1950
@telegram.me/amarr_hasnn
يا عذابي وهذي ساعاتي الاخيره
وآنه وحدي لا عمام ولا عشيره
من اغمض عيوني
عالجسر تلگوني
ودعوني ... ودعوني
...
گالو اصحاب المثل وآنه اسمعتهم
يا غريب اذكر هلك واتذكرتهم
چم سنه مرت عليه ما شفتهم
ودعت كل الفرح من ودعتهم
15 عام بسجن مرت عليه
15 عام السلاسل فوگ اديه
الغربه خطفت لوني
عالجسر تلگوني
ودعوني ... ودعوني
...
بغربتي وروحي ترف مثل الحمامه
اعليه ظل يبچي السجن هو وظلامه
واليفارگ اهله يا ليل الينامه
اشكبر بخته المات بين اهله وعمامه
ماكو واحد من هلي يسأل عليه
ما اجتني لا رساله ولا وصيه
جمره بين جفوني
عالجسر تلگوني
ودعوني ... ودعوني
...
دنيه ظلمه وما شفت بسماي نجمه
يا خلگ سجّاني ماكو بگلبه رحمه
شفت شباچ وهَوه احتاجيت اشمه
عالوجه بيده لطمني اشلون لطمه
من سطرني اتذكرت سطرة الزهره
عيني مثل امي بقت يا ناس حمره
والاثر بعيوني
عالجسر تلگوني
ودعوني ... ودعوني
...
يا صبر ينفعني واهلي مفارگيني
عيني عالباب شوكت طارش يجيني
چم سنه مرت وما شايف بنيني
والله لوليدي الرضا هايج حنيني
احچي وي روحي وجمر تنزل دمعتي
يمته اشوفن فاطمه المعصومه بنتي
يا من اتانوني
عالجسر تلگوني
ودعوني ... ودعوني
...
اسنين عمري اشموع ماتن شمعه شمعه
متاني ناعي الموت يمته بروحي ينعه
وينه سمهم خل يجي لچبدي يگطعه
انطيت موعد عالجسر وبيوم جمعه
يا عمر هذا الگضيته ودمعي هامل
برگبتي وبإيدي وبجدمي السلاسل
وسوط فوگ متوني
عالجسر تلگوني
ودعوني ... ودعوني
...
صار يوم الجمعه وانتو بأنتظاري
والتقينه وانتهت قصة مراري
هاي جمعه وجمعه تخمد بيها ناري
يظهر المهدي ويصير بسيفه ثاري
منين يبدي صاحب الطلعه البهيه
شچم ضلع وشچم نحر وشچم سبيه
لنصرته تشوفوني
عالجسر تلگوني
ودعوني ... ودعوني
...
خادم الحسين (عليه السلام)
كرار حسين الكربلائي
( ابو كُمَيْل)
شايل رحمة الله .. اعليك الباري صله
صل الله عليك يا ابا عبد الله
-----------
يانور النور .. ابوجهك آلاء
يابسم الله .. ياســر الــباء
قل هوه يعرف صفاتك واجتباك
نور قدسي من سـنا الباري سناك
ياضوانه انموت تدري ابلا ضواك
والشمس وضحاها .. من عندك ضواها
صل الله عليك يا ابا عبد الله
-----------
جل الخلاق .. وشگد منطيك
ماشـاء الله .. تــارس ايــديك
تستحق يحسين كل هذا العطاء
غبطــتك حــتى الرسل والانبياء
نعــم كــل هــذا جــزاء الكـربلاء
لجلك يابو الاكبر .. جنـــاتا وكــــوثر
صل الله عليك يا ابا عبد الله
-----------
السر اللاهوت .. انته التفسير
انته التسبيح .. وكاف التكبير
ابكــنهك احـتارت يمــولاي العــقول
ولــذلــك حايــر بشخــصك شــگول
يكفي انته ابن الوصي وابن البتول
ابحبك ابتليني .. والحب هذا ديني
صل الله عليك يا ابا عبد الله
-----------
سبحان الله .. ياخير الناس
احلى الاسماء .. انته وعباس
انه احبكم حب نعــم ماله نظير
انــتما نـــعم ولـــيــاً ونـصــــير
گلبي بيــكم هــايم وصاير اسير
كل ركعه بصلاتي .. بسمك بسملاتي
صل الله عليك يا ابا عبد الله
-----------
اهــواك اهــواك .. وكاتلني الشوگ
وگلبي المشتاگ .. بالحب محروگ
حبك امـن الله عطــيه وموكلام
اسئـل الله يزيــدني حب وهيام
حتى اسمي يصير مجنون الامام
وجنونك هويتي .. وعابس مرجعيتي
صل الله عليك يا ابا عبد الله
-----------
ســر الاســـرار .. ربك خلاك
ومخلي الناس .. لازم تهواك
الجاذبيه الحظرتك تجذبني اكيد
ولــذلك اسمــك بــنـص الــــوريد
اي يعيد الله وبــدونك مـاكو عيد
يالحبك سجيه .. اويه الدم يجري بيه
صل الله عليك يا ابا عبد الله
-----------
حيدر تركي الكربلائي
🌕 ولما سجن الإمام موسى بن جعفر (عليه السلام) في بيت السندي بن شاهك اقبل على عبادة اللّه فكان في جميع أوقاته مشغولا بذكره تعالى، وكانت عائلة السندي تطل عليه فترى هذه السيرة التي تحاكي سيرة الأنبياء، فاعتنقت شقيقة السندي فكرة الإمامة، وكان من آثار ذلك أن أصبح كشاجم حفيد السندي من أعلام الشيعة في عصره.
انها سيرة تملك القلوب والمشاعر فهي مترعة بجميع معاني السمو والنبل والزهد في الدنيا والاقبال على اللّه.
المصدر:حياة الإمام موسى بن جعفر (عليه السلام) : ج١، ص١٤.
#الشيخ_باقر_شريف_القرشي [رحمه الله
💔💔"حوائجنا في هذه الأيام هي بـ امانة موسى بن جعفر (ع) " 🤍
Читать полностью…
نعزي صاحب العصر والزمان الامام الحجه عجل الله فرجه الشريف باستشهاد الامام موسى بن جعفر عليه السلام عظم الله لنا ولكم الاجر يا موالين امير المؤمنين علي بن ابي طالب عليه السلام في قتل ولده بالسم موسى بن جعفر عليه السلام😭💔
Читать полностью…
مقدمة للامام الكاظم ع
.
