاح بلكت بالتراب
الموت جانت مُنيتي ياهو يحضر دفنتي
من وگع جف الأمان
*
علي محسن الفرطوسي
محرررم 1442 هـ عبدالله الرضيع ع
ظم كاروكه ابحظني اينام . عبدالله
وانثر عطره ابكل لخيام . عبدالله
يغفه ويشرب ماي . الليلة ايظل اوياي
عبدالله . عبدالله
ظم كاروك ابنك يحسين الليلة ابحظني . خينام ابني . لا لتردني
أرد اشبع شوف إمن اعيونه او أشتم عطره . هاي المره . ابداع الزهرة
إگعد يمي اهنا يحسين او خنلوليلة . ابآخر ليلة . مهده انشيلة
خلي انلوليلة آنه اوياك . عبدالله
لاتبچي اگباله اترجاك . عبدالله
ظم ادموعك هاي . الليلة ايظل اوياي
عبدالله . عبدالله
____
ساعة ابحظني اينام او ساعة ابحظنك خله . إحسين اضحكله . من اتصدله
قرآن ابصوتك يحسين اگعد واقراله . هسه اگباله . حيل ادناله
راح افتح يحسين اگماطه او خل يشبگنه . وايقبلنه . مشتاگ النه
يعرف باچر راح ايروح . عبدالله
رايد يشبگني واينوح . عبدالله
تدري ايحبنه اهواي . الليلة ايظل اوياي
عبدالله . عبدالله
___
مره ايصدلك شو عبدالله او مره ايصدلي . حاير طفلي . اعيونه اتگلي
ما رايد حسيت اوليدي آنه ايفارگنه . حيل ايحبنه . شيصبرنه
إم او أشعر طفلي ايريد ايظل اهنانه . ابهذا امچانه . اشگد يهوانه
باچر يمشي اوياي ايريد . عبدالله
لشام انحط إيد ابإيد . عبدالله
ظامي او حس بضماي . الليلة ايظل اوياي
عبدالله . عبدالله
___
صيح الزينب خل تنظرله او تشبع منه . باچر عنه . تشبع ونه
خل تحظر وياها اسكينة او صيح ارقية . اتشبگه اشويه . اتحبه هيه
او خلي ام كلثوم اتناغيله او خوله عنده . اگماطه اتشده . ولا متهده
يم اخواته يگضي الليل . عبدالله
دمعتهن وادموعه اتسيل . عبدالله
خيناغن بهداي . الليلة ايظل اوياي
عبدالله . عبدالله
__
شلون اباچر يابو اليمه شيصبرني . إمن انظر لني . مذبوح ابني
الدم بثيابه او من اگماطه امطلع اچفوفه . شلون انشوفه . شلون انعوفه
واتگل الزينب يازينب إخذي اوليدي . بادت إيدي . راح اوحيدي
واتجيبه الوسط الخيمات . عبدالله
او تصرخ زينب گومن مات . عبدالله
ماتت كل دنياي . الليلة ايظل اوياي
عبدالله . عبدالله
__
واصرخ بالخيمة اوليدي آنه ذبحوه ظامي . يم اخيامي . إي گدامي
إلمن أبقى ابهاي الدنيا راح اليسوى . ذبحوه گوه . أبقى اتچوه
أرحل مسبية شلون آنه ابلايه الغالي . ايصير اگبالي . مهده الخالي
شلون امشي او ماعندي اوليد . عبدالله
بالطف باچر حيلي ايبيد . عبدالله
رايح مني ادواي . الليلة ايظل اوياي
عبدالله . عبدالله
حيدر الحلفي
هاذ الشام
ما يرحم كلب فأكد اخو وحزام
هاذ الشام
بي زينب اجت مجتوفه والأيتام
هاذ الشام
هنا وكفو صبر والقصر ما يلام
هاذ الشام
هنا ذبحت عليل وبي اثر الخيام
هاذ الشام
هنا كل حاقد يدور عليهم ثار
كلها التمت وصار الحجي بحجار
ومن فوك السطوح اعلينه ماي الحار
وأحنه بلا ذنب نشاكف من الصار
هاذ الشام ما بي ذكره ما تجرح
عيد شامهم وزغيرهم يفرح
هاذ الشام هاذ الشام
_
يم الباب
جابونه صبر للفرجه يم الباب
يم الباب
ويتامه من الهضم وضيم چن شياب
يم الباب
تعبانين جابووهم صبر وامصاب
يم الباب
اطفال أصيح بويه وكلبي عنهم شاب
