1950
@telegram.me/amarr_hasnn
يا ناكه شجاج وما عرفتيني
بلله امشي اعله كيفج لا تطيحيني
*
فاركني العزيز وطول افراكه
ومشتاكه لخوتي اهوايه مشتاكه
نزليني اعله هونج بلله يا ناكه
خافنج كبرتي وضيعيتيني
****
للعباس اصد ونوبه اصد لحسين
طريت الصحاري ويجري دمع العين
بزينب وين يا ناكه صحت تردين
امن اتعرجين يا ناكه تعذبيني
**
كمت الراس اهبطه من يشتموني
وانواع الحجي كامو يسمعوني
بحجار وعصي ضلو يراموني
من الناس بيدي كمت اسد عيني
****
يا ناكه اعله هونك بالمشي واني
انه الضيعيت بكربله اخواني
يتفرج عليه القاسي والداني
ردت عباس يمي ويسمع اونيني
*****
تاليت العمر بحبال مجتوفه
وبروس اخوتي طبيت للكوفه
اشبيها الناس كلها اعلينه مصفوفه
صحت وينك يحيدر كوم حاميني
***
من الناس في يا ناكه سويلي
اباتن بالخرابه اشلون كليلي
امصاب حسين عذبني وهدم حيلي
ومحتاره بيتامه ازغار تدريني
*
كلبي امن القهر ومن الحزن خلصان
والله ايعينها التبكه بلايه اخوان
تره اهوايه اهضمتني طبت الديوان
يا ناكه الهلي ناديت رديني
***
يا ناكه اشوفج حيل حنيتي
ومثل اونين زينب هيجي ونيتي
اليوم امن الزلم خالي صبح بيتي
يا ناكه بدمعتج حيريتيني
**
تمت
تحسين الخفاجي
قصيده ثكيله بحق الفاقد احباب
هم ترد ذيج اليالي...وهم ترد كعداتنه
نلتم ونكعد سويه...نسولف بجلماتنه
غفل شوصارالسفر....اه منك يادهر
عشك عاشكها اضن فركاتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
صارت بعيده يكلبي..الكعده وياهم بعد
ذيج كعدات النودهم..راحت ولاضن ترد
جانوا اويانه ونسونه..وهسه ناموا بالحد
حيل مر اجفاهم....كلبي ما ينساهم
راحوا وماسمعوا بوناتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
الف ونه بكلبي صارت..يوم حاديهم سره
عيني من راحوا عليهم تربي دوم امساهره
وروحي مثل الطفل ضلت..وبدربهم ناطره
شبيه ويانه الوكت..كلبي يصرخ ماسكت
يتونس بدمعاتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
وحشه صارت كل حياتي..ونكطع حبل الوصل
بيوم شالوا ياحسافه..وصارفركانه غفل
هم يرد بيهم زماني..مااضن يرجع كبل
اتطشرت فرحت سنيني..بقت صورتهم بعيني
وختفت بسماتنه
ماترد كعداتنه
🎤🎤🎤🎤🎤🎤🎤🎤🎤🎤🎤🎤
الم صفحت ذكرياتي..اليوم ودعت الفرح
مايطيب الكلب جرحه..بعد شيطيب الجرح
عيني سهرانه ويه ليلي..مناطره نجوم الصبح
ويه ليلي الماانامه..اون ونات الحمامه
ونتهت عشراتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
عشره يا عشرتنه جانت...ليش خلصت بالعجل
بهيده ياموت اويه اهلنه..شويه ريض بالاجل
كلبي من يوم الي شالوا..صار معلول بعلل
محزن ودوم ايتألم..عالبجي والون تعلم
نغرك بحسباتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
بقلم الشاعرة سحر ام كرار الساعدي
غير مبري الذمه من يحذف اسم الشاعر
الشاعره سحر الساعدي:
#عقول_البشرثلاثة:
عـقول عظـيمة : تتكلم عن الأفكار
عقول متوسطة : تتكلم عن الأحداث
عـقول صـغيرة : تتكلم عن الناس
فاحرص على الأولى وقلل من الثانية
واتـرك الثالثة👌.
الله يمسي صادق القلب بالخير
صدره نظيف وكل حكيه صراحة
أهل النفوس الصافيه قربهم غير
متبادلين الطيب في كل راحة..
قالت فاطمة الزهراء (ع) :
في وصف خير النساء روى أن أمير الـمؤمنين سألها :
ما خير النساء ؟ قالت :
ان لا يرين الرجال ولا يرونهن . وفي رواية :
لا يرا هن الرجال .