.
.
مهـدويه المــدامع .. كاظمـيه المــواجع
وتضـل وَنــتنه ونــه زينبــيه
___
الليله چــن عـاشـور حــل وكــله اهات
الليله مو بس الارض تبچي السماوات
الليله نبچي اعيـون لامانبـچي دمعات
الليله مــو مالــت لطم بل مـال قامات
مرجعية حچينه .. مرجعية بچيـنه
المشت ياناس عالناگه سبيه
___
الليله كـون ادموعنه چـنــهـن خناجر
الليله ابن جعفر غفه ابحـظن الـمقابر
الليله تشـبه ابـو اليمـه بــيـوم عـاشر
الليله من صعت على صدره الحـوافر
للجسر من مشينه .. للجـسر وشلـگينه
جنازه امگيده ابگيـد المــنيه
_
بينه نـــار ونــار لامــــاتطــفـي تســعر
بينه شــوغه وهــاي كل ماجــاها تكبر
بينه حسره الفاجعة موسى ابن جعفر
بينه الله اليـدري يــومــه شــلون أثــر
محــنته مــو قليله .. محنته اشگد ثگيله
ونضل الها نون صبح ومسيه
__
بينه من طـف كربلـه واحـزان زينــب
بينه چـن خـيـمة عليـل ولـسـه تلهب
بيــنه بـس الـحـزن وحـده ماتـسـلب
بينه حـرگه عـالـذي بـسـجـنه تعـذب
وسفـه نـور الامـامه .. وسفه عاش ابضلامه
مثل عمته ابظلام الغاظريه
___
تبقه تجري عالگظه مسمـوم كل عين
تبقه يمــه امگيـده اگلــوب الـمـوالين
تبقه ريحـة كـربلـه بــرض الجوادين
تبقه جمـراته مثـل جمـرات الحـسين
إي وحق العلى التل .. إي وحـق التـكـفل
على الكاظم مدامعنه جريه
_
تبقه هــاي الفـاجـعـه محفـوره بالراس
تبقه عالمـسموم تبچي وتنحـب الناس
تبقه بينه امصيبته شهگه ويه الانفاس
تبقه اي والـذي نـاحت علــى العــباس
والـذي سلـبـوها .. والذي فرهدوها
على المسموم منبـطل العزيه
____
حيدر تركي الكربلائي
دكتور گـــلولي ويشــــافي الـــــوادم
گلتلهم أسمة وگالو أسمة الكـــــاظم
بس مايــــرجع كـــــلمن اتعـــــنالة
الكرم عند موسى ابن جعفر دايـــــم
دخيلك ٠٠٠ اليتعنة حظــرتـك
دخيلك ٠٠٠ رايد بس نظـــرتك
دخيلك ٠٠٠ من زغري عشكتك
ياسيدي يابالرضا
=================
من الــــزغر يتماشة حبك بيــــة
من خيرك انتـة امترسات أيديـــة
ريحانة الزهرة ونعـم من خيـــرك
ياموسى ابن جعفر يخير الـــدنـية
دخيلك ٠٠٠ ياشمــعة حياتي
دخيلك ٠٠٠ أحظرلي امماتي
دخيلك ٠٠ ياساعـــة نجاتي
ياسيدي يابالرضا
=================
ادخل حظــرتك جني داخل جنــــة
يابالرضا وبچفـــك انتـــة اتلمــــنة
يالخيـــــمة انتـة وتجمع الطامــــة
أبمجلــــسك يابالـــرضا سجلــــنه
دخيلك ٠٠٠ أرزقـــني رحمتك
دخيلك ٠٠٠ وفقني الخدمتك
دخيلك ٠٠٠ لاتگطــع نعمتك
ياسيدي يابالرضا
=================
وجهك شمس عالدنية هوهَ الضـــاوي
المنجرح أسمـــك يذكـــرة أيــــداوي
من المهد يتمــاشة حبــــــك بيـــــة
يعجـز يســولـف انتـة عنـــــــك راوي
دخيلك ٠٠٠ ياهوهَ البـــالريـة
دخيلك ٠٠٠ عطرك أيمــر بية
دخيلك ٠٠٠ ياشمس مضوية
ياسيدي يابالرضا
==================
دكتور بغداد وتشـــافي المرضة
اليگصدك بالحاجة ابد مترفضة
بحر الفضائل انتـة يا ابن جعفر
كلشي نريدة يمك احنة انفرضة
دخيلك ٠٠٠ ياحبـــيب الزهرة
دخيلك ٠٠٠ رايد انـــة نظــرة
دخيلك ٠٠٠ يالتشيل الحسرة
دخيلك يابالرضا
=================
كُتبت
السيد عبدالرحمن الموسوي ✍🏻
موسى بن جعفر عالجسر. گومو يشيعه انشيله
٠٠٠٠٠٠٠٠٠٠٠٠
مسموم بالله بياذنب وبياذنب ياذونه
بگيد السلاسل والسجن. تحت الارض يخفونه
يدرونه من بيت النبي وبالمصطفه يوصفونه
بالسم گضه ومات بسجن. ياويلي هدمو حيله
٠٠٠٠٠٠٠٠٠٠٠٠٠
فزّعو الروافض خل تجي. تشيل النعش لتعوفه
عالروس ينشال النعش. والشيعه كلها اطوفه
معروفه شيعة حيدره. وكت الشدد معروفه
تتحده ظلم الناصبي. ورواح هم تهديله
٠٠٠٠٠٠٠٠٠٠٠٠٠
شالتهم الغيره واجو. شالوا نعش واليهم
وتشيّع بهيبه وفخر. موسى وتفاخر بيهم
قَدمَو تعازي للرضا. قائدهم وحاديهم
عن والده گيد السجن. بيده الامام يزيله
٠٠٠٠٠٠٠٠٠٠٠٠٠٠٠٠
معصوم لاشك الرضا. يحفر گبر للكاظم
للحفره نزّل والده. بيده وتجهله الوادم
هذا الرضا الشال النعش. ما جاسه والله الظالم
تولّه الدفن هوه الرضا. بيده وأمر تغسيله
٠٠٠٠٠٠٠٠٠٠٠٠٠٠٠٠٠
