1950
@telegram.me/amarr_hasnn
هوسات لمواليد شعبان
،،،،،،،،
اضمن ياعشك يحسين جا هو العشك ينظم
انته و رحمة الله اخوان من نفس البطن توأم
وبس احسين وي احسين وي غيرك فلا ترهم
الليله ابحضن الزهره
الزهره اتكمط بيك
...
وداعا للدمع هاليوم خل نفرح ولو مره
عشكنه انولد والخدمه والحنيه والفطره
ماجنك بشر مولاي تضوي وجنك الحضره
الليله انذب الهوسه
ابشباج العباس
...
كضينه اوياك جم شعبان جم عاشور خو تدري
وكل خادم وراك ايصيح اخذ الباقي من عمري
الليله ابمحفلك مولاي حتى مطلع الفجري
احسين اعكال الشيعه
وبيرغ ال البيت
....
اذا هوسنه للعباس كون الهوسه مملوحه
وكون الطف يصيح الله والتل تنشف اجروحه
وكون الماي من يسمع يقره الفاتحه الروحه
الهوسه التعجب زينب
يقبلهه العباس
....
المريض ايروح للدكتور يكتبله دوه العلته
بس عدنه علي السجاد من اتدهورت صحته
راح العمه ابوفاضل وبالرايه مسح كصته
اباب الخيمه ايهوس
يابخت العباس
محمد الجماسي
#اللهم_عجل_لوليك_الفرج
لذكرِ ابا الفضل العباس ع
صلوا على محمد وآل محمد
متباركين
مِثّلمَا أَشّرقَ نُورَ الْحُسَيْن فِي بَيتِ عَلِي
قَدّ أَشّرقَ فِي قَلْبِي وَ قَلُوبَ الْمُحَبِينَ🕊♥️
صوتي واضح بالعقيده
تعشك حسين القصيده
.........بالعشك واضح غرامي
..........حب الحسين بهيامي
*******
اجمل ولاده اليوم ابعث تهاني
يرسم الك شعبان شوگي وحناني
مرسال الك وديت فرحه واماني
لمن اگول حسين يطهر لساني
ينولد سيد المعالي
غالي انت وتبقه غالي
..........انهض بسمك قيامي
..........حب الحسين بهيامي
*******
فرض العشك صليت والدنيا هاجس
استلهمت بيك اجنون علمني عابس
فطرس يشيل اجناح خط النوارس
اتعطرت بيك افراح شفت المجالس
حبي انت وكل كياني
ماكو غيرك والله ثاني
...........سلمت تسمع سلامي
......... حب الحسين بهيامي
*******
گلبي العشك وياك هيمني مرتين
نص الگلب عباس وثاني لحسين
حگه العشك مولاي يكتب مجانين
ونعرف حبي وياك شاهدنه الاسنين
مولدك اجمل سعاده
والعرش بسمك وداده
....... ياحبيبي اشگد مرامي
........حب الحسين بهيامي
*******
شعبان الك مولاي زف البشاره
وابتشر كل الكون صرحه ومداره
هاجر تناغي حسين وتلولي ساره
حضرن بنفس اليوم رسمن مناره
حضرن ليله عله مهده
باسن حسين عله خده
.........فطرس يذيع الاسامي
............حب الحسين بهيامي
*******
اجمل قبس من نور شفنه الولاده
والزهره فرحت بيك اجمل سعاده
طه اليبوس حسين طيب وأراده
والگلب هايم صار عاشك وداده
بالنفس اسمك لگيته
والگلب يمك رويته
..........بسمله حسين بكلامي
...........حب الحسين بهيامي
*******
تمت بعون الله
يوسف_الفتلاوي
صافن حسن الدنيه بوجهه وكل نسمات الياس
يعني الدنيه شكد ماحلوه حلاها العباس
بحساسه شايل بشرى
بنفاسه عطر الزهره
****
عالدنيه العباس بضيه شع بأنواره القدسيه
صفنت كل الدنيه بوجهه وصاحت هنيال البدويه
مولودج جن طير الجنه كلمن شافه ايهيم بحسنه
دوم الفلق بوجهه اقريها تبعد عين الحاسد عنه
حبيته حب عالفطره
بنفاسه عطر الزهره
***
عباس ومن فدوه الاسمه تغفه عله اشفافه أجمل نسمه
وتدرون بروحه اشكد ترفه شايل حسن الدنيه برسمه
طير الحب امكابل مهده حاضن جفينه وماهده
عباس ويامحله اوصافه تتغزل بيه حته الورده
بميلاده تحله السهره
بنفاسه عطر الزهره
***
زينب بيه اشكد ولهانه وكلساع اتقبله وفرحانه
تكَمطه وهو ايحل اكَماطه والزينب يفتح ذرعانه
ايحب زينب عباس اهوايه وبيها تعلق مثل الرايه
ويتبسم جان بكاروكه لو بس كالو زينب هايه
حباها من أول نظره
بنفاسه عطر الزهره
****
هوايه الحسنين ايحبونه وجان ايناغيهم بعيونه
فرحانين اشكد بي جانو الكافل من زغره ايسمونه
حيدر جان ايبوس اجفوفه ويظمه الصدره وميعوفه
غالي العباس اشكد غالي يفرح حيدر من ايشوفه
بعيونه ايبوسه وصدره
بنفاسه عطر الزهره
****
عن الطف سولفله اهوايه وياعباس انطيني احجايه
زينب بالعين اتخليها ومن ايدك متطيح الرايه
دك صدره وزامط بكَماطه وعباس اعرف كَد ازماطه
أشر زينب وسط عيوني ومخيمها البيرغ حاطه
اليدناها اكطع نحره
بنفاسه عطر الزهره
***
تمت
ميثم العمري
أبو صالح هــلا بقائد القاده
مهدي الزّمان وبعد سيد السّاده
بالفرح هاللـــيله العسكري نهنّيله
***
شاء ربّ الكـون اله بخامس عشر هلا بالموعود ياميّه هلا
من شهر شــــعبان وبوكت السّحر هلا بالموعود ياميّه هلا
مولده الميمون امامــــــي المُنتظر هلا بالموعود ياميّه هلا
من ضواه ماخذ ضواه وجه الگمر هلا بالموعود ياميّه هلا
يسمّونه البدر بالحِسِن آيه
من عمّه ماخذ شَــبه كلّش هوايه
ياجمالــه ادخيله العسكري نهنّيله
***
براية العباس نرجس لفّــــــــــــته هلا بالموعود ياميّه هلا
وقبّلــــــــة چفّين اديه وباســــــته هلا بالموعود ياميّه هلا
وسجدت الرّب الجــــلاله وشكرته هلا بالموعود ياميّه هلا
بهالولاده اعلــــــيها تمّم نعــــمته هلا بالموعود ياميّه هلا
او عله طه النّبي صلّت وآله
مولد امام العصر أشرق هلاله
والعرش تهليله العسكري نهنّيله
***
منتصف هالشّهر ليلــــــــة مولده هلا بالموعود ياميّه هلا
ليله بيها الدّنيا كلـــــــــــها معيّده هلا بالموعود ياميّه هلا
ارفــــــــع ايدك يالموالي وعاهده هلا بالموعود ياميّه هلا
وخل ســــوه صوت الولاء رندّده هلا بالموعود ياميّه هلا
يمحجوب الزّمـن شيعه وفّايه
شيعيّه وبكل فخر رفّت الرّايه
يلله خل نمشيله العسكري نهنّيله
***
يلله خلّونه الحسن نتعنّه الـــــــه هلا بالموعود ياميّه هلا
وناخذ ويانه علگ من كربلــــــه هلا بالموعود ياميّه هلا
من الگمرعباس راعي المرجلـه هلا بالموعود ياميّه هلا
انشدّه بعتابه وضريحه انقبّلـــــه هلا بالموعود ياميّه هلا
نِبارِكلــــــــه بفرح مـــــولد القائم
و نگلّه هذا العلگ من گُمر هاشم
خل يشد بي حيله العسكري نهنّيله
***
وياه خلّونه نشــــارك فرحـــــــته هلا بالموعود ياميّه هلا
ونعلگ شموع المودّه بحضـــرته هلا بالموعود ياميّه هلا
ونرفع چفوف الدعاء الطّلعــــــته هلا بالموعود ياميّه هلا
ونقسم اعله الله برسـوله وعترته هلا بالموعود ياميّه هلا
عجّل يلاهــي اله ينشر بعدله
بيمينه راية علي بالعـدل تمله
بالفرج ندعيله العسكري نهنّيله
***
الشّاعر
أبو سجّاد الجعفري
7 شعبان 1443هـ
لمولد ابالفضل العباس س
.