🌧☂
*تغـــريدة صباح☂*
*لكل انسان بصمة يمتاز بها عن الغير..*
*البعض بصمتة الحكمة..*
*واخرين بصمتهم الصدق..*
*واناس بصمتهم العقل..*
*ولكن الاخلاق الجميلة..*
*تجمع جميع البصمات..*
*تبقى لك بصمة لن تزول..*
*حتى بعد رحيلك*
*تمسكك باخلاقكك.. ترتقي..*
*وتصبح انسان جميل الروح..*
*وجمال الاخلاق.. يكفي عن جميع البصمات..☂*
*✍🏻همسة الروح 🌧☂*
🌿همسة الصبــــاح 🌿
🍃❂" اللهُم أغْسل قلوبنا من أوجاعها ؛ وأرزقُنا من فيض كرمك سعادةً لا تنْقطع ، وأشرح صدورنا ويسر امورنا اللهم صبّحنا صباحاً تنشرح فيه الصدور، وتقبل فيه التوبة، وتتسع فيه الأرزاق، ياخير من سُئل وأكرم من أعطى يا حيّ يا قيّوم اللهم امين
🍒صبــــــــاآٍْآٍٍْْآٍٍٍْْْآٍٍْْآٍْح اآٍْآٍٍْْآٍٍٍْْْآٍٍْْآٍْلخيــــــــر🍒
تَعَالَ أَسْكَن سَوَاد الْعَيْن
تَرَه عُيُونِي يُرِيدنك.
عِنْدمَا تَقُولُون يَا اللَّه ،
اللّسَان لَا يَقُول يَا اللَّه فَقَط !
وَإِنَّمَا القَلب يَقُول يَا اللَّه .
- السَيّد مُحَمَّد رِضَا اَلشّيرَازيّ 💙.
{و يبقى الحزن صديق مخلص لا يريد تركنا 🥀🖤}💔
Читать полностью…
الجانت تشوفه بوجه الحسين
عالثره اموذر شافتــــــه العين
يتطشر اشما رادت اتلمــه
ولا كتر سالم منه واتشمه
ــــــــــــــــــــ ــــــــــــــــــــ
اه ياليلى وحزنـــــــــها وياتعب ذاك الربه
بالشباب اتشد ظهرها وماتطيح امحسّبه
نايبه صار اعله امـــــــــه المنذخر للنايبه
بتسع لشهور وسهرها اتحلفّه واتطالبــــه
تشتاگله لحضات اذا غاب
شتسوي اذا ضماه التراب
متحيّره من ياجهه اتلزمه
ولا كتر سالم منه واتشمه
ــــــــــــــــــــ ــــــــــــــــــــ
ساعة اوداعه عليها اشد من درب اليســــــر
حسين اذا مات بوداعه منيــلها هيه الصبــر
كل حلم عدها اويه ابنها راح واتلاشه العمر
عينها بعين ابو اسكينه خبـــــر مفرح تنتظر
كض گلبه وايگلها يليـله
الخيمتج طبي واندعيله
راح ابني صاحت من طفح همه
ولا كتر سالم منــــــــــه واتشمه
ــــــــــــــــــــ ــــــــــــــــــــ
بعين الحسين المصيبه لاحت ومات الحلم
وبالولد مكروه اذا مَـــر گلب الأم عنده علم
بگد بجيها انغمه اعليها واعله حيل المنهدم
فزت وشافت املها وذر شايلته الزلــــــــــم
ركضت لبنها اتگوم واتطيـح
هذا ابني لا مااصدك اتصيح
جنها انعمت من عاينت جسمه
ولا كتـــــر سالم منه واتشـــمه
ــــــــــــــــــــ ــــــــــــــــــــ
تشوف اليصبّر عليها شابگ اوليده وينـــوح
هذا وكت الجزع صاحت وكشّفت كل الجروح
تشيل وصله اتطيح وصله ليش عن امك تروح
اتگله من تموت يمه جثه اظل ابلايـــــه روح
يحسين امسح بيدك اعليه
بلكي تگله ايرد نفس بيــــه
ويفتح اعيونه ويحجي وي امه
ولا كتــــــــــر سالم منه واتشمه
ــــــــــــــــــــ ــــــــــــــــــــ
جيت من الوطن بيـــــدك بيش اردن للوطن
حسين لو ذبحوه تگله يضيع يوليدي الضعن
غمّضِت ياضوه اعيوني يبني واعيوني عمن
دمّعن والدم عليهن اعيونك اعله امـــك بچـن
يم جسمك الليله بلا انفــــاس