بهذا الزمن وبكل زمن نحيي بدمع تشييعه
خدامه احنه وشيعته. أمر الامام انطيعه
مجلس عزاءه بحضرته. وللعالم احنه انذيعه
والمهدي حاضر بالعزَه يوم الفرج ندعيله
٠٠٠٠٠٠٠٠٠٠٠٠٠٠٠٠
باب الحوائج كل زمن والينه ما سد بابه
موسى بن جعفر مايرد. يكرم جميع أحبابه
يشفي المريض بحضرته. وعنده الرزق وسبابه
يربح اكيد وينسعد. كلمن يجي يشكيله
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#تراث
موشح
يا غريب الـدار يفداك العمر
إشچان ذنبك تنچتل بالسم غدر
ــــــــــــــــــــــــــــــــــــــ
تنچتل مسموم وإبحبس الرشيد
آه والنعشك يشيلونه العبيد
إمحدد إو ما فارگك ثگل الحديد
إلا من جسمك توسد بالگبر
ــــــــــــــــــــــــــــــــــــــ
لون من ساير الوادم ينچتل
إيشيعونه إو نعشه بالعز ينحمل
وإنتـه نعشك آه يالمالك مثل
عالجسر مطروح ظل يبن الطهر
ــــــــــــــــــــــــــــــــــــــ
سيدي إبدنياك راحه ما شفت
بالسگم والهظم والونه عشت
إومن سجن السجن تتسلم چنت
إو بيد حارس ناصبي إو مشرچ زجر
ــــــــــــــــــــــــــــــــــــــ
عادة المسجون لو أمسه المسه
يّخلون إوياه ضي إليانسه
آه بس إنته ينجل أهل اكسه
إبسجن مظلم تجرع إبچاس الصبر
ــــــــــــــــــــــــــــــــــــــ
عادة المسجون لو چان إبغرب
ينخشعله إو يحـن كل قاسي گلب
إشلون حالك سيدي إبسجن النصب
تجذب الحسرات تتلاهب جمر
ــــــــــــــــــــــــــــــــــــــ
عادة المسجون ما بين المله
إتوادده گومه إو بني عمه أو هله
إتشوف حاله إو بالدهاه إتسايله
وإنته ما چان إلك عون إو لا ذخر
ــــــــــــــــــــــــــــــــــــــ
إبكل حبس لو چان مسجون إو غريب
يصح مسلم عون إله الصوته مجيب
لچن بس إنته يبن بنت الحبيب
ما نغر لك واحد إمن أهل الغدر
ــــــــــــــــــــــــــــــــــــــ
إتلوج وحدك بالسجن مالك معين
إو لا گرابه إو لا أخـو مشفج حنين
واليسلي چبدك إلون والحنين
إي وحگ مجدك يمتبوع النصر
ــــــــــــــــــــــــــــــــــــــ
ما رأت عين إو إذن سمعت حبس
ما يمر كوكب عليه إو لاشمس
إو لا إلك بي چان يمنتب ونس
إو لايهب ريح النسم بيه إو يمر
ــــــــــــــــــــــــــــــــــــــ
ما رأت عين إو إذن سمعت أخبار
سجن ما ينعرف ليله إمن النهار
إلّه سجن البيه چنت يبن ألأطهار
مثل جُب يوسف إو يرها بالعسر
ــــــــــــــــــــــــــــــــــــــ
لو أوصّف سجنك الشيعتك چان
ما يجف منها الدمع طول الزمان
إو لا ضحك سنها إو رمت ثوب ألأحزان
إلا من ينتهض سلطان العصر
ــــــــــــــــــــــــــــــــــــــ
ذاك يوم البيه يشف دمع الإسلام
إو تغمض إعيـون المسلمين إو تنام
إو ينطفي من ضامر الدين الضرام
لمن راعي ألأمر يتوله ألأمر
ــــــــــــــــــــــــــــــــــــــ
إو يسل سيفه إو رايته إبچفه ترف
يا لثار حسين وأصحابه إيهتف
إوياخذ الثارات كل واحد بألف
إو ينجد ألإسلام من جـور الكفر
الشاعر المرحوم
كاظم منظور الكربلائي
#اللهم_عجل_لوليك_الفرج
لسان حال السيدة المعصومة-ع-وهي تنعى أباها
___1
الشيخ حيدر الحميداوي
•
ويـــن الفاجده الـوياي تنعه
ابوي اعلى الجسر ونريد فزعه
يشيلونه الهواشم واحنه نسعه
وراهــم والجفن سيال دمعه
الـف كـون الهواشم والف ربعه
يـكـون الفاتحه اعـوام سبعه
___2
نسيم الناصري الاهوازي
•
غريبه و محَّد ايعازيني شلون
هسّه امنين اجيبن عمتي ام عون
چا وین الهواشم خل یشوفون
ابوي اعله الجسر ولناس يمشون
لا مِن ساکتین او لا یشیعون
عله مبچاي شو صاروا يشمتون
___3
احمد الهلباوي
•
وين الفاجده التعتني لبغداد
تجي اتشارچ مصابي ابدمع مهداد
ياهي العدهه مثل امصيبتي عاد
أبوي اجروح گيده مالها اضماد
اسنين اخمسطش لعياله ماراد
وتالي ابسم گضى عطاي المراد
___4
علي محسن الزيادي
•
اعيوني امن الولي حين احرموها
خلوها تصب حدماعموها
وداري امن الضوه يومن طفوها
ذكرت اسكينه من فگدت ابوها
جبدة والدي صح سمموها
بگيد اجدامه وايديه رضرضوها
بس رگبة ابو اسكينه اگطعوها
وكل اعظامه بالخيل اطحنوها
___5
ميثاق المالكي
•
ويـــن الفــاجده لمصابها مصاب