.
.
ابـو فاضــل امــامي .. ابـو فاضــل هـيامي
ابو فاضل ابو فاضل ابعثله سلامي
__
عباس ايعيش اويه انفاسي
ومـن اتســـموني عـبـــاسي
الدنيه متلـمني امن الفرحه
اتمنه اتـجربـون احـساسي
عــباس الـنــور البعــيوني
امـروتكم كـافــي اتلموني
لوهمتو ابحب كافل زينب
مـــتأكــد راح تـعـــذروني
وميــوفي كــلامي .. ابـو فاضـل هيامي
ابو فاضل ابو فاضل ابعثله سلامي
__
ياتــوفيــقي وياعافيــتي
يمعــليني ورافـع صــيتي
عرفتـني الـوادم عرفـتني
لمــَن وقعـت ابجنــسيتي
اهواك واعرف مــَن اهوه
ياثـروه ومـامـثلك ثــروه
المامكتــشفـينك اعذرهم
حقهم لو گالولي اشدعوه
ومن احچي بغرامي .. ابـو فاضـل هيامي
ابو فاضل ابو فاضل ابعثله سلامي
__
خل يدري بحبي المايدري
عباس اويه الــدم اليجري
عمـري وأيامـي وســنيـني
وبلــياه مايــســوه عـمري
عن وصفه تعـجز كلـماتي
مالــك اخــرتي ودنــياتي
الــمايقبــل خــلي لايقـبل
انـــه وعــــباس ونــيـاتي
الحبه ابقــه ضــامي .. ابـو فاضـل هيامي
ابو فاضل ابو فاضل ابعثله سلامي
__
اتوضه امن ايـمـر طـاريه
حــب عــباس امــغزر بيه
عبـاسي وافخــر عبــاسي
ومــيهمــوني العـــلــمانيه
اسم الكافل تــارس عيـني
وخيره اتطشر من چفـيني
الـما حـط عـبـاس ابــدلاله
ياهو السامحله ايحاچيني
والرافــع مــقامي .. ابـو فاضـل هيامي
ابو فاضل ابو فاضل ابعثله سلامي
__
ورده وجربه اعيوني اتشـوفه
ومن اعطش اروه امن چفوفه
زمـــزم لامــــو زمــــزم اصــفه
مــتيــقـن كـــوثـــر بچــفـــوفه
الحـظــرة عــباس امن اتــعنه
اشعـــر چـــني ابــنص الــجنه
والــطــب ابــجـــنات الـــباري
منهــــا مــايطــــلع يتــــمــــنه
وبالجـــنه التــزامي .. ابـو فاضـل هيامي
ابو فاضل ابو فاضل ابعثله سلامي
__
خدمة عباس احسن خدمه
نعـمــه والماحــس بالنعــمه
واجــب كلمـــن ماجـــربـها
يم عــباس ايســجل اسمه
فاتــح بيـــبـانه الخــطـاره
ويأمن كلمــن طـب ادياره
الجـاي بطلــبه ومتعـــنيله
ايرد لهله وماخذله ابشاره
ويا احلى الاسامي .. ابـو فاضـل هيامي
ابو فاضل ابو فاضل ابعثله سلامي
__
حيدر تركي الكربلائي
كل عام وانتم من عشاق الامام الحسين عليه السلام
حسين نكهة كربلاء الليلة مولود الوفاء
يازعيم الساده..يامير القادة..بس الك يحله الولاء
_
اليوم ميلاد النوارس محتفل حتى الامان
حسين اسسهه المدارس والعشك صار امتحان
ياابونة الفايض انته منين ماجيلك حنان
قصتي وياك شكبرهه وعجزة حتى الزمان
حبنه كلش موقليل لجلك انسه المستحيل
ريحته من أجداده. ياميرة القادة.بس الك يحله الولاء
_
نزلة ايات المحبة معطره بريح السجود
الليله افرح حقك انته منولد كل الوجود
حسين لشيعة زعامة واحنه خدامك جنود
اليوم مفجوره المشاعر والجوارح هالشهود
الليله مولود الحسين رحمة الله الماتلين
يافخر لحفادة..يااميرة القادة.بس الك يحله الولاء
_
هايه شمس الله الجبيره انولدة وعم السلام
اليوم فاطمه الزجيه انجبت اعظم امام
باجر يفيي اعله اخيته ويترس اعيون الخيام
حيدر مربي على ايدة شتوصف يعجز الكلام
ابتهجت أملاك السماء جاء سيد الأوصياء
ربك النه رادة..ياامير القادة.بس الك يحله الولاء
___
حسين روحي وكل حياتي ومهجتي وحبيته
انته ماخذ كلشي بيه وكلبي الك خليته
طشرت كلبي اعله مودك بالفرح جكليته
وابني اسمه حسين لجلك جي احب سميته
فاطمة مبارك عليج مولد النعمة بديج
حسين هاي امجادة. ياامير القادة.بس الك يحله الولاء
__
اليوم تحلاله التهاني منولد اول هلال
ماتعرف حسين شنهي اله اصلك من حلال حسين حبك على الخريطة من الجنوب اعله الشمال
صوره من نور القداسة مطرزة بكل الجمال
حبك بكلبي جبير انته اول والأخير
انته من عوادة ..ياامير القادة. بس الك يحله الولاء
خادم رقية عليها السلام
الشاعر مهند الدريساوي
ولادة الامام المهدي (عج)
احبك قبل كلشي وقبل الأفراگ
احبك وانت غايب هسه يـمـي
ولأن ماعندي صوره الوجهك وياي
من اشتـاگ اكض اچفوف أمي
——
تعال من انتظارك تعبت الروح
ما گـلك أمل - لا باقي اتاني
واذا مو بالي يمك والله مولاي
بهاي الـحضه لازم ميت اني
احب حتى عذابك لذه بال ااخ
تعبني اعلمودك خلي اعاني
الأول انت عندي بكلشي موجود
واذا قررت اغير - انتـه ثاني
تهت عند اهلي من گالولي ناسيك
اغـار وادري گلبك مـانـساني
#حيدرالعماري
أبوذيات لولادة سيد الشهداء الإمام الحسين عليه السلام
🌷🌷🌷🌷🌷🌷🌷🌷🌷🌷
ماألگه شخص مثله / والأ أحسن
وياه أصبح من أحسن/ول أحسن
وحگ زينب وأبو فاضل/والحسين
أظل خادم أله اليوم المنيه...