وباجر اگبالي اعله الرمح راس
رادت تشبگه وخافت اتلجمه
ولا كتـــــر سالم منه واتشمه
ــــــــــــــــــــ ــــــــــــــــــــ
علي محسن الزيادي
مشتاگه للمـا يسـألــون
مشتاگه بس مايــردون 😭
مشتاگه يادمع الإعيون .. .. الاعيون
ــــــــــــــــــــــــــــــــــــــ
التـرافـــه البيه من إحسين والفــطــره
الحمامه براسي حطت وانه مو شجـره
صبيت الدمــــوع وفــــــارشه السفــره
للعصفـــور گــطــره وللــــورد گــطـــره
أنتظر بس دگــة الباب
أنتظر والـدنيه سرداب
أنتظر مرسال الاحباب .. .. يودون
ــــــــــــــــــــــــــــــــــــــ
ربع العافـيــه البـاطــيــر لــو عـنـدي
چـا من غبشة الله سافــرت وحــدي
أدموعي اسياط چنهه اتورم ابخـدي
أظن كبرت رقيـه وصــارت ابــگــدي
وأسكينه الخاطبهه جسام
وأسكينه زفـــوهه بسهــام
وأسكينه شـتسـوي بالشام .. .. يالأضعون
ــــــــــــــــــــــــــــــــــــــ
اليحلم بالقــوافــل لو سفـر لــو مــوت
المــاعــنـده علــي يختنـگ بالتـــابـوت
بسنابل عمري منجلهم يحش بسكـوت
غشيمه وبـدلـــت فحمات باليــاقــوت
ذول أهلي المـاردو الضيف
ذول أهلي وابردوة الصيف
ذول أهلي أتمنه بالطــيــف .. .. يمرون
ــــــــــــــــــــــــــــــــــــــ
عبد الله مشه وطول السهم طوله
الدللــول الـــولــد مشتـاگه گلــوله
بير وچـم مــهــد وگـــمـاط ودوله
وأبذكــرة المــولد خيمه إشعلــوله
أتخيل رايدله چـف ماي
أتخيل بس النعش جاي
أتخيل لو سمعو أبچـاي .. .. يفزون
ــــــــــــــــــــــــــــــــــــــ
أنعس وأنتچي إعــلــه البــاب ما غمض
مثل البيرغ إبــراســي الشمس تـركــض
بت قران وبوجهي الدمع الدمــع يحفظ
دمــي إيصيــح آيــحــســين مـن ينبض
ياگلبي لاتــنــتـــضـر لا
ياگلبي ماظنهم احـيـاء
ياگلبي شاء القدر شاء .. .. يموتون
ــــــــــــــــــــــــــــــــــــــ
كتاب اللـــه افتحه وتطلــع الخيره
الشمر ضــــالم ولو القى معــاذيـره
تره الخيمه صــــلاه والماي تكبيره
وضعن زينب بأرض الشام تفسيره
مسبيه چن عمتي ياناس
مسبيه يـــاوردة اليـــاس
مسبيه وأگــبـــال عبـاس .. .. يشتمون
#العبدالحسيني_محمدالجماسي
قناة جروح عاشوراء
یوسف الزهراء 💔
لطمية هلالية الشاعر قاسم الساعدي المندلاوي
اهلال هذا لو جرح كل محرم ينفتح
قوس وامحمَّل دماء سالت ابطف كربلاء
كل محرم ينفتح كل محرم ينفتح
**
كل مصاب ايكون بالقادم مصيره
ماضي ما ينذكر باحداث الچبيرة
ما تطالب بي عمام اولا عشـــيرة
ويبقه للأجيال سالوفة زغيـــــرة
إلا ما حل عالنهر باقي ما دام الدهر
من رجالٍ أوفياء سالت ابطف كربلاء
كل محرم ينفتح كل محرم ينفتح
**
من يهل يحمل معآ ذكرى ألـــيمة
رادوا ايغطّونهه ابقصة سقيــــمة
عام بي يبدي وأله حرمة عظيـمة
گالوا وحتى البشر تنسه الجريمة
گالوا انأكد عليه عام هجري يبدي بي
ليهه بس يحله العزاء سالت ابطف كربلاء
كل محرم ينفتح كل محرم ينفتح
***
چنه شايل سيف حاد ويطبر اگلـــــــــوب
وچنه شايل صورة بيهه حسين مخضوب