وين لجــــرح ابوها سنين ماطاب
لگضتهـــا تتــــــاني دگت الباب
وغايب عـــودها وعنه اهله غياب
وعله الروس نتگابل نحثي لتراب
ونغسله بـــدمع چل مزنه سجاب
___6
ميرزا باقر الربيعي
•
انه بنت الغريب المات مسموم
الخله بكلب بنته جروح وهموم
يضل دايم نعينه ومايكف دوم
ومتكف النوايح والبچي اليوم
وميمر النواظر والدمع نوم
وماينزاح الاسود من الهدوم
___7
عبدالخالق الحريشاوي
•
وين الفاجده الحره الحنينه
الكاظـم سـور هيبتنـه ولينـه
النفل ريسان هاشم فاگدينه
وگالـو عالجسـر هل جايـبينه
حماميـل أربعـه الي شايلينـه
ياهو الغسله وغمضهه عينـه
__8
علي الشملاوي
•
النه الفاجده. لراعي المحنه
اريد ابجي عله ابوي الماكومنه
بسجن. كضاه عمره. وماتهنه
اليشبه وجه حيدر ذاك جنه
راح ابعيد هذا. اليوم منه
هنياله الكصد ليه. وتعنه
__9
علي المشكوري
•
شمامرت علي فجعة الكاظم
اظل انحب واحشم بالهواشم
ياسياد الخلگ واهل المكارم
اجفو ادلالكم ذبو العمايم
وخلهه اتنوح وادگ الفواطم
مسمم شيخكم عالجسر نايم
____
الاثنين -21رجب الاصب / 2023
#اللهم_عجل_لوليك_الفرج
ليلك وليل هدعش نفس الجرح سويه
والسجن يشبه طشت شايل كلب رقيه
ياغريب اذكر هلك كل ما شفت اذيه
____
طف كربله بحزانك شفت الشمر سجانك
بس ماشفت حافر فرس داس بصدر خوانك
شفت الدمع بعيونك دم يابس اعله متونك
يالمنسبي وابلا سبي مجتوف ويضربونك
نفس الهوه بأنفاسك والدم يهل من راسك
من جم سنه وحدك عشت لااهلك ولاناسك
بينك وبين الاهل قصه حزن طويله
وبنتك اتاني بقت جن فاطمه العليله
منين ماصدلك جرح يرسملي غاضريه
_
جروحك ابد متعوفك وحلمت شمسنه تشوفك
ذكره اعله حيطان السجن كاتب نعي بجفوفك
يمشي العطش بجروحك ماتنسة ابد مذبوحك
ساعه اعله جدك من تون ساعه تون لروحك
بضرب الضهر تتحير تتبجي وتضل تتذكر
يم النهر جدك عثر وضهره اعله اخيه تكسر
ادري من طف كربله شيبك ترس لحيتك
والسبي اول سبب لو كربت منينك
مثل عمتك دمعتك لمن تهل سبيه
___
كلما يطول غيابك اهلك تحن وأصحابك
باب الوفيه ام الكمر بفركاك صارت بابك
سجنك شبيه العاشر من الخيم للحافر
شفتك عليل وعلتك جوت ادين الباقر
دمعك اذا يتلاكه مثل الرمح والناكه
متعلمه عينك عالسهر ماتكدر اعله فراكه
جفنك وليل السجن بيهن حجي وملامه
من يمر طاري الخيم بيدك تلم يتامه
تتبدي تتخيل جمر بس ياجمر منيه
_
بكل سجن عندك ذكره دمعه اعله جدك حمره
والعمره ماضالم بشر بالسجن يخلص عمره
بس الله يسمع صوتك حكك دعيت لموتك
اربع حماميل اقبلت يشيلونك بتابوتك
بس تخلص من ايامك مليت من الامك
وشكد صور كبل الاجل صارت اضن كدامك
اذكرت جدك من وكع وعيونه عالحبيبة
والشمر لمن اجه صاحت صرت غريبه
اثنعطش طبره عالنحر وياك اعد بديه
____
فوك الجسر يالكاظم يمك تنوح الوادم
لا والمهم تشيعت واندفن جسمك سالم
مو مثل جدك عاري تغسل ابدمه الجاري
جسمه بقه ابلايه دفن وبحاله يدري الباري
يبدي الجرح من يومه ماسلم خيط هدومه
جسمه تكطع وانثر بكل شبر وسط الحومه
جرحه خلالك جرح ماينتهي بمماتك
شايل حسينك جنت دمعه بردن عباتك
لحد يعوف الدمع دمعك كتب وصيه
_
سيد معتز الحسيني
اويلاه اويلاه ضلت اجنازه ابلاهل
.
ما نصف وياك الدهر
بالسجن كضيت العمر
شكثر ضلماك القدر
على الاه على الاه من الطفوله للاجل
.
الكاظم الغيظ بغربته
محد حضرله ابدفنته
اجفوف الغريبه الشالته
داحي الباب داحي الباب اشلون دلاله احتمل
.
بغداد من طبهم خبر
الجيت الجنازه تنتضر
من الفجر فوك الجسر
عل مضلوم عل مضلوم عيونهم من دم تهل
.
وين الغياره اهل الرحم
مات العلم واهل العلم
غايب كمرنه و النجم
رايح وين رايح وين من الاهل محد سأل
.
باب الحوائج شيعتك
هل يوم كلها اتعنتك
حركت كلبهم جمرتك
تبجي العين تبجي العين دم الحمر منها نزل
.
شفت منها بس الم
دنياك ما بيها رحم
حيلك يمسموم نهدم
مومليت مو مليت صارت حياتك بس ملل
.
.
حسن صالح العيساوي
دعاء للنسيان أثناء الامتحان :
اللهم يامن وعد الصابرين المخرج مما يكرهون
والرزق حيث لا يحتسبون اجعلنا من الذين لا خوف عليهم ولا هم يحزنون .