🌷🌷🌷🌷🌷
نطب للجنه من ندخل/حضرتك
الشيعه بمولدك كلها / حضرتك
عدها أمنية تشاهد / حضرتك
باچر بالحشر يبن الزچيه...
🌷🌷🌷🌷🌷
لو بالعمر زور حسين / مرة
ومن تزوره للعباس / مرة
الحياة بغير حب حسين/مرة
بس أنته الحسين وهاي هيه...
🌷🌷🌷🌷🌷
خدمت حسين عندي أعظم/وظيفه
وأكتبه بداخل أحساسي / وأظيفه
كريم ويكرم الزاير / وظيفه
سلامي إعليك كل صبح ومسيه...
🌷🌷🌷🌷🌷
دليلي بغير شخصك / ماتمسك
شعوري من أذكر إسمك/ماتمسك
يگلبي النار باچر / ماتمسك
لأن حب الحسين أعظم هويه...
🌷🌷🌷🌷🌷
اوصفك بيش أوصفنك/وأخيرك
يمن عايش من أفضالك/وخيرك
اليضدك يبقى بالأسفل/ وأخيرك
واسمك عالي ظل مثل الثريه...
🌷🌷🌷🌷🌷
يلي بشباچه شدينه /علگنه
ومناشير الفرح لجله/علگنه
وشموع الفرح هالليلة/علگنه
ونقدم ورد لحسين وأخيه...
🌷🌷🌷🌷🌷
بيان وصادر الليلة / وردنه
فرحنه وشلنه بيدينه/وردنه
ردنه المهدي يحضرنه/وردنه
نهنيه ويهنينه المسيه...
💕💕💕💕💕💕💕💕💕
الشاعر (أسعد قاسم الكريعاوي)
🦋🦋🦋🦋🦋🦋🦋🦋🦋✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين يا شيعة علي 🦋🦋
الروح خضره والعشگ ماليها
وحب ابو الزهره الي تغلغل بيها
الروح خضره وبالعشك مليانه
بحبك رسول الله غدت فرحانه
هيمانه في عشك النبي هيمانه
تزهي وغرام المصطفى محليها
الروح خضره والعشگ ماليها
وحب ابو الزهره الي تغلغل بيها
عشك الرسول البل عجل ينصابي
يامن عسى بجاه النبي لا طابي
خاب الي ما يعشك محمد خابي
تايه حياته وبالشگه مكضيها
الروح خضره والعشگ ماليها
وحب ابو الزهره الي تغلغل بيها
حب النبي مو أي گلب يرهمله
الا الدليل المسعد ويفهمله
خالي الهوه شما تحجي وترجمله
ما يفهم دروب الهوه وطاريها
الروح خضره والعشگ ماليها
وحب ابو الزهره الي تغلغل بيها
يلي تغنيت بسعاد وليله
وأهم سعادك سالفه بتعليله
حب النبي مو اي دليل يشيله
اتركنا من ليله وسعاد انسيها
الروح خضره والعشگ ماليها
وحب ابو الزهره الي تغلغل بيها
الحب إذا مو للرسول واله
ما يسوه فلسين ورخيص اجماله
هنياله اليحب النبي هنياله
ينول الشفاعه ويفرح بتاليها
الروح خضره والشعگ ماليها
وحب ابو الزهره الي تغلغل بيها
محله الغرام التشكي منه الناسي
كلمن حسب محبوبه مو مقياسي
الي حبيبه الهادي تاج راسي
فرحان دوم وعلته مشگيها
الروح خضره والعشگ ماليها
وحب ابو الزهره الي تغلغل بيها
ياربي لا تحرمنا عشك الماحي
واجعل محبته النه روح ارواحي
العمر فدوه للنبي لوراحي
والروح لوراحت فدا الغاليها
الروح خضره والعشگ ماليها
وحب ابو الزهره الي تغلغل بيها
مسكين ذاك الما يحن گليبه
ولا جت على بالو ملامح طيبه
باطل عليه لحد يعبت العيبه
ما فهم معنه الحياه وبيها
يالي جروحك تالي ليلك صاحن
اذكر محمد لو ردت يرتاحن
نسمات ابو القاسم شفا لو فاحن
والعله بس ذكر النبي يشفيها
الروح خضره والعشگ ماليها
وحب ابو الزهره الي تغلغل بيها
الف الصلاه عالنورو أطفا الناري
احمد حبيب الواحد الجباري
الروح خضره والعشگ ماليها
وحب ابو الزهره الي تغلغل بيها
عشك الرسول الي بالعجل ينصابي
يامن عسى بجاه النبي لا طابي
خابي الما يعشك محمد خابي
تايه حياته وبالشكه مكضيها
ليش هلوادم صارت علينه
بجانب الضالم صارت علينه
همه كالولك كوم يبن امي يامضلوم
ليش هلوادم صارت علينه
زينب تشاهد خطر ما يخدم اهلهه
بالامل جانت تعيش انهدم هليله املهه
والمسيره راقبتهه زينب بواسع عقلهه
بالبدايه طلب من الناس تهوه حسين كلهه
شلون ابتدل هذا الطلب والرايد حسين انسحب
وين الذي بيده كتب وين هناس ورسلهه
وين بيعتهه والعهد وينه
وين رغبتهه والعهد وينه
موكالت احنه أنصار بالشدد والاخطار
ليش هلوادم صارت علينه .....