كلمن ايشوفه دليله ابحسرته ايــــــــذوب
ابسهم من عنده يحس ابحاله مصــــيوب
تحچي حاله دمعته من يغص ابعبرته
تنذكر وكت الرثاء سالت ابطف كربلاء
كل محرم ينفتح كل محرم ينفتح
**
يبدي أول يوم والعاشر نهايــة
والنهاية اتكون للشدّة بدايــــة
بي يزيد ايخون بالطف الولايـة
ابذبحة السبعين والباقي سبايه
بي قوانين الأرض رادوا الهه تنفرض
من بعد ذاك العناء سالت ابطف كربلاء
كل محرم ينفتح كل محرم ينفتح
***
من نصد ليه مدري نذكر يا مصيبة
منهه ظلت عامرة الدنيه عجيــــبة
نذكر المذبوح والشيبة خضــــــيبة
لو عطش من عنده يتوجّر لهيــــبه
لو ألم نهر الفرات صار صارم عالأُبات
لجل هالدين ابسخاء سالت ابطف كربلاء
كل محرم ينفتح كل محرم ينفتح
****
اتروح الايام وترد واحنه انتذكّــر
اگبال أخته الصابرة حزّة المنــحر
ونذكر اعيال اعله محنتهه اتّصَبَّر
بالمدامع سكتة خوف امن التجَبَّـر
وچنه ننظر للشباب ليهه حل وكت الغياب
ابغدر أولاد البغاء سالت ابطف كربلاء
كل محرم ينفتح كل محرم ينفتح
ترضاهأ على هزله حسين زينب طبت الكوفه
==
طبيت على هزل حسين خويه وروحي تعبانه
وحداي ضعن مو خوش يم الناس جابانه
تتنادس علينه ناس هاي فلانه وفلانه
وأنه عله الهزل يا خوي خطب ويدي مجتوفه
ترضاهأ على هزله حسين زينب طبت الكوفه
==
جابونه على هاي الناس عمدن تنضر علينه
گوم گعد يخوي حسين شوف شبينه ما بينه
بنص السوگ ياهو الگام يا خويه ويحاجينه
وطول اختك يبعد روح ياهو الگايم يشوفه
ترضاهأ على هزله حسين زينب طبت الكوفه
==
ما عدهم رحم يحسين خويه هنانه جابوني
وليمت جمعو هل ناس وأنه بنصهأ خلوني
صدلك ورجع العباس خويه ويجرن عيوني
ناس بلا رحم وخلاق خويه لجيتي ملهوفه
ترضاهأ على هزله حسين زينب طبت الكوفه
==
كثرت العتب يحسين هاك اسمع فرد كلمه
صعبه عله لعقيله حسين توكف ولخلگ لمه
توكف بت علي يحسين يم هاي زلم زحمه
جرح لبل گلب يا خوي گوم بجفك وروفه
ترضاهأ على هزله حسين زينب طبت الكوفه
==
نشدو عنكم الشمات گالو وينهأ خوانج
شو هسه على هزله ام عون اميره وفارق مجانج
هاي على رمح بل سوگ زينب روس وليانج
گلتلهم اخوي حسين راس وأنه ما عرفه
ترضاهأ على هزله حسين زينب طبت الكوفه
==
سعيد العكيلي
غمض عيونه ورحل ونعشه عالروس انحمل
راح الجواد
**
فوك سطح الدار مرمي اشلون جسمه
ولا كرابه ولا عشيره تنوح يمه
الهوه جان امن الالم كوه يشمه
ضل يجود بنفسه والسم سره بدمه
وحده ضل ابلا اهل ونعشه عالروس انحمل
راح الجواد
**
ضل ثلث تيام من بعد المنيه
ابلا غسل وبلا جفن يهل الحميه
مثل جده حسين برض الغاضريه
لجن ما سحكت اضلوعه الاعوجيه
امن الشمس والحر ذبل ونعشه عالروس انحمل
راح الجواد
****
اخر اللحضات ون وبكلبه جمره
راد مثل حسين خيل ادوس صدره
والشمر راسه يطبره اثنعش طبره
والمثلث كون يحفر حيل ضهره
جده عطشان انجتل ونعشه عالروس انحمل
راح الجواد
****
ليش ينسم والامام بعز شبابه
اشلون يتحنه الجواد بدم خضابه
مات عطشان وغريب اعله الترابه
الهادي ضل ينوح ويون المصابه
والدمع عالخد همل ونعشه عالروس انحمل