يم الباب
ذبلنه من الشمس يم وكفت البيبان
وتعرف حرها ما يعرف بشر تعبان
وتعب بوجوهنه التراب وأثر دخان
ضعن بس نسوه وأطفال وبلا خوان
هنا ماتت رقيه حسره فوك الرأس
هنا كل نضره بيها تجرح من ناس
هاذ الشام هاذ الشام
_
نص ديوان
جابونه سبايه والقصر بس عدوان
نص ديوان
تضاحك شماته علينه ياهو الچان
نص ديوان
القصر للشوف واحنه بينه اثر دخان
نص ديوان
من بعد الدلال ولمت الخوان
نص ديوان
تغير اسمي والغربه عليه اتصيح
اوكف ماليه من زحمه بس ماطيح
ثكيل اسمي جنت هسه يزته الريح
ويزيد كبال شماتي عليه يصيح
جنت اتمنه موتي ويلمشو عني
ولا موتن غريبه واهي تجرحني
هاذ الشام هاذ الشام
_
راح ارتاح
راح ارتاح من ضيمي وحجي المرتاح
راح ارتاح
من وني وعذابي ودمعي والانياح
راح ارتاح
يشيعوني جنازه وما عليها اصياح
راح ارتاح
من كل ذكريات الخيل والذباح
راح ارتاح
الجنازه تريد جف من الخو يحمل
واني موتي مهضومه وتعب يكتل
هضم افراكم نص الكلب يشتل
هاشم وينها وين الحجي اليعدل
اخر لحضه اباوع دكت الباب
اغمض وانا نص كلبي حمل وعتاب
هاذ الشام هاذ الشام
خادم القصيده
ابو معصومه اللامي
مُتَباركين بِولادَة الأعظَّم بعدَ الرَّسُولِ الكَريم ﷺ ثَبتَنا الله عَلىٰ وِلايته وجَعلهُ الله شَفيعًا لَنا في الدُّنيا وَالآخِرَة
Читать полностью…
ناد عليا مظهر العجائب * تجده عونا لك في النوائب
كل هم و غم سينجلي * بولايتك ياعلي ياعلي ياعلي
نادِ عليا مظهر العجائب * تجده عوناً لك في النوائب
علي علي علي علي يا علي
يا علي اسمك بالقلب منرسم ياعلي
سبحان رب إلصاغ لك هالإسم ياعلي
يا منبع الجود و كنوز العلم ياعلي
و ثغر الموده بمولدك مبتسم ياعلي
آخرة و دنيا بمنهجك نلتزم يا علي
و عن قلب صادق بالعدل نعتصم ياعلي
أنت لواء الفخر و المناقب * و جوهر العزة و المواهب
علي علي علي علي يا علي
ناد عليا مظهر العجائب * تجده عونا لك في النوائب
علي علي علي علي يا علي
اشرف اسم فوق الضمير إنكتب يا علي
اسمك و فضلك نال أعلى الرتب يا علي
ما يوم نورك يا بوحسين انحجب يا علي
هالفضــــــــل بارينا لوجودك وهب يا علي
كل الوجـــــود تراب و انت الذهب يا علي
حبك فريضة و بالشرايع وجب يا علي
شأنك فوق الشأن و المراتب * يا بلغة الإحسان و المكاسب
علي علي علي علي يا علي
ناد عليا مظهر العجائب * تجده عونا لك في النوائب
علي علي علي علي يا علي
للكون انت السور و انت العمد يا علي
بوجودك الدين الحنيف إنوجد يا علي
يا أسد غالب ما شبيهك أسد يا علي
و بزودك الخالق يا حيدر شهد يا علي
بالحشر بس حبك يا حيدر سند يا علي
لا مـــــــــــال ينفع لا أهل لاولد يا علي
يوم ظهور الفضل و المثالب * لا ينفع الأدنى من الأقارب
علي علي علي علي يا علي
ناد عليا مظهر العجائب * تجده عونا لك في النوائب
علي علي علي علي يا علي
حبك اصبح ميزان كل البشر يا علي
و تمييز ما بين الفحم و الدرر يا علي
رب الجلالــــة بهالموارد امر يا علي
و العدل لو ما صارمك ما ظهر يا علي
للباري هذا الأمــر لاح و صدر يا علي
و بضامرك سر الجلالة استقر يا علي
نورك فوق شعلة الكواكب * يلوح في الاشراق و المغارب