زينب تراقب الحاله من اجاهه خبر مسلم
بعد حسن الضن يجول برايهه وللامل ترسم
حتى من گالو حسين بكربلا ينزل يخيم
مارضو يدخل الكوفه والامل بعده ينسم
جانت تفكر بالأمر وتتأمل طروش النصر
وشوكت حست بالغدر من اجتي الناس تنقم
صاحت انگلبت ونغدر بينه
الوادم نسحبت ونغدر بينه
ختلف يبن امي الراي ولزمت علينه الماي
ليش هلوادم صارت علينه ......
هم بعد ضل امل عدهه الگوم اجت تدوي بغضبهه
لامروه ولا ضمير وجنهه ماودت كتبهه
من امس لزمت الماي وخلت العيله بلهبهه
و رادت بهليله تهجم ع الخيم تعلن حربهه
زينب لخوهه تعنته وعن العواقب نشدته
بيا حال زينب نادته. نادته بحسره گلبهه
كعدت كباله وعينهه بعينه
تنضر لحاله وعينهه بعينه
هاي أخته تخاف علي وكعدت يمهه تحاجي
ليش هلوادم صارت علينه. ....
تكله يبن امي سمعتك تحجي وتخاطب الوادم
امهلوني لعد وجه الصبح وانسل الصوارم
خويه وتكلي بخيمكم ضيف هليله الهواشم
وهاي الاطفال التضل وهاي يبن امي الفواطم
شنهو مصير العايله بلا أهل تبقه بكربلا
خوف وضمه تتحمله وتصبح بوليه الضالم
ابد مايرحم حين يولينه
يوج المخيم حين يولينه
جن وآله عيال حسين ولايعرفونه منين
ليش هلوادم صارت علينه ......
حسين كام يوصي زينب وسولفلهه بالمصايب
بأجر يكلهه يزينب جثث نصبح بالحرايب
والأطفال تضل يتامه وانتن تضلن غرايب
الدنيا هاي الدنيا للأحرار أتعاب ونوايب
مادام مانعبد بشر نتحمل شيملي القدر
نتحدى صدمات الدهر نموت احرار واطايب
ولا لذلتنه نمد ايادينه
سيف عزتنه نمد ايادينه
أحنه منصير اذناب نعرف شنهو الاسباب
ليش هلوادم صارت علينه .....
الناس يازينب عبيد الدنيا ويه الطمع تفتر
واحنه احرار انولدنه من علي الكرار حيدر
ما اعيش على الخضوع الموت على العز طعم أثمر
طول المعركه الخطره راح اقدم ابني الأكبر
بأجر اشوفه على الثره جثته كبالي مطبره
كل جرح سم يصوره يكوم بالاقطار يزأر
مشعل الثوره ينور بيمنيه
مشعل الفكره ينور بيمينه
وخلي التاريخ يصيح ويوضع بالتصريح
ليش هلوادم صارت علينه ....
هاي يا زينب الاخوه ضيوف عندج صوريهه
طيلي يازينب الشوفه بهلوجوه وودعيهه
بأجر بدمهه تغيب وروسهه متضل عليهه
بأجر المعركه تصير وجثث هلشبان بيهه
جسام بأجر شمعته تنطفي وتلتف حوفته
وبحوفته تضل حنته جفوفه بالدم يحنيهه
بهامته الطبره من تشوفيهه
توجه النضره من تشوفيهه
لسان للثوره يصير تنعرف بالتعبير
ليش هلوادم صارت علينه ....
من المهد جبتي رضيعي كبالي وبجبدته اللهبه
هذا بأجر أضحي ولا يصح ماي اليشربه
بأجر النبله تفطمه يموت ضامي بعطش كلبه
تضحيه لوجه العداله طفلي يازينب احسبهه
بدم الأنصار أهل العدل بدم اخوتي أهل الفعل
بدم فتيتي بدم الطفل هذا تاريخي اكتبهه
نأرخه بدمنه وهوه يروينه
بدمنه شرسمنه هوه يروينه
للأمم بالاقطار واتبين الاسرار
ليش هلوادم صارت علينه ....
قرائة الخالد عبد الرضا الرادود
للشاعر الخالد عبد الحسين ابو شبع
السلامُ عليكم ...
أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الأحد هو المكمّل لشهر رجب ، ويوم الإثنين الموافق (١٢ /٢ / ٢٠٢٤ م) هو الأول من شهر شعبان المعظّم لعام ١٤٤٥هـ ، و نسألكم الدعاء.
مولاتي العليله
لملمت هدمي وكلت عود وياهم
ماريد ناكه اتماشه وي ممشاهم
*
فرحانه اروحن وي هلي والفرحه ترس عيوني
ولليل مانمته ابد سهرانه وي ضنوني
لميت هدمي للسفر بس تالي ماحسبوني
كوطر ضعنهم بالحمل وبالبيت شو خلوني
طر الفجر والضعن حمل بيهم
محد ذكرني واني كلبي عليهم
*
جابو هوادج بالفجر وتخيلت الخياله
صعدن خواتي بالركب وانه بخطى ادناله
شيصير لو وحده الي يجبون ناكه جماله
جا هو ليفارك اهل بس الله يدري بحاله
انا وحسرتي ودمعي ضل اليربي
بس على ابوي حسين ينغز كلبي
*
ايدي عالخدي من مشو بالأيد مامش حيله
وركضت ليه بهمتي كتله انا موش عليله
وياك اروح بسفرتك ودري بسفرته طويله
تخيل مهرته ومن رحل جلبت بيه وبخيله
كضيت بالجام الفرس وردانه
كلالي ماترحين انتي ويانه
***
جلجل الليل بوحشته ضلمه وخليه ادياره
وهنانه صلى هنا كعد ابجي وشم بكتاره
مهمومه موتني الحزن والدمع بس يتجاره
امنيتي لو وي الهوى وسمع سمع بخباره
بعيوني ضلت صورته مرسومه
طلعت هدمه وكمت اشم بهدومه
***
علي غسان المياحي
كلبي ابمولد حسيني فرح بي
يروحي ابجيت الغالي فرح بي
شفت حبك يبو اليمه فرح بي
السعاده من يمر اسمك عليه
.🌷
علاقه وياك من زغري بده يتان
وكلبي الجيت اعيادك بده يتان
اليالي الفرح هل الليله بده يتان
و يعم الفرح كل هاي البريه
🌷
اول ما بده عمري بده وياي
حبك والعرب حارت بده وباي
الصعبه ومن اطبنها بيده وياي
وسده يصير الي بالموزميه
🌷
نور الله وجلاله 15 من انولد
ضوه شعبان بحضوره المعتمد
تنتضر كل هاي البريه و للابد
اليوم هذا اجمل اعيادي المايعد
والدنيه بعيدك فرحانه
🌷
حسن صالح العيساوي
مولود للعباس عليه السلام
🎈🎈🎈🎈
فارسنه ياجيدوم
هلهوله للعباس
كمرنا بان اليوم
هلهوله للعباس
ريت الافراح اتدوم
هلهوله للعباس
هلهوله للعباس . هلهوله للعباس
🎊🎊🎊🎊
كلك وفه واحساس . هلهوله للعباس
للمرجله مقياس . هلهوله للعباس
وللغيره والنوماس . هلهوله للعباس
هلهوله للعباس . هلهوله للعباس
🎊🎊🎊🎊
جاب الافراح وياه .