راح الجواد
**
ليش اليفارك ابو ينهد كيانه
ويبقه من يشتاك يتعنه المكانه
الابو خيمه ومحد ايعوض حنانه
الهادي ضل يصرخ ابونه فاركانه
انحنه وياه بالمغتسل ونعشه عالروس انحمل
راح الجواد
**
العنده دمعه اليوم خل يبجي الامامه
تنحب اعله امصابه هليله اليتامه
بالشمس وتضلل الجسمه الحمامه
والحزن بوجوهنه تارك علامه
والهم بثكل الجبل ونعشه عالروس انحمل
راح الجواد
*
تمت
تحسين الخفاجي
الإمام الحسين
تعالن يل حراير
نسولف ضيم باچر
باچر راسي مگطوع
وخيل دوس الضلوع
تعالن يل حراير
😭😭
تعالن خل نسولف بويه عن باچر
ابوچن بل معاره يدوسه الف حافر
اريدنچن تصبرن يا ضوه عيوني
نخيت الباري طول ليلة العاشر
زينب يمي تبجي
اشمنه وتشمني
حيره حسين حاير
تعالن. يل . حراير
😭😭
نسولف ول سوالف بيه الف نغمه
باجر ها وكت مذبوح ابو اليمه
وما ضلت فرس ما تدبج اعله حسين
ومن جوه الحوافر جسمي لمنه
ما ضن تعرفني
وانتن مو هذني
وذر بل گاع صاير
تعالن يل حراير
😭😭
تعالن خلي املي عيوني بصورچن
خافن. بويه باجر. ما أشوفنچن
وصيچن وصيه بزينب من أنطيح
ما. تكدر. بعد عيننهه عمتچن
من توصلني زينب
ذبيح وگلبي شيب
وراسي بيد فاجر
تعالن يل حراير
😭😭
تعالن عل الصدر خلني أضم بيچن
شمن بيه انتن وانا اشم. بيچن
كلامي تمعنن بيه بويه علويات
اسمعن شور زينب من تحاجيجن
من نطيح كلنه
ركضن يم أختنه
لعسكر يمه داير
تعالن يل حراير
😭😭
تعالن ول تعالن تاذي اشوفنه
أسولف بس رقيه يرتفع. ونه
عمت عيني اعله وجهج ها كثر ذبلان
وخرن من رقيه ويمي جيبنه
تشمني وانا اشمه
لا. يكتلهأ. المه
كلبه. بنار فاير
تعالن يل حراير
😭😭
سعيد العگيلي
كن صادقاً في حياتك قولاً وفعلاً
ولاتكن متناقض بين قول جميل وفعل
لا يليق بك فمن جمال الحياة وروعتها
و أن يتوافق كلامك مع فعلك..
الليل اجه وماكو هلي - موتني المتانه اشلون
غير اهيد من الضياع ... هذا الدرب راد عيون
وانه البقه بيه فقط ... بس نظرة تنطر عباس
وادري الگمر لا ما يجي
وطبع اليموت يناطر
اولاده واخوته التعتني
اليوم اجو ها باچر
ما يجون .. موتي هيچ
وهل الكلام .. خله بيچ
ياروحي قسمتنه هاي
الله راد ... لوحدي اضل
ارضه كون .. وما امل
والحسره تفضخ مبچاي
ما تنجبر اااااااايا كسرتي
الموته احسن من هظمتي
شمتانيه شعدچ بعد .. خليني ياروحي ارتاح
اشضل تره حته اگول - اشضل الي وها ما راح
خلصيني مو والله اتعبت ... تعبانه كلش زينب
لوما وصيت حسين الي
ما يبقه بيه متانه
شيخلصه عمره وحيرته
اليعوف گوا اخوانه
شفت اخوي ... يبچي گام
بعينه صد ... عله الخيام
وصاني بطفال ااازغار
بس شگول .. عالزمان
البيه اصير .. بلا امان
وخلاني اواجها النار
اتريد خوااااااني سفرتي
الموته احسن من هظمتي
چتال اخوتي ورافگة ... چاا المن اتضل الروح
خل اموتن ولله اموت ... والحگ اخوي المذبوح
اتلاحگ الضل بالأسم ... خل تطلع الروح بليل
ليش ابقى احشم بالمشو
شيفيد محد يفزع
اتمنيت بيرغنه اليرف
لو سيف اليه يطلع
ما يفيد - هل الكلام ...
موتي هيچ بلا كلام
الدمعه لو طاحت ترد ?...