قصیدة ..أسد بغداد
ــــــــــــــــــــــــــــــــــــــ
یمشّـاي..علي اویاک..وصل یوم المشي
مجانین..والأعلام..ترف شي اعلی شي
هالعشگ ینراد...یم أسد بغداد
ـــــــــــــــــــــــــــــــــــــــــــــــ
یالله بسمله ابمشینه درب المسامر حله
الکاظمیه الیوم صاحت هله بالزایر هله
ویه زوّار ابن جعفر اجت تمشي کربله
والنجف بچفوفه رایه من علي و صوته أعتله
مسافات..والعیون..غدت تزحف زحف
ینادیک .. هله بیک...علم حـیدر یرف
هالجمع یزداد..یم أسد بغداد
ـــــــــــــــــــــــــــــــــــــــــــــــ
البصره شالت علم عالي و یم ابوطلبه أجت
والعماره ابزود حیدر للمشي کلها أعتنت
اشلون مشایه و مواکب للخدامه أتحزّمت
هالمشي الموسی بن جعفر والحناجر رتّـلت
المشي صار..من البیت..نعم نوصل أله
یزوّار .. یخدّام ..هله بیکم هله
الیرید أمراد..یم أسد بغداد
ـــــــــــــــــــــــــــــــــــــــــــــــ
الناصریه الیوم شدّت للمشي أضهور ابحزم
والسماوه ابثوب الأسود شالت الرایه ابعزم
من قضاء الحد القضاء الرایه واجب تنلزم
موکب المشایه واگف ما هو ممکن ینهزم
عله الموت ..اجه ایصیح..گلبنه المارجف
نجي انزور ..وحگ ذاک..علي میر النجف
چفنه دگ أوتاد..یم أسد بغداد
ـــــــــــــــــــــــــــــــــــــــــــــــ
الحله صاحت لبوطلبه نتعب و یسوه التعب
الکوت صاح المشي واجب عدنا لو مو مستحب
من الدیوانیه موکب گلبه یعرف منهو حب
ربنه واحد حبنه واحد للأبد من فد شعب
التعب وین..نسیناه..تعبنه فدوه أله
موالین ..أجیـناه.... نزوره و نوصله
یعله هل أنشاد..یم أسد بغداد
ـــــــــــــــــــــــــــــــــــــــــــــــ
والله نتحدّه ابمشینه و ما نفکّر بالخطر
من الموصل زحف نوصل للحبیب ابهالسفر
مثل ما کربله شالت بالملایین البشر
موسی بن جعفر مضیفه واسع ابطول النظر
ملایین .. والنفوس..تروح الحضرته
العشگ هاذ..ماینقاس..ثمینه ازیارته
تجتمع لأمجاد..یم أسد بغداد
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
الشاعر ظاهر حبيب الهليجي
تعانگوا حضن بحضن -- والـــد يـــودع ابـــن
للملــه قـصــة حـــزن -- بين الاكبر والحسين
---
صعبه للعاشو سويه بجسد روحيـن
تعانكوا والنوح يدوي بين الاثنـيــن
ناحت العليه وارضهه لهذا الونـيـن
علي رايح للمنيه يودعه الحسـيــن
عل الارض طاحوا سوه – صعبه شهكات الهوه
الحـزن نــار أو دوه – بين الاكبر والحسين
---
مو سهـل والد يودع ابنـه بـيـــده
والبواشـط عازمه تكطـع وريـــده
شاب مثل الاكبر اوليده وعضيده
حسين بالطف قدمه لجـل العقيده
للمحب ما ظل حبيب -- ودعه بـآه الغـريــب
لحظت فراك ونحيـب -- بين الاكبر والحسين
الراح من ايده حبيبه وماله رجعــه
يا صبر جان ابدليلــه من يودعــه
ودعه لاكن كلامـه صـار دمعـــــه
اليختنك صوته بعبرته من يسمعه
راح لملاگـه العــــده -- وباله ظل يم والـــده
يا جرح شي يضمده -- بين الاكبر والحسين
---
للــــوداع الصــوره تبقـه بيهـه ذكـــــره
وبالخصوص البيهه دمعه وبيهه حسره
للقيامته حسيـن ذكـره تجـوي صـــــدره
البيهــــه يتذكــر علــي مذبــوح نحــــره
لملـم اولـيـــده وذر --- كلبه بالنوح انفطــــر
موقف يفت الصخر --- بين الاكبر والحسين
---
لزم خاصرته يودعه ودمعه مسفــوح
ماله رجعه يعرف ابنه لمن ايـــــروح
تصبح الحسره اعله فكده تاخذ الروح
يبقه مهظوم برحيله وكلبه مجــــروح
للمصــاب ابكـربـــلاء – ناحت ابــدم السمــاء
عل الجره بهذا اللقاء – بين الاكبر والحسين
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
عن الامام موسى الكاظم عليه السلام:
من أراد ان يكون أقوى الناس
فليتوكل على الله.
#بطاقة_تعريفية_بالمعصوم
🌺🍃 الإمام موسى الكاظم عليه السلام
الإسم : موسى (عليه السلام) .
الأب : الإمام جعفر الصادق (عليه السلام) .
الأم : السيّدة حميدة المصفاة (عليها السلام) .
تسلسله بين الأئمة (عليهم السلام) : الإمام السابع من أئمة الهدى (عليهم السلام) .
الكنية : أبو الحسن الأول ، أبو الحسن الماضي ، أبو علي ، أبو إبراهيم وقيل : أبو إسماعيل.
الألقاب : الكاظم ، الصابر ، العبد الصالح ، الأمين ، باب الحوائج ، النفس الزكية ، زين المجتهدين ، الوفي ، الزاهر ، السيد ، الطيب ، المأمون و ...
زوجاته :من زوجاته : تُكتم ( طاهرة ) ، و كنيتها أم البنين .
نقش الخاتم : (حسبي الله) ، وفيه وردة وهلال ، وفي رواية : « الملك لله وحده » .
مكان الولادة : الأبواء ( منزل بين مكة والمدينة ) .
زمان الولادة : يوم الأحد / 7 صفر / 128 هجرية ، وقيل: عام 129 هجرية .
مدة العمر الشريف : 55 سنة .
مدة الإمامة : 35 سنة .
مكان الشهادة : بغداد ، في سجن السندي بن شاهك (لعنه الله) .
زمان الشهادة : يوم الجمعة 25 / رجب / 183 هجرية .
القاتل : السندي بن شاهك بأمر من هارون العباسي لعنهما الله .
عاش فترة طويلة من عمره الشريف في ظلمات سجون حكام العباسيين .
المدفن : مقابر قريش وتعرف اليوم بالكاظمية ، بجنب بغداد .
وسيلة القتل : السم الذي دسه في الرطب .