هلهوله للعباس
رب العلا حياه .
هلهوله للعباس
ولكربلا ردناه .
هلهوله للعباس
للمعظله نرجاه .
هلهوله للعباس
هلهوله للعباس . هلهوله للعباس
🎊🎊🎊🎊
اذراع الو السجاد . هلهوله للعباس
اعلومه تسر لفاد . هلهوله للعباس
وريت الفرح ينعاد . هلهوله للعباس
ونهني الاسياد . هلهوله للعباس
هلهوله للعباس هلهوله للعباس
🎊🎊🎊🎊
بدر البدور ينور . هلهوله للعباس
كافل نسا وخدور . هلهوله للعباس
ريت لضريحه نزور . هلهوله للعباس
وبدربه طش ازهور . هلهوله للعباس
هلهوله للعباس . هلهوله للعباس
🎊🎊🎊🎊
يابو الوفه والجود . هلهوله للعباس
مثلك فلا موجود . هلهوله للعباس
حامي خدر وحدود . هلهوله للعباس
بلمعركه مريود . هلهوله للعباس
هلهوله للعباس . هلهوله للعباس
🎊🎊🎊🎊
ياحامي الثايات . هلهوله للعباس
ياحارس الخيمات . هلهوله للعباس
يارافع الرايات . هلهوله للعباس
من فدوه للريشات . هلهوله للعباس
هلهوله للعباس . هلهوله للعباس
🎊🎊🎊🎊
بن داحي البيبان . هلهوله للعباس
وبكربلا نيشان . هلهوله للعباس
يمجندل الشجعان . هلهوله للعباس
يمطيب الوجعان . هلهوله للعباس
هلهوله للعباس . هلهوله للعباس
🎈🎈🎈🎈
خادمة ال البيت الحجيه ام علي البصره
.بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين يا شيعة علي
﴿يازينب مبارك﴾
يازينـب مـبارك. ......صار الكمـرصار
والـيلـة نتــبارك ......صار الكـمرصار
_____
الكـون بتشر. مـن الكمر
ضوءه المـدينه
أجـمل خـبر هذا نتشر
نـازل علــيـنه
يامـحله هل اليلـة. شفنه الكمر نازل
بحظن الطهر شفنه. شفنه البدر كامل
بالفرحه نتشارك.........وي بيت الاطهار
يازينـب مبــارك..........صار الكـمر صـار
__؟
نهني الولي. .حيدر علي
بـطور السعاده
ميت هلا. نبارك إله.
بهــاي الولاده
ياحـيــدر مـبـارك والشيعه مسروره
أجمل كمر شافت. يا محله هل صوره
يافرحت الديره..........حــيدر يكــرار
يازيــنب مـبارك.........صار الكـمر صار
__؟
بدر السمه. بهذا المسه.
يـترك مجانه
وبكل خجل. .حتماً نزل
عايف سمانه
بدر السـمه نازل بدرك علي ساطع
واليلـة ضاوينـه وأجمـل بدر طالع
والفرحه يم دارك........دار الفــرح دار
يازيــنب مـبارك......... صار الكمر صار
____؟
نشعل شمع ننسه الدمع..
نكتب عبارات
بهذء المهـد أجمـل ولد
صحنه صلوات
نكتب شـعر نكتب. خل تسمع الناس
ونـادي هــل الـيلـة. ياحيـوه عباس
حي الله حي الله........نور الكــمر نار
يازينــب مــبارك..........صـار الكمر صار
__؟
الدنيـه زهـرت. .حـور نثرت
أجمـل ورد ياس
كلـها حجت. .وتبـاركت
يـاهــلا بعباس
والكمره هل اليل. بيها الضوءه كامل
لا لا تظـل حاير. جا غير أبو فاظـل
شعشع ضوء الغيره.......وبكل كتر سار
يازينــب مــبــارك.........صار الكمر صار
__؟
كلمات
الخادم
مرتضى مكطوف.
ولادة ابا الفضل العباس. ع. ❤
جديد.. 1445. هج. 2024. 💚
------------------
حلوه الليله الأجواء
ولادة سيد الماء
ابوفاضل حبيبي " ابوفاضل حبيبي
-----------------------
عشك لا صاير وداير
نهر ميوصفه الشاعر
شريد اكتب أنه حاير
قوافي الشعر احساس
ضوه وبكربله اعيونه
لذالك اني مجنونه
اخو زينب يوصفونه
فصيلة دمي عباس
ابوفاضل حبيبي " ابوفاضل حبيبي
------------------------
شعبان الفرح ناده
مولد سيد الساده
الف مبروك ميلاده
كمر من الهواشم
كلها تنادي ويانه
هلا بعباس مولانه
نجوم السمه فرحانه
امير الخيم قادم
ابوفاضل حبيبي " ابوفاضل حبيبي
-------------------------
يوم الرابع أصياره
صارت شمعة انواره
أجمل واحله أبشاره
فرحانه الموالين
ميلاد الكمر غالي
كوكب بالسمه يلالي
ضي الكون بهلالي
هذا اعضيد الحسين
ابو فاضل حبيبي " ابوفاضل حبيبي
-------------------------
تصيح الليله أنفاسي
الف أهلآ يعباسي
حروفه نبضة احساسي
تكتب احله كافل
كل الخير يم بابه
دخيل العطر بترابه
بجفوفه شايل احبابه
دخيله ابوفاضل
ابوفاضل حبيبي " ابوفاضل حبيبي
--------------------------
حقي من أعشكنه
هيهات أبتعد عنه
كل خيري أنه منه
شكرآ عله النعمه
من جوده ترس عيني
كل ايامي وسنيني
شما اطلب وينطيني
اعشك طاري أسمه
ابوفاضل حبيبي " ابوفاضل حبيبي
-------------------------
الخادم _ ابو فدك الشامي ✍✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين
🔹من أعمال شهر شعبان:
الإكثار في هذا الشهر من الصلاة على محمد وآله الطاهرين
اللهم صَلِّ عَلى محمّد وآل محمّد وعجّل فرجَهُم.