كافي عاد .- ياعيون
غمضي اي - ما يوجون
بلا ماي شيفيد الورد
ولا ما يسمعوها كلمتي
الموته احسن من هضمتي
اليعيش وي غربه بعد .. ما تمسح ادموع الناس
لا ما تحن عليه الغرب ... محد يحن بس عباس
الغربه متحب اي بشر .... مو غربة الشام انوب
حفظو اسامينه بكثر
ما شتمو بهلي اهناك
والشمس ما خلت وجه
وتضحك الناس لمبچاك
اسمعتي زين .. ما نسيت
اي يروح ... جگد بچيت
ولا انسه لوعات الشام
شنسه اريد ... بذاني صاح
بت علي ... وگلبي طاح
هاذ الصدگ ماهي اوهام
المهم يا روحي وعبرتي
الموته احسن من هظمتي
✍️ابو فضه الحميداوي
اللهم
تولي أمري في كل ما يهمني .🤲
واغفر لي جميع الذنوب التي لا يسعها الا حلمك 🤲
ولا ينجي منها الا عفوك🤲
وحصنا اللهم من كل عمل يحجب الأرزاق 🤲
واحفظ صدورنا من الغش والنفاق 🤲
واكتب لنا ان نكون من السابقين الفائزين برضاك 🤲🤲🤲
💐 إشراقة الصباح 💐
بسم الله الرحمن الرحيم
" والصبح اذا تنفس "
ما اجمل الصباح اذا بدء بالصلاة على حبيب الله.....
ما اروع النهار اذا ترطب بذكر الله .....
ما ابرك الحياة اذا ملئت بطاعة الله .....
ما احلى الايام اذا كان فيها من يحبك في الله.....
جعل الله صباحكم نورا وطاعة
🌺 صباح الخير 🌺
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ما أرهق الأرواحَ مثل التعلّق بزينةٍ زائلة...
فإذا خلَت قلوبُهم عن الدنيا، تنفّست راحةً لا تُوصَف،
فـلا يذوقُ حـلاوتَـهـا حقًّا، إلا مَن صافح روحَهُ نورُ صاحب الزمان (عليه السلام).
:الدنيا فانيه هذا الواقع وبارك الله ب الإنسان الي خزن العمل الصالح ويروح لله سبحانه وتعالى بوجه ابيض .. خذ القناعة من الدنيا وارضئ بها
واجعل نصيبك من منها راحة البدن
ونظر لمن ملك الدنيا بااجمعها
هل خرج منها بدون القطن والگفن،،،،
#أبوذيات
اسياط البلمتن صارن..ويعليچ
المخيم وانظر لناره..ويعليچ
اگوم ابيا وضع خوية..ويعليچ
وأنه لا شوف لاچفين اليه
ابضيم الطف عليك حسين..ظليت
اخوي وبالعباية اشكثر.. ظليت
عگبك لو تشوف ام عون.. ظليت
جلد وعظم و ايگودون بيه
فاضل الجهلاوي
#تراث
زينب يالتنشدوني عليها
زينب بالخرابه منزليها
ياهند اشتنشدين
وانه الچنت زينب
ــــــــــــــــــــــــــــــــــــــ
بالله ياهند ارد انشدچ صدّي ليه وجاوبيني
ليش غيرني زماني وليش كون تضيعيني
راح يوم الچنت زينب بيه وإنتِ التخدميني
وراح الدلال البيه عشت
وإنصبت بالطف إنصبت
إشچنتي ياهند وشچنت
واصبحت ماتعرفيني
هم يخطر إبالچ ياهند چان
زينب تنسبي وتوگف بديوان
آنه واليسر وين
وانه الچنت زينب
ــــــــــــــــــــــــــــــــــــــ
هند من عالكرسي طاحت وصرخت والگلب يلهب
ليش متغيره رسومچ يالعلي والله يزينب
وين البيوت المزهره راحت والخدر المرتب
الله الله شجره
بهلچ وحالچ غيره
صاحت وديعة حيدره
ماعلى المحتوم معتب
دهري هدّم بيوتــي عليّه
وتدرين شعفت بالغاضريه
عفت اهلي مطاعين
وانه الچنت زينب
ــــــــــــــــــــــــــــــــــــــ
شلون صدّت فزع صدّت هند تصرخ يالعقيلة
ليش ماتنشف عيونچ وليش حسراتچ ثجيله
وين ذاك الخدر راح وين ابو فاضل چفيلة