كضه عمره بالسجن
شاف اشكال الطعن
موسى من بيت العلم
موسى من بيت العلم
*
مشونه للكاظم نشيعه مشونه ندفن جثته
الكضه عمره بالسجون لعن الله الضلمته
وينها الشيعه تحضره وخل تشيل اجنازته
يوم جمعه بيها نحضر كل موالي وصحبته
يوم جمعه بالفجر
كتلته اجفوف الغدر
يحني بفراكه الضهر
موسى من بيت العلم
*
هذا من بيت الرساله الزهره امه الطاهره
جايه اتشوف المصيبه وابدفنته تحضره
الشال راسه علم طه والشجاعه الحيدره
اليوم فت السم جبته ابن قالع خيبره
مات مسموم العلم
الشاف انوع الضلم
حيله ياوسفه انهدم
موسى من بيت العلم
*
بيش يا خايب تطلبه ليش هيج اتعذبه
والك يا هارون ويلك ديين الكم تطلبه
باجر بيوم الحساب شراح الله اجاوبه
دنيه و الغايب كمرها ويا شمسها غايبه
كمر غايب والشمس
ضايك بريتي انفس
علم من حيدر درس
موسى من بيت العلم
*
الله خصه بالفصاحه ما يخص بيها بشر
حيف ياوسفه يموسى ترمي فوك الجسر
ناحت املاك السماء وبجت عين المنتضر
يبجب جبريل المصابك سيدي يبن الطهر
اضلم اعلينه الضهر
غيبن الشمس وبدر
يوم من مات الطهر
موسى من بيت العلم
*
كام صلاها الفريضه بعينه ماشاف الضوه
خلصاها بل زنازن لا شمس بيها وهوه
من ضلمهم تعب حاله حته دلاله انجوه
امتداد القتل ثابت بالضلم كلهم سوه
مثل حيدر والحسن
احلامه بالضلم كضن
مات مسموم ويون
موسى بن بيت العلم
*
حسن صالح العيساوي
يابــشر للــكاضميه ** أكصد بهاي المسيه
يا أهــل يثــرب لا تــرددها
يا أهـل هاشم كــوم جددها
-----------------------------
1= عـن لسان الرضا تــبلغ شيعـته بقـتـل الأمام
دولة الخانت ولــــيها بــيها ما ألكم مقام
كل حلال الله وسافه أغتالته جــفوف الحرام
ما أريدن عــين شــيعي اليله تــرتاح وتـــنام
---------------------------------------------
بالقــيود أنرضت أيده ** بالسجن وأهله بعـــــيده
شيعــتــنه راح اليوم قائدها
يا أهــل هاشم كوم جددها
*************
2= خاطـب الطاموره كلبي صوابي من عـندج أليم
راهب العـــتره وغــيابه ذالك خطبا عضيم
يابشر شيصبره كلبي وبعــــد ما يشتم نسيم
جروحه ما أعرف عــــددها بيها بس الله عليم
---------------------------------------------
الله يرحمها فــــرحتي ** أندفـــنت بحــفرة دمعتي
روحي أبداله ريت أوسدها
يا أهل هاشم كــوم جددها
3= أبـذله وستــخـفاف نادو أهل ماعـنده وغـريب
جـــنه مو سيد الـــــعالم أمــر هالـعالم عجيب
كل حبيب يــــموت حلـــــــمه لــمن يودع حبيب
والله وجـــروح المـــــشاعر ما يشافـيهن طبيب
----------------------------------------------
عالجسر جثه رميه ** فــصل من الغاضريه
تندفن ب الله شلون وحدها
يا أهل هاشم كوم جددها
*************
4= يابـشر أدريك ميت وأدري مامــــن جــيه بيك
ذكرتني الغـربه بسمك عيني ودتـني عليك
ذكرت أم عباس روحي أتفايضت مابين أديك
يالقريت أفجع قصيده الفكد والــد يشتهيك
----------------------------------------------
العظم أجرج من كلتها ** اليوم بجروحي عـشتها
جروح بن جعفر روح عددها
يا أهل هاشم كــوم جددها
5= عالجسر نعـش بن جعـفر تراقب بنعـشه العيون
والغريـــب الأهـله راحت جـنازة أبــعازة متون
ويلي عـــالمسمـوم ويلي الشيـعه خلـي يرددون
الدنيه ما بيها بغــــــــيابه بعد جنات وعيون
--------------------------------------------
عالنعش كتبو عباره ** غـيبته أعــضم خساره
دمعـت الـتوكع لحد يردها
يا أهل هاشم كــوم جددها
*************
الخادم عبد الجليل المالكي
قصيدة لسيدي ومولاي موسى بن جعفر عليه السلام
اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مشيول
وبعد أعظم رزيه. خذوا زينب سبيه
بمصيبتهه ختتامي ازورك يا امامي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سؤال..من تنسإل عن فترة الغربه
سؤال..حتماً تكون الإجوبه صعبه
جروح الأسئله...السجن لو كربله
سؤال...سؤال
يالمَقامَك بالسِّمَه وبالارض محفوظ
وحُبك اعله الناس يابو الرضا مفروض
يالتصون العهد عند اعداك منقوض
انصيح ويلي اعله السجين الساگه مرضوض
عذاب...يامن مصابك أحزن المُصحَف
عذاب...بس عندك اهون من عذاب الطف
حزن كل مرحله...السجن لو كربله
سؤال...سؤال
يَلِّلي واضح وابد ماتحتاج تفسير
إبن جعفر والعُقول ابوصفك اتحير
حجة الله اعله الأرض مو بالطوامير
وسفه تصبح بالسجون النِّعمه والخير
سجين...عد ناس تجهل سيدي قدرك
سجين...ياوسفه يخلص بالسجن عمرك
عظيم المنزله...السجن لو كربله
سؤال...سؤال
من إبن شاهك السندي الهسه مجروح
ونعتذر خاف اسئلتنه اتهيج الاجروح
بالسجن إلمن تون مولاي واتنوح
عله امصابك لو مُصاب المات مذبوح
غريب...وطف كربلاء ايزيِّد اونينك
غريب...بس تبچي دم الغربة حسينك
يهظمك مَقتَله...السجن لو كربله
سؤال....سؤال
دمعك العاشور ماينشف مَسيله
وتبچي عالسجاد واتون عالعقيله
عالفراق الطال واهمومك ثجيله
وجرح معصومه مثل جرح العليله
فراق...طال الهجر وانگطعت اخبارك
فراق...واعله المدينه غابت انوارك
الغياب اشيِحمِلَه....السجن لو كربله
سؤال....سؤال
اشما تمر اعوام ماننسه الرزيه
وتبقى جيل الجيل منصوبه العزيه
مرقدك أصبح ملاذ الها البريه
شاء ربنه ايكون بارض الكاظميه
تجيك...من كل بقاع العالم انصارك
تجيك...ماتنگطع ياموسى زوارك
يسلطان المَلَه...السجن لو كربله
سؤال....سؤال
سيد علي الموسوي
[ميمر كربلائي للكاظم ع]
___________________
گيدك يسولف احزان
قصة حقد سجانه
*******************************
دنياك ظلمه بالسجن ياوسفه
ايام مرت والمصايب كلفه
وسفه الرشيد ابموتتك يتشفه