صوت من الكَلب صاح
أهلا شهـــــر الأفـــراح
ــــــــــــــــــــــــــــــــــــــــــ
هل شهر الفرح واعياد أئمتنه
عند الله اشكبرها هايه لمتنه
خل نفرح وخلها تدوم بسمتنه
لاهل البيت ماتنوصف فرحتنه
شهر ايداوي الاجراح
اهلا شهر الافـــــــراح
ــــــــــــــــــــــــــــــــــــــــــ
بحسين الولي اول فرح يبدي
ويوم اخمسطعش نختمها بالمهدي
من الذر عشكَت احسين وبمهدي
وبالمحشر اهناكه غيره ماعندي
وجه ابن النبي لاح
اهلا شهر الافـــراح
ـــــــــــــــــــــــــــــــــــــــــــــــــ
رابع يوم مولد صاحب النخوة
من مهده نشمـــــه عطر المروة
ربّـــا حيدرة عالوفه و الخـــوة
الماصدكَ يشوفه بكربله شسوه
عطر المرجلة فاح
اهلا شهر الافراح
ــــــــــــــــــــــــــــــــــــــــــ
مزدهرة ومضيئة الدنيه ومنوره
للسجاد هالليلة صفت كَمره
احله من الكَمر واجمل عطر عطره
يافرحة حسين ابثالث العترة
هالليلة الحزن راح
اهلا شهر الافراح
ــــــــــــــــــــــــــــــــــــــــــ
بوجه حسين من اشرق علي الاكبر
كل الكون من شبه النبي اتنور
بليلة مولده كربلا تتبشر
وجه المصطفى بشوفته نتذكر
حسنه ياخذ ارواح
اهلا شهر الافراح
ــــــــــــــــــــــــــــــــــــــــــ
من اشرق المهدي وعالارض بّين
نجمات السماء ابجيته فرحن
اول فرحة والله بهالخبر اعلن
افراح المحب من يضهر يكملن
جبريل اله مداح
اهلا شهر الافراح
ــــــــــــــــــــــــــــــــــــــــــ
حسن بشير السوداني
مقدمة ولائية لشهر شعبان
****
شهر شعبان هل نوره
علينه وفاحت ازهوره
*
شهر فرحة نبي الأسلام
شهر بيه مولد الأعلام
نسل مَن حطّم الأصنان
خل نفرح فرح صيّام
هل اعليهه يوم العيد
اذنوب العدهه مغفورة
*
نعيش بفرحة الزهره
بمولد والد العترة
وكفيل الطاهرة الحرة
أحمل يا محب زهرة
وقدّمهه الشهر شعبان
بنفس بايّمه مسرورة
*
وبعد بيه تنولد أقمار
من حيدر علي الكرار
الساجد شبل ابو الأحرار
وشبيه المصطفى المختار
سلالة والنعم منهه
همّه الهالنهج سوره
*
ويوم اخمسطعش فرحة
الموالي يلتحم جرحه
ميلاد الولي بصبحه
الحق بيه يرتفع صرحه
خاتم عترة الرحمن
مقامه بكربله انزوره
**
نتنطّر خبر عاجل
من رب العلا نازل
ظهَر مولاكم العادل
مسير المصطفى ايواصل
نسمعه بصوت جبرائيل
خبر بالصوت والصورة
**
ألشاعر قاسم المندلاوي
مقدمة ولائية لشهر شعبان
****
شهر شعبان هل نوره
علينه وفاحت ازهوره
*
شهر فرحة نبي الأسلام
شهر بيه مولد الأعلام
نسل مَن حطّم الأصنان
خل نفرح فرح صيّام
هل اعليهه يوم العيد
اذنوب العدهه مغفورة
*
نعيش بفرحة الزهره
بمولد والد العترة
وكفيل الطاهرة الحرة
أحمل يا محب زهرة
وقدّمهه الشهر شعبان
بنفس بايّمه مسرورة
*
وبعد بيه تنولد أقمار
من حيدر علي الكرار
الساجد شبل ابو الأحرار
وشبيه المصطفى المختار
سلالة والنعم منهه
همّه الهالنهج سوره
*
ويوم اخمسطعش فرحة
الموالي يلتحم جرحه
ميلاد الولي بصبحه
الحق بيه يرتفع صرحه
خاتم عترة الرحمن
مقامه بكربله انزوره
**
نتنطّر خبر عاجل
من رب العلا نازل
ظهَر مولاكم العادل
مسير المصطفى ايواصل
نسمعه بصوت جبرائيل
خبر بالصوت والصورة
**
ألشاعر قاسم المندلاوي✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين يا شيعة علي 🦋
ازهيري🌷
غلطان كـلـمـن يـضـن ذِكـر الـگـمـر من دمه
نـدري الـبـرزلـه نـدم بـس مـا نـفـع من دمه
عباس يـوم ارتـجـل خـط الـمـجـد من دمه
مـو مـاي چـف الـگـمـر چـانـت دمه بخته
والـخـلـص ابـرگـبـتـه هـذا اشـكـبـر بخته
مـتيـقـن بــكــربـلــه قـسـمـوا عَـلـي بخته
چا خله سيفه وعلي يگطر يضل من دم
*------------------------*-------------------*
✍خادم العباس ع
الشاعر رعد الجريخي
شـعبان شـعـبان مـااجمل ايـامه
افـراح افـراح وتـرفـرف اعلامه
اهـل السمـه واهـل الارض فرحانه
والشـمـس غــنــت والـگـمـر ويانه
ليـلـة فــرح خـل الـحــزن ينسـانه
مـولـد حـبـيـب المصطفى مـولانه
بحسين بحسين دين الله واسلامه
شـعـبان شـعـبان مـااجـمـل ايـامـه
اليوم المحب ينسه التعب وجروحه
عـالي وابـد چـف الحـزن مـتلـوحـه
وي الطـيور اتـهـيـم بـالـحب روحـه
وتـسـمع الـكـلمـه مسنعه ومملوحـه
مـسرور مـسرور ومـحـقق احـلامه
شـعـبان شـعـبان مـااجـمـل ايـامـه
اجـمـل فـرح روح المـوالي اتشوفـه
هـب النـسيم انـغام محله احـروفـه
الـبـحـر غـنـت لبـو اليـمـه جـروفـه
كـل الامــلاك اللـيله هـاي اتـطوفـه
مبـروك مبـروك صوت الـوفه انغامه
شـعـبان شـعـبان مـااجـمـل ايـامـه
اليـوم الـفـرح وي الـفـرح يـتـلاگـه
والـشـيـعــه اول للــفــرح سـبـاگـه
الشـوگ غـنه ومن يوصف اشواگه