صاحت بصوت الفاجعه
عباس ظل عالمشرعه
ومنه الچفوف مگطعه
وهدّمت لحسين حيله
يوم الچان ابوفاضل وجوده
سالم والعلم ملتزم جوده
من چانت الچفين
وانه الچنت زينب
ــــــــــــــــــــــــــــــــــــــ
ياهند گطّعت گلبي غربتي بشفرة الونه
ضمدي اجروح البچبدي ولا تنشديني عن اهلنا
ومادريتي شلون نزله بكربله يوم النزلنا
صعدت صواويـن الإبه
وخدور بيها مرتبه
بسيوف أهلها محجبه
والفلك گطبه بنزلنه
ويدير الفلك گطب الفراسه
والعباس فاروق الحراسه
وبذيچ الصواوين
وانه الچنت زينب
ــــــــــــــــــــــــــــــــــــــ
آخ يابيوت المزهره وآه يابدور المضيه
گبل ماچانت ضحايه جسومهم فوگ الوطية
مغسله بدم الشهاده مچفنه بثوب الحمية
چانت حياتي مأمنه
وحرّاس بيتي معينه
وماچنت هيچ مدوهنه
ودوهنتني الغاضريه
ومن چانت صناديد الرساله
تنهى وتامر بسيف العداله
ومن حي چان الحسين
وانه الچنت زينب
ــــــــــــــــــــــــــــــــــــــ
ياهند وانصاب گلبي بطبرة من طبرات الاكبر
آه ياجمرة شبابه بالگلب لسـّاعه تسعر
گبال عيني ومن اشوفه ضلع من جسمي يتكسر
وهدمت حيلي كربله
وگيدت عليل بسلسله
وفجر عيوني حرمله
من وريد الطفل فجر
وبحبال اليسر زرني زمانـي
وسهم العلگمي صكني وعماني
وطفى شمعة العين
وانه الچنت زينب
ــــــــــــــــــــــــــــــــــــــ
ياهند شحمل بعيني ويه سيل الدمع ساجم
حمر ويـخضّب چفوفي مثل حنة عرس جاسم
زفته وحسرة شبابه جمر بگلوب الفواطم
ياهند يكفيچ اليسر
وجرعت بالكوفه الصبر
والشام أصعب كل أمر
أچفي ظالم وأجي الظالم
وظهري بالرماح مكسرينه
ومتني بالسياط موسمسنه
وهذا علي الدهر دين
وانه الچنت زينب
الشاعر المرحوم
كاظم المنظور الكربلائي
اللهم_عجل_لوليك_الفرج
لطمية للعباس ع وزن تجليبة الشاعر قاسم الساعدي المندلاوي
**
راح والجود ابيمينه للنهر حامي الضعينة
من تعنه النهر حسين ظهره انكسر
**
موعدهه لو حل الكلافة اتريد راعيهه
معلولة وفزِعته امن الألم هيّه التداويهه
يتعنّه ويجي ابراحة گلب ما ينثني ليهه
كل فكره حدما تنجلي وتتلاشه ينطيهه
كون ما تگضي ابوجوده يعني ما فادت جهوده
يدري ماشي الخطر حسين ظهره انكسر
**
ألفرگة اتهد حيل الأخو من تلفي يا هالناس
شيوصّف الألم لمّن تجي يا صورة يا إحساس
هذا الحل على نهر الفرات ابطلعة العباس
هل دمعه أبو الأكبر على روحت أبو النوماس
عنده معلومة خفيّة موته بارض الغاضرية
ابسيف چنه انطبر حسين ظهره انكسر
**
ينظرله واتغص ابحنان الخوّة أنفاسه
يا محلا بي درعه كشخ راعي الوفه وطاسه
لكن لو طلع بي تنفجع يم النهر ناسه
تتگطع چفوفه وينفضخ لمّن يكع راسه
ناره تسعر من يصدله وين يلگي ايوافي مثله
بي يطعنه الدهر حسين ظهره انكسر
**
ما يرجع يعلم بي أبو السجاد من ايروح
بغيابه يبقه ابلا عضيد وموته بعده ايلوح
بحسابه عنده الكافل الطب اليداوي اجروح
لو مارَد يترك بي جروح وللحشر مَتروح
هوّه عينه وهوّه أيده هوّه بالشدّة عضيده
من بده هالسفر حسين ظهره انكسر
***
أفكاره راحت لليصير اعله الشريعه اويا
من يوگع بي تشمت شماتة مبغضين اعدا