راهب بني هاشم ليش
عايش ظلام اشجانه
*******************************
دارت حقدهه الدنيا والحگ ايضيع
لن ابن شاهك لرشيد امره ايطيع
گصت خجل ماظلت بوجهه ايبيع
باع الضمير الملعون
ضيك عليه قضبانه
*******************************
صارت حياتك بالسجن بس حيره
منقول من البصره شفنه السيره
هذا الحقد وآصل البغض بالديره
من جدك الناس اتخون
هذا الحقد عرفانه
*******************************
صار الرشيد ابلا قصر لا تيجان
ونگلبت اعليه السجد بالقضبان
موسى بعظمته يخشى منه السجان
بالسجده موسى معروف
ظلت حزن عنوانه
******************************
ذليت هارون اشكثر صبرك چان
وتناجي ربك كل وكت بالإيمان
خلصته عمرك بالسجن بس احزان
گيدك يصلي بدمعات
واضح صبح بحزانه
*******************************
عديت سجنك كل فرض دمعاتك
الله استجاب من ابتدت دعواتك
صاحب السجده اتوضحت اياتك
بالسجده عنوانك صار
شفنه الفرض برهانه
*******************************
ادري بجروحك عاشر من اونينك
همك عذاب وتجري دمعة عينك
اخر نفس تنعه الغريب احسينك
من كربله اتعيش احزان
غير جميع الوانه
*******************************
تمت بعون الله تعالى الشاعر_____يوسف_الفتلاوي
يم ظلام السجن تضوي شمس احروفك
من على اهلك تون دمعتك متشوفك
ليلك ابعز النهار
وتشهك انفاس احتظار
يا إمامي يا إمامي
.....................................................
عاشت اطيوفك غريبه وبأمانيهه الجفن
ماتحس بانفاس بحرك عكس مجراهه للسفن
والهوه اليحتاج دمك خلص عمره من الحزن
لا نوافذ منهه يدخل كله حيطان السجن
مختنك تحت الأرض **** ابلا هواك اتعاني
من الفرض حد الفرض **** ساجد انت امتاني
للفرج تبني انتظار
وتشهك انفاس احتظار
يا إمامي يا إمامي
.....................................................
مركبة عمرك كَصيره والسجن جان الفلك
رغم هذا انت ابوجودك جن تعيش ابمنزلك
دنيه تارسهه ابعبيرك وانت مبعد عن هلك
صوتك احساس المؤذن باب الكَلوب امتلك
وي نسيم الهوه **** باقي صوت اجروفك
عايش ابلا ضوه **** والشمس موصوفك
رغم هذا ابكل وقار
وتشهك انفاس احتظار
يا إمامي يا إمامي
.....................................................
رهبتك بعيون خصمك جن علي وعمر بن ود
تنجلي الاحزاب كلهه ابنظره لو عينك تصد
همه لو ماسَم غدرهم ياهو منهم يستعد
يوكَف اكبالك ويبرز يعرف امكَطع يرد
إي وحك هل أتى **** لا فتى وسط السجن
جاءَ بامراً مُلفِتا **** إلا انت بكل زمن
بلونك وذايب سمار
وتشهك انفاس احتظار
يا إمامي يا إمامي
.....................................................
جم أمر من غيظ كاظم كل حياتك هالأمور
هوه لو دفتر يخلّص عمرك بأول سطور
صابر اكثر من ربيعك يالخريفك ضل يدور
جن ضلع للزهره غصنك مايطيب من الكسور
مره تنشاف الحسن **** مسموم بين الغربه
وجن حسين من المحن **** عطشان واشتد حربه
جبدك ابنار وشرار
وتشهك انفاس احتظار
يا إمامي يا إمامي
.....................................................
كل جسر بغداد نعشك واجه التشييعك نهر
واللي فزعو نهر ثاني من جَمِع شيعه الحظر
حسين وحده وطعنه طعنه اسيوف وارماح ونظر
هذا يضحك ذاك يفرح ذره ماعدهم قهر
وعينه صوب الخيم **** الزينب المشدوهه
مايهم باي سهم **** ابجيشهم حاطوهه
شافهه اتلم الزغار
وتشهك انفاس احتظار
يا إمامي يا إمامي
ياسر العارضي
اعـتـنـيـلـك لو زحف مـولاي .. وصـلـك
يـَمـن ذاتـك حـلـيـف الـكـرم .. وصـلـك
اذا فـد يــوم عـنـي انـگـطـع .. وصلـك
الـمـوت اهـون يـبـن جـعـفــر عـلـيـه
*----------------------------*-------------------*
✍خادم موسى ابن جعفر (ع)
الـشـاعـر رعـد الـجـريـخـي
يالتشيعونه يالتشيعونه الكاظم غريب اعله الجسر يالتشيعونه
**
بالسجن يا ناس خلصت اسنينه
للفرج يدعي ودمعته بعينه
كافي يا دنيه لا تجرحينه
امن السلاسل ذيج الله اليعينه
لا تتانونه لا تتانونه بالسم ابن جعفر كضه لا تتانونه
***
امن الشمس محروم وحيرته حيره
والسجن غير كل تعابيره
راسه عالقبله ياهو اليديره
يصرخ الناعي راح ابو الغيره
غمض عيونه غمض عيونه الكاظم يشيعه بهل المسه غمض عيونه
**
كلهم الجمعه يم جسر بغداد
وضلت الشيعه تنطر الميعاد
كلها تتأمل والامل ما فاد
مات ابن جعفر واهله كلها ابعاد
يالتشيلونه يالتشيلونه بهادي بله ويالنعش يالتشيلونه
*
قصة الكاظم ما حملها انسان
جان يتمنه يلكه يمه اخوان
من كثر صبره حير السجان
وتصفن الحيطان لو قره القران
ما يشغلونه ما يشغلونه عن طاعة الباري ابد ما يشغلونه
**
ايده من الكيد ليش دمها ايسيل
امن الحديد اهواي جسمه ضل ايميل
والله ابن حعفر عنده ما ضل حيل
والنهار اشلون ايعرفه من الليل
ما يخلونه ما يخلونه لو راد يشتم الهوه ما يخلونه
****
اربع احماميل عالجسر خلوه
والطبيب يصيح بيا ذنب سموه
بالدمع والنوح شيعته اتلكوه
لطمو اعله الروس وبالحزن شالوه
وحشه من دونه وحشه من دونه بغداد والدنيه اصبحت وحشه من دونه
****
تمت
تحسين الخفاجي
قصيده نزله للامام موسى بن جعفر عليه السلام
موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم
بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه
وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله
والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه
للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده
وارث كرامات من جده لحسين
موسى بن جعفر. عشگ الموالين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تجليبه للامام الكاظم ع
.