علي علي علي علي يا علي
ناد عليا مظهر العجائب * تجده عونا لك في النوائب
علي علي علي علي يا علي
محور العزة و الفخر يا علي ياعلي
بيك الشدايد و المحن تنجلي ياعلي
باسمك يظل صوت الدهر يعتلي ياعلي
انت أميــــــــر الكون و انت الولي ياعلي
من صارمك قلب الكفر يصطلي ياعلي
ينبوع وجدانك صبح منهلي ياعلي
شمسك تمحو ظلمة الغياهب * و غاية تزهو على الرغائب
علي علي علي علي يا علي
ناد عليا مظهر العجائب * تجده عونا لك في النوائب
علي علي علي علي يا علي
يا باالحسن لابد يدور الفلك يا علي
و نسمع بطاغ العصر قالوا هلك ياعلي
و ردود يابالحسن نرجع إلك ياعلي
من عالبعد بالشوق نتأملك ياعلي
بكلمة محبة من القلب نسألك ياعلي
هم تظن قلبي لغير حبك سلك ياعلي
سيغلب الأمر على النواصب * و ينهلون الخزي في المشارب
علي علي علي علي يا علي
ناد عليا مظهر العجائب * تجده عونا لك في النوائب
علي علي علي علي يا علي
هم نرجع و ننشغ عطر حضرتك ياعلي
و نزورك و ننظر قبس قبتك ياعلي
شيعتك إحنا و تعلم بشيعتك ياعلي
عندها أمل معقود بزيارتك ياعلي
ارواح النا تهيم بمحبتك ياعلي
و للموت ما نترك نهج سيرتك ياعلي
رغم اولي الأطماع في المناصب * أتيك سعيا و الهوى ركائب
علي علي علي علي ياعلي
ناد عليا مظهر العجائب *** تجده عونا لك في النوائب
علي علي علي علي يا علي
الشاعر جابر الكاظمي
أَخِي المُوالِي ضَعْ اسمَكَ لتكُنْ مِن زوَّارِ مولَى المُوحِّدِين ويَعسُوبِ الدِّين، أميرِ المؤمِنين (عليهِ السلام) فِي يَومِ مَولِدهِ المُبَارَكَ
اضغط عالرابط 👇واكتب اسمك بالتعليقات
https://www.instagram.com/p/C2cPCB0K3P2/?igsh=MWw4bTM4NW84MGF1dA==
#شور #شهادة_السيدة_ع
اني الحبيبه ....وصرت الغريبه
بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس
تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان
من فزعوا ليه يضحكون اعليه موش شيعوني
ضعفانه هوايه والوادم هايه حيل يسَمعوني
لحگوا يخواني الشام اذاني وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز
يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال
يمعدلل العدله ضلت بس هزله ما جابوا ليه
بيه شكد عالو اسمعهم گالو هاي المسبيه
المارحموا جثتك ميرحمون اختك لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان
ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال
عطشانه عيوني يالماجيتوني حسره بدلالي
وحْدي وحيرانه لا امي اهنانه لا ابوي الغالي
السجاد امحير بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير
الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام
هيج وكون اني ميته وي اخواني وبنصهم گبري
اتراب من الخيمه ودم اهلي وضيمه يخلون بكتري
بهيده ينزلوني خاف ايلجموني ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون
گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل
اركض محنيه دم برجليه الطف كله انياحه
عثره تجر عثره مدري شكم مره فريت الساحه
عمري بس لجمه صار اسمي الهضمه ما شفت الراحه
عبدالله الشويلي