لو ناده خويه ادركني ابيا حالة يتعنا
ويشوفه صريع وصابغ اتراب الأرض بدما
لو لمح متبدي جوده ورايته گَطعت زنوده
يلفي گلبه الكدر حسين ظهره انكسر
***
شيخبّر خواته وهالخبر قاسي ويهز اجبال
شينادي وخبر موته ثجيل ايغيّر الأحوال
أتوجّه على خيمة عضيدي من اردّاً گال
أطيّحهه لو طاحت يعرفن طايح الكفال
لو رحتله بيش اعينه وهوّه مگطوعة أدينه
يُبره ليه القدر حسين ظهره انكسر
قصیده المولاتنا زینب علیها السلام😭
عل الناکه وتونین...... شمظیعه
روس اهاليتج هاي .... امکطعه
┈$•┈┈┈•$✿$••┈┈┈•
┈$•┈┈┈•$✿$••┈┈┈•
لياكتر حزنج راح .. يم الحزن
شايلة انواع الظيم .. فوك المتن
لحالج كَامت النوكَ .. لجلج تون
عفتي بدرج مطروح ... عالمشرعة
عل الناکه وتونین...... شمظیعه
روس اهاليتج هاي.... ومکطعه
┈$•┈┈┈•$✿$••┈┈┈•
┈$•┈┈┈•$✿$••┈┈┈•
چفوف عباسج وين .... امشمره
سويتي عزة اهناك ... بالکنطره
صحتي یابا الغوث ... يا حیدره
احضرنه شوف الي صار بکربله
┈$•┈┈┈•$✿$••┈┈┈•
┈$•┈┈┈•$✿$••┈┈┈•
راکبه عل النوک وسمع........ ونین
اسمع جن صوت حسين.. خي الحنین
اعلية يازينب لا ... لا تعتبين
چن اخي هنا صوته اسمعه
┈$•┈┈┈•$✿$••┈┈┈•
┈$•┈┈┈•$✿$••┈┈┈•
جم طفل منج ظاع .. بالبر وكع
ودم عبدالله والشوغ . بيج انطبع
قصته وذاك اليوم ... كلبج كطع
ياجفن منج عاد .. كظ مدمعة
┈$•┈┈┈•$✿$••┈┈┈•
┈$•┈┈┈•$✿$••┈┈┈•
سکنه ورقیه تلوب.. من الرعب
للحزن والآلام ..... ماظل کلب
كل وكت من العين.. مدمع یصب
لو جبل هالاحزان .. هم توجعة
┈$•┈┈┈•$✿$••┈┈┈•
┈$•┈┈┈•$✿$••┈┈┈•
بدرب السبي لوعوج ... يمدللة
طول الممشى هالروح.... دم هاملة
ياعين الج وتشوف ... جف حرملة
وبدلالج جم سيف.......وبیظعه
┈$•┈┈┈•$✿$••┈┈┈•
┈$•┈┈┈•$✿$••┈┈┈•
تمت بعون الله تعالى
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر و
تفوز ابدنيتك والاخريه..يالرايد هويه
إخدم فاطمه الزهره الزچيه
يالرايد تفوز ابدنيتك والدين..وتنول الكرامه
أخلص بالعمل ويه ام حسن وحسين..توصل للسلامه
خدمتهه شرف باچر تكحل العين..ومابيهه ندامه
هالخدمه شفيعه...يحباب الوديعه
يهنياله الخدم بضعة نبيه
واضح بالكسا يالرايد التوضيح..عن فاطم واهلهه
كل هذا الوجود اتشوفه بالتصريح..مخلوق الاجلهه
عنوان الخلود الما تهزه الريح...بارينه جعلهه
أبوهه الهادي طه...ويرضه الله الرضاهه
ويرضه المصطفى عالترضه هيه
يامحله الخدم من تعقد النيه..والمأتم تحظره
والونه تصير ابكل حسينيه..والرادود يقره
يعشگوهه طريقتنه العراقيه..والصيحه يزهره
كل رده النردهه...عالزهره اولدهه
يسجلهه علي حامي الحميه
خدمة فاطمه اتقربنه للمعبود..والرفعه الجليله
مقام اللي خدمهه لاتضن موجود..بالعالم مثيله
اشما نبذل جهد وشما نريد انجود..للزهره قليله
لن بيهه شرفنه...وبالزهره انعرفنه
نموت وما نذل للناصبيه
نذكر فاطمه وتتعطر الأجواء..هذه أم ابيهه
وفقنه يرب الخدمة الزهراء..والدمعه عليهه
ماننسه مصيبة يوم عاشوراء..صحنه يالوجيهه
حسرتنه وبچينه...عليكم يالحزينه
وكل ونه المصاب الغاضريه
سيد علي الموسوي