الــورد طـير السـعـد فـوگ اوراگـه
عـالناس عـالناس ربـنه الفرح دامـه
شـعـبان شـعـبان مـااجـمـل ايـامـه
هـاني ناصر السعيدي
انفــاس الحـسين .. عباس ابو فاضل
احساس الحسين .. عباس ابو فاضل
صـــل الله علـــى .. عباس ابو فاضل
-----
كفيــل العيله .. اليــرد العـيله
اليغث الكافل .. الــف يـاويله
كلف ومـعتب .. شجاع مرتب
بحربهم فنـه .. العلـيه يتغلب
امير الكلـمه .. سراج الخدمه
نحـبه وفدوه .. نروح الاسمه
احچايات الحسين .. عباس ابو فاضل
بسـمـات الحــسين .. عباس ابو فاضل
صــــل الله عـلــى .. عباس ابو فاضل
--------
جميل افــضاله .. العقل ماشاله
صفاته الجــمه .. سبـــت عذاله
امــام الغــيره .. صـعب تفسيره
اليريد ايفسره .. يضــل ابحيره
خفيَ الطافه .. عظيمه اوصافه
حسين والله .. فقـــط بشـفافه
اسرار الحسين .. عباس ابو فاضل
اسوار الحسين .. عباس ابو فاضل
صـل الله على .. عباس ابو فاضل
--------
دروس وعــبـره .. كفيل الحره
وكفالة زيــنـب .. خزانة صدره
شـهم ومعتـبر .. عليه من يگدر
النظر خـزراته .. احسبه اتبسمر
حربهم عيـده .. اليريده ايريده
شوكت ميعجبه .. يفرها ابايده
غضبات الحسين .. عباس ابو فاضل
صولات الحسين .. عباس ابو فاضل
صـــل الله عــلى .. عباس ابو فاضل
---------
ولـي النعمه .. الحسين بدمه
تره متوهم .. اليريد ايحجمه
چبير ابزوده .. وفـه بعــهوده
اليدور شاهد .. الدليل ازنوده
نبـــع حنيــه .. يفيــض ابميه
الفرات اكباله .. يـصير اشويه
اسباب الحسين .. عباس ابو فاضل
ابواب الحـسين .. عباس ابو فاضل
صل الله عــلى .. عباس ابو فاضل
--------
كريم بنــــفسه .. يحَـــــيـــر درسه
الحسين بكبره .. وعظمته ايقدسه
نعـــم بس هوه .. يفــــوح امــروه
لــــذلك اصــــبح .. عطــــر للخـوه
الطــفوف الشاهد .. بدمـائه معاهد
لـــذا من عنده .. انخلق بس واحد
نـظرات الحسين .. عباس ابو فاضل
همسات الحسين .. عباس ابو فاضل
صــل الله عــلى .. عباس ابو فاضل
------
النهر وجـروفه .. حچه بمعروفه
الفرات ومايه .. ســجد لچفـوفه
ابد منـــجامل .. نــعم يــستاهل
الحسين يقبــله .. جـبين الكافل
عطـــف يتبده .. عــذب وموده
المحيط بكبره .. يتيـــه ابخـده
رواي الحسـين .. عباس ابو فاضل
ياماي الحسين .. عباس ابو فاضل
صل الله علـى .. عباس ابو فاضل
--------
حيدر تركي الكربلائي
افرح بالأشياء الصغيرة الايجابية التي تحدث في يومك، وكن على ثقة بأن آلاف الناس يتمنون ماتملك، كن سعيدًا بما لدي
Читать полностью…
بالف يا علي من اكعد وناماي
وادري الضعن مايرجع وناماي
امهات الناس وياها وانه امي
اخذها الموت غفله من اديه
.
حسن صالح العيساوي
مولد الامام الحسين ع
يالتتـبده حنيه .. ويالكـلك انسانيه
احبك يا ابو ارقيه
احبك ياحسين
------
يأعذب كلمه .. وامام الرحمه .. محبتك نعمه
ابا عبدالله
يـكل امــالـي .. يــدگ دلالي .. حسين الغالي
ابا عبدالله
دنــيايــه انــته والله لـو مابــيها
بحــفنة تراب الدنيــه ما اشريها
وچيه انته بيها انه اموت اعليها
شحچي والحچي اشويه .. يالكــــلك انـــسانيه
احبك يا ابو ارقيه
احبك ياحسين
------
يــمالـك ذاتـي .. ويكـــل كلــماتي .. الـك صفــناتي
ابا عبد الله
عشت مفتونك .. وصرت مجنونك .. وحق اعيونك
ابا عبد الله
وي العـوابس ســيدي خلـيني
ومن هالجنون البيه لتشافيني
لامومهـم النــاس شتســـميني
كفايه تقبل اعليه .. يالكلـك انســانيه
احبك يا ابو ارقيه
احبك ياحسين
--------
يالمــغذيني .. ويالمــرويني .. شكثر منطيني
ابا عبد الله
تگلي تامــر .. وانا المو شاكر .. عطائك وافر
ابا عبد الله
خيرك ترسني امن الجدم حد راسي
شكرا حســين بگــد عـــدد انفــاسي
الــهـــذا جميـــلك والله لامانـــاسي
احچي اوياك ليليه .. يالــكلك انسـانيه
احبك يا ابو ارقيه
احبك ياحسين
-------
الهـــدالك قـُبله .. اعله بـــاب القبله .. اكـيـد اتقبله
ابا عبد الله
ردت بس نظره.. عليك الزهره .. امن اطب للحظره
ابا عبد الله
انتــه التخلـــي كــربلـه بعــــيونه
اهل الارض واهل السمه يغبطونه
خيعونه التحبـه صـدگ خيعـــونه
ارزقني بهاي يوميه .. يالكـــلك انــسـانيه
احبك يا ابو ارقيه
احبك ياحسين
------
يكــــل ايـامي .. ويكـــل احـلامي .. تظــــل گدامي
ابا عبد الله
بصحوتي ونومي .. بصلاتي وصومي .. اردد دومي
ابا عبد الله
يا احله كلمه المايملها الساني
يا واحــد ابدلالي مالــك ثاني
غيرك اذا مر اسمه اسد اذاني
احچايه وماهي سريه .. يالـــكــلك انــســـانه
احبك يا ابو ارقيه
احبك ياحسين
--------
حيدر تركي الكربلائي
🌺طلب من أحد خدام الحسين🌺
📝قصيدة: زينب يا غريبة