.
.
اشما ثگلت اهمومك حـَلها يم بابه
بــس اقـراله آ يحســين ومــصابه
***
الدنيـــا اوياك بالمگــلوبــي اذا تـــفتر
اوصيـــك ابوصيـه وابــــد ماتخـــسر
الباب الحاجه اگصد موسى ابن جعفر
يگظـــيها الـــك وانـــته علــى اعتـابه
***
بس نقي السريره وانــوي هالـــنيه
وحلـــفه بعـــمته زينـــب المسـبيه
عاتبـــنـــي اذا ماگــــال مگـــــظيه
ينطـــيك وابـــــد ماياخـذ احسابه
***
فتـــح گلـــبه گــبل بيبـــانه للوادم
ماينـــطي الخشن ينطيـــهم الناعم
الكرم من الحـسـن متوارثه الكاظم
الكل عنده سواسي الـغربه واحبابه
***
المتعسره قضيته ومالها كـل حل
وخايف ماي وجـها لو وگـع ينذل
خل يگصد الكاظم هيـــه تتـسهل
اشما كبرت زغيره يمـــه الطـلابه
***
ميـــقصر اويــــاك الكـــله حنـــيه
اذا تبــدي الكلام اويـــاه ابلـطميه
روحه وكــل احاسيسه حـسيــنيه
ولبو السجاد تبقه ادموعه سچابه
***
بس حــلفه بابو الســـجاد والشــبان
اتصير ادموع عينه بالصــحن نهـران
الهســه امن الخيم يستنشق الدخان
الله ايســـاعده وانــــفاســه لــــهابه
***
من وجهك الصــوب الكاظميه اتدير
بس انخه ابو الطلبه الكاظم ولتحير
ثــــق وداعــتك والــماتصير اتــصير
والتـــعـــبان يمـــه تنتــــهي اتعـــابه
***
الياهو الچـان مانگصد ابــــد داره
ولانوصل مضيف الطـــافيه نــاره
وادم احنه نمشــي الراعي البشاره
الابوه بالطف امعــزب حتى بثيابه
***
حيدر تركي الكربلائي
ياطـف خـذاها وتوهـه مـاتت بيـن العيون
يم ذبح اخوهه فوگ جسمه ماتت ام عون
عين وضيعت عين،،، تموت المالهه حسين
افراگ الاخو الماينگدر،،،،يوم الوجع ذاكَ الظهر،،،زينب تلم اخوتها
تغبش اعيونك عالدمع،،،وبنص اخوتك تندفع،،،كلشي انتهى ابركضتها
الصعبه لمن انته واگف تندفع مالك سنـد
لاعـمـام الـحـمـت زينـب الااخوان ولا وَلَد
الـتـلـم باهـلـهـا مـن يـلمـها ويـه العـيال
المضيعة كلشي ضل باديها بس الاحبال
كضتها وين يم وين، ،،،تموت المالهه حسين
٭٭٭٭٭٭٭٭٭٭٭٭٭٭٭٭٭٭٭
من كربلة لگطع الهوة،،،كلشي يبس حته الضوة
والغيمة گامت تنشف
شايف عزيزك ينسحگ،،،يم الشريعة وتحترگ
ماتطفه چي مالك چف
اشيبقه بيها ام عـون گلي غير دخان الخيم
كل غريب اهناك يعطش لازم ايلوحه السهم
المو ماي اهلها منين تطلب غربة هالناس
يامــاي يـــرهــم للـعـقـيـلة ابـغـيـر عباس
لچن طاحتلة چفين،،،تموت المالها حسين
٭٭٭٭٭٭٭٭٭٭٭٭٭٭٭٭٭٭٭
چم مرة ماتت بت علي،،،من شافت حسين الولي
عالرمح راسه اتعلگ
چم حافر ابصدرة عثر،،،،وحسين بالهيمة كثر،،،شافت قميصه اتشگگ
كلشي ماضل من اخوها اجروح وسهام وذبح
والبقه امن حسين ذكرة ذاكه راسه اعله الرمح
دم اعـله عينه ورمـل فوگه ضايع الشوف
من يمسح الدم رمح عالي ابگصر الچوف
اخوتي اهواي عالين،،،تموت المالها حسين
٭٭٭٭٭٭٭٭٭٭٭٭٭٭٭٭٭٭٭
ضيم السبي ونوگ الهزل،،،وضعن الحرم لمه الحبل،،،ذاري الدرب تعبهن
مابيه علي غربة الدرب،،،والضايع يردة الضرب،،،زينب تجي اتعددهن
الشمس ماخلت ملامح سمل كلشي ابهالضعن
والـهـوة الـعـالي يـذبهن وحدة وحدة اتعاگـبـن
امدللات حـسـين شبـعن ضيم وفراگ
والمالة گمرة ابظلمة لازم شوفه ينباگ
اشيضل بيها النساوين،،،تموت المالهه حسين
٭٭٭٭٭٭٭٭٭٭٭٭٭٭٭٭٭٭٭
شام الوجع ياخذ عمر،،،زينب تطب ذاك القصر،،،وحچي الشماته ايتعب
ماتت ابغربتها وگضت،،والفاتحه ابشام انقرت،،،،ماطولت چن مُغرب
عيش غربة اتموت سكته هذا حال الماله اخو
اندفنت ابشام الشماته كلشي بالغربة عدو
والماكو اخوته ابين غربة اهواي يندار
وعـيـون زيـنـب تـنـتظـرنـه تـريد زوار
زينب ونة البين،،،،تموت المالهه حسين
حسين علي الگرغولي