✍الشاعر: المرحوم الشيخ عبدالحسين ابو شبع
🎙الرادود: المرحوم الملا عبدالرضا النجفي
زيـنـب يـا غـريـبة ... الله اشــمـصـيـبـة
وجـهـك يا زينب وين ... مـذبـوح اخوك احسين
و الـجـثـة سـلـيبة ... الله اشــمـصـيـبـة
🔴🔴🔴🔴🔴
آه يـا زيـنـب اشصار ... ابـحـالك امن الغاضرية
اشـلون ليلة أمس مرت ... و الـنـهـار و هالمسية
أمـس قـضـيـتي الليل ... اوداع وي أهـل الـحمية
ابـسهر عين ابظمه ابخوف ... اشـبـح مـن وجه المنية
لـلـعـايـلـة الـمتألمة ... الأطفال تصرخ من الظمه
لـبـن أمـك او لمخيمه ... ابـيـن تـوديع او وصيه
جـفـن عـايـف منامه ... بـوداع الـنـشـامـه
و تـسـكـتـين أطفال ... و تـودعـيـن أبـطال
بـهـا الـلـيلة الرهيبة ... الله اشــمـصـيـبـة
🔴🔴🔴🔴🔴
خـلـص يا زينب الليل ... الـبـيـه توديع الأطايب
و الـصـبـح بيّن عليك ... او بـيـنّت بيه المصايب
اتـبـدل نور الصبح نار ... الـنـار صارت بالحرايب
او غاب عنك قمر هاشم ... ويـن فـوق النهر غايب
دارت الـحـومة بالحومة ... ابـكـف المنية او القدر
او لن الأهل سبعة او عشر ... انجوم عالغبره او كواكب
و تـغـيـب ضـواهـا ... الـبـدور ابـدمـاهـا
و بـهـاي الـمـيـادين ... بـعـيـونـك تشوفين
أبـدان الـشـبـيـبـة ... الله اشــمـصـيـبـة
🔴🔴🔴🔴🔴
اخـوتـج نـزلت الحومة ... و الـقـدر ما قال تسلم
اربـعـة مـن ام الـبنين ... بـها الحرب سبّحهم الدم
قـمـر هاشم اخذ جوده ... او قـال أرجـع لـلخيم
و الـقـدر قلك اجفوفه ... اتـقطعن او راسه متهشم
و الـسـهم يا زينب وقع ... ابـعينه و أبو اليمه انصدع
ابـرايته او جوده ما رجع ... عـالـنـهر جسمه تخذم
مـا ظـلـت الـرايـة ... (طـاحـت و الـرواية )
لـمـن راح بـالـجـود ... قـال الـقـدر مـيعود
مـا ظـلـت كـتـيبه ... الله اشــمـصـيـبـة
🔴🔴🔴🔴🔴
شـفـتي من ودّع احسين ... الأكـبـر او يرهب المنظر
اوداع ابـو الأبنه او راح ... الابـن لـلحومة او شمر
او شفتي من احسين جابه ... لـلـخـيم جسمه اموذر
هـذا أول جـرح صـار ... ابـقـلبك المفجوع يسعر
و اجـروح عقبه اتكاثرت ... امـن ابدان طيبه اتوذرت
مـثـل النجوم اتكورت ... عـالـوطيه اشبول حيدر
او شـفتي جسام الشباب ... اتـحـنـه يا زينب بدمه
اشـلون يا زينب اسكينه ... تـلـقته امن ايد ابو اليمه
شـنـهـو ذنبه جان هذا ... الـطـفل و النبله تفطمه
شـفـتي مثل هذا الطفل ... يـمـك انـقـتلوا بالنبل
اطـفـال ابن امك جتل ... قـضوا من حرقوا اخيمه
او شـفـتـي المهر بالدم ... مـن رد لـلـخـيـم
لـفـاك السرج مقلوب ... قـلـتي احسين مصيوب
او لـن جـثـته خضيبه ... الله اشــمـصـيـبـة
🔴🔴🔴🔴🔴
و انـقـضه اعليك النهار ... اعـلى هالحالة يبنت حيدر
لا رجـال و لا خـيـام ... او لا خدر ربي تظل خّدر
هـذا يـا زيـنب الليل ... او عـايلة امطشرة ابها البر
و انـتي مهضومة او غريبة ... و الـتـعـب عالحال أثّر
او تـرديـن لـم الـعايلة ... ضـاعـت ابوادي كربله
ويـن الابـو عـقد الوله ... ابـمثل هاي الشدة يحضر
صـيـحـي شوف حالي ... مـا ظـل عـندي والي
حـيـدر حـشـمي بيه ... صـوتـك خل يصل ليه
هـالـصـوت الـيجيبه ... الله اشــمـصـيـبـة
🔴🔴🔴🔴🔴
روحـي يا زينب افقدي ... الـعـايـلة و اطفال لمي
صيحي وين القى الاطفال ... طـشـروهـا يا بن امي
يـا هـو خـليتوا لختكم ... هـذا بـس وجعان يمي
اشـتـلقين يا زينب بعد ... لا طـفـل ظل و لا مهد
ابـين القضه او بين الشرد
ويـن جـا ام الـرضيع ... الـلـيـلة قومي دوريها
بـالـمـعـارة يم طفلها ... رايـده اتـرضـعه بثديها
روحـي يا زينب او شوفي ... الـهـا او سـمعي حجيها
ضـمـت طفلها للصدر ... اتـحاجي او تبديله العذر
هـسـا غـده ثدي يدر
هـاي ام الـطفل تحجي ... اوي الرضيع اعلى هالجمرة
شـفـتـي يا زينب يتيمه ... اتحاجي ابوها فوق صدره
قـوم يـا بـويـة تقله ... و الأبـو مـقطوع نحره
قـوم اتـقـلـه اتسلبت ... بـويـه اتـقـله اتيتمت
🔴🔴🔴🔴🔴
زينب ياغريبة مكتوبة
زينب يا غريبه
زينب ياغريبه
منطقتنه
** السيد
هادي الموسوي الناصري
أحن المنطقتنه ولعب الزغار
واجي للدار واذكر بيه ابونه
واشوف باب اهلنه بوجهي مسدود
تره فراك الاهل ماعودونه
وادير العين وحشه كلهه البيوت
ولاجيران اهلنه اليصيحونه
بأهلي البيت ذاكَ عامر البيت
چان اشكبره بيه اخواني عونه
إوخيمة بيتنه ماهيه بالبيت
يزهي البيت بامي وحلو لونه
واشوفن ذكرياتي ابدار مهجور
اموت احيه الچنت آنه بدونه
وابچي إلكل زغرنه اوكل الاخوان
امن اصيحن آخ كلها تكول عونه
راحت منطقتنه وراحت الناس
وابوي ابمكبره انسدت عيونه
واذكر ضحكة امي وتطلع الروح
ولاخطار من بعدج يجونه
عدل باقي عدل بس ميت اشواك
الماتوا كلهم اهله إشيسمونه
#هادي_الموسوي